‘क्रेडाई’ २०१६ ची तयारी सुरू

December 2, 2015, 12:14 pm

≫ Next: दिवस आंदोलनांचा!

≪ Previous: रूद्रचा सहा वर्षांपासून ठावठिकाणा नाही

$

0

0

वेबसाइटसह माहितीपत्रक, लोगोचे आज अनावरण

म. टा. प्रतिनिधी, कोल्हापूर

क्रेडाई-कोल्हापूरच्यावतीने २९ जानेवारी ते एक फेब्रुवारी या कालावधीत आयोजित करण्यात येणाऱ्या 'दालन २०१६'च्या माहितीपत्रकाचे प्रकाशन, लोगो, वेबसाइटचे अनावरण, स्टॉल बुकिंगचा प्रारंभ गुरुवारी (ता. ३ डिसेंबर) होणार आहे. हॉटेल अयोध्या येथे सायंकाळी पाच वाजता महापालिकेचे आयुक्त पी. शिवशंकर यांच्या हस्ते आणि क्रीडाईचे माजी अध्यक्ष, उद्योगपती व्ही. बी. पाटील यांच्या उपस्थितीत हा कार्यक्रम होईल. 'क्रेडाई'चे अध्यक्ष महेश यादव आणि 'दालन २०१६'चे अध्यक्ष कृष्णा पाटील यांनी पत्रकार परिषदेत ही माहिती दिली. दरवर्षीप्रमाणे शाहूपुरीतील जिमखाना मैदानावर प्रदर्शन आयोजित केले जाणार आहे.

अध्यक्ष महेश यादव, कृष्णा पाटील म्हणाले, 'क्रेडाईच्यावतीने दर तीन वर्षांनी दालन प्रदर्शनाचे आयोजन केले जाते. यंदाचे हे नववे प्रदर्शन आहे. प्रदर्शनाचा लोगो तयार करण्यात आला आहे. कोल्हापूरची प्रगती, पर्यावरण, संस्कृती, लोकजीवन, तीर्थस्थळांतून होणार विकास, वृक्षसंपदा, अकरा मजली इमारती या सर्व विषयांचा संगम लोगोमध्ये आहे. स्मार्ट कोल्हापूरसाठी यंदाचे दालन प्रदर्शन समर्पित करण्यात आले आहे. सौंदर्य, शिस्त, सार्वजनिक वाहतूक, रस्ते, लाइट, बागा यांतून स्मार्ट कोल्हापूर साकारणार आहे. इमारत म्हणजे विकास अशा मर्यादीत अर्थाऐवजी शहराचा सर्वांगीण विकास, कोल्हापूर एक कुटुंब ही भावना लोगोतून व्यक्त झाली आहे.'

दालन प्रदर्शनासाठी www.smartcitykolhapur.com या वेबसाइट तयार केली आहे. त्यात लोकांच्या स्मार्ट सिटीबद्दल कल्पना सूचना, मांडण्यासाठी माध्यम उपलब्ध करून दिले आहे. यात येणाऱ्या सूचना आयुक्तांना दिल्या जातील. लोकांनी बेवसाइटवर सहभाग नोंदवावा. दालन प्रदर्शनामध्ये १६३ स्टॉल्स असतील. क्रीडाईच्या सदस्यांसाठी ६० स्टॉल ठेवण्यात आले आहेत. त्यापैकी ७० टक्के स्टॉल बुक झाले आहेत. अन्य ३५ स्टॉल बुक झाले आहेत. प्रदर्शनाला श्री करवीर निवासिनी महालक्ष्मी इस्पात हे प्लॅटिनम स्पॉन्सर आहेत. आर. ए. के. सिरॅमिक्स डायमंड, एजीएस (एशियन ग्रेनिटो इंडिया लिमिटेड) हे गोल्डन स्पॉन्सरर आहेत. ओटीआयएस, सुपर टेक रेडिमिक्स, क्रॉकिट हे सिल्व्हर स्पॉन्सर आहेत. याशिवाय मेर्शा शापर्स प्रायव्हेट लिमिटेड, एचएफसीहोम लोन्स, अॅक्सिस बँक, हार्डवेअर कन्सेप्ट कंपनी, शेरविन विल्यम पेंट्स, हायटेक रेडिमिक्स कॉक्रिट, ग्लोबल पेंट्स सहप्रयोजक आहेत. देशपातळीवरील बांधकामाशी निगडीत, आधुनिक टिकाऊ साहित्य प्रकल्प, अर्थ पुरवठा करणाऱ्या संस्था सहभागी होणार आहे.'

यावेळई क्रेडाईचे उपाध्यक्ष सुजय होसमनी, सचिव विद्यानंद बेडेकर, दालनचे समन्वयक चेतन वसा, सचिव संजय डोईजड, खजानिस निखिल शहा, सहखजानिस विवेकानंद पाटील, सागर नालंग, संदीप मिरजकर, दालन कमिटी चेअरमन श्रेयांस मगदूम, विश्वजित जाधव, के. पी. खोत आदी उपस्थित होते.

स्मार्ट सिटीसाठी...

कोल्हापूर शहर स्मार्ट सिटी व्हावी यासाठीचे प्रयत्न क्रेडाईच्यावतीने सुरू करण्यात आले आहेत. त्यासाठी नागरिकांकडून सूचना मागविण्यात आल्या आहेत. शहर स्मार्ट होण्यासाठी एक पाऊल असे ब्रिदवाक्य दालन २०१६चे आहे. कोल्हापूरच्या प्रगतीसाठी क्रीडाई प्रयत्नशील आहे. त्यासाठी ही संकल्पना असल्याचे पदाधिकाऱ्यांतर्फे सांगण्यात आले.

मोबाइल अॅप डाउनलोड करा आणि राहा अपडेट

---

दिवस आंदोलनांचा!

December 2, 2015, 12:15 pm

≫ Next: भाग्यवानांची ‘मोबाइल’ फसवणूक

≪ Previous: ‘क्रेडाई’ २०१६ ची तयारी सुरू

$

0

0

म. टा. प्रतिनिधी, कोल्हापूर

आंदोलकांची घोषणाबाजी, भाषणे, कार्यकर्त्यांचे धरणे आंदोलन असा दिवसभर राबता राहिल्याने बुधवारी जिल्हाधिकारी कार्यालय परिसर गजबजला. 'मी वडार संघटना', 'बहुजन परिवर्तन पार्टी', 'चंदगडचे अपंग कार्यकर्त्यांचे आंदोलन', आणि भारिप महासंघ या चार संघटानांमुळे बुधवार आंदोलनांचा वार ठरला.

दरम्यान, दिवसभरातील आंदोलनांमुळे उत्तरेकडील मुख्य दरवाजा बंद राहिल्यामुळे कामांसाठी येणाऱ्या नागरिकांना महावीर गार्डनसमोरील गेटमधून ये-जा करावी लागली. आंदोलकांच्या गर्दीमुळे जिल्हाधिकारी कार्यालय गर्दीने गजबजले होते. दिवसभरात चार आंदोलने झाली. मोठ्या संखेने आलेले कार्यकर्ते आणि घोषणांमुळे परिसर दणाणून गेला.

जयसिंगपूरच्या मी वडार संघटनेच्या कार्यकर्त्यांनी जिल्हाधिकारी कार्यालयासमोर ठाण मांडले आहे. जयसिंगपूर येथील ३११ गट नंबरमधील ४२ एकर जमिन वडार समाजाला मिळावी या मागणीसाठी सुरू केलेल्या ठिय्या आंदोलनाला बुधवारी दिवसभरात विविध लोकप्रतिनिधींनी भेटी दिल्या. शिवसेनेचे आमदार राजेश क्षीरसागर, भाजपचे आमदार अमल महाडिक यांनी आंदोलकांची भेट घेऊन त्यांना पाठिंबा दिला. शिवसेनेचे जिल्हाध्यक्ष संजय पवार आणि भाजपचे महानगर जिल्हाध्यक्ष महेश जाधव यांनीही आंदोलकांची भेट घेतली. गुरुवारी पालकमंत्री चंद्रकांत पाटील हे वडार संघटनांची भेट घेतील असे सूत्रांनी सांगितले. समाजाच्या आंदोलकांची संख्या मोठी असल्यामुळे उत्तर दिशेचा दरवाजा बंद करून त्या ठिकाणी पोलिस बंदोबस्तही तैनात करण्यात आला होता.

दुपारी आणखी दोन संघटनांनी आंदोलने केली. बहुजन परिवर्तन पार्टीने सायबर चौक येथील यशवंत गृहनिर्माण संस्थेच्या जागेवरील अतिक्रमणे हटवून जागा ताब्यात देण्याच्या मागणीसाठी आंदोलन केले. तर भारिप महासंघाच्या कार्यकर्त्यांनी राजारामपुरीतील एका खाजगी हॉस्पिटलमधील गलथान कारभाराविरोधात धरणे आंदोलन केले.

अपंगांचे आंदोलन दुर्लक्षित

गेल्या सात दिवसांपासून चंदगड तालुक्यातील सात अपंग कार्यकर्त्यांनी धरणे आंदोलन सुरू केले आहे. आंबेवाडी (ता.चंदगड) याथील सात कार्यकर्ते २६ नोव्हेंबरपासून जिल्हाधिकारी कार्यालयाबाहेर धरणे आंदोलन करीत आहेत. अपंगांची बंद केलेली पेन्शन योजना पूर्ववत सुरू करावी आणि अंत्योदय रेशनकार्ड मिळावे अशी त्यांची मागणी आहे. जिल्हा प्रशासनाने या आंदोलनाची दखल घेतलेली नाही. गुरुवारी साजरा होत असलेल्या अपंग दिनाच्या पूर्वसंध्येला तरी अपंगांना न्याय मिळेल अशी आशा होती. मात्र त्यांचे प्रश्न सोडविण्याऐवजी आंदोलन मागे घेण्याचे आवाहन करणारे पत्र प्रशासनाने त्यांना दिले. त्यामुळे दिवसभराच्या अन्य आंदोलनांच्या गर्दीत अपंग दुर्लक्षितच राहिले.

मोबाइल अॅप डाउनलोड करा आणि राहा अपडेट

भाग्यवानांची ‘मोबाइल’ फसवणूक

December 2, 2015, 11:16 am

≫ Next: ना काम झाले, ना आश्वासनपूर्ती

≪ Previous: दिवस आंदोलनांचा!

$

0

0

तीन हजारांत मोबाइलऐवजी मेटलच्या मूर्तीचे पार्सल

Sachin.Yadav@timesgroup.com

'हँलो, तुम्ही भाग्यवान ग्राहक आहात. आमच्या सोडतीत तुम्हाला मोबाइल बक्षीस लागला आहे. अमूक कंपनीचा १२ हजार रुपये किमतीचा मोबाइल हँडसेट ३ हजार रुपयांत मिळणार आहे. त्यासाठी तुमचा पत्ता द्या आणि कॅश ऑन डिलिव्हरी करा,' असा दूरध्वनी दिल्लीतून येतो. कमी किमतीत मोबाइलच्या हव्यासापोटी ग्राहक तीन हजार रुपये भरतो. मात्र प्रत्यक्षात त्यांच्या हाती मेटली मूर्ती पडते आणि मग फसवणूक झाल्याचे संबंधिताच्या लक्षात येते. अशा पद्धतीने शेकडो ग्राहकांची फसवणूक झाल्याचे स्पष्ट झाले आहे. दिल्लीतून एक एक मोठे रॅकेट यात कार्यरत असल्याचे उघड होत आहे.

शहरातील १२ पोस्ट कार्यालयात दररोज चार ते पाच या प्रमाणे अशी ६० पार्सल येत आहेत. कमी किमतीत मोबाइल मिळत असल्याच्या आमिषापोटी नोव्हेंबर महिन्यात ८०० पार्सल ग्राहकांनी घेतली आहेत. मोबाइलऐवजी मूर्ती आणि वास्तूशास्त्रातील काही वस्तू ग्राहकांच्या माथी मारल्या जात आहेत. काही ग्राहकांनी मूर्ती मिळाल्यानंतर कंपनीच्या क्रमांकावर फोन करण्याचा प्रयत्न केला असता दिलेला क्रमांक लागत नाहीत.

मोबाइलसाठी तीन हजार रुपये भरले. प्रत्यक्षात पार्सल उघडल्यानंतर मोबाइलऐवजी वास्तुशास्त्रातील काही वस्तू मिळाल्या. पुन्हा संबंधित क्रमांकावर फोन करण्याचा प्रयत्न केला. मात्र फोन स्वीकारला नाही. तक्रार दाखल करण्यासाठी दिल्लीतील कोर्टात धाव घेण्याच्या सूचना पार्सलमधून दिल्या आहेत.

- जॉन्सन डायस, कावळा नाका

कंपनीकडून आलेले पार्सल पैसे भरुन घेतल्यानंतर ग्राहकांच्या समोरच फोडले जाते. त्यामुळे काही ग्राहक मोबाइलऐवजी मूर्ती मिळाल्याने चिडतात. त्यामुळे पोस्ट कर्मचारी आणि ग्राहकांत वादाचे प्रकार घडत आहे. ग्राहकांनी विचारपूर्वक वस्तू खरेदी कराव्यात.

- एन. एम. मुजावर, पोस्ट कर्मचारी

मोबाइल अॅप डाउनलोड करा आणि राहा अपडेट

ना काम झाले, ना आश्वासनपूर्ती

December 2, 2015, 12:16 pm

≫ Next: प्रारंभ नियोजनबद्ध, गती संथ

≪ Previous: भाग्यवानांची ‘मोबाइल’ फसवणूक

$

0

0

कोल्हापूर दक्षिण मतदारसंघातील पाचगावचा पाणीप्रश्न हा गंभीर आहे. निवडणुकीमध्ये २०१५ पर्यंत एक वर्षाच्या कालावधीत सोडवतो असा शब्द दिला होता. त्यासाठी योजनाही मंजूर करुन आणली होती. पण विद्यमान आमदारांनी ती योजना कमी करुन आणली व पाणी प्रश्न जसा आहे तसाच ठेवला आहे.

कळंबा तलावातील पाण्याची परिस्थिती लक्षात येण्यासाठी दर आठ दिवसांनी आढावा बैठक घेऊन पाणी सोडण्याबाबतचे नियोजन करत होतो. पण आता जानेवारीमध्ये कळंबा तलावात पाणी राहील का याची शंकाच आहे. आमदारांकडून या गंभीर प्रश्नाबाबत काहीही प्रयत्न झालेले नाहीत. मतदार संघामध्ये उपनगरे तसेच विस्तारत असलेला ग्रामीण भाग आहे. यामध्ये चोऱ्या, घरफोड्यांचे प्रमाण वाढले आहे. या प्रकारांकडे पूर्णपणे दुर्लक्ष केले आहे. लोडशेडिंगचा प्रश्नाबाबतही त्यांनी काही केलेले नाही. वीज दर कमी करण्याचे आश्वासन देऊन हे सत्तेवर आले. पण त्यांच्या आश्वासनांची पूर्तता करता आलेली नाही. कोणतेही महत्त्वाचे प्रश्न पुढे सोडविण्याचे प्रयत्न झालेलेल नाहीत. ग्रामीण भागातील जनतेच्या समस्या वेगळ्या आहेत. त्यांच्या पूर्ततेकडे दुर्लक्ष झाले आहे.

शहराचे महत्वाचे प्रश्न असलेल्या टोल बाबत ते काहीही बोलताना अथवा कुठे दिसतही नाहीत. मतदार संघात असलेल्या विमानतळावरुन विमान वाहतूक सुरु करण्याबाबत काही करता आलेले नाही. तसेच त्याच्या जागेबाबतचा प्रश्नही सोडवता आलेला नाही.

शहराचा स्मार्ट सिटीमध्ये समावेश करता आलेला नाही. कोल्हापूर शहराचा स्मार्ट सिटीत समावेश होईल अशी अपेक्षा होती. तसा समावेश झाला असलता तर आणखी निधी मिळाला असता. विकासकामे गतीने झाली असती. मात्र, त्यातील काहीच झाले नाही. शहराच्या महत्त्वाच्या तीर्थक्षेत्र विकासातही काही मिळालेले नाही. महापालिका निवडणुकीपूर्वी २० कोटी रुपयांचा निधी आणला. पण कल्याणसाठी मुख्यमंत्री सहा हजार कोटी देतात तर आमदारांना येथे एक हजार कोटी का आणता आले नाहीत? मोदी लाटेवर निवडून आलेले आमदार अजून त्या लाटेवरच आहेत.

- सतेज पाटील, माजी गृहराज्य मंत्री

मोबाइल अॅप डाउनलोड करा आणि राहा अपडेट

प्रारंभ नियोजनबद्ध, गती संथ

December 2, 2015, 12:18 pm

≫ Next: महिलेची भवानी मंडपातच प्रसूती

≪ Previous: ना काम झाले, ना आश्वासनपूर्ती

$

0

0

आमदार अमल महाडिक यांचे शहरालगतच्या गावांनाच प्राधान्य

म. टा. प्रतिनिधी, कोल्हापूर

प्रचंड इर्षेचे, टोकाचे राजकारण कोल्हापूर दक्षिण विधानसभा मतदार संघात गेल्या दोन विधानसभा निवडणुकांपासून जिल्हा अनुभवत आहे. आमदार महादेवराव महाडिक व सतेज पाटील यांच्या गटातील इर्षा राज्यापर्यंत पोहचली आहे. या इर्षेने अतिशय संवेदनशील बनलेल्या या मतदार संघाच्या निवडणुकीत काँग्रेसचे तत्कालिन मंत्री सतेज पाटील यांचा भाजपच्या अमल महाडिक यांनी पराभव केला असला तरी तेथील स्पर्धेची तीव्रता ओळखून वर्षभरात नियोजनबद्ध कामाला सुरुवात केली आहे. रस्ते, नागरिकांची सुरक्षितता यावर भर असून कोल्हापूर शहर व त्यालगतचा ग्रामीण भाग असलेल्या मतदारसंघात दोन्हीकडील प्राधान्यक्रम लक्षात घेऊन महाडिक यांची वाटचाल सुरु आहे पण या कामांना अजून गती आलेली नाही. निवडणुकीत विजय मिळाल्यानंतर ते मतदारसंघातील अनेक गावांमध्ये फिरकले नसल्याच्या तक्रारी आहेत.

दक्षिण विधानसभा मतदारसंघाचे सलग दोनवेळा प्रतिनिधीत्व केलेल्या सतेज पाटील यांच्यासमोर २०१४ च्या निवडणुकीत अचानक महाडिक गटाकडून अमल यांना उतरवण्यात आले. पाटील यांच्याकडे काँग्रेसची उमेदवारी असल्याने महाडिक यांनी भाजपची उमेदवारी मिळवली. निवडणुकीच्या शेवटच्या अवघ्या काही दिवसात महाडिक यांनी प्रचार करुन पाटील यांना आठ हजार मतांनी पराभूत केले. महाडिक यांनी पाटील यांचा पराभव केला असला तरी पाटील यांचा गट येथे मोठा आहे. या दोन्ही गटामध्ये सातत्याने कोणत्या ना कोणत्या निमित्ताने इर्षा होत असते. त्यामुळे अमल यांनी कामाच्या जोरावर मतदारसंघात पोहचण्याचे काम चालवले आहे. आमदार म्हणून त्यांचे पहिलेच वर्ष असल्याने या वर्षभरात त्यांनी रस्त्यांच्या कामांवर जास्त भर दिला आहे. वर्षभरातील अडीच कोटींच्या निधीचे आजमितीला पूर्ण नियोजन त्यांनी केले आहे.

शहर व ग्रामीण अशा दोन्ही भागांचे प्रतिनिधीत्व करायचे असल्याने दोन्हीकडील प्रश्नही वेगवेगळे आहेत. पहिल्महापालिकेच्या झालेल्या निवडणुकीत दक्षिण मतदारसंघात ३८ प्रभाग आहेत. या साऱ्यांचे प्रतिनिधित्व महाडिक करत आहेत. त्यांनी शहरातील प्रभागांसाठी विशेष प्रयत्न करून २० कोटी रुपयांचा निधी आणला. त्यामुळे या प्रभागातील रस्ते, गटर, स्ट्रिट लाईट यासारख्या मुलभूत सुविधांसाठी प्रत्येक प्रभागाला सरासरी २० लाखापर्यंतचा निधी दिला आहे. ग्रामीण भागही मोठा असून कळंबा, पाचगाव, उचगाव यासारख्या मोठ्या गावांची दळणवळण व्यवस्था सुधारण्यास सुरुवात केली आहे. मतदारसंघातील प्रमुख प्रवेश मार्गांच्या बाजूपट्ट्या वाढवण्याबरोबर डांबरीकरणाचे काम केले जात आहे. आयटीआय ते ​गिरगाव रस्त्याचे काम सुरू केले आहे. भागातील रस्त्यांवर साइनबोर्डचेही काम लवकरच पूर्ण करण्यात येणार आहे.

पाचगावचा पाण्याचा प्रश्न जिल्हाभर गाजला आहे. तो सोडवण्यासाठी पाच कोटी ५० लाख रुपयांची योजना मंजूर झाली आहे. त्या योजनेचे काम ७० टक्क्यांपर्यंत पूर्ण झाले आहे. तोपर्यंतचा पाण्याचा प्रश्न सोडवण्यासाठी गिरगाव येथे दूधगंगा नदीतून आणलेली पाण्याची योजना पाचगावपर्यंत वाढवण्यात येणार आहे. त्यासाठी टंचाई आराखड्यातून दहा लाखाचा निधी मंजूर केला आहे. याशिवाय फुलेवाडी परिसर, आर. के. नगर अशा रिंगरोडच्या परिसरात राहणाऱ्या नागरिकांच्या सुरक्षेसाठी पोलिस चौक्यांची मागणी केली जात आहे. महाडिक यांनी पोलिस चौकीसाठी प्रयत्न चालवला आहे. ते शहरातील प्रभाग व त्याशेजारील गावांकडे जास्त लक्ष देत असल्याचे दिसत असले तरी मतदारसंघातील इतर गावांकडे ते आले नसल्याच्या ग्रामस्थांच्या तक्रारी आहेत. काही ठराविक गावांमध्ये भरपूर व इतर गावांमध्ये दुष्काळ अशी स्थिती आहे.

मतदार संघाचा विकास होण्यासाठी दळणवळण व्यवस्था सुधारण्याची आवश्यकता असून त्यादृष्टीने पाच वर्षे नियोजन केले जाणार आहे. तसेच शहरी व ग्रामीण भाग असल्याने विकासात समतोल राखण्याचा महत्वाचा प्रयत्न असेल. जिल्हा परिषदेच्या शाळा ई लर्निंगसारख्या माध्यमांनी सुसज्ज करण्यात येणार आहेत. तसेच पाऊस पडला नसल्याने पाण्याच्या योजना करण्यापेक्षा पावसाच्या प्रमाणात सातत्य कसे राहील यासाठी झाडे लावण्यासारखा उपक्रम हाती घेण्यात येणार येणार आहे. शहरात तसेच शहराशेजारील तसेच अन्य गावांमध्येही घनकचऱ्याचे प्रश्न आहेत. त्यासाठी काही प्रकल्प राबवता येतील का याचा​ विचार करण्यात येणार आहे. विधानसभेची निवडणूक झाल्यानंतर प्रत्येक गावात जाण्याचा प्रयत्न करत आहे. पण एका गावात गेलो तरी दुसऱ्या गल्लीत आलो नाही म्हणून ग्रामस्थ नाराज होतात. त्यामुळे जास्तीत जास्त ग्रामस्थांच्या भेटीगाठी करण्याचा प्रयत्न करणार आहे.

- अमल महाडिक, आमदार

मोबाइल अॅप डाउनलोड करा आणि राहा अपडेट

महिलेची भवानी मंडपातच प्रसूती

December 2, 2015, 10:32 am

≫ Next: पोलीस अधीक्षक मनोजकुमार शर्मांची बदली

≪ Previous: प्रारंभ नियोजनबद्ध, गती संथ

$

0

0

म. टा. प्रतिनिधी, कोल्हापूर

भवानी मंडपातील दगडी चिरेबंदी असलेल्या जुन्या राजवाडा परिसरात मध्यरात्री अडीचच्या सुमारास महिलेची प्रसुती झाली. तिच्या मदतीला भिकारी महिला धावून आल्या. ब्लेडने वार कापली. जवळ असलेल्या फाटक्या तुटक्या वस्त्रांनी बाळ व आईला उब दिली. असहाय्य अवस्थेतील आई व मुलगीवर उपचार व्हावेत म्हणून बुधवारी सकाळी संपर्क साधल्यावर महापालिकेच्या आरोग्य विभागाने नकार दिला, पण सीपीआरने ताबडतोब रूग्णवाहिका पाठवून महिलेला उपचारास दाखल करून घेतले. भिकाऱ्यांची माणुसकी, महापालिकेचा निर्दयपणा व सीपीआरची तत्परता पाहायला मिळाली.

अर्चना सुरेश आडी (रा. भीमनगर, संकेश्वर जि. बेळगाव) ही गर्भवती पतीशी भांडून शिरोली पुलाची (ता. हातकणंगले) येथे भाऊ संतोष गोपाळ बोरगल्ली याच्याकडे पंधरा दिवसांपूर्वी राहायला आली होती. चार दिवसांपूर्वी भावजयीबरोबर भांडण झाल्याने ती कोल्हापुरात आली. चार दिवस ती भवानी मंडपातच रहात होती. मंडपात भिकारी व फिरस्त्यांची सोबत असायची. मंगळवारी मध्यरात्री तिला प्रसूतीवेदना सुरू झाल्या. ती लघुशंकेसाठी मंडप परिसरात गेली. त्याचवेळी तिची प्रसुती झाली. तिच्या आवाजाने भिकारी महिला जाग्या झाल्या. त्यांनी तिच्याभोवती आडोसा केला. एका महिलेने ब्लेड उपलब्ध केले. अर्चनाला मुलगी झाली. ब्लेडने नाळ कापली. भिकाऱ्यांनी त्यांच्याजवळच्या कपड्यांनी बाळाला स्वच्छ केले. .

बुधवारी सकाळी भिकारी पांगले. भवानी मंदिराच्या मुख्य दाराजवळ अर्चना व बाळ कुडकडत झोपी गेले. तिच्या अंगात त्राण नव्हते. काही जागरूक नागरिकांना ही घटना कळाली. त्यांनी पत्रकारांशी संपर्क साधला. पत्रकारांनी महापालिका आरोग्याधिकारी डॉ. दिलीप पाटील यांच्याशी संपर्क साधला असता ही पोलिस केस असल्याचे सांगून त्यांनी हात झटकले. त्यानंतर राजर्षी शाहू सरकारी वैद्यकीय महाविद्यालयाचे अधिष्ठाता डॉ. जयप्रकाश रामानंद यांच्याशी संपर्क साधल्यावर त्यांनी रूग्णवाहिका पाठवून प्रसुती विभागात दाखल केले.

आयुक्तांकडून अधिकाऱ्यांना कानपिचक्या

भवानी मंडप येथील घटनेच्या पार्श्वभूमीवर आयुक्त पी.शिवशंकर यांनी आरोग्य विभागातील सर्वच अधिकाऱ्यांना चांगल्याच कानपिचक्या दिल्या आहेत. आरोग्य अधिकाऱ्यांनी नागरिकांच्या सेवा-सुविधांना प्राधान्यक्रम द्यावे. नागरिकांच्या अपेक्षेनुसार तातडीने वैद्यकीय सुविधा पुरवा. ज्या त्या भागातील नागरिकांच्या अपेक्षेनुसार सेवा पुरविल्या तर लोकांच्या रोषाला सामोरे जावे लागणार नाही. भविष्यात नागरिकांची गैरसोय होऊ नये आणि असे प्रकार घडू नयेत. अधिकाऱ्यांना कर्तव्याची जाणीव करून देणारे पत्रच आयुक्तांनी काढले आहे.

मोबाइल अॅप डाउनलोड करा आणि राहा अपडेट

पोलीस अधीक्षक मनोजकुमार शर्मांची बदली

December 3, 2015, 1:23 am

≫ Next: शाहू स्मारकांचा विकास धीम्या गतीनेच

≪ Previous: महिलेची भवानी मंडपातच प्रसूती

$

0

0

म. टा. प्रतिनिधी, कोल्हापूर

कॉम्रेड गोविंदराव पानसरे यांच्या हत्येप्रकरणी तपास करणारे प्रमुख अधिकारी व पानसरे हत्येप्रकरणी संशयित सनातन संस्थेचा प्रमुख साधक समीर गायकवाड याला अटक करण्याचे 'धाडस' दाखवणारे कोल्हापूरचे पोलीस अधीक्षक मनोजकुमार शर्मा यांची मुंबई पोलीस उपायुक्तपदी बदली झाली. त्यांच्या जागी नाशिक सीआयडी अधीक्षक प्रदीप देशपांडे यांची नियुक्ती करण्यात आली आहे.

पानसरे हत्येप्रकरणी अटक करण्यात आलेल्या समीर गायकवाडवर आरोपपत्र दाखल करण्याची तयारी सुरू असतानाच शर्मा यांची तडकाफडकी बदली झाल्याने आश्चर्य व्यक्त केले. त्यांच्या बदलीचे वृत्त गुरूवारी दुपारी साडेबाराच्या सुमारास पोलीस मुख्यालयात धडकताच सन्नाटा पसरला. पानसरे यांच्या हत्येनंतर शर्मा यांनी अतिशय कुशलतेने परिस्थिती हाताळत तपास केला होता. केंद्र व राज्यात भाजपाचे सरकार असताना सनातन संस्थेचा प्रमुख साधक समीर गायकवाड याला अटक करण्याचे धाडस दाखवल्याबद्दल पुरोगामी चळवळीतील नेते व कार्यकर्त्यांत त्यांच्याविषयी आदर होता.

शर्मा यांनी २० फेब्रुवारी २०१४ मध्ये पोलीस अधीक्षकाचा पदभार स्वीकारला होता. पोलीस दलातील लैगिंक शोषण प्रकरणामुळे कोल्हापूर पोलीस दलाच्या प्रतिमेला धक्का बसला असल्याने ही छबी सुधारण्यासाठी त्यांनी विशेष परिश्रम घेतले. पोलीस कर्मचाऱ्यांना घरापासून जवळ बदली, पोलिसांचे आरोग्य, पोलिसांच्या अडचणी यावर त्यांनी विशेष लक्ष देऊन पोलिसांची कार्यक्षमता वाढवली होती. सीसीटीएनएस, व्हॉटस् अॅपवर तक्रारी हे उपक्रम त्यांनी राबवले. त्यांच्या २२ महिन्याच्या कारकीर्दीत अवैध धंद्यांवर पूर्णपणे चाप बसवला होता. खुलेआम सुरू असणारा मटका, जुगार अड्डे, बेटिंगवर कारवाई केल्याने २२ महिने 'कोल्हापूर मटका व जुगार मुक्त' केला.

शर्मा यांच्याशी संपर्क साधला असता, बदलीसाठी आपण विनंती अर्ज केला होता असे त्यांनी सांगितले. सरकारने आपली मागणी मान्य केली. कोल्हापूरच्या जनतेने मला खूप प्रेम व आदर दिल्याने मला घरी असल्याचे जाणवायचे. माझ्या कारकीर्दीत लोकसभा व विधानसभा शांततेत पार पाडल्या असल्याचे शर्मा यांनी सांगितले.

मोबाइल अॅप डाउनलोड करा आणि राहा अपडेट

शाहू स्मारकांचा विकास धीम्या गतीनेच

December 3, 2015, 11:02 am

≫ Next: विधानपरिषदेसाठी पाठशिवणीचा खेळ

≪ Previous: पोलीस अधीक्षक मनोजकुमार शर्मांची बदली

$

0

0

शाहू जन्मस्थळ, समाधिस्थळ, खासबागचे अद्यापही 'वर्क इन प्रोग्रेस'

>> अनुराधा कदम
Anuradha.kadam@timesgroup.com

राजर्षी शाहूंनी उभारलेल्या प्रत्येक वास्तूला एक विशिष्ट कृतिशील उद्देश आहे. काळाच्या बदलत्या प्रवाहातही या उद्देशाचे महत्त्व तीळमात्रही कमी झालेले नाही. त्यामुळे शाहू महाराजांच्या नावाने कोल्हापुरात असलेल्या स्मारकांमधून या राजाला मानाचा मुजरा करताना कोल्हापूरकरांना आनंद होतो. मात्र, शाहूमहाराजांच्या कार्याचे वास्तूरूप प्रतीक असलेल्या स्मारकस्थळांच्या विकासाभोवती मात्र दफ्तरदिरंगाईचे मळभ साठले आहे.


शाहू म्यु​झियमला निधीची वानवा

शाहू जन्मस्थळाचे आराखड्यानुसार बांधकाम पूर्ण झाले. मात्र हे स्थळ पर्यटनकेंद्र म्हणून विकसित करण्याच्यादृष्टीने शाहू म्युझियमचा प्रस्ताव आहे. तो अद्याप मंजुरीच्या प्रतीक्षेत आहे. हा आराखडा पुरातत्व विभागाकडे सादर केला आहे. मात्र त्यासाठीच्या निधीला हिरवा कंदील न मिळाल्याने गेल्या सहा महिन्यांपासून कामाला सुरूवातच झालेली नाही. लक्ष्मी विलास पॅलेस या शाहू जन्मस्थळाचे काम गेल्या पाच वर्षापासून सुरू आहे. ऑगस्ट २०११ मध्ये प्रत्यक्षात कामाला सुरूवात झाली. पुरातत्व विभाग आणि सार्वजनिक बांधकाम विभागाच्या माध्यमातून सिव्हील वर्क पूर्ण झाले आहे.


शाहू समाधी घेतेय आकार

महापालिकेच्यावतीने टाउन हॉल परिसरातील नर्सरी बागेजवळ शाहू महाराजांच्या समाधीस्थळाने काम सुरू करण्यात आले आहे. पहिल्या टप्प्यात पाया, चबुतरा व मेघडंबरी अशी कामे होणार आहेत. ती चार ते पाच महिन्यात पूर्ण करण्याचे नियोजन आहे. या जागेवरील ग्रीन झोनचे आरक्षण उठवण्यात बराच काळ गेल्यामुळे समाधीस्थळाच्या बांधकामाला विलंब झाल्याचे महापालिका प्रशासनाकडून सांगण्यात आले.

साठमारीचे वैभव हरवतेय

नुकतीच १४ ऑक्टोबरला साठमारीच्या बांधकामाला शंभर वर्षे पूण झाली. ११ बुरुज आणि भक्कम तटबंदी असलेल्या या साठमारीचे वैभव मात्र लयाला गेले आहे. या साठमारीच्या संवर्धनासाठी अजिबातच हालचाली दिसत नाहीत. कोल्हापूर स्पोर्टस असोसिएशनचे टेनिस मैदान या ठिकाणी असल्याने साठमारीच्या बुरूज व भिंतींची देखभाल होत आहे एवढेच काय ते समाधान. हेरिटेज यादीत साठमारीचा समावेश करून जतन, संवर्धन आणि संरक्षणासाठी प्रयत्न होणे गरजेचे आहे. केएसए यंदा अमृत महोत्सव साजरा करत आहे. हा दुग्धशर्करा योग म्हणून साठमारीची शताब्दी साजरी व्हावी, अशी मागणी शाहूप्रेमींतून होत आहे.

केशवराव, नूतनीकरणाचा साज

रोममधील पॅलेस थिएटर पाहून प्रभावित झालेल्या शाहू महाराजांनी त्याच धर्तीवर कोल्हापुरात केशवराव भोसले नाट्यगृह उभारले. नाट्यगृहातील आसनव्यवस्था, साउंड, स्टेज ड्रेपरी, पॅनेलिंग, सीलिंग अशी कामे करण्यात आली आहेत. तर खासबागेतील कुस्ती मैदान, व्यासपीठ यांची भक्कम दुरूस्ती करण्यात आली आहे. १९८४ साली महापालिकेने नाट्यगृहाचे नूतनीकरण केले होते. त्यानंतर २००३ साली ७४ लाख
रूपये खर्चून पुन्हा नूतनीकरण झाले. यंदा तिसऱ्यांदा नूतनीकरण केले आहे. गेल्या दीड वर्षापासून नूतनीकरणास्तव नाट्यगृह बंद आहे. महापालिका निवडणूक आचारसंहितेमुळे ​उद्घाटनाचा सोहळा रखडला होता. आता विधानपरिषदेचीही आचारसंहिता लागू झाल्यामुळे नव्या वर्षातच या दोन्ही वास्तू रसिकांसाठी खुल्या होण्याची शक्यता आहे. एखादे नाट्यगृह कलाकार, कर्मचारी आणि प्रेक्षकांसाठी सुरक्षित आहे की नाही हे ठरवणाऱ्या काही निकषांवर आधारित दिले जाणारे प्रीमायसेस लायसन्स महापालिकेने घेतलेले नाही. एकदा उद्घाटन झाले की कामे पूर्ण करू, असा निर्वाळा प्रशासन देत असले तरी नंतर त्या कामांकडे दुर्लक्ष होत असल्याची तक्रारही नाट्यवितरकांनी नोंदवल्या आहेत.

>> पूर्ण झालेली कामे

शाहू जन्मस्थळ

कुस्ती आखाडा

दरबार हॉल

पागा बिल्डींग

शाहू संदर्भ ग्रंथालय व पुरातत्व ऑफिस

इतर दोन इमारतींमध्ये पुरातत्व विभाग

राधानगरी धरणाची प्रतिकृती

विहीर

म्युझियमसाठी साडेसहा कोटींची आवश्यकता

सांस्कृतिक मंत्री विनोद तावडे यांनी शाहू म्युझियमचा आराखडा लवकरात लवकर सादर करण्याच्या सूचना दिल्या होत्या. आराखड्यानुसार म्युझियमचे काम करण्यासाठी साडेसहा कोटींची आवश्यकता असल्याचेही सांगण्यात आले होते.

मोबाइल अॅप डाउनलोड करा आणि राहा अपडेट

---

विधानपरिषदेसाठी पाठशिवणीचा खेळ

December 3, 2015, 11:23 am

≫ Next: चौपदरीकरण गेले खड्ड्यात

≪ Previous: शाहू स्मारकांचा विकास धीम्या गतीनेच

$

0

0

म. टा. वृत्तसेवा, कागल

विधानपरिषदेचे संभाव्य उमेदवार माजी आमदार सतेज पाटील आणि आमदार महादेवराव महाडिक यांनी समर्थन मिळविण्यासाठी आज कागलमध्ये धावता दौरा केला. सकाळच्या सत्रात जिल्हा फिरुन अंदाज घेऊन त्यांनी शेवटी आमदार हसन मुश्रीफ आणि कागच्मया नेत्यांना मदतीची विनंती केली. परंतु सतेज पाटील यांनी केवळ प्रमुख नेत्यांनाच न भेटता त्याचबरोबर प्रत्येक मतदाराला प्रसंगी घरी अथवा त्यांच्या कार्यालयात भेटून मदतीचे आवाहन केले. त्याआधी आमदार महादेवराव महाडिक यांनीही दौरा करत मुश्रीफ यांची भेट घेतली.

सुरवातीला सकाळी आठच्या सुमारास आमदार महादेवराव महाडिक यांनी आमदार मुश्रीफ यांची भेट घेऊन सुमारे २० मिनिटे बंद खोलीत चर्चा केली. त्यानंतर सकाळी १० च्या सुमारास माजी आमदार सतेज पाटील यांनी मुश्रीफ यांच्याशी अर्धा तास चर्चा केली. त्यानंतर त्यांनी जिल्हा बँकेचे संचालक भैय्या माने, पंचायत समिती सभापती पिंटू लोहार, नगरसेवक संजय कदम आणि भैय्या इंगळे यांची व्यक्तीश: भेट घेतली. मुश्रीफ आणि राजे गटाचे सर्व नगरसेवक कागल नगरपरिषदेतच मिटींग हॉलमध्ये सतेज पाटील यांनी भेट घेतली. यावेळी बोलताना सतेज पाटील यांनी उमेदवारीचा निर्णय पक्षश्रेष्ठी घेतील पण मी आत्मविश्वास असल्याने प्रत्येक मतदारापर्यंत पोहचणार आहे.

मागील काही निवडणुकांत आम्ही मैत्रीच्या भावनेतून राष्ट्रवादीला मदत केली आहे. हा पैरा राष्ट्रवादी या निवडणुकीत मला साथ देऊन फेडेल, असाही आत्मविश्वास वाटत आहे. शिवाय विक्रमसिंह घाटगेंप्रमाणेच समरजितसिंह घाटगेही मला साथ देतील, अशी खात्री असल्याचे त्यांनी सांगितले.

यावेळी नगराध्यक्षा संगीता गाडेकर म्हणाल्या, आमदार हसन मुश्रीफ जो निर्णय देतील तो आम्ही तंतोतंत पाळू. नूतन आमदारांच्या मदतीने कागलच्या वैभवात आणखी भर पाडू असा विश्वास व्यक्त केला.

राष्ट्रवादीचे जिल्ह्यात ११८ मतदार आहेत. तर जनसुराज्यचे ३७ मतदार आहेत. ज्या उमेदवारास काँग्रेसचे तिकीट मिळेल त्यालाच आघाडी धर्म ठरल्याप्रमाणे राष्ट्रवादीची मदत राहील.

- आमदार हसन मुश्रीफ

मोबाइल अॅप डाउनलोड करा आणि राहा अपडेट

चौपदरीकरण गेले खड्ड्यात

December 3, 2015, 11:25 am

≫ Next: प्रदूषणमुक्तीचा सर्वंकष प्लॅन

≪ Previous: विधानपरिषदेसाठी पाठशिवणीचा खेळ

$

0

0

मुदतवाढ देऊनही कोल्हापूर-सांगली महामार्गाचे काम बंदच

अजय जाधव, जयसिंगपूर

कोल्हापूर-सांगली रस्त्याचे चौपदरीकरण पूर्ण करण्यासाठी ३१ मेची डेडलाइन सार्वजनिक बांधकाम मंत्र्यांनी दिली होती. मात्र सात महिने उलटले तरी अद्याप शिरोळ तालुक्यात रस्त्याचे काम अपुर्ण आहे. हातकणंगले, तमदलगे, उदगाव येथे पुलाची कामे ठप्प असून भूसंपादनही रखडले आहे. जयसिंगपुरात मुरूमीकरणाचे काम अर्धवट स्थितीत आहे. यामुळे चौपदरीकरण पुर्ण होणार तरी कधी असा प्रश्न निर्माण होत आहे.

कोल्हापूर - सांगली रस्ता चौपदरीकरणाचे काम सुप्रीम इन्फ्रास्ट्क्चर कंपनीने तीन वर्षांपूर्वी सुरू केले. काम पूर्ण करण्यासाठी कंपनीला दोन वर्षांची मुदत देण्यात आली होती. परंतु काम पूर्ण न झाल्याने पुन्हा मुदतवाढ देण्यात आली. चौपदरीकरण जलदगतीने पूर्ण व्हावे यासाठी एप्रिल महिन्यात कोल्हापुरात आढावा बैठक घेण्यात आली होती. यावेळी रस्त्याचे काम पावसाळ्यापुर्वी पूर्ण करावे, असे आदेश सार्वजनिक बांधकाम मंत्री चंद्रकांत पाटील यांनी दिले होते. पावसाळ्यापूर्वी हे काम पूर्ण झाले नाही, तसेच अर्धवट स्थितीतील काम अद्यापही ठप्प आहे.

शिरोळ तालुक्यात चौपदरीकरणांतर्गत तमदलगे बसवानखिंड, जयसिंगपूर ते उदगाव टोलनाका तसेच तमदलगे बसवानखिंड, निमशिरगाव, जैनापूर, ते उदगाव टोल नाका हा रस्ता करण्यात येत आहे. मात्र काम अपूर्ण असल्याने वाहनधारकांना या रस्त्यावरून जाताना कसरत करावी लागते. तमदलगे येथे पुलाचे काम अर्धवट स्थितीत आहे. तर भूसंपादनातील अडथळ्यामुळे येथे गावभागात रस्त्याचे कामच सुरू करण्यात आले नाही.

तमदलगे ते निमशिरगांव दरम्यान दुपदरी रस्त्यापैकी एकाच बाजूचे डांबरीकरणाचे काम झाले आहे.

उदगाव टोल नाक्याजवळ छोट्या पुलाचे काम ठप्प आहे. या पुलाच्या परिसरातील रस्त्याचे कामही ठेकेदारांकडून पूर्ण करण्यात आले नाही. जैनापूर ते उदगाव टोलनाका दरम्यानच्या काही रस्त्याचे डांबरीकरण अपुर्ण अवस्थेत आहे. जयसिंगपूर शहरात रुंदीकरणासाठी रस्त्याच्या दुतर्फा खुदाई करण्यात आली आहे. येथे मुरुमीकरणही पुर्ण झाले नाही. चौपदरीकरणाचे काम सुरू होऊन तब्बल तीन वर्षे झाली तरी कामे अद्याप अपूर्ण आहेत.

अपघाताचा आलेख वाढता

जयसिंगपूर शहरात ठिकठिकाणी रस्ता उकरण्यात आला आहे. याठिकाणी ठेकेदाराने रिफ्लेक्टर तसेच सूचना फलक लावले नाहीत. परिणामी रस्त्यावरील खड्ड्यांमुळे अपघातांचा आलेख उंचावला आहे.

कोल्हापूर-सांगली रस्ता चौपदरीकरण तातडीने पुर्ण होण्याची गरज आहे. काही ठिकाणी भूसंपादन रखडले होते, पाठपुरावा करून ते काम मार्गी लावले आहे. चौपदरीकरणाच्या कामाला गती देण्यासाठी ठेकेदारांना सूचना देण्यात येतील. तसेच अधिवेशन संपताच आढावा बैठक घेऊ.

-चंद्रकांत पाटील,

सार्वजनिक बांधकाम मंत्री

जयसिंगपुरात वाहतुकीची कोंडी

तमदलगे, निमशिरगांव, जैनापूर ते उदगाव टोलनाका रस्त्याचे काम रखडल्याने जयसिंगपूर शहरातून जाणाऱ्या वाहनांची संख्या वाढली आहे, यामुळे वाहतुकीची कोंडी होत आहे. वारंवार आढावा बैठका होऊनही शिरोळ तालुक्यात रस्त्याचे काम रखडले असून काम पूर्ण होणार तरी कधी असा प्रश्न निर्माण होत आहे.

शाळेचे काम रखडले

निमशिरगांव येथे कुमार व कन्या विद्यामंदिर ही शाळा रस्त्यात येत असल्याने जमिनदोस्त करावी लागणार आहे. एक वर्षापुर्वी शाळेच्या नव्या इमारतीसाठी ग्रामपंचायतीने एक हेक्टर जागा दिली. नव्या जागेची मोजणी करून प्रस्तावही पाठविण्यात आला. मात्र लाल फितीच्या कारभारात प्रस्ताव अडकल्याने शाळेच्या नव्या इमारतीचे काम रखडले आहे.

मोबाइल अॅप डाउनलोड करा आणि राहा अपडेट

प्रदूषणमुक्तीचा सर्वंकष प्लॅन

December 3, 2015, 11:29 am

≫ Next: सोळा कोटीच्या एलबीटीसाठी सुनावणी

≪ Previous: चौपदरीकरण गेले खड्ड्यात

$

0

0

पंचगंगा नदी कोल्हापूरची जीवनदायिनी आहे. केवळ जाणीवा जागृत केल्याने नदीच्या प्रदूषणाचा प्रश्न सुटणार नाही. प्रदूषण प्रत्येकाला भेडसावणारा प्रश्न आहे. प्रत्येकाने नदी प्रदूषण मुक्तीसाठी माझा काय संबंध असा विचार केला आणि त्यापासून चार हात लांब राहिला तर नदी कधीच प्रदूषणमुक्त होऊ शकणार नाही. नागरिक, सामाजिक संस्था, या क्षेत्रातील तज्ज्ञांना सामावून घेत नदी प्रदूषणमुक्तीचा अॅक्शन प्लॅन तयार केला जाईल. तांत्रिकदृष्ट्या आणि प्रत्यक्ष सर्व्हेवर आधारित हा अॅक्शन प्लॅन नदी प्रदूषणमुक्ती अभियानाचा उत्कृष्ट मॉडेल ठरेल. तांत्रिक आराखडा तयार झाल्यानंतर राज्य सरकारबरोबरच केंद्रीय पर्यावरण मंत्रालयाकडे अंमलबजावणीसाठी पाठपुरावा केला जाईल असा विश्वास आर्किटेक्ट ऑफ इंजिनीअर्स असोसिएशनचे अध्यक्ष राजेंद्र सावंत यांनी व्यक्त केला.

नदी प्रदूषणमुक्ती अभियानात असोसिएशनची भूमिका कशी असेल?

जगातील सर्वाधिक प्रदूषित नद्यांमध्ये पंचगंगेचा समावेश आहे. भविष्याच्या विचार केला तर पिण्याच्या पाण्यासाठी पंचगंगेतील पाण्याची पर्यायी व्यवस्था म्हणून पाहिले जाते. यासाठी पंचगंगा नदी प्रदूषणमुक्त असली पाहिजे. पुढील पिढीपर्यंत ती शुद्धस्वरूपात प्रवाहीत झाली पाहिजे यासाठी काय करता येईल यासंबंधी शास्त्रीयदृष्ट्या उपाययोजना सुचविण्यात येतील. प्रदूषणामुळे नदीकाठावरील व शेजारील गावांत गॅस्ट्रो, कावीळीसारख्या साथीच्या रोगांचा विळखा आहे. नदीवर अवलंबून असलेली गावे आणि शहराला भविष्यकाळात याचा अत्यंत गांभीर्याने विचार करणे गरजेचे आहे. कोल्हापूरच्या मातीशी काहीतरी आपण देणे लागतो या भावनेतून आर्किटेक्ट असोसिएशन स्वखर्चाने येत्या सहा महिन्यात हा सर्व्हे करणार आहे.

सर्वेेक्षणाचे स्वरूप काय असणार?

असोसिएशनतर्फे नदी प्रदूषणमुक्त करण्यासाठी तांत्रिकदृष्ट्या सक्षम आराखडा तयार केला जाणार आहे. त्यासाठी पहिल्या टप्प्यात शहरातील सर्व नाले आणि नदीकाठाचा सर्व्हे होईल. नदीच्या सद्यस्थितीची रूपरेखा निश्चित करून प्रदूषण नियंत्रणाचा आराखडा तयार केला जाईल. नदी-नाला परिसरात 'नो डेव्हलपमेंट झोन' निश्चित करावा लागणार आहे. दोन्ही बाजूला कसल्याही प्रकारच्या बांधकामाला मनाई आणि दुसरीकडे नदी प्रदूषण थांबविण्यासाठी आवश्यक वनस्पतींची लागवड असे पर्याय असणार आहेत. पंचगंगेच्या उगमापासून, प्रयाग चिखलीपासून नृसिंहवाडीपर्यंतच्या ६७ किलोमीटरच्या अंतरात नदी कुठे आणि कोणत्या घटकामुळे प्रदूषित होते ते पाहून प्रदूषण रोखण्याचा शास्त्रीय पॅटर्न मांडला जाईल.

प्रदूषणमुक्तीच्या आराखड्याची अंमलबजावणीचे काय?

शास्त्रीय पॅटर्न तयार झाल्यानंतर त्याच्या प्रभावी अंमलबजावणीसाठी पाठपुरावा केला जाईल. महापालिका, जिल्हा परिषद, इचलकरंजी पालिका, प्रदूषण नियंत्रण मंडळाची याप्रश्नी महत्त्वाची भूमिका आहे. याप्रश्नी जनतेचा दबाव गट तयार करून राज्य सरकार, केंद्रीय पर्यावरण मंत्रालयापर्यंत पाठपुरावा करण्यात येईल. केंद्रीय पर्यावरण मंत्रालयाकडे या संदर्भात पत्रव्यवहार सुरू आहे. तांत्रिकदृष्ट्या सक्षम आराखडा तयार झाला की प्रदूषणमुक्तीचा अॅक्शन प्लॅन तयार करू. हा प्लॅन सर्वांसाठीच मॉडेल ठरेल, असे काम करू.

कोल्हापूरच्या पाणी पुरवठ्याचा इतिहास

कोल्हापूरच्या पाणी पुरवठ्याच्या इतिहासावर नजर टाकल्यास कोल्हापूर हे तळ्यांचे गाव म्हणून प्रसिद्ध होते. १७६० मध्ये कात्यायनी झरा व २१ तळ्यांमधून कोल्हापूर शहराला पाणी उपलब्ध होते. १७६० ते १७७० दरम्यान कात्यायनी झऱ्यामधून अंबाबाई मंदिरापर्यंत अॅक्वा डक्टद्वारा सायफन पद्धतीने पाणी येत असे. १८३० मध्ये रंकाळा तलावामधून सायफन पद्धतीने पाणी पुरवठा सुरू झाला. १८८१ ते १८८३ मध्ये कळंबा तलाव पाणी पुरवठा योजना अ​स्तित्वात आली. त्यातून आठ एमएलडी पुरवठा होत होता. १९४९ मध्ये बालिंगा पाणी पुरवठा योजनेद्वारे १०.९ एमएलडी पुरवठा व्हायचा. १९७८ मध्ये बावडा पाणी पुरवठा योजना ३६ एमएलड क्षमतेची करण्यात आली. २००१ मध्ये पुईखडी, शिंगणापूर योजना सर्वसाधारण ५० एमएलडी करण्यात आली.

>> आप्पासाहेब माळी

मोबाइल अॅप डाउनलोड करा आणि राहा अपडेट

सोळा कोटीच्या एलबीटीसाठी सुनावणी

December 3, 2015, 11:22 am

≫ Next: वीस हजार कुटुंबीयांना घरे

≪ Previous: प्रदूषणमुक्तीचा सर्वंकष प्लॅन

$

0

0

म. टा. प्रतिनिधी, कोल्हापूर

कोल्हापूर शहरातील ३७६ व्यापाऱ्यांनी १६ कोटी इतक्या एलबीटी रकमेचा भरणा केलेला नाही. महापालिकेने केलेल्या असेसमेंटमध्ये ही माहिती समोर आली आहे. पैकी काही व्यापाऱ्यांनी एकदाही एलबीटी भरणा केला नाही. या व्यापाऱ्यांकडून सोळा कोटीची थकीत रक्कम वसूल करण्यासाठी महापालिका कारवाई करणार आहे. पहिल्या टप्प्यात सर्व व्यापाऱ्यांची सुनावणी होणार आहे. यासंबंधी व्यापाऱ्यांना नोटिसा काढल्या जाणार आहेत. आयुक्त पी. शिवशंकर यांच्यासमोर येत्या आठ डिसेंबरपासून टप्प्याटप्प्याने सुनावणी होणार आहे.

राज्य सरकारने जकात वसुली बंद केल्यानंतर २०११ मध्ये स्थानिक संस्था कराची अंमलबजावणी केली. मात्र व्यापाऱ्यांनी प्रारंभापासूनच एलबीटीचा भरणा करण्यास विरोध केला. मात्र महापालिकेने याप्रश्नी आक्रमक भूमिका घेत एलबीटी वसुली सुरू ठेवली होती. एप्रिल २०११ ते जुलै २०१५ या कालावधीत एलबीटी वसुली सुरू होती. राज्य सरकारने एक ऑगस्ट २०१५ पासून एलबीटी रद्द केल करण्याचा निर्णय घेतला. एलबीटी रद्द करण्यात आला असला तरी गेल्या चार वर्षात अनेक व्यापाऱ्यांनी एलबीटीचा भरणा केला नाही, त्यामध्ये सातत्य ठेवले नाही. कागदपत्रांची पूर्तता केली नाही.

महापालिकेने थकीत एलबीटी संदर्भात सीएचे पथक नेमून असेसमेंट केले. यामध्ये एलबीटी चुकवलेल्या व्यापारी, थकीत रक्कमेचा अहवाल तयार केला आहे. असेसमेंटचे काम पूर्ण झाले असून येत्या आठ डिसेंबरपासून आयुक्त पी.शिवशंकर यांच्यासमोर सुनावणी होणार आहे. पाच टप्प्यात या सुनावणी होणार आहेत. स्थानिक संस्था कर विभागाकडील माहितीनुसार ३७६ व्यापाऱ्यांची सुनावणी होणार आहे.

मोबाइल अॅप डाउनलोड करा आणि राहा अपडेट

वीस हजार कुटुंबीयांना घरे

December 3, 2015, 10:32 am

≫ Next: आश्वासनांची किती पूर्तता केली?

≪ Previous: सोळा कोटीच्या एलबीटीसाठी सुनावणी

$

0

0

'पीपीपी' तत्वावर साकारणार घरकुल

म. टा. प्रतिनिधी, कोल्हापूर

प्रधानमंत्री आवास योजनेतून शहरातील झोपडपट्टीतील तब्बल वीस हजार कुटुंबांना पक्की घरे मिळणार आहेत. जवळपास एक लाख लोकांना घरकुल मिळणार आहे. केंद्र सरकारने प्रधानमंत्री आवास योजना ५१ शहरांत राबविण्याचा निर्णय घेतला आहे. पब्लिक अँड प्रायव्हेट पार्टनरशिप (पीपीपी) तत्वावर पक्की घरे बांधली जाणार आहेत. विकसकाला या मोबदल्यात टीडीआर किंवा जादा एफएसआय दिला जाणार आहे. या योजनेसाठी केंद्र आणि राज्य सरकार प्रत्येकी एक लाख रुपये अर्थसहाय्य देणार आहे.

राजीव आवास योजनेंतर्गत झोपडपट्टीधारकांचा सर्व्हे केला होता. त्यानंतर महापालिकेने झोपडपट्टी विकासाचा सविस्तर प्रकल्प आराखडा तयार करून राज्य सरकारकडे सादर केला होता. दरम्यानच्या काळात केंद्रात सत्ताबदल झाल्यामुळे राजीव आवास योजना बंद करून त्याऐवजी प्रधानमंत्री आवास योजना सुरू करण्यात आली आहे. तत्पूर्वी एकात्मिक गृहनिर्माण झोपडपट्टी विकास योजनेतून शहरातील विविध झोपडपट्टी भागात ७६१ घरे बांधली. महापालिकेने चार हजार घर बांधण्याचे नियोजन केले होते. आता प्रधानमंत्री आवास योजनेंतर्गंत पक्की घरे मिळण्याच्या आशा आहेत.

झोपडपट्टीधारकांसाठी आवाहन

केंद्र सरकारच्या २०२२ पर्यंत सर्वांसाठी घरे या योजनेत झोपडपट्टीमुक्त शहराचा आराखडा तयार करण्यात येणार आहे. यासाठी सर्व्हेक्षण करून तयार झालेली झोपडपट्टीवासियांची यादी प्रत्येक झोपडपट्टीत लावण्यात आली आहेत. या यादीबद्दल हरकती, सूचना नोंदविण्यासाठी तीन डिसेंबरपर्यत मुदत दिली होती. यामध्ये १४ डिसेंबर पर्यंत वाढ केली आहे. या यादीत नाव असल्याची खात्री करावी, पुराव्यासह १४ डिसेंबरपर्यंत अर्ज करावेत. ओळखपत्र, संपर्क नंबरच्या प्रतींसह अर्ज राजीव आवास योजना, कार्यालय तिसरा मजला, शिवाजी मार्केट येथे सादर करावेत. सर्व्हेक्षण अपूर्ण आहे त्यांनी करण्यासाठी सहकार्य करावे, असे आवाहन शहर अभियंता नेत्रदीप सरनोबत यांनी केले आहे.

मोबाइल अॅप डाउनलोड करा आणि राहा अपडेट

आश्वासनांची किती पूर्तता केली?

December 3, 2015, 11:23 am

≫ Next: लक्ष करवीर तालुक्यावरच

≪ Previous: वीस हजार कुटुंबीयांना घरे

$

0

0

महायुतीचे सरकार आल्यानंतर विकासकामांचा डोंगर उभे करण्याचे आश्वासन आमदारांनी दिले होते, पण वर्षभरात त्यांच्याकडून कोणतीच कामे झाली नसल्याचे दिसत आहे. आश्वासनपूर्ती न करणारे आमदार म्हणून त्यांचे नाव घ्यावे लागेल. आपण आमदार असताना जो​ निधी आणला, त्या विकासकामाचे नारळ त्यांनी पाच वर्षे फोडले. पण या वर्षभरात त्यांनी काहीच काम केले नाही.

माझ्या आमदारकीच्या कारकीर्दीत मतदारसंघात ४२ पूल बांधले. त्यामध्ये दोन मोठे पूल होते. दोनशे कोटीचा निधी खेचून आणला. निधी खेचून आणण्याची ताकद होती. आमदार नसतानाही या मतदारसंघासाठी आपण निधी आणला. पण आमदार चंद्रदीप नरके निधी खेचून आणण्यात अयशस्वी ठरले आहेत. वर्षभरात त्यांनी काहीच न केल्याने त्यांच्याकडे सांगण्यासाठी काहीच नाही. टोलला टोला देणार म्हणत ते निवडून आले, पण वर्ष झाले तरी हा प्रश्न सुटलेला नाही. आमचे सरकार असताना टोलविरोधात रस्त्यावर उतरलो. पण या आमदारांनी वर्षभरात बोटचेपी धोरणच स्वीकारले. कोल्हापूर महापालिकेला काही प्रमाणात निधी आम्ही दिला. या आमदारांनी महापालिकेस काहीच निधी दिला नाही. विरोधी पक्षाचे सरकार आहे. ते निधी देत नाहीत, असा आरोप ते पाच वर्षे करत होते. आता तर त्यांचे सरकार आहे. मग त्यांना निधी का आणता येत नाही. दुष्काळाची तीव्रता जाणवत आहे, पाणीटंचाई आहे. याबाबत ते काहीच करताना दिसत नाहीत. केवळ विकासकामाच्या गप्पा मारणाऱ्या आमदारांनी प्रत्यक्षात मात्र काहीच केले नाही. त्यामुळे मतदारसंघातील प्रश्न वाढत आहेत.

अनेक वर्षे राज्यात दोन्ही काँग्रेसची सत्ता होती. या काळात कोल्हापूरचा टोलचा प्रश्न सुटला नाही. आमच्या पक्षाची सत्ता आहे म्हणून आम्ही त्याकडे दुर्लक्ष केले नाही तर रस्त्यावर उतरलो. न्यायालयीन लढाई सुरु केली. अाता मात्र सरकार त्यांचे आहे म्हणून त्या प्रश्नाकडे दुर्लक्ष केले जात आहे. पूर्वी टोलच्या विरोधात आक्रमक असणारे आमदार आता मात्र शांत आहेत.

- पी. एन. पाटील,

माजी आमदार

मोबाइल अॅप डाउनलोड करा आणि राहा अपडेट

लक्ष करवीर तालुक्यावरच

December 3, 2015, 10:43 am

≫ Next: ४४ धार्मिक स्थळे बेकायदा

≪ Previous: आश्वासनांची किती पूर्तता केली?

$

0

0

विकासकामांसाठी ५० कोटींचा निधी, मात्र काही गावांना प्रतीक्षाच

म. टा. प्रतिनिधी, कोल्हापूर

आमदार चंद्रदीप नरके यांनी करवीरमधील २५५ गावांपर्यंतच सोयी आणि सुविधा पोहचविण्याचा प्रयत्न केला आहे. वर्षभारात ५० कोटींचा निधी आणून विकासकामे सुरू केली आहेत. कोल्हापूर-गगनबावडा रस्त्याचा प्रश्न मात्र तसाच आहे. काही गावांत प्राथमिक सुविधांची वानवा आहे. सहकारी साखर कारखान्याचे राजकारण, ग्रामपंचायती, विकास संस्था आणि विधानसभेच्या राजकारणातून काही गावे विकासाच्या प्रतीक्षेत आहेत.

एक वर्षाच्या कालावधीत ५० कोटींचा निधी आणून करवीर मतदारसंघात विकासाकामाची सुरुवात केली. यात आमदारांचा स्थानिक विकास कार्यक्रम, डोंगरी विकास कार्यक्रमात (करवीर, पन्हाळा, गगनबावडा) लाखोंचा निधी आणला. जिल्हा नियोजन समितीतून काही गावांत रस्ते पूर्ण केले. जिल्हा नियोजन समिती साकव, रस्ते, दलित वस्ती विकास कार्यक्रम, नागरी सुविधा योजना, सामान्य कार्यक्रम, क वर्ग यात्रास्थळ, नाबार्ड २० अंतर्गत, अर्थसंकल्पीय निधी (राज्य निधी), विशेष घटक साकव योजना, जनसुविधा योजना (स्मशानशेड), व्यायामशाळा साहित्य योजना अशी कामे केली आहेत. यातील काही कामे अद्याप सुरू आहेत. संजय गांधी, इंदिरा गांधी वृद्धापकाळ आणि श्रावणबाळ योजनेचा हजारो लाभार्थ्यांना फायदा मिळवून दिला आहे.

आमदार नरके यांनी अनेक उपक्रमांतून निधी आणला. ज्या गावांतून मताधिक्य मिळाले आहे त्या गावांतील विकासकामांना प्राधान्य दिले. त्यासह करवीर, गगनबावडा आणि पन्हाळ्यातील काही गावांपर्यंत मात्र विकास पोहोचलेला नाही. करवीर मतदारसंघात २५५ गावे आहे. पैकी काही गावांत आमदारांच्या नावे युवा मंच आहे. मात्र त्या ठिकाणी मुलभूत सोयी-सुविधा नाही. अनेक वाड्या-वस्त्यांवर वीज नाही. पावसाळ्यात तर या दुर्गम डोंगरी भागातून प्रवास म्हणजे डर्ट ट्रॅकचा प्रवास अनुभव घ्यावा लागतो. दोन गावांना जोडणाऱ्या पुलांची रुंदी कमी असल्याने अनेक गावांत एक वाहन गेल्याशिवाय दुसरे वाहन जाऊ शकत नाही. दरवर्षी कोल्हापूर ते गगनबावडा रस्त्याची चाळण होते. ऊस हंगामात तर हा रोड अपघाताचा केंद्रबिंदूच बनतो. या मार्गावरच आमदार चंद्रदीप नरकेंचा कुंभी साखर कारखाना आणि पुढे माजी गृहराज्यमंत्री सतेज पाटील यांचा डॉ. डी. वाय. पाटील सहकारी साखर कारखाना आहे. ऊस, अवजड वाहतुकीमुळे दरवर्षी रस्त्याची दुरवस्था होते. विशेष प्रकल्प योजनेंतर्गत सुमारे २८० कोटींचा चारपदरीचा प्रस्ताव आमदारांनी दिला आहे. मात्र अद्याप रस्त्यावरुन धोकादायक वाहतूक सुरू आहे. गगनबावडा तालुका पर्यटन करण्याचे आतापर्यंत अनेकांनी आश्वासने दिली आहे. मात्र आराखडा झालेला नाही. पर्यटकांनी रामलिंग, गगनगिरीसह काही स्थानिक देवालयात जाण्यासाठी अग्निदिव्यच पार पाडावे लागत आहे. मतदारसंघात अतिरिक्त जमिनीचा प्रश्नही गंभीर आहे. या भागातील काही एजंट आणि शेतकऱ्यांनीही जमिनी परस्पर विकल्या आहेत. केवळ वटमुखत्यार असल्याने खरेदीदार आणि शेतकऱ्यांच्यात वाद होत आहेत. सात बारा ऑनलाइन करण्याची योजनाही फोल ठरली आहे. गगनबावडा आणि पन्हाळा तालुक्यात काही गावांना जोडणारी पुलाची मागणी आहे. केवळ पन्हाळा तालुक्यातील वाळोली बोरगांव, कुरुकली हासूर येथे पुलाचे काम सुरु आहे. या पुलाची मागणी १९८० पासून केली जात होती. कोकण रेल्वे जोडणाऱ्या मार्गांचे निश्चितीकरण झालेले नाही. कोकण रेल्वे विकास महामंडळाने सुचविलेला मार्ग आणि आमदार नरके यांनी सुचविलेला कमी अंतराचा मार्ग याबाबत चर्चा सुरु आहे.

कोल्हापूर-गगनबावडा रोड चौपदरीपदरी करण्यासाठी प्रस्ताव दिला आहे. विशेष प्रकल्प योजनेंतर्गत २८० कोटींचा प्रस्ताव दिला आहे. चौपदरीकरणाला चालना देण्यासाठी सातत्याने प्रयत्न सुरु आहेत. सर्वंच बाबतीत सरकारवर अवलंबून न राहता काही योजनांसाठी पुढाकार घेतला आहे. त्यासाठी गगनबावडा तालुका पर्यटन विकास आराखड्याचे काम हाती घेतले आहे. काही उद्योजक, व्यावसायिकांना आमंत्रित करुन स्पॉटही निश्चित केले आहेत. घाटावरचे कोल्हापूर आणि कोकण मार्गाची कनेक्टिव्हीटी जोडण्यासाठी प्रयत्न सुरू आहेत. निगवे, बाचणी येथे क्रीडा संकुलाचे काम प्रगतीपथावर आहे. त्यासह गगनबावडा येथे क्रीडा संकुलाची उभारणी करण्यात येत आहे. रेल्वेमंत्री सुरेश प्रभू यांची भेट घेऊन कोल्हापूर ते कोकण नवा रेल्वे मार्ग सुचविला आहे. एमआयडीसी, वाशी, बीड, गणेशवाडी, पनोरी, धुंदवडे, बोरबोट मार्गे कोकणात जाणारे अंतर कमी होऊ शकते. त्यासाठी पाठपुरावा केला आहे. अत्यावश्यक सर्व नागरी सुविधा प्रत्येक गावांत दिल्या आहेत.

- आमदार चंद्रदीप नरके

मोबाइल अॅप डाउनलोड करा आणि राहा अपडेट

---

४४ धार्मिक स्थळे बेकायदा

December 3, 2015, 11:22 am

≫ Next: शौचालयांसाठी पालिकेवर मोर्चा

≪ Previous: लक्ष करवीर तालुक्यावरच

$

0

0

म. टा. वृत्तसेवा, इचलकरंजी

सर्वोच्च न्यायालयाच्या निर्देशानुसार शहरातील विना परवाना, अनाधिकृत सार्वजनिक ठिकाणी असलेल्या मंदिराबाबत कार्यवाही सुरू झाली आहे. २००९ च्या सर्व्हेनुसार शहर हद्दीत १२८ मंदिरे विनापरवाना आढळून आली असून यातील ८४ मंदिरे, प्रार्थनास्थळे नियमितीकरणास पात्र ठरले आहेत, तर ४४ मंदिरे बेकायदा आहेत. शहरातील रस्त्यावर रहदारीस अथडळे आणणाऱ्या मंदिरांबाबत न्यायालयाच्या निर्देशानुसार कार्यवाही होणार आहे. यासंदर्भात जिल्हाधिकाऱ्यांनी जिल्ह्याची सर्व माहिती विभागीय आयुक्तांकडे सादर केली असून नागरिकांना याबाबत २४ नोव्हेंबरपर्यंत हरकती घेता येणार आहे.

दरम्यान २००९ नंतरही शहरात रस्त्यावर सार्वजनिक ठिकाणी मंदिरे उभारण्यात आली आहेत. जिल्हाधिकारी यांच्या आदेशानुसार त्याचाही सर्व्हे सुरू झाला आहे. त्याबाबतची कार्यवाही ही नजीकच्या काळात होणार आहे. सर्वोच्च न्यायालयाने २००६ च्या निकालानुसार राज्य शासनास अनाधिकृत धार्मिक स्थळाची झालेली बांधकामे निष्कासित करणे, स्थलांतरीत करणे किंवा नियमित करण्याबाबत आदेश दिले होते. न्यायालयाच्या आदेशानुसार राज्य शासनाने अनाधिकृत मंदिरबाबत धोरण निश्चित करून कृती कार्यक्रम निश्चित करावा असे आदेश पालिकेला दिले होते.

पालिकेने केलेल्या सर्व्हेत १२८ मंदिराची बांधकामे आढळून आली. नगररचना विभागाच्या नियमात ८४ मंदिरे पात्र ठरणारी आहेत. ही मंदिरे या आदेशान्वये नियमित करण्यात येणार आहेत तर ४४ मंदिरे रस्त्यावर अडथळा आणणारी आणि नगररचनाच्या निकषनुसार अपात्र ठरली आहेत. नागरिकांनी मागणी केल्यास त्याचे स्थलांतरित करण्यात येणार आहे.

इचलकरंजी शहरातील धार्मिंक स्थळे

केंगार गल्ली येथील म्हसोबा मंदिर, रेंदाळ बँकेसमोरील म्हसोबा मंदिर, फुले पुतळा रोड मारूती मंदिर, सुगंध उद्यान समोरील म्हसोबा मंदिर, वेताळ पेठ येथील वेताळ मंदिर, लक्ष्मी प्रोसेसजवळील मारूती मंदिर, थोरात चौक रोडवरील विठ्ठल व नागनाथ मंदिर, लंगोटे मळ्यातील दत्त मंदिर, जुना चंदूर रोडवरील दुर्गामाता मंदिर, १३/२७१ येथील हनुमान मंदिर, गणपती कट्टा गणपती मंदिर, साई समर्थनगर येथील साई मंदिर, कंजारभाट वसाहत येथील महालक्ष्मी मंदिर, ८/८६१ येथील पवित्र महाराज मंदिर, आसरानगर येथील म्हसोबा मंदिर, गणेशनगर गल्ली नं. ९ येथील म्हसोबा मंदिर, दत्तनगर शहापूर येथील दत्त मंदिर, पोटफाडी कॉर्नर हनुमान मंदिर, धनगर गल्ली येथील म्हसोबा मंदिर, गुरू टॉकीज चौक येथील म्हसोबा मंदिर, जुने एसटी स्टँड म्हसोबा मंदिर, भाटले मळा लक्ष्मी यल्लम्मा मंदिर व सिद्धनाथ मंदिर, दत्तनगर येथील दत्त महालक्ष्मी मंदिर, कोरवी गल्ली येथील मरगूबाई मंदिर, विक्रमनगर रोड हनुमान मंदिर, लाखेनगर येथील संतुबाई मंदिर, कुष्ठरोगी वसाहत येथील प्रार्थना हॉल व पवित्र महाराज मंदिर, मलाबादे शाळा जवळील हनुमान मंदिर, लिंगायत स्मशान भूमी लगत पवित्र महाराज मंदिर, वृंदावन कॉलनी मारूती मंदिर, माळी पेट्रोल पंप जवळील दत्त मंदिर, म्हसोबा गल्ली नं. १ येथील मस्जिद, गुजरी पेठ येथील झाडाखालील हनुमान मंदिर, मरगूबाई मंदिरासमोरील नाग गणराया मंदिर, नदीवेस नाका येथील मरगूबाई मंदिर, डॉ. विलास जोशी हॉस्पिटल समोर गणपती मंदिर, बालाजीनगर येथील हनुमान मंदिर, सावंत प्रोसेस जवळील महालक्ष्मी मंदिर, भगतसिंग उद्यान लगत म्हसोबा मंदिर, राजीव गांधी झोपडपट्टी लगत म्हसोबा मंदिर ही निष्कासनास पात्र ठरली आहेत.

मोबाइल अॅप डाउनलोड करा आणि राहा अपडेट

शौचालयांसाठी पालिकेवर मोर्चा

December 3, 2015, 11:23 am

≫ Next: प्राध्यापकास मारहाण

≪ Previous: ४४ धार्मिक स्थळे बेकायदा

$

0

0

इचलकरंजीत नगराध्यक्षांवर प्रश्नांचा भडिमार

म. टा. वृत्तसेवा, इचलकरंजी

नगराध्यक्षांच्या प्रभागातच नागरी सुविधांची वाणवा होण्याबरोबरच सार्वजनिक शौचालयांची दूरवस्था झाली असल्याने गुरुवारी भागातील संतप्त महिलांनी पालिकेवर मोर्चा काढत नगराध्यक्षा शुभांगी बिरंजे यांच्यावर प्रश्नांची सरबत्ती केली. नगराध्यक्षांच्या दालनात आंदोलक महिलांनी चांगलाच गोंधळ घातला.

येथील प्रभाग क्रमांक १० मधील चांदणी चौक, जुना वैरण बाजार परिसर व व्यंकोबा मैदानाच्या पिछाडीस असलेल्या सार्वजनिक शौचालयांची दूरवस्था झाली आहे. याठिकाणी पाण्याची वाणवा असून वीजेचीही व्यवस्था नाही. त्याबरोबरच सांडपाणी जाण्यासाठी असलेल्या गटारी सातत्याने तुंबत असल्याने परिसरात दुर्गंधीचे साम्राज्य पसरत आहे. चांदणी चौकातील सार्वजनिक शौचालयास गळती लागल्यामुळे १५ दिवसांपासून हे शौचालये बंदच आहेत. या भागातील दोन्ही ठिकाणची सार्वजनिक शौचालये बंद अवस्थेत असल्यामुळे भागातील नागरिकांची गैरसोय होत आहे. तर घोरपडे नाट्यगृहाच्या पिछाडीस असलेल्या हिरा बागेची दुरवस्था झाली आहे. या बागेमध्ये सर्रास गैरप्रकार घडत असून ही बाग म्हणजे जुगारी व मद्यपींचा अड्डा बनली आहे. त्याचा परिसरातील नागरीकांना त्रास सोसावा लागतो तो वेगळाच. दोन वर्षापासून या भागात कायमस्वरुपी सफाई कामगार नसल्यामुळे परिसरात घाणीचे साम्राज्य निर्माण झाले आहे. गटारी तुंबून डासांचा उपद्रव वाढला असून नागरिकांचे आरोग्याचा प्रश्न निर्माण झाला आहे. याबाबत तात्काळ उपाय योजना करण्यात यावी, अन्यथा उग्र आंदोलन छेडण्यात येईल, असा इशाराही यावेळी निवेदनात देण्यात आला आहे. यावेळी उपस्थित नागरिकांनी भागातील लोकप्रतिनिधीआपली जबाबदारी झटकण्याचा प्रयत्न करत असल्याचा आरोप केला.

यावेळी संबंधीत मक्तेदारास बोलावून घेत नगराध्यक्षांनी खडेबोल सुनावत तत्काळ परिसराची स्वच्छता करून घेण्यास सांगितले. तर नागरी सुविधा पुरविण्याबाबत ठोस पावले उचलली जातील, असे आश्वासन दिले.

मोबाइल अॅप डाउनलोड करा आणि राहा अपडेट

प्राध्यापकास मारहाण

December 3, 2015, 11:26 am

≫ Next: पुरातत्त्व विभागाचे आदेश धाब्यावर

≪ Previous: शौचालयांसाठी पालिकेवर मोर्चा

$

0

0

इस्लामपुरात पेपर काढून घेतल्याने नातेवाईकाचे कृत्य

म. टा. वृत्तसेवा, इस्लामपूर

परिक्षेत कॉपी करताना सापडलेल्या भाच्याचा पेपर काढून घेतल्याच्या रागातून मानसिंग मधुकर पाटील याने कर्मवीर भाऊराव पाटील महाविद्यालयातील प्रा. डॉ. नितीन शिंदे यांना परीक्षा विभागात घुसून शिवीगाळ करीत मारहाण केली. गुरुवारी दुपारी दीडच्या सुमारास ही घटना घडली. याप्रकरणी मानसिंग पाटील व अन्य एका तरुणाविरोधात इस्लामपूर पोलिस ठाण्यात गुन्हा नोंद झाला. मानसिंग पाटील याने दोन महिन्यापूर्वी वाहतूक पोलिसांचीही गचांडी पकडली होती.

शिवाजी विद्यापीठाच्या सत्र परीक्षा सुरू आहेत. २६ नोव्हेंबर ते ५ डिसेंबर दरम्यान होणाऱ्या परीक्षांसाठी विद्यापीठाने प्रा. डॉ. नितीन शिंदे यांना वरिष्ठ पर्यवेक्षक म्हणून नियुक्त केले आहे. आज दीडच्या सुमारास बीए व बीएस्सीच्या तिसऱ्या सेमीस्टरची परिक्षा होती. बीएस्सी वर्गातील विद्यार्थ्यांचा फिजीक्सचा पेपर बारा वाजता सुरू झाला. दरम्यान सव्वा वाजता कॉलेज अंतर्गत पथकाने तपासणी करत असताना आठ मुलांकडे कॉपीचा कागद सापडला. पथकातील शिक्षकांनी संबंध‌ितांवर कारवाई करत त्यांच्याकडील पेपर, उत्तरपत्रिका, कॉपी व हॉल तिकीट डॉ. नितीन शिंदे यांच्याकडे जमा केल्या. कॉपी सापडलेल्यांनी नियमाप्रमाणे लेखी निवेदन देणे अपेक्षित होते. मात्र परीक्षा विभागाकडे कुणीच फिरकले नाही. दुपारी दीडच्या सुमारास डॉ. शिंदे परीक्षा विभागात असताना विद्यार्थी दर्शन पोपट पाटील व त्याचा मामा मानसिंग पाटील व आणखी एक जण या तिघांनी परीक्षा विभागात घुसून दर्शनच्या उत्तरपत्रिकेची मागणी केली. डॉ. शिंदे यांनी विद्यार्थ्यांचे निवेदन आल्यानंतर परिक्षेचे हॉल तिकीट देतो, उत्तरपत्रिका देता येणार नाही असे सांगितले. त्यावर मानसिंग पाटीलने डॉ. शिंदे यांना मारहाण करत तेथे टेबलवर असलेल्या उत्तरपत्रिका हिसकावून घेतल्या. दरम्यान टेबलवरच असलेली टेलरींगची कात्री घेऊन डॉ. शिंदे यांच्या अंगावर धावला. दरम्यान प्रा. प्रमोद दुर्गा, तेजपाल जगताप, हृषिकेश जाधव, सादीक जमादार यांनी डॉ. ‌शिंदे यांची सुटका केली. मानसिंगने हिसकावून घेतलेल्या उत्तरपत्रिका बाहेर नेल्या. त्यात भाच्याची उत्तरपत्रिका नसल्याचे पाहून त्याने पुन्हा आत आणून टाकल्या. 'तुम्हाला काय करायचे ते करा, पुन्हा कॉलेजच्या कॅम्पसबाहेर मीच आहे' असे म्हणत तुम्हाला बघतो अशीही धमकीही मानसिंगने डॉ. शिंदे यांना दिल्याचे फिर्यादीत म्हटले आहे. पोलिसांनी मानसिंगच्या विरोधात सरकारी कामात अडथळा, मारहाण, शिवीगाळ, जीवे मारण्याची धमकी दिल्याप्रकरणी गुन्हा दाखल केला. केबीपी कॉलेजमध्ये डॉ. शिंदे यांना मारहाण झाल्याची घटना समजताच कॉलेज तसेच पोलिस ठाण्याच्या आवारात विद्यार्थी, लोकांनी मोठी गर्दी केली होती. डॉ. शिंदे हे अंधश्रद्धा निर्मुलन समितीच्या विविध उपक्रम विभागाचे प्रमुख आहेत. निवृत्त प्राचार्य विश्वास सायनाकर, विद्रोही सांस्कृतिक चळवळीचे अध्यक्ष धनाजी गुरव, उपप्राचार्य एल. डी. पाटील दिवसभर थांबून होते.

मानसिंगची पार्श्वभूमी वादग्रस्त

मानसिंग पाटील हा इस्लामपूर व्यायाम मंडळाचा कबड्डी प्रशिक्षक आहे. त्याने २०११ मध्ये राष्ट्रवादीकडून नगरपालिकेची निवडणूक लढवली होती. किरकोळ कारणावरून लोकांना दमदाटी करणे, पोलिस ठाण्यात अरेरावी करणे असे प्रकार वारंवार करतो. त्याच्यावर मारामारीचा गुन्हा दाखल आहे. मात्र, राजकीय वरदहस्तामुळे तो सहीसलामत सुटला आहे. त्यामुळे आता पोलिस काय भूमिका घेतात याकडे लक्ष लागले आहे.

मोबाइल अॅप डाउनलोड करा आणि राहा अपडेट

पुरातत्त्व विभागाचे आदेश धाब्यावर

December 3, 2015, 10:39 am

≫ Next: इच्छुकांचा भेटीगाठींवर जोर

≪ Previous: प्राध्यापकास मारहाण

$

0

0

मंदिरात फेरबदल केलेल्या ५२ गोष्टी तत्काळ काढून टाकण्याचे आदेश

Anuradha.kadam@timesgroup.com

कोल्हापूरः अंबाबाई मंदिराच्या मूळ रचनेला बाधा येणारे फेरबदल पुरातत्व विभागाच्या कोणत्याही परवानगीशिवाय करणाऱ्या देवस्थान व्यवस्थापनाने याबाबत पुरातत्व विभागाने बजावलेल्या आदेशांचीही घंटा वाजवली आहे. पुरातत्व विभाग रचनाकार, विधिज्ञ यांच्यासह नेमलेल्या समितीने मंदिरातील नियमबाह्य फेरबदलांची पाहणी करून तीन वर्षापूर्वी अहवाल दिला होता. या अहवालाच्या आधारे मंदिरातील ५२ फेरबदल केलेल्या गोष्टी तातडीने काढून टाकण्याचा आदेश दिला आहे. मात्र अद्यापही या आदेशाचे गांभीर्य देवस्थान व्यवस्थापन समितीला नसल्याचे ​चित्र आहे.

अंबाबाई मंदिराच्या मूळ वास्तूच्या आवारात गेल्या पंधरा वर्षात अनेक फेरबदल करण्यात आले आहेत. मंदिराच्या देखभाल व दुरूस्तीची जबाबदारी पुरातत्व विभागाच्या अखत्यारीत आहे. त्यामुळे देवस्थान समितीला मंदिरात कोणताही फेरबदल करण्याचा अधिकार नाही. जर मंदिराच्या वास्तूबाबत काही बदल किंवा दुरूस्ती करणे क्रमप्राप्त असेल तर त्यासाठी पुरातत्व विभागाची पूर्वपरवानगी घेणे बंधनकारक आहे. मात्र या नियमाला देवस्थानमार्फत कात्री लावण्यात आली आहे. मंदिरामध्ये जमिनीवर व ​​भिंतीवर लावण्यात आलेल्या संगमरवरी फरशा या नव्याने करण्यात आलेल्या फेरबदलांमध्ये येतात. तसेच मंदिराच्या ​शिखरापासून ते मंदिर आवारात असलेल्या छोट्या मंदिरावर तैलरंग लावण्यात आला आहे. देवस्थानने तैलरंग लावण्यापूर्वी पुरातत्व विभागाची परवानगी घेतली नसल्याचा उल्लेख तीन वर्षापूर्वी पुरातत्व विभागाने केलेल्या मंदिर पाहणीच्या अहवालात नमूद करण्यात आलेला आहे.

मंदिराच्या आवारात भाविकांसाठी करण्यात आलेल्या दर्शन रांगेत लोखंडी रेलिंग, कायमस्वरूपी बॅरिकेटस लावले आहेत. अशाप्रकारची रचना करत असताना मंदिराच्या दगडी बांधकामात ग्रीलिंग करण्यात आले आहे, ज्यामुळे मंदिराच्या मूळ वास्तूला धोका निर्माण झाला आहे.

पळवाटेचा फायदा

सरलष्कर भवनमार्गे देवीच्या दर्शनासाठी मुख्य रांग केली जाते. या प्रवेशद्वारातून आत आल्यानंतर रामाच्या पाराच्या डाव्या बाजूला लोखंडी जिना बांधण्यात आला आहे. हा जिना बांधण्यासाठी जे काम करण्यात आले आहे त्यामुळे मंदिराच्या दगडी बांधकामावर ठोकाठोकीचे आघात करण्यात आले आहेत. वेल्डिंग कामामुळे मंदिराच्या मूळ वास्तूवर ताण येत आहे. मंदिराच्या प्रद​क्षिणा मार्गावर लावण्यात आलेल्या लोखंडी रेलिंगसाठी जमिनीवर ​​ग्रीलिंग करण्यात आले आहे. याप्रकारचे फेरबदल हे भाविकांच्या सोयीसाठी करण्यात आल्याचे कारण देत देवस्थान व्यवस्थापनाने याबाबत स्पष्टीकरण दिले आहे.

मोबाइल अॅप डाउनलोड करा आणि राहा अपडेट

इच्छुकांचा भेटीगाठींवर जोर

December 3, 2015, 12:16 pm

≫ Next: जिल्हा परिषदेत रिपब्लिकन सेनेचा राडा

≪ Previous: पुरातत्त्व विभागाचे आदेश धाब्यावर

$

0

0

म. टा. प्रतिनिधी, कोल्हापूर

विधानपरिषदेसाठी काँग्रेसची उमेदवारी जाहीर होण्याला अद्याप चार दिवस लागणार आहेत. त्यानंतर प्रचाराला कमी दिवस मिळणार असल्याने उमेदवारी मिळाल्याचे गृहित धरून आमदार महादेवराव महाडिक व सतेज पाटील यांनी प्रचाराला सुरूवात केली आहे. या निवडणुकीत राष्ट्रवादीची भूमिका महत्त्वाची असल्याने या दोघांनी गुरूवारी आमदार हसन मुश्रीफ यांची भेट घेऊन मदत करण्याची विनंती केली.

दरम्यान, सतेज पाटील, प्रतिमा पाटील, अशोकराव जांभळे व एस. आर. पाटील यांनी अर्ज घेतले आहेत. उमेदवारी जाहीर होण्यापूर्वीच सतेज पाटील यांनी अर्ज घेतल्याने निवडणुकीतील उत्सुकता वाढली आहे. निवडणुकीसाठी ९ डिसेंबरपर्यंत अर्ज भरण्याची मुदत आहे. अर्ज भरण्याची प्रक्रिया सुरू झाली असली तरी अद्याप कुणाचाही अर्ज भरलेला नाही. उमेदवारी कुणाला मिळणार यावरच निवडणुकीतील चुरस ठरणार आहे.

उमेदवारी मिळवळण्यासाठी चार नेते दिल्ली व मुंबईत तळ ठोकून होते. पी.एन. पाटील अजूनही मुंबईत असून प्रकाश आवाडे दिल्लीत अनेक नेत्यांना भेटून उमेदवारी मिळवण्यासाठी प्रयत्नशील आहेत. सतेज पाटील व महाडिक मात्र उमेदवारी मिळाल्याचे गृहित धरून प्रत्यक्ष प्रचाराला लागले आहेत.

या दोघांनी गुरुवारी मुश्रीफ यांची भेट घेतली. पी.एन. यांनी बुधवारी मुंबईत मुश्रीफांनी भेट घेऊन मदतीची विनंती केली. या निवडणुकीत मुश्रीफांना अतिशय महत्त्व आले आहे. त्यामुळे काँग्रेसचे सारे इच्छूक त्यांच्या संपर्कात आहेत.

सोनिया गांधी शुक्रवारी दिल्लीत येणार आहेत. त्यामुळे शनिवारी अथवा रविवारी उमेदवारी जाहीर होण्याची शक्यता आहे. उमेदवारी जाहीर होण्याआधीच इच्छुकांनी मतदारांना परदेश दौऱ्याला पाठविण्याचे नियोजन सुरू केले आहे. महाडिक अथवा सतेज पाटील यांना उमेदवारी मिळाल्यास निवडणुकीत बंडखोरीची दाट शक्यता आहे. यामुळे निवडणुकीत मोठी चुरस निर्माण होणार आहे.

दरम्यान, सतेज पाटील यांनी मुश्रीफ आणि राजे गटाचे सर्व नगरसेवक कागल नगरपरिषदेतच मिटींग हॉलमध्ये भेट घेतली. यावेळी बोलताना सतेज पाटील यांनी उमेदवारीचा निर्णय पक्षश्रेष्ठी घेतील पण मी आत्मविश्वास असल्याने प्रत्येक मतदारापर्यंत पोहचणार आहे. मागील काही निवडणुकांत आम्ही मैत्रीच्या भावनेतून राष्ट्रवादीला मदत केली आहे. हा पैरा राष्ट्रवादी या निवडणुकीत मला साथ देऊन फेडेल, असाही आत्मविश्वास व्यक्त केला.

मोबाइल अॅप डाउनलोड करा आणि राहा अपडेट