बाजार (आ)पटेल

August 28, 2015, 1:45 pm

≫ Next: टेम्पो ट्रॅव्हलरच्या धडकेत तिळवणीचा तरुण ठार

≪ Previous: ‘कागल’ची दादागिरी चालणार नाही

गुजरातमधील आंदोलनाचा कोल्हापूर मार्केटला फटका

म. टा. प्रतिनिधी, कोल्हापूर

इतर मागासवर्गीय प्रवर्गात आरक्षण मिळावे, या मागणीसाठी गुजरातेत सुरू असलेल्या पटेल समाजाच्या आंदोलनाचा जोरदार फटका कोल्हापुरातील व्यापाऱ्यांना बसला आहे. मालवाहतूक पूर्णपणे थंडावल्यामुळे रोज सुमारे दोन कोटी रुपयांहून अधिक नुकसान होत आहे.

कोल्हापूरहून गुजरातकडे टोमॅटो, साखर, एमआयडीसीतून मशिनरी पार्ट, मिरची, ज्वारीची जावक होते. अहमदाबादला गूळही मोठ्या प्रमाणात जातो. सध्या गूळ आणि टोमॅटोची मालवाहतूक बंद आहे. गुजरातेतून कोल्हापुरात तांदूळ, गहू, कापूस, शेंगा, काच पेटी, सॅनिटरी, प्लायवूड, टाइल्सची आवक होते. कोल्हापूरतून दररोज सुमारे ३०० ट्रक गुजरातकडे धावतात. टोमॅटोचे २० ट्रक, साखरेचे सुमारे १०० ट्रक, मशिनरीचे सुमारे ५० ट्रक दररोज जातात. गुजरातहून दररोज ३५० ट्रक कोल्हापुरात येतात. गुजरातेत सुरू असलेल्या आंदोलनाचा फटका दोन्ही राज्यांच्या बाजारपेठांना बसला आहे. गेले पंधरा दिवस मार्केटमध्ये काही वस्तूंचा स्टॉक संपेल, अशी भीती आहे.

मार्केटमध्ये दररोज ८० टन गहू येतो. गुजरात व्यापाऱ्यांकडून कोल्हापूर मार्केटमधील काही मोठे व्यापारी होलसेल गहू घेतात. त्यांच्याकडे आठवडाभराचा स्टॉक असल्याने आंदोलनाचे दिवस वाढल्यास धान्य मार्केटवर परिणाम होण्याची शक्यता आहे. शहरात सुरू असलेल्या बांधकाम व्यावसायिकांनाही गुजरातवरून मोठ्या प्रमाणात सॅनिटरी मटेरियलची मागणी केली आहे. या बंदचा फटका ट्रक व्यावसायिकांना बसत आहे. गुजरातच्या आचाड, बिलाड येथील सीमेवर ट्रक थांबविले आहेत. तीन ते चार दिवस ट्रक वाहतूक बंद असल्याने ट्रकव्यावसायिकांना मोठा फटका सहन करावा लागत आहे.

Latest Images