बालनाट्य स्पर्धेत शिंदे अकॅडमीला दोन पदके

December 21, 2015, 1:30 pm

≫ Next: कोल्हापुरात एसटीचा सौजन्य सप्ताह

≪ Previous: कोल्हापुरात ख्रिसमस फिव्हर

$

0

0

म. टा. प्रतिनिधी, कोल्हापूर

१३ व्या महाराष्ट्र राज्य बालनाट्य स्पर्धेत कोल्हापूर -पुणे केंद्रातून अभिनव विद्यालय हायस्कूल या संस्थेच्या 'गोष्ट पृथ्वी मोलाची' या नाटकाला प्रथम पारितोषिक जाहीर झाले. सांस्कृतिक कार्य संचालनायाच्यावतीने ही घोषणा करण्यात आली. सांगलीच्या सस्नेह कला क्रीडा सांस्कृतिक मंडळाने सादर केलेल्या 'एका झाडाची गोष्ट' या नाटकास द्वितीय पारितोषिक मिळाले. या दोन्ही नाटकांची अंतिम फेरीसाठी निवउ करण्यात आली आहे.

कोल्हापूर-पुणे केंद्रात एकूण ४९ नाट्यप्रयोग सादर करण्यात आले. स्पर्धेसाठी परीक्षक म्हणून ज्ञानेश्वर गायकवाड, ज्ञानसागर भोकर व मधुमती पवार यांनी काम पाहिले.

निकाल असा ः दिग्दर्शन ः रामचंद्र खाटमोडे (प्रथम पारितोषिक, नाटक-गोष्ट पृथ्वी मोलाची), उदय गोडबोले (द्वितीय, एक झाडाची गोष्ट)

प्रकाश योजना ः चिन्मय कुलकर्णी (नाटक-फुलपाखरू),धीरज पलसे (द्वितीय, एका झाडाची गोष्ट)

नेपथ्य ः सुयश झुंजुरके (प्रथम,सिद्राम सुडोकू), प्रतिमा शिंदे (व्दितीय, झाडवाली झुंबी)

रंगभूषा ः सीमा अहिर (प्रथम, मला शाळेत जायचंय), मंजिरी लिमये (द्वितीय, काही क्षणांत)

उत्कृष्ट अभिनय रौप्यपदक ः हेरंब देशपांडे (सावकाराची व्हाण करी दाणादाण), श्रेया दुधगांवकर (झाडवाली झुंबी). अभिनयासाठी गुणवत्ता प्रमाणपत्र साक्षी देसाई (काही क्षणात), यशश्री माळी (प्लॉट नं.शून्य कचरा कुंडीजवळ), वैष्णवी रेजिनेदार (सिद्राम सुडोकू), सानिका हरळकर (धन्य ती मुक्ताई), अनुष्का गोखले (गोष्ट पृथ्वी मोलाची), अथर्व भोज (फुलापाखरू), आदित्य देशमुख (हाका नाका मका नका), अंकित स्वामी (चिंधी), दर्शन माजगांवकर (झेप), एजाज आमदानी (गेले पाणी कुणीकडे)

मोबाइल अॅप डाउनलोड करा आणि राहा अपडेट

---

कोल्हापुरात एसटीचा सौजन्य सप्ताह

December 21, 2015, 1:30 pm

≫ Next: चार विद्यार्थ्यांची होस्टेलमधून हकालपट्टी

≪ Previous: बालनाट्य स्पर्धेत शिंदे अकॅडमीला दोन पदके

$

0

0

म. टा. प्रतिनिधी, कोल्हापूर

एसटीचा प्रवास करणाऱ्या प्रवाशांचे सोमवारी सकाळी स्टँडमध्ये गुलाब फुले देऊन स्वागत करण्यात आले. सोमवारपासून सुरू झालेल्या सौजन्य सप्ताहाच्यानिमित्ताने विविध स्टँडवर प्रवाशांनी कर्मचाऱ्यांच्या या आदरातिथ्याचा अनुभव घेतला. या सप्ताहामध्ये कर्मचाऱ्यांबाबत जे काही बरे वाईट अनुभव येतील, त्याची दखल प्रशासकीय पातळीवर घेण्यात येणार आहे.

२७ डिसेंबरपर्यंत हा सप्ताह साजरा केला जाणार असून यामध्ये चालक, वाहक, वाहतूक नियंत्रक या घटकांनी प्रवाशांशी सौजन्यपूर्ण वागावे अशी अपेक्षा आहे. येथील आगारप्रमुख बी. बी. नाईक, स्थानक प्रमुख अभय कदम, शीतल चिखलवाळे व त्यांच्या सहकाऱ्यांच्यावतीने स्टँडमधील प्रवाशांना गुलाब फुले देऊन स्वागत करण्यात आले. एसटीमध्ये जाण्यासाठी होणाऱ्या गर्दीवर खेकसणारे वाहक, चौकशी कक्षामधून माहिती मिळवण्यासाठी करावा लागणारा आटापीटा व तिथे चेहऱ्यावरील रेषही न हलवता माहिती देणारे कर्मचारी हे सर्व वातावरण किमान सोमवारी तरी बदललेले दिसले. स्टँडमध्ये लावण्यात आलेल्या सौजन्य सप्ताहाच्या फलकामुळे कर्मचाऱ्यांवर या सप्ताहात तरी व्यवस्थित वागण्याचे एक जबाबदारी आली असल्याचे दिसत होते.

महत्वाचे म्हणजे या सप्ताहात ज्यांची वागणूक चांगली वाटली त्यांच्याबाबत स्टँडमधील सूचना व नोंदवहीत नोंद करण्याची व्यवस्था करण्यात आली आहे. तशीच एखाद्या कर्मचाऱ्याबाबत तक्रार असेल तर त्याला मार्गदर्शन करुन योग्य वागणुकीची सूचना दिली जाणार आहे. कर्मचाऱ्यांची प्रवाशांशी कायमच सौजन्यपूर्ण वागणूक रहावी यासाठी महामंडळाच्यावतीने प्रयत्न करण्यात येत आहेत. सप्ताहाचा एक त्यातीलच भाग आहे.

मोबाइल अॅप डाउनलोड करा आणि राहा अपडेट

चार विद्यार्थ्यांची होस्टेलमधून हकालपट्टी

December 21, 2015, 1:30 pm

≫ Next: वारणानगरात आविष्कार संशोधन महोत्सव

≪ Previous: कोल्हापुरात एसटीचा सौजन्य सप्ताह

$

0

0

म. टा. प्रतिनिधी, कोल्हापूर

राजर्षी शाहू महाराज सरकारी वैद्यकीय महाविदयालयातील प्रकार रॅगिंग नसून मारामारीचा प्रकार होता, असा अहवाल अँटी रॅगिंग समितीने तयार केला आहे. मारामारीमधील चार विद्यार्थ्यांवर होस्टेलमधून हकालपट्टीचा निर्णय घेतला आहे. रूपेंद्रसिंग मीना, राहुल कुमार मीना, सुमित कुमार राय, राहुल जाजोरिया अशी या मुलांची नावे आहेत.

पाच डिसेंबररोजी शेंडा पार्क येथील महाविद्यालयातील दुसऱ्या वर्गातील विद्यार्थी जयंत रमेश तोंडे (वय २०, रा. पाथर्डी) याच्यावर रॅगिंग झाल्याच्या प्रकाराने खळबळ उडाली. रॅगिंग करणाऱ्या विद्यार्थ्यांनी मारहाण केल्याने जयंत तोंडे याच्यासह तिघे जखमी झाले होते. महाविद्यालयाच्या अँटी रॅगिंग समितीने राजारामपुरी पोलिस ठाण्यात गुन्हा दाखल केल्यावर पोलिसांनी संशयित रूपेंद्रसिंग मीना, राहुल कुमार मीना, सुमित कुमार राय, राहुल जाजोरिया यांना अटक केली. त्यानंतर कोर्टाने त्यांची जामिनावर मुक्तता केली. या सर्वांची होस्टेलमधून हकालपट्टी करण्यात आली आहे. याप्रकरणानंतर महाविद्यालयीन प्रशासनाने ताबडतोब दखल घेत त्रिसदस्यीय समिती नियुक्ती केली होती.

मोबाइल अॅप डाउनलोड करा आणि राहा अपडेट

वारणानगरात आविष्कार संशोधन महोत्सव

December 21, 2015, 1:30 pm

≫ Next: अतिग्रेजवळ अपघातात एक ठार

≪ Previous: चार विद्यार्थ्यांची होस्टेलमधून हकालपट्टी

$

0

0

म. टा. प्रतिनिधी, कोल्हापूर

कॉलेज विद्यार्थ्यांच्या अंगी संशोधन वृत्ती जागविण्याचा प्रयत्न होत असून संशोधनातून प्रेरणा देणे, गुणवत्ता वाढविणे आणि गुणवत्तेवर आधारित संशोधन व्हावे, अशी अपेक्षा शिवाजी विद्यापीठाचे बीसीयूडी संचालक प्राचार्य डॉ. डी. आर. मोरे यांनी व्यक्त केली.

विद्यापीठाचा आंतरमहाविद्यालयीन जिल्हास्तरीय आविष्कार संशोधन महोत्सव तात्यासाहेब कोरे विद्यानगरीत पार पडला. त्यावेळी ते बोलत होते. अध्यक्षस्थानी वारणा विभाग शिक्षण मंडळाचे सचिव जी.डी.पाटील होते.

डॉ. मोरे म्हणाले, 'ग्रामीण भागातील शेतकरी खरा संशोधक असून त्याने लोकांच्या गरजा ओळखून शेतीत नवनवीन प्रयोग करून उत्पादन वाढविले. समाजाला संशोधनातून नवीन ज्ञान मिळाले पाहिजे. संशोधनाची संख्यात्मक वाढ न होता गुणात्मक वाढ होण्याची गरज आहे.'

जी. डी.पाटील म्हणाले, 'संशोधन वृत्ती महाविद्यालयीनच वाढीस लागते. मानवी जीवन सुधारण्यासाठी संशोधनाची गरज असून ज्ञान हेच विकासाचे माध्यम ठरले आहे. तरूणांनी संशोधनातील गुणवत्ता सिद्ध करावी.'

यशवंतराव चव्हाण वारणा महाविद्यालय आणि तात्यासाहेब कोरे औषध निर्माण शास्त्र महाविद्यालयाने महोत्सवाचे संयोजन केले.

यावेळी अविष्कार संयोजन समितीचे अध्यक्ष डॉ. ए. एम. गुरव, प्राचार्य डॉ.एस. व्ही. आणेकर, प्राचार्य डॉ.सुरेखा शहापुरे, प्राचार्य डॉ.जॉन डिसूझा उपस्थित होते. डॉ.प्रीती ‌शिंदे यांनी सूत्रसंचालन केले. प्राचार्य डॉ. सुरेखा शहापुरे यांनी आभार मानले.

विद्यापीठच्या आविष्कार समितीचे अध्यक्ष प्राचार्य डॉ.ए.एम.गुरव यांच्या उपस्थितीत समोरोप झाला. एकूण सहा संशोधन प्रकारात जिल्ह्यातील विविध मह‌ाविद्यालयातील १३५ स्पर्धकांनी सहभाग घेतला.


महोत्सवातील विजेते असे

मानव्यशास्त्र, भाषा, कला आणि शिक्षणशास्त्र विभाग ः निशा भाळवणे(प्रथम, यशवंतराव चव्हाण महाविद्यालय, वारणानगर), ओंकार रेळेकर (द्वितीय, आजरा महाविद्यालय, आजरा), सोनली गावडे (तृतीय, यशवंतराव चव्हाण महाविद्यालय, हलकर्णी)

वाणिज्य, व्यवस्थापन आणि कायदे विभाग ः भक्ती पारपोलकर (प्रथम, आजरा महाविद्यालय), संकेत पाटील, (द्वितीय, यशवंतराव चव्हाण महाविद्यालय, वारणानगर ), पुनम मालवळकर (तृतीय, यशवंतराव चव्हाण महाविद्यालय, हलकर्णी)‌

विज्ञान विभाग ः अमित महाजन (प्रथम, राजाराम कॉलेज), अनिकेत सुतार (व्दितीय, विजयसिंह यादव पेठ, वडगाव), शिवानी पाटील (तृतीय, न्यू कॉलेज)

कृषी आणि प्राणी संगोपन विभाग ः सायली शेळके (प्रथम, सायबर), शितल चव्हाण (व्दितीय, विजयसिंह यादव पेठ वडगाव), गौरव घेवदे (तृतीय, तात्यासाहेब कोरे औषध निर्माण, वारणानगर)

अभियांत्रिकी आणि तंत्रशिक्षण ः मुग्धा सावंत (प्रथम, सायबर), सुरज बाऊचकर (द्वितीय, विवेकानंद कॉलेज), वैभव पवार (तृतीय टि.के.आय.ई.टी.वारणानगरतृतीय टि.के.आय.ई.टी.वारणानगर)

वैद्यकीय आणि औषधनिर्माण शास्त्र ः शबनम मुल्ला, (प्रथम, तात्यासाहेब कोरे औषध निर्माण, वारणानगर), अर्चना साळुंखे (व्दितीय, तात्यासाहेब कोरे औषध निर्माण, वारणानगर), प्रीती पाटील (तृतीय, घाळी कालेज गडहिंग्लज)

मोबाइल अॅप डाउनलोड करा आणि राहा अपडेट

अतिग्रेजवळ अपघातात एक ठार

December 21, 2015, 12:25 pm

≫ Next: स्फोटकांचा साठा कोडोलीत जप्त

≪ Previous: वारणानगरात आविष्कार संशोधन महोत्सव

$

0

0

म. टा. वृत्तसेवा, जयसिंगपूर

सायकलस्वारास चुकविण्याच्या प्रयत्नात अल्टो कार रस्ता दुभाजकास धडकली. या अपघातात कोल्हापूर येथील महिला जागीच ठार झाली, तर तिघेजण जखमी झाले. कोल्हापूर-सांगली मार्गावर अतिग्रे येथे अपघात झाला. सुरेखा बाळासाहेब पाटील (वय ५०, रा. रुईकर कॉलनी) असे मृत महिलेचे नाव असून, त्या कार चालवत होत्या. महेश शांतीनाथ वडगावे (वय ३२), मीना महेश वडगावे (वय २५) व शांताबाई खचनाळे (सर्व रा. रुईकर कॉलनी) गंभीर जखमींची नावे आहेत.

सांगली येथे विवाह समारंभ आटोपून सुरेखा पाटील व वडगावे कुटंबीय अल्टो कार (एमएच ०९ सीएम ७१०७) मधून कोल्हापूरकडे निघाले होते. दुपारी अडीचच्या सुमारास अतिग्रेनजीक संजय घोडावत इन्स्टिट्युटजवळ अचानकपणे सायकलस्वार आडवा आल्याने त्याला वाचविण्याच्या प्रयत्नात चालकाचा ताबा सुटला. या अपघातात कारचालक सुरेखा पाटील यांच्या डोक्यास गंभीर दुखापत झाल्याने त्यांचा जागीच मृत्यू झाला, तर कारमधील महेश वडगांवे, मीना वडगावे व शांताबाई खचनाळे गंभीर जखमी झाले.

मोबाइल अॅप डाउनलोड करा आणि राहा अपडेट

स्फोटकांचा साठा कोडोलीत जप्त

December 21, 2015, 11:26 am

≫ Next: दूध संस्थांना मध्यंतरीय आदेश

≪ Previous: अतिग्रेजवळ अपघातात एक ठार

$

0

0

म. टा. प्रतिनिधी, कोल्हापूर

कोडोली (ता. पन्हाळा) येथील नवीन चांदोली वसाहत येथे स्थानिक गुन्हे अन्वेषण विभाग व कोडोली पोलिसांनी संयुक्त कारवाई करत मोठा स्फोटकांचा साठा जप्त केला. स्फोटकांमध्ये १९ जिलेटीनचे बॉक्स व ३२ डिटनेटर्स बंडल असा ३९ हजार ७०० रुपयांची स्फोटके जप्त केली. पोलिसांनी संशयित कुंदन ईश्वरलाल जाठ (वय २३, मूळ गाव दाता ता. बनेडा, भिलवाडा, राजस्थान, सध्या. रा. कोकरूड, ता. शिराळा, जि. सांगली), रामेश्वरालाल बरदाजी जाठ (५० रा. देवली, जि. भिलवाडा, सध्या रा. शिराळा, जि. सांगली) यांना अटक केली आहे. सोमवारी सकाळी साडेसहाच्या सुमारास कारवाई करण्यात आली.

नवीन चांदोली वसाहत परिसरात पांढऱ्या रंगाची मोटार आनंदा गवळी यांच्या गाळ्यासमोर उभी असल्याची दिसून आले. मोटारीच्या शेजारी ब्लास्टिंगकरिता वापरण्यात येत असलेला ट्रॅक्टर उभा होता. मोटारीतून दोघेजण बॉक्स उतरत असल्याचे दिसून आले. पोलिसांनी त्यांच्याकडे चौकशी केली असता कुंदन जाठ व रामेश्वलाल जाठ यांची नावे सांगितली. त्यांच्याकडे अधिक चौकशी केली असता जिलेटीन व डिटोनेटर्स असल्याचे सांगितले. स्फोटकाचे मालक माधवलाल मंगीलाल चौधरी (रा. शिराळा, जि. सांगली) यांच्या सांगण्यावरून रामेश्वर जाठ यांना स्फोटके देण्यासाठी आलो होतो, अशी माहिती कुंदन जाठ याने दिली. त्यानंतर पोलिसांनी १९ जिलेटीनचे बॉक्स व ३२ डिटोनेटर्स जप्त केले. तसेच ट्रॅक्टर व मोटारही जप्त केली. कारवाईत राजेंद्र घारगे, शमशुद्दीन पठाण, लक्ष्मण धायगुडे, उदय पवार, झकरिया इनामदार, मन्सुर जमादार सहभागी होते.

तातडीने कारवाई

दहशतवादीविरोधी पथकाचे सहायक पोलिस निरीक्षक अभिजित देशमुख हे वाठार व कोडोली परिसरात पेट्रोलिंग करत असताना कोडोली येथील दत्तमठ रोडवर एका मोटारीत स्फोटकाचा साठा येणार असल्याची माहिती मिळाली. त्यानंतर देशमुख यांनी कोडोली पोलिस ठाण्याचे सहायक निरीक्षक मेमाणे यांना माहिती देऊन कारवाई सुरू केली.

मोबाइल अॅप डाउनलोड करा आणि राहा अपडेट

दूध संस्थांना मध्यंतरीय आदेश

December 21, 2015, 11:30 am

≫ Next: साकारली वनऔषधी वनराई

≪ Previous: स्फोटकांचा साठा कोडोलीत जप्त

$

0

0

तीस दिवसांत खुलासा करा, अन्यथा नोंदणी रद्द

Maruti.Patil@timesgroup.com

कोल्हापूर : सहकार विभागाच्यावतीने सुरू असलेल्या सर्वेक्षण मोहिमेत पशू, दुग्ध व मत्स्य संस्थांचे सर्वेक्षण करण्यात आले होते. सर्वेक्षणामध्ये एक हजार ७४ संस्थांना अवसायनपूर्व नोटीस दिली होती. नोटिसीला लेखी खुलासा सादर न केलेल्या संस्थांना मध्यंतरीय नोटीस दिली आहे. यामध्ये हातकणंगले ११२, गडहिंग्लज ५२, आजरा ४२ व शिरोळ तालुक्यातील ११ संस्थांना नोटीस पाठविण्यात आल्या आहेत. नोटीस दिलेल्या संस्थांनी तीस दिवसांत लेखी खुलासा न दिल्यास संस्था अवसायनात काढण्याची प्रक्रिया सुरू होणार आहे. उर्वरित तालुक्यांतील अवसायनपूर्व संस्थांना ३१ डिसेंबरपर्यंत नोटीस पाठविण्यात येणार आहेत. त्यानंतर संस्था नोंदणी रद्दची प्रक्रिया सुरू होणार आहे.

महाराष्ट्र सहकारी संस्था अधिनियम १९६० च्या कलम १०१ व १०२ नुसार पशू, दुग्ध व मत्स्य संस्थांनी सर्वेक्षण मोहीम सुरू केली होती. एक ऑगस्ट ते ३० सप्टेंबरपर्यंत १७ कर्मचाऱ्यांनी सहभाग घेतला होता. जिल्ह्यातील ५१२० संस्थांच्या प्रत्यक्ष नोंदणीकृत पत्त्यावर भेटी दिल्या. त्यामध्ये एक हजार ७४ संस्थांचा ठावठिकाणा आढळून आला नाही. ज्या उद्देशासाठी संस्था स्थापन केल्या त्या उद्देशानुसार संस्थांचे कामकाज नसल्याने वार्षिक सभा, लेखापरीक्षण अहवाल व आर्थिक पत्रकांची माहिती मिळत नसलेल्या संस्थांना अवसायनपूर्व नोटीस बजावली होती.

नोटीस बजावलेल्या अनेक संस्थांनी लेखी खुलासा पाठवलेला नाही, तर नावात बदल असलेल्या किरकोळ संस्था आहेत. मात्र, ज्या संस्थांचा कायमचा पत्ता मिळून येत नाही, त्यांना पुन्हा मध्यंतरीय आदेश काढण्याची प्रक्रिया सुरू केली आहे. बारा तालुक्यांपैकी चार तालुक्यांतील प्रक्रिया पूर्ण झाली असून, उर्वरित तालुक्यांना ३१ डिसेंबरपर्यंत आदेश काढण्यात येणार आहे.

करवीर, कागल, राधानगरीत सर्वाधिक कागदोपत्री संस्था

दुग्ध संस्थांमध्ये सर्वाधिक करवीरमध्ये ६६, तर कागलमध्ये ५३ आणि राधानगरी तालुक्यामध्ये ५० संस्था कागदोपत्री असल्याचे सर्वेक्षणात स्पष्ट झाले आहे. मध्यतंरीय आदेशानंतर अशा संस्थांबाबतचा अहवाल कोल्हापूर जिल्हा दूध संघ (गोकुळ) व कोल्हापूर जिल्हा मध्यवर्ती सहकारी बँकेला पाठविण्यात येऊन त्यांचे सभासदत्व रद्द करण्याची कार्यवाही केली जाणार आहे.

शिरोळ, आजरा, गडहिंग्लज, हातकणंगले येथील संस्थांना मध्यंतरीय आदेश काढला आहे. उर्वरित तालुक्यांतील संस्थांना ३१ डिसेंबरपर्यंत मध्यंतरीय आदेश काढण्यात येणार आहे. त्यानंतर तीस दिवसांच्या आत संस्थांनी समाधानकारक लेखी खुलासा न केल्यास संस्था अवसायनात काढण्याची प्रक्रिया सुरू केली जाणार आहे.

- अरुण चौगले, सहायक निबंधक (दुग्ध)

मोबाइल अॅप डाउनलोड करा आणि राहा अपडेट

साकारली वनऔषधी वनराई

December 21, 2015, 11:31 am

≫ Next: अतिक्रमणामुळे कोंडी कायम

≪ Previous: दूध संस्थांना मध्यंतरीय आदेश

$

0

0

सहजसेवा ट्रस्ट राबवतेय गेल्या पंधरा वर्षांपासूनचा उपक्रम

म. टा. प्रतिनिधी, कोल्हापूर

खरोखरच झाडे लावण्याची इच्छाशक्ती असेल तर ती केवळ नावापुरती न लावता, जगतील व मोठी कशी होतील याचा विचार करून वृक्षारोपण करणारे वृक्ष, निसर्गप्रेमी कोल्हापुरात आहेत. त्यासाठी पडेल ती किंमतही मोजली आहे. सहजसेवा ट्रस्टमधील निसर्गप्रेमींच्या या इच्छाशक्तीमुळेच शहरात साडेतीन हजारांवर झाडे लावून आणि ती जगवूनही दाखवली आहेत. सध्या कमी होत चाललेल्या व रस्त्यांच्या कामांमध्ये कायम कुऱ्हाड कोसळणाऱ्या वड, पिंपळासारख्या पारंपरिक वृक्षांबरोबर औषधी झाडांचा या वृक्षारोपणात आवर्जून समावेश केला जातो.

कोल्हापुरात जोतिबा यात्रेसाठी लाखो भाविक दाखल होत असतात. या यात्रेकरूंच्या सोयीसाठी १९९९ साली सहजसेवा ट्रस्ट स्थापन करण्यात आला. पिण्याच्या पाण्याबरोबर अन्नछत्राच्या माध्यमातून जेवणाची सोय करण्यात आली. गायमुखाजवळ पहिल्या वर्षी अन्नछत्र सुरू केल्यानंतर जोतिबा डोंगरावरील उजाडपणा दिसून आला. ऐन उन्हाळ्यात होणाऱ्या यात्रेसाठी आबालवद्ध उन्हाच्या झळा सहन करत देवदर्शन करत असल्याचे पाहून ट्रस्टमधील सर्वांनाच वृक्षारोपणाचे महत्त्व समजून आले. तिथूनच ट्रस्टच्या नव्या उपक्रमाची सुरुवातही झाली. सन २००० मध्ये गायमुखाच्या ओसाड परिसरात प्रथम ११० झाडे लावली. ही झाडे लावत असताना छोटी रोपे लावण्यापेक्षा वाढ झालेल्या रोपाची लागवड करण्यात आली. यामुळे ते झाड जगण्याची शक्यता जास्तीत जास्त होते. त्यासाठी सिमेंटचे ट्री गार्डही बनवून घेतले. या वृक्षारोपणानंतर त्या ओसाड डोंगरावर जाऊन पाणीही घातले. शंभरभर झाडांनी त्या परिसरात हिरवाई येणार नसल्याने दुसऱ्या वर्षी परिसरात तीन हजार झाडे लावली. त्यासाठी ट्री गार्ड लावले, पण त्यातील फार जगली नाहीत. पण गायमुखापासून जोतिबाकडे जाणाऱ्या मार्गावर केलेल्या वृक्षारोपणामुळे रणरणत्या उन्हात आता सावली मिळू लागली आहे. यामध्ये सन्मती मिरजे, प्रमोद पाटील, किरण शहा, अरविंद परमार, सूर्यकांत गायकवाड यांच्यासह इतर कार्यकर्ते आघाडीवर आहेत.

त्यानंतर योगगुरू रामदेव महाराज यांचे शिवाजी विद्यापीठाच्या परिसरात शिबिर घेण्यात आले होते. त्या मैदानशेजारी 'सहजसेवा'च्यावतीने वड व पिंपळाची झाडे लावण्यात आली. त्याचवेळी विद्यापीठाच्या एनसीसी भवनजवळील गेट परिसरातही मोठ्या प्रमाणात वृक्षारोपण करण्यात आले. या झाडांसाठी विद्यापीठाकडे पाणी उपलब्ध नसल्याने ट्रस्टने बाहेरून पाणी आणून त्या झाडांना जगवले. त्यामुळे विद्यापीठाच्या परिसरातच चारशेहून अधिक वृक्षारोपण केले आहे. ट्रस्ट स्वतः वृक्षारोपण घेत असताना समाजाकडूनही प्रतिसाद मिळावा यासाठी वेगळ्या पद्धतीने आवाहन केले. निगा राखली जाणार असेल तर आम्ही झाडे लावून देतो असे आवाहन करताच रुईकर कॉलनीमधील रहिवाशी पुढे आले.

झाडे लावण्याची केवळ औपचारिकता न करता ती जगली पाहिजेत हा आमचा अट्टहास असतो. त्यासाठी छोटे रोप न लावता कमीत कमी पाच ते सहा फुटांचे रोप लावतो. हे रोप नर्सरीमधून विकत घेत असल्याने त्यांना पूर्वकल्पना दिली जाते. अनेकवेळा त्यांच्याकडे तशी झाडे उपलब्ध नसल्यास आंध्र प्रदेशमधून ती मागवतात. त्यामुळे एक झाड अनेकवेळा १५० रुपयांपासून १२०० रुपयांना पडते. तसेच मोठ्या आकाराची झाडे लावण्यासाठी खड्डेही मोठे काढावे लागतात. हा सर्व खर्च ट्रस्टच्या माध्यमातून केला जात आहे. यामधून झाडे जगवल्याचे मोठे समाधान मिळते.

- प्रमोद पाटील

मोबाइल अॅप डाउनलोड करा आणि राहा अपडेट

---

अतिक्रमणामुळे कोंडी कायम

December 21, 2015, 11:33 am

≫ Next: पाटील, देसाईंना काँग्रेसची सूचना

≪ Previous: साकारली वनऔषधी वनराई

$

0

0

म. टा. प्रतिनिधी, कोल्हापूर

पानलाइन ते मटण मार्केट. शहरातील एक महत्त्वाचा रस्ता. शहरातील इतर रस्त्यांप्रमाणे या रस्त्याच्याही त्याच समस्या आहेत. किंबहुना इतर रस्त्यांपेक्षा या रस्त्यावरील वाहतुकीची समस्या अधिक गंभीर आहे. अस्ताव्यस्त पार्किंग हा संपूर्ण शहरातील समस्या या रस्त्यावर देखील आहेच. त्यात बेसुमार अतिक्रमणाने इथल्या कोंडीत भर टाकली आहे.

मुळात पापाची तिकटी ते मटण मार्केट, हा लुगडी ओळ म्हणून ओळखला जाणारा रस्त्या गेल्या अनेक वर्षांपासून एकेरी आहे. तरी या रस्त्यावरच्या वाहतूक कोंडीचा प्रश्न किंचित देखील सुटलेला नाही. याउलट मटण मार्केट परिसरात एकेरीचा नियम तोडून उलट्या दिशेने येणाऱ्या वाहनांमुळे कोंडीला निमंत्रण मिळत आहे. मात्र, एकेरीचा नियम मोडणाऱ्यांना याचे काही देणेघेणेच नाही, अशी स्थिती दिसते.

रविवारी या संपूर्ण रस्त्याला जत्रेचे स्वरूप असते. रविवारच्या निमित्ताने जोतिबा दर्शन घेण्यासाठी ग्रामीण भागातील भाविक येथील बाजारपेठ छोटी-मोठी खरेदी करण्यासाठी येतात. चौकातील माळकर यांच्या स्टॉलपासून पुढे गेल्यानंतर केएमटीचा बसस्टॉप लागतो. बसची वाट पाहत उभी असलेल्या प्रवाशांच्या गर्दीने ४० टक्के रस्ता व्यापला जातो. दुचाकींना या गर्दीला वळसा घालूनच पुढे जावे लागते. पुढे कोंबडी बाजारकडे डावीकडे जाणारा रस्ता, तेथून मटण मार्केट आणि पुढे चौकापर्यंतची परिस्थिती अतिशय बिकट असते. दोन्ही बाजूंनी जवळपास दहा दहा फूट फेरीवाल्यांचे अतिक्रमण आहे. या मार्गावर केएमटी बसची वाहतूक सतत असते.

अतिक्रमण आणि फेरीवाल्यांकडे खरेदीसाठी उभ्या ग्राहकांच्या गर्दीतून वाट काढावी केएमटी बसना मार्ग काढावा लागतो.चौकातील वाहतूक पोलिसही अनेकदा गप्पा मारत उभे असल्याचे दिसते.पोलिसांनी वाहतूक मोडणाऱ्यांवर कडक कारवाई करावी अशी मागणी नागरिकांतून होत आहे. अतिक्रमणे आ​णि वाहतूक कोंडीने या मार्गावरून वाहने चालविणे म्हणजे कसरतच झाली आहे. संबंधित विभागांनी याप्रश्नी कडक कारवाई करावी अशी मागणी होत आहे.

बेधडक उलटी वाहतूक

मटण मार्केटच्या दिशेने बेधडकपणे एकेरी मार्ग तोडला जातो. नियम तोडल्यामुळे वाहतूक कोंडी होईल, अडथळा होईल, याची कोणालाच फिकीर नसते. यामध्ये दुचाकीस्वारांचे प्रमाण मोठे असते. या रस्त्यावर तसेच मटण मार्केट परिसरात वाहतुकीचे कितीही नियम लावले, तरी ते नियम पाळल्याशिवाय इथल्या कोंडीचा प्रश्न सुटण्याची चिन्हे नाहीत.

मोबाइल अॅप डाउनलोड करा आणि राहा अपडेट

पाटील, देसाईंना काँग्रेसची सूचना

December 21, 2015, 11:36 am

≫ Next: काँग्रेससाठी राष्ट्रवादी, जनसुराज्यची फिल्ड‌िंग

≪ Previous: अतिक्रमणामुळे कोंडी कायम

$

0

0

कोल्हापूरः विधानपरिषद निवडणुकीत बंडखोर उमेदवाराला मदत करण्याची भूमिका घेणाऱ्या भरमू सुबराव पाटील, बजरंग देसाई यांना काँग्रेस सोबत ठेवण्याच्या हालचाली वेगावल्या आहेत. त्याचाच एक भाग म्हणून माजी राज्यमंत्री रमेश बागवे व निरीक्षक सत्यजित देशमुख यांनी या दोघांची भेट घेऊन प्रदेशाध्यक्ष अशोक चव्हाण यांचा निरोप दिला. जिल्हा परिषदेचे पक्षाचे पक्षप्रतोद शहाजी पाटील यांना काँग्रेसला मतदान करण्याचे आदेश देण्यात आले.

उमेदवारी सतेज पाटील यांना जाहीर झाल्यापासून भरमू पाटील व देसाई हे महाडिक यांच्या संपर्कात होते. हे दोघेही काँग्रेसचे असल्याने चव्हाण यांनी खास दूत पाठवून मन वळवण्याचा प्रयत्न केला. त्यानुसार बागवे व देशमुख सकाळी कोल्हापुरात आले. त्यांनी भरमू सुबराव यांच्याशी संपर्क साधण्याचा बराच प्रयत्न केला पण तो झाला नाही. शेवटी त्यांचे चिरंजीव दीपक पाटील यांची भेट घेतली. त्यानंतर दुपारी देसाई यांना भेटून पक्षाबरोबर राहण्याची विनंती केली.

मोबाइल अॅप डाउनलोड करा आणि राहा अपडेट

काँग्रेससाठी राष्ट्रवादी, जनसुराज्यची फिल्ड‌िंग

December 21, 2015, 11:36 am

≫ Next: नवीन निर्णयांवर आचारसंहितेमुळे अंकुश

≪ Previous: पाटील, देसाईंना काँग्रेसची सूचना

$

0

0

म. टा. प्रतिनिधी, कोल्हापूर

विधानपरिषद निवडणुकीत काँग्रेसच्या विजयासाठी राष्ट्रवादी आणि जनसुराज्यच्या नेत्यांची जोरदार फिल्डींग लागली आहे. आघाडीवर शिक्कामोर्तब झाल्यानंतर आमदार हसन मुश्रीफ, विनय कोरे, ए.वाय. पाटील, राजेश लाटकर हे नेते सतेज पाटील यांच्यासाठी सक्रीय झाले आहेत. उघड प्रचाराबरोबरच पडद्यामागच्या हालचालींची सूत्रेही त्यांनी आपल्या हातात घेतली आहेत. दरम्यान, या निवडणुकीत व्हिपचा फारसा उपयोग होणार नसल्याने दगाफटका होऊ नये यासाठी अधिक काळजी घेतली ​जात आहे.

विधानपरिषद निवडणूक आता सात दिवसांवर आल्याने हालचालींना प्रचंड वेग आला आहे. कोण कोणाबरोबर राहणार हे स्पष्ट झाले आहे. त्यानुसार तीनशेवर मतदार सहलीवर गेले आहेत. गोवा, म्हैसूर ,कन्याकुमारी, केरळसह अनेक भागात हे मतदार राजेशाही आनंद लुटत आहेत. सहलीला गेलेल्या सदस्यांचा विरोधकांशी संपर्क होऊ नये यासाठी काळजी घेतली जात आहे. विधानसभा निवडणुकीतील निकालाच्या पार्श्वभूमीवर सतेज पाटील यांनी प्रचारात कोणतीही उणीव राहू नये यासाठी विशेष काळजी घेतली आहे. त्यांच्या प्रचाराची व पडद्यामागील हालचालींची सर्व सूत्रे डॉ.संजय डी पाटील व ऋतुराज पाटील हे सांभाळत आहेत. नगरसेवक शारंगधर देशमुख, जिल्हा परिषदेचे उपाध्यक्ष शशिकांत पाटील, मधुकर रामाणे, राजेंद्र डकरे असे अनेकजण यामध्ये सक्रीय आहेत.

दोन्ही काँग्रेसची झालेली आघाडी आणि जनसुराज्यने जाहीर केलेला पाठिंबा या पार्श्वभमूमीवर मुश्रीफ व कोरे दोघेही सक्रीय झाले आहेत. मुश्रीफ यांना विधानसभेचा पैरा फेडायचे आहे, त्यामुळे ते मनापासून सर्व सूत्रे हलवत आहेत. मतदारांना सहलीवर पाठवण्यापासून ते मते फिक्स करण्यापर्यंतच्या सर्व प्रक्रियेत ते पुढे आहेत. विनय कोरे यांनी सर्व मतदार पाटील यांच्या ताब्यात दिले, शिवाय मतदान कसे करून घ्यायचे याबाबत ते व प्रा. जयंत पाटील व्यूहरचना करत आहेत. राष्ट्रवादीचे जिल्हाध्यक्ष ए.वाय. पाटील, शहराध्यक्ष लाटकर हे देखील एकेक मतासाठी फिल्डींग लावत आहेत. काँग्रेसपेक्षा राष्ट्रवादीचे नेतेच अधिक सक्रीय झालेले दिसत आहेत.

पुतणेच ठरणार शिल्पकार

आमदार महाडिक व सतेज पाटील यांच्या विजयासाठी दोघांचे पुतणे सक्रीय झाले आहेत. महाडिक यांचे पुतणे खासदार धनंजय महाडिक व पाटील यांचे पुतणे ऋतुराज हे सध्या या निवडणुकीचे सुत्रधार आहेत. कोणाचाही विजय झाला तरी पुतणेच विजयाचे शिल्पकार ठरणार आहेत. महापालिका निवडणुकीत ऋतुराज यांच्या नेतृत्वाला संधी देण्याचा प्रयत्न झाला, आता आगामी राजकारणाच्या पार्श्वभूमीवर त्यांना पुढे आणण्यात येत आहे.

मोबाइल अॅप डाउनलोड करा आणि राहा अपडेट

नवीन निर्णयांवर आचारसंहितेमुळे अंकुश

December 21, 2015, 11:37 am

≫ Next: गौण खनिजावर डल्ला सुरूच

≪ Previous: काँग्रेससाठी राष्ट्रवादी, जनसुराज्यची फिल्ड‌िंग

$

0

0

म. टा. प्रतिनिधी, कोल्हापूर

विधानपरिषदेच्या निवडणुकीची आचारसंहिता लागू झाल्याने महापालिकेच्या विविध विकासकामांच्या उदघाटनाचे कार्यक्रम लांबणीवर पडले आहेत. नवीन सभागृह अस्तित्वात येऊनही समिती सदस्य निवडी आणि स्थायी समिती आकारला आली नसल्याने विविध प्रकल्प व नवीन निर्णयही मंजुरीच्या प्रतिक्षेत आहेत. संगीतसूर्य केशवराव भोसले नाट्यगृह, खासबाग मैदानाच्या सुशोभिकरणानंतर या दोन्ही वास्तूचा लोकार्पण सोहळा आचारसंहितेच्या कात्रीत सापडला आहे.

दुसरीकडे सत्ताधारी आणि विरोधी अशा दोन्ही गटाचे नगरसेवक सहलीवर गेले आहेत. निवडणुका होवून नवीन सभागृहाची स्थापना होवूनही आचारसंहितेमुळे महापालिकेत सध्या अधिकारीराज सुरू आहे. नव्या सभागृहाची पहिली सर्वसाधारण सभा १७ डिसेंबरला झाली. पण या सभेत धोरणात्मक निर्णय कुठलाच झाला नाही. शहरातील कचरा, पाणी पुरवठा, स्वच्छता याविषयाभोवतीच सभा गाजली. या सभेत नवीन विषयांची मांडणी झाली नाही तसेच धोरणात्मक निर्णय घेण्यात आले नाहीत. विधान परिषदेच्या निवडणुकीत महापालिकेतील नगरसेवकांचा कौल हा निर्णायक ठरणार आहे. तब्बल ८१ सदस्य संख्या असलेल्या सभागृहात काँग्रेस, आणि राष्ट्रवादीची सदस्य संख्या ४४ इतकी आहे. तर भाजप आणि ताराराणी आघाडीची संख्या ३३ आहे.

दोन्ही बाजूच्या नेत्यांनी निवडणुकीत दगाफटका नको म्हणून सदस्यांना सहलीवर पाठविले आहे. काँग्रेसचे बहुतांश सदस्य सर्वसाधारण सभेपूर्वीच सहलीवर गेले आहेत. भाजप आघाडीनेही दोन दिवसापूर्वी दक्षिण भारत दौऱ्यावर पाठविले आहे. दोन्ही बाजूचे नगरसेवक सहलीवर असल्याने महापालिकेतील कामकाजाताल नगरसेवकांचा सहभाग थांबला आहे.

प्रभागातील विविध प्रश्नांच्या सोडवणुकीसाठी अ​धिकाऱ्यांना सूचना करण्यापासून ते पाठपुरावा ही सगळी प्रक्रिया गेले काही दिवस थंडावले आहे. आचारसंहितेमुळे पदाधिकाऱ्यांनाही धोरणात्मक निर्णयात सामावून घेतले जात नाही. महत्वाच्या बैठका, विषयावर निर्णय प्रलंबित राहिले आहेत. दुसरीकडे आयुक्तांना २५ लाखांपर्यंतच्या खर्चाचे निर्णय घेण्याचे अधिकार आहेत. यामुळे शहर विकासाशी निगडीत कामाची अंमलबजावणी करताना काही अडचणी येत नाहीत असा प्रशासनाचा दावा आहे.

मोबाइल अॅप डाउनलोड करा आणि राहा अपडेट

गौण खनिजावर डल्ला सुरूच

December 21, 2015, 11:29 am

≫ Next: पाणीपुरवठ्याचे ऑडिट

≪ Previous: नवीन निर्णयांवर आचारसंहितेमुळे अंकुश

$

0

0

म. टा. वृत्तसेवा, हुपरी

हातकणंगले तालु्क्यातील पंचतारांकित औद्योगिक वसाहतीला लागून असलेल्या सरकारी गायराण जमिनीतील हजारो ब्रास मुरूम चोरुन नेल्या सरकारची लाखो रुपयांची लूट झाली आहे. याकडे महसूल प्रशासनाने जाणीवपूर्वक दुर्लक्ष केल्याने तीव्र संताप व्यक्त होत आहे. तसेच या जमिनीवर वीजपुरवठ्यासाठी असलेल्या टॉवरच्या पायथ्याजवळ मुरूम उत्खनन केल्याने टॉवरचा पाया ढासळला आहे. त्याबरोबरच शेजारी कालव्याच्या पाहणीसाठी असलेला रस्ताच गायब झाल्याचे दिसत आहे. यामध्ये मुरूम उत्खनन करणारी टोळी कार्यरत असून या टोळीने पंचतारांकित वसाहतीमध्ये धुडगूस घातला आहे. दरम्यान, एमआयडीसी ते तिळवणीकडे जाणाऱ्या वीजपुरवठ्यासाठी असलेल्या टॉवरची पाहणी महावितरण पारेषण विभागाच्या पथकाने आज केली. यावेळी टॉवरच्या भोवती लवकरच संरक्षण भिंत बांधून टॉवरला आधार देण्याचे काम सुरू करणार असल्याचे या पथकाने सांगितले.

पंचतारांकित औद्यागिक वसाहतीला लागून हुपरी, तळंदगे, पट्टणकोडोली गावांसाठी सरकारी गायराण जमिनी राखीव आहेत. तळंदगे हद्दीतील गायराण जमीनीमध्ये गेल्या काही महिन्यांपासून पट्टणकोडोली गावातील मुरूम उत्खनन करणाऱ्या टोळीने मोठ्या प्रमाणात लूट सुरू केली असून रात्रीच्यावेळी जेसीबीच्या सहाय्याने मुरूम काढण्याचा सपाटा लावला आहे. सुमारे पंधरा ते वीस फूट खोल खड्डे खणून हजारो ब्रास मुरूम चोरुन नेल्याचे दिसत आहे. हा मुरूम काढताना सरकारची कोणतीही परवानगी अगर रॉयल्टी न भरता बेकायदेशीररीत्या मुरूम उत्खनन केल्याने सरकारची लाखो रुपयांची लूट झाली आहे. या गंभीर प्रकाराबरोबरच या जमिनीत असणाऱ्या एमआयडीसी ते तिळवणीकडे जाणाऱ्या २२० केव्ही तारेसाठी असलेल्या टॉवरच्या पायथ्याशी मोठ्या प्रमाणात मुरूम काढल्याने टॉवरचा पायथा उघडा पडला आहे. वेळीच लक्ष दिले नसते तर मोठी दुर्घटना घडली असती. याबाबतची माहिती समजताच आज दुपारी कोल्हापूर महावितरण पारेषण विभागाचे कार्यकारी अभियंता ए. सी. धमाले, विनायक पाटील, प्रज्वल कांबळे, सुनील चौगुले, आदींच्या पथकाने संबंधित टॉवरची माहिती घेऊन लवकरच टॉवरभोवती संरक्षण भिंत बांधून मुरूम चोरी करणाऱ्या टोळीवर कारवाई करण्यासाठी जिल्हा पोलिसप्रमुखांची भेट घेणार असल्याचे सांगितले.

महसूलचे दुर्लक्ष

मुरूम चोरी प्रकरणात पट्टणकोडोली परिसरातील अनेकांचा समावेश असून, महसूल अधिकाऱ्यांनी या घटनेकडे जाणीवपूर्वक दुर्लक्ष केल्याने आश्चर्य व्यक्त केले जात आहे. सर्कल, तलाठी व त्यांचे खासगी पंटर या परिसरामध्ये ट्रॅ्क्टरचालकांकडून वारंवार एंट्री घेऊन जात असल्याने त्यांच्याबद्दल शंका व्यक्त होत असून, त्यांनीच मुरुमासाठी मोकळीक दिल्याची चर्चा आहे.

कालव्याचा रस्ता गायब?

शासकीय गायराण जमिनीला लागून लहान कालवा गेलेला आहे. या कालव्याच्या पाहणी करण्यासाठी दोन्ही बाजूला रस्ता (रॅम्प) सोडलेला आहे; परंतु गेल्या काही दिवसांपासून एका बाजूचा रस्ता मुरूम चोरांनी उत्खनन करुन चोरुन नेल्याने कालव्याचा रस्ता गायब झाल्याचे दिसून येत आहे. या गंभीर घटनेकडे जलसंपदा विभागाने लक्ष देण्याची मागणी होत आहे.

मोबाइल अॅप डाउनलोड करा आणि राहा अपडेट

पाणीपुरवठ्याचे ऑडिट

December 21, 2015, 11:38 am

≫ Next: नेर्लेजवळ अपघातात तिघे प्रवासी ठार

≪ Previous: गौण खनिजावर डल्ला सुरूच

$

0

0

दिवसभराच्या पुरवठ्याला बसणार ब्रेक; उपसा ते बिलिंगचाही लेखाजोखा

Appasaheb.mali@timesgroup.com

उन्हाळा असो की पाण्याची टंचाई, शहरातील काही भागात दिवसभर पाणी पुरवठा सुरूच असतो. काही ठिकाणी सलग चार चार तास ​पाणी नळामधून वाहत असते. शहरातील काही भागात पाण्याचा सुकाळ असताना दुसरीकडे अनेक भागात दिवसातून अर्धा ते एक तास पाणी पुरवठा केला जातो. पाणी वितरणातील तफावत, कमी जास्त दाबाने केला जाणारा पुरवठा या साऱ्या बाबींचे आता ऑडीट होणार आहे. पाणी पुरवठा विभागाची स्वतंत्र बैठक घेऊन त्याचा लेखाजोखा मांडला जाणार आहे. यामध्ये पाण्याचा होणारा उपसा, ते प्रत्यक्षातील बिलिंग याचाही हिशोब घेतला जाणार आहे. ठराविक भागात जादा पाणी पुरवठा करणाऱ्या यंत्रणेला ब्रेक लावण्याचा प्रशासन विचार करत आहे.

शिवाजी पेठ, मंगळवार पेठ, कसबा बावडा, शुक्रवार पेठ, उत्तरेश्वर, जुना बुधवार या भागात जादा पाणी पुरवठा होत असल्याच्या तक्रारी आहेत. याउलट उपनगर आणि अन्य कॉलन्यांमध्ये अर्धा ते एक तास पाणी पुरवठा केला जातो. शहरातील मध्यवस्तीतील काही भागात मुख्य पाइपलाइनलाच जोडणी केली आहे. कर्मचाऱ्यांनीही नागरिकांशी संगनमत करत ठिकठिकाणी बेकायदेशीर कनेक्शन दिले आहेत. नगरसेवकांनी हस्तक्षेप करत अनेक ठिकाणी मनमानी पद्धतीने कनेक्शन दिले आहेत. त्याची पाणी पुरवठा विभागाकडेही नोंद नाही.

परिणामी शहरातील पाणी पुरवठा प्रक्रियेवर परिणाम होत आहे. कोल्हापूर शहराला रोज १२० एमएलडी पाणी पुरवठा केला जातो. यापैकी सुमारे ८० एमएलडीचे पाण्याचे बिलिंग होते. जवळपास ४० टक्के पाण्याचे बि​लिंग होत नाही. शहरातील जुन्या पाइनलाइन्स, अनधिकृतपणे केलेल्या जोडण्या यामुळे रोज ४० टक्के पाणी वाटपाचा खर्च महापालिकेला सोसावा लागत आहे. आयुक्त पी. शिवशंकर यांनी या प्रकरणात लक्ष घातले असून या संदर्भातील अहवालही त्यांनी पाणी पुरवठा विभागाकडून मागितला आहे.

मिळकतधारक जास्त, कनेक्शनधारक कमी

कोल्हापूर शहरातील मिळकतधारक आणि नळ कनेक्शनधारकांची संख्येत मोठी तफावत आहे. घरफाळा विभागाकडील नोंदीनुसार शहरातील मिळकतधारकांची संख्या १, ३४, २५५ इतकी आहे. यामध्ये रहिवाशी (१,०८,६२४), वाणिज्य (२५, ६३१) तर औद्योगिक (५३२) ​मिळकती आहेत. तर पाणी पुरवठा विभागाकडील नोंदीनुसार शहरातील नळ कनेक्शनधारकांची संख्या ९७,५७२ इतकी आहे. मिळकतधारकांच्या संख्येइतकीही नळ कनेक्शनधारकांची संख्या नाही. रहिवासी विभागात समाविष्ठ नळकनेक्शनधारक ९५,५४० इतके आहेत. वाणिज्य मिळकतधारकांची संख्या २५ हजारांपेक्षा जास्त तर पाणी पुरवठा विभागाकडे मात्र 'वाणिज्य' नळकनेक्शनधारक १९८१ आहेत. बोगस नळ कनेक्शनधारकांची संख्या मोठी असल्याचे यावरून स्पष्ट होत असून त्याचा महापालिकेच्या आर्थिक उत्पन्नालाही फटका बसत आहे.

शहरातील काही भागात जादा तर काही भागात अपुरा पाणी पुरवठ्याच्या तक्रारी आहेत. या संदर्भात अधिकाऱ्यांच्या बैठका घेऊन वस्तुस्थिती तपासली जाणार आहे. शहरातील पाणी पुरवठा सुरळीत करण्याच्या दृष्टीने नियोजन करण्याच्या सूचना केल्या आहेत. या आठवड्यात पाणी पुरवठा विभागातील अधिकाऱ्यांची बैठक घेतली जाणार आहे.

-पी. शिवशंकर, आयुक्त

मोबाइल अॅप डाउनलोड करा आणि राहा अपडेट

नेर्लेजवळ अपघातात तिघे प्रवासी ठार

December 21, 2015, 1:30 pm

≫ Next: कागल एमआयडीसीत सुरक्षेचे तीन-तेरा

≪ Previous: पाणीपुरवठ्याचे ऑडिट

$

0

0

म. टा. वृत्तसेवा, इस्लामपूर

महामार्गावरील नेर्लेजवळ सोमवारी पहाटे आरामबस उलटून झालेल्या आपघातात तिघेजण ठार तर दहाजण जखमी झाले. जखमींवर इस्लामपूर येथील राजारामबापू पाटील व सांगलीतील भारती हॉस्पीटलमध्ये उपचार सुरु आहेत. आपघाताची नोंद कासेगांव पोलिस ठाण्यात झाली आहे. बसचालक दीपक भीमराव गरड (वय २८, रा. कणक, ता. जि. हिंगोली) यांच्याविरुघ्द गुन्हा नोंद केला आहे.

नजीर जमाल मुजावर (२३ रा. गुंडेवाडी, ता. मिरज) सागर सतीश साळुंखे (२७ रा. खणभाग,सांगली) व किसन परशुराम पाटील (२५ रा. किरहलसी, ता. खानापूर) जि. बेळगांव अषी या आपघतात ठार झालेल्यांची नांवे आहेत.

नाकोडा ट्रॅव्हल्स कंपनीची गाडी (एमएच ०९सीए २५२) रात्री पुणे-निगडी येथून सांगली, मिरज, इचलकरंजीचे प्रवासी घेऊन निघाली होती. नेर्लेजवळ चालकाचा ताबा सुटल्याने गाडी डिव्हायडरवर धडकली. अपघातानंतर चालक पसार झाल्याने ग्रामस्थांनी अपघातस्थळी धाव घेत मदत सुरू केली. जखमींना रुग्णालयात हलवण्यास मदत केली. कासेगांवचे सहायक पोलीस निरीक्षक नंदकूमार मोरे आणि त्यांचा स्टफही तातडीने घटनास्थळी दाखल झाला होता.

चंद्रशेखर शिवगोंडा मदवान्ना, रा. ब्रह्मणाळ, ता. पलूस, सतीश दशरथ सुतार, इचलकरंजी, चैतन्य दत्तात्रय केतर, पुणे, स्वप्नील शिवाजी कोरे, रा. जयसिंगपूर, जयश्री स्वप्नील कोरे, जयसिंगपूर, राधेश्याम रामरतन खंडेलवाल, इचलकरंजी, सुरेंद्रकुमार जगदीशप्रसाद सदन, रा. मूळ राजस्थान, सध्या इचलकरंजी, शर्मिला प्रणय शहा, इचलकरंजी, अजय संभाजी माने, सांगली, योगेश किसन लोखंडे, गुंडेवाडी अशी जखमींची नावे आहेत.

मोबाइल अॅप डाउनलोड करा आणि राहा अपडेट

---

कागल एमआयडीसीत सुरक्षेचे तीन-तेरा

December 22, 2015, 1:30 pm

≫ Next: सिनेमाची मौनाची भाषा समजून घ्या

≪ Previous: नेर्लेजवळ अपघातात तिघे प्रवासी ठार

$

0

0

Raviraj.Gaikwad@timesgroup.com

कोल्हापूर : कोल्हापूरच्या आणि देशाच्या दरडोई उत्पन्नात कोट्यवधी रुपयांची भर टाकणाऱ्या कागल पंचतारांकित एमआयडीसीची सुरक्षा जणू वेशीला टांगल्यासारखी स्थिती बनली आहे. एमआयडीसीत एकही पोलिस ठाणे नाही. अग्निशमन दल आहे. उद्योजकांनी अनेकवेळा मागणीकरूनही पोलिस ठाण्याच्या मागणीकडे दुर्लक्ष केले जात आहे.

कागल पंचतारांकित एमआयडीसीत रोज जवळपास १५ हजार कर्मचारी कामाला जातात. त्यात महिलांची संख्या सध्या थोडी कमी असली, तरी त्यात दिवसेंदिवस वाढ होत आहे. मात्र, या सर्व कर्मचाऱ्यांच्या सुरक्षेकडे कोणाचेही लक्ष नाही, अशी परिस्थिती आहे. त्याचबरोबर कारखान्यांमध्ये रात्रीच्या वेळेस होणाऱ्या चोऱ्यांच्या प्रमाणातही वाढ झाली आहे. पोलिस ठाणेच नसल्याने चोरी झालीच, तर दाद मागायला कोठे जायचे, असा प्रश्न येथील उद्योजकांपुढे आहे. या परिस्थितीमुळे महिला कर्मचाऱ्यांना रात्रची शिफ्ट सुरू करण्याचे धाडस अद्याप एकाही कंपनीने केलेले नाही.

एमआयडीसीतील कारखान्यांमध्ये रात्रीच्या वेळेस काम सुरू असते. मात्र, सोमवारी सुटी असल्याने चोरटे त्याच दिवशी रात्री संधी साधतात. कारखान्यांच्या सुरक्षा रक्षकांवर दगडफेक करून दहशत निर्माण करायची, वेळप्रसंगी त्याला मारहाण करायची आणि त्यानंतर कारखान्यातील शक्य ते साहित्य लांबवायचे, असा प्रकार सर्रास सुरू असतो. या प्रकाराची तक्रार कोठे करायची, हाच प्रश्न असल्याने असे प्रकार उजेडात येत नाहीत. याचाच फायदा चोरट्यांच्या टोळ्या घेत आहेत.

एमआयडीसीमध्ये गेल्या काही महिन्यांत एका बँकेने आपली शाखा सुरू केली आहे. त्यामुळे कर्मचाऱ्यांचे पगार आता बँकेत जमा होत आहेत. मात्र, यापूर्वी कंपन्या अनेक छोट्या कर्मचाऱ्यांना रोखीने पगार देत असत. पगार घरी घेऊन जाताना या कर्मचाऱ्यांना जीव मुठीत घेऊन जावे लागत असे. चोरटे या कर्मचाऱ्यांना मारहाण करून त्यांना लुटत असत. त्यामुळे दरमहा एक ते दहा तारखेपर्यंत एमआयडीसीच्या मुख्य चौकात किमान एक पोलिस असावा, अशी मागणी उद्योजकांनी केली होती. त्यानुसार मुख्य चौकात दहा तारखेपर्यंत पोलिस असतो. सध्या असे लुटीचे प्रकार थोडे कमी झाले असले, तरी कर्मचाऱ्यांमध्ये अजूनही भीती कायम आहे.

स्पीड ब्रेकरची मागणी

कागल एमआयडीसीत रस्त्यांची स्थिती थोडी फार बरी असली, तरी या रस्त्यांवरून भरधाव धावणाऱ्यांना वेसण घालण्याची गरज आहे. भरधाव गाड्यामुळे येथे काही अपघातांचे प्रसंग देखील घडले आहेत. त्यामुळे प्रत्येक चौकाच्या सुरुवातील स्पीड ब्रेकर बसवावेत, अशी मागणी मॅन्युफॅक्चरर्स असोसिएशन ऑफ कागल-हातकणंगले (मॅक) या उद्योजकांच्या संघटनेने एमआयडीसीकडे केली होती. अद्याप त्यावर कोणतीही अंमलबजावणी झालेली नाही.



आठ महिन्यांपूर्वी आमच्या कारखान्यात चोरी झाली. एकूण २२ हजार रुपयांचा माल चोरीस गेला. सीसीटीव्हीमध्ये चोरट्यांच्या हालचाली दिसतात. त्यांनी मास्क घातले होते. सीसीटीव्ही फुटेज आम्ही गोकुळ शिरगाव पोलिस ठाण्याला दिले आहे. मात्र, पोलिसांकडून अद्याप कोणतीच कारवाई झालेली नाही.

- संजय जोशी, अध्यक्ष, मॅक

मोबाइल अॅप डाउनलोड करा आणि राहा अपडेट

सिनेमाची मौनाची भाषा समजून घ्या

December 22, 2015, 1:30 pm

≫ Next: शिवाजी विद्यापीठालाही टंचाईच्या झळा

≪ Previous: कागल एमआयडीसीत सुरक्षेचे तीन-तेरा

$

0

0

म. टा. प्रतिनिधी, कोल्हापूर

'सिनेमाचे जग विस्तारत आहे, नवे प्रयोग, नवे विषय पडद्यावर साकारले जात आहेत. अशावेळी ​​केवळ सिनेमा पाहणारे प्रेक्षक बनून चालणार नाही तर सिनेमाची प्रत्येक फ्रेम जगण्याची दृष्टी घडवता आली पाहिजे. सिनेमा बघू नका तर तो जगा, त्यातील प्रत्येक मौनाची भाषाही समजून घ्या' अशा शब्दात ख्यातकीर्त समीक्षक गणेश मतकरी यांनी सिनेमा कसा पहायचा याविषयावर स्लाइड शोमधून चित्रमय संवाद साधला. दसरा चौक येथील शाहू स्मारक भवनात सुरू असलेल्या चौथ्या आंतरराष्ट्रीय चित्रपट महोत्सवातील खुल्या रंगमंचावर मंगळवारी सायंकाळी आयोजित केलेल्या 'जागतिक सिनेमा' या विषयावरील व्याख्यानप्रसंगी मतकरी यांनी सिनेमा पाहण्याच्या टिप्स दिल्या. अभिनेत्री आदिती सारंगधर, दिलीप बापट, चंद्रकांत जोशी आदी उप​स्थित होते.

मतकरी म्हणाले, 'सिनेमा त्याच्या कथेपलिकडे खूप काही सांगत असतो. त्यातील अर्थ संवादातून सांगितला जात असतोच असे नाही. अनेकदा सिनेमात काही प्रातिनिधीक गोष्टी दाखवल्या जात असतात. प्रेक्षक म्हणून तो संदर्भ समजून घेण्याची जाण सूज्ञ प्रेक्षक घडवू शकते. सिनेमाचा नायक किंवा नायिक अनेकदा व्यक्ती नसते, तर कधी निसर्ग, प्राणी इतकेच नव्हे तर एखाद्या समाजाची प्रथा किंवा समस्या असू शकते. सिनेमा त्याभोवती फिरत असताना कॅमेऱ्याची भाषा त्यातील अँगलमधून दिसत असते. या भाषेला शब्द नसतात, ​किंवा असलेच पाहिजे असे बंधन नसते, तरीही सिनेमा पुढे सरकत असतो. अशाप्रकारे सिनेमा पाहण्यासाठी आता प्रेक्षक तयार झाले पाहिजेत. भविष्यात सिनेमा आता पठडीबाज उरणार नाही हे स्पष्ट दिसत आहे. सिनेमाच्या कथेपासून विषयांपर्यंत आणि मांडणीपासून सादरीकरणापर्यंत चौकट मोडू पाहत आहे. त्यामुळे प्रादेशिक असो किंवा जागतिक, सिनेमातील आशय प्रेक्षक म्हणून समजून घेण्यासाठी त्या सिनेमाशी भिडता आले पाहिजे.'

आज 'स्थानिक कलाकारांशी संवाद'

चौथ्या कोल्हापूर आंतरराष्ट्रीय चित्रपट महोत्सवातंर्गत खुल्या रंगमंचावर आज बुधवारी (ता २३ डिसेंबर) कोल्हापुरातील स्थानिक कलाकारांचा गौरव व संवाद असा कार्यक्रम आहे. यावेळी सागर तळाशीकर, संगीतकार शशांक पोवार, स्वप्नील राजशेखर, संजय मोहिते, शिशिर चौसाळकर यांची मुलाखत चारूदत्त जोशी घेणार आहेत. सायंकाळी पाच वाजता शाहू स्मारक भवनात कार्यक्रम होणार आहे.

मोबाइल अॅप डाउनलोड करा आणि राहा अपडेट

शिवाजी विद्यापीठालाही टंचाईच्या झळा

December 22, 2015, 1:30 pm

≫ Next: सीपीआरमध्ये सुविधांसाठी कृती समितीचे आंदोलन

≪ Previous: सिनेमाची मौनाची भाषा समजून घ्या

$

0

0

म. टा. प्रतिनिधी, कोल्हापूर

दैनंदिन वापरासाठीच्या पाण्याची टंचाई जाणवण्याचा धोका लक्षात घेऊन शिवाजी विद्यापीठाने पाण्याचे टॅकर मागविण्याची तयारी केली आहे. राजाराम तलावातून चार दिवस पाणी बंद आहे. विद्यापीठातील संगीत आणि नाट्यशास्त्र विभागाजवळील तलावाची पाणी पातळी कमी झाली आहे. विहिरीतील पाणी साठा कमी होत असल्याने संभाव्य उपाययोजना म्हणून टँकर मागविण्याची तयारी केली आहे.

शिवाजी विद्यापीठ पाण्याच्या बाबतीत स्वयंपूर्ण आहे. परिसरातील संगीत आणि नाट्यशास्त्र विभागाजवळील पाण्याचा तलावातील पाणी पातळी कमी झाली आहे. महापालिकेकडून पिण्याच्या पाण्याची व्यवस्था आहे. मात्र विद्यापीठातील वसतिगृह आणि विविध बागांसाठी खर्चाचे पाणी लागते. त्याची पुरेशी व्यवस्था विद्यापीठाकडे नाही. सध्या प्राणीशास्त्र विभागाच्या पाठीमागील विहिरीत पाण्याचा काहीसा साठा आहे. मात्र हा साठा येत्या चार महिन्यांपर्यंत पुरणार नाही. राजाराम तलावातील पाणीही चार ते पाच दिवस बंद आहे. विद्यापीठ परिसरातील दोन विहिरी कोरड्या पडल्या आहेत. त्यामुळे बागेसह विद्यार्थ्यांना दररोजच्या खर्चासाठी लागणाऱ्या पाण्याचा प्रश्न गंभीर बनणार आहे. मुलांचे आणि मुलांच्या वसतिगृहात सुमारे एक हजारांवर विद्यार्थी संख्या आहे. एका विद्यार्थ्यांपाठीमागे शंभर लीटर पाण्याचा वापर झाल्यास उन्हाळ्यात पाणी टंचाईच्या झळा बसणार आहे. त्यासाठी टँकरवर हजारो रुपये खर्च होण्याची शक्यता आहे. पाण्याची बचत करण्यासाठी पाण्याचा पुनर्वापर करण्याच्या सूचना विद्यापीठ व्यवस्थापनाने कर्मचाऱ्यांना दिल्या आहेत.

विद्यापीठाने ५००० लीटर साठवण क्षमतेचे आणि १० हजार लीटर साठवण क्षमतेचे टॅकरची मागणी केली आहे. सध्या बाजारात अडीज हजार लीटर पाण्यासाठी सुमारे तीनशे रुपये टँकरमालक घेतात. विद्यार्थी संख्या आणि बागेची निगा राखण्यासाठी येत्या पाच महिन्यात पाणी साठा संपल्यास हजारो रुपये पाण्यासाठी खर्च करावे लागणार आहेत.
...

सध्या विद्यापीठ पाण्याच्या बाबतीत स्वयंपूर्ण आहे. मात्र संभाव्य टंचाईचा धोका लक्षात घेऊन निविदा प्रसिद्ध केली आहे. ही प्रक्रियाल महिनाभरात पूर्ण करू. त्यातून वापराच्या पाण्याचा प्रश्न मिटू शकेल.

डॉ. व्ही. एन. शिंदे, प्रभारी कुलसचिव

मोबाइल अॅप डाउनलोड करा आणि राहा अपडेट

सीपीआरमध्ये सुविधांसाठी कृती समितीचे आंदोलन

December 22, 2015, 1:30 pm

≫ Next: कोल्हापुरात ३० डिसेंबरला रोजगार मेळावा

≪ Previous: शिवाजी विद्यापीठालाही टंचाईच्या झळा

$

0

0

म. टा. प्रतिनिधी, कोल्हापूर

छत्रपती प्रमिलाराजे हॉस्पिटलमधील (सीपीआर) चांगल्या सेवा, सुविधा उपलब्ध करून रुग्णालयाला गतवैभव प्राप्त करून द्यावे या मागणीसाठी सीपीआर बचाव कृती समितीने मंगळवारी हॉस्पिटलमध्ये धरणे आंदोलन केले. या आंदोलनाला महापौर अश्विनी रामाणे यांच्यासह राजकीय पक्ष, संघटना व संस्थांनी पाठिंबा दिला.

सीपीआर बचाव समितीच्यावतीने रुग्णांना चांगल्या सुविधा मिळाव्यात यासाठी निवेदन व आंदोलनांच्या माध्यमातून पालकमंत्री, खासदार, आमदारांसह राजर्षी शाहू वैद्यकीय महाविद्यालयाच्या अधिष्ठात्यांकडे पाठपुरावा केला जात आहे. पण, लोकप्रतिनिधी व प्रशासनाने त्याची फारशी दखल घेतली नसल्याचा आक्षेप आहे. सीपीआरमध्ये ६५० खाटांची सोय असून रोज साडेआठशे ते एक हजार रुग्णांची तपासणी होते. कमी डॉक्टर, कमी औषधे व बंद पडलेली उपकरणे यामुळे सीपीआरची अवस्था ऑक्सिजनवर रुग्णांसारखी झाली आहे. सरकार आणि प्रशासनाचे लक्ष वेधण्यासाठी मंगळवारी धरणे आंदोलन करण्यात आले.

हॉस्पिटलमध्ये सिटीस्कॅन मशिन गेली अडीच वर्षे बंद आहे. त्याच्या खरेदीसाठीच्या निविदेचा घोळ कायम १३ व्हेंटीलेटर मशिन मोडीत निघण्याच्या मार्गावर असून दोन ते चारच दुरुस्त होतात. जुन्या कॅथलॅब मशिनवर सात हजारापेक्षा जास्त शस्त्रक्रिया झाल्या. नवीन मशिनवर १०० शस्त्रक्रिया होऊ शकल्या नाहीत. सीपीआरमध्ये अँजिओग्राफीचा दर ६५०० रुपये तर खासगी हॉस्पिटल्समध्ये तीन हजार रुपये दर आहे. दर कमी करण्याच्या प्रस्तावाकडे वैद्यकीय शिक्षणमंत्र्यांचे दुर्लक्ष होत आहे. रिक्तपदे लवकर भरावीत. औषधे खरेदीसाठी पाच कोटींचा निधी लवकर मिळावा. १२ पैकी फक्त ३ डायलेसीस सुरू असून बंद पडलेली मशिन सुरू करावीत. बंद पडलेल्या लॅबोरेटरी सुरू करावीत. राजीव गांधी जीवनदायी योजना सक्षमपणे सुरू केल्यास सीपीआरला मोठा निधी मिळू शकतो याकडे या आंदोलनाच्या माध्यमातून लक्ष वेधण्यात आले.

आंदोलनात निमंत्र वसंतराव मुळीक, शेतकरी संघटेनेचे जिल्हाध्यक्ष भगवानराव काटे, प्रजासतत्ताक संस्थेचे अध्यक्ष दिलीप देसाई, बाबा इंदूलकर, ​शिवाजीराव ससे, बबनराव रानगे, दगडू भास्कर, भास्कर कांबळे, संभाजीराव जगदाळे यांच्यासह कार्यकर्ते सहभागी झाले होते.

मोबाइल अॅप डाउनलोड करा आणि राहा अपडेट

कोल्हापुरात ३० डिसेंबरला रोजगार मेळावा

December 22, 2015, 1:30 pm

≫ Next: महावितरणची कामगार भरती निवड यादी जाहीर

≪ Previous: सीपीआरमध्ये सुविधांसाठी कृती समितीचे आंदोलन

$

0

0

म. टा. प्रतिनिधी, कोल्हापूर

राज्यातील बेरोजगारी दूर करून अधिकाधिक बेरोजगारांना रोजगार उपलब्ध करून देण्याच्या हेतून जिल्हा कौशल्य विकास, रोजगार उद्योजकता मार्गदर्शन केंद्राकडून मार्गदर्शन आणि रोजगार मेळाव्याचे आयोजन केले आहे.

बुधवार (ता. ३०) सकाळी ११ ते दुपारी दीड पर्यंत उलपे हॉल, कसबा बावडा, शुगरमिल रोड येथे रोजगार मेळावा आयोजित करण्यात आल्याची माहिती जिल्हा कौशल्य विकास रोजगार व उद्योजकता मार्गदर्शन केंद्राचे सहायक संचालक गं. अ. सांगडे यांनी दिली आहे. या मेळाव्यातून जास्तीत जास्त तरुणांना रोजगार मिळावा यादृष्टीने नियोजन करण्यात आल्याचे यावेळी सांगण्यात आले.

मेळाव्यासाठी जिल्ह्यातील नामवंत खाजगी कंपन्यांनी त्यांच्याकडील एसएससी ते पदवीधर, संगणक ज्ञान, इंग्रजी टंकलेखकाची ३२५ पदे सूचवली आहेत. उमेदवारांनी शैक्षणिक पात्रतेची प्रमाणपत्रे, एम्लॉयमेंटचे ऑनलाईन कार्ड तसेच पात्र पदांसाठी www.maharojgar.gov.in या वेबपोर्टलवर लॉनलाइन तीन ठिकाणी अर्ज करणे आवश्यक असल्याचेही त्यांनी कळविले आहे.

मोबाइल अॅप डाउनलोड करा आणि राहा अपडेट