म. टा. प्रतिनिधी, कोल्हापूर

काँग्रेस, राष्ट्रवादी कॉँग्रेस व स्वाभिमानी शेतकरी संघटनेच्या प्रमुख नेत्यांची आज, बुधवारी मुंबईत बैठक होत आहे. काँग्रेस मित्रपक्ष आघाडीकडून विधानसभा निवडणुकीची यादी जाहीर होणार आहे. राज्यातील काही जागांबाबत आघाडीतील मित्रपक्षांत मतभेद निर्माण झाले आहेत. एकाच मतदारसंघावर आघाडीतील मित्रपक्षांनी दावा केल्यामुळे उमेदवारी यादी जाहीर करण्यास विलंब होत आहे. राष्ट्रवादीचे नेते शरद पवार, काँग्रेसचे प्रदेशाध्यक्ष बाळासाहेब थोरात, राष्ट्रवादीचे प्रदेशाध्यक्ष जयंत पाटील,विधान परिषेदतील विरोधी पक्षनेते धनंजय मुंडे, स्वाभिमानी शेतकरी संघटनेचे नेते माजी खासदार राजू शेट्टी यांच्या उपस्थितीमध्ये जागा वाटपावर शिक्कामोर्तब होईल. शिवाय आघाडी व मित्रपक्षाकडून उमेदवारांची यादी जाहीर केली जाणार आहे. काँग्रेसने पहिल्या टप्प्यात ५१ उमेदवारांची यादी जाहीर केली आहे. राष्ट्रवादीकडून मोजक्याच ठिकाणी उमेदवारी घोषित झाली आहे. स्वाभिमानीसह इतर मित्र पक्षांनी मिळून ४२ जागा मागितल्या आहेत.

पक्षाचा निर्णय मान्य, पवारांच्या आदेशानुसार काम

इस्लामपूर येथील बैठकीत जिल्हाध्यक्ष ए. वाय. यांनी 'साहेब, मी गेली दोन वर्षे निवडणुकीची तयारी करत आहे. पक्षाशी एकनिष्ठ आहे. पक्ष जो निर्णय घेईल तो मान्य असेल,' असे स्पष्ट केले. याप्रसंगी पक्षाचे नेते शरद पवार यांनी एवायना उद्देशून, 'मी पक्षाचा राष्ट्रीय अध्यक्ष आहे, तर तुम्ही जिल्हाध्यक्ष आहात. आपण दोघांनी थांबायचे आहे. पक्ष उमेदवारी देईल त्यांना निवडून आणायचे' असे सांगितले. त्यावर एवायनी, 'मी, तुमचा आदेश मानणारा कार्यकर्ता आहे. तुमच्यासोबत आहे. तुम्ही जो निर्णय घ्याल तो मान्य आहे,' असे सांगून केपींसोबत राहण्याची ग्वाही पवारांना दिली. शिवाय विधानसभा निवडणुकीत ए.वाय. यांचा संपूर्ण गट प्रचारात सक्रिय राहील. शिवाय शुक्रवारी के.पीं.चा उमेदवारी अर्ज दाखल करताना कार्यकर्ते मोठ्या संख्येने सहभागी होतील यासंबंधी खात्री दिल्याचे वृत्त आहे. याप्रसंगी प्रा. किसन चौगले, सर्जेराव पाटील गवसेकर, शिवाजी पाटील आदी उपस्थित होते.

००००

आमचं कधीचं फाटलं नव्हतं

पवारांच्या उपस्थितीत राधानगरीतील उमेदवारीसाठी के. पी. पाटील यांचे नाव निश्चित झाले. जिल्हाध्यक्ष ए. वाय. पाटील यांनी सोबत राहण्याची ग्वाही दिली. याप्रसंगी बोलताना के. पी. पाटील यांनी 'ए.वाय. आणि आमच्या कुटुंबीयांत दोन पिढ्यांचे नातेसंबंध आहे. रक्ताचे नाते आहे. मुळात आम्हा दोघांमध्ये कधीच फाटलं नव्हतं. उगाचंच वावड्या उठवल्या होत्या,' अशा भावना उपस्थितांसमोर व्यक्त केल्याचे समजते.

०००

म. टा. प्रतिनिधी, कोल्हापूर

'भाजप-शिवसेना युती झाली असल्याने अनेकजण नाराज झाले आहेत. काहीजण चिडून बंडखोरी करतील, अर्ज दाखल करतील. पण त्यांची पक्षावर श्रद्धा असल्याने सात तारखेपर्यंत सर्व बंडखोर माघार घेतील', असा आशावाद भाजपचे प्रदेशाध्यक्ष चंद्रकांत पाटील यांनी पत्रकारांशी बोलताना व्यक्त केला. त्याचवेळी त्यांनी १९८२ पासून पुण्याचे माझे नाते असल्याने पुणेकर मला परका मानत नाहीत, असा दावाही त्यांनी केला.

भाजपचे आमदार अमल महाडिक यांची उमेदवारी दाखल करण्यासाठी पाटील उपस्थित होते. त्यानंतर ते पत्रकारांशी बोलत होते. कोल्हापूरला भाजपला दोनच जागा मिळाल्या आहेत. यावर चर्चा होते हे बरोबर नाही, अशी खंत व्यक्त करत पाटील म्हणाले, 'युतीमध्ये जागा वाटप करताना फॉर्म्युला ठरला आहे. सात ते आठ जिल्ह्यात शिवसेनेला एकही जागा मिळालेली नाही. नागपूर आणि पुणे जिल्ह्यात सर्व जागा भाजपला मिळाल्या आहेत. शिवसेनेनेही त्यासाठी आग्रह धरला नाही. जागावाटपात न्याय-अन्याय होत राहतो. सातारा जिल्ह्यात भाजपला आठ पैकी पाच तर सांगली जिल्ह्यात आठ पैकी चार जागा मिळाल्या आहेत. कोल्हापूर जिल्ह्यात शिवसेनेचे सहा आमदार आहेत. गेल्यावेळी कागल आणि चंदगड मतदार संघात शिवसेना दुसऱ्या क्रमांकावर होती. त्यामुळे या जागा त्यांना मिळाल्या आहेत. कागलमध्ये समरजित घाटगे यांनी चांगली तयारी केली होती, हे मला मान्य आहे. त्यांच्यासाठी भाजपने खूप प्रयत्न केले. पण आमचे सर्व कार्यकर्ते चांगले असल्याने जागावाटपाचा निर्णय ते मान्य करतील.'

यावेळी प्रदेश उपाध्यक्ष माजी खासदार धनंजय महाडिक, पश्चिम महाराष्ट्र देवस्थान समितीचे अध्यक्ष महेश जाधव, आमदार अमल महाडिक, जिल्हा परिषद अध्यक्षा शौमिका महाडिक उपस्थित होत्या.

०० ०० ००

जागावाटप चार तारखेला कळेल

शिवसेना आणि भाजप यांची युती झाली आहे. दोन्ही पक्षांना जागा किती हे आता सांगता येणार नाही. चार ऑक्टोबरला कोणत्या पक्षाला किती जागा मिळाल्या, हे स्पष्ट होईल, असेही पाटील म्हणाले.

०० ०० ००

फोटो

म. टा. प्रतिनिधी, कोल्हापूर

'संस्थानकाळात कोल्हापुरात हायकोर्ट असल्याचे दाखले आणि पुरावे आहेत. मुंबई हायकोर्टाचे खंडपीठ कोल्हापुरात स्थापन होण्यासाठी वकीलांकडून गेली ३४ वर्षे लढा सुरु आहे. खंडपीठ स्थापनेत मुंबई आणि पुण्याचा अडथळा असला तरीही महाराष्ट्र आणि गोवा बार काऊन्सिलचे सदस्य विवेक घाटगे निश्चितच मार्ग काढतील. खंडपीठाचा लढा अंतिम टप्प्यात असून या लढ्याला जनतेचे पाठबळ राहील', असे प्रतिपादन श्रीमंत शाहू महाराज छत्रपती यांनी केले.

महाराष्ट्र आणि गोवा बार काउन्सिलच्या सदस्यपदी अॅड. विवेक घाटगे यांची निवड झाल्याबद्दल सर्वपक्षीय नागरी कृती समितीतर्फे श्रीमंत शाहू महाराज यांच्या हस्ते त्यांचा मंगळवारी दसरा चौकातील राजर्षी शाहू स्मारक भवनात नागरी सत्कार झाला. घाटगे यांचा मानपत्र, छत्रपती शिवाजी महाराजांचा पुतळा, शाल, श्रीफळ देवून सत्कार करण्यात आला. अध्यक्षस्थानी मुंबई हायकोर्टातील ज्येष्ठ वकील संभाजीराव मोहिते होते.

अॅड. विवेक घाटगे म्हणाले, 'शालेय वयापासूनच राजर्षी शाहू महाराजांचे विचार जोपासले. त्यांचा आदर्श डोळ्यासमोर ठेवूनच तळागाळातील घटकापर्यंत मदतीचा हात दिला. सामाजिक प्रश्नावरही आंदोलन करुन खंडपीठासाठी ५८ दिवस संप केला. येत्या काही दिवसांत खंडपीठ हेच ध्येय असणार आहे. प्रसंगी खंडपीठासाठी रक्त सांडण्याची तयारी आहे. त्यासह सामाजिक प्रश्नासाठी लढणाऱ्या आंदोलकांचे जिल्हा बार असोसिएशनतर्फे मोफत खटले लढविले जातील.'

अॅड. संभाजीराव मोहिते म्हणाले, 'राजर्षी शाहूंच्या विचारांची अंमलबजावणी करण्याची गरज आहे. त्यासह खंडपीठ ही कोल्हापुरासाठी काळाची गरज आहे.' याप्रसंगी महाराष्ट्र आणि गोवा बार काउन्सिलचे माजी सदस्य महादेवराव आडगुळे, जिल्हा बार असोसिएशनचे अध्यक्ष अॅड. रणजित गावडे, माजी अध्यक्ष अॅड. प्रशांत चिटणीस यांनी मनोगत व्यक्त केले. यावेळी महापौर माधवी गवंडी, उद्योगपती व्ही. बी. पाटील, अॅड. दीपक पाटील, नागरी सत्कार समितीचे निमंत्रक आर. के. पोवार, बाबा पार्टे, अॅड. प्रकाश मोरे, अशोक पोवार, जहिदा मुजावर, दिलीप पवार आदी उपस्थित होते. अॅड. गुरुप्रसाद माळकर यांनी सूत्रसंचालन केले. अनिल घाटगे यांनी मानपत्राचे वाचन केले.

...

कॉ. पानसरेंची आठवण

अॅड. महादेव आडगुळे यांनी यावेळी दिवगंत अॅड. गोविंद पानसरे यांच्या काही आठवणी सांगितल्या. तत्कालीन काळात महापालिकेने पाणीपट्टीत मोठी वाढ केली होती. त्यावेळी काउन्सिलचे सदस्य असलेले अॅड. पानसरे बार असोसिएशनमध्ये आले. त्यांनी वकिलांनी सामाजिक प्रश्नाकडे गांभीर्याने पाहून सामाजिक बांधिलकी जोपसण्याची गरज असल्याचे सांगून अनेकांची कानउघाडणी केली होती. त्यानंतर वकिलांनी महापालिकेवर मोर्चा काढून तत्कालीन आयुक्तांचा निषेध नोंदविला होता.

कोल्हापूर: जिल्ह्यातील अनधिकृत वैद्यकीय व्यवसायिकाविरोधात कडक पावले उचलण्यास जिल्हा आरोग्य विभागाने सुरुवात केली आहे. ज्या डॉक्टरांविषयी तक्रारी प्राप्त झाल्या आहेत, त्यांच्या वैद्यकीय प्रमाणपत्रांची तत्काळ तपासणी करण्याचे आदेश तालुका वैद्यकीय अधिकाऱ्यांना मंगळवारी देण्यात आले. मुख्य कार्यकारी अधिकारी अमन मित्तल व जिल्हा आरोग्य अधिकारी योगेश साळे यांच्या उपस्थितीमध्ये तालुका वैद्यकीय अधिकाऱ्यांची बैठक पार पडली. अनधिकृत वैद्यकीय व्यवसाय करताना आढळल्यास तत्काळ कारवाई करण्याचे आदेशही याप्रसंगी दिले.

राष्ट्रवादीचे माजी आमदार के.पी. पाटील आणि जिल्हाध्यक्ष ए.वाय. पाटील यांच्या मनोमिलन झाल्याने नाराज झालेले धैर्यशील पाटील-कौलवकर यांनी राधानगरी विधानसभा मतदार संघात बंडखोरी करण्याचा निर्णय घेतला आहे. पाटील हे के. पी. पाटील यांचे जावई असून ते भोगावती साखर कारखान्याचे माजी अध्यक्ष आहेत. राधानगरी मतदारसंघातील उमेदवारीवरुन के. पी. आणि ए. वाय. यांच्या उमेदवारीवरून दोन्ही गटात धुसफुस सुरू होती. हा वाद जिल्हा पातळीवर मिटला नसल्याने थेट खासदार शरद पवार यांच्यापर्यंत पोचला. के. पी. पाटील यांच्या उमेदवारीला पवारांनी हिरवा कंदील दाखवला असून ए. वाय. पाटील यांनी थांबण्याचा निर्णय घेतला. त्यामुळे नाराज झालेल्या के. पी. चे जावई धैर्यशील यांनी सासऱ्याच्या विरोधात उमेदवारी अर्ज भरण्याचा निर्णय घेतला आहे.

कोल्हापूर : दीड वर्षापूर्वी १७ वर्षाखालील भारतीय फुटबॉल संघात निवड झालेल्या कोल्हापुरातील अनिकेत जाधवला मुख्यमंत्री निधीतून दहा लाख रुपयांची मदत देण्यात आली. गेले अनेक दिवस ही मदत प्रलंबित होती. वृत्तपत्रांमध्ये आलेल्या बातम्यांची दखल घेताच सोमवारी मंत्रालयात दहा लाख रुपयांचा चेक अनिकेतच्या कुटुंबीयांकडे सुपूर्द करण्यात आला. फिफा जागतिक स्तरावरील फुटबॉल वर्ल्डकपमध्ये अनिकेतने भारताचे प्रतिनिधित्व केले. त्यानंतर मुख्यमंत्री देवेंद्र फडणवीस यांनी बक्षिसाची घोषणा केली होती. मात्र बक्षिसासाठी अनेकदा मंत्रालयात फेऱ्या मारूनही जाधव कुटुंबीयांना मदत मिळत नव्हती. अनिकेतचे वडील रिक्षाचालक आहेत. अनिकेतला खासदार संभाजीराजे, केएसएचे अध्यक्ष मालोजीराजे, मधुरिमाराजे छत्रपती यांचे मार्गदर्शन लाभले.

दरम्यान, सरकारने दिलेल्या मदतीबद्दल ऋणी आहे. नवोदित खेळाडूंच्या पाठीशी सरकारने कायम राहावे अशी अपेक्षा अनिकेत जाधवने व्यक्त केली.

कोल्हापूर : आर्ट ऑफ लिव्हिंगतर्फे चार ते सहा ऑक्टोबर या कालावधीत नवरात्रोत्सवानिमित्त धार्मिक व सांस्कृतिक कार्यक्रमांचे आयोजन केले आहे. होमहवन विधीसाठी आर्ट ऑफ लिव्हिंगच्या बेंगलोर आश्रममधील स्वामी विरुपाक्ष व अन्य वेदाचार्य उपस्थित राहणार असल्याची माहिती कार्यक्रमाचे समन्वयक नेहा हिडदुगी व वैदिक धर्म संस्थानचे जिल्हा समन्यवक पद्मनाभ देशपांडे यांनी दिली. आयर्विन मल्टिपर्पज हॉल येथे कार्यक्रम होणार आहेत. शुक्रवारी (ता. ४) रोजी सकाळी ८.३० वाजता गणेश व नवग्रह होम होईल. संध्याकाळी ४.३० वाजता वास्तू व चंडी होम कलश स्थापना होईल. शनिवारी (ता. ५) सकाळी सात वाजता महारुद्र होम, संध्याकाळी ५.३० वाजता महासुदर्शन होम आहे. रविवारी (ता. ६) सकाळी सात वाजता नवचंडी होम अंतर्गत पूर्णाहुती, कलशाभिषेक व महाप्रसादाचे आयोजन केले आहे. पत्रकार परिषदेला डिंपल गजवानी, समीर बगले, मंदिर चव्हाण, अनिमा दहिभाते, धनंजय चव्हाण, प्रवण लोले आदी उपस्थित होते.

कोल्हापूर टाइम्स टीम

डॉ. अण्णासाहेब चौगुले अर्बन को-ऑपरेटिव्ह बँकेची वार्षिक ६२ वी सर्वसाधारण सभा नुकतीच झाली. बँकेचे अध्यक्ष डॉ. अमरनाथ चौगुले यांच्या अध्यक्षतेखाली झालेल्या सभेत सभासदांना १० टक्के लाभांश देण्याचा ठराव मंजूर करण्यात आला.

नागरी सहकारी बँकांकडील कर्जदार हे कर्जमाफीपासून वंचित असून महापुरानंतर पूरग्रस्त शेतकरी, व्यापारी, उद्योजक यांच्यासाठी सरकारने कर्जमाफी जाहीर केली आहे. त्यामध्ये नागरी सहकारी बँकांच्या कर्जदारांचा समावेश करावा, अशी मागणी असा ठराव मंजूर करण्यात आला.

सभेत बोलताना डॉ. चौगुले म्हणाले, 'नैसर्गिक आपत्तीमुळे सभासद शेतकरी, उद्योजक, व्यापाऱ्यांचे मोठे नुकसान झाले आहे. रिझर्व्ह बँकेच्या नियम व मार्गदर्शक निकषानुसार नुकसान झालेल्या सभासदांच्या कर्जखात्यांची पुनर्रचना करण्याचा ठरवले आहे.'

मुख्य कार्यकारी अधिकारी रवीद्र गोंदकर यांनी नोटीस आणि अहवाल वाचन केले आहे. संचालक राजू वाली यांनी आभार मानले. सभेस माजी अध्यक्ष अजितराव चौगुले, सभासद मोठ्या संख्येने उपस्थित होते.

Uddhav.Godase@timesgroup.com

Tweet @Uddhavg_MT

कोल्हापूर : कोल्हापूर उत्तर मतदारसंघातून ऋतुराज पाटील यांनी काढता पाय घेतल्याने कॉँग्रेसच्या नेत्यांसमोर सक्षम उमेदवाराचा पेच निर्माण झाला आहे. इच्छुकांचे शक्तिप्रदर्शन सुरू असले तरी शिवसेनेचे विद्यमान आमदार राजेश क्षीरसागर यांना आ‌व्हान निर्माण करेल, असा उमेदवार अद्याप मिळालेला नाही. नेत्यांच्या दुर्लक्षामुळे उत्तर मतदारसंघातील कॉँग्रेसची शक्ती निरुपयोगी ठरत आहे. नेत्यांचा अवसानघातकीपणा येणाऱ्या काळात पक्षासाठी बाधक ठरू शकतो.

कोल्हापूर उत्तर मतदारसंघात महानगरपालिकेचे ५१ वॉर्ड आहेत. सर्वच वॉर्डांमध्ये कॉँग्रेसची मोठी ताकत आहे. यापैकी २९ वॉर्डांमध्ये कॉँग्रेसचे नगरसेवक आहेत, तर दोन वॉर्डांमध्ये कॉँग्रेससोबत असलेले अपक्ष नगरसेवक आहेत. १४ वॉर्डांमध्ये राष्ट्रवादीचे नगरसेवक आहेत. मतदारसंघातील ५१ पैकी ३० हून अधिक वॉर्डांमध्ये आघाडीची ताकत आहे. विशेष म्हणजे यात आमदार सतेज पाटील यांच्या प्रभावाखालील कसबा बावड्याचाही समावेश आहे. कसबा बावड्यातून एकही विरोधी नगरसेवक निवडून येत नाही.

एवढी मोठी ताकत असूनही उत्तर मतदारसंघात कॉँग्रेसला सक्षम उमेदवार मिळत नाही हे पक्षाच्या दृष्टीने दुर्दैवी आहे. कोल्हापूर दक्षिण मतदारसंघातून सतेज पाटील हे पुन्हा लढून मागील पराभवाचा वचपा काढण्यावर ठाम होते. यामुळे कोल्हापूर उत्तर मतदारसंघातून निवडणूक लढवण्याची तयारी ऋतुराज पाटील यांच्याकडून सुरू होती. गेली सहा महिने यादृष्टीने प्रयत्न सुरू होते. काँग्रेसच्या नेत्यांनी घेतलेल्या इच्छुक उमेदवारांच्या मुलाखतीतही ऋतुराज पाटील यांनी 'उत्तर'साठीच इच्छा व्यक्त केली होती. शिवाय माजी महापौर सागर चव्हाण, दौलत देसाई, संजय पाटील, तौफित मुल्लाणी, सचिन चव्हाण, अशोकराव साळोखे यांनीही मुलाखती दिल्या होत्या.

पहिल्या टप्प्यात या जागेसाठी मधुरिमाराजे छत्रपती यांचे नाव पुढे आले. मधुरिमाराजे यांनी निवडणूक लढवावी असेही प्रयत्न झाले. मात्र, याला यश आले नाही. त्यानंतर मराठा महासंघाचे जिल्हाध्यक्ष वसंतराव मुळीक यांचे नाव काही दिवस चर्चेत होते. सद्यस्थितीत अखिल भारतीय कॉँग्रेसचे सचिव बाजीराव खाडे यांना उमेदवारी मिळाल्याची चर्चा आहे. त्यापूर्वी चंद्रकांत जाधव यांच्या नावाचीही चर्चा काही दिवस झाली. उमेदवारी अर्ज भरण्याची मुदत अखेरच्या टप्प्यात आली तरी, उमेदवार निश्चित होत नसल्याने पक्षासमोर पेच कायम आहे. सक्षम उमेदवाराचे उत्तर नसणे हे राजकीयदृष्ट्या चिंताजनक आहे. नेत्यांना पर्यायी सक्षम उमेदवार घडवण्यात आलेले अपयश आणि राजकीय उदासिनता येणाऱ्या काळात पक्षासाठी घातक ठरू शकते.

मधुरिमाराजे अलिप्त

मधुरिमाराजे यांनी कॉँग्रेसच्या तिकिटावर निवडणूक लढवावी, यासाठी वरिष्ठ पातळीवरून प्रयत्न करण्यात आले. कॉँग्रेससह राष्ट्रवादीच्याही वरिष्ठ नेत्यांनी मधुरिमाराजे यांची मनधरणी करण्याचा प्रयत्न केला. मात्र, याला यश आलेले नाही. स्थिती पोषक असूनही या निवडणुकीपासून अलिप्त राहण्याचा निर्णय घेतला आहे असे त्यांच्यावतीने माजी आमदार मालोजीराजे यांनी जाहीर केले. या स्थितीत विरोधी उमेदवाराचा मार्ग अधिक सुकर बनू शकतो.

चर्चेतील इच्छूक

- दौलत देसाई

- वसंतराव मुळीक

- बाजीराव खाडे

- मधुरिमाराजे छत्रपती

- चंद्रकांत जाधव

कोल्हापूर टाइम्स टीम

नवरात्रोत्सवानिमित्त पर्यटक भाविकांची अंबाबाईच्या दर्शनासाठी मांदियाळी सुरू असताना उत्सवातील बाजारपेठही अर्थपूर्ण झाली आहे. पूजेचे साहित्य, फुलांचे हार, साडी, खण, नारळ, तेल, वात यांसारख्या साहित्यापासून सजावटीच्या वस्तू, खाद्यपदार्थ, दागिने व कोल्हापुरी मसाले यांच्या खरेदीसाठी मागणी वाढल्याने गेल्या चार दिवसांपासून प्रचंड आर्थिक उलाढाल झाली आहे. भाविकांच्या गर्दीने यात्री निवासासह मोठ्या हॉटेलच्या रुम्स पॅक झाल्या आहेत. हॉटेल्समध्येही गर्दी वाढली आहे. गेल्या महिन्यातील पूर परिस्थितीमुळे बाजारपेठेला आलेली मरगळ गळून पडली असून नवरात्रोत्सवात वाढलेल्या पर्यटकांच्या गर्दीने चैतन्य आले आहे.

रविवारी घटस्थापनेने नवरात्रोत्सवाला सुरूवात झाली. साडेतीन शक्तीपीठांपैकी एक असलेल्या करवीरनिवासिनी श्री अंबाबाई मंदिराचे महत्त्व करवीर काशी या नावाने देशभरात आहे. नवरात्र काळात गोवा, आंध्रप्रदेश, कर्नाटक, गुजरात येथून मोठ्या संख्येने भाविक देवीच्या दर्शनासाठी येतात. यंदा, गेल्या चार दिवसात दोन लाखांवर भाविकांनी देवीच्या दर्शनासाठी कोल्हापूरची भटकंती केली. या निमित्ताने कोल्हापुरातील पर्यटनस्थळांकडेही पर्यटक भाविक मोर्चा वळवत आहेत. खाद्यपदार्थ, कोल्हापुरी चप्पल, इरकली साड्या, मसाले, चटणी, गूळ याची खरेदी आवर्जुन केली जात असल्याने नवरात्रीच्या नऊ दिवसांत अर्थकारणालाही तेज आले आहे.

हॉटेल, यात्रीनिवास व्यवसाय तेजीत

अंबाबाईचे दर्शन घेण्यासाठी योग्य वेळ पहाटेची असल्याने बहुतांशी पर्यटक भाविक आदल्यादिवशी रात्रीच कोल्हापुरात मुक्कामासाठी येत आहेत. त्यामुळे अंबाबाई मंदिराच्या परिसरात दोनशे मीटर आवारात असलेल्या सर्व यात्री निवास व हॉटेल्समधील बुकिंग फुल्ल झाले आहे. ७०० ते १५०० रुपयांमध्ये हॉटेल्सच्या रुम भाविकांसाठी उपलब्ध होत आहेत. तर यात्री निवासमध्ये ५०० रुपयांपासून भाविकांना राहण्याची सुविधा मिळत आहे. जे भाविक पहाटे कोल्हापुरात येतात व देवीचे दर्शन करून पन्हाळा, जोतिबामार्गे परतीच्या प्रवासाला जातात त्यांना केवळ आंघोळ व सामान ठेवण्यासाठी रूमची गरज असते. ही गरज ओळखून मंदिर परिसरातील अनेक रहिवाशांनीही ही सेवा माफक दरात दिली आहे. त्यातून अनेकांचा रोजगार मिळाला आहे.

पॅकेज टूरमधून अर्थार्जन

अंबाबाईच्या दर्शनासाठी येणाऱ्या भाविकांना एक दिवसात जोतिबा, पन्हाळा, कणेरीमठ व नृसिंहवाडी अशी पॅकेज टूरची ऑफर देत रिक्षाचालकांनी अर्थार्जनाचा मार्ग शोधला आहे. मंदिर परिसरातील ताराबाई रोड रिक्षा स्टॉप, सरलष्कर भवन रिक्षा स्टॉप, बिनखांबी गणेशमंदिर रिक्षा स्टॉप येथे अशा पॅकेज टूरचे खास दरपत्रक भाविकांसाठी लावले आहे. २०० ते १००० रुपये आकारले जातात. त्यामुळे छोट्या कुटुंबांना अंबाबाई दर्शनानंतर कोल्हापूर दर्शन घडवत आर्थिक उलाढाल केली जात आहे.

रस्त्यावरचे मार्केट फुल्ल

पर्यटनाला गेल्यानंतर त्या-त्या शहरातील गजबजलेल्या बाजारपेठेत रोड मार्केटवर शॉपिंग करण्याचा वेगळाच आनंद असतो. अंबाबाई मंदिराच्या सभोवताली शहरातील मुख्य बाजारपेठ असल्यामुळे पर्यटकांना रोड मार्केटमध्ये फेरफटका मारण्याचा मोह होतो. महाद्वार रोड, जोतिबा रोड, ताराबाई रोड, बाजारगेट, पापाची तिकटी येथील बाजारात इमिटेशन ज्वेलरीपासून पर्स, साड्या, गजरे, कोल्हापुरी पदार्थ, कोल्हापुरी चप्पल, बांगड्या यांची खरेदी मोठ्या प्रमाणात होत आहे. खरेदी केलेल्या सामानासाठी बॅग खरेदीलाही मागणी वाढत आहे.

सकाळी मिसळ... दुपारी तांबडा-पांढरा

अंबाबाईच्या दर्शनाला येण्यापूर्वी झणझणीत मिसळचा नाष्टा तर दर्शनानंतर कोल्हापुरी तांबडा-पांढरा रस्सा असा बेत बहुतांश पर्यटकांकडून केला जात आहे. पर्यटकांच्या या खाद्य भ्रमंतीमुळे गेल्या चार ते पाच दिवसात मिसळ, कटवडा, मांसाहारी थाळी या पदार्थांच्या खवय्येगिरीलाही उधाण आले आहे. रात्रीपर्यंत खाद्य पदार्थांसाठी होणारी गर्दी वाढत आहे.

देवस्थान समितीकडून सुविधा

नवरात्रकाळात अंबाबाई मंदिरात दर्शनासाठी येणाऱ्या भाविकांना पश्चिम महाराष्ट्र देवस्थान समिती, महापालिका प्रशासन, वाहतूक पोलिसांकडून सर्व सुविधा पुरवण्यात आल्या आहेत. पर्यटक भाविकांनी शहरात प्रवेश केल्यापासून त्यांच्यासाठी दर्शनी भागात, मुख्य चौकात, वळणांवर ठळक दिशादर्शक फलक लावण्यात आल्यामुळे अत्यंत चांगली सोय झाली आहे. नवरात्रकाळात पर्यटकांच्या वाहनांसाठी शहरात विविध ठिकाणी पार्किंग व्यवस्था करण्यात आली आहे. यामध्ये चारचाकी वाहने व अवजड वाहने, बस यांच्यासाठी वेगवेगळी पार्किंग व्यवस्था आहे. गर्दीच्या ठिकाणी वाहनांनी प्रवेश करून वाहतूक व्यवस्था कोलमडू नये यासाठी शहराच्या चारही प्रवेशद्वारातून आत आल्यानंतर वाहनांच्या प्रकारानुसार पार्किंग कुठे आहे, त्यांचे त्या फलकापासूनचे अंतर याची माहिती फलकांवर लिहिल्याने वाहनचालकांना योग्य मार्गदर्शन मिळत आहे. ज्येष्ठ, अपंग भाविकांसाठी मंदिर देवस्थान व्यवस्थापनाच्यावतीने व्हिलचेअर, रँपची व्यवस्था केली आहे. मंदिरात शनि मंदिराकडील दरवाजाजवळ रँप तयार करण्यात आला असून व्हीलचेअरसाठी देवस्थान कार्यालयात संपर्क साधण्याचे आवाहन, फलक मंदिरात लावले आहेत. स्तनपान करणाऱ्या महिला भाविकांसाठी हिरकणी कक्ष स्थापन करून त्याबाबतची माहिती दर्शनरांगेत काम करणाऱ्या स्वयंसेवकांच्या माध्यमातून महिला भाविकांपर्यंत पोहोचवली जात आहे.

अंबाबाईची यमुनाष्टक रुपात पूजा

शारदीय नवरात्रोत्सवाच्या चौथ्या दिवशी बुधवारी करवीरनिवासिनी श्री अंबाबाईची यमुनाष्टक रुपात जडावी सालंकृत पूजा बांधण्यात आली. गांधी जयंतीची सुट्टी असल्यामुळे अंबाबाई मंदिरात भाविकांची प्रचंड गर्दी होती. दरम्यान, दुपारी चार वाजता तिरुपती बालाजी देवस्थानकडून अंबाबाईला येणारा मानाचा शालू बालाजी देवस्थानचे अध्यक्ष वाय. व्ही. सुब्बारेड्डी यांच्या हस्ते पश्चिम महाराष्ट्र देवस्थान समितीचे अध्यक्ष महेश जाधव यांनी स्वीकारला.

आद्य शंकराचार्यांनी रचलेल्या काव्यानुसार यमुनाष्टक रुपातील देवीची पूजा पाहण्याची पर्वणी भाविकांना मिळाली. गंगेप्रमाणे यमुनेलाही हिंदु धर्मात महत्व आहे. कृष्णचरित्राशी यमुनेचा घनिष्ट संबंध आहे. श्रीकृष्णच्या लीलांची यमुना साक्षीदार आहे. गंगेचे वाहन कासव मानले आहे. जिच्या काठावर कृष्णलीला घडल्या, मल्लिका व कदंबाची फुले बहरली त्या यमुनेचे वर्णन आद्य शंकराचार्यांच्या अष्टकरचनेत आहे. या रचनेतील वर्णनानुसार उमेश उदगावकर, पुरुषोत्तम ठाणेकर, श्रीनिवास जोशी यांनी ही पूजा बांधली.

कोल्हापूर टाइम्स टीम

येथील विंटेज फिल्म फाउंडेशनतर्फे ५ ते ६ ऑक्टोबरअखेर शाहू स्मारक भवनात विंटेज इंटरनॅशनल फिल्म फेस्टिव्हल होणार आहे. यासाठी भारतासह २१ देशांतील २१० लघुपट आले होते. त्यातून निवडलेल्या दर्जेदार ७२ कलाकृती रसिकांना या फेस्टिवलमध्ये विनामूल्य पाहण्यास मिळेल, अशी माहिती फाउंडेशनचे अध्यक्ष सचिन भोईराजे, चेतन पडोळे यांनी बुधवारी पत्रकार परिषदेत दिली.

ते म्हणाले, फेस्टिवलचे उदघाटन ५ ऑक्टोबरला साडे अकरा वाजता 'नेटिव्ह' या माहितीपटाने होणार आहे. यामध्ये भारतातील शेतकऱ्यांच्या प्रश्नांचीही तीव्रपणे प्रकाझोत टाकण्यात आला आहे. जागतिक चित्रपटांमध्ये इराण या देशाचा चांगलाच दबदबा आहे. तेथील लघुपटकर्त्यांनी बनविलेल्या लघुपटांचा आस्वाद 'कंट्री फोकस-इराण' या सदरात घेता येईल. ॲनिमेशन विभागात 'नाऊ युवर होम' (प्रसाद महेकर) या कोल्हापूरच्या लघुपटाची निवड झाली. या शिवाय स्थानिक लघुपटकर्त्याना प्रोत्साहन देण्यासाठी 'कोल्हापूर प्रिझम' या विभागात 'दृष्टिकोन' (अरुण अडसूळ), 'धागा' (सिद्धार्थ बदी), 'घुसमट' (मुकुंद खुपेरकर) हे लघुपट दाखविण्यात येणार आहे.

फेस्टिवलच्या दुसऱ्या दिवशी सकाळी साडे अकरापासून 'मी'पासून लघुपटांच्या सादरीकरणाराला सुरूवात होईल. याच दिवशी लघुपटकर्त्यांना व रसिकांना ज्युरींशी संवाद व्हावा, चित्रपट आणि सादरीकरणाविषयी, जुरी प्रोसेस विषयी माहिती मिळण्यासाठी 'मीट द ज्युरी' हे डॉ. अनमोल कोठाडिया यांचे विशेष सत्र होईल. याला सायंकाळी साडेसहा वाजता प्रारंभ होईल. यानंतर मान्यवरांच्या हस्ते पारितोषिक प्राप्त लघुपट, माहितीपट, म्युझिक व्हिडिओंना सन्मानित करण्यात येईल.

कोल्हापूर टाइम्स टीम

विधानसभा निवडणुकीच्या आचारसंहितेत पर्यटक आणि प्रवाशांची गैरसोय टाळण्यासाठी रात्री ११ पर्यंत शहर, जिल्ह्यातील हॉटेल, खानावळ सुरू ठेवण्यास जिल्हा निवडणूक प्रशासनाने परवानगी दिली आहे. बसस्थानक, रेल्वेस्टशन, हॉस्पिटल्स, औद्योगिक वसाहतींमधील उपहारगृहावर कोणतेही निर्बंध आणलेले नाहीत. ते नेहमीप्रमाणे रात्रभरही चालू राहणार आहेत. त्यामुळे रात्री, अपरात्री शहरात येणाऱ्यांना दिलासा मिळाला.

चार महिन्यांपूर्वी झालेल्या लोकसभा निवडणुकीच्या आचारसंहितेमध्ये शहर, परिसर, जिल्ह्यातील हॉटेल, खानावळ, बार रात्री साडेदहा नंतर बंद करण्यास प्रशासनाने भाग पाडले. याचे उल्लघंन केलेल्या हॉटेल मालकांवर कडक कारवाई केली. त्याचा धसका घेतल्याने साडे दहानंतर एकही हॉटेल सुरू राहिले नाही. यामुळे रात्री उशिरा येणारे पर्यटक, प्रवाशांची प्रचंड गैरसोय झाली. हॉटेल व्यावसायिकांना कोट्यावधींचा फटक सहन करावा लागला. म्हणून प्रशासनाविरोधात हॉटेल मालक संघ हायकोर्टात याचिका दाखल केली. त्यावरील निकाल प्रलंबित आहे.

दरम्यान, २१ सप्टेंबरला विधानसभेची आचारसंहिता लागू झाली. लोकसभेवळी कटू अनुभव आल्याने संघाच्या शिष्टमंडळाने जिल्हाधिकारी दौलत देसाई, जिल्हा पोलिसप्रमुख डॉ. अभिनव देशमुख यांची भेट घेतली. आचारसंहितेच्या कालावधीत दसरा, दिवाळी आहे. पर्यटकांचा ओढाही वाढला आहे. त्यामुळे रात्री ११ पर्यंत हॉटेल, खानावळ सुरू ठेवण्यास परवानगी देण्याची मागणी केली. ही मागणी प्रशासनाने मान्य केली. त्याचे स्वागत हॉटेल मालक संघाने केले आहे. पूर्वीप्रमाणे मध्यरात्रीही येणाऱ्यांना बसस्थानक, रेल्वेस्टेशनमधील हॉटेलमध्ये जेवण व इतर खाद्य पदार्थ मिळत असल्याने पर्यटकांची गैरसोय टळली आहे. हॉटेल व्यवसायिकांचाही संभाव्य आर्थिक फटका थांबला आहे.

आचारसंहितेच्या कालावधीत पर्यटकांची गैरसोय होऊ नये, यासाठी रात्री ११ पर्यंत हॉटेल, खानावळ चालू ठेवण्यास परवानगी मिळण्याची विनंती प्रशासनास केली होती. प्रशासनाने विनंती मान्य केली आहे. हॉटेल व्यवसायिकांना दिलासा मिळाला आहे. व्यवसायिकही प्रशासनास सहकार्य करीत आहेत. कायदा, सुव्यवस्थेचा प्रश्न निर्माण होऊ नये, त्याची काळजी घेतली आहे.

उज्ज्वल नागेशकर, अध्यक्ष, हॉटेल मालक संघ

Sachin.patil1@timesgroup.com

Tweet@sachinpMT

कोल्हापूर : परदेशात उच्च पदावर असलेल्या वरासोबत लग्न केल्यानंतर अनेक तरुणी तिथं स्थायिक झालो यातच धन्यता मानतात. काहीजणी तिथलं सुखासीन आयुष्य स्वीकारतात. पण, काहींनी मात्र अफाट मेहनत घेऊन जिद्द आणि कर्तृत्वाच्या जोरावर परदेशातही नावलौकिक मिळवत वेगळी वाट स्वीकारतात. मूळच्या कोल्हापूरच्या अश्विनी अभिजित पाटील यांनी विवाहानंतर अमेरिकेत तंत्रज्ञान क्षेत्रात कार्यरत रहात संशोधनातून अटकेपार झेंडा रोवला आहे. त्या सध्या कॅलिफोर्नियामध्ये स्मार्टफोन बनवणाऱ्या 'ब्लॅकबेरी' कंपनीत संशोधक म्हणून कार्यरत आहेत. प्रबळ इच्छाशक्तीच्या जोरावर त्यांनी अमेरिकेतही कोल्हापूरचे नाव उंचावले आहे.

खरंतर लग्नानंतर अनेक मुलींच्या करिअरला ब्रेक लागतो. त्यातही परदेशात उच्च पदावर कार्यरत असलेल्या मुलासोबत लग्न झाल्यानंतर तरुणी तेथील संसारात रममाण होतात. फारच कमी तरुणींना परदेशात आपल्या करिअरला आकार देता येतो. टाकाळा परिसरात अश्विनी यांचे घर आहे. त्यांचे शालेय शिक्षण कोल्हापुरात झाले. भारती विद्यापीठातून त्यांनी बॅचलर ऑफ कम्प्युटर अॅप्लिकेशन या विषयात पदवीचे शिक्षण घेतले.

अश्विनी यांनी अभिजित यांच्याशी विवाह झाल्यानंतर अमेरिकेत नोकरी करण्याचा निर्णय घेतला. त्यांच्या निर्णयाला कुटुंबीयांनी पाठिंबा दिला. अभिजित हे सॉफ्टवेअर इंजिनीअर असून ते कॅलिफोर्नियात कार्यरत आहेत. लग्नानंतर अश्विनी यांनी अमेरिकेत याच क्षेत्रातील पदव्युत्तर शिक्षण पूर्ण केले. 'कम्प्युटर अॅप्लिकेशन' या विषयात पदव्युत्तर शिक्षण घेतलेल्या अश्विनी यांनी नवतंत्रज्ञानाचा मार्ग स्वीकारला.

अश्विनी यांनी जगप्रसिद्ध गुगल कंपनीमध्ये अधिक काळ काम केले. स्मार्टफोन तंत्रज्ञानातील नव्या संकल्पनेवर काम करणाऱ्या 'गुगल'मधील मुख्य तंत्रज्ञांच्या टीममध्ये त्यांचा सहभाग होता. गुगलमधील अश्विनी यांच्या उल्लेखनीय कामगिरीनंतर त्यांना उद्योजकांसाठी स्मार्टफोन बनवण्यात अग्रणी असलेल्या ब्लॅकबेरी कंपनीत काम करण्याची संधी मिळाली. या संधीचे त्यांनी सोने केले. सध्या त्या ब्लॅकबेरीसोबत स्मार्टफोनमधील नव तंत्रज्ञानावर संशोधन करतात. गेली पंधरा वर्षांहून अधिक काळ त्या तंत्रज्ञान क्षेत्रात कार्यरत आहेत. माहिती व संप्रेषण यामध्ये संशोधनाचे त्यांचे काम सुरू आहे. सध्याचे बदलते जग स्मार्टफोनवर चालते. या क्षेत्रात आमूलाग्र क्रांती झाल्याचे पाहायला मिळते. दर महिन्याला मोबाइलमधील तंत्रज्ञानात बदल होताना दिसतात. यामागे शेकडो तंत्रज्ञांचे रात्रंदिवस संशोधनाचा महत्त्वाचा वाटा असतो. नवे तंत्रज्ञान ग्राहकाला आवडेल आणि त्याच्या दैनंदिन गरजा पूर्ण करेल असे असावे यासाठी संशोधकांचा प्रयत्न असतो. यात अश्विनी यांचा मोठा सहभाग आहे.

अमेरिकेत घरकामासाठी नोकर मिळवणे सर्वाधिक जिकिरीचे असते. त्यामुळे भारतातून तिकडे स्थायिक झालेल्या महिलांना कुटुंबाची जबाबदारी सांभाळून नोकरीत लक्ष द्यावे लागते. अश्विनी यांनी कुटुंब आणि नोकरीतील जबाबदारी सक्षमपणे पेलली आहे. 'लग्नानंतरही मुलींनी आवडीच्या क्षेत्रात कार्यरत राहून आपल्यातील 'स्व'चा शोध प्राधान्याने घ्यायला हवा' असे त्या आवर्जून सांगतात. भारतीय मुलींमध्ये प्रचंड गुणवत्ता आहे. त्यांनी धाडसाने, आत्मविश्वासाने पुढे पाऊल टाकल्यास मोठे नाव कमावता येईल असा विश्वास त्यांना वाटतो. तंत्रज्ञानाच्या क्षेत्रात करिअर करू पाहणाऱ्या मुलींसाठी 'अश्विनी' या नवदुर्गा ठरतील.

लोगो : नवदुर्गा

कोल्हापूर टाइम्स टीम येथील विंटेज फिल्म फाउंडेशनतर्फे ५ ते ६ ऑक्टोबरअखेर शाहू स्मारक भवनात विंटेज इंटरनॅशनल फिल्म फेस्टिव्हल होणार आहे. यासाठी भारतासह २१ देशांतील २१० लघुपट आले होते. त्यातून निवडलेल्या दर्जेदार ७२ कलाकृती रसिकांना या फेस्टिवलमध्ये विनामूल्य पाहण्यास मिळेल, अशी माहिती फाउंडेशनचे अध्यक्ष सचिन भोईराजे, चेतन पडोळे यांनी बुधवारी पत्रकार परिषदेत दिली. ते म्हणाले, फेस्टिवलचे उदघाटन ५ ऑक्टोबरला साडे अकरा वाजता 'नेटिव्ह' या माहितीपटाने होणार आहे. यामध्ये भारतातील शेतकऱ्यांच्या प्रश्नांचीही तीव्रपणे प्रकाझोत टाकण्यात आला आहे. जागतिक चित्रपटांमध्ये इराण या देशाचा चांगलाच दबदबा आहे. तेथील लघुपटकर्त्यांनी बनविलेल्या लघुपटांचा आस्वाद 'कंट्री फोकस-इराण' या सदरात घेता येईल. ॲनिमेशन विभागात 'नाऊ युवर होम' (प्रसाद महेकर) या कोल्हापूरच्या लघुपटाची निवड झाली. या शिवाय स्थानिक लघुपटकर्त्याना प्रोत्साहन देण्यासाठी 'कोल्हापूर प्रिझम' या विभागात 'दृष्टिकोन' (अरुण अडसूळ), 'धागा' (सिद्धार्थ बदी), 'घुसमट' (मुकुंद खुपेरकर) हे लघुपट दाखविण्यात येणार आहे. फेस्टिवलच्या दुसऱ्या दिवशी सकाळी साडे अकरापासून 'मी'पासून लघुपटांच्या सादरीकरणाराला सुरूवात होईल. याच दिवशी लघुपटकर्त्यांना व रसिकांना ज्युरींशी संवाद व्हावा, चित्रपट आणि सादरीकरणाविषयी, जुरी प्रोसेस विषयी माहिती मिळण्यासाठी 'मीट द ज्युरी' हे डॉ. अनमोल कोठाडिया यांचे विशेष सत्र होईल. याला सायंकाळी साडेसहा वाजता प्रारंभ होईल. यानंतर मान्यवरांच्या हस्ते पारितोषिक प्राप्त लघुपट, माहितीपट, म्युझिक व्हिडिओंना सन्मानित करण्यात येईल.

कोल्हापूर टाइम्स टीम

दी कोल्हापूर अर्बन को-ऑपरेटिव्ह बँकेची १०६ वी वार्षिक सर्वसाधारण सभा बँकेचे अध्यक्ष उमेश निगडे-देशमुख यांचे अध्यक्षतेखाली खेळीमेळीत झाली. बँकेने सभासदांना १५ टक्के लाभांश जाहीर केला.

अध्यक्ष निगडे म्हणाले, 'बँकेच्या ठेवीमध्ये ९.६४ टक्के वाढ झाली आहे तर कर्जामध्ये १४.५६ टक्के वाढ झाली. बँकेचा स्वनिधी १३५ कोटी रुपये असून सीआरएआर १८.७१ टक्के इतका अत्यंत भक्कम आहे. बँकेने सर्व तरतुदी करुन १०.६८ कोटी निव्वळ नफा मिळविला. बँकेने मागील १२ वर्षांपासून निव्वळ एनपीए प्रमाण शून्य टक्के ठेवले आहे. ग्रॉस एनपीएचे प्रमाण ६.३५ टक्के राखणेत यश मिळवले आहे.'

यदांच्या अतिवृष्टीमुळे महापुरात नुकसान झालेल्या बँकच्या पूरगस्त सभासदांच्या कुटुंबाला पाच हजार रुपयांची मदत करण्याच्या निर्णयाबद्दल संचालक मंडळाचे अभिनंदन करण्यात आले. बँकेचे मुख्य कार्यकारी अधिकारी सुभाष कुत्ते यांनी सभेचे नोटीसीचे वाचन केले. मुख्य कार्यरत अधिकारी सुरेश चौगुले यांनी सभेचे विषयवार वाचन केले. सभासद संजय वाघापूरकर, प्रा. रुपा शहा, जनार्दन जाधव, आर. डी. पाटील, सदानंद कवडे, प्रकाश आमते, प्रकाश नाईकनवरे, उदय मिसाळ, रविंद्र गुरव, पोपट मुरगुडे, शिवाजी पाटील, प्रतापसिंह जाधव आदींनी केलेल्या सुचनांचे निरसन केले. इयत्ता १० वी, १२ वीच्या परीक्षेत उत्तम गुण मिळविलेल्या सभासदांच्या व कर्मचाऱ्यांच्या गुणवंत पाल्यांचा गौरव करण्यात आला. खेळाडू आणि ज्येष्ठ नागरिकांचा सत्कार करण्यात आला. सभेला उपाध्यक्ष राजन भोसले, संचालक नामदेवराव कांबळे, शिवाजीराव कदम, विश्वासराव काटकर, बाबासाहेब मांगुरे, यशवंतराव साळोखे, सुभाष भांबुरे, मधुसूदन सावंत, रविंद्र धर्माधिकारी, सुमित्रा शिंदे, तज्ज्ञ संचालक केदार कुंभोजकर, आबाराव देशमुख, अधिकारी बी. डी. खरोशे

यांच्यासह कमर्शिअल बँकेचे अध्यक्ष राजेंद्र डकरे व संचालक अॅड. शामरावजी शिंदे सत्यशोधक सहकारी बँकेच्या चेअरमन सुलोचना नायकवडे उपस्थित होते.

फोटो आहे...

म. टा. प्रतिनिधी, कोल्हापूर

राष्ट्रपिता महात्मा गांधी यांच्या जयंतीचे औचित्य साधून महापालिकेच्यावतीने प्लास्टिकमुक्ती व मतदान जनजागृती रॅली काढण्यात आली. जिल्हाधिकारी दौलत देसाई, आयुक्त डॉ. मल्लिनाथ कलशेट्टी, जिल्हा परिषदेचे सीईओ अमन मित्तल यांनी गांधी मैदान येथील महात्मा गांधींच्या पुतळ्याला पुष्पहार अर्पण केला. शहराच्या विविध ठिकाणांहून आलेल्या रॅलीतील विद्यार्थ्यांना यावेळी प्रमुख पाहुण्यांच्या हस्ते शपथ देण्यात आली. रॅलीमध्ये शहरातील विविध शाळा, महाविद्यालयांचे पाच हजार विद्यार्थी सहभागी झाले होते.

उपस्थित विद्यार्थी, ज्येष्ठ नागरिकांनी स्वच्छतेची व मतदान जनजागृतीची शपथ घेतली. जिल्हाधिकारी देसाई यांनी मतदान, तर आयुक्त डॉ. कलशेट्टी यांनी प्लास्टिकमुक्तीबाबत मार्गदर्शन केले. गोखले कॉलेज, कॉमर्स कॉलेज, न्यू कॉलेज, प्रायव्हेट हायस्कूल, इंदुमती गर्ल्स हायस्कूल, एम.एल.जी. हायस्कूल, पद्माराजे हायस्कूल व ज्युनिअर कॉलेज, नूतन मराठी हास्कूल, कोल्हापूर हायस्कूल, महाराष्ट्र हायस्कूल, एस. एम. लोहिया हायस्कूल व ज्युनिअर कॉलेज, विद्यापीठ हायस्कूलच्या विद्यार्थ्यांनी रॅलीमध्ये सहभाग घेतला होता.

महापालिकेच्यावतीने अभिवादन

आयुक्त डॉ. कलशेट्टी यांनी गांधी मैदान येथील गांधींजींच्या पुतळ्याला, तर शास्त्रीनगर येथे शास्त्री यांच्या पुतळ्यास पुष्पहार अर्पण केला. यावेळी जिल्हा परिषदेचे सीईओ अमन मित्तल, अतिरिक्त आयुक्त नितीन देसाई, उपायुक्त धनंजय आंधळे, शहर अभियंता नेत्रदीप सरनोबत, उपमुख्य कार्यकारी अधिकारी प्रियदर्शनी मोरे, मुख्य लेखापाल संजय सरनाईक आदी उपस्थित होते.

सत्य अहिंसा रिंगण

नेहरू हायस्कूल व ज्युनिअर कॉलेज, वि. स. खांडेकर प्रशाला, विक्रम हायस्कूल, कोरगावकर हायस्कूल, सुसंस्कार हायस्कूल - माझी शाळा, हरिहर हायस्कूल, वालवालकर हायस्कूलच्या विद्यार्थ्यांसह सिटू, आयटक, जनता नागरी निवारा संघटना, एसएफआय, शिवाजी विद्यापीठ संघ, जिल्हा मुख्याध्यापक संघ, महानगर माध्यमिक शिक्षक संघ, खासगी प्राथमिक शिक्षक संघटना यांच्यावतीने दसरा चौकात 'सत्य अहिंसा रिंगण'द्वारे महात्मा गांधी यांना अभिवादन करण्यात आले. यावेळी शिवाजीराव परुळेकर, गणी आजरेकर, सतीशचंद्र कांबळे, प्रा. डॉ. सुभाष जाधव, मधुकर पाटील, अनिल चव्हाण आदी उपस्थित होते.

महाराष्ट्र हायस्कूल अँड ज्युनिअर कॉलेज

महाराष्ट्र हायस्कूल व ज्युनिअर कॉलेजच्यावतीने महात्मा गांधींना अभिवादन करण्यात आले. गांधींजींच्या प्रतिमेचे पूजन उपप्राचार्या यू. आर. आतकिरे यांच्या हस्ते झाले. यावेळी मुख्याध्यापक एस. एस. रामाणे, ए. एन. जाधव, यू. एम. पाटील, के. ए. ढगे आदी उपस्थित होते.

दि न्यू एज्युकेशन सोसायटी

दि न्यू एज्येकेशन सोसायटीच्या सर्व शाखांच्यावतीने महात्मा गांधी व माजी पंतप्रधान लालबहादूर शास्त्री यांची जयंती साजरी केली. प्रमुख पाहुण्या मुख्याध्यापिका सुलभा कांबळे यांच्या हस्ते प्रतिमा पूजन करण्यात आले. यावेळी सहसचिव पी. एस. हेरवाडे, प्राचार्य एस. एस. चव्हाण, मुख्याध्यापक के. ई. पवार उपस्थित होते. यावेळी विद्यार्थ्यांना स्वच्छतेची प्रतिज्ञा दिली.

दत्ताबाळ हायस्कूल

शिक्षक गौरव काटकर यांनी महात्मा गांधी व शास्री यांच्या जीवन कार्याची माहिती दिली. आफिया जमादार, सारीम म्हालदार, अथर्व यादव, भूमिका मूर्ती, पूर्वा पाटील, रेवणराज माळी, ज्ञानेश्वरी साळोखे या विद्यार्थ्यांनी मनोगत व्यक्त केले. कार्यक्रमास संस्थेच्या अध्यक्षा पल्लवी देसाई, माजी नगरसेवक नीलेश देसाई, व्यवस्थापक संदीप डोंगरे, मुख्याध्यापिका रोहिणी शेवाळे, सचिन डवंग, कीर्ती मिठारी आदी उपस्थित होते.

आर्य क्षत्रिय समाज

आर्य क्षत्रिय समाजाच्यावतीने महात्मा गांधी जयंती साजरी केली. अध्यक्षस्थानी सतीश करजगार होते. यावेळी नागेश गवळी, भानुदास सूर्यवंशी, उमेश बुधले, गणेश चव्हाण, मनिष माने, नेहा चव्हाण आदी उपस्थित होते.

०००००

कोल्हापूर टाइम्स टीम शिवाजी विद्यापीठाने एम.एस्सी साठी वैद्यकीय माहिती व्यवस्थापन शास्त्रामधील पदव्युत्तर अभ्यासक्रम सुरू करून विद्यार्थ्यांसाठी अद्ययावत आणि कालसुसंगत शिक्षण व प्रशिक्षण उपलब्ध करण्याच्या दृष्टीने नवे दालन खुले केले आहे. महत्त्वाचे म्हणजे आंतरराष्ट्रीय सहकार्यातून चालविला जाणारा हा विद्यापीठातील पहिलाच अभ्यासक्रम आहे. येत्या ३० सप्टेंबरपर्यंत या अभ्यासक्रमासाठी अर्ज करण्याची मुदत आहे. वैद्यकीय माहिती व्यवस्थापन शास्त्र (मेडिकल इन्फॉर्मेशन मॅनेजमेंट) ही जागतिक स्तरावरील हेल्थकेअर उद्योगाच्या दृष्टीने उदयास आलेली एक अतिशय महत्त्वाची विज्ञानशाखा आहे. तिचे महत्त्व लक्षात घेऊन शिवाजी विद्यापीठाच्या जैवरसायनशास्त्र अधिविभागाने जर्मनीस्थित हॉश्चुल हॅनोव्हर युनिव्हर्सिटी ऑफ अप्लाईड सायन्सेस अँड आर्ट्स या विद्यापीठाच्या संयुक्त विद्यमाने या विषयाचा एम.एस्सीसाठी दोन वर्षांचा अभ्यासक्रम या वर्षीपासून शिवाजी विद्यापीठात विद्यार्थ्यांसाठी उपलब्ध केला आहे. या अभ्यासक्रमांतर्गत अखेरच्या चौथ्या सत्रामध्ये दोन विद्यापीठांमध्ये स्टुडंट्स एक्स्चेंज उपक्रम राबविण्यात येणार असल्याने येथील विद्यार्थ्यांना जर्मनीतील विद्यापीठात जाऊन आंतरराष्ट्रीय स्तरावरील या क्षेत्रातील नवनवीन प्रवाहांचा वेध घेता येणे शक्य होणार आहे. या कालावधीतील विद्यार्थ्यांची तेथील निवास व भोजन व्यवस्था संबंधित विद्यापीठ करणार आहे. त्यासाठी वेगळे शैक्षणिक शुल्क नसेल. या अभ्यासक्रमाचे महत्त्व व वैशिष्ट्ये सांगताना जैवरसायनशास्त्र अधिविभागाचे प्रमुख डॉ. के.डी. सोनवणे म्हणाले, 'हेल्थकेअर क्षेत्रात ड्रग सिन्थेसिसपासून एनिमल अगर ह्युमन टेस्टिंगपर्यंत आणि तेथून अंतिम मान्यतेपर्यंतचा एक मोठा टप्पा असतो. त्यातल्या विविध टप्प्यांवर या विद्यार्थ्यांना काम करण्याची संधी असते. पोस्ट क्लिनिकल अभ्यास व संशोधन, क्लिनिकल रिसर्च करणाऱ्या संस्था, औषध कंपन्या, मल्टिस्पेशालिटी हॉस्पिटल्स, टेलिमेडिसीन आदी अनेकविध क्षेत्रांत संधी उपलब्ध आहेत. ड्रग रेग्युलेटरी अफेअर्स, क्लिनिकल को-ऑर्डिनेटर, क्लिनिकल डाटा असोसिएट्स, क्लिनिकल रिसर्चर, मेडिकल राईटिंग, कॅपिटल सीआरएफ डेव्हलपर तसेच संशोधक म्हणून या क्षेत्रात विद्यार्थ्यांना रोजगाराच्या संधी उपलब्ध होत आहेत. झायडस, साव्हा, सिंजेन, एरिस लाइफ सायन्सेस, कॅक्टस, कॉग्निझंट, टाटा इएलएक्सआय, एस्ट्रा झेनिका, मर्क फार्मा, सिप्ला आदींसारख्या प्रख्यात हेल्थकेअर कंपन्यांसह वैद्यकीय हॉस्पिटल्समध्येही अनेक नवनवीन रोजगार संधी निर्माण होत आहेत. असा आहे अभ्यासक्रम इन्फॉर्मेशन टेक्नॉलॉजी इन हेल्थ सायन्सेस, एपिडिमियॉलॉजी, मेडिकल इन्फॉर्मेटिक्स, जर्मन लँग्वेज ए-१, क्लिनिकल डेटा मॅनेजमेंट, क्लिनिकल क्वालिटी मॅनेजमेंट, क्लिनिकल रिसर्च, ड्रग डिस्कव्हरी, हॉस्पिटल मॅनेजमेंट, एथिक्स इन क्लिनिकल रिसर्च, क्लिनिकल ट्रायल प्रोटोकॉल, केस रिपोर्ट फॉर्मेट (सीआरएफ), ड्रग अप्रूव्हल प्रोसेस, नर्सिंग इन्फॉर्मेटिक्स, फार्मसी इन्फॉर्मेशन सिस्टिम, टोटल क्वालिटी मॅनेजमेंट (टीक्यूएम), क्वालिटी एश्योरन्स, फार्मेको व्हिजिलन्स (पीव्ही), फार्मेको व्हिजिलन्स ग्लोबल परस्पेक्टिव्ह, ग्लोबल ऑडिट, ड्रग रेग्युलेटरी ऑथोरिटी, गाइडलाइन्स फॉर फार्मास्युटिकल्स- न्युट्रास्युटिकल्स अँड कॉस्मेटिक्स, गाइडलाइन्स फॉर हर्बल अँड अल्टरनेटिव्ह मेडिसीन, प्रोसेस ऑफ नॅशनल अॅक्रिडिटेशन बोर्ड ऑफ हॉस्पिटल्स अॅन्ड हेल्थकेअर प्रोफेशनल्स (एन.ए.बी.एच.), डेटा अॅक्विझिशन, क्लिनिकल डेटा मॅनेजमेंट (सीडीएम), कलेक्शन इंटिग्रेशन अॅन्ड अव्हेलॅबिलिटी ऑफ डेटा, व्हेरिफिकेशन, व्हॅलिडेशन अँड क्वालिटी कंट्रोल, हॉस्पिटल इन्फॉर्मेशन सिस्टीम (एचआयएस), पेशंट रिपोर्टेड सिस्टिम्स (पीआरएस), पब्लिक हेल्थ अँड एचआयएस, प्रायव्हेट हॉस्पिटल्स अँड एचआयएस इत्यादी अत्याधुनिक हेल्थकेअर विषयांचा या अभ्यासक्रमात समावेश आहे. हेल्थ केअर इंडस्ट्री आता इन्फॉर्मेटिक्स, आयटी आधारित काम करणारी आहे. या डाटा ड्रिव्हन उद्योगाला माहिती तंत्रज्ञानाच्या ज्ञानाबरोबरच हेल्थकेअर विश्लेषणाचे ज्ञान असणारे मनुष्यबळही आवश्यक आहे. भारत सरकारने 'आयुष्मान भारत' हा अत्यंत महत्त्वाकांक्षी प्रकल्प चालविलेला आहे. तो संपूर्णतः इन्फोर्मेटिक्स आधारित आहे. त्यासाठी सरकारला मोठ्या प्रमाणात मनुष्यबळ लागणार आहे. त्याचप्रमाणे भारतीय हॉस्पिटलना आवश्यक असणाऱ्या एन.ए.बी.एच. (नॅशनल अॅक्रिडिटेशन बोर्ड ऑफ हॉस्पिटल्स अॅन्ड हेल्थकेअर प्रोफेशनल्स) या अॅक्रिडिटेशनसाठी मोठ्या प्रमाणात डाटा द्यावा लागतो. त्यासाठी या प्रशिक्षित मनुष्यबळाची मोठी गरज भासते. तिथेही या विद्यार्थ्यांना मोठी संधी असेल. डॉ. अतुल कापडी, सदस्य अभ्यास मंडळ उपसमिती

दसरा दिवाळी धमाका लोगो वापरावा......

म. टा. प्रतिनिधी, कोल्हापूर

दसरा, दिवाळीच्या खरेदीचा आनंद द्विगुणित करण्यासाठी 'महाराष्ट्र टाइम्स' ने 'डीवायपी सिटी मॉल'च्या सहकार्याने दसरा दिवाळी धमाका शॉपिंग फेस्टिव्हलचे आयोजन केले आहे. या फेस्टीव्हल अंतर्गत डीवायपी सिटी मॉलच्या कोणत्याही शोरूममधून केल्या जाणाऱ्या खरेदीवर ग्राहकांना लाखो रुपयांची बक्षीसे मिळणार आहेत. रविवारी, सहा ऑक्टोबरला फेस्टिव्हलची सुरुवात होणार असून तो २९ ऑक्टोबरपर्यंत सुरू राहणार आहे.

या फेस्टीव्हल अंतर्गत विजेत्या ग्राहकांना बक्षीसाच्या स्वरुपात चारचाकी, दुचाकी वाहनांसह अन्य वस्तू मिळणार आहेत. 'शॉपिंग फेस्टिव्हल'च्या माध्यमातून 'महाराष्ट्र टाइम्स' गेली चार वर्षे ग्राहकांना खरेदीच्या उत्तमोत्तम संधी देत आहे. सलग पाचव्या वर्षी ग्राहकांना ही संधी मिळणार आहे. त्यासाठी शॉपिंग फेस्टिव्हलचा बिग धमाका आणण्यात आला आहे. या योजनेमध्ये सहभागी होताना डीवायपी सिटी मॉलमधील शोरूममध्ये खरेदी केल्यानंतर ग्राहकांना एक कुपन मिळेल. या कुपनमध्ये ग्राहकांनी स्वत:ची माहिती भरायची आणि संबंधित शोरूममध्ये ठेवलेल्या बॉक्समध्ये ते जमा करायचे आहे.

कुपनसोबत तुमच्याकडे ठेवण्यासाठीची प्रत मिळेल, ती जपून ठेवणे आवश्यक आहे. या योजनेमध्ये २९ ऑक्टोबरपर्यंत सहभागी होता येणार आहे. या कालावधीत एकूण तीन साप्ताहिक लकी ड्रॉ आणि एक बंपर लकी ड्रॉ काढण्यात येणार आहे. या दोन्ही ड्रॉ मधून विजेत्यांना लाखो रुपयांची बक्षिसे मिळणार आहेत. यात बंपर ड्रॉचे पहिले बक्षीस क्विड कार, दुसरे बक्षीस अल्टो कार तर तिसरे बंपर बक्षीस बुलेट मोटारसायकल आहे.

फेस्टीव्हल अंतर्गत ग्राहकांना गिफ्ट व्हाउचर्स मिळणार आहेत. त्यामुळे ग्राहकांसाठी ही सुवर्णसंधी ठरणार आहे. लकी ड्रॉमध्ये जे विजेते ठरतील, त्यांनी गिफ्ट व्हाउचर 'महाराष्ट्र टाइम्स'च्या कार्यालयातून सकाळी दहा ते पाच या वेळेत घेऊन जायची आहेत. २४९, ई, गुलमोहर रेसिडन्सी, नागाळा पार्क, कोल्हापूर, दूरध्वनी क्रमांक ०२३१-६६२२३०० हा कार्यालयाचा पत्ता आहे. गिफ्ट व्हाउचर घेताना ग्राहकांनी कुपनची प्रत आणि पॅनकार्डसह फोटो ओळखपत्राची झेरॉक्स देणे आवश्यक आहे. अधिक माहितीसाठी ९६८९८८६६३० या मोबाइलवर क्रमांकावर संपर्क साधावा.

....

नामवंत कंपन्यांचे ब्रॅण्डस

कोल्हापूर ही पश्चिम महाराष्ट्रातील प्रमुख बाजारपेठ समजली जाते. आसपासच्या जिल्ह्यातील नागरिकही खरेदीसाठी कोल्हापूरला पसंती देतात. सतत नाविन्याच्या शोधात असलेल्या ग्राहकांसाठी खरेदीची ही अनोखी संधी असणार आहे. आधुनिक लाइफस्टाइल, बदलत्या आवडीनिवडीनुसार वस्तू, कपडे खरेदी करण्याकडे ग्राहकांचा कल वाढला आहे. बदलत्या जगाचा वेध घेत अनेक नाविन्यपूर्ण व्हरायटींचा नजराणा घेऊन शॉपिंग फेस्टिव्हल कोल्हापूरकरांच्या भेटीस येत आहे. डीवायपी सिटी मॉलच्या एकाच छताखाली येथे सर्व प्रकारची खरेदी करता येणार आहे. शॉपिंग फेस्टिव्हलमध्ये अनेक प्रकारच्या वस्तूंचा खजिना खुला होणार असून नामवंत कंपन्यांचे ब्रॅण्डसही उपलब्ध असतील.

म. टा. प्रतिनिधी, कोल्हापूर

विधानसभा निवडणुकीसाठी काँग्रेस, राष्ट्रवादीसह मित्रपक्षांच्या आघाडीत स्वाभिमानी शेतकरी संघटनेला जिल्ह्यातील शिरोळसह राज्यातील पाच जागा मिळाल्या आहेत. यामुळे इच्छुकांत उमेदवारी अर्ज दाखल करण्याची धांदल सुरू झाली आहे. 'शिरोळ'मधून सावकर मादनाईक रिंगणात राहण्याची तयारी केली आहे. कार्यकर्त्यांचा दबाव वाढला तर ऐनवेळी 'स्वाभिमानी'चे अध्यक्ष माजी खासदार राजू शेट्टीही रिंगणात उतरण्याची शक्यता आहे.

'स्वाभिमानी'ला शिरोळ, वरूड मोर्शी, खामगाव, नंदूरबार, मिरज असे पाच मतदारसंघ मिळाले आहेत. त्यांनी जिल्ह्यातील चंदगड, राधानगरी, हातकणंगले, शाहूवाडी, हातकणंगले असे पाच मतदारसंघ मागितले होते. मात्र आघाडीतील जागा वाटपाच्या तडजोडीत त्यांच्या पदरात जिल्ह्यातील एकच जागा पडली. हातकणंगले मतदारसंघ मिळण्यासाठी शेट्टी शेवटपर्यंत आग्रही राहिले. मात्र तेथे काँग्रेसचे राजू आवळे उमेदवारीसाठी प्रबळ दावेदार आहेत. म्हणून काँग्रेसने ही जागा सोडण्यास नकार दिला. 'स्वाभिमानी'ला जिल्ह्यात एकच जागा मिळाली. सांगली जिल्ह्यातील मिरज मतदारसंघ मिळाला आहे. उर्वरित जागा विदर्भात मिळाल्या आहेत. विदर्भातही संघटनेचा विस्तार वाढला आहे. त्यातूनच वाट्याला आलेल्या सर्वच मतदारसंघात इच्छुकांची संख्याही वाढली आहे. मात्र वरूड मोर्शीतून देवेंद्र भुयार, खामगावातून कैलास फाटे, नंदूरबारमधून प्रकाश गांगुर्डे उमेदवारीचे प्रबळ दावेदार मानले जाते. मिरजमधून इच्छुकांची संख्या मोठी असल्याने उमेदवारीवर एकमत झालेले नाही.

शिरोळच्या जागेवर मादनाईक यांनी तयारी केली आहे. तेथे राष्ट्रवादी काँग्रेस पक्षाचे राजेंद्र यड्रावरकर यांनीही तयारी केली आहे. मात्र शिरोळ स्वाभिमानीला मिळाल्याने यड्रावकर यांचा आघाडीतील पत्ता कट झाला आहे. ते बंडखोरी करण्याच्या तयारीत आहेत. आघाडीतर्फे मादनाईक यांनी उमदेवारी अर्ज दाखल करण्यास सज्ज आहेत. मात्र शेट्टी यांनीच येथून लढावे, असाही एक प्रवाह संघटनेत निर्माण झाला आहे. परिणामी येथूनही मादनाईक की शेट्टी रिंगणात राहणार याबद्दल उत्सुकता निर्माण झाली आहे.