खरेदी-विक्रीला मिळणार चालना

December 18, 2015, 12:17 pm

≫ Next: जातीची कट्टरता अद्याप रुतलेलीच

≪ Previous: घरफाळा विभागाचा सावळागोंधळ

$

0

0

म. टा. प्रतिनिधी, कोल्हापूर

दोन वर्षांच्या रेडीरेकनरमध्ये १० टक्क्यांपासून २५ टक्क्यांपर्यंत वाढ झालेली असतानाही जिल्ह्यातील मुद्रांक विभागाच्या दस्त संख्येत तसेच मुद्रांक शुल्क उत्पन्नात घसघशीत वाढ झाली आहे. नोव्हेंबरअखेरपर्यंतच्या महसुलात गतवर्षीपेक्षा यंदा २८ कोटी वाढ झाली असून मार्चअखेरपर्यंत जिल्ह्यातून मोठे उत्पन्न मिळेल अशी आशा आहे. त्यामध्ये जर यंदा रेडीरेकनरमध्ये फार वाढ झाली नाही तर पुढील आर्थिक वर्षात जमीन, घरांच्या खरेदी-विक्रीच्या व्यवहाराला आणखी चालना मिळू शकते.

२०१४ मध्ये जिल्ह्यात सरासरी १५ टक्क्यांपर्यंत रेडीरेकनरच्या दरात वाढ झाली असली तरी शहर परिसरात हीच टक्केवारी १५ ते २५ टक्क्यांपर्यंत पोहोचली होती. गुजरी परिसरात सर्वाधिक वाढ होती. प्रतिचौरस फुटाला ४०० रुपयांचा दर वाढला होता. गुजरी परिसर, महाद्वार रोड, कलेक्टर ऑफिस परिसर, स्टेशन रोड परिसरातील रेकनरमध्ये जवळपास पाचशे रुपयांपर्यंत वाढ झाली होती, तर राजारामपुरी, न्यू शाहूपुरी परिसरासाठी दीडशे ते साडेतीनशे रुपयांपर्यंत वाढ झाली होती. त्याचबरोबर शहरालगत उजळाईवाडी हद्दीच्या परिसरात रेडीरेकनर दरात गेल्यावर्षीपेक्षा ४५० रुपयांनी वाढ केली. उचगाव, मोरेवाडी, पाचगाव परिसराच्या दरात ३५० रुपयांनी वाढ झाली होती.

त्यानंतर २०१५ च्या रेडीरेकनरमध्ये गतवर्षीपेक्षा वाढ कमी केली. १० ते १५ टक्के अशी वाढ केली होती. अंबाबाई मंदिर व शहराच्या मध्यवस्तीत असलेल्या गुजरी परिसरातील रेडीरेकनरचा प्रतिचौरस मीटरचा दर ५२ हजार ६४० रुपये इतका सर्वाधिक ठरला. गुजरी परिसरातील इमारतीच्या रेकनरच्या प्रतिचौरस फुटाच्या दरात जवळपास एक हजार रुपयांची वाढ झाली आहे. खुल्या जागेच्या रेकनरचा दर मात्र सर्वांत जास्त भाऊसिंगजी रोड आणि शिवाजी रोडवर आहे. या दोन्ही रोडवरील जागेचा दर ४६ हजार ८३० रुपये आहे. शहराशेजारील प्रभावक्षेत्रातील ग्रामीण परिसरात यंदा उजळाईवाडीतील प्रती हेक्टरचा दर २२ हजार ६०० रुपये एवढा सर्वाधिक आहे. त्यापाठोपाठ विकासवाडी व तामगाव या गावांचा दर वाढला. कळंबा, पाचगाव, मोरेवाडी, उचगाव, उजळाईवाडी, सरनोबतवाडी येथील जागेला प्रचंड मागणी होती.

या दोन्ही वर्षीच्या रेडीरेकनरमध्ये नैसर्गिक वाढीपेक्षा जास्त वाढ केली होती. यामुळे मंदी येईल, अशी चर्चा होती. प्रत्यक्षात एप्रिल ते नोव्हेंबर २०१४ या कालावधीत ४४ हजार ४२३ मुद्रांक व्यवहार झाले होते. त्यातून १२५ कोटी रुपयांचा महसूल मिळाला होता. तर एप्रिल ते नोव्हेंबर २०१५ मध्ये गेल्यावर्षीच्या तुलनेत वाढ सुरू आहे. ४७ हजार २१४ मुद्रांक व्यवहार झाले असून, त्यातून तब्बल १५३ कोटी रुपयांचा महसूल मिळाला आहे.जिल्ह्यातील मुद्रांक विभागाची ही वाटचाल पाहता यंदा जर विभागाने केवळ पाच ते दहा टक्क्यांपर्यंत नैसर्गिक वाढ कायम करण्याचा निर्णय घेतला तर व्यवहार आणखी वाढण्याची शक्यता सूत्रांकडून व्यक्त केली जात आहे.

मोबाइल अॅप डाउनलोड करा आणि राहा अपडेट

---

जातीची कट्टरता अद्याप रुतलेलीच

December 18, 2015, 12:19 pm

≫ Next: अटल पेन्शनसाठी विशेष प्रयत्न

≪ Previous: खरेदी-विक्रीला मिळणार चालना

$

0

0

म. टा. प्रतिनिधी, कोल्हापूर

शिक्षण, आर्थिकस्तर या पातळीवर कितीही प्रगती झाली, विकास झाला तरी जातीचा कट्टरपणा अजूनही समाजात मुरलेला, रुतलेला असल्याचे स्पष्ट दिसत आहे, असे मत शहरातील सामाजिक कार्यकर्त्यांकडून व्यक्त होत आहे, तर प्रतिष्ठेसाठी आपल्याच कुटुंबातील एखाद्याची हत्या करण्यापर्यंत मजल जाण्यामागे कौटुंबिक कलह आणि टीव्हीचा परिणाम असल्याचे मत मानसोपचार तज्ज्ञांनी व्यक्त केले.

कसबा बावड्यात राहत असलेल्या आंतरजातीय विवाह केलेल्या दाम्पत्याच्या हत्येने संपूर्ण शहराला धक्का बसला आहे. हत्येमागे 'ऑनर किलिंग'चा प्रकार असल्याचे स्पष्ट झाल्याने 'कोल्हापुरात अशी घटना घडायला नको होती,' अशीच पहिली प्रतिक्रिया प्रत्येकाकडून व्यक्त होत होती. याबाबत आंतरजातीय आणि आंतरधर्मीय विवाह संस्था चालविणाऱ्या सामाजिक कार्यकर्त्या मेघा पानसरे यांच्याशी संवाद साधला असता त्यांनी या घटनेविषयी चिंता व्यक्त केली. अशी घटना यापुढे कोल्हापुरात तरी घडू नये, यासाठी प्रयत्न होणे गरजेचे असल्याचे मत त्यांनी व्यक्त केले.

पानसरे म्हणाल्या, 'आमच्या सहाय्यता केंद्राकडे सर्वच स्तरांतील तरुण येतात. यात शिक्षण, आर्थिक सक्षमता असा कोणताही स्तर असत नाही. या तरुणांची जातीची बंधने तोडण्याची तयारी आहे. मात्र, त्यांच्या पालकांकडून त्याबाबत तयारी नसते. आम्ही या मुलांना पहिल्यांदा धीर देतो. त्यानंतर त्यांच्या पालकांना समजावून सांगण्याचा आमचा प्रयत्न असतो. यात काही पालक लग्न मान्य करतात, तर काही कायमचे संबंध तोडतात. अशा दाम्पत्याला एखादे मूल झाले की, काहींच्या मुलांचे आई-वडील लग्न मान्य करतात, अशी ही अनेक उदाहरणे असल्याचे पानसरे यांनी सांगितले.

मानसोपचार तज्ज्ञ डॉ. निखिल चौगुल म्हणाले, `अनेकदा घरातील मुलाने किंवा मुलीने आंतरजातीय विवाहाचे पाऊल उचलले, तर घरच्यांना काही आक्षेप नसतो. मात्र, शेजारी, पाहुणे यांच्या सुरू होणारी कुजबूज त्यांना नकोशी होते. मित्रांच्या कट्ट्यावर, पाहुण्यांमध्ये चर्चा होताना, `बघ तुझ्या घरी कसं झालं, बहिणीकडं लक्ष दिलं नाहीस तू.`अशी दूषणं दिली जातात. यातून मग सूडाची भावना निर्माण होते. अशा कृत्यांमागे एखाद दुसरे कारण असू शकत नाही.

कौटुंबिक कलह, वैयक्तिक जीवनातील नैराश्य, व्यसनाधीनता, समाजाचा दबाव या सगळ्यातून एकदम अशी टोकाची प्रतिक्रिया बाहेर पडते` प्रत्येक व्यक्तीची व्यक्त होण्याची पद्धत वेगळी असते. काहीजण राग व्यक्त करून, शिव्या देऊन व्यक्त होतात, तर काहीजण स्वतःला त्रास करून घेतात, तर काहीजण व्यसनांच्या आहारी जातात, तर काहीजण टोकाचे पाऊल उचलतात. या सगळ्याला तुमची कौटुंबिक पार्श्वभूमीही तितकीच जबाबदार असते, असे डॉ. चौगुले यांनी सांगितले. ते म्हणाले, `घरातील वातावरण चांगले असणे म्हणजे, तरुण वयातील मुलांच्या समस्या जाणून घेणे, त्यांच्या अडचणी समजून घेणे, त्यांच्याकडे फक्त लक्ष देणे, हा प्रकारही पुरेसा असतो. जर माझ्याकडे कोणाचे लक्षच नाही, अशी भावना एखाद्या तरुणाची झाली, तर त्याच्यात नैराश्य येऊ लागते.

हिंसाचाराचा अधिकार नाही

आंतरजातीय किंवा आंतरधर्मीय विवाहासंबंधी एका खटल्यात सुप्रीम कोर्टाने दिलेला निकाल अतिशय महत्त्वपूर्ण आहे. अशा घटनांमध्ये आई-वडिलांनी संबंधित मुलगा किंवा मुलीशी संबंध तोडावेत. मात्र, त्यांना हिंसाचाराचा अधिकार नाही. मुलांना थप्पड मारण्याचाही त्यांना अधिकारी नाही, असे कोर्टाने स्पष्ट केल्याची माहिती मेघा पानसरे यांनी दिली.

नैराश्य अन् टीव्हीचा परिणाम

एखाद्या गुन्ह्यापर्यंत किंवा आपल्याच बहिणीची हत्या करण्याचे पाऊल उचलण्यामागे संबंधित तरुणांमध्ये वाढते नैराश्य आणि टीव्ही सीरिअल्सचा परिणाम त्याचबरोबर समाज काय म्हणतो, हे खूप गांभीर्याने घेतले जाते, त्यामुळेच असे टोकाचे पाऊल उचलण्याची वेळ येते, असे मानसोपचार तज्ज्ञ डॉ. निखिल चौगुले यांनी सांगितले.

मित्रच बनतात आधार

सध्या एकत्र कुटुंब पद्धती जवळपास नामशेष झाली आहे. त्यामुळे घरात मुलांना समजून घेणारे किंवा त्यांना समजावून सांगणारे कमी झाले आहेत. त्यामुळे मुले मित्र-मैत्रिणींचा आधार घेतात. मित्र सांगेल तेच योग्य. तो सांगेल तोच निर्णय मी घेणार, अशा भावनेतून मुले आई-वडिलांचा विरोध असूनही लग्नाचा निर्णय घेतात, याचा मुलांनी आणि आई-वडिलांनीही विचार करायला हवा, असे मत डॉ. चौगुले यांनी व्यक्त केले.

अशा प्रकारच्या घटनांमध्ये तीन-चार प्रकारचा तणाव एकत्र येऊन कृत्य झाले असते. या कृत्यामागे फार मोठे प्लॅनिंग वगैरे नसते. तणावाची, रागाची एक उत्स्फूर्त प्रतिक्रिया म्हणून याकडे पाहता येईल. कधी कधी कृत्य केल्यानंतर यातील गुन्हेगार स्वतःहून पोलिसांत हजर होतात आणि गुन्हा कबूल करतात.'

- डॉ. निखिल चौगुले, मानसोपचार तज्ज्ञ

आपण जागतिकीकरणाची, महासत्तेची भाषा बोलतो. मात्र, जुनी आणि भुरसटलेली विचारसरणी सोडायला तयार नाही. आंतरजातीय विवाहाबाबत एखाद्या कुटुंबाने नव्हे, तर संपूर्ण समाजाने मानसिकता बदलायला हवी. ज्यांनी हे कृत्य केले, त्यांच्या वयाचाही दोष आहे. एकूण घटनाक्रमानुसार त्यांच्या मनात ही खदखद खूप दिवसांपासून असावी, त्यांनी ती व्यक्त केली असती, तर कदाचित या दोघांचा जीव गेला नसता. आपल्या आतल्या आवाजाला मोकळी वाट करून देणे गरजेचे असते.'

- प्रा. दिलीपराज बिरजे, समुपदेशक आणि मानसशास्त्राचे अभ्यासक

समुपदेशन करताना आम्ही अनेक संतप्त आई-वडील पाहिले आहेत. अनेकांनी आमच्या समोर मुलांशी आयुष्यभर संबंध तोडणार असल्याचे सांगितले; पण कोणीही आपल्या मुलांवर हात उगारला नाही. कसबा बावड्यात घडलेल्या घटनेत एक टोकाचा कट्टरपणा दिसतो, असा कट्टरपणा आम्ही आजवर पाहिला नाही.'

- मेघा पानसरे, समाजिक कार्यकर्त्या

मोबाइल अॅप डाउनलोड करा आणि राहा अपडेट

अटल पेन्शनसाठी विशेष प्रयत्न

December 18, 2015, 12:21 pm

≫ Next: आरटीओ जागेला रेड सिग्नल

≪ Previous: जातीची कट्टरता अद्याप रुतलेलीच

$

0

0

म. टा. प्रतिनिधी, कोल्हापूर

केंद्र सरकारने सात महिन्यांपूर्वी जाहीर केलेल्या अटल पेन्शन योजनेला अपेक्षित प्रतिसाद मिळाला नसल्याने या योजनेची माहिती लोकांपर्यंत पोहोचविण्यासाठी सरकारकडून विशेष प्रयत्न सुरू झाले आहेत. अटल पेन्शन योजना सप्ताहाचे आयोजन केले असून, प्रशिक्षणाचा आज शेवटचा दिवस आहे. प्रशिक्षणाअंतर्गत बँक कर्मचाऱ्यांना विशेष प्रशिक्षण दिले जात आहे.

अटल पेन्शन योजना वगळता इतर दोन योजनांना ग्राहकांचा उत्स्फूर्त प्रतिसाद लाभला. या योजनेत ग्राहकाला दर महिन्याला विशिष्ठ रक्कम गुंतवावी लागत असून, वयाच्या साठाव्या वर्षानंतर पेन्शन सुरू होणार आहे. सध्या नियमित पैसे भरावे लागत असल्याने या योजनेकडे ग्राहकांनी काणाडोळा केल्यानेच योजनेला थंडा प्रतिसाद लाभला आहे. गेल्या सात महिन्यांत कोल्हापूर जिल्ह्यात केवळ ३५०० ग्राहकांनी अटल पेन्शन योजनेसाठी नावनोंदणी केली आहे. हा प्रतिसाद अगदीच कमी असल्यामुळे सरकारकडून विशेष अभियान राबविले जात आहे. योजनेची माहिती अधिकाधिक लोकांपर्यंत पोहोचविण्याबरोबरच बँक कर्मचाऱ्यांनाही प्रशिक्षित केले जात आहे. जिल्ह्यातील बँक कर्मचाऱ्यांना प्रशिक्षित करण्यासाठी अटल पेन्शन योजना सप्ताहाचे काम सुरू झाले असून, १९ डिसेंबरअखेर हे काम चालणार आहे. योजनेची माहिती देण्यासाठी तालुक्यांमध्ये तालुकानिहाय मार्गदर्शन शिबिरांचे आयोजन केले आहे.

योजनेचे फायदे

१८ ते ४० वयोगटातील असंघटित क्षेत्रातील कर्मचाऱ्यांसाठी अटल पेन्शन योजना म्हणजे सुरक्षा कवच असून, या योजनेत सहभागी होणाऱ्यांनी वयाच्या १८ व्या वर्षापासून दरमहा ४२ रुपये भरले तर वयाच्या साठाव्या वर्षापासून दरमहा १००० रुपये पेन्शन मिळू शकते. दरमहा २१० रुपये भरले तर ५००० रुपये पेन्शन मिळू शकते. ३१ डिसेंबरपूर्वी योजनेत सहभाग घेतल्यास पुढील पाच वर्षे सरकारकडून ५० टक्के रक्कम मिळणार आहे, त्यामुळे डिसेंबरपूर्वी अटल पेन्शन योजनेत सहभागी होण्याचे आवाहन अग्रणी बँकेकडून केले जात आहे. सरकारच्या या विशेष प्रयत्नांनंतरही ग्राहकांचा प्रतिसाद वाढणार की नाही ते मात्र येणारा काळच सांगेल.

मोबाइल अॅप डाउनलोड करा आणि राहा अपडेट

आरटीओ जागेला रेड सिग्नल

December 18, 2015, 12:24 pm

≫ Next: गायकवाडचे आरोप कोर्टाने फेटाळले

≪ Previous: अटल पेन्शनसाठी विशेष प्रयत्न

$

0

0

Sachin.Yadav@timesgroup.com

नव्या वर्षात आरटीओ कार्यालय प्रस्तावित शेंडा पार्क परिसरात स्थलांतरित होण्याची शक्यता धूसर झाली आहे. या प्रकरणी एका व्यक्तीने न्यायालयात धाव घेतली असल्याने नव्या प्रस्तावाला रेड सिग्नल मिळाला आहे. जिल्हाधिकारी कार्यालयाकडे सुमारे पाच एकर जागेच्या मागणीचा हा प्रस्ताव आहे.

नागाळा पार्कात प्रादेशिक परिवहन कार्यालयाचा तीन एकरचा परिसर आहे. ही जागा अपुरी पडत असल्याने आरटीओने शेंडा पार्क परिसरातील जागेची मागणी केली होती. या जागेप्रकरणी एका व्यक्तीने न्यायालयात धाव घेतल्याने प्रस्तावित जागा लटकली आहे.

सध्याच्या आरटीओ कार्यालयात वाहनांची पार्किंगची पुरेशी व्यवस्था नाहीत. काही वाहनधारक मुख्य गेटमधून प्रवेश केल्यानंतर चारचाकी वाहने पार्किंग करतात. तर कर्मचाऱ्यांच्या वाहनांची पार्किग शेड आहे. इमारतीच्या डाव्या बाजूला असलेल्या लहान गेटमधून बेशिस्त पद्धतीने दुचाकी वाहनांचे पार्किग केले जाते. कार्यालयातील कारभार ऑनलाइन असला तरी किमान तीन वर्षांचे रेकॉर्ड ठेवण्यासाठी फाइल्सचे गठ्ठे ठेवायलाही जागा नाही. लर्निंग लायसन्सचे मिनी कार्यालयही अपुऱ्या जागेत आहे. वाहनांच्या टेस्ट घेण्यासाठीचा ट्रॅकही अपुरा आहे.

त्यामुळे नव्या प्रशस्त जागेत नियोजनबद्ध आराखडा तयार करण्याचे काम काही अधिकाऱ्यांकडे सोपविले होते. त्यासाठी कामकाज समितीची स्थापनाही केली होती. नियोजन अंतिम टप्प्यात असतानाचा ही बाब न्यायप्रविष्ट बनली. त्यामुळे आरटीओ कार्यालयासमोर पेच निर्माण झाला आहे.

शेंडा पार्क परिसरात सरकारी मालकीची जमीन आहे. काही लॅण्डमाफियांनी या जागेवर डोळा ठेवला आहे. काही मोक्याच्या जागा बळकाविण्यात लॅण्डमाफिया यशस्वी झाले आहेत. काही सरकारी, निमसरकारी कार्यालयाने शेंडा पार्कातील जागा मिळावी, यासाठी जिल्हाधिकारी कार्यालयाकडे प्रस्ताव दिले आहेत. मात्र ही जागा आमचीच असल्याचा दावा काही कार्यालय प्रमुखांनी केला आहे.

पर्यायी जागेचा शोध घ्यावा लागणार

आरटीओ लक्ष्मण दराडे यांनी नव्या जागेसाठी पाठपुरावा केला होता. मात्र जागेसाठी न्यायालयीन लढाई होणार असल्याने पुन्हा नव्या जागेचा शोध घ्यावा लागणार आहे. शेंडा पार्क येथे नूतन आरटीओ कार्यालय झाले असते तर वाहनधारकांची टेस्ट ड्राइव्हसाठी सुमारे रस्ताही उपलब्ध झाला असता.

मोबाइल अॅप डाउनलोड करा आणि राहा अपडेट

गायकवाडचे आरोप कोर्टाने फेटाळले

December 18, 2015, 12:24 pm

≫ Next: महिनाअखेर एफआरपी

≪ Previous: आरटीओ जागेला रेड सिग्नल

$

0

0

म. टा. प्रतिनिधी, कोल्हापूर

ज्येष्ठ नेते कॉम्रेड गोविंद पानसरे यांच्या हत्या प्रकरणातील प्रमुख संशयित, सनातन संस्थेचा प्रमुख साधक समीर गायकवाड याने पोलिसांवर केलेल्या आरोपात काहीही तथ्य नाही, असे मत प्रथम वर्ग न्यायदंडाधिकारी आर.डी. डांगे यांनी व्यक्त करत त्याचे सर्व आरोप फेटाळून लावले. तसेच तांत्रिक कारणामुळे व्हिडिओ कॉन्फरन्स न झाल्याने समीरच्या न्यायालयीन कोठडीत ३० डिसेंबरपर्यंत वाढ करण्यात आली आहे.

समीरने २१ नोव्हेंबरला व्हिडिओ कॉन्फरन्स सुनावणीवेळी पोलिसांवर गंभीर आरोप केले होते. तोंडी आरोपानंतर समीरने मंडल तुरूंगाधिकाऱ्यांमार्फत कोर्टात लेखी अर्ज दिला दिला होता. लेखी अर्जात त्याने चार नवीन मुद्दे मांडल्याचा दावा केला. ब्रेन मॅपिंग चाचणीवेळी समीरला कोर्टात २१ नोव्हेंबरला हजर केले होते. तेव्हा त्याच्या चेहऱ्यावर बुरखा होता. त्याला जिन्यावरून नेत असताना एक पोलिस त्याच्याजवळ आला होता. तुला आमच्या साहेबांचा निरोप आहे, तुला चारजणांची नावे सांगतो ती तू घ्यावीस, तुला आम्ही २५ लाख रूपये देतो. नार्को टेस्टला नकार दिलास तर घरच्यांना त्रास देईन, असे सांगितल्याचा आरोप केला होता. हे सर्व आरोप कोर्टाने फेटाळले. समीरने विचार करून हे आरोप केले आहेत, त्यात काहीही अर्थ नाही. समीरला भेटताना कुणीही पाहिलेले नाही. तसेच त्यावेळी न्यूज चॅनेलनी केलेल्या व्हिडिओ चित्रणात समीरला कुणी भेटल्याचे आढळलेले नाही. त्याला कुणी धमकी दिली असती तर त्याने त्याच दिवशी कोर्टात सांगितले असते, असे कोर्टाने निकालपत्रात स्पष्ट केले आहे.

आरोपपत्राची प्रत समीरच्या वकिलांना

दरम्यान, समीरवर दाखल केलेल्या आरोपपत्राची प्रत समीरचे वकील समीर पटवर्धन, एम. एम. सुहासे यांना देण्यात आली. आरोपपत्रात सनातन संस्थेवर केलेल्या आरोपाबाबत विचारले असता पटवर्धन यांनी पोलिसांनी एक ग्रंथ लिहिला आहे. आरोपपत्राचा अभ्यास करून मत नोंदवले जाईल, असे सांगितले.

मोबाइल अॅप डाउनलोड करा आणि राहा अपडेट

महिनाअखेर एफआरपी

December 18, 2015, 12:26 pm

≫ Next: बड्या थकबाकीदारांना नोटिसा

≪ Previous: गायकवाडचे आरोप कोर्टाने फेटाळले

$

0

0

म. टा. प्रतिनिधी, कोल्हापूर

ऊस उत्पादक शेतकऱ्यांना एफआरपीची ८० टक्के रक्कम ३१ डिसेंबरपूर्वी देण्याचा निर्णय शुक्रवारी झालेल्या बैठकीत घेण्यात आला. ही रक्कम नव्या वर्षाच्या पूर्वसंध्येला खात्यांवर जमा होणार असल्याने ऊस उत्पादक शेतकऱ्यांना दिलासा मिळाला आहे.

मुख्यमंत्री देवेंद्र फडणवीस यांनी गेल्या आठवड्यात नागपूरमध्ये बैठक घेऊन चालू हंगामातील उसाची एफआरपी ८० टक्के आणि हंगाम संपण्यापूर्वी उर्वरित २० टक्के देण्याचे आश्वासन दिले होते. या पार्श्वभूमीवर साखर आयुक्त बिपिन शर्मा यांनी कारखान्यांच्या कार्यकारी संचालकांबरोबर साखर संकुलात बैठक घेतली. या बैठकीत हा निर्णय घेण्यात आला आहे.

चालू हंगामातील एफआरपीची दोन हजार ६०० कोटी रुपयांची देय रक्कम आहे. केंद्र आणि राज्य सरकारने साखर उद्योग आणि शेतकऱ्यांसाठी हिताचे निर्णय घेतले असतानाही साखर उद्योग आडमुठी भूमिका घेत असल्याची शेतकरी संघटनांचा आरोप होता. याविरोधात शेतकरी संघटनांनी आंदोलनाचा पवित्रा घेतला होता. त्यानंतर मुख्यमंत्र्यांनी या प्रश्नाकडे लक्ष देत ८० टक्के एफआरपी देण्याची ग्वाही दिली होती.

यावर्षीचा गळीत हंगाम सुरू होऊन महिन्याचा कालावधी होत आला तरी ऊस उत्पादक शेतकऱ्यांना एफआरपीची रक्कम मिळालेली नाही. त्यामुळे शेतकऱ्यांमध्ये अस्वस्थता पसरली होती. या निर्णयामुळे त्यांची आर्थिक कोंडी फुटणार आहे.

साखर कारखानदार हे आर्थिक अडचणींचे कारण पुढे करून एफआरपीची रक्कम देण्यासाठी चालढकल करत होते. साखर कारखान्यांसाठी ऊस कर माफी, साखर मूल्यांकनात वाढ आणि साखर निर्यात अनुदान आदी महत्त्वाचे निर्णय घेण्यात आल्यानंतरही साखर कारखान्यांकडून एफआरपीची रक्कम देण्यासाठी नकारघंटा होती. या पार्श्वभूमीवर साखर आयुक्त शर्मा यांनी कारखानदारांशी चर्चा करून तोडगा काढला. त्यानुसार ३१ डिसेंबरपूर्वी ऊस उत्पादक शेतकऱ्यांच्या खात्यांमध्ये रकमा जमा होणार आहेत.

सांगलीतील आंदोलनही मागे

कारखानदारांनी ८०-२० चा फॉर्म्युला मान्य करावा, अशी आंदोलकांची प्रमुख मागणी होती. ती पूर्ण होईपर्यंत आंदोलन करण्याचा इशारा शेतकरी संघटनेचे प्रदेशाध्यक्ष सदाभाऊ खोत यांनी गुरुवारी दिला होता. पण हा फॉर्म्युला मान्य केल्यामुळे अवघ्या दोन तासांतच हे आंदोलन मागे घेतल्याची घोषणा खोत यांनी केली.

जिल्ह्यातील साखर कारखाने सुरळीत सुरू

सर्व कारखान्यांनी ८०:२० फॉर्म्युलानुसार बिले देण्याचे मान्य केले आहे. त्यामुळे आंदोलन संपुष्टात आल्याची स्थिती झाली आहे. दरम्यान, गुरुवारी जिल्हा बँकेत झालेल्या बैठकीनंतर जिल्ह्यातील सर्व कारखाने सुरळीतपणे सुरू झाले आहेत. कारखान्यांनी तीन टप्प्यात एफआरपी देण्याचे धोरण अवलंबत ८० टक्क्यांपेक्षा कमी दराने बँकेत एफआरपीचा भरणा केला होता. याविरोधात शेतकरी संघटनेने आक्रमक आंदोलन हाती घेतल्यानंतर अनेक कारखान्यांची ऊस वाहतूक रोखली होती. यामुळे कायदा व सुव्यवस्थेचा प्रश्न निर्माण झाला होता. तसेच अनेक कारखानेही पूर्ण क्षमतेने सुरू नव्हते.

मोबाइल अॅप डाउनलोड करा आणि राहा अपडेट

बड्या थकबाकीदारांना नोटिसा

December 19, 2015, 1:30 pm

≫ Next: पदाधिकाऱ्यांसह सर्वच मतदार सहलीवर

≪ Previous: महिनाअखेर एफआरपी

$

0

0

म. टा. प्रतिनिधी, कोल्हापूर

दहा लाखापेक्षा अधिक घरफाळा थकित असलेल्या मालमत्ताधारकांच्या मिळकती जप्त करण्याच्या नोटिसा महापालिकेने दिल्या आहेत. यामध्ये जनता बझारसह लोटस हॉस्पिटल, हॉटेल व्हिक्टर पॅलेसचाही समावेश आहे. या मिळकतधारकांना थकबाकी भरण्यासाठी सात ते पंधरा दिवसाची मुदत देण्यात आली आहे. महाराष्ट्र टाइम्सने दिलेल्या वृत्ताची दखल घेत ही कारवाई करण्यात आली.

शहरातील अनेक बड्या मिळकतधारकांकडे तब्बल ३८ कोटी घरफाळा थकित आहे. अनेक वर्षे ही थकबाकी असूनही त्याची वसूल होत नव्हती. यामुळे महापालिकेचे मोठे उत्पन्न बुडत होते. याबाबत लेखापरिक्षकांनीही ताशेरे ओढले होते. 'मटा'ने ही बाब सातत्याने निदर्शनास आणून दिली होती. त्याची दखल घेत महापालिकेने कडक कारवाई करण्याचा निर्णय घेतला. थकबाकीदारांची यादी महापालिकेने तयार केली आहे. यामध्ये अनेक हॉटेल, शैक्षणिक संस्था, हॉस्पिटल यांचा समावेश आहे. आयुक्त पी. शिवशंकर यांनी या सर्व थकबाकीदारांची सुनावणी घेतली. त्यानंतर त्यांना नोटिसा देण्यात आल्या. थकबाकीदारांना घरफाळा भरण्यास सात ते पंधरा दिवसांची मुदत देण्यात आली आहे. या मुदतीत न भरल्यास मिळकतीवर बोजा चढवण्याबरोबरच जप्तीची कारवाई करण्यात येणार आहे. तशा नोटिसा शनिवारी मिळकतधारकांना दिल्या.

हॉटेल व्हिक्टर पॅलेस, जनता बझार, लोटस हॉस्पिटल, कॉमर्स कॉलेज, भुदरगड नागरी सहकारी पतसंस्था, किरण भोसले या बड्या थकबाकीदारांचा यामध्ये समावेश आहे. जनता बझारने बारा लाखाची तर हॉटेल व्हिक्टर पॅलेसकडे सतरा लाखाची थकबाकी आहे.

चौकट

वकिलांना आवाहन

महापलिका संदर्भात न्यायालयात सुरू असलेल्या खटल्याचा निकाल महापालिकेच्या बाजूने लागण्यासाठी वकिलांनी प्रयत्न करावा असे आवाहन आयुक्त पी. शिवशंकर यांनी केले. पेडिंग खटल्याबाबत आढावा घेण्यासाठी घेतलेल्या बैठकीत हे आवाहन करण्यात आले. कर्मचारी व अधिकाऱ्यांनी यासाठी योग्य ती कागदपत्रे वकिलांना पुरवावीत असेही यावेळी सांगण्यात आले.

मोबाइल अॅप डाउनलोड करा आणि राहा अपडेट

पदाधिकाऱ्यांसह सर्वच मतदार सहलीवर

December 19, 2015, 1:30 pm

≫ Next: ताराबाई पार्क येथे वृद्धाचा संशयास्पद मृत्यू

≪ Previous: बड्या थकबाकीदारांना नोटिसा

$

0

0

म. टा. प्रतिनिधी, कोल्हापूर

विधानपरिषद निवडणुकीच्या मतदारांना दोन्ही गटांनी सहलीवर पाठवले आहे. त्यामुळे पदाधिकाऱ्यांसह सर्व नगरसेवक, जिल्हा परिषद सदस्य व कारभारी विविध भागात राजेशाही सहलीचा आनंद लुटत आहेत. राजस्थान, केरळ, गोवा आणि कन्याकुमारीसह विविध भागात हे सदस्य सहलीवर गेले आहेत. काही मतदार सौंदत्ती यात्रेसाठी परत येणार आहेत. दरम्यान, इचलकरंजीतील नगरसेवकांचा आकडा ठरत नसल्याने त्यांचा जाहीर पाठिंबा अजूनही गुलदस्त्यात आहे.

येत्या २७ डिसेंबरला विधानपरिषद निवडणुकीसाठी मतदान आहे. मतदानांसाठी आठ दिवस राहिले आहेत. यादरम्यान कुणीही कोल्हापुरात थांबू नये असा आदेशच नेत्यांनी दिला आहे. यामुळे सर्वजण सहलीवर गेले आहेत. २४ डिसेंबरला सौदत्ती यात्रा आहे. यंदाही यात्रा चुकवायची नाही असे ठरवून काहीजण सहल मध्येच सोडून परतणार आहेत. पण कारणे सांगू नका, असा आदेश मिळाल्याने त्यांची अडचण झाली आहे. इचलकरंजीत काँग्रेसने सतेज पाटील यांना तर शहर विकास आघाडीने महादेवराव महाडिक यांना पाठिंबा दिला आहे, पण हे नगरसेवक सहलीवर जाण्यासाठी टाळाटाळ करत आहेत. आकडा ठरवा मग पुढचे बघू, अशी भूमिका नगरसेवकांनी घेतल्याने उमेदवारांची अस्वस्थता वाढली आहे. मदन कारंडे, सागर चाळके, अशोकराव जांभळे, संजय तेलनाडे या नेत्यांची भूमिका ठरलेली नाही. त्यांच्या पाठिंब्यासाठी नेत्यांची धडपड सुरू आहे.

शिवसेनेचा निर्णय 'मातोश्री'वरून

दरम्यान शिवसेनेच्या पाठिंब्याचा निर्णय पक्षप्रमुख उद्धव ठाकरे घेणार आहेत. शनिवारी सचिव विनायक राऊत यांच्या अध्यक्षतेखाली झालेल्या बैठकीत तसा निर्णय घेण्यात आला. त्यामुळे सोमवारी निर्णय होण्याची शक्यता असून त्यांच्या ३८ मतदारांना सहलीला पाठवण्याचा निर्णय घेण्यात आला. या निवडणुकीत शिवसेनेची भूमिकाही महत्त्वाची ठरणार असणार असल्याने दोन्हीही उमेदवार ही मते मिळवण्यासाठी प्रयत्नशील आहेत. खासदार राऊत यांनी शनिवारी बोलावलेल्या बैठकीला संपर्क नेते अरूण दूधवडकर, आमदार राजेश क्षीरसागर, सहसंपर्क प्रमुख प्रा. संजय मंडलिक, जिल्हाप्रमुख संजय पवार, मुरलीधर जाधव, विजय देवणे, माजी आमदार संजय घाटगे, संग्राम कुपेकर उपस्थित होते. राऊत यांनी प्रत्येकांची स्वतंत्र्यपणे मते आजमावून घेतली. तसेच अन्य पाच आमदारांची मते मोबाईलवर संपर्क साधून जाणून घेतली. त्यानंतर सर्व स्थानिक नेत्यांसह संयुक्त बैठक घेण्यात आली. स्थानिक नेत्यांची मते पक्षप्रमुखांना कळवण्यात येतील. त्यानंतर सोमवारी ते भूमिका स्पष्ट करतील, असे स्पष्ट केले.

मोबाइल अॅप डाउनलोड करा आणि राहा अपडेट

---

ताराबाई पार्क येथे वृद्धाचा संशयास्पद मृत्यू

December 19, 2015, 10:52 am

≫ Next: शाहू स्टेडियममध्ये अतिरेकी घुसले...

≪ Previous: पदाधिकाऱ्यांसह सर्वच मतदार सहलीवर

$

0

0

म. टा. प्रतिनिधी, कोल्हापूर

ताराबाई पार्कातील आदित्य कॉर्नरजवळ वृद्धाचा संशयास्पद मृत्यु झाला. इस्माइल आमीर शेख (वय ७५, रा. कनाननगर) असे वृध्दाचे नाव आहे. शनिवारी सकाळी साडेसात वाजता ही घटना उघडकीस आली. प्रारंभी खुनाची अफवा होती, पण शेख यांचा दगडावर पडून रक्तस्त्राव झाल्याने मृत्यू झाल्याचे शाहूपुरी पोलिसांनी स्पष्ट केले.

दरम्यान शेख यांच्या हजार आणि पाचशेच्या नोटांसह दहा हजाराची रक्कम आढळली. कोरगांवकर कपाऊंड परिसरात भीक मागत असत. रात्रीही ते याच परिसरात झोपत. शनिवारी सकाळी साडेसातच्या सुमारास अंथरूणात रक्ताच्या थारोळ्यात त्यांचा मृतदेह आढळला. शाहूपुरी पोलिस घटनास्थळी आले. घटनास्थळी कोणतेच हत्यार अथवा दगड नसल्याने पोलिसांनी परिसरात तपास केला. घटनास्थळापासून २० फूट अंतरावर मोठ्या दगडावर रक्ताचे डाग व थोडे केस चिकटलेले दिसले. शेख यांच्या डोक्याच्या डाव्या कानाच्या खाली जखम झाली असून रक्तस्त्राव झाला होता. त्यांना दारूचे व्यसन होते. रात्री ते लघूशंकेला गेल्यावर दगडावर पडले असावेत. त्यानंतर ते पुन्हा झोपायला आले असावेत. झोपेतच रक्तस्त्राव झाल्याने त्यांचा मृत्यू झाला असावा असा प्राथमिक अंदाज पोलिसांनी व्यक्त केला.

शेख मूळचे गोकाक येथील असून ते ६० वर्षांपूर्वी कोल्हापुरात आले होते. त्यांनी कनाननगर येथील शालाबाई नासरगे यांच्याशी प्रेमविवाह केला होता. त्यांची मुलगी मंगल आप्पासो घाटगे यांनी याबाबत शाहूपुरी पोलिस ठाण्यात फिर्याद दिली आहे. शेख रोज कनानगरात दिवसातून दोनदा येत असत. त्यानंतर ते पुन्हा भीक मागण्यासाठी ताराबाई पार्कात जात होते. रात्री त्याच ठिकाणी झोपत. पोलिस उपनिरीक्षक श्याम देवणे यांच्यासह पोलिस तपास करत आहेत.

मोबाइल अॅप डाउनलोड करा आणि राहा अपडेट

शाहू स्टेडियममध्ये अतिरेकी घुसले...

December 19, 2015, 10:53 am

≫ Next: मिशनरी कर्तबगारीच्या खुणा कायम

≪ Previous: ताराबाई पार्क येथे वृद्धाचा संशयास्पद मृत्यू

$

0

0

म. टा. प्रतिनिधी, कोल्हापूर

शाहू स्टेडियमध्ये अतिरेकी घुसले असून, शंभर प्रेक्षकांना ओलीस ठेवल्याची माहिती कळताच जुना राजवाडा पोलिसांसह शहरातील पोलिसांनी वेगाने कारवाई करत दोन अतिरेक्यांना कंठस्थान घातले, तर चौघांना जिवंत पकडले. पोलिसांची कारवाई खरी नसून मॉकड्रील असल्याचे लक्षात आल्यावर स्थानिक नागरिकांनी सुटकेचा निःश्वास सोडला.

दहशतवाद्यांनी मॉल, थिएटर, मैदानांना लक्ष करण्यास सुरुवात केली आहे. या पार्श्वभूमी कोल्हापूर पोलिस दल सज्ज राहण्यासाठी शाहू स्टेडियमवर शनिवारी सायंकाळी मॉकड्रील घेण्यात आले. शहर पोलिस अधीक्षक भारतकुमार राणे यांनी शाहू स्टेडियममध्ये अतिरेकी घुसल्याची माहिती शहरातील सर्व पोलिस ठाण्यांना दिली. जुना राजवाडा पोलिस ठाण्याचे निरीक्षक अनिल देशमुख एसएलआर, कार्बाईड गनसह पोलिस ताफा घेऊन आले. तसेच शहरातील सर्व पोलिस ठाण्यांतील कर्मचारी घटनास्थळी पोहोचले. शहर वाहतूक शाखेने रस्ते बंद केले, तर अग्निशमन दलाचे दोन बंब घटनास्थळी आले. पोलिसांनी मैदानाला वेढा घालून रावणेश्वर मैदानाच्या बाजूने मैदानात प्रवेश केला. अतिरेकी रॉयल सूटच्या उजव्या बाजूला असलेल्या प्रेक्षक गॅलरीत अतिरेकी दडून बसले होते. देशमुख यांच्या नेतृत्वाखाली एका तुकडीने रॉयल सूटच्या जिन्याकडून प्रेक्षक गॅलरीत प्रवेश केला, तर पोलिस उपनिरीक्षक मस्के यांनी प्रेक्षक गॅलरीत उडी मारून प्रेक्षक गॅलरीच्या पायऱ्यांवर स्वतःला झोकून दिले. त्यानंतर तिन्ही बाजूंनी पथकांनी कक्षात प्रवेश करून ​दोन अतिरेक्यांना ठार मारले, तर चौघांना अतिरेक्यांना जिवंत ताब्यात घेतले. ही कारवाई पाहण्यासाठी नागरिकांनी मोठी गर्दी केली होती.

मोबाइल अॅप डाउनलोड करा आणि राहा अपडेट

मिशनरी कर्तबगारीच्या खुणा कायम

December 19, 2015, 10:56 am

≫ Next: ६ हजार मिळकतधारकांना नोटिसा

≪ Previous: शाहू स्टेडियममध्ये अतिरेकी घुसले...

$

0

0

satish.Ghatage@timesgroup.com

कोल्हापूरः मराठ्यांची राजधानी असलेल्या कोल्हापूरच्या गादीवर १८५७ नंतर इंग्रजांच्या अमलाखाली खऱ्या अर्थाने कारभार सुरू झाला. छत्रपतींचे राज्यकारभाराचे अधिकार अबाधित ठेवले असले तरी ब्रिटिश सरकारकडून इंग्रज अधिकारी नेमले गेले. त्यामुळे कोल्हापूरचा ख्रिश्चन समाजाशी संपर्क होऊ लागला. कोल्हापुरात येणाऱ्या ब्रिटिश अधिकाऱ्यांमुळे व मिशनरीजमुळे चर्च सुरू झाले. कर्तबगार ख्रिश्चन अधिकारी व सेवाभावी कार्यकर्त्यांशी महाराजांचा संबंध येऊ लागला. अशा व्यक्तींची नावे कोल्हापुरातील काही प्रसिद्ध ठिकाणांना देण्यात आली. ही ठिकाणे आजही याच नावाने ओळखली जात आहेत.

विल्सन पूल

ब्रिटिश अधिकारी विल्सन यांच्या स्मृतिप्रीत्यर्थ लक्ष्मीपुरी व शाहूपुरीला जोडणारा विल्सन पूल बांधण्यात आला. शाहूपुरी व लक्ष्मीपुरीच्या मधून जयंती नदी (जयंती नाला) वाहत होती. त्यामुळे शहराच्या विस्ताराच्यादृष्टीने शाहूपुरीत वसाहत होण्यासाठी व कोल्हापूर शहर जोडण्यासाठी १९२७ मध्ये राजाराम महाराजांच्या कार्यकालात विल्सन पूल बांधण्यात आला. २००५ मध्ये महापुरामुळे जयंती नाल्यावरील विल्सन पुलाव्यतिरिक्त सर्व पुलांवर पाणी आले होते. पुलाच्या दोन्ही बाजूला दगडी चौथरे असून त्यावर दिवे लावण्यात आले आहेत. सध्या महापालिकेच्या दुर्लक्षामुळे विल्सन पुलाला अवकळा प्राप्त झाली आहे.

मेरी वेदर मैदान

मेरी वेदर हे नाव महिलेचे वाटत असले तरी ते पुरुषाचे नाव आहे. ते ब्रिटिश रेसिडेंट होते. त्यांच्या नावाने मेरी वेदर मैदान ओळखले जाते. कसबा बावडा रस्त्यावर सध्याच्या सेंट झेवियर्स हायस्कूलशेजारी मेरी वेदर मैदान आहे. ब्रिटिशांचा मेरी वेदर क्रिकेट क्लब होता. मेरी वेदर क्रिकेट क्लब व स्थानिकांचा शाहू क्रिकेट क्लब यांच्यातील सामने मेरी वेदर मैदानावर होत. फक्त क्रिकेट खेळण्यासाठी हे मैदान होते. शाहू महाराज व राजाराम महाराजांनी क्रिकेट खेळाला प्रोत्साहन दिल्याने शाळा व महाविद्यालयात क्रिकेट खेळ रूजला. सध्या हे मैदान महापालिकेच्या ताब्यात आहे. या मैदानाच्या दक्षिणेला स्काऊट बिल्डिंग आहे. तसेच महापालिकेच्या सहकार्याने जिल्हा लॉन टेनिस असोसिएशनच्या माध्यमातून टेनिस कोर्ट तयार केले आहे.

कर्नल फेरीस मार्केट

ब्रिटिश अधिकारी कर्नल ​फेरीस यांच्या मार्गदर्शनाखाली कोल्हापुरातील पहिले भाजी व धान्यमार्केट तयार केले. सध्याच्या शिवाजी मार्केटच्या ठिकाणी फेरीस मार्केट होते. कर्नल फेरीस यांच्या कारकिर्दीत नगरपालिकेतील प्रशंसनीय प्रगती घडवून आणल्याने १९०६ मध्ये फेरीस मार्केटचे उद्धाटन त्यांच्याच हस्ते झाले. कर्नल फेरीस हे भारतीय संस्कृतीचे अभ्यासक होते. त्यांनी भारतीय साहित्य, कला, संगीत या विषयात अभ्यास केला होता. संस्कृत भाषा त्यांना चांगली अवगत होती. महापालिकेच्या स्थापनेनंतर कर्नल फेरीस मार्केटच्या ठिकाणी महापालिकेने भव्य मार्केट उभारले. त्याला शिवाजी मार्केट नाव देण्यात आले.

मोबाइल अॅप डाउनलोड करा आणि राहा अपडेट

६ हजार मिळकतधारकांना नोटिसा

December 19, 2015, 10:59 am

≫ Next: ‘ऑनर किलिंगला पोलिसच जबाबदार’

≪ Previous: मिशनरी कर्तबगारीच्या खुणा कायम

$

0

0

रुपांतरीत कर थकविल्याप्रकरणी कारवाईचा इशारा

म. टा. प्रतिनिधी, कोल्हापूर

शहरातील मिळकतधारकांनी सरकारचा ४८ कोटी रुपयांचा रुपांतरीत कर थकवला असून, या कराची रक्कम वसूल करण्यासाठी करवीर तहसीलदारांनी विशेष मोहीम सुरू केली आहे. या मोहिमेअंतर्गत सहा हजार मिळकतधारकांना नोटिसा पाठवण्यात आल्या आहेत. तातडीने कराची रक्कम भरण्याच्या सूचना देण्यात आल्या असून, थकीत रक्कम न भरल्यास कारवाई करण्याचा इशाराही करवीर तहसीलदारांकडून देण्यात आला आहे.

शहरातील सहा हजार मिळकतधारकांनी मोठ्या प्रमाणात सरकारचा रुपांतरीत कर थकवला आहे. सहा हजार थकबाकीदारांनी ४८ कोटी रुपयांची रक्कम थकवली आहे. प्रशासनाकडून वारंवार सूचना देऊनही मिळकतधारकांनी वेळेत कर भरलेला नाही, त्यामुळे रुपांतरीत कराची रक्कम ४८ कोटींवर गेली आहे. विशेष म्हणजे या थकबाकीत शहरातील प्रतिष्ठित नावांचाही समावेश आहे. कॉँग्रेस कमिटी कार्यालयाच्या मालकीच्या दुकान गाळ्यांचा रुपांतरीत कर थकीत असल्याने कॉँग्रेस कमिटीलाही नोटीस पाठवण्यात आली आहे. याशिवाय शहरातील हॉटेल्स, यात्री निवास, कमर्शियल कॉम्प्लेक्स, दुकानगाळे यांच्यावर कारवाईचा बडगा उगारण्यात आला आहे. थकीत रक्कम तातडीने भरण्याच्या सूचना नोटिशीद्वारे देण्यात आल्या असून, ही रक्कम वेळेत न भरल्यास दंडासहीत वसूल करण्याचा इशाराही देण्यात आला आहे. थकबाकीदारांच्या यादीत शहरातील प्रतिष्ठित हॉटेल्स व्यावसायिकांचीही नावे समाविष्ट आहेत. थकीत कर वेळेत न भरल्यास कारवाईचा इशारा दिल्यामुळे मिळकतधारकांमध्ये खळबळ निर्माण झाली आहे.

मोबाइल अॅप डाउनलोड करा आणि राहा अपडेट

‘ऑनर किलिंगला पोलिसच जबाबदार’

December 19, 2015, 10:54 am

≫ Next: स्वकल्याणाचेच टार्गेट

≪ Previous: ६ हजार मिळकतधारकांना नोटिसा

$

0

0

म. टा. प्रतिनिधी, कोल्हापूर

पोलिसांनी कुलकर्णी दांपत्य व त्यांच्या नातेवाईकांना सरंक्षण देण्यात हयगय केल्याने इंद्रजित व मेघा कुलकर्णीची हत्या झाली, असा आरोप शहीद गोविंद पानसरे विचार मंच व सातवे सावर्डे ग्रामस्थांनी केला. यासंबधी पोलिस अधीक्षक प्रदीप देशपांडे यांना निवेदन देण्यात आले.

निवेदनात म्हटले आहे, मेघा व इंद्रजितने २४ जून २०१४ रोजी विवाह केला होता. मेघाच्या नातेवाईकांनी बेपत्ता झाल्याची फिर्याद दिली होती. यावेळी बांबवडे पोलिसांनी मंगळवार पेठेतील इंद्रजितचे मामा गणेश कुलकर्णी यांच्याकडे चौकशी केली. चौकशीच्यावेळी मेघाच्या नातेवाईकांनी पोलिसांच्या समक्ष मामा कुलकर्णी यांना मारहाण केली होती. पोलिसांनी मेघाच्या नातेवाईकांना रोखण्याचा कोणताही प्रयत्न केला नाही. मेघाचे नातेवाईक सातवे सावर्डे गावात येऊन कुलकर्णी कुटुंबाला धमकी देत होते. मेघाच्या कुटुंबांच्या धमक्यांना भिऊन मेघा व इंद्रजित पुण्याला पळून गेले होते. विवाहाच्यावेळी उपस्थित साक्षीदारांनाही ठार मारण्याची धमकी दिली जात होती. तसेच कुलकर्णी यांच्या घराचे मोबाइलवर शूटींगही घेतले जात असे.

पोलिसांनी या गुन्ह्यातील साक्षीदारांना संरक्षण द्यावे. खटला चालवण्यासाठी राज्यातील नामांकित वकिलाची नियुक्ती करावी. गुन्ह्याचे आरोपपत्र लवकर दाखल करून खटला चालवावा, अशा मागण्या यावेळी करण्यात आल्या. शिष्टमंडळात गिरीष फोंडे, सतीशचंद्र कांबळे, अनिल चव्हाण आदींचा समावेश होता.

मोबाइल अॅप डाउनलोड करा आणि राहा अपडेट

स्वकल्याणाचेच टार्गेट

December 19, 2015, 11:03 am

≫ Next: गळफास लावून महिलेची आत्महत्या

≪ Previous: ‘ऑनर किलिंगला पोलिसच जबाबदार’

$

0

0

म. टा. प्रतिनिधी, कोल्हापूर

विधानपरिषद निवडणुकीच्यानिमित्ताने मतदारांना दिल्या जात असल्याच्या मोठमोठ्या अमिषांची चर्चा होत आहे. त्यातून ३८२ मतदारांसाठी कोट्यवधींचा चुराडा होण्याची शक्यता आहे. मतदारांपासून त्यांच्या नेत्यांपर्यंत केवळ 'लक्ष्मी' दर्शन हाच विषय असल्याचे दिसून येत आहे. थेट 'लक्ष्मी' दर्शनाबरोबर मतदारांना सहलीवर पाठवण्यासाठी येत्या आठ दिवसात कोट्यवधी संपतील अशी चिन्हे आहेत. त्यामुळे निवडणुका या पैसेवाल्यांच्या झाल्या आहेत, अशी भावना नागरिकांमध्ये निर्माण झाली असून लोकशाहीसाठी हे घातक असल्याचे मत समाजातील काही मान्यवरांनी व्यक्त केले.

निवडणूक पोरखेळ झाला

लोकशाहीतील निवडणूक हा गंभीर विषय आहे. सामान्यांची ताकद निवडणुकीमधून दिसत असते. पण सध्या पैसा खाणे याशिवाय दुसरा विषयच नाही. लाखांची अमिषे काय दाखवली जातात, मतदार फुटू नयेत म्हणून सहलीवर काय पाठवले जाते हे सारे अनाकलनीय आहे. लोककल्याणाचे काम करण्यासाठी लोकांमधून प्रतिनिधी निवडून दिला जातो. त्या कामाचाच विसर पडलेला दिसतो. विकासकामांबाबत काही बोलत नाहीत, लोककल्याणाचे काही बोलत नाहीत. स्वतःचे कल्याण हेच टार्गेट असते. त्यामुळे राजकारण, निवडणूक हा सारा पोरखेळ झाला आहे.

प्राचार्य डी. ए. पाटील

लोकशाहीला कलंकच

निवडणुकीसाठी पैशांची देवघेव हा लोकशाहीला लागलेला कलंकच आहे. पैशांचा वापर हा सर्व पातळीवर घातक आहे. प्रश्नांवर मते मांडता येत नाहीत, एखादा महत्वाचा विषय असेल तर त्याचे गांभीर्य पटवून देण्याचे कसब नाही की काही ध्येयवाद आहे असे दिसत नाही. हा खेळ केवळ पैशासाठी सुरु आहे. विकास हा विषय बाजूला पडला असून सत्ता, प्रतिष्ठा, पैसा हेच मुख्य धोरण झाले आहे. ही लोकशाहीची दयनीय अवस्था आहे.

डॉ. बी. एस. माळी

चुकांच्या समुद्रात तळाशी आहोत

सध्याचे राजकारण पाहता साऱ्यांना घाणीमध्ये बसवले जात आहे. चाललेले हे प्रकार १०० टक्के चुकीचे असताना तेच बरोबर आहेत हे असे वाटायला लागले आहे. सर्वजण चुकांच्या समुद्रात खड्ड्यात गेलो आहोत. त्यामध्ये केवळ संविधान शिकवूनच सुधारणा करता येऊ शकते. त्यासाठी न्याय यंत्रणेबरोबर पोलिस यंत्रणेलाही संविधानच्या अंमलबजावणीबाबत सांगण्याची गरज आहे.

शरद मिराशी, ज्येष्ठ सामाजिक कार्यकर्ते

निषिद्ध वाटतच नाही

निवडणुकांमध्ये विविध प्रकार आले व ते सर्वमान्य झाल्याची अवस्था आहे. हे सारे निषिद्ध व आक्षेपार्ह आहे असे मानले जात नाही, ही अत्यंत खेदजनक बाब आहे. यापूर्वी बाबूराव धारवाडे यांच्या विधानपरिषदेच्या निवडणुकीत एक दिवस अगोदर साऱ्या नगरसेवकांना चहापानासाठी बोलवले व मतदानाची माहिती दिली. सहलीवर पाठवणे, पळवापळवी असे प्रकार हे आत्ताच सुरु झाले आहेत. मतदारांनी क्षणिक मोहाला बळी न पडता उमेदवार किती सक्षमपणे विकास करु शकतो हे पाहून मतदान करण्याची गरज आहे.

अॅड. महादेवराव आडगुळे, माजी महापौर

लोकशाहीची अंतिम घटका

लोकशाहीची ही अंतिम घ​टका आली आहे, असे म्हणायला काही हरकत नाही. अडाण्यांच्या देशातील लोकशाही चालवली जाते, त्याचपद्धतीने येथे कारभार सुरु आहे. सर्व पक्ष बरबटले आहेत,. लोककल्याणाचा कुणी विचारच करताना दिसत नाही. पैशांचा वापर करुन काम साधायचे हेच फक्त काम झाले असून त्याचे देणाऱ्यांना व घेणाऱ्यांना काहीच वाटत नाही हे फार वाईट आहे.

प्राचार्य डॉ. जे. बी. शिंदे

मोबाइल अॅप डाउनलोड करा आणि राहा अपडेट

गळफास लावून महिलेची आत्महत्या

December 19, 2015, 10:59 am

≫ Next: सौंदत्ती यात्रेसाठी १५५ एसटी

≪ Previous: स्वकल्याणाचेच टार्गेट

$

0

0

म. टा. प्रतिनिधी, कोल्हापूर

गजानन महाराज नगर म्हाडा कॉलनी येथे राहत्या घरी बाथरूममध्ये ओढणीने गळफास लावून मंजुषा राजेश लोट (वय ३७) या महिलेने आत्महत्या केली. शनिवारी दुपारी सव्वा एक वाजता ही घटना उघडकीस आली.

मंजुषा यांचे पती राजेश हे सीपीआर हॉस्पिटलमध्ये नोकरीस गेले होते. घरी त्यांची तेरा व अकरा वर्षाची दोन मुले होती. मंजुषा यांनी दोन्ही मुलांना दुपारी जेवायला वाढले. दोन्ही मुले जेवणाची ताटे घेऊन पहिल्या मजल्यावर जेवायला गेली. थोरल्या मुलाचे जेवण झाल्यावर तो स्वयंपाक घरात आला. तो बाथरूममध्ये गेला असता त्याला आईने ओढणीने गळफास लावल्याचे दिसले. आईने आत्महत्या केल्याचे तो मोठ्याने ओरडल्यावर शेजारचे लोक धावत घरी आले. त्यांनी जुना राजवाडा पोलिस ठाण्याला याबाबत वर्दी दिली. मंजुषांनी पूर्वीही आत्महत्येचा प्रयत्न केला होता, अशी माहिती त्यांच्या नातेवाईकांनी दिली.

मोबाइल अॅप डाउनलोड करा आणि राहा अपडेट

---

सौंदत्ती यात्रेसाठी १५५ एसटी

December 20, 2015, 1:30 pm

≫ Next: पगार द्या, अन्यथा तीव्र निदर्शने करू

≪ Previous: गळफास लावून महिलेची आत्महत्या

$

0

0

म. टा. प्रतिनिधी, कोल्हापूर

सौंदत्ती येथे होत असलेल्या श्री रेणुका देवीच्या यात्रेसाठी कोल्हापुरातून १५५ एसटीची नोंदणी झाली आहे. तर खासगी ६०० वर वाहनांची नोंदणी भाविकांनी केली आहे. देवीची येत्या गुरुवारी (ता. २४) यात्रा होत असून मंगळवारी (ता. २२) वाहने डोंगराकडे रवाना होणार आहेत.

सौंदत्ती येथील श्री रेणुका देवीची यात्रा २४ डिसेंबरला होत आहे. यात्रेसाठी कोल्हापुरातून सुमारे लाखांवर भाविक रवाना होणार आहेत. यात्रेसाठी सीबीएस आणि संभाजीनगर या दोन्ही बसस्थानकात १५५ एसटी बसेसची नोंदणी झाली आहे. मंगळवारी या बसेस डोंगराकडे रवाना होणार आहेत. मंगळवारी गाडीप्रमुख त्र्यंबोली मंदिराच्या फाट्याजवळ नारळ आणि कापूरचा नैवेद्य अपर्ण करतील. त्यानंतर कागल एमआयडीसी फाटा येथील श्री लक्ष्मी मंदिर येथे नैवेद्य अर्पण केला जाईल. त्यानंतर भाविक घटप्रभा कॅनॉल येथील महाप्रसादासाचा लाभ घेतील. काही वाहने बाळेकुंद्री, सोगल सोमनाथाच्या दर्शनानंतर मनोळी नदीवर दही आणि भाताचा नैवेद्य अर्पण करतील. २३ डिसेंबरला जुगळभावी कुंडात लिंब नेसण्याच धार्मिक विधी झाल्यानंतर भाविक देवीच्या दर्शनासाठी रवाना होतील.

दरम्यान, यात्राकाळात डोंगरावर पावित्र्य राखण्याचे आवाहन भक्त संघटनांनी केले आहे. मालोजीराजे छत्रपती यांच्यावतीने यात्रेसाठी जिल्ह्यातून जाणाऱ्या भक्तांसाठी घटप्रभा कॅनॉल येथे २२ डिसेंबरला महाप्रसाद होत आहे. कर्नाटक हेल्थ इन्स्टिट्यूटच्या आवारात महाप्रसादाचे वाटप होईल.

मोबाइल अॅप डाउनलोड करा आणि राहा अपडेट

पगार द्या, अन्यथा तीव्र निदर्शने करू

December 20, 2015, 12:11 pm

≫ Next: महाराष्ट्र, गोव्यासाठी फेब्रुवारीत सैन्यभरती

≪ Previous: सौंदत्ती यात्रेसाठी १५५ एसटी

$

0

0

जिल्हा सहकारी नोकर युनियनचा शेतकरी संघाला इशारा

म. टा. प्रतिनिधी, कोल्हापूर

शेतकरी सहकारी संघातून वयाच्या ५५ व्या वर्षी बेकायदेशीररीत्या काढून टाकलेल्या कर्मचाऱ्यांना त्यांचा ५५ ते ६० या पाच वर्षांतील पगार हायकोर्टाच्या आदेशानुसार द्यावा, अन्यथा संघाच्या कार्यालयाबाहेर तीव्र निदर्शने करू, असा इशारा शनिवारी कोल्हापूर जिल्हा सहकारी नोकर युनियनने पत्रकार परिषदेत दिला. संघाने त्यानंतरही आमची मागणी मान्य केली नाही, तर संघाविरोधात कोर्टाच्या अवमानाचा गुन्हा दाखल करू, असा इशाराही युनियनचे अध्यक्ष कॉ. दिलीप पवार यांनी यावेळी दिला. सध्या २३ कामगारांचे सुमारे सव्वा कोटी रुपये संघाकडे थकीत आहेत.

कॉ. पवार म्हणाले, 'संघात आमची एकमेव मान्यताप्राप्त युनियन आहे. आमच्या युनियनच्या जवळपास दोनशे सभासदांना साधारण पाच वर्षांपूर्वी आकस्मिकपणे कामावरून कमी करण्यात आले. त्यातील ४० जणांनी कोर्टात धाव घेतली. कामगार न्यायालयाने ७ ऑगस्ट २०१२ रोजी युनियनच्या बाजूने निर्णय दिला. त्यानंतर संघाने फेरविचार याचिका दाखल केली. ती १० ऑक्टोबर २०१४ रोजी ती फेटाळून लावली. त्यावर संघाने हायकोर्टात अर्ज दाखल केला. तोही कोर्टाने ३१ ऑगस्ट २०१५ रोजी हायकोर्टाने नामंजूर केला. या आदेशाची संघाने आजवर पूर्तता केलेली नाही.'

कामावरून काढून टाकलेल्या जवळपास सर्वच कर्मचाऱ्यांची घरची परिस्थिती बेताची आहे. तसेच हायकोर्टापर्यंत सर्वच ठिकाणी युनियनच्या बाजूने निकाल लागल्यामुळे त्यात बदल होण्याची शक्यता नाही. त्यामुळे संघाने त्वरित याचा विचार करून कर्मचाऱ्यांचे थकीत पैसे द्यावे, अन्यथा युनियन तीव्र आंदोलन करेल, असा इशारा कॉ. पवार यांनी दिला. यावेळी आयटकचे जिल्हाध्यक्ष एस. बी. पाटील, आनंदराव परुळेकर, जमीर काझी उपस्थित होते.

मोबाइल अॅप डाउनलोड करा आणि राहा अपडेट

महाराष्ट्र, गोव्यासाठी फेब्रुवारीत सैन्यभरती

December 20, 2015, 1:30 pm

≫ Next: सभेबाबत अनिश्चितता

≪ Previous: पगार द्या, अन्यथा तीव्र निदर्शने करू

$

0

0

महाराष्ट्र, गोव्यासाठी फेब्रुवारीत सैन्यभरती

कोल्हापूर ः महाराष्ट्रातील सहा व गोवा राज्यातील दोन जिल्ह्यांमधील पात्र उमेदवारांसाठी ३ ते २० फेब्रुवारी दरम्यान सोल्जर जनरल ड्युटी, सोल्जर क्लार्क/स्टोअरकिपर टेक्निकल, सोल्जर टेक्निकल, सोल्जर ट्रेडसमन या पदांची भरती करण्यात येणार आहे. त्यासाठी १९ जानेवारीपर्यंत संकेतस्थळावर नोंदणी करता येणार आहे, असे जिल्हा सैनिक कल्याण अधिकारी सुहास सासने यांनी सांगितले.

इच्छूक व पात्र उमेदवारांसाठी www.joinindianarmy.nic.in या संकेतस्थळावर अर्ज भरण्याच्या सर्व सूचना व लिंक उपलब्ध आहेत. सेना भरती रॅलीमध्ये फक्त अॅडमिट कार्ड असलेल्या उमेदवारांचा प्रवेश दिला जाणार आहे.ऑनलाईन अर्ज भरलेल्या उमेदवारांना अॅडमिट कार्ड उमेदवारांच्या ई-मेल आयडीवर १९ जानेवारीनंतर पाठविले जाणार आहे. भरती प्रक्रियेसाठी ३ फेब्रुवारी रोजी रत्नागिरी, ४ ते ६ फेब्रुवारी सांगली, ७ फेब्रुवारी रोजी वैद्यकीय परीक्षा, ८ व ९ फेब्रुवारी सोलापूर, १० ते १२ फेब्रुवारी कोल्हापूर, १३ फेब्रुवारी रोजी वैद्यकीय परीक्षा, १४ फेब्रुवारी रोजी सिंधुदुर्ग व गोवा, १५ ते १७ फेब्रुवारी सातारा, १८ ते २० फेब्रुवारी रोजी वैद्यकीय परीक्षा होईल.

मोबाइल अॅप डाउनलोड करा आणि राहा अपडेट

सभेबाबत अनिश्चितता

December 20, 2015, 11:15 am

≫ Next: नवी पिढी घडवताना सजगता आवश्यक

≪ Previous: महाराष्ट्र, गोव्यासाठी फेब्रुवारीत सैन्यभरती

$

0

0

जिल्हा परिषद सदस्य सहलीवर; पंधरा दिवसांत होणार सभा

म. टा. प्रतिनिधी, कोल्हापूर

विधानपरिषदेच्या निवडणुकीमध्ये माजी मंत्री सतेज पाटील आणि विद्यमान आमदार महादेवराव महाडिक यांच्यात काटाजोड लढत होणार आहे. राजकीय अस्तित्वाच्या लढाईत दगाफटका होऊ नये यासाठी दोन्ही गटांकडून निकाराचे प्रयत्न केले जात आहेत. त्यामुळे महापालिका, जिल्हा परिषद आणि नगरपालिकेच्या अनेक सदस्यांना सहलीवर पाठवले आहे. जिल्हा परिषदेचे काँग्रेस व राष्ट्रवादीचे सदस्य सहलीवर गेले असल्याने मंगळवारी (ता.२२) होणारी जिल्हा परिषदेच्या सर्वसाधारण सभेवर अनिश्चिततेचे सावट निर्माण झाले आहे.

जिल्हा परिषदेवर काँग्रेस, स्वाभिमानी शेतकरी संघटना आणि शाहू विकास आघाडी यांची सत्ता आहे. राष्ट्रवादी काँग्रेस येथे विरोधी पक्षाची भूमिका बजावत असला तरी, राज्यातील विधानपरिषद निवडणुका एकत्रित लढवण्याचा निर्णय झाला आहे. जिल्हा परिषदेत काँग्रेसचे ३० सदस्य असून, राष्ट्रवादी काँग्रेसची १६ सदस्य संख्या आहे. स्वाभिमानी शेतकरी संघटना, शिवसेना, भाजप मिळून १५ सदस्य आहेत. जिल्हा परिषदेच्या सत्तेत काँग्रेससोबत शेतकरी संघटना असली तरी त्यांनी अद्याप विधानपरिषद निवडणुकीसाठी कोणत्याही उमेदवाराला पाठिंबा दिलेला नाही. माजी मंत्री पाटील यांना राष्ट्रवादी काँग्रेसने पाठिंबा जाहीर केला असून त्यांच्या १६ सदस्यांसोबत पंचायत समितीचे तीन सभापती सहलीसाठी स्वतंत्ररीत्या रवाना झाले आहेत, तर काँग्रेसचेही काही सदस्य सहलीवर गेले आहेत.

दोन्ही काँग्रेसचे सदस्य सहलीवर गेले असल्याने मंगळ‍वारी होणाऱ्या सर्वसाधारण सभेवर प्रश्नचिन्ह निर्माण झाले आहे. सभा होण्यासाठी एक तृतीयांश म्हणजे २३ सदस्यांची आवश्यकता भासणार आहे. इतकी सदस्य संख्या उपस्थित राहण्याची शक्यता कमी असल्याने सर्वसाधारण सभा तहकूब होण्याची शक्यता आहे. बहुतांश सदस्य सहलीवर गेले असले तरी, वर्षभरात झालेल्या जिल्हा बँक, बाजार समिती, गोकुळ, आदी निवडणुकांदरम्यान पक्षापेक्षा गटातटाला महत्त्व प्राप्त झाले आहे. त्यामुळे पक्षापेक्षा गटाला महत्त्व देऊन विधानपरिषद निवडणुकीत मतदान होणार आहे. त्यामुळे पाटील व महाडिक गटाकडून दगाफटका होऊ नये यासाठी सदस्यांना सहलीवर पाठवण्यात आले आहे.

तटकरे-चव्हाण यांची लवकरच बैठक

कोल्हापूर जिल्हा परिषदेत सत्तेत सहभागी करून घेण्यासाठी राष्ट्रवादीच्या सदस्यांनी पक्षाचे नेते आमदार हसन मुश्रीफ यांच्याकडे मागणी केली होती. गेल्या चार वर्षांपासून सत्तेत नसल्याने विकासकामाबाबत त्यांच्याकडून दुजाभाव होत असल्याचा आरोप केला जात होता. सदस्यांनी व्यक्त केलेली नाराजी मुश्रीफ यांनी प्रदेशाध्यक्ष सुनील तटकरे यांच्यासमोर मांडली होती. तटकरे यांनी याबाबतचा निर्णय काँग्रेसचे प्रदेशाध्यक्ष अशोक चव्हाण यांच्यासोबत चर्चा करून घेणार असल्याचे सांगितले होते. राज्यात अनेक ठिकाणच्या जिल्हा परिषदेत परस्परांनी एकमेकांना सत्तेच्या बाहेर ठेवले असल्याने राज्यातील सर्वच जिल्हा परिषदेबाबत निर्णय होणार आहे. यासाठी तटकरे व चव्हाण यांच्यामध्ये निवडणुकीनंतरच बैठक होणार आहे.

मोबाइल अॅप डाउनलोड करा आणि राहा अपडेट

नवी पिढी घडवताना सजगता आवश्यक

December 20, 2015, 1:30 pm

≫ Next: कोल्हापूर-जयगडची वाट खडतर

≪ Previous: सभेबाबत अनिश्चितता

$

0

0

म. टा. प्रतिनिधी, कोल्हापूर

'बालसाहित्यातून लिहिण्याची प्रेरणा मिळत असून नव्या पिढीला घडविण्यासाठी समाज, शिक्षक आणि पालकांनी सजग राहण्याची आवश्यकता आहे,' असे प्रतिपादन ज्येष्ठ साहित्यिक प्रा. चंद्रकुमार नलगे यांनी केले.

रंकाळा वेस येथील नागोजीराव पाटणकर हायस्कूलमध्ये मराठी बालकुमार साहित्य सभेने घेतलेल्या शालेय लेखन स्पर्धा, शिक्षक पालक निबंध स्पर्धा आणि उत्कृष्ट बालवाड्.मय पुरस्काराच्या वितरण समारंभप्रसंगी ते अध्यक्षस्थानावरून बोलत होते. या कार्यक्रमात स्मिता पानसरे आणि सुभाष विभुते यांच्या प्रमुख उ‌पस्थितीत 'स्पंदन' या बालकविता संग्रहाचे प्रकाशन करण्यात आले.

स्मिता पानसरे म्हणाल्या, 'जे साहित्य माणसाला विचार देते, त्याला येणाऱ्या संकटामध्ये दिशा दाखविते असे साहित्य महत्त्वूपर्ण आहे. लिहिण्यासाठी वाचन आवश्यक असून मुलांच्या विश्वात जाऊन त्यांचे साहित्य निर्माण करणे सोपे नसून वय बाजूला ठेऊन गोष्टीरूपात साहित्य उपलब्ध करण्याचे आव्हान लेखकाला पेलावे लागते.'

सुभाष विभुते म्हणाले, 'साहि‌त्यामध्ये इतिहास पुसणारे नव्हे तर इतिहास घडविणारे लेखक निर्माण झाले पाहिजेत. शब्दांवर विश्वास ठेवा, साहित्याच्या आत्मविश्वासानेच पुढची पिढी घडणार आहे.'

मान्यवरांच्या हस्ते बालकथा या साहित्यप्रकारातील पुरस्कार परभणी येथील अर्चना डावरे यांच्या 'वर्तुळाबाहेर' पुस्तकाला, कादंबरी विभागातील पुरस्कार आजरा येथील दयानंद उपासे यांच्या 'वीरधवल' कादंबरीला, नांदेडच्या डॉ. भगवान अंजनीकर यांच्या 'नरेंद्र मोदी' या चरित्रग्रंथाला चरित्र विभागाचा पुरस्कार देण्यात आला. याप्रसंगी सोलापूरच्या फारुक काझी लिखित 'शिकण्याच्या वाटेवरचं आनंदवन', बालकविता प्रकारात मोहोळच्या डॉ. स्मिता पाटील यांच्या 'गंमतगाणी, औरंगाबाद येथील अयुब लोहगांवकर यांच्या 'मला शाळेत जायचंय' या पुस्तकाला, रत्नागिरी येथील सुनील दबडे यांच्या 'शिक्षणाचा टिळा', शाहूवाडीतील अनिकेत सुतार या विद्यार्थ्यांच्या 'काव्यसमुद्रातील होडी,' या पुस्तकाला बालकवी पुरस्कार तर प्रकाशन विभागातील पुरस्कार ज्ञानराज भेलोंडे यांच्या ज्ञानसंवर्धन प्रकाशनाला देण्यात आला.

डॉ. मा. ग. गुरव यांनी प्रास्ताविक केले. दीप्ती कुलकर्णी व नसीम जमादार यांनी सूत्रसंचालन केले. स्नेहा वाबळे यांनी आभार मानले.

मोबाइल अॅप डाउनलोड करा आणि राहा अपडेट