अज्ञात वाहनाच्याधडकेत चार ठार

September 27, 2016, 10:54 am

≫ Next: सातारा भूषण ललिताला प्रदान

≪ Previous: दुष्काळी पट्ट्यात पावसाचा जोर

$

0

0

म. टा. वृत्तसेवा, सोलापूर

कामती – कुरूल बायपास रोडवर अज्ञात वाहनाने दिलेल्या धडकेत स्विफ्ट कारमधून प्रवास करीत असलेले चारजण जागीच ठार झाले, तर एकजण गंभीर जखमी झाला आहे. मंगळवारी पहाटे अडीच वाजण्याच्या सुमारास हा भीषण अपघात झाला. अपघातानंतर अज्ञात वाहनचालक फरार असून, पोलिसांनी वाहनाचा शोध सुरू केला आहे.

कामती आणि वाघोली तसेच पेनूर या गावातील एकूण पाच तरुण आपल्या स्विफ्ट कारमधून कामती - कुरुल या बायपास रोडवरून गावाकडे निघाले होते. पहाटे अडीच वाजण्याच्या सुमारास अज्ञात वाहनाने कारला समोरून भीषण धडक दिली. या अपघातात विनोद गायकवाड (वय २८, रा. कामती), मनोज पांडुरंग बनसोडे (वय ३२ रा. पेनूर), उमाकांत मधुकर शिवशेट्टी (वय ३४ रा. वाघोली ) आणि रामा श्रीपती कदम (वय ४७ रा. वाघोली) असे चौघेजण जागीच ठार झाले. तर, लक्ष्मण गणपती फाळके (वय ३० रा. वाघोली) हा गंभार जखमी झाला असून, त्याला तातडीने उपचारासाठी हॉस्पिटलमध्ये हलविण्यात आले आहे.

मोबाइल अॅप डाउनलोड करा आणि राहा अपडेट

---

सातारा भूषण ललिताला प्रदान

September 27, 2016, 10:55 am

≫ Next: व्यावसाय‌िकाच्या खूनाचा कट उधळला

≪ Previous: अज्ञात वाहनाच्याधडकेत चार ठार

$

0

0

म. टा. वृत्तसेवा, सातारा

येथील रा. ना. गोडबोले ट्रस्ट आणि नागरिकांच्या वतीने देण्यात येणारा साताराभूषण पुरस्कार आंतरराष्ट्रीय धावपटू ललिता बाबरला हिंदकेसरी सत्पाल यांच्या हस्ते प्रदान करण्यात आला. ललिता पुढील ऑलिंपिकमध्ये पदक नक्की मिळवेल, असा विश्वास सत्पाल यांनी व्यक्त केला.

माजी नगराध्यक्ष श्रीमंत शिवाजीराजे भोसले अध्यक्षस्थानी होते. ट्रस्टचे अध्यक्ष अरुण गोडबोले व्यासपीठावर होते. पंचवीस हजार रुपये रोख आणि सन्मानचिन्ह असे पुरस्काराचे स्वरूप होते.

सत्काराला उत्तर देताना ललिता म्हणाली, ‘देशवासीयांच्या पाठबळाच्या जोरावर मी पायाला जखम असतानाही अंतिम फेरीत दहावी आले. ही गोष्ट माझे प्रशिक्षक तसेच कुटुंबीयांपासूनही मी लपवून ठेवली. घरच्या आणि तुम्हा साऱ्यांच्या पाठबळावरच मी आज देशवासीयांची पदकाची अपेक्षा टोकियो ऑलिंपिकमध्ये निश्चित पूर्ण करेन. हा पुरस्कार माझा घरचा आहे याचा अतिशय मला आनंद वाटतो. जिल्ह्याचा हा पुरस्कार मला मोठे बळ देणारा आहे.’

‘शाळाशाळांतून ललिताचा सत्कार घ्या. त्यातून तरुण खेळाडूंना प्रेरणा मिळेल आणि ललितासारखे खेळाडू घडतील. हा पुरस्कार पैशाने मोठा नसला तरी प्रेम आणि आशीर्वाद यांच्या रूपात मोठा आहे. ललिताने अनुभवातून शिकावे. ती नक्की पदकापर्यंत मजला मारेल,’ असे सत्पाल म्हणाले.

‘माण तालुक्यातील मोही गावाजवळच्या बाबर वस्तीमध्ये एका सामान्य शेतकरी कुटुंबात जन्मलेल्या ललिताने प्रतिकूल आर्थिक परिस्थितीवर जिद्दीने मात करीत ऑलिंपिकपर्यंत धडक मारल्यानेच तिला पुरस्काराने सन्मानित करण्याचा निर्णय घेतला,’ असे अरुण गोडबोले यांनी सांगितले. गोडबोले ट्रस्टचे विश्वस्त डॉ. अच्युत गोडबोले, अशोक गोडबोले, उदयन गोडबोले उपस्थित होते.

मोबाइल अॅप डाउनलोड करा आणि राहा अपडेट

व्यावसाय‌िकाच्या खूनाचा कट उधळला

September 26, 2016, 2:30 pm

≫ Next: शहराबरोबरच गावांचाही विकास

≪ Previous: सातारा भूषण ललिताला प्रदान

$

0

0

म. टा. वृत्तसेवा, इचलकरंजी

नवी मुंबई येथील बांधकाम व्यावसायिकाचा खून करण्यासाठी निघालेल्या पोलिस रेकॉर्डवरील गुन्हेगार स्वप्नील संतोष फातले (वय २२ रा. संग्राम चौक) याला शहापूर पोलिसांनी अटक केली. त्याच्याकडून एक पिस्तूल, आठ जिवंत काडतुसे व रोख दहा हजार रुपये व दुचाकी मोपेड असा सव्वालाख रुपयांचा मुद्देमाल हस्तगत केला. या प्रकरणातील मुख्य आरोपी आंतरराज्य पिस्तुल तस्कर मनीष नागोरी याच्यावही गुन्हा दाखल झाला असून तो फरारी आहे.

शहापूर पोलिस ठाण्याचे पथक गस्त घालत फिरत असताना म्हसोबा मंदिर परिसरात स्वप्नील फातले हा विना नंबरप्लेटची गाडी घेऊन उभा असल्याचे निदर्शनास आले. पथकाने त्याच्याकडे चौकशी केली असता गाडीची कागदपत्रे त्याने घरी असल्याचे सांगितले. तर त्याच्याकडील प्रवाशी बॅगेची झडती घेता त्यामध्ये गावठी बनावटीचे पिस्तुल, दोन मॅगझीन, आठ जिवंत काडतुसे आणि रोख दहा हजार रुपये असा एक लाख २१ हजार ३०० रुपयांचा मुद्देमाल आढळून आला. त्याला ताब्यात घेऊन पोलिस ठाण्यात आणून अधिक चौकशी करता नवी मुंबई येथील बांधकाम व्यावसायिक बिजलानी याच्या खूनाची सुपारी घेतली असल्याचे सांगितले. ही सुपारी मनीष नागोरी याने घेतली असून त्यासाठी पिस्तुल दिले असल्याचे सांगितले. मनीषसह मी उचगाव येथून पनवेलकडे जाणार असल्याचे सांगितले. बिजलानी हा व्यावसायिक गुन्हेगारी क्षेत्राशी संबंधित असून एका खून प्रकरणात तो सध्या कारागृहात आहे. त्याला तारखेसाठी न्यायालयात नेण्यात येणार होते. त्यावेळी त्याचा खून करण्याचा कट रचण्यात आला असल्याचे फातले याने सांगितले.

दरम्यान, या प्रकरणातील मुख्य सूत्रधार मनीष नागोरी हा आंतरराज्य दर्जाचा पिस्तूल तस्कर असून त्याच्यावर विविध पोलिस ठाण्यात गुन्हे दाखल आहेत. तर फातले याच्यावर शिरोली एमआयडीसी पोलिस ठाण्यात गुन्हा नोंद आहे. नागोरी याला पकडल्यानंतरच बांधकाम व्यावसायिकाच्या खूनाची सुपारी कोणी दिली हे स्पष्ट होईल. नागोरी याच्या तपासासाठी पथके रवाना केली असल्याची माहिती शहापूरचे पोलिस निरीक्षक सतीश पवार यांनी दिली.

मोबाइल अॅप डाउनलोड करा आणि राहा अपडेट

शहराबरोबरच गावांचाही विकास

September 26, 2016, 2:30 pm

≫ Next: कुलसचिवपदासाठी १७ उमेदवार पात्र

≪ Previous: व्यावसाय‌िकाच्या खूनाचा कट उधळला

$

0

0

म. टा. प्रतिनिधी, कोल्हापूर

शहराची हद्दवाढ झाल्यास विकास होईल असे वाटत असले तरी प्राधिकरणाच्या माध्यमातून शहराबरोबर आसपासच्या गावांचाही विकास होईल. हद्दवाढ झाल्यास एमआयडीसी शहरात येतील, त्यामुळे उत्पन्नाचे स्रो‌त वाढतील, तर प्राधिकरणाच्या माध्यमातून आसपासच्या गावांवर अतिरिक्त कराचा बोजा पडणार नाही आणि विकासाचे नवे दार उघडले जाईल, असे मत 'कोल्हापूर शहर हद्दवाढ : प्राधिकरण भूमिका' या कार्यशाळेत सोमवारी लोकप्रतिनिधींनी व्यक्त केले. तसेच शहरविकासाबरोबच जिल्ह्याच्या विकासालाही प्राधान्य दिले पाहिजे, असे मतही व्यक्त केले. महावीर कॉलेज येथील आचार्य विद्यानंद संस्कृती हॉल येथे ही एकदिवसीय कार्यशाळा झाली.

मुख्यमंत्री देवेंद्र फडणवीस यांनी प्रस्तावीत हद्दवाढीत गावांना विकास प्राधिकरण स्थापनाच्या निर्णय घेतल्यानंतर एकदिवसीय कार्यशाळेच्या माध्यमातून दोन्ही बाजूचे नेते प्रथमच एकाच व्यासपीठावर आले. हद्दवाढ समर्थनात आणि विरोधात बाजू मांडताना दोन्ही बाजूंनी शहर आणि जिल्ह्याच्या विकासासाठी कटीबद्ध असल्याचे सां‌ग‌ितले. कार्यशाळेच्या माध्यमातून अनेक वक्त्यांनी विकासाभिमूख योजना मांडून ग्रामपंचायत आणि महापालिका सक्षम करण्याचा निर्धारही यावेळी करण्यात आला.

शिवाजी विद्यापीठ अंगीकृत शहाजी छत्रपती महाविद्यालयाच्या अग्रणी महाविद्यालय योजनेंतर्गत महावीर कॉलेजच्या भूगोल विभागाच्यावतीने 'कोल्हापूर शहर हद्दवाढ : प्राधिकरण भूमिका' या विषयावर एकदिवस कार्यशाळेत विविध वक्त्यांनी हद्दवाढ समर्थनात आणि विरोधात भूमिका मांडत प्राधिकरणाच्या माध्यमातून विकास साधता येत असल्याचे सांगितले. अध्यक्षस्थानी आचार्यरत्न देशभूषण शिक्षण प्रसारक मंडळाचे चेअरमन अॅड. के. ए. कापसे होते.

आमदार राजेश क्षीरसागर म्हणाले, 'केंद्रा सरकारच्या माध्यमातून निधी मिळत असल्याने लोकसंख्येची अट शिथील करण्यात आली आहे. त्यामुळे पायाभूत सुविधा मिळतील मात्र त्यातून विकासात्मक योजना राबवता येणार नाहीत. हद्दवाढ नैसर्गिक प्रक्रिया असून हद्दवाढीशिवाय शहराचा विकास होणार नाही. महापालिकेने काही चुका झाल्या असतील, मात्र काही विकास झाला नाही, म्हणणे चुकीचे ठरेल.'

आमदार चंद्रदीप नरके म्हणाले, 'शहराच्या विकासाला ग्रामीण नेत्यांचा अजिबात विरोध नाही, मात्र ग्रामीण जनतेचे प्रतिनिध‌ित्व करत असल्याने त्यांच्या भावना व उपजीविकेचे साधन कायम राखण्यासाठी प्रयत्न करणे आमचे कर्तत्व आहे. नागरिकरणातून केवळ विकास होतो, हा विचार मांडून चालणार नाही, तर समस्यांमध्येही वाढ होणार आहे. १४ व्या वित्त आयोगातून १८ गावांसाठी ७२ कोटींचा निधी प्राप्त झाला आहे. त्यामुळे ग्रामीण भागांचा नियोजनबद्ध विकास करण्यात येणार आहे. तसेच प्राधिकरणाच्या माध्यमातून कोणत्याही करात वाढ होणार नसून ग्रामपंचायतीचे अधिकारही अबाधित राहणार आहेत. ग्रामीण जनतेचे शेती हे मुख्य उपजीविकेचे साधन असल्याने त्यांची उपजीविकाच संपुष्टात येणार आहे.'

आमदार संपतबापू पवार-पाटील म्हणाले, 'केंद्र सरकारने ग्रामपंचायतींना निधी देवून विकासाला सुरुवात केली आहे, त्यामुळे केवळ हद्दवाढ होऊन विकास होणार हे म्हणने चुकीचे आहे. प्राधिकरणाच्या माध्यमातून प्रत्येक ग्रामपंचायतीची स्वायतत्ता कायम राखली जाणार आहे. तसेच शेती क्षेत्रावर याचा कोणताही परिणाम होणार नाही, त्यामुळे प्राधिकरणाचे स्वागत करावे लागेल.

सायंकाळच्या सत्रात राष्ट्रवादीचे शहराध्यक्ष राजेश लाटकर, हद्दवाढ विरोधी कृती समितीचे निमंत्रक नाथाजी पवार, पीटर चौधरी यांनी भूमिका मांडली. यावेळी महावीर देसाई, प्रा. अरुण पाटील, शहाजी कॉलेजचे प्रभारी प्राचार्य एच. एस. वनमोरे, प्रा. सुनील भोसले यांच्यासह विविध महाविद्यालयांचे प्राध्यापक, विद्यार्थी उपस्थित होते. प्राचार्य डॉ. आर. पी. लोखंडे यांनी प्रास्ताविक केले. रेश्मा शेळके, प्रियांका विभुते यांनी सूत्रसंचालन केले. प्रा. रामदास तुरुके यांनी आभार मानले.

'समांतर सत्तास्थान निर्माण होणार'

'हद्दवाढ विरोध व समर्थकांची प्राधिकरणाची मागणी नसताना राज्य सरकारने हा निर्णय लादला आहे. या निर्णयातून राजकीय अपरिहार्यता दिसून येत आहे. प्राधिकरणाची स्थापना झाल्यानंतर ग्रामीण भागातील जमिनी घ्याव्या लागणार आहेत, तसेच जागा आरक्षितही कराव्या लागणार आहेत. नियोजित हद्दवाढीतील गावांमध्ये बांधकाम करताना प्राधिकरणाची मंजुरी घ्यावी लागणार आहे, त्यामुळे महापालिकेच्या उत्पन्नावर गंडातर येणार आहे. प्राधिकरणामुळे समांतर सत्तास्थानही निर्माण होणार असल्याचे अॅड. महादेवराव अडगुळे यांनी सांगितले.'

'वस्तुस्थिती तरी मांडा'

मनोगत व्यक्त करण्यास नरके उभा राहताच शहराच्या विविध आंदोलनात एकत्र सहभागी असलो, तरी हद्दवाढ विषयावर प्रत्येक पक्षात दोन मतप्रवाहाचे नेते कार्यरत होते. त्यामुळे व्यासपीठावर येण्यापूर्वीच दोघांमध्ये टिकाटिपणी न करण्याचे ठरले असल्याचे आमदार क्षीरसागर यांच्याकडे पाहत वक्तव्य केले. पवार-पाटील यांनी टीकाटिपणी राहू द्या वस्तुस्थिती तरी मांडा असे, म्हणताच सभागृहात एकच हशा पिकला.

मोबाइल अॅप डाउनलोड करा आणि राहा अपडेट

कुलसचिवपदासाठी १७ उमेदवार पात्र

September 26, 2016, 2:30 pm

≫ Next: सेफ सिटी प्रोजेक्टला ‘क्लिन चीट’

≪ Previous: शहराबरोबरच गावांचाही विकास

$

0

0

म. टा. प्रतिनिधी, कोल्हापूर

शिवाजी विद्यापीठाच्या कुलसचिवपदासाठी १७ उमेदवार पात्र ठरले असून त्यांच्या मुलाखती ऑक्टोबरच्या दुसऱ्या आठवड्यात घेण्यात येणार आहेत. यासाठी पाच सदस्यीय निवड समितीची स्थापना करण्यात आली आहे. गेल्या दीड वर्षापासून प्रभारी कुलसचिवपदावर पूर्णवेळ कुलसचिव येण्याची शक्यता यामुळे निर्माण झाली आहे.

कुलसचिव डॉ. डी. व्ही. मुळे यांच्या कारभारवर तक्रारी झाल्यानंतर त्यांच्याकडून कुलसचिवपदाचा कार्यभार काढून घेण्यात आला होता. दीड वर्षांपूर्वी या पदावर प्रभारी कुलसचिव म्हणून डॉ. व्ही. एन. शिंदे यांची नियुक्ती झाली होती. कुलसचिवपदावर कायमस्वरुपी व्यक्तीची निवड करण्यासाठी जाहिरातही प्रसिद्ध करण्यात आली. जाहिरातीनंतर प्राप्त अर्जांच्या छाननीनंतर २१ उमेदवारांच्या मुलाखती घेण्यात आल्या होत्या. मात्र निवड समितीने कोणत्याही उमेदवाराची निवड न करता कुलसचिवपदासाठी पुन्हा जाहिरात प्रसिद्ध करण्याची सूचना केली होती.

दुसऱ्या जाहिरात प्रसिद्ध झाल्यानंतर कुलसचिवपदासाठी ३० अर्ज विद्यापीठास प्राप्त झाले होते. यामधून १७ पात्र उमेदवारांची निवड करण्यात आली होती. या सर्व पात्र उमेदवारांची १२ सप्टेंबर रोजी मुलाखत होणार होती. मात्र तांत्रिक अडचणीचा मुद्दा पुढे करुन मुलाखती पुढे ढकलण्यात आली होती. ऑक्टोबरच्या पहिल्या किंवा दुसऱ्या आठवड्यात निवड समितीच्या सदस्यांच्या तारखा मिळण्यासाठी विद्यापीठाकडून प्रयत्न सुरू आहेत. यापूर्वीच्या मुलाखतीमधून कोणाचीच निवड न करता पुन्हा जाहिरात प्रसिद्ध करण्यासाठी सूचना करणारी निवड समिती आतातरी मुलाखती घेऊन कुलसचिवपदासाठी पात्र उमेदवाराची शिफारस करणार की, पुन्हा जाहिरात प्रसिद्ध करण्याची सूचना करणार याकडे विद्यापीठ वर्तुळाचे लक्ष लागले आहे.

कुलसचिवपदासाठी पात्र उमेदवार

भारत पाटील, जयंत देशमुख, सयाजीराव शिंदे, सनील मिर्गानी, राजसिंग चव्हाण, किशोर माने, सयाजीराजे मोकाशी, भारतभूषण कांबळे, गोविंद कोळेकर, संजय माळी, संजयकुमार गायकवाड, शरद फुलारी, धनंजय माने, मिलिंद गोडबोले, यशवंत कोळेकर, पंढरीनाथ पवार, विलास नंदवाडेकर.

१५ चा पेपर १६ ऑक्टोबर रोजी

शिवाजी विद्यापीठ कार्यक्षेत्रातील सलंग्नीत सर्व महाविद्यालयातील पहिल्या सेमिस्टर परीक्षांना १४ ऑक्टोबर रोजी सुरुवात होणार आहे. पहिल्या पेपरनंतर १५ ऑक्टोबर रोजी कोल्हापूर जिल्ह्यात सकल मराठा क्रांती मोर्चाचे आयोजन केले आहे. त्यामुळे या दिवसी होणाऱ्या अभ्यासक्रमाच्या परीक्षा १५ ऑक्टोबर रोजी होणारी परीक्षा १६ ऑक्टोबर (रविवारी) घेण्यात येणार आहे. मोर्चामुळे अनेक विद्यार्थ्यांना परीक्षा केंद्रावर पोहोचण्यास विलंब होणार असल्याने हा निर्णय घेतला असून परीक्षेची केवळ तारीख बदलण्यात आली आहे, वेळेमध्ये कोणताही बदल होणार नसल्याचे उपकुलसचिव ए. एस. नलवडे यांनी प्रसिद्धी पत्रकाद्वारे कळवले आहे.

मोबाइल अॅप डाउनलोड करा आणि राहा अपडेट

सेफ सिटी प्रोजेक्टला ‘क्लिन चीट’

September 26, 2016, 2:30 pm

≫ Next: खासगी दौरा आता ‘खिशातून’

≪ Previous: कुलसचिवपदासाठी १७ उमेदवार पात्र

$

0

0

म. टा. प्रतिनिधी, कोल्हापूर

तब्बल साडे सात कोटी रुपयांच्या सेफ सिटी प्रोजेक्टला दोन्ही चौकशी समित्यांनी क्लिन चीट दिली असली तरी या प्रोजेक्टबद्दल नगरसेवकांत आजही साशंकता कायम आहे. प्रोजेक्टसाठी वापरलेले मटेरियल, आयआरबीच्या पोलवरून टाकलेली वायर, कमी दर्जाचे कॅमेरे यावरून नगरसेवकांचे प्रश्न कायम आहेत. त्याचबरोबर महापालिकेकडून मे.समर्थ सिक्युरिटी प्रायव्हेट​​ लिमिटेड कंपनीला प्रोजेक्टच्या देखभाल, दुरूस्तीसाठी देण्यात येणाऱ्या चौदा लाख रुपयांच्या अर्थसहायावरून आक्षेप कायम आहेत.

महापालिका प्रशासन, जिल्हा पोलिस प्रशासन यांच्या संयुक्त विद्यमाने कोल्हापूर शहरातील ६५ ठिकाणी १६५ सीसीटीव्ही कॅमेरे बसविण्यात आले आहेत. शहरातील गर्दीचे चौक, बाजारपेठांचा समावेश आहे. शहरातील वाहतुकीची कोंडी, गुन्हेगारीवर नियंत्रण ठेवण्यासाठी सेफ सिटी प्रोजेक्ट उपयुक्त ठरत असल्याचा प्रशासनाचा दावा आहे. या प्रोजेक्टसाठी महापालिकेने चार कोटी रुपये तर जिल्हा नियोजन समितीकडून दोन कोटी रुपयांचा निधी उपलब्ध करण्यात आला होता. तथापि या प्रोजेक्टच्या गुणवत्तेविषयी नगरसेवकांनी साशंकता व्यक्त केली. महापालिका सभागृहातही सेफ सिटी प्रोजेक्टवरील चर्चा गाजली. सेफ सिटी प्रोजेक्टच्या चौकशीवर सदस्य ठाम राहिल्याने तपासासाठी त्रयस्थ कंपनीची नेमणूक करण्यात आली.

कोल्हापूर येथील डॉ. डी. वाय. पाटील इंजिनीअरिंग कॉलेज आणि कराड येथील इंजिनीअरिंग कॉलेजकडे प्रोजेक्टच्या चौकशीचे काम सोपविण्यात आले. याकरिता डॉ. डी. वाय. पाटील इंजिनीअरिंग कॉलेजला साडे तीन लाख रुपये तर कराड कॉलेजला एक लाख रुपये शुल्क देण्यात आले. या दोन्ही कॉलेजकडून सेफ सिटीसंदर्भात अहवाल प्राप्त झाला आहे.

.............................

'दोन्ही कॉलेजच्या चौकशी समितीने सेफ सिटी प्रोजेक्टचे काम निविदेप्रमाणे करण्यात आल्याचा अहवाल दिला आहे. प्रोजेक्टची किंमत वाढू नये याकरिताच पोलवरून वायर टाकण्याचा निर्णय झाला होता. जिल्हा​​धिकारी, जिल्हा पोलिस अधीक्षक आणि मी असा तिघांनी मिळून हा निर्णय घेतला होता. निधी उपलब्ध होताच टप्प्याटप्प्याने जमीनीखालून वायर टाकण्याचा प्रस्ताव आहे.

आयुक्त पी. शिवशंकर


साडे तीन कोटींच्या बिलासाठी धावपळ

सेफ सिटी प्रोजेक्टचे आतापर्यंत चार कोटी रुपयांचे बिल देण्यात आले आहे. नगरसेवकांन प्रोजेक्टच्या गुणवत्ता आणि मटेरियलविषयी शंका उपस्थित केल्यानंतर उर्वरित साडे तीन कोटी रुपयांचे बिल अद्याप दिले नाही. कंपनीला उर्वरित रक्कम मिळवून देण्यासाठी महापालिकेतील एक यंत्रणा कार्यरत झाली आहे. पडद्याआड प्रयत्न सुरू झाले आहेत.

सेफ सिटी प्रोजेक्टची आयआयटी मुंबई या संस्थेकडून तपासणीची मागणी केली होती. महापालिकेकडून पाच वर्षे देखभाल दुरुस्तीसाठी संबंधित कंपनीला प्रत्येक वर्षी चौदा लाख रुपये देण्याचा निर्णय चुकीचा आहे. कॅमेऱ्यासाठी जमीनीखालून वायर टाकण्याऐवजी पोल आणि झाडातून केबल टाकली आहे. केबल निकृष्ट दर्जाची आहे. कॅमेऱ्यासाठी विद्युत जोडणी चुकीची पद्धतीने केली आहे. त्याला एमएसईबीची परवानगी नाही.

नगरसेवक भूपाल शेटे

मोबाइल अॅप डाउनलोड करा आणि राहा अपडेट

खासगी दौरा आता ‘खिशातून’

September 26, 2016, 2:30 pm

≫ Next: सांगलीत मराठा एल्गार

≪ Previous: सेफ सिटी प्रोजेक्टला ‘क्लिन चीट’

$

0

0

म. टा. प्रतिनिधी, कोल्हापूर

महापालिकेच्या मालकीच्या वाहनांचा योग्य वापर व्हावा, इंधन खर्चात बचत व्हावी याकरिता प्रशासनाने पावले टाकण्यास सुरुवात केली आहे. वाहन वापरासंदर्भात नवी नियमावली बनविण्यात आली असून वाहनांचा खासगी कामासाठी वापर होत असल्याचे निदर्शनास आल्यास अधिकाऱ्यांच्या वेतनातून खर्चाची कपात होणार आहे. आयुक्तांनी महापालिकेच्या सर्व विभागप्रमुखांना लेखी सूचना केल्या आहेत. पदाधिकाऱ्यांना पुरविण्यात आलेल्या मोटारींना हा नियम लागू असून संबं​धितांच्या मानधनातून खर्च कपात होणार आहे.

महापालिकेच्या मालकीची १४० वाहने आहेत. पाणी पुरवठा विभाग, टँकर, अतिक्रमण, आरोग्य विभागाकडे वाहने आहेत. जेसीबीसह कचरा वाहून नेण्यासाठी आर सीट्रक, डंपर या वाहनांचा समावेश आहे. महापालिकेचे पदाधिकारी व पदाधिकाऱ्यांकडे मिळून २९ वाहने आहेत. महापालिकेचा दरमहा इंधनावर २४ लाख रुपये खर्च होतो.

दुसरीकडे महापालिकेच्या मालकीच्या वाहनांचा गैरवापर होत असल्याचे सामोर आले आहे. कार्यालयीन कामकाजाच्या नावाखाली खासगी कामासाठी काही जण वापर करत आहेत. महापालिका कार्यक्षेत्राच्या बाहेर वाहनांचा प्रवास सुरू आहे. यामुळे इंधन खर्चात वाढ होत आहे. महापालिकेला आर्थिक फटका बसत आहे. इंधन खर्चात बचत करण्यासाठी प्रशासन प्रयत्नशील आहे. महापालिका कार्यक्षेत्राबाहेर वाहने नेण्यात येऊ नयेत. कार्यालयीन कामकाजसाठी मुंबई दौरा करतानाही महापालिकेच्या वाहनांचा वापर करू नये. राज्य महामंडळाच्या बसेस अथवा रेल्वेने प्रवास करावा अशा सक्त सूचना प्रशासनाने केल्या आहेत.

कार्यालयीन कामकाजासाठी वाहने महापालिकेच्या कार्यक्षेत्राबाहेर बाहेर नेण्याची वेळ आली तर संबंधित विभाग प्रमुखाकडे त्या संदर्भात लिखित माहिती सादर करावी लागणार आहे. पदाधिकारी ही अनेकदा कार्यालयीन बैठका व विविध योजनेच्या बैठकाच्या अनुषंगाने महापालिकेच्या मोटारीतून प्रवास करतात. महापालिकेच्या कार्यक्षेत्राबाहेर मोटारीतून प्रवास करावयास झाल्यास त्याची नोंद होणार आहे. महापालिकेच्या कामाव्यतिरिक्त खासगी कामासाठी वाहने वापरल्याचे सामोरे आल्यास अधिकाऱ्यांच्या वेतनातून व सदस्यांच्या मानधनातून प्रवास खर्च कपात होणार आहे.

इंधन खर्चात बचत होण्यास सुरुवात

महापालिकेच्या वाहनांना जीपीएस सिस्टीम बस​विण्यात आली आहे. यामुळे महापालिकेचे वाहन कुठे आहे, किती प्रवास केला याची इत्यंभूत माहिती एकाचवेळी तीन ठिकाणी समजत आहे. वर्कशॉप विभाग, महापालिका मुख्य इमारतीत यंत्रणा जोडल्याने वाहनांचा प्रवास समजण्यास मदत होत आहे. वाहन प्रवासाचा लेखाजोखा सुरू झाल्यापासून गेल्या तीन चार दिवसात इंधन वापराचे प्रमाण कमी झाल्याचे माहिती सामोर येत आहे. अनेकदा कर्मचारी खासगी कामासाठी तसेच शहराच्या बाहेर वाहने फिरवत असल्याच्या तक्रारी होत्या. इंधनाचा वापर आणि वाहनाचा प्रवास समजण्यासाठी प्रत्येक वाहनाला सेन्सर बसविण्यात येणार आहे. केएमटी वर्कशॉपमध्ये इंधन भरताना इंधनचा पुरवठा, किलो मीटर, इंधन कधी भरले याची नोंद होणार आहे. याकरिता स्वतंत्र यंत्रणा कार्यान्वित करण्यात येणार आहे.

पदाधिकाऱ्यांच्या वाहनांत नातेवाईक

महापालिकेच्या महापौर, उपमहापौर, विरोधी पक्षनेता, सभागृह नेता आणि विषय समित्यांच्या सभापतींना वाहनांची सुविधा आहे. अनेकदा या वाहनांतून नातेवाईकांचीच फिरती असते. काही पदाधिकाऱ्यांचे कुटुंबीय खरेदीसाठीही या वाहनांचा वापर करतात. यात अधिकाऱ्यांचे कुटुंबीयही मागे नसल्याचे समोर येत आहे.

मोबाइल अॅप डाउनलोड करा आणि राहा अपडेट

सांगलीत मराठा एल्गार

September 27, 2016, 5:39 am

≫ Next: सांगलीत भगवी लाट

≪ Previous: खासगी दौरा आता ‘खिशातून’

$

0

0

मूक मोर्चाने संपूर्ण रस्ते भगवेमय

हरीश यमगर, सांगली

संथ वाहणाऱ्या कृष्णामाईला महापूर आल्यानंतर पाणी पात्राबाहेर पडते, अगदी तसेच चित्र मंगळवारी सांगलीतल्या सर्वच रस्त्यांवर दिसून आले. मिरजेचे मिशन हॉस्पिटल ते सांगलीचा राम मंदिर असा सुमारे अकरा किलोमीटरचा पट्टा भगवामय झाला होता. मराठा समाजाच्या भव्य मोर्चात भगवे ध्वज उंचावत गर्दी रस्त्यांवर येताच रस्ते दिसेनासे झाले. नजर जाईल तिकडे भगवा रंगच वाहताना दिसू लागला. मराठा समाजाच्या मूक क्रांती मोर्चाने शिस्तीचा मानदंड कायम ठेवत ‘अंदाज पावसापाण्याचा लावायचा असतो, मराठ्यांचा नाही,’ ‘अत्याचार करु देणार नाही आणि सहनही करुन घेणार नाही,’ ‘आता समाजाला न्याय मिळेपर्यंत आता माघार घेणार नाही,’ असा इशारा देत मंगळवारी लाखोंच्या संख्येने जमलेल्या मराठा बांधवांनी गर्दीचा उच्चांक केला.

पोलिस आणि जिल्हा प्रशासनाने घेतलेली काळजी आणि मोर्चेकऱ्यांनी घडवलेले शिस्तीचे जबरदस्त दर्शन यांचा तंतोतंत मेळ बसला आणि गेले अनेक दिवस गाजत असलेला मराठा समाजाचा मूक मोर्चा मंगळवारी शांततेत पार पडला. मोर्चा मूक असला तरी प्रत्येकांच्या ओठाआड लपलेला हुंकार स्पष्टपणे जाणवत होता. कोण नेता आलाय, तो कुठून कसा जाणार आहे, याची अजिबात चौकशी न करता जिल्ह्याच्या कानाकोपऱ्यांतून, परजिल्ह्यातून, राज्यातून आलेला मराठा बांधव मोर्चाच्या मार्गाकडे येत होता. पहाटेपासूनच चौकाचौकांत भगवे ध्वज फडकत होते. सहा वाजल्यापासून रस्त्यावरची वर्दळ वाढू लागली. नऊच्या सुमारास गर्दी फुलू लागली. साडेदहा वाजण्याच्या सुमारास गर्दीत रस्ते अस्तित्व हरवून बसले आणि सव्वा अकरा वाजता विश्रामबाग चौकातील क्रांतिसिंह नाना पाटील यांच्या पुतळ्यापासून मोर्चाला सुरुवात झाली. बाल शिवाजी, जिजामाता, तलवार उंचावत झाशीच्या रुपातील मुलेमुली अग्रभागी, त्यानंतर पाच फुटांवर पेटती मशाल घेतलेल्या पाच मुली, त्यांच्या मागे भलामोठा ध्वज उंचावणारी मुलगी, मराठा क्रांती मूक मोर्चाचा एकच फलक घेऊन महिलांचा जथ्था, अशी रचना होताच मोर्चाला सुरुवात झाली.



विश्रामबागहून मोर्चाला सुरुवात झाली त्याचवेळी मध्यवर्ती बसस्थानकासमोरच्या डॉ. बाबासाहेब आंबेडकर यांच्या पुतळ्याला क्रांती मोर्चातील रणरागिणींनी अभिवादन केले. त्यानंतर भगव्या गर्दीत हरविलेल्या छत्रपती शिवाजी महाराजांच्या अश्वारुढ पुतळ्याला मुलींनी आभिवादन केल्यानंतर त्या दहा मुलींच्या नेतृत्वाखाली हजारोंच्या जनसमुदायाचा झंझावत राजवाडा चौकात आले. त्यानंतर दहा मुलींनी मुख्यमंत्र्यांच्या नावे असलेले मागण्यांचे निवेदन जिल्हाधिकारी शेखर गायकवाड यांना दिले. तो संपूर्ण झंझावत वाऱ्याच्या वेगाने राम मंदिर चौकात मोर्चाच्या मुख्य व्यासपीठाकडे आला. विश्रामबाग चौकातून आलेल्या मुलींनी पुष्पराज चौकात कर्मवीर भाऊराव पाटील यांना अभिवादन केले. पूर्व आणि पश्चिम बाजूंनी आलेला जनसमुदाय राम मंदिर चौकात एकत्र होताच मोजक्या चार मुलींनी व्यासपीठाचा ताबा घेतला. कोपर्डीतील अत्याचारित पीडिता, सीमेवर प्राणांचे बलिदान देणारे वीर जवान, आत्महत्या करणारे शेतकरी आदींना लाखोंच्या जनसमुदायाने एक मिनिट उभे राहून श्रध्दांजली वाहण्यात आली. श्रध्दांजलीच्यावेळची क्षणाची स्तब्धता मूक मोर्चाच्या गंभीरतेची जाणीव करुन देऊन गेली. सूत्रसंचालन करणाऱ्या योगिता पाटीलने निवेदनाचे वाचन केले. तीन मुलींची समाजाचे वास्तव मांडणारी आणि मागण्या नोंदविणारी भाषणे झाली. त्यानंतर राष्ट्रगीत होऊन मोर्चा समाप्त झाल्याची घोषणा करण्यात आली. ज्यावेळी मोर्चाची सांगता झाली त्यावेळीच खऱ्या अर्थाने मोर्चाला सुरुवात झाली असल्याचे चित्र समोर आले. शहरातील प्रत्येक रस्ता गर्दीने फुलून एखाद्या झंझावातासारखा भासू लागला. मोर्चाच्या समारोपानंतर संपूर्ण गर्दी शहराबाहेर जायला सुमारे दोन तास लागले. अनेकांना आपल्या वाहनांपर्यंत जाण्यासाठी बरीच पायपीट करायला लागली. परंतु कोणीही थकल्या भागल्यासारखे बसून राहिले नाही की हातातला ध्वज बाजूला करुन चालले नाही. अगदी वृध्द व्यक्तीही झेंडा नाकासमोर धरुन चालत होते.

मोबाइल अॅप डाउनलोड करा आणि राहा अपडेट

---

सांगलीत भगवी लाट

September 27, 2016, 10:46 am

≫ Next: सांगलीत मराठा एल्गार

≪ Previous: सांगलीत मराठा एल्गार

$

0

0

सचिन यादव/हरीश यमगर, सांगली

कृष्णकाठच्या गावागावांत पहाटेपासून मावळ्यांमध्ये संचारणारा उत्साह, मोर्चासाठी क्षणाक्षणाला वाढणारी उत्कंठा, लगबग, गल्लोगल्लीतून आणि महाराष्ट्र-कर्नाटकच्या गावागावांतून आलेल्या लाखो मावळ्यांनी मराठा मोर्चाचा मंगळवारी सांगलीत एल्गार केला. समाजाच्या दबलेल्या हुंकाराची जाणीव करून देत लाखो मा‍वळे आणि जिजाऊंच्या लेकींच्या उपस्थितीत अभूतपूर्व सकल मराठा मूक क्रांती मोर्चा झाला. सांगलीत चौकाचौकांत आणि घराघरांत भगवा ध्वज फडकला. मिरजेच्या मिशन हॉस्पिटलजवळ विजयनगरपासून ते सांगलीच्या राम मंदिरपर्यंतचा सुमारे नऊ किलोमीटरचा मार्ग लाखो जनसमुदायाने व्यापला. शिस्त, शांतता आणि एकीचे दर्शन घडवत सांगली जिल्ह्यातील मराठा समाजाने आरक्षण आणि कोपर्डी घटनेचा काळ्या फिती लावून निषेध व्यक्त केला. लाखो मावळ्यांचे सांगलीत भगवे वादळ धडकले. प्रचंड गर्दीत दोन तास झालेल्या शिस्तबद्ध मोर्चाने एकी साधली. मराठा आरक्षणासाठी आणि कोपर्डी घटनेतील आरोपींना फाशीची शिक्षा देण्याच्या मागणीसाठी काळ्या फिती लावून निषेध व्यक्त केला.

क्रांतिसिंह नाना पाटील यांच्या पुतळ्याला अभिवादन करून मोर्चाला सुरुवात झाली. सांगलीच्या चारही दिशांना भगवी लाट पसरली. दर सेकंदाला जनसागर उसळत मोर्चात सहभागी झाला. गर्दीने भरलेले रस्ते आणि चौक... महिला, तरुण-तरुणी, विद्यार्थिनींच्या लक्षणीय उपस्थितीत लाखोंच्या सहभागाने मोर्चा सुरू झाला. पहाटे पाचपासून सांगलीतील रस्त्यांवर स्वयंसेवकांची मोर्चाची तयारी केली. जिल्ह्यातील गावागावांतून मोर्चासाठी मावळे आणि जिजाऊ बाहेर पडल्या. सांगलीच्या मध्यवर्ती बसस्थानकाजवळील डॉ. बाबासाहेब आंबेडकर यांच्या पुतळ्याजवळ जिजाऊंच्या लेकी जमल्या. भगवा ध्वज, भगव्या टोप्या, टी शर्ट, भगव्या रिबीनसह भगव्यामय वातावरणात मोर्चाची सुरुवात झाली. साडेसातपासून महात्मा गांधी चौकाकडे मावळ्यांची आणि जिजाऊंच्या लेकींची गर्दी झाली. आबालवृद्धांसह प्रत्येक कुटुंब घराला कुलूप लावून मोर्चात सहभागी झाले. सांगलीच्या एसटी स्टॅण्डवरून काही तरुणांनी मोटारसायकल रॅली काढून मोर्चासाठी आवाहन केले. नऊनंतर मात्र सांगलीच्या रस्त्यावर मराठा समाजाचा महापूर आला. दुचाकी, चारचाकी, खासगी वाहने, रेल्वे, एसटीसह चालत येणाऱ्यांची रिघच क्रांतिसिंह नाना पाटील चौकाकडे लागली आणि तेथून मोर्चाला सुरुवात झाली. कोणतीही गडबड नाही, घोषणा नाही, चेंगराचेंगरी नाही. अगदी शिस्त, एकीचे आणि शांततेचे दर्शन घडवत मोर्चा निघाला. मध्यवर्ती बसस्थानकासमोरील डॉ. बाबासाहेब आंबेडकर यांच्या पुतळ्याला मोर्चातील रणरागिणींनी अभिवादन केले. त्यानंतर छत्रपती शिवरायांच्या अश्वारूढ पुतळ्याला अभिवादन करून दहा मुलींच्या नेतृत्वाखाली लाखोंचा मोर्चा शिस्तीने राजवाडा चौकात आला. दहा मुलींनी मुख्यमंत्र्यांच्या नावे असलेले मागण्यांचे निवेदन जिल्हाधिकारी शेखर गायकवाड यांना दिले. तेथून पुढे शिस्तीने मोर्चा राम मंदिरच्या मुख्य चौकात आला. तेथे मुख्य व्यासपीठाच्या शेजारी हजारो मावळे जमले. व्यासपीठाच्या बाजूल काँग्रेस कमिटी आणि डाव्या बाजूकडील मध्यवर्ती बसस्थानकाच्या रोडवरही हजारो मावळे जमले. विश्रामबाग चौकातून आलेल्या मुलींनी पुष्पराज चौकात कर्मवीर भाऊराव पाटील यांच्या पुतळ्याला अभिवादन केले. पूर्व आणि पश्चिम बाजूने आलेल्या मोर्चातील जनसमुदायाने राम मंदिर ते विजयनगरपर्यंतचा रस्ता व्यापला. चौकातील व्यासपीठावर चार मुलींनी कोपर्डीतील घटनेतील पीडिता, सीमेवर प्राणांचे बलिदान देणारे वीर जवान, आत्महत्या करणारे शेतकरी, आदींना आदरांजली वाहिली. योगिता पाटीलने निवेदनाचे वाचन केले. मराठा समाजील गरिबीची दाहकता आणि आरक्षणाची गरज असल्याचे वास्तव मांडणारी भाषणे तीन मुलांनी केली. मोर्चा संपल्यानंतरही शहराबाहेर जाण्यासाठी सुमारे दोन तासांचा कालावधी लागला.



‘मराठा तितुका मेळवावा

सर्व जाती, धर्म, समाज, संघटनांनी पाठिंबा देत मोर्चाला ‘सकल’ बनवले. मराठ्यांनी एकी दाखविली की समाज एकत्र येतो, या इतिहासाची पुनरावृत्ती घडविली. छत्रपती शिवरायांनी अठरा पगड जाती, बलुतेदार, आलुतेदार यांना एकत्र आणून स्वराज्याची स्थापना केली. मोर्चात सर्व जाती, धर्म सहभागी झाल्याने मराठा तितुका मेळवत असताना महाराष्ट्र धर्म वाढवावा याची प्रचिती मोर्चाने दिली.


भगवे वादळ

कोपर्डी अत्याचाराचा निषेध, मराठा आरक्षणासह विविध मागण्यांवर मोर्चाने लक्ष वेधले. नेतृत्वासाठी कोणताही विशिष्ट चेहरा नव्हता. कोणतीही नेतेमंडळी मोर्चाच्या अग्रस्थानी नव्हती. शिवरायांचे मावळे आणि जिजाऊंच्या लेकींचा हा लक्षवेधी मोर्चा ठरला. मारुती चौक, डॉ. बाबासाहेब आंबेडकर पुतळा, मारुती रोड, आयर्विन पुलावरून जणू काही भगवे वादळ शहरात धडकले आणि बघता बघता लाखोंचा जनसमुदाने मोर्चात सहभागी झाला.

मोबाइल अॅप डाउनलोड करा आणि राहा अपडेट

सांगलीत मराठा एल्गार

September 27, 2016, 10:49 am

≫ Next: सीमाभागातूनही उत्स्फूर्त प्रतिसाद

≪ Previous: सांगलीत भगवी लाट

$

0

0

हरीश यमगर, सांगली

सांगली : संथ वाहणाऱ्या कृष्णामाईला महापूर आल्यानंतर पाणी पात्राबाहेर पडते, अगदी तसेच चित्र मंगळवारी सांगलीतल्या सर्वच रस्त्यांवर दिसून आले. मिरजेचे मिशन हॉस्पिटल ते सांगलीचा राम मंदिर असा सुमारे अकरा किलोमीटरचा पट्टा भगवामय झाला होता. मराठा समाजाच्या भव्य मोर्चात भगवे ध्वज उंचावत गर्दी रस्त्यांवर येताच रस्ते दिसेनासे झाले. नजर जाईल तिकडे भगवा रंगच वाहताना दिसू लागला. मराठा समाजाच्या मूक क्रांती मोर्चाने शिस्तीचा मानदंड कायम ठेवत ‘अंदाज पावसापाण्याचा लावायचा असतो, मराठ्यांचा नाही,’ ‘अत्याचार करु देणार नाही आणि सहनही करुन घेणार नाही,’ ‘आता समाजाला न्याय मिळेपर्यंत आता माघार घेणार नाही,’ असा इशारा देत मंगळवारी लाखोंच्या संख्येने जमलेल्या मराठा बांधवांनी अन्यायाविरोधात एल्गार पुकारला.

पोलिस आणि जिल्हा प्रशासनाने घेतलेली काळजी आणि मोर्चेकऱ्यांनी घडवलेले शिस्तीचे जबरदस्त दर्शन यांचा तंतोतंत मेळ बसला आणि गेले अनेक दिवस गाजत असलेला मराठा समाजाचा मूक मोर्चा मंगळवारी शांततेत पार पडला. मोर्चा मूक असला तरी प्रत्येकांच्या ओठाआड लपलेला हुंकार स्पष्टपणे जाणवत होता. कोण नेता आलाय, तो कुठून कसा जाणार आहे, याची अजिबात चौकशी न करता जिल्ह्याच्या कानाकोपऱ्यांतून, परजिल्ह्यातून, राज्यातून आलेला मराठा बांधव मोर्चाच्या मार्गाकडे येत होता.

पहाटेपासूनच चौकाचौकांत भगवे ध्वज फडकत होते. सहा वाजल्यापासून रस्त्यावरची वर्दळ वाढू लागली. नऊच्या सुमारास गर्दी फुलू लागली. साडेदहाच्या सुमारास गर्दीत रस्ते अस्तित्व हरवून बसले आणि सव्वा अकरा वाजता विश्रामबाग चौकातील क्रांतिसिंह नाना पाटील यांच्या पुतळ्यापासून मोर्चाला सुरुवात झाली. बाल शिवाजी, जिजामाता, तलवार उंचावत झाशीच्या रुपातील मुलेमुली अग्रभागी, त्यानंतर पाच फुटांवर पेटती मशाल घेतलेल्या पाच मुली, त्यांच्या मागे भलामोठा ध्वज उंचावणारी मुलगी, मराठा क्रांती मूक मोर्चाचा एकच फलक घेऊन महिलांचा जथ्था, अशी रचना होताच मोर्चाला सुरुवात झाली.

शहरभर झंझावात

विश्रामबागहून मोर्चाला सुरुवात झाली त्याचवेळी मध्यवर्ती बसस्थानकासमोरच्या डॉ. बाबासाहेब आंबेडकर यांच्या पुतळ्याला क्रांती मोर्चातील रणरागिणींनी अभिवादन केले. त्यानंतर भगव्या गर्दीत हरविलेल्या छत्रपती शिवाजी महाराजांच्या आश्वारुढ पुतळ्याला मुलींनी आभिवादन केल्यानंतर त्या दहा मुलींच्या नेतृत्वाखाली हजारोंच्या जनसमुदायाचा झंझावत राजवाडा चौकात आले. त्यानंतर दहा मुलींनी मुख्यमंत्र्यांच्या नावे असलेले मागण्यांचे निवेदन जिल्हाधिकारी शेखर गायकवाड यांना दिले. पुन्हा संपूर्ण झंझावत वाऱ्याच्या वेगाने राम मंदिर चौकात मोर्चाच्या मुख्य व्यासपीठाकडे आला. विश्रामबाग चौकातून आलेल्या मुलींनी पुष्पराज चौकात कर्मवीर भाऊराव पाटील यांना अभिवादन केले.

पूर्व आणि पश्चिम बाजूंनी आलेला जनसमुदाय राम मंदिर चौकात एकत्र होताच मोजक्या चार मुलींनी व्यासपीठाचा ताबा घेतला. कोपर्डीतील अत्याचारित पीडिता, सीमेवर प्राणांचे बलिदान देणारे वीर जवान, आत्महत्या करणारे शेतकरी आदींना लाखोंच्या जनसमुदायाने एक मिनिट उभे राहून श्रध्दांजली वाहण्यात आली. श्रध्दांजलीवेळची क्षणाची स्तब्धता मूक मोर्चाच्या गंभीरतेची जाणीव करुन देऊन गेली.

सूत्रसंचालन करणाऱ्या योगिता पाटीलने निवेदनाचे वाचन केले. तीन मुलींची समाजाचे वास्तव मांडणारी आणि मागण्या नोंदविणारी भाषणे झाली. त्यानंतर राष्ट्रगीत होऊन मोर्चा समाप्त झाल्याची घोषणा करण्यात आली.

मोर्चा संपल्यानंतरही रस्ते वाहू लागले

मोर्चाची सांगता झाली त्याचवेळी खऱ्या अर्थाने मोर्चाला सुरुवात झाली असल्याचे चित्र समोर आले. मोर्चाच्या समारोपानंतर संपूर्ण गर्दी शहराबाहेर जायला सुमारे दोन तास लागले. अनेकांना आपल्या वाहनांपर्यंत जाण्यासाठी बरीच पायपीट करावी लागली. परंतु कुणीही थकल्या भागल्यासारखे बसून राहिले नाही की हातातला ध्वज बाजूला करुन चालले नाही. अगदी वृद्धही झेंडा नाकासमोर धरुन चालत होते.

०००००००००

०००००००००

अशी होती मोर्चाची रचना

सुरुवातीला बाल शिवाजीच्या रुपातील बालके, जिजामाता आणि झाशीच्या राणीच्या वेशभूषेतील मुली, त्यानंतर मशाल घेतलेल्या पाच मुली, त्यांच्यामागे एक ध्वजधारक मुलगी, त्यानंतर महिला, लहान मुले-मुली, वकील, युवती, वयोवृद्ध व्यक्ती, युवक आणि सामान्य.

०००००००००

या नेत्यांचा सहभाग

खासदार संजय पाटील, माजी मंत्री पतंगराव कदम, माजी मंत्री जयंत पाटील, माजी केंद्रीय राज्यमंत्री प्रतीक पाटील, आमदार अनिल बाबर, शिवाजीराव नाईक, विलासराव जगताप, सुमन पाटील, माजी आमदार सदाशिवराव पाटील, दिनकर पाटील, भाजप जिल्हाध्यक्ष पृथ्वीराज देशमुख, राष्ट्रवादीचे जिल्हाध्यक्ष विलासराव शिंदे, भाजप नेते दीपक शिंदे आदी नेत्यांनी मोर्चात सहभाग घेतला.


मोर्चात फडकणारे फलक

अ‍ॅट्रॉसिटी कायद्यात तत्काळ दुरुस्ती करा

शेतीमालाला योग्य हमीभाव द्या

एकच मिशन, मराठा आरक्षण

मराठ्यांची उत्क्रांती, मराठा क्रांती

थोर मराठा, एक जीवाचा मराठा, एक मराठा, लाख मराठा

एक लढा जातीसाठी, आई, बहीण आणि लेकींसाठी

लई केलं इतरांसाठी आता केवळ मराठ्यांसाठी

आत्महत्याग्रस्त शेतकऱ्यांच्या कुटुंबाना तत्काळ मदत करा

कोपर्डीतील गुन्हेगारांना फाशी झालीच पाहिजे

ना ह्यांच्यासाठी ना त्यांच्यासाठी मी येणार मराठा समाजासाठी

आजवर लढलो मातीसाठी, एक लढा जातीसाठी


मोर्चाच्या प्रमुख मागण्या

कोपर्डी घटनेतील आरोपींना फाशी द्या

अ‍ॅट्रॉसिटी कायद्याचा गैरवापर थांबवा

स्वामीनाथन आयोगाच्या शिफारशी लागू करा

छत्रपती शिवाजी महाराजांचे अरबी समुद्रातील स्मारक उभारणीला गती द्या

शेतकऱ्यांची कर्जे माफ करावीत

मराठ्यांना सरसकट आरक्षण मिळालेच पाहिजे

ईबीसी सवलतीची उत्पन्नमर्यादा सहा लाखांपर्यत वाढवावी

आत्महत्याग्रस्त शेतकऱ्यांच्या वारसांना दहा लाखांची तातडीची मदत करा

शेतकऱ्यांच्या मुलाला उच्च शिक्षण मोफत मिळावे

अण्णासाहेब पाटील अर्थिक विकास महामंडळ मराठ्यांपुरतेच मर्यादित ठेवा

शेतीमाला उत्पादन खर्चावर आधारित हमीभाव मिळावा

मोबाइल अॅप डाउनलोड करा आणि राहा अपडेट

सीमाभागातूनही उत्स्फूर्त प्रतिसाद

September 27, 2016, 10:52 am

≫ Next: उजनी ९८ टक्के भरले

≪ Previous: सांगलीत मराठा एल्गार

$

0

0

म. टा. वृत्तसेवा, मिरज
सांगलीत मंगळवारी निघालेल्या मराठा क्रांती मूक मोर्चाला मिरज परिसरातून उत्स्फूर्त प्रतिसाद मिळाला. पूर्व भागासह जत, कवठेमहांकाळ तालुक्यांतून आलेल्या लाखो मराठा बांधवांची मिरजेच्या सर्वच मार्गांवर मोठी गर्दी झाली होती. सीमाभागातील मराठी बांधवांचीही उपस्थितीही लक्षणीय होती. बाहेरगावांहून येणाऱ्या वाहनांच्या गर्दीमुळे मिरजेतील मराठाबांधव छत्रपती शिवरायांना अभिवादन करून सांगलीकडे पायीच रवाना झाले.
कोपर्डी घटनेच्या निषेधार्थ आणि मराठा आरक्षणाच्या मागणीसाठी मंगळवारी सांगलीत क्रांती मूक मोर्चा काढण्यात आला. मोर्चासाठी मिरजेसह जिल्ह्यातून जोरदार तयारी केली होती. शहरासह पूर्व भागातून मोर्चासाठी उत्स्फूर्त पाठिंबा मिळाला.
सकाळी सातपासून शहराच्या चारही बाजूंनी सांगलीकडे जाण्यासाठी महात्मा गांधी चौकाकडे मराठा बांधवांची रीघ लागली होती. सकाळी साडेनऊ ते दुपारी बारापर्यंत वाहनांच्या गर्दीने गांधी चौक, मिरज-पंढरपूर रस्ता, छत्रपती शिवाजी महाराज रस्ता, चर्च रस्ता, मिरज मार्केट परिसर, पूर्व भागातून शहराला जोडणारे मालगाव, टाकळी, बोलवाड, बेडग, म्हैसाळ, अर्जुनवाड आदी रस्ते, मिरज बसस्थानक आणि रेल्वे स्थानक, आदी परिसरात भगवी टोपी परिधान केलेले व हाता भगवे ध्वज घेतलेल्या लाखो मराठा बांधवांनी परिसर फुलला होता.
शहरासह कवठेमहांकाळ व जत तालुक्यातील हजारो वाहनांतून मराठा बांधव मिरजमार्गे सांगलीकडे जात होते. महात्मा गांधी चौकात मिरजेतील स्वयंसेवकांनी पिण्याचे पाणी, बिस्कीट, चहा, गोळ्या, लाडू, चिवडा, आदी अल्पोपाहाराची सोय केली होती. पूर्व भागातील मराठा बांधव रॅलीने मिरजेत दाखल होत होते. मालगावसह सलगरे, आरग, बेडग, म्हैसाळ येथील तरुणांनी मोटारसायकल रॅलीद्वारे सांगलीतील मोर्चात सहभाग घेतला.
मोर्चात सहभागी होण्यासाठी मराठा बांधवांनी सकाळपासून छत्रपती शिवाजी महाराज पुतळ्याजवळ गर्दी करण्यास सुरुवात केली होती. यात तरुण, महिलांसह लहान मुले व ज्येष्ठ नागरिकांची संख्याही लक्षणीय होती. मुले व मुली फेटा बांधून पारंपरिक वेशात सहभागी झाले होते. गुंडेवाडी येथील प्रवीण घोडेस्वार हा कार्यकर्ता महात्मा गांधीजींची वेशभूषा करून मोर्चात सहभागी झाला होता. छत्रपती शिवरायांची वेशभूषा केलेला छोटा बालक मोर्चाचे आकर्षण ठरला.
मिरजेच्या रस्त्यांवर सांगलीकडे जाणाऱ्या मराठा बांधवांची सकाळ सात वाजल्यापासूनच वर्दळ सुरू झाली होती. मोर्चाच्या संयोजनासाठी पहाटे पाचपासूनच स्वयंसेवक नेमून दिलेल्या जागी हजर होते. कवठेमहांकाळ, जत, मिरज पूर्वभाग, सीमाभाग व कोल्हापूर जिल्ह्यातून येणाऱ्या मराठा बांधवांना पाणी व अल्पोपहाराची व्यवस्था करण्यापासून मोर्चाच्या नियोजितस्थळी जाण्याचा मार्ग, वाहनांचे पार्किंग याबाबत स्वयंसेवक मार्गदर्शन करीत होते. मोर्चाव्यतिरिक्त इतर वाहनांच्या नियंत्रणासाठी वाहतूक पोलिसांसोबत स्वयंसेवक राबत होते.
मोर्चाकडे जाणाऱ्या वाहनांचा ओघ कमी झाल्यानंतर स्वयंसेवकांनी तातडीने रस्त्यांच्या स्वच्छतेचे काम हाती घेतले. मोर्चा संपल्यानंतर मोर्चेकऱ्यांची गर्दी वाहने पार्किंग केलेल्या ठिकाणांकडे वळली. वाहनांचे पार्किंग मिरज-सांगली रस्त्यावर अनेक ठिकाणी केले होते. मोर्चाजवळ पार्किंग केलेली वाहने व पायी जाणारे मोर्चेकरी यांच्यात अपघात होऊ नये यासाठी स्वयंसेवकांनी रस्त्याच्या मध्यभागी उभे राहून रस्त्यावरील पादचारी मोर्चेकरी व वाहने यांच्यासाठी दोन स्वतंत्र मार्गांची व्यवस्था केली होती. यामुळे पोलिसांवरील ताण कमी झाला.
चौकट
शिक्षण संस्थांचा सहभाग
शहर व परिसरातील अनेक महाविद्यालयाच्या विद्यार्थी-विद्यार्थिनी गणवेशातच मोर्चात सहभागी झाले होते. यात संजय भोकरे ग्रुप ऑफ इन्स्टिट्यूट, गुलाबराव पाटील शैक्षणिक संकुल, विश्वेश्वरैया टेक्निकल कॅम्पस, एम. डी. जाधव इंजिनीअरिंग कॉलेज, भारती विद्यापीठ, आदी संस्थांतील हजारो विद्यार्थ्यांचा समावेश होता. या संस्थांनी विद्यार्थांना मोर्चाकडे नेण्यासाठी संस्थेच्या स्कूल बसची व इतर वाहनांची व्यवस्था केली होती. मोर्चात विद्यार्थ्यांसह प्राध्यापक, कर्मचारी सहभागी झाले होते.

शिरोळ तालुक्यातूनही पाठिंबा
समाजाच्या हक्कासाठी निघालेल्या या मोर्चात कागवाड, शेडबाळ, गणेशवाडी, शेडशाळ, कुडची, उगार, संबर्गी, अथणी, आदी परिसरातून सीमावासीय मराठी बांधव मिरजमार्गे मोर्चात सहभागी झाले होते. तसेच कोल्हापूर जिल्ह्यातील शिरोळ, अर्जुनवाड, कुरुंदवाड, नृसिंहवाडी, आदी भागातीलही मराठा बांधव मोर्चात सहभागी झाले होते.

मोबाइल अॅप डाउनलोड करा आणि राहा अपडेट

उजनी ९८ टक्के भरले

September 28, 2016, 11:00 am

≫ Next: झेडपी मैदानावरून निघणार मोर्चा

≪ Previous: सीमाभागातूनही उत्स्फूर्त प्रतिसाद

$

0

0

म. टा. वृत्तसेवा, सोलापूर

उजनी धरण बुधवार अखेर ९८ टक्के भरले आहे. धरणाच्या पाणलोट क्षेत्रात पाऊस पडत असल्यामुळे धरण लवकरच शंभर टक्के भरणार आहे. या पार्श्वभूमीवर बुधवारी उजनी धरण येथे महापौर प्रा. सुशीला आबुटे, उपमहापौर प्रविण डोंगरे यांनी जलपूजन करून उजनीची ओटी भरली. यावेळी डोंगरे यांनी कर्नाटकच्या अलमट्टी धरणाच्या धर्तीवर उजनी परिसराचा पर्यटन केंद्र म्हणून विकास करावा, अशी मागणी केली.

सोलापूरच्या दहा लाख लोकसंख्येची पाण्याची गरज भागविणाऱ्या उजनी धरणात आता मुबलक पाणीसाठा झाला आहे. शहरवासियांची चिंता दूर झाली आहे. हिप्परगा तलाव आणि औज बंधाराही पाण्याने भरला असल्यामुळे पुढील काही महिने शहरवासियांना पाण्याची अडचण भासणार नाही. उजनीत भरपूर पाणीसाठा असल्यामुळे लवकरच शहरवासियांना एक दिवसआड पाणीपुरवठ्याचे नियोजन करण्यात येईल, असे महापौर सुशीला आबुटे यांनी सांगितले.

एक ऑक्टोंबरपासून नवरात्रोत्सवाला प्रारंभ होत आहे. मुस्लिम बांधवांचा मोहरम सणही सुरू होत आहे. त्यानंतर दसरा तसेच दिवाळी असे सलग सण आहेत. शहरवासियांना सणासुदीच्या कालावधीत पाण्याची कमतरता भासणार नाही, याची पूर्ण काळजी महापालिकेने घेतली असल्याचे सभागृहनेते संजय हेमगड्डी यांनी सांगितले. या पुढील काळात शहरवासियांना पाण्याची टंचाई भासू नये म्हणून सरकारने पाण्याचे काटेकोरपणे नियोजन करावे आणि पालकमंत्री विजयकुमार देशमुख यांनी तसे सरकारला सुचवावे, असेही महापौर म्हणाल्या.

मोबाइल अॅप डाउनलोड करा आणि राहा अपडेट

झेडपी मैदानावरून निघणार मोर्चा

September 28, 2016, 10:58 am

≫ Next:  ‘मेगा मोर्चा’ साठी तरुणाई आघाडीवर

≪ Previous: उजनी ९८ टक्के भरले

$

0

0

म. टा. वृत्तसेवा, सातारा

साताऱ्यात मराठा समाजाचा मराठा क्रांती मूक मोर्चा सोमवारी, तीन ऑक्टोबर रोजी निघणार आहे. मोर्चा जिल्हा परिषदेच्या मैदानावरून सुरू होणार आहे. तेथून तो पुढे नवीन आरटीओ. ऑफिस, सिव्हिल, एसटी बसस्थानक चौक, राधिका रोड, मोती चौकमार्गे राजपथावरून पोवई नाका, असा जाणार असल्याची माहिती जिल्हा पोलिस अधीक्षक संदीप पाटील यांनी पत्रकार परिषदेत दिली.

मोर्चासाठी शहर परिसरात एकूण ४३ पार्किंग झोन राहणार निर्माण करण्यात आले आहेत. २८ ठिकाणी मोर्चेकऱ्यांना उतरण्याची सुविधा केली आहे. सर्व मोर्चेकरी आठ ठिकाणी एकत्रित जमणार आहेत. दरम्यान, महिलांसाठी जि. प. मैदान, शाहू स्टेडियम, कला व वाणिज्य कॉलेज, गांधी मैदान तर पुरुषांना सैनिक स्कूल मैदान, पोलिस परेड मैदान, कोटेश्वर व राजवाडा बसस्थानकावर थांबण्याची सोय करण्यात आली आहे.

सकल मराठा समाजाच्या साताऱ्यातील मोर्चासाठी सर्वत्र जोरदार तयारी झाली असून, संयोजन समिती, जिल्हा प्रशासन व पोलिस यंत्रणा यांनी एकत्रितपणे मायक्रो प्लॅनिंग केले आहे. गेल्या आठवड्यापासून पोलिस मोर्चा मार्गाबाबत बैठका, रस्ते पाहणी करीत आहेत. यामुळे मोर्चाचा मार्ग, पार्किंगची व्यवस्था, पुरुष, महिलांनी कुठे एकत्रित यायचे या बाबतची जिल्ह्याला उत्सुकता लागली होती. या पार्श्वभूमीवर मंगळवारी जिल्हा पोलिस अधीक्षक संदीप पाटील यांनी मोर्चा नियोजनाबाबत विस्तृत माहिती दिली.

असा असेल मोर्चा मार्ग

सातारा जिल्हा परिषद क्रीडागंण, अजिंक्य हॉस्पिटल चौक, ग्रीन फिल्ड हॉटेल, मुथा चौक, सिव्हिल हॉस्पिटल, पारंगे हॉस्पिटल, एसटी बसस्थानक, राधिका सिग्नल, न्यु राधिका रोड, राधिका टॉकीज, समर्थ टॉकीज, मोती चौक, राजपथ, शाहू चौक, रयत शिक्षण संस्था ते पोवई नाका अशाप्रकारे मोर्चाचा मार्ग राहणार आहे.

मोर्चा काळात एसटी बंद

साताऱ्यातील मोती चौक-पोलिस मुख्यालय, प्रिया व्हरायटी-जुने मनाली हॉटेल व शाहू चौक-बोगदा हा मार्ग पूणपणे खुला ठेवला जाणार आहे. सिव्हिल रस्ताही आपत्कालीन बाबींसाठी खुला ठेवला जाणार आहे. मोर्चाच्या दिवशी शहरवासियांनी रस्त्यावर कुठेही वाहने पार्किंग करु नयेत, याची खबरदारी घ्यावी. तसेच शहरवासियांनी मोर्चामध्ये सामील होण्यासाठी अधूनमधून सहभागी न होता राजवाडा येथे एकत्रित येवूनच सहभागी व्हावे, असे आवाहनही जिल्हा पोलिसप्रमुख संदीप पाटील यांनी केले आहे.

मराठा मोर्चामुळे तीन ऑक्टोबरला एसटी. सेवा सायंकाळपर्यंत बंदच राहणार आहे. सातारा बसस्थानकातून सकाळी सात वाजल्यापासून मोर्चा संपेपर्यंत स्थानिक व लांब पल्ल्याची एसटी बस वाहतूक बंद राहील. सकाळी सात वाजेपर्यंतच एसटी बसस्थानकात येतील मात्र मोर्चा संपल्यानंतरच एसटीची पूर्ववत वाहतूक सुरू होणार आहे. तोपर्यंत मेढा, महाबळेश्वर वाई, खंडाळा, कोरेगाव, वडूज, दहिवडी, पाटण, कराड, फलटण, सातारा या आगाराच्या एसटी बसेसंना मोर्चा काळात सातारा शहरात प्रवेश बंदी करण्यात आली आहे. मोर्चाच्या दिवशी सातारा बाहेरुन एकही एसटी शहरात येणार नसून, त्याबाबतची सूचनाही एसटी विभागाला देण्यात आली आहे. लोणंद रस्त्यावरील पूल धोकादायक बनल्याने येणाऱ्या मोर्चेकऱ्यांनी लोणंद रस्त्यावरुन वाहने न आणता ती कोरेगाव किंवा खंडाळामार्गे आणावीत, असेही आवाहन करण्यात आले आहे.

मोबाइल अॅप डाउनलोड करा आणि राहा अपडेट

 ‘मेगा मोर्चा’ साठी तरुणाई आघाडीवर

September 27, 2016, 2:30 pm

≫ Next: नवीन मतदार नोंदणी १४ ऑक्टोबरपर्यंत

≪ Previous: झेडपी मैदानावरून निघणार मोर्चा

$

0

0

म. टा. प्रतिनिधी, कोल्हापूर

कोल्हापूरचा मराठा क्रांती मोर्चा ‘मेगा मोर्चा’ करण्याच्यादृष्टीने तयारी सुरू झाली आहे. मोर्चामध्ये मोठ्या संख्येने सहभागी होण्याच्या इच्छेबरोबरच स्वयंसेवक म्हणून काम करण्यासाठी गावागावांमधून तसेच विविध ठिकाणच्या कॉलेजमधील युवक युवतींचे गट मोठ्या प्रमाणावर नावनोंदणीसाठी स्वयंस्फुर्तीने पुढे येत आहेत. विविध मराठा संघटनांचा एक व एक स्थानिक कार्यकर्ता अशा पद्धतीने गावागावांमध्ये, वाड्यावस्तींवर पोहचून बैठक घेतल्या जात आहेत. त्याचप्रमाणे शहरामध्येही विविध भागात बैठका घेतल्या जात आहेत. बुधवारी नियोजनासाठी कोअर समितीची बैठक होणार असून त्यामध्ये मोर्चाचे ठिकाण निश्चित केले जाण्याची शक्यता आहे.

पुण्यानंतर कोल्हापूरच्या मराठा क्रांती मोर्चाकडे राज्याचे लक्ष लागले आहे. १५ ऑक्टोबर रोजी होणाऱ्या मोर्चामध्ये समाजातील अधिकाधिक नागरिक सहभागी व्हावेत याकरिता जनजागृतीसाठी गावांमध्ये तसेच वाड्यावस्तींवर बैठक घेण्यात येत आहेत.त्यासाठी संघटनांचा एक कार्यकर्ता व त्या गावातील एक कार्यकर्ता अशा पद्धतीने बैठक घेतल्या जात आहेत. मोर्चामध्ये सहभागी होणाऱ्यांना मागण्या तोंडपाठ असाव्यात यासाठी या बैठकांमधून प्रबोधन केले जात आहे. तसेच मोर्चा शिस्तबद्धरित्या काढण्यासाठी ठरवण्यात आलेली नियमावलीही सहभागींना सांगितली जात आहे. याबरोबरच प्रत्येक कॉलेजच्या परिसरात जाऊन तरुणाईपर्यंत कार्यकर्ते पोहचत आहेत. मोर्चाबाबत तरुणाईला मिळत असलेल्या माहितीनंतर युवक, युवतींचे गट मोर्चामध्ये सहभागी होण्यासाठी मोठ्या संख्येने कोल्हापुरात स्थापन करण्यात आलेल्या मुख्य कार्यालयात सकाळपासून गर्दी होत आहे. नाव नोंदवून घेण्याबरोबरच त्यांचा मोबाइल नंबर व ई मेलही घेतला जात आहे. अनेकजण गटागटाने सहभागी होणार असल्याचे सांगत आहेत. स्वयंसेवक म्हणून सहभागी होणाऱ्यांकडून दोन दिवसांत अर्ज भरुन घेण्यात येणार आहेत. त्यांना दहा तारखेनंतर मोर्चा मार्गावरील नियुक्तीची जागा सांगण्यात येणार आहेत.

बैठकांना जोर

काही दिवसांमध्ये गारगोटी, शिरोळ, गडहिंग्लज, शाहूवाडी, कागल, राधानगरी या तालुक्यांमधील विविध गावांमध्ये बैठक झाल्या आहेत. तीन दिवसानंतर तालुका पातळीवरील एक व्यापक मेळावे सुरू होणार आहेत. यामध्ये त्या तालुक्यातील सर्व नेत्यांना एकत्रित करण्यात येणार आहे. गेल्या काही दिवसांपासून वाहनांवर चिटकवण्यात येत असलेले मोर्चाचे स्ट‌िकर कार्यकर्त्यांच्या माध्यमातून वितरित केले जात आहेत. स्टिकर घेण्यासाठीही जिल्ह्याच्या कानाकोपऱ्यातील नागरिक येत आहेत. शिवाजी पेठेतील शिवाजी मंदिरमध्ये सुरू करण्यात आलेले कार्यालय बुधवारपासून पुर्ण क्षमतेने सुरू करण्यात येणार आहे. नियोजनाच्या बैठकांच्या वेळापत्रकासह आधुनिक यंत्रणा तिथे कार्यरत राहणार आहेत.

तपोवनचा विचार सुरू

सर्व ठिकाणच्या मोर्चामध्ये सहभागींची संख्या पाहता कोल्हापुरातील मोर्चामध्येही २० लाखावर नागरिक सहभागी होतील असा संयोजकांचा अंदाज आहे. इतक्या मोठ्या प्रमाणावर नागरिक सहभागी झाल्यास गांधी मैदान वा परिसरातील अन्य मैदानांमध्ये त्यांची व्यवस्था होईल का? तसेच इतकी मोठी संख्या शहरातील लहान रस्त्यांवर सामावू शकेल का? याचाही विचार सुरू आहे. त्यामुळे तपोवन मैदानावर सर्वांना जमवण्याचा प्रयत्न आहे. तसेच येथून बाहेर पडलेला मोर्चा शहरातील रस्त्यांवरून न आणता इंदिरा सागर हॉल, हॉकी स्टेडियमपासून लक्ष्मीपुरीकडे जाणाऱ्या सरळ मार्गावरुन बसंत बहार रोडमार्गे जिल्हाधिकारी कार्यालयाकडे नेण्याचा विचार आहे. मात्र, तपोवन ते जिल्हाधिकारी कार्यालय हे अंतर जास्त असल्याने सहभागी महिला आणि ज्येष्ठ नागकिरांचा विचार करता ते व्यवहार्य ठरणार नाही असाही एक मतप्रवाह आहे. त्यामुळे गांधी मैदानमधूनच मोर्चा सुरू करायचा असा आग्रहही कार्यकर्त्यांमधून होत आहे. त्यामुळे यावर कोअर समितीच्या बैठकीत निर्णय घेण्यात येणार आहे.

आज मोटरसायकल व वाहन फेरी

मोर्चाचे वातावरण तयार करण्यासाठी बुधवारी शहरातून मोटरसायकल व वाहनांची मोठी रॅली काढण्यात येणार आहे. त्यामध्ये शंभरहून अधिक बुलेट, इतर मोटरसायकल तसेच इतर वाहने सहभागी होणार आहेत. दुपारी चार वाजता जिल्हा परिषदेपासून या रॅलीला सुरुवात होणार असून शहराच्या विविध भागात ही रॅली फिरणार आहे.


नराधमांच्या पुतळ्यांना लहान मुलींच्या हस्ते फाशी

उत्तरेश्वर पेठ येथील श्री उत्तरेश्वर प्रासादिक तालीम मंडळांच्यावतीने गुरुवारी (ता. २९)भागातील तरुण मंडळे, महिला मंडळांचा मराठा मेळावा घेण्यात येणार आहे. सकाळी अकरा वाजता उत्तरेश्वर पेठ येथील वाघाच्या तालीम येथे होणार आहे. यावेळी कोपर्डी अत्याचारातील नराधमांच्या प्रतिकात्मक पुतळ्यांना लहान मुलींच्या हस्ते फाशी देण्यात येणार आहे.

पाच हजार महिला सहभागी होणार

‘गोकुळ’ दूध संघाशी संबंधित महिला बचत गटांमधील पाच हजार महिला मोर्चामध्ये सहभागी होणार आहेत. तसेच ‘गोकुळ’ मधील कर्मचारीही सहभागी होणार असून दहा हजारावर ही संख्या जाणार आहे. याबरोबरच मोर्चामधील सहभागींना पाण्याची सोय म्हणून ‘गोकुळ’ चे दहा टँकर पाण्यासाठी देण्यात येणार आहेत. ते मोर्चाच्या मार्गावर ठिकठिकाणी उभे केले जाणार आहेत.

मोबाइल अॅप डाउनलोड करा आणि राहा अपडेट

नवीन मतदार नोंदणी १४ ऑक्टोबरपर्यंत

September 27, 2016, 2:30 pm

≫ Next: लाचखोर गायकवाड निलंबित कॉन्स्टेबल विष्णू शिंदे बडतर्फ

≪ Previous:  ‘मेगा मोर्चा’ साठी तरुणाई आघाडीवर

$

0

0

म. टा. प्रतिनिधी, कोल्हापूर

राज्यातील २६ जिल्हा परिषदा, १९७ पंचायत समित्या आणि १८ महापालिकांच्या निवडणुका २०१७ मध्ये होणार आहेत. राज्य निवडणूक आयोगाने या निवडणुकांसाठी एक जानेवारी २०१७ पर्यंतची विधानसभेची मतदार यादी ग्राह्य धरण्यात येणार असल्याचे असे पत्रक जिल्हाधिकारी डॉ. अमित सैनी यांनी प्रसिद्धीस दिले आहे.

केंद्रीय निवडणूक आयोगाने १६ सप्टेंबर २०१६ ते पाच जानेवारी २०१७ या कालावधीत मतदार यादी तयार करण्याचा कार्यक्रम जाहीर केला आहे. १४ ऑक्टोबर २०१६ पर्यंत दावे व हरकती स्वीकारण्यात येणार आहेत. ज्या नागरिकांचे मतदार यादीत नाव नाही, त्यांनी १४ ऑक्टोबर २०१६ पर्यंत मतदार यादीत नाव नोंदविले तरच आगामी स्थानिक स्वराज्य संस्थांच्या निवडणुकांमध्ये मतदान करता येणार आहे. जिल्हा परिषद निवडणुकीसाठी सर्व नागरिकांनी आपल्या तालुक्यातील तहसील कार्यालय किंवा www.ceo.maharashtra.gov.in या संकेतस्थळावर भेट देऊन नाव मतदारयादीत समाविष्ट असल्याबाबत खात्री करावी. मतदार यादीत नाव नसल्यास नाव नोंदणी करण्यासाठी फॉर्म क्रमांक सहा भरून सहायक मतदार नोंदणी अधिकारी तहसिलदार यांच्याकडे देणे आवश्यक आहे.

मोबाइल अॅप डाउनलोड करा आणि राहा अपडेट

---

लाचखोर गायकवाड निलंबित कॉन्स्टेबल विष्णू शिंदे बडतर्फ

September 27, 2016, 2:30 pm

≫ Next: वारणा कारखाना देणार ठेवींवरील व्याज

≪ Previous: नवीन मतदार नोंदणी १४ ऑक्टोबरपर्यंत

$

0

0

म. टा. प्रतिनिधी, कोल्हापूर

अवैध धंदे करणाऱ्यांकडून ६० हजारांचा हप्ता घेणारे पोलिस निरीक्षक सर्जेराव बाबुराव गायकवाड(वय ५२, रा. मणेरे अपार्टमेंट, जवाहरनगर, इचलकरंजी) याच्यावर निलंबनाची कारवाई झाली, तर पोलिस नाईक विष्णू रमेश शिंदे(४०, रा. केटकाळे गल्ली, इचलकरंजी) याला बडतर्फ करण्यात आले. ही कारवाई विशेष पोलिस महानिरीक्षक विश्वास नांगरे-पाटील आणि पोलिस अधीक्षक प्रदीप देशपांडे यांनी केली. त्याचबरोबर २००८ मध्ये लाचलुचपत प्रतिबंधक विभागाच्या कारवाईत दोषी आढळलेला पोलिस कॉन्स्टेबल कुमार भीमराव पवार यालाही इचलकरंजी कोर्टाने आर्थिक दंडासह दोन वर्षे सक्त मजुरीची शिक्षा सुनावली.

इचलकरंजीच्या शिवाजीनगर पोलिस ठाण्याचे पोलिस निरीक्षक सर्जेराव बाबुराव गायकवाड आणि पोलिस नाईक यांनी गुटखा तयार करणाऱ्यांकडून साठ हजार रुपयांचा हप्ता स्वीकारला होता. याबाबत लाचलुचपत प्रतिबंधक विभागाने या दोघांनाही तीन दिवसांपूर्वीच रंगेहात पकडले होते. या घटनेने पोलिस दलाची प्रतिमा मलीन झाल्याने विशेष पोलिस महानिरीक्षक विश्वास नांगरे-पाटील आणि पोलिस अधीक्षक प्रदीप देशपांडे यांनी दोषींवर तातडीने कारवाई केली. लाचखोर पोलिस निरीक्षक सर्जेराव गायकवाड यांच्यावर २६ सप्टेंबरपासून निलंबनाची कारवाई करण्यात आली आहे, तर पोलिस नाईक विष्णू शिंदे याला मंगळवार (ता. २७) पासून बडतर्फ करण्यात आले. सर्जेराव गायकवाड आणि विष्णू शिंदे यांच्याविरुद्ध शिवाजीनगर पोलिस ठाण्यात लाचलुचपत प्रतिबंधक अधिनियमानुसार २६ सप्टेंबरला गुन्हा दाखल झाला होता. त्याचदिवशी त्यांना अटक करण्यात आली होती. या दोघांच्या लाचखोरीमुळे पोलिस दलाची बदनामी झालेली असून, विष्णू शिंदे यांचे भ्रष्टाचारी स्वरुपाचे व नैतिक अध:पतनाचे वर्तन, त्यांचे अवैध व्यावसायिकांशी असलेले संबंध यामुळे सर्वसामान्य नागरिकांमध्ये पोलिस दलाच्या कार्यपध्दतीबाबत संशय निर्माण झाल्याने वरिष्ठ अधिकाऱ्यांनी तातडीने कडक कारवाई केली. या कारावईतून पोलिस दलातील इतर लाचखोरांनाही वरिष्ठांनी कडक कारवाईचे संकेत दिले आहेत.

कुमार पवारला दोन वर्षे कारावास

शिवाजीनगर पोलिस ठाण्याकडील तत्कालीन नेमणूक करण्यात आलेले पोलिस हवालदार कुमार भीमराव पवार याच्यावर २००८ मध्ये लाच घेतल्याबद्दल गुन्हा दाखल झाला होता. याबाबत त्यांची इचलकरंजीच्या विशेष न्यायालयात स्पेशल केस दाखल होती. न्यायालयाने त्याना दोषी धरून लाचलुचपत कायदा १९८८ चे कलम ७ व १३ (१) (ड) सह १३ (२) प्रमाणे २ वर्षे सक्तमजुरी व ५ हजार रुपये दंड आणि दंड न दिल्यास ३ महिने साधी कैद, तसेच भारतीय दंडविधान संहिता कलम २०१ प्रमाणे नोट गिळून पुरावा नष्ट केल्याबद्दल १ वर्षाची सक्तमजुरी व एक हजार रुपये दंड अशी शिक्षा सुनावली. पोलिस अधीक्षकांनी कुमार पवार याला २६ सप्टेंबरपासून सेवेतून बडतर्फ केले आहे.

मोबाइल अॅप डाउनलोड करा आणि राहा अपडेट

वारणा कारखाना देणार ठेवींवरील व्याज

September 27, 2016, 2:30 pm

≫ Next: दोघ अधिकाऱ्यांचे वेतन रोखा

≪ Previous: लाचखोर गायकवाड निलंबित कॉन्स्टेबल विष्णू शिंदे बडतर्फ

$

0

0

म. टा. वृत्तसेवा, पन्हाळा

वारणानगर ( ता.पन्हाळा ) येथील तात्यासाहेब कोरे वारणा सहकारी साखर कारखान्याने ऊस उत्पादकांनाना ४५ रुपये सरकारी अनुदानासह एफआरपीची सर्व रक्कम प्रतिटन २४५४ रुपयेप्रमाणे अदा केली आहे. दिपावली भेट म्हणून सभासदांना ठेवींवरील व्याज बिलाची रक्कम देण्यात येणार असल्याची घोषणा वारणा समूहाचे नेते माजी मंत्री विनय कोरे यांनी केली. वारणानगर येथील तात्यासाहेब कोरे वारणा सहकारी साखर कारखान्याची ६० वी वार्षिक सभा खेळीमेळीत झाली. यावेळी कोरे बोलत होते. अध्यक्षस्थानी कारखान्याच्या अध्यक्षा शोभाताई कोरे होत्या.

यावेळी बोलताना कोरे म्हणाले, ‘वारणा कारखाना तीन वर्षे अडचणीत होता. झारखंड सरकारकडून उशिरा बिले मिळाली तर आखाती देशातील साखरेची रक्कम अद्याप मिळालेली नाही. आता अडचणीतून मार्ग काढीत यशस्वीरित्या बाहेर पडलो असून अत्याधुनिक तंत्रज्ञानाने कारखाना चालविण्यासाठी ग्लोबल सहकार कंपनीचे सहकार्य घेतले आहे. सरकारच्या उर्जांकूर योजनेतून राबविण्यात आलेला ४४ मेगॅवॅट सहविजनिर्मित प्रकल्प लवकरच कारखाना मालकीचा होणार असून या प्रकल्पाचा सभासदांना मोठा फायदा होणार आहे. देशाला २६० लाख टन साखरेची गरज असताना यावर्षी सुमारे २०० लाख टनादरम्यान साखरेचे उत्पादन होणार असल्याने यावर्षी साखर आयात करावी लागणार असल्याची स्थिती आहे. जगात १६० मिलियन टन साखर लागत असून येणाऱ्या हंगामातून १५० मिलीयन टनच साखर उत्पादित होईल. वारणाकडे आठ लाख ७० हजार टन साखर शिल्लक आहे. सरकारने कितीही निर्बंध घातले तरी साखरेला सोन्याचे दिवस येणार आहेत. दैनंदिन गरजेपेक्षा विविध उद्योगांना व बहुराष्ट्रीय कंपन्यांना लागणाऱ्या साखरेच्या दराबाबत वेगळे धोरण ठरवावे लागणार आहे. अशा परिस्थितीत सरकार मात्र साखरेचे वाढलेले दर रोखण्याचा प्रयत्न करून शेतकऱ्यांचे नुकसान करीत आहे.’

कोरे पुढे म्हणाले,‘ उद्योगांना त्यांचे उत्पादन विक्रीसाठी बंधने घातली जात नाहीत, मात्र शेतकऱ्यांच्या साखर कारखानदारीला ही बंधन का? साखर धोरणाबाबत नेल्सन यांच्या अहवालाचा आधार घेवून सरकारचे साखर धोरण बदलावे यासाठी खासदार राजू शेट्टी यांना ससंदेत प्रश्न उपस्थित करण्यासाठी संपर्क साधला आहे. कारखाना कार्यक्षेत्रात उसाचे उत्पादन वाढावे यासाठी पाणी पुरवठा योजनाही ठिबक सिंचनवर आधारीत मनपाडळे, तासगाव, ऐतवडे खुर्द, सातवे-शिंदेवाडी येथे राबविण्यात येत असून युरियामुक्त ऊस शेतीचा प्रयोगही वारणा परिसरात करण्यात येणार आहे..

प्रारंभी वारणा बालवाद्यवृंदाच्या कलाकारांनी सहकार गीत सादर झाले. प्रशासकीय अधिकारी दादासाहेब जाधव यांनी श्रध्दांजलीचा ठराव मांडला. अंबपचे बाबासाहेब विष्णू सुर्यवंशी यांना व्ही.एस.आयचा राज्यस्तरावरील प्रथम क्रमाकांचा वसंतराव नाईक पुरस्कार, पोखलेतील बाबासाहेब महादेव संकपाळ यांना दक्षिण विभागाचा पूर्व हंगामातील प्रथम क्रमांकाचा, ऐतवडे खुर्द येथील बाबासाहेब आण्णा पाटील यांना दक्षिण विभागात सुरु हंगामात प्रथम क्रमांक मिळाल्याबद्दल कोरे यांच्या हस्ते सत्कार करण्यात आला.

प्रभारी कार्यकारी संचालक विजयकुमार कोले यांनी नोटीस वाचन केले. मराठा क्रांती मोर्चास निधी दिल्याबद्दल अभिनंदनाचा ठराव घुणकीचे माजी उपसरपंच प्रभाकर कुरणे यांनी मांडला. यावेळी कारखान्याचे उपाध्यक्ष प्रतापराव पाटील,सर्व संचालक, एक्झीक्युटीव्ह डायरेक्टर व्ही.एस. चव्हाण, वारणा दूध संघाचे उपाध्यक्ष डॉ. भाऊसाहेब गुळवणी, एन.एच. पाटील, वारणा बँकेचे उपाध्यक्ष उत्तम पाटील, वारणा बझारचे उपाध्यक्ष सुभाष देसाई, अ‍ॅड.एन.आर.पाटील, अ‍ॅड. जी.जी.नानीवडेकर यांच्यासह वारणा समूहातील पदाधिकारी, सभासद मोठ्या संख्येने उपस्थित होते. दिपक झावरे सूत्रसंचालन केले. उपाध्यक्ष प्रतापराव पाटील यांनी आभार मानले.

मोबाइल अॅप डाउनलोड करा आणि राहा अपडेट

दोघ अधिकाऱ्यांचे वेतन रोखा

September 27, 2016, 2:30 pm

≫ Next: अधिकाऱ्यांना कोंडाळ्यात उभे करू

≪ Previous: वारणा कारखाना देणार ठेवींवरील व्याज

$

0

0

म. टा. प्रतिनिधी, कोल्हापूर

रंकाळा प्रदूषण मुक्त करण्यासाठी दिरंगाई केल्याबद्दल तसेच प्रदूषण रोखण्याचे कोणतेही भक्कम उपाययोजना सादर करण्यात कसूर केल्याबद्दल कोल्हापूर महापालिकेचे पर्यावरण अभियंता आर. के. पाटील व प्रभारी जलअभियंता सुरेश कुलकर्णी यांचे वेतन रोखण्याचे आदेश राष्ट्रीय हरित लवादाच्या न्यायमूर्ती यू. डी. साळवी व तज्ज्ञ सदस्य अजय देशपांडे यांच्या खंडपीठाने मंगळवारी दिले. जर पुढील तारखेपर्यंत रंकाळा प्रदूषण मुक्तीचा सर्व समावेशक असा अहवाल व उपाययोजना सदर न केल्यास अधिकाऱ्यांना तुरुंगात डांबण्याचे आदेश दिले जातील, असा कडक इशारा सुद्धा आदेशात दिला. सुनील केंबळे यांनी दाखल केलेल्या याचिकेवर सुनावणी झाली.

महापालिका रंकाळा प्रदुषणमुक्तीसाठी काम करत नसल्याचे व लवादापासून लपाछपीचा खेळ खेळत आहेत, तसेच रंकाळा प्रदूषणमुक्त करण्याचे प्रामाणिक प्रयत्न करताना दिसत नसल्याचे कडक ताशेरे लवादाने ओढले. मागील काही दिवसांपासून लवादाने वेळोवेळी आदेश देत रंकाळा तलावाच्या भोवतालच्या वसाहतीतून जे सांडपाणी वाहते त्याचे नियोजन व प्रक्रिया कशी करणार यावर वारंवार विचारणा केली. आज सुनावणीच्या वेळी महापालिकेच्या वकिलांनी उत्तर देण्याचा प्रयत्न केला पण लवादाचे समाधान झाले नाही. त्यावर लवादाने ‘महापालिकेने जबाबदारीने विधाने करावीत’ असा इशारा दिला.

त्यावर सुनावणीस महापालिकेतर्फे कोण अधिकारी हजर आहे, अशी विचारणा केली असता कोणीच जबाबदार अधिकारी हजर नसल्याचे निदर्शनास आल्यानंतर लवादाने वक‌िलांना चांगलेच खडसावले. लवादाने महापालिकेला रंकाळा प्रदूषण मुक्त करण्याची इच्छा शक्तीच दिसत नसल्याचे कडक ताशेरे ओढले. याचिकाकर्ते सुनील केंबळे यांनी आयुक्तांनाच येथे हजर राहण्याचे आदेश द्यावेत, अशी विनंती लवादास केली पण लवादाने ‘त्यांना बोलावून काय उत्सव साजरा करायचा आहे का?’ असा खोचक सवाल केला व जबाबदारीची जाणीव करून दिली. पण त्याचवेळी लवादाने आपले अधिकार वापरून पर्यावरण अभियंता आर. के. पाटील व प्रभारी जलअभियंता सुरेश कुलकर्णी यांचे वेतन रोखण्याचे आदेश दिले व पुढील आदेश होईपर्यंत वेतन देऊ नये, असे आयुक्तांना आदेश दिले. तसेच रंकाळा तलावाच्या प्रदूषण रोखण्यासाठी महापालिका कोणत्या उपाययोजना करणार आहे याबद्दल सर्वसमावेशक तसेच भक्कम प्रस्ताव सादर करण्याचे आदेश देत सुनावणी २५ ऑक्टोबरपर्यंत स्थगित केली.

मोबाइल अॅप डाउनलोड करा आणि राहा अपडेट

अधिकाऱ्यांना कोंडाळ्यात उभे करू

September 27, 2016, 2:30 pm

≫ Next: शहराची ‘हवा’ बिघडतेय

≪ Previous: दोघ अधिकाऱ्यांचे वेतन रोखा

$

0

0

म. टा. प्रतिनिधी, कोल्हापूर

शहरातील कचरा उठावावरून आक्रमक बनलेल्या नगरसेविकेंच्या प्रश्नांना उत्तरे देताना महापालिका अधिकाऱ्यांची भंबेरी उडाली. महिला सदस्यांकडून बंद आरसी वाहने, खराब कंटेनरवरून प्रश्नांचा भडिमार केला. नवरात्रोत्सव सुरू होण्यापूर्वी कचरा उठावचे नियोजन करा, असा सज्जड दमही सदस्यांनी भरला. अतिरिक्त आयुक्त श्रीधर पाटणकर, उपायुक्त ज्ञानेश्वर ढेरे यांनी कचरा उठावप्रश्नी बेजबाबदार उत्तरे दिल्यानंतर संतप्त बनलेल्या नगरसेवकांनी प्रशासनावर हल्लाबोल केला. मराठा क्रांती मोर्चाअगोदर शहरातील संपूर्ण कचरा उठाव झाला नाही तर कचरा कुंडीत आणि कंटेनरमध्ये अधिकाऱ्यांना उभे करू, असा इशारा प्रा. जयंत पाटील यांनी दिला. महापौर अश्विनी रामाणे सभेच्या अध्यक्षस्थानी होत्या.

दरम्यान सेफ सिटीबाबत चौकशी समितीने क्लीन ‌चीट दिल्याबद्दल भाजप-ताराराणी आघाडीच्या नगरसेवकांनी काळ्या फिती लावून कामकाजात सहभाग घेतला. मंगळवारच्या सभेत कचरा प्रश्नावरून नगरसेवक प्रचंड आक्रमक झाले. त्यांनी विचारलेल्या प्रश्नांची उत्तरे देताना प्रशासनाची पुरती भंबेरी उडाली.

सभेच्या सुरुवातीला कोल्हापूर शहराचा २०१५-१६ चा पर्यावरण विषयक अहवाल मंजूर झाला. कळंबा जेल लगतची १५ एकर जागा ओपन जेलसाठी आरक्षित करण्याचा ठराव मंजूर करण्यापूर्वी नागरिकांशी चर्चा करण्याचे ठरले. हा विषय पुढील मिटिंगसाठी ठेवण्यात आला. अपंग कल्याण कृती आराखडा अंतर्गत ५० लाख रुपये खर्चाच्या केबीन वाटपाचा ठराव मंजूर झाला. किरण नकाते यांनी संभाजीनगर येथील महापालिकेच्या ताब्यातील इमारतीतील पहिल्या मजल्यावर महिला व्यायामशाळेसाठी जागा उपलब्ध करण्याचा ​मांडलेला ठराव मागे घ्यावा लागला. या जागेवर दवाखान्यासाठी समायोजित आरक्षण असल्याने जीमसाठी बदल करता येणार नसल्याचे सांगत सत्ताधारी गटाकडून त्यास विरोध झाला.

कचरा उठावासाठी नगरसेव‌िका आक्रमक

नगरसेविका जयश्री चव्हाण, रुपाराणी निकम, शोभा कवाळे, पूजा नाईकनवरे, मेहजबीन सुभेदार, दीपा मगदूम, उमा बनछोडे, अश्विनी बारामते यांनी कचरा उठावचा प्रश्न उपस्थित केला. कंटेनर खराब आहेत, गेली चार महिने सदस्य याकडे लक्ष वेधत आहेत, प्रशासनाकडून अनेकदा आरसी वाहने उपलब्ध करून दिल्या जात नाहीत. कंटेनरची दूवरस्था झाल्याने कचरा रस्त्यावर पडत आहे. नागरिकांना दुर्गंधीला सामोरे जावे लागत आहे. स्थायी समितीच्या बैठकीत आरसी वाहने उपलब्ध करून देण्याची ग्वाही दिली होती. मात्र, सध्या पाचच गाड्या सुरू आहे, यावर प्रशासनाने काय केले अशी प्रश्नांची सरबत्तीच केली. यावेळी अतिरीक्त आयुक्त पाटणकर यांनी ‘कचरा उठावाची जबाबदारी माझी नाही, ती आरोग्य विभागाची आहे’ असे उत्तर दिले. यावर नगरसेवक अधिकच आक्रमक झाले. त्याचवेळी उपायुक्त ज्ञानेश्वर ढेरे यांनी प्रशासनाकडून करावयाच्या उपाय योजनेची माहिती देण्याऐवजी नगरसेवकांना उद्देशून ‘तुम्ही डंपरसाठी ड्रायव्हर उपलब्ध करून द्या,’ अशी मागणी केली. यावर जयंत पाटील यांनी संतप्त होत ‘कचरा उठावाची जबाबदारी प्रशासनाची आहे. चालढकल कराल तर कोंडाळ्यात आणि डंपरमध्ये उभा करू’ असा सज्जड दम भरला. आरसी वाहने दुरुस्तीचे काम सुरू असल्याचे उत्तर अधिकारी रावसाहेब चव्हाण यांनी दिले तर आरोग्य विभागाचे डॉ. विजय पाटील पाच आरसी वाहनातून तीन शिफ्टमध्ये कचरा उठाव सुरु असल्याचे उत्तर दिले. मात्र सदस्यांचे समाधान झाले नाही. त्याला शारंगधर देशमुख, सत्यजित कदमांनी आक्षेप घेतला. संभाजी जाधव यांनी भाजप ताराराणी आघाडीकडून पाच डंपर दिले जातील असे सांगितले. आरोग्य निरीक्षकांनी तीन दिवसात कचरा उठावचे नियोजन असल्याचे सांगितले.

सभेत निधीरूनही सदस्य आक्रमक झाले. निवडून येऊन दहा महिन्यांचा कालावधी लोटला पण प्रभागात विकास कामासाठी निधी मिळाला नाही. जनतेच्या रोषाला नगरसेवकांना सामोरे जावे लागत असून अधिकारी फक्त पगारासाठीच काम करतात का? अशा शब्दांत नियाज खान, राहुल चव्हाण, संतोष गायकवाड, भूपाल शेटे, मोहन सालपे, तौफिक मुलाणी यांनी प्रशासनाला धारेवर धरले. पॅनेलवरील वकील प्रशांत चिटणीस यांच्या कामकाजावरही आक्षेप घेण्यात आला. महापालिकेच्या हिताचे कामकाज त्यांच्याकडून होत नसताना त्यांना का पोसते असा, टोकदार आरोप राहुल चव्हाण यांनी केला.

दहा हजार नाकारले

दोन दिवसांपूर्वी आयुक्त कार्यालयात स्थायी समिती सभापती मुरलीधर जाधव यांनी आयुक्तांशी हुज्जत घातली होती. या प्रकाराचे सीसीटीव्ही फुटेज मागणी होत असताना हा कॅमेरा नादुरुस्त असल्याचे समोर आले. त्यामुळे प्रशासनाला जाग आणण्यासाठी आणि सत्ताधारी गटाला कोपरखळी मारण्यासाठी सुनील कदम यांनी १० हजार रुपयांचा धनादेश सभागृहात देण्याचा प्रयत्न केला. मात्र, असा धनादेश स्वीकारता येत नसल्याचे प्रशासनाने स्पष्ट करत तो नाकारला.

‘बहुमतावर दादागिरी करू नका...’

सभेच्या अजेंड्यातील ठरावांवर सत्तारूढ गट निर्णय घेत असताना त्यास सुनील कदम यांनी जोरदार आक्षेप घेतला. ‘बहुमताच्या जोरावर आपण दादागिरी करू नका. ती सहन केली जाणार नाही.’ यावर महापौर रामाणे यांनी आक्षेप घेत ‘हे सभ्य लोकांचे सभागृह आहे. येथे मोघम बोलू नका’ असे प्रत्युत्तर दिले.

मोबाइल अॅप डाउनलोड करा आणि राहा अपडेट

शहराची ‘हवा’ बिघडतेय

September 27, 2016, 2:30 pm

≫ Next: डॉल्बीवाल्यांना सवलत धोक्याची

≪ Previous: अधिकाऱ्यांना कोंडाळ्यात उभे करू

$

0

0

Anuradha.kadam@timesgroup.com

Tweet:@anuradhakadamMt

कोल्हापूर ः नोकरी व्यवसायासाठी पुणे-मुंबईसारख्या शहरात उमेदीची चाळीस वर्षे घालवल्यानंतर निवृत्त जीवनासाठी निवांत आणि स्वच्छ हवेच्या शहरात स्थायिक होण्यासाठी पसंतीच्या अग्रक्रमावर असलेल्या कोल्हापूरच्या हवेला सध्या प्रदूषणाचं ग्रहण लागलं आहे. वाहनांची वाढती संख्या, इंधनाच्या धुराचे लोट, धुलीकण, साठलेल्या कचऱ्यातून हवेत पसरणारा दूषित वास, हॉटेल्सच्या चिमण्यांमधून वाहणारा धूर यांसारख्या अनेक दूषित घटकांचे हवेवर होणारे आक्रमण कोल्हापुरातील हवा बिघडवण्याला कारणीभूत ठरत आहेत.

शहरातील महत्वाच्या चौकांपैकी सतत वाहनांच्या वर्दळीने वेढलेल्या दाभोळकर कॉर्नरचौकासह स्टेशन रोड, अंबाबाई मंदिर परिसर आणि बिंदू चौक येथील हवाप्रदूषणाचा टक्का धोक्याच्या पातळीवर आहे. शिवाजी विद्यापीठाच्या पर्यावरण शास्त्र विभागाने कोल्हापुरातील हवा प्रदूषणाबाबत केलेल्या सर्वेक्षणातून हे चित्र अधोरेखित झाले आहे.

निसर्गाकडून मोफत मिळणारा स्रोत असलेल्या हवेचा वापर माणसाकडून शहाणपणाने न होता त्यावरही स्वार्थाचे ​अतिक्रमण केल्याचा फटका मानवी जीवनाला बसत असल्याचा ताशेरा वर्ल्ड हेल्थ ऑर्गनायझेशन या संस्थेने ओढला आहे. हा अहवाल ताजा असतानाच कोल्हापुरातील हवा प्रदूषण हे पर्यावरणाच्यादृष्टिने घातक वळणावर आले आहे. याबाबत पर्यावरणतज्ज्ञांकडून झालेल्या अभ्यासाअंती गेल्या सात वर्षांपासून कोल्हापूरच्या हवेवर प्रदूषित घटकाचे वारे वाहण्यास सुरूवात झाल्याच्या नोंदी घेण्यात आल्या आहेत. यामध्ये पुढच्या २५ वर्षात एकूण लोकसंख्येच्या ७० टक्के लोक शहरात राहण्यासाठी येणार असून केवळ ३० टक्के लोक ग्रामीण भागात राहतील असाही अंदाज वर्तवण्यात आला आहे.

कोल्हापुरात गेल्या दहा वर्षात वाहनांची संख्या प्रचंड वाढली आहे. वाहनांची धूर तपासणी करण्याबाबत असलेल्या उदासीनतेचा परिणाम प्रचंड प्रमाणात हवेत पसरणाऱ्या धुरावर होत आहे. हवा प्रदूषणासाठी रस्त्यावरची धूळ, वाहनांचा धूर, उद्योगक्षेत्रातील रासायनिक धूर, हॉटेलमधील चिमण्यांमधून बाहेर पडणारा अन्नशिजवण्याच्या प्रक्रियेनंतरचा धूर, वाढत्या बांधकामांमुळे सिमेंटचे हवेतील थर, कचरा जाळल्यामुळे हवेत पसरणारा धूर, स्मशानभूमीतील ज्वलनामुळे बाहेर पडणारा धूर या गोष्टी कारणीभूत ठरत आहेत. वाहतूककोंडीमुळे पसरणारे धुराचे लोट आणि ग्रीन हाउस गॅसेस याचा सर्वाधिक परिणाम हवा प्रदूषणावर होत असल्याचाही निष्कर्ष या अभ्यासातून काढण्यात आला आहे.

नेमकं काय होतं?

सपाटीपासून कोल्हापूर हे ५८६ फूट उंचावर आहे. या भौगोलिक रचनेनुसार जेव्हा वारे वाहतात तेव्हा हवेमुळे एक विशिष्ट प्रकारचा खोलगट भाग तयार होतो. तसेच आर्द्रता, पाऊस, उष्णतेमुळे दमटपणा याचाही परिणाम होतो. याचे थर साचून हवा प्रदूषित करणारे घटक साठून राहतात आणि हवा अशुद्ध होते.

०००००००००००

परिणामकारक घटक

गोंगाट

वाहतूक कोंडी

बांधकामांची संख्या

उद्योगक्षेत्र

००००००००

हे कारणीभूत

रस्त्यावरील धूलीकण

वाहतूक कोंडीवेळी उठणारे धुराचे लोट

हॉटेलमधील किचनमधून बाहेर पडणारा धूर

कचरा जाळल्यानंतरचा धूर

वैद्यकीय कचऱ्याच्या ज्वलनामुळे मिसळणारा धूर

स्मशानभूमीतील ज्वलनातून बाहेर पडणारा धूर

साठलेल्या कचऱ्याच्या संपर्कातील हवा

प्रदूषणातील टक्केवारी

वाहने व वाहतूक कोंडीवेळचा धूर ३९ टक्के

उद्योग व हॉटेल्स येथील धूर २१ टक्के

उठाव न झालेल्या कचऱ्याची दुर्गंधी २२ टक्के

बांधकामावेळी उठणारा सिमेंटचा थर १० टक्के

नागरिकांचा बेजबाबदारपणा ८ टक्के

===

हवाप्रदूषण मोजणारी यंत्रणा सध्या शहरात तीन ठिकाणी आहे. यामध्ये कोल्हापुरातील शिवाजी विद्यापीठ परिसर, दाभोळकर कॉर्नर आणि अंबाबाई मंदिर परिसराचा समावेश आहे. दर सोमवारी हवेतील प्रदूषणाचा टक्का मोजला जातो. सन २०१२ पासून हवा प्रदूषणातील कोल्हापूरचा टक्का वाढत आहे. १० मायक्रॉनच्या आतील धोकादायक धूलीकण हवेत मिसळल्यामुळे आरोग्यावर गंभीर परिणाम करणारा भाग म्हणून शहरातील दाभोळकर कॉर्नर चौक धोक्याच्या पातळीवर आहे.

डॉ. पी. डी. राऊत, पर्यावरणशास्त्र विभाग प्रमुख, शिवाजी विद्यापीठ

००००००००

मोबाइल अॅप डाउनलोड करा आणि राहा अपडेट