प्रदूषण नियंत्रणमध्ये शिवसेनेचे ‘लक्ष्मीपूजन’

December 28, 2015, 1:30 pm

≫ Next: शिवरायांना अनोखे अभिवादन

≪ Previous: सावकारीला कंटाळून कुटुंब संपवले!

$

0

0

म. टा. प्रतिनिधी, कोल्हापूर

कोल्हापूर जिल्ह्यातील अवैध उत्खनना विरोधात शिवसेनेने अनोखे आंदोलन करून प्रदूषण नियंत्रण मंडळाच्या अधिकाऱ्यांना बेकायदा कामांच्या विरोधात धारेवर धरले. 'लक्ष्मीदर्शना'मुळे जिल्ह्यातील अवैध उत्खननाकडे प्रदूषण नियंत्रण मंडळाचे दुर्लक्ष होत असल्याचा आरोप करीत शिवसेनेने सोमवारी (ता.२८) प्रदूषण नियंत्रण मंडळाच्या कार्यालयात अधिकाऱ्यांच्या टेबलवरच 'लक्ष्मीपूजन' केले.

कोल्हापूर जिल्ह्यातील येळवण जुगाई (ता.शाहूवाडी) येथे वारणा मिनरल्स या कंपनीने पर्यावरणाचे नियम धाब्यावर बसवून शासकीय अधिकाऱ्यांच्या वरदहस्ताने उत्खनन सुरू केल्याचा आरोप शिवसेनेचे जिल्हाध्यक्ष संजय पवार आणि विजय देवणे यांनी केला आहे. अवैध उत्खननाच्या विरोधात आंदोलन करण्याचा इशारा शिवसेनेच्या पदाधिकाऱ्यांनी नुकताच दिला होता.

मोबाइल अॅप डाउनलोड करा आणि राहा अपडेट

---

शिवरायांना अनोखे अभिवादन

December 28, 2015, 1:30 pm

≫ Next: सांगलीत अतिक्रमणांवर हातोडा

≪ Previous: प्रदूषण नियंत्रणमध्ये शिवसेनेचे ‘लक्ष्मीपूजन’

$

0

0

म. टा. प्रतिनिधी, कोल्हापूर

कोणताही उद्योग समूह विशिष्ट फायद्याचा हेतू डोळ्यासमोर ठेवून दरवर्षी दिनदर्शिका प्रकाशित करत असतो. परंतु परमाळे ग्रुपने कोणताही फायद्याचा हेतू न बाळगता सेवाभावी वृत्तीने आणि लोकशिक्षणाच्या भावनेने अनोखी दिनदर्शिका प्रकाशित केली आहे. परमाळे कुटुंबीयांनी केलेले कार्य हे कौतुकास्पद असून नव्या पिढीला दिशादर्शक असल्याचे गौरवोद्गार युवराज संभाजीराजे यांनी काढले. परमाळे ग्रुपच्यावतीने छत्रपती शिवाजी महाराज यांच्या दुर्मिळ छायाचित्रांच्या समावेश असलेल्या २०१६ च्या दिनदर्शिका प्रकाशनप्रसंगी ते बोलत होते. अध्यक्षस्थानी ज्येष्ठ इतिहास संशोधक डॉ. जयसिंगराव पवार होते.

भवानी मंडपातील तुळजाभवानी मंदिर येथे झालेल्या कार्यक्रमात संभाजीराजे म्हणाले, 'गतवर्षी प्रकाशित केलेल्या दिनदर्शिकेत छत्रपती शाहूंच्या जीवनातील काही प्रसंगाचा समावेश केला होता. तर यावर्षी छत्रपती शिवाजी महाराजांच्या छायाचित्रांचा समावेश केला आहे. दिनदर्शिकेत दोन्ही महापुरुषांचा समावेश करुन त्यांनी इतिहासाला उजाळा दिला आहे. इतिहासातील घटनामुळे भविष्यातील कामासाठी प्रेरणा मिळत असते. अशी प्रेरणा मिळण्यासाठी युवा पिढीने अधिकाधिक इतिहासावर काम करण्याची आवश्यकता आहे.'

डॉ. पवार म्हणाले, 'इतिहासाचा संदर्भ हेऊन दिनदर्शिकेच्या माध्यमातून लोकांना प्रेरणा देण्याचे काम परमाळे उद्योग समूहाने केले आहे. गेल्यावर्षी त्यांनी छत्रपती शाहू महाराजाच्या जीवनावरील दिनदर्शिका काढून घराघरांत छत्रपती शाहू महाराजांचे कार्य पोहोचवले. याहीवर्षी छत्रपती शिवरायांची दुर्मिळ अशी छायाचित्रे असलेली दिनदर्शिका काढून त्यांनी सामाजिक जाणिवेची परंपरा जपली आहे. कोल्हापूरचे चित्रकार जी.कांबळे यांनी काढलेल्या छत्रपती शिवरायांच्या सुप्रसिद्ध चित्रापासून ते अगदी ब्रिटीश, डच इतिहास चित्रकारांनी काढलेल्या चित्राचा समावेश या दिनदर्शिकेमध्ये केला आहे. त्यामुळे कलाप्रेमी आणि इतिहासप्रेमींसाठी ही दिनदर्शिका अत्यंत उपयुक्त ठरणार आहे.'

यावेळी अनिल परमाळे, किशोर परमाळे, अनुप परमाळे, अमर भोसले, महेश सूर्यवंशी, रोहन स्वामी, नरेंद्र परमाळे उपस्थित होते.

मोबाइल अॅप डाउनलोड करा आणि राहा अपडेट

सांगलीत अतिक्रमणांवर हातोडा

December 28, 2015, 10:14 am

≫ Next: ‘मुलांनी समाज, निसर्गाचेही वाचन करावे’

≪ Previous: शिवरायांना अनोखे अभिवादन

$

0

0

म. टा. वृत्तसेवा, कुपवाड
चार दिवस सलग सुट्ट्यांच्या विश्रांतीनंतर सांगली महापालिकेने पुन्हा नव्या दमाने सोमवारी अतिक्रमणावर हातोडा घालायला सुरुवात केली. बहुचर्चित मारुती रोडवरील अतिक्रमणे हटविण्यात आली. वेल्डिंगने मजबूत असलेली आणि रस्त्यावर आलेली अतिक्रमणे हटवताना प्रशासनाची दमछाक झाली. तरीही त्यांनी अतिक्रमणांची अजिबात गय केली नाही. आनंद चित्रमंदिरपर्यंतची दोन्ही बाजूची अतिक्रमणे हटविली.
महापालिकेच्या आयुक्तपदाचा अतिरिक्त कार्यभार स्वीकारल्यानंतर जिल्हाधिकारी शेखर गायकवाड यांनी अतिक्रमणाविरुद्धची मोहिम कडक केली आहे. केवळ अतिक्रमणेच हटविली जात नाहीत तर शहराच्या विविध भागात असलेले महापालिकेचे रिकामे भूखंड स्वच्छ करुन तेथे वहानतळ निर्माण केले जात आहे. वाहन पार्किंगला जागाच नसल्याने सर्व प्रकारची वाहने
रस्त्यावरच उभी केली जात होती.
अतिक्रमणे आणि वाहने रस्त्यावरच लागत असल्याने वाहतुकीसाठी रस्ताच शिल्लक राहत नव्हता. हे वास्तव नजरेला पडताच गायकवाड यांनी दोन्ही समस्यांवर तोडगा काढण्यासाठी हाती घेतलेल्या मोहिमेचे सांगलीकरांनी स्वागत केले आहे. सोमवारी दिवसभरात १४५ ठिकाणची अतिक्रमणे हटविली. ८५ दुकानांसमोरचे गटारीवरचे बांधकाम, फरशा फोडून काढून रस्त्याला मूळ स्वरुपात आणण्याचा प्रयत्न करण्यात आला.

मोबाइल अॅप डाउनलोड करा आणि राहा अपडेट

‘मुलांनी समाज, निसर्गाचेही वाचन करावे’

December 28, 2015, 10:19 am

≫ Next: हौशी ‘स्वर-अंतर्यामी’ला प्रतिसाद

≪ Previous: सांगलीत अतिक्रमणांवर हातोडा

$

0

0

म. टा. वृत्तसेवा, कुपवाड
पुस्तकाबरोबरच समाज आणि निसर्ग याचेही वाचन हे माणूस होण्यासाठी आवश्यक आहे, असे मत साहित्य संमेलनाचे माजी अध्यक्ष प्रा. डॉ. नागनाथ कोतापल्ले यांनी सोमवारी सांगलीत व्यक्त केले. राष्ट्रीय माध्यमिक शिक्षा अभियानअतर्गंत ग्रंथमहोत्सव २०१६चे उद्घाटन कोतापल्ले यांच्या हस्ते सोमवारी सांगलीत झाले.
महाराष्ट्र प्राथमिक शिक्षण परिषद, मुंबई व माध्यमिक शिक्षण विभाग सांगली यांच्या वतीने जिल्हा सैनिक संकुलात ग्रंथमहोत्सव २०१६चे आयोजन करण्यात आले आहे. या ग्रंथ महोत्सवास ग्रंथदिंडीने सुरुवात झाली. पारंपारिक तसेच वारकरी पोशाखात आलेल्या विद्यार्थ्यांनी या दिडींत सहभाग घेतला. सजवलेल्या पालखीतून ग्रंथ महोत्सवाच्या ठिकाणी आली.
डॉ. कोतापल्ले यांनी विद्यार्थ्याना ओघवत्या शैलीत, काही गोष्टी, छोट्या कथा व उदाहरणे देत वाचनाचे महत्व पटवून दिले. आयुष्य जगण्यासाठी वाचन महत्वाचे आहे. संपूर्ण आयुष्याचा प्लॅन करणे वाचनामुळे सोपे जाते. वाचनातून हजारो वर्षांचा माहिती नव्हे सफरच होते. अनेक विषयांचा प्रवास होतो. केवळ परीक्षा देणे व पास होणे म्हणजे शिक्षण नव्हे. वाचन विचार करायचा शिकवते. ज्यांना विचार केला त्यांनीच प्रगती केली, असे मत त्यांनी व्यक्त केले.
स्वागत व प्रास्ताविक शिक्षणाधिकारी मधूकर यादव यांनी केले. कार्यक्रमास साहित्यिक तारा भवाळकर, इंद्रजित भालेराव, गौतमीपुत्र कांबळे, मोहन पाटील, जिल्हा परिषदेचे मुख्यकार्यकारी अधिकारी दिलीप पाटील प्राथमिक शिक्षणाधिकारी निशादेवी वाघमोडे, प्रा. आबासाहेब शिंदे उपस्थित होते. सूत्रसंचालन विठ्ठल मोहीते यांनी केले.

मोबाइल अॅप डाउनलोड करा आणि राहा अपडेट

हौशी ‘स्वर-अंतर्यामी’ला प्रतिसाद

December 28, 2015, 10:22 am

≫ Next: कागलमध्ये युती, आघाड्यांना सुरुंग

≪ Previous: ‘मुलांनी समाज, निसर्गाचेही वाचन करावे’

$

0

0

म. टा. वृत्तसेवा, इस्लामपूर
'स्वर-अंतर्यामी' या हौशी गायकांच्या ग्रुपने अल्पावधीत वेगळी ओळख निर्माण केली आहे. विविध क्षेत्रातील हौशी कलाकारांनी एकत्र येत आपली गाण्याची आवड जोपासण्यासाठी या ग्रुपची स्थापना केली आणि बघता बघता या ग्रुपला लोकप्रियता मिळत गेली. नुकताच या ग्रुपने 'सुहानी शाम रफी के नाम' कार्यक्रम सादर केला. याद ना जाये बीते दिनों की...बहारो फूल बरसाओ मेरा मेहबुब आया है...आदमी मुसाफीर है....या गाण्यांना उपस्थितांनी उत्स्फूर्त प्रतिसाद दिला.
वेगवेगळया वयोगटांतील गायक त्याला वयाचे बंधन नाही. फक्त ऐकणारांच्या कानाला ते गोड वाटाव इतकीच अट. या सर्वांनी एकत्र येत हा ग्रुप स्थापला आहे. सरावासाठी एस. डी. पाटील डी. फार्मसी कॉलेजचा हॉल अॅड. बी. एस. पाटील यांनी उपलब्ध करून दिला आहे.
नित्य नियमाने गेल्या तीन-चार वर्षांपासून सराव सुरू आहे. रोज नवनवीन गाण्यांच्यावर सराव चालतो. प्रत्येक गायकाचा वाढदिवस, जयंती आणि पुण्यतिथी या बरोबरच थोर व्यक्ती, राष्ट्रीय पुरुषांचे वाढदिवस, जयंती, पुण्यतिथी साजरी करण्याचा उपक्रम या ग्रुपने सुरू केला आहे. निमित्त काहीही असो या कलाकारांचा कार्यक्रम करण्याचा उत्साह नेहमी तोच असतो. या ग्रुपने सर्व यंत्रणा उभी केली आहे.
असा होतो सराव
स्पीकर, माईक, म्युझीक सिस्टिम आणि सर्व काही खरेदी केले आहे. फक्त आणि फक्त आवड जोपासने एवढेच ध्येय या ग्रुपमधील सर्वांनी ठेवले आहे. आपआपला दैनंदिन व्याप सांभाळून रोज रात्री सातच्या सुमारास हे सर्वजन एकत्र जमतात गायक आणि त्यांची गायकी या बाबत चर्चा झडतात. जुन्या-नव्या हिंदी-मराठी चित्रपट, त्यातील गाजलेली आणि न गाजलेली सर्वच गाण्यांच्यावर चर्चा होते. सराव सुरूच असतो. कार्यक्रम करताना प्रेक्षक हे नेहमीचे त्यांच्या हक्काचे त्यांचे कुटुंबीय, मित्र मंडळी आणि समाजिक क्षेत्रातील सर्व मान्यवरांना निमंत्रित केले जाते. प्रत्येक वेळी वेगवेगळया क्षेत्रातील दर्दी रसिकांना निमंत्रित करण्याचा त्यांचा पायंडा आहे. प्रत्येकवेळी वेगवेगळया सूचना आणि दुरुस्त्यासह कार्यक्रम सादर केला जात असल्याने आता तो अधिकाधिक सुरेल बनला आहे. जास्तीत जास्त मेहनत घेऊन कोणत्याही मानधन, मेहनतान्या शिवाय हे हौशी गायक कार्यक्रम करीत असल्याने त्यांना लोकांकडून अधिकाधिक प्रोत्साहन मिळत आहे. यातील कलाकार मिरा शिंदे, अॅड. बी. एस. पाटील, सुरेश चोथे, अनिल कांबळे यांनी आता चांगलीच लय पकडली आहे अगदी व्यवसायिक कलाकाराप्रमाणे त्यांची गाणी सुरेल बनली आहेत. याच
बरोबर या कार्यक्रमाच्या सूत्रसंचालिका इरफाना संदे यांच्या निवदेनामुळे कार्यक्रमाची उंची वाढत आहे.

मोबाइल अॅप डाउनलोड करा आणि राहा अपडेट

कागलमध्ये युती, आघाड्यांना सुरुंग

December 28, 2015, 11:17 am

≫ Next: महावितरणला ठोकले टाळे

≪ Previous: हौशी ‘स्वर-अंतर्यामी’ला प्रतिसाद

$

0

0

प्रकाश कारंडे, कागल

कधी नव्हे एवढी विधानपरिषदेची निवडणूक जरी जिल्हा पातळीवर गाजली असली तरी या निवडणूकीने कागल तालुक्याच्या राजकारणात मात्र सावळा गोंधळ घातला आहे. स्थानिक संदर्भ आणि जिल्हा पातळीवरील मिळणारी मदत याच्या नादात कार्यकर्ते एकीकडे आणि नेते एकीककडे शिवाय सोयीच्या युती आघाड्यांना सुरूंग लावण्याचे काम या निवडणुकीने केले आहे. पक्षनिष्ठेपेक्षा सोयीचे राजकारण आणि आर्थिक रसद या दोनच गोष्टींना प्राधान्य दिल्याने तालुक्यातील राजकारण पुन्हा एकदा बदनाम झाले आहे. आगामी पंचायत समिती आणि जिल्हा परिषद निवडणुकीतही याचे पडसाद दिसून येणार आहेत.

सतेज पाटील आणि महादेवराव महाडिक यांच्यातील लढतीमुळे आणि कोल्हापूरपुरते मर्यादित असलेल्या राजकारणाचे पडसाद संपूर्ण तालुक्यात उमटले. याचा सगळ्यात मोठा परिणाम दिसून आला तो म्हणजे महाडिकांच्या गोटातील मुरगूडचे रणजित पाटील गटाला. या निवडणुकीत सोबत असणाऱ्या आमदार हसन मुश्रीफ यांच्या विरोधात रहावे लागले. संजय घाटगे यांच्या विरोधात कायमपणाने असूनही त्यांच्या मतदारांसमवेत एकत्र येवून मुश्रीफ यांच्या भुमिकेच्या विरोधात जाऊन मतदान करावे लागले. प्रवीण पाटील यांच्यासह ११ नगरसेवक आणि संजय घाटगे गटाचे तीन आणि परशराम तावरे असे एकत्र १५ जण येऊन शक्त‌िप्रदर्शन करीत मतदान करुन गेले. तावरे हे जिल्हा परिषद निवडणुकीत संजय घाटगे आणि संजय मंडलिक यांच्या सहकार्याने निवडून आले आहेत. परंतु, रविवारी ते भाजपामध्ये असल्याने घाटगे व पाटील गटाला पुन्हा निवडणुकीपुरते जुळवून घ्यावे लागले.

घोषणा विरली हवेत

या निवडणूकीच्या पार्श्वभूमीवर १५ दिवसांपूर्वी घाटगे आणि मंडलिक यांनी यापुढील सर्व निवडणुका एकत्र लढणार अशी घोषणा केली होती. त्यानंतर लगेचच संजय घाटगे यांनी महाडिक यांना आणि मंडलिक यांनी सतेज पाटील यांना पाठिंबा देत पुन्हा एकदा सोयीचे राजकारण केले आहे. आतापर्यंत एकत्र लढणारे हे दोन्ही गटही एकमेकाच्या विरोधात या निवडणुकीत राहिले. मुश्रीफ गटाचे नाव पुढे करुन मुरगूडमध्ये निवडून आलेले राजेखान जमादार यांना मुश्रीफ यांच्या विरोधात असूनही मुश्रीफ गटाला जुळवून घ्यावे लागले.

मानेंच्या वाड्यात विरोधक

‍एकेकाळी कागलमध्ये निवडणुकीचा निकाल लागला की दगड पडणारा प्रताप माने यांचा वाडा आता बंगल्यात रुपांतरित झाला आहे. या वाड्याने आतापर्यंत निवडणुकांची खलबते, विरोधक आणि योजना बनवल्या. त्याच वाड्यात (बंगल्यात) आज समरजितसिंह घाटगे आणि संजय मंडलिक यांच्यासह वेगवेगळे गट एकत्र आले. हसतखेळत चहापान झाले. माने कुटुंबियांनी सर्वांचा पाहुणचार करत होते. निवडणुकीतील फरकही बंगल्याने अनुभवला.

घाटगेंचा कट्टर कार्यकर्ता

पंचायत समितीचे माजी सभापती पिंटू लोहार यांनी नेत्यांचा आदेश डावलत मुश्रीफ गटाशी जुळवून घेतले. ते घाटगे यांचे कट्टर समर्थक. मात्र, मतदान झाल्यानंतर जे संजय घाटगेंना जमले नाही ते त्यांनी बोलून दाखविले. गोकुळच्या निवडणुकीत पॅनेल जाहीर झाल्यानंतर घाटगे यांचा मुलगा अंबरिष यांना डावलल्यानंतर कार्यकर्ते संतप्त झाले. अंबरिष माघार घेत असताना त्यांनी जबरदस्तीने त्यांना गाडीत घालून नेले. यावेळी अंबरिष घाटगे यांना रडूही आले होते. त्यावेळी त्यांनी सतेज पाटील यांच्या पॅनेलमधून त्यांनी निवडणूक लढविली. ते निवडूणही आले. मात्र, त्यांना महाडिक यांनी डावलल्याने घाटगे गट नाराज होता. 'नेत्यांना नसेना पण आम्हाला निष्ठा आहे' हेच त्यांनी कृतीतून दाखवून दिले.

मोबाइल अॅप डाउनलोड करा आणि राहा अपडेट

महावितरणला ठोकले टाळे

December 28, 2015, 11:19 am

≫ Next: गॅस सिलिंडरने घेतला पेट

≪ Previous: कागलमध्ये युती, आघाड्यांना सुरुंग

$

0

0

म. टा. वृत्तसेवा चंदगड

चंदगड येथील वीज वितरण कार्यालयाला विद्युत कनेक्शन, वाढीव वीजबिल, वारंवार खंडित होणारा विजपुरवठा, विद्युत खांब बदल, नवीन शेती पंप व घरगुती कनेक्शन या प्रकारची कामांना वारंवार मागणी करुनही विलंब होत असल्यामुळे सामाजिक कार्यकर्ते बाबूराव हळदणकर यांच्या नेतृत्वाखाली नागरिकांनी आज टाळे ठोकले. त्यामुळे सुमारे दोन ते अडीच तास वीज वितरण कार्यालय बंद होते. उपकार्यकारी अभियंता अष्टेकर हे कार्यालयात आल्यानंतर त्यांनी कार्यकर्त्यांशी चर्चा केल्यानंतर कार्यकर्ते शांत झाले.

येथील वीज वितरण कार्यालयामध्ये नागरिकांची कामे वेळेत होत नसल्याचा अनेक तक्रारी आहेत. वीज वितरणच्या कार्यालयामध्ये अनेकदा चकरा मारुनही कामे होत नसल्यामुळे शेतकरी वैतागला आहे. याबाबत अनेकदा तक्रारी करुनही सुधारणा झाली नाही. यावेळी उप कार्यकारी अभियंता अष्टेकर व सहायक अभियंता स्मिता खाडे यांनाही शेतकऱ्यांनी धारेवर धरले. एकीकडे वन्य प्राण्यांमुळे शेतकरी हवलदील झाला असताना विजेमुळेही हैराण आहे.

विद्युत कंपनीबाबत नागरिकांचे अनेक प्रश्न असून त्याची दखल घेतली जात नाही. त्यामुळे कामानिमित्त आलेल्या लोकांच्या भावनेचा उद्रेक होऊन त्यांनी आज वीज वितरणच्या कार्यालयाला टाळे ठोकले. यावेळी अष्टेकर यांनी कामे करण्याचे आश्वासन दिल्यानंतर शेतकरी शांत झाले.

विजेअभावी पिकांचे नुकसान

कागदपत्रांची पुर्तता करुनही वेळेत कामे केली जात नाहीत. वीज वितरणची कामे ठेकेदाराकरवी केली जात आहेत. ठेकेदार वेळेत काम करत नसल्यामुळे त्याचा फटका शेतकऱ्यांच्या शेती पिकांना होत असल्यामुळे नुकसान होत आहे.

मोबाइल अॅप डाउनलोड करा आणि राहा अपडेट

गॅस सिलिंडरने घेतला पेट

December 28, 2015, 11:21 am

≫ Next: नगराध्यक्षांची लागली कसोटी

≪ Previous: महावितरणला ठोकले टाळे

$

0

0

म. टा. वृत्तसेवा, जयसिंगपूर

जयसिंगपूर येथे झेले चित्रमंदिरजवळ वेल्डिंगच्या दुकानात गँस गळतीमुळे सिलेंडरने पेट घेतला. ही घटना लक्षात आल्यानंतर तत्काळ अग्निशामक दलाला पाचारण करण्यात आले. त्यांनी तातडीने आग आटोक्यात आणल्याने अनर्थ टळला. दुपारी बारा वाजता ही घटना घडल्यानंतर बघ्यांनी मोठी गर्दी केली होती.

सांगली-कोल्हापूर मार्गालगत झेले चित्रमंदिरजवळील चौकात समशेर सलीम शेख यांचे सुपर इंजिनिअरिंग वर्क्स हे दुकान आहे. येथे कुपनलिका खोदाई मशिनच्या रेडिएटर दुरूस्तीचे काम केले जाते. सोमवारी दुपारी बारा वाजता रेडिएटरला वेल्डिंगचे काम सुरू होते. यावेळी अचानक पाइपमधून गँस गळती सुरू झाल्याने पाइपने पेट घेतला. काही क्षणातच आग भडकली. यावेळी प्रसंगावधान राखून सि‌लिंडर दुकानालगतच्या गटारात ढकलून देण्यात आला. दरम्यान, या घटनेची माहिती जयसिंगपूर पोलिस व नगरपालिकेच्या अग्न‌िशमन पथकास देण्यात आली. सहायक फौजदार प्रकाश देसाई, प्रकाश हंकारे, अन‌िल चव्हाण यांनी घटनास्थळी धाव घेतली. पोलिसांनी गर्दीला पांगविले. यानंतर अग्न‌िशमन पथकाने सिलिंडरची आग विझविली.

मोबाइल अॅप डाउनलोड करा आणि राहा अपडेट

---

नगराध्यक्षांची लागली कसोटी

December 28, 2015, 11:23 am

≫ Next: शेंडूरच्या तलावात अतिक्रमण

≪ Previous: गॅस सिलिंडरने घेतला पेट

$

0

0

म. टा. वृत्तसेवा, इचलकरंजी

नोव्हेंबर महिन्याचा थकीत पगार मिळावा यासाठी पालिका कर्मचाऱ्यांनी सोमवारी पालिकेच्या मुख्य प्रवेशद्वारासमोर जोरदार घोषणाबाजी करत परिसर दणाणून सोडला. यावेळी कामानिमित्त आलेले नागरिक, प्रदीर्घ सहलीनंतर परतललेले नगरसेवक आणि कर्मचारी बराच काळ प्रवेशद्वारात ताटकळत उभे होते. तर सर्वोच्च न्यायालयाच्या सूचनेनुसार फेरीवाल्यांचे पुनर्वसन करावे या मागणीसाठी फेरीवाल्यांनी नगराध्यक्षांना धारेवर धरले. यापुढे फेरीवल्यांच्या गाड्या हटविताना नुकासन झाल्यास तीव्र आंदोलन छेडण्याचा इशारा यावेळी देण्यात आलो.

पालिका कर्मचाऱ्यांचा ठिय्या

नोव्हेंबर महिन्याचा पगार न मिळाल्याने इचलकरंजी नगरपालिकेच्या संतप्त कर्मचाऱ्यांनी सोमवारी कामबंद आंदोलन केले. यावेळी पालिकेच्या प्रवेशद्वारात जोरदार निदर्शने करीत घोषणाबाजी करण्यात आली. या आंदोलनामुळे पालिकेत दिवसभर शुकशुकाट पसरला होता. दरम्यान, नगराध्यक्षा शुभांगी बिरंजे आणि मुख्याधिकारी डॉ. प्रशांत रसाळ यांनी जिल्हाधिकाऱ्यांकडून पगार देण्यास मंजुरी मिळाल्यावर त्वरित कार्यवाही करण्याचे आश्वासन दिले.

गत काही महिन्यांपासून दरमहा पगारासाठी मुख्याधिकाऱ्यांकडे पाठपुरावा करावा लागत आहे. त्यातच नोव्हेंबर महिन्याचा पगार डिसेंबर संपत आला तरी अद्याप मिळालेला नाही. त्यामुळे संतप्त झालेल्या कर्मचाऱ्यांनी पगाराच्या मागणीसाठी सोमवारी सकाळपासून कामबंद आंदोलन सुरु करताना पालिकेच्या प्रवेशद्वारातच ठिय्या मारला. मुख्य प्रवेशद्वार बंद करून कामगारांनी लोकप्रतिनिधींसह नागरीकांना पालिकेत जाण्यापासून रोखून धरले. यावेळी वेळेवर पगार न देणाऱ्या प्रशासनच्या विरोधात जोरदार घोषणाबाजी करण्यात आली.

अर्धातासाच्या आंदोलनानंतर नगराध्यक्षा शुभांगी बिरंजे आणि मुख्याधिकारी डॉ. प्रशांत रसाळ यांनी आंदोलकांची भेट घेऊन शासनाकडून पगारासाठी निधी आला आहे. मात्र जिल्हाधिकाऱ्यांकडून त्याला मंजुरी मिळालेली नाही. मंजुरीनंतर त्वरित कार्यवाही करण्याचे आश्वासन दिले. त्यावर कामगार नेत्यांनी दरमहाही अडचण येत असून कायमस्वरूपी महिन्याच्या एक तारखेला पगार होण्याची व्यवस्था करावी असे सांगत नोव्हेंबरचा पगार खात्यावर जमा होईपर्यंत कामबंद आंदोलन सुरूच ठेवण्याचा इशारा दिला. आंदोलनात कामगार नेते शंकर अगसर, हरी माळी, संभाजी काटकर, आण्णासाहेब कागले, ए.बी. पाटील, सुभाष मोरे यांच्यासह कर्मचारी सहभागी झाले होते.

अतिक्रम‍ण हटविल्यास आंदोलन

फेरीवाले, भाजीपाला फळ-विक्रेते व कापड व्यापाऱ्यांसाठी पालिकेने अद्यापही कोणतेही नियोजन केलेले नाही. सर्वोच्च न्यायालयाच्या निर्देशाचे पूर्णपणे पालन पालिकेने केलेले नाही. ते सत्वर होणे गरजेचे असताना अतिक्रमण निर्मूलनाच्या नावाखाली फेरीवाल्यांच्या मालमत्तेचे नुकसान होत आहे. यापुढे अशी अन्यायकारक कार्यवाही झाल्यास पालिकेविरुद्ध तीव्र आंदोलन छेडण्याचा इशारा लालबावटा भाजीपाला फळ-विक्रेते खोकीधारक व कापड व्यापारी संघटनेने दिला आहे. चर्चेदरम्यान संघटना प्रतिनिधी व नगराध्यक्षा शुभांगी बिरंजे यांच्यात शाब्दिक वाद झडला.

नगरपालिका अतिक्रमण निर्मूलन पथकाने शहराती मुख्य रस्त्यावर असलेले कायमस्वरुपी अतिक्रमण हटविण्याची मोहीम हाती घेतली आहे. या कारवाईला विरोधात लालबावटा भाजीपाला फळ-विक्रेते खोकीधारक व कापड व्यापारी संघटनेचे सदा मलाबादे यांच्या नेतृत्त्वाखाली भाजीपाला, फळविक्रेते, खोकीधारकांनी पालिकेवर मोर्चा काढला.

निवेदनात, शहरात अनेक बेकायदेशीर इमारती वर्षानुवर्षे उभ्या आहेत. तसेच मुख्य रस्त्यावर विनापरवाना खाजगी प्रवासी गाड्या उभ्या राहत असल्याने वाहतूकीची कोंडी होऊन नागरिकांना त्रास सोसावा लागत आहे. याकडे मात्र पालिका अधिकारी सोयीस्करपणे डोळेझाक करतात. ज्यांना परवाने मिळालेले आहेत अशा फेरीवाल्यानांही त्रास सहन करावा लागत आहे. या चर्चेदरम्यान संघटना प्रतिनिधी व नगराध्यक्षा यांच्यात शाब्दिक चकमक उडाली. यावेळी साहेबलाल मुल्ला, संजय टेके, इर्शाद बागवान, निर्मल कांबळे आदी उपस्थित होते.

नगरसेवक पालिकेत

विधानपरिषद निवडणुकीच्या धामधुमीत नगरसेवकांना पालिकेत येण्यास वेळ नव्हता. दोन्ही उमेदवारांनी प्रत्येक नगरसेवकाभोवती गळ टाकल्याने ते प‌ालिकेत फिरकले नव्हते. सोमवारी काही नगरसेवक पालिकेत आले असता कर्मचाऱ्यांनी त्यांना दारातच थांबवले. 'पगार आमच्या हक्काचा', झालाच पाहिजे... झालाच पाहिजे... पगार झालाच पाहिजे...' अशा घोषणांनी नगरपालिकेचा परिसर दणाणून सोडला. नगराध्यक्षा शुभांगी बिरंजे यांच्या दालनासमोरही निदर्शने केली.

मोबाइल अॅप डाउनलोड करा आणि राहा अपडेट

शेंडूरच्या तलावात अतिक्रमण

December 28, 2015, 11:27 am

≫ Next: ‘सूत साठेबाजांवर कारवाई करा’

≪ Previous: नगराध्यक्षांची लागली कसोटी

$

0

0

म. टा. वृत्तसेवा, कागल

कागल तालुक्यातील शेंडूर येथील पाझर तलावाच्या कडेने शेतकऱ्यांनी अतिक्रमण केले आहे. एकीकडे पाणीही घ्यायचे आणि त्यातील जमिनीवर अतिक्रमण करायचे असा दुहेरी डाव शेतकरी आखू लागल्याने तलावाचे क्षेत्र लहान होत आहे. या तलावाला गळती लागली असून भविष्यात याचा फटका बसणार आहे.

१९७२ मध्ये गावच्या पूर्वेला या तलावाची निर्मिती झाली. सभोवती असणाऱ्या डोंगरातून २४ दशलक्ष घनफूट पाणी यात साचते. तलावाची जागा २५ एकर असून त्याच्या वर तीन मीटरपर्यंत ही हद्द समजली जाते. १७५ एकर शेती यामुळे पिकते. तलावाच्या बांधावर जॅकवेल असून त्यातून ५० एकर शेती पिकते. परंतु या जॅकवेलचा दरवाजा स्टेम रॉड वाकतो म्हणून थोडा वर उचलला आहे. मात्र त्याच्या आधाराचे पिलरही गंजून खराब झाले आहेत. परिणामी त्यातून प्रतिदिन तीन ते पाच एच.पी.चे पाणी वाया जात आहे.

शेतकऱ्यांनी आपल्या परीने पर्याय म्हणून उसाचा पाला, वैरणीचा भारा, लाकडी फळ्या वापरून ओढ्याकडे वाया जाणारे पाणी थांबवण्याचा प्रयत्न केला आहे. तलावाला गारवेल वनस्पतींनी घेरले आहे. तलावाच्या या स्थितीकडे पाटबंधारे विभागाने साफ दुर्लक्ष केले असून तलावावर चौकीदारच नसतो, तलावाशेजारील त्याची इमारतही खराब झाली आहे.

याठिकाणी आता ऊसतोड मजूरांनी आसरा घेतला आहे. पाणी वाया जाणारे कळवूनही वरती कळवले आहे एवढेच उत्तर मिळते. परंतु हाच विभाग वर्षातून तीन वेळा हा तलाव दुधंगंगा नदीच्या कालव्याच्या पाण्यातून भरुन देतो.त्यामुळे तलावात सतत पाणी असते.

२५ एकरातील तलाव असून आम्ही केवळ भाडेतत्वावर विद्युत पंप बसवण्यास परवानगी दिली आहे.ज्यांच्या जमिनी तलावात गेल्या आहेत अशाच शेतकऱ्यांनी आत माती टाकून पिके घेतली आहेत. परंतु आमच्याकडे कुणीही तक्रार केलेली नाही.

यू. एन. कापसे, शाखा अभियंता

मोबाइल अॅप डाउनलोड करा आणि राहा अपडेट

‘सूत साठेबाजांवर कारवाई करा’

December 28, 2015, 11:28 am

≫ Next: खड्ड्यांभोवती पट्टे मारून आंदोलन

≪ Previous: शेंडूरच्या तलावात अतिक्रमण

$

0

0

इचलकरंजी : सुताची साठेबाजी आणि नफेखोरीमुळे यंत्रमागधारकांची आर्थिक कोंडी होत आहे. त्यामुळे संपूर्ण वस्त्रोद्योग आर्थिक संकटात सापडत चालला असून सूताची साठेबाजी करणाऱ्यांवर कारवाई करण्यात यावी, अशा मागणीचे निवेदन सोमवारी महाराष्ट्र नवनिर्माण सेनेच्या सहकार सेनाच्यावतीने प्रांताधिकारी अश्विनी जिरंगे यांना देण्यात आले. सध्या सुताचे दर वाढतच चालल्याने यंत्रमाग व्यवसाय आर्थिक संकटात सापडत चालला आहे. त्याला सुताची साठेबाजी हे कारण असून या साठेबाजीला रोख लावण्यात यावा, यासाठी मनसे सहकार सेना जिल्हाध्यक्ष मनोहर जोशी यांच्या नेतृत्वाखाली शिष्टमंडळाने प्रांताधिकारी जिरंगे यांची भेट घेऊन त्यांना निवेदन सादर केले.

निवेदनात, इचलकरंजी हे वस्त्रोद्योगाचे प्रमुख केंद्र असून यंत्रमाग व्यवसायाचे प्रमुख शहर आहे. पण सध्या सूताच्या साठेबाजीमुळे हा व्यवसाय आर्थिक संकटात सापडला आहे. या व्यवसायावरच शहराची चक्रे अवलंबून आहेत. शिवाय अनेकांना रोजी-रोटी मिळते. नुकत्याच झालेल्या सायझिंग-वार्पिंग कामगारांच्या संपामुळे व्यवसायाची गती मंदावली आहे. दिवाळीनंतर हा व्यवसाय पूर्वपदावर येत असतानाच काही सूत व्यापारी नफेखोरी व साठेबाजी करुन कारखानदारांची आर्थिक लूट करीत आहेत.

प्रशासनाने सूत व्यापाऱ्यांवर ठोस कारवाई करुस साठेबाजीला चाप लावावा, यावेळी प्रताप पाटील, रवी गोंदकर, राजू निकम, योगेश तिवारी, विनायक मुसळे, ऋषिकेश घोरपडे, रणजित जाधव आदींसह कार्यकर्ते उपस्थित होते.

मोबाइल अॅप डाउनलोड करा आणि राहा अपडेट

खड्ड्यांभोवती पट्टे मारून आंदोलन

December 28, 2015, 11:30 am

≫ Next: हंगामी कर्मचारी घरी?

≪ Previous: ‘सूत साठेबाजांवर कारवाई करा’

$

0

0

म. टा. वृत्तसेवा, इचलकरंजी

निकृष्ठ कामामुळे रस्त्यांची झालेली दूरवस्था आणि पालिका प्रशासनाचे होत असलेले अक्षम्य दुर्लक्ष याच्या निषेधार्थ इचलकरंजी नागरिक मंचच्यावतीने मंगळवारी अनोखे आंदोलन करण्यात आले. शिवाजी पुतळा ते एएससी महाविद्यालय परिसरापर्यंत लहान-मोठ्या २१ खड्डे व चरींभोवती पट्टे मारुन त्याखाली टोल फ्री क्रमांक लिहून तक्रारी करण्याचे आवाहन करण्यात आले आहे. अशा या अनोख्या आंदोलनाची चर्चा आज शहरात होती.

गत काही महिन्यांपासून शहरातील मुख्य रस्त्यांसह सर्वच रस्त्यांची दूरवस्था झालेली आहे. रस्त्यामध्ये लहान-मोठे खड्डे पडले असून केबल व जलवाहिन्या टाकण्यासाठी केलेल्या खुदाईमुळे रस्त्यांवर उभ्या-आडव्या चरी पडल्या आहेत. या लहान-मोठ्या खड्ड्यांचा व चरींचा दुचाकीधारकांना नाहक त्रास सोसावा लागत आहे. नागरिकांच्या तक्रारीनंतर नगरपालिकेने रस्त्यावरील मोजक्याच ठिकाणचे खड्डे पॅचवर्कद्वारे मुजवले आहेत. पण ते कामही अत्यंत निकृष्ठ दर्जाचे असून तेही व्यवस्थित न केल्याचे चरी व खड्डे तसेच दिसून येत आहे.

अशा खड्डे व चरींबाबत नागरिक मंचने नगरपालिका प्रशासनाकडे तक्रार केली होती. पण पालिकेने आर्थिक टंचाईचे कारण पुढे करत त्याकडे दुर्लक्ष केले. त्यामुळे नागरिक मंचचे नागरिक मंचचे अभिजित पटवा, केदार सोमण, उमेश पाटील, शितल मगदुम, इरान्ना सिंहासने, शिवाजी गोरे, दत्तात्रय डंबाळ, दीपक लाटणे, सचिन कांबळे, प्रसाद दामले, उत्कर्ष सूर्यवंशी, अमित बियानी, प्रदीप सुतार, राजू आरगे, सुहास पाटील आदींनी सकाळी आठ वाजल्यापासून खड्डे व चरींभोवती पांढऱ्या रंगाचे पट्टे मारण्याची मोहीम हाती घेतली. शिवाजी पुतळ्यापासून सुरु झालेली ही मोहिम एएससी महाविद्यालय परिसरापर्यंत राबविण्यात आली. या अवघ्या अर्धा किलोमीटरच्या रस्त्यावर २१ खड्यांभोवती पट्टे मारुन त्या खाली नगरपालिकेकडे तक्रार करण्यासाठी टोल फ्री १८००२३३१२१७ हा दूरध्वनी क्रमांक लिहून नागरिकांना त्यावर तक्रार देण्याचे आवाहन केले आहे.

मोबाइल अॅप डाउनलोड करा आणि राहा अपडेट

हंगामी कर्मचारी घरी?

December 28, 2015, 11:30 am

≫ Next: रेडिरेकनरवाढीला ‘क्रेडाई’चा विरोध

≪ Previous: खड्ड्यांभोवती पट्टे मारून आंदोलन

$

0

0

Maruti.Patil @timesgroup.com

कोल्हापूर : बिद्री (ता.कागल) येथील दूधगंगा वेदगंगा सहकारी कारखान्यावर सर्वोच्च न्यायालयाच्या निर्देशानुसार प्रशासकीय मंडळाची नियुक्ती झाली आहे. कारखान्याच्या व्यवस्थापनावरील खर्च कमी करण्यासाठी प्रशासक मंडळाने हंगामी कर्मचारी कमी करण्याचा निर्णय घेतला असल्याची माहिती वरिष्ठ सूत्रानी दिली आहे. याचबरोबर १५ डिसेंबरपर्यंत गाळप झालेल्या उसाची बिले ३१ डिसेंबरपर्यंत उत्पादकांच्या बँक खात्यावर जमा करण्याचे नियोजन नियोजन प्रशासक मंडळाने केले आहे. मात्र हंगामी कर्मचारी कपातीचा निर्णय अंमलात आल्यास वादाची ठिणगी पडण्याची शक्यता आहे.

बिद्री कारखान्याच्या वाढीव चौदा हजार सभासदांना अपात्र करण्याची याचिका सर्वोच्च न्यायालयात दाखल केली आहे. याबाबतची सुनावणी एप्रिल २०१६ मध्ये होणार आहे. त्यापूर्वी निवडणुकीची शक्यता नसल्याने मुदत संपलेले संचालक मंडळ बरखास्त करुन प्रशासक नियुक्ती करावी, या आशयाची याचिका माजी चेअरमन दिनकरराव जाधव, आमदार प्रकाश अबिटकर यांच्यासह इतर सभासदांनी दाखल केली होती. सर्वोच्च न्यायालयाने याचिका निकालात काढताना १६ डिसेंबर रोजी राज्य सरकारला प्रशासक नियुक्तीचे आदेश दिले होते.

प्रशासक मंडळाने १९ डिसेंबर रोजी पदभार स्वीकारल्यानंतर त्यांनी प्रत्येक विभागाच्या खातेप्रमुखांच्या बैठका घेतल्या आहेत. आवश्यक कर्मचाऱ्यांची माहिती घेवून अतिरीक्त हंगामी कर्मचारी कमी करण्याच्या विचारात आहेत. २०१० च्या कारखान्याच्या निवडणुकीनंतर संचालक मंडळाने अनेक हंगामी कर्मचाऱ्यांची नियुक्ती केली होती. त्यामुळे कारखाना व्यवस्थापनावर आर्थिक बोजा पडत असल्याचे निदर्शनास आणले आहे. त्यामुळे असे अतिरीक्त हंगामी कर्मचारी कमी करण्याची शक्यता आहे. १५ डिसेंबरपर्यंत गाळप झालेल्या उसाचे ३१ डिसेंबरपर्यंत उत्पादकांच्या बँक खात्यावर बिले जमा करण्याचे नियोजन केले आहे. त्यामुळे तोडणी कामगारांत समाधानाचे वातावरण आहे.

मोबाइल अॅप डाउनलोड करा आणि राहा अपडेट

रेडिरेकनरवाढीला ‘क्रेडाई’चा विरोध

December 28, 2015, 11:32 am

≫ Next: फेरीवाला धोरण जानेवारीत

≪ Previous: हंगामी कर्मचारी घरी?

$

0

0

म. टा. प्रतिनिधी, कोल्हापूर

नवीन वर्षापासून बांधकाम क्षेत्रातील रेडीरेकनर वाढवण्याची राज्य सरकारची प्रथा आहे. येणाऱ्या सन २०१६ या वर्षासाठीही रेडिरेकनर वाढणार असल्याची चर्चा सध्या बांधकाम क्षेत्रात सुरू आहे, मात्र सध्या बांधकाम क्षेत्रात मंदीचे वातावरण असल्यामुळे रेडिरेकनरचे दर वाढवू नयेत आणि सरकारी बांधकाम दरही कमी करावेत, या मागणीचे पत्रक क्रेडाईने प्रसिद्धीस दिले आहे.

महसूलवाढीचे उद्दिष्ट डोळ्यासमोर ठेवून राज्य सरकारकडून नवीन वर्षांच्या सुरुवातीला रेडीरेकनरच्या दरांमध्ये वाढ केली जाते. या दरवाढीला बांधकाम व्यावसायिकांनी विरोध दर्शवला आहे. सन २००८ वगळता दरवर्षी या दरांमध्ये वाढ होत आली आहे. सध्या बांधकाम क्षेत्रात कमालीची मंदी असून, बांधकाम व्यावसायिकांनी केलेली गुंतवणूक ग्राहकांच्या प्रतिसादाअभावी अडकली आहे. राज्य सरकारने सन २०१४ मध्येच बांधकामाचे सरकारी दरही वाढवले आहेत. १२००० रुपये प्रति चौरस मीटरचे दर अचानक २२००० प्रति चौरस मीटर असे केल्याने खरेदीदारांचा उत्साह मावळला आहे. या दरांचा फटका बांधकाम व्यावसायिकांनाही बसला असून मोठ्या प्रमाणात स्टॅँप ड्यूटी खर्ची पडत आहे. सरकारच्या या धोरणाचा फटका घर विकत घेऊ पाहणाऱ्या सर्वसामान्य ग्राहकांना बसणार आहे, त्यामुळे केंद्र सरकारच्या सर्वांना घर देण्याच्या योजनेलाही खिळ बसत असल्याचा आरोप क्रेडाईने केला आहे. चुकीच्या पद्धतीमुळे गरज नसतानाही वाढीव करांचा बोजा वाढत असल्याचे मत क्रेडाईने व्यक्त केले आहे.

बांधकाम क्षेत्रात सध्या मंदीचे वारे सुरू आहे, त्यामुळे अनेक ठिकाणी व्यवहार ठप्प आहेत. यातच रेडिरेकनरचे दर वाढल्यास याचा मोठा फटका बसणार आहे.

-महेश यादव, अध्यक्ष, क्रेडाई, कोल्हापूर

मोबाइल अॅप डाउनलोड करा आणि राहा अपडेट

फेरीवाला धोरण जानेवारीत

December 28, 2015, 11:34 am

≫ Next: फुटिरांची आकडेमोड सुरू

≪ Previous: रेडिरेकनरवाढीला ‘क्रेडाई’चा विरोध

$

0

0

म. टा. प्रतिनिधी, कोल्हापूर

शहरातील दळणवळण व्यवस्था सुरळीत करण्याबरोबरच महत्वाच्या रस्त्यांवरील कोंडी दूर करण्यासाठी महत्वाच्या असलेल्या फेरीवाला धोरणाची महापालिका नवीन वर्षात अंमलबजावणी करणार आहे. त्यासाठी विधानपरिषद निवडणुकीची आचारसंहिता संपताच अंमलबजावणीची प्रक्रिया सुरु करण्यात येणार आहे. यानुसार ​शहरातील ७४ ठिकाणे फेरीवाल्यांसाठी निश्चित करण्यात आली असून ७६ रस्त्यांवर फेरीवाल्यांना निर्बंध घालण्यात येणार आहे.

महापालिकेने शहरातील विविध फेरीवाला संघटनांशी तीन वर्षांपासून चर्चा चालवली आहे. त्यातून फेरीवाल्यांचा सर्व्हे करुन त्यांना ओळखपत्रे देण्याचाही कार्यक्रम हाती घेण्यात आला होता. या वर्षामध्ये महापालिका प्रशासनाने विविध रस्त्यांचा सर्व्हे करुन कोणत्या रस्त्यांवर फेरीवाल्यांची अडचण होते व कोणत्या ठिकाणी फेरीवाल्यांना बसवणे योग्य होणार आहे हे निश्चित केले होते. त्यानुसार फेरीवाल्यांसाठी व्यवसाय करण्यास परवानगी असलेले व फेरीवाल्यांना प्रतिबंध केलेले रस्ते निश्चित केले होते. तर काही रस्त्यांवर काही वेळ परवानगी व काही वेळ निर्बंध असेही ठरवले होते. विभागीय कार्यालयांमध्ये ८६०० फेरीवाल्यांची नोंदणी झालेली आहे. एकदा धोरणाची अंमलबजावणी सुरु झाल्यानंतर फेरीवाल्यांना दोन आठवड्याची मुदत देण्यात येणार आहे. त्या कालावधीत फेरीवाल्यांनी संबंधित ठिकाणी जायचे आहे. तसेच ज्या फेरीवाल्यांनी ओळखपत्र घेतले आहे, अशांना महापालिकेकडून वीजपुरवठा, कचरा कोंडाळे तसेच अन्य आरोग्यविषयक सुविधा देण्यात येणार आहेत.

याबाबत आयुक्त पी. ​शिवशंकर म्हणाले, 'फेरीवाला धोरण राबवणे म्हणजे फेरीवाल्यांच्या पुनर्वसनाबरोबर रस्त्यांवर पट्ट्यांची आखणी करणे व फलक उभे केले जाणार आहेत. आचारसंहिता संपल्यानंतर तातडीने ही प्रक्रिया राबवली जाणार आहे. यापूर्वी महापालिकेने विविध विषयांवर चर्चा केली असल्याने फेरीवाले या प्रक्रियेला सहकार्य करतील. वॉर्ड पातळीपासून शहर पातळीपर्यंतच्या सर्व टप्प्यांवर धोरण मंजूर झाले आहे. त्यामुळे सध्याच्या झोनमध्ये नवीन काही बदल करण्याची गरज नाही.'

एकीकडे फेरीवाल्यांचे धोरण राबवले जात असताना पुढील आठवड्यापासून शहरात अतिक्रमण निर्मूलनाची मोहिमही राबवण्यात येणार आहे. त्यामुळे जे नोंदणीकृत फेरीवाले आहेत, त्यांना व्यवसाय करण्यासाठी योग्य त्या ठिकाणी जाणे क्रमप्राप्त ठरणार आहे.

मोबाइल अॅप डाउनलोड करा आणि राहा अपडेट

---

फुटिरांची आकडेमोड सुरू

December 28, 2015, 11:37 am

≫ Next: किडनी विकाराचा धोका वाढतोय!

≪ Previous: फेरीवाला धोरण जानेवारीत

$

0

0

म. टा. प्रतिनिधी, कोल्हापूर

विधानपरिषद निवडणुकीसाठी कोट्यवधींची उधळण, मौजमजा झाल्यानंतर तितक्याच चुरशीने मतदानही झाले. आता आपल्या बाजूने किती, विरोधकांची किती मते फुटणार, कुणाची किती मते कुणाला तारणार यापासून कुणासाठी किती बेटिंग सुरू आहे, बेटिंगचा कल कुणाकडे आहे यावर विधानपरिषदेची चर्चा सोमवारी दिवसभर सुरू होती. मतदारही आपापल्या नेत्यांनी ठेवलेल्या बडदास्तीने खूश असल्याने ज्या मतदारांनी दोन्हीकडून 'लाभ' उठवला, त्यांच्या पोटात मात्र निकाल लागेपर्यंत भीती राहणार आहे.

विधानपरिषद निवडणुकीच्यानिमित्ताने गेल्या महिनाभरापासून जिल्ह्यातील राजकीय वर्तुळातील सर्वांच्याच तोंडात यंदा मोठी उलाढाल होणार हेच वाक्य होते. त्यानुसार आमदार महादेराव महाडिक व सतेज पाटील हे अगदी काटाजोड ​उमेदवार रिंगणात राहिल्याने मतदारांची चैन होणार हे स्पष्ट झाले होते. त्यानुसार दोन आठवड्यांपूर्वी दोन्ही गटांनी मतदारांना सहलीवर पाठविले होते. कुणी उत्तर भारत, तर कुणी दक्षिण भारत, अंदमान निकोबार, गोवा जे काही पाहायचे होते, ते सारे कुटुंबासह मतदारांनी पाहून घेतले. त्यांच्या दिमतीला उमेदवारांचे कार्यकर्ते असल्याने अनेकजण अक्षरशः ​रिकाम्या खिशाने बाहेर पडले होते. त्यामुळे मतदारांना या सहलीची मजा काही औरच असल्याची अनुभवता आली. मतदानाआधी अशा देशभर पसरलेल्या मतदारांना विमानांच्या ताफ्याने आणण्यात आल्याने अनेक मतदारांचा हा पहिलाच विमानप्रवास झाला. फाईव्ह स्टार हॉटेलमधील स्टार सर्व्हिसने भारावून गेलेल्या मतदारांना जणू स्वर्गाचीच अनुभूती असल्याची चर्चा होती.

एकीकडे सहलीतील अनुभवाची चर्चा केली जात असताना उमेदवारांच्या गोटात मात्र उमेदवार व कारभारी आकडेमोड करण्यात गुंग होते. जिल्ह्यातील कोणत्या नेत्यांच्या किती मतदारांपैकी किती मतदान आपल्याला, विरोधकाला याच्या कुंडल्या तयार केल्या जात होत्या. जे शंकास्पद होते, त्यांच्या पाठीमागे उमेदवारांनी यंत्रणा लावल्या होत्या. अनेक मतदारांचे फोन ताब्यात दिले नव्हते. त्यामुळे त्यांना फक्त एकाच फोनवरून घरी संपर्क साधण्याची संधी होती. अनेकांच्या घरातील अन्य व्यक्तींकडे इतर उमेदवारांचे कार्यकर्ते जाऊन सारे सोपस्कार करत होते. त्यांची माहिती या फोनवरून मतदार घेत होते. त्यामुळे अनेकजण दुसऱ्या सहलीत असून, विरोधकाच्या बाजूने मतदान करण्याचे निश्चित करत होते. त्यामुळे अशा मतदारांची संख्या, प्रामाणिक मतदारांची संख्या याची चर्चा उमेदवारांचे कारभारी व समर्थक करत होते.

प्रचंड चुरशीच्या बनलेल्या या निवडणुकीच्या निकालावर याआधीच पैजा लागल्या आहेत; पण आता मतदान झाल्यानंतर बेटिंगही जोरात सुरू झाल्याचे समजते. त्यामध्येही बेटिंगचा कल कुणाच्या बाजूने आहे हेही निकाल स्पष्ट करण्यास मदतीचे ठरत असल्याने अनेक कार्यकर्ते त्यावर अंदाज व्यक्त करत होते. मंगळवारचा दिवसही अशा चर्चेतच जाणार असेच वातावरण असून, बऱ्याच दिवसांनंतर उमेदवारांचे कारभारी, कार्यकर्ते सोमवारी निवांतपणा अनुभवत होते.

अजूनही हँगओव्हरमध्येच

जवळपास दोन आठवडे अनेक मतदार दररोज व्हीव्हीआयपी ट्रीटमेंटचा अनुभव घेत होते. एरव्ही खर्चाचा आकडा पाहणाऱ्या या मतदारांनी येथेच्छ चैनी केली. या सहलीत हॉटेलच्या निवडीपासून ते तिथे मिळणाऱ्या खाद्यपदार्थांनाही अनेकवेळा नाक मुरडणाऱ्या मतदारांना दोन आठवड्याच्या ऐशआरामी वातावरणातून सोमवारी एकदमच पूर्वीच्या वातावरणात आल्याचे अनेकांना ते पटत नव्हते. सकाळी उठल्यापासून फाईव्ह स्टारचा चहा, नाश्ता, इतर सुविधांची अनुभूती घेणारे सोमवारी घरी गेले तरी अजूनही फाईव्ह स्टारच्या हँगओव्हरमध्येच असल्याचे दिसत होते. आता जे घरात समोर येईल ते निमूटपणे खाण्याची, पिण्याची पूर्वीची सवय पुन्हा लावून घ्यायला एक-दोन दिवस जातील असे दिसते.

मोबाइल अॅप डाउनलोड करा आणि राहा अपडेट

किडनी विकाराचा धोका वाढतोय!

December 28, 2015, 11:42 am

≫ Next: रूग्णांचे कंबरडे मोडणार

≪ Previous: फुटिरांची आकडेमोड सुरू

$

0

0

Janhavi.Sarate@timesgroup.com

कोल्हापूरः उच्च रक्तदाब, मधुमेह कारणामुळे किडनी (मूत्रपिंड) फेल्यूअरचे प्रमाण दिवसेंदिवस वाढत आहे. किडनी निकामी झाल्यानंतर एकतर आयुष्यभर डायल‌िसि‌सवर जगावे लागते किंवा किडनी प्रत्यारोपण हा त्यावर शेवटचा उपाय असतो. किडनी प्रत्यारोपणासाठी तीन ते पाच लाख रुपये खर्च येतो. सध्या कोल्हापुरात सात ठिकाणी डायल‌िसि‌स सेंटर सुरू आहेत. तेथे दरमहा किमान दोन हजारांवर डायल‌िसि‌स रूग्ण येतात. कायमस्वरूपी डायल‌िसि‌स रुग्णांना राजीव गांधी योजनेतून माफक दरात हे उपचार घेता येतात.

शहरातील पाचशेहून अधिक रुग्णांना कायमस्वरूपी आठवड्यातून दोन ते तीनवेळा डायल‌िसि‌स करावे लागते. एका डायल‌िसि‌सला खासगी सेंटरमध्ये एक हजार रुपये, तर सीपीआरमध्ये ५०० रुपये आकारले जातात. डायल‌िसि‌सची सुविधा आणि खर्च गोरगरिबांच्या आवाक्याबाहेर असतो. राजीव गांधी योजनेतून डायल‌िसि‌स उपचार मोफत केले जातात. कोल्हापुरात किडनीग्रस्त हजारो रुग्ण आहेत.

कोल्हापुरात डायल‌िसि‌सची ४० ते ४५ मश‌िन आहेत. दर महिन्याला दोन हजारहून अधिक डायल‌िसि‌स होत असून, तेथे दीडशे ते पावणेदोनशे डायल‌िसि‌स करणारे कर्मचारी आहेत. किडनी आजाराच्या विळख्यात ३० टक्क्यांहून अधिक रुग्ण आहेत. गेल्या काही महिन्यांपूर्वी प्रत्येक जिल्ह्यात डायल‌िसि‌सची सोय आहे की नाही, अशी विचारणा सुप्रीम कोर्टाने सरकारकडे केली होती. मात्र, अशी पुरेशी सुविधा नसल्याने ग्रामीण भागातील रुग्णांना उपचारासाठी शहरात यावे लागते. त्यामुळे आठवड्यातील दोन ते तीन दिवस केवळ हॉस्पिटलमध्येच जातात. रुग्णाला डायल‌िसि‌ससाठी महिन्याला पंधरा हजारांहून अधिक खर्च येतो. शिवाय एका कीटसाठी तीन हजार रुपये भरावे लागतात. एका कीटवर साधारण चार ते पाच डायल‌िसि‌स होतात. त्यामुळे महिन्याकाठी वीस हजारांपुढे होणारा खर्च सामान्य रुग्णाच्या आवाक्याबाहेर आहे.

किडनी निकामी झाल्यानंतर डायल‌िसि‌स हा एकमेव पर्याय असतो. मात्र, आठवड्यातून दोन-तीनदा डायल‌िसि‌स करणे आवश्यक असते. चार तास लागत असलेल्या उपचारासाठी शहरात सात ठिकाणी सुविधा असून, केशरी व पिवळे रेशनकार्ड असलेल्या रुग्णावर मोफत उपचार उपलब्ध आहेत.

- डॉ. अभिजित कोराणे, युरोलॉजिस्ट

मोबाइल अॅप डाउनलोड करा आणि राहा अपडेट

रूग्णांचे कंबरडे मोडणार

December 29, 2015, 1:30 pm

≫ Next: रेडिरेकनरमध्ये १० टक्के वाढ शक्य

≪ Previous: किडनी विकाराचा धोका वाढतोय!

$

0

0

म. टा. प्रतिनिधी, कोल्हापू

आरोग्य विभागाने सर्वसामान्यांना झटका दिला असून सरकारी रुग्णालयातील सेवांचे दर दुप्पट-तिप्पटीने वाढले आहेत. या सेवांची अंमलबजावणी बुधवारपासूनच सुरु करण्यात येणार आहे. नव्या दरवाढीमुळे सर्वसामान्यांचे कंबरडे मोडणार आहे. विशेषतः ग्रामीण रुग्णालयातील सेवा महागणार आहेत. सीपीआरला ही दरवाढ लागू नाही.

यापूर्वी केसपेपरसाठी पाच रुपये आकारले जात होते. हा दर दुप्पट झाला असून आता १० रुपये मोजावे लागणार आहेत. याची मुदतही आठवडाभर राहणार आहे. विविध प्रकारच्या चाचण्याचा दरही १५ रुपयांवरुन २० रुपये केला आहे. यात चाचण्यांचे वर्गीकरण केले आहे. त्यामुळे या चाचण्याचा दरही वेगळा असण्याची शक्यता आहे. त्याचे दरही ३०० रुपयांपर्यंत वाढणार आहेत. आहार शुल्क १० रुपये केले असून प्रेग्नसी युरिन टेस्टसाठी ८० रुपये मोजावे लागणार आहेत. या सर्व सेवांच्या उपचाराचा खर्चही दुप्पटीने वाढणार आहे. रुग्णवाहिकेसाठी प्रति किलोमीटरचा दर यापूर्वी ५ रुपये होता. तो १५ रुपये केला आहे. रुग्णवाहिका प्रतीक्षा शुल्कासाठी तासाला ३० रुपयांऐवजी ७५ रुपये मोजावे लागणार आहेत. आंतररुग्ण शुल्क प्रतिदिन १० रुपयांवरुन २० रुपये केला आहे. इसीजीचा दर २० रुपयांवरुन ५० रुपये केला आहे. अतिदक्षता विभागासाठी दररोज शंभर रुपये आकारले जात होते. या विभागासाठी २०० रुपये आकारले जाणार आहे. सिझर बाळंतपणासाठी ५०० रुपये आकारले जाणार आहेत. सरकारी रुग्णालयांचा खर्च सर्वसामान्यांच्या आवाक्याबाहेर गेला असल्याने दरवाढीचा फटका सामान्यांनाच बसणार आहे.

सार्वजनिक आरोग्य विभागाच्या नियंत्रणाखालील सर्व सरकारी रुग्णालयात पहिल्यांदाच सेवांचे व्यावसायिक वर्गीकरण केले आहे. विभागनिहाय व्यावसायिक पद्धतीने प्रत्येक शस्त्रक्रियेसाठी दर निश्चित केले आहेत. सार्वजनिक आरोग्य विभाग आणि वैद्यकीय शिक्षण विभागातर्फे स्वतंत्र रुग्णालये चालविली जातात. नव्या परिपत्रकामुळे ग्रामीण भागात सेवा घेणाऱ्या रुग्णांना दरवाढीचा डोस मिळाला आहे.

..............

सोनोग्राफीसाठी ५० वरुन १०० रुपये

अॅजिओग्राफी ३००० रुपये

किडनी ट्रान्सप्लाट २००० रुपये

..............

बाळंतपण, सिझरचा खर्च वाढला

पहिले बाळंतपण मोफत

दुसऱ्या बाळंतपणाचा खर्च ५० वरुन १५० रुपये

तिसऱ्या बाळंतपणापासून प्रत्येकी खर्च ४०० रुपये

सिझर बाळंतपणासाठी ५०० रुपये

.......

दरवाढ ही सार्वजनिक आरोग्य विभागाच्या नियंत्रणाखालील असलेल्या रुग्णालयात होणार आहे. सीपीआर वैद्यकीय शिक्षण विभागातर्फे चालविले जाते. २०१० च्या परिपत्रकानुसार विविध सेवांची आकारणी केली जात आहे. त्यामुळे सीपीआरमध्ये दरवाढ लागू होणार नाही.

डॉ. जयप्रकाश रामानंद, अधिष्ठाता, राजर्षी शाहू महाराज शासकीय वैद्यकीय महाविद्यालय

ही दरवाढ रद्द करावी. आरोग्य विभागातील सर्व सरकारी रुग्णालयात आघाडी सरकारने २००१ मध्ये सुधारित दर निश्चित केले होते. मात्र युती सरकारने तिप्पट दर वाढविले. यामुळे सामान्य नागरिकांना झळ सोसावी लागणार आहे. त्यामुळे सार्वजनिक आरोग्य विभागाने काढलेला आदेश रद्द करावा.

सतेज पाटील, माजी गृहराज्यमंत्री

..............

गरिबांचा दवाखाना म्हणून ग्रामीण सरकारी दवाखान्याचा मोठा आधार होता. मात्र या दवाखान्याचे दरही वाढल्याने रुग्णांच्यावर आर्थिक कुऱ्हाड कोसळली आहे. सेवांचा खर्च वाढला आहे. त्यातच काही औषधे महाग झाल्याने मरणकळाच सोसाव्या लागणार आहेत.

हेमंत पाटील, रुग्ण

मोबाइल अॅप डाउनलोड करा आणि राहा अपडेट

रेडिरेकनरमध्ये १० टक्के वाढ शक्य

December 29, 2015, 1:30 pm

≫ Next: आत्महत्याप्रकरणी दोघा सावकारांना अटक

≪ Previous: रूग्णांचे कंबरडे मोडणार

$

0

0

म. टा. प्रतिनिधी, कोल्हापूर

नव्या वर्षाच्या पहिल्याच दिवशी सर्वसामान्यांना रेडीरेकनरच्या दरवाढीची भेट मिळण्याची शक्यता आहे. त्यामुळे सामान्यांचे नव्या घराचे स्वप्न महाग होण्याची शक्यता आहे. सरकारी सूत्रांनी दिलेल्या माहितीनुसार यंदा रेकनरच्या दरांत पाच ते दहा टक्क्यांची वाढ अपेक्षित आहे. मात्र, बांधकाम व्यावसायिकांकडून दरवाढ न करण्याची झालेली मागणी आणि राज्यावरील दुष्काळाचे सावट यामुळे ऐनवेळेला ही वाढ रद्द होण्याचीही शक्यता व्यक्त केली जात आहे.

आपले हक्काचे आणि स्वतःचे घर असावे, असे प्रत्येकाचे स्वप्न असते. त्यासाठी तो सतत धडपडत असतो. बँकांचे वरखाली होणारे व्याजदर आणि रेडीरेकनरच्या दरांत वर्षाच्या सुरूवातीला होणारा बदल याकडे घर घेऊ इच्छिणाऱ्या प्रत्येकाचे लक्ष असते. सध्या नवीन वर्षाचे स्वागत करत असताना रेकनरच्या दरांत वाढ होण्याच्या शक्यतेने घर घेऊ इच्छिणाऱ्यांत चिंता आहे. रेडीरेकनरचे दर वाढले, तर आपले घराचे स्वप्न बजेटच्या बाहेर, तर जाणार नाही ना, या काळजीने अनेकांची झोप उडाली आहे.

महसूलवाढीचे उद्दिष्ट डोळ्यासमोर ठेवून राज्य सरकार रेडीरेकनरच्या दरवाढीचा निर्णय घेते. मात्र, यंदा राज्यातील अनेक बांधकाम व्यावसायिक संघटनांनी दरवाढ करू नये, अशी मागणी सरकारकडे केली आहे. त्यात कोल्हापूरच्या `क्रेडाई` या बांधकाम व्यावसायिक संघटनेनेही दरवाढ न करण्याची मागणी केली आहे. राज्यावर सध्या दुष्काळाचे सावट आहे. मराठवाडा आणि विदर्भाच्या तसेच पश्चिम महाराष्ट्राच्या काही पट्ट्यांत भीषण स्थिती आहे. या पार्श्वभूमीवर रेडीरेकनरच्या दरांबाबत सरकार थोडा दिलासा देईल, अशी अपेक्षाही व्यक्त होत आहे. त्यामुळे सरकार नेमका काय निर्णय घेणार, याकडे सगळ्याचे लक्ष लागले आहे.

कोट

रेडीरेकनरच्या दरवाढीचा निर्णय सरकारचा धोरणात्मक निर्णय असतो. या संदर्भात जिल्ह्यात झालेल्या सर्वेक्षणाचा डेटा आम्ही पुणे विभागीय कार्यालयाला पाठविला आहे. आता सरकारच्या पातळीवर जो निर्णय असेल, तो होईल. दरवाढ झाल्यास १ जानेवारीपासून नवे दर लागू होतील, अन्यथा २०१५चेच दर कायम राहतील.

- रमेश लाड, सहायक नगर रचनाकार

वाढ रद्द होण्याची आशा

यापूर्वी दोन वेळा रेडीरेकनरच्या दरातील वाढ सरकारने रद्द केली होती. आघाडी सरकारने २००९ मध्ये २००८ मधीलच दर कायम ठेवण्याचा निर्णय घेतला होता. तसेच २०१४ मध्ये केवळ बांधकाम दर २०१३ चेच कायम ठेवण्यात आले होते. त्यामुळे यंदाही सरकार वाढ रद्द करण्याचा निर्णय घेऊन मध्यमवर्गाला दिलासा देण्याची आशा व्यक्त होत आहे.

दृष्टीक्षेपात

शहराजवळच्या गावांमध्ये जागांचे दर चढे

पाचगाव, मोरेवाडी, उचगाव, उजळाईवाडी व कळंबा परिसरात जागेला प्रचंड मागणी

त्यामुळे या परिसरात रेडीरेकनरच्या दरात वाढ शक्य

उपनगरांमध्येही रेडीरेकनरच्या दरात वाढीचा अंदाज

रेडीरेकनरचे २०१५चे दर (प्रति चौरस मीटर रुपयांत)

ए वॉर्ड

परिसर जागा फ्लॅट दुकान गाळे

महाद्वार रोड ते कसबा पेठ ४३,४४० ४७,५२० १,५५,०००

बिनखांबी ते निवत्ती चौक २१,५८० ३३,३५० ५५,७००

राधानगरी रोड देवकर पाणंद परिसर ४,८२० २९,००० ३५,०२०

बी वॉर्ड

जरग नगर ४,९५० २७,१६० ३५६१०

बेलबाग परिसर ६,१५० २९,५६० ४७,२३०

रायगड कॉलनी ४,६७० २४,८९० ३३,०१०

सी वॉर्ड

सुभाष रोड ३८,६२० ३९,३९० ७६,११०

भाऊसिंगजी रोड ३३,०४० ३६,४६० ६८,४५०

गुजरी रस्ता ४६,००० ५२,६४० १,३१,०१०

डी वॉर्ड

शुक्रवार पेठ, दुधाळी ४,११० २७,९९० ३२,६६०

लक्षतीर्थ वसाहत २,४५० २५,६०० २८,८००

ब्रह्मपुरी ४,६७० २९,३३० ३३,७९०

ई वॉर्ड

कावळा नाका २१,६६० ३६,३८० ९८,४६०

कलेक्टर ऑफिस २१,६६० ४०,५९० ८४,६९०

मुक्त सैनिक वसाहत ७,८१० ३५,५३० ४२,३५०

राजारामपुरी मेन रोड ३१,७७० ४०,५९० ६९,५६०

बावडा मुख्य रस्ता ७,८१० ४०,६०० ६१,०७०

मोबाइल अॅप डाउनलोड करा आणि राहा अपडेट

आत्महत्याप्रकरणी दोघा सावकारांना अटक

December 29, 2015, 1:30 pm

≫ Next: चंद्रदीप नरकेंची ‘कुंभी’वर हॅट्‍ट्रिक

≪ Previous: रेडिरेकनरमध्ये १० टक्के वाढ शक्य

$

0

0

म. टा. वृत्तसेवा, इस्लामपूर

खासगी सावकाराच्या त्रासाला कंटाळून एकाच कुटुंबातील चौघांनी आत्महत्या केल्याप्रकरणी पोलिसांनी बुधवारी दोन सावकारांना अटक केली. या प्रकरणातील अन्य दोन सावकार फरार झाले आहेत. अटक केलेल्या दोघांविरूध्द सावकारी आणि आत्महत्येस प्रवृत्त केल्याचे गुन्हे दाखल केले आहेत. जयवंत विष्‍णू पाटणकर (वय ५२, रा. बोरगांव, ता. वाळवा) व मोहन केशव पाटील (वय ४८, रा. ताकारी) अशी अटक केलेल्या खासगी सावकारांची नावे आहेत. येथील संजय यादव याने सावकारीच्या तगाद्यालाकंटाळून काल दोन मुलांना मारून पत्नीसह आत्महत्या केली होती. याबाबत काल रात्री उशीरा मृत यादवचे मेहुणे संजय खोत, रा. पडवळवाडी यांनी इस्लामपूर पोलिस ठाण्यात फिर्याद दिली. फिर्यादीवेळी यादवने मृत्यूपूर्वी लिहून ठेवलेल्या चिठ्ठीच्या आधारे पोलिसांनी चौघांविरूध्द गुन्हा दाखल केला आहे. मृत यादवने लिहिलेल्या चिठ्ठीत चार सावकारांची नावे आहेत. अटक केलेल्या दोघांसह विकासकुमार पाटील व श्रीकांत चमनराव जाधव (दोघेही रा. ताकारी) या चौघांनी दिलेल्या त्रासामुळे आत्महत्या केल्याचे चिठ्ठीत म्हटले आहे.

मोबाइल अॅप डाउनलोड करा आणि राहा अपडेट