'गोकुळ' प्रमाणेच विक्रमसिंह घाटगे गट जिल्हा मध्यवर्ती बँके (केडीसीसी) च्या निवडणुकीत ताकदीने उतरणार असल्याची घोषणा शनिवारी समरजितसिंह घाटगे यांनी कागल येथे झालेल्या पत्रकार परिषदेत केली.
समरजितसिंह घाटगे म्हणाले, 'आमच्याकडे संस्था आहेत. जिल्ह्यात संस्था जपणारा गट म्हणून आदर्श पारदर्शी कारभार आहे. आमच्या कार्यकर्त्यांनीही विक्रमसिंह घाटगेंच्या विचारावरच संस्था नावारुपाला आणल्या आहेत. त्याचेच उदाहरण म्हणजे कागल को ऑप.बँकेचा एन.पी.ए. तुलनेने इतर बँकाच्या अतिशय चांगला आहे. प्रत्येक ठिकाणी आम्ही व आमचे कुटुंब सदस्य असे आमचे धोरण नाही. विक्रमसिंह घाटगे यांचे केवळ मार्गदर्शन घेण्यापेक्षा त्यांच्या विचाराची माणसं सहकारात येण्याची गरज आहे. प्रशासक असणे म्हणजे सहकाराचा तसा अपमानच आहे. परंतु बेकायदेशीर कर्जांवर त्यांनी चांगले नियंत्रण ठेवून बँकेला उर्जितावस्था आणण्याचा प्रयत्न केला आहे. म्हणूनच विश्वासाची व चांगल्या पारदर्शी विचाराची माणसे बँकेत आली पाहिजेत.' ते पुढे म्हणाले, 'गोकुळ'प्रमाणेच जिल्हा बँकेतल्या सत्तेपासून राजे गटाचे कार्यकर्ते वंचितच आहेत. ज्या पारदर्शी कारभाराची आणि विश्वासाची आज बँकेला गरज आहे, तो देण्यासाठी व विचार रुजवण्यासाठी उतरत आहे. 'गोकुळ' बाबत सध्या तरी 'वेट अँड वॉच' धोरण आहे.'
मोबाइल अॅप डाउनलोड करा आणि राहा अपडेट
