‘टायगर डायनेस्टी’मधून उलगडणार वाघांचे विश्व

July 25, 2016, 2:30 pm

≫ Next: भात, नाचणीच्या २५ टक्के पेरण्या अपूर्ण

≪ Previous: शिवचरित्रात विकासाची प्रेरणा

$

0

0

म. टा. प्रतिनिधी, कोल्हापूर

'महाराष्ट्र टाइम्स'च्या कल्चर क्लब आणि गो वाईल्ड या संस्थेच्या संयुक्त विद्यमाने जागतिक वाघ दिनानिमित्त शुक्रवारी (ता. २९ जुलै) 'टायगर डायनेस्टी' हा चित्रपट दाखवण्यात येणार आहे. महावीर गार्डनजवळील जयलक्ष्मी सांस्कृतिक हॉलमध्ये सायंकाळी सहा वाजता कार्यक्रम होईल.

गो वाईल्ड संस्थेतर्फे जंगल पर्यटनासाठी सहलीचे आणि वन्यजीव, वनस्पतींचे ज्ञान देण्यासाठी सातत्याने लहान मुलांसाठी जंगलात विविध शिबिराचे आयोजन केले जाते. वाईल्ड फोटोग्राफी कार्यशाळाही आयोजित केली जाते. लहानांपासून मोठ्यांपर्यंत सर्वांनाच वाघांचे आकर्षण आणि उत्सुकता असते. जंगलात जाऊन वाघ पाहण्याची संधी मिळत नाही.

जंगलात वाघांचे दर्शन ‌दुर्मिळ झाले आहे. त्यामुळे वाघांच्या माहितीवर आधारित 'टायगर डायनेस्टी' हा चित्रपट

पाहण्याची संधी उपलब्ध करून देण्यात येणार आहे. कार्यक्रमात ग्रीन ऑस्कर पुरस्कारप्राप्त प्रमोद पाटील मार्गदर्शन करतील.

गो वाइल्ड संस्था आणि 'मटा' कल्चर क्लबतर्फे या कार्यक्रमाचे आयोजन केले आहे. कार्यक्रमासाठी आसन व्यवस्था मर्यादीत आहे. त्यामुळे कार्यक्रमाला उपस्थित राहू इच्छिणाऱ्यांनी संस्थेचे कार्याध्य‌क्ष मंगेश देसाई यांच्या ९९६०८८४३३७ या मोबाइल क्रमांकावर वॉट्सअॅपवर किंवा मेसेज करून नोंदणी करावी, असे आवाहन करण्यात आले आहे.

मोबाइल अॅप डाउनलोड करा आणि राहा अपडेट

---

भात, नाचणीच्या २५ टक्के पेरण्या अपूर्ण

July 25, 2016, 2:30 pm

≫ Next: वृक्ष संवर्धनासाठी ‘माय ट्री’ अॅप

≪ Previous: ‘टायगर डायनेस्टी’मधून उलगडणार वाघांचे विश्व

$

0

0

म. टा. प्रतिनिधी, कोल्हापूर

जुन महिन्याच्या सुरुवातीनंतर पावसाने उघडीप दिल्याने खरीपाच्या पेरण्या रखडल्या होत्या. त्यामुळे काही ठिकाणी दुबार पेरणीचीही शक्यता निर्माण झाली होती. मात्र, गेल्या आठवड्यात झालेल्या दमदार पावसानंतर भात व नाचणीच्या रोपलागणीला सुरुवात झाली असली, तरी अद्याप २५ टक्के क्षेत्रावर पेरणी अपूर्ण राहिली आहे. भाताच्या एकूण एक लाख ८,६४१ हेक्टर क्षेत्रापैकी ७८ हजार ९४५ हेक्टर क्षेत्रावर पेरणी झाली आहे. तर नाचणीच्या (नागली) २१ हजार ४२४ हेक्टर क्षेत्रापैकी नऊ हजार ९३६ हेक्टर क्षेत्रावर पेरणी पूर्ण झाली आहे.

हवामान खात्याकडून यावर्षी पाऊस चांगला पडणार असल्याचे अंदाज व्यक्त केल्यानंतर पावसाने दमदार हजेरी लावली होती. त्यामुळे पेरणीच्या कामांना वेग आली होता. जूनच्या दुसऱ्या आठवड्यापर्यंत ३० टक्के पेरण्या पूर्ण झाल्या होत्या. मात्र त्यानंतर पावसाने ओढ दिल्यानंतर सर्वच पिकांच्या पेरण्या ठप्प झाल्य होत्या. काही ठिकाणी दुबार पेरीणीची शक्यता निर्माण झाली होती. जुलै पहिल्या आठवड्यात पावसाला दमदार सुरुवात झाल्याने भात व नाचणीच्या रोपलागणीने वेग पकडला होता. त्यामुळे भाताची एकूण ७५ तर नाचणीची ४६ टक्के पेरणी पूर्ण झाली आहे.

सुरुवातीच्या पावसानंतर नदी व सिंचन सुविधा असलेल्या ठिकाणी झालेल्या पेरणी क्षेत्राला मात्र जोरदार वृष्टीचा फटका बसला आहे. सलग चार दिवस झालेल्या मसुळधार पावसामुळे अनेक पिके पाण्याखाली गेली होती. आठवडाभर पिके पाण्याखाली राहिल्याने ऊस, भात, सोयाबिन, भुईमूग पिकांचे मोठ्याप्रमाणात नुकसान झाले आहे. अनेक ठिकाणी शेतीचे प्रचंड नुकसान झाले. नुकसान झालेल्या क्षेत्राचे त्वरीत पंचनामे होण्याची आवश्यकता असताना कृषी विभागाकडून अद्याप पंचनाम्यांना सुरुवात झालेली नाही. या विभागाकडे किती क्षेत्रावरील पिके पुराने बाधीत झालेली आहेत, याची आकडेवारी उपलब्ध नाही.

मोबाइल अॅप डाउनलोड करा आणि राहा अपडेट

वृक्ष संवर्धनासाठी ‘माय ट्री’ अॅप

July 25, 2016, 2:30 pm

≫ Next: कोल्हापूर हद्दवाढीची कोणत्याही क्षणी अधिसूचना

≪ Previous: भात, नाचणीच्या २५ टक्के पेरण्या अपूर्ण

$

0

0

म. टा. प्रतिनिधी, कोल्हापूर

सरकारच्यावतीने आयोजीत केलेल्या वृक्ष लागवड सप्ताहांतर्गत झालेल्या वृक्षारोपणाच्या नोंदी अद्ययावत करण्याच्यादृष्टीने सामाजिक बांधिलकी म्हणून ए. एम. पी. सॉफ्ट आयटी सोल्यूशनच्या 'माय ट्री' या वेबसाइट आणि मोबाइल अॅपचे नुकतेच उदघाटन झाले. कणेरी मठाचे अदृश्यकाडसिद्धेश्वर स्वामी यांच्या हस्ते उदघाटन झालेले हे अॅप पूर्णपणे मोफत आहे.

सरकारने केलेल्या आवाहनानुसार सामाजिक संघटना, संस्था व व्यक्तींनी वृक्षलागवडीचे काम केले आहे. मात्र त्याकडे दुर्लक्ष केले जाते. या उपक्रमात जास्तीत जास्त लोकांचा उत्साह वाढून सहभाग वाढावा यासाठी ए. एम. पी. सॉफ्ट आय. टी. सोल्यूशन या कंपनीने माय ट्री हे अॅप विकसीत केले आहे. कंपनीचे सीएमडी आदिनाथ पाटील यांनी या अॅपद्वारे लागवड केलेल्या वृक्षांचे अक्षांश रेखांशाद्वारे नोंदी होणार आहेत. वृक्षांची वर्गवारी व वृक्ष लागवड करणाऱ्या व्यक्तींचे सेल्फी विथ ट्रीही अपलोड करण्याची सोय आहे. या अॅपमधून ज्या व्यक्तींनी वृक्षारोपण केलेल्या वृक्षांची माहिती पहायला मिळणार आहेत. या अॅपचा जास्तीत जास्त वापर करावा, असे आवाहन सीएमडी ए. एम. पाटील व सीईओ रवी दळवी यांनी केले आहे. हे अॅप गुगल प्ले स्टोअर येथे My Tree (AMPapp.in) वर तसेच www.mytree.ampapp.in वर उपलब्ध आहे. ते जास्तीत जास्त लोकांनी डाउनलोड करुन घ्यावे, असे आवाहन केले आहे.

मोबाइल अॅप डाउनलोड करा आणि राहा अपडेट

कोल्हापूर हद्दवाढीची कोणत्याही क्षणी अधिसूचना

July 25, 2016, 2:30 pm

≫ Next: काँग्रेस-राष्ट्रवादीकडून ‘नगरसचिव’ हायजॅक?

≪ Previous: वृक्ष संवर्धनासाठी ‘माय ट्री’ अॅप

$

0

0

म. टा. प्रतिनिधी, कोल्हापूर

कोल्हापूर शहराच्या हद्दवाढीची घोषणा दोन दिवसांत करण्यात येणार असल्याचे खात्रीलायक वृत्त आहे. याबाबत अधिसूचना जाहीर करून सरकारच्यावतीने कोल्हापूरचे जिल्हाधिकारी अमित सैनी यांची प्राधिकृत अधिकारी म्हणून नियुक्ती करण्यात येणार आहे. अधिसूचना जाहीर झाल्यानंतर हरकती मागविण्यासाठी एक महिन्याची मुदत देण्यात येईल. या हरकतींचा अभ्यास करून जिल्हाधिकारी सरकारला अहवाल देतील. त्यानंतर किती गावांचा हद्दवाढीत अंतिम समावेश होईल हे निश्चित होईल.

कोल्हापूरच्या हद्दवाढीचा प्रश्न गेल्या अनेक वर्षांपासून रखडला आहे. मात्र गेल्या काही महिन्यांपासून त्याला गती आली आहे. मुख्यमंत्री देवेंद्र फडणवीस व महसूलमंत्री चंद्रकांत पाटील यांची भूमिका सकारात्मक असल्याने हद्दवाढ आता टप्यात आली आहे. महापालिकेने १८ गावाबरोबरच दोन औदयोगिक वसाहतींचा समावेश करून हद्दवाढ करावी असा प्रस्ताव दिला. त्यानंतर जिल्हाधिकाऱ्यांचा अहवाल सरकारने मागितला होता. त्यांनीही सकारात्मक अहवाल दिला.

मुख्यमंत्र्यांच्या कोल्हापूर दौऱ्यात त्यांनी हद्दवाढीला हिरवा कंदिल दाखविल्यानंतर गती वाढली. राज्य सरकारने दोन सदस्यांची नियुक्ती केली. त्यामध्ये यात नगरविकास विभागाचे स​मिती सदस्य ज. ना. पाटील व अ.रा. परशुरामे यांचा समावेश होता. या समितीने १७ व १८ जूनला कोल्हापूर दौरा केला. एक महिन्याच्या अभ्यासानंतर समितीनेही हद्दवाढीच्या बाजूने अहवाल दिला. त्यामुळे सरकारने हद्दवाढ करण्याचा निर्णय घेतला. आता फक्त त्याच्या घोषणेची औपचारिकता आता शिल्लक आहे.

मंगळवारी हद्दवाढीची अ​धिसूचना जाहीर केली जाईल. यात १८ गावांसह हद्दवाढ करण्याचा प्रस्ताव आहे. मात्र यात औद्योगिक वसाहतींचा समावेश असण्याची शक्यता फारच कमी आहे. अधिसूचना जाहीर करताना जिल्हाधिकारी सैनी यांची प्राधिकृत अधिकारी म्हणून नियुक्ती करण्यात येणार आहे. हरकती नोंदविण्यासाठी एक महिन्याचा कालावधी देण्यात येणार आहे. हरकतींचा अभ्यास करून अहवाल सरकारने

नियुक्त केलेल्या समितीकडे जाईल. समिती पुन्हा त्याचा अभ्यास करून त्यांचा अभिप्राय सरकारला सादर करेल. त्यांनतर सरकारकडून हद्दवाढीची रितसर घोषणा होईल. या पार्श्वभूमीवर आता कोल्हापूरची हद्दवाढ निश्चीत असून शहराचे लक्ष आता अधिसूचनेकडे लागले आहेत. टोलमुक्तीची घोषणा केल्यानंतर भाजप हा अतिशय महत्वाचा निर्णय घेतला जाईल.

मोबाइल अॅप डाउनलोड करा आणि राहा अपडेट

काँग्रेस-राष्ट्रवादीकडून ‘नगरसचिव’ हायजॅक?

July 25, 2016, 2:30 pm

≫ Next: सोलापुरात दोन गटांततुफान दगडफेक

≪ Previous: कोल्हापूर हद्दवाढीची कोणत्याही क्षणी अधिसूचना

$

0

0

म. टा. प्रतिनिधी, कोल्हापूर

माजी महापौर सुनील कदम यांच्या स्वीकृत नगरसेवकपदाचे नियुक्तीपत्र देण्यावरून महापालिकेत सोमवारी सत्तारुढ काँग्रेस-राष्ट्रवादी आणि विरोधी भाजप, ताराराणी आघाडीत शह-काटशहाचा खेळ रंगला.

कदम यांच्या निवडीला स्थगिती मिळवण्याचे डावपेच काँग्रेस, राष्ट्रवादीने आखले. त्याची माहिती मिळताच भाजप, ताराराणी आघाडीने महापालिकेत ठिय्या मांडला. कदम यांना नियुक्तीपत्र देण्यास विलंब व्हावा यासाठी काँग्रेस आघाडीने नगरसचिव दिवाकर कारंंडे यांचे अपहरण केल्याचा आरोप भाजप, ताराराणी आघाडीने केला. हा आरोप स्थायी सभापती मुरलीधर जाधव यांनी फेटाळला.

कारंडे यांनीही अपहरणाच्या प्रकाराचा इन्कार केला. दरम्यान, आयुक्त पी. शिवशंकर यांनी सायंकाळी साडेचार वाजता नगरसेवक सत्यजित कदम यांच्याकडे हे पत्र सुपुर्द केल्यानंतर या प्रकरणावर पडदा पडला.

माजी महापौर कदम यांची राज्य सरकारने केलेल्या स्वीकृत सदस्यपदाच्या निवडीचे पत्र सोमवारी सकाळी अकरा वाजता महापालिकेत आले. दरम्यान, कदम यांच्या निवडीला जिल्हा कोर्टातून स्थगिती मिळेपर्यंत नियुक्तीपत्र मिळू नये यासाठी स्थायी सभापती मुरलीधर जाधव यांच्यासह काहींनी घरफाळा लागू करण्याचे निमित्त काढून नगरसचिव कारंडे यांना मोटारीतून नेले. त्यामुळे अस्वस्थ भाजप, आघाडीचे गटनेते सत्यजित कदम आदींनी आयुक्त पी. शिवशंकर यांची भेट घेतली. आयुक्तांनी संपर्क साधला तेव्हाही कारंडे यांचा मोबाइल बंंद होता. दुपारी एक वाजता कारंडे स्थायी समितीच्या सभेसाठी महापालिकेत आले. कोर्टाने कदम यांच्या विरोधातील दावा फेटाळला. त्यानंतर हे नाट्य संपुष्टात आले.

मोबाइल अॅप डाउनलोड करा आणि राहा अपडेट

सोलापुरात दोन गटांततुफान दगडफेक

July 26, 2016, 10:33 am

≫ Next: महामार्गाच्या सुरक्षिततेसाठीमहामार्ग बीट तयार करणारविशेष पोलिस महानिरीक्षक विश्वास नांगरे-पाटील यांची माहिती

≪ Previous: काँग्रेस-राष्ट्रवादीकडून ‘नगरसचिव’ हायजॅक?

$

0

0

म. टा. वृत्तसेवा, सोलापूर

सोलापुरात आषाढनिमित्त मरीआईसमोर कोंबड कापण्याच्या किरकोळ कारणावरून मंगळवारी दुपारी दोन गटांच तुफान दगडफेक झाली. या घटनेत सहा महिलांसह तेरा जण जखमी झाले. जमावाच्या दगडफेकीत सीटीबस आणि पोलिस वाहनाचेही मोठे नुकसान झाले.

बुधवारपेठ तरटी नाका पोलिस चौकीच्या पाठीमागे मरीआईचे मंदिर आहे. त्याच्या अगदी समोर बुद्धविहार आहे. आषाढानिमित्त मंदिरासमोर दर वर्षी मिरवणुकीने लोक येतात आणि पशूबळी देतात. परंतु मंगळवारी दुपारी काही लोक मिरवणुकीने मंदिरासमोर आले आणि त्यांनी कोंबड आणि बकऱ्याचा बळी देण्याचा प्रयत्न केला. तेव्हा तेथील लोकांनी पशूबंदी असताना तुम्ही त्यांचा बळी कशासाठी देता, असे म्हणत बुद्धविहार असल्यामुळे येथे पशूबळी देऊ नये, अशी सूचना केली. यावरुन वादाला तोंड फुटले आणि त्याचे पर्यावसन दगडफेकीत झाले. दलित वस्ती आणि वडार गल्लीमध्ये तुफान दगडफेकीला सुरुवात झाली. त्यामुळे परिसरातील व्यापाऱ्यांनी आपली दुकाने तत्काळ बंद केली. पोलिस येईपर्यंत दोन्ही गटांकडून दगडफेक सुरूच होती काही वेळाने पोलिस फौजफाट्यासह दाखल झाले. त्यांनी लाठीचार्ज करून जमावाला पांगविले. दगडफेकीत परिवहनची एक बस तसेच पोलिसांच्या जीपच्या काचा फुटून नुकसान झाले. दंगा नियंत्रण पथक आणि शिघ्र कृती दलाने कोंबिंग करून दगडफेक करणाऱ्यांना ताब्यात घेतले. काहीजण पोलिसांच्या तावडीतून निसटले त्यांचा कसून तपास सुरू आहे.

जखमींमध्ये पार्वती महादेव अलकुंठे (५०), जयश्री दीपक भांडेकर (५०), सुगण सुभाष भांडेकर (४५), रुक्मिणी शंकर इटकर (३५), सोनाबाई अशोक कलकेरी (४०), राणी प्रभाकर अलकुंठे (३५), सुधीर नागनाथ कन्नुरे (२८), अक्षय नवनाथ अलकुंठे (२६), चेतन सुरेश धोत्रे (२२), गणेश प्रभाकर कंदलगावकर (२७), दीपक नवनाथ अलकुंटे (२२), सुमित लक्ष्मण भांडेकर (२४) आणि देवीदास हरवळे (४६) सर्व राहणार बुधवारपेठ सोलापूर यांचा समावेश आहे. त्यांच्यावर सरकारी हॉस्पिटलमध्ये उपचार सुरू आहेत.

घटनेची पुर्नरावृत्ती

मागील वर्षीही याच ठिकाणी याच कारणावरुन वादावादी झाली होती. त्या पार्श्वभूमीवर यंदा पोलिस बंदोबस्त ठेवण्यात यावा, असा अर्ज देण्यात आला होता. परंतु, पोलिसांनी त्याकडे दुर्लक्ष केले. घटनेचे गांभीर्य ओळखून बंदोबस्त न दिल्यामुळे दगडफेकीचा प्रकार घडला.

मोबाइल अॅप डाउनलोड करा आणि राहा अपडेट

महामार्गाच्या सुरक्षिततेसाठीमहामार्ग बीट तयार करणारविशेष पोलिस महानिरीक्षक विश्वास नांगरे-पाटील यांची माहिती

July 26, 2016, 10:36 am

≫ Next: जीवन प्राधिकरणाच्या अभियंत्याची खुर्ची जप्तहायकोर्टाच्या आदेशाने कारवाई; ठेकेदार कंपनीला बील अदा न केल्याने कारवाई

≪ Previous: सोलापुरात दोन गटांततुफान दगडफेक

$

0

0

म. टा. वृत्तसेवा, सातारा

कायदा आणि सुव्यवस्था राहण्यासाठी महामार्ग सुरक्षित असणे गरजेचे आहे. त्यासाठी महामार्ग बीट तयार करण्यात येणार आहे. प्रत्येक दहा मिनिटाला एक पोलिसांची गाडी दिसली पाहिजे यासाठी लोणावळ्यापासून कोल्हापूरपर्यंत टीम तयार करण्यात येणार आहे. तसेच महिलांच्या सुरक्षिततेसाठी स्पेशल टीम तयार करणे, महिला पोलिस कर्मचाऱ्यांना तपास देणे, पोलिस कर्मचाऱ्यांच्या मुलांसाठी शाळांसाठी प्रयत्न करणार असल्याचे विशेष पोलिस महानिरीक्षक विश्वास नांगरे-पाटील यांनी सांगितले. यावेळी पोलीस अधीक्षक संदीप पाटील उपस्थित होते.

जादा वाहने पेट्रोलिंगसाठी वापरणार

नांगरे-पाटील म्हणाले, पोलिस कर्मचाऱ्यांशी संवाद साधल्यानंतर औरंगाबादच्या धर्तीवर पोलिस शाळा उभी करण्याची मागणी समोर आली आहे. त्यादृष्टीने काय प्रयत्न करता येईल हे बघणार आहे. त्याचप्रमाणे पोलिस कर्मचाऱ्यांच्या मुलांसाठी प्लेसमेंट सेंटर मुंबईच्या धर्तीवर सुरु करण्यासाठी प्रयत्नशील असणार आहे. कायदा आणि सुव्यवस्था राहण्यासाठी महामार्ग आणि जिल्ह्यातील प्रमुख रस्ते सुरक्षित असणे गरजेचे आहे. हे दोन्ही सुरक्षित असतील गुन्ह्यांवर नियंत्रण येते त्यामुळे लोणावळ्यापासून कोल्हापूरपर्यंत प्रत्येक पोलिस ठाण्यातंर्गत जादा असणारी वाहने पेट्रोलिंगसाठी वापरण्यात येणार आहेत. प्रत्येक दहा मिनिटाला पोलिसांची गाडी दिसेल, अशा पद्धतीने रचना करण्यावर भर देण्यात येणार आहे. त्यासाठी महामार्ग बीट तयार करण्यात येणार आहे.

महिला सुरक्षेसाठी विशेष टीम

महिला, युवतींवरील अत्याचारात वाढ होत आहे. महाविद्यालयाच्या परिसरात महिला अत्याचाराचे प्रमाण वाढत आहे. त्यासाठी पाच अधिकारी कार्यशाळेसाठी गेले आहेत. ते आल्यानंतर एक टीम तयार करण्यात येणार असून, त्या शंभर महिलांना प्रशिक्षण देणार आहेत. प्रशिक्षण झाल्यानंतर त्यांना लगेचच प्रत्यक्ष कामास सुरुवात करणार आहोत.

नागरे-पाटील उवाच

बेकायदा फ्लेक्स प्रकरणी गुन्हे दाखल करणार

तडीपारी रद्द होऊ नये, याची काळजी घेणार

महाविद्यालयात प्रशिक्षण, जनजागृती करणार

पर्यटनस्थळावरील गुंडांचा बंदोबस्त करणार

आयएस, नक्षलवादाविरुद्ध विविध पातळीवर प्रयत्न

ग्रामसभेत गावातील अवैध धंदे बंद करण्याचा ठराव

मोबाइल अॅप डाउनलोड करा आणि राहा अपडेट

जीवन प्राधिकरणाच्या अभियंत्याची खुर्ची जप्तहायकोर्टाच्या आदेशाने कारवाई; ठेकेदार कंपनीला बील अदा न केल्याने कारवाई

July 26, 2016, 10:32 am

≫ Next: करणीच्या संशयावरूनमुलाकडून आाईचा खून

≪ Previous: महामार्गाच्या सुरक्षिततेसाठीमहामार्ग बीट तयार करणारविशेष पोलिस महानिरीक्षक विश्वास नांगरे-पाटील यांची माहिती

$

0

0

म. टा. वृत्तसेवा, सांगली

प्रादेशिक नळपाणी पुरवठा योजनेचे काम पूर्ण करून देणाऱ्या ठेकेदार कंपनीचे बील अदा करण्यास विलंब होत असल्याने कोर्टाच्या आदेशांने मंगळवारी सांगलीतील महाराष्ट्र जीवन प्राधिकरणाच्या कार्यकारी अभियंत्याची खुर्ची जप्त करण्यात आली. कोर्टाच्या बेलीफने खुर्ची जप्त करून तक्रारदार कंपनीच्या संचालकांच्या स्वाधीन केली असून, कार्यालयाचा प्लॉटही जप्त करण्याची कार्यवाही सुरू होणार असल्याचे तक्रारदार कंपनीकडून सांगण्यात आले.

सांगलीच्या सी आर कंट्रक्शन कंपनीने १९९९मध्ये कवठेमहांकाळ तालुक्यातील नांगोळे गावातील प्रादेशिक नळपाणी पुरवठा योजनेचे काम केले होते. जीवन प्राधिकरणाकडे निधीची टंचाई असतानाही ठेकेदाराने २००३मध्ये योजना पूर्ण करून दिली. तत्कालीन मंत्री अजितराव घोरपडे यांच्या हस्ते योजनेचे उद्घाटनही झाले. परंतु त्या कामाचे बील देण्यासाठी २०१०चे साल उजाडले. इतका विलंब लावल्यानंतरही चुकीच्या पद्धतीने मंजुरी देऊन बील देण्यात आले. काम संपविल्यानंतरही विनाकारण मध्यंतरीच्या काळात कंपनीला बँक गॅरंटीच्या रकमेत वाढ करण्यास भाग पाडले. या बाबत कंपनीने सांगलीच्या दिवाणी कोर्टात जीवन प्राधिकरणाच्या विरोधात ४ फेब्रुवारी २०१२ रोजी दावा दाखल केला. या दाव्याचा निकाल देताना वरिष्ठ स्तर दिवाणी न्यायाधीशांनी तक्रारदार कंपनीस १ कोटी २ लाख १ हजार ६७१ रुपये देण्याचे आदेश ६ जून २०१५ रोजी दिला. त्याचबरोबर रक्कम वसूल होईपर्यंत दावा दाखल केल्यापासून शेकडा १८ टक्के दराने व्याजही देण्याचे आदेश दिले होते. कोर्टाचा स्पष्ट आदेश झाल्यानंतरही जीवन प्राधिकरणाची यंत्रणा हलली नाही. हायकोर्टात अपील करून कोर्टाच्या आदेशाला स्थगिती घेतली. ज्या अधिकाऱ्यांकडून ठेकेदार कंपनीस बील देण्यास विलंब झाला आहे. त्याची चौकशी होणे अपेक्षित होते. पण, यापैकी कोणतीच कार्यवाही झाली नाही. त्यामुळे कोर्टाने अगोदरच्याच निकालपत्रात नमूद केल्याप्रमाणे जलभवन, या नावाने परिचित असलेला जीवन प्राधिकरणाच्या कार्यालयाचा प्लॉट आणि तेथील जबाबदार अधिकाऱ्यांच्या दोन एक खुर्ची जप्त करण्याची कार्यवाही मंगळवारी करण्यात आली.

खुर्ची जप्तीची कारवाई झाली

ठेकेदार कंपनी बीलाबाबत कोर्टात गेलेली होती. कोर्टाने त्यांचे बील देण्याबाबतचा निकाल दिलेला आहे. या संदर्भात जीवन प्राधिकरणाने होयकोर्टाच अपील दाखल केले आहे. परंतु, जिल्हा कोर्टाच्या आदेशाला स्थगिती नसल्याने मंगळवारी कार्यकारी अभियंत्याची खुर्ची जप्तीची कारवाई कोर्टाने केली आहे, अशी माहिती कार्यकारी अभियंता एस. जी. सादीगले यांनी दिली आहे.

मोबाइल अॅप डाउनलोड करा आणि राहा अपडेट

---

करणीच्या संशयावरूनमुलाकडून आाईचा खून

July 26, 2016, 2:30 pm

≫ Next: मानसिक तणावातून चंदगडमध्येएकाची गोळी झाडून आत्महत्या

≪ Previous: जीवन प्राधिकरणाच्या अभियंत्याची खुर्ची जप्तहायकोर्टाच्या आदेशाने कारवाई; ठेकेदार कंपनीला बील अदा न केल्याने कारवाई

$

0

0

म.टा.वृत्तसेवा,राधानगरी

आईने भानामती व करणी केल्यामुळेच आपल्यास मुले होत नाहीत या संशयाने बेभान होवून स्वतःच्या आईचा गळा दाबून खून केल्याची घटना राधानगरी तालुक्यातील करंजफेण येथे घडली. विठ्ठल कृष्णा वागरे (वय ४३) असे या माथेफिरू मुलाचे नाव आहे. या प्रकारामुळे परिसरात खळबळ उडाली आहे.

याबाबत अधिक माहिती अशी, दोन हजार लोकवस्तीच्या करंजफेण गावातील विठ्ठल वागरे याने संततीप्राप्तीसाठी अनेक तांत्रिक मांत्रिकांच्या गाठीभेटी घेतल्या होत्या. आपणास संतती होत नाही या एकाच गोष्टीने विठ्ठल हैराण झाला होता. त्यातच त्याला दारूचे व्यसन जडले होते. गेले वर्षभर तो दारू पिऊन घरामधे आई-वडिल व पत्नीला शिविगाळ करत असे. आई शालूबाई व त्याचे भांडण झाल्यावर, तुला बघून घेतो असे आईने म्हटल्याने विठठ्लच्या मनातील संशय निर्माण झाला. आपली आईच आपल्यावर भानामती, करणी करत आहे, या विचाराने त्याच्या मनात घर केले. यावरून घरात वारंवार भांडणेही व्हायची. करणी आणि भानामतीच्या संशयाने बेभान झालेल्या विठ्ठलने सोमवारी सकाळी आपल्या आईचा गळा दाबून खून केला. आईचे प्रेत घोंगड्यात गुंडाळून ठेवून तो दारू पिण्यासाठी बाहेर गेला. सायंकाळी परत आल्यानंतर विठ्ठल वागरेस लोकांनी पकडले आणि राधानगरी पोलिसांच्या ताब्यात दिले. या घटनेचा तपास पोलिस निरीक्षक एस. एस. सुर्वे यांच्या मार्गदर्शनाखाली सुरु आहे. करंजफेण येथील वागरे कुटुंब मोलमजुरी करुन चरितार्थ चालवते.

मोबाइल अॅप डाउनलोड करा आणि राहा अपडेट

मानसिक तणावातून चंदगडमध्येएकाची गोळी झाडून आत्महत्या

July 26, 2016, 2:30 pm

≫ Next: दोन्ही एमआयडीसी हद्दवाढीत घ्या

≪ Previous: करणीच्या संशयावरूनमुलाकडून आाईचा खून

$

0

0

म. टा. वृत्तसेवा, चंदगड

येथील ब्राम्हण गल्लीतील आनंद उर्फ नंदकुमार गणपतराव सबनीस (वय-५३, ता. चंदगड) यांनी मंगळवारी राहत्या घरी बंदुकीची गोळी झाडून आत्महत्या केली. मंगळवारी सकाळी साडेनऊच्या दरम्यान ही घटना घडली. मयताचे भाऊ सतीश सबनीस यांनी याबाबतची वर्दी चंदगड पोलिसात दिली.

याबाबत अधिक माहीती अशी, नंदकुमार हे गेल्या काही दिवसांपासून काहीसे आजारी होते. सोमवारी सकाळी ते चंदगड-हेरे रोडवरुन फिरून पुन्हा घरी आले होते. ते आजारी असल्यामुळे त्यांना घरात स्वतंत्र खोली दिली होती. त्यांना शिकारीचा छंद होता. त्यामुळे त्यांच्याकडे परवान्याची बंदूक होती. मंगळवारी सकाळी साडेनऊच्या दरम्यान बंदुकीचा आवाज आल्याने घरातील मंडळींनी नंदकुमार यांच्या खोलीकडे धाव घेतली. मात्र आतून दरवाजा बंद होता. शेजारील लोकांच्या मदतीने दरवाजा काढून खोलीत प्रवेश केल्यानंतर ते रक्त्याच्या थारोळ्यात पडल्याचे दिसले. त्यांच्याजवळ जाऊन पाहिले असता ते मयत झाले होते. त्यांनी बंदुकीच्या गोळी स्वतःवर झाडून आत्महत्या केली. आत्महत्येची बातमी समजताच गल्लीकडे मोठ्या संख्येने लोक जमा झाले. मयत नंदकुमार यांची घरची परिस्थिती चांगली होती. चंदगड येथील ग्रामीण रुग्णांलयात शवविच्छेदन करुन मृतदेह नातेवाईकांच्या ताब्यात देण्यात आला. घटनेची नोंद चंदगड पोलिसांत झाली असून पोलिस निरिक्षक महावीर सकळे तपास करीत आहेत.

मोबाइल अॅप डाउनलोड करा आणि राहा अपडेट

दोन्ही एमआयडीसी हद्दवाढीत घ्या

July 26, 2016, 2:30 pm

≫ Next: हद्दवाढीच्याविरोधात उद्या १८ गावांत बंद

≪ Previous: मानसिक तणावातून चंदगडमध्येएकाची गोळी झाडून आत्महत्या

$

0

0

म. टा. प्रतिनिधी, कोल्हापूर

हद्दवाढ झाली तर केंद्र व राज्य सरकारकडून शहरासाठी भरघोस निधी तर मिळेलच. शिवाय पायाभुत सुविधांसाठीही मोठ्या प्रमाणामध्ये निधी मिळेल. त्यामुळे हद्दवाढ हा आता एकच पर्याय असल्याचे सांगत हद्दवाढ करा, अशी आग्रही मागणी भारतीय जनता पार्टीच्यावतीने करण्यात आली. त्याचवेळी गोकुळ शिरगाव व शिरोली औद्योगिक वसाहतीही हद्दवाढीत सहभागी कराव्यात असे सांगितले.

राज्यामध्ये वेळोवेळी नगरपा​लिका व महापालिकेची हद्दवाढ झाली आहे. महापालिका क्षेत्राची हद्दवाढ होणे ही कायदेशीर व सरकारी प्रक्र‌िया आहे. या राज्यात गेल्या ४० वर्षांत जवळपास ७० टक्के महापालिकांची तीनपेक्षा जास्त वेळा हद्दवाढ झालेली आहे. मात्र त्याला कोल्हापूर महानगरपालिका अपवाद आहे. त्यामुळे भारतीय जनता पार्टीने सोमवारपासून जिल्हाधिकारी कार्यालयासमोर धरणे आंदोलन सुरू केले आहे. आंदोलनाचा मंगळवारी दुसरा दिवस होता. त्यावेळी दुपारी शहराची हद्दवाढ झालीच पाहिजे ही आग्रही मागणी जिल्हाधिकाऱ्यांना जिल्हाध्यक्ष संदीप देसाई यांच्या नेतृत्वाखालील शिष्टमंडळाने दिले.

यावेळी देसाई यांनी शहराची हद्दवाढ झाली तर केंद्र व राज्य सरकार कडून शहरासाठी भरघोस निधी मिळेल. त्याचबरोबर शहराच्या पायाभूत सुविधांसाठी मोठ्या प्रमाणामध्ये निधी मिळेल. याकरिता गोकुळ शिरगाव औद्यो​गिक वसाहत व शिरोली औद्योगिक वसाहतींचा समावेश करण्याची आवश्यकता आहे. माजी जिल्हाध्यक्ष महेश जाधव यांनी शहराची हद्दवाढ व्हावी यासाठी भाजपा सरकार प्रयत्नशील आहे. ४० वर्षे या शहराची एक इंचही वाढ झालेली नाही. ही हद्दवाढ व्हावी यासाठी भारतीय जनता पार्टी विशेष आग्रही आहे. परंतु ग्रामीण भागातील नागरिकांची दिशाभूल करून हा प्रश्न कायमच मतांच्या राजकारणासाठी टांगता ठेवलेला आहे. शहरानजीक असणाऱ्या अनेक ग्रामपंचायती महानगरपालिकेच्या सर्व सोईसुविधांचा लाभ घेतात. पण विकास होण्याची शक्यता असताना पुढाऱ्यांच्या भूलथापांना बळी पडत आहेत, असा आरोप केला.

माजी नगरसेवक आर. डी. पाटील यांनी महानगरपालिकेची सध्याची अवस्था हद्दवाढ न झाल्यामुळे बंद पडलेल्या गाडीसारखी झाली आहे. त्यामुळे हद्दवाढ झाली नाही तर महानगरपालिकेचे अस्तित्व धोक्यात येईल, असे सांगितले. जिल्हा सरचिटणीस विजय जाधव यांनी हद्दवाढीनंतर शहराला मिळणाऱ्या विविध निधीची व योजनांची माहिती दिली. सरचिटणीस अशोक देसाई यांनी कोल्हापूर शहराची हद्दवाढ न झाल्यामुळे निर्माण झालेल्या प्रश्नांची माहिती दिली. हद्दवाढ न झाल्यास शहराच्या समस्या आणखी गंभीर होतील असे सांगितले.

मोबाइल अॅप डाउनलोड करा आणि राहा अपडेट

हद्दवाढीच्याविरोधात उद्या १८ गावांत बंद

July 26, 2016, 2:30 pm

≫ Next: यंत्रमाग कामगाराची ​नैराश्यातून आत्महत्या

≪ Previous: दोन्ही एमआयडीसी हद्दवाढीत घ्या

$

0

0

म. टा. प्रतिनिधी, कोल्हापूर

कोल्हापूर शहराची हद्दवाढीची अधिसूचना निघण्याच्या पार्श्वभूमीवर कोल्हापूर महानगरपालिका हद्दवाढ विरोधी प्रस्तावित गावांतील सर्वपक्षीय कृती समितीने बुधवारी (ता. २७) बंदची घोषणा केली आहे. १८ गावांत बंद पाळण्यात येणार असून मोर्चे, निदर्शने करून पुन्हा आंदोलन तीव्र करण्याचा इशारा दिला आहे. १८ गावांतून शहरात येणारे सर्व रस्ते बंद करण्यात येतील, असा इशारा समितीचे प्रवक्ते नाथाजी पोवार यांनी दिला आहे.

जिल्हाधिकारी डॉ. अमित सैनी यांना समितीच्या शिष्टमंडळाने निवेदन दिले आहे. १८ गावे व दोन औद्योगिक वसाहतींनी यापूर्वीच हद्दवाढीच्या विरोधात लढा दिला आहे. निवेदनात समितीच्यावतीने सरकारने नेमलेल्या दोन उपसचिवांच्या समितीला हद्दवाढीला विरोध दर्शवणारा ४०० पानांचा अहवाल दिला आहे, असा उल्लेख आहे. १८ पैकी अनेक गावांनी सरकारच्या विविध योजनांसाठी जागा दिल्या आहेत. १४ व्या वित्त आयोगातून ग्रामिण भागाच्या विकासासाठी ६६ कोटी, ८३ लाख, १४ हजाराचा निधी आला असून पहिला हप्ता अंदाजे सहा लाखापासून ६६ लाख रूपयांचे हप्ते ग्रामपंचायतीच्या खात्यावर जमा झाले आहेत. १८ गावांत १८५ कोटी रूपयांचे पशुधन असून ४६ दूध संकलन केंद्रे आहेत. महिन्याला २२ कोटी, ४५ लाख रूपये दुग्ध उत्पादनातून शेतकऱ्यांच्या नावे जमा होतात. हद्दवाढीमुळे ग्रामीण जीवनावर परिणाम होणार आहे. शेती व अन्य उद्योगाला सबसिडी बंद होणार आहेत. महानगरपालिकेने तयार केलेले शहरातील सर्व रस्ते उखडले आहेत. नाल्यावरील बांधकामामुळे शहरात सखल भागात पुरात पाणी शिरले. महानगरपालिका पायाभूत सुविधा पुरवण्यासाठी सूक्ष्म नसताना हद्दवाढीतील १८ गावांना कोणत्या सुविधा पुरवणार? असा सवाल यावेळी करण्यात आला. १८ गावांचा हद्दवाढीला विरोध असणार असून त्यासाठी बुधवारी बंद पाळण्यात येणार आहे. शिष्टमंडळात जिल्हा परिषद सदस्य एस. आर. पाटील, बाजीराव पाटील, प्रकाश पाटील, रावसाहेब दिगंबरे, भगवान पळसे, स्मिता आंबवडे, जयसिंग काशिद, सचिन पाटील, दीपक आडसूळ, राकेश सचदेव, प्रताप चंदवाणी यांच्यासह कार्यकर्त्यांचा समावेश होता.

मोबाइल अॅप डाउनलोड करा आणि राहा अपडेट

यंत्रमाग कामगाराची ​नैराश्यातून आत्महत्या

July 26, 2016, 2:30 pm

≫ Next: डॉल्बीने दणाणल्या पेठा

≪ Previous: हद्दवाढीच्याविरोधात उद्या १८ गावांत बंद

$

0

0

म.टा.वृत्तसेवा,इचलकरंजी -

येथील संभाजी चौक परिसरातील यंत्रमाग कामगाराने राहत्या घरी साडीने गळफास घेऊन आत्महत्या केली. संतोष सुदाम कोळी (वय २८) असे त्याचे नाव असून नैराश्यातून त्याने आत्महत्या केल्याचे समजते. या घटनेची नोंद शिवाजीनगर पोलिस ठाण्यात झाली आहे.

संतोष कोळी हा यंत्रमागावर काम करीत होता. नेहमीप्रमाणे मंगळवारी सकाळी तो कामावर गेला होता. दुपारी जेवण्यासाठी तो घरी आला होता. त्यावेळी घरी कोणी नव्हते. काही कामानिमित्त त्याची आई बाहेर गेली होती. ती घरी परतली असता आतील खोलीमध्ये संतोष याने गळफास घेतल्याचे निदर्शनास आले. ते पाहून संतोषच्या आईने हंबरडा फोडला. आवाज ऐकून शेजारी व नातेवाईक घटनास्थळी धावले. त्यावेळी संतोष याने साडीने गळफास लावून घेतला असल्याचे दिसून आले. या घटनेची माहिती मिळाल्यानंतर शिवाजीनगर पोलिसांनी घटनास्थळी धाव घेत पंचनामा केला. संतोष याच्या पश्चात आई, पत्नी, दोन मुले असा परिवार आहे. चोवीस तास उलटण्यापूर्वीच यंत्रमागधारकापाठोपाठ यंत्रमाग कामगाराने आत्महत्या केल्याने शहरात खळबळ उडाली आहे.

मोबाइल अॅप डाउनलोड करा आणि राहा अपडेट

डॉल्बीने दणाणल्या पेठा

July 26, 2016, 2:30 pm

≫ Next: दुचाकी टेंपोच्या ‍अपघातात शिरोलीचा तरुण ठार

≪ Previous: यंत्रमाग कामगाराची ​नैराश्यातून आत्महत्या

$

0

0

म. टा. प्रतिनिधी, कोल्हापूर

पी...ढबाकच्या तालावर त्र्यंबोली देवीला नवे पाणी वाहण्यास जाण्याची परंपरा आजही कायम असली तरी पेठा- पेठांमध्ये असलेल्या इर्षेतून 'आवाज कुणाचा' हे दाखविण्यासाठी डॉल्बीच्या तालावर नाचतच मंगळवारी यात्रा साजरी करण्यात आली. सोमवारी रात्री बारापासून सुरू झालेला हा डॉल्बीचा आवाज मंगळवारी रात्रीपर्यंत घुमत होता. सोमवारी रात्री तर अनेक तरुणांनी मोटारसायकलच्या पुंगळ्या काढून मोठ्या आवाजात गाड्या फिरवण्याचे प्रकारही सुरू होते.

कोल्हापुरात अनेक वर्षांपासून त्र्यंबोली देवीला नवे पाणी वाहण्याची प्रथा आहे. आषाढ महिन्यातील मंगळवारी आणि शुक्रवारी हलगी, पिपाणी, ताशाच्या गजरात महिला आणि युवती डोक्यावर घागर घेऊन टेबलाईवाडी येथील त्र्यंबोली देवीला पाणी वाहण्यासाठी जातात. तर काही युवक कावडीने पाणी घालण्यासाठीही जातात. या यात्रेसाठी मांसाहाराचा नैवद्य दाखविला जातो. ही प्रथा गेली कित्येक वर्षे सुरू आहे. सध्या पेठा पेठांमध्ये यात्रेचा माहोल आहे. मात्र, या यात्रेत आता प्रथेपेक्षा इर्षेने शिरकाव केल्याने आपल्या गल्ली किंवा पेठेचा रुबाब कसा राहील याकडे सर्वांचा कटाक्ष राहिला आहे. याचसाठी सोमवारी रात्रीपासून पेठा डॉल्बीच्या तालावर अक्षरश: नाचत असल्याचे चित्र दिसत होते.

पोलिसांची पालखी मिरवणूक

लाइन बझार आणि पोलिस मुख्यालयतही पारंपरिक पद्धतीने त्र्यंबोली यात्रा साजरी करण्यात आली. या परिसरातील पंचगंगेचे पाणी कवाडातून त्र्यंबोली देवीला वाहण्यात आले. जिल्हा पोलिस प्रमुख प्रदीप देशपांडे यांच्या उपस्थितीत ही पालखी पोवार यांच्या घरातून बाहेर पडून पोलिस लाइन परिसरात फिरुन येथील मंदिरांना प्रद‌क्षिणा घालून मैदनात आली. यावेळी विशेष पोलिस महानिरीक्षक विश्वास नांगरे पाटील आणि पोलिस अधीक्षक देशपांडे यांच्या हस्ते पालखीचे पूजन केले.

मोबाइल अॅप डाउनलोड करा आणि राहा अपडेट

दुचाकी टेंपोच्या ‍अपघातात शिरोलीचा तरुण ठार

July 26, 2016, 2:30 pm

≫ Next: जयसिंग तलाव बंधाऱ्याला भेगा

≪ Previous: डॉल्बीने दणाणल्या पेठा

$

0

0

म. टा. प्रतिनिधी, कोल्हापूर

राष्ट्रीय महामार्गावर उचगावच्या हद्दीत दुधाच्या टेंपोला दुचाकीने पाठीमागून धडक दिल्याने नंदकुमार पांडुरंग महेकर (वय २५, रा. पुलाची शिरोली) यांचा मृत्यू झाला. दुचाकीवर पाठीमागे बसलेला गणेश नामदेव लोहार(वय २०, रा. पुलाची शिरोली) हा तरुण गंभीर जखमी झाला.

नंदकुमार व गणेश हे दोघे गोकुळशिरगाव एमआयडीसी येथील एका खासगी कंपनीत महिन्याभरापूर्वी नोकरीस लागले होते. सकाळी साडे आठ वाजता ते आपल्या दुचाकीवरून (एम. एच. ०९ बीयू ११७०) कामावर जात होते. याच वेळी गोकुळचा दूध वाहतूक करणारा टेम्पो (एम एच ०९ डी सी ३८१०) हा गोकुळ शिरगावकडे भरधाव वेगाने निघाला होता. टेंपो चालकाने महामार्गावर उचगावच्या हद्दीत निगडे बिल्डिंगसमोर आल्यानंतर अचानक ब्रेक लावला. टेम्पो अचानक थांबल्याने पाठीमागून येणारी दुचाकी थेट टेम्पोला धडकली. यामध्ये दोन्ही दुचाकीस्वारांच्या डोक्याला गंभीर दुखापत झाली. जखमी अवस्थेत त्यांना उपचारासाठी सीपीआर रुग्णालयात दाखल करण्यात आले. यावेळी उपचारादरम्यान नंदकुमार यांचा मृत्यू झाला, तर गणेश याच्यावर उपचार सुरू आहेत.

अपघात होताच टेम्पो चालकाने घटनास्थळावरून पळ काढला. टेम्पोमधील प्रवाशी उतरण्यासाठी टेंपो अचानक बाजूला घेण्यात आल्याची चर्चा घटनास्थळी सुरू होती. या घटनेची नोंद गांधीनगर पोलिसात झाली आहे.

मोबाइल अॅप डाउनलोड करा आणि राहा अपडेट

---

जयसिंग तलाव बंधाऱ्याला भेगा

July 26, 2016, 2:30 pm

≫ Next: सुशीलकुमार शिंदे यांचानागरी सत्कार लोकवर्गणीतून

≪ Previous: दुचाकी टेंपोच्या ‍अपघातात शिरोलीचा तरुण ठार

$

0

0

कागल

सुमारे १२० वर्षे अविरतपणे कागलच्या जनतेला पिण्याच्या पाण्याचा पुरवठा करणाऱ्या जयसिंगराव तलावाच्या बंधाऱ्यावर ठिकठिकाणी भेगा पडल्या आहेत. त्या तत्काळ दुरूस्त न केल्यास अन्यथा बंधाऱ्यास धोका निर्माण होऊ शकतो. सध्या हा तलाव नगरपालिकेच्या ताब्यात आहे. पालिकेने याकडे त्वरित लक्ष द्यावे, अशी मागणी होत आहे.

राजर्षी शाहू महाराजांच्या काळात पिराजीराव बापूसाहेब घाटगे हे अल्पवयीन असताना या तलावाचे काम करण्यात आले. हा तलाव ७६ एकर २१ गुंठ्यांत आहे. तलावाचा १६६० फूट व १५० फूट पक्का बंधारा आहे. तलावाची पाणी साठवणूक क्षमता एकवीस फूट आहे. १९४८ मध्ये श्रीमंत जयसिंगराव घाटगे यांनी शहरवासीयांना पिण्याच सोयीसाठी हा तलाव नगरपालिकेकडे सुपूर्द केला. तेव्हापासून पालिका या तलावाची देखभाल व दुरूस्ती करण्याचे काम करत आहे. या तलावाला शंभर वर्षाहून अधिक काळ झाल्यावर पालिकेने राष्ट्रीय संवर्धन विकास योजनेंतर्गत तलाव सुशोभीकरणासाठी निधी मंजूर झाला. त्यानंतर पालिकेने तलाव सुशोभीकरण व मजबुतीकरण करण्याचे काम केले. या बंधाऱ्यावर पेव्हींग्ज ब्लॉक बसविण्यात आले. त्यामुळे ज्येष्ठ नागरिक व इतरांची मॉर्निंग आणि इव्हिनींग वॉकची चांगली सोय झाली आहे.

मात्र सध्या बंधाऱ्यावरील पेव्हींग्ज ब्लॉक काही ठिकाणी विस्कळीत झाले आहेत. त्याठिकाणी मोठ्या भेगा पडायला सुरवात झाली आहे. या भेगा अशाच वाढत गेल्या तर मातीच्या कामाच्या या बंधाऱ्यास मोठा धोका निर्माण होऊ शकतो. या बाबतीत ज्येष्ठ नागरिकांनी याची कल्पना संबंधिताना देऊनही पालिकेन दुर्लक्ष केले आहे. त्यामुळे नागरिकांतून नाराजीचा सूर आहे. पालिकेने या बंधाऱ्यावरील पडलेल्या भेगांची दुरूस्ती करावी, अशी मागणी होत आहे.

कोट

'बंधाऱ्याच्या मध्यभागी झाडे लावण्यासाठी खड्डे खोदण्यात आले. त्यामुळे चिरा पडत गेल्या आहेत. आता जर या दुरूस्तीचे काम काढले तर पाणी झिरपून भेगा मोठ्या होण्याचा धोका आहे. त्यामुळे पावसाळा संपल्यावर या दुरुस्तीचे काम हाती घेण्यात येईल.

-प्रभाकर पत्की,मुख्याधिकारी , कागल



चौकट

वीज जोडणीचा खर्च ५० हजार

या तलावावर प्रेमी युगुलांचा मोठ्या प्रमाणावर वावर असतो. याठिकाणी पोहायला आणि जनावरांना धुण्यासाठी बंदी करुन त्याचे डिजीटल फलक लावण्यात आले होते. ते अवघ्या एकच दिवसात फाडण्यात आले. तलावावर वीज जोडण्यात आली आहे. त्याची वायर जोडली की दुसऱ्या दिवशी तोडण्यात येते. त्याला युगुलांचा वावर तसेच इतर अनेक अवैध बाबीही कारणीभूत आहे. केवळ या कारणास्तव वारंवार वीज तोडल्यामुळे वर्षभरात या कामासाठी पालिकेने जोडणीसाठी तब्बल ५० हजार रुपये खर्च केले आहेत.

मोबाइल अॅप डाउनलोड करा आणि राहा अपडेट

सुशीलकुमार शिंदे यांचानागरी सत्कार लोकवर्गणीतून

July 27, 2016, 10:27 am

≫ Next: अकलूजजवळ एसटी बसच्या भीषण अपघातात ३ जागीच ठार, १२ गंभीर जखमी

≪ Previous: जयसिंग तलाव बंधाऱ्याला भेगा

$

0

0

म. टा. वृत्तसेवा, सोलापूर

माजी केंद्रीय गृहमंत्री सुशीलकुमार शिंदे यांच्या अमृतमहोत्सवानिमित्त चार सप्टेंबर रोजी पार्क मैदानावर राष्ट्रपती प्रणव मुखर्जी यांच्या हस्ते होणारा नागरी सत्कार आता लोकवर्गणीतून होणार आहे. महापालिकेच्या तिजोरीतून एकही पैसाही न घेता शिंदे यांचा सत्कार करण्यास सर्वसाधारण सभेने मान्यता दिली. या सोहळ्यासाठी आयुक्त विजयकुमार काळम-पाटील यांनी सभेपुढे पाठविलेला सुमारे दीड कोटींच्या खर्चाचा प्रस्ताव दप्तरी दाखल करण्याचा निर्णयही घेण्यात आला आहे.

सुशीलकुमार शिंदे यांना राष्ट्रपतींच्या हस्ते मानपत्र देण्यात येणार असून, या सोहळ्यासाठी केंद्र आणि राज्यातील मंत्री व मान्यवर उपस्थित राहणार आहेत. केंद्रीय रस्ते आणि महामार्ग मंत्री नितीन गडकरींसह सात मान्यवरांना महापालिकेच्या वतीने सन्मानित करण्यात येणार आहे. त्यासाठी महापालिकेच्या तिजोरीतून दीड कोटी रुपये खर्च करण्यात येणार होता. या खर्चावरुन भाजप शिवसेना आणि माकपने आंदोलन छेडले होते. मनपाची आर्थिक स्थिती बिकट असताना दीड कोटींचा खर्च कशासाठी करावयाचा, असा प्रश्न उपस्थित झाला होता. आयुक्त काळम-पाटील यांनीही नाराजी व्यक्त केली होती.

दरम्यान, मंगळवारी सायंकाळी उशीरापर्यंत चाललेल्या महापालिकेच्या सभेत दीड कोटींच्या खर्चावरुन भाजपचे शहराध्यक्ष प्रा. अशोक निबर्गी, विरोधी पक्षनेते नरेंद्र काळे यांनी पुन्हा हा विषय लावून धरला. त्याला कॉँग्रेस आणि राष्ट्रवादीकडून जशास तसे उत्तर देण्यात आले. मात्र, हा विषय टोकाला जात असल्याचे लक्षात आल्यानंतर बसपाचे नगरसेवक आनंद चंदनशिवे यांनी कॉँग्रेस आणि विरोधी पक्षातील वादावर पडदा टाकला. शिंदे यांचा सत्कार झाले पाहिजे, ही तमाम सोलापूरकरांची व सभागृहाची भावना आहे. परंतु, पालिकेच्या तिजोरीचा विचार करून सत्कार झाला पाहिजे. हा विरोधकांचा आग्रह सत्ताधाऱ्यांनी मान्य केल्यामुळे हा विषय थांबविण्यात आला. दरम्यान, शिंदे यांचा सत्कार लोकवर्गणीतून म्हणजे नेमका कोणत्या पैशातून आणि कसा होणार, या बाबत मात्र सत्ताधाऱ्यांनी कोणत्याही प्रकारचे भाष्य केले नाही.

मोबाइल अॅप डाउनलोड करा आणि राहा अपडेट

अकलूजजवळ एसटी बसच्या भीषण अपघातात ३ जागीच ठार, १२ गंभीर जखमी

July 28, 2016, 8:59 am

≫ Next: शहरात राहून हद्दवाढीला विरोध कशासाठी ?

≪ Previous: सुशीलकुमार शिंदे यांचानागरी सत्कार लोकवर्गणीतून

$

0

0

मटा ऑनलाइन वृत्त। अकलूज

साताऱ्याहून करमाळ्याला जाणाऱ्या एसटी बसला अकलूज जवळ झालेल्या भीषण अपघातात ३ प्रवासी जागीच ठार, तर १२ जण गंभीर जखमी झाले आहेत. अकलूज जवळ असलेल्या वठफळे येथे समोरून भरधाव येणाऱ्या दुचाकीला चुकवण्याच्या प्रयत्नात झाडाला आदळून हा भीषण अपघात झाल्याची प्राथमिक माहिती हाती आली आहे.

हा अपघात भीषण असल्याने मृतांची संख्या वाढण्याची शक्यता व्यक्त होत आहे.

या अपघातात मृत झालेल्यांपैकी एकाची ओळख पटली असून दया वामन असे त्याचे नाव असून तो माळशिरसचा रहिवाशी आहे.



करमाळा डेपोची एसटी (एमएच २० बीएल ३६५५) ही बस साताऱ्याहूनन करमाळ्याकडे जात होती़. अकलूज-माळशिरस रोडवरील घुले वस्तीजवळ समोरून अचानक भरधाव दुचाकी येताना दिसली. या दुचाकीस्वाराला (एमएच ४५ व्ही २१७५) अपघात होऊ नये म्हणून चुकवत असताना वठफळेजवळील घुले वस्तीजवळ बस चालकाचा ताबा सुटल्याने ही बस वेगात झा़डावर आदळली. या भीषण अपघातात ३ प्रवासी जागीच ठार झाल्याची प्राथमिक माहिती हाती आली आहे.



हा अपघात घडल्याची बातमी हा हा म्हणता परिसरात पसरली. परिसरातील नागरिकांना तातडीनं घटनास्थळी धाव घेत जखमींना वाचवण्याचा प्रयत्न केला. एसटी बसमध्ये जखमी अवस्थेत असलेल्या जखमींना बाहेर काढून परिसरातील नागरिकांनी त्यांना शासकीय रूग्णालयात उपचारासाठी पोहोचविण्यासाठी मदत कार्य सुरू केले़. यामुळे अनेकांचे प्राण वाचले.

अपघातानंतर या परिसरातील वाहतुक काही काळ विस्कळीत झाली होती़.

मोबाइल अॅप डाउनलोड करा आणि राहा अपडेट

शहरात राहून हद्दवाढीला विरोध कशासाठी ?

July 27, 2016, 2:30 pm

≫ Next: खंडणीप्रकरणी आणखी पाचजणांना अटक

≪ Previous: अकलूजजवळ एसटी बसच्या भीषण अपघातात ३ जागीच ठार, १२ गंभीर जखमी

$

0

0

म. टा. प्रतिनिधी, कोल्हापूर

'कोल्हापूर शहरात रहायचे. सोयी सुविधांचा लाभ घ्यायचा आणि गावच्या राजकारणासाठी हद्दवाढीला विरोध असा प्रकार चालणार नाही. सुविधांचा बागुलबुवा करत हद्दवाढीला विरोध होणार असेल तर महापालिकेने ग्रामीण भागाला पुरविण्यात येणाऱ्या सुविधा बंद कराव्यात. टोलनाके अडवा. प्रसंगी कोल्हापूर बेमुदत बंद ठेवू असा इशारा महापालिकेतील हद्दवाढ समर्थनार्थ झालेल्या बैठकीत देण्यात आला. बुधवारी झालेल्या बैठकीच्या अध्यक्षस्थानी महापौर अश्विनी रामाणे होत्या. हद्दवाढ होईपर्यंत वेगवेगळ्या टप्प्यावर आंदोलन करण्याचे ठरले. पाच, सहा गावांचे गाजर दाखविण्यापेक्षा १८ गावे आणि गोकुळ शिरगाव, शिरोली एमआयडीचाही समावेश करावा, अन्यथा आंदोलनाची धग कायम राहील असा इशारा देण्यात आला.

आर. के. पोवार (कृती समिती निमंत्रक) : हद्दवाढीसाठी कोल्हापूरची जनता चाळीस वर्षे लढा देत आहे. या अधिवेशनात हद्दवाढीचा निर्णय अपेक्षित होता. मात्र ग्रामीण जनतेच्या विरोधाचे कारण पुढे करत काही मंडळी आपली पोळी भाजून घेत आहेत. एक जण शिरोलीत राहणार, एक जण कारखान्याचे राजकारण करणार. सगळ्या सुविधा मात्र शहरातील घ्यायचा आणि पुन्हा हद्दवाढीला विरोध असा प्रकार येथून पुढे चालणार नाही. हद्दवाढीसाठी प्रसंगी कोल्हापूर बेमुदत बंद ठेवू.

प्रल्हाद चव्हाण (शहराध्यक्ष, काँग्रेस) : हद्दवाढीसाठी आता निर्णायक भूमिका घेण्याची वेळ आली आहे. विरोधासाठी विरोध ही भूमिका शहराच्या विकासाला मारक आहे. महापालिकेच्या उत्पन्नाचे मार्ग आटले आहेत. उत्पन्न वाढीसाठी भविष्यात प्रवेश कर आकारावा लागेल. हद्दवाढ झाली तर नवे प्रकल्प, योजना मंजूर होऊन शहर विकासाला गती मिळेल.

बाबा पार्टे : कुणाच्या तरी दबावाखाली हद्दवाढ होत नसेल तर कोल्हापूर बंद ठेवून सरकारला जाणीव करून दिली पाहिजे. गाव बंद ठेवून जर हद्दवाढीला विरोध होत असेल तर हद्दवाढीच्या समर्थनार्थ शहरातील सर्व सुविधा बंद ठेवून शहरवासियांच्या भावना सरकारला कळवू.

राजू लाटकर (शहराध्यक्ष, राष्ट्रवादी) : राजकीय स्वार्थासाठी दबाव आणून हद्दवाढीला खीळ घालण्याचा प्रकार होत असेल तर कोल्हापूर शहराने काय करायचे ? हद्दवाढीला विरोध करणाऱ्या सगळ्या नेत्यांचे आणि आमदारांची ऑफीसेस, कार्यालये, बंगले शहरात आहेत. ग्रामीण भागातून हद्दवाढीला विरोध राहिला तर सगळे नाके बंद करा. केएमटी सुविधा बंद करा.

दिलीप देसाई : जिल्हा परिषदेच्या निवडणुका जवळ आल्याने एक सप्टेंबरपासून आचारसंहिता लागू होण्याची शक्यता आहे. यामुळे राज्य सरकारने तीस तारखेच्या अगोदर हद्दवाढीची अधिसूचना काढावी.

शिवसेनेचे पद्माकर कापसे यांनी हद्दवाढीला विरोध करणाऱ्या तिन्ही आमदारांचा निषेध करत असल्याचे सांगितले. भाजप महानगर जिल्हाध्यक्ष संदीप देसाई व माजी अध्यक्ष महेश जाधव यांनी हद्दवाढीला भाजपचा पाठिंबा आहे. विरोध करणाऱ्या आमदारांशी चर्चा करू असे सांगितले.

शिवसेनचे ​नियाज खान यांनी कोल्हापूर बंदला पाठिंबा दर्शविला. केएमटी वर्कशॉपला गुरूवारी सकाळी सहा वाजता कुलूप ठोकणार असल्याचे सां​गितले.

विविध घटकांचा हद्दवाढीला पाठिंबा

विरोधी पक्ष नेता संभा​जी जाधव हद्दवाढ झाली पाहिजे ही साऱ्यांची भूमिका आहे. पण बेमुदत कोल्हापूर बंद, सुविधा बंद अशा टोकाच्या निर्णयापर्यंत जाऊ नये असे सांगितले. गटनेते विजय सूर्यवंशी, माजी महापौर मारुतराव कातवरे, नगरसेविका रुपाराणी निकम, सुरमंजिरी लाटकर, किरण नकाते, माजी नगरसेवक रविकिरण इंगवले, अनिल कदम, अॅड. पंडीतराव सडोलीकर, लाला गायकवाड, किशोर घाटगे, समीर नदाफ, बजरंग शेलार, निरंजन कदम, अविनाश साठे यांनी हद्दवाढीच्या समर्थनार्थ भूमिका मांडल्या. उपमहापौर शमा मुल्ला यांनी स्वागत केले. स्थायी समिती सभापती मुरलीधर जाधव यांनी आभार मानले.

मोबाइल अॅप डाउनलोड करा आणि राहा अपडेट

खंडणीप्रकरणी आणखी पाचजणांना अटक

July 27, 2016, 2:30 pm

≫ Next: इचलकरंजीत भरदिवसासव्वालाखाची रोकड लंपास

≪ Previous: शहरात राहून हद्दवाढीला विरोध कशासाठी ?

$

0

0

म. टा. वृतसेवा, हातकणंगले

पेठ वडगाव (ता.हातकणंगले) येथील बेकायदेशीर सावकारकी, खंडणीची मागणी करून फिर्यादी मुश्ताक बेपारी यांचे अपहरण केल्याप्रकरणी बुधवारी आणखी पाचजणांना अटक करण्यात आली. प्रसाद उर्फ लाल्या संतोष सुतार (वय १९, रा.सावकर चैक), रोहित बाळासो पाटील (वय, २२, रा.वाठार नाका), संतोष उर्फ केशव विजय केसरकर (वय ३३, रा.पदमा रोड),सचिन युवराज बोधे (वय ३७, भजनी गल्ली सर्व रा.पेठ वडगाव) व प्रदीप उर्फ बारक्या गुरूदेव मनवाडे (वय २५ रा.म्हसोबावाडी फाटा,भादोले) यांना अटक करण्यात आली. यातील पाच संशयिताना यापूर्वीच अटक करण्यात आली आहे.या प्रकरणाचा तपास कोल्हापूरच्या स्थानिक गुन्हे अन्वेषण विभागाकडे आहे.

फिर्यादी मुश्ताक बेपारी यांनी सावकरकी व खंडणीची फिर्याद गुरूवारी ( ता. २१) दिली होती. तर फिर्याद का दिली म्हणून राजवर्धन पाटील व त्यांच्या साथीदारांनी शुक्रवारी (ता.२२) पुन्हा बेपारींचे अपहरण केले. तक्रार दाखल केल्यामुळे न्यायालयीन खटल्यांसाठी पाच लाख रूपये खर्च येणार आहे. पैसे दे अन्यथा तक्रार मागे घे अशी दमदाटी करून जिवे मारण्याची धमकी दिली. या प्रकरणाचा तपास वडगांव पोलिसांच्याकडे आहे. तर खासगी सावकारीतून अपहरणाचा तपास स्थानिक गुन्हे अन्वेषण करीत आहे. त्यांनी राजवर्धन बाबासो पाटील, प्रविण उर्फ पप्पू माने, राकेश हाके, विशाल उर्फ लाल्या जाधव, रवि धनवडे यांना स्थानिक गुन्हे अन्वषेन शाखेने अटक केली आहे. त्यांना तपासासाठी वडगांव येथे आणण्यात आले. पाटील याच्या घर, क्लबची झडती घेण्यात आली. या सर्वांना पायीच फिरविण्यात आले होते. प्रसाद सुतार याला पोलिसांनी सोमवारी अटक केली होती.त्याला मंगळवारी न्यायालयात हजर केले असता बुधवारपर्यंत पोलिस कोठडी मिळाली. तर बुधवारी उर्वरित चारजणांना वडगांव पोलिसांनी अटक केली. याप्रकरणी एकूण दहाजणांना अटक करण्यात आली आहे. या प्रकरणाचा तपास पोलिस निरीक्षक धनजंय जाधव करीत आहेत.

मोबाइल अॅप डाउनलोड करा आणि राहा अपडेट