मराठी चित्रपट महामंडळाची सत्ता ‘समर्थ’ पॅनेलकडे

April 26, 2016, 2:30 pm

≫ Next: पंतप्रधान आवास घरकुलसाठी झुंबड

≪ Previous: ११६१ कर्मचाऱ्यांकडून वेतनवाढ वसुली ?

$

0

0

म. टा. प्रतिनिधी, कोल्हापूर

अत्यंत चुरशीने झालेल्या अखिल भारतीय मराठी चित्रपट महामंडळाच्या पंचवार्षिक निवडणुकीत दहा ‌जागा जिंकत समर्थ पॅनेलने सत्ता काबीज केली.

पॅनेलचे नेतृत्व निर्माता मेघराज राजेभोसले आणि दिग्दर्शक सतीश रणदिवे हे करीत आहेत. या पॅनेलमधून रणजित जाधव (कामगार), संजय ठुबे (निर्मिती व्यवस्था व यंत्रणा), वर्षा उसगावकर (अभिनेत्री), शरद चव्हाण (ध्वनीरेखक), चैताली डोंगरे (रंगभूषा), स्वतः मेघराज राजेभोसले (निर्माता गट), पितांबर काळे (लेखक), मधुकर देशपांडे (वितरण), विजय खोचीकर (संकलन), निकिता मोघे (संगीत) असे दहा उमेदवार विजयी झाले. तर क्रीयाशील पॅनेलचे सतीश बिडकर हे एकमेव उमेदवार निवडून आले.

समर्थ पॅनेलचे सतीश रणदिवे, सुशांत शेलार आणि धनाजी यमकर हे तिघेही आघाडीवर होते. विजय कोंडके आणि प्रसाद सुर्वे हे माजी अध्यक्ष पराभूत झाले तर विद्यमान अध्यक्ष विजय पाटकरही पिछाडीवर होते. कोल्हापुरातील पेटाळा परिसरातील राम गणेश गडकरी सभागृहात रात्री उशीरापर्यंत मतमोजणी प्रक्रिया सुरू होती.

मोबाइल अॅप डाउनलोड करा आणि राहा अपडेट

---

पंतप्रधान आवास घरकुलसाठी झुंबड

April 26, 2016, 2:30 pm

≫ Next: घरफोडी करणाऱ्या टोळीस अटक

≪ Previous: मराठी चित्रपट महामंडळाची सत्ता ‘समर्थ’ पॅनेलकडे

$

0

0

म. टा. प्रतिनिधी, कोल्हापूर

पंतप्रधान आवास योजनेतून घरकुलाचा लाभ मिळविण्यासाठी नागरिकांची झुंबड उडाली असून, महापालिकेच्या चार विभागीय कार्यालयांत अर्ज घेण्यासाठी गर्दी होत आहे. मंगळवारपर्यंत २० हजारांवर अर्जांची विक्री झाली असून एक हजार अर्ज जमा झाले आहेत. घरकुल, घरदुरुस्तीच्या कर्जांची सुमारे चार महिन्याच्या कालावधीत प्रक्रिया पूर्ण केली जाणार आहे. पहिल्या टप्प्यात केवळ झोपडपट्टीधारकांची व्याप्ती वाढवून घरकुल योजनेसाठी चार घटकांची निर्मिती केली आहे.

लाभार्थ्यांना स्वतःच्या नावावर कोणतेही घर नसल्याचे तहसीलदारांसमोर तसे प्रतिज्ञापत्र सादर करावे लागत असल्याने तहसीलदारांचे प्रमाणपत्र मिळविण्यासाठी कार्यालयात गर्दी वाढली आहे. या योजनेत केंद्र सरकार ६.५ टक्के व्याज भरणार आहे. या योजनेचा दुर्बल व अल्प उत्पन्न घटकांना लाभ मिळणार आहे. योजनेचा लाभ घेण्यासाठी महापालिकेच्या विभागीय कार्यालयांतील नागरी सुविधा केंद्रांकडे गर्दी वाढली आहे. येत्या २० मेपर्यंत अर्जांची विक्री होणार असून २३ मेपर्यंत अर्ज स्वीकृती केली जाणार आहे. प्रत्येक कुटुंबाकडे नळजोडणी, शौचालय, वीज, रस्ता आणि पक्के घराची संकल्पना केंद्र सरकारची आहे. त्यानुसार केंद्र सरकारने 'सर्वांसाठी घरे' या संकल्पनेवर आधारित 'प्रधानमंत्री आवास योजना' सुरू केली आहे. यामध्ये घरकुल चार घटकांचा समावेश आहे.

पहिल्या घटकात कर्ज संलग्न व्याज अनुदानाच्या माध्यमातून आर्थिक दुर्बल घटक आणि अल्प उत्पन्न घटकांसाठी परवडणाऱ्या घरांची निर्मिती केली जाणार आहे. योजनेत नवीन बांधकाम, सदनिका, गृहखेरदी, सध्या राहत असलेल्या स्वमालकीच्या घराच्या दुरुस्तीसाठी बँकांतर्फे कर्जपुर‍वठा केला जाणार आहे. सहा लाखांपर्यंतच्या रकमेवर ६.५ टक्के व्याजदराने कर्जपुरवठा केला जाणार आहे. ३ ते ६ लाखांपर्यंतचे उत्पन्न असलेल्यांना घटकांना या योजनेचा लाभ घेता येईल.

घटक पहिला

झोपडपट्ट्यांच्या पुनर्विकासाचा समावेश केला आहे. त्याअंतर्गत झोपड्यांचा आहे त्याच जागेवर पुनर्विकास करण्यात येणार आहे. ही योजना फक्त आर्थिक दुर्बल घटकांसाठी असून त्यातील लाभार्थ्यांना केंद्र सरकारकडून एक लाख रुपये व राज्य सरकारकडून एक लाख रुपये असे दोन लाख रुपये अनुदान मिळणार आहे.

घटक दुसरा

कर्जसंलग्न अनुदान योजनेचा आहे. ही योजना दुर्बल घटक व अल्प उत्पन्न घटकांसाठी (वार्षिक उत्पन्न तीन लाख ते सहा लाख रुपयांपर्यंत) आहे.

घटक तिसरा

खासगी विकसक किंवा खासगी कंपन्यांच्या सहभागातून बांधण्यात आलेल्या गृहप्रकल्पांतील ३५ टक्के घरे दुर्बल घटकांसाठी राखून ठेवणे बंधनकारक करण्यात आले आहे.

घटक चौथा

हा वैयक्तिक घरबांधणीसंबंधी आहे. स्वत:च्या मालकीच्या जागेवर नवीन घर बांधणे किंवा जुन्या घराची वाढ करणे यासाठी केंद्र व राज्य सरकारकडून २.५० लाख रुपयांपर्यंत अनुदान मिळणार आहे. ही योजना पूर्णपणे आर्थिक

दुर्बल घटकांसाठी आहे.

'महापालिकेच्या गांधी मैदान, राजारामपुरी, शिवाजी मार्केट आणि कावळा नाका या चार विभागीय कार्यालयांत अर्ज विक्रीसाठी उपलब्ध आहेत. त्याची किंमत ५० रुपये आहे. संबंधित अर्ज भरून शिवाजी मार्केटमधील तिसऱ्या मजल्यावरील प्रधानमंत्री आवास योजनेच्या कार्यालयात जमा करावेत. त्यासाठी सकाळी साडेनऊ ते दुपारी साडेतीन अशी वेळ आहे.'

प्रसाद संकपाळ, समन्वयक, प्रधानमंत्री आवास योजना

कागदपत्रांची काटेकोर तपासणी

घरकुलासाठी कर्ज मिळविण्यासाठी घराच्या सर्व कागदपत्रांची तपासणी केली जाणार आहे. सात-बारा, प्रॉपर्टी कार्डे, कम्पलिशन सर्टिफिकेट, बांधकाम परवाना, आदींची तपासणी केली जाणार आहे. सध्या २० हजारांवर अर्जविक्री झाले आहेत. काहींनी कर्ज दिले तर दिले, असे गृहित धरून अर्ज नेले आहेत. लाभार्थ्यांच्या कागदपत्रांची काटेकोर तपासणी केली जाणार आहे. त्यासाठी फायनान्सचे स्वतंत्र कर्मचारी नियुक्त केले आहेत.

मोबाइल अॅप डाउनलोड करा आणि राहा अपडेट

घरफोडी करणाऱ्या टोळीस अटक

April 26, 2016, 2:30 pm

≫ Next: ‘सिद्धाळा महोत्सव’ हाऊसफुल्ल

≪ Previous: पंतप्रधान आवास घरकुलसाठी झुंबड

$

0

0

म. टा. प्रतिनिधी, कोल्हापूर

वाघबिळ (ता. पन्हाळा) येथील फोर्ट इंटरनॅशनल अकॅडमीत चोरी करून ते साहित्य विकण्याचा प्रयत्न करणाऱ्या चार संशयितांना जुना राजवाडा पोलिसांनी ताब्यात घेऊन, अडीच लाखांचा मुद्देमाल जप्त केला. भांडी, इन्व्हर्टर बॅटरी आणि अॅल्युमिनियमचे किंमती साहित्य या टोळीने चोरले होते.

फोर्ट अकॅडमीत गेली पाच वर्षे कामाला असलेल्या अजय सोमराह खालको (वय ३०, रा. वाघबिळ, मूळ रा. झारखंड) याला प्रशासनाने कामावरून कमी केले. खालको याने या रागापोटी विलास संभाजी गोसावी (वय २८, रा. रजपूतवाडी), रामचंद्र दादू गोसावी (वय ३३, रा. रजपूतवाडी) आणि विकास वसंत जाधव (वय २०, रा. रजपूतवाडी) या तिघांना सोबत घेऊन सोमवारी सकाळी आठच्या सुमारास अकॅडमीच्या इमारतीत चोरी केली. विद्यार्थ्यांच्या होस्टेलमधील स्वयंपाकाची भांडी, इन्व्हर्टर, स्लायडिंग विंडो पॅनेल आदी चोरीचे साहित्य एका रिक्षातून विक्रीसाठी कोल्हापुरात आणले. गंगावेशीतील पाडळकर मार्केट रोडवर अॅपेरिक्षा संशयास्पद स्थितीत आढळल्याने जुना राजवाडा पोलिसांच्या गस्ती पथकाने खालको याला ताब्यात घेतले. तपासात खालकोचे साथीदार सापडले. कोडोली पोलिस स्टेशनकडे हा गुन्हा वर्ग करण्यात येणार आहे.

मोबाइल अॅप डाउनलोड करा आणि राहा अपडेट

‘सिद्धाळा महोत्सव’ हाऊसफुल्ल

April 26, 2016, 2:30 pm

≫ Next: आखणी चार कासवं आढळली

≪ Previous: घरफोडी करणाऱ्या टोळीस अटक

$

0

0

म. टा. प्रतिनिधी, कोल्हापूर

महिला बचत गटांच्या उत्पादित वस्तूंचे प्रदर्शन, विविध प्रकारच्या खाद्य पदार्थांचे स्टॉल आणि सोबतीला मनोरंजनाचा कार्यक्रम अशा माहौलमध्ये सुरू झालेला सिद्धाळा महोत्सव पहिल्याच दिवशी हाऊसफुल्ल झाला. उद्घाटनचा औपचारिक सोहळा पार पडताच बचत गट आणि खाद्य पदार्थ्यांच्या स्टॉलवर झुंबड उडाली. माजी महापौर प्रल्हाद चव्हाण युवा मंच (महिला आघाडी)तर्फे सिद्धाळा महोत्सवाचे आयोजन केले आहे.

आमदार सतेज पाटील यांच्या हस्ते मंगळवारी सायंकाळी महोत्सवाचे उदघाटन झाले. महिला बचत गटांच्या उत्पादित वस्तूंना मार्केट मिळवून देण्याचा हा स्तुत्य उपक्रम आहे. महिलांना आर्थिकदृष्ट्या स्वावलंबी बनविणारा हा कार्यक्रम असून भविष्यकाळात त्याची व्याप्ती वाढत जाईल असे प्रतिपादन आमदार पाटील यांनी केले. माजी महापौर प्रल्हाद चव्हाण, सागर चव्हाण यांची यावेळी प्रमुख उपस्थिती होती. यानंतर झालेल्या कार्यक्रमात मधुरिमाराजे छत्रपती यांच्या हस्ते आणि महापौर अश्विनी रामाणे यांच्या अध्यक्षतेखाली प्रभागातील मुलींच्या नावे ठेव पावती प्रदान करण्यात आले.

मधुरिमाराजे छत्रपती यांनी 'सिद्धाळा महोत्सव'च्या महिला संघटित होत आहेत. मुलींच्या नावे ठेव पावती कार्यक्रमाला सामाजिक किनार लाभल्याचेही त्यांनी नमूद केले. स्थानिक नगरसेविका जयश्री चव्हाण यांनी स्वागत केले. माजी स्थायी समिती सभापती सचिन चव्हाण यांनी महोत्सवाचा आढावा घेतला. या भागात शाळांची संख्या असल्याने मुलांच्या सुरक्षिततेसाठी उड्डाणपूल प्रस्तावित आहे. त्यासाठी निधी उपलब्ध करून देण्याची मागणी त्यांनी आमदार पाटील यांच्याकडे केली. कार्यक्रमाला उपमहापौर शमा मुल्ला, वृषाली कदम, नगरसेविका राजाराम गायकवाड, प्रताप जाधव, छाया पोवार, दिगंबर फराकटे, लीला धुमाळ, काँग्रेसच्या महिला आघाडीच्या संध्या घोटणे आदी उपस्थित होत्या.याप्रसंगी शाहीर आझाद नायकवडी व सहकलाकारांनी 'लेणं महाराष्ट्राचं' हा मराठी संस्कृतीवर आधारित गाण्यांचा कार्यक्रम सादर केला. बुधवारी महिलांसाठी करमणुकीचे कार्यक्रम, स्पर्धा व लावणी कार्यक्रम आयोजित केला आहे.

मोबाइल अॅप डाउनलोड करा आणि राहा अपडेट

आखणी चार कासवं आढळली

April 26, 2016, 2:30 pm

≫ Next: चित्रपट महामंडळासाठी उशीरापर्यंत मतमोजणी

≪ Previous: ‘सिद्धाळा महोत्सव’ हाऊसफुल्ल

$

0

0

म. टा. प्रतिनिधी, कोल्हापूर

कळंबा तलावातील तळ गाठलेल्या पाण्यात काही नसेल हा नागरिकांचा तर्क मोडून निघत आहे. गेल्या आठवड्यापासून वन विभागाने चालवलेल्या शोध मोहिमेत मंगळवारी आणखी चार कासवे सापडली आहेत. यापूर्वी तीन मोठी कासव सापडली होती.

तलावातील पाणी संपल्याने तेथील जैवसाखळी मोडली गेली आहे. पण त्यातील शक्य तितक्या जलचरांना इतर तलावांमध्ये हलवण्यासाठी वन विभागाने महापालिकेच्या सहकार्याने गस्त घालण्याबरोबरच शोध मोहिम राबवण्याचे ठरवले होते. त्यानुसार गेल्या महिन्यापासून गस्त घालण्यात आली असली तरी त्यावेळी कासवे सापडली नव्हती. गेल्या शनिवारी काही नागरिकांनी शिल्लक पाण्यात कासवे पाहिल्यानंतर वन विभागाला कळवण्यात आले होते. तेंव्हापासून ​वन विभागाने शिल्लक पाण्यात कासव शोधण्याची मोहिम राबवली होती. मंगळवारी ही मोहिम सुरू असताना तीन लहान कासवांबरोबर एक मोठे अशी चार कासव सापडली. या कासवांची तपासणी व पंचनामा करुन त्यांना रंकाळा तलावात सोडण्यात आले. यापूर्वी सापडलेली तीन मोठी कासवही रंकाळ्यातच सोडली होती. वनक्षेत्रपाल ए. बी. निंबाळकर, वनरक्षक आर. के. देसा, राजू उलपे, वनमजूर गजानन मगदूम, भगवान चौगुले, सुरेश कांबळे, उत्तम जाधव यांचा मोहिमेत सहभाग होता.

मोबाइल अॅप डाउनलोड करा आणि राहा अपडेट

चित्रपट महामंडळासाठी उशीरापर्यंत मतमोजणी

April 26, 2016, 2:30 pm

≫ Next: एव्हॉन कंपनीत ४६ लाखांचे इफेड्रीनसात संचालकांविरुद्ध गुन्हा दाखलमास्टर मार्इंड पुनीत श्रींगीला अटक

≪ Previous: आखणी चार कासवं आढळली

$

0

0

म. टा. प्रतिनिधी, कोल्हापूर

अत्यंत चुरशीने झालेल्या अखिल भारतीय मराठी चित्रपट महामंडळाच्या पंचवार्षिक निवडणुकीत पाच विभागात समर्थ पॅनेलच्या उमेदवारांनी पतंग या चिन्हासह विजयी सलामी देत आघाडी घेतली. निर्माता मेघराज राजेभोसले आणि दिग्दर्शक सतीश रणदिवे यांच्या समर्थ पॅनेलमधून रणजित जाधव (कामगार), संजय ठुबे (निर्मिती व्यवस्था व यंत्रणा), वर्षा उसगावकर (अभिनेत्री), शरद चव्हाण (ध्वनीरेखक), चैताली डोंगरे (रंगभूषा) आदी उमेदवार विजयी झाल्याची अधिकृत घोषणा रात्री साडेआठ वाजता निवडणूक निर्णय समितीने करताच समर्थ पॅनेलच्या समर्थकांनी एकच जल्लोष केला. कोल्हापुरातील पेटाळा परिसरातील राम गणेश गडकरी सभागृहात रात्री उशीरापर्यं मतमोजणी प्रक्रिया सुरू होती. पहिल्या पाच विभागातील निकालामध्ये समर्थ आणि क्रियाशील या दोन पॅनेलमध्ये चुरस रंगल्याचे दिसून आले.

महामंडळाच्या निवडणुकीसाठी रविवार ​दि. २४ रोजी चुरशीने मतदान झाले होते. निवडणुकीत नऊ पॅनेल आणि १२ अपक्षांसह १२० उमेदवार रिंगणात होते. कोल्हापूर, पुणे व मुंबई या केंद्रावर सरासरी ५४ टक्के मतदान झाले. मंगळवारी सकाळी आठ वाजता मतपेट्यांमधील मतप​त्रिकांच्या विभागणीला प्रारंभ झाला. तर प्रत्यक्ष मतमोजणी प्रक्रिया सायंकाळी साडेचार वाजता सुरू करण्यात आली. मतमोजणी सुरू असलेल्या सभागृहात पॅनेल व अपक्ष उमेदवारांचा प्रत्येकी एक प्रतिनिधी उपस्थित होता. तर सभागृह परिसरात उमेदवार, सभासदांसह उमेदवारांचे समर्थक दिवसभर ठिय्या मारून होते.

कामगार विभागातील मतपत्रिकांपासून मोजणीला सुरूवात करण्यात आली. यामध्ये सात उमेदवारांमध्ये स्पर्धा होती. समर्थ पॅनेलच्या रणजित जाधव यांनी तब्बल ७५८ मते मिळवत या गटातून विजयी सलामी दिली. तर विजय पाटकर यांच्या नेतृत्त्वाखालील क्रियाशील पॅनेलच्या बाळकृष्ण बारामती यांना ४६९ मते घेत दुसऱ्या स्थानावर समाधान मानावे लागले. निर्मिती व्यवस्था व व्यवस्थापकीय यंत्रणा गटात संजय ठुबे यांनी ५२० मते घेत दुसऱ्याफेरीतही समर्थ पॅनेलचा गड राखला. तिसऱ्या फेरीत अभिनेत्री गटातील मतपत्रिकांची मोजणी करण्यात आली. यामध्ये समर्थपॅनेलच्याच वर्षा उसगावकर यांनी ५६६ मते घेत क्रियाशील पॅनेलच्या निवेदिता सराफ यांचा केवळ ५० मतांनी पराभव केला. ध्वनीरेखक गटात समर्थ पॅनेलच्या शरद चव्हाण यांनी ६२१ मतांनी विजयावर शिक्कामोर्तब केला. क्रियाशील पॅनेलच्या अनिल निकम यांचा १०० मतांनी पराभवाचा धक्का सोसावा लागला. रंगभूषा गटात समर्थ पॅनेलच्या चैताली डोंगरे यांनी ५९३ मते घेत विजयश्री खेचून आणली. पाच विभागात झालेल्या मतदानापैकी ६५९ मतपत्रिका बाद झाल्या.

पाच विभागात रणजित जाधव अव्वल

पहिल्या पाच विभागातील उमेदवारांच्या मतमोजणीमध्ये समर्थ पॅनेलमधून कामगार गटाचे उमेदवार रणजित जाधव यांना सर्वाधिक ७५८ मते मिळाल्याने ते अव्वल ठरले. तर रंगभूषा गटातील सदानंद सूर्यवंशी हे १३ मते मिळवत सर्वात नीच्चांकी स्थानावर राहिले. पहिल्या पाच विभागातील फेऱ्यांमध्ये रणजित जाधव यांनी घेतलेली तब्बल पाचशे मतांची आघाडी मतमोजणी केंद्रावर चर्चेचा विषय ठरला.

पहिल्या पाचमध्ये प्रमुख पराभूत

पहिल्या पाच विभागामध्ये महामंडळाचे विद्यमान उपाध्यक्ष मिलिंद अष्टेकर यांना निर्मित व्यवस्था या विभागात संजय ठुबे यांनी पराभवाचा धक्का दिला. तर अभिनेत्री गटात निवेदिता सराफ आणि दीपाली सय्यद यांचा पराभव झाला. कामगार विभागात बाळकृष्ण बारामती या चर्चेतील नावाला पराभवाचा फटका बसला.

मोबाइल अॅप डाउनलोड करा आणि राहा अपडेट

एव्हॉन कंपनीत ४६ लाखांचे इफेड्रीनसात संचालकांविरुद्ध गुन्हा दाखलमास्टर मार्इंड पुनीत श्रींगीला अटक

April 27, 2016, 9:47 am

≫ Next: लग्न मंडपातच झाला नवरदेवाचा मृत्यूपंढरपूर तालुक्यातील दुर्देवी घटनेने खळबळ

≪ Previous: चित्रपट महामंडळासाठी उशीरापर्यंत मतमोजणी

$

0

0

म. टा. वृत्तसेवा, सोलापूर

अन्न व औषध प्रशासनाची परवानगी नसणारे डीएल इफेड्रीन बेसचे उत्पादन करून ४५ लाख ४६ हजार रुपयांचा २१ हजार ५०० किलोंचा साठा बाळगल्याप्रकरणी कंपनीच्या सात संचालकांविरुद्ध मोहोळ पोलिस ठाण्यात गुन्हा दाखल झाला आहे.

दरम्यान, कंपनीचा संचालक मास्टर मार्इंड पुनीत रमेश श्रींगी याला मुंबईत अटक करण्यात आली आहे. या बाबत अन्न औषध प्रशासनाचे निरीक्षक सचिन अशोक कांबळे यांनी दिलेल्या फिर्यादीवरुन मोहोळ तालुक्यातील चिंचोळी एमआयडीसीतील एव्हॉन लाइफ सेन्स लिमिटेड कंपनीचा मालक अजित कामत, राजेंद्र कैमल, मनोज जैन, सुनील पित्रोडा, कोमल सुशील तिबरेवाल, झीनत सईद पठाण यांच्याविरुद्ध गुन्हा दाखल झाला आहे. जुलै-सप्टेंबर २०१३, ऑक्टोंबर-डिसेंबर २०१३ व जानेवारी ते मार्च २०१४ या कालावधीत कंपनीच्या संचालकांनी डीएल इफेड्रीन बेसचे उत्पादन केले. हे उत्पादन करण्यास अन्न व औषध प्रशासनाची मंजुरी नाही. तरीही त्यांनी दोन वेळा विनापरवाना विक्री केली आहे. अन्न व औषध प्रशासनाने कंपनीला ठरावीक उत्पादन करण्याची परवानगी दिली होती. परंतु, डीएल इफेड्रीन बेसचे उत्पादन करण्याची परवानगी दिली नव्हती. या उत्पादनाच्या २१ हजार ५०० किलोंच्या साठ्याची किंमत ४५ लाख ४६ हजार रुपये आहे, असेही कांबळे यांनी मोहोळ पोलिस ठाण्यात दिलेल्या फिर्यादी म्हटले आहे. या घटनेचा अधिक तपास पोलिस निरीक्षक सूरज बंडगर करीत आहेत.दरम्यान, एव्हॉन लाइफ सायन्सेस कंपनीचा परवाना रद्द करण्याची शिफारस सहआयुक्त औषध प्रशासन पुणे यांच्याकडे करण्यात आल्याची माहिती सोलापूर औषध प्रशासनाच्या सहायक आयुक्त मनिषा जवंजाळ-पाटील यांनी बुधवारी पत्रकारांशी बोलताना दिली.

२०००साली एव्हॉन कंपनीची स्थापना झाली असून, तेव्हापासून २०१६ पर्यंत वार्षिक तपासणी वेळी अशा प्रकारचा कोणताही अंमली पदार्थाचा साठा आढळून आलेला नाही. कंपनी नियमानुसार आहे. शिवाय औषध तयार करण्याचा परवानाही आहे. इफेड्रीनच्या साठ्यासाठी कंपनीने परवानगी घेतली नव्हती.

मास्टर मार्इंडला मुंबईत अटक

इफेड्रीन पावडरचा मोठा साठा सापडल्या प्रकरणात मास्टर मार्इंड असलेल्या एव्हॉन कंपनीचा संचालक पुनीत रमेश श्रींगी (रा. विरार) वास ठाणे गुन्हे शाखेच्या पथकाने मुंबईत अटक केल्याची माहिती सहायक पोलिस आयुक्त भरत शेळके यांनी दिली.
.......
डीएल इफेड्रीन बेसच्या साठ्याप्रकरणी मोहोळ पोलिसात गुन्हा दाखल झाला आहे. अन्न व औषध प्रशासनाच्या मदतीने या प्रकरणाचा तपास करून त्याच्या मुळाशी जाऊ. हे उत्पादन कोणाला विकण्यात आले. या बाबतही सखोल चौकशी करण्यात येईल. हे प्रकरण गंभीर व वेगळे असल्याने त्याचा तपास स्थानिक गुन्हे शाखेकडे देण्यात येईल.

एस. वीरेश प्रभू, पोलिस अधीक्षक सोलापूर

मोबाइल अॅप डाउनलोड करा आणि राहा अपडेट

लग्न मंडपातच झाला नवरदेवाचा मृत्यूपंढरपूर तालुक्यातील दुर्देवी घटनेने खळबळ

April 27, 2016, 9:49 am

≫ Next: ‘व्हीआयपी’ नंबरला कोट्यवधींचे मोल

≪ Previous: एव्हॉन कंपनीत ४६ लाखांचे इफेड्रीनसात संचालकांविरुद्ध गुन्हा दाखलमास्टर मार्इंड पुनीत श्रींगीला अटक

$

0

0

म. टा. वृत्तसेवा, पंढरपूर

लग्न मंडपात अक्षता पडताच नवरदेव शैलेंद्रला मृत्यूने गाठले. ज्या मांडवात लग्नकार्य सुरू होते त्याच ठिकाणी नवरदेवावर अंत्यसंस्कार करण्याची वेळ आली. पंढरपूर तालुक्यातील देगावमधील घाडगे वस्तीत ही दुर्दैवी घटना मंगळवारी सायंकाळी घडली.

घाडगे वस्तीवर मंगळवारी गोरज मुहूर्तावर शिंदे आणि मोरे यांचा विवाह सोहळा होता. शिवाजी शिंदे यांचा मुलगा शैलेंद्रचे एमसीएचे शिक्षण पूर्ण झाले होते. तो पुण्यामधील एका खासगी कंपनीत नोकरीला होता. त्याच्या लग्नासाठी घरासमोर मांडव पडला होता. वऱ्हाडी मंडळीनी घर भरले होते. नवरा-नवरीला हळदी लागल्या. उन्हामुळे लग्नाचा संध्याकाळचा गोरज मुहूर्त ठेवण्यात आला होता.

संध्याकाळी नवरदेव पारण्यासाठी वाजत गाजत निघाला. सोबत नाचायला मित्र मंडळी होतीच. इकडे मांडावा बाहेर पाहुणे असलेल्या घाडगे मंडळीत वैयक्तिक कारणावरून वादाला सुरूवात झाली. वाद चिघळण्याची शक्यता असल्याने पोलिसांना बोलवावे लागले. वाद सामंजस्याने मिटला देखील मात्र, पारण्याला गेलेल्या शैलेंद्रला दिवसभराचा ताण तणाव आणि जबर उन्हामुळे पारणे सुरू असतानाच उलट्या होऊ लागल्या. त्याला पुन्हा लग्नाच्या मांडवात आणले आणि अखेर अक्षता पडल्या. शैलेंद्र आणि सोनाली विवाहबंधनात बांधले गेले. यानंतर नव दाम्पत्य वडीलधाऱ्यांचे पाया पडत असतानाच शैलेंद्रला छातीत दुखू लागले अन् तो मांडवातच कोसळला. त्याला तातडीने पंढरपूर येथील हॉस्पिटलमध्ये दाखल करण्यात आले. मात्र उपचार सुरू होण्यापूर्वीच शैलेंद्रचा दुर्दैवी मृत्यू झाला होता.

ज्या मांडवात थोड्या वेळापूर्वी लग्नाचा उत्साह आणि आनंद होता त्याच मांडवावर तासाभरात शोककळा पसरली. मुलीकडच्या मंडळींवर तर जणू आभाळच कोसळले होते. आपल्या भावी आयुष्याची जोडीदारासोबत स्वप्ने रंगवणाऱ्या सोनालीला शैलेंद्र मांडवातच कायमचा सोडून निघून गेला होता. संपूर्ण देगाववर या घटनेमुळे शोककळा पसरली. लग्नासाठी जी लोकं जमली होती त्यांना त्याच ठिकाणी त्याच्या अंत्यसंस्कारासाठी जाण्याची वेळ आली.

शैलेंद्रच्या मृतदेहाचे शवविच्छेदन करण्यात आले. यात त्याचा मृत्यू हृदय विकाराच्या तीव्र झटक्याने झाल्याचा अहवाल डॉक्टरांनी दिला. पोलिसांनी चौकशी केली. मात्र कोणाचीच तक्रार नसल्याने पोलिसात आकस्मित मृत्यूची नोंद झाली आहे.

मोबाइल अॅप डाउनलोड करा आणि राहा अपडेट

---

‘व्हीआयपी’ नंबरला कोट्यवधींचे मोल

April 27, 2016, 10:02 pm

≫ Next: पाण्यासाठी अभयारण्यात वणवण

≪ Previous: लग्न मंडपातच झाला नवरदेवाचा मृत्यूपंढरपूर तालुक्यातील दुर्देवी घटनेने खळबळ

$

0

0

म. टा. वृत्तसेवा, कराड

कराड आणि पाटण तालुक्यांतील अनेक वाहनधारकांनी आपल्या वाहनांच्या व्हीआयपी नंबरच्या हौसेखातर मजबूत पैसे मोजले आहेत. तब्बल दीड हजार जणांनी शंभर, दोनशे नव्हे तर एक कोटी रुपये भरून कराड परिवहन कार्यालयात आपल्या वाहनांसाठी 'व्हीआयपी' क्रमांक मिळवलेत. पैसे भरून व्हिआयपी नंबरची हौस करणारांमध्ये व्यापारी, व्यावसायिक, बिल्डर यासह स्थानिक नेते मंडळींचाही समावेश आहे.

कराडला उपप्रादेशिक परिवहन कार्यालय (आरटीओ) सुरू झाल्यापासून गेल्या चार ते पाच वर्षांत आकर्षक क्रमांकाची 'क्रेझ' भलतीच वाढली आहे. अनेक वाहनधारक त्याला हवा तो क्रमांक मिळविण्यासाठी धडपड करताना दिसतो. सुरुवातीला आकर्षक क्रमांकासाठी परिवहनकडून आकारली जाणारी किंमत हजारांच्या घरात होती. मात्र, क्रमांकांची मागणी वाढली तशी 'परिवहन'ने महसुलातही वाढ केली. आता एका क्रमांकासाठीचा आकडा चक्क लाखाच्या घरात पोहोचला आहे. तरीही अनेक वाहनधारक पैसे भरून हा आकर्षक क्रमांक घेत आहेत.

'व्हीआयपी' क्रमांक मिळविण्यासाठी केल्या जाणाऱ्या धडपडीमागे प्रत्येकाची वेगवेगळी कारणे आहेत. काहीजण आकड्यांची मोडतोड करून अपेक्षित अक्षर तयार करता यावे, यासाठी क्रमांक मिळवतात तर काहीजण स्टेटससाठी आकर्षक क्रमांक मिळवत आहेत. काहीजण घरातील सर्व वाहनांचा क्रमांक एकच असावा, यासाठी पैसे भरण्याच्या फंदात पडतात. काहीजण 'समोरच्यावर' प्रभाव पाडण्यासाठी पैसे मोजतायत. कराडच्या उपप्रादेशिक परिवहन कार्यालयामध्ये एक एप्रिल २०१५ ते ३१ मार्च २०१६ अखेर १ हजार ६०० जणांनी वाहनांना आकर्षक क्रमांक घेतले आहेत. त्यासाठी त्यांनी एकूण १ कोटी ३ लाख ४९ हजार रुपये भरले आहेत. दर वर्षी आकर्षक क्रमांकासाठी भरली जाणारी रक्कम कोटीच्या घरात असते. त्यामुळे या माध्यमातूनच परिवहनला मोठ्या प्रमाणात महसूल मिळून येथील आरटीओ कार्यालय कोट्यधीश होऊ लागले आहे.

मोबाइल अॅप डाउनलोड करा आणि राहा अपडेट

पाण्यासाठी अभयारण्यात वणवण

April 28, 2016, 10:16 am

≫ Next: राष्ट्रीय महामार्गावरीलपुलांची कामे बंद ठेवाभुर्इंजमधील पूल पडल्याच्यापार्श्वभूमीवर पालकमंत्र्यांचा आदेश

≪ Previous: ‘व्हीआयपी’ नंबरला कोट्यवधींचे मोल

$

0

0

कराड : उन्हाच्या चटक्याबरोबरच कराड आणि पाटण तालुक्यातील डोंगराळ भागात पाणीटंचाई जाणवत आहे. या भागातील ग्रामस्थांना पाण्याच्या शोधासाठी कोयना आणि चांदोली अभयारण्यात वणवण भटकावे लागत आहे. या भागात आजवर सरकारी पाणीयोजना राबविण्यात आलेली नाही.
कराड तालुक्यातील दक्षिणेकडील अनेक गावे सह्याद्री पर्वत रागांच्या कुशीत वसलेली आहेत तर पाटण तालुक्याच्या पश्चिमेकडील शेवटच्या टोकांवरील अनेक गावे सह्याद्री पर्वताच्या पठारांवर वसलेली आहेत. या गावांच्या अवतीभोवती कोयना व चांदोली अभयारण्ये आणि सातारा, सांगली, कोल्हापूर, रत्नागिरी या जिल्ह्यांच्या सीमा या गावांना स्पर्श करतात. सध्या पिण्याच्या पाण्याचे मोठे संकट या गावांसमोर उभे आहे. जवळपास नदी, ओढा, विहीर, झरे असे कोणतेही जलस्रोत नसल्याने गावांतील मुले, महिला, पुरुष पाण्यासाठी भांडी घेऊन जंगलातील पाणवठ्यांचा शोध घेत वणवण भटकत आहेत.
या विभागातील पांढरेपाणी, मोरगिरीच्या वाड्या-वस्त्या, गुरेघरच्या परीसरातील वाड्या-वस्त्या व गावांवर कराड तालुक्यातील उंडाळे विभागातील दक्षिण टोकावरील येणपे परिसरातील वाड्या-वस्त्यांचा टंचाईग्रस्त भागात समावेश आहे. सरकारने मोरणा-गुरेघर प्रकल्पातून टँकरने पाणीपुरवठा करावा, अशी मागणी या भागातील ग्रामस्थ करीत आहेत.
मध्यंतरी पांढरेपाणी गावासाठी वनविभागाने पिण्याच्या पाण्याची योजना आणली होती.पाईपलाइनही केली.काही दिवस पाणी आले.त्यानंतर ही योजना गुंडळण्यात आली.त्यामुळे सध्या पाणीटंचाईची भिषण समस्या उभी राहीली असल्याची माहीती पांढरेपाणी गावचे नागरीक विठ्ठल शेळके यांनी दिली.

म्होप्रे परिसराही पाणीटंचाईची समस्या

कराड तालुक्यातील म्होप्रेसह भोळेवाडी, बेलदरे या गावांना पिण्याच्या पाण्याची समस्याही भेडसावू लागली आहे. यंदाचा एप्रिल महिना गेल्या ४० वर्षांतील सर्वांत उष्ण मानला जात आहे. सर्वत्र कडक उन्हामुळे पिके पाण्याअभावी वाळू लागली असतानाच आता गावविहिरी व बोअर वेललाही पाणी कमी येऊ लागल्याने पिण्यासाठी पुरेसे पाणी उपलब्ध होत नाही. त्यातच या भागातील यात्रा सुरू झाल्या आहेत. कोयना धरणाच्या पाणीसाठ्यात होणारी घट लक्षात घेता तेथील नियोजन समितीमार्फत सोडण्यात येणारे पाणी, वीजपुरवठा याचा मेळ बसत नसल्याची ग्रामस्थांची तक्रार आहे.

मोबाइल अॅप डाउनलोड करा आणि राहा अपडेट

राष्ट्रीय महामार्गावरीलपुलांची कामे बंद ठेवाभुर्इंजमधील पूल पडल्याच्यापार्श्वभूमीवर पालकमंत्र्यांचा आदेश

April 29, 2016, 10:09 am

≫ Next: पक्ष्यांसाठी नागरिकांची ‘सावली’

≪ Previous: पाण्यासाठी अभयारण्यात वणवण

$

0

0

म. टा. वृत्तसेवा, सातारा

पुणे-बेंगळुरू राष्ट्रीय महामार्गावरील भुर्इंज (ता. वाई) येथील उड्डाणपुलाच्या बांधकामाचा स्लॅब कोसळल्याच्या पार्श्वभूमीवर जिल्ह्यातील अनेक पुलांच्या कामांचा दर्जा निकृष्ट असण्याची शक्यता गृहीत धरून पालकमंत्री विजय शिवतारे यांनी महामार्गावरील सर्व पुलांची कामे बंद ठेवण्याचा आदेश दिला आहे. रस्ता आणि टोलच्या प्रश्नावर मुख्यमंत्र्‍यांशी चर्चा करणार असल्याचेही ते म्हणाले.

पुणे-बेंगळुरू राष्ट्रीय महामार्गावरील सुरू असलेल्या सहापदरीकरणाच्या बांधकामासंदर्भात व उड्डाणपुलाच्या निकृष्ट बांधकामासंदर्भात पत्रकार परिषदेत माहिती देताना पालकमंत्री विजय शिवतारे म्हणाले, 'सातारा जिल्ह्यातून गेलेला पुणे-बेंगळुरू राष्ट्रीय महामार्गावरील अनेक पुलांची कामे निकृष्ट दर्जाची असल्याच्या तक्रारी जिल्ह्यातील गावकऱ्यांनी केल्या आहेत. पुणे-बेंगळुरू महामार्गावर रिलायन्स इन्फास्ट्रक्चर कंपनीकडून बांधण्यात आलेले पूल निकृष्ट दर्जाचे आहेत. ज्या दिवशी पूल बांधला त्या दिवसांपासून पुलावर पाणीही मारले गेले नाही. भुर्इंज येथील पुलाच्या बांधकामाचा स्लॅब कोसळल्यानंतर स्पष्ट होते की, बांधकाम निकृष्ट दर्जाचे आहे'.

रिलायन्स कंपनीच्या सुविधा अपुऱ्या

सातारा जिल्ह्यातील महामार्गावर निकृष्ट रस्त्याच्या व पुलाच्या कामांमुळे अनेक लोकांचे जीव गेले आहेत. अपघात झाल्यानंतर जीवन सुरक्षा यंत्रणाही रिलायन्स कंपनीकडे नाही. टोलनाक्यावर ३० टनाच्या क्रेन असायला हव्या होत्या. त्याही कंपनीकडे उपलब्ध नाहीत. सातारा शहरात शिरताना वाढे फाट्यावरच निकृष्ट दर्जाचे रस्त्याचे काम पहायला मिळते आहे. कात्रज, खंबाटकी, या ठिकाणी एकतर्फी वाहतूक सुरू असल्याचे मी पाहिले आहे. गाड्या पेटल्यातर त्या विझवण्याची यंत्रणाही कंपनीकडे नाही. ४ जुलै २०१५ रोजी मी रिलायन्स इन्फास्ट्रक्टर कंपनी, आर व्ही कंपनी, नॅशनल हायवे अ‍ॅथॉरिटी व जिल्हाधिकारी यांची बैठक घेतली होती. बैठकीत रिलायन्स कंपनीचे काम निकृष्ट दर्जाचे असल्याचे कबुल केले. मात्र, सदरचे काम चांगल्या पद्धतीने केले जाईल, असे सांगितले होते. रस्त्याच्या कामांचा दर्जाही सुधारला जाईल, असेही सांगितले होते. पण, तसे झाले नाही. या संदर्भात आपण केंद्रीय रस्ते व वाहतूक मंत्री नितीन गडकरी यांना भेटणार आहे, असेही शिवतारे म्हणाले.

रिलायन्सचा ठेका रद्द करावा

पुलांची कामे निकृष्ट दर्जाची असण्याची शक्यता नाकारता येत नाही. आता सुरू असलेली पुलांची कामे मी तातडीने बंद करण्याचे आदेश दिले आहेत. बांधकाम विभाग व नामांकित कंपनीच्या माध्यमातून सुरू असलेली पुलांची कामे तपासली जाणार आहेत. त्याचा अहवाल दहा दिवसांत मला बांधकाम विभाग आणि नॅशनल हायवे अ‍ॅथॉरिटीकडून मिळेल त्यानंतरच पुलांची कामे सुरू होतील. कामे निकृष्ट असतील तर संबंधित ठेकेदारांवर कारवाई करण्यात येईल. रिलायन्स कंपनीला दिलेला ठेका हा रद्द करावा, यासाठी आपण मुख्यमंत्र्‍यांना भेटणार आहे. मुळात रस्ते चांगले नसतील तर टोल लोकांनी का द्यायचा? असा प्रश्न उपस्थित होत आहे. पालकमंत्री या नात्याने लोकांना टोल देवू नका, असे सांगू शकत नाही, असेही शिवतारे म्हणाले.

मोबाइल अॅप डाउनलोड करा आणि राहा अपडेट

पक्ष्यांसाठी नागरिकांची ‘सावली’

April 29, 2016, 2:30 pm

≫ Next: महालक्ष्मी बँकेसाठी दुरंगी लढत रंगणार

≪ Previous: राष्ट्रीय महामार्गावरीलपुलांची कामे बंद ठेवाभुर्इंजमधील पूल पडल्याच्यापार्श्वभूमीवर पालकमंत्र्यांचा आदेश

$

0

0

म. टा. प्रतिनिधी, कोल्हापूर

रणरणत्या उन्हातील पक्ष्यांची भटकंती थांबवण्यासाठी 'महाराष्ट्र टाइम्स' ने चालवलेल्या 'पक्षी वाचवा' अभियानाला कोल्हापूरवासियांनी भरभरुन प्रतिसाद दिला आहे. मातीची, प्लास्टिकची भांडी, पक्ष्यांसाठी घरटी, पक्ष्यांसाठी विविध प्रकारची धान्य दिले असून ज्येष्ठ पर्यावरणतज्ज्ञ डॉ. जय सामंत यांच्या हस्ते 'सावली फाउंडेशन'कडे हे साहित्य सुपूर्द करण्यात आले.

गेल्या महिन्यापासून 'पक्षी वाचवा' अभियानांतर्गत पक्ष्यांसाठी घरटी, पाणी व अन्न ठेवणाऱ्या नागरिकांना प्रोत्साहन देण्यासाठी त्यांच्या उपक्रमांना प्रसिद्धी देण्यात आली. त्यानंतर कमी होत असलेले पाणी व अन्नाची वाणवा असल्याने रणरणत्या उन्हात पक्ष्यांची होणारी भटकंती थांबवण्यासाठी ठिकठिकाणी पाण्याची, अन्नाची भांडी ठेवण्यासाठी उपक्रम राबवला. त्यासाठी 'सावली फाउंडेशन' ने पुढाकार घेत विविध ठिकाणी ही भांडी ठेवण्याची जबाबदारी उचलली. यासाठी नागरिकांना भांडी, धान्य देऊन उपक्रमात खारीचा वाटा देण्याचे आवाहन करण्यात केले होते. त्यानुसार गेल्या दोन आठवड्यांपासून शहरवासियांनी भरभरुन प्रतिसाद दिला आहे. अनेकांनी पक्ष्यांसाठी घरटीही आणून दिली आहेत. पहिल्या टप्प्यात जमलेले साहित्य महापौर अश्विनी रामाणे यांच्या हस्ते 'सावली' कडे सुपूर्द केले होते.

त्यानंतरही मोठ्या प्रमाणात भांडी व धान्य नागरिकांनी सुपूर्द केले होते. शुक्रवारी ज्येष्ठ पर्यावरणतज्ज्ञ डॉ. जय सामंत यांच्या हस्ते 'सावली' च्या कार्यकर्त्यांकडे हे साहित्य सुपूर्द करण्यात आले. याप्रसंगी 'महाराष्ट्र टाइम्स' चे निवासी संपादक विजय जाधव उपस्थित होते.

डॉ. सामंत म्हणाले, या कालावधीत हा उपक्रम खरोखरच स्तुत्य आहे. सामाजिक संघटनांकडून पुढाकार घेऊन या कामाची स्वीकारलेली जबाबदारी महत्त्वाची आहे. अशा प्रकारे संघटनांनी एखाद्या उपक्रमावर लक्ष केंद्रित करुन तो उपक्रम यशस्वी​ करण्याचा प्रयत्न करण्याची गरज आहे. ही समाजाची गरज असते, असे ते म्हणाले. 'सावली' च्यावतीने मैदाने, झाडांची गर्दी असलेली ठिकाणे, काही इमारतीवरील छत अशा जागा निवडल्या आहेत. तिथे पक्ष्यांची असलेली वर्दळ पाहून त्यांच्यासाठी अन्न व पाण्याची सोय करण्यात येत आहे. याशिवायही अनेक ठिकाणी जिथे वस्ती नाही अशा ठिकाणीही पाण्याची, धान्याची सोय केली जात आहे. त्या भांड्यांमध्ये दररोज पाणी व अन्न आहे का हे तपासण्याची जबाबदारी 'सावली' च्या कार्यकर्त्यांकडे दिली आहे. त्यानुसार दररोज तिथे जाऊन पाणी व धान्याची सोय केली जात आहे.

मोबाइल अॅप डाउनलोड करा आणि राहा अपडेट

महालक्ष्मी बँकेसाठी दुरंगी लढत रंगणार

April 29, 2016, 2:30 pm

≫ Next: बार असोसिएशनची आज निवडणूक

≪ Previous: पक्ष्यांसाठी नागरिकांची ‘सावली’

$

0

0

म. टा. प्रतिनिधी, कोल्हापूर

महालक्ष्मी बँकेच्या संचालक मंडळाच्या निवडणुकीसाठी पॅनेल उभारणीचे प्रयत्न जोरात सुरु आहेत. शनिवारी सत्तारुढ तसेच विरोधी पॅनेलची घोषणा केली जाणार आहे. सत्तारुढ पॅनेलने एक मे रोजी पॅनेलच्या प्रचाराचा प्रारंभही करण्याचे नियोजन केले आहे.

महालक्ष्मी बँकेमध्ये दोन पॅनेल होण्याची चिन्हे स्पष्ट झाली आहेत. सत्तारुढ पॅनेलने निवडणूक ​लढवण्यासाठी तीन नवीन चेहऱ्यांना संधी देण्याचे निश्चित केले आहे. त्यासाठी सत्तारुढमधील प्रमुखांकडून सातत्याने चर्चा केली जात असून शनिवारी सायंकाळपर्यंत या पॅनेलची घोषणा केली जाणार आहे. रविवारी एक मे रोजी अंबाबाई मंदिरात सायंकाळी या पॅनेलचा प्रचार प्रारंभ करण्यात येणार आहे. सत्तारुढ पॅनेलविरोधात भालचंद्र अष्टेकर हे स्वतंत्र पॅनेल उभे करण्याच्या प्रयत्नात आहेत. तेही शनिवारी पॅनेलबाबतची भूमिका स्पष्ट करणार आहेत.

या दोन पॅनेलची घोषणा झाल्यानंतर त्यामध्ये स्थान मिळते की नाही यावर आणखी काही उमेदवार निवडणूक रिंगणात राहण्याची शक्यता आहे. कोल्हापूर व पुणे हे कार्यक्षेत्र असलेल्या बँकेची निवडणूक आता चांगलीच रंगू लागली असून पुढील महिन्यात प्रचाराचा मोठा धडाका उडवला जाण्याची चिन्हे आहेत.

मोबाइल अॅप डाउनलोड करा आणि राहा अपडेट

बार असोसिएशनची आज निवडणूक

April 29, 2016, 2:30 pm

≫ Next: रिक्षाचालकांकडून ड्रेसकोड धाब्यावर

≪ Previous: महालक्ष्मी बँकेसाठी दुरंगी लढत रंगणार

$

0

0

म. टा. प्रतिनिधी, कोल्हापूर

कोल्हापूर जिल्हा बार असोसिएशन कार्यकारिणी निवड शनिवारी (३० एप्रिल) होत आहे. अॅड. प्रकाश मोरे, अॅड. शिवराम मोरे, अॅड. मनोहर बडदरे या तीन पॅनेलमध्ये प्रमुख लढत आहे. मतदानानंतर सायंकाळी सहानंतर मतमोजणी होणार आहे.

बार असोसिएशनच्या १५ जागांसाठी ४२ उमेदवार रिंगणात आहेत. अध्यक्षपदासाठी सहा उमेदवार रिंगणात असले तरी खरी लढत अॅड. प्रकाश मोरे, अॅड. शिवराम मोरे, अॅड. मनोहर बडदारे यांच्यात होणार आहे. एकूण १८९२ मतदार नवी कार्यकारिणी ठरवणार आहेत. मुंबई हायकोर्टाचे खंडपीठ कोल्हापुरात स्थापना निवडणुकीचा मुख्य अजेंडा आहे. खंडपीठांसाठी आंदोलन तीव्र करावे असा म्हणणारा वकिलांचा एक गट असून सरकारवर दबाव टाकून खंडपीठ मागणी पुढे रेटावी असे म्हणणारा एक गट आहे. तरुण व ज्येष्ठ वकिलांची मते महत्त्वाची ठरणार आहे. तिन्ही पॅनेलच्या उमेदवारांनी वैयक्तिक भेटीवर भर दिला आहे. ग्रामिण भागातील वकिलांशी संपर्क साधण्यात येत आहे. नवीन इमारतीच्या बाहेर डिजिटल फलक लावून हवा करण्याचा प्रयत्न केला आहे.

कसबा बावडा येथील नवीन न्यायसंकुलाच्या इमारतीत मतदान प्रक्रिया होणार आहे. सकाळी दहा ते पाच या वेळेत मतदान होणार आहे. मतदानानंतर सायंकाळी सहा वाजता मतमोजणीस प्रारंभ होणार आहे.

मोबाइल अॅप डाउनलोड करा आणि राहा अपडेट

रिक्षाचालकांकडून ड्रेसकोड धाब्यावर

April 29, 2016, 2:30 pm

≫ Next: डिव्हायडर तोडून टँकरची टेम्पोला धडक

≪ Previous: बार असोसिएशनची आज निवडणूक

$

0

0

म. टा. प्रतिनिधी, कोल्हापूर

एकेकाळी शिस्तबद्ध आणि प्रामाणिक रिक्षाचालक म्हणून ओळख असलेल्या कोल्हापूरच्या रिक्षाचालकांची ओळख पुसून जात आहे. बेशिस्त रिक्षाचालक म्हणून ओळख होऊ लागली आहे. प्रत्येक रिक्षाचालकाला ड्रेस, बॅच बिल्ला आवश्यक असताना रिक्षाचालकांकडून ड्रेसकोड धाब्यावर बसवला जात आहे. प्रवाशांच्या सुरक्षेच्यादृष्टीने ड्रेसकोड अत्यावश्यक असताना शहर वाहतूक नियंत्रण शाखा व प्रादेशिक परिवहन कार्यालयाकडून (आरटीओ) दुर्लक्ष होत आहे.

शहरात अंदाजे पाच हजार रिक्षा असून ३४९० रिक्षांना परवाना आहे. रिक्षा व्यवसाय करणाऱ्यांना आरटीओच्या नियमानुसार ड्रेसकोड आहे. स्वतःच्या मालकीची रिक्षा असेल तर मालक चालकांना पांढरा शर्ट व पांढरी पँट असा ड्रेसकोड आहे. रिक्षाचालकाला खाकी शर्ट-पॅँट असा ड्रेसकोड आहे. तसेच खिशावर किंवा छातीवर बिल्ला लावण्याची सक्ती आहे. पण नियम रिक्षाचालकांनी धाब्यावर बसवले आहेत.

शहरातील ९० टक्के रिक्षाचालक ड्रेसकोड पाळत नाहीत. ड्रेसकोड पाळत नसल्याने अधिकृत रिक्षाचालक कोण? असा प्रश्न उपस्थित होत आहे. एकीकडे रिक्षाचालक रिक्षा नियमित धुतात, पुसतात. रिक्षा सजवतात. पण, रिक्षाचालक मात्र अधिकृत ड्रेसकोड न परिधान कॉमन ड्रेस घालत असतात. दिवसेदिवस कोल्हापुरात पर्यटक व भाविकांची संख्या वाढत आहे. मुख्य शहरातून अडवळणावरील उपनगरात प्रवासी रिक्षांचा वापर करतात. पण ड्रेसकोड नसल्याने रिक्षा चालक अधिकृत आहे की नाही, हे समजत नाही.

मीटरऐवजी ठोक पध्दतीने रिक्षाचालक प्रवाशांकडून अनेक ठिकाणी वसूल करत असतात. रिक्षा चालकांकडून प्रवासी भाड्यासाठी अडेलतट्टू भूमिका घेऊन प्रवाशांची अडवणूक केली जाते. रात्रीवेळी मध्यवर्ती बस स्थानक परिसरातून प्रवासी वाहतूक करणाऱ्या ९५ टक्के रिक्षाचालकांकडून ड्रेसकोडचे उल्लंघन होत आहे. ड्रेसकोडचे पालन न करणाऱ्या रिक्षाचालकांवर आरटीओ व शहर वाहतूक नियंत्रण शाखेकडून कारवाई केली जाते. आरटीओकडून नोटीस पाठवली जाते तर शहर वाहतूक नियंत्रण शाखेकडून फक्त १०० रूपये दंड आकारला जातो. अनेक रिक्षाचालक १०० रूपये दंड घ्या, पण ड्रेस घालणार नाही, अशी आरेरावी करतात. दंडाची तीव्रता वाढवल्यास रिक्षासंघटनांकडून दबाव येतो. रिक्षाचालक गरीब आहे अशी तक्रार केली जाते. वाहतूक पोलिसांची संख्या कमी असल्याने व आरटीओतील अधिकाऱ्यांवर ताण जास्त असल्याने रिक्षाचालकांच्या ड्रेसकोडची काटेकोर अंमलबजावणी होत नाही. रिक्षाचालकांप्रमाणे सहा सिटर रिक्षाचालकही ड्रेसकोडचे पालन करत नाहीत.

===

एसटी, केएमटीतील चालक ड्रेसकोड व बिल्ला वापरतात. पण शहरातील बहुतांशी रिक्षाचालक ड्रेस घालत नाहीत. त्यांचा पोषाख, हेअर स्टाइल पाहून काही रिक्षात बसायचीही भीती वाटते. उपनगरात सिव्हिल ड्रेस घातलेल्या चालकाच्या रिक्षातून जाणे हे धोकादायकही होऊ शकते.

सससुजय चव्हाण, शनिवार पेठ

मोबाइल अॅप डाउनलोड करा आणि राहा अपडेट

---

डिव्हायडर तोडून टँकरची टेम्पोला धडक

April 29, 2016, 2:30 pm

≫ Next: समीर गायकवाडवर ४ मे रोजी आरोपनिश्चिती

≪ Previous: रिक्षाचालकांकडून ड्रेसकोड धाब्यावर

$

0

0

म. टा. प्रतिनिधी, कोल्हापूर

संभाजीनगर रेसकोर्स नाक्यानजीक भरधाव आलेल्या महापालिकेच्या पाण्याच्या टँकरने डिव्हायडर तोडून समोर असलेल्या टेम्पोला जोरदार धडक दिली. अपघातात टेम्पोचालक महादेव कृष्णा रोहिले (वय २८, रा. सांगरूळ, ता. करवीर) हा गंभीर जखमी झाला. शुक्रवारी सकाळी सव्वाअकरा वाजता अपघात झाला.

सध्या शहरात पाणीटंचाई आहे. त्यामुळे महापालिकेतर्फे अनेक ठिकाणी टँकरने पाणीपुरवठा सुरू आहे. प्रभागात पाणी देऊन परत येत असलेला रिकामा टँकर कळंबा फिल्टर हाऊसकडे पाणी भरण्यासाठी निघाला होता. चालकाचे नियंत्रण सुटल्याने टँकरने डिव्हायडरला धडक देऊन पलिकडच्या बाजूला विरूद्ध दिशेला गेला. यावेळी टिंबर मार्केटकडून पाण्याच्या खजिन्याकडे छोटा टेम्पो निघाला होता. टँकरची टेम्पोला जोरदार धडक बसली. अपघातावेळी झालेल्या मोठ्या आवाजाने नागरिकांनी अपघातस्थळी धाव घेतली. टँकरचालक पळून गेला. धडकेत टेम्पोच्या पुढील भागाचे नुकसान झाल्याने चालकाला बाहेर काढता येणे अशक्य झाले. अपघाताची माहिती कळताच टिंबर मार्केट येथील अग्निशमन दलाचे जवान घटनास्थळी आले. त्यांनी टेम्पोची केबिन तोडून काढली. तब्बल अर्ध्या तासानंतर चालकाला बाहेर काढण्यात आले. या अपघातात चालक रोहिले यांच्या पायाला गंभीर दुखापत झाली. घटनास्थळानजीक असलेल्या गजानन ऑर्थोपेडिक हॉस्पिटलमध्ये चालक रोहिले यांना उपचारास दाखल करण्यात आले. अपघातस्थळी नागरिकांनी मोठी गर्दी केली होती. अपघातानंतर या मार्गावर दोन्ही बाजूला वाहनांच्या मोठ्या रांगा लागल्या. जुना राजवाडा पोलिस ठाण्यात अपघाताची नोंद झाली आहे.

मोबाइल अॅप डाउनलोड करा आणि राहा अपडेट

समीर गायकवाडवर ४ मे रोजी आरोपनिश्चिती

April 29, 2016, 2:30 pm

≫ Next: शिरोळकरांचा घेराओ

≪ Previous: डिव्हायडर तोडून टँकरची टेम्पोला धडक

$

0

0

म. टा. प्रतिनिधी, कोल्हापूर

मुंबई हायकोर्टाच्या निर्णयाची प्रत मिळाली नसल्याने, शुक्रवारी ज्येष्ठ नेते कॉम्रेड गोविंदराव पानसरे यांच्या हत्येतील प्रमुख आरोपी समीर गायकवाडवर आरोप निश्चित करण्यात आले नाहीत. कोर्टाची प्रत आल्यानंतर चार मे रोजी आरोप निश्चित करण्याबाबतचा निर्णय घेतला जाणार आहे. हायकोर्टाच्या निर्णयाची प्रत उपलब्ध झाली नसल्याने सत्र न्यायाधीश एल. डी. बिले यांनी सुनावणी स्थगित केली. सुनावणीवेळी समीर गायकवाडला कडेकोट बंदोबस्तात कोर्टात आणले होते.

मुंबई हायकोर्टाने समीर गायकवाडच्या आरोप निश्चितीबाबतचा दाखल अर्ज आधीच निकाली काढला आहे. सत्र न्यायालयाने या खटल्याचे काम थांबवू नये आणि फौजदारी दंड संहितेप्रमाणे आवश्यक कार्यवाही करावी असे निर्देश दिले आहेत. मात्र या निकालाची ऑनलाइन प्रतही डाउनलोड झालेली नसल्याने शुक्रवारची सुनावणी तहकूब करण्यात आली. तत्पूर्वी विशेष सरकारी वकील हर्षद निंबाळकर आणि समीरचे वकील समीर पटवर्धन यांनी याबाबत कोर्टानेच निर्णय घ्यावा असे स्पष्ट केले. त्यानंतर चार मे रोजी निकालाची प्र​त मिळाल्यावर आरोप निश्चितीचा निर्णय होईल, असे न्यायमूर्ती बिले यांनी सांगितले.

दरम्यान, अॅड. समीर पटवर्धन यांनी कळंबा कारागृहात समीरला अन्य कैद्यांबरोबर बोलण्याची दिलेली सुवाधी कारागृह प्रशासनाने बंद केली असल्याच्या प्रकाराकडे लक्ष वेधले. न्यायमूर्ती बिले यांनी समीरला याबाबत विचारणा केली. सोमवारपासून अंडासेलमधून दुपारी बारा ते तीन या वेळेत मला बाहेर सोडले जात नाही असे समीरने सांगितले. त्यामुळे मला अन्य कैद्यांसमवेत बोलता येत नाही असे तो म्हणाला. कोर्टाचा आदेश देऊनही समीरची ही सुविधा बंद केली आहे. त्याच्या मनावर परिणाम होण्याची शक्यता आहे असे अॅड. पटवर्धन यांनी सांगितले. यासंदर्भात कारागृह प्रशासनाला विचारणा करण्यात येईल असे न्यायाधीशांनी स्पष्ट केले.

मोबाइल अॅप डाउनलोड करा आणि राहा अपडेट

शिरोळकरांचा घेराओ

April 29, 2016, 2:30 pm

≫ Next: स्थायी सभेत सत्तारुढ- विरोधक आमनेसामने

≪ Previous: समीर गायकवाडवर ४ मे रोजी आरोपनिश्चिती

$

0

0

म. टा. प्रतिनिधी, कोल्हापूर

सांडपाणी व औद्योगिक कारखान्यांच्या पाण्यामुळे प्रदूषणयुक्त पाणीही उपसाबंदीमुळे उठवता येत नाही. बंदी उठेपर्यंत पंचगंगा नदीतील ते पाणीही संपून जात आहे. ऊस वाळून चालला आहे. या प्रकाराने संतापलेल्या इचलकरंजी बंधारा ते तेरवाड बंधाऱ्यादरम्यानच्या शेतकऱ्यांनी शुक्रवारी पाटबंधारे विभागाच्या कार्यकारी अभियंत्यांना दोन तास घेराव घातला. या भागातील उपसाबंदी तत्काळ उठवण्यासाठी केलेल्या जोरदार घोषणाबाजीने कार्यालय दणाणून सोडले. शनिवारपासून उपसाबंदी उठवण्याचा निर्णय घेतल्यानंतरच घेराव मागे घेण्यात आला.

इचलकरंजी पालिकेतून येणारे सांडपाणी, औद्योगिक कारखान्यांचे रसायनयुक्त पाणी या इचलकरंजी ते तेरवाड बंधाऱ्याजवळ साठले आहे. यामुळे प्रचंड प्रदू्षित झालेले पाणी पिण्यासाठी कुणीच वापरत नाही. जनावरांसाठीही हे पाणी वापरले जात नाही. अनेकदा या टापूत मासे मरण्याचे प्रकार झाले आहेत. मात्र सर्व भागाप्रमाणे पाटबंधारे विभागाने या भागातही उपसाबंदी लागू केली आहे. २४ एप्रिलपर्यंत उपसा सुरू होता. त्यापूर्वीच पात्र कोरडे होते. आताही ४ मे पासून उपसा सुरू करता येणार आहे. सध्या कर्नाटकातील हद्दीतील पंपांकडून रोज उपसा सुरू आहे.

यातून पाणी पातळी कमालीची घटत असून ४ मेपर्यंत नदीपात्र ठणठणीत होण्याची शक्यता आहे. यामुळेच या टापूतील १० गावातील ग्रामस्थांच्या शेतकरी विकास समितीच्या नेतृत्वाखाली कार्यकारी अभियंता विजय पाटील यांना घेराव घातला.

आप्पा पाटील यांनी पाणी संपल्यानंतर उपसा बंदी उठवून शेतकऱ्यांना काही फायदा होणार नाही. प्रदूषणामुळे या टापूतील पाणी पिण्यासाठी उचलत नाही. या पाण्याने किमान ऊस तरी तगतील. त्यासाठी विभागाने तत्काळ उपसाबंदी उठवावी अशी मागणी करण्यात आली. शेतकरी एकजुटीचा विजय असो अशा घोषणांनी कार्यालय दणाणून सोडले.

या भागात कायम पाणी उपसण्यास परवानगी द्यावी, दूषित पाणी उपसत असल्याने शेतकऱ्यांची पाणीपट्टी माफ करावी, अशी मागणी यावेळी करण्यात आल्या. कार्यकारी अभियंत्यांकडून १ मे पासून उपसाबंदी उठवली जाईल, असे सांगितले जात होते. पण शेतकऱ्यांना आजच बंदी उठवावी, अशी मागणी होती. त्यामुळे ३० एप्रिलपासून उपसाबंदी उठवण्याचा निर्णय आंदोलकांनी मान्य केला व आंदोलन थांबवण्यात आले. यामध्ये विजय भोजे, राजेंद्र खुरपे, बंडू पाटील, सूर्यकात माणगावे, सुरेश शेडबाळे, राजगोंडा पाटील, महादेव पाटील आदी सहभागी झाले होते.

मोबाइल अॅप डाउनलोड करा आणि राहा अपडेट

स्थायी सभेत सत्तारुढ- विरोधक आमनेसामने

April 29, 2016, 11:34 am

≫ Next: पुलाच्या बांधकामासाठी मान्यता हवीच

≪ Previous: शिरोळकरांचा घेराओ

$

0

0

म. टा. प्रतिनिधी, कोल्हापूर

एचसीएल कंपनीच्या कामाचा सावळा गोंधळ, फाइल ठेवण्याकरिता कॉम्पॅक्टर कपाटे खरेदीवरुन सत्तारूढ काँग्रेस, राष्ट्रवादी काँग्रेस आणि विरोधी भारतीय जनता पक्ष, ताराराणी आघाडी आमनेसामने उभे ठाकल्याने शुक्रवारी स्थायी समितीची सभा गाजली. नामवंत कंपनीची कॉम्पॅक्टर कपाटे कमी दरात उपलब्ध असताना सत्तारुढ सदस्य जादा दराने खरेदी करत असल्याचा आरोप विरोधकांनी केला. भाजप-ताराराणी आघाडीच्या सदस्यांनी विरोध केल्याने सत्तारुढ गटांनी हा प्रस्ताव बहुमताने मंजूर केला. सभेच्या अध्यक्षस्थानी स्थायी समिती सभापती मुरलीधर जाधव होते.

एचसीएल कंपनीच्या चुकीच्या कामकामामुळे गेली अनेक वर्षे नागरिकांना जादा घरफाळा भरावा लागत आहे. एप्रिलमध्ये बिले तयार केल्यानंतर तिफण महिन्यानंतर दंड आकारण्याची तरतूद केली आहे. अनेक मिळकतधारकांना दंड आकारण्यात आला असून नागरिकांची आर्थिक लूट सुरू असल्याचे नगरसेवक अजित ठाणेकर यांनी सभेत सांगितले. अतिरिक्त आयुक्त नितीन देसाई व उपायुक्त ज्ञानेश्वर ढेरे यांनी कंपनीला सॉफ्टवेअरमध्ये तातडीने बदल करून यावर्षी करआकारणी निर्दोष करण्याविषयी येईल असे सांगितले. नागरिकांना जादा बिले आली असल्याच त्याची तपासणी करू असे उत्तर दिले. उमा इंगळे यांनी अनधिकृत केबिन, खाऊ गल्लीत दिवसेंदिवस वाढणाऱ्या केबिन, हातगाड्यांकडे लक्ष वेधले.

महापालिकेच्या विविध विभागामध्ये रेकॉर्ड, फाइल्स ठेवण्याकरिता फाइक कॉम्पॅक्टर खरेदीचा प्रस्ताव ऑफीसने तयार केला आहे. हा प्रस्ताव मंजुरीसाठी स्थायी समितीसमोर ठेवला होता. मात्र या प्रस्तावावरून सत्तारूढ आणि विरोधकांत एकमत झाले नाही. सत्तारूढच्या सदस्यांन हा प्रस्ताव मंजूर करणे आवश्यक असल्याचे सांगितले. रेकॉर्ड, फाइल्स ठेवण्यासाठी कॉम्पॅक्टर आवश्यक असून प्रत्येक सभेत यावर चर्चा केली जाते. खरेदीचा प्रस्ताव मंजूर करणे आवश्यक असल्याचा मुद्दा मांडला. मात्र कुणाची निविदा मंजूर करायची याविषयी सत्तारूढ आणि विरोधकांत मतैक्य झाले नाही. भाजप, ताराराणी आघाडीच्या सदस्यांनी विरोध केल्यामुळे सत्तारूढ गटांनी बहुमताद्वारे ४४ लाख ८१ हजार ०५९ रुपयेचा हा प्रस्ताव मंजूर केला. विरोधी सदस्यांनी नामांकित कंपन्या कमी दरात कॉम्पॅक्टर पुरविण्यास तयार असल्याचे सांगितले.

संथ कामाबद्दल ठेकेदाराला दंड

टेंबलाईवाडी मार्केट कमिटी येथे ज्या व्यापाऱ्यांना प्लॉट दिले आहेत त्याची माहिती मागविली जाईल. लक्ष्मीपुरीतील धान्य लाइनच्या व्यापाऱ्यांचे टेंबलाईवाडी येथील मार्केट कमिटीत स्थलांतर करण्याची कारवाई करू. तसेच कोंबडी बाजार येथील नवीन कमर्शियल कॉम्प्लेक्सबाबत निविदा काढण्याची ग्वाही प्रशासनाने यावेळी दिली. निलोफर आजरेकर, मेहजबीन सुभेदार यांनी हा प्रश्न उपस्थित केला होता. रिना कांबळे यांनी यांनी फुलेवाडी रिंगरोड येथील नगरोत्थानचे काम १५ मेपर्यंत पूर्ण न केल्यास ठेकेदारावर कारवाई करण्याची मागणी रेटली. ठेकेदारने मुदतीत काम पूर्ण न केल्यास ब्लॅकलिस्ट करू असे प्रशासनातर्फे सांगण्यात आले. नगरसेविका रुपाराणी निकम, प्रतिज्ञा निल्ले यांनी आरईइन्फ्रा कंपनीकडून स्ट्रॉर्म वॉटरची कामे संथगतीने सुरू असल्याचे निदर्शनास आणले. त्या कंपनीकडून स्ट्रॉर्म वॉटरचे ३६ कोटी रुपये वसूल करावेत अशी मागणी केली. कंपनीकडून संथगतीने काम सुरू असल्याबद्दल रोज पाच हजार रुपयांचा दंड केला जात असल्याचे प्रशासनाने सांगितले. नेचर इन नीड, तावडे हॉटेल परिसरातील अनधिकृत बांधकाम, राजेंद्रनगर भागाला कमी दाबाने होणारा पुरवठा या प्रश्नी प्रशासनाने काय कारवाई केली अशी विचारणा सदस्यांनी केली.

मोबाइल अॅप डाउनलोड करा आणि राहा अपडेट

पुलाच्या बांधकामासाठी मान्यता हवीच

April 29, 2016, 1:31 pm

≫ Next: कर्नाटकला कोयनेतून आणखी पाणी सोडले

≪ Previous: स्थायी सभेत सत्तारुढ- विरोधक आमनेसामने

$

0

0

म. टा. प्र्रतिनिधी, कोल्हापूर

महापालिका आणि बांधकाम विभाग पाण्याचा हौद हटविण्याच्या कामात ताकतुंबा करत असल्याचा आरोप करत कोल्हापूर शहर सर्वपक्षीय हद्दवाढ कृती समितीच्या कार्यकर्त्यांनी बांधकाम विभाग आणि महापालिका दोन्ही विभागाच्या अ​धिकाऱ्यांवर प्रश्नांचा भडीमार केला. शहर अभियंता नेत्रदीप सरनोबत यांनी बांधकाम विभागाला हौद पाडणे व बांधून घेण्यासंदर्भात पत्र दिले आहे. महापालिकेच्यावतीने पर्यायी हौदसाठी जागा व त्यावर मार्किंग करून देण्यास तयार असल्याचे सांगत पाण्याचा हौद पाडण्याची जबाबदारी बांधकाम विभागाची असल्याचे स्पष्ट केले.

दरम्यान, उपअभियंता आवटी यांनी, नियमानुसार पाण्याचा हौद पाडता येणार नाही. पर्यायी पुलाच्या बांधकाम मार्गात पाण्याचा हौद अडथळा ठरत नाही असा खुलासा केला. हौद पाडूनही पर्यायी पुलाच्या बांधकामासाठी केंद्रीय पुरातत्व भागाची मान्यता आवश्यक असल्याचे सां​गितले. यावर कार्यकर्त्यांनी व इतरांनी आक्षेप घेत ही माहिती आतापर्यंत का दडवली ? जनेतची दिशाभूल का करत आहेत. हे शहाणपण अधिकाऱ्यांना उशिरा का सुचते ? महापालिका आणि बांधकाम विभागाच्या तांत्रिक बाबीशी जनतेचे देणेघेणे नाही. येत्या दोन दिवसात पाण्याचा हौद हटविला नाही तर शिवाजी पुलावरील वाहतूक दोन्ही बाजूनी बंद करण्याचा इशारा बाबा पार्टे, दिलीप पोवार, अशोक पोवार, लाला गायकवाड, जयकुमार शिंदे, चंद्रकांत बराले, किसन कल्याणकर, अशोक भंडारे आदी कार्यकर्त्यांनी दिला. लाला गायकवाड यांनी पुलाच्या काम रखडण्यासाठी बांधकाम विभाग, महापालिका आणि हेरिटेज समिती कारणीभूत असल्याचा आरोप केला.

शहर हेरिटेज समितीच्या अध्यक्षा अमरजा निंबाळकर यांच्याकडेही कार्यर्त्यांनी विचारणा केली असता त्यांनी पूलाचे बांधकाम होणे महत्वाचे आहे. सगळे मिळून पालकमंत्र्यांना भेटू या. पुलाच्या बांधकामासाठी पुरातत्व खात्याची मान्यता महत्वाची असल्याचे सांगितले. पुलाच्या बांधकामासाठी हौद पाडायची आवश्यकता नाही. ज्या गोष्टीची गरज नाही त्यासाठी एवढा दंगा का ? अशी विचारणा करत संबंधित विभागाने पुलाच्या बांधकामासाठी यापूर्वीच मान्यता घ्यायला हवी होती असे नमूद केले. कृती समितीचे निमंत्रक आर. के. पोवार यांनी पाण्याचा हौद हटविल्याशिवाय आंदोलन थांबणार नसल्याचे स्पष्ट करत पर्यायी हौद बांधताना स्थानिक नगरसेवकांना सामावून घ्या अशी सूचना केली. शहर अभियंता सरनोबत व उपअभियंता आवटी यांच्यामध्ये चर्चा झाली. आवटी यांनी शनिवारपासून पाण्याचा हौद उतरविण्यात येईल असे सांगितल्याने आंदोलन मागे घेण्यात आले. नगरसेवक अफजल पिरजादे, नगररचना विभागाचे सहाय्यक संचालक धनंजय खोत, एस. के.पाटील आदी उपस्थित होते.

मोबाइल अॅप डाउनलोड करा आणि राहा अपडेट