सनी पोवार खुनातील साक्षीदार फितूर

December 11, 2015, 11:50 am

≫ Next: शिवसेनेच्या मतदारांना मिळणार ‘भाव’

≪ Previous: सतेज यांनी माघार घ्यावी

$

0

0

म. टा. प्रतिनिधी, कोल्हापूर

पेठवडगाव पोलिस ठाण्यातील सनी पोवार खून खटल्याच्या सुनावणीवेळी तानाजी भिकाजी सावंत (रा. पेठवडगाव) हा साक्षीदार शुक्रवारी फितूर झाला. जिल्हा सत्र न्यायाधीश एम.बी. पाटील यांच्या कोर्टात सुनावणी सुरू आहे.

या गुन्ह्याचा तपास सीआयडीने केला आहे. तपास कामात पोलिसांनी तानाजी सावंत यांची साक्षीदार म्हणून पोलिस निरीक्षक आर.बी. कुंभार यांनी सही घेतली होती; पण सही करण्यापूर्वी आपण काही वाचले नव्हते असे त्यांनी स्पष्ट केले. त्यामुळे साक्षीदार फुटल्याचे सरकारी वकील अशोक रणदिवे यांनी कोर्टाच्या निदर्शनास आणले. सीआयडीचे पोलिस उपअधीक्षक मा.शा. पाटील यांनी पोलिस ठाण्याच्या बारा खोल्यांची तपासणी केली होती. यावेळी टीव्ही असलेल्या खोलीत सनीला ज्या काठीने मारहाण झाली ती काठी पोलिसांना एका लाप्टवर मिळाली. काठी जप्त करताना उपस्थित शिवाजी विठ्ठल सलगर व विलास कैलास शहाणे हे दोन साक्षीदार होते. सलगर यांनी कोर्टापुढे साक्ष देताना काठी सापडली होती त्यावेळी आपण हजर होतो अशी साक्ष दिली. यापुढील सुनावणी २८ डिसेंबरला होणार आहे.

मोबाइल अॅप डाउनलोड करा आणि राहा अपडेट

---

शिवसेनेच्या मतदारांना मिळणार ‘भाव’

December 11, 2015, 11:37 am

≫ Next: महाडिक, पाटील वैर संपवा

≪ Previous: सनी पोवार खुनातील साक्षीदार फितूर

$

0

0

satish.ghatage@timesgroup.com

विधानपरिषद निवडणुकीत शिवसेनेचे अधिकृत दहा मतदार असले तरी सेनेला माननारे २८ मतदार असल्याचा दावा नेत्यांकडून केला जात आहे. त्यामुळे सेनेच्या अधिकृत मतदार, सेनेला मानणाऱ्या मतदारांना चांगला भाव मिळणार आहे. भाजप-सेना एकत्र असली तरी सेना भाजपाच्या मागे जाणार का? असा प्रश्न आहे. भाजप महाडिक गटाच्या पाठीशी असला तरी सेना तालुक्यांच्या राजकारणातून वेगळी भूमिका घेण्याची शक्यता आहे.

महापालिका, जिल्हा परिषदेमध्ये शिवसेनेकडे अधिकृत दहा मतदार आहेत. कोल्हापूर महापालिकेत चार नगरसेवक तर जिल्हा परिषदेत सहा सदस्य आहेत. मात्र लोकसभा, विधानसभा निवडणुकीत काँग्रेसच्या अनेक सदस्यांनी धनुष्यबाण हाती घेतल्याने जिल्हा परिषदेतील बलाबलातही फरक पडला.

सेनेचे आमदार राजेश क्षीरसागर, चंद्रदीप नरके, सत्यजित पाटील, डॉ. सुजित मिणचेकर, प्रकाश आबिटकर यांच्यासह लोकसभा निवडणूक लढवणारे प्रा. संजय मंडलिक व कागलमधून निवडणूक लढवणाऱ्या संजय घाटगे यांची भूमिका महत्वाची ठरेल. महापालिकेतील आमदार क्षीरसागर यांचे चार नगरसेवक आहेत. विधानसभेवेळचे सख्य पाहता ही मते सतेज यांच्या पारड्यात पडण्याची चिन्हे आहेत. जिल्हा परिषदेत सेनेचे सहा सदस्य आहेत. त्यातील पाच सदस्य आमदार नरके तर एक डॉ. मिणचेकर यांना मानणारे आहेत. आमदार नरके यांचे काका अरुण यांचे महाडिक यांच्याशी चांगले संबध असल्याने ही मते त्यांना मिळण्याची दाट शक्यता आहे. मिणचेकर यांच्याकडील सदस्यही महाडिक यांच्या गोटात जाण्याची चिन्हे आहेत.

शाहूवाडीचे आमदार सत्यजित पाटील सरुडकर यांच्याकडे जिल्हा परिषदेचे दोन सदस्य आहेत. गोकुळच्या निवडणुकीत सत्यजित पाटील यांच्या आई अनुराधा या महाडिक पॅनेलमधून विजयी झाल्या. मात्रा सतेज पाटील यांचे सरुडकर पाटील यांच्याशी निकटचे संबध असल्याने ही मते कुठे फिरतील हे अनिश्चित आहे.

राधानगरीचे आमदार प्रकाश आबिटकर यांचे बंधू, जिल्हा परिषद सदस्य अर्जुन काँग्रेसचे सदस्य आहेत. कागल, राधानगरीमधील मंडलिक, घाटगे, आबिटकर गट महाडिक यांच्या विरोधक आहे. तेेथील मतेही सतेज यांच्याकडे वळतील संजय मंडलिक यांच्याकडे दोन जिल्हा परिषद सदस्य, मुरगुड नगरपालिकेतील चार तर कागल नगरपालिकेतील एक अशी सात मते आहेत. तर संजय घाटगे यांच्याकडे दोन जिल्हा परिषद सदस्य, एक पंचायत समिती सभापती, कागल नगरपरिषदेचे चार सदस्य आहेत. लोकसभा निवडणुकीमुळे मंडलिक गट महाडिकांविरोधात आहे. गोकुळच्या राजकारणातून संजय घाटगे यांचाही महाडिक गटावर रागच आहे.

मोबाइल अॅप डाउनलोड करा आणि राहा अपडेट

महाडिक, पाटील वैर संपवा

December 11, 2015, 11:51 am

≫ Next: समीर गायकवाडवर सोमवारी आरोपपत्र

≪ Previous: शिवसेनेच्या मतदारांना मिळणार ‘भाव’

$

0

0

म. टा. प्रतिनिधी, कोल्हापूर

'जिल्ह्यातील राजकारण शुद्ध करून विकासाला गती देण्यासाठी सतेज पाटील व आमदार महादेवराव महाडिक यांनी राजकीय वैर संपवावे,' असे आवाहन करत राष्ट्रवादीचे नेते आमदार हसन मुश्रीफ यांनी शनिवारी हवे तर सतेज पाटील यांना सोबत घेऊन महाडिकांना भेटून उमेदवारी मागे घेण्याची शिष्टाई करणार असल्याचे सांगितले. यावेळी काँग्रेसचे ज्येष्ठ नेते आमदार पतंगराव कदम यांनी सर्वत्र वातावरण बदलले असून केवळ विधानपरिषदच नव्हे तर गावापासून दिल्लीपर्यंत एकत्र जाण्याची सूचना राष्ट्रवादीला केली.

विधानपरिषद निवडणुकीतील काँग्रेसचे उमेदवार सतेज पाटील यांच्या प्रचारार्थ ड्रिम वर्ल्ड येथे शुक्रवारी सायंकाळी काँग्रेस, राष्ट्रवादी तसेच मित्र पक्षांचा संयुक्त ​मेळावा झाला. यावेळी माजी राज्यपाल डॉ. डी. वाय. पाटील यांच्यासह काँग्रेसचे निरीक्षक रमेश बागवे, सत्यजित देशमुख, प्रकाश आवाडे, के. पी. पाटील, शाहू आघाडीचे समरजितसिंह घाटगे, राजेखान जमादार, धैर्यशील माने, अशोक जांभळे, अंजना रेडेकर, संजीवनीदेवी गायकवाड, विद्या पोळ, राजू जयवंतराव आवळे, मदन कारंडे आदी प्रमुख नेते उप​स्थित होते. काँग्रेसचे जिल्हाध्यक्ष पी. एन. पाटील हे राष्ट्रवादीचे नेते शरद पवार यांच्या भेटीसाठी मुंबईला गेल्याने ते उपस्थित नव्हते, पण ते सोबत असल्याचे सतेज पाटील यांनी सांगितले. यावेळी डॉ. डी. वाय. पाटील यांनी काँग्रेसच्या नेत्यांनी विश्वास टाकून दिलेली उमेदवारी व राष्ट्रवादीचे खासदार शरद पवार, हसन मुश्रीफ यांनी दिलेल्या पाठींब्यामुळे निकाल आजच लागला आहे, अशा भावना व्यक्त केल्या.

मुश्रीफ म्हणाले, 'त्यावेळी त्यांना महाडिकांना उमेदवारी मिळाली तर विरोधक राहू नये यासाठी त्यांना घेऊन सतेज पाटील यांच्याकडे माघारीसाठी जाईन. सतेज पाटील यांना उमेदवारी मिळाली तर त्यांना घेऊन महाडिकांकडे माघारीसाठी जाईन व विनंती करेन असे सांगितले होते. हे वैर संपवण्यासाठी पाटील यांना उमेदवारी जाहीर झाल्यानंतर महाडिक यांना उमेदवारी अर्ज भरण्यासाठी या असे फोन करण्यास सांगितले होते. त्यानुसार पाटील यांनी फोन केला होता असे सांगतात. महाडिकांकडून अजून काही समजलेले नाही. पण आता तीनवेळा आमदारकी मिळाली आहे. आता हे राजकीय वैर संपवण्यासाठी महाडिकांनी उमेदवारी मागे घ्यावी असे आवाहन करण्यासाठी मी जाणार आहे.'

पतंगराव कदम म्हणाले, दिल्ली, बिहार, गुजरातमधील परिस्थिती पाहिली तर लोक सोबत येत असल्याचे चित्र आहे. त्यामुळे वळवळ केली तर काय होते याचा फटका राष्ट्रवादी आता पदोपदी घेत आहे. त्यामुळे राष्ट्रवादीनेही जिल्ह्यात वळवळ न करता गावापासून दिल्लीपर्यंत एकत्र जावे लागणार आहे.' सतेज पाटील म्हणाले, 'तरुण कार्यकर्त्याला पक्षाने उमेदवारी देऊन जो विश्वास दाखवला आहे, तो सार्थ ठरवण्यासाठी पक्षाचा उमेदवार विजयी करुन दाखवू. मते घेऊन गेलो व परत भेटलो नाही असे होणार नाही.' यावेळी के. पी. पाटील, समरजितसिंह घाटगे, राजू आवळे यांची भाषणे झाली.

आवाडेंवर यापुढे अन्याय होऊ देणार नाही

आवाडेंना एखादे काम सांगावे आणि ते त्यांनी पूर्ण करावे अशी त्यांची ख्याती आहे. त्यांची पक्षनिष्ठा सर्वांना माहिती आहे. त्यांनी उमेदवारी मागितली होती, त्यांच्याकडे मेरिटही होते. पण आम्हापैकी कुणालाही उमेदवारी द्या, अशी आघाडी करण्याची काय गरज होती. त्याबाबत मी यापूर्वीही त्यांना सुनावले. या भानगडीत कशाला पडला असे सांगत पतंगराव कदम यांनी ही आघाडीच भोवली असे सूचकपणे सांगितले; पण यापुढे अन्याय होऊ देणार नाही असा शब्दही दिला.

मोबाइल अॅप डाउनलोड करा आणि राहा अपडेट

समीर गायकवाडवर सोमवारी आरोपपत्र

December 11, 2015, 11:54 am

≫ Next: प्रकाश आवाडेंची माघार

≪ Previous: महाडिक, पाटील वैर संपवा

$

0

0

म. टा. प्रतिनिधी, कोल्हापूर

ज्येष्ठ नेते कॉम्रेड गोविंदराव पानसरे यांच्या हत्येप्रकरणी अटक केलेला संशयित सनातन संस्थेचा प्रमुख साधक समीर गायकवाड याच्यावर सोमवारी (ता.१४) कोर्टात आरोपपत्र दाखल करण्यात येणार आहे. समीरच्या न्यायालयीन कोठडीची ९० दिवसांची मुदत १६ डिसेंबरला संपणार आहे.

समीरवर आरोपपत्र दाखल करण्यासाठी कोल्हापूर पोलिस प्रशासनाने ज्येष्ठ विधिज्ञांची मदत घेतली आहे. एसआयटीचे प्रमुख संजयकुमार, कोल्हापूर विभागाचे पोलिस महानिरीक्षक संजय वर्मा यांच्या सल्ल्यानुसार आरोपपत्र दाखल करण्याचे काम सुरू आहे. आरोपपत्र तयार करताना गुप्तता पाळली जात आहे. आरोपपत्रात माहिती विचारली असता तपास अधिकारी अतिरिक्त पोलिस अधीक्षक एस. चैतन्य यांनी बोलण्यास टाळले.

आरोपपत्र दाखल करताना समीरविरुद्ध कोणते पुरावे दाखल करणार याची उत्सुकता लागली आहे. समीरची मैत्रिण व मानलेल्या बहिणीचे जबाब न्यायदंडाधिकारी यांच्यासमोर झाले असल्याने आरोपपत्र दाखल झाल्यावर दोघींच्या जबाबातील माहिती पुढे येणार आहे. समीरने पानसरे हत्येसंबधी मोबाइलवर संवाद केला होता.

मोबाइल अॅप डाउनलोड करा आणि राहा अपडेट

प्रकाश आवाडेंची माघार

December 11, 2015, 11:53 am

≫ Next: अडत्याला अटक व सुटका

≪ Previous: समीर गायकवाडवर सोमवारी आरोपपत्र

$

0

0

म. टा. प्रतिनिधी, कोल्हापूर

काँग्रेसमधील इच्छुक व अपक्ष उमेदवारी अर्ज भरलेले माजी आमदार प्रकाश आवाडे यांनी शुक्रवारी माघार घेतली. आमदार महादेवराव महाडिक यांनी आवाडेंना सोबत घेण्यासाठी लावलेली फिल्डींग पाहून दिल्लीहून परत येताच सतेज पाटील यांनी आवाडे यांची इचलकरंजी येथे भेट घेऊन त्यांना सोबत घेऊनच जिल्हाधिकारी कार्यालयात माघारीची प्रक्रिया पूर्ण केली. शनिवारी माघारीचा शेवटचा दिवस आहे. अन्य उमेदवारांबरोबर भाजपचा उमेदवारही माघार घेण्याची शक्यता आहे. त्यामुळे सतेज पाटील विरुद्ध महादेवराव महाडिक अशी दुरंगी लढत होईल, असे दिसते.

गुरुवारी दिल्लीत असलेले सतेज पाटील सकाळी नऊ वाजता कोल्हापुरात आले. आवाडेंसाठी महाडिकांचे सुरु असलेल्या प्रयत्नांमुळे वेळ न दवडता थेट आवाडे यांची भेट घेण्यासाठी ते रवाना झाले. जवाहर कारखान्यावर त्यांची भेट होऊन चर्चा झाली. त्यानंतर आवाडे व त्यांच्या नगरसेवकांनासोबत घेऊनच पाटील अर्ज माघार घेण्यास आले. त्यानंतर पत्रकारांशी बोलताना आवाडे म्हणाले, 'पक्षाकडून एक व अपक्ष असा अर्ज भरला होता. पक्षाकडून ​उमेदवारी मिळेल अशी अपेक्षा होती. त्यावेळी वेळ जायला नको म्हणून अर्ज भरला होता. पण पक्षाने सतेज पाटील यांना उमेदवारी दिली. वरिष्ठांच्या आदेशाचे पालन करुन आम्ही त्यांच्यासोबत राहण्याचा निर्णय घेतला. त्यांना आमचे नगरसेवक मदत करतील, काँग्रेसचे उमेदवार म्हणून निवडून आणू असे सांगितले. दिवसभरात प्रतिमा पाटील यांचा अर्जही माघार घेण्यात आला. अर्ज सादर केलेल्या बारा उमेदवारांपैकी दोघा उमेदवारांनी शुक्रवारी माघार घेतली. अन्य उमेदवार कमी करण्यासाठी दिवसभर प्रयत्न सुरू होते.

प्रा. मंडलिक-पाटील भेट

विधानपरिषद निवडणुकीत शिवसेनेने मदत करावी यासाठी सतेज पाटील यांनी पक्षाचे सहसंपर्कप्रमुख प्रा. संजय मंडलिक व माजी आमदार संजय घाटगे यांची भेट घेतली. गोकुळ निवडणुकीत घाटगे यांना महाडिक गटाने उमेदवारी दिली नव्हती. त्यामुळे घाटगे व मंडलिक हे सतेज पाटील यांच्या पॅनेलमध्ये सहभागी झाले होते. या पार्श्वभूमीवर पाटील यांनी या दोघांची भेट घेऊन बराच वेळ चर्चा केली. या चर्चेवेळी राजेखान जमादार उपस्थित होते.

मोबाइल अॅप डाउनलोड करा आणि राहा अपडेट

अडत्याला अटक व सुटका

December 12, 2015, 10:56 am

≫ Next: आणेवारीविरोधात ‘स्वाभिमानी’ आक्रमक

≪ Previous: प्रकाश आवाडेंची माघार

$

0

0

कोल्हापूर : कोल्हापूर शेती उत्पन्न बाजार समितीमधील अडते सुनील पाटील याने गुळाचे सौदे काढून उत्पादक शेतकऱ्यांनी फसवणूक केली होती. उत्पादकांची सुमारे १६ लाखांची देणी न देता दोन वर्षांपासून पोबारा केलेल्या पाटीलला शुक्रवारी पाटणे (ता. शाहूवाडी) येथे शिताफीने पकडण्यात आले.

उत्पादकांची देणी एक महिन्याच्या आत देण्याचे लेखी पत्र घेतल्यानंतर त्याला समितीच्या संचालकांनी शाहूपुरी पोलिसांच्या ताब्यात दिले. शाहूपुरी पोलिसांनी त्याची चौकशी करून महिन्याची मुदत दिली.

समितीमध्ये स्वामी समर्थ व गणेश ट्रेडर्स या फर्मच्या माध्यमातून पाटील गूळ सौदे काढत होता. शाहूवाडी व पन्हाळा तालुक्यातील उत्पादकांचे सौदे काढल्यानंतर त्यांच्या सुमारे सोळा लाखांच्या रकमेसह पसार झाला होता. न्यायालयाच्या निर्देशानुसार त्याच्यावर गुन्हा दाखल केल्यानंतर त्याच्या कौलव येथील स्थावर मालमत्तेवर बोजाही चढवला होता. जिल्हाधिकारी यांच्यामार्फत महसूल वसुलीसाठी प्रयत्न सुरू केले होते.

मोबाइल अॅप डाउनलोड करा आणि राहा अपडेट

आणेवारीविरोधात ‘स्वाभिमानी’ आक्रमक

December 12, 2015, 10:58 am

≫ Next: भाज्या कडाडल्या, डाळी स्थिर

≪ Previous: अडत्याला अटक व सुटका

$

0

0

कोल्हापूरः जिल्ह्यात पडलेल्या अपुऱ्या पावसामुळे अन्नधान्याचे उत्पादन घटले आहे, तर रब्बी हंगामासह बागायती शेतीलाही पाणीटंचाईचा धोका निर्माण झाला आहे. जिल्ह्यातील जलाशयांमधील पाणीसाठा कमी होत असतानाच भूजलपातळीतही घटल्याने शेतकऱ्यांची चिंता वाढली आहे. या पार्श्वभूमीवर महसूल विभागाने जिल्ह्यातील टंचाई जाणवणाऱ्या गावांमध्ये पुन्हा सुधारित पीक आणेवारी करावी, अशी मागणी स्वाभिमानी शेतकरी संघटनांकडून केली जात आहे.

पीक आणेवारी काढण्याची पद्धत आणि प्रत्यक्षात महसूल विभागाच्या कामातील विसंगतीमुळे जिल्ह्यातील टंचाई जाणवू लागलेल्या गावातील शेतकरी हवालदिल झाले आहेत. भलेही खरिपाचे नुकसान सरकारच्या नियमानुसार ५० टक्क्यांवर झाले नसले तरी ५३ ते ४० टक्के झालेले नुकसान भरून कसे काढायचे? असा प्रश्न शेतकऱ्यांसमोर पडला आहे. आजरा, चंदगड, गडहिंग्लज, कागल, हातकणंगले आणि शिरोळ तालुक्यातील ४५ ते ५० गावांमध्ये पिकांचे नुकसान ५० टक्क्यांच्या आसपास असल्याचा दावा शेतकरी संघटनांनी केला आहे. खरिपातील पिकांची तूट आणि पुढे रब्बीसह बागायती शेतीलाही पाण्याची उपलब्धता पुरेशी नसल्याने शेतकरी धास्तावले आहेत. जिल्ह्यातील चित्री आणि हिरण्यकेशी खोऱ्यात याआधीच पाटबंधारे विभागाने उपसाबंदी लागू केली आहे. लवकरच पंचगंगा नदीवरही उपसाबंदी लागू होऊ शकते असे जाहीर केले आहे. संभाव्य पाणीटंचाईचा धोका लक्षात घेऊन पालकमंत्री चंद्रकांत पाटील यांनी सर्वच जलाशयांमधील १५ टक्के पाणी पिण्यासाठी राखीव ठेवण्याचे आदेश दिले आहेत, त्यामुळे शेतीसाठी वापरल्या जाणाऱ्या पाण्यावर निर्बंध वाढणार आहेत. पाटबंधारे विभागाने महिन्याभरापूर्वीच शेतकऱ्यांना नवीन ऊस लागण करू नये अशा सूचना पाणीपुरवठा योजनांना दिल्या आहेत. जिल्ह्यातील जलाशयांमधील उपलब्ध पाणीसाठा आणि त्यावरील सिंचनाखालील क्षेत्र पाहता उन्हाळ्यात पिकांसाठी पाणी मिळेल की नाही अशी स्थिती आहे.

पाणीटंचाईचा संभाव्य धोका लक्षात घेऊनच जिल्ह्यातील शेतकरी पीक विमा घेण्याकडे वळले आहेत. गेल्या तीन वर्षांचा विचार करता सन २०१५-१६ साठी पीक विमा घेणाऱ्या शेतकऱ्यांची संख्या वाढली आहे. १५ डिसेंबरपर्यंत यामध्ये आणखी वाढ होणार आहे. पीक आणेवारी केवळ समोर दिसणाऱ्या पिकांच्या परिस्थितीवर न करता प्रत्यक्षात पिकांचा उतारा लक्षात घ्यावा अशी अपेक्षा आहे. टंचाईच्या सरकारी निकषांमध्ये जिल्ह्यातील एकही गाव बसत नसल्याचा दावा महसूल अधिकाऱ्यांचा असतानाच सांगली जिल्ह्यातील तासगाव तालुका या निकषामध्ये कसा बसतो? असाही प्रश्न शेतकरी विचारत आहेत. अधिकारी केवळ धरणांचा आणि डोळ्यांना दिसत असलेल्या हिरवळीचा विचार करतात; पण प्रत्यक्षात पिकांचा उतारा किती मिळाला याचा विचार करीत नसल्याचा आरोप आहे, त्यामुळेच नव्याने पाहणी करण्याची मागणी आहे.

भूजलपातळी खालावली

गेल्या पाच वर्षांच्या तुलनेत यावर्षी भूजलपातळी खालावल्याचे निरीक्षण भूजल तपासणीतून स्पष्ट झाले आहे. जिल्ह्याच्या एकूण भूजलपातळीत सरासरी ०.८६ मीटरची घट झाली असून, सर्वाधिक घट शाहूवाडी तालुक्यात १.४९ मीटरची झाली आहे. यानंतर हातकणंगले १.२६, चंदगड १.१४ आणि शिरोळ तालुक्यातील भूजलपातळी १.०२ मीटरने खालावली आहे.

सरकारी यंत्रणेला वस्तुस्थितीची जाणीव करून घ्यावी लागेल. केवळ कागदोपत्री काम उरकून चालणार नाही. अधिकाऱ्यांनी प्रत्यक्ष शेतात जाऊन आणेवारी करावी. शेतकऱ्यांवर अन्याय होत असेल तर रस्त्यावर उतरून आंदोलन करू.

- सदाभाऊ खोत, प्रदेशाध्यक्ष, स्वाभिमानी शेतकरी संघटना

अंतिम आणेवारी १५ डिसेंबरला जाहीर होणार आहे. काही गावांच्या तक्रारी आल्या आहेत. याआधीच्या आणेवारींमध्ये पीक नुकसानीची टक्केवारी ५० टक्क्यांच्या आत आहे. अंतिम आणेवारी काळजीपूर्वक करू.

- डॉ. अमित सैनी, जिल्हाधिकारी

मोबाइल अॅप डाउनलोड करा आणि राहा अपडेट

भाज्या कडाडल्या, डाळी स्थिर

December 12, 2015, 11:03 am

≫ Next: प्रवाशाला लुटणाऱ्या तोतया पोलिसाला अटक

≪ Previous: आणेवारीविरोधात ‘स्वाभिमानी’ आक्रमक

$

0

0

म. टा. प्रतिनिधी, कोल्हापूर

या आठवड्यात किरकोळ बाजारात आवक कमी झाल्याने आणि लग्नसराईमुळे मागणी वाढल्यामुळे भाज्यांचे दर कडाडले आहेत. सरासरी प्रतिकिलो १५ ते २० रुपये भाज्यांचे दर वाढले आहेत. लसूणही २०० रुपये किलोवर पोहोचला आहे. तूरडाळीचा दर अद्याप २०० रुपयांच्या आसपास असल्याने डाळींबाबत ग्राहकांना दिलासा मिळालेला नाही. याउलट कांदा आणि टोमॅटोचे दर मात्र काहीसे उतरले आहेत. रोजच्या आहारातील भाज्यांचे दर वाढल्यामुळे ग्राहकांच्या खिशाला कात्री लावणारा हा आठवडा ठरणार आहे.

दिवाळीनंतर सुरू झालेली लग्नसराई, आवक कमी झाल्याने अचानक भाज्यांचे दर वाढले आहेत. गेल्या आठवड्यात ४० ते ६० रुपये किलोच्या आसपास मिळणाऱ्या सर्वच भाज्या या आठवड्यात ६० ते ८० रुपये किलो दराने मिळत आहेत. कोल्हापूर जिल्ह्यातील शिरोळ, हातकणंगले परिसरासह सांगली जिल्ह्यातील मिरज आणि कर्नाटकातील बेळगाव परिसरातून भाज्यांची आवक सुरू आहे. लग्नसराईमुळे कर्नाटक आणि मिरजहून येणारी भाज्यांची आवक कमी झाली आहे. मागणी अधिक आणि आवक कमी असल्यामुळेच दरांवर परिणाम झाला असून, पालेभाज्या, फळभाज्यांचेही दर वाढले आहेत.

गव्हाचे दर स्थिर

किरकोळ बाजारात फ्लॉवर ४० रुपये नग, शेवगा २० रुपयांना तीन शेंगा आहेत. या आठवड्यात बटाट्याचे दर तीन ते पाच रुपयांनी वाढले असून २० ते २५ रुपये दर आहेत. कांद्याचे दर उतरले आहेत. ते २० ते २५ रुपयांवर आले आहेत. लसूणाचे दर सलग तिसऱ्या आठवड्यात वाढले आहेत. गेल्या आठवड्यात १६० ते १७० रुपये किलो मिळणारा लसूण या आठवड्यात २०० रुपयांवर पोहोचला आहे. लिंबांचा दरही वाढला असून, २५० ते ३०० रुपये शेकडा लिंबूचे दर आहेत. धान्यांमध्ये गहू २६ ते ३० रुपये, ज्वारीमध्ये महिंद्रा २४ रुपये, बार्शी ३५ रुपयांवर स्थिर आहे.

तांदूळ

तांदुळामध्ये सर्वच प्रकारच्या तांदुळाचे दर स्थिर आहेत. यामध्ये इंद्रायणी ५०, दावत ६० ते ७०, सोनम ४५, एचमटी ३६, घनसाळ - ६८, कोलम ४२, दिल्ली राईस ६०, चमक ४५, असे दर गेल्या तीन आठवड्यांपासून कायम आहेत. बासमतीमध्ये विविध प्रकारचे तांदूळ ३० रुपयांपासून ते १२० रुपये प्रतिकिलोपर्यंत आहेत. साखर २७ ते ३० रुपये प्रकिलो दर कायम आहे. गुळाचे दरही ३५ रुपयांवर स्थिर आहेत.

डाळी

डाळी आणि कडधान्यांमध्ये तूरडाळ वगळता इतर दर या आठवड्यात स्थिर राहिले आहेत. उडीद डाळ १८० मूगडाळ १३०, मटकी १२०, मसूर डाळ ९०, हरभरा ८० रुपये किलो दर आहेत. तूरडाळीचे दर मात्र १८० ते २०० रुपयांपर्यंत पोहोचले आहेत.

खाद्यतेल स्थिर

खाद्यतेलांमध्येही फारसे चढउतार झालेले नाहीत. खोबरेल तेल २००, शेंगतेल १२०, सूर्यफुल तेल ९५, सोयाबिन आणि सरकी तेल ७० रुपये प्रतिकिलो दर आहेत.

फळमंडई

फळांमध्ये संत्री आणि केळ्यांची आ‍वक कायम असल्याने दर स्थिर आहेत. डाळिंबांची आवक वाढली आहे, तर चमेली बोर आणि अॅपल बोरांचीही आवक कायम आहे. थंडीबरोबर स्ट्रॉबेरीची आवक वाढत आहे. चिकू, मोसंबी, पपई, पेरू. अननस यांचीही आवक आणि दरही स्थिर आहे. स्ट्रॉबेरीचा ३५ ते ४० रुपये बॉक्स दर कायम आहे. सफरचंद ८० ते १०० रुपये, डाळिंब ७० ते ८०, बोरे २० ते ४० रुपये, मोसंबी ६० ते ८० रुपये, चिकू ५० ते ६०, पपई १० ते ३० रुपये प्रति नग असे दर कायम आहेत. संत्र्यांची आवक वाढली असून संत्री २० ते ३० रुपये प्रतिकिलो आहेत.

मोबाइल अॅप डाउनलोड करा आणि राहा अपडेट

---

प्रवाशाला लुटणाऱ्या तोतया पोलिसाला अटक

December 12, 2015, 11:04 am

≫ Next: राज्य नाट्यमध्ये ‘बळी’ची बाजी

≪ Previous: भाज्या कडाडल्या, डाळी स्थिर

$

0

0

कोल्हापूर : पोलिस असल्याचे भासवून प्रवाशाला लुटणाऱ्या समीर इलाही अरब (वय ४०, रा. किणी, ता. हातकणंगले) या तोतया पोलिसाला अटक केली. ही घटना शुक्रवारी रात्री पावणेआठच्या सुमारास घडली. सीबीएस वटेश्वर मंदिराजवळून रात्री साडेबारा वाजता शिवाजी आचलू मेमाने (२७, नववी गल्ली दुर्गामाता मंदिराजवळ रा. जयसिंगपूर) जात होते. यावेळी अरब त्यांच्याजवळ आला. त्याने पोलिस असल्याचे सांगून मंदिराच्या मागे नेले व मेमाने यांच्याकडील रोख सात हजार सहाशे रुपये व मोबाइल चोरला. मेमाने यांनी शाहूपुरी पोलिस ठाण्यात तक्रार दिली.

इचलकरंजीत दीड लाख लंपास

इचलकरंजी ः येथील हुलगेश्वरी रोडवर तीन ठिकाणी सूत व्यापाऱ्यांची कार्यालये फोडून चोरट्यांनी सुमारे दीड लाख रुपयांचा मुद्देमाल चोरून नेला. या घटनेची नोंद शिवाजीनगर पोलिस ठाण्यात झाली आहे. हुलगेश्वरी रोडवर हॉटेल चंद्रशिलानजीक महेश रामदेव बांगड व सुरेशचंद्र बिडला यांच्यासह परिसरातील वासुदेव रामेश्वर बांगड यांच्या सूतपेढीतही चोरट्यांनी डल्ला मारला.

पंचगंगेत युवकाची आत्महत्या?

कोल्हापूरः पंचगंगा नदीवरील शिवाजी पुलावरून एका युवकाने नदीत उडी मारल्याची चर्चा परिसरात सुरू होती. पुलाजवळ एक बेवारस मोपेड व शाल पडलेली आढळली. यासंदर्भात स्थानिक नागरिकांनी पोलिस ठाण्याशी संपर्क साधला आहे; पण पोलिस ठाण्यात कोणत्याही प्रकारची नोंद झालेली नाही.

दुचाकीस्वार ठार

कोल्हापूर : करवीर तालुक्यातील महे ते बीड रस्त्यावर पुलाजवळ मोटारसायकलला अपघात झाल्याने बाळू धोंडिराम कांबळे (रा. महे, ता. करवीर) हा मोटारसायकलस्वार ठार झाला. शुक्रवारी रात्री साडेबाराच्या सुमारास अपघात घडला. त्यांना रात्री सीपीआरमध्ये उपचारास दाखल केले होते.

मोबाइल अॅप डाउनलोड करा आणि राहा अपडेट

राज्य नाट्यमध्ये ‘बळी’ची बाजी

December 12, 2015, 11:06 am

≫ Next: सेवानिवृत्त अधीक्षक अटोळेंची अरेरावी

≪ Previous: प्रवाशाला लुटणाऱ्या तोतया पोलिसाला अटक

$

0

0

म. टा. प्रतिनिधी, कोल्हापूर

राज्य सांस्कृतिक कार्यसंचालनालयातर्फे घेण्यात आलेल्या ५५ व्या राज्यनाट्य स्पर्धेच्या प्राथमिक फेरीत कोल्हापूर केंद्रातील अ​भिरुची संस्थेच्या कलाकारांनी सादर केलेल्या गिरीश कर्नाड लिखित 'बळी' या नाटकाने बाजी मारत अंतिम फेरीत प्रवेश केला.

मनोसंघर्षावर बेतलेल्या या नाटकासाठी ​​जितेंद्र देशपांडे यांना दिग्दर्शनाचेही पहिले पारितोषिक जाहीर आले. वारणानगर येथील प्रज्ञान कला अकादमीच्या 'आला रे राजा' या नाटकाने द्वितीय क्रमांक पटकावला तर तृतीय क्रमांकावर फिनिक्स क्रिएशनच्या 'नाव झालच पाहिजे' या नाटकाने नाव कोरले.

२४ नोव्हेंबर ते १० डिसेंबर या कालावधीत शाहू स्मारक भवन येथे ही स्पर्धा झाली. स्पर्धेत १४ नाटके सादर करण्यात आली. परीक्षक म्हणून शाम अधटराव, सुरेश खानविलकर, माणिक वड्याळकर यांनी काम पाहिले. आता या नाटकाची निवड राज्यस्तरीय फेरीसाठी झाली आहे.

स्पर्धेचा सविस्तर निकाल

दिग्दर्शन : प्रथम - ​जितेंद्र देशपांडे (बळी), द्वितीय - विजय पोवार (आला रे राजा). प्रकाश योजना - प्रथम - ऋ​षिकेश पवार (आला रे राजा), दि्वतीय- कपिल मुळे (बळी) , नेपथ्य- प्रथम - आशपाक मुल्ला (आला रे राजा), दि्वतीय- अभय मणचेकर (कबीर), रंगभूषा - सुनील मुसळे (महामृत्यूंजय), दि्वीतीय - इलाही खलिफा ( कदा​​चित), उत्कृष्ट अ​भिनय रौप्यपदक- संजय दिवाण (बळी), संस्कृती रांगणेकर (बळी). अ​भिनयासाठी गुणवत्ता प्रमाणपत्रे धनश्री गुरव, स्वरुपा फडके, उत्तरा पाटील, सीमा मकोटे, युवराज ओतारी, आदित्य खेबूडकर, प्रमोद पुजारी, अनिकेत ढाले.

मोबाइल अॅप डाउनलोड करा आणि राहा अपडेट

सेवानिवृत्त अधीक्षक अटोळेंची अरेरावी

December 12, 2015, 11:07 am

≫ Next: कोरेंचा आज निर्णय

≪ Previous: राज्य नाट्यमध्ये ‘बळी’ची बाजी

$

0

0

लॉग बुक देण्यावरून स्टेनोशी वाद

म. टा. प्रतिनिधी, कोल्हापूर

नुकतेच सेवानिवृत्त झालेले जिल्हा अधीक्षक कृषी अधिकारी मोहन अटोळे यांनी शुक्रवारी कार्यालयात येऊन स्टेनोला अरेरावी केली. वाहन प्रवास कमी दाखविण्यासाठी त्यांनी स्टेनोकडे लॉग बुकची मागणी केली. त्याला नकार दिलेल्या स्टेनोशी त्यांनी वाद घातल्याने उपस्थित कर्मचारीही अचंबित झाले. अटोळे यांनी केलेल्या गोंधळाची चर्चा सुरू होती.

अटोळे नोव्हेंबरमध्ये निवृत्त झाले असून, कर्मचाऱ्यांनी त्यांचा सत्कारही केला होता. 'आत्मा'चे बसवराज मास्तोळी यांनी पदभार स्वीकारला आहे. मात्र अटोळे शुक्रवारी कार्यालयात आले. मास्तोळी कामनिमित्त बाहेर गेले असताना अटोळे थेट खुर्चीवर बसले. त्यांनी स्टेनोला बोलावून घेऊन प्रवास केलेले अंतर कमी करण्यासाठी लॉग बुकची मागणी केली. स्टेनोने नकार दिल्याने त्यांनी अटोळेंचा पार चांगलाच चढला. यावेळी त्यांनी त्याला बघून घेण्याची भाषा केली.

मोबाइल अॅप डाउनलोड करा आणि राहा अपडेट

कोरेंचा आज निर्णय

December 12, 2015, 11:10 am

≫ Next: ‘महादेव कोळी जातीवर अन्याय’

≪ Previous: सेवानिवृत्त अधीक्षक अटोळेंची अरेरावी

$

0

0

म. टा. प्रतिनिधी, कोल्हापूर

विधानपरिषदेच्या निवडणुकीत माजी मंत्री सतेज पाटील आणि विद्यमान आमदार महादेवराव महाडिक यांच्यातील दुरंगी लढतीत हालचाली गतीमान झाल्या आहेत. परस्परांना धोबीपछाड देण्यासाठी पाटील-महाडिक गट सक्रीय झाले असून जिल्ह्यातील विविध पक्ष, गटांचा पाठिंबा मिळवण्यासाठी जोरदार मोर्चेबांधणी सुरू आहे.

याचाच भाग म्हणून राष्ट्रवादी काँग्रेसचे आमदार हसन मुश्रीफ यांच्या निवासस्थानी आणि जनसुराज्य पक्षाचे अध्यक्ष विनय कोरे, सतेज पाटील यांची शनिवारी रात्री मॅरेथॉन बैठक झाली. त्यानंतर जनसुराज्य पक्षाच्या पाठिंब्याचा निर्णय रविवारी (ता. १३) वारणेतील कुस्ती मैदानानंतर जाहीर करण्यात येणार असल्याचे सांगण्यात आले. त्यासाठी जनसुराज्यने आपल्या सर्व मतदारांना बैठकीसाठी निमंत्रीत केले आहे.

विधानपरिषदेसाठी काँग्रेसची उमेदवारी मिळवण्यात माजी मंत्री पाटील यांनी यश मिळवल्यानंतर महाडिक यांनी बंडखोरी करुन त्यांच्यापुढे आव्हान निर्माण केले आहे. विविध पक्ष व गटांचा पाठिंबा मिळवण्यासाठी दोन्ही नेत्यांमध्ये पाठशिवणीचा खेळ सुरू झाला आहे. काँग्रेस-राष्ट्रवादी एकत्र असून राष्ट्रवादीने पाटील यांना पाठिंबा देवून प्रचाराला सुरुवातही केली आहे. मुश्रीफ यांनी महाडिक यांच्या माघारीसाठी केलेले प्रयत्न निष्पळ ठरल्यानंतर त्यांनी अधिक जोरदार मोर्चेबांधणी करण्यास सुरुवात केली आहे.

याचाच भाग म्हणून त्यांनी शनिवारी सतेज पाटील आणि जनसुराज्य पक्षाचे अध्यक्ष कोरे यांची बैठक घडवून आणली. नागाळा पार्कातील त्यांच्या निवासस्थानी सुमारे दोन तास या तिन्ही नेत्यांमध्ये मॅरेथॉन बैठक झाली. बैठकीमध्ये सर्व राजकीय गणितांवर चर्चा झाल्याचे समजते. पाटील व महाडिक यांनी यापूर्वीच कोरे यांना भेटून भूमिका मांडली आहे. दरम्यान, सहकार महर्षी तात्यासाहेब कोरे यांच्या पुण्यतिथीनिमित्त रविवारी वारणानगरात कुस्ती मैदान होणार आहे. त्यानंतर जनसुराज्यच्या सर्व मतदारांची बैठक होईल. तीत कोणाला पाठिंबा द्यायचा हा निर्णय होईल असे सांगण्यात आले.

मोबाइल रोखण्यासाठी मतदारांची अंगझडती

सतेज पाटील आणि कोरे यांच्यामध्ये जिल्ह्याच्या राजकारणाबाबत चांगली चर्चा झाली. तात्यासाहेब कोरे यांच्या पुण्यतिथीनिमित्त वारणा येथे कुस्ती मैदान होणार आहे. मैदानानंतर कार्यकर्त्यांची बैठक घेवून कोरे निर्णय घेतील.

- हसन मुश्रीफ, आमदार

मोबाइल अॅप डाउनलोड करा आणि राहा अपडेट

‘महादेव कोळी जातीवर अन्याय’

December 12, 2015, 11:11 am

≫ Next: वैद्यकीय बिलासाठी वर्षभर हेलपाटे

≪ Previous: कोरेंचा आज निर्णय

$

0

0

प्रशासनाकडून चुकीची माहिती

म. टा. प्रतिनिधी, कोल्हापूर

महादेव कोळी आदिवासी जमातीबाबत जिल्हाधिकारी व उपविभागीय अधिकाऱ्यांनी विधानसभेत चुकीची माहिती दिली आहे, अशी माहिती प्रा. बसवंत मल्लाप्पा पाटील यांनी पत्रकार परिषदेत दिली. आमदार दीपक साळुंखे पाटील यांनी महादेव कोळी, टोकरे कोळी, मल्हार कोळी, ढोर कोळी यांना जातीचे दाखले मिळण्यास अडचणी येत असल्याबद्दल प्रश्न उपस्थित केला होता.

विधासनभेत आमदार साळुंखे यांच्या प्रश्नांवर गडहिंग्लज प्रांताधिकाऱ्यांनी चंदगड व गडहिंग्लजमध्ये आदिवासी लोकसंख्येचे प्रमाण नगण्य आहे असे उत्तर दिले होते. आदिवासी लोकसंख्येचे प्रमाण ५० टक्क्यांपेक्षा कमी बसत असल्याने केंद्र सरकारच्या मिनी माडा पॉकेटच्या निकषात बसत नसल्याने अडचणी निर्माण होत आहे. अदिवासी जमातीचे प्रमाणपत्र देताना स्थलांतरित पुरावा दिला जात नाही. दोन्ही तालुक्यांत कोळी महादेव जमातीला जातीचे दाखले देण्यात अडचणी निर्माण होत आहेत, अशी माहिती आदिवासी संशोधन व प्रशिक्षण संस्थेने दिलेल्या पत्रानुसार दिली आहे, असा दावा केला होता.

एखादी जात अगर जमात अधिसूचित म्हणून घोषित करण्याचे अधिकार केवळ संसदेला असताना आदिवासी संशोधन व प्रशिक्षण संस्था पुणे अधिकाराचा गैरवापर करत आहे. या संस्थेने कोल्हापूर, सातारा, सांगली, सोलापूर जिल्ह्यांतील शंभू महादेव डोंगर रांगातील खऱ्या अदिवासी कोळी महादेव जमातीला सवलती द्यावयाच्या नाही या हेतूने व आदिवासींचे अस्तित्व पुसून टाकण्याचे मोठे षडयंत्र रचले आहे. संस्थेने महादेव कोळी जमातीबाबत एक ओळीचेही संशोधन केलेले नाही. आदिवासी संशोधन व प्रशिक्षण संस्थेची कृती मुख्यमंत्री, राज्यपाल, संसद, राष्ट्रपती, उच्च व सर्वोच्च न्यायालयाच्या अधिकार क्षेत्राची उल्लंघन करणारी व दिशाभूल करणारी आहे. मुख्यमंत्री देवेंद्र फडणवीस व आदिवासी विकासमंत्री विष्णू सावरा, पालकमंत्री चंद्रकांत पाटील, आदिवासी विकास विभागाचे प्रधान सचिव राजगोपाल देवरा यांनी गांभीर्याने दखल घ्यावी अशी मागणी केली. अनुसूचित जमाती दाखला पडताळणी एक फार्स आहे, असा आरोपही प्रा. पाटील यांनी केला.

मोबाइल अॅप डाउनलोड करा आणि राहा अपडेट

वैद्यकीय बिलासाठी वर्षभर हेलपाटे

December 12, 2015, 11:13 am

≫ Next: विधान प‌रिषदेसाठी सामना दुरंगीच

≪ Previous: ‘महादेव कोळी जातीवर अन्याय’

$

0

0

Maruti.Patil@timesgroup.com

कोल्हापूर : सरकारी कर्मचारी आणि अधिकाऱ्यांना वैद्यकीय मंजुरीसाठी वर्षभर हेलपाटे मारावे लागत आहेत. सीपीआर हॉस्पिटलमधील जिल्हा ग्रामीण रुग्णालय नियंत्रण कक्षाच्या कारभारामुळे कर्मचाऱ्यांनी अक्षरशः वैतागून गेले आहेत. या कक्षाला आलेल्या बधीरतेचा फटका अनेकांना बसत आहे. मंजूर झालेल्या बिलांची माहिती संबंधित कर्मचाऱ्यांना दिली जात नाही. मंजूर बिलांची यादी नोटीस बोर्डवर लावण्याचे सोपस्कर पूर्ण केले जात आहेत. यामुळे बिले मंजूर झाली आहेत की नाही, याची खात्री करण्यासाठी वारंवार हेलपाटे मारावे लागत आहेत. आधीच खर्चाने हैराण झालेल्या कर्मचाऱ्याला हेलपाट्यामुळे प्रवासाचा भुर्दंड सोसावा लागत आहे.

राज्यातील सर्व सरकारी कर्मचारी व अधिकाऱ्यांसह त्यांच्या कुटुंबीयांचा वैद्यकीय खर्च सरकारतर्फे दिला जातो. वर्षभरात घेतलेल्या औषधोपचारांची बिले संबंधित कार्यालयाच्यावतीने तांत्रिक मंजुरीसाठी जिल्हा ग्रामीण रुग्णालय नियंत्रण कक्षाकडे पाठवली जातात. जिल्हा शल्यचिकित्सकांच्या मंजुरीनंतर ती संबंधित कार्यालयाला पाठवली जातात. मात्र कर्मचाऱ्यांची अपुरी संख्या दाखवून वर्षानुवर्षे बिल मंजुरीसाठी कर्मचारी आणि अधिकाऱ्यांना प्रतीक्षा करावी लागत आहे.

या कक्षाकडून मंजूर बिलांची यादी नोटीस बोर्डवर लावली जाते, परंतु ते बिल कधी मंजूर झाले याची तारीख नसते. तसेच मंजुरीनंतर संबंधित कार्यालयाकडे पाठवण्यापेक्षा कर्मचारी येण्याची वाट पाहिली जाते. यामुळे चंदगड, भुदगरड, शाहूवाडी, गडहिंग्लजसारख्या दूरच्या कार्यालयातील कर्मचाऱ्यांना हेलपाटे मारण्याशिवाय पर्याय उरत नाही. कक्षाकडून मंजूर पत्रक मिळाल्यानंतर पुन्हा लेखाशाखेकडून वरिष्ठ कार्यालयाकडे पाठवली जातात. ही प्रकिया कालापव्यय करणारी असल्याने कर्मचाऱ्यांची अवस्था नको ते बिल अशी होते.

वैद्यकीय बिले मंजुरीसाठी चिरीमिरीची मागणी केली जात होती. वैद्यकीय खर्चामुळे हैराण झालेल्या कुटुंबीयांची पिळवणूक होत असल्याने इचलकरंजीतील व्यक्तीच्या तक्रारीवरून लाचलुचपत विभागाने एका लिपिकाला ताब्यात घेतले होते. त्यानंतर येथे चिरीमिरीचा प्रकार बंद झाल्याचे दिसत असले तरी बिलांना जाणीवपूर्वक उशीर लावला जात असल्याची तक्रार अनेकांकडून होत आहे.

ट्रेझरीसारखी यंत्रणा का नाही?

वैद्यकीय उपचार घेण्यासाठी सरकारने जिल्ह्यातील काही हॉस्पिटलची सुविधा कर्मचाऱ्यांना उपलब्ध करुन दिली आहे. अशा हॉस्पिटलमध्ये उपचार घेतलेल्या संबंधितांची बिले त्या-त्या कार्यालयाच्या लेखाशाखेमार्फत ट्रेझरी कार्यालयाकडे पाठवली जातात. अशी बिले त्वरित मंजूर होतात मात्र अशा हॉस्पिटलशिवाय घेतलेल्या वैद्यकीय उपचारांच्या बिलांसाठी कर्मचाऱ्यांना प्रतीक्षा करावी लागत आहे.

जिल्हा ग्रामीण रुग्णालय नियंत्रण कक्षात कर्मचाऱ्यांची संख्या कमी आहे. तरीही सप्टेंबर २०१५ पर्यंतची सर्व वैद्यकीय बिले दिली आहेत. बिले मंजुरी मिळाल्याची माहिती मिळत नसली तरी त्यात लवकरच सुधारणा केली जाईल.

- डॉ. एस. एस. साठे, जिल्हा शल्यचिकित्सक

मोबाइल अॅप डाउनलोड करा आणि राहा अपडेट

विधान प‌रिषदेसाठी सामना दुरंगीच

December 12, 2015, 11:14 am

≫ Next: आरोग्य आले आता हेल्थ अॅपवर

≪ Previous: वैद्यकीय बिलासाठी वर्षभर हेलपाटे

$

0

0

म. टा. प्रतिनिधी, कोल्हापूर

विधानपरिषद निवडणुकीत आमदार महादेवराव महाडिक यांनी माघार घेऊन सतेज पाटील यांना पाठिंबा द्यावा, यासाठी आमदार हसन मुश्रीफ यांनी केलेले प्रयत्न अखेर निष्फळ ठरले. महाडिक यांनी माघारीला नकार दिल्याने अखेर दोघातच अटीतटीची लढत होणार हे निश्चित झाले. दरम्यान, भाजपने या निवडणुकीत अपेक्षेप्रमाणे माघार घेत आमदार महादेवराव महाडिक यांना भाजप पाठिंबा दिला. तशी घोषणा आमदार सुरेश हाळवणकर यांनी पत्रकार परिषदेत केली. तत्पूर्वी भाजप उमेदवार विजय सुर्यवंशी, राष्ट्रवादीचे राजेंद्र पाटील-यड्रावकर यांच्यासह दहाजणांनी उमेदवारी मागे घेतली.

महाडिक यांनी माघार घ्यावी यासाठी मुश्रीफ त्यांची भेट घेण्यासाठी गोकुळच्या ताराबाई पार्क कार्यालयात जाणार होते. मुश्रीफ तिकडे जात असतानाच महाडिक तेथून बाहेर पडल्याचा निरोप मिळाला. तुम्ही भेटायला येण्याऐवजी​ मीच तुम्हाला भेटायला येतो असा निरोप महाडिक यांनी दिला. त्यांची वाट पाहत मुश्रीफ बराच वेळ गोकुळमध्ये थांबून होते. त्यांनी खासदार धनंजय महाडिक यांच्याशी संपर्क साधला. त्यावर महाडिकांची माघारीची मानसिकता नसल्याचे खासदारांनी स्पष्ट केले. महाडिक यांच्या माघारीसाठी संजय डी. पाटील व सतेज पाटील यांनीही विविध माध्यमातून प्रयत्न केले, पण यश आले नाही.

दरम्यान, अपेक्षेप्रमाणे भाजपने निवडणुकीतून माघार घेत महाडिकांना पाठिंबा दिला. याबाबत आमदार हाळवणकर म्हणाले की, आमचा उमेदवार निवडून येण्यासाठी आवश्यक मतांचे गणित जुळत नाही. त्यामुळे माघार घेत आहोत. महाडिक यांनी भाजपकडे पाठिंब्याची मागणी केलेली नाही तरी केवळ काँग्रेसच्या सतेज पाटील यांच्या पराभवासाठी महाडिकांच्या पाठिशी उभे असल्याचे हाळवणकर यांनी स्पष्ट केले. मुख्यमंत्री देवेंद्र फडणवीस, प्रदेशाध्यक्ष रावसाहेब दानवे आणि पालकमंत्री चंद्रकांत पाटील यांची बैठक झाली. त्यात महाडिकांना पाठिंबा देण्याचा निर्णय घेण्यात आला. या पाठिंब्यामुळे जिल्ह्याच्या राजकारणाला कलाटणी मिळेल, असा दावा हाळवणकर यांनी केला. सतेज पाटील पहिल्यांदा आमदार झाले तेव्हा त्यांना भाजपने पाठिंबा दिला होता. मात्र, विधानसभेत ते काँग्रेसचे सहयोगी सदस्य झाले. म्हणूनच आता त्यांचा पराभव करायचा आहे, असे ते म्हणाले.

आमच्याकडे हक्काची ६५ ते ७० मते आहेत. आणखी काहीजणांशी चर्चा सुरू आहे. आम्ही महाडिक यांना शंभर मते निश्चित देऊ. सतेज पाटील विधानपरिषदेत गेले तर काँग्रेसला जिल्ह्यात ऑक्सिजन मिळेल. तो ऑक्सिजनच काढून घेण्याचा प्रयत्न आहे.

- सुरेश हाळवणकर, आमदार, भाजप

मोबाइल अॅप डाउनलोड करा आणि राहा अपडेट

---

आरोग्य आले आता हेल्थ अॅपवर

December 12, 2015, 2:54 pm

≫ Next: पोलिसांचा सांगलीत तपास

≪ Previous: विधान प‌रिषदेसाठी सामना दुरंगीच

$

0

0

रमेश चव्हाण, आजरा

उत्तम आरोग्य ही खरीखुरी संपत्ती आहे, असे केवळ मानले जाते. पण हल्लीच्या धकाधकीच्या जीवनशैलीमध्ये आरोग्याच्या विविधांगी समस्यांनी सर्वसामान्य त्रस्त बनतो आहे. आरोग्याकडे बारकाईने लक्ष देणे सोडा, पण त्याबाबत होत असलेल्या बदलांची पुसटशी जाणीव करून घेण्यासाठीची तसदी अथवा वेळही उपलब्ध नसतो.

यामुळेच हृदयरोग, मधुमेह, रक्तदाब, स्थुलता, कॅन्सरसारख्या व्याधींनी ग्रस्त होण्याचे व अकाली मृत्यूचे प्रमाण वाढले आहे. याशिवाय या व्याधींनी जर्जर झाल्यावर होणारा वैद्यकीय खर्चही न परवडणारा असाच असतो. यासाठी प्राथमिक स्तरावरच आरोग्याची जाणीव नीटशी होणे गरजेचे आहे. यासाठी आजऱ्यातील डॉ. सतीश उपळकर या तरुणाने हेल्थ मराठी अॅपची निर्मिती केली आहे. यामध्ये सल्ले आणि मार्गदर्शनाची सोय आहे. या अॅपमध्ये आरोग्यविषयक विभागवार माहिती दिली आहे. सध्याच्या जमान्यात प्रत्येकाकडे स्मार्ट फोन आहे. त्यमााळे त्या फोनवर हे अॅप डाऊनलोड करणे सहजशक्य आहे. तसेच इंटरनेटवरही हे अॅप डाऊनलोड करता येऊ शकते. आहार-पोषण, प्रथमोपचार, रूग्णवाहिका संपर्क, विविध संसर्ग व संपर्कजन्य रोगांची लक्षणे व माहिती, महिला व पुरूषांचे आरोग्य, गर्भावस्था, माता-बालक सुरक्षितता, विविध अत्यावश्यक तपासण्या, स्मार्ट जीवनशैली जगण्यासाठी हेल्थ टिप्स, आरोग्य एक्स्ट्रा आणि आरोग्यासाठीच्या योजना आदी १३ विभागांचा या अॅपमध्ये समावेश आहे.

एका क्लिकच्या आधारावर याबाबतच्या सर्वांगसुंदर व अपडेट माहितीसह प्रत्येकाच्या आरोग्यसमस्या व शंका-कुशंकांचे निरसन करण्यासह अत्यावश्यक मार्गदर्शन व पुढील रेफरन्सही यामुळे मिळणार आहेत. विशेष म्हणजे इंग्रजीत ही माहिती कळण्यास दुर्बोध असल्याने सर्वसामान्य नागरिकांना सहजपणे समजावे म्हणून मराठीमध्ये हे अॅप विकसीत केले आहे.

असे करा डाऊनलोड हेल्थ-अॅप...

हेल्थ मराठी हे अॅप आपण गुगल प्ले स्टोअरवरून आपल्या अॅन्ड्रॉइड स्मार्टफोनवर इन्स्टॉल करू शकाल. यासाठी गुगल प्लेवर केवळ Health Marathi असे सर्च करावे लागेल. किंवा http://play.google.com/store/apps/details?id=com.HealthMarathi या लिंकवर क्लिक करावे लागेल.

आरोग्यविषयक माहितीचे अपडेट्स सुलभतेने हाती गवसल्यास अनेक विकारांवरील उपचार तत्परतेने करून घेणे शक्य होते. सर्वसामान्यांमध्ये आरोग्य जागृती करण्यासाठी हे अॅप विकसित केले आहे. व्यसनाधीनतेचे दुष्परिणाम, अवयवदान, रक्तदान, स्त्री-भ्रूणहत्या, कुपोषण, प्रदूषण, अपघात आदी सामाजिक प्रश्नांवरही प्रभावी प्रबोधनात्मक कार्य शक्य आहे. गेले तीन महिने यासाठी प्रयत्नरत होतो. - डॉ. सतीश उपळकर

मोबाइल अॅप डाउनलोड करा आणि राहा अपडेट

पोलिसांचा सांगलीत तपास

December 13, 2015, 11:28 am

≫ Next: जिल्हाधिकाऱ्यांना विरोध सुरूच

≪ Previous: आरोग्य आले आता हेल्थ अॅपवर

$

0

0

म. टा. वृत्तसेवा, कुपवाड

किडनी तस्करीतील मास्टर माईंड शिवाजी महादेव कोळी याच्या वाळवा तालुक्यातील बहादूरवाडी येथील घरातून शनिवारी रात्री पोलिसांनी त्याचा पासपोर्ट जप्त केला. या पासपोर्टच्या आधारे त्याने श्रीलंकेच्या वाऱ्या केल्याचे स्पष्ट झाले आहे. ही कारवाई करताना अकोला पोलिसांच्या हाती आणखी काही महत्त्वपूर्ण कागदपत्रेही लागली आहेत. गेल्या दोन दिवसांपासून अकोला पोलिसांचे पथक शिवाजीला बरोबर घेऊन किडनी तस्करीच्या वाटा शोधून काढत आहेत. या पथकाने इस्लामपूरात शिवाजी कार्यरत असलेल्या महाविद्यालयातूनही काही माहिती मिळवली असल्याचे समजते.

खासगी सावकारीच्या वसूलीसाठी संबधित महिलेची किडनी विकून वसूली करण्यात आल्याचे चव्हाट्यावर आल्यानंतर अकोला पोलिसांनी या किडनी तस्करी रॅकेटची पाळमुळे खणायला सुरुवात केली आहे. अकोला पोलिस दलातील स्थानिक गुन्हे अन्वेषण शाखेचे पोलिस निरिक्षक सोनावणे यांचे पथक शनिवारी रात्री बहादूरवाडीत येऊन गेले. इस्लामपूर पोलिसांशी चर्चा केल्यानंतर हे पथक बहादूरवाडीत आले. शिवाजी कोळी याच्या घराची झडती घेताना त्याचा पासपोर्ट पथकाच्या हाती लागला. हाच पासपोर्ट त्याने श्रीलंकेला जा-ये करण्यासाठी वापरला असल्याचे तपासात स्पष्ट झाले आहे.

बहादूरवाडीचा शिवाजी महादेव कोळी (५०) हा इस्लामपूरातील कर्मवीर भाऊराव पाटील महाविद्यालयात प्रयोगशाळेत कार्यरत होता. सुमारे १२ वर्षांपूर्वी तो किडनी तस्करीत सहभागी झाला.

गरजूला खासगी सावकारीतून पैसे देऊन आपल्या जाळ्यात ओढण्यात या टोळीचा हातखंडा आहे. अर्थिक अडचणीत आणून त्याच्यासमोर किडनीचा पर्याय ठेवायचा असे ही टोळी काम करते. त्यानंतर श्रीलंकेत जाऊन किडनी काढण्यापासून त्याची विक्री करून पैसे आणण्यापर्यंतच्या सर्व प्रक्रियांचे नेतृत्व शिवाजीच करायचा. यावर तपास यंत्रणेने शिक्कामोर्तब केले आहे. या टोळीने किती जणांना फसविले आहे, याचा शोध पोलिस घेत आहेत.

मोबाइल अॅप डाउनलोड करा आणि राहा अपडेट

जिल्हाधिकाऱ्यांना विरोध सुरूच

December 13, 2015, 11:29 am

≫ Next: सरबताने वाढविली क्रिकेटची गोडी

≪ Previous: पोलिसांचा सांगलीत तपास

$

0

0

म. टा. वृत्तसेवा, सोलापूर

ग्रामदैवत श्री सिद्धेश्वर महाराजांच्या यांत्रेच्या आराखड्यावरून सोलापूरात पालकमंत्री विजयकुमार देशमुखविरुद्ध जिल्हाधिकारी तुकाराम मुंढे असा संघर्ष पेटला आहे. आठवडाभरापूर्वी काढलेल्या मोर्चानंतर रविवारी जिल्हाधिकारी मुंढेंच्या विरोधात शहरातील सात प्रमुख मार्गांवर रास्ता रोको आंदोलन करून मुंढे यांच्या बदलीची जोरदार मागणी करण्यातआली. 'तुकाराम मुंढे चले जाव,मुंढे हाय हाय' अशा घोषणा या वेळी देण्यात आल्या. रास्ता रोको करणारे पालकमंत्री देशमुख यांच्यासह सिद्धेश्वर देवस्थान कमिटीचे चेअरमन आणि सिद्धेश्वरभक्तांना पोलिसांनी अटक केली. रास्ता रोकोमुळे सातही मार्गांवरील वाहतूक काही काळ ठप्प झाली होती.

सिद्धेश्वर यात्रेमध्ये होम मैदानावरील गड्डा यात्रेत येणाऱ्या भाविकांना धुळीचा त्रास होऊ नये म्हणून मैदानावर मॅट टाकणे आणि आपतकालीन रस्ता सोडण्याच्या विषयावरून जिल्हाधिकारी आणि मंदिर समिती यांच्यात संघर्षाची ठिणगी पडली आहे. ३० पैकी २८ बाबी आराखड्यानुसार होत असून, रस्ता आणि मॅटवरून १५ दिवसांपासून सुरू असलेला वाद अद्यापही संपलेला नाही. त्याच कारणावरून पालकमंत्री देशमुख यांनी जिल्हाधिकारी मुंढेंच्या बदलीची मागणी लावून धरली आहे. तर जिल्हाधिकाऱ्यांनीसुद्धा थेट पालकमंत्र्यांनाच आव्हान दिल्यामुळे देवस्थान समितीसह सामान्यांमध्ये संताप आहे.

रविवारी दुपारी १२ वाजल्यापासून ठिकठिकाणी रास्ता रोकोला सुरुवात झाली. या आंदोलनाला पोलिसांनी परवानगी नाकारली होती. तरीसुद्धा आंदोलन करणाऱ्या पालकमंत्री देशमुख यांच्यासह आंदोलनकर्त्यांना पोलिसांनी ताब्यात घेतले. सध्यातरी वाद मिटण्याची शक्यता कमीच असल्याचे दिसत आहे.

'ज्या रस्त्यासाठी वाद सुरू आहे. त्याच रस्त्यावर यात्रेचे कार्यालय थाटण्यात येणार असून, जिल्हाधिकारी तुकाराम मुंढे यांनी तसे केल्याप्रकरणी आंदोलनकर्त्यांवर व सिद्धेश्वरभक्तांवर गुन्हे दाखल करूनच दाखवावेत.'

- धर्मराज काडादी, देवस्थान समितीचे चेअरमन

मोबाइल अॅप डाउनलोड करा आणि राहा अपडेट

सरबताने वाढविली क्रिकेटची गोडी

December 13, 2015, 11:30 am

≫ Next: उपसाबंदीने शेतकरी हवालदिल

≪ Previous: जिल्हाधिकाऱ्यांना विरोध सुरूच

$

0

0

प्रवीण कांबळे, हुपरी

क्रिकेट हा ग्रामीण भागामध्ये रिकाम-टेकड्यांचा उद्योग अशी ओरड नेहमी होत असते. मात्र, त्यांच्या ओंकारचा खेळ म्हणजे पाहणाऱ्याला पुन्हा पहावे, असे वाटावे. ओंकारचे आई वडील अडाणी असले तरी, पोराची खेळायची आवड त्यांना माहीत होती. त्यांनी ती जोपासली. हातगाडीवरचा सरबत विकत त्याचा क्रिकेटचा खेळ जोपासला. त्यांच्या प्रयत्नाला यश आले आणि ओंकार महाराष्ट्राच्या संघात दाखल झाला. ही कहानी आहे.. हुपरीतील संतोष आणि कल्पना मोहिते दाम्पत्याची.

हुपरी (ता. हातकणंगले) येथील गिरीबुवा मळा मधील संतोष मारूती मोहिते हे आपली पत्नी कल्पना यांच्यासह गावभागात एस. टी. स्टँड येथे सुभाष चौकात सरबत विक्रीचा व्यवसाय करतात. त्यांच्या घरीची परिस्थिती हालाखीची असून दररोज काम करणे हा नित्यक्रम आहे. त्यांचा मुलगा ओंकार हा सुरूवातीपासूनच आई-वडिलांच्या कामात मदत करतो. ओंकारला लहानपणापासूनच क्रिकेटची आवड असल्याने वडील संतोष आई कल्पना यांनी ओंकारला क्रिकेटसाठी प्रोत्साहन दिले. या खेळासाठी कुठेही जात असताना त्याच्या खर्चाची तरतूद करत असताना प्रसंगी आठवडी बाजार थांबवून, पाणी पिऊन दिवस काढून मुलागा ओंकारला क्रिकेटची हौस भागवली. अनेकदा त्यांनी आपल्या आवडी निवडींना मुरड घालत ओंकारच्या खेळासाठी जेवढे काही करता येईअल तेवढे केले. ओंकारही कष्टात कधी मागे पडत नव्हता. आई-वडिलांच्या या कष्टाचे चीज करत क्रिकेटमध्ये ओंकारने जिल्ह्यासह राज्य पातळीवर नाव चमकवले. २०१३ मध्ये १४ वर्षांखालील गटात महाराष्ट्र संघातून त्याची निवड झाली. मुलाच्या या निवडीने आई-वडिलांचा आनंद गगनात मावेना. त्याचे कौतुक अनेकांनी केले. ओंकार सध्या महाराष्ट्र राज्याकडून १६ वर्षाखालील गटात पुणे येथे बडोदा संघाविरूद्ध खेळत आहे. त्यामुळे त्यांनी उत्कृष्ट गोलदांजी करत तीन विकेट घेतल्या असून परवा झालेल्या मुंबई विरूद्ध सामन्यात पाच विकेट घेतल्या होत्या. आपल्या गोलंदाजीने ओंकारने राज्यस्तरावर वर्चस्व गाजविले असून अशा प्रकारे उत्कृष्ट कामगीरी करणाऱ्या ओंकारला आई-वडिलांसह मित्रमंडळींनी केलेल्या सहकार्याने भविष्यात क्रिकेटमध्ये हुपरीचे नाव उज्वल करण्याची संधी मिळाली. ओंकारच्या आतापर्यंतच्या यशात कोच युवराज यवलूजकर, युवराज पाटील, योगेश कळंत्रे, राहुल जाधव, पवन कोळेकर, पिंटू गाट आदींनी मार्गदर्शन व सहकार्य केले.

बाबा, मी विमानात बसतोय...

ओंकार हा मागील वर्षी १४ वर्षाखालील महाराष्ट्र राज्य संघातून खेळण्यासाठी हैदराबादला जात होता. विमानतळावर पोहचल्यावर ओंकारने कोच यांचा मोबाइल घेऊन वडिलांना फोन लावला. बाबा मी प्रथमच विमानात बसतोय असे सांगताच वडिलांचे डोळे पाण्याने डबडबले. त्यावेळी ते ओंकारला म्हणाले, 'बाळा, तू तुझ्या कर्तृत्वाने मोठा होत आहेस. आम्हांला गाडीत बसायचीही संधी मिळाली नाही. तू आज विमानातून प्रवास करीत आहेस यामागे तुझे कष्ट आहे. तू अशीच प्रगती करीत जा.' असा आ‌शीर्वाद देत जणू यशाचा मार्गच दाखविला.

मोबाइल अॅप डाउनलोड करा आणि राहा अपडेट

उपसाबंदीने शेतकरी हवालदिल

December 13, 2015, 11:32 am

≫ Next: ‘बाल संजीवनी’तून ‘ब्लड टॉनिक’

≪ Previous: सरबताने वाढविली क्रिकेटची गोडी

$

0

0

रमेश चव्हाण, आजरा

आजरा व गडहिंग्लज पाटबंधारे विभागात उपसाबंदी लागू झाल्यानंतर हवालदिल झालेल्या शेतकऱ्यांनी आता पाटबंधारे विभागाविरोधात रोष व्यक्त केला जात आहे. ३५ दिवसांची उपसाबंदी, विशेषत: उसाच्या शेतीसाठी धोकादायक असल्याने याचा कालवधी कमी करावा व गळीत हंगामादरम्यान पिकाला पाणी उपलब्ध करून द्यावे, यासाठी दबाव आणला जात आहे. यामध्ये शेतकऱ्यांच्या स्वाभिमानी शेतकरी संघटना व किसान सारख्या संघटनांनी अधिकाऱ्यांच्या भेटी-गाठी घेत विनंती केली आहे. मात्र उपलब्ध पाणीसाठ्याचा वापर प्राधान्य पिण्यासाठी केला जाणार असल्याचे पाटबंधारे विभागाने स्पष्ट केले आहे.

यावर्षीच्या कमी पर्जन्यमानामुळे येथील विभागाच्या आजरा, गडहिंग्लज व चंदगड अशा तीन्ही तालुक्यात पाण्याची टंचाई जाणवण्याइतपत गंभीर स्थिती सप्टेंबर-आक्टोबरपासून आहे. विशेषत: या विभागाला मुबलक पाणीपुरवठा करणाऱ्या चित्रीमध्येच यावर्षी ८५ टक्के पाणीसाठा झाला आहे. यामुळे उपलब्ध पाणी शेतीऐवजी पिण्यासाठीच वापरण्याबाबत पाटबंधारे विभागास सूचित करण्यात आले आहे. या विभागाने ३५ दिवस उपसाबंदी लागू करण्यात आल्याचे विभागाने स्पष्ट केले आहे.

त्यानंतर १० दिवसांसाठी ही बंदी शिथील होईल व पुन्हा उपसाबंदी लागू राहिल. चित्री व हिरण्यकेशीच्या संगमस्थळापासून पुढे ही बंदी आहे. रामतीर्थपासून उगमापर्यंत पुढे अद्याप पाणी वाहते असल्याने बंदी नाही. पाटबंधारे विभागाच्या या निर्णयामुळे किमान जूनपर्यंत पाण्याचा तुटवडा भासणार नाही, याची दक्षता घेण्यात आली आहे.

मात्र, उपसाबंदी लागू झाल्यानंतर विशेषत: उसउत्पादक शेतकरी मात्र कमालीचा हवालदिल झाला आहे. या विभागातील विशेषत: चित्री खोऱ्यात आजरा तालुक्याची १५०० हेक्टर तर गडहिंग्लज तालुक्यातील ४५०० हेक्टर शेती सिंचनाखाली आहे. यापैकी ८०-८५ टक्के क्षेत्र ऊसाखाली आहे. त्यामुळे उपसाबंदीचा थेट परिणाम ऊसाला बसत असल्याने पाटबंधारे विभागास उपसाबंदीचा कालावधी शिथील करण्याबाबत हे शेतकरी सरसावत आहेत. स्वाभिमानी शेतकरी संघटना व किसान संघामार्फत अधिकाऱ्यांच्या भेटी घेतल्या असून आजही काहीजण भेटणार आहेत. उसतोडीचा हंगाम अद्याप सुरू आहे.

शेतातील उसाची उचल अद्याप व्हायची आहे. किमान त्यादरम्यान तरी एखादे पाणी उसाला मिळावे, ज्यामुळे ऊस वाळणार नाही अशी त्यांची अपेक्षा आहे. हा कालावधी ३५ दिवसांअभावी कमी करून मिळावा, अशी विनवणी संघटनेचे पदाधिकारी करत आहेत.

उपलब्ध पाणी पिण्यासाठीच वापरण्याबाबत प्रशासनाच्या सूचना आहेत. सध्या चित्रीमध्ये ७० टक्के पाणीसाठा आहे. ऊसउत्पादक शेतकऱ्यांच्या अपेक्षा योग्य असल्या तरी उद्याच्या पाणीटंचाईच्या झळा तीव्र होऊ शकतात. कदाचित वरिष्ठ स्तरावरून सध्याचा उपसाबंदी कालावधी कमी करण्यात आला तरी पुढच्या टप्प्यात तो आणखी वाढू शकतो. वरिष्ठ स्तरावरच निर्णय होईल.

- राम हरदे, अभियंता, पाटबंधारे विभाग

मोबाइल अॅप डाउनलोड करा आणि राहा अपडेट