बालिकेच्या मृत्यूनंतर तणाव

February 13, 2015, 9:08 pm

≫ Next: सेफ सिटीसाठी तयारी सुरू

≪ Previous: रस्ते पार्किंगसाठी नाहीत !

$

0

0

म. टा. प्रतिनिधी, कोल्हापूर

सीपीआर हॉस्पिटलमध्ये उपचार सुरू असताना रिया निलेश पोवार या साडेतीन महिन्याच्या बालिकेचा मृत्यू झाला. डॉक्टर सीपीआर हॉस्पिटलमध्ये उपलब्ध नसल्याने बालिकेचा मृत्यू झाल्याचा आरोप करत नातेवाईकांनी मृतदेह स्वीकारण्यास नकार दिल्याने सीपीआरमध्ये तणाव वाढला. दुपारी दोन वाजता नातवाईकांनी मृतदेह स्वीकारल्यानंतर तणाव निवळला.

निलेश पोवार हे सिंधुदुर्ग जिल्ह्यातील वैभववाडी तालुक्यातील असून सासूरवाडी कोल्हापुरातील सायबर परिसरातील आहे. पाच जानेवारीला रियाची तब्येत बिघडल्यानंतर तिला सीपीआर हॉस्पिटलमध्ये उपचारास दाखल केले. तिच्या पित्ताशय व अंडाशयात गाठ होती. डॉ. शिवप्रसाद हिरगुडे व डॉ. विजय कसा यांनी तिच्यावर शस्त्रक्रिया केली. अंडकोषातील गाठ काढण्यात आली. पण पित्ताशयातील गाठ गुंतागुंताची असल्याने ती नंतर काढण्याचा निर्णय झाला. दरम्यान डॉ. हिरूगडे यांची बदली झाली तर रियाची प्रकृती खालावली. शुक्रवारी ​सकाळी तिचा मृत्यू झाला. डॉक्टर नसल्याने शस्त्रक्रिया न झाल्याने रियाचा मृत्यू झाला असा आरोप पोवार यांच्या नातेवाईकांनी करत गोंधळ घातला. डॉक्टरांनी खुलासा केल्यावर नातेवाईकांनी मृतदेह स्वीकारला.

यासंदर्भात डॉ. विजय सहा यांच्याशी संपर्क साधला असता त्यांनी सलग दोन शस्त्रक्रिया करण्याइतपत रियाचे शरीर साथ देत नव्हते. त्यामुळे प्रकृती सुधारल्यानंतर दुसरी शस्त्रक्रिया करण्याचे ठरले होते. मात्र तिची प्रकृती सुधारणा न झाल्याने इलाज नव्हता असे सांगितले.

---

सेफ सिटीसाठी तयारी सुरू

February 13, 2015, 9:09 pm

≫ Next: रिक्षाचालक वाढवताहेत वाचनसंकृती

≪ Previous: बालिकेच्या मृत्यूनंतर तणाव

$

0

0

म. टा. प्रतिनिधी, कोल्हापूर

दिवसेंदिवस शहराची होणारी वाढ, पर्यटकांचा वाढता ओघ, वाहतुकीच्या शिस्तीसोबतच शहरवासियांच्या सुरक्षितेसाठी 'सेफ आणि स्मार्ट सिटी'ची संकल्पना आखली आहे. या संकल्पनेच्या माध्यमातून शहरातील विविध भागात मिळून २५० सीसीटीव्ही कॅमेरे बसविण्यात येणार आहेत. या कॅमेऱ्याव्दारे प्रत्येक हालचाल टिपताना आपत्कालीन घटना घडल्यास स्थितीवर नियंत्रण मिळवणे शक्य होणार आहे.

ही संकल्पना मूर्त रूपात आणण्यासाठी दहा कोटी इतक्या रक्कमेची आवश्यकता आहे. जिल्हा नियोजन समिती, आपत्कालीन व्यवस्थापन, महापालिका आणि पोलिस प्रशासन अशा विविध घटकांतून निधी उभारण्यासंदर्भात महापालिकेत चर्चा झाली. दोन टप्प्यात संकल्पना राबविली जाणार आहे. शहरातील गर्दीची ६७ ठिकाणे निश्चित केली आहेत.

गर्दीच्या ठिकाणावर लक्ष केंद्रीत केले करून शहर सुरक्षित ठेवण्यासाठी योजना आखल्या जात आहेत. करवीर निवासिनी अंबाबाई मंदिराच्या सुरक्षिततेचा मुद्दा ऐरणीवर आला आहे. महा इन्फोटेक प्रायव्हेट ​लिमिटेडने आराखडा तयार केला आहे. आयुक्त पी. शिवशंकर, उपमहापौर मोहन गोंजारे, स्थायी सभापती आदिल फरास, जिल्हा पोलिस अधिक्षक मनोजकुमार शर्मा, अतिरिक्त आयुक्त नितीन देसाई, उपायुक्त अश्विनी वाघमळे, विजयकुमार खोराटे, गटनेते राजू लाटकर आदींच्या उपस्थितीत आराखड्याचे सादरीकरण झाले. कंपनीचे प्रसाद पाटील यांनी हा आराखडा दहा कोटी रुपयांचा असल्याचे सांगितले.

अधिक्षक शर्मा यांनी जिल्हा नियोजन समिती, आपत्कालिन व्यवस्थापन अंतर्गत निधी उपलब्ध होऊ शकतो. स्थायी समिती सभापती फरास व गटनेते लाटकर यांनी योजना कार्यान्वित करण्यासाठी महापालिका निधी उपब्लध करू.' आयुक्त शिवशंकर म्हणाले, 'सेफ सिटीची योजना राबविताना नांदेड, अमरावती शहराचा अभ्यास केला जाईल. '

महापौरांना डावलले ?

'सेफ आणि स्मार्ट सिटी' संदर्भात महापालिकेत महत्वपूर्ण बैठक झाली. मात्र या बैठकीला महापौर तृप्ती माळवी अनुपस्थित होत्या. १६ हजार रुपयांची लाच स्वीकारल्याप्रकरणी महापौर माळवी यांच्यावर पोलिस कारवाई झाली आहे. नेत्यांचा आदेश असूनही त्यांनी पदाचा राजीनामा दिलेला नाही. त्यामुळे सेफ सिटी संदर्भातील बैठकीला महापौरांना आमंत्रित केले नसल्याची चर्चा आहे.

रिक्षाचालक वाढवताहेत वाचनसंकृती

February 13, 2015, 9:09 pm

≫ Next: कोल्हापूर ‌कैलाशमय...

≪ Previous: सेफ सिटीसाठी तयारी सुरू

$

0

0

म. टा. प्रतिनिधी, कोल्हापूर

रिक्षावाला या शब्दातच हेटाळणीची भावना ​आहे. काही अपवाद सोडल्यास त्यांच्याकडे पाहण्याचा समाजाचा दृष्टीकोण चांगला नसतो. काही काम नाही म्हणून रिक्षा चालवतात असे उडाणटप्पूच या व्यवसायात असतात, असाच समाजाचा समज असतो. मात्र, या समजाला कोल्हापुरातील दोन रिक्षाचालक सलग सहा वर्षे छेद देत आले आहेत. रिक्षा चालवून संसार चालवणारे दोन मित्र 'वाचाल तर आयुष्य घडेल' असा संदेश देत व्यवसायातील काही रक्कम बाजूला काढून त्यातून विविध शाळांमधील गरीब विद्यार्थ्यांना दरवर्षी पुस्तके भेट देत आहेत.

संतोष साळवणकर व अमित शिखरे दोघेही रिक्षा व्यावसायिक. त्यातील साळवणकर हे तर रात्रभर रिक्षा चालवतात. शिखरे यांनी काही वर्षापूर्वी स्वतंत्र व्यवसाय सुरू केला आहे. पण दोघांचेही उत्पन्न जास्त नाही. संसाराचा गाडा हाकण्यासाठी रिक्षा तसेच अन्य व्यवसाय करत असताना समाजालाही पुढे नेण्याचा विचार त्यांच्या मनात आला. वाचन केल्याशिवाय प्रगती होत नाही हे जाणून लहान वयातच मुलांना वाचनाची आवड लागावी यासाठी त्यांनी शाळांमधील गरीब मुलांना पुस्तके देण्याचा निर्णय घेतला. उत्पन्न फार मोठे नसल्याचे त्यांना कल्पना होती. समाजासाठी काही तरी करायचे आहे व आपल्या उत्पन्नात बसेल हेही पहायचे होते. त्यातून त्यांनी वर्षभरातील उत्पन्नापैकी काही रक्कम या मुलांसाठी खर्च करायचा निर्णय घेतला. नंतर सहा वर्षे ते दरवर्षी विविध शाळांमधील गरीब मुलांना पुस्तके भेट देत आहेत.

यावर्षी त्यांनी महापालिकेच्या द्वारकानाथ कपूर शाळेतील विद्यार्थ्यांना पुस्तके दिली. टीव्ही, कम्प्युटर, मोबाइल गेममध्ये सध्याची मुलं अडकून पडली आहेत. पुस्तकातून मिळणाऱ्या ज्ञानातूनच आपली प्रगती साधता येते. त्यासाठी पुस्तके वाचली पाहिजेत, असे रिक्षा चालवणारे साळवणकर यांच्याकडून विद्यार्थ्यांना केले जाणारे मार्गदर्शन खरोखरच साऱ्या समाजाला विचार करायला लावणारे असेच आहे. यावेळी शिवाजी मराठा हायस्कूलचे मिलिंद यादव यांनी विद्यार्थ्यांना प्राणी, पक्षी, किटक यांची माहिती दिली. पी. एस. पाटील यांनी प्रास्ताविक केले. एस. एन. नरुटे यांनी आभार मानले. यावेळी मुख्याध्यापक ए. एस. जोग उपस्थित होते.

कोल्हापूर ‌कैलाशमय...

February 13, 2015, 9:10 pm

≫ Next: आणखी महिनाभर नदीत सांडपाणी

≪ Previous: रिक्षाचालक वाढवताहेत वाचनसंकृती

$

0

0

म. टा. प्रतिनिधी, कोल्हापूर

डोळे दिपवणाऱ्या लेसर लाइटच्या झगमगाटाने भरून गेलेल्या रंगमंचावर टाळ्या आणि शिट्ट्यांच्या गजरात 'रांझा रांझा...' अशी दिलखुलास साद घालत कैलाश खेरचे आगमन झाले आणि कोल्हापूरकर पुढचे दोन तास कैलाशमय झाले. सुमारे दहा हजारांच्या गर्दीने खचाखच भरलेल्या पोलिस ग्राउंडवर कैलाशच्या गाण्यांचे धूमशान सुरू झाले आणि समोर बसलेले हजारो प्रेक्षक कैलाशच्या एकाहून एक गाण्यांवर टाळ्यांची बरसात करत राहिले. 'कसं काय कोल्हापूरकर?' अशी आपुलकीची विचारपूस करत कैलाशने नादखुळ्या कोल्हापूरकरांची भाषा बोलत जिंकून घेतले. मैफलीतल्या शेवटच्या गाण्यापर्यंत कैलाशचा वेगळाच संवाद सुरू ठेवला. वन्समोअरच्या गजरात रसिकांनी प्रत्येक गाण्याला डोक्यावर घेतले.

महाराष्ट्र टाइम्स आयोजित 'सेलि​ब्रेट कोल्हापूर' या उपक्रमाची सांगता शुक्रवारी 'कैलाश खेर नाइटस'ने झाली. मुख्य प्रायोजक महेंद्र ज्वेलर्स तर सहप्रायोजक श्राइन ऑटो हॉटेल तसेच हॉस्पिटॅलिटी प्रायोजक हॉटेल कृष्णा इन, आउटडोअर प्रायोजक संदीप अॅडव्हर्टायझिंग अँड मार्केटिंग, रेडिओ मिर्ची यांचे सहकार्य लाभले. इव्हेंट ऑन कंपनीने इव्हेंट मॅनेजमेंट केले.

आणखी महिनाभर नदीत सांडपाणी

February 13, 2015, 9:10 pm

≫ Next: अधिकारीपदाचे डोळस स्वप्न

≪ Previous: कोल्हापूर ‌कैलाशमय...

$

0

0

म. टा. प्रतिनिधी, कोल्हापूर

नवा एसटीपी पूर्ण क्षमतेने सुरू करण्यासाठी महापालिका पुढील महिनाभर जवळपास २२ एमएलडी सांडपाणी पंचगंगा नदीत सोडले जाणार आहे. हिप्परगी बंधाऱ्याच्या बॅकवॉटरमुळे कृष्णा नदीचे पाणी प्रवाहित नाही. परिणामी पंचगंगेच्या पाण्याचा प्रवाहही थांबला असल्याने तेरवाड बंधाऱ्यापर्यंत शहरातून सोडले जाणारे सांडपाणी साठून राहण्याचा धोका आहे. त्यामुळे पुढील महिनाभरासाठी नदीकाठावरील गावांसाठी पिण्याच्या पाण्यासाठी खास उपाययोजना करण्याची गरज निर्माण झाली आहे.

७६ एमएलडी सांडपाण्यावर ​प्रक्रिया करणारा प्रकल्प (एसटीपी) तयार झाला. पण त्यातून प्रक्रिया झालेले पाणी नदीमध्ये सोडण्यासाठीची पाइपलाइनचे काम अपुरे असल्याने तो प्रकल्प पूर्ण क्षमतेने सुरु करता आला नाही. हायकोर्टाने आता निर्वाणीचा इशारा दिल्याने महापालिकेला हे अपुरे काम लवकर पूर्ण करण्याची गडबड करावी लागत आहे. त्यासाठी कंत्राटदाराला महिनाभराची मुदत दिली आहे. पण त्या कालावधीत तिथे प्रक्रिया केलेले पाणी कमी करण्यासाठी जयंती नाल्यातील सांडपाण्याचा उपसा कमी करण्यात येणार आहे. त्यामुळे नाल्यातील सांडपाणी नदीमध्ये मिसळणार आहे. दुधाळी नाल्यावरील सांडपाणीही उपसले जात नाही. तेथील सांडपाणी सध्याही नदीमध्ये मिसळत आहे. जयंतीतील काही व दुधाळीतील संपूर्ण सांडपाणी नदीत मिसळणार आहे. त्याचे प्रमाण २२ एमएलडी इतके होऊ शकते.

पंचगंगा प्रवाहित असती तर हे सांडपाणी मिसळण्याचे फार गंभीर परिणाम दिसून आले नसते. सध्या मात्र कृष्णा नदीतील हिप्परगी बंधाऱ्याचे बॅकवॉटर राजापूर बंधाऱ्यापर्यंत आले आहे. कृष्णा नदीचे पाणी स्थिर असून परिणामी पंचगंगेचेही पाणी स्थिर झाले आहे. त्यामुळे रविवारनंतर सोडले जाणारे येथील सांडपाणी पंचगंगेतून तेरवाड बंधाऱ्यापर्यंत जाऊन थांबणार आहे. कोल्हापूर शहरापासून कृष्णा नदीपर्यंतची ४० गावे आहेत. या सर्वांना प्रदूषित पाणी साठून राहणार आहे. त्यामुळे पिण्याच्या पाण्याचा प्रश्न गंभीर होणार आहे. महापालिका जरी गॅस क्लोरिफिकेशन व ब्लिचिंग पावडरद्वारे सांडपाण्यातील प्रदूषण कमी करण्याचा प्रयत्न केला जाणार आहे.

अधिकारीपदाचे डोळस स्वप्न

February 14, 2015, 2:28 am

≫ Next: ऑनलाइन गॅझेट

≪ Previous: आणखी महिनाभर नदीत सांडपाणी

$

0

0

सचिन यादव, कोल्हापूर

त्यांच्या नशिबी बहारदार सृष्टीचा नजराणा दृष्टीत साठवणं नाही. तरीही त्याचं दुःख न करता मनःचक्षूंपुढे वेगळ्या वाटेचं उद्दिष्ट ठेवलं. तशी वाट शोधून खडतर परिस्थितीतही त्यांनी पदवीपर्यंतचे शिक्षण पूर्ण केले. आता जिद्दीने पदव्युत्तर शिक्षण घेत असून एमपीएससीचे ध्येय आहे. त्या सख्ख्या दोन बहिणी, जन्मतःच अंधत्व आले, तरीही शिक्षणाची कास सोडली नाही. पदवीपर्यंत फर्स्ट क्लास मिळविला. आता त्या पदव्युत्तर शिक्षण घेत आहेत. जन्माने अंध असल्या तरी स्पर्धा परीक्षेत यश मिळविण्याचे ध्येय आणि जिद्द या दोन्ही बहिणींनी बाळगली आहे. ब्रेल लिपीतील पुस्तके आणि मैत्रिणींकडून आवाज रेकॉर्डिंग करुन अभ्यास सुरु आहे.

ऋचिरा सनदी आणि सुनीता सनदी या दोघा जिद्दी बहिणींची नावे आहेत. ऋचिरा एमए इंग्रजीच्या पहिल्या वर्षात शिकत आहे. तर सुनीता राज्यशास्त्र विभागात शिकते. या दोघी होस्टेलमध्ये राहून पदव्युत्तर शिक्षण घेत आहेत. त्याचे मूळ गाव जयसिंगपूर येथील कोथळी आहे.

मध्यमवर्गीय शेतकरी कुटुंबातील या दोन बहिणी आहेत. वडील शेती करतात. दोन भाऊही शिक्षण आणि नोकरी करतात. ऋचिरा आणि सुनीताच्या शैक्षणिक प्रवासात कधीही अंध असल्याची खंत बाळगली नाही. अभ्यास करताना अनेक अडचणी आल्या, मात्र या अडचणीवर मात करुन पदवीपर्यंतचे शिक्षण पूर्ण केले. एवढंच नव्हे, तर अगदी दृष्ट लागेल एवढं यशही मिळवलं. हॉस्टेलमधून इंग्रजी आणि राज्यशास्त्र विभागात जाण्यासाठी मैत्रिणीची मोलाची मदतही त्यांना प्रेरणादायी ठरत आहे.

ब्रेललिपीच्या माध्यमातून त्यांचा स्पर्धा परीक्षेचा अभ्यास सुरु आहे. काही मैत्रिणींकडून संबधित अभ्यासक्रमाच्या घटकांचे रेकॉर्डिंग करुन घेतले आहे. त्या आवाजाच्या मदतीने अभ्यास सुरु आहे. विभागप्रमुख आणि काही प्राध्यापकांची त्यांना मोलाची मदत होत आहे. त्यांच्या स्पर्धात्मक परीक्षेत यश मिळविण्याच्या दृढ संकल्पाला सामाजिक बांधिलकीची किनार लाभल्यास जीवन अधिक प्रकाशमान बनणार आहे.

आम्ही जग पाहू शकत नाही. मात्र जीवनात शिक्षणाचे महत्व अमूल्य असल्याचे आम्ही जाणले. आम्हाला सामान्य विद्यार्थ्यांसारखे जीवन नाही, मात्र जीवनात पहिल्यापासूनच ध्येय बाळगले आहे. पदव्युत्तर शिक्षण घेतच एमपीएससीचे ध्येय बाळगले आहे. विद्यापीठातील सहकारी आणि प्राध्यापकांच्या मदतीमुळे प्रेरणा आणि बळ निश्चितच मिळत आहे. - - ऋचिरा आणि सुनीता सनदी

ऑनलाइन गॅझेट

February 14, 2015, 9:00 pm

≫ Next: 'कॉमर्स डॉट कॉम'ची धूम

≪ Previous: अधिकारीपदाचे डोळस स्वप्न

$

0

0

म. टा. प्रतिनिधी, कोल्हापूर

नावात बदल करण्यासाठी लागणारा वेळ, पैसा आणि मनःस्ताप वाचविण्यासाठी लवकरच म्हणजे फेब्रुवारी महिनाअखेरपर्यंत कोल्हापूरसह राज्यात सर्वत्र ऑनलाइन गॅझेटची सुविधा सुरू होणार आहे. या ऑनलाइन सुविधेमुळे अवघ्या काही दिवसांतच गॅझेटची प्रत घरबसल्या मिळणार आहे.

विशेषतः लग्न झाल्यानंतर मुलींचे नाव बदलते. सरकारी नोकरी किंवा पासपोर्ट किंवा अन्य महत्त्वाच्या कामांसाठी नावातील हा बदल गॅझेटमध्ये करणे आवश्यक असते. त्यासाठी ही नोंदणी महत्त्वाची ठरते. यासाठी अनेकांना तत्काळ नावात बदल आवश्यक असतो. मात्र, त्यासाठी येथील सरकारी मुद्रणालयात केंद्रामध्ये अर्ज भरून द्यावा लागतो. जाहिरातीसाठी अर्ज, शुल्क भरणे जाहिरात प्रसिद्ध झाल्यानंतर राजपत्र मिळविणे ही सर्व प्रक्रिया वेळखाऊ आणि खर्चिक आहे.

जाहिरात देण्यासाठी सर्वसामान्यांसाठी १२० रुपये, तर मागासवर्गींयासाठी ६० रुपये घेतले जातात. जाहिरात दिल्यानंतर गॅझेट मिळण्यासाठी किमान वीस दिवस ते एक महिन्याचा कालावधी लागतो, तर अर्जंट जाहिरात हवी असेल तर त्यासाठी किमान तीन दिवस ते आठवड्याचा कालावधी लागतो. त्यासाठी ५०० रुपये जादा मोजावे लागतात. आठवड्याच्या दर गुरुवारी हे गॅझेट प्रसिद्ध होते. गेल्या वर्षभरात ३० हजार लोकांनी आपल्या नावात बदल केला आहे.

राज्यातील पुणे, नागपूरमध्ये दोन, कोल्हापूर, मुंबई, औरंगाबाद, वाई या ठिकाणी एक अशा एकूण आठ गव्हर्न्मेंट प्रेस आहेत. याठिकाणीच याची छपाई केली जाते. १० जून २०१४ पासून ही प्रणाली मुंबईकरांसाठी सुरू झाली आहे, तर राज्यातील इतर जिल्ह्यांमध्ये ती मार्चमध्ये सुरू होण्याची शक्यता आहे. कोल्हापुरात ही सुविधा फेब्रुवारीअखेरपर्यंत अपडेट करण्याचा प्रयत्न केला जाणार आहे. त्यासाठी राज्य सरकारने www.dgpsmaharashtra.gov.in ही बेबसाइट तयार केली आहे. या वेबसाइटच्या माध्यमातून घरबसल्या गॅझेटसाठीची नोंदणी करणे शक्य होणार आहे. तसेच घरबसल्या गॅझेटच्या कॉपीची प्रिंट काढता येणार आहे.

'कॉमर्स डॉट कॉम'ची धूम

February 14, 2015, 9:01 pm

≫ Next: डांबरीकरणाचा झाडांना धोका

≪ Previous: ऑनलाइन गॅझेट

$

0

0

म. टा. प्रतिनिधी, कोल्हापूर

शिवाजी विद्यापीठाच्या वाणिज्य अधिविभागाच्या रौप्यमहोत्सवी वर्षानिमित्त आयोजित 'कॉमर्स डॉट कॉम' या मेगा इव्हेंटला विद्यार्थ्यांचा प्रतिसाद लाभला. दोन दिवसीय इव्हेंटमध्ये कोल्हापूर, सांगली व सातारा या जिल्ह्यांतून ३१४ विद्यार्थी सहभागी झाले होते.

विद्यापीठाशी संलग्नित महाविद्यालयांतील विद्यार्थ्यांच्या कलाकौशल्य व गुणांना विविध स्तरावर संधी मिळण्यासाठी 'कॉमर्स डॉट कॉम' इव्हेंट आयोजित करण्यात आला. मेगा इव्हेंटमध्ये पेपर प्रेझेन्टेशन, पोस्टर प्रेझेन्टेशन, सॉफ्टवेअर डेव्हलपमेंट, अॅड-मॅड शो आदी स्पर्धा घेण्यात आल्या. पेपर प्रेझेन्टेशनमध्ये आयटी क्षेत्रातील नवनवीन विषयांवर संशोधन लेखांचे सादरीकरण झाले. पोस्टर प्रेझेन्टेशन हा ऑफ स्टेज शो घेण्यात आला. यात विद्यार्थ्यांनी वाणिज्य, व्यवस्थापन आणि आयटीसह विविध विषयांवर पोस्टर्स सादरीकरण केले. अॅड-मॅड शोचे आयोजन केले. इव्हेंटमध्ये सेवेची कशा पद्धतीने जाहिरात करावी याच्या विद्यार्थ्यांनी अॅक्टस् करून दाखविल्या.

---

डांबरीकरणाचा झाडांना धोका

February 14, 2015, 9:04 pm

≫ Next: वाकीघोलमध्ये टस्कर

≪ Previous: 'कॉमर्स डॉट कॉम'ची धूम

$

0

0

सतीश घाटगे, कोल्हापूर

कोल्हापूर शहरातील रस्त्यांची मोठ्या प्रमाणात दुरवस्था झाल्याने महापालिकेने रस्त्यांच्या दुरुस्तीचे काम वेगाने सुरू केले आहे. मात्र, सुरू असलेल्या डांबरीकरणामुळे झाडांना धोका निर्माण झाला आहे. झाडांच्या भोवती असलेले खड्डे डांबरीकरणाने भरले जात असताना महापालिकेचे अधिकारी उपस्थित नसल्याने शहरातील वृक्षसंपदा धोक्यात येण्याची शक्यता निर्माण झाली आहेत.

शहरात रस्त्याच्या दुतर्फा महानगरपालिका, स्वयंसेवी संस्था व नागरिकांनी उत्स्फूर्तपणे वृक्षारोपण केले आहे. सन २००८ मध्ये झालेल्या रस्ते विकास प्रकल्पात चार हजारांहून अधिक वृक्षांवर कुऱ्हाड चालविल्याने शहरातील गारवा कमी झाला. पर्यावरणप्रेमी संघटनांनी आंदोलन व थेट न्यायालयाकडे धाव घेतल्याने यापैकी २०० हून अधिक झाडे वाचली. पर्यावरणप्रेमी कार्यकर्त्यांनी थेट रस्त्यापासून झाडांचे अंतर मोजण्यासाठी स्वतः टेप टाकून अंतर मोजून १०८ झाडे वाचवली.

एकीकडे झाडे वाचवण्याचे काम झाले असताना शहरात सध्या सुरू असलेल्या डांबरीकरणाच्या कामामुळे झाडांना धोका निर्माण झाला आहे. ज्या ठिकाणी वृक्षारोपण झाले आहे, त्याच्यालगतचे खड्डे डांबरीकरण करून बुजविले आहेत. लहान रस्त्यांवर खड्डे बुजविण्याचे प्रकार जास्त आहेत. मोठ्या रस्त्यावर दोन्ही बाजूंना जागा सोडून डांबरीकरण केले जाते. डांबरीकरणातील कचरा, खडी झाडाच्याभोवती टाकण्याचे प्रकार वाढले आहेत.

डांबरीकरणाच्या ठिकाणी उपस्थित राहण्याचा नियम असताना महापालिका विभागीय कार्यालयातील कनिष्ठ अभियंता उपस्थित राहात नाहीत. अधिकाऱ्यांनी उपस्थित राहावे म्हणून नगरसेवकही आग्रह धरत नाहीत. बांधकाम विभागातील रोजंदारीवरील एखादा कामगार डांबरीकरणाच्या कामावर देखरेख करत असतो. त्यामुळे ठेकेदार मन मानेल असे काम करत असल्याने झाडे असलेल्या ठिकाणचे खड्डे डांबरीकरणाने बुजवले जात आहेत.

बुरशी येण्याचा धोका

सर्किट हाउस परिसरातील झाडाजवळील खड्डे डांबरीकरणाने बुजवले आहेत. झाडांची वाढ खुंटण्याची शक्यता लक्षात घेऊन या झाडाजवळ दोन ते अडीच फुटांचे खड्डे मारण्यासाठी टाउन हॉलचे उद्यान अधीक्षक संभाजी पाटील यांनी सार्वजनिक बांधकाम विभागाकडे परवानगी मागितली आहे. 'डांबरीकरणामुळे झाडांच्या मुळांना इजा पोहोचण्याचा धोका असतो. मुळाजवळील मातीला पाणी व ऊन मिळाले नाही तर बुरशी येण्याची शक्यता असते' असे त्यांनी सांगितले.

वाकीघोलमध्ये टस्कर

February 14, 2015, 9:16 pm

≫ Next: राजर्षी शाहू ग्रंथ महोत्सव

≪ Previous: डांबरीकरणाचा झाडांना धोका

$

0

0

म. टा. वृत्तसेवा, राधानगरी

चंदगड, आजरा तालुक्यांपाठोपाठ आता राधानगरी-दाजीपूर अभयारण्याच्या क्षेत्रातील वाकीघोल परिसरात शुक्रवारी रात्री टस्कर हत्तीचे आगमन झाले आहे. टस्करच्या आगमनाने भीतीचे वातावरण निर्माण झाले आहे. दुबळेवाडीतील केळी व ऊस पिकाचे नुकसान केल्याने शेतकरी व वन विभाग सतर्क झाला आहे.

शुक्रवारी रात्री साडेअकराच्या सुमारास आडोलीपैकी दुबळेवाडीतील बाळू दळवी हे आपल्या शेतात राखण करण्यासाठी गेले असता, त्यांना केळीच्या पिकात टस्कर चरताना दिसला. त्याचवेळी या परिसरात गस्त घालणारे वन अधिकारी पथकासह घटनास्थळी दाखल झाले. ग्रामस्थांच्या मदतीने त्याला हुसकावून लावण्याचा प्रयत्न केला. मात्र टस्करने त्याला न जुमानता दळवी यांच्या शेतातील केळी, उसाचे नुकसान करून जंगलाच्या दिशेने पलायन केले. टस्कर पूर्ण वाढ झालेला असून तो आजरा, कडगाव, वासनोली मार्गे वाकीघोल क्षेत्राच्या बाट्म सड्यावर आला असून सध्या त्याचे वास्तव्य त्याच परिसरात असल्याचा अंदाज वनविभागाने व्यक्त केला.

राजर्षी शाहू ग्रंथ महोत्सव

February 14, 2015, 9:26 pm

≫ Next: महापौरांचा केविलवाणा बचाव

≪ Previous: वाकीघोलमध्ये टस्कर

$

0

0

म. टा. प्र​तिनिधी, कोल्हापूर

'अभ्यासू शिक्षकांची वानवा असणाऱ्या अनेक शिक्षण संस्थांमध्ये प्रवेशासाठी देणगी उकळणाऱ्या स्वयंघोषित शिक्षणसम्राटांमुळेच शिक्षणक्षेत्र बदनाम होत आहे. सध्याच्या जगात मुलांना शिक्षण देणे या हेतूला बाजूला सारुन पैसे कमावणे या हा शिक्षण संस्थांचा व्यवसायच झाला आहे,' अशी खंत ज्येष्ठ नेते गोविंदराव पानसरे यांनी व्यक्त केली. प्रायव्हेट हायस्कूलच्या प्रांगणात शनिवारी ६ व्या राजर्षी शाहू ग्रंथ महोत्सवाचे उदघाटन पानसरे यांच्या हस्ते झाले. यावेळी ते बोलत होते. अध्यक्षस्थानी शिक्षणतज्ज्ञ डी. बी. पाटील होते. १७ फेब्रुवारीपर्यंत हा ग्रंथ महोत्सव सुरू राहणार आहे. सकाळी गांधी मैदान येथून प्रायव्हेट हायस्कूलपर्यंत ग्रंथ दिंडी काढून या महोत्सवामध्ये चित्ररथ, ज्ञानपीठ पुरस्कार विजेते भालचंद्र नेमाडे यांच्या वेशभूषेतील मुलगा सर्वांचे लक्ष वेधून घेत होता. महाराष्ट्रातील संत परंपरा, लोककला शाहिरी, लावणी या लोककलांचे प्रतिबिंब दिंडीमध्ये उमटले.

डी. बी. पाटील म्हणाले, 'टीव्ही आणि आधुनिक तंत्रज्ञानाच्या फेऱ्यात अडकलेल्या शालेय मुलांना वाचनाची आवड लागावी, चांगली पुस्तके त्यांना मिळावीत या हेतूने हा महोत्सव दरवर्षी साजरा करण्यात येतो.' दुपारच्या सत्रात वाचनातून 'आम्ही घडलो' या विषयावर संवाद झाला. यामध्ये विवेक कोतेकर, पी.टी.कुंभार, लेखक संजीव जाधव यांनी पुस्तकांमुळे झालेली जडणघडण विशद केली. शिक्षण उपसंचालक एम. के. गोंधळी स्वागत केले. प्राचार्य भैरव कुंभार यांनी पाहुण्यांचा परियच करुन दिला. सी. एम. गायकवाड यांनी आभार मानले. यावेळी ज्योत्स्ना शिंदे, प्रभाकर हेरवाडे, रजनी हिरळीकर यांच्यासह मान्यवर उपस्थित होते.

आज महोत्सवात

रविवारी (ता. १५) सकाळी ९ वाजता ​​अभिनेते वसंत हंकारे यांचा 'हास्यबहार' हा कार्यक्रम होणार आहे. ११ वाजता उद्योजिका लीना ​चितळे, शिक्षण विस्ताराधिकारी प्रतिभा भराडे आणि आदर्श शिक्षिका मीरा पाटील यांची 'आमची वाटचाल' या कार्यक्रमात मुलाखत होणार आहे.

महापौरांचा केविलवाणा बचाव

February 14, 2015, 9:29 pm

≫ Next: घरगुती सौर शेगडी

≪ Previous: राजर्षी शाहू ग्रंथ महोत्सव

$

0

0

म. टा. प्रतिनिधी, कोल्हापूर

लाच प्रकरणात अटक झाल्यानंतर नैतिकतेची थोडी जरी जाणीव असती तर कुणीही महापौरपदासारख्या शहराच्या मानाच्या पदाची शान घालवण्यापेक्षा तत्काळ राजीनामा दिला असता. पण महापौर तृप्ती माळवी यांनी राजीनामा देण्याचे दूरच, पण प्रथम जाहीरपणे सांगून आता त्यापासून फारकत घेत महापौरपदाची शान आणखी धुळीला मिळवण्याचे काम चालवले आहे. मला या प्रकरणात अडकवण्याचे षडयंत्र रचल्याची ढाल पुढे करत स्वतःला बचाव करण्याचा प्रयत्न करत आहेत.

महापौरांच्या कार्यालयात जाऊन लाचलुचपत प्रतिबंधक विभागाच्या पोलिसांनी त्यांना ताब्यात घेण्याचा दिवस महापालिकेच्या इतिहासातील सर्वात काळा दिवस ठरला आहे. कोर्टामध्ये त्यांच्याबाबतचे युक्तीवाद पूर्ण झाल्यानंतर त्यांच्यावरील गुन्हा सिद्ध होईल. पण प्रथमदर्शनी त्यांचा सहभाग असल्याचा मोठा ठपका सरकारी यंत्रणेने ठेवणे हे त्या पदाचे अवमूल्यनच झाले आहे. साऱ्या शहरवासियांचे प्रतिनिधीत्व करणाऱ्या महापौरांकडून नैतिकता पाळली जावी ही जनतेची अपेक्षा असते. त्यामध्ये त्या महिला, एकट्या अथवा राजकारणाचा बळी ही सारी सहानुभूती गौण ठरते. नैतिक जबाबदारी म्हणून त्यांनी​ तातडीने राजीनामा देणे आवश्यक होते, तसे न करता उलट पदावर कायम राहण्यासाठी त्यांची सुरू असलेली धडपड आता टीकेचे लक्ष होत आहे. महिन्याचा महापौर, नगरसेवकांचा घोडेबाजार, टक्केवारी मिळवण्यासाठी लाख खटाटोटी करणारे नगरसेवक यामुळे शहराची मान यापूर्वी शरमेने खाली गेली आहेच. पण महापौरांसारख्या शहराच्या प्रमुख असलेल्या व्यक्तीचा सहभाग आणि त्यानंतरही त्याबाबत स्वतःला काहीच वाटू नये यासारखे दुर्देव शहराने पाहिलेले नाही, असे मत शहरातील जाणती माणसे व्यक्त करत आहेत. जनतेत सर्व बाजूने या प्रकरणाची

वाईट चर्चा असताना सर्वसाधारण सभेत राजीनामा देण्याचे टाळणे, हा सारा खेळ म्हणजे षडयंत्र असल्याचे सांगत सहानभुती मिळवण्याचा केविलवाणा प्रयत्न केला. त्यानंतर स्वतः विशेष सभा बोलवून त्यामध्ये राजीनामा देणार असल्याचे प्रसार माध्यमांसमोर सांगणे व सभा दोन दिवसांवर असताना सभेच्यादिवशी रजा टाकून पुन्हा राजीनामा लांबवण्याचा प्रयत्न चालवला आहे. यामध्ये ज्या पक्षाने सहकार्य केले, पदावर बसवले. त्या नेत्यांना न जुमानण्याचा हा प्रकार आहे.

उद्योगपतींच्या शब्दाखातर ...

ज्या उद्योगपतींच्या शब्दाखातर तृप्ती माळवी यांना राष्ट्रवादीच्या कोट्यातील महापौरपद दिले. त्याच उद्योगपतींनी आता माळवी यांचा राजीनामा घेण्याचा शब्द पक्षाचे नेते हसन मुश्रीफ यांना शनिवारी दिला. माळवी राजीनामा देणार नाहीत असे समजल्यानंतर दिवसभर पक्षाच्यावतीने संपर्क साधण्याचा प्रयत्न केला जात होता. पण त्यांच्याशी संपर्क न झाल्याने शेवटी मुश्रीफ यांना त्या उद्योगपतींपर्यंत जाण्याची वेळ शनिवारी आली. शहर अध्यक्ष पोवार म्हणाले, 'माळवी यांना महापौर बनवण्यासाठी उद्योगपती राजू जाधव यांनी मुश्रीफांकडे शब्द टाकला होता. महापौरांनी कालावधी संपल्यानंतर राजीनामा देण्याची आवश्यकता आहे. त्याप्रमाणे सोमवारी सांगितल्याप्रमाणे माळवींनी राजीनामा द्यावा असे सांगण्यात आले.

घरगुती सौर शेगडी

February 14, 2015, 9:39 pm

≫ Next: सैनिकांना विसरू नका

≪ Previous: महापौरांचा केविलवाणा बचाव

$

0

0

म. टा. प्रतिनिधी, कोल्हापूर

जेवणासाठी गॅस, रॉकेल, लाकूड अशा महागड्या इंधनापेक्षा खराब बॉक्स व चंदेरी गिफ्ट कागद अशा नाममात्र खर्चाचे साहित्य पुरेसे आहे. टाकाऊ वस्तूंपासून कमी खर्चात 'निसर्गमित्र' या पर्यावरणप्रेमी संस्थेने शनिवारी ५० सौर शेगड्या तयार केल्या. त्यामुळे संस्थेने आंतरराष्ट्रीय प्रकाश वर्षानिमित्त यंदाचा 'व्हॅलेंटाईन डे' सूर्याशी मैत्री करणारा ठरवला.

पारंपरिक ऊर्जेसाठी आटापिटा करण्याबरोबरच त्यावर मोठा खर्च होऊ लागला आहे. या प्रकारापासून नागरिकांना अपारंपारिक ऊर्जेकडे वळवण्यासाठी 'निसर्गमित्र' ने सौर उर्जेवर चालणाऱ्या विविध प्रकारच्या शेगड्यांचे प्रात्यक्षिक आणि प्रत्यक्ष निर्मिती करायच्या शेगड्यांसाठी कार्यशाळा आयोजित केली होती. पराग केमकर यांच्या मार्गदर्शनाखाली झालेल्या या कार्यशाळेत मुलींबरोबर महिलाही मोठ्या प्रमाणात सहभागी झाल्या होत्या. खराब बॉक्सचे पुठ्ठे व चंदेरी रंगाचा गिफ्ट कागद वापरुन घरच्या घरी शेगडी बनवण्याचे प्रात्यक्षिक केमकर यांनी सादर केले. त्यानंतर पाच पाच जणांचे गट तयार करुन शेगड्या बनवण्यास सुरुवात झाली. अवघ्या काही मिनिटात तयार होणारी शेगडी पाहून सहभागी झालेलेही अवाक झाले.

या शेगडीची माहिती देताना केमकर म्हणाले, ' दीड तासामध्ये दूध तापवण्याबरोबर भात, भाज्या उकडणे, रवा, डाळ, शेंगदाणे, पापड भाजणे सहज शक्य होते. यातून दररोज गॅस वापरात किमान अर्धा तास बचत केली जाऊ शकते. यापेक्षा गॅस, रॉकेल, लाकूड अशा पारंपारिक उर्जेचा वापर टाळता येणे शक्य आहे. तसेच कुठेही ही ऊर्जा वापरता येऊ शकते.' या कार्यशाळेस राजाराम कॉलेजचे प्राचार्य डॉ. व्ही. बी. हेळवी, 'निसर्गमित्र'चे अध्यक्ष डॉ. मधुकर बाचूळकर यांनी भेट दिली. अनिल चौगुले यांनी स्वागत केले. उदय गायकवाड यांनी सौरशक्तीच्या वापराची गरज विषद केली. राजेंद्र दोशी यांचे कार्यशाळेस सहकार्य लाभले. कार्यशाळेमध्ये सागर दळवी, राणिता चौगुले, उमाकांत आवटे, विजय पाटील, सलीम बैरागकर, अवधूत वीर, अजय अकोळकर, अजित पाटील, रोहित पाटील, दिनकर चौगुले सहभागी झाले.

सैनिकांना विसरू नका

February 14, 2015, 9:40 pm

≫ Next: मटा ५० रुपयांत

≪ Previous: घरगुती सौर शेगडी

$

0

0

म. टा. प्रतिनिधी, कोल्हापूर

'प्रियतम मम्मी, पप्पा, बर्डी आणि आजी, तुम्हाला हे पत्र मिळेपर्यंत मी स्वर्गात असेन. माझ्याजवळ सेवेला तिथल्या अप्सरा असतील. मी तुम्हाला वरूनच बघेन. अर्थात त्याबद्दल माझ्या मनात कसलीही खंत नाही. मला पुन्हा मनुष्य जन्म मिळाला तर मी पुन्हा सैनिक होऊन युद्धावर जाईन हे निश्चित... आता मी माझ्या १२ साथीदारांसोबत मिशन पूर्ण करण्यासाठी जात आहे', कारगील युद्धातील शहीद कॅप्टन विजयंता थापा यांनी युद्धभूमीवरून त्यांच्या आईवडीलांना पाठवलेल्या या शेवटच्या पत्राचे वाचन लक्ष्य फाउंडेशनच्या संस्थापिका अनुराधा प्रभूदेसाई यांनी केले. थापा यांचे फक्त हे निरोपाचे पत्र नव्हते, तर या पत्रातून माणूस म्हणून थापा किती ग्रेट होते याचा उलगडाही त्यांनी केला. फक्त थापांचीच नव्हेतर कारगील युद्धामध्ये शहीद झालेल्या आणि या युद्धात अत्युच्च का‌मगिरी केलेल्या सैनिकांच्या पराक्रमाच्या गाथा उ‌पस्थितांच्या मनाचा ठाव घेऊन गेल्या. लक्ष्य फाउंडेशन आणि सैनिक कल्याण केंद्राच्यावतीने कोल्हापुरात वीरपत्नी आणि वीरमातांच्या सत्काराचा कार्यक्रम महासैनिक दरबार हॉलमध्ये करण्यात आला होता.

थापा यांनी या पत्रात रुकसानाला दर महिन्याला ५० रुपये पाठवायला विसरू नका, अशी विनंती आईवडीलांना केली आहे. रुकसाना या लहान मुलीच्या आईवडीलांना दहशतवाद्यांनी मारले होते, त्यानंतर तिची वाचा गेली होती. थापा यांना हे समजल्यानंतर त्यांनी रुकसानाला दररोज वेळ दिला आणि तिची वाचा परत आणली. युद्ध भूमीवरून परत येण्याची शाश्वती नसतानाही, अगदी शेवटच्या पत्रातही त्यांनी या लहान मुलीला मदत करण्याची विनंती थापा यांनी केली होती, प्रभूदेसाई यांनी सांगितलेली ही आठवण उपस्थितांच्या मनाला चटका लागून केली.

शनिवारी व्हॅलेंटाईन डेच्या दिवशी 'सैनिकांना विसरू नका' असे संदेश देत या कार्यक्रमाचे आयोजन करण्यात आले. यावेळी ४० वीर‌माता आणि वीरपत्नीचे सत्कार करण्यात आला. तसेच 'सलाम मृत्युजयांना' या पुस्तकाचे प्रकाशनही करण्यात आले. कार्यक्रमाला सैनिक कल्याण केंद्राचे प्रमुख कर्नल सुहास नाईक यांचे विशेष सहकार्य लाभले. यावेळी मेजर जनरल मधुकर काशीद, ब्रिगेडियर उदय थोरात, ग्रुप कॅप्टन डी. डी. कुलकर्णी, कमांडर विजय पाटील, कर्नल रतनसिंह नाईकवडे आदी उपस्थित होते. संस्थेची अधिक माहिती www.lakshyafoundation.co.in या वेबसाइटवर उपलब्ध आहे.

कारगिल आणि लक्ष्य फाउंडेशन

सैनिक आणि समाजात असलेली अदृश्य दरी मिटवण्याचे काम लक्ष्य फाउंडेशन ही संस्था करते. मूळच्या पुण्याच्या असणाऱ्या प्रभूदेसाई या २००४ मध्ये कारगिलला गेल्या होत्या. त्यानंतर त्यांनी ‌नोकरीतून निवृत्ती घेत लक्ष्य फाउंडेशनची स्थापना केली. संस्थेच्यावतीने 'कारगील युध्द' केंद्रस्थानी ठेवून विविध उपक्रम आयोजित केले जातात.

मटा ५० रुपयांत

February 14, 2015, 9:46 pm

≫ Next: बोगस सोसायट्यांनी बुडवला कर

≪ Previous: सैनिकांना विसरू नका

$

0

0

म. टा. प्रतिनिधी, कोल्हापूर

गेल्या अडीच वर्षापासून शहराच्या अनेक प्रश्नांना थेट भिडून ते प्रश्न मार्गी लावण्यात यशस्वी झालेला आणि अल्पावधीत कोल्हापूरकरांच्या मनात रूजलेला महाराष्ट्र टाइम्स कोल्हापुरात 'नववर्ष धमाका ऑफर'ची न्यू इअर गिफ्ट घेऊन आला आहे. या नव्या योजनेंतर्गत 'मटा'ची नोंदणी सुरू झाली आहे. ९९ रुपयांचा चेक देऊन वाचकांना नोंदणी करता येईल. त्यानंतर महिन्याला फक्त ५० रुपये बिल भरावे लागणार असून, ५०० रुपयांचे जाहिरात कूपन आणि भेटवस्तू, त्यातील पहिली अजंटा वॉल क्लॉक असून दुसरी चारशे रुपयांहून अधिक किमतीची गृहोपयोगी वस्तू असेल.

मराठीतील एकमेव निष्पक्ष वृत्तपत्र असलेल्या महाराष्ट्र टाइम्सने कोल्हापुरात विधायक पत्रकारिता रूजविली आहे. 'मटा हेल्पलाइन'पासून 'सिक्रेट सांता'पर्यंतच्या अनेक उपक्रमांना वाचकांनी दिलेला प्रतिसाद ही 'मटा'च्या यशाची पावतीच आहे. नव्या वर्षातही समाजकारण, राजकारण, अर्थकारण, कला, क्रीडा, करिअर, ग्लॅमर आणि टेक्नॉलॉजीसंबंधी विचारमंथन करत नवा विचार आणि नवा दृष्टिकोन देण्याचे अभिवचन महाराष्ट्र टाइम्सने कोल्हापूरकरांना दिले आहे.

आता कोल्हापूरच्या वाचकांसाठी 'मटा'ने नववर्ष धमाका ऑफर २०१५ आणली आहे. या ऑफरनुसार वाचकांनी आपल्या विक्रेत्याकडे ९९ रुपयांचा चेक देऊन २०१५ या वर्षासाठी बुकिंग करायचे आहे. या अंकासाठी वाचकांना महिन्याला फक्त ५० रुपयेच बिल आकारण्यात येणार आहे. त्या बदल्यात दोन गृहोपयोगी आकर्षक भेटवस्तू आणि ५०० रुपयांचे 'मटा'च्या क्लासिफाइड जाहिरातींचे कूपन मिळणार आहे.

वाचकांचा ९९ रुपयांचा चेक क्लिअर झाल्यानंतर वेलकम लेटर आणि सबस्क्रिप्शन कमेन्समेंट कूपनसोबत क्लासिफाइड कूपन देण्यात येईल. यातील पहिली भेटवस्तू अजंटा वॉल क्लॉक चार महिन्यानंतर व दुसरी दहाव्या महिन्यात देण्यात येईल. त्यासाठी वाचकांनी चेकच्या मागे आपले नाव, पत्ता आणि फोन नंबर लिहिणे आवश्यक आहे. अधिक माहितीसाठी ०२३१- ६६२२३०४/१४ किंवा १५ या क्रमांकावर संपर्क साधावा.

अॅड्रेस प्रूफबाबत

या योजनेत सहभागी जुन्या वाचकांनीही आपला सध्याचा अॅड्रेस प्रूफ देणे आवश्यक आहे. शिवाय जे भाडेकरू म्हणून राहतात त्यांनी संबंधित घरमालकाचा अॅड्रेस प्रुफ द्यावा. (लाइट बील, फोन बील किंवा पाणी बील यांपैकी कोणताही एक.) चेकच्या पाठीमागे पत्ता व मोबाइल नंबर लिहावा.

महत्त्वाची सूचना

विक्रेत्याकडे २० फेब्रुवारीपर्यंत चेक जमा झाल्यास अंक ५ मार्चपासून सुरू करण्यात येईल. त्यानंतर चेक जमा झाल्यास पुढील टप्प्यात अंक सुरू करण्यात येईल. वाचकांनी योजनेचा चेक आपल्या नियमीत विक्रेत्याकडेच जमा करावा.

---

बोगस सोसायट्यांनी बुडवला कर

February 14, 2015, 9:48 pm

≫ Next: मटा ५० रुपयांत

≪ Previous: मटा ५० रुपयांत

$

0

0

मारुती पाटील, कोल्हापूर

तलाठी व सर्कल यांचे बनावट सही व शिक्क्यांचा वापर करून गगनबावडा तालुक्यातील कोदे बुद्रुकमधील दोन, कोदे खुर्दमधील एक, तळये बुद्रुकमधील दोन आणि असंडोली आणि ठकारवाडीतील प्रत्येकी एक अशा सात सेवा सोसायट्यांची स्थापन करून सुमारे चार कोटींचे कर्ज उचलण्याचा प्रकार घडला आहे. या संस्थांची चौकशी झाल्यानंतर संबंधितांवर सहकार कायद्यांतर्गत कारवाईच्या सूचना गगनबावडा तहसीलदारांनी केल्या आहेत.

एका गावात दोन सेवा सोसायट्या असल्यास सेवा सोसायटी स्थापन करण्यास परवानगी दिली जात नाही. मात्र, दुसऱ्या संस्थांचे सभासद, त्यांचे सातबारा उतारे देण्यात आले. मात्र या उताऱ्यांवर तलाठी व सर्कलच्या बनावट सही शिक्क्यांचा वापर केला गेल्याचे आतापर्यंतच्या तपासात निष्पन्न झाले आहे. याविरोधात असंडोलीतील प्रकाश देसाई यांनी तक्रार दाखल केल्यानंतर तहसीलदारांसमोर कागदपत्रांची तपासणी करून सहकार निबंधकांकडे अहवाल सादर करण्यात आला आहे. या सेवा सोसायट्यांची शहानिशा न करता जिल्हा बँकेने सुमारे चार कोटींचे कर्ज वितरीत केले आहे. वितरीत कर्ज सभासदांना मिळाले की परस्पर हडप करण्यात आले याची माहिती अद्याप मिळालेले नाही. कोदेपैकी पाटीलवाडी नावाने सेवासंस्था स्थापन केली आहे. मात्र पाटीलवाडीच अस्तित्वात नसताना या संस्थेला पन्नास लाख रुपयांचे कर्ज परस्पर देण्यात आले.

थकीत व बोगस सेवा संस्था

दत्त विकास सेवा संस्था - कोदे खुर्द

महादेव हरी शिंदे विकास संस्था - कोदे खुर्द

पी. जी. शिंदे विकास संस्था - कोदे बुद्रुक

पांडुरंग विकास सेवा संस्था - ठाकरवाडी

पी. जी. शिंदे विकास संस्था - तळये बुद्रुक

विठ्ठलाई विकास संस्था - तळये बुद्रुक

जोतिर्लिंग विकास संस्था - असंडोली

मटा ५० रुपयांत

February 14, 2015, 9:46 pm

≫ Next: बोगस सोसायट्यांनी बुडवला कर

≪ Previous: बोगस सोसायट्यांनी बुडवला कर

$

0

0

म. टा. प्रतिनिधी, कोल्हापूर

गेल्या अडीच वर्षापासून शहराच्या अनेक प्रश्नांना थेट भिडून ते प्रश्न मार्गी लावण्यात यशस्वी झालेला आणि अल्पावधीत कोल्हापूरकरांच्या मनात रूजलेला महाराष्ट्र टाइम्स कोल्हापुरात 'नववर्ष धमाका ऑफर'ची न्यू इअर गिफ्ट घेऊन आला आहे. या नव्या योजनेंतर्गत 'मटा'ची नोंदणी सुरू झाली आहे. ९९ रुपयांचा चेक देऊन वाचकांना नोंदणी करता येईल. त्यानंतर महिन्याला फक्त ५० रुपये बिल भरावे लागणार असून, ५०० रुपयांचे जाहिरात कूपन आणि भेटवस्तू, त्यातील पहिली अजंटा वॉल क्लॉक असून दुसरी चारशे रुपयांहून अधिक किमतीची गृहोपयोगी वस्तू असेल.

मराठीतील एकमेव निष्पक्ष वृत्तपत्र असलेल्या महाराष्ट्र टाइम्सने कोल्हापुरात विधायक पत्रकारिता रूजविली आहे. 'मटा हेल्पलाइन'पासून 'सिक्रेट सांता'पर्यंतच्या अनेक उपक्रमांना वाचकांनी दिलेला प्रतिसाद ही 'मटा'च्या यशाची पावतीच आहे. नव्या वर्षातही समाजकारण, राजकारण, अर्थकारण, कला, क्रीडा, करिअर, ग्लॅमर आणि टेक्नॉलॉजीसंबंधी विचारमंथन करत नवा विचार आणि नवा दृष्टिकोन देण्याचे अभिवचन महाराष्ट्र टाइम्सने कोल्हापूरकरांना दिले आहे.

आता कोल्हापूरच्या वाचकांसाठी 'मटा'ने नववर्ष धमाका ऑफर २०१५ आणली आहे. या ऑफरनुसार वाचकांनी आपल्या विक्रेत्याकडे ९९ रुपयांचा चेक देऊन २०१५ या वर्षासाठी बुकिंग करायचे आहे. या अंकासाठी वाचकांना महिन्याला फक्त ५० रुपयेच बिल आकारण्यात येणार आहे. त्या बदल्यात दोन गृहोपयोगी आकर्षक भेटवस्तू आणि ५०० रुपयांचे 'मटा'च्या क्लासिफाइड जाहिरातींचे कूपन मिळणार आहे.

वाचकांचा ९९ रुपयांचा चेक क्लिअर झाल्यानंतर वेलकम लेटर आणि सबस्क्रिप्शन कमेन्समेंट कूपनसोबत क्लासिफाइड कूपन देण्यात येईल. यातील पहिली भेटवस्तू अजंटा वॉल क्लॉक चार महिन्यानंतर व दुसरी दहाव्या महिन्यात देण्यात येईल. त्यासाठी वाचकांनी चेकच्या मागे आपले नाव, पत्ता आणि फोन नंबर लिहिणे आवश्यक आहे. अधिक माहितीसाठी ०२३१- ६६२२३०४/१४ किंवा १५ या क्रमांकावर संपर्क साधावा.

अॅड्रेस प्रूफबाबत

या योजनेत सहभागी जुन्या वाचकांनीही आपला सध्याचा अॅड्रेस प्रूफ देणे आवश्यक आहे. शिवाय जे भाडेकरू म्हणून राहतात त्यांनी संबंधित घरमालकाचा अॅड्रेस प्रुफ द्यावा. (लाइट बील, फोन बील किंवा पाणी बील यांपैकी कोणताही एक.) चेकच्या पाठीमागे पत्ता व मोबाइल नंबर लिहावा.

महत्त्वाची सूचना

विक्रेत्याकडे २० फेब्रुवारीपर्यंत चेक जमा झाल्यास अंक ५ मार्चपासून सुरू करण्यात येईल. त्यानंतर चेक जमा झाल्यास पुढील टप्प्यात अंक सुरू करण्यात येईल. वाचकांनी योजनेचा चेक आपल्या नियमीत विक्रेत्याकडेच जमा करावा.

बोगस सोसायट्यांनी बुडवला कर

February 14, 2015, 9:48 pm

≫ Next: ‘रिंगरोड’ ऐरणीवर

≪ Previous: मटा ५० रुपयांत

$

0

0

मारुती पाटील, कोल्हापूर

तलाठी व सर्कल यांचे बनावट सही व शिक्क्यांचा वापर करून गगनबावडा तालुक्यातील कोदे बुद्रुकमधील दोन, कोदे खुर्दमधील एक, तळये बुद्रुकमधील दोन आणि असंडोली आणि ठकारवाडीतील प्रत्येकी एक अशा सात सेवा सोसायट्यांची स्थापन करून सुमारे चार कोटींचे कर्ज उचलण्याचा प्रकार घडला आहे. या संस्थांची चौकशी झाल्यानंतर संबंधितांवर सहकार कायद्यांतर्गत कारवाईच्या सूचना गगनबावडा तहसीलदारांनी केल्या आहेत.

एका गावात दोन सेवा सोसायट्या असल्यास सेवा सोसायटी स्थापन करण्यास परवानगी दिली जात नाही. मात्र, दुसऱ्या संस्थांचे सभासद, त्यांचे सातबारा उतारे देण्यात आले. मात्र या उताऱ्यांवर तलाठी व सर्कलच्या बनावट सही शिक्क्यांचा वापर केला गेल्याचे आतापर्यंतच्या तपासात निष्पन्न झाले आहे. याविरोधात असंडोलीतील प्रकाश देसाई यांनी तक्रार दाखल केल्यानंतर तहसीलदारांसमोर कागदपत्रांची तपासणी करून सहकार निबंधकांकडे अहवाल सादर करण्यात आला आहे. या सेवा सोसायट्यांची शहानिशा न करता जिल्हा बँकेने सुमारे चार कोटींचे कर्ज वितरीत केले आहे. वितरीत कर्ज सभासदांना मिळाले की परस्पर हडप करण्यात आले याची माहिती अद्याप मिळालेले नाही. कोदेपैकी पाटीलवाडी नावाने सेवासंस्था स्थापन केली आहे. मात्र पाटीलवाडीच अस्तित्वात नसताना या संस्थेला पन्नास लाख रुपयांचे कर्ज परस्पर देण्यात आले.

थकीत व बोगस सेवा संस्था

दत्त विकास सेवा संस्था - कोदे खुर्द

महादेव हरी शिंदे विकास संस्था - कोदे खुर्द

पी. जी. शिंदे विकास संस्था - कोदे बुद्रुक

पांडुरंग विकास सेवा संस्था - ठाकरवाडी

पी. जी. शिंदे विकास संस्था - तळये बुद्रुक

विठ्ठलाई विकास संस्था - तळये बुद्रुक

जोतिर्लिंग विकास संस्था - असंडोली

‘रिंगरोड’ ऐरणीवर

February 15, 2015, 8:43 pm

≫ Next: कॉ. पानसरे यांच्यावर भ्याड हल्ला

≪ Previous: बोगस सोसायट्यांनी बुडवला कर

$

0

0

गडहिंग्लजला संयुक्त बैठकीत रस्ता तात्पुरता खुला करण्यावर सहमती

म. टा. वृत्तसेवा, गडहिंग्लज

मे महिन्यात होणाऱ्या श्री महालक्ष्मी यात्रेच्या पार्श्वभूमीवर गडहिंग्लज शहरातील वाहतूक समस्या तसेच अनेक वर्षापासून प्रलंबित असलेल्या रिंगरोड संदर्भात तोडगा काढण्यासाठी संयुक्त बैठकत घेण्यात आली. बैठकीत संबधित शेतकऱ्यांनी यात्रा कालावधीत तात्पुरत्या स्वरुपात रस्ता खुला करण्यास सहमती दर्शवली आहे. नगरपालिकेच्या शाहू सभागृहात नगररचना विभगाचे सहाय्यक संचालक संजय चव्हाण यांच्या उपस्थितीत बैठक झाली. उपनगराध्यक्षा कावेरी चौगुले अध्यक्षस्थानी होत्या.

गेली अनेक वर्ष शहराच्या सभोवताली असलेल्या रिंगरोड विकासाचा प्रश्न प्रलंबित आहे. हा रस्ता काही शेतकऱ्यांच्या शेतजमिनीतून जात असल्यामुळे त्याची भरपाई मिळावी व संपादन व्हावी अशी त्यांची मागणी आहे. महालक्ष्मी यात्रेच्या पार्श्वभूमीवर गडहिंग्लज शहराभोवती असलेले रिंग रोड विकसित करणे आवश्यक आहे. त्याशिवाय शहरातील वाहतूक सुरक्षित होणार नाही. तेव्हा जमीन मालकांनी सहकार्य करावे, असे आवाहन उपनगराध्यक्षा चौगुले यांनी यावेळी केले.

आजरा रोड ते कडगाव रोडला जोडणारा ५० फुटी रस्ता दोन्ही बाजूनी विकसित करण्यात आलेला आहे. मात्र सर्व्हे क्र.१३३ पैकी सुरेश पाटील, बाबूराव पाटील, आप्पासो पाटील, मानसिंग पाटील, आनंदा पाटील, जयवंत पाटील यांनी बाजारभावाप्रमाणे किमंत मिळावी अशी मागणी केली. तसेच संकेश्वर रोड ते भडगाव रोडला जोडणारा ५० फुट रस्ता खुला होण्यासंदर्भात सर्व्हे क्र.८५/१ चे हिस्सेदार महेश पाटील यांचेशी सकारात्मक चर्चा झाली. डॉ.एम.एस.बेळगुद्री यांनी पालिकास्तरावर टीडीआर देणे शक्य आहे. मात्र ग्रामपंचायत हद्दीतील भूसंपादनासंदर्भात जिल्हाधिकारी राजाराम माने यांच्यासमवेत चर्चा करून वरिष्ठ पातळीवर निर्णय घेणे अपेक्षित आहे असे सुचविले.

गडहिंग्लज नगरपालिकेने वरील दोन्ही रस्त्यावर ५० लाख रुपये खर्च केला असून ८० टक्के रस्ता पूर्णत्वाकडे आला आहे. उर्वरित जमीन भूसंपादनासाठी आहे. तेव्हा संबधित जमीन मालकांना सरकारने पर्याय दिलेले आहेत. रस्त्यासाठी लागणारी जमीन करार करून दिल्यास त्यांचे मूल्यांकन बाजारभावाप्रमाणे करून रक्कम देता येईल, असे सहाय्यक संचालक चव्हाण यांनी स्पष्ट केले. बैठकीस गटनेते रामदास कुराडे, नगरसेविका सरिता गुरव, नगरसेवक हारुन सय्यद, नरेंद्र भद्रापुरे, मुख्याधिकारी तानाजी नरळे, नगरअभियंता रमेश पाटील आदींसह नागरिक उपस्थित होते.

सकारात्मक तोडगा नाहीच

बैठकीत रिंग रोडमध्ये जमीन जाणाऱ्या शेतकऱ्यांना नुकसान भरपाई देण्याबाबत चर्चा झाली. मात्र कोणताच सकारात्मक तोडगा निघाला नाही. शेतकरी योग्य नुकसान भरपाई मिळावी याबाबत आग्रही राहिले. श्री महालक्ष्मी यात्रा कालावधीत नगरपालिका व यात्रा कमिटीला सहकार्य करण्याच्या उद्देशाने संबधित शेतकऱ्यांनी यात्राकालावधीत तात्पुरता स्वरुपात रहदारीसाठी सहमती दिली आहे.

कॉ. पानसरे यांच्यावर भ्याड हल्ला

February 15, 2015, 9:03 pm

≫ Next: ‘कीटकांमुळेच मानवी अस्तित्व’

≪ Previous: ‘रिंगरोड’ ऐरणीवर

$

0

0

मटा ऑनलाइन वृत्त । कोल्हापूर

नरेंद्र दाभोलकर यांच्यावरील हल्लेखोर अद्याप मोकाट असताना शाहू महाराजांचा वारसा लाभलेल्या कोल्हापुरात महाराष्ट्रातील पुरोगामी चळवळीचे पितामह, ज्येष्ठ कम्युनिस्ट नेते, विचारवंत आणि कोल्हापूरकरांचे 'अण्णा' कॉम्रेड गोविंद पानसरे आणि त्यांच्या पत्नी उमा पानसरे यांच्यावर घराजवळच प्राणघातक हल्ला झाला आहे.

बाइकवरून आलेल्या दोघा अज्ञात हल्लेखोरांनी पानसरे यांच्यावर पाच गोळ्या झाडल्या आहेत. त्यामुळे पानसरे गंभीररीत्या जखमी झाले असून त्यांची प्रकृती चिंताजनक असल्याचे रुग्णालयाकडून सांगण्यात आले. दरम्यान, भरदिवसा झालेल्या या भ्याड हल्ल्याने 'पुरोगामी' महाराष्ट्राची मान पुन्हा एकदा शरमेने खाली गेली असून राज्यातील कायदा सुव्यवस्थेची लक्तरे वेशीवर टांगली गेली आहेत.

कोल्हापुरातील सागर माळ भागात पानसरे यांचे निवासस्थान असून सकाळी नऊ वाजताच्या सुमारास त्यांना हल्लेखोरांनी लक्ष्य केले. शिवाजी विद्यापीठ परिसरात 'मॉर्निंग वॉक' घेऊन परतत असताना घराजवळच पानसरे आणि त्यांच्या पत्नीवर हा हल्ला झाला. या हल्ल्यात त्यांची पत्नीही जखमी झाली आहे. पानसरे यांच्या मानेवर एक गोळी लागल्याचे सांगण्यात येत आहे. दोघांनाही जवळच्याच अॅस्टर आधार रुग्णालयात दाखल करण्यात आले आहे.

पानसरेंची प्रकृती चिंताजनक पण स्थिर

पानसरे यांची प्रकृती चिंताजनक पण स्थिर असल्याचे रुग्णालयाकडून स्पष्ट करण्यात आले आहे. स्कॅनिंगमध्ये पानसरे यांच्या शरीरात अद्याप एक गोळी असल्याचे आढळून आले असून दुपारी दीड वाजताच नेमकं मेडिकल बुलेटिन देता येईल, असे रुग्णालय प्रशासनाने सांगितले. पानसरे यांच्या पत्नी उमा यांच्या जीवाचा धोका टळलेला आहे. त्यांच्या डोक्याला मार लागला आहे. त्यांची प्रकृती स्थिर असल्याचे नमूद करण्यात आले. पानसरे यांच्यावर उपचार करणारे डॉ. दामले हे दुपारी माध्यमांशी बोलणार आहेत.

कोल्हापूरसह राज्यभर नाकाबंदी

पानसरे यांच्यावर हल्ला करणाऱ्यांच्या मुसक्या आवळण्यासाठी पोलिसांना कोल्हापूरसह राज्यभर नाकाबंदी करण्यास सांगण्यात आल्याचे गृह राज्यमंत्री राम शिंदे यांनी सांगितले. कोल्हापूरचे पोलीस अधिक्षक मनोजकुमार शर्मा घटनास्थळी दाखल झाल्याचेही त्यांनी नमूद केले.

दाभोलकर आणि पानसरेंवरील हल्ल्यात साम्य

पुण्यात नरेंद्र दाभोलकर यांच्यावर झालेला हल्ला आणि आज पानसरेंवर करण्यात आलेला हल्ला यात बरेचसे साम्य आहे. पानसरेंवर हल्ला करणारे हल्लेखोरही दोनच होते आणि आणि त्यांनी बाइकवरून येऊन त्यांच्यावर गोळ्या झाडल्या. दोन्ही हल्यांसाठी सकाळचीच वेळ निवडण्यात आली. त्यामुळे पोलीस त्याबाजूने काही धागेदोरे सापडतात का, याची चाचपणी करत आहेत.

टोलविरोधी आंदोलनाचे नेतृत्व

कोल्हापूरचं टोलविरोधी आंदोलन देशभर गाजत असून या आंदोलनाचे नेतृत्व गोविंद पानसरे हेच करत आहेत. पानसरे यांच्या नेतृत्वाखालीच 'टोलधाडी'विरोधात कोल्हापूरमधील सर्वपक्षीय नेते व सामान्य जनता एकवटली आहे. या पार्श्वभूमीवर पानसरे यांच्यावरील हल्यामागची कारणे शोधताना पोलिसांनी अनेक अॅंगल डोळ्यासमोर ठेवले आहेत. पानसरे यांनी अलिकडे केलेली भाषणे, टोलचे आंदोलन अशा सर्व बाबी पोलीस तपासणार असल्याचे कळते.