‘हे तर भाजपचे षड‍्यंत्र’

April 15, 2015, 4:46 pm

≫ Next: घरफाळा विभागाचा होणार ‘हिशेब’

≪ Previous: ‘मुख्यमंत्र्यांनी राजीनामा द्यावा’

$

0

0

म. टा. प्रतिनिधी, कोल्हापूर

ज्येष्ठ नेते कॉ. गोविंदराव पानसरे यांच्या हत्येनंतर कोल्हापुरात दहशतीचे वातावरण असताना व हत्येचा तपास अद्याप पूर्ण झालेला नसताना भारतीय जनता पक्षाने कोल्हापुरातच राज्य कार्यकारिणीची बैठकीच्या आयोजनाबद्दल उमा पानसरे यांनी 'म.टा.'च्या प्रतिनि​धीशी बोलताना नाराजी व्यक्त केली. तसेच भाजप व राज्यसरकारला पानसरे प्रकरणात स्वतःला क्लीन चिट घ्यावयाची असल्याने कोल्हापुरात राज्य कार्यकारिणीचे षड्यंत्र रचले आहे, असा आरोप पानसरे यांच्या कन्या स्मिता पानसरे-सातपुते यांनी केला.

भाजप राज्य कार्यकारिणीची बैठक ४ ते ६ मे या कालावधीत कोल्हापुरात होत आहे. या पार्श्वभूमीवर उमा पानसरे यांची मते जाणून घेतली. पानसरे निर्भीड होते. त्यांना निनावी पत्रे येत होती, पण त्याबद्दल ते कधीच बोलत नव्हते. पानसरेंचा आवाज बंद करण्यासाठी आमच्यावर हल्ला झाला. त्यामुळे समाजात निर्भीडपणे काम करण्यासाठी लोक कसे पुढे येणार? असा सवालही उमा पानसरे यांनी केला. सरकारने दहशतीचे वातावरण कमी करून लोकांना आश्वस्त केले पाहिजे. दहशतीच्या वातावरणात अधिवेशन घेणे चूक आहे.

भाजपने अधिवेशन घेण्यासाठी कोल्हापूरची निवडच का केली, असा प्रश्नही उपस्थित केला.

मोबाइल अॅप डाउनलोड करा आणि राहा अपडेट

---

घरफाळा विभागाचा होणार ‘हिशेब’

April 15, 2015, 12:43 pm

≫ Next: शंभर फुटीसाठी भूसंपादन प्रक्रिया

≪ Previous: ‘हे तर भाजपचे षड‍्यंत्र’

$

0

0

म. टा. प्रतिनिधी, कोल्हापूर

थकीत घरफाळ्याच्या रकमेत नियमबाह्यरीत्या सवलत दिल्याचे प्रकरण उघडकीस आल्यानंतर घरफाळा विभागाच्या संपूर्ण कामकाजाचा हिशेब मांडला जाणार आहे. महापौरांनी घरफाळा विभागाच्या गेल्या पाच वर्षातील योजना, सवलत कुणाला दिली, कोणाच्या आदेशाने दिली या संदर्भातील इत्थंभूत माहिती मागवली आहे. आयुक्त पी. शिवशंकर यांना यासंदर्भात लेखी पत्र दिले आहे. शहरातील मिळकतींची संख्या वाढली असताना, विभागाच्या कर्मचाऱ्याकडून मिळकतींच्या नोंदी केल्या जात नाहीत. पावती पुस्तकाचा आधार घेत नियमबाह्य्रईत्या सवलत देत काहींनी पैसे हडप केल्याच्या तक्रारी आहेत.

घरफाळा विभागाकडून वर्षाकाठी ३६ कोटी रुपयांच्या आसपास कर जमा होतो. मात्र विभागाकडील कामकाजाबद्दल नागरिकांच्या तक्रारी आहेत. मिळकतीच्या नोंदीपासून ते वसुलीपर्यंत प्रत्येक टप्प्यावर विभागातील काही कर्मचारी 'हम करे सो कायदा' या पध्दतीने कामकाज करत आहेत. शहर आणि उपनगरांत गेल्या काही वर्षात मोठ्या प्रमाणात बांधकामे झाली आहेत. व्यापारी संकुलांच संख्या वाढली आहे. मात्र महापालिकेच्या दफ्तरी वाढीव मिळकतींची नोंद नाही. काही ठिकाणी कर्मचाऱ्यांनी मिळकतधारकांशी, व्यापारी संकुलाच्या मालकांशी संगनमत करून महापालिकेचे आर्थिक नुकसान करत आहेत.

बागल चौकातील आमले मार्केटची थकीत घरफाळ्याची रक्कम २२ लाख रुपये असताना दोघा कर्मचाऱ्यांनी १४ लाख रुपये जमा केले आहेत. मुळात रहिवासी मिळकतींसाठी सवलत योजना असताना व्यापारी संकुलाचा त्यामध्ये समावेश केला आहे. उर्वरित आठ लाख रुपयांचा उल्लेख कुठेच नाही. आयुक्त पातळीवरून सध्या या प्रकरणाची चौकशी सुरू आहे.

जनता दरबारात नाग​रिकांनी घरफाळा विभागाच्या कामकाजाविषयी तक्रारी केल्या आहेत. यामुळे घरफाळा विभागाने २०१० ते २०१४-२०१५ पर्यंत कुणा कुणाला सवलत दिली, कुणाच्य आदेशाने आणि अधिकाराखाली घरफाळा कमी केला आहे याविषयी वर्षनिहाय माहिती मागवली आहे. आयुक्तांकडे यासंदर्भात लेखी पत्र पाठवले आहे. त्यातून विभागातील कामकाजावर प्रकाशझोत पडणार आहे.

- तृप्ती माळवी, महापौर

मोबाइल अॅप डाउनलोड करा आणि राहा अपडेट

शंभर फुटीसाठी भूसंपादन प्रक्रिया

April 15, 2015, 12:44 pm

≫ Next: राज्यातील १३ कला संग्रहालयांवर नजर

≪ Previous: घरफाळा विभागाचा होणार ‘हिशेब’

$

0

0

म. टा. प्रतिनिधी, कोल्हापूर

शहर सुधारित विकास योजनेंतर्गत खानविलकर पेट्रोल पंपाच्या पिछाडीपासून ते कसबा बावड्यापर्यंत नदीकाठच्या बाजूने १०० फुटी रस्ता तयार करण्यात येणार आहे. महापालिकेने या रस्त्यासाठी भूसंपादनाची प्रक्रिया सुरू केली असून, संबंधित शेतकऱ्यांना नोटिसा लागू केल्या आहेत. नुकसान भरपाईअंतर्गत जागा संपादनाच्या मोबदल्यात टीडीआर देण्याचे प्रस्ताव दिला आहे. आयुक्त पी. शिवशंकर यांच्या उपस्थितीत बुधवारी शेतकऱ्यांना द्यावयाच्या नुकसान भरपाईसंदर्भात बैठक झाली. प्राथमिक टप्प्यात शेतकऱ्यांनी महापालिकेच्या प्रस्तावाला सहमती दर्शवली आहे.

कोल्हापूर शहरावरील वाहतुकीचा ताण कमी करण्यासाठी आणि रत्नागिरी, पन्हाळामार्गे येणारी अवजड व मोठ्या वाहनांसाठी शहराच्या बाहेरून रस्ता तयार करण्याचे विकास नियंत्रण नियमावलीत समाविष्ट आहे. हा रस्ता साकारला तर शहरातील वाहतुकीची कोंडी कमी होण्याची शक्यता आहे. रस्ता बनविण्याच्या अनुषंगाने महापालिकेने हालचाली सुरू केल्या आहेत. १०० फुटी रस्ता तयार करण्यासाठी भूसंपादनाच्या प्रक्रियेंतर्गत या संभाव्य मार्गावरील शेतकऱ्यांना नोटिसा पाठविल्या आहेत.

खानविलकर पेट्रोल पंपाच्या पिछाडीपासून ते कसबा बावडा येथील गोळीबार मैदान, पेट्रोल पंपापर्यंत असा प्रस्तावित सव्वाचार किलोमीटरचा रस्ता आहे. या रस्त्यासाठी १२५ शेतकऱ्यांची ६० एकर शेती क्षेत्र बाधित होणार आहे. त्यासाठी आयुक्तांनी संबंधित शेतकऱ्यांशी नुकसान भरपाईसंदर्भात चर्चा केली. यावेळी शेतकऱ्यांनी भूसंपादन कायद्याप्रमाणे नुकसानभरपाई देणार की टीडीआरच्या मोबदल्यात जागा हस्तांतरण करायचे या अनुषंगाने चर्चा झाली. टीडीआरचे हक्क, नुकसानभरपाई याविषयी शेतकऱ्यांनी मते मांडली. चर्चेत नगरसेवक डॉ. संदीप नेजदार, जयवंत पाटील, अजित सासने, अमर पाटील, प्रवीण पाटील आदींनी सहभाग घेतला.

नेमके टीडीआर कुणाला द्यायचे हे कळणार नाही. संबंधित शेतकऱ्यांकडून वैयक्तिकरीत्या टीडीआर मागणीचा प्रस्ताव आल्यानंतर जागा ताब्यात घेऊन टीडीआर देणार आहे. आठवठाभरात सर्व्हे करून पुन्हा एकदा शेतकऱ्यांची बैठक घेतली जाणार आहे.

- धनंजय खोत, सहायक संचालक, नगर रचना विभाग

मोबाइल अॅप डाउनलोड करा आणि राहा अपडेट

राज्यातील १३ कला संग्रहालयांवर नजर

April 15, 2015, 12:49 pm

≫ Next: गोकुळचा ‘भाव’ वधारला

≪ Previous: शंभर फुटीसाठी भूसंपादन प्रक्रिया

$

0

0

गुरुबाळ माळी, कोल्हापूर

सिंदखेड राजा येथील जिजाऊंचे जन्मस्थान असलेल्या राजवाड्यातून सोळाव्या शतकातील दुर्मिळ तोफ पळवल्याच्या घटनेने खडबडून जागे झालेल्या राज्य सरकारने आता हजारो वर्षांच्या इतिहासाची साक्ष देणाऱ्या अनेक दुर्मिळ व ऐतिहासिक वस्तूंची जपणूक करण्यासाठी ठोस पावले उचलण्यास सुरुवात केली आहे. याचाच एक भाग म्हणून राज्यातील तेरा सरकारी वस्तूसंग्रहालयांवर सीसीटीव्हीची नजर ठेवण्याचा निर्णय घेण्यात आला आहे. त्यात टाउन हॉल म्युझियम आणि चंद्रकांत मांडरे कला संग्रहालयांचाही समावेश आहे.

राज्यातील सर्वच कला संग्रहालयात अतिशय दुर्मिळ वस्तू आहेत. काही संग्रहालयांत तर हजार वर्षांपूर्वीच्या वस्तू आहेत. हा प्राचीन आणि ऐतिहासिक ठेवा जपून ठेवण्यासाठी राज्य सरकार विविध मार्गाने प्रयत्न करीत आहे. पण डिसेंबर महिन्यात सिंदखेड येथील राजवाड्यातून जिजामाता यांचे वडील लखोजी जाधव यांची तोफ पळवली. त्यातून ही संग्रहालये सुरक्षित नसल्याचा पुरावा मिळाला. पंचधातूचा वापर करून तयार केलेली ही ८५ किलोची तोफ पळवून नेणाऱ्या युवकांचा पोलिसांनी शोध लावला, पण या घटनेने सरकारही खडबडून जागे झाले. तातडीने काही उपाययोजना सुरू करण्याचा निर्णय घेण्यात आला. त्यानुसार पहिल्या टप्प्यात ही संग्रहालये सीसीटीव्हीच्या नजरेखाली आणण्यात येणार आहेत. त्याच्या खर्चाची तरतूद करण्यात आली असून, निविदा प्रक्रियाही राबविण्यात येणार आहे. सध्या तेरापैकी केवळ तीन वस्तूसंग्रहालयांत सीसीटीव्हीची व्यवस्था असली तरी ती तोकडी आहे. त्यामुळे तेथेही आधुनिक व अधिकाधिक प्रमाणात कॅमेरे बसवण्यात येणार आहेत.

वस्तूसंग्रहालयात अतिशय दुर्मिळ वस्तू आहेत. त्या सुरक्षित राहाव्यात यासाठी सर्व संग्रहालयांत सीसीटीव्ही लावण्याचा निर्णय घेण्यात आला आहे. यासाठी सरकारने निधीची तरतूद केली आहे. लवकरात लवकर सर्व प्रक्रिया पूर्ण करण्याचे आमचे प्रयत्न राहतील.

- संजय पाटील, संचालक, राज्य पुरातत्व विभाग

मोबाइल अॅप डाउनलोड करा आणि राहा अपडेट

गोकुळचा ‘भाव’ वधारला

April 15, 2015, 12:26 pm

≫ Next: संशयित अद्याप मोकाटच

≪ Previous: राज्यातील १३ कला संग्रहालयांवर नजर

$

0

0

म. टा. प्रतिनिधी, कोल्हापूर

'आंबा पाडणे', 'घोडे बाजार' किंवा 'ढपला पाडणे' हे शब्द कोल्हापूरला नवे नाहीत. या शब्दांनी कोल्हापूरची बदनामी फार लांबवर पोहचविली आहे. समोर संधी दिसली की त्याचा पुरेपूर फायदा घ्यायचा असे ठरवूनच हात साफ करून घेतले जातात. सहकार क्षेत्रातील निवडणुका आल्या की या शब्दप्रयोगांना मूर्त रूप येते. मतदानावेळी हात धूऊन घेतल्याने पुढील पाच वर्षात नैतिक अधिकार गमावून बसलेल्या सभासदांचा आवाज बंद होतो. त्यामुळेच अनेक संस्था बुडाल्या. सध्य सुरू असलेल्या गोकुळच्या निवडणुकीसाठी ठरावधारक प्रलोभनांसाठी स्वतःला बाजारात उभे करत आहेत. गोकुळच्या या 'आठवडी बाजारात' सध्ये काहींनी ८० हजार तर कोणी १ लाख रुपये दर ठरवला आहे. जो जास्त बोली लावेल त्याच्याकडे उडी मारायची. असे कुंपणावरचे ठरावधारक अपल्या गळाला लागावेत यासाठी नेतेही आपली ताकद पणाला लावत आहेत.

गोकुळच्या निवडणुकीसाठी ठराव घेतलेले संस्थांचे काही संचालक आता बंगळुरूमध्ये कुंटुंबियांसह मौजमस्ती करत आहेत. उन्हाच्या झळा कमी करण्यासाठी कोणी मस्तपैकी तलावात डुंबत आहे तर कोणी शॉपिंग मॉलमध्ये खरेदी करत आहे. मात्र, दोन्ही सत्तारूढ पॅनेलविरोधात विरोधकांचे तगडे आव्हान उभे राहिल्याने काही ठरावधारक जिकडे जास्त बोली लागेल तिकडे पळण्याच्या तयारीत आहेत. काही ठरावधारक सहलीवर गेले असले तरी संबधित ठरावधारकांचे कुटुंबिय, मित्र आणि संबधित संस्थेच्या संचालकांकरवी यांच्या नाकदु ऱ्या काढण्याची तयारी सुरु आहे. यासाठी एका पॅनेलने ८० हजार तर दुसऱ्या पॅनेलने १ लाख रुपयांचे अमिष दाखविले आहे. गावोगावी असलेल्या दूधसंस्थांमध्ये चेअरमन आणि एखाददुसरा संचालकच संस्था चालवित असल्याने सध्या या दोघा तिघांची चंगळ सुरु आहे. काहींनी पैशाऐवजी गोकुळमध्ये नोकरीचे प्रस्ताव दिले आहेत. जे ठरावधारक कट्टर आहेत त्यांना शब्द देऊन गावातच ठेवले आहे तर बेभरवशी ठरावधारकांना दूरच्या सहलीवर पाठवले आहे.

मागील निवडणुकीत हाच दर ६० हजारांवर गेला होता. त्यावेळी राष्ट्रवादी काँग्रेस विरोधात होती. आता दोन्ही पॅनेल तगडी झाल्याने कुंपणावरच्या ठरावधारकांना चांगले दिवस आले आहेत. आता हेच ठरावधारक आपली बोली लावून दर वाढवून घेत आहेत. सध्या हा दर ८० हजारांवरून १ लाखांवर गेला आहे. जर पैसे नसतील तर नोकरीची हमीही घेतली जात आहे. मा‌त्र, मागील निवडणुकीत ज्यांनी नोकरीचा शब्द घेतला त्यापैकी अनेकजण रोजंदारीवर राबत आहेत हा भाग वेगळा.

सक्रिय कर्मचाऱ्यांना धास्ती

सध्या ठराव गोळा करण्यापासून ते अगदी ठरावधारकांची सोय करण्यापर्यंत गोकुळचे काही कर्मचारी सक्रिय होते. आता हा भाग वेगळा की गोकुळचे अधिकारी आणि विद्यमान संचालक ते नाकारात आले आहेत. त्यामुळे आत्ता आपण आघाडी घेतली आहेच तर सत्ता आणूनच गप्प बसू, नाहीतर नोकरीवर गदा येईल अशी भीती अनेकांच्या मनात आहे. लोकसभा आणि विधानसभा निवडणुकीत विरोधात काम केलेल्या काहींना मुंबईला पाठवले तर काहींना कायमचा नारळ दिला होता. त्यामुळे सध्या कर्मचारीही सावध आहेत.

मोबाइल अॅप डाउनलोड करा आणि राहा अपडेट

संशयित अद्याप मोकाटच

April 15, 2015, 12:46 pm

≫ Next: ATM च्या धर्तीवर पेड मिनरल वॉटर

≪ Previous: गोकुळचा ‘भाव’ वधारला

$

0

0

म. टा. प्रतिनिधी, कोल्हापूर

ज्येष्ठ नेते कॉम्रेड गोविंदराव पानसरे यांची हत्या होऊन दोन महिने झाले. हल्लेखोरांच्या तपासासाठी पोलिसांनी विविध पातळ्यांवर प्रयत्न करूनही अद्याप हत्येच्या तपासाचे धागेदोरे लागलेले नाहीत. पोलिसांनी दोन महिन्यांत तब्बल दीड लाख लोकांकडे चौकशी केली आहे. वैयक्तिक कारणांबरोबर जातीयवादी संघटनांचा पानसरे यांच्या हत्येत हात आहे का, याबाबतही पोलिस कसून तपास करत असल्याची माहिती पोलिस सूत्रांनी दिली.

पानसरेंची हत्या होऊन दोन महिने झाले तरी हल्लेखोरांचा शोध लागला नसल्याने राज्य सरकार व पोलिस प्रशासनाबद्दल टीका होऊ लागली आहे. गेले दोन महिने पोलिसांची २७ पथके महाराष्ट्र, कर्नाटक व गोवा राज्यांत तपास करत आहेत. पानसरेंवर ज्या ठिकाणी हल्ला झाला, त्या परिसरातील एक किलोमीटर अंतरावरील फोन व मोबाइल कॉल्सची तपासणी केली आहे. तपासणीत जवाहरनगर, राजारामपुरी, यादवनगर, परिसरातील गुंडांच्या कॉलची संख्या जास्त असल्याचे दिसून आले. अशा गुंडांची चौकशी करण्यात आली आहे. तसेच कॉल करणाऱ्या प्रत्येक संशयिताकडे वैयक्तिक चौकशी केली आहे. छोट्या कॉलकडे जास्त लक्ष देण्यात आले आहे. याशिवाय एसएमएस, वॉट्स अॅप्स, फेसबुक, ई-मेलची तपासणी सुरू आहे. प्रत्येक अधिकाऱ्याकडे स्वतंत्र तपास दिला आहे. कोल्हापूर परिक्षेत्रातील रेकॉर्डवरील गुंड, टोळी युद्धातील गुंड, सुपारी घेणारे गुंड, रेकॉर्डवरील गोळीबाराच्या गुन्ह्यातील आरोपींची कसून चौकशी केली आहे.

हत्येची व्याप्ती पाहता कर्नाटक, गोवा राज्यांतील पोलिसांबरोबर बैठका घेऊन शोधमोहीम सुरू आहे. हल्लेखोर निपाणीमार्गे कर्नाटकाकडे पळून गेल्याचा संशय आहे. या पार्श्वभूमीवर सीमाभागातील कर्नाटकातील बेळगाव, विजापूर, हुबळी, धारवाड परिसरात शोधमोहीम सुरू आहे. परराज्यांतील स्थानिक पोलिसांचीही मदत घेतली जात आहे. पानसरे जातीयवादी संघटना व पक्षांवर टीका करत असत, त्यामुळे त्यांना विरोध करणाऱ्या मंडळींकडेही चौकशी केली जात आहे. पानसरेंनी जिथे-जिथे भाषणे व व्याख्याने दिली, त्या ठिकाणी पोलिस चौकशी करत आहेत. कोकण, नागपूर, अहमदनगर, औरंगाबाद, पुणे येथे त्यांनी दिलेल्या व्याख्यानावेळी विरोध करणाऱ्या व्यक्तींकडेही चौकशी केली जात आहे.

प्रत्यक्षदर्शींकडून माहिती देण्यास टाळाटाळ

पानसरेंवर जेव्हा हल्ला झाला, त्यावेळी पाच ते सहाजणांनी हल्लेखोरांना पाहिले आहे. हल्लेखोर कोणत्या दिशेकडे वळाले, ते कसे होते याची माहिती असूनही ती देण्यास टाळाटाळ करत आहेत. एक साक्षीदार परिसरातील मोलकरीण आहे. घटनेवेळी ती पानसरेंच्या घरासमोर उभी होती. तिच्याकडे पोलिसांनी चौकशी केली असली तरी पुरेशी माहिती मिळत नाही. साक्षीदार भीतीच्या छायेखाली असल्याने माहिती देण्यास उत्सुक नाहीत.

उमा पानसरेंकडून अपेक्षा

हल्ल्यातील मुख्य साक्षीदार उमा पानसरे यांच्या प्रकृतीत सुधारणा झाल्यानंतर त्यांच्याकडून आरोपींची माहिती घेण्यासाठी पोलिस प्रयत्नशील आहेत. हल्ल्यापूर्वीची माहिती उमा पानसरे देत आहेत, पण हल्ला झाला त्यावेळी घटना कशा घडल्या, हल्लेखोर कसे होते, हे त्यांना आठवत नसल्याने तपासात अडचणी येत आहेत. त्यामुळे गेले दोन महिने पोलिसांनी रीतसर त्यांचा जबाबही घेतलेला नाही. उमा पानसरे यांचा जबाब महत्त्वाचा असल्याने आरोपी पकडल्यावर त्यांचा जबाब व आरोपींचे वर्णन यामध्ये तफावत राहू नये यासाठी पोलिस काळजी घेत आहेत, पण काही दिवसांनी जबाबात कायदेशीर बदल करता येतो याकडेही पोलिस निर्देश देत आहेत. डॉक्टर व कायदेतज्ज्ञांचा सल्ला घेऊन पानसरे कुटुंबीयांना विश्वासात घेऊन पोलिस रीतसर जबाब घेणार आहेत.

उमा पानसरेंची भूमिका आणि भाषा दुर्दैवी आहे. भाजपने बैठक कुठे घ्यावी, कशी घ्यावी हा पक्षाचा विचार आहे. पानसरे कुटुंबाबद्दल पूर्ण सहानुभूती बाळगूनही मला असे वाटते की, सगळ्या विषयाला चुकीचे वळण लावणे ही जी काही डाव्या राजकारणाची खास बुद्धीभेद करण्याची शैली आहे, ती निदान अशा विषयांसाठी तरी वापरू नये. पानसरेंच्या खुनाचा तपास करण्याचे सगळे प्रयत्न सुरू आहेत. कोणाकडेही ठोस माहिती असेल, तर त्यांनी ती पोलिसांकडे देऊन सहकार्य करावे. याबाबत निव्वळ राजकारण सुरू आहे, हे दुर्दैव आहे.

- माधव भंडारी, पक्ष प्रवक्ता भाजप

मोबाइल अॅप डाउनलोड करा आणि राहा अपडेट

ATM च्या धर्तीवर पेड मिनरल वॉटर

April 15, 2015, 12:51 pm

≫ Next: दीड लाख जणांची चौकशी

≪ Previous: संशयित अद्याप मोकाटच

$

0

0

म. टा. प्रतिनिधी, कोल्हापूर

नागरिकांच्या सोयीसाठी एक रुपयात एक लिटर पाणी देण्याच्या महापालिकेच्या महत्त्वकांक्षी योजनेला लवकरच मूर्तरुप येण्याची शक्यता आहे. प्रशासनाने एका खासगी कंपनीशी यासंदर्भात चर्चा सुरू केली आहे. आठवडाभरात यावर शिक्कामोर्तब होणार आहे. एटीएमच्या धर्तीवर ही पेड ​मिनरल वॉटर योजना सुरू होणार आहे. करवीर निवासिनी अंबाबाई मंदिर परिसर, सीबीएस, शिवाजी चौक, बिंदू चौक, मिरजकर तिकटी, पापाची तिकटी, रंकाळा चौपाटीसह ६० ठिकाणे त्यासाठी निश्चित केली आहेत.

कोल्हापुरात पर्यटक आणि भाविकांची संख्या वाढत आहे. पर्यटकांना एक रुपयात एक लिटर शुद्ध पाणी उपलब्ध व्हावे तसेच नागरिकांनाही माफक दरात पाणी मिळावे असा उद्देश ठेवून स्थायी समिती सभापती आदिल फरास यांनी पेड मिनरल वॉटर डिस्पेन्सरची योजना आखली आहे. यासाठी सामाजिक संस्था, कंपनींना महापालिकेकडून जागा, पाणी कनेक्शन दिले जाणार आहे. अॅक्वा क्राफ्ट कंपनीने योजनेसाठी उत्सुकता दाखवली आहे. महापालिकेकडे प्रस्तावही सादर केला आहे.

साडेचार लाखाचे मशिन

शहरातील झोपडपट्टी परिसरातही ही योजना रा‌बविण्यात येणार आहे. यामध्ये जवाहरनगर चौक, सुभाषनगर चौकाचा समावेश आहे. विक्रमनगर येथे दोन मशिन्स बसवली जाणार आहेत. एका मशिन्सची किंमत साडेचार लाख रुपये इतकी आहे. महापालिकेकडून कंपनीला पाणी उपलब्ध करून दिल्यानंतर त्यावर प्रक्रिया करून ते नागरिकांना देण्यात येणार आहे.

नागरिकांना एक रुपयात एक लिटर शुद्ध् पाणी देतानाच या माध्यमातून अपंग व्यक्ती आणि विधवांना रोजगार मिळणार आहे. त्यांची प्रत्येक केंद्रावर नेमणूक केली जाणार आहे. एक लिटर पाण्यामागे २५ पैसे मोबदला अंपग किंवा विधवांना मिळणार आहे. या संदर्भात कंपनीशी चर्चा झाली आहे. येत्या आठवड्याभरात या योजनेला अंतिम स्वरूप दिले जाईल.

- आदिल फरास, सभापती, स्थायी समिती सभापती

मोबाइल अॅप डाउनलोड करा आणि राहा अपडेट

दीड लाख जणांची चौकशी

April 15, 2015, 12:53 pm

≫ Next: सुमन पाटील यांचा विक्रमी विजय

≪ Previous: ATM च्या धर्तीवर पेड मिनरल वॉटर

$

0

0

म. टा. प्रतिनिधी, कोल्हापूर

ज्येष्ठ नेते कॉम्रेड गोविंदराव पानसरे यांची हत्या होऊन दोन महिने झाले. हल्लेखोरांच्या तपासासाठी पोलिसांनी विविध पातळ्यांवर प्रयत्न करूनही अद्याप हत्येच्या तपासाचे धागेदोरे लागलेले नाहीत. पोलिसांनी दोन महिन्यांत दीड लाख लोकांकडे चौकशी केली आहे. सर्व शक्यतांची पडताळणी पोलिसांकडून सुरू आहे.

पानसरेंची हत्या होऊन दोन महिने झाले तरी हल्लेखोरांचा शोध लागला नसल्याने राज्य सरकार व पोलिस प्रशासनाबद्दल टीका होऊ लागली आहे. गेले दोन महिने पोलिसांची २७ पथके महाराष्ट्र, कर्नाटक व गोवा राज्यांत तपास करीत आहेत. पानसरेंवर ज्या ठिकाणी हल्ला झाला, त्या परिसरातील एक किलोमीटर अंतरावरील फोन व मोबाइल कॉल्सची तपासणी केली आहे. तपासणीत जवाहरनगर, राजारामपुरी, यादवनगर, परिसरातील गुंडांच्या कॉलची संख्या जास्त असल्याचे दिसून आले. अशा गुंडांची चौकशी करण्यात आली आहे. तसेच, कॉल करणाऱ्या प्रत्येक संशयिताकडे वैयक्तिक चौकशी केली आहे. छोट्या कॉलकडे जास्त लक्ष देण्यात आले आहे. याशिवाय एसएमएस, व्हॉट्स अॅप, फेसबुक, ई-मेलची तपासणी सुरू आहे. प्रत्येक अधिकाऱ्याकडे स्वतंत्र तपास दिला आहे. कोल्हापूर परिक्षेत्रातील रेकॉर्डवरील गुंड, टोळी युद्धातील गुंड, सुपारी घेणारे गुंड, रेकॉर्डवरील गोळीबाराच्या गुन्ह्यातील आरोपींची कसून चौकशी केली आहे.

हत्येची व्याप्ती पाहता कर्नाटक, गोवा राज्यांतील पोलिसांबरोबर बैठका घेऊन शोधमोहीम सुरू आहे. हल्लेखोर निपाणीमार्गे कर्नाटकाकडे पळून गेल्याचे संशय आहे. या पार्श्वभूमीवर सीमाभागातील कर्नाटकातील बेळगाव, विजापूर, हुबळी, धारवाड परिसरात शोधमोहीम सुरू आहे. परराज्यांतील स्थानिक पोलिसांचीही मदत घेतली जात आहे.

मोबाइल अॅप डाउनलोड करा आणि राहा अपडेट

---

सुमन पाटील यांचा विक्रमी विजय

April 15, 2015, 12:53 pm

≫ Next: मतदारांची आबांना श्रद्धांजली

≪ Previous: दीड लाख जणांची चौकशी

$

0

0

म. टा. वृत्तसेवा, कुपवाड

तासगाव-कवठेमहांकाळ विधानसभा मतदारसंघाच्या पोटनिवडणुकीत राष्ट्रवादी काँग्रेसच्या उमेदवार सुमन पाटील विक्रमी मताधिक्याने विजयी झाल्या. सुमन पाटील यांना एकूण १ लाख ३१ हजार २३६ मते मिळाली. त्यांनी १ लाख १२ हजार ९६३ मताधिक्य मिळवित निकटचे प्रतिस्पर्धी स्वप्नील पाटील यांचा दणदणीत पराभव केला. स्वप्नील पाटील यांना अवघ्या १८ हजार २७३ मतांवर समाधान मानावे लागले.

राष्ट्रवादी काँग्रेसचे दिवंगत नेते आर. आर. पाटील यांच्या निधनामुळे रिक्त झालेल्या झालेल्या जागेवर ही पोटनिवडणूक झाली. आबांच्या निधनामुळे निर्माण झालेल्या सहानुभूतीच्या लाटेचा मोठा फायदा सुमन पाटील यांना झाला. सर्वच पक्षांनी सुमन पाटील यांना पाठिंबा दिल्यामुळे विजयाची केवळ औपचारिकता बाकी होती. मतदानाची टक्केवारी वाढल्यामुळे मोठे मताधिक्य घेत पाटील यांनी विजय मिळविला. दरम्यान, आबांच्या पारंपरिक विरोधी गटाची मतेही अपक्ष उमेदवारांना मिळाली नाहीत. त्यामुळे ही पोटनिवडणूक पूर्णपणे एकतर्फी झाल्याचे स्पष्ट झाले.

राष्ट्रवादीने मानले तासगावकरांचे आभार

तासगाव-कवठेमहांकाळ मतदारसंघाच्या पोटनिवडणुकीत आबांच्या पत्नी आणि राष्ट्रवादीच्या उमेदवार सुमन रावसाहेब पाटील यांना विक्रमी मताधिक्याने निवडून दिल्याबद्दल राष्ट्रवादी काँग्रेसने तासगाव कवठेमहांकाळच्या जनतेचे आभार मानले आहेत. हा विजय आर. आर. आबा पाटील यांच्यावर प्रेम करणाऱ्या जनतेचा आहे. गेली २५ वर्षे आबांनी या भागात केलेली विकासकामे व जनतेच्या प्रश्नांची केलेली सोडवणूक यामुळे तेथील जनता आबांच्या कुटुंबीयांच्या पाठिशी उभी राहिली आहे. या भागाच्या सर्वांगिण विकासाचे आबांचे अपुरे राहिलेले स्वप्न सुमन पाटील निश्चित पूर्ण करतील, असे राष्ट्रवादीचे प्रवक्ते नवाब मलिक यांनी सांगितले.

मोबाइल अॅप डाउनलोड करा आणि राहा अपडेट

मतदारांची आबांना श्रद्धांजली

April 15, 2015, 1:32 pm

≫ Next: ‘मुख्यमंत्र्यांनी राजीनामा द्यावा’

≪ Previous: सुमन पाटील यांचा विक्रमी विजय

$

0

0

म. टा. वृत्तसेवा, कुपवाड

सहानुभूतीच्या लाटेवर स्वार झालेल्या राष्ट्रवादी काँग्रेच्या उमेदवार सुमन रावसाहेब पाटील यांनी तब्बल एक लाख १२ हजार ९६३ इतके विक्रमी मताधिक्य घेऊन तासगाव-कवठेमहांकाळची पोटनिवडणूक जिंकली. तासगाव-कवठेमहांकाळच्या मतदारांनी आर. आर. आबांना आपल्या भरघोष मतांची श्रद्धांजली वाहिली. अशीच भावनिक प्रतिक्रिया निकालानंतर उमटत होती. बंडखोरीचे आव्हान देणारे स्वप्नील पाटील यांच्यासह सर्वच अपक्ष उमेदवारांना आपली अनामत रक्कमही वाचविता आली नाही. या मतदारसंघातील पारंपारिक आर. आर. पाटील विरोधी गटाचे मतदान आपल्या पारड्यात पडेल, ही बंडखोराची आशाही फोल ठरली.

राष्ट्रवादीच्या उमेदवार सुमन आर. पाटील यांना एकूण १ लाख ३१ हजार २३६ मते मिळाली. त्यांचे निकटचे प्रतिस्पर्धी स्वप्नील पाटील यांना अवघ्या १८ हजार २७३ मतांवरच समाधान मानावे लागले. खुद्द त्यांच्या सावर्डे गावातही स्वप्नील पाटील आघाडी घेऊ शकले नाहीत. अन्य अपक्षांपैकी प्रशांत ज्ञानेश्वर गंगावणे (मुंबई) यांची १०६२ मते वगळता कोणालाच मतांचा चार अंकी आकडाही गाठता आला नाही.

तासगाव-कवठेमहांकाळ मतदारसंघाच्या २८५मतदान केंद्रांवरील तसेच पोष्टाच्या मतदानासह १ लाख ५५ हजार १८४ मते मोजण्यात आली, यापैकी केवळ २ मते बाद झाली. दुपारी १२ वाजण्याच्या आत संपूर्ण निकाल जाहीर करण्यात निवडणूक यंत्रणा यशस्वी झाली.

सकाळी बरोबर आठ वाजता तासगाव तहसील कार्यालयाच्या बहुउद्देशीय सभागृहात मतमोजणीला सुरूवात झाली. १७ व्या फेरीत पाटील यांच्या मताधिक्याने लाखावर झेप घेतली व अंतिमता सुमन पाटील या १ लाख १२ हजार ९६३ मतांनी विजयी झाल्याचे निवडणूक निर्णय अधिकारी हेमंत निकम यांनी जाहीर केले व मतमोजणी केंद्रात असणाऱ्या राष्ट्रवादीच्या कार्यकर्त्यांनी टाळ्यांचा कडकडाट केला. या जल्लोषी वातावरणातच सुमन पाटील या मतमोजणी केंद्रात आल्या. त्यांना हेमंत निकम यांनी विजयाचे प्रमाण पत्र दिले. या वेळी सुमन पाटील यांच्यासह तिथे असणाऱ्या आबांच्या कुटुंबीयांनी अश्रू अनावर झाले. या वेळी 'अमर रहे, अमर रहे, आर. आर. आबा अमर रहे...'च्या घोषणांनी मतमोजणी केंद्र दणाणून सोडले.

सुमन पाटील यांच्या दृष्टीने ही निवडणूक अक्षरश: एकतर्फी झाली. तासगाव शहरात त्यांना १३१४२ तर स्वप्नील पाटील यांना १००६ मते मिळाली. म्हणजे तासगाव शहरातच त्यांना १२१३६ मतांची आघाडी मिळाली. थोड्या फार फरकाने हीच अवस्था संपूर्ण मतदार संघात होती. खासदार संजय पाटील यांच्या चिंचणी गावात सुमन पाटलांना १८०५ मते, तर स्वप्नील पाटील यांना ५७८ मते, आबांच्या अंजनीत २०६५ मते सुमन पाटलांना तर स्वप्नीलला ३० मते मिळाली.





पाठिंबा देणारे सर्व पक्ष, कार्यकर्ते आणि मतदारांचे आभार. आबांच्या पश्चात जनतेने दाखवलेला विश्वास कामांच्या माध्यमातून सार्थ करून दाखवू. - सुमन पाटील, विजयी उमेदवार



निकालातील ठळ‍क बाबी

एकूण वैध मतदान १ लाख ५५ हजार १८४.

सुमन पाटील यांना मिळालेली मते १ लाख ३१ हजार २३६.

सुमन पाटील यांचे मताधिक्य १ लाख १२ हजार ९६३.

निकटचे प्रतिस्पर्धी स्वप्नील पाटील यांना १८ हजार २७३ मते.

मोबाइल अॅप डाउनलोड करा आणि राहा अपडेट

‘मुख्यमंत्र्यांनी राजीनामा द्यावा’

April 15, 2015, 4:42 pm

≫ Next: ‘हे तर भाजपचे षड‍्यंत्र’

≪ Previous: मतदारांची आबांना श्रद्धांजली

$

0

0

कोल्हापूर ः डॉ. नरेंद्र दाभोळकर यांच्या हत्येच्या तपासाच्यावेळी असणारे विरोधी पक्ष देवेंद्र फडणवीस होते. सध्या ते राज्याचे मुख्यमंत्री आहेत. विरोधी पक्षनेते असताना त्यांनी दाभोळकर हत्येप्रश्नी मुख्यमंत्र्यांचा राजीनामा मागितला होता. आता पानसरे यांची हत्या होऊन दोन महिने उलटले असले तरी तपास लागला नसल्याने मुख्यमंत्री फडणवीस यांनी राजीनामा द्यावा, अशी मागणी कॉ. गोविंदराव पानसरे यांच्या कन्या स्मिता पानसरे-सातपुते यांनी केली.

त्या म्हणाल्या, 'पानसरे हत्येचा तपास पोलिस सर्वांगाने करत असल्याचे सांगत आहेत. वैयक्तिक, जमीन जुमला, टोल, कामगार संघटना व अन्य कारणांचा तपास पोलिसांकडून जवळ जवळ संपला आहे. पोलिसांकडून हिंदुत्वावाद्यांच्या दृष्टीने तपास झालेला नाही. ज्यांच्या मार्गदर्शनाखाली तपास सुरू होता ते कोल्हापूर परिक्षेत्राचे विशेष पोलिस महानिरीक्षक रितेश कुमार यांची १४ महिन्यात बदली झाली आहे. तपासाबाबत पानसरे कुटुंबीय समाधानी नाहीत.'



रितेश कुमार यांच्या बदलीचा निषेध

कोल्हापूर परिक्षेत्राचे विशेष पोलिस महानिरीक्षक रितेश कुमार यांच्या बदलीबद्दल भारतीय कम्युनिस्ट पक्षाच्या कार्यालयात निषेध करण्यात आला. ज्येष्ठ नेते कॉ. गोविंदराव पानसरे यांच्या हत्येच्या तपासाची सूत्रे रितेशकुमार यांच्याकडे होती. त्यांच्या बदलीमुळे तपासात पुन्हा रखडला जाण्याची भीती व्यक्त करण्यात आली. यासंदर्भात पक्षाच्यावतीने जिल्हाधिकाऱ्यांना भेटून बदलीबाबत निवेदन देण्यात येणार आहे. बैठकीला कॉ. बी. एल. बरगे, चंद्रकांत यादव, नामदेव कांबळे, सतीशचंद्र कांबळे, आदींसह कार्यकर्ते उपस्थित होते.

मोबाइल अॅप डाउनलोड करा आणि राहा अपडेट

‘हे तर भाजपचे षड‍्यंत्र’

April 15, 2015, 4:46 pm

≫ Next: चौपदरीकरण मंदावले

≪ Previous: ‘मुख्यमंत्र्यांनी राजीनामा द्यावा’

$

0

0

म. टा. प्रतिनिधी, कोल्हापूर

ज्येष्ठ नेते कॉ. गोविंदराव पानसरे यांच्या हत्येनंतर कोल्हापुरात दहशतीचे वातावरण असताना व हत्येचा तपास अद्याप पूर्ण झालेला नसताना भारतीय जनता पक्षाने कोल्हापुरातच राज्य कार्यकारिणीची बैठकीच्या आयोजनाबद्दल उमा पानसरे यांनी 'म.टा.'च्या प्रतिनि​धीशी बोलताना नाराजी व्यक्त केली. तसेच भाजप व राज्यसरकारला पानसरे प्रकरणात स्वतःला क्लीन चिट घ्यावयाची असल्याने कोल्हापुरात राज्य कार्यकारिणीचे षड्यंत्र रचले आहे, असा आरोप पानसरे यांच्या कन्या स्मिता पानसरे-सातपुते यांनी केला.

भाजप राज्य कार्यकारिणीची बैठक ४ ते ६ मे या कालावधीत कोल्हापुरात होत आहे. या पार्श्वभूमीवर उमा पानसरे यांची मते जाणून घेतली. पानसरे निर्भीड होते. त्यांना निनावी पत्रे येत होती, पण त्याबद्दल ते कधीच बोलत नव्हते. पानसरेंचा आवाज बंद करण्यासाठी आमच्यावर हल्ला झाला. त्यामुळे समाजात निर्भीडपणे काम करण्यासाठी लोक कसे पुढे येणार? असा सवालही उमा पानसरे यांनी केला. सरकारने दहशतीचे वातावरण कमी करून लोकांना आश्वस्त केले पाहिजे. दहशतीच्या वातावरणात अधिवेशन घेणे चूक आहे.

भाजपने अधिवेशन घेण्यासाठी कोल्हापूरची निवडच का केली, असा प्रश्नही उपस्थित केला.

मोबाइल अॅप डाउनलोड करा आणि राहा अपडेट

चौपदरीकरण मंदावले

April 16, 2015, 12:03 pm

≫ Next: लाखो लिटर पाणी वाया

≪ Previous: ‘हे तर भाजपचे षड‍्यंत्र’

$

0

0

अजय जाधव, जयसिंगपूर

कोल्हापूर-सांगली रस्ता चौपदरीकरणाचे काम पावसाळ्यापूर्वी पूर्ण करण्याचे आदेश सार्वजनिक बांधकाम मंत्री चंद्रकांत पाटील यांनी सुप्रीम इन्फ्रास्ट्रक्चर कंपनीला दिले असले तरी शिरोळ तालुक्यात मात्र रस्त्याचे काम अत्यंत संथगतीने सुरू आहे. जयसिंगपूर, जैनापूर परिसरात या रस्त्याच्या मुरुमीकरणाची कामेही अद्याप पूर्ण झालेली नाहीत. यामुळे पावसाळ्यापूर्वी हा रस्ता वाहतुकीसाठी खुला होणार कसा, असा प्रश्न निर्माण होत आहे.

अडीच वर्षांपूर्वी सरकारने कोल्हापूर-सांगली रस्ता चौपदरीकरणाचे काम सुप्रीम इन्फ्रास्ट्रक्चर कंपनीला दिले. यानंतर पहिल्या टप्प्यात हातकणंगले, चोकाक परिसरात कामाची सुरुवातही करण्यात आली. जयसिंगपूर येथे भरावाच्या उड्डाणपुलाला नागरिकांचा विरोध झाल्याने शहरातून दुपदरी तसेच तमदलगे, निमशिरगाव, जैनापूर ते अंकली टोलनाका हा रस्ता दुपदरी करण्याचा निर्णय सरकारने घेतला. चौपदरीकरणाचे काम पूर्ण करण्यासाठी सरकारने सुप्रीम इन्फ्रास्ट्रक्चर कंपनीला दिलेली दोन वर्षांची मुदत संपून सहा महिने झाले तरी अद्याप जयसिंगपूर परिसरात या रस्त्याचे मुरुमीकरणही पूर्ण झाले नाही.

जयसिंगपूर शहरातून जाणाऱ्या तमदलगे ते अंकली टोलनाका दरम्यानच्या रस्त्याच्या दुपदरीकरणाचे कामही रखडले आहे. त्याचबरोबरच जयसिंगपूर शहराबाहेरून जाणाऱ्या तमदलगे, निमशिरगाव, जैनापूर, जयसिंगपूर रेल्वे स्टेशन ते अंकली टोलनाका या रस्त्याचे कामही अत्यंत संथगतीने सुरू आहे.

तमदलगे येथे पुलाचे काम अर्धवट स्थितीत आहे, तर भूसंपादनातील अडथळ्यामुळे येथे गावभागात रस्त्याचे कामच सुरू करण्यात आले नाही. तमदलगे ते निमशिरगावदरम्यान रस्त्याच्या मुरुमीकरणाचे काम पूर्ण झाले नाही. निमशिरगाव ते जैनापूर दरम्यानच्या दुपदरी रस्त्यापैकी एकाच बाजूचे डांबरीकरणाचे काम हाती घेण्यात आले आहे. या रस्त्याच्या दुसऱ्या बाजूचे मुरुमीकरणाचे काम अपूर्ण आहे. जैनापूर ते अंकली टोलनाका दरम्यानच्या रस्त्याच्या मुरुमीकरणाचे कामही अर्धवट स्थितीत आहे. या मार्गावरील मोरीची कामे अद्याप पूर्ण झालेली नाहीत. अंकली पुलाजवळ छोट्या पुलाचे काम संथगतीने सुरू आहे. चौपदरीकरणाचे काम पूर्ण करण्यासाठी सार्वजनिक बांधकाममंत्री चंद्रकांत पाटील यांनी सुप्रीम इन्फ्रास्ट्रक्चर कंपनीला ३१ मेची डेडलाइन दिली आहे.

यामुळे येत्या ४५ दिवसांत रस्त्याचे काम पूर्ण होणार तरी कसे, असा प्रश्न आहे. पावसाळा सुरू झाल्यानंतर पुन्हा ही कामे रखडणार आहेत. तमदलगे, निमशिरगाव, जैनापूर ते अंकली टोलनाका रस्त्याचे काम रखडल्याने जयसिंगपूर शहरातून जाणाऱ्या वाहनांची संख्या वाढली आहे. परिणामी वाहतूक ठप्प होत आहे. वारंवार आढावा बैठका होऊनही जयसिंगपूर परिसरात रस्त्याचे काम ठप्प असून, या कामाला गती येणार तरी कधी, असा प्रश्न निर्माण होत आहे.

मोबाइल अॅप डाउनलोड करा आणि राहा अपडेट

लाखो लिटर पाणी वाया

April 16, 2015, 12:04 pm

≫ Next: पालखीसाठी सुवर्णसंचय

≪ Previous: चौपदरीकरण मंदावले

$

0

0

म. टा. वृत्तसेवा, इचलकरंजी

छत्रपती शिवाजी पुतळा ते संभाजी चौक या रस्त्यावर राजाराम मैदानाजवळील रस्त्यावर अचानकपणे पाइपलाइनला गळती लागल्याने लाखो लिटर पाणी वाया गेले, तर या पाइपलाइनलगतच असलेल्या टेलिफोन विभागाच्या अंतर्गत केबलला मोठा फटका बसला. गळतीचे काम युद्धपातळीवर सुरू केल्यानंतर टेलिफोन विभागानेही दुरुस्तीचे काम हाती घेतले.

प्र्रांत कार्यालय चौकातील रस्त्यावरुन पंचगंगा नदीतून जलशुद्धीकरण केंद्राकडे पाणी आणण्यासाठी मोठी पाईपलाईन आहे. काही दिवसापूर्वी या नलिकेला गळती लागली. त्यामुळे गळती काढण्याचे काम सुरू आहे. मंगळवारी रात्री जलशुद्धीकरण केंद्रासमोर जेसीबीच्या सहाय्याने खड्डा खणून गळती काढण्याचे काम सुरू असताना पाइपलाइन लिकेज झाल्याने मोठ्या प्रमाणात पाणी बाहेर पडू लागला. त्यामुळे ते काम बंद करून या मार्गावरील पाणी उपसा बंद करण्यात आला. पण सुमारे तासाभरात मोठ्या प्रमाणात पाणी वाय गेले. लिकेज झालेल्या पाईपलाईन शेजारीच टेलिफोन विभागाची भूमिगत केबल टाकली आहे. खड्डा खणताना केबलला धक्का लागला तसेच पाण्यामुळे केबल खराब झाली. त्याचा फटका या परिसरातील नागरिकांना सोसावा लागला. युद्धपातळीवर काम करून सायंकाळपर्यंत हे काम पूर्ण केले.

मोबाइल अॅप डाउनलोड करा आणि राहा अपडेट

पालखीसाठी सुवर्णसंचय

April 16, 2015, 12:05 pm

≫ Next: सुरक्षेचा प्रस्ताव प्रलंबित

≪ Previous: लाखो लिटर पाणी वाया

$

0

0

म. टा. प्रतिनिधी, कोल्हापूर

कर​वीर निवासिनी श्री अंबाबाईसाठी सुवर्णपालखी बनवण्याच्या उपक्रमाचा शुभारंभ गुरूवारी सुवर्णसंचय प्रक्रियेला प्रारंभ करून झाला. करवीर पीठाचे शंकराचार्य विद्यानृसिंह भारती यांच्या हस्ते प्रातिनिधीक स्वरूपात गुजरी येथील सुवर्णपालखी ट्रस्ट कार्यालयाचे उदघाटन व निधी संकलनाला प्रारंभ झाला. यावेळी छत्रपती श्रीमंत शाहू महाराज, खासदार धनंजय महाडिक उपस्थित होते. निधी संकलनाच्या पहिल्या दिवशी दोन किलो सोने जमा झाल्याची माहिती ट्रस्टचे अध्यक्ष धनंजय महाडिक यांनी दिली.

यावेळी बोलताना विद्यानृसिंह भारती म्हणाले, सोने देणाऱ्यांनी कष्टाचे पैसे देणगीदाखल द्यावेत. भाविकांच्या भावना पालखीसोबत निगडीत असल्यामुळे सुवर्णसंचय प्रक्रियेवर अधिकृत अंकुश ठेवला पाहिजे.

श्रीमंत छत्रपती शाहू महाराज म्हणाले, ट्रस्टच्यावतीने सामाजिक, शैक्षणिक उपक्रम राबवण्यासाठी पुढाकार घ्यावा. यावेळी कार्याध्यक्ष भरत ओसवाल, स्थायी समिती सभापती आदिल फरास,​ विश्वस्त समीर शेठ, देवस्थान समितीच्या सचिव शुभांगी साठे, सदस्य संगीता खाडे, आदी उपस्थित होते.

महाडिक व शेट्टींकडून ११ लाखाचे सोने

सुवर्णसंचय उपक्रमाच्या पहिल्या दिवशी अरूंधती महाडिक व सतीश शेट्टी यांच्याकडून प्रत्येकी ११ लाख रूपयांचे सोने ट्रस्टकडे सुपूर्द करण्यात आले. तर गोरख चिंचवाडे यांनी ५११ ग्रॅम, दत्तम इंगवले यांनी १०१ ग्रॅम व भरत ओसवाल यांनी १५१ ग्रॅम सोने ट्रस्टकडे जमा केले. इंदिरा कारेकर या वृद्ध महिलेने व्हीलचेअरवरून उपस्थिती दर्शवत सुवर्णदान केले.

मोबाइल अॅप डाउनलोड करा आणि राहा अपडेट

---

सुरक्षेचा प्रस्ताव प्रलंबित

April 16, 2015, 12:06 pm

≫ Next: पानसरे केसः तपासात सातत्य ठेवू!

≪ Previous: पालखीसाठी सुवर्णसंचय

$

0

0

सतीश घाटगे, कोल्हापूर

दहशतवाद्यांच्या हिटलिस्टवर असलेल्या करवीरनिवासिनी अंबाबाई मंदिराच्या सुरक्षेसाठी तीन कर्मचारी व १०२ पोलिसांची नियुक्ती करावी, असा प्रस्ताव राज्य सरकारकडे वर्षापूर्वी पाठविला आहे. पण तो वर्ष झाले प्रलंबित आहे. एकीकडे पंढरपूर व तुळजापूर मंदिरांसाठी प्रस्ताव मंजूर होऊन बंदोबस्तासाठी पोलिस तैनात झाले असताना अंबाबाई मंदिरासाठी दुजाभाव दाखवला जात आहे. १०२ पोलिसांच्या नियुक्तीला मान्यता मिळाल्यास अंबाबाई मंदिराचे सुरक्षाकवच बळकट होऊ शकते.

कोल्हापूर पोलिस अधीक्षकांकडून मंदिराच्या सुरक्षेसाठी तीन पोलिस अधिकारी व १०२ पोलिसांची नियुक्ती करावी, असा प्रस्ताव विशेष पोलिस महानिरीक्षकांना पाठवला. त्यांनी तो राज्याच्या गृहखात्याकडे पाठविला आहे. कोल्हापूर परिक्षेत्राने पंढरपूर देवस्थानसाठी २०० पोलिसांची नियुक्ती करावी, असा प्रस्ताव पाठवला होता. तसेच तुळजापूर मंदिरासाठी ७२ पोलिसांची नियुक्ती करावी असा प्रस्ताव औरंगाबाद परिक्षेत्राने पाठवला होता. पंढरपूर येथे आषाढी, कार्तिकी यात्रेत दहा लाखांहून अधिक भाविक येतात. तसेच दर महिन्यात एकादशी व अन्य सणांवेळी भाविकांची गर्दी असते. तुळजापुरात नवरात्रोत्सवालाही भाविकांची मोठी गर्दी असते. कोल्हापुरातही नवरात्रोत्सवात दहा लाखांहून अधिक भाविक भेट देत असतात. तसेच सुट्ट्या व सणांच्यावेळी गर्दी असते. या पार्श्वभूमीवर अंबाबाई मंदिरात १०२ पोलिसांची नियुक्ती करावी, असा प्रस्ताव पाठवला आहे.

पंढरपूर व तुळजापूरचे प्रस्ताव मंजूर झाले असून भरतीप्रक्रिया पूर्ण झाली आहे. या पोलिसांना विशेष प्रशिक्षण दिले आहे. दोन्ही देवस्थानांच्या ठिकाणी बंदोबस्त तैनात करण्यात आला आहे. सध्या अंबाबाई मंदिरात एक पोलिस उपनिरीक्षक व दोन शिफ्टमध्ये चारही दरवाजांवर प्रत्येकी एक महिला पोलिस व दोन कर्मचारी बंदोबस्तास असतात. बंदोबस्ताचा ताण जुना राजवाडा पोलिसांवर मोठ्या प्रमाणावर पडतो. तीन शिफ्टमध्ये ३६ पोलिस मंदिराचा बंदोबस्त करतात. जर १०२ पोलिसांच्या भरती प्रक्रियेला मान्यता मिळाली तर मंदिराचे सुरक्षाकवच बळकट होणार आहे. एक पोलिस निरीक्षक, एक सहायक पोलिस निरीक्षक व एक उपनिरीक्षक अंबाबाई मंदिराची सुरक्षा सांभाळतील.

मोबाइल अॅप डाउनलोड करा आणि राहा अपडेट

पानसरे केसः तपासात सातत्य ठेवू!

April 16, 2015, 12:07 pm

≫ Next: ‘रितेश कुमार यांची बदली रद्द करा’

≪ Previous: सुरक्षेचा प्रस्ताव प्रलंबित

$

0

0

म. टा. प्रतिनिधी, कोल्हापूर

'ज्येष्ठ नेते, कॉम्रेड गोविंदराव पानसरे यांच्या हत्येच्या तपासाला प्राधान्य देणार आहे. या प्रकरणातील हल्लेखोर शोधण्याचे मोठे आव्हान आहे. या तपासात सातत्य ठेवताना पोलिसांचे मनोबल वाढवणार आहे', असे प्रतिपादन कोल्हापूर परिक्षेत्राचे विशेष पोलिस महानिरीक्षक संजय वर्मा यांनी ​केले. वर्मा यांनी रितेशकुमार यांच्याकडून गुरुवारी सकाळी पदभार स्वीकारला. त्यानंतर ते पत्रकारांशी बोलत होते.

वर्मा म्हणाले, 'परिक्षेत्रातील पोलिसांसाठी घरे बांधणे, प्रशिक्षण देणे आणि करवीरनिवासिनी अंबाबाई मंदिराची सुरक्षितता या विषयांना प्राधान्य देणार आहे. कोल्हापूर व इचलकरंजी या दोन शहरांचा मिळून कमिशनर एरिया करावा असा प्रस्ताव २० वर्षापूर्वी राज्य सरकारला पाठविला होता. कोल्हापूर पोलिस अधीक्षकांनी नवीन प्रस्ताव पाठवला असून त्यासाठी पाठपुरावा करणार आहे. सीआडीमध्ये महानिरीक्षक म्हणून काम करताना पोलिसांच्या सीसीएनटीएस या यंत्रणेचा नोडल ऑफीसर म्हणून मी काम केले. सीसीएनटीएसमध्ये कोल्हापूर, सातारा व सांगली जिल्ह्यात चांगले काम आहे. वरिष्ठ अधिकारी टाळाटाळ करीत असले तरी पोलिस कर्मचाऱ्यांनी मात्र सीसीएनटीएस यंत्रणेत चांगलीच प्रगती केली आहे. ही यंत्रणा अधिक गतीमान करू.'

वर्मा यांनी इंजिनिअरिंगमधील पदवी मिळवली आहे. ते १९९० च्या बॅचचे असून त्यांचा प्रशिक्षणाला कोल्हापूर जिल्ह्यातून सुरुवात झाली होती. इचलकरंजीत ते एसीपी म्हणून कार्यरत होते.

यापूर्वी अहमदनगर, जालना, बुलढाणा, नागपूर ग्रामिण विभागाचे पोलिस अधीक्षक म्हणून त्यांनी काम पाहिले आहे. पुण्यात डीसीपी, सीआयडीचे पोलिस अधीक्षक, अतिरिक्त कमिशनर ठाणे, तुरुंग महानिरीक्षक, अतिरिक्त महानिरीक्षक सीआयडी या पदावर त्यांनी काम केले आहे.

मोबाइल अॅप डाउनलोड करा आणि राहा अपडेट

‘रितेश कुमार यांची बदली रद्द करा’

April 16, 2015, 12:08 pm

≫ Next: रामाणे, मेढे यांना संधी

≪ Previous: पानसरे केसः तपासात सातत्य ठेवू!

$

0

0

म. टा. प्रतिनिधी, कोल्हापूर

कोल्हापूर परिक्षेत्राचे विशेष पोलिस महानिरीक्षक रितेश कुमार यांची सीआयडीच्या महानिरीक्षकपदी झालेली बदली रद्द करावी, अशी मागणी भारतीय कम्युनिस्ट पक्षाच्या शिष्टमंडळाने निवासी उपजिल्हाधिकारी विक्रांत चव्हाण यांच्याकडे एका निवेदनाव्दारे केली आहे.

निवेदनात म्हटले आहे, कॉम्रेड पानसरे यांची हत्या होऊन दोन महिने उलटूनही तपासाचे धागेदोरे सापडलेले नाहीत. विशेष पोलिस महानिरीक्षक रितेशकुमार, पोलिस अधीक्षक मनोजकुमार शर्मा यांनी तपासासाठी पथके तैनात केली आहेत. सीमाभागातील व गोव्यातील अधिकाऱ्यांच्या बैठका घेऊन तपास सुरू केला आहे. त्यांची अचानक बदली म्हणजे खुन्यांना पकडण्याची इच्छाशक्ती सरकारची दिसत नाही.

मोबाइल अॅप डाउनलोड करा आणि राहा अपडेट

रामाणे, मेढे यांना संधी

April 16, 2015, 12:09 pm

≫ Next: वरुणराज भिडे स्मृती पुरस्कार गुरूबाळ माळी यांना

≪ Previous: ‘रितेश कुमार यांची बदली रद्द करा’

$

0

0

म. टा. प्रतिनिधी, कोल्हापूर

महापालिकेच्या चारही प्रभाग समिती सभापतिपदाच्या निवडीवर गुरुवारी अधिकृतपणे शिक्कामोर्तब करण्यात आले. चारही जागांसाठी प्रत्येकी एक अर्ज दाखल झाल्याने निवडी बिनविरोध झाल्या. राष्ट्रवादी काँग्रेसने विद्यमान सभापतींना बदलून इतरांना संधी दिली. काँग्रेसने कोणताही बदल केला नाही. जिल्हा परिषदेचे मुख्य कार्यकारी अधिकारी अविनाश सुभेदार यांच्या अध्यक्षतेखालील विशेष बैठकीत निवडी झाल्या.

गांधी मैदान सभापतिपदी मुधकर रामाणे तर छत्रपती शिवाजी मार्केट सभापतिपदी ज्योत्स्ना मेढे यांची निवड झाली. दोघेही अनुक्रमे राष्ट्रवादी आणि जनसुराज्यचे आहेत. काँग्रेसने विद्यमान संगीता देवेकर, प्रदीप उलपे यांना पुन्हा संधी दिली.

याावेळी मुख्य कार्यकारी अधिकारी सुभेदार यांचा महापालिकेतर्फे सत्कार झाला. स्थायी सभापती आदिल फरास, परिवहन सभापती अजित पोवार, गटनेते शारंगधर देशमुख, राजू लाटकर, चंद्रकांत घाटगे यांची अभिनंदनपर भाषणे झाली.

मोबाइल अॅप डाउनलोड करा आणि राहा अपडेट

वरुणराज भिडे स्मृती पुरस्कार गुरूबाळ माळी यांना

April 16, 2015, 2:39 pm

≫ Next: वकिलांचे आज मुंबईत आंदोलन

≪ Previous: रामाणे, मेढे यांना संधी

$

0

0

म. टा. प्रतिनिधी, कोल्हापूर

पुणे येथील पत्रकार वरुणराज भिडे मित्र मंडळ विश्वस्त संस्थेच्या वतीने देण्यात येणारा यावर्षीचा 'वरुणराज भिडे स्मृती पुरस्कार' महाराष्ट्र टाइम्सचे कोल्हापूर येथील मुख्य प्रतिनिधी गुरूबाळ माळी यांना जाहीर करण्यात आला आहे.

समाजातील विविध घडामोडींबाबत सातत्याने वृत्तपत्रातून अभ्यासपूर्ण लिखाण करणारे पत्रकार वरुणराज भिडे यांच्या आकस्मिक निधनानंतर त्यांच्या स्मृती कायम राहाव्यात यासाठी पत्रकार वरुणराज भिडे मित्र मंडळ सार्वजनिक विश्वस्त निधीची स्थापना करण्यात आली. पत्रकारितेच्या क्षेत्रात उल्लेखनीय कामगिरी करणाऱ्या व्यक्तींचा गौरव करण्यासाठी या संस्थेमार्फत दरवर्षी भिडे यांच्या नावाने पुरस्कार दिला जातो. यंदाचा हा पुरस्कार पत्रकार गुरुबाळ माळी यांना जाहीर झाला आहे. पाच हजार रुपये व स्मृतिचिन्ह असे या पुरस्काराचे स्वरूप आहे.

मोबाइल अॅप डाउनलोड करा आणि राहा अपडेट