बसमधील प्रवास ‘निनावी’

August 4, 2016, 2:30 pm

≫ Next: मालम‌त्तांवर चढणार बोजा

≪ Previous: विजेच्या धक्क्याने कराडजवळ बिबट्या मृत्युमुखी

$

0

0

Sachin.Yadav@timesgroup.com

कोल्हापूर : प्रशासनाकडून नैसर्गिक आपत्ती किंवा दुर्घटना घडल्यानंतर प्रवाशांची माहिती घेण्याचे काम सुरू होते. एखाद्या एसटी बसची दुर्घटना घडली की त्या प्रवाशांच्या पाकिटातील कागद, ओळखपत्र आणि अन्य कागदांच्या आधारे ओळख पटविली जाते. ऑनलाइन आणि आगाऊ आरक्षण करणाऱ्या प्रवाशांची नोंद केली जाते. मात्र, लांबच्या प्रवासात बसमध्येच तिकीट काढलेल्या प्रवाशाची नोंद घेण्याची अद्याप सुविधा सुरू झालेली नाही. काही खासगी आराम बसमालकही बोगस प्रवाशांची माहिती आरटीओला देऊन तात्पुरता परवाना (टीपी) मिळविण्याचे प्रकार सुरूच आहेत. प्रवाशांचा डेटा एसटी आणि खासगी वाहतूक व्यवस्थेकडे गरजेच आहे. मात्र, त्याकडे फारशा गांभीर्याने ‌पाहिले जात नाही.

महाड येथे सावित्री नदीचा पूल कोसळ्याने एसटी आणि काही खासगी वाहने वाहून गेली. या प्रवाशांची ओळख पटविण्यासाठी आणि खातरजमा करण्यासाठी प्रशासनाला कसरत करावी लागली. सार्वजनिक वाहतूक व्यवस्थेत एसटीचा मोठा हातभार आहे. राज्यात दोन कोटींहून अधिक एसटीचा हक्काचा प्रवासी वर्ग आहे. राज्यात मुंबई, पुणे आणि काही जिल्ह्यातील जीपीसएस यंत्रणा बसविण्यात आली. या यंत्रणेमुळे बसस्थानकापासून ते इच्छित ठिकाणी जाईपर्यंत बसची माहिती मिळू शकते. त्यानंतर प्रवाशांच्या सोयीसाठी एसटीने तिकीट यंत्रणेत बदल केले. सुट्या पैशांची मागणी आणि हिशोबाची कटकट मिटविण्यासाठी इलेक्ट्रॉनिक तिकीट इश्यू मशीन (इटीएम) मशीन प्रत्येक वाहकाला उपलब्ध करून दिले. या इटीएममध्ये बसविलेल्या स्मार्ट कार्डमुळे वाहनांतून प्रवास करीत असलेल्या प्रवाशांची संख्या आणि जमा केलेली रक्कमेची माहिती मिळाली. मात्र या यंत्रणेत प्रवाशांची नावे समजू शकत नाहीत.

एखादी दुर्घटना झाली की प्रवाशांच्या नावाची शोधाशोध सुरू होते. किमान लांब पल्ल्याचा प्रवास करणाऱ्या प्रवाशांची डेटा एसटीच्या मुख्य कार्यालयाकडे हवा. सध्या ऑनलाइन आणि प्रत्यक्ष तिकीट काउंटरवर जाऊन आगाऊ आरक्षण करणाऱ्या प्रवाशांची नावाची नोंद होते. मात्र सर्वंच प्रवाशांची माहिती मिळत नाही. नैसर्गिक आपत्ती किंवा अपघात झाल्यानंतर प्रवाशांची ओळख पटविण्याचे काम सुरू होते. मासिक, त्रैमासिक पास, ऑनलाइन आरक्षण, आगाऊ आरक्षणाची माहिती आहे. त्यासह अन्य प्रवाशांचे नाव आणि मोबाइल क्रमांकाची माहिती संकलित करता येणे शक्य आहे. काही खासगी आरामबस चालकही आरटीओकडून तात्पुरता परवाना घेण्यासाठी बोगस यादी देऊन वेळ मारून नेतात.

०००

तिकीट आरक्षित करणाऱ्या प्रवाशांची नावे आणि पत्याची नोंद होते. मात्र सर्वच प्रवाशांची माहिती शक्य नाही. प्रवाशांच्या परिपूर्ण माहितीचा धोरणात्मक निर्णय आहे. राज्य मार्ग परिवहन महामंडळ त्याबाबत निर्णय घेऊ शकते.

नवनीत भानप, विभाग नियंत्रक

कनेक्टिव्हीटी कधी

जिल्ह्यातील बारा आगाराची कनेक्टिव्हीटी कोल्हापुरात नाही. शहरातील रंकाळा, संभाजीनगर बसस्थानकातून काही महत्त्वाचे संदेश देण्यासाठी कर्मचारी उपलब्ध नसतात. काही कर्मचाऱ्यांना कंम्प्युटर ऑपरेट करता येत नाही. सीबीएस जवळील एसटीच्या विभागीय कार्यालयातही अत्याधुनिक प्रणाली उपलब्ध नाही. काही अधिकाऱ्यांना संगणकीय ज्ञान नसल्याने ते हाताळले जात नाही. अन्य सहकाऱ्यांच्याकडून कामकाज चालविले जाते.

आराखडा कागदावर

मुंबई आणि पुणे प्रादेशिक कार्यालयाकडून धोरणात्मक निर्णय घेतल्याशिवाय कोल्हापूर विभागात काहीही विकासाचा आराखडा तयार केला जात नाही. मुंबई आणि पुणे येथे २०१५ मध्ये केंद्रीय रस्ते वाहतूक संस्थेच्या (सीआयआरआय) च्या सहकार्याने विकास नियोजन आराखड्याची केवळ चर्चा झाली. प्रत्येक आगार आणि मोठी बसस्थानके जोडण्याचा निर्णय घेण्यात आला. या आराखड्यात संपूर्ण संगणीकरण, आगार, प्रमुख बसस्थानकांचे केंद्रीकरण, प्रवासी माहिती प्रणाली, वाहनशोध यंत्रणा राबविण्याचे ठरले होते. मात्र यापैकी केवळ संगणीकरणाचे काम कोल्हापूर विभागात झाले.

मोबाइल अॅप डाउनलोड करा आणि राहा अपडेट

---

मालम‌त्तांवर चढणार बोजा

August 4, 2016, 2:30 pm

≫ Next: बेळगावजवळ अपघातात साताऱ्यातील दोघे ठार

≪ Previous: बसमधील प्रवास ‘निनावी’

$

0

0

Udaysing.patil@timesgroup.com

कोल्हापूर : बेकायदेशीर कारभार करून बाजार समितीचे २२ लाख रुपयांचे केलेले आर्थिक नुकसान वसूल करण्यासाठी माजी सभापती, उपसभापतींसह माजी संचालक अशा २१ जणांच्या मालमत्तेवर बोजा चढवण्याचा प्रस्ताव महसूल विभागाकडे देण्यात आला आहे. यानुसार या माजी संचालकांच्या मालमत्तेवर बोजा चढवून त्यांची विक्री करून नुकसान वसूल करण्यात येणार आहे. जवळपास तीन वर्षांपासून गाजत असलेले नुकसान प्रकरण या प्रस्तावामुळे अंतिम टप्प्यात पोहचले आहे.

कोल्हापूर शेती उत्पन्न बाजार समितीवर असलेल्या राष्ट्रवादी काँग्रेस, जनसुराज्य शक्ती पक्षाच्या सत्तेच्या कालावधीत नोकर भरती, जागा विक्री तसेच मार्केटमधील रस्ते विक्रीसारख्या प्रकरणांबाबत २०११ साली तक्रार करण्यात आल्या होत्या. तत्कालीन संचालक नंदकुमार वळंजू यांनी यासाठी आक्रमक भूमिका घेतली होती. त्यामध्ये २०११ मध्ये भरती केलेल्या कर्मचाऱ्यांना २०१४ मध्ये भरती झाल्याचे दाखवून त्यांना पगार देण्याच्या प्रकारामुळे वळंजू यांनी पाठपुरावा केला होता. त्यावेळी मंत्र्यांच्या पातळीपर्यंत ही बाब पोहचल्यानंतर चौकशी सुरू करण्यात आली. त्यातील अहवालानंतर संचालक मंडळ बरखास्त करुन डॉ. महेश कदम यांची प्रशासक म्हणून नियुक्ती झाली. या नियुक्तीनंतर या तक्रारींची चौकशी करण्यासाठी प्रमोद मालगावे यांचा लवाद नेमण्यात आला. या लवादाने वर्षभरापूर्वी चौकशी पुर्ण करून बाजार समितीचे नुकसान केल्याचा ठपका ठेवला होता. २२ लाख रुपयांच्या नुकसानीची जबाबदारी या माजी संचालकांवर निश्चित करण्यात आली होती. त्यानुसार जिल्हा उपनिबंधक कार्यालयाने ही वसुली करण्यासाठी नोटीस लागू करण्यात आल्या होत्या.

या नोटीसानंतर पुन्हा कोर्टात व मंत्र्यांच्या पातळीवर गेले होते. त्याबाबत अजून निर्णय झालेला नाही. पण बाजार समितीचे झालेले नुकसान भरून येण्यासाठी समितीकडून जिल्हा उपनिबंधकांकडे वसुलीबाबतचा प्रस्ताव सादर केला होता. त्यानुसार उपनिबंधक कार्यालयाने शेवटचा पर्याय म्हणून माजी सभापती, उपसभापती यांच्यासह संचालक तसेच त्यांच्या वारसांच्या मिळकतीवर बोजा चढवण्याचा प्रस्ताव जिल्हाधिकारी कार्यालयाकडे सादर केला आहे. यानुसार या जबाबदार संचालकांच्या मिळकतीवर बोजा चढवण्याची प्रक्रिया करण्यात येणार असून त्यांची विक्री करुन नुकसानीची रक्कम वसूल करण्यात येणार आहे. या चौकशीवरून तीन वर्षांपासून बाजार समितीमध्ये आरोप प्रत्यारोपांच्या फैरी झडल्या होत्या. ही चौकशी थांबवण्याबरोबरच त्यातील हवा काढून घेण्याचा प्रयत्न करण्यात आला होता. त्यामुळे महत्वाची अनेक प्रकरणे या चौकशीतून वगळली असल्याची चर्चा आहे.

बोजा चढवण्यासाठी दिलेल्या प्रस्तावातील नावे

दत्तात्रय पाटील, शामराव सूर्यवंशी, दिनकर कोतेकर, नामदेव पाटील, कृष्णा पाटील, मारुती ढेरे, दत्तात्रय साळोखे, शिवाजीराव गायकवाड, दिनकर पाटील, शालन पाटील, पांडुरंग महाडेश्वर, शामराव भोई, लक्ष्मण मुडेकर, नंदकुमार वळंजू, नयन प्रसादे, कृष्णात चव्हाण, राजाराम जाधव, रामचंद्र पाटील, संपतपराव पाटील, सुशीला पाटील यांचे वारस विक्र​म​सिंह पाटील, कुमारसिंह पाटील, मनीषा पाटील, अशोक बल्लाळ यांचे वारस मीराबाई बल्लाळ, हर्षवर्धन बल्लाळ, राहुल बल्लाळ.

मोबाइल अॅप डाउनलोड करा आणि राहा अपडेट

बेळगावजवळ अपघातात साताऱ्यातील दोघे ठार

August 4, 2016, 10:52 am

≫ Next: लाचखोर महिला तलाठ्यास अटक

≪ Previous: मालम‌त्तांवर चढणार बोजा

$

0

0

बेळगाव : पुणे-बेंगळुरू राष्ट्रीय महामार्गावर सिलिंडर नेणारा ट्रक स्विफ्ट कारवर मागून आदळल्याने स्विफ्ट कारमधील दोन जण जागीच ठार तर अन्य दोघे जखमी झाले आहेत. बेळगावजवळील बागेवाडी येथे गुरुवारी हा अपघात घडला.
संजय सुरेश शिंदे (४५, रा. बोरगाव, सातारा) आणि महालिंग खराडे (५५, रा. वाई) अशी अपघातात ठार झालेल्यांची नावे आहेत. किशोर घाडे (३५) आणि दिगंबर घाडे (३७) अशी कारमधील अन्य दोन जखमींची नावे आहेत. हे चौघे साताऱ्याहून तिरूपतीला स्विफ्ट कारमधून (एमएच ११, बीव्ही ८१८७) निघाले होते. बागेवाडी येथे एका दुधाच्या टँकरचालकाचे वाहनावरील नियंत्रण सुटल्याने टेम्पो उलटला होता. ते पाहून मागून येणाऱ्या स्विफ्ट कारचालकाने मोटार सुरक्षित अंतरावर थांबवली, पण मागून सिलिंडर घेऊन येणारा भरधाव ट्रक कारवर आदळला. त्यामुळे कारच्या मागील बाजूला बसलेले दोघे जण जागीच ठार झाले. कारमध्ये समोर बसलेले दोघे जखमी झाले. जखमींना महामार्गावरून जाणाऱ्यांनी कारमधून बाहेर काढले.
दुधाची वाहतूक करणारा टेम्पो उलटल्याने दूध रस्त्यावर पसरले होते. ट्रक वेगाने आदळल्यामुळे कारचा चेंदामेंदा झाला होता. ट्रकमधील सिलिंडरदेखील रस्त्यावर पसरले होते.

मोबाइल अॅप डाउनलोड करा आणि राहा अपडेट

लाचखोर महिला तलाठ्यास अटक

August 4, 2016, 2:30 pm

≫ Next: पंचगंगेची इशारा पातळी

≪ Previous: बेळगावजवळ अपघातात साताऱ्यातील दोघे ठार

$

0

0

म. टा. प्रतिनिधी, कोल्हापूर

तक्रारदाराने घेतलेले कर्ज त्यांच्या सात-बारा उताऱ्यावर नोंद करण्यासाठी सातशे रुपयांची लाच घेताना महिला तलाठी आकांक्षा भाऊसाहेब ढेरे (वय ३२, रा. कुरुंदवाड, ता. शिरोळ) यांना लाचलुचपत प्रतिबंधक विभागाने रंगेहात पकडले. इंगळी (ता. हातकणंगले) येथील तलाठी कार्यायातच गुरूवारी (ता. ४) ही कारवाई करण्यात आली.

तक्रारदार उमेश राजाराम मगदूम (रा. इंगळी, ता. हातकणंगले) यांच्या वडिलांची इंगळी गावात २५ गुंठे शेत जमीन आहे. या जमिनीवर त्यांनी पतसंस्थेकडून पाच लाखांचे कर्ज घेतले आहे. या कर्जाचा बोजा जमिनीच्या सात-बारा पत्रकावर नोंदवण्यासाठी तलाठी आकांक्षा ढेरे यांनी तक्रारदाराकडे एक हजार रुपयांच्या लाचेची मागणी केली होती. तक्रारदारांनी याबाबत गुरूवारी (ता.४) लाचलुचपत प्रतिबंधक विभागाच्या कोल्हापूर कार्यालयाकडे तक्रार दिली. पोलिस उपाधीक्षक उदय आफळे यांनी तातडीने अधिकाऱ्यांकरवी तक्रारीची खातरजमा करून घेऊन इंगळी येथील तलाठी कार्यालयात सापळा रचला. तडजोडीअंती ७०० रुपयांची लाच घेताना एसीबीच्या पोलिसांनी तलाठी ढेरे यांना रंगेहात पकडले. लाच घेतल्याबद्दल ढेरे यांच्या विरोधात पोलिसांनी गुन्हा दाखल केला, असून त्यांची अधिक चौकशी सुरू आहे. उदय आफळे यांच्या मार्गदर्शनाखाली पोलिस हवालदार श्रीधर सावंत, पोलिस नाईक मनोज खोत, दयानंद कडूकर आदींनी कारवाई केली.

मोबाइल अॅप डाउनलोड करा आणि राहा अपडेट

पंचगंगेची इशारा पातळी

August 4, 2016, 2:30 pm

≫ Next: पावसाचा पुन्हा जोर

≪ Previous: लाचखोर महिला तलाठ्यास अटक

$

0

0

म. टा. प्रतिनिधी, कोल्हापूर

जिल्ह्यातील सात धरणांतून सुरू असलेला पाण्याचा विसर्ग, पाणलोट क्षेत्रातील आणि शहराला पावसाने झोडपल्याने जिल्ह्यातील नदीच्या पाणीपातळीत झपाट्याने वाढ झाली आहे. सर्वंच धरणक्षेत्रात अतिवृष्टी झाली. पंचगंगेने गुरूवारी रात्री पंचगंगा इशारा पातळीवर आली. रात्री उशीरापर्यंत पंचगंगेची पाणी पातळी ३८. ७ इंच राहिली. नदीची धोकादायक पातळीकडे वाटचाल सुरू असून शहराला महापुराचा धोका कायम आहे. जिल्ह्यातील ५९ बंधारे पाण्याखाली गेले आहेत. जिल्हा प्रशासनाकडून अतिदक्षतेचा इशारा दिला आहे. पावसामुळे ७ राज्य मार्ग आणि ९ जिल्हा मार्गावरील वाहतूक बंद झाली आहे. कासारी धरणक्षेत्रात सर्वांधिक २२० मिलिमीटर पावसाची नोंद झाली.

दोन दिवसांपूर्वी पंचगंगेचे पाणी दुसऱ्यांदा पात्राबाहेर पडले होते. राधानगरी धरणांतून प्रतिसेंकद ५०५६ क्युसेस पाण्याचा विसर्ग सुरू झाला. सोमवारी सकाळी धरणाचे स्वयंचलित दरवाजा क्रमांक चार आणि पाच खुले करण्यात आले. त्यासह पाणलोट क्षेत्रासह शहराला पावसाने झोडपले. त्यामुळे पंचगंगा नदीच्या पाणीपातळीत झपाट्याने वाढ झाली. एकाच दिवसात १४ फूट पाणीपातळी वाढली. त्यामुळे गुरुवारी रात्रीपर्यंत पंचगंगेची राजाराम बंधाऱ्यावर मोजलेली पाणी पातळी ३९ फूटावर गेली. इशारा पातळी ३९ फूट असून धोकादायक पातळी ४३ फूटावर आहे. पाण्याचा वेग कायम असल्याने जिल्ह्याच्या पाणीपातळीत झपाट्याने वाढ झाली. पंगगंगेची पाणी जामदार क्लबपासून पुढे आले. त्यामुळे गंगावेश ते शिवाजी पुलापर्यंत जाणारी वाहतूक बंद करण्यात आली. नदी पात्रातील पाणी वाढल्याने शहराकडे पाणी पसरले आहे. शुक्रवार पेठ, उत्तरेश्वर पेठ ते दुधाळीपर्यंत पाणी विस्तारले आहे. शहरातील रंकाळा तलाव आणि कळंबा तलावाच्या सांडव्यावरुन पुन्हा पाणी वाहू लागले. जुलै महिन्यात झालेल्या पावसाने जयंती नालाही पात्राबाहेर गेला आहे. रस्ता आणि पाणीपातळीत सुमारे चार फूटाचे अंतर राहिले आहे.

शहरात दिवसभर पावसाचा जोर कायम राहिला. शहरात व्हीनस कॉर्नर, कोंडा ओळ, लक्ष्मीपुरी, पारिख पुलासह गांधी मैदान आणि दुधाळी मैदानात पाणी साचले. शहरातील गटारीची स्वच्छता नसल्याने अनेक कॉलनीत पाणी साचले.

कासारी पाणलोट क्षेत्रात सर्वाधिक पाऊस

पावसाने धरणक्षेत्राला झोडपले. कासारी धरणक्षेत्राला सर्वांधिक पावसाची नोंद झाली. या धरणक्षेत्रात एका दिवसात २२० मिलिमीटर पाऊस झाला. कुंभी धरणक्षेत्रात १६६ मिलिमीटर पाऊस झाला. चित्री धरणक्षेत्रात १४७ मिलीमीटर पाऊस झाला. घटप्रभेत १४३, राधानगरीत १३५, कडवीत १२८, कोदे धरणात ११०, पाटगावात १०८, जंगमहट्टीत १०३, वारणेत ९६, चिकोत्रात ९२, दूधगंगेत ८६, तुळशीत ८३ मिलिमीटर पाऊस झाला. राधानगरी, वारणा, कासारी, कडवी, कुंभी, घटप्रभा, कोदे या सात धरणांसह राजाराम, सांगली, अंकली आणि राजापूर बंधाऱ्यावरुन पाण्याचा विसर्गही मोठ्या प्रमाणात सुरू झाला.

००

पाण्याखालील बंधारे

पंचगंगा: राजाराम, सुर्वे, रुई, इचलकरंजी, तेरवाड, शिरोळ, शिंगणापूर

भोगावती : राशिवडे, हळदी, शिरगांव, सरकारी कोगे, खडक कोगे

तुळशी : बीड

वारणा : कोडोली, चिंचोली, माणगांव, तांदूळवाडी, खोची, शिगांव, दानोळी

कासारी : यवलूज, ठाणे, आळ‍वे, पुनाळ तिरपण, बाजारभोगांव, वाळोली, पेंटागळे, कांटे, कंरजपेण

कुंभी :कळे, शेणवडे, मांडुकली, वेतवडे

कडवी: पाटणे, सवते सावर्डे, शिरगांव, कोपार्डे

वेदगंगा: बस्तवडे, वाघापूर, निळपण, कुरणी, सुरूपली, चिखली

हिरण्यकेशी : ऐनापूर, साळगांव, गिजवणे, निलजी

ताम्रपर्णी : हल्लरवाडी, कुर्तनवाडी

दूधगंगा : दत्तवाड

धामणी : सुळे, आंबार्डे

जांबरे : कोकरे

००००

वाहतूक बंद, पर्यायी वाहतूक

कोगे (ता. करवीर) बंधाऱ्यावर १२ फूट पाणी आल्याने बालिंगा पाडळी कोगे मार्गे वाहतूक

आणदूर (ता. गगनबावडा) बंधाऱ्यावर चार फूट पाणी आल्याने मांडुकली, खोपडेवाडी मार्गे वाहतूक

बाजारभोगाव (ता. पन्हाळा) रस्त्यावर ३ फूट पाणी आल्याने पडसाळी वाहतूक बंद

गोटे (ता. पन्हाळा) पुलावर पाणी आल्याने परखंदळे, धुंदवडे मार्ग बंद

ब्रिदी (ता. कागल) सोनाळी बंधाऱ्यावर पाणी आल्याने आणूर-बाणगे केनवडे मार्गे वाहतूक

साळगांव (ता. आजरा) बंधाऱ्यावर पाणी आल्याने सोहाळे बाची मार्गे वाहतूक

०००

धरणसाठा टक्केवारी असा

राधानगरी ९९

तुळशी ६८.८७

वारणा ८६.३५

दूधगंगा ६०.४८

कासारी ९३.४३

कडवी १००

कुंभी ९७.१६

पाटगांव ६९.३४

चिकोत्रा ३३.५७

चित्री ६६.११

जंगमहट्टी ७४.५३

घटप्रभा १००

जांबरे ०.१२

कोदे १००

मोबाइल अॅप डाउनलोड करा आणि राहा अपडेट

पावसाचा पुन्हा जोर

August 4, 2016, 2:30 pm

≫ Next: तहसीलदार टोळीचा जामीन फेटाळला

≪ Previous: पंचगंगेची इशारा पातळी

$

0

0

म. टा. प्रतिनिधी, कोल्हापूर

जिल्ह्यात सर्वत्र पावसाचा जोर कायम आहे. जिल्ह्यातील सात धरणांतून आणि चांदोली धरणाच्या वीज निर्मिती केंद्रातून सुरू झालेल्या विसर्गामुळे शिरोळ तालुक्यात पाणी पातळीत वाढ होत आहे. धरणातून सुरू असलेला विसर्ग आणि पाणलोट क्षेत्रातील धुवाँधार पावसाने पंचगंगेची इशारा पातळी ओलांडण्याची शक्यता आहे. गुरुवारी रात्री ३८.७ इंच पाणी पातळी झाली. पंचगंगेची इशारा पातळी ३९ इंच आहे. एका दिवसात १४ फूट पाणी पातळी वाढली. ४३ फुटावर धोकादायक पातळी असल्याने शहराला महापुराचा धोका कायम आहे. धरणक्षेत्राला पावसाने झोडपले असून सर्वांधिक २२० मिमी पाऊस कासारी धरणक्षेत्रात झाला. महापुराचा धोका कायम असल्याने जिल्हा प्रशासनाने नदीकाठच्या गावांना अतिदक्षतेचा इशारा दिला आहे.

गेले दोन दिवस सुरु असलेल्या पावसाने शहरातील जनजीवन विस्कळीत झाले आहे. जिल्ह्यातील वाहतूक व्यवस्था कोलमडली आहे. ७ राज्य मार्ग आणि ९ जिल्हा मार्गावरील वाहतूक बंद आहे. शहरातही दिवसभर पाऊस असल्याने अनेकांची तारांबळ उडाली. काही भाजी मंडईत पाणी आल्याने खरेदीसाठी ग्राहक फिरकले नाहीत. जिल्ह्यातील ५२१ गावे पूरबाधित झाली असून ६७६५ लोकांना पुराचा फटका बसला आहे. पूरबाधित गावांतील १३७५ रहिवाशांचे सुरक्षितस्थळी स्थलांतर करण्यात आले आहे. पावसामुळे ९ घरांची पडझड झाली असून १२४८ घरांची अंशतः पडझड झाली. आतापर्यंत दहा जनावरे मृत्यूमुखी पडली आहेत. सखल भागातील आणि नदीकाठची पिकांना धोका असून जिल्ह्यातील ४.२१ हेक्टर जमीन पाण्याखाली गेल्याने नुकसान झाले. दरम्यान हा पाऊस भात, ज्वारी, भुईमूग या पिकांना पोषक असल्याने बळीराजा आनंदी आहे.

धरणक्षेत्रात दमदार पाऊस सुरु असल्याने नद्यांचे पाणी पात्राबाहेर पडले आहे. राधानगरी धरणही पूर्ण क्षमतेने भरले असल्याने प्रतिसेकंद ५०५६ क्सुसेक विसर्ग सुरु झाला आहे. त्यासह सात धरणे आणि चार बंधाऱ्यातून विसर्ग सुरु झाल्याने नदी पात्रातील पाणी झपाट्याने वाढत आहे. गुरुवारी रात्रीपर्यंत पंचगंगा इशारा पातळी ओलांडण्याची शक्यता असल्याने शहराला पुन्हा एकदा महापुराचा धोका आहे. कळंबा तलाव पुन्हा एकदा सांडव्यावरुन वाहू लागला आहे. रंकाळा, राजाराम, कोटीतीर्थ तलावही पूर्ण क्षमतेने भरले आहे.

मोबाइल अॅप डाउनलोड करा आणि राहा अपडेट

तहसीलदार टोळीचा जामीन फेटाळला

August 4, 2016, 2:30 pm

≫ Next: चांदोली धरण ९० टक्के भरले

≪ Previous: पावसाचा पुन्हा जोर

$

0

0

म. टा. प्रतिनिधी, कोल्हापूर

गुंड स्वप्नील संजय तहसीलदार (वय ३२, रा. महाडिक वसाहत) याच्यासह टोळीतील पाच जणांचा अटकपूर्व जामीन अर्ज न्यायाधीश एल. डी. बिले यांनी फेटाळला. मोका अंतर्गत कारवाईला परवानगी मिळाल्याने एसटी गँगमधील गुंडांना जामीन मिळू नये, असा अर्ज पोलिसांनी जिल्हा व सत्र न्यायालयात केला होता. अन्य चौघांच्या जामिनावर सोमवारी (ता. ८) निर्णय होणार आहे. या निर्णयामुळे गुंड स्वप्नील तहसीलदार याच्या अटकेची शक्यता वाढली आहे.

खंडणी वसूल करणे, धमकावून कूळ काढणे, दहशत माजवणे, क्रिकेट बेटिंग, खून, आदी गंभीर गुन्हे गुंड स्वप्नील तहसीलदार याच्या टोळीवर नोंद आहेत. टोळीतील गुंडांवर १५ पेक्षा अधिक गुन्हे असून, तहसीलदार याच्यावर २५ गुन्हे दाखल आहेत. या टोळीच्या गुन्हेगारी कृत्यांना आळा घालण्यासाठी जिल्हा पोलिस प्रशासनाने महाराष्ट्र संघटित गुन्हेगारी प्रतिबंध म्हणजेच मोकाअंतर्गत कारवाई केली आहे. पोलिस उपअधीक्षक डॉ. सागर पाटील या प्रकरणाचा अधिक तपास करीत आहेत. दरम्यान, अटकपूर्व जामिनासाठी तहसीलदार टोळीने जिल्हा व सत्र न्यायालयात धाव घेतली होती. न्यायाधीश एल. डी. बिले यांनी उपलब्ध पुरावे आणि सराकरी वकील अॅड. अल्ताफ पिरजादे यांनी केलेला युक्त‌िवाद ग्राह्य मानून स्वप्नील तहसीलदार याच्यासह प्रसन्न सूर्यकांत आवटे (वय २५, रा. राजारामपुरी), अनिकेत आनंदराव सातपुते (वय २१, सुभाषनगर), साईजार दीपक जाधव (वय २६, रा. राजारामपुरी), सनी उर्फ सन्नत प्रताप देशपांडे (वय २५, रा. राजारमपुरी) या पाच जणांचा अटकपूर्व जामीन फेटाळला. त्यांना आपिलासाठी चीन दिवासांची मुदत दिली असून, त्यानंतर मुदतीत हायकोर्टात आपील न केल्यास पोलिस अटक करू शकतात.

तहसीलदार टोळीतील विठ्ठल काशीनाथ सुतार (वय २७, रा. विक्रमनगर), तुषार शिवाजी डवरी (वय २६, रा. शाहू कॉलनी), राकेश किरण कारंडे (वय २०, रा. शास्त्रीनगर) आणि रामचंद कुंडलिक सावरे (वय ३४, रा. गणेश कॉलनी, शिंगणापूर) या चौघांच्या जामीन अर्जावर अतिरिक्त सत्र न्यायधीश सुनील वेदपाठक यांच्या न्यायालयात सोमवारी सुनावणी होणार आहे. आरोपींच्या वतीने अॅड. विद्याधर पाटील यांनी काम पाहिले.

मोबाइल अॅप डाउनलोड करा आणि राहा अपडेट

चांदोली धरण ९० टक्के भरले

August 4, 2016, 10:54 am

≫ Next: कर्मचाऱ्यांचा पगारासाठी झगडा, आघाड्यात राजकारण !

≪ Previous: तहसीलदार टोळीचा जामीन फेटाळला

$

0

0

शिराळा : शिराळा तालुक्यातील चांदोली धरण परिसरात पावसाची संततधार सुरूच असून धरण गुरुवारी ९० टक्के भरले. तालुक्यात इतरत्रही पावसाचा जोर होता. चांदोली धरणाजवळच्या वीज निर्मिती केंद्रातून ८०० क्युसेक पाणी वारणा नदीत सोडण्यात येत असल्यामुळे वारणा नदीच्या पाणी पातळीत वाढ होत आहे.
धरणाच्या चार दरवाजांतून शुक्रवारी दुपारी पाणी सोडण्यात येणार असल्याची माहिती धरण व्यवस्थापनाने दिली. शिराळा तालुक्यातील मांगले ते कोल्हापूर जिल्ह्यातील काखे गावादरम्यानचा पूल गुरुवारीही पाण्याखालीच होता. या मार्गावरून वारणानगर-कोल्हापूरला जाणारी वाहतूक बंद होती. चांदोली धरण परिसरात गेल्या चोवीस तासांत ९६ मिलिमीटर पाऊस झाला आहे. आजअखेर १७४६ मिलिमीटर पावसाची नोंद वारणावती येथील पर्जन्यमापकावर झाली आहे. चांदोली धरणाची पाणीपातळी ६२३.४५ मीटर झाली असून, पाणीसाठा ८६७.८२५ दशलक्ष घनमीटर झाला आहे. धरणात ३०.६५ टीएमसी पाणीसाठा असून धरण ९० टक्के भरले आहे.

मोबाइल अॅप डाउनलोड करा आणि राहा अपडेट

---

कर्मचाऱ्यांचा पगारासाठी झगडा, आघाड्यात राजकारण !

August 4, 2016, 2:30 pm

≫ Next: उजनी धरणाची जिवंत साठ्याकडे वाटचाल

≪ Previous: चांदोली धरण ९० टक्के भरले

$

0

0

म. टा. प्रतिनिधी, कोल्हापूर

केएमटी कर्मचाऱ्यांचा थकीत वेतन आणि फरकाच्या रकमेसाठी प्रशासनाशी संघर्ष सुरू असताना दुसरीकडे शुक्रवारी याप्रश्नी बोलाविलेल्या विशेष सभेवरून महापालिका आघाडीत राजकारण रंगले आहे. कर्मचाऱ्यांच्या खांद्यावर बंदूक ठेवून विशेष सभा रद्द करण्याच्या हालचाली सुरू होत्या. माजी महापौर सुनील कदम यांना स्वीकृत नगरसेवकपद नियुक्तीची सूत्रे मिळाल्याने ते विशेष सभेत सहभागी होऊ शकतात. दुसरीकडे कदम यांचा सभागृहातील प्रवेश लांबणीवर कसा पडेल यादृष्टीने चाचपणी सुरू होती. यामुळे शुक्रवारी होणाऱ्या विशेष सभेवर सावटाचे चिन्ह आहे.

केएमटी कर्मचाऱ्यांची केएमटी प्रशासनाकडे १५ कोटीहून जास्त थकीत रक्कम आहे. पीएफ, अल्पबचत खाते आणि विम्याची रक्कमही प्रशासनाने भरली नाही. पगारही विलंबाने होतो. नियमित वेतन मिळावे आणि फरकाची रक्कम जमा करावी यासाठी केएमटी कर्मचाऱ्यांनी काम बंद आंदोलनाचा इशारा दिला होता. महापौर अश्विनी रामाणे व आयुक्त पी. शिवशंकर यांच्यासोबत कर्मचारी संघटनेच्या प्रतिनिधींची बैठक होऊन थकीत फरक देण्यासंदर्भात निर्णय झाला. तसेच महापालिकेकडून केएमटील अनुदान देण्यासाठी​ विशेष सभा घेऊन निधी मंजूर करण्याचे ठरले. त्यानुसार शुक्रवारी (ता.५) विशेष सभा होत आहे.

दुसरीकडे महापालिका कर्मचारी संघानेही चार हजारहून अ​धिक कर्मचाऱ्यांचे बारा कोटी रुपये थकीत आहेत. प्रशासनाने प्रथम महापालिका कर्मचाऱ्यांची थकीत रक्कम द्यावी आणि नंतर केएमटी कर्मचाऱ्यांच्या रकमेचा निर्णय घ्यावा अशी भूमिका कर्मचारी संघाचे अध्यक्ष रमेश देसाई यांनी घेतली. यामुळे प्रशासनाची कोंडी निर्माण झाली आहे. केएमटी आणि महापालिका कर्मचारी संघातील वादाचे निमित्त करून शुक्रवारी होणारी सभा रद्द करण्याच्या हालचाली सुरू आहेत. मात्र विरोधकांकडे ३३ संख्याबळ असल्याने कोरमअभावी सभा तहकूब होण्याची शक्यता कमी आहे. सभा तहकूब करण्यापेक्षा कर्मचारी संघटनेतील वाद प्रशासनाने अगोदर मिटवावा नंतर सभा घ्यावी असा विचार पुढे आला आहे. विरोधक मात्र सभा होईल यावर ठाम आहेत.

.................

केएमटीवर एक दृष्टीक्षेप

एकूण बसेस १२९, धावणाऱ्या बसेस १११

कर्मचारी संख्या १०००

दरमहा पगाराची रक्कम एक कोटी ५४ लाख रुपये

कर्मचाऱ्यांची थकीत रक्कम १५ कोटी

रोजचे उत्पन्न सुमारे आठ लाख रुपये

रोजचा तोटा तीन लाख रुपये

............................................

मोबाइल अॅप डाउनलोड करा आणि राहा अपडेट

उजनी धरणाची जिवंत साठ्याकडे वाटचाल

August 5, 2016, 10:49 am

≫ Next: कण्हेर धरणाचेदोन दरवाजे उघडले

≪ Previous: कर्मचाऱ्यांचा पगारासाठी झगडा, आघाड्यात राजकारण !

$

0

0

म. टा. वृत्तसेवा, सोलापूर

पुणे जिल्ह्यात आणि उजनी धरण क्षेत्रात पडत असलेल्या धुवॉँधार पावसामुळे उजनी धरण पुढील चोवीस तासांत प्लसमध्ये येण्याची शक्यता आहे. दौंड आणि बंड गार्डनमधून दुपारी चार वाजण्याच्या सुमारास ६२ हजार ते ६८ हजार क्युसेक पाण्याचा विसर्ग सुरू होता. तर खडकवासला धरणातून २७ हजार क्युसेक विसर्ग सुरू असून, हा विसर्ग पुढे ३० ते ३५ हजारने वाढविण्यात येणार आहे. शुक्रवारी दुपारी चारवाजेपर्यंत उजनी धरण वजा ८ होते. त्यामुळे पुढील चोवीस तासांत उजनी पल्समध्ये येणार आहे.

नदीकाठच्या १०४ गावांना सतर्कतेचा इशारा

सातारा जिल्ह्यात ही सर्व धरणे पूर्ण भरण्याच्या मार्गावर आहेत. विर आणि भाटगर धरणातून निरा नदीत मोठ्या प्रमाणावर पाणी सोडण्यात येत असल्यामुळे नदी दुथडी भरून वाहत आहे. त्यामुळे सोलापूर जिल्ह्यातील नीरा आणि भीमा नदीकाठच्या १०४ गावांना जिल्हा प्रशासनाने सतर्कतेचा इशारा दिला आहे.

सोलापूरला तीन दिवसांआड पाणी

नीरा नदीमधून भीमा नदीच्या पात्रात मोठ्या प्रमाणावर पाणी सोडण्यात आल्याने औज आणि चिंचपूर बंधाऱ्यातील बर्गे काढण्यात आले आहेत. सोलापूर शहराला पाणीपुरवठा करणाऱ्या औज बंधाऱ्यात मुबलक पाणीसाठा झाल्यामुळे सोलापूर शहराला तीन दिवसांआड पाणीपुरवठा करण्याचे नियोजन सुरू झाले आहे. तीन वर्षांपासून कोरडा पडलेल्या सोलापूर-तुळजापूर रस्त्यावरील हिप्परगा तलावातही भरपूर पाणीसाठा झाल्यामुळे हिप्परगातूनही शहराला पाणीपुरवठा करण्याच्या हालचाली सुरू झाल्या आहेत.

मोबाइल अॅप डाउनलोड करा आणि राहा अपडेट

कण्हेर धरणाचेदोन दरवाजे उघडले

August 5, 2016, 10:43 am

≫ Next: कोयनेत ८० टीएमसी

≪ Previous: उजनी धरणाची जिवंत साठ्याकडे वाटचाल

$

0

0

सातारा

कण्हेर धरणामध्ये ८५ टक्क्यांहून अधिक पाणीसाठा झाला आहे. त्यामुळे धरणाचे दोन दरवाजे ०.३० मीटरने उघडले असून, १५७२ क्युसेक वेगाने पाणी वेण्णा नदी पात्रात सोडण्यात येत आहे. दरम्यान, या धरणातून पाण्याचा विसर्ग सुरू राहणार असून, त्यामुळे नदीकाठच्या गावांना सावधानतेचा इशारा देण्यात आला आहे. दरम्यान वीर धरणातून निरा नदी पात्रात ३० हजार २९ क्युसेक पाणी सोडण्यात येत आहे. सातारा जिल्ह्याच्या पश्चिम भागात पावसाचा जोर अद्यापही कायम असून येणाऱ्या पाण्याची आवक ६३०० क्युसेक आहे.

मोबाइल अॅप डाउनलोड करा आणि राहा अपडेट

कोयनेत ८० टीएमसी

August 5, 2016, 10:44 am

≫ Next: धोम धरणातून विसर्ग

≪ Previous: कण्हेर धरणाचेदोन दरवाजे उघडले

$

0

0

म. टा. वृत्तसेवा, कराड

कराड, पाटण तालुक्यासह कोयना धरणाच्या पाणलोट क्षेत्रात शुक्रवारी धुवाँधार पावसाचा जोर कायम राहिला. धरणाच्या शिवसागर जलाशयातील पाणीपातळीत ८१ हजार २४२ क्युसेक वेगाने पाण्याची आवक होत असल्याने जलाशयातील साठ्यात झपाट्याने वाढ होत आहे. गेल्या चोवीस तासांत पाणीसाठ्यात सात टीएमसीने वाढ झाली आहे. धरणात ८०. २३ टीएमसी इतका पाणीसाठा झाला आहे.

परिसरात पडत असलेल्या मुसळधार पावसामुळे नद्यांच्या पाणीपातळीत वाढ झाल्याने संगमनगर (धक्का) येथील जुना पूल पाण्याखाली गेला आहे. शुक्रवारी सायंकाळी पाच वाजता संपलेल्या चोवीस तासांत कोयनानगर येथे १३४, नवजा २०७, महाबळेश्वर १४०, मिलीमीटर पावसाची नोंद झाली आहे. पाणीपातळी २१४१ फूट ५ इंच म्हणजेच उंची ६५२.७०४ इतकी झाली आहे.

मोबाइल अॅप डाउनलोड करा आणि राहा अपडेट

धोम धरणातून विसर्ग

August 5, 2016, 10:45 am

≫ Next: साताऱ्यात जोर ओसरलामहाबळेश्वरात १४० मिमी

≪ Previous: कोयनेत ८० टीएमसी

$

0

0

सातारा

वाई तालुक्यातील कृष्णा नदीवरील धोम धरण परिसरात गेली आठ दिवस मुसळधार पाऊस पडत होता. दहा हजार क्युसेस पाण्याची आवक धरणात होत होती. धोम धरण ८५ टक्के भरले आहे. खबरदारीचा उपाय म्हणून धरण प्रशासनाने पाच हजार क्युसेक विसर्ग सुरू केला आहे. महाबळेश्वर व धरण परिसरात पावसाचा जोर कायम राहिल्यास अजून जादा पाणी कृष्णा नदीमध्ये सोडण्याची शक्यता प्रशासनाने वर्तवली आहे. धोम परिसरात गुरुवार व शुक्रवारी दिवसभरात ११३ मिलीमीटर पावसाची नोंद झाली आहे.

धोम पाटबंधारे प्रशासनाने कृष्णा नदीकाठच्या राहिवाशांना सर्तकतेचा इशारा दिला आहे. प्रशासनाने चोख बंदोबस्त ठेवला आहे. धोम धरणाच्या खालच्या परिसरात पावसाचा जोर वाढल्याने कृष्णा नदीमध्ये पाण्याची पातळी वाढली आहे. सध्या वाईच्या महागणपतीला पाणी लागले आहे. तेथील छोटा गणपती पूल पाण्याखाली गेला आहे.

मोबाइल अॅप डाउनलोड करा आणि राहा अपडेट

साताऱ्यात जोर ओसरलामहाबळेश्वरात १४० मिमी

August 5, 2016, 10:46 am

≫ Next: बारा वर्षांनंतर भागीरथी प्रकटणार

≪ Previous: धोम धरणातून विसर्ग

$

0

0

म. टा. वृत्तसेवा, सातारा

सातारा जिल्ह्यात पावसाचा जोर ओसरला आहे. शुक्रवारी जिल्ह्याच्या काही भागात पावसाने काहीकाळ उसंत घेतली होती. सातारा शहरात मात्र, शुक्रवारी पहाटेपासून सरी कोसळत होत्या. गेल्या चार दिवसांपासून जिल्ह्यात पडलेल्या मुसळधार पावसामुळे मांढरदेव घाटता दरडी कोसळून वाहतूक ठप्प झाली आहे. गोवे (ता. सातारा) येथील रवींद्र भरत जाधव (वय ३६) व जिहे कटापूर येथील एक ऐंशी वर्षीय वृद्ध कृष्णा नदीच्या पुरात वाहून गेले आहेत.

पानस-हातगेघर हद्दीत ओढ्यावरील पुल पुराच्या पाण्याने वाहून गेला आहे. महाबळेश्वर तालुक्यात अतिवृष्टीमुळे एक शेततळे फुटून शेतीचे नुकसान झाले आहे. वाई येथे पुरपरिस्थिती उद्भवली आहेत. कृष्णा कोयना या प्रमुख नद्यांसह इतर नद्यांच्या पाणीपातळीत झपाट्याने वाढ झाली आहे. जिल्ह्यात झालेल्या पावसामुळे रहदारीचे रस्त्यामध्ये मोठे खड्डे पडले आहेत. या खड्ड्यांमध्ये पावसाचे पाणी साचून याचा त्रास सर्वांना सहन करावा लागत आहे. अतिवृष्टीमुळे जिल्ह्यात झालेल्या नुकसानीचे माहिती जिल्हाधिकारी कार्यालयातील नियंत्रण कक्षात नोंद झाली आहे. मांढरदेव घाटात ढासळलेली दरडी हटविल्याचे काम सुरू आहे.

साताऱ्यात गुरुवारी सकाळी आठपासून शुक्रवारी सकाळी आठवाजेपर्यंच्या चोवीस तासांत झालेला तालुकानिहाय पाऊस

सातारा- २०, जावली- ३८, पाटण- ४३, कराड- ९, कोरेगाव- ४, खटाव- ५ माण-०.३, फलटण-०, खंडाळा- २.६, वाई- ११, महाबळेश्वर- १४०.

मोबाइल अॅप डाउनलोड करा आणि राहा अपडेट

बारा वर्षांनंतर भागीरथी प्रकटणार

August 4, 2016, 11:47 am

≫ Next: पंचगंगा धोका पातळीकडे

≪ Previous: साताऱ्यात जोर ओसरलामहाबळेश्वरात १४० मिमी

$

0

0

म. टा. वृत्तसेवा, सातारा

क्षेत्र महाबळेश्वर येथील गंगाभागीरथी कुंडातून यंदा बारा वर्षांनंतर ११ ऑगस्ट रोजी गंगाभागीरथी नदी प्रकट होणार आहे. गंगाभागीरथी कुंड सतत अकरा वर्षे कोरडे असते. त्यातून पाण्याचा एकही थेंब येत नाही. मात्र, गुरू ग्रहाने कन्या राशीमध्ये प्रवेश केला की, अचानक गंगाभागीरथी प्रवाहातून जलस्त्रोत सुरू होतो. हा प्रवाह सतत वर्षभर सुरू राहतो.

गुरू कन्या राशीतून बाहेर पडला आणि त्याने तूळ राशीमध्ये प्रवेश केला की पुन्हा गंगेचा प्रवाह कोरडे पडते. पुन्हा पुढची अकरा वर्षे ते पूर्णत: कोरडे राहते. बारा वर्षांनंतर गुरूने कन्या राशीमध्ये पुन्हा प्रवेश केला की गंगा कुंडातून जलप्रवाह सुरू होतो. कन्यागत महापर्वकाळामध्ये कृष्णेचे उगमस्थान असलेल्या श्री क्षेत्र महाबळेश्वरला अनन्य साधारण महत्त्व प्राप्त होते. आंध्र प्रदेश, कर्नाटक, तेलंगणा, कृष्णे काठावरील सर्व तीर्थक्षेत्रांना भाविक मोठ्या प्रमाणात गर्दी करतात. श्री क्षेत्र महाबळेश्वर येथे भाविक स्नानविधी, गंगा-पूजन, महापूजा, नैवेद्य, व श्राद्धादी कर्मे करण्यासाठी मोठ्या संख्येने गर्दी करतात. सर्व पितरांच्या उद्धाराबरोबरच ऐहिक व पारलौकिक सुखाचा लाभ पातकांचा नाश या महापर्वकाळात होतो, असे शास्त्रवचन आहे. हा दिव्य सोहळा पाहण्यासाठी साहजिकच भाविकांची गर्दी होणार आहे. हा महापर्वकाळात भाविकांची प्रचंड गर्दी होणार आहे.

सात नद्यांचे उगमस्थान

कृष्णा, वेण्णा, कोयना, सावित्री, गायत्री, गंगाभागिरथी आणि सरस्वती या

सात नज्या येथून उगम पावणार आहेत. जलप्रवाहांची नावे अशी आहेत. यातील कृष्णा, वेण्णा, कोयना आणि सावित्री या चार कुंडातून नित्य निरंतर जलप्रवाह सुरु असतो. सरस्वती नदी ही सदैव गुप्त रुपाने वास करून असते. तिचा प्रवाह दिसत नाही. गायत्री कुंडातून साठ वर्षांतून एकदाच कपिलाषष्ठीच्या योगावर जलप्रवाह येतो. गायत्रीचे दर्शन एखाद्या व्यक्तीच्या आयुष्यामध्ये एकदाच होऊ शकते.

कन्यागत पर्वकाळ

११ ऑगस्ट रोजी रात्री ९.२९ वाजता गुरू कन्या राशीमध्ये प्रवेश करीत आहे. या वेळी श्री क्षेत्र महाबळेश्वर येथे भागीरथी नदीचा जलप्रवाह दृष्टिक्षेपास येणार आहे. गुरु कन्या राशीमध्ये असण्याच्या कालखंडाला कन्यागत पर्वकाळ, असे म्हणतात.

मोबाइल अॅप डाउनलोड करा आणि राहा अपडेट

---

पंचगंगा धोका पातळीकडे

August 5, 2016, 2:30 pm

≫ Next: ‘म्हातारी’च्या पठारावरीलबंधाऱ्याबाबत वादावर पडदा

≪ Previous: बारा वर्षांनंतर भागीरथी प्रकटणार

$

0

0

म. टा. प्रतिनिधी, कोल्हापूर

शहरात शुक्रवारी पावसाचा दिवसभर जोर राहिल्याने जनजीवन विस्कळीत झाले. अनेक चौकात ठिकठिकाणी पाणी साचल्याने वाहतुकीची प्रचंड कोंडी शहरात झाली. पावसाचा जोर कायम राहिल्याने पंचगंगेची पाणीपातळी इशारा पातळीवरून धोकापातळीकडे सरकत आहे. शुक्रवारी रात्री ही पातळी ४०. ८ फुटांवर होती. धोका पातळी ओलांडल्यास महापुराचा धोका ‌संभवत आहे.

दिवसभर पावसाच्या हलक्या आणि जोरदार सरीचा पडल्या. मात्र पुन्हा दहा ते पंधरा मिनिटांच्या अंतराने पावसाच्या सरी कोसळत राहिल्या. पावसामुळे व्ह‌िनस कॉर्नर, कोंडा ओळ, बिंदू चौक, देवकर पाणंद, निकम पार्क परिसरात पाणी साचले. जिल्हाधिकारी कार्यालयासमोर ड्रेनेजमधून दिवस रात्र पाणी वाहत असल्याने केव्हीज पार्क परिसरात पुन्हा पाणी साचले. सुतारवाड्यात मोठ्या प्रमाणात पाणी साचले. पंचगंगेचे पाणी विस्तारत असल्याने शुक्रवार पेठ, उत्तरेश्वर पेठ, दुधाळी, सुतारवाडा परिसरात पाणी पसरले आहे. गुरुवारी पंचगंगेचे पाणी जामदार क्लबजवळ आले होते. राधानगरी धरणातून पाण्याचा विसर्ग सुरू झाल्याने पाणी पातळीत झपाट्याने वाढ झाली. जामदार क्लबपासून पुढे आखरी रास्ता मंडळाजवळ पाणी आले. त्यामुळे गंगावेश ते शिवाजी पुलावरील वाहतूक दोन दिवस बंद आहे.

पाणलोट क्षेत्रालाही पावसाने चांगलेच झोपडले. सर्वाधिक पाऊस कासारी धरणक्षेत्रात २३० मिलिमीटर पावसाची नोंद झाली. पाटगांव, चिकोत्री आमि जंगमहट्टी धरणक्षेत्र वगळून सर्वच धरणक्षेत्रात अतिवृष्टी झाली. राधानगरीत १२६, तुळशीत ११७, वारणेत ७५, दूधगंगेत ११५, कडवीत १८२, कुंभीत १४७, पाटगांवतात ६४, चिकोत्रात ६०, चित्रीत १०५, जंगमहट्टीत ५५, घटप्रभेत ११२ आणि जांबरेत १२३ मिलिमीटर पावसाची नोंद झाली. जिल्ह्यातील राजाराम, सांगली, अंकली आणि राजापूर या बंधाऱ्यातून पाण्याचा विसर्ग सुरू राहिला.

बावड्यात घरांची पडझड

कसबा बावडा परिसरातील रणदिवे गल्ली येथील बाजीराव शिवाजी पाटील यांच्या घराची पडझड होऊन सुमारे पंधरा हजार रुपयांचे नुकसान झाले. पाटील गल्लीतील राजेंद्र गोविंद धुमाळ यांच्याही घराची भिंत पडून सुमारे पंधरा हजार रुपयांचे नुकसान झाले.


तालुकानिहाय पाऊस असा

करवीर ३५.२७

कागल ४०.७५

पन्हाळा ७१.४२

शाहूवाडी ७३.००

हातकणंगले २०. ७५

शिरोळ १८. ८५

राधानगरी ६६.००

गगनबावडा ७६.००

भुदरगड ४५. ६०

गडहिंग्लज १९. ५७

आजरा ४५. २५

चंदगड ४३. ८३

००

धरणसाठा असा

राधानगरी ८.२९ (८.३६ टीएमसी)

तुळशी २.५८ (३.४७)

वारणा ३१. ४९ (३४.३९)

दूधगंगा १६.६९ (२५. ३९)

कासारी २.५३ (२.७७),

कडवी २.५१ (२.५१)

कुंभी २.६० (२.७१ )

पाटगाव २.६३ (३.७१)

चिकोत्रा ०.५४ (१.५२)

चित्री १.३५ (१.८८ )

जंगमहट्टी ०.९९ (१.२२)

घटप्रभा १.५४ ( १.५४)

जांबरे ०.७९ ( ०.८२)

कोदे ०.२१ (०.२१)


६५ बंधारे पाण्याखाली

९ मार्ग अंशतः बंद

मोबाइल अॅप डाउनलोड करा आणि राहा अपडेट

‘म्हातारी’च्या पठारावरीलबंधाऱ्याबाबत वादावर पडदा

August 5, 2016, 2:30 pm

≫ Next: दुर्लक्ष करणे बेतले जीवावर

≪ Previous: पंचगंगा धोका पातळीकडे

$

0

0

म. टा. वृत्तसेवा, गारगोटी



गेल्या पंधरा दिवसापासून 'म्हातारी'च्या पठारावरील वनबंधाऱ्याबाबतीत चाललेल्या वादावर प्रांताधिकारी किर्ती नलावडे यांच्या मध्यस्थीने अखेर पडदा पडला. यामुळे दोन्ही विभागातील ग्रामस्थांचे समाधान झाले आहे. बंधारा बांधण्यास सुरू करण्याबरोबरच पुढच्यावर्षी वनबंधारा पक्का बांधून मेघोली ग्रामस्थांना पिण्याच्या पाण्याची टंचाई निर्माण झाल्यास या बंधाऱ्यातील पाणी वळवण्यात येणार आहे.

म्हातारीच्या पठारावर पडणारे पावसाचे पाणी बांध घालून अडवून वनविभागाने वनबंधारा तयार केला होता. या बंधाऱ्यात शंभर एमटीएफसी पाणी साठवणूक क्षमता आहे. अतिरिक्त होणारे पाणी हे चिकोत्रा धरणाकडे वळवण्यात आले होते. या पठारावर पडणारे पावसाचे पाणी हे मेघोली प्रकल्पाच्या क्षेत्रात आहे. म्हातारीच्या पठारावरील पावसाचे पाणी हे निसर्ग नियमानुसार मेघोली लघुपाटबंधारे प्रकल्पात येत होते. या प्रकल्पावर मेघोली, शेळोली, वेंगरूळ, ममदापूर या गावातल शेकडो हेक्टर शेती अवलंबून आहे. मात्र वनविभाने मेघोली परिसरातील शेतकऱ्यांना विश्वासात न घेता. म्हातारीच्या पठारावर बांध घालून चिकोत्राकडे वळविले. यामुळे मेघोली लघुपाटबंधारे प्रकल्पात येणारे पाणी बंद झाले. यावेळी हे पाणी या प्रकल्पाकडे न आल्यास मेघोली प्रकल्प पूर्ण क्षमतेने भरणार नसल्याची स्थिती निर्माण झाली होती. याबाबत मेघोली येथील स्थानिक नागरिकांनी वनविभागाला निवेदन दिले होते. पण वनविभागाने पुरेसा प्रतिसाद न दिल्याने मेघोली प्रकल्पात पुरेसा पाणी साठा होत नसल्याच्या याशिवाय मेघोली परिसरातील दोनशे एकर शेतात रोप लागणही झालेली नाही. त्यामुळे या परिसरातील शेतकऱ्याचा पाणी प्रश्न मार्गस्थ लावा अशी मागणी मेघोली परिसरातील शेतकऱ्यांनी निवेदनाद्वारे जिल्हाधिकाऱ्यांकडे केली होती. पण याला पुरेसा प्रतिसाद न मिळाल्याने बारा जुलै रोजी या बंधाऱ्याचा बांध काही लोकांनी फोडला. दोषींवर फौजदारी गुन्हे दाखल करण्यात आले. यानंतर मेघोली आणि चिकोत्रा प्रकल्प परिसरातील नागरिकांचे एकमेकावर आरोप प्रत्यारोप सुरू होते. या वादात लोकप्रतिनिधी उतरल्याने मोठी चर्चा सुरू होती.

मोबाइल अॅप डाउनलोड करा आणि राहा अपडेट

दुर्लक्ष करणे बेतले जीवावर

August 5, 2016, 2:30 pm

≫ Next: डॉक्टर, सीए, वकिलांची करचुकवेगिरी

≪ Previous: ‘म्हातारी’च्या पठारावरीलबंधाऱ्याबाबत वादावर पडदा

$

0

0

म. टा. प्रतिनिधी, कोल्हापूर

महाद्वार रोडवरील धोकादायक इमारतीची भिंत अंगावर कोसळून ढिगाऱ्याखाली सापडल्याने लतिका माधव कुलकर्णी (वय ७८) या वृद्धेचा मृत्यू झाला. या दुर्घटनेत घरातील अन्य दोघे जखमी झाले असून, त्यांच्यावर सीपीआर रुग्णालयात उपचार सुरू आहेत. शुक्रवारी (ता. ५) सकाळी अकराच्या सुमारास ही घटना घडली. महापालिकेने नोटीस देऊनही त्याकडे दुर्लक्ष केल्याने शहरातील धोकादायक इमारतींचा प्रश्न पुन्हा ऐरणीवर आला आहे.

अंबाबाई मंदिरासमोर महाद्वार रोडवरील पश्चिम दरवाजा शेजारी जयवंत नारायण कोडोलीकर यांच्या घराच्या दुसऱ्या मजल्यावर मुक्त पत्रकार माधव कुलकर्णी हे त्यांची पत्नी लतिका, मुलगा संतोष (वय ४९) आणि सून राजश्री (४२) यांच्यासह गेल्या ४० वर्षांपासून राहतात. घरमालक आणि त्यांच्यात कूळ कायद्यावरून वाद असल्याने कुलकर्णी यांनी महापालिका प्रशासनाने दिलेल्या नोटिसांकडे दुर्लक्ष केले. शुक्रवारी सकाळी कुलकर्णी घराबाहेर उभे असताना स्वयंपाक घरातील भिंत अचानक कोसळली. लतिका आणि मुलगा संतोष हे दोघे भिंतीच्या ढिगाऱ्याखाली सापडले. आरडाओरड ऐकून नागरिक जमा झाले. मात्र, दुसऱ्या मजल्यावर जाण्यासाठी रस्ता अरुंद असल्याने मदत कार्यात अडथळे येत होते. अग्निशामक दलानेही घटनास्थळी धाव घेतली. त्यानंतर लतिका आणि संतोष यांना ढिगाऱ्याखालून बाहेर काढले. दोघांनाही तातडीने उपचारासाठी सीपीआर रुग्णालयात दाखल केले, मात्र उपचारापूर्वीच लतिका यांचा मृत्यू झाल्याचे डॉक्टरांनी स्पष्ट केले. संतोष यांच्या डोक्याला गंभीर दुखापत झाली आहे.

दरम्यान, महापालिकेचे आयुक्त पी. शिवशंकर यांनी घटनास्थळाची पाहणी केली. त्याचबरोबर सीपीआरमध्ये जाऊन जखमीचीही विचारपूस केली. माजी नगरसेवक आदिल फरास, रमेश पोवार यांच्यासह परिसरातील नागरिकांनी मदत कार्यात सहभाग घेतला. जयश्री कुलकर्णी यांनी जुना राजवाडा पोलिसात घटनेची वर्दी दिली.

शहरातील ९५ धोकादायक इमारतींना वारंवार नोटिसा पाठवून घर रिकामे करण्याच्या सूचना दिल्या आहेत. मूळ मालक आणि कूळ यांच्या वादातून घरे रिकामी केली जात नाहीत, मात्र जीव धोक्यात घालून राहणाऱ्या नागरिकांना सुरक्षित स्थळी हलवण्यासाठी वेळप्रसंगी पोलिस प्रशासनाचीही मदत घेतली जाईल.

पी. शिवशंकर, आयुक्त

खोलखंडोबा परिसरात इमारत उतरवली

खोलखंडोबा परिसरातील लक्ष्मण कृष्णा कुकडे यांच्या वडिलोपार्जित घराचा काही भाग शुक्रवारी सकाळी कोसळला. या घरात सध्या कोणीही वास्तव्यास नसल्याने अनर्थ टळला, मात्र शेजाऱ्यांनी याची माहिती कुकडे कुटुंबीयांना देताच त्यांनी महानगरपालिकेशी संपर्क करून इमारत उतरवून घेतली.

मोबाइल अॅप डाउनलोड करा आणि राहा अपडेट

डॉक्टर, सीए, वकिलांची करचुकवेगिरी

August 5, 2016, 2:30 pm

≫ Next: पावसाने जनजीवन कोलमडले

≪ Previous: दुर्लक्ष करणे बेतले जीवावर

$

0

0

म. टा. प्रतिनिधी, कोल्हापूर

जिल्ह्यातील डॉक्टर, वकील, सीए व इतर व्यावसायिकाकडून व्यवसाय कराची कोट्यावधीची कर चुकवेगिरी होत असल्याची धक्कादायक माहिती पुढे आहे. जिल्ह्यात कर चुकवेगिरी करणाऱ्यांची संख्या एक लाखाहून अधिक असण्याची शक्यता आहे.

महाराष्ट्र सरकारच्या विक्रीकर विभगाने संपूर्ण जिल्ह्यातील व्यवसायिकांचे नव्याने सर्वेक्षण सुरू केले आहे. सर्वेक्षणात जिल्ह्यातून व्यवसाय कर बुडवणाऱ्याच्या संख्या एक लाखाच्या पुढे जाण्याची शक्यता आहे. डॉक्टर, सीए, वकील, विविध कंपन्यांचे खासगी सल्लागार, दुकानदारांनी व्यवसाय कर विभागाकडे व्यवसायाची नोंदणी केलेली नाही. त्यामुळे राज्य सरकारचा कोट्यवधी रुपयांचा व्यवसाय कर बुडत आहे. १९७५ च्या व्यवसाय कर कायद्यानुसार व्यवसाय कर भरणे बंधनकारक आहे. सध्या जिल्ह्यातील अंदाजे ६० हजार व्यावसायिकांनी व्यवसाय कर कायद्याच्या अंतर्गत नोंदणी केली आहे. वर्षाला २५०० रुपये व्यवसाय कर भरावा लागतो.

व्यवसाय कर विभागाने जिल्हा बार असोसिएशन, मेडिकल कौन्सिल, केंद्रीय उत्पादन शुल्क विभाग, राज्य उत्पादन शुल्क विभाग, नगरपालिका, महानगरपालिका, पाटबंधारे विभाग, सहाय्यक निबंधक, दूग्ध व्यवसाय विकास कार्यालय, विमा कंपन्या व अन्य संस्थाकडून प्राप्त केलेल्या माहितीनुसार कर चुकवेगिरी करणाऱ्यांची माहिती जमा केली आहे. २० हजाराहून अधिक व्यावसायिकांना व्यवसाय कराची नोंदणी करण्यासाठी नोटीसा पाठवल्या आहेत.

२००८ ते २०१६ या कालावधीत व्यवसाय कराची नोंदणी न केलेल्यांना आठ वर्षाचा व्यवसाय कर भरावा लागणार आहे. व्यवसाय कराची मूळ रक्कम वीस हजार रूपये, १३ हजार ५०० रूपये व्याज, ५ हजार, ८४० रूपये व्याज असा ३९ हजार, ३४० रूपये कर भरणे बंधनकारक आहे. ३० सप्टेंबर, २०१६ पर्यंत नोंदणी करून कर भरणाऱ्यांना तीन वर्षाची फक्त मूळ कराची ७५०० रूपये रक्कम भरावी लागणार आहे. व्याज व दंड माफ केला जाणार आहे. एक ऑक्टोबर २०१६ नंतर व्यवसाय कर विभागाकडून सुरू होणाऱ्या पुढच्या कार्यवाहीच्या टप्प्यात व्याज व दंड माफ होणार नाही.

व्यवसाय कराची नोंदणी करण्यासाठी व कर भरण्यासाठी सरकारने अभय योजना जाहीर केली आहे. कर भरण्यासाठी ३० सप्टेंबरपर्यंत मुदत देण्यात आली आहे. करद्यांत्यांनी या योजनेचा फायदा घ्यावा. एक ऑक्टोबरनंतर विक्री कर विभाग सर्व्हे मोहिम सुरू करणार येणार आहे. नोंदणी न करणाऱ्यांना व कर न भरणाऱ्यांच्यावर दंडात्मक कारवाई केली जाईल.

सी. एम. कांबळे, अतिरिक्त विक्रीकर आयुक्त

मोबाइल अॅप डाउनलोड करा आणि राहा अपडेट

पावसाने जनजीवन कोलमडले

August 5, 2016, 2:30 pm

≫ Next: तरुणांच्या खुनाची चार संशयिताकडून कबुली

≪ Previous: डॉक्टर, सीए, वकिलांची करचुकवेगिरी

$

0

0

कोल्हापूर

जिल्ह्यात सलग चौथ्या दिवशी पडणाऱ्या संततधार पावसाने जनजीवन विस्कळीत झाले आहे. अनेक ठिकाणी पडझडीच्या घटना घडल्या आहेत. तर इचलकरंजीत काही ठिकाणच्या नागरिकांचे सुरक्षितस्थळी स्थलांतर करण्यात आले. राधानगरी धरणाचे पाच दरवाजे शुक्रवारी पुन्हा उघडण्यात आले, त्यामुळे भोगावती नदीच्या पाणीपात्रात वाढ झाली आहे.

इचलकरंजीत मळेभागातील नागरिकांचे स्थलांतर

इचलकरंजी -

शहर आणि परिसरात पावसाने चांगलाच जोर धरला असून पंचगंगा नदीच्या पाणी पातळी झपाट्याने वाढत आहे. शुक्रवारी सायंकाळी पाणी पातळी ६४ फुटांवर पोहोचली होती. जुना पुल पूर्णत: पाण्याखाली गेला असून रेंदाळ-हुपरी मार्गावरील वाहतूक बंद ठेवण्यात आली आहे. दरम्यान, पावसामुळे शहरात चार ते पाच ठिकाणी झाड, भिंती आणि घर कोसळल्याच्या घटना घडल्या असून सुदैवाने कोणतीही जिवितहानी झालेली नाही. नगरपालिकेची आपत्ती व्यवस्थापन यंत्रणा पूर परिस्थितीचा सामना करण्यासाठी सज्ज झाली आहे. पूरपट्ट्यातील नागरिकांना सतर्कतेचा इशारा देताना अनेक कुटुंबियांना छावण्यामध्ये स्थलांतर करण्यात येत आहे.

रविवारपासून पावसाने दमदार हजेरी लावल्याने सगळीकडे पाणीच पाणी झाले आहे. नदीकाठावरील घाट आणि वरदविनायक मंदिर, स्मशानभूमी पाण्याखाली गेली आहे. पंचगंगा नदीच्या पाणी पातळीत दमदार पावसामुळे चांगलीच वाढ झाली आहे. नदी दुथडी भरून वाहू लागल्याने नदीकाठ परिसर जलमय बनला आहे. पंचगंगा यंदा दुसऱ्यांदा पात्राबाहेर पडली असून जुना पुलही पूर्णत: पाण्याखाली गेला आहे. चांदोली धरणाचे दरवाजेही रात्री उघडण्याची शक्यता असल्याने कर्नाटक मार्गावरील वाहतूकही बंद पडण्याची शक्यता आहे. पंचगंगेची धोका पातळी ७१ फुटांवर असून इशारा पातळी ६८ फुटांवर आहे. सुरक्षेचा उपाय म्हणून आपत्ती व्यवस्थापनाकडून मळेभागातील नागरिकांना पुनर्वसन छावणीत स्थलांतर केले जात आहे.

पावसामुळे शहरातील विविध भागातील धोकादायक इमारती उतरविण्याची मोहिम हाती घेतली आहे. त्यानुसार अनेक भिंती व घरे उतरविण्यात आली आहेत. तर तांबेमाळ, जवाहरनगर, नवीन नगरपालिकासह विविध भागात भिंती कोसळण्याच्या घटना घडल्या आहेत. पावसामुळे जीर्ण झालेल्या भिंती आणि घरांमुळे धोका असल्याने पालिकेने अशा घरांना नोटीसा लागू केल्या आहेत. तर पारीक कॉलनी परिसरात सकाळी एक झाड पडले. तांबेमाळ परिसरात एका घराचे छप्पर पूर्णत: एका बाजूला कलल्याने संबंधितास नोटीस देण्यात आली आहे. जवाहरनगर परिसरात विष्णुकुंज गोदामनजीक असलेले चंद्रकांत लायकर यांच्या मालकीच्या रिकाम्या शेडची भिंती पडली. तर याच परिसरात मारुती मंदिरजवळ रिकाम्या शेडचीच भिंत पडली आहे. तर नवीन नगरपालिकेची गुरु चित्रमंदिर लगत असलेली पार्किंग परिसरातील भिंत पडली आहे.

...

गडहिंग्लजला उघडझाप

गडहिंग्लज

शहर व परिसरात शुक्रवारी दिवसभर पावसाने थोडीशी उघडीप दिले. पण चित्री-आंबोली व आजरा परीसरातील मुसळधार पावसाने हिरण्यकेशी नदीपत्रात वाढ झाली असून ऐनापूर, निलजी व नांगनूर बंधारे ओसंडून वाहत आहेत. दरम्यान दिवसभरात पावसाने उघडीप दिली. दरम्यान भात, भुईमुग, सोयाबीन पिकांसाठी पाऊस उपयुक्त आहे. तालुक्यात कुठेही जीवित अथवा वित्तहानी नाही.

...

गवसेत सलग पाच दिवस अतिवृष्टी

आजरा

सलग चौथ्या दिवशी आजरा तालुक्यातील पावसाचा जोर कायम राहिला आहे. गुरूवारी थोडाफार ऊनपावसाचा पाठशिवणीचा खेळ चालू होता, पण शुक्रवारी सकाळपासून पावसाचे बरसणे सुरूच होते. पावसामुळे शेतीकामामध्ये शेतकरी गुंतून राहिल्यामुळे आठवडी बाजारावर त्याचा परिणाम जाणवला. तालुक्यात सकाळपर्यंत सरासरी ४५ मिलीमीटर पाऊस नोंद झाला. सर्वात जास्त ९० मिलीमीटर पाऊस गवसे विभागात झाला. सलग चार दिवस या विभागात अतिवृष्टीची नोंद झाली आहे. यानंतर आजरा विभागात ४३, मलिग्रेमध्ये ३० तर सर्वात कमी १८ मिलीमीटर पाऊस उत्तूर विभागात नोंदला गेला. चित्रीच्या पाणलोट परिसरात १०५ मिलीमीटर पावसाची नोंद झाल्याने शुक्रवारी सकाळी चित्रीमध्ये ७२ टक्के पाणीसाठा झाला होता. पावसाचा जोर दिवसभर राहिल्यामुळे शनिवारी या पाणीसाठ्यात आणखी वाढ होईल व परिस्थिती अशीच राहिल्यास १५ ऑगस्टपर्यंत हा प्रकल्प काठोकाठ भरेल, असा पाटबंधारे विभागाचा अंदाज आहे. दरम्यान सकाळपासून पावसाचे प्रमाण वाढल्यामुळे सकाळी वाहतुकीसाठी खुला झालेला साळगाव बंधारा दुपारी पुन्हा पाण्याखाली गेल्याचे तहसिल विभागातून सांगण्यात आले.

..

शिरढोण पुलावर पाणी

जयसिंगपूर

शिरोळ तालुक्यात शुक्रवारी दिवसभर पावसाने हजेरी लावली. कोल्हापूर, सांगली जिल्ह्यात पावसाने जोर धरल्याने अंकली पुलाजवळ कृष्णा नदीच्या पाणी पातळीत तीन फुटांनी वाढ झाली. तर नृसिंहवाडी येथे पंचगंगेचे पाणी दोन फूट वाढले. पाणी पात्राबाहेर पडल्याने नदीकाठची पिके पाण्याखाली गेली आहेत.

कोल्हापूर, सांगली, सातारा जिल्ह्यात धरणक्षेत्रात मुसळधार पाऊस सुरू आहे. धरणातील पाण्याचा विसर्ग तसेच मुसळधार पाऊस यामुळे शिरोळ तालुक्यात कृष्णा व पंचगंगा, वारणा, दूधगंगा नदीच्या पाणी पातळीत झपाट्याने वाढ होत आहे. शिरोळ, तेरवाड, राजापूर हे तीन बंधारे तसेच औरवाड आणि कुरूंदवाड येथील अनवडी पूल यापूर्वीच पाण्याखाली गेला आहे. कुरूंदवाड-शिरढोण पुलावरही पंचंगंगेचे पाणी आल्याने या मार्गावरील वाहतूक ठप्प झाली आहे. सायंकाळी पाच वाजता अंकली पुलाजवळ कृष्णा नदीची पाणी पातळी ३०.२ फूट होती.

....

चंदगडला चार दिवसांत १७ घरांची पडझड

चंदगड

चंदगड तालुक्यात गेल्या चार दिवस झालेल्या अतिवृष्टीमुळे तालुक्यात विविध ठिकाणी घरांची पडझड होऊन २ लाख ६२ हजार रुपयांचे नुकसान झाले आहे. आज सलग दुसऱ्या दिवशी हिंडगाव, कोनेवाडी, हल्लारवाडी व भोगोली हे तीनही बंधारे पाण्याखाली आहेत. चंदगड-हेरे व चंदगड-गवसे मार्गावरील पुलावरील पाणी ओसरल्याने या मार्गावरील वाहतूक सुरु आहे. शुक्रवारी सकाळी आठ वाजेपर्यंत झालेल्या चोविस तासात ४३.८३ मिलीमीटर तर तालुक्यात सरासरी आतापर्यंत १२७२.५० मिलीमीटर पावसाची नोंद झाली आहे. घटप्रभा नदीवरील भोगोली बंधाराही अद्याप पाण्याखाली आहे.

....

सावधानतेचा इशारा

हातकणंगले

वारणा धरणातून सोडलेल्या पाण्याने व धरणाच्या पाणलोट क्षेत्रात पावसाचा जोर वाढल्याने पाण्याच्या पातळीत मोठ्या प्रमाणात वाढ झाली आहे. त्यामुळे नदीकाठच्या गावांना सावधानतेचा इशारा देण्यात आला आहे.

....

शाहूवाडीत मुसळधार

शाहूवाडी

तालुक्यात मुसळधार पाऊस सुरूच असून शुक्रवार सकाळ पर्यंतच्या गत चोवीस तासात कडवी धरण क्षेत्रात १८२ मिलीमीटर पावसाची नोंद झाली असून आजअखेर तालुक्यात २७८२ मिलीमीटर पाऊस झाला आहे. सर्व लघु पाटबंधारे प्रकल्प ओसंडून वाहत आहेत. तर कडवी धरणातून नदीपात्रात होणारा पाण्याचा विसर्ग वाढला आहे. परिणामस्वरूप बांबवडे-सरूड दरम्यान वाहणाऱ्या कडवी नदीची पाणीपातळी साडे नऊ मीटरपर्यंत पोहचली आहे.

मोबाइल अॅप डाउनलोड करा आणि राहा अपडेट