म. टा. प्रतिनिधी, कोल्हापूर
शहर, उपनगरात रस्त्यावरून जाणाऱ्या पादचारी महिलांच्या गळ्यातील सोन्याचे दागिने हिसडा मारून लंपास करणाऱ्या तिघा अट्टल चेन स्नॅचरना पोलिसांनी अटक केली. संशयित निकेश ऊर्फ बबलू नारायण वडार (वय २३, रा. माळभाग, नेर्ले, ता. वाळवा, जि. सांगली), सचिन श्रीकांत हिंगणे (२९, रा. बांबवडे, ता. वाळवा), सुनील मोहन रणखांबे (२२, रा. नागेवाडी गल्ली, नेर्ले, ता. वाळवा) अशी त्यांची नावे आहेत. त्यांनी २५ चेन स्नॅचिंग आणि दोन घरफोड्या अशा २७ गुन्ह्यांची कबुली दिली आहे. त्यांच्याकडून १९ लाखांचे सोन्याचे दागिने, दोन दुचाकी हस्तगत केल्याची माहिती जिल्हा पोलिस अधीक्षक डॉ. अभिनव देशमुख यांनी पत्रकार परिषदेत दिली.
डॉ. देशमुख म्हणाले, 'स्थानिक गुन्हे शाखेचे कॉन्स्टेबल संतोष माने यांना खबऱ्याद्वारे माहिती मिळाली की, रस्त्यावरून चालत जाणाऱ्या महिलांच्या गळ्यातील सोन्याचे दागिने जबरदस्तीने हिसडा मारून चोरी करणारा टोळीप्रमुख निकेश वडार हा मध्यवर्ती बसस्थानक परिसरातील सह्याद्री हॉटेलजवळ येणार आहे. त्यानुसार पोलिस उपनिरीक्षक दादाराजे पवार व त्यांच्या पथकाने २१ जूनला या परिसरात सापळा रचून वडारला अटक केली. त्याच्याकडे चौकशी केली असता, हिंगणे आणि रणखांबे यांच्या मदतीने दुचाकीचा (एम. एच. १०, सी. झेड ८१०३) वापर करून एकूण १२ गुन्हे केल्याची कबुली त्याने दिली. चोरलेल्या दागिन्यांची रणखांबे याने विक्री केली. त्यातून मिळालेले पैसै तिघांनी वाटून घेतले. वडारला मदत करणाऱ्या या दोन साथीदारांनी १३ गुन्ह्यांची कबुली दिली.
...
दागिने चोरीला गेलेले फिर्यादी
शहाजी रामाराम देसाई (रा. हळदी, ता. करवीर), सखुबाई भाऊसो खडके (रा. मौजे आगर, ता. शिरोळ), सुरेखा अमृत मडके (रा. जयसिंगपूर) राजश्री अशोक शंभुशेटे (शाहूनगर), ज्योती दीपक परब (रा. मंगळवार पेठ), बयाबाई कोंडिबा पाटणे (रा. शित्तूर वारुणपैकी राघुचा वाडा, ता. शाहूवाडी), प्रियांका संतोष केसरकर (रा. सोनारवाडी, ता. शाहूवाडी), सविता दिनकर शिंदे (कसबे चरण, ता. शिरोळ), शोभा गंगाराम सुतार (रा. संभाजीनगर), अमृता अवधूत मुंगळे (मुक्तसैनिक वसाहत), सुष्मिता अनिल पंडित (रा. नारायण पार्क, रुक्मिणीनगर), अलका शिवानंद उत्तुरे, रेश्मा विनायक घाडगे (दोघी, रा. आर. के. नगर) वसंतकुमार रमणीकभाई मानानी (रा. सरुड, ता. शाहूवाडी), सीमा तिमाप्पा शेट्टी (रा. कावळा नाका), जयश्री इरगोंडा बिराजदार (यशवंत नगर), राजश्री दीपक पाटील (रुईकर कॉलनी), सुजाता राजेंद्र पाटील (रा. पेठवडगाव, ता. हातकणंगले), शोभा सुर्यकांत कोरवी (रा. गणेशनगर पेठवडगाव), शर्मिष्ठा रामराव नलवडे (राजारामपुरी नववी गल्ली), विमल भोपाल सईबन्नावर, प्रतिमा प्रशांत गांधी (दोघी, रा. माळी कॉलनी, टाकाळा), रुक्मिणी परमानंद ढाले (रा. शिवाजी पेठ), कुसुम गणेश राजुरीकर (रा. शिवगंगा कॉलनी, साळोखेनगर), सुलभा शशिकांत खलप (रा. मराठा कॉलनी, पाचगाव).
...
तिघेही सुशिक्षित बेकार
मुख्य संशयित वडार हा दहावी नापास असून सध्या तो गवंडी काम करीत होता. हिंगणे याने इतिहास विषयातून एम. ए. ची पदवी घेतली आहे. सध्या तो शेती करतो, २०१४ पासून तो चोरी करू लागला. सुनील रणखांबे हा वाणिज्य शाखेच्या दुसऱ्या वर्षात आहे. तिघांच्या घरची परिस्थिती गरिबीची आहे. सर्वजण सुशिक्षित बेकार असून नोकरी मिळाली नसल्याने चोरी, चेन स्नॅचिंगकडे वळल्याचे त्यांनी सांगितले. त्यांच्याकडून ज्या सराफांनी सोने विकत घेतले, त्यांच्यावर गुन्हा दाखल केला जाणार असल्याची माहिती डॉ. देशमुख यांनी दिली.
.
