मराठा मोर्चाचे अॅप लॉँच

October 5, 2016, 2:30 pm

≫ Next: गडहिंग्लज, कुरूंदवाडनगराध्यक्षपद खुले

≪ Previous: काँग्रेसची गटबाजी भाजपच्या पथ्यावर

$

0

0

म. टा. प्रतिनिधी, कोल्हापूर

कोल्हापुरात होणाऱ्या मराठा क्रांती मुक मोर्चाच्या पार्श्वभूमीवर आज वॉर रुमचे उदघाटन व मोबाइल अॅप लाँच करण्यात आले. शिवाजी पेठेतील प्रधान कार्यालयात महिलांच्या हस्ते लाँचिंग करण्यात आले.

सोशल मीडियाच्या माध्यमातून मराठा समाज एकसंघ व्हावा, मोर्चा व मोर्चानंतरही समाजाची ताकत मोठ्या संख्येने दिसून यावी यासाठी एका व्यासपीठाची आवश्यकता होती. मराठा क्रांती मूक मोर्चा, कोल्हापूरच्या पार्श्वभूमीवर आपण ईक्सी-नाऊ (EXYnow) हे व्यासपीठ तयार केलेले आहे. या माध्यमातून मराठा क्रांतीमूक मोर्चा, कोल्हापूर चे अधिकृत अकाउंट ओपन केले आहे, अशी माहिती विनायक भोगण यांनी यावेळी दिली.

ईक्सी-नाऊ या अँपद्वारे सर्व मराठा समाजाला वेळोवेळी मोर्चाबाबतची अधिकृत माहिती पुरवली जाईल. अनेकांना अँपच्या माध्यमातून प्रधान कार्यालयाशी कनेक्ट राहता येईल. मोर्चाच्या दिवशी स्वयंसेवक म्हणून काम करणाऱ्या तरुण-तरुणींना हे अॅप प्राधान्याने डाउनलोड केल्यास त्यांना मोर्चासंबंधी सूचना, प्रशिक्षण याचीही माहिती दिली जाईल. प्रत्यक्ष मोर्चाच्या दिवशी वॉकी-टॉकीप्रमाणे या अॅपचा वापर केला जाणार आहे. त्यामुळे मोबाइल धारकांना, EXYnow हे अॅप डाउनलोड करण्याचे आवाहन मराठा क्रांती मोर्चा संयोजन समितीने केले आहे.

या अॅपची निर्मिती कोल्हापूरच्या विनायक भोगण (EXYnow Private Limited) यांनी केली आहे. या वेळी जयश्री चव्हाण, सविता पाटील, सुधा सरनाईक, सीमा सरनोबत, सुवर्णा मिठारी, चारुशीला पाटील, सुनंदा चव्हाण, लता जगताप यांच्यासह सुरेश पाटील, दिलीप पाटील, अजित राऊत, महेश जाधव, रविकिरण इंगवले, बाजीराव चव्हाण, फत्तेसिंह सावंत, चंद्रकांत पाटील, शाहू जाधव, रमेश पाटील, उत्तम कोरणे, उमेश पोवार, जयकुमार शिंदे, दिगंबर इंगवले, प्रकाश सरनाईक उपस्थित होते.

बाजार समितीचा पाठिंबा

कोल्हापूर जिल्हा शेती उत्पन्न बाजार समितीने मराठा क्रांती मूक मोर्चास जाहीर पाठिंबा दिला आहे. मोर्चा यशस्वी करावा, असे आवाहन बाजार समितीचे सभापती सर्जेराव ज्ञानू पाटील यांनी केले आहे.

मोबाइल अॅप डाउनलोड करा आणि राहा अपडेट

---

गडहिंग्लज, कुरूंदवाडनगराध्यक्षपद खुले

October 5, 2016, 2:30 pm

≫ Next: ‘सातवा वेतन आयोग लागू करा’

≪ Previous: मराठा मोर्चाचे अॅप लॉँच

$

0

0

म. टा. प्रतिनिधी, कोल्हापूर

जिल्ह्यातील नऊ नगरपालिकांपैकी गडहिंग्लज व कुरुंदवाड नगरपालिकांचे नगराध्यक्षपद खुल्या गटाकडे राहणार आहे. तर इतर सातपैकी चार नगरपालिकांचे नगराध्यक्षपद ओबीसीसाठी, दोन नगरपालिकांचे नगराध्यक्षपद ओबीसी महिला तर एका नगरपालिकेचे नगराध्यक्षपद अनुसूचित जातीच्या महिलेसाठी राखीव झाले आहे.

नगरपालिकांचे नगराध्यक्ष थेट जनतेमधून निवडण्यात येणार असल्याने बुधवारी झालेल्या आरक्षण सोडतीकडे सर्वांचे लक्ष लागले होते. नगराध्यक्षपदाची आरक्षण सोडत मुंबईत मंत्रालयात काढण्यात आली. त्याची माहिती त्या त्या नगरपालिकांच्या कार्यक्षेत्रात येताच इच्छुकांच्या समर्थकांच्यावतीने आनंदोत्सव साजरा करण्यात आला. मात्र मनासारखे आरक्षण नसल्याने काहीजण नाराज झाले.

यंदा प्रथमच नगराध्यक्षांची निवड थेट जनतेतून होणार आहे. त्यामुळे अनेक ​ठिकाणी इच्छुकांनी मोर्चेबांधणी चालवली होती. बुधवारी मंत्रालयात आरक्षणाची सोडत काढण्यात आली. त्यामध्ये जिल्ह्यातील नऊ नगरपालिकांच्या नगराध्यक्षांचे भवितव्य ठरवण्यात आले. त्यातून नऊपैकी केवळ दोनच नगरपालिकांचे नगराध्यक्षपद खुल्या गटासाठी राहिले आहे. यामध्ये गडहिंग्लज व कुरुंदवाड नगरपालिकांचा समावेश आहे. तर पेठवडगाव, मलकापूर, मुरगूड, इचलकरंजी या नगरपालिकांचे नगराध्यक्षपद ओबीसी प्रवर्गाकडे गेले आहे. अनुसूचित जातीच्या महिलेसाठी जयसिंगपूर नगरपालिकेचे नगराध्यक्ष राखीव राहिले आहे. ओबीसी महिलेसाठी पन्हाळा व कागल नगरपालिकेचे नगराध्यक्षपद राखीव आहे.

जनतेतून निवड होणार असल्याने ही निवडणूक चुरशीची होणार आहे. त्यामुळे या आरक्षण सोडतीकडे जिल्ह्याचे लक्ष लागले होते. अनेक ठिकाणच्या आरक्षणामुळे इच्छुकांच्या इच्छेवर पाणी फेरले आहे. आरक्षण स्पष्ट झाल्यानंतर आता उमेदवार स्पष्ट होतील. त्यानुसार निवडणुकांची तयारी केली जाणार असल्याचे चित्र आहे.

मोबाइल अॅप डाउनलोड करा आणि राहा अपडेट

‘सातवा वेतन आयोग लागू करा’

October 5, 2016, 2:30 pm

≫ Next: गडहिंग्लज, कुरुंदवाड नगराध्यक्षपद खुले

≪ Previous: गडहिंग्लज, कुरूंदवाडनगराध्यक्षपद खुले

$

0

0

म. टा. प्रतिनिधी, कोल्हापूर

‘सातव्या वेतन आयोगाची अंमलबजावणी तातडीने झाली पाहिजे, एपीआयसह शिक्षण व शिक्षक विरोधी धोरण रद्द करावे.’ या मागणीसाठी शिवाजी विद्यापीठ शिक्षक संघातर्फे विद्यापीठात निदर्शने करण्यात आली. कोल्हापूर, सांगली आणि सातारा जिल्ह्यातील २०० हून अ​धिक प्राध्यापकांनी आंदोलनात सहभाग घेतला. दीड तासहून अधिक वेळ विद्यापीठासमोर निदर्शने करण्यात आली.

प्राध्यापकांच्या विविध प्रलंबित मागण्यांच्या पूर्ततेसाठी आंदोलन पुकारण्यात आले होते. शिवाजी विद्यापीठ शिक्षक संघांचा विजय असो अशा घोषणा देत आंदोलनाला सुरुवात झाली. मागण्यांचे निवेदन बीसीयुडी डॉ. डी. आर. मोरे यांना सादर केले. सुटाचे अध्यक्ष प्रा. आर. एच. पाटील, प्रा. प्रकाश कुंभार, प्रा. ईला जोगी, प्रा. यू. ए. वाघमारे, प्रा. शंकर पवार यांच्या शिष्टमंडळाने डॉ. मोरे यांची भेट घेतली. आंदोलनात प्रा. आर. डी. ढमकले, प्रा. अनिल पाटील आदींचा समावेश होता.

मोबाइल अॅप डाउनलोड करा आणि राहा अपडेट

गडहिंग्लज, कुरुंदवाड नगराध्यक्षपद खुले

October 5, 2016, 2:30 pm

≫ Next: मराठा मोर्चाचा मार्ग ठरणार

≪ Previous: ‘सातवा वेतन आयोग लागू करा’

$

0

0

म. टा. प्रतिनिधी, कोल्हापूर

जिल्ह्यातील नऊ नगरपालिकांपैकी गडहिंग्लज व कुरुंदवाड नगरपालिकांचे नगराध्यक्षपद खुल्या गटाकडे राहणार आहे. तर इतर सातपैकी चार नगरपालिकांचे नगराध्यक्षपद ओबीसीसाठी, दोन नगरपालिकांचे नगराध्यक्षपद ओबीसी महिला तर एका नगरपालिकेचे नगराध्यक्षपद अनुसूचित जातीच्या महिलेसाठी राखीव झाले आहे.

नगरपालिकांचे नगराध्यक्ष थेट जनतेमधून निवडण्यात येणार असल्याने बुधवारी झालेल्या आरक्षण सोडतीकडे सर्वांचे लक्ष लागले होते. नगराध्यक्षपदाची आरक्षण सोडत मुंबईत मंत्रालयात काढण्यात आली. त्याची माहिती त्या त्या नगरपालिकांच्या कार्यक्षेत्रात येताच इच्छुकांच्या समर्थकांच्यावतीने आनंदोत्सव साजरा करण्यात आला. मात्र मनासारखे आरक्षण नसल्याने काहीजण नाराज झाले.

यंदा प्रथमच नगराध्यक्षांची निवड थेट जनतेतून होणार आहे. त्यामुळे अनेक ​ठिकाणी इच्छुकांनी मोर्चेबांधणी चालवली होती. बुधवारी मंत्रालयात आरक्षणाची सोडत काढण्यात आली. त्यामध्ये जिल्ह्यातील नऊ नगरपालिकांच्या नगराध्यक्षांचे भवितव्य ठरवण्यात आले. त्यातून नऊपैकी केवळ दोनच नगरपालिकांचे नगराध्यक्षपद खुल्या गटासाठी राहिले आहे. यामध्ये गडहिंग्लज व कुरुंदवाड नगरपालिकांचा समावेश आहे. तर पेठवडगाव, मलकापूर, मुरगूड, इचलकरंजी या नगरपालिकांचे नगराध्यक्षपद ओबीसी प्रवर्गाकडे गेले आहे. अनुसूचित जातीच्या महिलेसाठी जयसिंगपूर नगरपालिकेचे नगराध्यक्ष राखीव राहिले आहे. ओबीसी महिलेसाठी पन्हाळा व कागल नगरपालिकेचे नगराध्यक्षपद राखीव आहे.

जनतेतून निवड होणार असल्याने ही निवडणूक चुरशीची होणार आहे. त्यामुळे या आरक्षण सोडतीकडे जिल्ह्याचे लक्ष लागले होते. अनेक ठिकाणच्या आरक्षणामुळे इच्छुकांच्या इच्छेवर पाणी फेरले आहे. आरक्षण स्पष्ट झाल्यानंतर आता उमेदवार स्पष्ट होतील.

मोबाइल अॅप डाउनलोड करा आणि राहा अपडेट

मराठा मोर्चाचा मार्ग ठरणार

October 5, 2016, 2:30 pm

≫ Next: आज फुटणार कोहळा

≪ Previous: गडहिंग्लज, कुरुंदवाड नगराध्यक्षपद खुले

$

0

0

म. टा. प्रतिनिधी, कोल्हापूर

१५ ऑक्टोबरला शहरात निघणाऱ्या मराठा क्रांती मोर्चासाठी १५ लाखांहून अधिक लोक उपस्थित राहण्याची शक्यता आहे. एवढ्या मोठ्या संख्येने लोक शहरात येणार असल्याने कोणताही अनुचित प्रकार घडू नये, यासाठी सहा हजार पोलिस बंदोबस्तासाठी तैनात असणार आहेत.

गुरूवारी (ता. ६) विशेष पोलिस महानिरीक्षक विश्वास नांगरे-पाटील यांच्या कार्यालयात सकल मराठा संघटनांचे पदाधिकारी आणि पोलिस अधिकाऱ्यांची बैठक होणार आहे. या बैठकीत मोर्चाचे ठिकाण आणि मार्ग निश्चित होण्याची शक्यता आहे.

विविध मागण्यांसाठी कोल्हापुरात १५ ऑक्टोबरला सकल मराठा संघटनांचा क्रांती मोर्चा आयोजित केला आहे. गावागावांतून मोर्चासाठी वाढता प्रतिसाद मिळत आहे. त्याचबरोबर सीमाभागातूनही मोठ्या संख्येने लोक उपस्थित राहणार आहेत. शहरातील अरुंद रस्ते आणि मोर्चेकऱ्यांसाठी अपुरी जागा असल्याने पोलिस प्रशासनासह सकल मराठा संघटनांकडूनही नियोजनावर भर दिला जात आहे. बंदोबस्तासाठी सहा हजार पोलिस कर्मचारी रस्त्यावर तैनात असणार आहेत. यामध्ये ५०० पोलिस अधिकाऱ्यांचाही समावेश आहे. शिवाय राज्य राखीव दल, शीघ्र कृती दल, डॉग स्कॉड आणि बॉम्बशोध पथकही तैनात असणार आहे.

मोर्चाची संभाव्य ठिकाणे आणि मार्गांची पाहणी केल्यानंतर गुरूवारी आयजी ऑफिसमध्ये संयुक्त बैठक होणार आहे. दुपारी चार वाजता होणाऱ्या बैठकीत मोर्चाच्या नियोजनासंदर्भात महत्त्वाची चर्चा होणार आहे. शहरातील पार्किंगची ठिकाणे आणि मोर्चाचा मार्ग निश्चित होण्याची शक्यता आहे.

मोबाइल अॅप डाउनलोड करा आणि राहा अपडेट

आज फुटणार कोहळा

October 5, 2016, 2:30 pm

≫ Next: ऐन दिवाळीत होणार परीक्षा

≪ Previous: मराठा मोर्चाचा मार्ग ठरणार

$

0

0

म. टा. प्रतिनिधी, कोल्हापूर

शारदीय नवरात्रोत्सवातील महत्वाचा दिवस मानल्या जाणाऱ्या अंबाबाई त्र्यंबोली भेटीचा सोहळा आज गुरूवारी ललिता पंचमीच्या दिवशी होणार आहे. कोल्हासुराच्या वधाचे प्रतीक म्हणून कोहळा फोडण्याचा विधी त्र्यंबोली मंदिरात होणार असून या विधीची तयारी पूर्ण झाली आहे. दरम्यान सकाळी दहा वाजता अंबाबाईची पालखी गरूडमंडपातून रवाना होणार असून पालखीमार्गावर कमानी उभारण्यात आल्या आहेत. कोहळापंचमीनिमित्त त्र्यंबोली मंदिरावर विद्युत रोषणाई करण्यात आली असून या परिसरात जत्रा भरली आहे.

शारदीय नवरात्रोत्सवाच्या पाचव्या दिवशी बुधवारी करवीर निवासिनी श्री अंबाबाईची गरूडवाहिनी रूपात सालंकृत पूजा बांधण्यात आली. भवानी मंडपातील तुळजाभवानीची सिंहवाहिनी रूपात सालंकृत पूजा बांधण्यात आली. हेलिकॉप्टरच्या आकारात फुलांनी सजवण्यात आलेल्या पालखीतून अंबाबाईचा पालखीसोहळा रात्री साडेनऊ वाजता रंगला. बुधवारी दिवसभर भाविकांनी दर्शनासाठी गर्दी केली. मात्र सायंकाळी साडेसहानंतर गर्दीचा ओघ कमी झाला.

त्र्यंबोली भेटीसाठी पालखी सज्ज

गुरूवारी सकाळी फुलांनी सजवलेल्या पालखीतून अंबाबाईची उत्सवमूर्ती त्र्यंबोली भेटीला जाणार आहे. प्रथेप्रमाणे मंदिरातील गरूड मंडप येथून अंबाबाईची पालखी निघेल. शाहू मिल येथे पालखीचे पूजन होईल. त्यानंतर टाकाळा मार्गे पालखी त्र्यंबोली मंदिरात येईल. दुपारी बारा वाजता कुमारिकेच्या हस्ते कोहळा फोडण्याचा विधी होणार आहे. या सोहळ्याला त्र्यंबोल मंदिर परिसरात होणाऱ्या गर्दीवर नियंत्रण ठेवण्यासाठी बंदोबस्त असेल.

महालक्ष्मी अन्नछत्र ट्रस्टतर्फे मोफत बससेवा

नवरात्रोत्सवनिमित्त त्र्यंबोली यात्रेसाठ जाणाऱ्या भाविकांना महालक्ष्म अन्नछत्र सेवा ट्रस्टच्यावतीने मोफत बससेवेचे आयोजन करण्यात आले आहे. गुरूवारी सकाळी सहा ते रात्री दहा वाजेपर्यंत बिंदू चौक ते टेंबलाई मंदिर या मार्गावर ही बससेवा सुरू राहणार आहे. अष्टमी​​दिवशी जागरनिमित्त नगरप्रद​क्षिणा असल्यामुळे मंदिरात गर्दी वाढणार आहे. त्यामुळे रविवारी अष्टमीदिवशी मंदिरातील ​व्हीआयपी दर्शन मार्ग बंद ठेवण्यात येणार आहे. सध्या शनिमंदिराच्या बाजूला असलेल्या प्रवेशद्वारातून मंदिरात येणाऱ्या ​अतिमहत्त्वाच्या व्यक्तींना दर्शनासाठी सोडले जाते.

मोबाइल अॅप डाउनलोड करा आणि राहा अपडेट

ऐन दिवाळीत होणार परीक्षा

October 5, 2016, 2:30 pm

≫ Next: लाच घेतल्याप्रकरणी पाच वर्षे सक्तमजुरी

≪ Previous: आज फुटणार कोहळा

$

0

0

म. टा. प्रतिनिधी, कोल्हापूर

मार्च २०१६ पासून शिवाजी विद्यापीठाने परीक्षा पद्धतीसाठी वापरण्यात येत असलेली एसआरपीडी कार्यप्रणालीसाठी अनेक कॉलेजकडे साधनसामग्री नसल्याने तसेच पूर्नपरीक्षेमध्ये उत्तीर्ण झालेल्या विद्यार्थ्यांची अभ्यासक्रम पूर्ण न झाल्याने १४ ऑक्टोबरपासून सुरू होणाऱ्या परीक्षा दहा दिवसांनी पुढे नेल्या आहेत. सुधारीत वेळापत्राकनुसार २४ ऑक्टोबरपासून परीक्षांना सुरुवात होणार असल्याने परीक्षा विभागाच्यावतीने दिलेल्या प्रसिद्धी पत्रकात म्हंटले आहे. त्यामुळे ऐन दिवाळी सणाच्या काळात विद्यार्थ्यांना परीक्षेला सामोरे जावे लागणा आहे.

याबाबत पत्रकात म्हटले आहे की, ‘२०१२ पासून विद्यापीठाच्यावतीने काही अभ्यासक्रमासाठी एसआरपीडी कार्यप्रणाली लागू केली होती. कार्यप्रणाली कशी चालते, त्याचे फायदे पाहण्यासाठी विद्यापीठातंर्गत कॉलेजमध्या परीक्षा विभागाच्यावतीने कार्यशाळांचे आयोजन केले होते. त्यामुळे नवीन अभ्याक्रमानाही लागू केलेल्या एसआरपीडी प्रणाली माहिती देण्यात येणार होती. कार्यशाळेदरम्यान बी. कॉम व बी. एस्सी अभ्यासक्रमासाठी आवश्यक असणारी साधनसामग्री व मनुष्यबळ नसल्याने निदर्शनास आले होते. बारावीच्या घेतलेल्या पुनर्रपरीक्षेमध्ये उत्तीर्ण झालेल्या विद्यार्थ्यांना ३० सप्टेंबरपर्यंत प्रवेश दिले आहेत.

काही महाविद्यालयांमध्ये सरकारकडून प्राथमिक संलग्नीकरण प्राप्त झालेले नाही. त्यामुळे प्रवेश व परीक्षा अर्ज भरुन घेणे करीता कालावधी लागणार आहे. तसेच महाविद्यालये व विद्यापीठ पदव्युत्तर विभागाकडून पदव्युत्तर अभ्यासक्रमाच्या परीक्षा पुढे घेण्याची मागणी केली होती. तर बहुसंख्य विद्यार्थी ‘मराठा क्रांती मोर्चा’चा नियोजनामध्ये व्यस्थ आहेत. एसआरपीडीमधून वगळलेल्या अभ्यासक्रमाच्या पेपर छपाईसाठी वेळ लागणार आहे, त्यामुळे १४ ऑक्टोबरपासून सुरू होणाऱ्या परीक्षा २४ ऑक्टोबरपासून घेण्याचा निर्णय घेतला आहे.

मोबाइल अॅप डाउनलोड करा आणि राहा अपडेट

लाच घेतल्याप्रकरणी पाच वर्षे सक्तमजुरी

October 5, 2016, 2:30 pm

≫ Next: अल्पबचत अधिका‍ऱ्याला लाच घेताना अटक

≪ Previous: ऐन दिवाळीत होणार परीक्षा

$

0

0

म. टा. प्रतिनिधी, कोल्हापूर

राज्य उत्पादन शुल्क विभागाच्या कोल्हापूर कार्यालयातील अधीक्षक विजय पिराजी चिंचाळकर(वय ५०) याला पाच लाख रुपयांची लाच घेतल्याप्रकरणी रत्नागिरी जिल्हा न्यायालयाने दोषी ठरवले असून, पाच वर्षे सक्तमजुरी आणि दहा हजार रुपये दंडाची शिक्षा सुनावली. चिंचाळकरने २०१३ मध्ये रत्नागिरी येथे देशी दारू विक्रीचा परवाना पुनरूज्जीवित करण्यासाठी पाच लाखांची लाच स्वीकारली होती.

चिंचाळकर रत्नागिरी येथे कार्यरत असताना २०१३ मध्ये लाच प्रकरणात रंगेहात सापडला होता. देशी दारू विक्रीचा परवाना पुनरूज्जीवित करण्यासाठी त्याने तक्रारदाराकडून दहा लाखाच्या लाचेची मागणी केली होती. तडजोडीनंतर पाच लाख रुपये देण्याचे ठरले. १४ ऑगस्ट २०१३ रोजी उत्पादन शुल्क विभागाच्या रत्नागिरीतील कार्यालयात लाचेची रक्कम स्वीकारताना चिंचाळकरला रंगेहात पकडले होते. हा खटला रत्नागिरी जिल्हा न्यायालयात न्यायाधीश एस. जी. डिगे यांच्यासमोर चालला. तपास अधिकाऱ्यांनी सादर केलेले पुरावे, पंचांच्या साक्षी ग्राह्य धरून न्यायाधीश डिगे यांनी चिंचाळकरला दोषी ठरवले. जिल्हा सरकारी वकील व्ही. बी. गांधी यांनी काम पाहिले.

पोलिस निरीक्षक लक्ष्मण सोनवणे, गायत्री विजापूरकर, संदीप ओगले यांनी गुन्ह्याचा तपास करून खटला दाखल केला होता.

मोबाइल अॅप डाउनलोड करा आणि राहा अपडेट

---

अल्पबचत अधिका‍ऱ्याला लाच घेताना अटक

October 5, 2016, 2:30 pm

≫ Next: गूळ हंगामात सौदे बंद न पाडण्याचा निर्धार

≪ Previous: लाच घेतल्याप्रकरणी पाच वर्षे सक्तमजुरी

$

0

0

म. टा. प्रतिनिधी, कोल्हापूर

महिला प्रधान क्षेत्रीय बचत योजनेच्या परवान्याचे नुतनीकरण करण्यासाठी ३५०० रुपयांची लाच घेणारा अल्पबचत अधिकारी लाचलुचपत प्रतिबंधक विभागाच्या (एसीबी) जाळ्यात सापडला. जयदीप चंद्रकांत सावदेकर (रा. फ्लॅट नं. ११, उन्मेष सोसायटी, शाहूनगर, चिंचवड, पुणे) असे अटक केलेल्या अधिकाऱ्याचे नाव आहे. बुधवारी (ता. ५) दुपारी दीडच्या सुमारास कसबा बावडा येथील मध्यवर्ती प्रशासकीय इमारतीत ही कारवाई झाली.

तक्रारदार छाया चंद्रकांत निकाडे (वय ४४, रा. पोहाळे तर्फ आळते, ता. पन्हाळा) या १९९७ पासून पोस्टाच्या बचत योजनेअंतर्गत आरडी जमा करतात. परवान्याची मुदत ३० नोव्हेंबर २०१५ रोजी संपल्याने त्यांनी नुतनीकरणासाठी अर्ज केला. कसबा बावडा येथील मध्यवर्ती प्रशासकीय इमारतीतील अल्पबचत अधिकारी कार्यालयात त्यांनी डिसेंबर २०१५ मध्ये अर्ज केला. त्यानंतर ५०० रुपये विलंब शुल्कही भरले. त्रुटींची पूर्तता करूनही बरेच दिवस उलटल्याने परवाना नुतनीकरण होत नसल्याने त्यांनी २१ सप्टेबर २०१६ रोजी कार्यालयात येऊन अल्पबचत अधिकारी जयदीप सावदेकर यांना विचारणा केली असता, त्याने ३५०० रुपये मागितले. निकाडे यांनी तक्रार केल्यानंतर उपाधीक्षक उदय आफळे यांनी खातरजमा केली. बुधवारी सावदेकर याला लाच स्वीकारताना रंगेहात पकडले. चंद्रकांत सावदेकर हा पुणे जिल्हाधिकारी कार्यालयात कार्यरत असून, कोल्हापुरातील अल्प बचत कार्यालयाचा अतिरिक्त भार त्याच्याकडे आहे. दर बुधवारी तो कोल्हापुरातील कार्यालयात कामकाज पाहत होता. निरीक्षक सुनील वायदंडे, पोलिस नाईक मनोज खोत, संदीप पावलेकर आदींनी कारवाई केली.

मोबाइल अॅप डाउनलोड करा आणि राहा अपडेट

गूळ हंगामात सौदे बंद न पाडण्याचा निर्धार

October 6, 2016, 2:30 pm

≫ Next: मंत्री चंद्रकांत पाटील मराठा मोर्चाला सामोरे जाणार

≪ Previous: अल्पबचत अधिका‍ऱ्याला लाच घेताना अटक

$

0

0

म. टा. प्रतिनिधी, कोल्हापूर

यंदाच्या हंगामात गुळाचे सौदे कोणत्याही परिस्थितीत बंद पडता कामा नये. काही प्रश्न असतील तर प्रथम सौदे करायचे व नंतर शेतकरी, व्यापाऱ्यांनी एकत्र बसून त्यावर मार्ग काढायचा, असा निर्णय बाजार समितीमध्ये झालेल्या गूळ उत्पादक शेतकरी व गूळ व्यापाऱ्यांच्या संयुक्त बैठकीत घेण्यात आला. त्याचवेळी गुळाला हमीभाव द्या, कोल्हापूरच्या गुळाचा ब्रँड खराब होऊ नये म्हणून इतर ठिकाणाहून आलेल्या गुळावर कोल्हापूरचे लेबल लावू नये, गुळाच्या मार्केटिंगसाठी मुंबई, पुण्यासह अन्य ठिकाणी गूळ महोत्सव भरवा, बॉक्ससह वजन घ्या, गूळ घेऊन येणाऱ्या वाहनांसाठी एका दिवशी एकच पावती केली जावी, अशा अनेक मागण्या शेतकऱ्यांच्यावतीने मांडण्यात आल्या.

लवकरच गूळ हंगामाला सुरुवात होत आहे. या पार्श्वभूमीवर गूळ उत्पादकांच्या तसेच गूळ व्यापाऱ्यांच्या प्रश्नांबाबत मंगळवारी बाजार समितीमध्ये बैठक घेण्यात आली. सभापती सर्जेराव पाटील यांच्या अध्यक्षतेखाली बैठक झाली. यावेळी गेल्या काही वर्षापासून गूळ उत्पादकांना भेडसावणाऱ्या प्रश्नांची मांडणी शेतकऱ्यांकडून करण्यात आली.

दादासाहेब पाटील यांनी सांगलीमध्ये बॉक्ससह गुळाचे वजन केले जाते. त्याप्रमाणे येथेही करा किंवा बॉक्सचे पैसे द्या अशी मागणी केली. भगवान काटे म्हणाले, कोल्हापूरची गुळाची बाजारपेठ प्रसिद्ध आहे. पण कर्नाटकातून येणाऱ्या गुळाला येथे कोल्हापुरी लेबल लावून विकले जाते. त्यातून येथील गुळाची बदनामी होत आहे. त्यासाठी व्यापाऱ्यांनी कर्नाटकातून येणाऱ्या गुळाला कोल्हापुरी लेबल लावू नये. यासाठी बाजार समितीनेही कायदेशीर भूमिका घेण्याची गरज आहे. याशिवाय शिवाजी पाटील, भिमराव गोनुगडे, रंगराव वरपे यांनी विविध मागण्या मांडल्या. यामध्ये गुळाला हमीभाव मिळाला पाहिजे, मार्केटमध्ये गूळ घेऊन येणाऱ्या वाहनांची एकदाच पावती केली जावी, त्या पावतीवर दिवसभर त्यांना आत येण्यास परवानगी द्यावी, गुळाच्या चांगल्या प्रतीच्या शेवटच्या प्रतीच्या दरात सातशेपर्यंतचाच फरक असावा, सौदे बंद पडू नयेत, गुळाच्या मार्केटिंगसाठी महोत्सव घ्या, खराब गूळ रवा काढल्यास त्याच व्यापाऱ्यांनी तो विकत घ्यावा, अशा मागण्यांचा समावेश होता.

त्यातील बॉक्सच्या वजनाबाबत लवकरच व्यापाऱ्यांसोबत बैठक घेऊन त्यांच्या मताचा विचार केल्यानंतर बाजार समिती अंतिम निर्णय घेईल, असे सांगण्यात आले. तसेच अनेक गूळ व्यापारी बैठकीस उपस्थित नसल्याने हंगाम सुरू झाल्यानंतर गुळाबाबतच्या समस्यांबाबत आणखी एक बैठक घेण्याचेही ठरवण्यात आले. जीआय मानांकनानुसारची कार्यवाही करण्याबाबतच्या काही तांत्रिक अडचणींचा विचार करण्यात येणार असल्याचेही सांगण्यात आले. याप्रसंगी संचालक विलास साठे, परशुराम खुडे, नंदकुमार वळंजू, सदानंद कोरगावकर, मोहन सालपे, व्यापारी अतुल शहा, नरेश पटेल, निलेश पटेल यांनी चर्चेत भाग घेतला.

उपसभापती निवड १३ ऑक्टोबरला

सभापती निवडीनंतर उपसभापती विलास साठे यांनी दिलेल्या राजीनाम्यामुळे रिक्त झालेल्या उपसभापतीपदाची निवड १३ ऑक्टोबरला होत आहे. कागलच्या घाटगे गटाकडे उपसभापतीपद जाणार असल्याची चर्चा असली तरी त्याबाबत ​नेत्यांच्या बैठकीत लवकरच निर्णय होण्याची शक्यता आहे.

मोबाइल अॅप डाउनलोड करा आणि राहा अपडेट

मंत्री चंद्रकांत पाटील मराठा मोर्चाला सामोरे जाणार

October 6, 2016, 2:30 pm

≫ Next: जनसुराज्यचा राष्ट्रवादीला ‘नारळ’

≪ Previous: गूळ हंगामात सौदे बंद न पाडण्याचा निर्धार

$

0

0

म. टा. प्रतिनिधी, कोल्हापूर

सकल मराठा समाजाच्यावतीने १५ ऑक्टोबर रोजी काढण्यात येणाऱ्या मराठा क्रांती मूक मोर्चाला सामोरे जाण्याची तयारी पालकमंत्री पाटील यांनी व्यक्त केली आहे.

मराठा मोर्चाच्यावतीने विविध मागण्यांसाठी काढण्यात येत असलेल्या मोर्चाची जोरदार तयारी सध्या कोल्हापुरात सुरू आहे. या मोर्चाला सामोरे जाण्याबाबत पालकमंत्री चंद्रकांत पाटील यांनी गुरुवारी भूमिका जाहीर केली. ‘मराठा समाजाच्यावतीने काढण्यात येत असलेल्या या मोर्चाचे जिल्हाधिकाऱ्यांऐवजी मीच निवेदन स्वीकारू शकतो’ अशी इच्छा त्यांनी व्यक्त केली. १५ ऑक्टोबर रोजी मोर्चानंतर मराठा समाजाच्यावतीने आपल्या मागण्यांचे निवेदन जिल्हाधिकाऱ्यांकडे देण्यात येणार आहे. हे निवेदन मीच स्वीकारतो, असे ते म्हणाले. मराठा समाजाच्यावतीने राज्यभर सुरू असलेल्या मोर्चांनंतर सरकारने सातत्याने चर्चा करण्याची तयारी दर्शवली आहे. अशावेळी मंत्रिमंडळात वरिष्ठ असलेल्या चंद्रकांत पाटील यांनी आपल्या होमपीचवरील मोर्चाला सामोरे जाऊन निवेदन स्वीकारण्याची भूमिका घेतली आहे. याबाबत सकल मराठा समाज, संयोजक काय भूमिका घेतात याची उत्सुकता असेल.

मोबाइल अॅप डाउनलोड करा आणि राहा अपडेट

जनसुराज्यचा राष्ट्रवादीला ‘नारळ’

October 6, 2016, 2:30 pm

≫ Next: उचगाव सरपांचांना कोर्टात हजर राहण्याचे आदेश

≪ Previous: मंत्री चंद्रकांत पाटील मराठा मोर्चाला सामोरे जाणार

$

0

0

Gurubal.mali@timesgroup.com

twitter.@gurubalmaliMT

कोल्हापूर : जिल्हा परिषद निवडणुकीत भाजपबरोबर आघाडी करण्याचा निर्णय जनसुराज्यशक्ती पक्षाने घेतला आहे. यामुळे गेल्या सतरा वर्षांपासून राष्ट्रवादी काँग्रेसबरोबर असलेल्या राजकीय मैत्रीला सुरूंग लागणार आहे. वारणा परिसरात राजकीय भूकंप होण्याचे संकेत पालकमंत्री चंद्रकांत पाटील यांनी दिले होते. त्याला नगरपालिका आणि जिल्हा परिषद निवडणुकीच्या निमित्ताने सुरुवात झाली आहे. भाजपचे नेते दोन दिवसांत कोल्हापुरात दाखल होत असून जनसुराज्यबरोबर जागावाटपाबाबत तातडीने निर्णय घेण्यात येणार आहे. शिरोळ वगळता इतरत्र आघाडी करण्यास स्वाभिमानी शेतकरी संघटना तयार झाल्याने महाआघाडीचेही संकेत स्पष्ट झाले आहेत.

जिल्हा परिषद आणि नगरपालिका निवडणुकीचे आरक्षण जाहीर झाल्याने आता राजकीय हालचालींना वेग आला आहे. जिल्हा परिषद निवडणूक अजून सहा महिन्यानंतर असली तरी पालिका निवडणुका पुढील महिन्यात होणार आहेत. यामुळे पालिका निवडणुकीतच आघाडीची नांदी दिसणार आहे. यामुळे तातडीने हालचाली सुरू झाल्या आहेत. काँग्रेसने स्वबळावर लढण्याची घोषणा केली असली तरी राष्ट्रवादीसह इतर सर्वच पक्षानी आघाडी करण्याची भूमिका घेतली आहे. त्याची सुरुवात भाजपने केली आहे. शिवसेना, रासप, स्वाभिमानी व आरपीआय हे पक्ष राज्यात भाजपबरोबर सत्तेत आहेत. तरीही स्थानिक स्वराज्य संस्थेची निवडणूक स्वबळावर लढवण्याची घोषणा यातील काही पक्षानी केली आहे. पण त्यांची ताकद पाहता ते स्वबळावर लढण्याची शक्यता फारच कमी आहे.

स्थानिक स्वराज्य संस्थेत भाजपची ताकद कमी आहे. यामुळे इतर पक्षांना सोबत घेऊन काही नगरपालिका आणि जिल्हा परिषदेवर वर्चस्व मिळवण्याचा प्रयत्न या पक्षाने सुरू केला आहे. त्याचाच एक भाग म्हणून पहिल्या टप्यात इतर पक्षातील असंतुष्ट नेत्यांना पक्षात घेण्याची मोहीम राबवण्यात आली. दुसरा टप्पा म्हणून इतर पक्षाशी आघाडी करण्यात येणार आहे. याचाच एक भाग म्हणून जनसुराज्यशक्ती पक्षाचे नेते विनय कोरे यांच्या हातात कमळ देण्याचा प्रयत्न काही दिवस सुरू होता. त्याला काही प्रमाणात यश आले आहे. कोरे यांचा थेट प्रवेश तातडीने होणार नसला तरी नगरपालिका व जि. प. निवडणुकीत भाजप बरोबर आघाडी करण्याचा निर्णय या पक्षाने घेतला आहे. अशी आघाडी झाल्यास दोघांनाही फायदा होणार आहे. त्यामुळे या आठवडयात कोरे व पालकमंत्री चंद्रकांत पाटील यांची भेट होणार असून यावेळी जागा वाटपाबाबत चर्चा होणार आहे.

जनसुराज्यची हातकणंगले, शाहूवाडी व पन्हाळा तालुक्यात ताकद आहे. तरीही स्वबळावर ते नगरपालिका, पंचायत समिती अथवा जिल्हा परिषदेत वर्चस्व मिळण्याची खात्री नाही. पण भाजपची ताकद मिळाल्यास काही प्रमाणात बळ मिळू शकते, यामुळेच जनसुराज्यने भाजपबरोबर जाण्याचा निर्णय घेतला आहे. यामुळे मात्र सतरा वर्षाची राष्ट्रवादी काँग्रेसबरोबर असलेली मैत्री तुटणार आहे. राष्ट्रवादीने या तीन तालुक्यात कोरे यांना मदत करण्याऐवजी कायम विरोध केल्याने कोरे आता मैत्री तोडण्यातच्या निर्णयापर्यंत पोहचले आहेत.

………..

कोल्हापूर जिल्ह्यात आमदार हसन मुश्रीफ व माजी मंत्री विनय कोरे यांची राजकीय मैत्री आहे. राष्ट्रवादीच्या स्थापनेपासून जनसुराज्य पक्ष बहूतेक सर्वच निवडणुकीत राष्ट्रवादीबरोबर आहे. महापालिका, जिल्हा बँक, जिल्हा परिषद, बाजार समितीवर कोरे मुश्रीफ यांच्या नेतृत्वाखाली दोन्ही पक्षाचा झेंडा फडकला. मात्र गेल्या महिन्यात ही मैत्री काही प्रमाणात दुरावल्याचे चित्र आहे. आता कोरे यांना राष्ट्रवादीपेक्षा भाजपची गरज आहे. यामुळेच पालकमंत्री पाटील यांनी त्यांना पक्षात घेण्यासाठी प्रयत्न सुरू केले होते. त्याला पूर्ण यश आले नसले तरी आघाडीच्या निमित्ताने प्रक्रिया मात्र सुरू झाली आहे.

.................

भाजपबरोबर आघाडी करून यापुढील राजकीय वाटचाल करण्याचा निर्णय जनसुराज्यशक्तीने घेतला आहे. दोन दिवसांत याबाबत भाजप नेत्यांशी चर्चा करून अध‌िकृत निर्णय घोषित केला जाईल. नगरपालिका निवडणुकीबरोबरच जिल्हा परिषदेत देखील आघाडी करण्यात येणार असून ही मैत्री पुढे कायम ठेवण्यात येणार आहे.

विजयसिंह जाधव, प्रवक्ते, जनसुराज्य पक्ष

मोबाइल अॅप डाउनलोड करा आणि राहा अपडेट

उचगाव सरपांचांना कोर्टात हजर राहण्याचे आदेश

October 6, 2016, 2:30 pm

≫ Next: श्री अंबाबाईची गजारुढ रुपात पूजा

≪ Previous: जनसुराज्यचा राष्ट्रवादीला ‘नारळ’

$

0

0

म. टा. प्रतिनिधी, कोल्हापूर

तावडे हॉटेल परिसरातील बांधकामाबाबत ‘जैसे थे’चा आदेश देऊनही उचगांव ग्रामपंचायतीकडून मिळकतधारकांना बांधकामास परवानगी दिल्याची गंभीर दखल हायकोर्टाने घेतली आहे. हायकोर्टात गुरुवारी झालेल्या सुनावणीवेळी महापालिकेने, उचगांव ग्रामपंचायतीकडून कोर्टाचा अवमान झाल्याचे निदर्शनास आणून दिल्यानंतर न्यायमूर्ती एन. एन. जमादार यांनी उचगांवच्या सरपंचांना १३ ऑक्टोबर रोजी हजर राहण्याचे आदेश दिले आहेत. तसेच बांधकाम परवान्याच्या मूळ कागदपत्रेही सादर करण्याचे आदेश दिले असल्याची माहिती महापालिकेचे हायकोर्टातील वकील अभिजीत आडगुळे यांनी दिली.

तावडे हॉटेल ते गांधीनगर मार्गावरील जागेवर महापालिकेचे ट्रक व कचरा टर्मिनससाठी आरक्षण आहे. शिवाय रस्त्याच्या दोन्ही बाजूकडील जागा ना विकास क्षेत्र (नो डेव्हलपमेंट झोन)मध्ये समाविष्ठ आहे. महापालिकेने आरक्षण टाकलेल्या जागेवर उचगांव ग्रामपंचायतीने दावा करत या भागात बांधकामास परवानगी दिली आहे. या भागात हॉटेल, कपड्याची दुकाने, शो रुम्स उभी राहिली आहेत. महापालिकेने या जागेवरील बांधकामे अनधिकृत ठरवित २६ मे, २०१४ रोजी कारवाईचा हातोडा उगारला. महापालिकेच्या कारवाईच्या विरोधात उचगांव ग्रामपंचायत व व्यापाऱ्यांनी हायकोर्टात दाद मागितली. हायकोर्टाने २७ मे, २०१४ रोजी कारवाईला स्थगिती देत ‘जैसे थे’ ठेवण्याचा आदेश दिला.

‘जैसे थे’चा आदेश देऊनही उचगांव ग्रामपंचायतीकडून बांधकाम परवाना दिले जात असल्याचे सांगत महापालिकेने ग्रामपंचायतीच्या विरोधात २०१५ मध्ये अवमान याचिका दाखल केली. महापालिकेच्या आरक्षित जागेवरील बांधकामाचा प्रश्न सर्वसाधारण आ​णि स्थायी समिती सभेत गाजला. गेल्या तीन स्थायी समिती सभेत सदस्य बांधकामाकडे लक्ष वेधत आहेत. तसेच याप्रश्नी महापालिकेतर्फे कोर्टात भक्कम बाजू मांडावी यासाठी आग्रही होते.

हायकोर्टात गुरुवारी झालेल्या सुनावणीप्रश्नी महापालिकेचे वकील आडगुळे यांनी उचगांव ग्रामपंचायतीला बांधकाम परवाना देण्याचा अधिकार नाही. बांधकाम परवानगीचे अधिकार हे नगर रचना विभागाला (टाऊन प्लॅनिंग) आहेत. तावडे हॉटेल परिसरातील सर्व बांधकामे बेकायदेशीर आहेत. महापालिकेने महिनाभरापूर्वी मिळकतधारकांना बेकायदेशीर बांधकामप्रश्नी नोटीस बजावली होती. शिवाय हायकोर्टाने जैसे थेचा आदेश देऊनही उचगांव ग्रामपंचायतीने बांधकाम परवाने देत कोर्टाचा अवमान केल्याचे निदर्शनास आणले. त्यावर न्यायमूर्तीनी उचगांवच्या सरपंचांना हजर राहण्याचे व बांधकामासंदर्भातील कागदपत्रे सादर करण्याचे आदेश दिले.

मोबाइल अॅप डाउनलोड करा आणि राहा अपडेट

श्री अंबाबाईची गजारुढ रुपात पूजा

October 6, 2016, 2:30 pm

≫ Next: मोर्चा मार्गाची आज निश्चिती

≪ Previous: उचगाव सरपांचांना कोर्टात हजर राहण्याचे आदेश

$

0

0

म. टा. प्रतिनिधी, कोल्हापूर

शारदीय नवरात्रोत्सवानिमित्त‌ गुरुवारी श्री अंबाबाईचे सुमारे पावणे तीन लाख भाविकांनी लाभ घेतला. अंबाबाईची गजारुढ रुपात पुजा बांधण्यात आली. देवीच्या दर्शनासाठी लांब रांगा लागल्या होत्या. मंदिर परिसरात होणाऱ्या सांस्कृतिक कार्यक्रमांना भाविकांनी मोठी गर्दी केली होती.

गुरुवारी दिवसभर देवीच्या दर्शनासाठी भाविकांच्या रांगा लागल्या होत्या. शुक्रवार देवीचा वार असल्यामुळे तसेच दुसरा शनिवार आणि रविवार अशा सलग सुट्या आल्यामुळे तीन दिवसांत भाविकांची गर्दी होण्याची शक्यता आहे. तर शुक्रवारी सकाळी साडेसहा ते आठ वाजण्याच्या सुमारास तिरुपती देवस्थान समितीकडून श्री अंबाबाई देवीला शालू येणार आहे.

शारदीय नवरात्रोत्सवाच्या सहाव्या दिवशी गुरुवारी करवीर निवासिनी श्री अंबाबाईची गजारुढ रुपात पूजा बांधण्यात आली. ही पूजा दिवाकर ठाणेकर, मिलिंद दिवाण, सचिन देशपांडे, प्रसाद लाटकर यांनी बांधली. तुळजाभवानी मंदिरातील तुळजाभवानीची झोपाळ्यावर आरूढ देवीची पूजा बांधली होती. ही पूजा पुजारी बाळकृष्ण दादर्णे, अमर जुगर, सारंग दादर्णे, आदिनाथ ‌चिखलगर, चंद्रकांत जाधव, विजय बनकर यांनी बांधली.

एक लाख लाडूची विक्री

कळंबा कारागृहातून तयार होणाऱ्या श्री अंबाबाई देवीचा प्रसादाच्या लाडूला नवरात्रोत्सव काळात प्रचंड मागणी आहे. गेल्या सहा दिवसांत सुमारे एक लाख लाडूची विक्री झाली आहे.

देवस्थानच्यावतीने ६०० जणांना पोळीभाजी

बंदोस्ताला असलेले वाहतूक पोलिस, बंदोबस्तसाठी तैनात असलेले पोलिस, वैद्यकीय पथक अशा सुमारे सहाजणांना पश्चिम महाराष्ट्र देवस्थान व्यवस्थापन समितीच्या वतीने दररोज ऐक वेळ पोळी भाजी दिली जात आहे.

मोबाइल अॅप डाउनलोड करा आणि राहा अपडेट

मोर्चा मार्गाची आज निश्चिती

October 6, 2016, 2:30 pm

≫ Next: पोलिस अधिकाऱ्याला लाच देणारा वकील अटकेत

≪ Previous: श्री अंबाबाईची गजारुढ रुपात पूजा

$

0

0

म. टा. प्रतिनिधी, कोल्हापूर

विविध मागण्यांसाठी १५ ऑक्टोबरला शहरात होणाऱ्या मराठा क्रांती महामोर्चासाठी पोलिस प्रशासनासह सकल मराठा संघटनांच्या पदाधिकाऱ्यांनी आठ मार्गांसह ठिकाणांचीही पाहणी केली आहे. या मार्गांची विशेष पोलिस महानिरीक्षक विश्वास नांगरे-पाटील पाहणी करणार आहेत. शुक्रवारी (ता. ७) होणाऱ्या पाहणीनंतर मोर्चाचे ठिकाण आणि मार्ग निश्चित होण्याची शक्यता आहे. दरम्यान, दसरा चौकाऐवजी कावळा नाका परिसरात मोर्चाचा समारोप करण्याचा पर्याय आयजी नांगरे-पाटील यांनी सूचवला आहे.

मराठा महामोर्चासाठी जिल्ह्यातून लाखो मोर्चेकरी शहरात दाखल होणार आहेत. सकल मराठा संघटनांकडून सुरू असलेल्या नियोजनानुसार किमान १५ लाख लोक मोर्चात सहभागी होतील, असा अंदाज वर्तवला जात आहे. लाखो मोर्चेकऱ्यांमुळे शिस्तीला कुठेही बाधा पोहोचू नये यासाठी संयोजकांसह पोलिस प्रशासनानेही नियोजनात आघाडी घेतली आहे. दोन दिवसांपूर्वीच पोलिस अधीक्षक प्रदीप देशपांडे यांनी संयोजकांसह संभाव्य मोर्चामार्ग आणि ठिकाणांची पाहणी केली. गुरूवारी पुन्हा संयोजक आणि आयजी नांगरे-पाटील यांची संयुक्त बैठक पोलिस अधीक्षक कार्यालयात पार पडली. या बैठकीत संयोजकांनी संभाव्य मार्ग, मोर्चाची ठिकाणे, पार्किंग स्थळे याचे सादरीकरण केले. कोणत्या मार्गावरून किती लाख लोक येतील याचाही अंदाज मांडण्यात आला. वसंतराव मुळीक, दिलीप पाटील, प्रा. जयंत पाटील, डॉ. प्रल्हाद केळ‍कर आदींनी मोर्चाचे नियोजन सांगितले. आयजी नांगरे-पाटील यांनी संयोजकांचे म्हणणे ऐकल्यानंतर तज्ज्ञ समितीसोबत मोर्चामार्ग आणि ठिकाणांची पाहणी करण्याची गरज व्यक्त केली. सांगली आणि सातारा येथील मोर्चाच्या अनुभवानंतर कोल्हापुरातील मोर्चामध्ये कोणत्याही त्रुटी राहू नयेत, यासाठी प्रत्यक्ष ठिकाणांची पाहणी करून निर्णय घेतला जाईल, असे त्यांनी सांगितले.

यानुसार शुक्रवारी (ता. ७) सकाळी साडेदहापासून संभाव्य मार्गांसह ठिकाणांची पाहणी होणार आहे. शिरोली नाका (मार्केट यार्ड), सरनोबतवाडी नाका, शाहू नाका, कळंबा, पुईखडी, फुलेवाडी नाका, शिवाजी पूल आणि बावडा या ठिकाणांची पाहणी होणार आहे. या पाहणीनंतर मोर्चाचे ठिकाण आणि मार्ग निश्चित होणार आहेत. बैठकीसाठी सकल मराठा संघटनांच्या पदाधिकाऱ्यांसह पोलिस अधीक्षक प्रदीप देशपांडे, अप्पर पोलिस अधीक्षक सुहेल शर्मा, उपाधीक्षक भारतकुमार राणे, सतीश माने यांच्यासह सर्व पोलिस ठाण्यांचे पोलिस निरीक्षक उपस्थित होते.

जुनी वाहने हटवा

मोर्चाच्या निमित्ताने शहरात १५ ते २० लाख लोक उपस्थित राहणार आहेत. येवढ्या मोठ्या संखेने शहरात येणाऱ्या मोर्चेकऱ्यांना रस्त्यांवरून चालण्यासाठी पुरेशी जागा उपलब्ध असावी, यासाठी मोर्चा मार्गावरील जुनी वाहने हटवण्याची मागणी शहर वाहतूक नियंत्रण विभागाने केली आहे. रस्त्यांवर बेकायदेशीरपणे पार्क केलेली वाहने, बंद अवस्थेतील वाहने महापालिकेने हटवल्यास रस्त्यांवर पुरेशी जागा उपलब्ध होईल, असेही सांगण्यात आले.

कावळा नाक्याचा पर्याय

मराठा संघटनांनी दसरा चौकात मोर्चा एकत्रित आणण्याचे नियोजन केले आहे. शहराच्या प्रवेशद्वारांवरून येणारे मोर्चे थेट दसरा चौक येथे पोहोचल्यानंतर समारोप होईल, असे प्राथमिक नियोजन आहे. विशेष पोलिस महानिरीक्षक विश्वास नांगरे-पाटील यांनी मोर्चासाठी कावळा नाक्याचा पर्याय सुचवला असून, शहराच्या सर्व दिशांनी कावळा नाका येथे मोर्चा आणणे आणि परत जाणे सोयीचे असल्याचे त्यांनी सांगितले. पाहणीनंतरच तज्ज्ञ समितीने याचा अंतिम निर्णय घ्यावा, असेही त्यांनी सुचवले.

मोबाइल अॅप डाउनलोड करा आणि राहा अपडेट

---

पोलिस अधिकाऱ्याला लाच देणारा वकील अटकेत

October 6, 2016, 2:30 pm

≫ Next: वेशभूषा साधीच हवी

≪ Previous: मोर्चा मार्गाची आज निश्चिती

$

0

0

म. टा. प्रतिनिधी, कोल्हापूर

गुन्ह्यात अटक केलेल्या आरोपींना कोर्टातून अटकपूर्व जामीन मिळण्यास अडथळा करू नये, यासाठी पोलिस उपनिरीक्षकाला दहा हजारांची लाच देणाऱ्या वकिलास गुरुवारी (ता. ६) लाचलुचपत प्रतिबंधक विभागाने पन्हाळा येथे रंगेहाथ पकडले. वकील अॅड. माणिक नामदेव डवंग याच्यावर पन्हाळा पोलिस ठाण्यात गुन्हा दाखल करण्यात आला असून त्याला पोलिसांनी अटक केली. पोलिस उपनिरीक्षक दिलीप तिबिले यांनी याप्रकरणी तक्रार दाखल केली होती.

उपनिरीक्षक तिबिले हे चंदगड पोलिस ठाण्यात कार्यरत आहेत. त्यांच्याकडे तेथील एका गुन्ह्याचा तपास आहे. या गुन्ह्यात पाच आरोपींचा समावेश असून, यातील सागर चंद्रकांत मिरजे (रा. बुधवारपेठ, पन्हाळा) याला पोलिसांनी अटक केली आहे. उर्वरित चार आरोपींचा अटकपूर्व जामीन मंजूर व्हावा यासाठी आरोपींचे वकील माणिक डवंग (रा. मंगळवारपेठ, पन्हाळा) हे गडहिंग्लज कोर्टात अर्ज करणार होते. आरोपींना जामीन मिळण्यास पोलिसांकडून अडथळा होऊ नये, यासाठी अॅड. डवंग याने पोलिस उपनिरीक्षक तिबिले यांना ५० हजार रुपयांच्या लाचेचे आमिष दाखवले. ही रक्कम स्वीकारण्यासाठी त्याने तिबिले यांना पन्हाळा येथे बोलवून घेतले. तिबिले यांनी बुधवारी (ता. ५) लाचलुचपत विभागाकडे तक्रार केली. एसीबीचे उपाधीक्षक उदय आफळे यांनी तक्रारीची खात्री करून गुरुवारी पन्हाळा येथील एसटी स्टँडसमोर सापळा रचला. अॅड. डवंग याने पोलिस उपनिरीक्षक तिबिले यांच्या कारमध्ये १० हजार रुपयांची रक्कम ठेवून, उर्वरित रक्कम नंतर देतो, असे सांगितले. यावेळी एसबीच्या अधिकाऱ्यांनी डवंग याला रंगेहात पकडले.

लाच देणारा पहिलाच

एसीबीच्या कारवायांमध्ये बहुतांश वेळा लाच घेणारे सापडतात. या वर्षभरात पहिल्यांदाच लाच देणारा एसीबीच्या जाळ्यात सापडला आहे. शासकीय लोकसेवकाला लाच देणे हादेखील गुन्हा असल्याने एसीबीच्या अधिकाऱ्यांनी अॅड. माणिक डवंग याच्यावर कारवाई केली.

वकिलांमध्ये खळबळ

एसीबीने केलेल्या कारवायांमध्ये लाचखोरीत महसूल विभाग आणि पोलिस खात्याच्या प्रकरणांचा सर्वाधिक समावेश असतो. संबंधितांना वाचवण्यासाठी वकील पुढे असतात. या प्रकरणात मात्र पोलिस अधिकाऱ्याने वकिलाच्या लाचेचे प्रकरण उघड करून वकिलाला तोंड लपवण्याची वेळ आणली. वकीलच लाच देताना सापडल्याने वकिलांमध्ये खळबळ निर्माण झाली आहे. पोलिसही लाच नाकारून पोलिस दलाची प्रतिमा सुधारू शकतात हे उपनिरीक्षक तिबिले यांनी दाखवून दिले आहे.

मोबाइल अॅप डाउनलोड करा आणि राहा अपडेट

वेशभूषा साधीच हवी

October 6, 2016, 2:30 pm

≫ Next: सोशल मीडियावर वॉच

≪ Previous: पोलिस अधिकाऱ्याला लाच देणारा वकील अटकेत

$

0

0

म. टा. प्रतिनिधी, कोल्हापूर

मोर्चात स्वयंसेवकांची भूमिका काय, त्यांची वेषभूषा कशी असावी, मोर्चा मागची नेमकी भूमिका काय, या संदर्भात गुरुवारी मोर्चातील स्वयंसेवकांना प्रशिक्षण देण्यात आले. मोर्चाची संपूर्ण आचारसंहिता स्वयंसेवकांना सांगण्यात आली. यात मोर्चात दागिने किंवा मोल्यवान वस्तू घेऊन न येणे आणि साधी वेशभूषा ठेवणे, या प्रमुख सूचनांसह आचारसंहितेतील सूचनांचा समावेश होता. मोर्चासाठी दहा हजार स्वयंसेवकांचे नियोजन असून, त्यात सात हजार मुले व तीन हजार मुलींचा समावेश असेल.

स्वयंसेवकांच्या आजच्या दुसऱ्या बैठकीत मुलींची संख्या लक्षणीय दिसत होती. मोर्चात सहभागी होणाऱ्यांना शिस्त लावण्याचे महत्त्चाचे काम स्वयंसेवकांवर असेल. त्यासाठी गुरुवारी स्वयंसेवकांची दुसरी बैठक घेण्यात आली. त्यात मोर्चाच्या प्रमुख सहा मागण्यांची माहिती देण्यात आली. तसेच मोर्चाच्या सुरुवातीपासून स्वयंसेवकांनी काय करावे काय करू नये, याच्या रीतसर सूचना देण्यात आल्या. यामध्ये मूक मोर्चा असल्याने मोर्चात चालताना एकमेकाशी बोलायचे नाही, घोषणा द्यायच्या नाहीत, घोषणा दिल्यास संबंधिताला रोखणे, अधीकृत बॅनरशिवाय संस्थासंघटनांचे बॅनर्स लागणार नाही याची काळजी घेणे, सेल्फी काढायचे नाहीत आणि काढू द्यायचे नाहीत, मोर्चात कोणतेही व्यसन करून सहभागी न होणे आणि कोणालाही होऊ न देणे, मोर्चात झालेला कचरा उचलून कचरा कुंडीत टाकणे या मुख्य आचारसंहितेतील सूचना देण्यात आल्या. तसेच मोर्चात सहभागी होताना पाण्याची बाटली, अल्पोपहार घेऊन येणे, तसेच आवश्यक औषधे बरोबर ठेवणे आणि गटप्रमुखाचा मोबाइल क्रमांक सोबत ठेवणे, या स्वयंसेवकांसाठीच्या महत्त्चाच्या सूचनाही देण्यात आल्या आहेत.

स्वागत अभिजित राऊत यांनी केले. संदीप पाटील यांनी स्वयंसेवकांचे महत्त्व सांगितले. प्रा. मधुकर पाटील यांनी भूमिका स्पष्ट केली. अवधूत अपराध यांनी आचारसंहिता वाचून दाखविली. स्नेहल दुर्गुळे यांनी मुलींची मोर्चातील भूमिका, महत्त्व आणि कसे काम करावे, याची माहिती दिली. यावेळी उमेश पोवार, धनंजय चव्हाण, स्वप्नील पार्टे, नीलेश यादव, पियूष चव्हाण उपस्थित होते.

पार्किंगपासून स्वच्छतेसाठी समित्या

मोर्चातील नियोजनासाठी स्वयंसेवकांच्या १७ समित्या स्थापन करण्यात आल्या आहेत. यात पार्किंग, पाणी, आपत्कालीन व्यवस्था, कचरा अशा समित्यांचा समावेश आहे. या शंभर शंभर सेवकांचे गट तयार करण्यात येणार असून, त्या गटाचे दोन प्रमुख असणार आहेत. त्या दोघांकडे वॉकी टॉकीची सुविधा असेल, त्यामुळे हे गटप्रमुख इतरांना मोर्चात सूचना देतील. तसेच स्वच्छतेसाठी स्वयंसेवकांना बॅग देण्यात येणार आहेत.

अंतिम बैठक १२ ऑक्टोबरला

स्वयंसेवकांसाठीच्या प्रशिक्षणाची आज दुसरी बैठक झाली. यात महत्त्वाच्या सूचना देण्यात आल्या असल्या, तरी अजूनही प्रशिक्षणाच्या बैठका होणार आहेत. यातील शेवटची बैठक १२ ऑक्टोबर रोजी होणार आहे. बैठकीत स्वयंसेवकांना पोलिसांप्रमाणे परेड करून दाखविण्यात येणार आहे. त्याचबरोबर अॅम्युबलन्सचे स्पॉट देखील या बैठकीत सांगण्यात येतील, अशी माहिती देण्यात आली.

स्वयंसेवकांसाठी मुलींना संधी

आजच्या बैठकीत स्वयंसेवक मुलींची संख्या लक्षणीय होती. सात हजार मुले स्वयंसेवक म्हणून उपलब्ध आहेत. मुलींना स्वयंसेवक म्हणून सहभागी होण्यासाठी अजूनही संधी असून, त्यांनी उत्स्फूर्तपणे सहभाग नोंदवावा, असे आवाहन करण्यात आले आहे. यासाठी केवळ ७७४१०४९१४३ या क्रमांकावर केवळ मिस्ड कॉल द्यावयाचा आहे, असे संयोजनकांकडून सांगण्यात आले.

मोबाइल अॅप डाउनलोड करा आणि राहा अपडेट

सोशल मीडियावर वॉच

October 6, 2016, 2:30 pm

≫ Next: एनटीपीसीत दुर्घटना;तीन मजुरांचा मृत्यू

≪ Previous: वेशभूषा साधीच हवी

$

0

0

म. टा. प्रतिनिधी, कोल्हापूर

गावागावांमधून मराठा मोर्चाबाबत प्रचंड जनजागृती झाली आहे. त्यामध्ये सोशल मीडियाचा फार मोठा वाटा असून मोर्चाच्या पार्श्वभूमीवर व्हॉटस अॅपचे असंख्य ग्रुप तयार झाले आहेत. यातून लाखो लोक जोडले जात आहेत. त्यामधून जागृतीबरोबरच विविध प्रकारची आवाहने, सूचना दिल्या जात असून मराठ्यांच्या ताकदीची ओळखही करून दिल्या जाणाऱ्या मॅसेजची संख्या प्रचंड आहे. मोर्चा आठवडाभराच्या टप्प्यावर आला असताना या मोर्चावर परिणाम होईल, असे वेगळे मेसेज घुसवले जाऊ नयेत यासाठीही संयोजन समिती दक्ष झाली आहे. संयोजन समितीतील एक गट या सोशल मीडियावर वॉच ठेवून आहे. तसेच पोलिस प्रशासनही त्यावर नजर ठेवून आहे.

मोर्चाच्या निमित्ताने जिल्हा ढवळून निघाला आहे. गावात, अगदी वाड्या वस्तींवर मराठा समाजाच्या बैठक होऊन प्रत्येकाला मोर्चाचे महत्त्व पटवून दिले जात आहे. एकीकडे तळागाळापर्यंत जनजागृती होत असताना हायटेक यंत्रणेमार्फत मोठा प्रसार होत आहे. त्यामध्ये सोशल मीडियाचा वापर सर्वाधिक आहे. प्रत्येक गावात मोर्चाबाबत समाजाचा ग्रुप तयार झाला आहे. त्यामध्ये विविध जिल्ह्यात होणाऱ्या मोर्चांचे फोटो तसेच माहितीची देवाण घेवाण होत आहे. यातून समाजातील जवळपास प्रत्येकजण या मोर्चाशी जोडला गेला आहे. जिल्ह्यातील १५ ऑक्टोबरच्या मोर्चासाठीचे मेसेज मोठ्या प्रमाणात देण्यात येत आहेत. प्रत्येकाची तयारी या मॅसेजमधून साऱ्यांना पहायला मिळत असल्याने एकमेकांच्या आधाराने कोल्हापूरचा मोर्चा वेगळा कसा होईल, हे पाहिले जात आहे.

नियमित नियोजनाचे मेसेज तर दिले जात आहेतच. शिवाय मेसेजमधून मराठ्यांमधील खदखदत्या असंतोषालाही मोकळी वाट करून दिली जात आहे. यामधून एखादा बु​द्ध‌िभेद करणारा, मोर्चासाठी नुकसानकारक ठरणारा मेसेज पाठवला जाण्याची शक्यता असते. अशा प्रकारचा मेसेज इतर ठिकाणी पाठवला जाऊ नये, यासाठी समिती दक्ष आहे. जिल्ह्यातील साऱ्यांना मेसेज पाठवणाऱ्या महत्त्वाच्या ग्रुपवर लक्ष ठेवण्यासाठी काहीजणांची टीम कार्यरत आहे. या ग्रुपवर असे काही मेसेज आल्यास तातडीने ते बाजूला काढण्याचे काम या टीमकडून होत आहे. यासाठी तज्ज्ञ तरुण कार्यरत असून त्यांना मराठा मोर्चाच्या धोरणांची परिपूर्ण माहिती आहे. मॅसेजमधून मोर्चा व त्यातील धोरणांच्या विरुद्ध काही जाऊ नये, याबाबतचा कटाक्ष पाळला जात आहे. या टीमची जबाबदारी शेवटच्या टप्प्यात वाढत चालली आहे. मोठ्या प्रमाणावर मेसेज दिले जात असल्याने त्यामध्ये वेगळे मेसेज घुसडले जाऊ नयेत हे पाहिले जात आहे. संदिग्धता निर्माण होऊ नये ही फार मोठी जबाबदारी या टीमकडून पार पाडली जात आहे.

तरुणांची सजगता

मोर्चाच्या निमित्ताने निर्माण झालेल्या अनेक व्हॉट्स अॅप ग्रुपवर विचारांची देवाण घेवाण होत आहे. यात काही मेसेज असे येतात की, त्यातून बु‌द्ध‌िभेद होण्याचा संभव असतो. मात्र, अशा घुसडलेल्या मेसेजना तरुणाई तितक्याज जबाबदारीने उत्तर देत तो विषय तेथेच संपवत आहे. प्रतिवाद करून वाद निर्माण करण्यापेक्षा शांततामय मार्गाने मोर्चा काढणे एवढेच उद्द‌िष्ट असल्याची चर्चा ग्रुपवर होत आहे.

मोबाइल अॅप डाउनलोड करा आणि राहा अपडेट

एनटीपीसीत दुर्घटना;तीन मजुरांचा मृत्यू

October 7, 2016, 10:40 am

≫ Next: भाजपाचे १७ नगरसेवकतीन प्रभागात

≪ Previous: सोशल मीडियावर वॉच

$

0

0

म. टा. वृत्तसेवा, सोलापूर

दक्षिण सोलापूर तालुक्यातील फताटेवाडी येथील एनटीपीसी अर्थात राष्ट्रीय औष्णिक ऊर्जा प्रकल्पात बॉयलर बसविताना क्रेनची वायर निसटल्याने लोखंडी साहित्य अंगावर पडून झालेल्या दुर्घटनेत दोन मजुरांचा जागीच मृत्यू झाला. एकाचा खासगी हॉस्पिटलमध्ये उपचार सुरू असताना मृत्यू झाला. ही दुर्घटना शुक्रवारी सकाळी सव्वाअकराच्या वाजण्याच्या सुमारास घडली.

एनटीपीसी प्रकल्पामधील पॉवरमेक कंपनीमध्ये २२ मीटर उंचीवर क्रेनच्या मदतीने नवीन बॉयलर उभारण्याचे काम सुरू आहे. शुक्रवारी सकाळी बारा मजूर बॉयलरला लागणारे १०० टन वजनाचे साहित्य क्रेनच्या सहाय्याने वर घेऊन जात होते, तेव्हा अचानक क्रेनची वायर निसटल्याने क्रेनला लटकलेले बॉयलरचे शंभर टनी लोखंडी साहित्य खाली कोसळले. त्याखाली सापडून गुरुप्रित प्रतापसिंग संधू (वय २४ रा. लोहाराका, ता. खडूसा, जिल्हा तरंताल, पंजाब) आणि राजवीर सुवर्णसिंग (वय २४ रा. मुंडापिंड, ता. खडूसा, जिल्हा तरंताल, पंजाब) हे दोन मजूर जागीच ठार झाले. तर गुरुसेवक महेंद्रसिंग (वय १९ रा. लोहाराका, ता. खडूसा, जिल्हा तरंतला, पंजाब) याचा यशोधरा हॉस्पिटल येथे उपचार सुरू असताना मृत्यू झाला.

दरम्यान, लोखंडी साहित्य कोसळल्यानंतर तेथे काम करीत असलेले कर्मचाऱ्यांनी आजूबाजूला उड्या मारल्या. लोखंडाचे साहित्य इतके होते की, कोणालाही तत्काळ काही करता आले नाही. दहा ते बारा मजूर खाली सापडल्याची वार्ता वाऱ्यासारखी पसरली. आजूबाजूला काम करणाऱ्या मजुरांनी धाव घेऊन लोखंडी साहित्य बाजूला केले. मात्र, दोघांचा जागेवरच मृत्यू झाला होता. गंभीर जखमी झालेल्या तिसऱ्या मजुराला तत्काळ उपचारासाठी हलविण्यात आले, मात्र उपचार सुरू असताना त्याचाही मृत्यू झाला.

एनटीपीसीचे महाप्रबंधक एन. एन. राय यांनी घटनास्थळावर धाव घेतली. घाबरलेल्या अन्य मजुरांना त्यांनी आधार दिला. पोलिस अधीक्षक एस. विरेश प्रभू यांनी घटनास्थळावर जाऊन परिस्थितीची पाहणी केली. दुपारी पालकमंत्री विजयकुमार देशमुख यांनीही प्रत्यक्ष घटनास्थळावर जाऊन दुर्घटनेची माहिती घेतली. अपघाताबाबत बॉयलर निरीक्षक देशपांडे तसेच कामगार आयुक्त कार्यालयाकडील दत्तात्रय पवार यांच्याकडून तांत्रिक अभिप्राय घेऊन दुर्घटनेला जबाबदार असणाऱ्यांविरुद्ध गुन्हा दाखल करण्याचे काम सुरू होते.

मोबाइल अॅप डाउनलोड करा आणि राहा अपडेट

भाजपाचे १७ नगरसेवकतीन प्रभागात

October 7, 2016, 10:41 am

≫ Next: मोहन ऑटो, मेनन अॅन्ड मेनन आघाडीवर

≪ Previous: एनटीपीसीत दुर्घटना;तीन मजुरांचा मृत्यू

$

0

0

भाजपाचे १७ नगरसेवक

तीन प्रभागात आल्याने गोची

म. टा. वृत्तसेवा, सोलापूर

सोलापूर महानगरपालिकेच्या फेब्रुवारी २०१७मध्ये होणाऱ्या सार्वत्रिक निवडणुकीसाठी शुक्रवारी काढण्यात आलेल्या प्रभाग रचना आणि आरक्षण सोडतीनंतर बहुतांश विद्यमान नगरसेवकांनी आपण पूर्णपणे सेफ असल्याचा दावा केला आहे. भाजपाचे किमान १७ ते १८ नगरसेवक वेगवेगळ्या तीन प्रभागात आल्यामुळे दिग्गजांची गोची होणार आहे. एकूणच प्रभाग आरक्षण सोडतीचे चित्र स्पष्ट झाल्यामुळे महापालिका निवडणुकीत रंगत दिसून येणार आहे. विद्यमान दिग्गज नगरसेवक एकमेकांच्या आमने-सामने येणार आहेत.

मुख्य निवडणूक अधिकारी महापालिका आयुक्त विजयकुमार काळम-पाटील यांच्या उपस्थितीत शुक्रवारी सकाळी हुतात्मा स्मृती मंदिरात प्रभाग आरक्षण सोडत काढण्यात आली.

आरक्षण सोडतीमध्ये काढलेल्या चिट्टीत महिलांच्या बाजूने झुकते माप मिळाले. तर दिग्गज नगरसेवकांना आपला प्रभाग गमवावा लागला. महापौर सुशीला आबुटे, नगरसेवक मधुकर आठवले, चेतन नरोटे, आरिफ शेख, कल्पना यादव आणि श्रीदेवी फुलारे यांच्यासह काही नगरसेवकांना चांगली संधी राहिली आहे. वर्षानुवर्षे एकमेकांबरोबर भांडत असलेले ज्येष्ठ नगरसेवक अ‍ॅड. यू. एन. बेरीया आणि नगरसेविका फिरदोस पटेल हे आता एकमेकांच्या हातात हात घालून निवडणुकीला सामोरे जाणार आहेत. नगरसेवक विवेक खरटमल मात्र बाहेर पडले आहेत.

भाजपाचे जवळपास १७ ते १८ नगरसेवक विविध तीन प्रभागात विखुरले असून, आता निवडणुकीच्या रिंगणात उतरताना अर्थात उमेदवारी देताना मोठी गोची होणार असल्याचे स्पष्ट झाले आहे.

मोबाइल अॅप डाउनलोड करा आणि राहा अपडेट