कोल्हापूर : विधापरिषदेच्या पुणे पदवीधर व शिक्षक मतदारसंघाची प्रारुप मतदार यादी शनिवारी (ता. २३) प्रसिद्ध करण्यात आली. जिल्हा प्रशासनातर्फे पदवीधर व शिक्षक मतदारसंघाची प्रारुप मतदार यादी पुणे विभागीय आयुक्त कार्यालयाकडे सादर करण्यात आली. जिल्हाधिकारी कार्यालयातील कर्मचारी प्रारुप यादी घेऊन पुण्याला गेले आहेत. पुणे विभागात पदवीधर मतदारसंघासाठी यंदा कोल्हापूर जिल्ह्यातून सर्वाधिक पदवीधर मतदारांची नोंदणी झाली आहे. तब्बल ७५,८२३ नोंदणी अर्ज दाखल झाले आहेत. या अर्जाची छाननी करुन मतदार यादी तयार करण्याचे काम जिल्हा प्रशासनाकडून सुरू होते. शिक्षक मतदारसंघासाठी नोंदणीसाठी १० हजार अर्ज दाखल झाले होते. शिक्षक व पदवीधर मतदारसंघातील प्रारुप मतदार याद्या पुणे विभागीय आयुक्त कार्यालय, जिल्हाधिकारी कार्यालय, जिल्ह्यातील प्रांत व तहसिलदार कार्यालयात पाहण्यासाठी उपलब्ध आहेत. या यादीवर २३ ते ९ डिसेंबर या कालावधीत हरकती नोंदविता येणार आहेत. त्याचवेळी या दोन्ही मतदारसंघासाठी मतदारांना नऊ डिसेंबरपर्यंत नावनोंदणी करता येणार आहे.

कोल्हापूर टाइम्स टीम

महाराष्ट्र राज्य औद्योगिक विकास महामंडळाने राज्यातील सर्वच एमआयडीसींमधील सेवा शुल्कात वाढ केल्यानंतर औद्योगिक संघटनांनी जोरदार विरोध केला आहे. कोल्हापुरातील औद्योगिक संघटनांनीही याबाबत नाराजी व्यक्त केली आहे. मात्र, गेल्या पाच वर्षात सेवाशुल्क वसुलीच्या जवळपास दुप्पट रक्कम सुविधांवर खर्च केल्याचा दावा एमआयडीसी अधिकाऱ्यांनी केला आहे.

दरम्यान, एमआयडीसी आणि ग्रामपंचायतींकडून होणाऱ्या दुहेरी कर वसुलीने उद्योजकांवर अतिरिक्त भार वाढत असल्याची उद्योजकांची तक्रार आहे. सेवाशुल्काच्या वाढीवरून उद्योजकांच्या संघटना आणि औद्योगिक विकास महामंडळ आमने-सामने उभे ठाकले आहे. यावर तातडीने तोडगा निघावा, अशी उद्योजकांची अपेक्षा आहे.

औद्योगिक वसाहतींमध्ये रस्ते, पाणी आणि दिवाबत्ती या सुविधा पुरवण्याचे काम औद्योगिक विकास महामंडळ करते. या सुविधांपोटी भूखंडधारकांकडून सेवाशुल्क वसूल केले जाते. यापूर्वी २००८ मध्ये सेवाशुल्कात वाढ झाली होती. यानंतर यंदा वाढ करण्यात आली असून, एक नोव्हेंबरपासून अंमलबजावणीही सुरू झाली आहे. एकदम चौपट वाढ झाल्याने उद्योजकांनी याला विरोध केला. आर्थिक मंदीच्या काळात सेवाशुल्कात मोठी वाढ करू नये, असा आग्रह उद्योजकांनी धरला आहे. सुविधा तयार करून भूखंड देण्याऐवजी भूखंड दिल्यानंतर सेवा पुरवल्या जात आहेत. मूलभूत सुविधा मिळवण्यासाठी वारंवार पाठपुरावा करावा लागतो. औद्योगिक विकास महामंडळासह ग्रामपंचायतीही करांची वसुली करतात. राज्य सरकारने ग्रामपंचातींची कर वसुली थांबवण्याचा निर्णय घेतला, मात्र याची अंमलबजावणी सुरू नाही. यामुळे दुहेरी करांचा भुर्दंड सोसावा लागत असल्याची उद्योजकांची तक्रार आहे. याशिवाय कर भरूनही ग्रामपंचायतींकडून कचऱ्याचा उठाव होत नसल्याचे उद्योजकांच्या संघटना सांगतात.

याबाबत औद्योगिक विकास महामंडळाच्या अधिकाऱ्यांना विचारणा केली असता, सेवाशुल्काच्या रकमेपेक्षा जास्त खर्च सुविधांवर करीत असल्याचा दावा त्यांनी केला आहे. मुळातच सेवा शुल्काची रक्कम नाममात्र होती. याशिवाय ११ वर्षांनंतर वाढ झाली. गेल्या पाच वर्षात शिरोली, गोकुळ शिरगाव आणि कागल एमआयडीसीतून सेवाशुल्कापोटी १७ कोटी १८ लाख रुपये जमा झाले. याउलट सुविधांवर ३० कोटी ४८ लाखांचा खर्च झाल्याचे अधिकाऱ्यांनी सांगितले. कागल एमआयडीसीतून सर्वाधिक १२ कोटी ५२ लाख रुपये जमा झाले, तर सात कोटी ३० लाखांचा खर्च केला. शिरोली आणि गोकुळ शिरगाव एमआयडीसीत खर्चाचे प्रमाण जास्त आहे, तर सेवा शुल्काचे प्रमाण खुपच कमी आहे. दिवाबत्तीसाठी केलेला खर्च यापेक्षा वेगळाच आहे. शिवाय सध्या कागल एमआयडीसीत ३० कोटींचे मुख्य रस्ते, तर अंतर्गत रस्त्याची सहा कोटींची कामे सुरू आहेत, असे एमआयडीसी अधिकाऱ्यांनी सांगितले.

पाच वर्षातील सेवाशुल्क आणि खर्च

कागल एमआयडीसी

कर वसुली - १२ कोटी ५२ लाख

सुविधांवरील खर्च - ७ कोटी ३० लाख

शिरोली एमआयडीसी

कर वसुली - २ कोटी ४२ लाख

सुविधांवरील खर्च - १० कोटी ९२ लाख

गोकुळ शिरगाव एमआयडीसी

कर वसुली - २ कोटी २४ लाख

सुविधांवरील खर्च - १२ कोटी २६ लाख

कोल्हापूर टाइम्स टीम

राज्यामध्ये शिवसेनेच्या नेतृत्वाखालील सरकार आकाराला येत असताना निवडणुकीतील पराभवाचे खापर फोडण्यावरुन शिवसेनेतील जिल्हाप्रमुख संजय पवार व माजी आमदार राजेश क्षीरसागर यांच्या गटातील अंतर्गत वाद उफाळला आहे. पवार व क्षीरसागर यांना मानणाऱ्या पदाधिकाऱ्यांनी एकमेकांची अब्रू चव्हाट्यावर आणण्याचे काम चालवले आहे. जिल्ह्यात एकमेवच आमदार निवडून येण्याची नामुष्की ओढवली असताना गटातटाच्या राजकारणाने शिवसैनिकांमध्ये पुन्हा अस्वस्थता पसरली आहे. त्यामुळे सरकार स्थापन झाल्यानंतर आगामी कालावधीत पदाधिकाऱ्यांचे बदल निश्चित केले जातील असे संकेत मिळत आहेत.

जिल्ह्यातील शिवसेनेमध्ये जिल्हाप्रमुख, शहरप्रमुखांमध्ये सत्ताकारणावरुन गटबाजीचे राजकारण कायम पेटलेले आहे. यावरुन अनेकदा हातघाईचे प्रसंग आले आहेत. त्यानंतर माजी आमदार राजेश क्षीरसागर व जिल्हाप्रमुख संजय पवार यांच्यातील वादाने जिल्ह्यातील शिवसेनेच्या वाटचालीला वेगळे वळण दिले. पवार व विजय देवणे एकाबाजूला व दुसऱ्याबाजूला क्षीरसागर असे गट पडले. त्यातून जिल्हाप्रमुखांप्रमाणेच शहरप्रमुखांचीही जादा पदे निर्माण करण्यात आली. यानंतर हा वाद थोडा निवळेल असे वाटत असताना महापालिकेची निवडणूक व स्थानिक पातळीवरील अन्य निवडणुकांमधून गटातील असंतोष वाढत गेला. एकमेकांच्या पदाधिकाऱ्यांच्या व नगरसेवकांच्या कार्यालयावर हल्ला करण्याचे गंभीर प्रकार झाले.

लोकसभेच्या निवडणुकीत पक्षाच्या उमेदवाराला मदत न केल्याचा ठपका ठेवत पवार यांनी क्षीरसागर यांना कोंडीत पकडले. त्यातून दोघांमधील दरी वाढत गेली व विधानसभा निवडणुकीच्या पार्श्वभूमीवर दोघांनी सामंजस्याने वाटचाल करण्याऐवजी क्षीरसागर यांनी पवार यांना बाजूला टाकण्याचे काम केले. त्यामुळे पवारही क्षीरसागर यांच्या प्रचारात उतरले नाहीत. त्यांच्यातील ही दरी स्पष्टपणे जाणवत होती. दुर्गेश लिंग्रस व कमलाकर जगदाळे या पवार यांच्या गटातील पदाधिकाऱ्यांना क्षीरसागर यांनी वेगवेगळ्या कारणांनी रडारवर ठेवल्याने त्यांनीही उघडपणे विरोधी उमेदवाराचा प्रचार केला. येथूनच या नव्या संघर्षाला सुरुवात झाली असे म्हटले तर वावगे ठरणार नाही.

क्षीरसागर यांच्याबाजूने शहरप्रमुख रविकिरण इंगवले यांनी जिल्हाप्रमुख पवार व त्यांच्या गटावर जहरी टीका केली. नुकत्याच आलेल्या पदाधिकाऱ्याने निवडणुकीचा संदर्भ देऊन जिल्हाप्रमुखांवर आरोप करण्याची ही पहिलीच वेळ आहे. त्यातून पवार यांचा गट इर्षेला पडला. त्यांनी क्षीरसागर व इंगवले यांनी निवडणुकीच्या पार्श्वभूमीवर केलेल्या चुकांचा पाढा वाचला. बेरजेचे राजकारण करण्यापेक्षा दोघांनी जुना वाद पेटवत ठेवल्याने पक्षाचा आमदार गमावला आहे ही मोठी खदखद शिवसैनिकांच्या मनात आहे.

निवडणुकीत काय झाले?

लोकसभा व विधानसभा निवडणुकीत नेमके काय झाले त्याचे अहवाल वरिष्ठांपर्यंत पोहचले आहेत. सध्या सरकार स्थापन करण्याबाबत हालचाली सुरू असल्याने पक्षांतर्गत बाबींकडे लक्ष देण्यात आलेले नाही. पण आगामी कालावधीत पदाधिकारी बदल होण्याची दाट शक्यता आहे. शिवसेनेच्या नेतृत्वाखालील सरकार आल्यास अन्य काही पदे मिळण्याची शक्यता आहे. त्यानुसार या सर्व शक्यता गृहित धरुन संघटनेमध्ये नक्कीच वेगळ्या व्यक्तींकडे जबाबदारी दिली जाऊ शकते.

सुप्त संघर्ष अधिक

जिल्ह्यात दोन खासदार, एक आमदार, तीन जिल्हाप्रमुख यांच्याबरोबर उपजिल्हाप्रमुख, शहरप्रमुख, तालुका प्रमुख अशी बरीच मोठी कार्यकारिणी आहे. क्षीरसागर व पवार यांच्यात थेट संघर्ष दिसत असला तरी अन्य पदाधिकाऱ्यांमध्येही सारे आलबेल आहे असे दिसत नाही. निवडणुकांमध्ये मदत केली अथवा नाही यावरुन हे सुप्त संघर्ष तेवत असून पक्षाच्या एकत्र मेळाव्यात त्यांचा स्फोट होण्याची शक्यता शिवसैनिकांमधून वर्तवली जात आहे.

Sachin.Yadav@timesgroup.com

Tweet@sachinyadavMT

कोल्हापूर : मनमानी भाडे आकारणी, दादागिरी, भाडे नाकारणे, रात्रीच्या वेळी तिप्पट भाडे, इ-मीटरचे सील तोडून फेरफार असे प्रकार करणाऱ्या काही रिक्षाचालकांकडून प्रवाशांची आर्थिक लूट सुरू आहे. अवैध रिक्षाचालकांकडून सुरू असलेल्या मुजोरीमुळे सर्वसामांन्य प्रवासी वैतागले आहेत. रिक्षाचा मालक वेगळा, चालक दुसराच असा सर्रास प्रकार असून यात गुन्हेगारांचा शिरकावही झाला आहे. अद्याप शहरातील काही स्टॉपवर 'बुलाव डाव' सुरू आहे. त्यामुळे नियमित रिक्षाचालकांचा व्यवसाय तोट्यात गेला आहे.

प्रादेशिक परिवहन अधिकारी (आरटीओ) आणि शहर वाहतूक नियंत्रण शाखेने प्रवाशांना भाड्यात लुबाडणूक करणे, सोबत कागदपत्र न बाळगणे आणि शिस्तीचे पालन न करणाऱ्या रिक्षांवर कारवाई सुरू केली आहे. आतापर्यंत ३२१ रिक्षांची तपासणी करुन ३० रिक्षांना मेमो देण्यात आला. त्यापैकी २१ रिक्षाचालकांजवळ कोणतीही कागदपत्रे नसल्याची आढळली. या रिक्षा ताब्यात घेण्यात आल्या. ही मोहीम सुरू असली तरी प्रवाशांना काही मुजोर रिक्षाचालकांकडून त्रास सुरुच आहे.

सार्वजनिक वाहतूक व्यवस्थेत एसटी, केएमटी सेवेसह रिक्षा स्थानिक प्रवासासाठीचा अविभाज्य घटक आहे. स्वत:चे वाहन बाळगणाऱ्यांनाही अनेकदा रिक्षाचा आधार घ्यावा लागतो. बाहेरगावाहून रेल्वे स्टेशन, मध्यवर्ती बस स्टँडवर उतरणाऱ्या प्रवाशांना घरी पोचण्यासाठी रात्री अपरात्री रिक्षाची सेवा घ्यावी लागते. अनेकदा रिक्षाचालकच रात्री-अपरात्री मदतीला धावून जातात. काही रिक्षाचालक माणुसकीच्या भावनेतून अनेकदा रुग्णवाहिकेचेही काम करतात. मात्र काही मुजोर चालकांमुळे हा व्यवसाय बदनाम होत चालला आहे.

सद्यस्थितीत शहरातील अनेक रिक्षा चालकांकडे लायसन, बॅच-बिल्ला, परमीट, फिटनेस प्रमाणपत्र नाही. भाडे निश्चित केलेले इ-मीटर प्रत्येक रिक्षात बसवलेले असले तरी काहींनी इ-मीटरचे सील तोडले आहे. त्यामुळे सीबीएसवर बसमधून उतरल्यावर उपनगरात जाण्यासाठी अनेकदा दोनशे रुपये भाडे आकाणी केली जाते.

सीबीएसवरील राजर्षी शाहू महाराज डे-नाइट रिक्षा मित्र मंडळ परिसरात थांबणाऱ्या बहुतांश रिक्षा चालकांकडे कागदपत्रे नाहीत. कळंबा कारागृहातून बाहेर पडलेले, संघटित गुन्हेगारी टोळीतील काहीजणांचा शिरकाव या व्यवसायात झाला आहे. प्रवाशांना अज्ञात स्थळी नेऊन लुटण्याचे प्रकारही घडले आहेत. रात्रीच्यावेळी प्रवाशांना मारहाण करून त्यांच्याकडील ऐवज घेऊन पळून गेल्याचे प्रकार घडले आहेत. त्यासाठी रिक्षाची नंबरप्लेटही अस्पष्ट केली जाते. बहुतांश रिक्षाचालक गणवेश घालत नाहीत. 'कोल्हापूर शहर', 'कोल्हापूर ग्रामीण' असा स्पष्ट उल्लेखही रिक्षावर नसतो. रात्री अकरा वाजल्यानंतर काही रिक्षाचालक प्रवाशांकडून तिप्पट ते चौपट भाडे आकारतात. परतीचे भाडे मिळत नसल्याचे कारण देत वारेमाप भाडे आकारले जाते.

वाहतूक पोलिस बेफिकीर

सीबीएससमोरील शहर वाहतूक नियंत्रण कक्षातील वाहतूक पोलिसांकडूनही प्रवाशांना सहकार्य केले जात नसल्याच्या तक्रारी काही प्रवाशांच्या आहेत. रिक्षाचालकांबाबत तक्रार केल्यावर प्रवाशांनाच तुम्ही शेअर ए रिक्षा करा, दुसऱ्या रिक्षाने जा असे पोलिस सांगतात. तक्रारी वाढल्यावर आरटीओ आणि वाहतूक शाखेकडून काही दिवसांपुरतीच कारवाई सुरू राहते. त्यात सातत्य नसल्याने बेकायदेशीर रिक्षा व्यवसायाला प्रोत्साहन मिळ‌त असल्याचे चित्र आहे.

सध्याचे भाडे

'आरटीओं'नी ऑटो रिक्षाचे दर निश्चित केले आहेत. पहिल्या एक किलोमीटरसाठी २० रुपये आणि पुढील प्रत्येक किलोमीटरच्या अंतरासाठी १७ रुपये भाडे आकारावे असा नियम आहे. रात्री बारा वाजल्यापासून पहाटे पाच वाजेपर्यंत मीटरच्या दीडपट भाडे आकारण्याची मुभा आहे. प्रत्यक्षात दुप्पट, तिप्पट भाडे आकारले जाते.

अनाधिकृत बस स्टॉप कुठे

- सीपीआर चौक ते भवानी मंडप रस्ता

- सीबीएस ते रेल्वे स्टेशन परिसर

- भवानी मंडप ते खासबाग मैदान

- अर्ध शिवाजी पुतळा ते महाद्वार रोड

- बिंदू चौक ते शिवाजी पुतळा परिसर

- सीपीआर चौक

- स्वयंभू गणेश मंदिर चौक परिसर

एसटी, केएमटी, रिक्षा एकाच ठिकाणी

मध्यवर्ती बसस्थानक, दाभोळकर कॉर्नर, सीपीआर चौक, टाउन हॉल एसटी स्टॉप, गंगावेश, रंकाळावेश स्टँड, संभाजीनगर बसस्टॉप, शिवाजी चौक, माळकर तिकटी, कोंडाओळ, भवानी मंडप, खासबाग मैदान, लेटेस्ट तरूण मंडळानजिक, जाधवांचा दवाखाना, कॉमर्स कॉलेज या ठिकाणी एसटी, केएमटी व रिक्षाचे स्टॉप एकाच ठिकाणी आहेत. त्यामुळे अनेकदा प्रवासी पळविण्याचे प्रकार घडतात.

रिक्षाचालकांविषयीच्या तक्रारी

- स्टॉप व्यतिरिक्त इतरत्र रिक्षा थांबवणे

- अवैध प्रवाशी वाहतूक

- जवळचे भाडे नाकारणे

- रस्त्यामध्येच रिक्षा बंद पडणे

- अस्वच्छ रिक्षा

- इ-मीटरमध्ये फेरफार, नादुरुस्त मिटर

- गणवेश, बिल्ला नसणे

- धुम्रपान, मद्यपान करून वाहन चालवणे,

- ठरलेल्या ठिकाणाऐवजी मध्येच प्रवासी सोडणे

- प्रवाशासोबत वादावादी

- मीटरचे कॅलिब्रेशन नाही

रिक्षा

२०३

अधिकृत रिक्षा स्टॉप

५००

अनधिकृत रिक्षा स्टॉप

१२

रिक्षा संघटना

१५४६८

ऑटो रिक्षाचे परवाने

४१२०

शहरात परवाने

१०२१५

ग्रामीण परवाने

..

फोटो आहेत.. अर्जुन टाकळकर

१) मध्यवर्ती बसस्थानकासमोरील राजर्षी शाहू महाराज डे-नाइट रिक्षा मित्र मंडळ

२) रस्त्याच्या मध्येच थांबून बुलाव डाव काही रिक्षाचालक करत असल्याने वाहतुकीची कोंडी होत आहे.

कोल्हापूर टाइम्स टीम

भारतात आयपीएलच्या धर्तीवर एक्स वन रेसिंग लिगची धूम सुरू होणार असून कोल्हापुरातील आंतरराष्ट्रीय कार रेसर कृष्णराज महाडिक अहमदाबाद संघाकडून करारबद्ध झाला आहे.

देशातील रेसिंग स्पर्धेला वेगळ्या उंचीवर नेण्यासाठी जेके टायर्स मोटर स्पोर्ट्स सज्ज झाले असून एक्स वन लीग रेसिंग स्पर्धा आयोजित करण्यात आली आहे. ही स्पर्धा दोन टप्प्यात होणार असून सहा फ्रँचाइजी संघांदरम्यान विजेतेपदासाठी लढत होणार आहे. दिग्गज रेसर करारबद्ध करण्याची प्रक्रिया नुकतीच मुंबई येथे पार पडली. कोल्हापुरच्या कृष्णराज महाडिकला आमदाबादच्या डी. जी. रेसिंगने करारबद्ध केले आहे. कृष्णराजची कामगिरी अत्यंत उत्कृष्ट असल्याने आम्ही संयुक्तपणे हा निर्णय घेतल्याचं डी. जी. रेसिंगच्या प्रमोटर्सनी सांगितलं आहे. स्पर्धेची पहिली फेरी ३० नोव्हेंबर आणि एक डिसेंबर रोजी दिल्लीतील बुद्ध आंतरराष्ट्रीय सर्किटवर होणार असून, दुसरी फेरी मद्रास मोटर रेस ट्रॅक, चेन्नई इथे पार पडणार आहे.

आयपीएलच्या धर्तीवर सहा संघांमध्ये विजेते पदासाठी लढत होणार आहे. चेन्नई, दिल्ली, बेंगलोर, अहमदाबाद, हैदराबाद आणि मुंबई या फ्रँचाईजींनी आपल्या संघासाठी बोली लावून रेसरची निवड करून त्यांना करारबद्ध केले आहे. नारायण कार्तिकेय, मलेशियन ड्रायव्हर लेक्स यंग, चीनचे फ्रांकी छिंग, एफ वन रेसर टोनी लुईझ, निकी लाडा आणि मतीस अशा दिग्गज रेसर्सना विविध संघांनी करारबद्ध केले. अत्यंत आगळीवेगळी आणि स्वतःची क्षमता सिद्ध करून दाखवायला संधी असलेली ही स्पर्धा असून, यामध्ये आपण निश्चितपणे चांगली कामगिरी करु, असा विश्वास कृष्णराजने बोलून दाखवला.

म. टा. प्रतिनिधी, कोल्हापूर

देशातील सर्व टोल नाक्यांवर वाहनधारकांकडून रोख रक्कम घेताना होणारा विलंब टाळण्यासह टोल वसुलीत सुसूत्रता यावी यासाठी सर्व प्रकारच्या वाहनांना 'फास्टटॅग' बंधनकारक केले आहे. फास्टटॅग स्टीकर नसल्यास वाहनधारकांना दुप्पट टोल भरावा लागणार आहे. राष्ट्रीय महामार्ग प्राधिकरणाच्या निर्णयाची अंमलबजावणी एक डिसेंबरपासून सुरू होणार आहे. त्यामुळे फास्टटॅग मिळवण्यासाठी वाहनधारकांची धांदल सुरू आहे.

राष्ट्रीय महामार्ग प्राधिकरणच्या अखत्यारितील महामार्गांवर सध्या बहुतांश टोल वसुली रोख स्वरुपात होते. गेल्या दीड वर्षांपासून विक्री होणाऱ्या नवीन वाहनांसाठी फास्टटॅग बंधनकारक केले आहे. मात्र, नवीन वाहनांकडूनही फास्टटॅगचा नियमित वापर होत नाही. फास्टटॅगचा वापर वाढावा, यासाठी सर्व टोल नाक्यांवर स्वतंत्र मार्गिका सुरू केली. पण याचा अपेक्षित वापर होत नव्हता. वाहनधारकांकडून रोख रक्कम घेताना टोल नाक्यांवर वाहनांच्या रांगा वाढत होत्या. याचा त्रास सर्वच वाहनधारकांना सहन करावा लागत होता. टोल नाक्यांवरील गर्दी टाळून वाहतूक गतिमान करण्यासाठी राष्ट्रीय महामार्ग प्राधिकरणने सर्व टोलनाक्यांवर सर्व प्रकारच्या वाहनांसाठी फास्टटॅग बंधनकारक केले आहे. त्यामुळे मार्ग फास्ट होणार असल्याचा दावा प्राधिकरणाचा आहे.

फास्टटॅग स्टिकर देण्याची व्यवस्था सर्व टोल नाक्यांवर केली आहे. याशिवाय काही बँकांमध्येही ही सोय उपलब्ध आहे. वाहतूकदार संघटनांचे प्रबोधन करून फास्टटॅग स्टीकर घेण्याच्या सूचना दिल्या जात आहेत. जास्तीत जास्त वाहनधारकांनी स्टीकर घ्यावे, यासाठी १०० रुपये अनामात रक्कम आकारली जात आहे. एक डिसेंबरपासून अनामत रक्कम ५०० रुपये केली जाणार आहे. मोबाइलवरही अॅपद्वारे फास्टटॅगची सुविधी दिली जात आहे. फास्टटॅगचे खाते वाहनधारकांच्या बँक खात्याशी जोडले असून, टोल नाक्यावरून जाताना थेट बँक खात्यातून टोलची रक्कम वजा होणार आहे. फास्टटॅगच्या वापरावर अडीच टक्के सवलत दिली जाणार आहे. एकदा घेतलेले स्टीकर पाच वर्षांसाठी चालेल. फास्टटॅगमुळे टोल नाक्यांवर रांगा दिसणार नाहीत, तसेच टोलवसुलीत पारदर्शकता येईल, असा विश्वास महामार्ग प्राधिकरणच्या अधिकाऱ्यांनी व्यक्त केला.

एक डिसेंबरपासून विना फास्टटॅग वाहनांसाठी दुप्पट टोलची आकारणी करण्याचे आदेश प्राधिकरणने दिले आहेत. याची काटेकोर अंमलबजावणी केली जाईल, अशी माहिती महामार्ग प्राधिकरणचे कोल्हापुरातील अधीक्षक बी. एस. साळुंखे यांनी दिली.

टोल नाक्यांसह मार्केट यार्डमध्ये फास्टटॅग

एक डिसेंबरपूर्वी जास्तीतजास्त वाहनधारकांना फास्टटॅग स्टीकर मिळावे, यासाठी किणी, तासवडे येथील टोल नाक्यांवर विक्रीची व्यवस्था सुरू आहे. याशिवाय शहरातील मार्केट यार्ड परिसरातही फास्टटॅगची व्यवस्था केली आहे. सर्व वाहतूकदार संघटनांशी संपर्क साधून वाहनधारकांना फास्टटॅग स्टीकर दिले जात आहे.

फास्टटॅगमुळे महामार्गांवरील वाहतूक गतिमान होऊन याचा फायदा वाहनधारकांना होईल. यातून महामार्गांवरील नेकमी कमाईदेखील स्पष्ट होईल. यानंतर तरी टोलची रक्कम किंवा टोल वसुलीचा कालावधी कमी व्हावा, अशी अपेक्षा आहे.

- सुधाकर इंगळे, वाहनधारक

प्राधिकरणच्या आदेशानुसार एक डिसेंबरपासून टोल नाक्यांवर फास्टटॅगची अंमलबजावणी सुरू होईल. तत्पूर्वी वाहनधारकांचे प्रबोधन आणि फास्टटॅगची विक्री सुरू आहे. फास्टटॅग नसल्यास दुप्पट टोलवसुली होणार असल्याने वाहनधारकांनी तातडीने फास्टटॅग स्टीकर घ्यावे.

- बी. एस. साळुंखे, अधीक्षक, राष्ट्रीय महामार्ग प्राधिकरण

म. टा. प्रतिनिधी, कोल्हापूर

सध्या राज्यामध्ये 'सत्तेसाठी सारे काही' हा खेळ सुरू आहे. युती आणि आघाडीधर्माला फाटा देत प्रत्येकजण सोयीचे राजकारण करत आहे. निकाल जाहीर होऊन एक महिन्याचा कालावधी उलटला, मात्र प्रगत राज्य म्हणून ओळखल्या जाणाऱ्या महाराष्ट्राला अजून सरकार लाभले नाही. राजकारणात रोज नवे डावपेच आणि खेळ सुरू आहेत. राजकारणाचा खेळखंडोबा झाल्यामुळे शेतकरी, सामान्य नागरिकांचे प्रश्न मात्र बाजूला पडले आहेत. राजकारण्यांचा हा व्यवहार लोकशाहीसाठी मारक ठरणारा आहे. राजकारणाचा खेळखंडोबा सुरू झाल्यामुळे गेले महिनाभर राज्याच्या विकासाच्या दृष्टीने कोणताही धोरणात्मक निर्णय झालेला नाही. यामुळे नागरिकांची फरफट सुरू असल्याच्या प्रतिक्रिया उमटत आहेत. अवकाळीचा फटका, वाढती महागाई, खुंटलेला रोजगार यामुळे सामान्य माणूस मेटाकुटीला आला आहे. जनतेच्या प्रश्नांवर कागदी घोडे नाचविणारी सरकारी यंत्रणा राजकारण्यांसाठी मात्र रात्रीचा दिवस करत असल्याचे चित्र पाहावयास मिळत आहे. अवकाळीमुळे शेतकरी उद्धवस्त झाला आहे, मात्र त्यांच्याकडे लक्ष द्यायला कुणाला वेळ नाही याकडे नागरिक लक्ष वेधत आहेत.

..............

राजकारण केवळ खुर्चीसाठी

देवेंद्र फडणवीस यांनी राष्ट्रवादीच्या पाठिंब्यावर सरकार स्थापन करणार नाही अशी जाहीर वल्गना केली होती. मात्र आता राष्ट्रवादीचे नेते अजित पवार यांना सोबत घेऊन सरकार स्थापण्याची घोषणा केली. फडणवीस व पवार यांनी शनिवारी सकाळी मंत्रीपदाची शपथ घेतल्याची बातमी झळकली आणि सामान्य नागरिक अवाक झाले. अशा खेळीमुळे राजकारणात नितीमूल्ये राहिलेली नाहीत हे सिद्ध झाले. राजकारण हे केवळ खुर्चीसाठी आहे, नागरिकांच्या मताला आम्ही जुमानत नाही हेच दाखविण्याची चढाओढ प्रत्येक पक्षात लागलेली आहे.

विश्वास साबळे, आर.के.नगर

.....

राजकारण्यांना सत्ता प्यारी

आदल्या दिवशी पेपर वाचताना वाटले, राजकीय संगीत खुर्ची स्पर्धा संपली. पण पुढे सकाळी वेगळ्याच घडामोडी समोर आल्या आणि स्वार्थी राजकारण समोर आले. सध्याच्या सगळ्या घडामोडी पाहिल्या की, राजकीय नेत्यांना सत्ता, खुर्ची आणि राजकारण महत्वाचे वाटते. बाकी राज्य, नागरिक, राज्याच्या विकासाला त्यांच्यालेखी काडीची किंमत नाही. सत्तेसाठी रोज नवीन खेळ, शह काटशहाच्या राजकारणाचा नागरिकांनी उबग आला आहे. राज्यासमोर अनेक प्रश्न आ वासून उभे असताना सगळे सत्तेसाठी झुंजत आहेत.

प्रमोद दबडे, लक्ष्मीपुरी

....

एकाच पक्षाला स्पष्ट बहुमत हवे

सकाळी अचानकपणे घडलेल्या सत्तास्थापनाचे नाट्यमय प्रकार आश्चर्यचकित करणारे होते. राज्यातील राजकारणामुळे पुन्हा एकदा सिद्ध झाले की, कोणताही पक्ष एकमेकांचा कायमचा शत्रू किंवा मित्र नसतो. निवडणुकीचे निकाल लागून ३० दिवस होत आले, अजून राज्यात सरकार नाही. कोणतेही दोन किंवा तीन पक्ष एकत्र आल्याशिवाय सत्ता स्थापन होऊ शकत नाही. मतदारांनी यापुढील निवडणुकीत तरी कोणताही पक्ष, युती किंवा आघाडीला स्पष्ट बहुमत द्यावे.

राजीव अंकली, कसबा बावडा

.....

सत्तेचा खेळ लोकशाहीला मारक

राज्यातील आजच्या राजकीय घडामोडी पाहिल्या असता राजकीय व्यवस्थेवरील विश्वासच उडून जात आहे. राजकीय नैतिकता, पक्षीय शिस्त संपलेली दिसून येते. आजच्या घटनेमुळे भारतीय लोकशाही धोक्यात आल्याचे स्पष्ट होत आहे. राज्यपाल आणि राष्ट्रपतींची भूमिका सुद्धा अनाकलनीय आहे. सत्तास्थापनेसाठी जे सुरू आहे ते लोकशाहीला मारक आहे. नागरिकांनी मोठ्या विश्वासाने लोकशाही प्रक्रियेत सहभाग घेत मतदान केले. राजकीय नेतेमंडळी मात्र स्वार्थी राजकारण करत आहेत.

डॉ. किशोर खिलारे, शिवाजी विद्यापीठ परिसर

....

सत्तेसाठी काहीही करण्याची तयारी

सकाळी नेहमीप्रमाणे चहा घेत असताना फडणवीस आणि अजित पवार हे मंत्रीपदाची शपथ घेत असल्याची बातमी झळकली. क्षणभर वाटले की, जुने संदर्भ, जुनी बातमी असेल. मात्र काही मिनिटातच वस्तुस्थिती स्पष्ट झाली आणि भूकंप झाल्याप्रमाणे धक्का बसला. बातमी खरी आहे का हे पाहण्यासाठी मित्रांना फोन केला. पेपरमध्ये महाविकास आघाडीचा मुख्यमंत्री होणार अशी बातमी आणि टीव्हीवर नवी घडामोड सगळेच अविश्वनीय होते. राजकारणी लोक सत्तेसाठी काय वाट्टेल ते करतील याची प्रचिती आली.

मंगेश सावंत, वाय.पी.पोवारनगर

...

मतदान करायचे की नाही ?

सकाळी कोदे येथून कोल्हापूरला कामाला जायला बसमध्ये बसलो. गाडी कळे येथे असताना मित्राचा फोन आला. बातम्या पाहतोय तर, 'फडवणीस मुख्यमंत्री व अजित पवार उपमुख्यमंत्री'पदाची शपथ घेत आहेत. कालपर्यंत वेगळ्या घडामोडी सुरू होत्या. रातोरात नवी समीकरणे, राजकारणातील या प्रकाराने मला तर धक्काच बसला. मी चुकून एसटीची बेल वाजवली. राज्यातील सत्तेचा खेळ पाहिला की मतदार मतदान करुन संभ्रमात पडले आहेत. यापुढे मतदान करायचे की नाही असा प्रश्न पडला आहे.

राजेंद्र धावडे, कोदे

...................

उबग आणणारा प्रकार

सध्याची राजकीय उलथापालथ पाहून चीड येत आहे. विधानसभा निवडणुकीत भाजप, शिवसेनेला बहुमत मिळाले होते. त्याचा आदर करुन सरकार स्थापण्याची आवश्यकता होती. मात्र तसे झाले नाही. भाजपने इतर पक्षांचे आमदार फोडणार नाही असे सांगितले होते. मात्र सत्तेसाठी राष्ट्रवादी काँग्रेसमधील एका गटाला, नेत्याला सोबत घेऊन सरकार स्थापन केले. भाजप स्वत:ला आदर्श विचारवादी पक्ष समजतो. पण त्यांनी ज्या प्रकारे सरकार स्थापन केले ते पाहिल्यावर भाजप सत्तेसाठी काहीही करू शकतो हे दाखवून दिले.

एम. ए. देसाई, सेवानिवृत्त कर्मचारी

....

जनसेवेचे मुखवटे गळून पडले

विधानसभेत कोणत्याही पक्षाने विश्वासमत ठराव जिंकला तरी आता सर्वच राजकीय पक्षांनी नागरिकांचा विश्वास गमावला आहे. नागरिकांचे प्रश्न, विचारधारा व नितीमत्तेला तिलांजली देऊन सत्ता हस्तगत करण्यासाठी कोणत्याही थराला जाण्याची भूमिका गेले महिनाभर राज्यातील नागरिक पाहत आहेत. सर्वच राजकीय पक्षांचे जनसेवेचे मुखवटे गळून पडले. सर्वचजण सत्तासुंदरीच्या प्रेमात वेडे झाले आहेत. सगळेच अनाकलनीय आहे. राजकारण्यांच्या व्यक्तीकेंद्रित खेळीमुळे त्यांचे खरे रुप पाहावयास मिळत आहे.

समीर नदाफ, कार्याध्यक्ष, जनशक्ती संघटना

.......

राजकारणात सेवाभाव उरला नाही

नागरिकांनी आता समजून घ्यावे की राजकारणात सेवा हा भाव उरलेला नाही. राजकारण हा एक व्यवसाय बनला आहे. मुख्यत्वे पक्षीय राजकारण दोन विरोधी विचारधारांवर चालायचे पण सत्तेसाठी नाती बदलून लग्नं लागत आहेत ते ही रातोरात. लोकशाहीचे दुर्दैव हेच की, राज्यपाल देखील या नाट्यात सामील झाल्याची टीका विविध पक्षांच्या नेत्यांनी केली. घटनात्मक पदावरील व्यक्ती भाजपच्या इशाऱ्यावर काम करत असतील तर येत्या काळात हुकूमशाहीचा सामना करायला राज्यातील नागरिकांनी तयार राहावे.

मेघा पाटील, गृहिणी

.........

सामान्य माणूस चक्रावला

गेले महिनाभर राज्यामध्ये राष्ट्रपती राजवट सुरू आहे. राज्याच्या हिताचा कुठलाही धोरणात्मक निर्णय नाही. मंदीमुळे व्यवसायावर परिणाम झाला असून रोजगार खुंटत आहेत. महागाई, मंदीमुळे सर्वसामान्य माणूस मेटाकुटीला आला आहे. लहानसहान व्यावसायिक अडचणीत सापडला आहे. मात्र राज्यात सत्तेचा खेळ सुरू आहे. रोज एक नवीन घटना घडत आहेत. यामुळे सामान्य माणूस चक्रावला आहे. वास्तविक लवकरात लवकर सरकार स्थापन होवून राज्याचा कारभार नागरिकांच्या हिताचा, शेतकऱ्यांच्या प्रश्नांच्या सोडवणुकीसाठी झाला पाहिजे.

राजू पसारे, हॉटेल व्यावसायिक

.....

शशिकला कुलकर्णी

कोल्हापूर : येथील श्रीमती शशिकला गोविंद कुलकर्णी खुपेरकर (वय ८३) यांचे निधन झाले. त्यांच्या पश्चात मुले, तीन मुली, जावई, सुना, नातवंडे असा परिवार आहे. अॅड. सी. जी. कुलकर्णी व अॅड. अमोल कुलकर्णी यांच्या त्या आई होत. रक्षाविसर्जन सोमवारी (ता. २५) रोजी सकाळी नऊ वाजता पंचगंगा स्मशानभूमी येथे आहे.

पांडुरंग पाटील

भाटणवाडी (ता. करवीर) येथील पांडुरंग संतू पाटील (वय ७४) यांचे निधन झाले. त्यांच्या पश्चात पत्नी, मुलगा, चार मुली, सून, नातवंडे असा परिवार आहे. माजी सरपंच परसु पाटील यांचे ते वडील होत. रक्षाविसर्जन सोमवारी (ता. २५) आहे.

म. टा. प्रतिनिधी, कोल्हापूर

पन्हाळा तालुक्यातील बाजारभोगाव प्राथमिक आरोग्य केंद्रातील वैद्यकीय अधिकारी डॉ. लता सरोळे यांनी एकाच कालावधीत दोन सरकारी कार्यालयांकडून हेतूपूर्वक पगार घेऊन जवळपास साडेतीन लाखांचा अपहार केला आहे. माहिती अधिकारातून हा गंभीर प्रकार समोर आला असून या प्रकरणी त्यांना सरकारी सेवेतून बडतर्फ करुन फसवणुकीचा गुन्हा दाखल करावा, अशी मागणी काँग्रेसचे प्रदेश सचिव संजय पाटील यांनी पत्रकार परिषदेत केली.

डॉ. सरोळे यांच्यावर कारवाई करावी यासाठी येत्या दोन दिवसात सीपीआर आणि जिल्हा परिषदेतील वरिष्ठ अधिकाऱ्यांकडे कागदपत्रांसह आवश्यक माहिती देणार असल्याचे पाटील यांनी सांगितले. दरम्यान, चार, पाच महिन्यांपूर्वी त्यांच्या कामकाजाविरोधात तक्रारी व आंदोलन केल्यावर जि.प.प्रशासनाने त्यांच्यावर कार्यमुक्तीची कारवाई केली होती. जि.प.च्या कारवाईला त्यांनी 'मॅट'मध्ये आव्हान देऊन स्थगिती मिळवली आहे.

पाटील म्हणाले, 'माहिती अधिकारात मिळालेल्या माहितीनुसार सरोळे या २०११ मध्ये जिल्हा परिषदेकडील सेवेंतर्गत चंदगड तालुक्यातील प्राथमिक आरोग्य केंद्र कानूर येथे कार्यरत होत्या. त्याचवेळी सीपीआर हॉस्पिटल व राजर्षी छत्रपती शाहू महाराज वैद्यकीय महाविद्यावलयात स्त्रीरोग व प्रसूतीशास्त्र विभागात कनिष्ठ निवासी १ या पदावरही नोकरी केल्याची कागदपत्रे उपलब्ध झाली आहेत. दोन्ही ठिकाणी मिळून त्यांनी दरमहा ३६ हजार आणि २९ हजार ९७ रुपये याप्रमाणे पगार उचलल्याचा प्रकार माहिती अधिकारात उघडकीस आला आहे. '

पाटील पुढे म्हणाले, ' माहिती अधिकारात सरोळे यांनी फेब्रुवारी २०११ ते जुलै २०११ या कालावधीतील दोन ठिकाणचे पगार घेत दरमहा ६६ हजार रुपयांची फसवणूक केल्याचे समोर आले आहे. त्यांनी जाणूनबुजून दोन ठिकाणचा पगार घेतल्याप्रकरणी सीपीआर व जिल्हा परिषदेने त्यांच्यावर फौजदारी गुन्हा दाखल करावा तसेच त्यांच्यावर बडतर्फीची कारवाई करावी. त्यांच्या नोकरीच्या इतर कालावधीतील माहितीची विचारणा केल्यावर कागदपत्रांना वाळवी लागल्याची उत्तरे सरकारी यंत्रणेकडून मिळाली. यावरुन त्यांना पाठीशी घालण्याचे काम आरोग्य विभागातील काही मंडळी करत आहेत. त्यांचीही चौकशी करावी.' पत्रकार परिषदेला राष्ट्रवादीचे नितीन पाटील, योगेश हातलगे आदी उपस्थित होते.

स्वहितासाठी राज्यकर्ते एकत्र

सद्यस्थितीत देश मंदीच्या विळख्यात आहे. अनेक मोठमोठे उद्योग बंद पडत आहेत. बेरोजगारीचा आकडा वाढत आहे. उद्योग व शेती ही दोन्ही क्षेत्रे टिकली तरच या संकटाचा सामना करता येईल. पण सध्या राज्यात राजकारणाचा खेळखंडोबा सुरू आहे. सध्याचा सत्तास्थापनेचा घोडेबाजार पाहता राज्यकर्ते स्वहित जपण्यासाठी एकत्र येत आहेत. अशाने पुढील निवडणुकीत मतदानाचा टक्का कमी होईल. बेशिस्त राजकीय समीकरणे आणि नीतीमूल्यांना डावलून व्यक्तीकेंद्रित राजकारण हे लोकशाहीसाठी धोकादायक आहे.

अनुप पाटील, उद्योजक

दुकॉलमी फोटो

बाजारभाव ... लोगो

म. टा. प्रतिनिधी, कोल्हापूर

शहर आणि कसबा बावडा येथील रविवार आठवडा बाजारात दर्जेदार मोठ्या कांद्याने किलोला शंभरी गाठली. कमी प्रतीच्या आणि लहान कांद्याचा प्रतिकिलोचा भाव ५० ते ६० रूपये असा राहिला. यामुळे सामान्य ग्राहकांचे आर्थिक गणित कोलमडले. कांद्याने खिशाला झळ बसल्याने अनेकांच्या डोळ्यात पाणी आले आहे. परिणामी प्रत्येक आठवड्याला पाच किलो कांदा खरेदी करणारे एक, दोन किलो तर एक किलो खरेदी करणारे केवळ अर्धा किलो कांदा खरेदी करताना दिसत आहेत. दरम्यान, पालेभाजी, फळभाज्यांचे दर स्थिर राहिले.

अतिवृष्टी, अवकाळी पावसाने कांदा पिकाचे मोठे नुकसान झाले. यामुळे बाजारात कांद्याची आवक घटली आहे. गेल्या एक महिन्यापासून प्रत्येक आठवड्याला कांद्याचा भाव वाढत राहिला. सध्या कमी प्रतीच्या कांद्याचा कमीत कमी दर ५० रूपये आहे. तर लसूण दर किलोला १४० ते १५० रूपये असा आहे. आल्याचा दर किलोला १०० रूपये होता. पालेभाज्यांची आवक वाढली आहे. यामुळे काही प्रमाणात मेथी, कोंथबीर, करडा, शेपू, पोकळ्याच्या पेंडीचा दर ५ रूपयांनी कमी झाला. प्रती लिंबू एक रूपये असा दर होता. आवक वाढल्याने लिंबूचा दर घसरला आहे. कोबी, फ्लॉवरच्या प्रती गड्ड्याचा दर १५ ते २० रूपये असा होता. बेळगावी घेवड्यांचा दर प्रती किलो ६० ते ८० रूपये होते. टोमॅटोची आवक वाढल्याने दर गेल्या आठवड्यापेक्षा पाच रूपयांनी कमी झाले. टोमॅटोचा किलोला १५ ते २० रूपये असा भाव होता.

..........

फळभाज्यांचे दर (प्रती किलो)

वांगी : ६०

टोमॅटो :३०

भेंडी :६०

ढबू :४०

गवार : ७५ ते ८०

दोडका : ५० ते ६०

कारली : ४० ते ५०

वरणा : ६० ते ८०

हिरवी मिरची :४०

फ्लॉवर :१० ते २०

कोबी : १५ ते २०

बटाटा : ३० ते ४०

आले :१०० ते १२०

मुळा : १५ ते २०

....

फळांचे प्रतिकिलोचे दर :

सफरचंद : १०० ते १५०

डाळिंब : ४० ते ८०

सिताफळ : ४० ते ६०

केळी :३० ते ६० डझन

जवारी केळी : ५० ते ६० झडन

...

पालेभाजीचे दर (पेंडी)

मेथी : १५ ते २० रूपये

कांदापात : १५ ते २० रूपये

कोथिंबीर : १५ ते २० रूपये

पालक :१५ ते २० रूपये

शेपू :१५ ते २० रूपये

चाकवत : १० ते १५ रूपये

करडा :१० ते १५ रूपये

वृत्तसंस्था, नवी दिल्ली

भारतीयांनी स्विस बँकेत दडवलेल्या काळ्या पैशांची माहिती जाणून घेण्याच्या प्रयत्नात असलेल्या केंद्र सरकारच्या प्रयत्नांना यश येत असताना या चौकशीतून सांगली येथील पटवर्धन परिवाराचे नाव उघड झाले आहे. पटवर्धन परिवाराचे वारसदार विजयसिंह पटवर्धन व त्यांची पत्नी रोहिणी पटवर्धन यांच्या नावे स्वित्झर्लंडच्या कर विभागाने नोटीस बजावली आहे. प्रसिद्ध अभिनेत्री भाग्यश्री पटवर्धन हिचे ते आईवडील आहेत.

केंद्र सरकारने स्वित्झर्लंड सरकारकडून काळ्या पैशाविषयी वेळोवेळी माहिती मागवली आहे. याच चौकशीचा भाग म्हणून विजयसिंह व रोहिणी पटवर्धन यांच्या स्विस बँकेतील ठेवींबाबत भारताने स्विस कर विभागाकडे तपशीलवार माहिती मागितली आहे. स्विस कर विभागाच्या नियमानुसार अशी माहिती देण्यापूर्वी संबंधित खातेदाराला आक्षेप नोंदवण्याची संधी दिली जाते. त्यानुसार स्विस कर विभागाने पटवर्धन दाम्पत्याशी एका सार्वजनिक सूचनेद्वारे संपर्क साधला असून या प्रकरणी प्रतिनिधी नेमावा, असे निर्देश दिले आहेत. स्विस बँकेने बजावलेल्या या नोटिशीनंतरच पटवर्धन परिवाराची नावे उघड झाली. स्विस सरकारने आपल्या विभागीय राजपत्रात (गॅझेट) १९ नोव्हेंबरला ही सूचना प्रसिद्ध केली असून या दोघांना १० दिवसांत प्रतिनिधी नेमण्यास सांगितले आहे.

प्रतिसाद नाही

या प्रकरणी विजयसिंह पटवर्धन व रोहिणी पटवर्धन यांच्याशी वारंवार प्रयत्न करूनही संपर्क होऊ शकला नाही. तसेच, त्यांच्या कंपनीच्या अधिकृत इ मेल आयडीवर पाठवण्यात आलेल्या प्रश्नांनाही त्यांनी उत्तर दिले नाही.

.. .. .

Appasaheb.mali@timesgroup.com

Tweet:Appasaheb_MT

कोल्हापूर

नानाविध प्रजातीच्या फुलझाडींनी बहरलेल्या आणि पश्चिम घाटातील दुर्मिळ वनस्पतींच्या बोटॅनिकल गार्डनमुळे वेगळेपण जपणाऱ्या शिवाजी विद्यापीठाचा कॅम्पसमध्ये १३६ प्रजातींच्या पक्ष्यांचा किलबिलाट अन् ५९ जातीच्या फुलपाखरांच्या वास्तव्याने मनमोहक रंगीबेरंगी दुनियेची सैर घडते. विद्यापीठ प्रशासनातर्फे सध्या कॅम्पसमधील जैवविविधतेचा डाटा संकलन सुरू आहे. पर्यावरणशास्त्र विभागातर्फे कॅम्पसमधील पक्षी, फुलपाखरे, सरपटणाऱ्या प्राण्यांचा अभ्यास अंतिम टप्प्यात आहे. पंधरा प्रकारचे साप आढळतात, शिवाय कॅम्पसमध्ये कोल्हा हा वन्यजीव नजरेस पडल्याचे अभ्यासक सांगतात.

विद्यापीठातील वनस्पतीशास्त्र विभागातर्फे वेगवेगळ्या प्रकारच्या वनस्पती, फुलझाडींच्या अभ्याससोबतच दुर्मिळ वनस्पतींचे संवर्धन व जतन सुरू आहे. लीड बोटॅनिकल गार्डन अंतर्गत कॅम्पसमध्ये पश्चिम घाटातील १,१२० दुर्मिळ वनस्पतींचे संवर्धन केले जाते. औषधी व दुर्मिळ वनस्पती आणि अन्य प्रकारची जैवविविधतेची नोंद राष्ट्रीयस्तरापर्यंत पोहचली आहे. 'नॅक'कमिटीतर्फे विद्यापीठाच्या होणाऱ्या मूल्यांकनाच्या पार्श्वभूमीवर संपूर्ण कॅम्पसमधील जैवविविधतेची माहिती एकत्र केली जात आहे. पर्यावरणशास्त्र विभागातर्फे पक्षी, फुलपाखरे, सरपटणारे प्राण्यांची माहिती संकलित केली जात आहे. हे काम जवळपास पूर्ण झाले आहे.

पर्यावरणविभागप्रमुख डॉ. पी. डी. राऊत, डॉ. आसावरी जाधव, प्रा. पल्लवी भोसले, अमोल चौगुले, विद्यार्थी स्वप्नील असोदे, शुभम कुरुंदवाडकर आदींच्या टीमने ही माहिती संकलित केली आहे. यामध्ये १३५ प्रकारचे पक्षी आढळले आहेत. ५९ जातीच्या फुलपाखरांची मनमोहक दुनिया नजरेस पडते. सस्तन प्राण्यामध्ये मुंगूस, घुस, उंदीर, खवल्या मांजरासह कोल्हासुद्धा नजरेस पडल्याचे अभ्यासक सांगतात. वेगवेगळ्या प्रकारची बदके आहेत. मोरांची संख्या मोठी आहे. उभयचर प्राण्यांमध्ये पंधरा प्रकारचे बेडूक आहेत.

.......

७६ प्रकारच्या फुलांनी बहरले निसर्गसौंदर्य

विद्यापीठाचा परिसर सध्या नानाविध फुलांनी बहरला आहे. कॅम्पसमध्ये ७६ प्रकारची रंगीबेरंगी फुले फुलली आहेत. यामुळे विद्यापीठ परिसरातील निसर्गसौंदर्य आणखी बहरले आहे. पांढऱ्या रंगाचे कृष्णकमळही आढळले आहे. याशिवाय कॉसमॉस, अकेशिया, केना, कुर्डू, सनफ्लॉवर, मेक्सिकन अशा फुलांचा समावेश आहे. रानफुलांचे अनोखे सौंदर्य अभ्यासकांसह नागरिकांना आकर्षित करत आहे. जास्वंदी, कर्दळे, गुलाब या फुलांनी सौंदर्यात भर पडली आहे.

....

कोट

विद्यापीठ कॅम्पस जैवविविधतेने समृद्ध आहे. प्रशासनाने जैवविविधतेच्या जपणुकीला प्राधान्य दिले आहे. वेगवेगळ्या वनस्पती, फुले, दुर्मिळ व औषधी वनस्पतींचे संवर्धन, झाडांची निगा राखली जाते. पक्षी, फुलपाखरांसह अन्य प्रकारचे प्राणीही कॅम्पसमध्ये आढळतात. वनस्पती, फुले आणि पक्षी, फुलपाखरांची इतकी विपुलता असणे हे जैवविविधतेच्या समृद्धतेचे प्रतीक समजले जाते.

डॉ. पी. डी. राऊत, विभागप्रमुख, पर्यावरणशास्त्र विभागप्रमुख

....

१५ जातींचे सर्प

विद्यापीठाचा विविध भाग वनस्पतींनी, झाडांनी व्यापला आहे. पक्षी, फुलपाखरांसाठी हा सारा परिसर पोषक आहे. कॅम्पसमध्ये १५ जातींचे साप आढळल्याची नोंद आहे. यामध्ये नाग, फुरसे, घोणस, मण्यार या विषारी जातींचे साप आहेत. हिरवा साप हा विषारी समजला जातो. दहा बिनविषारी साप आहेत. सरपटणाऱ्या प्राण्यांची संख्या मोठी आहे.

कोल्हापूर: श्री दत्तजयंतीनिमित्त कोल्हापूर ते श्रीक्षेत्र नारायणपूर अशी पायी दिंडी व पालखी सोहळ्याचे आयोजन केले आहे. प्रयाग चिखली संगमस्थळावरून सोमवारी (ता.२५) सकाळी नऊ वाजता दिंडीचे प्रस्थान होईल. दुपारी तीन वाजता पंचगंगा घाट येथे पालखीचे आगमन होईल. पंचगंगा घाट येथून दुपारी चार वाजता दिंडीचे गंगावेश येथील श्रीकृष्ण सरस्वती मठीस भेट तेथून रंकाळा बसस्थानक परिसर, ताराबाई रोड ते अंबाबाई मंदिर भेट असा पालखी मार्ग आहे. त्यानंतर शहरातील विविध भागातून फिरुन खोलखंडोबा देवस्थान बुधवार पेठ येथे मुक्काम असणार आहे. मंगळवारी (ता.२६) सकाळी सात वाजता प्रयाण व सकाळी आठ वाजता श्री दत्त मंदिर महाडिक माळ मार्गे श्री क्षेत्र नारायणकडे रवाना होईल असे संयोजकांनी कळविले आहे.

म. टा. वृत्तसेवा, आजरा

तालुक्यात गेले अनेक महिने हत्तींचा धुमाकुळ सुरू आहे. विशेषतः पश्चिम भागातील ग्रामस्थ त्रस्त आहेत. या पार्श्वभूमीवर, वनविभागाने संकटाच्या छायेत वावरणाऱ्या शेतकऱ्यांसाठी नियोजित 'हत्ती कॅम्प' बारगळल्याने हत्ती व्यवस्थापन केंद्र उभारण्याची नवी योजना आखली आहे. यानुसार शेतकऱ्यांना वनविभागासह स्थानिक तरुण हत्ती पिटाळण्यासाठी मदत करणार आहेत. यामुळे शेतकऱ्यांचे संभाव्य नुकसान तर टळणार आहेच, शिवाय अशा मदतकर्त्या स्थानिक तरुणांना रोजगारही मिळू शकणार आहे. येथील चाळोबा परिसरात हे केंद्र उभे राहणार आहे.

गेली १४-१५ वर्षे आजरा परिसर हत्तीच्या उपद्रवाने त्रस्त आहे. यावर्षी अतिवृष्टीबरोबरच सुगीच्या तोंडावर झालेल्या परतीच्या पावसाने पिकांचे मोठे नुकसान झाले आहे. त्यात उरली सुरली पिके वन्यप्राणी जमीनदोस्त करत आहेत. हत्तींचा उपद्रव यंदाही वाढला आहे. हत्तीरोधक चिली-स्मोक, एलिफंट गो-बॅकच्या मोहिमा फसल्या आहेत. या पार्श्वभूमीवर, पश्चिम भागात हत्तींच्या वावरामुळे पीक नुकसानीचे हे संकट अधिकच गडद झाले आहे. या महिनाभरातील पीक, अवजारे, पाण्याच्या टाक्या, पाइपलाइन आदी नुकसानीचा आकडा फारच मोठा आहे. यामुळे येथील शेतकरी हत्तींच्या बंदोबस्ताची मागणी करीत आहे. या पार्श्वभूमीवर आजरा वनविभागाने ही योजना राबविण्याचे ठरवले आहे.

या योजनेनुसार तालुक्याच्या ज्या भागात हत्ती उतरतो आणि नुकसान करतो, तेथील शेतकऱ्यांना तेथील वनविभाग कर्मचारी सहाय्य करतात. पण आता त्यांच्यासह स्थानिक धाडसी तरुणांची फौज कार्यरत राहणार आहे. त्यांना रोजंदारीवर पगार मिळेल. मात्र त्याआधी त्यांना सुरक्षा व माहिती देवाण-घेवाण करण्यासाठी अत्यावश्यक साहित्य पुरविले जाणार आहे. शेतकरी व वनविभागाकडून हत्ती अगमनाबाबत माहिती मिळताच वनविभाग सपोर्ट स्टाफसह तरुणांच्या मदतीने हत्तींना पळवून लावले जाणार आहे. यामुळे शेतकऱ्यांचे संभाव्य नुकसान टळणार आहे. अशी ही हत्ती व्यवस्थापन केंद्र योजना आहे. मात्र संबंधित तरुण व कर्मचाऱ्यांना हत्तीप्रवण क्षेत्रात राहुटी उभारणी, संपर्क यंत्रणा, स्लीपिंग बॅग्ज, मोठ्या विजेऱ्या आदी अत्यावश्यक साहित्य आठवडाभरात उपलब्ध होत आहे. त्यानंतर लगेचच याबाबतची कार्यवाही सुरू होईल, असे वनपरिक्षेत्र अधिकारी डॉ. सुनील लाड यांनी सांगितले.

चाळोबा क्षेत्रात पहिले केंद्र

सध्याच्या स्थितीत तालुक्याच्या धनगरमोळा ते मसोली दरम्यानच्या पट्ट्यात हत्तीचे नुकसान सुरू आहे. भात, ऊस, नाचणी पिकांसह नारळ, माड, काजूच्या झाडांना हत्तींनी लक्ष केले आहे. याबरोबरच शेतातील बैलगाड्या, पॉवर ट्रीलर, ट्रॅक्टर, पाण्याच्या टाक्यांसारखे शेतीउपयोगी साहित्यही सुटलेले नाही. चाळोबा डोंगरातून हत्ती शेतात उतरतो, आणि पुन्हा वस्तीला तेथेच जात असतो. यामुळे या परिसरातील मध्य म्हणून गवसे नजीकच्या चाळोबा परिसरात हे केंद्र स्थापित होत असल्याचे, डॉ. लाड यांनी स्पष्ट केले आहे.

Appasaheb.mali@timesgroup.com Tweet:Appasaheb_MT कोल्हापूर नानाविध प्रजातीच्या फुलझाडींनी बहरलेल्या आणि पश्चिम घाटातील दुर्मिळ वनस्पतींच्या बोटॅनिकल गार्डनमुळे वेगळेपण जपणाऱ्या शिवाजी विद्यापीठाचा कॅम्पसमध्ये १३६ प्रजातींच्या पक्ष्यांचा किलबिलाट अन् ५९ जातीच्या फुलपाखरांच्या वास्तव्याने मनमोहक रंगीबेरंगी दुनियेची सैर घडते. विद्यापीठ प्रशासनातर्फे सध्या कॅम्पसमधील जैवविविधतेचा डाटा संकलन सुरू आहे. पर्यावरणशास्त्र विभागातर्फे कॅम्पसमधील पक्षी, फुलपाखरे, सरपटणाऱ्या प्राण्यांचा अभ्यास अंतिम टप्प्यात आहे. पंधरा प्रकारचे साप आढळतात, शिवाय कॅम्पसमध्ये कोल्हा हा वन्यजीव नजरेस पडल्याचे अभ्यासक सांगतात. विद्यापीठातील वनस्पतीशास्त्र विभागातर्फे वेगवेगळ्या प्रकारच्या वनस्पती, फुलझाडींच्या अभ्याससोबतच दुर्मिळ वनस्पतींचे संवर्धन व जतन सुरू आहे. लीड बोटॅनिकल गार्डन अंतर्गत कॅम्पसमध्ये पश्चिम घाटातील १,१२० दुर्मिळ वनस्पतींचे संवर्धन केले जाते. औषधी व दुर्मिळ वनस्पती आणि अन्य प्रकारची जैवविविधतेची नोंद राष्ट्रीयस्तरापर्यंत पोहचली आहे. 'नॅक'कमिटीतर्फे विद्यापीठाच्या होणाऱ्या मूल्यांकनाच्या पार्श्वभूमीवर संपूर्ण कॅम्पसमधील जैवविविधतेची माहिती एकत्र केली जात आहे. पर्यावरणशास्त्र विभागातर्फे पक्षी, फुलपाखरे, सरपटणारे प्राण्यांची माहिती संकलित केली जात आहे. हे काम जवळपास पूर्ण झाले आहे. पर्यावरणविभागप्रमुख डॉ. पी. डी. राऊत, डॉ. आसावरी जाधव, प्रा. पल्लवी भोसले, अमोल चौगुले, विद्यार्थी स्वप्नील असोदे, शुभम कुरुंदवाडकर आदींच्या टीमने ही माहिती संकलित केली आहे. यामध्ये १३५ प्रकारचे पक्षी आढळले आहेत. ५९ जातीच्या फुलपाखरांची मनमोहक दुनिया नजरेस पडते. सस्तन प्राण्यामध्ये मुंगूस, घुस, उंदीर, खवल्या मांजरासह कोल्हासुद्धा नजरेस पडल्याचे अभ्यासक सांगतात. वेगवेगळ्या प्रकारची बदके आहेत. मोरांची संख्या मोठी आहे. उभयचर प्राण्यांमध्ये पंधरा प्रकारचे बेडूक आहेत. ७६ प्रकारच्या फुलांनी बहरले निसर्गसौंदर्य विद्यापीठाचा परिसर सध्या नानाविध फुलांनी बहरला आहे. कॅम्पसमध्ये ७६ प्रकारची रंगीबेरंगी फुले फुलली आहेत. यामुळे विद्यापीठ परिसरातील निसर्गसौंदर्य आणखी बहरले आहे. पांढऱ्या रंगाचे कृष्णकमळही आढळले आहे. याशिवाय कॉसमॉस, अकेशिया, केना, कुर्डू, सनफ्लॉवर, मेक्सिकन अशा फुलांचा समावेश आहे. रानफुलांचे अनोखे सौंदर्य अभ्यासकांसह नागरिकांना आकर्षित करत आहे. जास्वंदी, कर्दळे, गुलाब या फुलांनी सौंदर्यात भर पडली आहे. १५ जातींचे सर्प विद्यापीठाचा विविध भाग वनस्पतींनी, झाडांनी व्यापला आहे. पक्षी, फुलपाखरांसाठी हा सारा परिसर पोषक आहे. कॅम्पसमध्ये १५ जातींचे साप आढळल्याची नोंद आहे. यामध्ये नाग, फुरसे, घोणस, मण्यार या विषारी जातींचे साप आहेत. हिरवा साप हा विषारी समजला जातो. दहा बिनविषारी साप आहेत. सरपटणाऱ्या प्राण्यांची संख्या मोठी आहे. कोट विद्यापीठ कॅम्पस जैवविविधतेने समृद्ध आहे. प्रशासनाने जैवविविधतेच्या जपणुकीला प्राधान्य दिले आहे. वेगवेगळ्या वनस्पती, फुले, दुर्मिळ व औषधी वनस्पतींचे संवर्धन, झाडांची निगा राखली जाते. पक्षी, फुलपाखरांसह अन्य प्रकारचे प्राणीही कॅम्पसमध्ये आढळतात. वनस्पती, फुले आणि पक्षी, फुलपाखरांची इतकी विपुलता असणे हे जैवविविधतेच्या समृद्धतेचे प्रतीक समजले जाते. डॉ. पी. डी. राऊत, विभागप्रमुख, पर्यावरणशास्त्र विभागप्रमुख

कोल्हापूर : शिवसेनाप्रमुख बाळासाहेब ठाकरे यांच्या स्मृतिदिनी राजारामपुरी २ री गल्ली येथील शक्तीस्थळ येथे मान्यवरांनी पुष्पहार अर्पण करुन अभिवादन केले. शिवसेनेचे माजी शहरप्रमुख दुर्गेश लिंग्रस यांनी पुढाकार घेऊन राजारामपुरीत शिवसेनाप्रमुख बाळासाहेब ठाकरे यांच्या नावांनी शक्तीस्थळ उभारले आहे. नगरसेवक संजय मोहिते, शिवसेनेचे उपजिल्हाप्रमुख सुजित चव्हाण, कमलाकार जगदाळे, विराज ओतारी, योगेश शिंदे, वीरु सांगावकर, रवी चौगुले आदी उपस्थित होते.

कोल्हापूर टाइम्स टीम

महापुराच्या कालावधीत संकटाशी सामना करत वीज पुरवठा सुरळीत करणाऱ्या वीज कर्मचाऱ्यांचा सत्कार महावितरण कार्यालयात झाला. कंपनीतर्फे ५९२ कर्मचाऱ्यांना रोख बक्षीस व प्रशस्तीपत्र देऊन गौरवण्यात आले. सांघिक कार्यालयाने रोख बक्षीसापोटी पाच लाख रुपये दिले. परिमंडलचे मुख्य अभियंता अनिल भोसले, अधीक्षक अभियंता अंकुर कावळे यांच्या हस्ते कर्मचाऱ्यांचा सत्कार झाला.

'महापुराच्या कालावधीत सुरक्षेच्या कारणास्तव वीजपुरवठा बंद करणे अथवा पूर ओसरल्यानंतर तो सुरू करणे ही दोन्ही कामे आव्हानात्मक होती. अशा प्रतिकूल परिस्थितीमध्ये वीज कर्मचाऱ्यांनी पूरबाधित भाग वगळता उर्वरित भागांचा वीजपुरवठा सुरळीत ठेवण्यासाठी दिवसरात्र मेहनत केली. पूर ओसरताच टप्प्याटप्प्याने वीजपुरवठा सुरळीत केला' असे गौरवोद्गार विविध अधिकाऱ्यांनी काढले. मोठी जोखीम पत्करुन विशेष कार्य करणाऱ्या कोल्हापूर जिल्ह्यातील ४७५ नियमित कर्मचाऱ्यांना रोख बक्षीस व उत्कृष्ट कर्मचारी म्हणून सत्कार झाला. ११७ कर्मचाऱ्यांना रोख बक्षीसे दिली. ज्यांनी कर्मचाऱ्यांच्या खांद्याला खांदा लावून साथ दिली अशा ६५५ कर्मचाऱ्यांना प्रशस्तीपत्रे दिली. अधीक्षक अभियंता कावळे यांनी प्रास्ताविक केले. शकील महात व संभाजी कांबळे यांनी सूत्रसंचालन केले. कार्यकारी अभियंता राजेंद्र हजारे यांनी आभार मानले.

भित्तीपत्राचे अनावरण

महापूर काळात केलेले काम सांघिक शक्तीचे दर्शन घडविणारे होते. या कामातून कर्मचाऱ्यांना सदैव प्रेरणा मिळावी यासाठी विद्युत भवन परिसरात 'महापुराशी दोन हात' या विषयाचे भित्तीचित्राचे प्रदर्शन भरविले. मुख्य अभियंता भोसले यांच्या हस्ते अनावरण झाले.

कोल्हापूर टाइम्स टीम

'तीर्थक्षेत्र विकास आराखड्यातील दर्शन मंडप, पार्किंगसाठी सरकारकडून आलेला निधी वापरण्यास महापालिकेने सुरुवात करावी. सरकारकडून पुढील निधी थांबला तर देवस्थान समिती स्वत:चा निधी देऊन आराखड्यातील कामे पूर्ण करून देईल,' अशी ग्वाही पश्चिम महाराष्ट्र देवस्थान समितीचे अध्यक्ष महेश जाधव यांनी दिली. महापालिकेत महापौर अॅड. सूरमंजिरी लाटकर यांच्या अध्यक्षतेखाली पदाधिकारी, नगरसेवक, अधिकारी, देवस्थान समितीचे पदाधिकारी, सदस्य व अधिकाऱ्यांची एकत्रित बैठक झाली. दरम्यान, 'देवस्थान समितीने मंदिराभोवतीच्या सहा किलोमीटर लांबीच्या प्रमुख रस्त्यांसाठी पाच कोटी रुपयांचा निधी देण्याचा शब्द दिला आहे. त्याची समितीच्या आणि सरकारच्या पातळीवरील प्रक्रिया पूर्ण करुन चांगल्या दर्जाचे रस्ते करुन देऊ,' असेही जाधव यांनी सांगितले.

अंबाबाई मंदिरात येणाऱ्या भाविकांना विविध प्रकारच्या सुविधा देण्यासाठी देवस्थान समिती तत्पर आहे. त्याचे प्रस्ताव महापालिकेने द्यावेत. दर महिन्याला आयुक्त व समितीचे सचिवांची बैठक व्हावी, तीर्थक्षेत्र विकास आराखड्यातील कामे सुरू करण्याच्यादृष्टीने गतिमान निर्णय घ्यावेत, असे बैठकीत ठरविण्यात आले. स्थायी समितीचे सभापती शारंगधर देशमुख यांनी देवस्थान समितीने पाचऐवजी दहा कोटी रुपयांपर्यंत निधी रस्त्यांसाठी महापालिकेला देण्याचा ठराव करावा, अशी विनंती केली.

देवस्थान समितीचे अध्यक्ष जाधव म्हणाले, 'पावसामुळे रस्ते खराब झाले आहेत. त्याचा अंबाबाईला येणाऱ्या भाविकांना त्रास होत आहे. सर्वपक्षीय कृती समितीने आमच्याकडे रस्त्यांसाठी निधी देण्याची मागणी केली. त्यासाठी समितीचे सदस्य व सचिवही सकारात्मक आहेत. आम्ही तो ठराव करुन देऊ. पण सरकारच्या पातळीवरीलही प्रक्रिया पूर्ण कराव्या लागतील. त्या निधीचा वापर कशा पद्धतीने करायचा याबाबत महापालिका व समितीची बैठक होण्याची गरज आहे. रस्त्यांची कामे समिती स्वत: किंवा सार्वजनिक बांधकाम विभागाकडून करून घेतली जातील. चांगले रस्ते नागरिकांना, भाविकांना देऊ. मंदिराच्या भोवतीची अतिक्रमणे महापालिका दूर करत नाही. विविध कामांसाठी या वर्षात ५० लाख रुपयांचा निधी दिला. पण, त्याचा विनीयोग गतीने होत नाही हे दुर्देव आहे. तीर्थक्षेत्र आराखड्यापैकी दर्शन मंडपाचा नवीन आराखडा तयार केला आहे. त्यानुसार तातडीने काम सुरू करावे. महापालिकेने निधी वापरुन गतीने कामे केली तर कामांसाठी आणखी निधी देऊ. त्याचे प्रस्ताव द्यावेत. स्मशानभूमी, शववाहिका, अन्य वाहनांसाठी समितीच्या पातळीवर निर्णय घेऊन निधी देता येऊ शकतो.'

महापौर लाटकर म्हणाल्या, देवस्थान समिती आणि महापालिका या दोन्ही संस्थांनी एकत्र काम केले तर भाविक व नागरिकांना शहरात चांगल्या सुविधा देता येऊ शकतील. चांगले शहर निर्माण करण्यासाठी दोघांनीही प्रयत्न करावेत.'

आयुक्त डॉ. मल्लिनाथ कलशेट्टी म्हणाले, 'तीर्थक्षेत्र आराखड्यातील नवीन दर्शन मंडपाचा आराखडा निश्चितीसाठी आठ दिवसांत बैठक घेतली जाईल. निधीचा योग्य पद्धतीने वापर केला जाईल. मंदिर परिसरातील अतिक्रमणे हटविण्यासाठी महापालिका कार्यवाही करेल. विकासकामांना वेग देण्यासाठी समितीच्या सचिवांसोबत दर महिन्याला बैठक घेऊ.'

देवस्थान समितीचे सचिव विजय पोवार म्हणाले, 'महापालिकेने पाच कोटी रुपयांच्या निधीतून करण्यात येणाऱ्या रस्ते व गटारींचे प्रस्ताव दिले आहेत. दर्शन मंडप, पार्किंगचे काम तातडीने सुरू करण्याची गरज आहे.'

उपशहर अभियंता हर्षजित घाटगे यांनी विकासकामांची माहिती दिली. उपमहापौर संजय मोहिते, सभागृह नेता दिलीप पोवार, नगरसेवक ईश्वर परमार, माजी महापौर हसीना फरास, श्रावण फडतारे, अतिरिक्त आयुक्त नितीन देसाई आदी उपस्थित होते.

- शहराच्या विकासासाठी निधी देण्यास देवस्थान समिती सकारात्मक

- अन्य विकासकामांच्या निधीसाठी महापालिका प्रस्ताव देणार

- दर महिन्याला आयुक्त व समितीच्या सचिवांची बैठक

- तीर्थक्षेत्र योजनेतील कामे तातडीने सुरू करण्याचा निर्णय

पाच कोटींच्या निधीतून ही कामे

- गुजरी रोड, जोतिबा रोड, महाद्वार रोड, बिनखांबी मंदिर ते मिरजकर तिकटी रस्ता व गटर

- गुरुमहाराज वाडा रोड, ताराबाई रोड, बिनखांबी मंदिर ते उभा मारुती चौक रस्ता व गटर

- करवीर नगर वाचन मंदिर ते बिंदू चौक सबजेल रस्ता व गटर

- शिवाजी पुतळा ते भवानी मंडप रस्ता, मिरजकर तिकटी ते बिंदू चौक गटर

- वसंत मेडिकल ते जोतिबा रोड गटर, ताराबाई रोडवर फूटपाथ