चांगल्या रस्त्यांसाठी हवेत ३४३ कोटी

July 27, 2015, 1:18 pm

≫ Next: खूनप्रकरणी तिघांना अटक

≪ Previous: प्रभाग-रचना शुक्रवारी

$

0

0

म. टा. प्रतिनिधी, कोल्हापूर

आयडियल रोड बिल्डर्सने (आयआरबी) कोल्हापुरात बांधलेल्या रस्त्यांच्या दुरुस्तीसाठी ३४३ कोटी रुपयांची आवश्यकता आहे. टोलची भरपाई म्हणून द्यायच्या रकमेबरोबरच सरकारने नव्याने करायच्या रस्ते दुरुस्तीच्या खर्चाचाही भार उचलावा, अशी मागणी टोल विरोधी कृती समितीचे नेते एन. डी. पाटील यांनी सोमवारी केली.

नोबेल कंपनीने प्रकल्पाचा खर्च २३९ कोटी रुपये निश्चित केला आहे. त्यामुळे किमान तेवढी रक्कम तरी सरकारला आयआरबीला भरपाई म्हणून द्यावी लागेल. कृती समितीतर्फे सोमवारी सकाळी पदाधिकाऱ्यांची बैठक आयोजित केली होती. स्लाइड शो आणि अहवालाच्या आधारे कंपनीच्या अपुऱ्या प्रकल्पाचा पंचनामा करण्यात आला.

डॉ. एन. डी. पाटील म्हणाले, 'या प्रकल्पावर ५५० कोटी रुपये खर्ची पडल्याचा दावा आयआरबीने केला आहे. आताच्या अहवालानुसार प्रकल्पाची ​नेमकी किंमत समोर आली. यामुळे आयआरबीसह सोविल आणि रस्ते विकास महामंडळाचा भांडाफोड झाला आहे. शहराशी निगडीत प्रकल्पासंबंधी करार करताना मते विचारात न घेता तत्कालीन आयुक्त विजय सिंघल यांनी एकाधिकारशाहीने निर्णय घेतला. कंपनीसोबत तीस वर्षांचा करार झाला आणि कंपनीला टेंबलाईवाडी येथील हॉटेलची जागा ९९ वर्षांसाठी दिली. करार ३० वर्षांचा, जागा ९९ वर्षांसाठी इतके साधे लॉजिकही नगरसेवकांना कळले नाही. अधिवेशानंतर मुख्यमंत्री फडणवीस, बांधकाममंत्री एकनाथ शिंदे यांची कृती समितीचे शिष्टमंडळ भेट घेईल.'

आयआरबीने केलेले क्राँकीटचे रस्ते खराब झाले असून अनेक ठिकाणी तडे गेले आहेत. दोन वर्षांत सर्व रस्ते खराब होतील. परिणामी डांबरी रस्ते नव्याने करावे लागतील, असे आर्किटेक्ट अँड इंजिनीअरिंग असोसिएशनचे पदाधिकारी राजेंद्र सावंत यांनी सांगितले.

कृती समितीचे म्हणणे

कंपनीने महापालिकेस दिलेली २७ कोटी रुपये निगेटिव्ह ग्रँट रक्कम मूल्यांकनात धरू नये.

कंपनीने आतापर्यंत टोलद्वारे ४० कोटी रुपये वसूल केले. प्रतिदिन सात लाख रुपयांची वसुली.

शहरांतर्गंत ६०० किलोमीटर लांबीचे रस्ते असताना प्रत्यक्षात केवळ ४९ किलोमीटरचे रस्ते.

करारानुसार गटारे, ड्रेनेज, क्रॉस ड्रेनेज, छोटे पूल, बस शेल्टर, फूटपाथ, अॅम्फी थिएटर केले नाही.

मोबाइल अॅप डाउनलोड करा आणि राहा अपडेट

---

खूनप्रकरणी तिघांना अटक

July 28, 2015, 1:33 pm

≫ Next: बीएसएनलच्या तरंग सेवेचा बोजवारा

≪ Previous: चांगल्या रस्त्यांसाठी हवेत ३४३ कोटी

$

0

0

म. टा. वृत्तसेवा, कराड

धान्य व्यापारी व पोलिसांत अनेक गुन्हे नोंद असलेला गुंड बबलू माने याचा 'गेम' करणाऱ्या येथील सलिम शेख उर्फ सल्या चेप्या टोळीतील नामचिन गुंड बाबर खान याला घटनास्थळावर मोटरसायकलवरूनच सोडण्याची कामगिरी करणारा बाबरचा साथीदार फिरोज बशीर कागदी उर्फ मिस्त्री याला सोमवारी अटक केली. त्यानंतर पोलिसांच्या सहा पथकांनी शहरातील सहा ठिकाणी एकाचवेळी छापे टाकून तीन जणांना गजाआड केले.

दरम्यान, या 'सर्च' मोहिमेत पोलिसांनी तिघांना गजाआड करतानाच, या दुहेरी खूनप्रकरणाच्या अनुषंगाने काही महत्वाची कागदपत्रे, वाहने ताब्यात घेतली आहेत. शिवाय या छाप्यात काही घातक शस्त्रेही पोलिसांच्या हाताला लागली असल्याची माहिती सुत्रांकडून मिळत आहे. या वेळी पोलिसांनी इब्राहिम गदूर सय्यद (४८, रा. शनिवार पेठ, कराड), जावेद साहेबलाल शेख (२८,रा. कार्वे नाका, कराड) व मोहसिन दिलावर जमादार (४८, रा. कोल्हापूर नाका, कराड) यांना ताब्यात घेत अटक केली. या तिन्ही संशयितांना मंगळवारी दुपारी येथील प्रथमवर्ग न्यायदंडाधिकारी न्या. पाडुळकर यांच्या कोर्टात हजर केले. त्यांना येत्या एक ऑगस्टपर्यंत पोलिस कोठडीत ठेवण्याचे आदेश दिले.

गुंड टोळयांचा वर्चस्ववाद व पूर्ववैमनस्यातून सल्या चेप्या टोळीचा नामचिन गुंड बाबर खान याने गेल्या २० जुलै रोजी येथील मंडई परीसरात विरोधी टोळीतील गुंड बबलू उर्फ उमेश माने याचा पिस्तूलाने गोळया घालून खून केला होता. खूनानंतर पळून जाण्याच्या प्रयत्नात असलेल्या बाबरला बबलूच्या साथीदारांनी दगडाने ठेचून जागीच ठार केले होते. बाबर खानने समोरासमोर गोळ्या झाडून माने याचा खून केला होता. माने याला वाचविण्यासाठी आलेली त्याची आई अनुसया यांच्यावरही गोळीबार करत त्यांना जखमी केले होते.

फिरोज मिस्त्रीचा पहिला गुन्हा?

बबलूचा 'गेम' करण्यासाठी बाबर खानला मदत करणारा त्याचा साथीदार फिरोज मिस्त्री याने या कटात महत्त्वाची भूमिका बजावली आहे. हल्लेखोराला मोटरसायकलरून सोडणे व परत नेणे ही जबाबदारी फिरोजवर सोपविण्यात आली होती. त्यावरून त्याचे कुकृत्यासाठीचे त्याचे धाडस समजू शकते. मात्र, त्याच्यावरचा हा पहिलाच गुन्हा असल्याची प्राथमिक माहिती पोलिसांकडून देण्यात आली आहे. या पूर्वी त्याच्यावर गंभीर गुन्ह्यांची नोंद नाही. मात्र, अन्य पोलिस ठाण्यात कोठे त्याचा गुन्ह्यात सहभाग होता काय? या बाबतची माहिती घेण्याचे काम सुरू आहे.

मोबाइल अॅप डाउनलोड करा आणि राहा अपडेट

बीएसएनलच्या तरंग सेवेचा बोजवारा

July 28, 2015, 1:34 pm

≫ Next: पीस रेटवर वेतन ठरवा

≪ Previous: खूनप्रकरणी तिघांना अटक

$

0

0

संपत पाटील, चंदगड

'माणस जोडणारी माणस' हे ब्रीदवाक्य घेवून स्पर्धेमध्ये उतरलेल्या भारत संचार निगम लिमिटेडने तालुक्यात लँडलाईन, तरंग व मोबाइल सेवा दिली आहे. केबल चोरीला गेल्याने तालुक्यातील लॅँडलाईन निम्य्याहून कमी झाले आहेत. त्यामुळे ग्राहकांना लँडलाईन ऐवजी तरंग सेवा देण्यात आली. प्रारंभी चांगली सेवा मिळाली. मात्र सद्यस्थितीला तरंग सेवा खंडित झाल्यामुळे तरंग सेवेच्या बाबतीत ग्राहक 'माणस तोडणारी माणस' या उपहासात्मक ब्रीदवाक्याचा अनुभव घेत आहेत.

चंदगड तालुक्यात सर्वप्रथम बीएसएनएलने प्रवेश करुन संपर्कासाठीचे आपले जाळे विणले. जेथे कोणीही नाही तेथे बीएसएनलची सेवा मिळत असल्याने अनेकांनी संपर्कासाठी बीएसएनएलला पसंती दिली आहे. प्रारंभी लँडलाईन, त्यानंतर तरंग व जेथे केबल पोहचत नाही तेथे मोबाइल सेवा बीएसएनएलने दिली. संपर्कासाठी लँडलाइन आल्याने व खेडोपाडी जाळे विणल्याने हौसेने लोकांनी लँडलाईन सेवा घेतली. मात्र गेल्या चार ते पाच वर्षापासून मोठ्या प्रमाणात दूरध्वनी केबल चोरी व अन्य कारणामुळे तालुक्यातील साठ टक्के कनेक्शन बंद झाली आहेत. उर्वरित ४० टक्के कनेक्शन कशीबशी सुरु आहेत. खात्याकडून दुरुस्तीसाठी साहित्य मिळत नसल्याने बऱ्याचदा आहे, त्या स्थितीत सेवा दिली जाते.

तालुक्यातील लँडलाईनची सेवा दिली जात असलेल्या ५० टक्के गावातून केबलची चोरी झाल्याने अनेक दूरध्वनी बंद अवस्थेत आहेत. याला पर्याय म्हणून खात्याने याच ग्राहकांना तरंग सेवा दिली. मात्र त्यामध्ये अनेक त्रुटी आहेत. तरंगचा हँडसेट हा बॅटरीवर चालत असल्याने बॅटरी खराब होण्याचे व हँडसेट नादुरुस्त होण्याचे प्रमाण वाढले. प्रारंभीच्या काळात खात्याकडून बॅटरी व हँडसेट दुरुस्त करुन मिळाले. मात्र गेल्या दोन वर्षापासून साहित्य नसल्याने व हँडसेट कंपनीला दिलेला ठेका संपल्यामुळे दुरुस्ती किंवा बदलून देण्याबाबत बीएसएनएलचे कर्मचारी हात वर करत आहेत. त्यामुळे ग्राहकांना भुर्दंड सोसावा लागत आहे.

तालुक्यामध्ये तरंग सेवा देणारे तालुक्यामध्ये चंदगड, गंधर्वगड, महिपाळगड, कोवाड व कलानंदीगड असे चार टॉवर आहेत. लँडलाइनला पर्याय म्हणून ग्राहकांनी तरंगचा पर्याय स्वीकारला. मात्र तरंग सेवाचा बोजावार उडाल्याने ग्राहकांना अनेक अडचणींना तोंड द्यावे लागत आहे. बऱ्याचदा गरजेच्या वेळी हे तरंग फोनही नॉट रिचेबल असतात. गेल्या महिन्यात तर 'केफोर्ट' टॉवरवर अवलंबून असेलेली शेवाळे, नांदवडे, करंजगाव, कोनेवाडी गावांना नेहमी कव्हरेजचा प्रश्न भेडसावत आहे. मोबाइल सेवेबाबतही काहीसा असाच अनुभव असल्याने अनेक ग्राहकांनी खासगी कंपन्यांकडे आपला नंबर पोर्ट करुन घेतला आहे. बीएसएनएलकडून योजनांची खैरात असली तरी मिळणारी सेवा अत्यल्प असल्याने अनेक ग्राहक खासगी मोबाइल कंपन्याकडे वळला आहे.

तरंग हँडसेट पुरविणे बंद झाले आहे. त्यामुळे दुरुस्तीबाबत लोकांच्या तक्रारी वाढल्या आहेत. त्यामुळे ग्राहकांनी स्वतःचा तरंग हँडसेट मोबाइलप्रमाणे स्वतःच दुरुस्त करुन वापरावा. तरंग सेवेचा कंट्रोल वरिष्ठांकडे असल्यामुळे याबाबत वेळोवेळी येणाऱ्या तक्रारी आम्ही वरिष्ठ कार्यालयाकडे कळवून सोडविल्या आहेत. तालुक्याचा विस्तार मोठा असल्याने काही अडचणी येतात. याबाबत लवकरच सुधारणा होईल.

- आर. पी. भडगन्नावर, उपअभियंता

मोबाइल अॅप डाउनलोड करा आणि राहा अपडेट

पीस रेटवर वेतन ठरवा

July 28, 2015, 1:35 pm

≫ Next: ध्वनी प्रदूषणाबाबत कडक धोरण ठेवा

≪ Previous: बीएसएनलच्या तरंग सेवेचा बोजवारा

$

0

0

म. टा. वृत्तसेवा, इचलकरंजी

सायझिंग उद्योगातील कामगारांना किमान वेतन मिळाले पाहिजे, अशीच सरकारची भूमिका आहे. परंतु हे किमान वेतन देणे सायझिंग उद्योजकांनासुद्धा परवडले पाहिजे. त्यासाठी वार्पर्सचे वेतन पीस रेटवर रूपांतरित घ्यावे, असा प्रस्ताव कामगार मंत्री प्रकाश मेहता यांनी मंगळवारी कामगार नेत्यांसमोर ठेवला. त्यावर या संदर्भात कामगारांची बैठक घेवून निर्णय देऊ असे कामगार नेत्यांनी सांगितले.

सायझिंग-वार्पिंग कामगारांच्या किमान वेतनासाठी संप पुकारल्याने सध्या इचलकरंजी येथे कारखाने बंद आहेत. तसेच जे कारखाने सुरू असतील त्यांवर दगडफेक करून कारखाने बंद पाडले जात आहेत. तब्बल २९ वर्षानंतर यंत्रमाग व्यवसायातील कामगारांना किमान वेतन सरकारने जाहीर केले होते. सुधारित वेतन जाहीर व्हावे, यासाठी राज्यातील यंत्रमाग संघटनांनी विविध आंदोलने केली. विविध स्थापन केलेल्या समित्यांनी सरकारला शिफारशी केल्या.त्यावर सरकारने अंमलबजावणी न केल्याने सप्टेंबर २०१४ मध्ये कॉ. ए. बी. पाटील यांनी मुंबई उच्च न्यायालयात याचिका दाखल केली. त्यावर २९ जानेवारी, २०१५ रोजी सरकारने यंत्रमाग व्यवसायातील कामगारांसाठी सुधारीत किमान वेतन जाहीर केले. पण त्याची अंमलबजावणी करण्यास चालढकल केली जात आहे.

आमदार सुरेश हाळवणकर यांच्या पुढाकाराने सायझिंग मालक व कामगार प्रतिनिधींची संयुक्त बैठक मंगळवारी मंत्रालयात झाली. यावेळी आमदार हाळवणकर यांनी उद्योगातील वस्तुस्थिती स्पष्ट करताना किमान वेतनाची ड्राफ्ट व अंतिम अधिसूचना यामध्ये गोंधळ करण्यात आला असून अंतिम अधिसूचना प्रकाशित करताना उद्योजकांना विश्वासात न घेता व घाईगडबडीने अधिसूचना काढल्याचे स्पष्ट केले. त्यामुळे उच्च न्यायालयामध्ये सर्व असोसिएशननी या अधिसूचनेला आव्हान दिले आहे. न्यायालयाच्या निर्णयाच्या अधीन राहून वार्पर्सचा पगार पीस रेटवर रूपांतरीत केल्यास काही मार्ग काढता येईल. अशा पद्धतीचे स्पष्टीकरण सरकारकडून काढणे आवश्यक आहे, असे सांगितले. यावर कामगार व मालकांनी स्वतंत्रपणे म्हणणे मांडले. २९ वर्षानंतर किमान वेतनात पुनर्रचना झाली असल्याने सरकारचे अभिनंदन करून तंतोतंत अंमलबजावणीची मागणी कामगार संघटनेतर्फे प्रा. ए. बी. पाटील यांनी केली. तसेच सायझिंग असोसिएशनच्यावतीने प्रकाश गौड, पांडुरंग धोंडपुडे व दिलीप ढोकळे यांनी संप बेकायदेशीर असल्याचा आरोप केला. तसेच राज्याचा प्रश्न असतानासुध्दा केवळ इचलकरंजीतील उद्योजकांना वेठीस धरत आहेत व आम्ही या अधिसूचनेच्या विरोधात उच्च न्यायालयात आव्हान याचिका केली असून न्यायालयाने दाखल करून घेतली आहे. येत्या १८ ऑगस्टला त्याची सुनावणी आहे ही बाब कामगारमंत्र्यांच्या निदर्शनास आणली. बेकायदेशीर संप मागे घेण्याचे शासनाने निर्देश द्यावेत, अशी मागणी केली. यावर कामगार मंत्री मेहता यांनी सरकारची सकारात्मक भूमिका असली तरी किमान वेतनाची बाब न्यायप्रविष्ठ आहे. त्यामुळे अशा परिस्थितीत वार्पर्सना पीस रेटवर किमान वेतन देण्याबाबत निर्णय येईल का? याबाबत विधी व न्याय खात्याकडून अभिप्राय घेवून सरकार निर्णय करेल. अधिसूचनेला न्यायालयात आव्हान दिले असल्यामुळे न्यायालयाच्या निर्णयाच्या अधिन राहून सरकार मार्ग काढेल.

त्यामुळे संघटनेने संप मागे घेवून काम सुरू करावे, अशी विनंती केली. बैठकीला कामगार विभागाचे सेक्रेटरी बलदेव सिंग, विधी व न्याय विभागाचे प्रधान सचिव एम. ए. सईद, कामगार आयुक्त श्री. जावळे, सहा. कामगार आयुक्त आर.आर. हेंद्रे, कामगार अधिकारी श्री. पोवार, गुरव आदी उपस्थित होते.

मोबाइल अॅप डाउनलोड करा आणि राहा अपडेट

ध्वनी प्रदूषणाबाबत कडक धोरण ठेवा

July 28, 2015, 1:36 pm

≫ Next: जिल्हा कागदोपत्री बालविवाहमुक्त

≪ Previous: पीस रेटवर वेतन ठरवा

$

0

0

म. टा. प्रतिनिधी, कोल्हापूर

दहीहंडी, गणेशोत्सव व नवरात्र उत्सवात ध्वनी प्रदूषण कायद्याची कडक अंमलबजावणी करा, असे निर्देश जिल्हाधिकारी अमित सैनी यांनी दिले. ध्वनी प्रदूषण नियमन व नियंत्रण नियम २००० च्या अंमलबजावणीसाठी जिल्हाधिकारी सैनी यांच्या अध्यक्षतेखाली बैठक झाली. बैठकीला जिल्हा परिषदेचे मुख्य कार्यकारी अधिकारी इंद्रजित देशमुख, महानगरपालिका अतिरीक्त आयुक्त नितीन देसाई, अतिरीक्त पोलिस अधीक्षक एम.एम. मकानदार, उपजिल्हाधिकारी संगीता चौगले उपस्थित होत्या.

बैठकीत जिल्हाधिकारी सैनी म्हणाले, सार्वजनिक ठिकाणी दिवसेदिवस ध्वनीची तीव्रता विविध कारणांमुळे वाढत आहेत. वाढत्या प्रदूषणामुळे नागरिकांच्या आरोग्य व मानसिक स्वास्थावर अनिष्ट परिणाम झाला आहे. ध्वनीची पातळी योग्य राखण्यासाठी नवीन कायद्याची प्रभावी अंमलबजावणी प्रभावी व काटेकरोपणे करावी असे निर्देश दिले. सणांच्या पार्श्वभूमीवर मंडळांच्या बैठका घेऊन नवीन नियमांची माहिती द्यावी. तसेच कारवाईची कल्पनाही द्यावी. पोलिस व महानगरपालिकेने ध्वनी प्रमाणपत्रे खरेदी करावीत. शाळा, दवाखाने व न्यायालयाच्या १०० मीटर शांतता घोषित करण्यात येऊन त्याबाबतची माहिती प्रसिद्ध करावी. महानगरपालिका, नगरपालिका व ग्रामीण भागातही शांतता क्षेत्र घोषीत करण्याची कार्यवाही करावी.

ध्वनी क्षेपक व ध्वनी यंत्रणेचा वापर परवानगीशिवाय करू नये. नियमांचे उल्लंघन होणार नाही याची खात्री करून परवानगी द्यावी. ध्वनीवर्धक यंत्रणेचा वापर सभागृहे व बंद जागांखेरीस अन्य ठिकाणी रात्री दहा ते सकाळी सहा वाजेपर्यंत होणार नाही याची खबरदारी घ्यावी असे स्पष्ट करण्यात आले.

मोबाइल अॅप डाउनलोड करा आणि राहा अपडेट

जिल्हा कागदोपत्री बालविवाहमुक्त

July 28, 2015, 1:38 pm

≫ Next: चैनीसाठी केली पर्स चोरी

≪ Previous: ध्वनी प्रदूषणाबाबत कडक धोरण ठेवा

$

0

0

जान्हवी सराटे, कोल्हापूर

बालविवाहामुळे होणारे माता व बालमृत्यूचे प्रमाण कमी करण्यासाठी सरकारपातळीवर तसेच अशासकीय संस्था वेगवेगळ्या योजनांच्या माध्यमातून प्रयत्न करत आहेत. मात्र, या योजना अधिक प्रभावीपणे राबविणे आवश्यक आहे. दुर्गम, ग्रामीण भागासह शहरात आजही मोठ्या प्रमाणात बालविवाह उघडपणे होत आहेत. मात्र, सरकारला ते रोखण्यात अपयश येत असल्याचे अधोरेखित होत आहे. जिल्ह्यातील महिला व बालविकास विभागाकडील संरक्षण अधिकाऱ्यांकडे गेल्या अनेक वर्षांत बालविवाहासंदर्भात एकही तक्रार नोंद नसल्याचे धक्कादायक वास्तव पुढे आले आहे.

२००५ ला बालविवाह ‌प्रतिबंध कायद्यामध्ये सुधारणा करत महिला व बालविकास विभागाकडील कौटुंबिक हिंसाचार प्रतिबंधअंतर्गत नेमलेल्या संरक्षण अधिकाऱ्यांकडे जिल्ह्यातील बालविवाह रोखण्याची अतिरिक्त जबाबदारी देण्यात आली. २०१३ ला जिल्हास्तरीय संरक्षण अधिकारी व विधी सल्लागारपदाची नेमणूक केली. २०१५ पर्यंत दोन तालुक्यांना एक संरक्षण अधिकारी कार्यरत होता. यापूर्वी बालविकास प्रकल्पांतर्गत १६ जण काम करत होते, तर जानेवारी २०१५ ला नवीन चौघांची नेमणूक केली असून, सध्या २० जण संरक्षण अधिकारी म्हणून काम पाहात आहेत. भारतीय प्रतिष्ठान संस्थेच्या संशोधन प्रकल्पांतर्गत महिला व बालविकास विभागाकडे २० लोक कार्यरत असूनही इतक्या वर्षात एकही बालविवाहसंदर्भातील तक्रार नसल्याचे सांगण्यात आले आहे. कायदा केला तरी ग्रामीण भागात मोठ्या प्रमाणात बालविवाह होतात. त्याला प्रतिबंध घालण्याची जबाबदारी ग्रामसेवकांवर आहे. गावातील विवाहाच्या नोंदीची जबाबदारी ग्रामसेवकावर असते. ग्रामसेवकाकडे एक ते दोन गावांची जबाबदारी असल्याने त्या गावाची घडामोडींवर त्याचे लक्ष असते. त्यामुळे ग्रामसेवकांवरच जबाबादारी दिली आहे.

काय आहे बालविवाह प्रतिबंध कायदा?

या कायद्याने विवाहासाठी मुलीसाठी किमान १८ वर्षे आणि मुलांसाठी २१ वर्षे कायदेशीर वय ठरविलेले आहे. वधू-वर या वयांपेक्षा कमी वयाचे असतील तर त्यांचा विवाह बालविवाह मानला जाईल. या कायद्यांतर्गत बालविवाह घडवून आणणे, त्यासंबंधी सोहळे आणि संबंधित गोष्टीवर प्रतिबंध घातला आहे. बालविवाहास प्रत्यक्ष किंवा अप्रत्यक्ष सहाय्य करणाऱ्यास तीन महिन्यांपर्यंत कैद आणि दंडही होऊ शकतो.

२००५ ला बालविवाह प्रतिबंधक कायद्यात सुधारणा झाल्यानंतर तत्कालीन संरक्षण अधिकाऱ्यांकडेच अतिरिक्त पदभार देण्यात आला. या काळात या संदर्भात एकही तक्रार दाखल नसून प्रत्येक तालुक्यासाठी संरक्षण अधिकारी नेमण्याचे काम सुरू आहे.

-आशिष पुंडपळ, विधी सल्लागार व संरक्षण अधिकारी

प्रत्येक गावात बालग्राम संरक्षण समितीची स्थापना जानेवारी २०१५ मध्ये केलेली आहे. अनेक ग्रामपंचायतींनी ठरावाच्या माध्यमातून ही समिती स्थापन केल्याचे सांगितले. मात्र, ही समिती सक्षम होणे आवश्यक आहे.

- प्राजक्ता देसाई, सचिव, आभास फाउंडेशन

मोबाइल अॅप डाउनलोड करा आणि राहा अपडेट

चैनीसाठी केली पर्स चोरी

July 28, 2015, 1:39 pm

≫ Next: वाघांचा होणार मुक्त संचार

≪ Previous: जिल्हा कागदोपत्री बालविवाहमुक्त

$

0

0

म. टा. प्रतिनिधी, कोल्हापूर

चैनीसाठी महिलांच्या पर्स चोरणाऱ्या गांधीनगरमधील तीन संशयितांना राजारामपुरी पोलिसांनी अटक केली. त्यांनी १७ महिलांच्या पर्स चोरल्याची कबुली दिली असून, १० चोऱ्या उघडकीस आल्या आहेत. सुमित रावलदास वजधानी (वय २२, रा. कोयनानगर, गांधीनगर), कैलास नारायणदास सुंदराणी (२२, रा. गांधी पुतळ्याजवळ, गांधीनगर) व अमित लक्ष्मणदास वजधानी (२६, रा. कोयना नगर) अशी अटक केलेल्या संशयितांची नावे आहेत.

पोलिस निरीक्षक अमृत देशमुख यांनी गुन्ह्याची माहिती पत्रकार परिषदेत दिली. संशयितांकडून ७२ हजार ५०० रुपये किमतीचे १७ मोबाइल हँडसेट, चार तोळे सोन्याचे गंठण, पोहे हार, तीन अंगठ्या, सोन्याची एक लहान चेन, मंगळसूत्र, तीन टॉप्स असे अडीच लाखांचे दागिने व गुन्ह्यात वापरलेल्या तीन मोटारसायकली पोलिसांनी जप्त केल्या. संशयित चांगल्या कुटुंबातील असून, त्यांना गेम झोन, व्हिडिओ गेम व्यसन होते. ते राजारामपुरी मुख्य रस्त्यावर दागिने खरेदी करणाऱ्या महिलांना हेरून पाठीमागे बसलेल्या महिलेची पर्स रहदारी नसलेल्या रस्त्यांवर हिसडा मारून पळवायचे.

शहरात गेल्या सात-आठ महिन्यांत महिलांची पर्स हिसकावणे, चेन स्नॅचिंगच्या घटना घडल्या आहेत. तपासात महिलांकडून चौकशी केल्यानंतर संशयित चोरटे गोरे, अंगाने मजबूत बांध्याचे, सुशिक्षित ​व विशिष्ट कंपनीच्या मोटारसायकल वापरत असल्याची माहिती तपासात पुढे आली होती. राजारामपुरी पोलिसांच्या डिटेक्शन ब्रँचला गांधीनगरातील सुमित वजधानीने राजारामपुरी पोलिस ठाण्याच्या हद्दीत पर्स हिसकावून चोरल्याची माहिती मिळाली. त्यानुसार पोलिसांनी त्याला ताब्यात घेऊन चौकशी केली असता कैलाश सुंदराणी व अमित वजधानी हे त्याला मदत करत असल्याची त्याने कबुली दिली. त्यांनी शाहू मिल स्वामी समर्थ मंदिर, रेड्याची टक्कर ते सम्राटनगर रोड, शाहूमिल चौक ते पार्वती चित्रमंदिर रोड, टेंबलाई उड्डाण पूल, राजारामपुरी सहावी गल्ली येथील बँक ऑफ बडोदा परिसर, राजारामपुरी नववी गल्ली, राजारामपुरी १४ वी गल्ली, परीख पूल, ताराबाई पार्क, मेमोरियल हॉल, अॅपेक्स हॉस्पिटल अशा १७ ठिकाणी चोरी केल्याची कबुली दिली.

उघडकीस आलेल्या चोऱ्या व फिर्यादी महिला

प्रणिता प्रवीण सप्रे (शास्त्रीनगर), भारती लक्ष्मण रुकडीकर (राजारामपुरी), अक्षरा अतुल चव्हाण (रमणमळा), सोना सागर भोसले (एसएससी बोर्डाजवळ), उमेरा अब्दुल्ला मिटकर (साखरपा), मंगल उदय कायंदे (शिवाजी पार्क), दीपिका दिनकर जावळे (कसबा बावडा).

मोबाइल अॅप डाउनलोड करा आणि राहा अपडेट

वाघांचा होणार मुक्त संचार

July 28, 2015, 1:40 pm

≫ Next: संवर्धन प्रक्रियेत सेंद्रिय अर्क

≪ Previous: चैनीसाठी केली पर्स चोरी

$

0

0

दीपक शिंदे, कोल्हापूर

सह्याद्री घाट अधिक सुरक्षित व्हावा आणि या घाटातील वाघांना संरक्षण मिळावे यासाठी विशेष सह्याद्री व्याघ्र संरक्षण फोर्सची (एसटीपीएफ) स्थापन करण्यास राज्य सरकारने मंजुरी दिली आहे. त्यामुळे वाघांच्या संरक्षणासाठी सह्याद्री घाटात लवकरच या फोर्सची स्थापना करण्यात येणार असून, वाघांची संख्या वाढण्यास मदत होणार आहे. आंतरराष्ट्रीय व्याघ्र दिनाच्या पार्श्वभूमीवर हा निर्णय घेण्यात आला.

कोल्हापूर वन विभागाच्यावतीने २०१३ मध्येच हा प्रस्ताव सरकारकडे सादर करण्यात आला होता. या प्रस्तावाला राज्य सरकारने मंजुरी दिली असून, आता हा प्रस्ताव सध्या पर्यावरण वन आणि जल विभागाकडे अंतिम मंजुरीसाठी ठेवण्यात आला आहे. वनसंरक्षणासाठी नियुक्त करण्यात आलेले वनरक्षक आता सह्याद्री व्याघ्र प्रकल्पात विशेषतः वाघांच्या संरक्षणासाठी तैनात करण्यात येणार आहे. या फोर्सकडे अत्याधुनिक हत्यारे आणि पुरेसा दारूगोळा देण्यात येईल. सध्या ताडोबा आणि पेंच अभयारण्यात दोन फोर्स वाघाच्या संरक्षणासाठी तैनात आहेत.

विभागीय वन अधिकाऱ्यांच्या नेतृत्वाखाली सह्याद्री व्याघ्र संरक्षण फोर्समध्ये ४० जणांची टीम काम करणार आहे. राष्ट्रीय वाघ संरक्षण प्राधिकरणाने परवानगी दिल्यानंतर आता त्याला काही महिन्यांतच केंद्र सरकारचीही मंजुरी मिळेल, असा वनविभागाच्या अधिकाऱ्यांना विश्वास आहे.

सह्याद्री व्याघ्र प्रकल्पासाठी देण्यात येणाऱ्या या विशेष पथकामुळे वाघांच्या संरक्षणासाठी फार मदत होणार आहे. वाघांचे संरक्षण करणे आणि त्याबरोबरच घुसखोरांना थांबविणे तसेच बेकायदेशीर पद्धतीने वृक्षांची तोड करणे, इतर प्राण्यांची शिकार करणे याला प्रतिबंध होणार आहे. सध्या वनरक्षकांवर सुरक्षिततेची जबाबदारी आहे. त्याठिकाणी सह्याद्री व्याघ्र संरक्षण फोर्स काम करेल.

- साईप्रकाश, मुख्य वनसंरक्षण, कोल्हापूर विभाग

मोबाइल अॅप डाउनलोड करा आणि राहा अपडेट

---

संवर्धन प्रक्रियेत सेंद्रिय अर्क

July 28, 2015, 1:41 pm

≫ Next: इच्छुकांची लगबग वाढली

≪ Previous: वाघांचा होणार मुक्त संचार

$

0

0

अनुराधा कदम, कोल्हापूर

'श्री अंबाबाई मूर्तीवर सुरू असलेल्या रासायनिक संवर्धन प्रक्रियेमध्ये बिब्बा, बेहडा आणि दुर्वा या तीन सेंद्रिय वनस्पतींच्या अर्काचा वापर केला जात आहे. त्यामुळे संवर्धन प्रक्रियेसाठी आवश्यक असलेला हा सेंद्रिय वनस्पतींचा अर्क खरेदी करण्यात आला आहे,' अशी माहिती पुरातत्त्व खात्याचे अधिकारी व रसायनशास्त्रज्ञ डॉ. एम. आर. सिंह यांनी 'महाराष्ट्र टाइम्स'शी बोलताना दिली. मूर्तीवर होणाऱ्या रासायनिक प्रक्रियेसाठी नेमके कोणते रसायन वापरले जाणार आणि त्याच्या परिणामाची जबाबदारी कोण घेणार, या प्रश्नांना सेंद्रिय वनस्पतींच्या अर्क वापराने नेमके उत्तर मिळाले आहे.

याबाबत अधिक माहिती ​देताना डॉ. सिंह म्हणाले, 'प्राचीन भारतीय मूर्ती संवर्धनासाठी सातत्याने वापरल्या जाणाऱ्या पवित्र शास्त्रात ज्या दस्ताऐवजीकरण प्रक्रियेच्या नोंदी आढळतात त्यामध्ये सेंद्रिय अर्क वापरल्याचे दाखले आहेत. ​ सेंद्रिय वनस्पतींच्या अर्काच्या मिश्रणात एक लिटर बिब्बा आणि बेहडा यांच्या अर्कात दुर्वाचा रस मिसळून हे मिश्रण दीड लिटर केले जात आहे. त्यासाठी सात लोक कार्यरत आहेत. मूर्तीच्या संवर्धनप्रक्रियेत सेंद्रिय अर्क वापरून एक चांगला पर्याय दिला आहे. दुर्वांच्या रसात सिलिकॉन आहे, ज्यामुळे बिब्बा आणि बेहडा यांच्या तैलयुक्त रसाला सांधण्याचे काम होणार आहे. ही प्रक्रिया येत्या दोन दिवसांत पूर्ण केली जाणार असून रासायनिक संवर्धनाची प्रक्रिया पूर्ण होण्यासाठी अद्याप आठवडाभरच कालावधी आवश्यक आहे.'

अंबाबाई मूर्तीवर वज्रलेप करण्याऐवजी रासायनिक संवर्धन करण्याचा मुद्दा विचारात आला तेव्हा त्यासाठी कोणते रसायन वापरले जाणार यावर वाद झाला. हिंदू जनजागृती समितीमार्फत जेव्हा संवर्धन प्रक्रियेला विरोध केला तेव्हाही या प्रक्रियेत वापरण्यात येणाऱ्या रसायनांबाबत खुलासा करण्याची मागणी केली होती. या पार्श्वभूमीवर सिंग यांनी रासायनिक संवर्धन प्रक्रियेत वापरले जाणारे द्रवपदार्थ हे सेंद्रिय वनस्पतीचे अर्क असतील हे सांगितल्यामुळे वादाचे मोहळ शमण्यास मदत झाली आहे.

संवर्धन प्रक्रियेत काय वापरणार?

संवर्धन प्रक्रियेत बिब्बा, बेहडा आणि दुर्वा या सेंद्रिय वनस्पतींच्या अर्काच्या वापर केला जाणार आहे. या तीन वनस्पतींचा अर्क आणि पाषणाची भुकटी यांच्या मिश्रणापासून ही प्रक्रिया केली जाणार आहे. दुर्वांच्या रसात सिलिकॉन आहे, ज्यामुळे बिब्बा आणि बेहडा यांच्या तैलयुक्त रसाला सांधण्याचे काम होणार आहे.

मोबाइल अॅप डाउनलोड करा आणि राहा अपडेट

इच्छुकांची लगबग वाढली

July 28, 2015, 1:43 pm

≫ Next: दुष्काळाने काळवंडला बेंदूर

≪ Previous: संवर्धन प्रक्रियेत सेंद्रिय अर्क

$

0

0

म. टा. प्रतिनिधी, कोल्हापूर

महापालिका निवडणुकीसाठी प्रभाग रचना आणि आरक्षण सोडतची तारीख जाहीर झाल्यामुळे इच्छुकांची लगबग वाढली आहे. सर्वच पक्षांच्या नेत्यांच्या नजरा शुक्रवारी जाहीर होणाऱ्या आरक्षण सोडतीकडे लागल्या आहेत.

ही सोडत जाहीर झाल्यानंतर कार्यकर्त्यांचे मेळावे, इच्छुकांच्या बैठका घेण्याचे नियोजन सुरू केले आहे. महिलांसाठी ५० टक्के जागा राखीव आहेत. काँग्रेस, राष्ट्रवादी काँग्रेस, शिवसेना, भाजप या साऱ्याच पक्षांनी निवडणुकीच्या तयारीला सुरूवात केली आहे. दुसरीकडे महापालिका प्रशासनाकडून प्रभाग रचना आणि आरक्षण सोडतीची तयारी सुरू आहे.

महापालिकेच्या सध्याच्या सभागृहाची मुदत १५ नोव्हेंबरपर्यंत आहे. यामुळे ऑक्टोबरच्या शेवटच्या आठवड्यात अथवा नोव्हेंबरच्या पहिल्या आठवड्यात महापालिकेसाठी मतदान होणार आहे. आगामी निवडणुकीसाठी ३१ जुलै रोजी प्रभाग रचना आणि आरक्षण सोडत काढण्यात येणार आहे. आरक्षणाची तारीख जाहीर झाल्यापासून नव्याने जाहीर होणाऱ्या प्रभाग रचनेचा अंदाज घेत इच्छुक उमेदवारांनी हालचाली सुरू केल्या आहेत. काही नगरसेवकांनी शेजारील मतदारसंघात संपर्क वाढवण्यास सुरूवात केली आहे. यंदा प्रभाग संख्येत चार प्रभागांची वाढ झाली आहे. चारपैकी दोन प्रभाग हे अनुसूचित जाती प्रवर्गासाठी आरक्षित असणार आहेत.

मोबाइल अॅप डाउनलोड करा आणि राहा अपडेट

दुष्काळाने काळवंडला बेंदूर

July 29, 2015, 12:58 pm

≫ Next: सल्याच्या घरातून शस्त्रे जप्त

≪ Previous: इच्छुकांची लगबग वाढली

$

0

0

म. टा. वृत्तसेवा, कराड

पावसाअभावी शेतकऱ्यांवर दुबार पेरणीचे संकट घोंघावत आहे. त्यामुळे यंदा बेंदराच्या सणावर दुष्काळाचे सावट जाणवले. काहीशा निरुत्साही वातावरणात पण पारंपारिक रितीरिवाजांप्रमाणे बैलांची पूजा करून शेतकऱ्यांनी हा सण पार पडला. कराड परिसरात जूनमध्ये चांगला पाऊस झाला. त्यानंतर मात्र, पावसाने दडी मारली आहे. त्यामुळे पेरण्या अडचणीत आल्या आहेत. दुबार पेरणीचे संकट शेतकऱ्यांपुढे आ वासून उभे आहे. त्यात उसाला हमीभाव नाही, कांदा आणि दुधाच्या दरामध्ये झालेली घसरण यामुळे शेतकऱ्यांच्या अडचणीत वाढच झाली आहे. परिणामी, यंदा शेतकऱ्यांनी बुधवारी काहीशा निरुत्साही वातावरणात बेंदूर साजरा केला. बैलांची सजावट शिंगांची रंगरंगोटीपुरतीच मर्यादित राहिली. झूल, नवे दोर, कंडे, बाशिंग आदी बाबींना शेतकऱ्यांनी फाटा दिल्याचे जाणवले. या वस्तूंच्या खरेदीसाठी पैसे आणणार कोठून, याची चिंता बळीराजाच्या चेहऱ्यावर जाणवत होती.

हिरवा चाराही नाही

चांगला पाऊस झाल्यास शेतामध्ये मुबलक हिरवा चारा उपलब्ध होतो. तो चारा बळीराजा लाडक्या बैलजोडीस बेंदूर सणादिवशी खायला घालतो, मात्र यावर्षी पावसाने ओढ दिलेली असल्यामुळे शेतामध्ये हिरवा चाराच उपलब्ध नाही. या वर्षी हिरव्या चाऱ्याशिवाय बेंदूर सण साजरा करावा लागला.

मोबाइल अॅप डाउनलोड करा आणि राहा अपडेट

सल्याच्या घरातून शस्त्रे जप्त

July 29, 2015, 12:59 pm

≫ Next: शांतता भंगलेलीच

≪ Previous: दुष्काळाने काळवंडला बेंदूर

$

0

0

कराडः गुंड बबलू माने खूनप्रकरणी सलीम शेख उर्फ सल्या चेप्या याच्या शनिवार पेठेतील घरावर पोलिसांनी मारलेल्या छाप्यात शस्त्रे जप्त करण्यात आली. या प्रकरणी सल्या आणि त्याची पत्नी शहानवाज यांच्या विरोधात गुन्हे दाखल करून पोलिसांनी शहानवाजला अटक केली. माने खून प्रकरणात इरफान इनामदार (२८, रा. शिंदे गल्ली) यालाही अटक केली.

शहर पोलिस ठाण्याचे वरिष्ठ निरीक्षक बी. आर. पाटील व त्यांच्या पथकाने मंगळवारी सल्या चेप्याच्या घरासह अन्य सहा ठिकाणी एकाच वेळी छापे मारले. त्यात सल्याच्या शनिवार पेठेतील घरात परदेशी बनावटीसारखे दिसणारे एक पिस्तूल, पाच जिवंत काडतुसे, काडतुसे ठेवण्याचे मॅगेझिन व १२ इंचांचा धारदार सत्तूर सापडला. पोलिसांना मोबाइल, फोटो, पॅन कार्ड, कागदपत्रे, सीडी, कॅसेट आदी मुद्देमालही जप्त केला आहे. इरफान इनामदारला एक ऑगस्टपर्यंत पोलिस कोठडीत ठेवण्याचा आदेश कोर्टाने दिला.

तिघांच्या कोठडीत वाढ

बाबर खान याच्या खून प्रकरणी अटकेत असलेले सागर चंद्रकांत माने (२५, रा. गुरुवार पेठ), हृषीकेश आनंदा शेंद्रे (२३, रा. गुरुवार पेठ) व विशाल हिंदुराव कांबळे (२५, रा. मंगळवार पेठ) यांना प्रथमवर्ग न्यायदंडाधिकारी न्या. पाडूळकर यांच्यासमोर हजर करण्यात आले. त्यांची रवानगी न्यायालयीन कोठडीत केली.

मोबाइल अॅप डाउनलोड करा आणि राहा अपडेट

शांतता भंगलेलीच

July 29, 2015, 1:01 pm

≫ Next: इचलकरंजीत अतिक्रमणांवर हातोडा

≪ Previous: सल्याच्या घरातून शस्त्रे जप्त

$

0

0

शाळा, हॉस्पिटल, कोर्ट आवारात गोंगाट कायम

म. टा. प्रतिनिधी, कोल्हापूर

गणेशोत्सवामध्ये विविध साउंड सिस्टिमच्या माध्यमातून हेतुपुरस्सर ध्वनीप्रदूषण करणाऱ्यांवर कारवाई केली जाते, पण शहरात विविध ठिकाणी घोषित करण्यात आलेल्या शांतता क्षेत्राचे रोज उल्लंघन करणाऱ्यांविरुद्ध काहीच कारवाई केली जात नसल्याचे चित्र आहे. रुग्णालये, शाळा आणि कोर्टाच्या आवारात शांतता क्षेत्राचे उल्लंघन करणाऱ्यांवर कडक कारवाई केल्यास नवीन घोषित केल्या जाणाऱ्या शांतता क्षेत्रांचा फायदा होऊ शकेल.

मोठ्या उत्सवांमध्ये, सणांमध्ये विविध कारणांनी सार्व​जनिक ठिकाणी आवाजाच्या पातळीने कमाल मर्यादा गाठलेली असते. शांतता क्षेत्राच्या परिसरातही ही पातळी कायम असते, पण दररोजही वाहने व त्यांच्याकडून होणाऱ्या आवाजांमुळे सार्वजनिक ठिकाणी नागरिकांना जाणवण्याइतपत त्रास होत असतो. याचा विचार करुन ध्वनी प्रदूषण कायद्याची काटेकोरपणे अंमलबजावणी करण्याच्या सूचना जिल्हाधिकाऱ्यांनी दिल्या. शाळा, रुग्णालये, कोर्टाच्या किमान १०० मीटर क्षेत्रात शांतता क्षेत्र घोषित करण्यात यावेत, असेही सांगितले. शहरात अनेक ठिकाणी शांतता क्षेत्राचे फलक लावलेले आहेत. त्याच्या उल्लंघनाबाबत मात्र कधी कारवाई केल्याचे दिसून येत नाही.

शहरात विविध ठिकाणच्या शाळा, रुग्णालये, न्यायायलांच्या आवारात शांतता क्षेत्र करण्यात आले आहे. तिथे वाहनांची सततची गर्दी, त्यांच्याकडून होणारा आवाज हे पाहता प्रदूषणाच्या कायद्याचा भंग होत असल्याचे जाणवते. त्याबाबत केंव्हाही कारवाई झाल्याचे दिसून येत नाही. मुळात शांतता क्षेत्राच्या परिसरात शांतता राखली जाणे आवश्यक आहे. पण वाहनांच्या हॉर्नमुळेच तेथील शांतता नष्ट होते. हे पोलिस यंत्रणेने वाहनधारकांना जाणवून देण्यासाठी​ तरी कारवाई करण्याची आवश्यकता आहे. यासाठी केवळ एखादा, दुसरा पोलिस उभा करुन परिणाम साधता येणार नाही. ज्या ठिकाणी शांतता क्षेत्र आहे त्याची माहिती तिथे मोठ्या प्रमाणात कारवाई केल्याशिवाय अथवा उपक्रम राबवल्याशिवाय होणार नाही. त्यामुळे नवीन ठिकाणी केवळ औपचारिकता म्हणून क्षेत्र घोषित करुन शहरातील क्षेत्रांची संख्या वाढवण्यापेक्षा आहे त्या ठिकाणच्या क्षेत्रांची कार्यवाही व्यवस्थित झाल्यास वाहनधारकांनाही त्याचे गांभीर्य जाणवेल.

डेसिबल्स मर्यादा दिवसा रात्री

अ) औद्योगिक क्षेत्र ७५ ७०

ब) वाणिज्यिक क्षेत्र ६५ ५५

क) निवासी क्षेत्र ५५ ४५

ड) शांतता झोन ५० ४०

येथे करा तक्रार

ध्वनी प्रदूषणाबाबतची तक्रार पोलिस यंत्रणेकडे १०० या टोल फ्री दूरध्वनी क्रमांकावर किंवा

९७०२१३७७७३ या क्रमांकावर एसएमएसद्वारे किंवा

sp.kolhapur@mahapolice.gov.in या इ मेलवर करता येतील.

महापालिकेकडे १८००२३३३५६८ या टोल फ्री क्रमांकावर

commissioner.kmc@gamil.com या ई मेलवर करता येतात.

मोबाइल अॅप डाउनलोड करा आणि राहा अपडेट

इचलकरंजीत अतिक्रमणांवर हातोडा

July 29, 2015, 1:02 pm

≫ Next: वनौषधी तस्करीप्रकरणी संशयितांना पोलिस कोठडी

≪ Previous: शांतता भंगलेलीच

$

0

0

म. टा. वृत्तसेवा, इचलकरंजी

इचलकरंजी नगरपरिषदेच्यावतीने मंगळवारपासून शहरातील अतिक्रमण हटविण्याची मोहीम हाती घेण्यात आली. आज दिवसभरात जवाहरनगर, स्वामी मळा यासह मराठा चौकातील बेकायदेशीर बॅनर्स, होर्डिंग्स जप्त केली. ही मोहीम पुढे १५ दिवस सुरु राहणार असल्याची माहिती अतिरिक्त मुख्याधिकारी प्रज्ञा पोतदार यांनी दिली. आज पहिल्याच दिवशी मोहिमेत २०० हून अधिक होर्डिंग्स, बॅनर हटविण्यात आले. पालिकेच्या अतिक्रमण विभागाने धडक मोहीम राबविल्याने बेकायदेशीरपणे फलक लावलेल्यांना मोठा चपराक बसला आहे.

शहराच्या मुख्य रस्त्यासह उपनगरात मोठ्या प्रमाणात होर्डिंग्स, बॅनर तसेच सार्वजनिक मंडळांनी फलक लावले आहेत. विनापरवाना लावण्यात आलेल्या फलकांमुळे जातीय तणाव निर्माण होऊ लागला आहे. त्यामुळे असे होर्डिंग्स व बॅनर हटवावेत, अशी मागणी सातत्याने होऊ लागली. पालिकेने या संदर्भात बैठक घेऊन बेकायदेशीर, विनापरवाना लावण्यात आलेले होर्डिंग्स व बॅनर हटविण्याचा निर्णय घेतला होता. त्यानुसार मंगळवारी अतिरिक्त मुख्याधिकारी प्रज्ञा पोतदार, अतिक्रमण विभागाचे शिवाजी जगताप यांच्या नेतृत्वाखालील पालिकेच्या कर्मचाऱ्यांनी जवाहरनगर, स्वामी मळा, मराठा चौक या परिसरात धडक मोहीम राबविली. काही दुकानदारांनी रस्त्यावर लावलेले फलक पालिकेने जप्त केले. चार तास चाललेल्या या मोहिमेत २०० हून अधिक बेकायदेशीर होर्डिंग्स व बॅनरवर कारवाई करुन जप्त करण्यात आली. वर्दळीच्या ठिकाणी येत्या काही दिवसा ही मोहीम सुरु राहणार आहे.

मोबाइल अॅप डाउनलोड करा आणि राहा अपडेट

वनौषधी तस्करीप्रकरणी संशयितांना पोलिस कोठडी

July 29, 2015, 1:03 pm

≫ Next: अंमल जुन्याच ठाण्यातून

≪ Previous: इचलकरंजीत अतिक्रमणांवर हातोडा

$

0

0

राधानगरीः वनौषधीची बेकायदेशीरपणे तस्करी करताना सोमवारी पहाटे ताब्यात घेतलेले संशयित आरोपी जिल्हा परिषदेचे माजी शिक्षण व अर्थ सभापती जगदीश जयसिंगराव लिंग्रस, मुलगा मनजीत जगदीश लिंग्रस (रा. राधानगरी) यासह अन्य चार आरोपीना आज न्यायालयात हजर केले असता राधानगरीचे दिवाणी न्यायाधीश विकास मिसाळ यांनी एक दिवसांची पोलिस कोठडी सुनावली.

दाजीपूर व राधानगरी अभयारण्यातील पाली असन या किमती वनऔषधीची तस्करी करत असताना जूना राजवाडा पोलिसांनी सोमवारी पहाटे जगदीश जयसिंग लिंग्रस, मनजीत जगदीश लिंग्रस, युवराज गणपती मांडरे, (रा. मांडरेवाडी) संपत रघुनाथ माळी, (राधानगरी) महमदअली गुलाब तांबोळी व अजित माधवराव यादव (खानापूर जि. सांगली) या संशयित आरोपीना कोल्हापुरात अटक केली होती. त्यांच्याकडून स्कोडा फॅबिया या गाडीसह सुमारे तीन लाखांचा मुद्देमालही जप्त करण्यात आला होता. जुना राजवाडा पोलिसांनी मंगळवारी दुपारी त्यांना राधानगरी वन्यजीव विभागाच्या ताब्यात दिल्यावर आज दुपारी या सर्वच आरोपीना येथील दिवाणी न्यायालयात हजर केले.

मोबाइल अॅप डाउनलोड करा आणि राहा अपडेट

---

अंमल जुन्याच ठाण्यातून

July 29, 2015, 1:04 pm

≫ Next: दिंडेवाडी-गारगोटी बसला अपघात

≪ Previous: वनौषधी तस्करीप्रकरणी संशयितांना पोलिस कोठडी

$

0

0

रमेश चव्हाण, आजरा

स्वातंत्र्यपूर्व काळातील इमारतीतून नव्या इमारतीत जाण्यासाठी आजरा पोलिस भलेही उत्सूक असले तरी नवीन इमारत अपूर्ण असल्याने पोलिस अजूनही जुन्याच इमारतीतून कारभार हाकत आहेत. नवी इमारत मोठ्या दिमाखात आजरा-आंबोली मार्गावरील भाई-भाई चित्रमंदीरानजीक उभी आहे. या इमारतीची रंगरंगोटी होऊनही जवळपास पावणेदोन वर्षांचा कालावधी उलटून गेला आहे. मात्र अद्यापही या इमारतीमध्ये तालुक्याच्या पोलिस विभागाचा कारभार सुरू झालेला नाही. आराखड्याप्रमाणे बांधकाम केल्याचा बांधकाम विभागाचा दावा आहे. तर पोलिस ठाण्यासाठी आवश्यक सोयी-सुविधांसह सुरक्षिततेचा अभाव असल्याचे पोलिस विभागाचे मत असल्याने इमारतीचा ताबा घेण्याबाबत टाळाटाळ होत आहे.

सध्या तालुक्याच्या पोलिस ठाण्याचा कारभार तहसीलदार कार्यालयाच्या अर्ध्या इमारतीमधूनच चालविला जात आहे. तहसीलदार कार्यालयाची ही इमारत स्वातंत्र्यपूर्व काळातील आहे. तुलनेत तालुक्याची लोकसंख्या त्यावेळीही कमीच असल्यामुळे वेगळ्या बांधकामाऐवजी या एकाच इमारतीमध्ये तहसील कार्यालय व पोलिस ठाणेही आहे. मात्र काळाच्या ओघात सरकारच्या या दोन्ही विभागांचा कार्यभार वाढला आहे. विशेषत: पोलिस ठाण्यांतर्गत विविध विभागाचे कामकाज स्वतंत्रपणे करण्यासाठी तसेच आवश्यक यंत्रणांच्या प्रस्थापनेसाठी पर्याप्त जागा, पुरूष-महिला आरोपींना कारगृहाच्या स्वतंत्र खोल्या, महिला प्रसाधनगृह, गुप्तवार्ता, गुन्हा अन्वेषण, दप्तर आदींबरोबरच पोलिस निरिक्षक व ठाणे अंमलदारासाठी स्वतंत्र केबीन गरजेची ठरते. तर किरकोळ कारणासाठी काही खोल्यांबाबत तहसीलदार कार्यलयाकडून वारंवार ताबा घेतला जातो. त्यावेळी पोलिसांची मोठी कुचंबना होते. सध्या वापरात असलेली इमारत खूपच छोटी आहे. लॉकपची सुविधाही अपूर्ण असल्याने येथे पोलिसांची कुचंबना होते. या पार्श्वभूमीवर पोलिस ठाण्याकरिता नव्या इमारतीचे बांधकाम आवश्यक ठरले होते.

यानुसार आंबोली मार्गावर भाई-भाई चित्रमंदीरासमोर पोलिस वसाहतीच्या बाजूच्या जागेत या इमारतीचे बांधकाम करण्याबाबत निर्णय ती-साडेतीन वर्षापूर्वी घेण्यात आला.पुणे येथील सरकारी अभियंत्याकडून पोलिस ठाण्यामधील यंत्रणा व कार्यपद्धतीच्या आवश्यकतेनुसार इमारतीचा आराखडा तयार करण्यात आला. त्यानुसार अत्यावश्यक चार रूम्स व दोन लॉक-अप्सचे बांधकाम दीड-पावणे दोन वर्षापूर्वी तयार झाले.

विद्युतीकरण व इतर सुरक्षितता-सुविधांसाठी मिळून ७५ लाखांहून अधिक निधी खर्च झाल्याचे सांगण्यात येते. पण दारूगोळा साठवण, संगणक कक्ष व इतर बांधकामे ही इमारत अपूरी व असुरक्षित असल्याचे जाणकारांचे मत आहे. या इमारतीचे बांधकाम पूर्ण होण्यासाठी अजून निधी आवश्यक आहे. मात्र, प्रशासकीय पातळीवर त्यात चालढकल होत आहे. ही इमारत मिळण्यास वेळ लागणार असल्याने जुन्या इमारतीची रंगरंगोटी पोलिसांनी सुरू केली आहे.

उपलब्ध निधीनुसार आराखड्याप्रमाणे आवश्यक ते बांधकाम झाले आहे. जवळपास निम्म्या इमारतीचे बांधकाम झालेले आहे. उर्वरित बांधकाम निधी उपलब्धतेनुसार पूर्ण करण्यात येईल. निधी उपलब्ध होण्यासाठी पोलिस व्यवस्थापनानेही इमारत मिळण्याबाबत प्रशाकीय पातळीवर हालचाली केल्या पाहिजेत. काम पूर्ण झाल्याशिवाय इमारतीचे हस्तांतर करणे आम्हालाही शक्य होणार नाही.

- एन. बी. नौखंडकर, उपअभियंता

नव्या इमारतीची पूर्तता झाल्याबाबतची कल्पना अथवा त्याच्या ताब्याबाबत बांधकाम विभागाकडून वरिष्ठ पोलीस अधिकाऱ्यांना विचारणा झालेली नाही. याबाबत संबंध‌ित विभागाकडून विचारणा होताच उपलब्ध इमारतीची पाहणी होईल. आवश्यकतेनुसार पर्याप्त खोल्यांचे बांधकाम सुरक्षिततेच्या अनुषंगाने झालेले असल्यास इमारतीचा ताबा घेतला जाईल. याबाबत वरिष्ठच निर्णय घेतील.

- सी. बा. भालके, पोलिस निरीक्षक

मोबाइल अॅप डाउनलोड करा आणि राहा अपडेट

दिंडेवाडी-गारगोटी बसला अपघात

July 29, 2015, 1:05 pm

≫ Next: मंडल अधिकारी लाच घेताना अटकेत

≪ Previous: अंमल जुन्याच ठाण्यातून

$

0

0

गारगोटी : हणबरवाडी येथे गारगोटी आगाराच्या गारगोटी- दिंडेवाडी या एस. टी. बसने विजेच्या खांबाला जोरात धडक दिल्याने विजेचे तीन खांब मोडले. यामध्ये प्रवाशी किरकोळ जखमी झाले. गारगोटी आगाराची एम. एच. १२. सी. एच ही बस काल दिंडेवाडी मुक्कामी गेली होती. आज सकाळी प्रवाशांना घेवून ही बस घेवून दिंडेवाडी कडून गारगोटीकडे येत असताना हाणबरवाडीनजीक जोतिर्लिंग टायर वर्कच्या समोरील गटारीवर असणाऱ्या विजेच्या खांबावर थडकली. या बसमध्ये गारगोटी येथील महाविद्यालयात शिक्षण घेणाऱ्या विध्यार्थी- विध्यार्थीनी यांची संख्या जास्त होती. यामुळे बसमध्ये मोठ्या प्रमाणत गोंधळ झाला. बस खांबावर थडकल्या मुळे दोन्ही बाजूचे डांब तुटून पडले. त्यामुळे वीज प्रवाह आपोआप खंडीत झाला. या खांबावरून ४४० होल्टचा विद्युत प्रवाह सुरु होता. तुटलेल्या विद्यूत वाहिनीचा बसला स्पर्श न झाल्याने अनर्थ टळला.

मोबाइल अॅप डाउनलोड करा आणि राहा अपडेट

मंडल अधिकारी लाच घेताना अटकेत

July 29, 2015, 1:07 pm

≫ Next: नारा प्लास्टिक मुक्तीचा

≪ Previous: दिंडेवाडी-गारगोटी बसला अपघात

$

0

0

म. टा. वृत्तसेवा, चंदगड

निट्टूर (ता. चंदगड) येथील नरसू महादेव पाटील (रा. निट्टूर, ता. चंदगड) यांच्याकडे जमिनीची मोजणी व हद्दी कायम करुन सातबारा उताऱ्यास नोंद घेवून जमिनी त्यांचे ताब्यात देण्यासाठी सहा हजार रुपयांची लाच मागितल्याप्रकरणी मंडल अधिकारी विनायक रघुनाथ आरगे यांना पोलिसांनी आज अटक केली. नरसू पाटील यांनी याबाबतची तक्रार लाचलुचपत प्रतिबंधक विभागाकडे केली होती. तक्रारदार नरसू महादेव पाटील यांची निट्टूर येथील वडिलोपार्जित जमिनीबाबत त्यांचे भाऊबंदामध्ये कोर्टात दावा सुरू होता. सदर दाव्याचा निकाल होण्यापूर्वी पाटील व त्यांच्या कुटुंबियांनी चंदगड न्यायालयात तंटामुक्ती लवादासमोर जमिनीचा वाद आपसात मिटवून घेतला होता.

मोबाइल अॅप डाउनलोड करा आणि राहा अपडेट

नारा प्लास्टिक मुक्तीचा

July 29, 2015, 1:09 pm

≫ Next: वायू गळतीमुळे पाचजण गुदमरले

≪ Previous: मंडल अधिकारी लाच घेताना अटकेत

$

0

0

दीपक मांगले, गडहिंग्लज

प्लास्टिकचा होणारा अतिरेकी वापर, त्यांचे संभाव्य धोके, त्यामुळे मृत होणाऱ्या जनावरांची संख्या याबाबत असंख्य वेळा चर्चा झाली. याबाबत विविध स्तरावर अनेक सामाजिक संघटनानी पुढाकार घेऊन जनजागृतीचा प्रयत्नही केला. प्लास्टिक मुक्तीच्या आवाहनाला आजपर्यंत म्हणावा तेवढा सकारात्मक प्रतिसाद मिळाला नाही. याला खुद प्रशासनाचे दुर्लक्ष आणि नागरिकांची 'कळतं पण वळत नाही' ही मानसिक वृत्ती कारणीभूत आहे. गडहिंग्लजकरांनी मात्र प्लास्टिक मुक्तीचा चंगच बांधला आहे. गडहिंग्लजमध्ये या अभियानाला आता सुरुवात होणार आहे. येत्या १५ दिवसांत गडहिंग्लज शहर प्लास्टिकमुक्त करण्यात येणार असून आता नगरपालिकेच्या पुढाकाराने होत असलेला हा उपक्रम नागरिकांच्या सहभागातून यशस्वी‌ होण्यास मदत होईल.

गडहिंग्लज नगरपालिकेमार्फत काही दिवसांपूर्वी कचरा आणि प्लास्टिक मुक्तीबाबत बैठक घेण्यात आली. उपनगराध्यक्षा कावेरी चौगुले यांच्या अध्यक्षतेखाली झालेल्या या बैठकीला शहरातील सामाजिक संघटना, व्यापारी व नागरिक अशा महत्वपूर्ण घटकांनी उत्स्फूर्त प्रतिसाद दिला. बैठकीत प्लास्टिक पिशवीचा मानवी जीवनावर होणारा दुष्परिणाम, त्यावर उपाय याबाबत विविध स्तरातील जाणकार मंडळीनी' आपली भूमिका मांडली.

शहरातील काही सुशिक्षित तरुणांनी पुढाकार घेऊन 'प्रोग्रेसिव्ह गडहिंग्लज' नावाचा सोशल मी‌डियावर ग्रुप तयार केला आहे. या ग्रुपसोबत कृष्णांत पर्यावरण, योगविद्याधाम, सह्यांद्री अडव्हेंचर्स, लायन्स ग्रुप व हिरण्यकेशी फाउंडेशन या सामाजिक संघटनांनी एकत्र येत जनप्रबोधनाचा विडा उचलला आहे. याला नगरपालिका पदाधिकारी, कर्मचारी व नागरिकांनी मानसिकता बदलाचे संकेत दिले आहेत. उपनगराध्यक्षा चौगुले यांनी अभियानांतर्गत शहरातील सर्व व्यापाऱ्यांना १५ ऑगस्ट पूर्वी प्लास्टिक पिशवी संपवून सहकार्य करण्याचे आवाहन केले आहे.

प्लास्टिक मुक्ती अभियानांतर्गत सदर सामाजिक संघटनांनी शहरातील साधना ज्युनिअर कॉलेज, संत गजानन इंजिनिअरींग कॉलेज, डॉ.घाळी कॉलेज व पालिकेच्या शाहू सभागृहात मार्गदर्शन कार्यशाळेचे आयोजन केले. कार्यशाळेत नाशिक येथील मेकॅनिकल इंजिनिअर मिलिंद पगारे यांनी दृकश्राव्य माध्यमाद्वारे प्लास्टिकचा उगम, वापर, मनुष्य निर्मित कचरा, प्रदूषण,त्याचे पर्यावरण व मानवी जीवनावर होणारे परिणाम याबद्दल माहिती दिली व उपाययोजना सुचविल्या. यासाठी समाजातील प्रमुख घटकांनी एकत्र येऊन सकारात्मक बदल करावेत अशी आशा त्यांनी व्यक्त केली

प्लास्टिक पिशव्यांच्या दैनंदिन वापर अव्याहतपणे सुरु आहे. त्याचा मानवी आरोग्यावर व पर्यावरणावर परिणाम होतो. प्लास्टिक पिशवीतील कचरा तसेच शिळे अन्न गटर अथवा नाल्यात टाकले जाते. या पिशव्यांमुळे ठिकठिकाणी पाणी तुंबण्याच्या घटना घडतात. या पिशव्यांचे नैसर्गिकरीत्या जैविक विघटन होत नाही. त्यामुळे हे पदार्थ खराब होवून दुर्गंधी सुटते. त्यातून डासांची उत्पत्ती व डासांमुळे डेंगीचा प्रादुर्भाव होतो. बंद पिशवीतील अन्न पिशवीसह मुक्या जनावरांच्या पोटात जाते आणि कालांतराने जनावरे दगावतात.

गुटखा, सुपारी, सोप, लवंग यासारखे पदार्थही विशिष्ट प्रमाणात प्लास्टिक पुड्यातून मिळतात. दिवसाकाठी गडहिंग्लजमध्ये यासारख्या हजारो पुड्याची विक्री होते. त्यामधील पदार्थ खाऊन पुडी टाकून दिली जाते. अशा लाखो पुड्या रस्त्याकडेला, गटार व नाल्यात दिवसाकाठी आढळतात.

शहराशी निगडीत जुन्या आघाडीच्या चांगल्या निर्णयांची अमलबजावणी करू. त्यासाठी घंटागाडीवरून जनतेला आवाहन करण्यात येईल. तसेच १५ ऑगस्टनंतर कोणत्याही परिस्थितीत कॅरी बॅगवर बंदी आणण्यात येईल.

- राजेश बोरगावे, नगराध्यक्ष

शहराच्या ३.३१ चौरस किलोमीटरवर परिघातून दररोज साडेसात टन कचरा गोळा केला जातो व तो मार्केट यार्ड जवळील कचरा साठप केंद्रामध्ये पाठविला जातो. तेथे त्यावर प्रक्रिया करून गांडूळ खत निर्मिती केली जाते.

- तानाजी नरळे, मुख्याधिकारी

दोन वर्षे स्वतः प्लास्टिक शिवाय व्यवसाय करीत असून यामुळे व्यापारावर काहीही परिणाम झालेला नाही. सर्वांनी प्लास्टिक मुक्तीसाठी प्रयत्न करणे आवश्यक आहे.

- सचिन पाटील, कापड व्यापारी

मोबाइल अॅप डाउनलोड करा आणि राहा अपडेट

वायू गळतीमुळे पाचजण गुदमरले

July 29, 2015, 1:12 pm

≫ Next: महिला आघाडीवरही जोरदार मोर्चेबांधणी

≪ Previous: नारा प्लास्टिक मुक्तीचा

$

0

0

म. टा. प्रतिनिधी, कोल्हापूर

कसबा बावड्यातील सांडपाणी प्रक्रिया केंद्रात (एसटीपी) बुधवारी क्लोरीन गळती झाल्याने पाच कर्मचारी गुदमरले. त्यांना सीपीआरमध्ये दाखल करण्यात आले आहे. फुलेवाडीतील अक्षय सदाशिव मगदूम (वय २२) याची प्रकृती बिघडल्याने त्याला खासगी हॉस्पिटलमध्ये उपचारासाठी दाखल केले आहे. हेमंत सुधाकर काशिद (वय २७, रा. शनिवार पेठ), विकम महादेव चौगुले (वय ३७, रा. कसबा बावडा), विक्रम पंडीत देवार्डे (वय २२ रा. कसबा बावडा) भरत रामचंद्र इंगवले (वय २८, रा. कोलोली, ता. पन्हाळा) यांच्यावर सीपीआरमध्ये उपचार करण्यात आले. बुधवारी सकाळी दहा वाजता ही घटना घडली.

एसटीपीचा ठेका विश्वा इन्फ्राकडे ठेका आहे. लॅब इनचार्ज हेमंत काशीद, सुपरवायझर विक्रम देवार्डे, ऑपरेटर इंगवले तर विक्रम चौगुले हेल्पर म्हणून काम करत होते. पी प्लँटमध्ये क्लोरीनचा वापर केला जात असल्याने क्लोरीनच्या टाक्यांचा साठा केला आहे. त्यांपैकी एका टाकीतील व्हॉल्व्ह नादुरूस्त झाल्याने क्लोरिन गळती सुरू झाली. त्यांनी पाणी मारून गळती थांबवण्याचा प्रयत्न केला. त्यामुळे त्यांना श्वासोच्छ्‍श्वासाचा त्रास जाणवू लागला. देवार्डे याने त्याही परिस्थितीत अग्निशमन दलाला फोन करून घटनेची माहिती दिली.

अग्निशमन दलाची शर्थ

वायू गळती रोखण्यासाठी अग्निशमन दलाने प्रयत्नांची शर्थ केली. या जवानांनी क्लोरीनची गळती रोखण्यासाठी टाकीच्या व्हॉल्व्हला कपड्यांच्या चिंध्या व गूळ लावून रोखण्याचा प्रयत्न केला. एका कर्मचाऱ्याने मास्क घातला होता तर अन्य कर्मचाऱ्यांनी हातरूमाल तोंडावर बांधून टाकी बंद करण्याचा प्रयत्न केला.

मोबाइल अॅप डाउनलोड करा आणि राहा अपडेट