हद्दवाढीचा आज फैसला

July 31, 2016, 12:31 pm

≫ Next: आकाशात बांधल्या जन्माच्या गाठी !

≪ Previous: हवाला लुटीतील सूत्रधारास पोलिस कोठडी

$

0

0

म. टा. प्रतिनिधी, कोल्हापूर

मुख्यमंत्री देवेंद्र फडणवीस आणि पालकमंत्री चंद्रकांत पाटील यांची सकारात्मक भूमिका असताना भाजप-शिवसेनेच्याच तीन आमदारांनी केलेल्या टोकाच्या विरोधाने रखडलेल्या कोल्हापूरच्या हद्दवाढीबाबत मुंबईत सोमवारी (ता. १ ऑगस्ट) महत्वाची बैठक होत आहे. मुख्यमंत्र्यांच्या उपस्थितीत होत असलेल्या या बैठकीसाठी हद्दवाढ कृती समिती व हद्दवाढ विरोधी कृती समितीचे कार्यकर्ते आमदारांसह मुंबईला रवाना झाले आहेत. सहमतीने निर्णय व्हावा यासाठी या बैठकीत प्रयत्न होणार असल्याने या प्रश्नाचा फैसला होण्याची शक्यता आहे. दुपारी दोन वाजता होत असलेल्या या बैठकीकडे जिल्ह्याचे लक्ष लागले आहे.

कोल्हापूरच्या हद्दवाढीची अधिसूचना मुख्यमंत्र्यांच्या दालनातून बाहेर पडण्याची वेळ आलेली असताना हद्दवाढीला विरोध करणाऱ्या आमदार अमल महाडिक, चंद्रदीप नरके आणि डॉ. सुजित मिणचेकर यांनी प्रसंगी राजीनाम्याची भाषा केल्याने ही प्रक्रिया बुधवारी थांबली. मुख्यमंत्री देवेंद्र फडणवीस व पालकमंत्री चंद्रकांत पाटील हे दोघेही सकारात्मक असताना केवळ टोकाचा विरोध होऊन प्रक्षोभ होऊ नये यासाठी ही प्रक्रिया थांबली. विरोधी १८ गावांनी बंदचे तर समर्थकांनी कोल्हापूर शहर बंदचे हत्यार उपसले होते. हा प्रश्न लोंबकळण्याची चिन्हे दिसू लागताच आमदार राजेश क्षीरसागर यांनी, अधिवेशन कालावधीत सोमवारी तातडीने बैठक घेण्यास मुख्यमंत्र्यांना राजी केले. त्यामुळे समर्थक आणि विरोधकांची बैठक घेण्याचे निश्चित झाले. त्यानुसार सोमवारी (१ ऑगस्ट) दुपारी दोन वाजता बैठक होईल.

हद्दवाढ कृती समितीतील सर्वपक्षीय प्रतिनिधी बैठकीस उपस्थित राहतील. आमदार क्षीरसागर यांच्यासह महापौर अश्विनी रामाणे, उपमहापौर शमा मुल्ला, स्थायी सभापती मुरलीधर जाधव, लाला भोसले, कृती समितीचे निमंत्रक आर. के. पोवार यांच्यासह प्रल्हाद चव्हाण, राजू लाटकर, बाबा पार्टे, आदिल फरास, बार असोसिएशनचे माजी अध्यक्ष अॅड. विवेक घाटगे, अॅड. विजय महाजन, विजय सुर्यवंशी, भाजपचे महेश जाधव, संदीप देसाई, सत्यजीत कदम, नियाज खान, भाकपचे नामदेव गावडे, सतिश कांबळे, प्रसाद जाधव, सुरेश जरग, बाबा इंदूलकर, विनायक फाळके यांचा त्यामध्ये समावेश आहे. हद्दवाढ विरोधी कृती समितीतील आमदार चंद्रदिप नरके, आमदार अमल महाडिक, आमदार डॉ. सुजीत मिणचेकर यांच्याबरोबर माजी आमदार संपतराव पवार पाटील, स्वाभिमानी शेतकरी संघटनेचे भगवान काटे, प्रवक्ते नाथाजीराव पवार, राजू माने, महेश चव्हाण हे उपस्थित राहणार आहेत.

बैठकीत विरोधक आणि समर्थक गटांतील चार ते पाचजणांनाच बाजू मांडण्याची संधी मिळेल. पालकमंत्री पाटील यांनी शनिवारीच सहमतीने निर्णय घेऊ असे स्पष्ट केले आहे. हद्दवाढीच्या प्रस्तावातील गावांच्या विकासासाठीच्या पॅकेजची मागणी समर्थकांकडून केली जाईल. पायाभूत सुविधांसाठी डीपीआरचीही मागणी होणार आहे. या साऱ्या चर्चेनंतर मुख्यमंत्र्यांकडून कोणता सिग्नल मिळणार याकडे साऱ्यांचे लक्ष लागले आहे.

मोबाइल अॅप डाउनलोड करा आणि राहा अपडेट

---

आकाशात बांधल्या जन्माच्या गाठी !

July 31, 2016, 4:30 pm

≫ Next: मनोज जैनलापोलिस कोठडीइफेड्रीन प्रकरण

≪ Previous: हद्दवाढीचा आज फैसला

$

0

0

म. टा. वृत्तसेवा, शाहूवाडी

झिम्माड पावसाच्या सरी... झोंबणारा गार वारा... धुक्यात लपेटलेला, क्षणभर नजरेआड होणारी हिरवाई... खोल दऱ्यांनी व्यापलेला विशाळगडाचा पायथा परिसर आणि अशाच 'जखिणीचा कडा' नामक तीनशे फुट रुंद, पावणेदोनशे फूट खोल दरीच्या कडा 'रोप-वे'ने जोडलेल्या. गेल्या दोन दिवसांपासून रोप-वेच्या तयारीत गुंतलेले 'हिल रायडर्स' आणि 'वेस्टर्न माउंटन स्पोर्ट्स'चे पन्नासहून अधिक गिर्यारोहक एका साहसी क्षणाची वाट पाहत होते. डोक्यात मुलायम टोपी अन् सलवार-पायजमा परिधान केलेला वर आणि नऊवारी नेसलेली, डोक्यात गजरा माळलेली वधू 'बुलेट'वरून उतरली. काही क्षणात दोघांच्या मस्तकी मुंडावळ्या बांधल्या गेल्या. भटजींसोबत ही वधू-वराची जोडी रोप-वेच्या सहाय्याने दरीच्या मधोमध लटकू लागली. मंगलाष्टकांचे स्वर... त्यानंतर होणारा पुष्पवर्षाव आणि त्याच्या साथीने 'शूर आम्ही सरदार... आम्हाला काय कुणाची भीती' या स्फूर्तीगीताचे स्वर.

पावनखिंड परिसरातील जखिणीचा कडा नावाने ओळखल्या जाणाऱ्या दरीच्या सानिध्यात रविवारी (ता. ३१ जुलै) पार पडलेल्या बहुचर्चित तितक्याच थरारक विवाह समारंभाचा हा प्रसंग. गिर्यारोहक जयदीप जाधव आणि वधू रेश्मा पाटील (रा. पाडळी) या जोडीने पावनखिंडीत आपल्या जन्मोजन्मीच्या गाठी बांधल्या. इतिहासप्रेमी गिर्यारोहक जयदीप हा कोल्हापूरस्थित हिल रायडर्स संघटनेचा साहसी कार्यकर्ता. आपला विवाह साहसी पद्धतीनेच व्हावा अशी इच्छा तो बाळगून होता. परिवारासह सहकाऱ्यांना त्याने आपली इच्छा बोलून दाखविली आणि तेथून पुढे या विवाहाची तयारी सुरू झाली. प्रमोद पाटील, युवराज ऊर्फ बंडा साळोखे हे नेतृत्व करत असलेल्या हिल रायडर्स आणि वेस्टर्न माऊंटन स्पोर्ट्स या साहसी मोहिमेत अग्रेसर असलेल्या 'ट्रेकिंग' संघटनेने या अनोख्या विवाहाची जबाबदारी स्वीकारली. ठरल्याप्रमाणे अगदी शिस्तबद्धपणे हा सोहळा पारही पडला.

पावनखिंडीत २४ जुलै रोजी हा साहसी विवाह सोहळा होणार होता. मात्र त्याला विरोध झाल्यानंतर पावनखिंडीपासून पुढे दोन किलोमीटर अंतरावरील 'जखिणीचा कडा' नावाने ओळखल्या जाणाऱ्या दरीच्या सानिध्यात रविवारी दुपारी १.३० वाजता पार पडला. यासाठी जखणीच्या कड्यावर सुमारे ३५० फूट लांब व २५० फूट उंचीवर रोप-वे बांधण्यात आला होता. त्यावर वधू-वरांसह पुरोहितांना बसण्याची व्यवस्था केली होती. येणाऱ्या पाहुण्यांसाठी सुकाईदेवी (भाततळी) मंदिरात भोजनाची व्यवस्था करण्यात आली होती. जम्मूवरून आलेले देसाई कुटुंब व गोवा, कोल्हापूर, इचलकरंजी येथून आलेल्या दोन्हीकडील नातेवाईकांनी या साहसी विवाह सोहळ्याचा आनंद लुटला.

गिर्यारोहणाला चालना

गिर्यारोहणाला चालना देण्यासाठी आणि संसाराची सुरवात थरारक पद्धतीने करण्यासाठीच अशा प्रकारे निसर्गाच्या सानिध्यात असं अभिनव लग्न केल्याची प्रतिक्रिया नवदाम्पत्याने दिली. यावेळी सुमारे शंभर पाहुणे मंडळींनी दरीच्या किनाऱ्यावर उभे राहून नवदाम्पत्याला शुभाशीर्वाद दिले. सह्याद्रीतील गिर्यारोहणाबाबत अधिक जागृकता निर्माण होण्याची गरज आहे. त्यासाठी हे प्रयत्न असल्याची प्रतिक्रिया हिल रायडर्सचे प्रमोद पाटील यांनी दिली.

मोबाइल अॅप डाउनलोड करा आणि राहा अपडेट

मनोज जैनलापोलिस कोठडीइफेड्रीन प्रकरण

August 2, 2016, 11:13 am

≫ Next: कास पर्यटन होणार महागडे

≪ Previous: आकाशात बांधल्या जन्माच्या गाठी !

$

0

0

म. टा. वृत्तसेवा, सोलापूर

इफेड्रीन या अमली पदार्थाची देश-विदेशात विक्री केल्याप्रकरणी अटकेत असलेल्या एव्हॉन लाइफ सायन्सेस, या कंपनीचा संचालक आरोपी मनोज जैन याला सोलापूर जिल्हा व सत्र न्यायाधीश उगले यांनी चार दिवसांची पोलिस कोठडी सुनावली.

मनोज जैन याला सोलापूर ग्रामीण पोलिसांनी सोमवारी दुपारी ठाण्याच्या कारागृहातून ताब्यात घेतले होते. त्यानंतर स्थानिक गुन्हे शाखेच्या पोलिसांनी जैन याला मंगळवारी दुपारी कोर्टासमोर उभे केले. सरकारी वकील संतोष म्हावकर यांनी जैन यांच्याकडून अमली पदार्थांसंदर्भात आणखी माहिती घ्यायची आहे, असे सांगितल्यानंतर कोर्टाने चार दिवसांची पोलिस कोठडी दिली.

चिंचोळी एमआयडीसीमधील एव्हॉन कंपनीतून २०१२ आणि २०१४ या वर्षात मनोज जैन याने बेकायदा चेन्नई व रायगड येथील दोन कंपन्यांना २१ टन इफेड्रीनची विक्री केली होती. तसेच कंपनीच्या नियमांचे उल्लंघनही केल्याचे यापूर्वी चौकशी दरम्यान उघड झाले आहे.

चिंचोळी एमआयडीसीतील एव्हॉन कंपनीमधून २३ टन इफेड्रीन जप्त करण्यात आल्यानंतर स्थानिक पोलिसांनी एव्हॉनच्या कामगारांची चौकशी केली असता मनोज जैन याने सुमारे ४५ लाख ४६ हजार रुपये किमतीच्या इफेड्रीनची विक्री केल्याचे समजले होते. पण, चौकशीसाठी सोलापूर ग्रामीण पोलिसांनी मुंबईमधील आमली पदार्थ विरोधी कोर्टात मनोज जैन याचा ताबा मिळविण्यासाठी अर्ज केला होता. त्यानंतर कोर्टाच्या आदेशानुसार स्थानिक गुन्हे शाखेच्या पथकाने ठाण्यात जाऊन मनोज जैनला ताब्यात घेतले. जैन याला सोमवारी पहाटे पाऊणे तीन वाजण्याच्या सुमारास मुंबईतून सोलापूरात आणण्यात आले. स्थानिक गुन्हे शाखेचे वरिष्ठ पोलिस निरीक्षक विजय कुंभार यांनी आरोपी जैन याला अटक केली. सरकारच्या वतीने अ‍ॅड. संतोष म्हावकर तर आरोपीच्या वतीने अ‍ॅड. धनंजय माने आणि अ‍ॅड. जयदीप माने यांनी काम पाहिले.

मोबाइल अॅप डाउनलोड करा आणि राहा अपडेट

कास पर्यटन होणार महागडे

August 2, 2016, 11:50 am

≫ Next: महाबळेश्वरात २४ तासांत३८९.३ मि. मी. पाऊस

≪ Previous: मनोज जैनलापोलिस कोठडीइफेड्रीन प्रकरण

$

0

0

दहा ऑगस्टपासून यंदाचा हंगाम

दरडोई शंभर रुपये मोजावे लागणार

पार्किंगचेही दर वाढणार

म. टा. वृत्तसेवा, सातारा

कासपठारावरील पर्यटनाचा यंदाचा हंगाम दहा ऑगस्टपासून सुरू होणार आहे. मात्र, कास पर्यटन महागडे होणार आहे. यंदाच्या हंगामात सुटीच्या दिवशी कासची फुले पाहण्यासाठी दरडोई तब्बल शंभर रुपये मोजावे लागणार आहेत. ज्येष्ठ नागरिकांना मात्र प्रवेश शुल्क पूर्णपणे माफ करण्यात आला आहे. तसेच वाहनांच्या पार्किंगचेही दर वाढविण्याचा निर्णय वन खात्याच्या बैठकीत घेण्यात आला आहे.

कास पुष्प पठाराचे नैसर्गिक सौंदर्य कायमस्वरूपी जपण्यासाठी उपवनसंरक्षक अनिल अंजनकर यांच्या अध्यक्षतेखाली नुकतीच साताऱ्यात बैठक झाली. या बैठकीस पर्यावरण तज्ज्ञ आणि पर्यावरण संस्थेशी संबंधित सदस्य उपस्थित होते.

असे असतील नवे दर

दहा ऑगस्टपासून कास फुलांचा हंगाम सुरू होत असून, शनिवार, रविवार व सरकारी सुट्टी दिवशी जास्तीत जास्त तीन तासांसाठी १२वर्षांवरील सर्वांना प्रतिव्यक्ती शंभर रुपये फी आकारण्याचा निर्णय यावेळी घेण्यात आला. इतर दिवशी हाच दर ५० रुपये असणार आहे. दुचाकी वाहनांना दहा रुपये, चारचाकी वाहनांना ५० रुपये तर मिनीबससह सर्व मोठ्या वाहनांना शंभर रुपये प्रति चार तास असा दर आकारण्याचा निर्णय बैठकीत घेण्यात आला आहे.

कॅमेरा शुल्क तीन तासांसाठी शंभर रुपये तर गाईडशुल्क दहा व्यक्तींकरिता शंभर रुपये असा दर आकारण्यात येणार आहेत. ज्येष्ठ नागरिकांना प्रवेश शुल्क पूर्णपणे माफ करण्याचा निर्णय या बैठकीत घेण्यात आला आहे.

कास बहरास सुरुवात

कास पठार फुलांनी बहरण्यास सुरुवात झाली आहे. पठारावरील नयनरम्य सुंदर फुलांना पाहण्यासाठी जिल्ह्याबरोबरच परराज्यांतून पर्यटकांची गर्दी होऊ लागली आहे. या पठाराचे प्रमुख वैशिष्ट्ये म्हणजे जून-ऑक्टोबर महिन्यांदरम्यान तृण, कंद, वेली तसेच वृक्ष, झुडपे, आर्किड व डबक्यातील वनस्पतींना अत्यंत आकर्षक अशा निळ्या, जांभळ्या, लाल, पांढऱ्या रंगांची फुले येतात. ऑगस्ट ते सप्टेंबर महिन्यात विविधरंगी दुर्मीळ फुलांचे गालिचे पर्यटकांना आकर्षित करतात. या पठारावरील सुंदर अशा विविधरंगी फुलांचा कालावधी आठ ते पंधरा दिवसांचा असतो. सध्या पांढऱ्या रंगांची फुले तुरळक स्वरूपात येण्यास सुरुवात झाली असल्याने पर्यटक कुटुंबासमवेत दाट धुक्यांसह पावसाळा ऋतूचा आनंद घेत आहेत.

वजराई धबधब्यावरून कास आणि भांबवली या गावांमध्ये रस्सीखेच सुरू असली तरी कास परिसरात पर्यटकांची कोणतीही फसवणूक होत नसल्याची माहिती येथील सामाजिक कार्यकर्ते विठ्ठल किर्दत यांनी दिली.

मोबाइल अॅप डाउनलोड करा आणि राहा अपडेट

महाबळेश्वरात २४ तासांत३८९.३ मि. मी. पाऊस

August 2, 2016, 12:07 pm

≫ Next: कोयनेत पावसाचा जोर कायमधरणात ७३ टीएमसी पाणीसाठा

≪ Previous: कास पर्यटन होणार महागडे

$

0

0

म. टा. वृत्तसेवा, सातारा

महाबळेश्वरात मंगळवारी सकाळी साडेआठ वाजता संपलेल्या चोवीस तासांत ३८९.३ मि. मी. (पंधरा इंच) इतक्या विक्रमी पावसाची नोंद झाली आहे. यंदाच्या हंगामात आजअखेर एकूण ३५०९ मि. मी. पावसाची नोंद झाली आहे. यंदाच्या हंगामातील हा विक्रमी पाऊस असल्याची माहिती हवामान खात्याने दिली आहे. २००५साली इतक्याच पावसाची नोंद झाली होती.

महाबळेश्वर येथे मागील दोन दिवसांपासून अतिवृष्टी सुरू आहे. मुसळधार पावसामुळे येथील जनजीवन विस्कळीत झाले आहे. वेण्णा धरणाच्या सांडव्यावरून मोठ्या प्रमाणावर पाण्याचा विसर्ग सुरू आहे. महाबळेश्वर-पाचगणी रस्ता पाण्याखाली गेल्याने या मार्गावरील वाहतूक तास ठप्प झाली होती. महाबळेश्वरकडे येत असलेल्या सर्वच घाटात दरडी व वृक्ष कोसळल्याने वाहतूक विस्कळीत झाली होती. सकाळी दहापर्यत पाचगणी मार्गे एकही एसटी महाबळेश्वर येथून बाहेर गेली अथवा बाहेरून शहरात आली नाही. त्यामुळे पाचगणीला शाळेत जाणाऱ्या विद्यार्थ्यांना शाळेला जाता आले नाही. अतिवृष्टीमुळे शहरातील आठवडे बाजारावरही परिणाम जाणवत होता.

महाबळेश्वर-पाचगणी रस्ता बंद

अतिवृष्टीमुळे शहरातील जनजीवन प्रभावित झाले आहे. वेण्णालेक धरणाच्या सांडव्यावरून मोठ्या प्रमाणावर पाणी महाबळेश्वर पाचगणी रस्त्यावर आल्याने हा रस्ताच पाण्याखाली गेला होता. संपूर्ण परिसर जलमय झाल्याने अनेक घरांमध्ये दोन ते तीन फूट पाणी साचले होते. रस्ता पाण्याखाली गेल्याने सोमवारी रात्रीपासून वाहतूक ठप्प झाली होती. शहराकडे आलेली सर्व वाहने अडकून पडली होती.

एसटी सेवा विस्कळीत

कोकणातून आलेल्या सर्व एसटी बस महाबळेश्वर येथेच अडकून पडल्या होत्या. येथील एसटी आगारातून वाईमार्गे जाणाऱ्या बसेस सोडण्यात आल्या नाही, अशी माहिती आगार व्यवस्थापक रमाकांत शिंदे यांनी दिली. एसटी बसेस प्रमाणेच अनेक पर्यटकांची वाहनेही या पाण्यामुळे अडकून पडली होती. कोणताही अनुचित प्रकार घडु नये म्हणून महसूल, वन, हवामान, पालिका, पोलिस आणि सार्वजनिक बांधकाम विभागाचे अधिकारी वेण्णालेक जवळ तळ ठोकून होते.

येथे कोसळल्या दरडी

अंबेनळी घाटात मेटतळे गावाजवळ दरड कोसळली. ही दरड सार्वजनिक बांधकाम खात्याच्या जेसीबीने हटवून दुपारी दोन नंतर एकेरी वाहतूक सुरू करण्यात आली. महाबळेश्वर-तापोळा रस्त्यावरही दोन ते तीन ठिकाणी लहान-लहान दरडी कोसळल्याने या मार्गावर एकेरी वाहतुक सुरू आहे. केळघर घाटात माचुतर गावाच्या हद्दीत गणेश मंदिराजवळही दरड कोसळली होती. या मार्गावरूनही एकेरी वाहतूक सुरू आहे. कुंभरोशी कळमगाव तापोळा या मार्गावरही दोन ठिकाणी दरडी कोसळल्याच्या घटना घडल्याची माहिती सार्वजनिक बांधकाम खात्याचे सहायक अभियंता महेंद्र पाटील यांनी दिली. कुंभरोशी-प्रतापगड मार्गावरही हस्तकला केंद्राजवळ दरड कोसळली होती.

कोयनेत दिवसांत साडेसहा टीएमसी

मुसळधार पावसामुळे ६७ टीएमसी पाणीसाठा

म. टा. वृत्तसेवा, कराड

कराड, पाटणसह कोयनानगर, नवजा, महाबळेश्वर या कोयना धरणाच्या पाणलोट क्षेत्रामध्ये मुसळधार पाऊस सुरू आहे. शिवसागर जलाशयातील पाणीपातळीत वेगाने वाढ होत आहे. सोमवारी सायंकाळी पाच वाजेपासून मंगळवारी सायंकाळी वाजेपर्यंत संपलेल्या चोवीस तासांत शिवसागर जलाशयाच्या पाणीसाठ्यात तब्बल ६.७ टीएमसीने वाढ झाली आहे.

सध्या धरणात ६७.३४ टीएमसी इतका पाणीसाठा झाला असून, ३१ हजार ४०४ क्युसेक प्रतिसेकंद पाण्याची आवक सुरू आहे. पाणलोट क्षेत्रात असाच पाऊस कोसळत राहिला तर पंधरा दिवसांत १०५ टीएमसी साठवण क्षमता असणारे कोयना धरण पूर्ण भरण्याची शक्यता आहे.

कोयना पाणलोट क्षेत्रासह कराड व पाटण तालुक्यांत गेल्या दोन दिवसांपासून पावसाने जोरदार पुनरागमन केल्याने कोयना धरणाच्या पाणीपातळीतही मोठी वाढ झाली आहे. मंगळवारी सायंकाळी पाच वाजेपर्यंत चोवीस तासांत कोयनानगर येथे १७८, नवजा १८४, महाबळेश्वर ३६२, मिलीमीटर पाऊस झाला असल्याने पाणीपातळी २१२६ फुटांवर गेली आहे.

कोयना धरणाच्या पाणलोट क्षेत्रातील नऊ पर्जन्यमापन केंद्रांच्या परिसरात मोठ्या प्रमाणावर पर्जन्यवृष्टी होत असून, वळवण व कांदाटी खोऱ्यात मुसळधार पाऊस कोसळत राहिल्याने त्याचबरोबर पाणलोट क्षेत्रात असणारे ओढे, नाले व धबधबे यातून वाहणारे व पडणारे पाणी हे जलाशयात मिसळत राहिल्याने पाणीसाठ्यात झपाट्याने वाढ होताना दिसत आहे. कराड व पाटणसह परिसराला गेल्या दोन दिवसांपासून पावसाने पुन्हा झोडपून काढल्याने हवेत चांगलाच गारठा निर्माण झाला आहे. दिवसा थांबून थांबून व रात्रीच्यावेळी संततधार पडणाऱ्या पावसामुळे येथील कृष्णा-कोयना नद्यांच्या पाणीपातळीतही चांगलीच वाढ झाली आहे.

कराड शहरात पडत असलेल्या संततधार पावसामुळे शहरातील सखल भाग जलमय झाला आहे. गटारी तुंबल्याने काही ठिकाणी गटारींचे पाणी रस्त्यांवरून वाहत आहे. पाटण शहर परिसरातील नवीन बसस्थानक, जुना बसस्थानक परिसरही संततधार पावसामुळे जलमय झाला आहे. तेथील सखल भागातही पाणी साचल्याने जनजीवन विस्कळीत झाले आहे.

सांगलीत जोर वाढला

सांगली जिल्ह्यात सोमवारपासून पावसाने पुन्हा जोर धरला आहे. मंगळवारी दिवसभर ऊन-पावसाचा पाठलाग सुरू होता. कमी अधिक प्रमाणात सर्वच तालुक्यांत पावसाने हजेरी लावली आहे. या पावसाने अगोदरच पिकात पाणी उभा असलेल्या शेतकऱ्यांची चिंता वाढविली आहे. विशेषतः भाजीपाला उत्पादक शेतकऱ्यांची कोंडी करून ठेवली आहे.

वारणा आणि कोयना धरणांच्या पाणलोट क्षेत्रातील पावसाचा जोर अधिक असल्याने धरणातील पाणीसाठी झपाट्याने वाढत आहे. वारणा धरणाच्या परिसरात मंगळवारी अवघ्या आठ तासांत ४३ मिलीमीटर पाऊस झाला आहे. ३४.४० टीएमसीची साठवण क्षमता असलेल्या वारणा धरणात २८.८९ टीएमसी पाणीसाठा झाला आहे. आणखी दोन ते तीन दिवसांत धरण काठोकाठ भरताच वारणाधरणातून पाण्याचा विसर्ग सुरू होणार आहे. त्यामुळे वारणाकाठ धास्तावला आहे. कोयना धरणाच्या पाणलोट क्षेत्रातील तुफान पाऊस सुरू आहे. मंगळवारी दिवसभरात महाबळेश्वरला १०९, नवजाला ४९ आणि कोयनेला ५८ मिलीमीटर पाऊस झाला आहे. सोमवार अखेर कोयनेत ६७.३४ टीएमसी पाणीसाठा झाला आहे. कोयनेत दिवसात सुमारे पाच टीएमसी पाणी येऊ लागल्याने नजीकच्या काळात या धरणातून पाण्याचा विसर्ग होणार आहे.

सांगली आणि परिसरात मंगळवारी सतत पाऊसधारा कोसळत राहिल्याने दुरावस्थेतील रस्त्यांची अवस्था आणखीनच बिकट होत चालली आहे. काही भागातील पावसाच्या पाण्याचा निचराच होत नसल्याने महापूर येण्यापूर्वीच शहरातील अनेक घरे पाण्यावर उभी असल्यासारखी स्थिती झाली आहे. पहिल्या पावसाचे पाणी पंप लावून हटविण्याचे काम सुरु असतानाच पुन्हा पावसाने जोर धरल्याने रहिवाशांना अनेक समस्यांना तोंड द्यावे लागत आहे.

असा झाला पाऊस

मंगळवारी सकाळी आठ वाजेपर्यंतच्या चोवीस तासांत मिरज - १२.९, जत - ३.४, खानापूर-विटा - १०.६, वाळवा-इस्लामपूर - १७.१, तासगाव - ७.३, शिराळा - ४५.८, आटपाडी - ३.७, कवठेमहांकाळ - ३.६, पलूस - १२.५ आणि कडेगाव तालुक्यात १५.२ मिलीमीटर पावसाची नोंद झाली आहे.

शिराळ्यात चोवीस तासांत

११० मिलीमीटर पाऊस

शिराळा तालुक्यातील चांदोली धरण परिसरात पावसाची संततधार सुरू आहे. वारणा आणि मोरणा नद्या दुथडी भरून वाहू लागल्या आहेत. पाणी पात्राबाहेर पडू लागल्यामुळे या पावसाळ्यात दुसऱ्यांदा पूरपरिस्थिती निर्माण झाली आहे आहे. धरण परिसरात गेल्या चोवीस तासांत ११० मिलिमीटर पाऊस झाला आहे. यंदा जूनपासून आजअखेर १४५५ मिलिमीटर पावसाची नोंद वारणावती येथील पर्जन्यमापकावर झाली आहे.

चांदोली धरणाची पाणीपातळी ६२०.७०मीटर झाली असून, पाणीसाठा ८०६.२१३ दशलक्ष घनमीटर झाला आहे. धरणात २८.४७ टीएमसी पाणीसाठा झाला असून, धरण ८२ .७४ टक्के भरले आहे. आज दिवसभर तालुक्यात इतरत्रही दमदार पावसाच्या सरी पडत होत्या.

साताऱ्यात संततधार

सातारा :

मागील दोन दिवसांपासून संततधार पडणाऱ्या पावसाने जनजीवन विस्कळीत झाले आहे. या भीज पावसाने हुडहुडी भरणारी थंडी निर्माण झाली आहे. शिवाय वेगाने वाहणाऱ्या बोचऱ्या वाऱ्यामुळे जनजीवन विस्कळीत झाले आहे. संततधार स्वरुपात पडणाऱ्या या पावसाने कृष्णा, कोयना, वेण्णा, येरळा, तारळी, उरमोडी या नद्यांच्या पाणी पातळीत मोठी वाढ झाली आहे. शेतकऱ्यांनी या पावसामुळे समाधानाचा सुस्कारा सोडला आहे. पश्चिम भागात सुरू असलेली भात पेरणीची कामे आता बहुतांशी पूर्ण झाली आहे. हा पाऊस भात पिकाला उपयोगी ठरणारा आहे. या पावसाने भाज्यांचे दर मात्र गगनाला भिडले आहेत. केवळ पालेभाज्या वगळाता सर्वच भाज्यांचे दर ८० ते १०० रुपये प्रतिकिलो असे चढे आहेत.

माण, फलटण, खटाव या दुष्काळी तालुक्यांतही समाधानचे वातावरण असून, जलयुक्त शिवार योजने अंतर्गत अनेक नदी नाले तसेच पाझर तलाव तुडुंब भरले आहेत. जिल्ह्यात गेल्या २४ तासांत एकूण सरासरी ५३.९ मि. मी. पाऊस झाला आहे.

मोबाइल अॅप डाउनलोड करा आणि राहा अपडेट

कोयनेत पावसाचा जोर कायमधरणात ७३ टीएमसी पाणीसाठा

August 3, 2016, 10:15 am

≫ Next: महाबळेश्वरात चोवीस तासांत ४१० मि.मी

≪ Previous: महाबळेश्वरात २४ तासांत३८९.३ मि. मी. पाऊस

$

0

0

म. टा. वृत्तसेवा, कराड

कोयना पाणलोट क्षेत्रासह पाटण तालुक्यात पावसाचा जोर कायम आहे. शिवसागर जलाशयातील पाणीपातळीत ८५ हजार १५८ क्युसेक वेगाने पाण्याची आवक होत आहे. गेल्या चोवीस तासांत पाणीसाठ्यात चार टीएमसीने वाढ झाली आहे. धरणात ७३ टीएमसी इतका पाणीसाठा झाला आहे. परिसरात पडत असलेल्या मुसळधार पावसामुळे नद्यांच्या पाणीपातळीत वाढ झाल्याने संगमनगर (धक्का) येथील जुना पूल पाण्याखाली गेला आहे.

बुधवारी सायंकाळी पाचवाजेपर्यंत चोवीस तासांत कोयनानगर येथे १३०, नवजा १०६, महाबळेश्वर १७२, मिलीमीटर पावसाची नोंद झाली आहे. कोयना पाणलोट क्षेत्रासह पाटण तालुक्यात गेल्या दोन दिवसांपासून पावसाने जोरदार पुनरागमन केल्याने कोयना धरणाच्या पाणीपातळीतही मोठी वाढ झाली आहे.

कोयना पाणलोट क्षेत्रातील नऊ पर्जन्यमापन केंद्रांच्या परिसरात बुधवारी पावसाचा जोर मंदावला असला तरी वळवण व कांदाटी खोऱ्यात पाऊस सुरूच राहिल्याने त्याचबरोबर पाणलोट क्षेत्रात असणारे ओढे, नाले व धबधबे यातून वाहणारे व पडणारे पाणी हे जलाशयात मिसळत राहिल्याने पाणीसाठ्यात झपाट्याने वाढ होताना दिसत आहे. नवजा येथील ओझर्डे धबधबा पुन्हा ओसंडून वाहू लागल्याने पर्यटकांची गर्दीही वाढू लागली आहे. कराड, पाटणसह परिसराला गेल्या दोन दिवसांपासून पावसाने पुन्हा झोडपून काढल्याने हवेत चांगलाच गारठा निर्माण झाला आहे.

मोबाइल अॅप डाउनलोड करा आणि राहा अपडेट

महाबळेश्वरात चोवीस तासांत ४१० मि.मी

August 3, 2016, 10:17 am

≫ Next: गतीने बांधकामासाठीबसस्थानकाचे लवकरच स्थलांतर

≪ Previous: कोयनेत पावसाचा जोर कायमधरणात ७३ टीएमसी पाणीसाठा

$

0

0

म. टा. वृत्तसेवा, सांगली

महाबळेश्वर येथे मंगळवारी सकाळी आठपासून बुधवारी सकाळी आठपर्यंत संपलेल्या चोवीस तासांत येथे ४१० मि. मी. म्हणजेच १८ इंच इतक्या विक्रमी पावसाची नोंद झाली आहे. हा पाऊस यंदाच्या हंगामातील आजवरचा विक्रमी पाऊस असल्याची माहिती हवामान खात्याने दिली आहे. तसेच या पूर्वीच्या चोवीस तासांत झालेल्या १५ इंच पावसाची नोद लक्षात घेता केवळ २ दिवसांत (४८ तास) ८०० मि.मी. इतका उच्चांकी पाऊस पडला आहे, अशी माहिती जिल्हाधिकारी अश्विन मुद्गल यांनी दिली आहे.

महाड येथे झालेल्या पूर दुर्घटनेबाबत माहिती देताना जिल्हाधिकारी म्हणाले, सावित्री नदी महाबळेश्वरात अन्य चार नद्यांसोबत उगम पावते. मात्र, या नदीचा सातारा जिल्ह्यातून होणार प्रवास डोगरी भागातून होते, पुढे नदी कोकणात जाते. सध्या महाबळेश्वर येथे पावसाचा जोर कायम आहे. सुदैवाने अद्याप कोणतीही जीवित हानी झालेली नाही. जिल्ह्यातील सर्व धरणांमधील पाणीसाठा सुमारे ७० ते ८० टक्के इतका आहे. कोयना धरण क्षेत्रात पडणाऱ्या पावसाचे प्रमाण अधिक आहे. धरणातील पाणीसाठा ८० टक्क्याहून अधिक झाल्यावर धरणातून पाणी सोडण्याबाबत निर्णय घेतला जाणार आहे. तसेच सर्व धरणाची पातळी पाहता पावसाची वाढ लक्षात घेऊन आपत्ती व्यवस्थापनाच्या वतीने सर्व नदीकाठच्या गावांना धोक्याचा इशारा देण्यात आला आहे. आम्ही संलग्न पुणे, कोल्हापूर आणि सांगली जिल्ह्याशी संपर्कात असून, जिल्ह्यातील प्रमुख नद्यांमध्ये पाणी सोडण्यापूर्वी मेसेजद्वारे सुमारे दहा हजारांहून अधिक लोकांना सतर्क करणार आहोत.

संगम माहुली घाट पाण्याखाली

कृष्णा नदीच्या पाणीपातळीत मोठी वाढ झाली आहे. संगम माहूली येथील नदी काठची केलास स्मशानभूमी पाण्याखाली गेली आहे. बुधवारी सकाळी सातारा शहरातील गोडोली येथील अक्षता मंगल कार्यालया समोरील ओढ्याचे पाणी परिसरतील दुकानात शिरून मोठे नुकसान झाले आहे.

महाबळेश्वरमधून पर्यटक लागले परतीला

दमदार पावसामुळे महाबळेश्वरमध्ये पाणीच पाणी झाले आहे.

बाजारपेठेत व रस्त्यावर पाणी साचले आहे. त्यामुळे पर्यटकांना पर्यटनाचा आनंद घेता आला नाही. पुढील दोन दिवस पावसाचा जोर कायम राहणार असल्याचा अंदाज व्यक्त करण्यात आल्याने पाचगणी-महाबळेश्वरमध्ये आलेले पर्यटक परतीला लागले आहेत.

कृष्णेत तरुण वाहून गेला

सातारा जिल्ह्यातील लिंब गोवे येथील कृष्णा नदीच्या पुलावर आलेल्या पाण्यात गोवे (ता. सातारा) येथील रवींद्र भरत जाधव (वय ४०) कृष्णा नदीला आलेल्या पुरात वाहून गेला. त्याचा शोध घेतला जात आहे. मात्र, रात्री उशीरापर्यंत ते सापडले नाहीत.

बलकवडी धरण भरले

मागील ४८ तासांत झालेल्या तुफान पावसामुळे वाई तालुक्याच्या पश्चिम भागात मुसळधार पाऊस सुरू आहे. महाबळेश्वर परिसरातही मुसळधार पाऊस सुरू असल्याने बलकवडी धरण पूर्ण भरले आहे. बलकवडी धरणातून धोम धरणात पाणी सोडण्यात आले आहे. बलकवडी धरणाची साडेतीन टीएमसी क्षमता असून, मुसळधार पावसामुळे ते पूर्ण भरले आहे. त्यामुळे धरणाच्या मोऱ्यातून सात हजार क्युसेक पाणी धोम धरणात सोडण्यात आले आहे. धोम धरणाची क्षमता १३ टीएमसी असून, धोम धरण साठ टक्के भरले आहे.

मोबाइल अॅप डाउनलोड करा आणि राहा अपडेट

गतीने बांधकामासाठीबसस्थानकाचे लवकरच स्थलांतर

August 3, 2016, 10:20 am

≫ Next: रेसिपी शिका आणि चवही चाखा

≪ Previous: महाबळेश्वरात चोवीस तासांत ४१० मि.मी

$

0

0

म. टा. वृत्तसेवा, कराड

कराड बसस्थानकाचे सध्या सुरू असलेले नूतनीकरण व विस्तारीकरणाचे काम गतीने करता यावे व वेळेत पूर्ण करता यावे, यासाठी या बांधकामाच्या ठेकेदाराने एसटीच्या प्रशासनाकडे बसस्थानकाचे इतर ठिकाणी स्थलांतर करावे, अशी मागणी केली आहे. एसटीच्या प्रशासनानेही काम वेळेत पूर्ण होण्यासाठी ठेकेदाराच्या या मागणीचा गांभीर्याने विचार करीत सकारात्मक प्रतिसाद देण्याचे ठरविले आहे. त्यामुळे येथील बसस्थानक काही महिन्यांसाठी शहरात इतरत्र स्थलांतरीत केले जाणार असल्याने प्रवाशी, विद्यार्थी व महिलांचा त्रास आणखी वाढणार आहे.

बसस्थानकाच्या नूतनीकरणासाठी व विस्तारीकरणासाठी आमदार व तत्कालीन मुख्यमंत्री पृथ्वीराज चव्हाण यांनी यशवंतराव चव्हाण यांच्या सन २०१२मधील जन्मशताब्दी महोत्सवी वर्षानिमित्त तरतूद केलेल्या शंभर कोटी रुपयांच्या निधीतून १२ कोटींचा निधी मंजूर केला होता. त्यानुसार ऑगस्ट २०१४मध्ये बसस्थानक नूतनीकरण व विस्तारीकरणाच्या कामाचे भूमीपूजन पृथ्वीराज चव्हाण यांच्याच हस्ते होऊन लगेचच प्रत्यक्ष कामाला सुरूवात झाली होती. संबधित काम ३१ मार्च २०१७पर्यंत दिलेल्या निर्धारीत वेळेत पूर्ण करण्याचे ठेकेदारावर बंधनकारक केले आहे. मात्र, सध्या हे बांधकाम कासव गतीने सुरू आहे. ठेकेदाराला काम जलदगतीने संपविणे क्रमप्राप्त झाले आहे. अन्यथा मंजूर निधी परत जाण्याची शक्यता निर्माण झाली आहे. त्यासाठी हे काम जलद गतीने पूर्ण होण्यासाठी बसस्थानकाच्या सध्या निम्म्या जागेत सुरू असलेली बस गाड्यांची ये-जा बंद करून ती जागाही मोकळी करून बांधकामासाठी उपलब्ध करून देण्याची मागणी संबंधित ठेकेदाराने महामंडळाच्या प्रशासनाकडे केली आहे. अन्यथा वेळेत काम पूर्ण करण्यावर मर्यादा येणार असल्याचे प्रशासनाकडे स्पष्ट केले आहे.

दरम्यान, नूतनीकरणासाठी व विस्तारीकरणाच्या प्रारंभीच येथील बस स्थानक शहरातील कोल्हापूर नाका अथवा बैल बाजार रोडला हलविण्याचा प्रयत्न झाला होता. मात्र, प्रवाशांसह विद्यार्थी व नागरिकांना या स्थलांतराचा नाहक त्रास होणार होता. त्यामुळे त्यावेळी या स्थलांतराला मोठा विरोध होऊन स्थलांतर न करता निम्म्या जागेत बांधकाम व निम्म्या जागेत बस स्थानक असा पर्याय काढून बसस्थानक सुरू आहे. मात्र, आता बांधकामाला या बसस्थानकाचा अडथळा होत असल्याने बसस्थानक तात्पुरत्या स्वरूपात स्थलांतर करण्याची मागणी ठेकेदाराने केली आहे.

दरम्यान, बसस्थानकाचे काम वेगाने पूर्ण करण्यासाठी बसस्थानक तात्पुरत्या स्वरूपात शहरानजीक कोठे स्थलांतरीत करता येईल, यावर प्रशासनात चर्चा सुरू आहे. मात्र, अद्यापही कोणताही निर्णय झालेला नाही. बांधकाम वेळेत पूर्ण होणे व प्रवाशांचीही गैरसोय होऊ नये, यासाठी महामंडळ योग्य ती खबरदारी घेईल, असे आगार प्रमुख रमाकांत गायकवाड यांनी म्हटले आहे

मोबाइल अॅप डाउनलोड करा आणि राहा अपडेट

---

रेसिपी शिका आणि चवही चाखा

August 3, 2016, 2:30 pm

≫ Next: मित्रांनीच केला स्वप्निलचा घात

≪ Previous: गतीने बांधकामासाठीबसस्थानकाचे लवकरच स्थलांतर

$

0

0

म. टा. प्रतिनिधी, कोल्हापूर

हॉटेलमधली शेफसारखी डीश बनवता यावी असे वाटणाऱ्या सुगरणींसाठी महाराष्ट्र टाइम्स कल्चर क्लब आणि हॉटेल के ट्री यांनी नामी संधी आणली आहे. शेफस् नॉलेज बँक उपक्रमातून खास शेफकडूनच त्यांचे पाककौशल्य, डीशची पाककृती शिकता येणार आहे आणि त्यांची चवही चाखता येणार आहे. महिलांसाठी ही धमाल पर्वणी ठरणार असून १० ऑगस्टला सकाळी ११ ते २ या वेळेत हा कार्यक्रम शिवाजी पार्क येथील हॉटेल के ट्री येथे होणार आहे.

के ट्री हॉटेलमधील शेफकडून रेसिपी शिकण्यासोबत त्या पदार्थांवर मनसोक्त ताव मारण्याची मेजवानीही मिळणार आहे. या, शिका आणि ताव मारा, असा तिहेरी फायदा या कार्यशाळेत सहभागी होणाऱ्या महिलांना अनुभवता येणार आहे. कल्चर क्लब सदस्यांसाठी ५०० तर अन्य महिलांसाठी ५५० असे प्रवेश शुल्क असणार आहे.

या हटके संकल्पने अंतर्गत के ट्री हॉटेलमधील स्टार शेफ त्यांच्या खास पाककृती शिकवणार आहेत. तसेच शिकवण्यात येणाऱ्या पदार्थांमधील पोषणमूल्ये, गार्निशिंग, प्रिझर्वेशन याचीही माहिती देण्यात येणार आहे. तसेच प्रत्येक पदार्थाची लेखी रेसिपी महिलांना देण्यात येणार असून हॉटेलमधील शेफकडून पदार्थ शिकण्याची इच्छा असलेल्या महिलांना वेगळा अनुभव मिळेल. यामध्ये वेलकम ड्रिंकपासून डेझर्टपर्यंत खाल्ल्या जाणाऱ्या डीशचे प्रात्यक्षिक दाखवल्यानंतर त्या पदार्थांचा आस्वाद सहभागी महिलांना मनमुराद घेता येणार आहे. यामध्ये महिला व्यक्तीगत किंवा ग्रुपने सहभागी होऊ शकणार आहेत. एका कार्यशाळेसाठी नावनोंदणी करणाऱ्या पहिल्या ५० महिलांना प्रवेश देण्यात येणार आहे. तसेच महिलांचे ग्रुप, किटीपार्टी ग्रुप, भिशी ग्रुप, फॅमिली ग्रुप, सहभागी होऊ शकतात.

नाव नोंदणी व ​अ​धिक माहितीसाठी ९४२३८१४६९९ किंवा ७७७४०८२१०० येथे संपर्क साधावा.

हे पदार्थ शिकण्याची संधी
कार्यशाळेत बनाना कॅरेमल मिल्कशेक, लेमन कोरिएंडर सूप, व्हेज बॉल्स इन हॉट गार्लिक सॉस, आलू बनाना टिक्की, सॅगो पफ्स, कोकोनेट राइस, टोमॅटो रस्सम, कॉम्बिनेशन फ्राइड राइस वुईथ गार्लिक, व्हेज फ्रूट सॅलड, कॉफी माऊस हे पदार्थ शिकवण्यात येणार असून या पदार्थांची अनलिमिटेड टेस्ट करता येणार आहे.

मोबाइल अॅप डाउनलोड करा आणि राहा अपडेट

मित्रांनीच केला स्वप्निलचा घात

August 3, 2016, 2:30 pm

≫ Next: पार्किंगमुळे झाला रस्त्याचा बोळ

≪ Previous: रेसिपी शिका आणि चवही चाखा

$

0

0

म. टा. प्रतिनिधी, कोल्हापूर

दररोज एकमेकांसोबत असलेल्या मित्रांचा पैशांच्या कारणावरून वाद झाला आणि हेच कारण स्वप्निलच्या मृत्यूला पुरेसे ठरले. जेवण्यासाठी बाहेर जात असल्याचे सांगून स्वप्नील घरातून बाहेर पडला. पण अखेर त्याच्या खुनाची माहीती ऐकण्याची वेळ आई-वडिलांवर आली. चांदी कारागीर असलेल्या स्वप्नीलला स्वतःचा चांदी व्यवसाय सुरू करायचा होता. मात्र, त्याचे स्वप्न स्वप्नच राहिले.

स्वप्नील राजन पोवार (वय २२, रा. साई अपार्टमेंट, शुक्रवार पेठ) हा त्याची आई, वडील, मोठा भाऊ आणि आजीसोबत राहत होता. वडील एका राष्ट्रीयकृत बँकेच्या कागल शाखेत लिपिक पदावर काम करतात, तर आई गृहिणी आहे. चांदी कारागिरीची आवड असलेला स्वप्नील शुक्रवार पेठेतील एका चांदी कारखानदाराकडे काम करीत होता. रविवारी (ता. २४) चारच्या सुमारास त्याला एका मित्राचा फोन आला.

मित्रांसोबत जेवायला बाहेर जातो, असे आईला सांगून स्वप्नील बाहेर पडला. रात्री बराच वेळ स्वप्नील परत न आल्याने नातेवाईकांनी त्याचा शोध सुरू केला. मोबाइल स्वीच ऑफ लागत असल्याने त्याचा ठावठिकाणाही लागत नव्हता. दुसऱ्या दिवशी नातेवाईकांनी मित्रांसह पैपाहुण्यांकडेही चौकशी केली. तो परत येण्याची वाट पाहून अखेर बुधवारी (ता. २७) वडिलांनी लक्ष्मीपुरी पोलिस ठाण्यात 'मिसिंग'ची तक्रारही दाखल केली.

स्वप्निलचा घातपात झाल्याची माहिती जुना राजवाडा पोलिस ठाण्याचे निरीक्षक अनिल देशमुख यांना मिळाली होती. संशयितांमधील पृथ्वीराज गवळी यानेच पोलिसांना घातपाताची माहिती दिली. जेवणाचे कारण सांगत स्वप्नीलला सोबत घेऊन अन्य तिघांनी दोन बाइकवरून आंबा घाटात नेले गेले. रात्री जेवण करून ते स्वप्नीलला आंबा घाटात घेऊन गेले. विसावा पॉईंट या ठिकाणी आर्थिक कारणातून त्यांचा वाद सुरू झाला. पूर्वीच्या देण्या-घेण्यावरून वाद विकोपाला गेल्यानंतर तिघांनी स्वप्निलचा गळा आवळून त्याला ठार केले. याच परिसरातील ५०० फूट खोल दरीत त्याचा मृतदेह फेकून तिघांनीही पळ काढला.

घटनेची माहिती देणारा संशयित पृथ्वीराज गवळी याने पोलिसांना घटनास्थळ दाखवले. दरीत शोध घेणाऱ्या पोलिसांना जंगली श्वापदांनी खाल्लेला अर्धवट स्थितीतील मृतदेह सापडला. अंगातील कपडे आणि घड्याळावरून नातेवाईकांनी मृतदेह ओळखला. पोलिसांनी याप्रकरणी तीन संशयितांना ताब्यात घेतले आहे. पोलिसांनी बुधवारी रात्री उशिरा मृतदेहाचे शवविच्छेदन करून मृतदेह नातेवाईकांकडे सोपवला. या घटनेने स्वप्नीलच्या आई-वडिलांना मोठा मानसिक धक्का बसला असून, त्यांच्यावर दुःखाचा डोंगर कोसळला.

आर्थिक वाद चोरीच्या चांदीतून?

स्वप्नीलसह त्याच्या इतर मित्रांनी एका चांदी कारखान्यातून अकरा किलो चांदीची चोरी केल्याची चर्चा सुरू आहे. चोरीच्या चांदीचे पैसे वाटून घेण्यावरून या मित्रांमध्ये वाद होते. या वादातूनच मित्रांनी स्वप्नीलचा खून केल्याची शक्यता वर्तवली जात आहे. संबंधित चांदी कारखानदाराच्या दुकानातून चांदीची चोरी करताना सीसीटीव्ही फुटेजमध्ये संशयितांचा समावेश आहे. याबाबत पोलिस अधिक तपास करीत आहेत.

गिर्यारोहकांच्या मदतीने मृतदेह बाहेर

जोरदार पाऊस आणि सोसाट्याच्या वाऱ्यात पाचशे फूट खोल दरीत फेकलेला मृतदेह बाहेर काढणे पोलिसांसमोर आव्हान होते. पोलिसांनी गिर्यारोहक विनोद कंबोज यांच्या टीमची मदत घेऊन चार तास अथक परिश्रम करून अर्धवट सडलेला आणि प्राण्यांनी खाल्लेला मृतदेह बाहेर काढला. कपडे आणि घड्याळावरून नातेवाईकांनी मृतदेह ओळखला.

मोबाइल अॅप डाउनलोड करा आणि राहा अपडेट

पार्किंगमुळे झाला रस्त्याचा बोळ

August 3, 2016, 2:30 pm

≫ Next: चांदीच्या रथातील भ्रष्टाचाराबाबत बोला

≪ Previous: मित्रांनीच केला स्वप्निलचा घात

$

0

0

म. टा. प्रतिनिधी, कोल्हापूर

राजाराम हायस्कूल ते बिंदू चौक सबजेल रस्त्यावर स्थानिक नागरिक व व्यापाऱ्यांची वाहने व पर्यटकांच्या वाहनांमुळे परिसरातील पार्किंगचा बोजवारा उडाला आहे. दोन्ही बाजूला होणाऱ्या वाहनांच्या पार्किंगमुळे अगोदरच अरुंद असलेल्या या रस्त्यावर वाहने चालवताना तारेवरची कसरत करावी लागते.

अरूंद आणि एकमार्गी असलेल्या या रस्त्यावर राजाराम हायस्कूल, करवीर नगर वाचन मंदिर, भाजप महानगर कार्यालय, बिंदू चौक सबजेल ही प्रमुख ठिकाणे आहेत. राजाराम हायस्कूलचे पार्किंग शाळेच्या आवारात असले तरी करवीर नगर वाचन मंदिराला भेट देणाऱ्या नागरिकांची वाहने रस्त्यावरच पार्क केली जातात. हीच स्थिती भाजप कार्यालय व बिंदू चौक सबजेल परिसरात दिसून येते. अंबाबाई मंदिरात पर्यटकांचा ओघ वाढल्याने रहिवासी भागात दुकाने, हॉटेल व भक्त निवासांची संख्या वाढली आहे. परिसरातील नागरिकांची दुचाकी व चारचाकी वाहने रस्त्यावरच पार्क केली असतात. व्यापारी मंडळी दुकानासमोर वाहने लावतात. दोन्ही बाजूच्या पार्किंगमुळे मोकळ्या जागेतून वाहने चालवावी लागतात. व्यापाऱ्यांनी चारचाकी वाहने आणू नयेत असे पोलिसांनी आवाहन करूनही व्यापारी चारचाकी वाहने दुकानांसमोर लावतात. त्यामुळे या रस्त्यावर सातत्याने कोंडी होत असते. या परिसरात पोलिसांनी सम-विषम पार्किंगचा नियम केल्यास निम्मा रस्ता वाहतुकीसाठी मिळू शकतो. चारचाकी वाहने या रस्त्यावर पार्किंग करण्यास बंदी घालण्याची गरज आहे.

सुटीच्या दिवशी अंबाबाईच्या दर्शनासाठी भाविक मोठ्या प्रमाणावर येतात. बिंदू चौक सबजेलजवळ पार्किंग स्थळ असतानाही या रस्त्यावर बाहेरगावचे पर्यटक वाहने लावतात. पार्किंगच्या मोकळ्या जागेत विक्रेते माल मांडून बसतात. पर्यटकांच्या वाढत्या संख्येमुळे परिसरात नव्याने भक्त निवास सुरू झाली आहेत. भक्त निवासांमध्ये येणारे पर्यटक व हॉटेलमध्ये येणारे ग्राहकही रस्त्यावर दुचाकी व चारचाकी वाहने पार्किंग करत असल्याने परिसरात पार्किंगची मोठी कोंडी होत आहे. बिंदू चौक सबजेलसमोर साडविलकरांचे दुकान व आझाद गल्लीकडे जाणाऱ्या तिवले दुकानासमोर रस्ता जास्त रूंद आहे. त्यामुळे तिवले यांच्या दुकानासमोरील मोकळ्या जागेला आझाद गल्लीतील नागरिक व व्यापाऱ्यांनी पार्किंगचे ठिकाण बनवले आहे.

पोलिसच सांगतात वाहने पुढे लावा

राजाराम हायस्कूलजवळ वाहतुकीचे नियोजन करण्यासाठी दिवसभर दोन ते तीन पोलिस असतात. भवानी मंडपात चारचाकी वाहने जाऊ नयेत व ती वाहने बिंदू चौकात पार्क करावी याचे नियोजन करण्याचे काम पोलिसांचे असते; पण पर्यटक आल्यावर वाहने पुढे लावा असे पोलिस सांगतात. त्यामुळे पर्यटक वाहने एकेरी मार्गावर वाहने पार्क करतात. पोलिसांनी पार्किंगच्या ठिकाणी ​वाहने पार्क करा असे सांगितले तर पार्किंगची समस्या कमी होऊ शकते.

मोबाइल अॅप डाउनलोड करा आणि राहा अपडेट

चांदीच्या रथातील भ्रष्टाचाराबाबत बोला

August 3, 2016, 2:30 pm

≫ Next: गटर्सचा अभाव, उखडलेले रस्ते

≪ Previous: पार्किंगमुळे झाला रस्त्याचा बोळ

$

0

0

म. टा. प्रतिनिधी, कोल्हापूर

देवस्थान समितीचे अध्यक्ष आणि जिल्हाधिकारी अमित सैनी अंबाबाईच्या चांदीच्या रथातील भ्रष्टाचाराबाबत गप्प का आहेत?, असा प्रश्न हिंदू विधिज्ञ परिषदेचे राष्ट्रीय अध्यक्ष वीरेंद्र इचलकरंजीकर यांनी बुधवारी पत्रकार परिषदेत उपस्थित केला. डॉ. नरेंद्र दाभोलकर आणि कॉम्रेड गोविंद पानसरे यांच्या हत्या प्रकरणात सीबीआय आणि पोलिसांनी उभा केलेला साक्षीदार संजय साडविलकर यांचे नाव या गैरव्यवहारात आहे. त्याला वाचविण्यासाठी जिल्हाधिकारी सैनी मूग गिळून गप्प आहे का?, असा प्रश्न इचलकरंजीकर यांनी उपस्थित केला. सरकारने या संदर्भात समितीशी केलेल्या पत्रव्यवहारांची तसेच विधी व न्याय विभागाकडून माहितीच्या अधिकारात मिळालेल्या माहितीची प्रत यावेळी माध्यमांच्या प्रतिनिधिंना देण्यात आली.

परिषदेचे राष्ट्रीय सचिव संजीव पुनाळेकर, देवस्थान भ्रष्टाचार कृती समितीचे प्रवक्ते सुनील घनवट, बजरंग दलाचे जिल्हा प्रमुख बंडा साळोखे, शहर प्रमुख महेश उरसाल व परिषदेचे सदस्य प्रमोद सावंत आणि समीर पटवर्धन यांच्या उपस्थितीत पत्रकार परिषद झाली.

इचलकरंजीकर म्हणाले, 'देवस्थानच्या गैरव्यवहाराबाबत पोलिस आणि जिल्हाधिकारी सैनी जाणीवपूर्वक गप्प आहेत. देवस्थानच्या गैरव्यवहारांचा तपास राज्य गुन्हे अन्वेषण खात्याकडे आहे. त्याचे प्रमुख संजयकुमार आहेत. पानसरे हत्या प्रकरणातील विशेष तपास पथकाचे प्रमुखही संजयकुमार आहेत. त्यांनी पानसरे हत्या प्रकरणी कोल्हापुरात येऊन पत्रकार परिषदा घेऊन माहिती दिली आहे. मात्र, देवस्थानमधील गैरव्यवहाराविषयी ते बोलायला तयार नाहीत.' जिल्हाधिकारी सैनी यांनी साडविलकरांना निर्दोष ठरविण्याचा ठेका घेतला आहे का, असा प्रश्न उपस्थित करत इचलकरंजीकर यांनी याप्रकरणी आंदोलनाचा इशारा दिला.

बजरंग दलाचे साळोखे यांनी जिल्हाधिकारी सैनी देवस्थान समितीचे अध्यक्ष या नात्याने आपल्या कर्तव्यांचे पालन करत नाही, असा आरोप केला. महिला कैद्यांकडून देण्यात येत असलेल्या प्रसादाला पत्रकार परिषदेत विरोध करण्यात आला. कारागृहात स्वच्छता नसल्याचा आरोप या वेळी करण्यात आला.

'त्यांच्या भोवती आमची माणसे'

'जिल्हाधिकारी सैनी यांच्या आसपास आमची माणसे आहेत', असा दावा अॅड. संजीव पुनाळकर यांनी पत्रकार परिषदेत केला. ते म्हणाले, 'जिल्हाधिकारी सैनी यांनी कोणत्याही गैरसमजात राहू नये. त्यांच्याभोवती आमची माणसे आहेत. मुळात राज्याच्या विधी व न्याय विभागाने पाठविलेल्या पत्राला उत्तर देण्याची तसदी ते घेत नाहीत. देवस्थानमधील भ्रष्टाचाराविरोधात आवाज उठविण्यास पुरोगाम्यांचे हात कोणी बांधले आहेत का?'

मोबाइल अॅप डाउनलोड करा आणि राहा अपडेट

गटर्सचा अभाव, उखडलेले रस्ते

August 3, 2016, 2:30 pm

≫ Next: पानसरे स्मारक तीन महिन्यांत साकारणार

≪ Previous: चांदीच्या रथातील भ्रष्टाचाराबाबत बोला

$

0

0

म. टा. प्रतिनिधी, कोल्हापूर

लिशां हॉटेलसमोरील परिसरात झपाट्याने लोकवस्ती वाढत आहे. नवीन कॉलन्या विकसित होत आहेत. मात्र वाढत्या नागरिकांच्या अनुषंगाने या भागात पायाभूत सुविधा उपलब्ध होताना दिसत नाहीत. भागात ड्रेनेज लाइन नाही, गटारींचा पत्ता नाही. शंभर फुटी रस्ता ठिकठिकाणी उखडला आहे. कॉलनीतील अंतर्गत रस्त्यांची चाळण झाली आहे. महापालिका प्रशासनाने या भागातील पायाभूत सुविधांना प्राधान्यक्रम देण्याची आवश्यकता आहे.

युनिक पार्क, लक्ष्मीनारायण नगर, लांबोरे सोसायटी, भीमनगर सोसायटी या भागात मोठमोठे बंगले, अपार्टमेंट्‍स साकारत आहेत. नवीन कॉलन्यांत लोकवस्तीत वाढत आहे. मात्र रस्ते, गटर्स अशा पायाभूत सुविधाच उपलब्ध नाहीत. परिसरात कुठल्याच भागात गटर्स केल्या नाहीत. परिणामी पावसाळ्यात रस्त्याचे पाणी थेट रस्त्यावर पसरते. पाण्याचा निचरा होण्यासाठी गटारी नसल्याने त्याचा फटका नागरिकांना बसतो. मुळात कोरगावकर हायस्कूल, विचारे माळ, सदरबाजार, यशवंतनगर, समाजकल्याण विभागातील पाणी वाहत परिसरात येते. या भागात गटारी केल्या नसल्याने मोठा पाऊस झाला की पाणी थेट घरात शिरते. गटारीअभावी पाणी रस्त्यावर साचून राहत असल्याने रस्ते खराब होण्याचे प्रमाण जास्त आहे.

नेमाडे मोटर्सपासून मुक्त सैनिक वसाहतकडे जाण्यासाठी शंभर फुटी रस्ता आहे. पण या रस्त्याची दुरवस्था झाली आहे. ठिकठिकाणी खड्डे पडले आहेत. भीमनगर सोसायटी येथेही रस्त्यावर पाणी पसरुन डबक्याचे स्वरूप प्राप्त होते. शंभर फुटी रोडवर काहीजणांनी अतिक्रमण केली आहेत.

पार्किंग रस्त्यावरच

कावळा नाका, रुक्मिणीनगर, रुईकर कॉलनी येथील सांडपाणी युनिक पार्क परिसरात पसरते. यामुळे आरोग्यविषयक समस्या निर्माण होतात, अशा नागरिकांच्या तक्रारी आहेत. कावळा नाक्याकडून येणारे सांडपाणी मुख्य ड्रेनेजला जोडले पाहिजे. आजूबाजूची हॉटेल, मंगल कार्यालयांना कसलेही पार्किंग नाही. पार्किंगची जागा त्यांनी कमर्शियल कारणासाठी वापरात आणली आहे. हॉटेल, मंगल कार्यालयाची वाहने ही रस्त्यावरच पार्क केली जातात. यामुळे वाहतुकीची कोंडीची समस्या असल्याची नागरिकांची तक्रार आहे.

.............

युनिक पार्कमधील प्लॉटधारकांना विस्थापित म्हणून प्लॉट मिळाले आहेत. महापालिकेने ही जागा विकसित केली आहे. मंगेशकरनगर व युनिक पार्क अशा दोन्ही ठिकाणी विस्थापितांचे पुनर्वसन केले आहे. राज्य सरकारकडून या भागाच्या विकासाकरिता दरवर्षी एका प्लॉटसाठी पाच हजार रुपये अर्थसहाय्य मिळते. मंगेशकरनगरमधील नागरिकांनी राज्य सरकारच्या योजनेचा लाभ घेतला आहे. पण युनिक पार्कमधील प्लॉटधारकांना लाभ मिळाला नाही. युनिक पार्क परिसरात २०० प्लॉट आहेत.

असिफ फरास, युनिक पार्क

..............

युनिक पार्क व आसपासच्या भागात एकही उद्यान नाही. महापालिकेने मैदान व बागेसाठी आरक्षण टाकले आहे. प्रशासनाने या भागातील नागरिकांच्या सोयीसाठी बगीचा विकसित करावा. भागात गटर्स नसल्यामुळे पावसाळ्यात नागरिकांचे हाल होतात. रस्त्याच्या दोन्ही बाजूनी गटर्सची बांधणी करावी.

अमोल घोडके, युनिक पार्क

मोबाइल अॅप डाउनलोड करा आणि राहा अपडेट

पानसरे स्मारक तीन महिन्यांत साकारणार

August 3, 2016, 2:30 pm

≫ Next: आयटी पार्कला गती मिळणार

≪ Previous: गटर्सचा अभाव, उखडलेले रस्ते

$

0

0

म. टा. प्रतिनिधी, कोल्हापूर

कॉम्रेड गोविंदराव पानसरे यांच्या स्मृतिप्रीत्यर्थ सागरमाळ परिसरात उभारण्यात येणारे स्मारक तीन महिन्यांत पूर्ण करण्यात येणार आहे. स्मारकाच्या बांधकामाला १५ ऑगस्टपूर्वी सुरुवात होणार आहे. महापौर अश्विनी रामाणे यांच्या अध्यक्षतेखाली झालेल्या बैठकीत अधिकाऱ्यांना स्मारकाचे बांधकाम जलदगतीने पूर्ण करण्याच्या सूचना केल्या.

महापालिकेच्या वि. स. खांडेकर विद्यामंदिराच्या परिसरात स्मारक होणार आहे. २४ जुलै २०१५ रोजी पायाभरणी समारंभ झाला. महापालिकेने पहिल्या टप्प्यात पाच लाख रुपये मंजूर केले. तसेच अर्थसंकल्पात २० लाख रुपयांची तरतूद केली. मात्र, स्मारकाचे काम रखडले आहे. भारतीय कम्युनिस्ट पक्षाचे सतीश कांबळे, नामदेव गावडे, रघुनाथ कांबळे, अनिल चव्हाण, नामदेव पाटील, एम. बी. पडवळे, सुशीला यादव, आरती रेडेकर, महादेव आवटे, स्नेहल कांबळे, आदींनी स्मारकाच्या कामाला तत्काळ सुरुवात करावी, अशी मागणी महापौर रामाणे, स्थायी समिती सभापती मुरलीधर जाधव यांची भेट घेतली. अतिरिक्त आयुक्त श्रीधर पाटणकर, उपशहर अ​भियंता एस. के. माने यांच्या उपस्थितीत बैठक झाली. महापौर रामाणे यांनी अधिकाऱ्यांना तत्काळ सर्व प्रक्रिया पूर्ण करून १५ ऑगस्टच्या आत स्मारकाच्या कामाला सुरुवात करण्याचे आदेश दिले. बैठकीला दिलदार मुजावर, शोभा पाटील, इर्शाद फरास, रमेश वडणगेकर, आदी उपस्थित होते.

स्मारकाच्या कामात दिरंगाई नको. स्मारकाच्या कामाचे इस्टीमेट करून तत्काळ कामाला सुरुवात करावी. स्मारकाच्या कामाची एका अधिकाऱ्यावर जबाबदारी निश्चित करावी. निधीअभावी स्मारकाचे काम रखडू नये. महापालिका निधीची उपलब्धता करेल.'

मुरलीधर जाधव, सभापती, स्थायी समिती

कॉम्रेड गोविंदराव पानसरे स्मारक हे चळवळीसाठी प्रेरणास्थान आहे. स्मारकाचे काम तीन महिन्यांत पूर्ण करावे. स्मारकासाठी निधीची कमतरता भासत असेल तर भाकप आणि डाव्या चळवळीतील कार्यकर्ते निधी उपलब्ध करून देतील. दोन दिवसांत अधिकाऱ्यांसोबत स्मारकस्थळाची पाहणी होणार आहे.'

कॉम्रेड सतीश कांबळे

मोबाइल अॅप डाउनलोड करा आणि राहा अपडेट

आयटी पार्कला गती मिळणार

August 3, 2016, 12:07 pm

≫ Next: खड्ड्याने घेतला महिलेचा जीव

≪ Previous: पानसरे स्मारक तीन महिन्यांत साकारणार

$

0

0

म. टा. प्रतिनिधी, कोल्हापूर

स्थानिक कंपन्या आणि महापालिकेच्यावतीने कोल्हापुरात आयटी पार्क स्थापण्याबाबत गेली तीन-चार वर्षे सुरू असलेल्या प्रयत्नांना यश आले. टेंबलाईवाडीतील तीन एकरवर जागा आयटीपार्कसाठी आरक्षित करण्यात आली आहे. महापालिकेने टिंबर मार्केट आरक्षणातून वगळून आयटीपार्कसाठी आरक्षित करण्याच्या फेरबदल प्रस्तावाला नगरविकास खात्याची मंजुरी मिळाली आहे. आयटी पार्कच्या योजनेचा विकास करण्यासाठी कोल्हापूर महापालिकेची समुचित प्राधिकरण म्हणून नियुक्ती केला आहे.

कोल्हापुरातील आयटीपार्क महापालिका क्षेत्रात विकसित होणारा राज्यातील पहिलाच प्रकल्प ठरणारे असल्याचे जाणकारांचे मत आहे. अन्य शहरात इंडस्ट्रीयल क्षेत्रात आयटी पार्क विकसित केली आहेत. कोल्हापुरात पाच वर्षांपूर्वी आयटी असोसिएशनची स्थापना झाली आहे. असोसिएशनमध्ये स्थानिक ५० कंपन्या प्रतिनिधी आहेत. तत्कालीन आयुक्त विजयालक्ष्मी बिदरी यांच्या काळात आयटी पार्क स्थापण्याच्या अनुषंगाने सुरूवात झाली होती.

टेंबलाईवाडीतील जागा टिंबर मार्केट आरक्षणातून वगळून आयटीपार्कसाठी आरक्षीत करावी असा ठराव राज्य सरकारकडे पाठविला होता. सर्वसाधारण सभेने २० मार्च २०१५ रोजी हा ठराव मंजूर केला. नगर विकास विभागाचे अवर सचिव संजय सावजी यांनी प्रस्तावित फेरबदलास मंजुरी दिल्याचे महापालिकेला कळविले आहे. यासंदर्भात नगररचना विभागाचे सहाय्यक संचालक धनंजय खोत यांनी नगरविकासची अधिसूचना मिळाली आहे. आयटी पार्कबाबत पुढील कार्यवाहीसाठी प्रोजेक्ट विभागाला माहिती सादर केली जाईल, असे सांगितले.

दरम्यान, आयटी पार्क विकसित करण्यासंदर्भात धोरणात्मक निर्णय होईल. महापालिका स्वतः आयटी पार्क विकसित करू शकते किंवा आयटी कंपन्यांना भाडेतत्वावर जागा देण्याचा पर्यायही आहे. आयुक्त यासंदर्भात निर्णय घेतील, असे शहर अभियंता नेत्रदीप सरनोबत यांनी सांगितले.

रोजगार निर्मितीला संधी

राज्य सरकारने आयटी पार्कसाठी कोल्हापूर महापालिकेची समुचित प्राधिकरण म्हणून नियुक्ती केला आहे. आयटी पार्कमध्ये स्थानिक आयटी कंपन्यांनाच प्राधान्यक्रम मिळावे. जागा मिळावी. कोल्हापूरच्या आयटी कंपन्यांना दीर्घ मुदतीवर जागा भाडेतत्वावर द्यावी यासाठी स्थानिक कंपन्यांचे प्रतिनिधी आयुक्त पी. शिवशंकर यांची भेट घेणार असल्याचे समजते. आयटी पार्क पूर्ण क्षमतेने सुरू झाल्यास जवळपास एक हजारजणांना करिअरची संधी मिळणार आहे.

कोल्हापुरात आयटी पार्क साकारण्यासाठी गेल्या काही वर्षापासून स्थानिक आयटी कंपन्या आणि प्रतिनिधी प्रयत्नशील होते. महापालिकेनेही सातत्याने पाठपुरावा केला होता. नगरविकासने आयटी पार्कसाठी मान्यता दिल्याने महापालिका हद्दीत होणारा हा राज्यातील पहिलाच प्रकल्प असणार आहे. आयटीपार्कमुळे स्थानिक आयटी कंपन्यांना मोठी संधी मिळणार आहे. या माध्यमातून शहराच्या विकासाला गती मिळेल.

अश्विनी दानिगोंड, अध्यक्ष, आयटी असोसिएशन

मोबाइल अॅप डाउनलोड करा आणि राहा अपडेट

---

खड्ड्याने घेतला महिलेचा जीव

August 3, 2016, 12:07 pm

≫ Next: राधानगरीचे दरवाजे खुले

≪ Previous: आयटी पार्कला गती मिळणार

$

0

0

म. टा. प्रतिनिधी, कोल्हापूर

बुधवारी दुपारी एकची वेळ. पुणे-बंगळुरू राष्ट्रीय महामार्गावरील तावडे हॉटेल परिसरातील उड्डाणपूल म्हणजे कोल्हापूर शहराचे प्रवेशद्वार. नेहमीप्रमाणेच वर्दळीने भरलेला रस्ता. पावसाने खराब झालेला, खड्ड्यांनीही भरलेला रस्ता. गांधीनगरातून नातेवाईकांना भेटून मोपेडवरून कोल्हापुरात परतणाऱ्या ज्योती नेमनदास नरसिंघानी (वय ५२, रा. लिशा हॉटेल परिसर) यांनी उड्डाणपुलानजीक खड्डा चुकविण्याचा प्रयत्न केला. क्षणात मोपेडचा बॅलन्स चुकला आणि पाठीमागून ट्रकची धडक बसली. मोपेडसह त्या फरफटत गेल्या आणि जीव गमावण्याची वेळ त्यांच्यावर आली.

लक्ष्मीपुरीतील लकी कॅसेटचे मालक नेमनदास नरसिंघानी हे पत्नी ज्योती आणि दोन मुलांसह राहतात. बुधवारी सकाळी नेमनदास नेहमीप्रमाणे हे दोन्ही मुलांसह दुकानाकडे गेले होते. पत्नी ज्योती या मोपेडवरून (एमएच ०४ डीक्यू ७२५) गांधीनगरात नातेवाईकांना भेटण्यासाठी गेल्या होत्या. दुपारी एकच्या सुमारास घरी परतताना तावडे हॉटेल उड्डाणपुलाखाली ज्योती यांनी रस्त्यातील खड्डा चुकवण्याचा प्रयत्न केला.

ज्योती यांच्या मोपेडला पाठीमागच्या ट्रकची जोरदार धडक बसली. अपघातावेळी झालेल्या मोठ्या आवाजाने अन्य वाहनधारकांसह परिसरातील नागरिक अपघात स्थळी धावले. गर्दी होत असल्याचे पाहताच ट्रक चालकाने तेथून पळ काढला. वर्दळीच्या वेळी झालेल्या अपघातामुळे काही वेळातच या ठिकाणी वाहतुकीची मोठी कोंडी झाली. ट्रकच्या चाकाखाली सापडलेली मोपेडच फक्त दिसत होती.

अपघाताची माहिती मिळताच गांधीनगर पोलिसांसह शहर वाहतूक नियंत्रण शाखेचे कर्मचारी घटनास्थळी आले. त्यांनी ज्योती यांच्या मोबाइलवरून नातेवाईकांशी संपर्क साधला. दरम्यान, त्यांचे गांधीनगरातील नातेवाईकही तातडीने अपघातस्थळी दाखल झाले. सीपीआरमध्ये शवविच्छेदन केल्यानंतर मृतदेह नातेवाईकांकडे सोपवण्यात आला.

बघ्यांची गर्दी अन् विखुरलेली फळे

अपघातातील मोपेडशेजारीच ज्योती यांनी खरेदी केलेली भाजी आणि फळे विखुरली होती. हे दृश पाहून उपस्थितातून हळहळ व्यक्त केली जात होती. अपघात पाहण्यासाठी वाहनधारकांसह बघ्यांनी मोठी गर्दी केली होती, त्यामुळे मोपेड आणि ट्रक बाजूला करताना पोलिसांना मोठी कसरत करावी लागली.

कुटुंबावर दुःखाचा डोंगर

'आपले काम भले आणि आपण भले' अशा स्वभावाचे नरसिंघानिया कुटुंब गुण्यागोविंदाने राहत होते. या चौकोनी कुटुंबात दोन्ही मुलांचे आई-वडिलांशी घट्ट नाते होते. अपघाताची माहिती मिळतात दोन्ही मुलांसह नेमनदास नरसिंघानी यांनी तावडे हॉटेलकडे धाव घेतली. रक्ताच्या थारोळ्यातील आईला पाहताच दोन्ही मुलांनी हंबरडा फोडला. आईला उठवण्याचा मुलांचा केविलवाणा प्रयत्न उपस्थितांचे हृदय पिळवटणारा ठरला.

जीवघेणा रस्ता

तावडे हॉटेल उड्डाणपुलाखालचा रस्ता अतिशय खराब झाला आहे. महामार्गावरून शहरात येणारी वाहने आणि शहरातून महामार्गासह गांधीनगरकडे जाणाऱ्या वाहनांची सतत ये-जा या ठिकाणी असते. शिवाय, उड्डाणपुलाखाली नेहमीच वाहतुकीची कोंडी होते. भरधाव वाहने आणि रस्त्यातील खड्ड्यांमुळे हा परिसर जीवघेणा बनला आहे. खड्ड्यांच्या दुरुस्तीकडे महामार्ग प्राधिकरणाने दुर्लक्ष केले आहे.

मोबाइल अॅप डाउनलोड करा आणि राहा अपडेट

राधानगरीचे दरवाजे खुले

August 3, 2016, 12:06 pm

≫ Next: सोलापूर जिल्ह्यात खरीप पेरणीचा उच्चांक

≪ Previous: खड्ड्याने घेतला महिलेचा जीव

$

0

0

म. टा. प्रतिनिधी, कोल्हापूर

सलग तीन दिवस धरणक्षेत्रात झालेल्या जोरदार पावसामुळे राधानगरी धरण पूर्ण क्षमतेने भरल्याने बुधवारी सायंकाळी पाच स्वयं‌चलित दरवाजे उघडले. यामुळे राधानगरीसह कासारी व कुंभी धरणातून १५ हजार क्युसेक्स पाण्याचा विसर्ग सुरू असल्याने पंचगंगा नदी रात्रीच इशारा पातळी ओलांडणार आहे. पंचगंगेचा पूर वाढणार असल्याने पुन्हा शहरासह शेजारील ग्रामीण भागाला महापुराचा धोका निर्माण झाली आहे. पुरामुळे जिल्ह्यातील ४० बंधारे पाण्याखाली गेले आहेत. तसेच दोन राज्य व चार प्रमुख जिल्हा मार्गावरील वाहतूक बंद झाली आहे. पन्हाळा व गगनबावड्यामध्ये झालेल्या अतिवृष्टीमुळे तालुक्यातील अनेक रस्त्यावरील वाहतूक पर्यायी मार्गाने वळवण्यात आली आहे. तसेच महाडच्या घटनेच्या पार्श्वभूमीवर व पूर वाढत असल्याने पंचगंगा नदीवरील ​ब्रिटीशकालीन शिवाजी पुलावर पोलिस बंदोबस्त ठेवण्यात आला आहे.

गेल्या महिन्यात केवळ चार दिवस झालेल्या जोरदार पावसामुळे पंचगंगा नदी धोक्याच्या पातळीवर पोहचली होती. अनेक कुटुंबांचे स्थलांतरीत करण्यात आले होते. हा पूर ओसरण्यास आठवड्याचा कालावधी लागला होता. त्यावेळी धरणांमधून मोठ्या प्रमाणात विसर्ग नव्हता. मात्र राधानगरी धरण बुधवारी सायंकाळी पूर्ण क्षमतेने भरले. गेल्या काही दिवसांपासून वीजनिर्मितीसाठी १८०० क्युसेक्स पाण्याचा​ विसर्ग केला जात होता. तरीही सायंकाळी पाच वाजून ४० मिनिटांनी ३ व ६ क्रमांकाचे स्वयंचलित दरवाजे उघडले. त्यानंतर सहा वाजून १५ मिनिटांनी ५ क्रमांकाचा तर सहा वाजून ३५ मिनिटांनी ४ व ७ क्रमांकाचे दरवाजे उघडले. यामुळे ७ हजार क्युसेक्स पाणी या दरवाजातून बाहेर पडले. वीजनिर्मिती व स्वयंचलित दरवाजातून बाहेर पडणारे ८८०० क्युसेक्स पाणी पंचगंगा नदीमध्येच येत असल्याने पंचगंगेचा पूर वाढत आहे.

सकाळी आठ वाजता पंचगंगेची पूर पातळी ३३ फूट ४ इंच होती. सायंकाळी सात वाजेपर्यंत ती ३६ फुटावर पोहचली. राधानगरी धरणाबरोबरच कासारी धरणातून ४५९४ क्युसेक्स व कुंभीतून २ हजार क्युसेक्स पाणी बाहेर पडत असल्याने जवळपास पंधरा हजार क्युसेक्स पाणी पंचगंगेमध्ये येत आहे. या पाण्यामुळे पंचगंगेच्या पुराची पातळी झपाट्याने वाढणार आहे. रात्रीतच पंचगंगा ३९ फुटाची इशारा पातळी ओलांडू शकते, असे जिल्हाधिकारी डॉ. अमित सैनी यांनी सांगितले. इशारा पातळी ओलांडून पुराचे पाणी वाढण्याची शक्यता असल्याने शहराच्या विविध भागात तसेच करवीर, हातकणंगले, शिरोळ तालुक्यातील ग्रामीण भागात गंभीर पूरस्थिती निर्माण होणार आहे. सायंकाळीच पंचगंगेजवळ गायकवाड वाड्यासमोरील रस्त्यावर पुराचे पाणी आले. पंचगंगा नदीकडून गंगावेशकडे जाणारा रस्ता बंद होण्याची शक्यता आहे.

धरणांमधून बाहेर पडणाऱ्या पाण्यामुळे पुराची पातळी वाढत चालली आहे. यामुळे महाडच्या घटनेच्या पार्श्वभूमीवर जिल्हा प्रशासन सतर्क झाले असून पुलाच्या दक्षतेसाठी पोलिस बंदोबस्त ठेवला आहे. तसेच सार्वजनिक बांधकाम विभागाकडूनही पुलाच्या पाहणीसाठी अधिकारी व कर्मचारी सतर्क झाले आहेत. ज्यावेळी पुलाच्या कमानीजवळ पुराचे पाणी येईल त्यावेळी हा पूल वाहतुकीसाठी बंद करण्यात येणार आहे.

गेल्या २४ तासांत जिल्ह्यात ४२ मिलीमीटर सरासरी पाऊस झाला असून गगनबावड्यात १०२ तर पन्हाळ्यात ९३ मिलीमीटर पाऊस झाला आहे. जिल्ह्याच्या सरासरीपेक्षा सध्या ५६.९६ टक्के पाऊस झाला आहे. सततच्या पावसामुळे नद्यांना आलेल्या पुरामुळे ४० बंधारे पाण्याखाली गेले. अनेक रस्त्यांवरील वाहतूक पर्यायी मार्गाने वळवली आहे. पंचगंगा नदीवरील शिंगणापूर, राजाराम, सुर्वे, रुई, इचलकरंजी, तेरवाड व शिरोळ, भोगावती नदीवरील राशिवडे, हळदी, खडक कोगे व सरकारी कोगे बंधारे पाण्याखाली आहेत. तुळशी नदीवरील बीड, वारणा नदीवरील चिंचोली, तांदूळवाडी, कोंडोली, माणगांव, खोची व शिगांव, कासारी नदीवरील काटे, करंजफेण, पेंडागळे, बाजार भोगाव, वाळोली, पुनाळतिरपण, ठाणे आवळे व यवलूज हे बंधारे पाण्याखाली आहेत. कुंभी व कडवी नदीवरील प्रत्येकी चार बंधारे पाण्याखाली आहेत. तर धामणी व वेदगंगा नदीवरील प्रत्येकी एक बंधारे पाण्याखाली गेल्याने वाहतूक अन्य मार्गानी वळवली आहे.

मोबाइल अॅप डाउनलोड करा आणि राहा अपडेट

सोलापूर जिल्ह्यात खरीप पेरणीचा उच्चांक

August 4, 2016, 10:42 am

≫ Next: महाबळेश्वरमधील अनेक पॉइंट्स तूर्त बंद

≪ Previous: राधानगरीचे दरवाजे खुले

$

0

0

सोलापूर : रब्बीचा जिल्हा म्हणून ओळखल्या जाणाऱ्या सोलापूर जिल्ह्यात खरीपाच्या पेरणीने उच्चांक गाठला आहे. तुरीची लागवड जोमात असून, उसाचे पीक मात्र कोमात गेले आहे. ग्रामीण भागात खरीप पेरणीला पोषक असलेला पाऊस पडल्यामुळे खरीप पेरणीने उच्चांक गाठला आहे.
सोलापूर जिल्ह्यात खरीपाचे सरासरी क्षेत्र ७९ हजार १७ हेक्टर इतके असून पेरणी मात्र सुमारे २ लाख ५५ हजार ८७० हेक्टरवर आहे. यंदा शेतकऱ्यांच्या हातात खरीप पीक लागणार असल्याची दाट शक्यता निर्माण झाली आहे. गेल्या चार वर्षांपासून सोलापूर जिल्हा दुष्काळाचा सामना करीत आहे. त्यातच उजनी धरणातील पाणी कमी झाल्यामुळे खरीपासह उस लागवडीवरही मोठा परिणाम झाला आहे. मागीलवर्षी खरीप आणि रब्बी ही दोन्ही पिके हातून गेल्यानंतर बळीराजा पुरता हतबल झाला होता. यंदातरी वरुणराजा पावतो की नाही, याकडेच शेतकऱ्यांचे डोळे लागून राहिले होते. मात्र, गेल्या पंधरा दिवसांत जिल्ह्याच्या ग्रामीण भागात झालेल्या पावसामुळे आणि त्यामुळे निर्माण झालेल्या पोषक वातावरणामुळे खरीपाच्या पेरण्यानी उच्चांक गाठला आहे.
खरीपात तुरीने मात्र बाजी मारली आहे. तुरीचे सरासरी क्षेत्र २४ हजार हेक्टर असताना तब्बल ९० हजार हेक्टरवर तुरीची पेरणी झाली आहे. त्यामुळे यंदा तुरीची लागवड केलेल्या शेतकऱ्यांना निश्चितच अच्छे दिन येणार आहेत. उसासह एकूण १०७ टक्के खरीपाच्या पेरण्या झाल्या आहेत. १९ जूननंतर पडलेल्या पावसामुळे खरीप पेरण्याला पोषक वातावरण निर्माण झाल्यामुळे पेरण्यांची टक्केवारी उच्चांकी वाढली आहे.
दरम्यान पाण्याअभावी उसाचे क्षेत्र कमी होत चालले असून, खरीपाचे क्षेत्र मात्र वाढत चालले आहे. उस उत्पादक शेतकऱ्यांसाठी ही धोक्याचीच घंटा समजली जात आहे. ऊस वगळून खरीपाचे सरासरी क्षेत्र ७९ हजार १७ हेक्टर इतके आहे. तर, २ लाख ५५ हजार ८७० हेक्टर क्षेत्रावर पेरण्या झाल्या असून, त्याची टक्केवारी ३२४ इतकी आहे. नवीन उसाच्या लागवडीसाठी १ लाख ६१ हजार ७७६ क्षेत्र निर्धारीत केले असून, ६५७ हेक्टर क्षेत्रावर उसाची लागवड झाली आहे. उसासह २ लाख ५६ हजार ५२७ हेक्टर क्षेत्रावर खरीप पेरण्या झाल्या असून, त्याचे टक्केवारीचे प्रमाण १०७ इतके आहे. एकूणच जिल्ह्यात यंदा खरीपाला चांगले दिवस आल्याचे दिसून येत आहे.
खरीप पिकानुसार पेरणी
तूर ..... ९०,८६२ हेक्टर
भात ..... १७४ हेक्टर
ज्वारी ..... ५६ हेक्टर
बाजरी ..... ३९,२१५ हेक्टर
सोयाबीन ..... ३७,२०९ हेक्टर
मका ..... २४, २४२ हेक्टर
मूग ..... १६,१७७ हेक्टर
उडीद ..... ३४,१४५ हेक्टर
भुईमूग ..... ४,०४६ हेक्टर
तीळ ..... ९१ हेक्टर
सूर्यफूल ..... ७,१०७ हेक्टर
कारळ ..... १३९ हेक्टर
कापूस ..... ४७४ हेक्टर

मोबाइल अॅप डाउनलोड करा आणि राहा अपडेट

महाबळेश्वरमधील अनेक पॉइंट्स तूर्त बंद

August 4, 2016, 2:12 am

≫ Next: विजेच्या धक्क्याने कराडजवळ बिबट्या मृत्युमुखी

≪ Previous: सोलापूर जिल्ह्यात खरीप पेरणीचा उच्चांक

$

0

0

मटा ऑनलाइन वृत्त । महाबळेश्वर

मुसळधार पाऊस तसेच दाट धुके पसरल्यामुळे सुरक्षिततेसाठी महाबळेश्वरमधील काही पिकनिक स्पॉट बंद ठेवण्याचा निर्णय घेण्यात आल्याची माहिती तहसीलदार रमेश शेंडगे यांनी दिली. पुढील आदेशापर्यंत या पॉइंट्सवर पर्यटकांना मनाई असेल, असे शेंडगे यांनी स्पष्ट केले.



महाबळेश्वरमधील आर्थर पॉइंट, एल्फिन्स्टन पॉइंट, सावित्री पॉइंट, लिंगमळा धबधबा, लॉडविक पॉइंट आणि केट्स हे पॉइंट बंद ठेवण्यात येणार आहेत. पर्यटकांनी याची दखल घ्यावी व या पॉइंटवर जाऊ नये, असे आवाहन शेंडगे यांनी केले.

महाबळेश्वर चिंब

महाबळेश्वरला गेल्या तीन दिवसांपासून पाऊस झोडपून काढत आहे. मंगळवारी सकाळी आठपासून बुधवारी सकाळी आठ वाजेपर्यंत संपलेल्या चोवीस तासांत येथे तब्बल ४१० मिमी म्हणजेच १८ इंच इतक्या विक्रमी पावसाची नोंद झाली होती. त्यानंतरही अद्याप पावसाने विश्रांती घेतलेली नाही. त्यामुळे केळघर घाट पूल, वेण्णा लेक पूल येथे रस्त्यांवर पाणी आले आहे. त्यामुळे काही काळासाठी रस्तेही बंद ठेवावे लागले होते. दरडी कोसळणे, रस्त्यांवर झाडे पडण्याचे प्रकारही घडल्याने प्रशासन सतर्क झालं आहे.

मोबाइल अॅप डाउनलोड करा आणि राहा अपडेट

विजेच्या धक्क्याने कराडजवळ बिबट्या मृत्युमुखी

August 4, 2016, 10:33 am

≫ Next: बसमधील प्रवास ‘निनावी’

≪ Previous: महाबळेश्वरमधील अनेक पॉइंट्स तूर्त बंद

$

0

0

कराड : कराडपासून जवळच असलेल्या वनवासमाची (ता. कराड) येथे झाडावरून पाय घसरून बिबट्या थेट ११ हजार किलोवॉटच्या वीजवाहिनीवर पडल्याने त्याचा मृत्यू झाला. ही घटना गुरुवारी पहाटे उघडकीस आली. मृत बिबट्या हा मादी जातीचा असून, तो अंदाजे पाच वर्षांचा असावा.
कराड येथील वन विभागाच्या कार्यालयाच्या आवारात या बिबट्याचे दहन करण्यात आले. या घटनेने वनवासमाची, तळबीड, वसंतगड परिसरात बिबट्याचे कुटुंब वास्तव्यास असल्याचे पुन्हा एकदा स्पष्ट झाले. परिसरात तीन महिन्यांत दुसऱ्यांदा बिबट्या मृतावस्थेत सापडल्याची घटना घडली असल्याने वन्य जीव विभागाने ही बाब गांभीर्याने घेऊन तत्काळ उपाययोजना करण्याची मागणी होत आहे.
वनवासमाची येथे रस्त्यालगत गरूडांचा मळा येथे तांबळ नावाचे शिवार आहे. तेथे उसाच्या शेतावरून तळबीड फीडरवरून तासवडे एमआयडीसी ते वनवासमाची अशी वीजवाहिनी गेली आहे. या तारेवर बिबट्या मृतावस्थेत लोंबकळत असल्याचे रमेश गरुड यांना आढळले.

मोबाइल अॅप डाउनलोड करा आणि राहा अपडेट