प्री-आयएएस सेंटरचे विद्यार्थी अमित वसंत निकम हे इंडियन फॉरेस्ट सर्व्हिसेस परीक्षेत उत्तीर्ण झाले. त्यांनी ६३ वी रॅँक मिळविली. त्यांना तिसऱ्या प्रयत्नात यश मिळाले. ते सावळज (ता. तासगाव) येथील आहेत.
केंद्रीय लोकसेवा आयोगाने इंडियन फॉरेस्ट सर्व्हिसेसची २०१५ मध्ये परीक्षा घेतली. लेखी परीक्षा १४०० आणि तोंडी परीक्षा ३०० गुणांची झाली. मुलाखतीसाठी ३० विद्यार्थी पात्र ठरले होते. यामध्ये मुलाखतीसाठी प्रि- आयएएस सेंटरचे चार विद्यार्थ्यांचा समावेश होता. दिल्ली येथे १८ जानेवारी ते ९ फेब्रुवारी पर्यंत उमेदवारांच्या मुलाखती घेण्यात आल्या. त्यात निकम यांनी यश मिळविले.
परीक्षेचा निकाल ११ फेब्रुवारीला जाहीर करण्यात आला. देशभरातून या परीक्षेत ११० विद्यार्थी उत्तीर्ण झाले. त्यांनी बी. ई मेकॅनिकल पदवी घेतली. सॉफ्टवेअर इंजिनीअर म्हणूनही काही महिने काम केले. त्यानंतर सावंतवाडी येथे एसबीआय मध्ये प्रोबेशनरी ऑफिसर म्हणून नोकरी केली. निकम यांनी ही परीक्षा उत्तीर्ण होण्यासाठी तीनदा प्रयत्न केले. २०१२, २०१४ आणि २०१५ मध्ये प्रयत्न केले.
दुसऱ्या प्रयत्नात त्यांना मुलाखतीत यश मिळाले नाही. मात्र त्यांनी प्रयत्नपूर्वक अभ्यास सुरू केला. प्रि-आयएएस सेंटरमध्ये प्रवेश मिळाल्यानंतर परीक्षेची तयारी केली. तिसऱ्या प्रयत्नात त्यांनी यशाची बाजी मारली.
मोबाइल अॅप डाउनलोड करा आणि राहा अपडेट
