कोल्हापूर टाइम्स टीम

शहरातील नागाळा पार्क, ताराबाई पार्क या उच्चभ्रू वसाहतीमधील मतदान केंद्रात सकाळी आठपासून गर्दी राहिली. नागाळा पार्कमधील विवेकानंद कॉलेजमधील एका ठिकाणी सखी मतदान केंद्र होते. तेथे सर्व निवडणूक कर्मचारी महिलाच होत्या. भोसलेवाडी, कदमवाडीमधील केंद्रातील मतदारांना यादीतील नावे लवकर न सापडल्याने काहीकाळ गोंधळ उडाला. अनेक मतदारांची नावेच गायब होती. सकाळी आठच्या सुमारास विजयादेवी घाटगे स्कूलमधील मतदान केंद्रातील एक इव्हीएम काही काळ बंद पडले. अर्ध्या तासानंतर दुसरे यंत्र आणून जोडल्याने मतदान प्रक्रिया पूर्ववत झाली.

नागाळा पार्कातील घाटगे स्कूलमध्ये सकाळी दहापर्यंत तुरळक गर्दी होती. सुरुवातीला येथील इव्हीएम बिघडले. त्यामुळे मतदारांना ताटकळत थांबावे लागले. केंद्राध्यक्षांनी ते यंत्र बदलून नविन बसवले. विवेकानंद कॉलेजमधील सर्वच केंद्रांत रांगा राहिल्या. शंभर मीटर अंतराबाहेर राजकीय पक्षाच्या कार्यकर्त्यांनी मतदारांना यादीतील नाव शोधून काढण्यासाठी मदत केली. केंद्राजवळ निवडणूक प्रशासनाने मतदार सहायता कक्ष सुरू केले होते. या ठिकाणीही महिला कर्मचाऱ्यांची संख्या अधिक होती. एका केंद्रावर सर्व महिलाच कर्मचारी होत्या. वृद्ध, दिव्यांग मतदारांना केंद्रापर्यंत नेण्यासाठी व्हीलचेअर आणि कर्मचारी तैनात होते. माजी महापौर अर्जुन माने यांच्यासह शिवसैनिक आवाहन करीत होते. दत्ता बाळ शाळेतील केंद्रातही रांग राहिली.

माईसाहेब बावडेकर स्कूल केंद्रात सकाळी ११ नंतर गर्दी झाली. केंद्रावर सायंकाळपर्यंत रांगा राहिल्या. मात्र वृद्ध, दिव्यांग मतदारास रांगते उभे करण्याची वेळ आली नाही. थेट मतदान करण्याची सुविधा उपलब्ध करून दिली. मतदार यादीतून अनेकांची नावे गायब झाल्याचे निदर्शनास आले. पत्नी मुलांची नावे एका केंद्रात आणि पतीचे दुसऱ्या केंद्रात नाव असाही प्रकार येथे पाहायला मिळाला. नवमतदारांना मतदानासाठी आल्यानंतरच ओळखपत्र देण्यात येत होते. भोसलेवाडी, कदमवाडी येथील सुसंस्कार हायस्कूलमधील केंद्रात सकाळपासून गर्दी राहिली. दिवसभर रांग होती. यादीत नाव नसणे, मृत मतदारांचे नाव कमी न होणे या कारणावरून निवडणूक कर्मचारी आणि मतदारांत वादवादीचे प्रसंग निर्माण झाले. दोन तास यादी शोधण्यातच घालवावे लागले. शेवटी एका कर्मचाऱ्याने ऑनलाइन व्होटर स्लिप काढून दिल्याने पत्नीला मतदान करता आले, असे मतदार सुनील चौगुले यांनी सांगितले. मोतिराम मालफाडे यांनी विकासाच्या मुद्यावर मतदान केल्याचे सांगितले.

वादावादीचे प्रसंग

भोसलेवाडी, कदमवाडी केंद्रावर प्रमुख पक्षाच्या राजकीय पक्षांचे पदाधिकारी, कार्यकर्ते शंभर मीटरच्या आतमध्ये वाहने आणत होते. यावरून पोलिस आणि संबंधीत कार्यकर्त्यांत वाद झाला. भाजप-ताराराणी आघाडीचे सुनील कदम, सत्यजित कदम यांनी काही वेळ थांबून मतदारांना आवाहन केले.

महिला मतदानाची टक्केवारी वाढण्यासाठी विवेकानंद कॉलेजवर सखी केंद्र सुरू केले आहे. हा उपक्रम अतिशय स्तुत्य आहे. येथे सर्व महिला कर्मचारी होते. चांगले वाटले. पुरूषाच्या खांद्याला खांदा लावून मोठ्या जबाबदारीने महिला काम करत असल्याचे एक चांगले उदाहरण आहे.

- मंजिरी संजय देवान्नावर, नागाळा पार्क

यापूर्वीच्या सर्व निवडणुकांत मतदान केले. यावेळीही मतदान करण्यासाठी बावडेकर स्कूलमध्ये आलो. माझ्या पत्नीचे नाव यादीत सापडले. मात्र, माझे नाव यादीत नव्हते. एक तास यादीत शोधूनही नाव सापडले नाही. परिणामी मला मतदान करता आले नाही. प्रशासनाच्या चुकीच्या कामकाजामुळे मतदानापासून वंचित राहावे लागले.

- दीपक केशवराव देशमुख, ताराबाई पार्क

----------

'मतदान झालं जी,

नागराज मंजुळेंनी केले माढ्यात मतदान

सोलापूर :

प्रसिद्ध निर्माता-दिग्दर्शक नागराज मंजुळे यांनी माढा लोकसभा मतदारसंघात आपला मतदानाचा हक्क बजावला. जेऊर (ता. करमाळा) हे नागराज मंजुळे यांचे मूळगाव़ दुपारी त्यांनी बाराच्या सुमारास जेऊर येथील मतदान केंद्रावर मतदानाचा हक्क बजावला. चित्रपट, लघुपटाच्या माध्यमातून त्यांनी अभूतपूर्व यश मिळविले तरी गावाबद्दलची 'नाळ' तुटू दिलेली नाही हेच आज त्यांनी केलेल्या मतदानावरून दिसून आले़ सकाळी पुण्याहून जेऊर येथे येऊन त्यांनी मतदान केले.

फॅँड्री आणि सैराट चित्रपटाच्या अभूतपूर्व यशानंतर नागराज मंजुळे यांनी बॉलीवूडमध्ये पदार्पण केले आहे. बीग बी अमिताभ बच्चनसोबत त्यांचा झूंड नावाचा चित्रपट लवकरच प्रदर्शित होणार आहे. सातासमुद्रापार त्यांच्या यशाचा डंका वाजत असला त्यांनी आपल्या गावाशी नाळ तुटू दिलेली नाही. मतदान झाल्यानंतर काही हौशी मंडळींनी त्यांच्याकडे पाहत सैराटमधील 'लागीरं झालं जी' या चित्रपटातील गाण्याच्या धर्तीवर 'मतदान झालं जी, अशी आरोळी ठोकली.

कोल्हापूर टाइम्स टीम

कोल्हापूर लोकसभा मतदारसंघासाठी शहर परिसरासह सहा विधानसभा मतदारसंघात मतदानासाठी मोठा उत्साह आणि चुरस पाहायला मिळाली. रणरणत्या उन्हातही मतदारांचा उत्साह कमी झाला नव्हता. सकाळी सात वाजता मतदानाला सुरुवात होताच मतदारांनी केंद्रांवर उपस्थिती लावली. काही मतदान केंद्रांवर इव्हीएममध्ये बिघाड झाल्याने मतदारांना ताटकळत थांबावे लागले. पण, तरीही अत्यंत उत्साहाने मतदान सुरूच राहिले. संध्याकाळपर्यंत सर्वच केंद्रांवर मतदारांची गर्दी होती.

शहरातील ताराबाई पार्क, नागाळा पार्क, भोसलेवाडी, कदमवाडी, शिवाजी पेठ, मंगळवार पेठ, पाचगाव, राजेंद्रनगर, जवाहरनगर, सुभाषनगर, राजारामपुरी, शाहूपुरी, बुधवार पेठ, शुक्रवार पेठ, सोमवार पेठ, लक्ष्मीपुरी, संभाजीनगर, साने गुरुजी वसाहत, फुलेवाडी, लक्षतीर्थ वसाहत, कसबा बावडा, शिये, शिरोली, गांधीनगर, मुडशिंगी, कळंबा, केर्ली, वडणगे, निगवे, वसगडे, सांगवडे, मुडशिंगी, उचगाव आदी परिसरात मतदानाचा चांगलाच जोर राहिला.

दक्षिण मतदारसंघात लागल्या रांगा

कोल्हापूर शहराला लागून असलेल्या गावांपैकी उचगाव, मुडशिंगी, उजळाईवाडी, गोकुळ शिरगाव, कंदलगाव, मोरेवाडी या कोल्हापूर दक्षिण मतदारसंघात मतदानावेळी प्रचंड उत्साह जाणवला. सर्वच मतदान केंद्रांवर सकाळी सातपासून मतदारांची उपस्थिती होती. मतदारांना उन्हाचा त्रास होऊ नये, यासाठी गोकुळ शिरगाव येथे ग्रामपंचायत कार्यालयाने मतदान केंद्राबाहेर प्रशस्त मंडप घातला होता. उचगाव आणि मुडशिंगी येथेही मंडप घालून मतदारांसाठी सावलीची व्यवस्था केली होती. मुडशिंगी येथे एकाच ठिकाणी सर्वाधिक नऊ मतदान बूथ होते, तर उचगाव येथे आठ मतदान बूथ होते. यामुळे या दोन्ही मतदान केंद्रांवर मोठी गर्दी होती. मतदारांना व्होटर स्लिप देण्यासाठी कार्यकर्त्यांची लगबग सुरू होती. याशिवाय मतदान केंद्रांच्या परिसरात मतदार मदत केंद्रांचीही उभारणी केली होती. केंद्रांवर मतदारांनी कोणती दक्षता घ्यावी याचे सूचना फलकही बाहेर लावले होते. उचगाव, कंदलगाव, मुडशिंगी या गावांमध्ये काही मतदारकेंद्रांवर मतदार याद्यांमध्ये नावे शोधण्यात मतदारांचा वेळ गेला. उचगाव येथे छापिल व्होटर स्लीप मिळत नसल्याने हस्तलिखित स्लीप द्याव्या लागल्या.

बाहेरगावी जाणाऱ्या नागरिकांनी सकाळी पहिल्या सत्रात मतदान केले. सकाळी नऊनंतर सर्वच मतदान केंद्रांवर महिलांची संख्या वाढली. गोकुळ शिरगाव, उचगाव आणि मुडशिंगी मतदान केंद्रांवर मतदारांच्या दोन रांगा लावाव्या लागल्या. गोकुळ शिरगाव येथे मतदान केंद्रापासून जवळच महायुती आणि महाआघाडीच्या कार्यकर्त्यांनी व्होटर स्लीपचे बूथ लावले होते. पोलिसांनी यावर आक्षेप घेऊन दोन्हीकडील कार्यकर्त्यांना शंभर मीटरबाहेर पिटाळले. उचगाव येथेही पोलिसांना गर्दी हटवण्यासाठी वारंवार सूचना द्याव्या लागल्या. सकाळी दहाच्या सुमारास मतदान केंद्रावर तरुणांची गर्दी झाल्याने पोलिसांनी त्यांना हुसकावून लावले. सर्वच मतदान केंद्रांवर पिण्याचे पाणी, पाळणाघर, वैद्यकीय मदतकेंद्र, दिव्यांग व वृद्धांसाठी व्हीलचेअरचीही व्यवस्था केली होती. उन्हामुळे बहुतांश मतदान केंद्रांवरील पाळणाघरात महिला आणि लहान मुलांची गर्दी होती. राजकीय पक्षांचे कार्यकर्ते आणि समर्थकांनी गोंधळ घालू नये, यासाठी शंभर मीटर अंतरात खासगी वाहनांना बंदी घातली होती. वृद्ध आणि दिव्यांग मतदारांना मात्र यातून सवलत दिली होती. मतदानासाठी तरुणांचा मोठा उत्साह जाणवला. स्वत: मतदान करून घरातील वृद्धांनाही मतदानासाठी मतदान केंद्रांवर घेऊन जाणाऱ्या तरुणांमध्ये उत्साह होता.

उचगावात इव्हीएममध्ये बिघाड

उचगाव येथे प्राथमिक शाळेतील २०७ क्रमांकाच्या मतदान केंद्रात सकाळी सुरुवातीलाच इव्हीएम बंद पडले. यानंतर हे मशीन बदलून मतदानाला सुरुवात झाली. मात्र, साडेअकराच्या सुमारास पुन्हा याच मतदान केंद्रावरील इव्हीएम बंद पडल्याने मतदारांना दोन तास रांगेत ताटकळत थांबाले लागले. त्यामुळे मतदान केंद्रावर मोठी गर्दी झाली. दुरुस्तीनंतर पुन्हा मतदानास सुरुवात झाली.

पोलिस अधिकाऱ्यांकडून पाहणी

विशेष पोलिस महानिरीक्षक डॉ. सुहास वारके आणि पोलिस अधीक्षक डॉ. अभिनव देशमुख यांनी सकाळी साडेनऊच्या सुमारास मुडशिंगी येथील मतदान केंद्राची पाहणी केली. यावेळी मतदान केंद्राच्या आसपास असलेल्या तरुणांना हाकलून लावण्याच्या सूचना त्यांनी दिल्या. याशिवाय मंडप, मदत केंद्रही मतदान केंद्राच्या परिसरात ठेवू नका, अशा सूचना त्यांनी पोलिसांना दिल्या.

मतदानाबद्दल लहानपणापासून उत्सुकता होती. यंदा पहिल्यांदाच मी मतदानाचा हक्क बजावला. उत्सुकता आणि हूरहूरही होती. मतदान केंद्रावरील सुविधा आणि प्रशासकीय यंत्रणा सुसज्ज असल्याचे जाणवले. मतदानामु‌ळे जबाबदार नागरिक असल्याची भावना निर्माण झाली.

- स्मिता परदेशी, नवमतदार

पॉइंटर्स

- चोख पोलिस बंदोबस्त

- मतदान केंद्रांवर मतदारांच्या रांगा

- उन्हापासून संरक्षण व्हावे यासाठी मंडप व्यवस्था

- केंद्रांवरील पाळणाघरात महिला आणि लहान मुलांची गर्दी

- मतदारांना घराबाहेर काढण्यासाठी कार्यकर्त्यांची लगबग

- उचगाव येथे वोटिंग मशीनमध्ये दोनदा बिघाड

- दीड-ते दोन तास मतदार रांगेतच

म. टा. प्रतिनिधी, कोल्हापूर

पाचगाव येथील मतदान केंद्र क्रमांक १८० वरील एक मशीन दुपारी चार वाजण्याच्या सुमारास बंद पडले. यामुळे मतदारांचा खोळंबा झाला. तासाभरांनी पुन्हा मशीन सुरू झाले. दरम्यानच्या कालावधीत मतदान केंद्रावर मतदारांची रांग वाढली होती. मतदारांच्या गर्दीमुळे रात्री साडेसात वाजेपर्यंत या केंद्रावर मतदान प्रक्रिया सुरू होती. जवाहरनगर येथील जवाहरनगर हायस्कूल येथे सायंकाळी सहानंतर मतदान केंद्रावर रांगा लागल्या होत्या. जवळपास शंभरावर मतदार मतदानासाठी रांगेत होते.

जिल्हा परिषदेच्या शिक्षण विभागाने याप्रश्नी मार्ग काढण्यासाठी हालचाली सुरू केल्या आहेत. जि.प.तील अधिकाऱ्यांची बुधवारी (ता.२४) बैठक होणार आहे. राधानगरी तालुक्यातील कोते येथील आश्रमशाळेच्या मुख्याध्यापकांना बैठकीला हजर राहण्याच्या सूचना केल्या आहेत. बोरबेट येथील आश्रमशाळेतील विद्यार्थ्यांची समाजकल्याण व जि.प.च्या अन्य शाळेत सोय करण्याचे प्रयत्न सुरू आहेत. आदिवासी विकास विभागाची शाळा या निवासी होत्या. त्या बंद करण्याचा आदेश निघाल्याने मुलांच्या शिक्षणाचा प्रश्न निर्माण झाला आहे.

कोल्हापूर लोकसभा मतदारसंघातील सहाही विधानसभा मतदारसंघाचा मंगळवारी दौरा केला. प्रत्येक ठिकाणी नागरिक, मतदारांचा उत्स्फूर्त प्रतिसाद दिला. जल्लोषी स्वागत केले. यामुळे यंदाच्या निवडणुकीत मोठ्या मताधिक्यांनी विजयी होणार याची खात्री पटली. गेल्या महिनाभराच्या प्रचाराच्या कालावधीत काँग्रेस, राष्ट्रवादी काँग्रेस, स्वाभिमानी शेतकरी संघटना, शेकाप, रिपाई गट, जनता दल अशा सर्वपक्षीय नेते व कार्यकर्त्यांसह माझ्या कुटुंबातील सदस्यांनी माझ्या विजयासाठी परिश्रम घेतले.

खासदार धनंजय महाडिक

हातकणंगले लोकसभा मतदारसंघात सगळीकडे अतिशय उत्तम वातावरण होते. प्रत्येक मतदारसंघात लोक स्वत:हून मतदानाला बाहेर पडत होते. मला भावलेली गोष्ट म्हणजे, मतदानादिवशी अनेक मतदारांनी मला पैशाच्या स्वरुपात मदत केली. मतदारांची सहकार्याची भावना पाहिली की आमचा विजय निश्चित आहे. गेल्या वेळेपेक्षा जादा मताधिक्क्यांनी विजयी होईन. विरोधकांनी अपप्रचार केला, पण मी जातीशी नव्हे तर मातीशी व शेतकऱ्यांशी जोडलेला माणूस आहे.

खासदार राजू शेट्टी,

म. टा. प्रतिनिधी, कोल्हापूर

'लोकसभा निवडणुकीच्या निमित्ताने युवा मतदारांचा उत्साह जवळपास प्रत्येक मतदान केंद्रावर पाहावयास मिळाला. पहिल्यांदा मतदानाची उत्सुकता, योग्य उमेदवाराला मत दिल्याची भावना त्यांच्या ठायी होती. कॉलेज युवक, युवती ग्रुपद्वारे मतदानासाठी मतदान केंद्र परिसरात दाखल होत होत्या. तरुण मतदारांच्या उत्साही सहभागामुळे यंदाच्या मतदान टक्केवारीत वाढ झाल्याचे केंद्रप्रमुखांनी सांगितले. युवा-युवतींनी मतदानाचा हक्क बजावल्यानंतर मतदान केंद्राबाहेर येऊन सेल्फी काढत आनंद साजरा केला.

शहर आणि जिल्ह्यात सर्वत्रच तरुण मतदारांचा मतदान प्रक्रियेतील सहभाग नजरेत भरण्याजोगा होता. जिल्हा प्रशासनाने प्रसिद्ध केलेल्या जिल्ह्यातील मतदारयादीत १८ ते २९ वयोगटातील मतदारांची संख्या तब्बल सहा लाख २२ हजार आहे. सर्वाधिक युवा मतदार राधानगरी तालुक्यात आहेत. कागल विधानसभा मतदारसंघात कमी युवा मतदार आहेत. प्रशासनाकडील माहितीनुसार ५६ हजार ३०५ नवमतदार आहेत. शिवाजी पेठ, मंगळवार पेठ, उत्तरेश्वर पेठ, नागाळा पार्क, ताराबाई पार्क, शिवाजी पार्क, शाहूपुरी, लक्ष्मीपुरी, कसबा बावडा, रुईकर कॉलनी, कदमवाडी, तपोवनसह विविध भागात तरुणांचा लक्षणीय सहभाग होता.

०००००

कोल्हापूर टाइम्स टीम

कोल्हापूर लोकसभा मतदारसंघासाठी शहर परिसरासह सहा विधानसभा मतदारसंघात मतदानासाठी मोठा उत्साह आणि चुरस पाहायला मिळाली. रणरणत्या उन्हातही मतदारांचा उत्साह कमी झाला नव्हता. सकाळी सात वाजता मतदानाला सुरुवात होताच मतदारांनी केंद्रांवर उपस्थिती लावली. काही मतदान केंद्रांवर इव्हीएममध्ये बिघाड झाल्याने मतदारांना ताटकळत थांबावे लागले. पण, तरीही अत्यंत उत्साहाने मतदान सुरूच राहिले. संध्याकाळपर्यंत सर्वच केंद्रांवर मतदारांची गर्दी होती.

शहरातील ताराबाई पार्क, नागाळा पार्क, भोसलेवाडी, कदमवाडी, शिवाजी पेठ, मंगळवार पेठ, पाचगाव, राजेंद्रनगर, जवाहरनगर, सुभाषनगर, राजारामपुरी, शाहूपुरी, बुधवार पेठ, शुक्रवार पेठ, सोमवार पेठ, लक्ष्मीपुरी, संभाजीनगर, साने गुरुजी वसाहत, फुलेवाडी, लक्षतीर्थ वसाहत, कसबा बावडा, शिये, शिरोली, गांधीनगर, मुडशिंगी, कळंबा, केर्ली, वडणगे, निगवे, वसगडे, सांगवडे, मुडशिंगी, उचगाव आदी परिसरात मतदानाचा चांगलाच जोर राहिला.

दक्षिण मतदारसंघात लागल्या रांगा

कोल्हापूर शहराला लागून असलेल्या गावांपैकी उचगाव, मुडशिंगी, उजळाईवाडी, गोकुळ शिरगाव, कंदलगाव, मोरेवाडी या कोल्हापूर दक्षिण मतदारसंघात मतदानावेळी प्रचंड उत्साह जाणवला. सर्वच मतदान केंद्रांवर सकाळी सातपासून मतदारांची उपस्थिती होती. मतदारांना उन्हाचा त्रास होऊ नये, यासाठी गोकुळ शिरगाव येथे ग्रामपंचायत कार्यालयाने मतदान केंद्राबाहेर प्रशस्त मंडप घातला होता. उचगाव आणि मुडशिंगी येथेही मंडप घालून मतदारांसाठी सावलीची व्यवस्था केली होती. मुडशिंगी येथे एकाच ठिकाणी सर्वाधिक नऊ मतदान बूथ होते, तर उचगाव येथे आठ मतदान बूथ होते. यामुळे या दोन्ही मतदान केंद्रांवर मोठी गर्दी होती. मतदारांना व्होटर स्लिप देण्यासाठी कार्यकर्त्यांची लगबग सुरू होती. याशिवाय मतदान केंद्रांच्या परिसरात मतदार मदत केंद्रांचीही उभारणी केली होती. केंद्रांवर मतदारांनी कोणती दक्षता घ्यावी याचे सूचना फलकही बाहेर लावले होते. उचगाव, कंदलगाव, मुडशिंगी या गावांमध्ये काही मतदारकेंद्रांवर मतदार याद्यांमध्ये नावे शोधण्यात मतदारांचा वेळ गेला. उचगाव येथे छापिल व्होटर स्लीप मिळत नसल्याने हस्तलिखित स्लीप द्याव्या लागल्या.

बाहेरगावी जाणाऱ्या नागरिकांनी सकाळी पहिल्या सत्रात मतदान केले. सकाळी नऊनंतर सर्वच मतदान केंद्रांवर महिलांची संख्या वाढली. गोकुळ शिरगाव, उचगाव आणि मुडशिंगी मतदान केंद्रांवर मतदारांच्या दोन रांगा लावाव्या लागल्या. गोकुळ शिरगाव येथे मतदान केंद्रापासून जवळच महायुती आणि महाआघाडीच्या कार्यकर्त्यांनी व्होटर स्लीपचे बूथ लावले होते. पोलिसांनी यावर आक्षेप घेऊन दोन्हीकडील कार्यकर्त्यांना शंभर मीटरबाहेर पिटाळले. उचगाव येथेही पोलिसांना गर्दी हटवण्यासाठी वारंवार सूचना द्याव्या लागल्या. सकाळी दहाच्या सुमारास मतदान केंद्रावर तरुणांची गर्दी झाल्याने पोलिसांनी त्यांना हुसकावून लावले. सर्वच मतदान केंद्रांवर पिण्याचे पाणी, पाळणाघर, वैद्यकीय मदतकेंद्र, दिव्यांग व वृद्धांसाठी व्हीलचेअरचीही व्यवस्था केली होती. उन्हामुळे बहुतांश मतदान केंद्रांवरील पाळणाघरात महिला आणि लहान मुलांची गर्दी होती. राजकीय पक्षांचे कार्यकर्ते आणि समर्थकांनी गोंधळ घालू नये, यासाठी शंभर मीटर अंतरात खासगी वाहनांना बंदी घातली होती. वृद्ध आणि दिव्यांग मतदारांना मात्र यातून सवलत दिली होती. मतदानासाठी तरुणांचा मोठा उत्साह जाणवला. स्वत: मतदान करून घरातील वृद्धांनाही मतदानासाठी मतदान केंद्रांवर घेऊन जाणाऱ्या तरुणांमध्ये उत्साह होता.

उचगावात इव्हीएममध्ये बिघाड

उचगाव येथे प्राथमिक शाळेतील २०७ क्रमांकाच्या मतदान केंद्रात सकाळी सुरुवातीलाच इव्हीएम बंद पडले. यानंतर हे मशीन बदलून मतदानाला सुरुवात झाली. मात्र, साडेअकराच्या सुमारास पुन्हा याच मतदान केंद्रावरील इव्हीएम बंद पडल्याने मतदारांना दोन तास रांगेत ताटकळत थांबाले लागले. त्यामुळे मतदान केंद्रावर मोठी गर्दी झाली. दुरुस्तीनंतर पुन्हा मतदानास सुरुवात झाली.

पोलिस अधिकाऱ्यांकडून पाहणी

विशेष पोलिस महानिरीक्षक डॉ. सुहास वारके आणि पोलिस अधीक्षक डॉ. अभिनव देशमुख यांनी सकाळी साडेनऊच्या सुमारास मुडशिंगी येथील मतदान केंद्राची पाहणी केली. यावेळी मतदान केंद्राच्या आसपास असलेल्या तरुणांना हाकलून लावण्याच्या सूचना त्यांनी दिल्या. याशिवाय मंडप, मदत केंद्रही मतदान केंद्राच्या परिसरात ठेवू नका, अशा सूचना त्यांनी पोलिसांना दिल्या.

मतदानाबद्दल लहानपणापासून उत्सुकता होती. यंदा पहिल्यांदाच मी मतदानाचा हक्क बजावला. उत्सुकता आणि हूरहूरही होती. मतदान केंद्रावरील सुविधा आणि प्रशासकीय यंत्रणा सुसज्ज असल्याचे जाणवले. मतदानामु‌ळे जबाबदार नागरिक असल्याची भावना निर्माण झाली.

- स्मिता परदेशी, नवमतदार

पॉइंटर्स

- चोख पोलिस बंदोबस्त

- मतदान केंद्रांवर मतदारांच्या रांगा

- उन्हापासून संरक्षण व्हावे यासाठी मंडप व्यवस्था

- केंद्रांवरील पाळणाघरात महिला आणि लहान मुलांची गर्दी

- मतदारांना घराबाहेर काढण्यासाठी कार्यकर्त्यांची लगबग

- उचगाव येथे वोटिंग मशीनमध्ये दोनदा बिघाड

- दीड-ते दोन तास मतदार रांगेतच

कोल्हापूर टाइम्स टीम

मतदान केंद्रावरील रांगा, आजी-माजी नगरसेवकांचा राबता, काही ठिकाणी शंभर मीटरच्या नियमाची काटेकोर अंमलबजावणी तर काही ठिकाणी ढिलाई, उन्हाच्या तडाख्यामुळे दुपारनंतर काही प्रमाणात थंडावलेले मतदान, 'ठरल्याप्रमाणे करा' अशी मतदान केंद्राच्या आवारातील कार्यकर्त्यांची चर्चा राजारामपुरी परिसरात पहायला मिळाली. दुपारपर्यंत नगरसेवक व स्थानिक कार्यकर्त्यांनीच खिंड लढवली होती.

राजारामपुरी, प्रतिभानगर परिसरातील बहुतांश भाग उच्चभू लोकवस्ती तसेच व्यावसायिक आहे. त्यामुळे सकाळी मतदान सुरू झाले तरी राजारामपुरी मुख्य रस्ता व शेजारील दोन्ही गल्लींमध्ये फारशी हालचाल नव्हती. जगदाळे हॉल, श्रीराम विद्यालय, नऊ नंबर शाळा, महाराणी शीलादेवी शिक्षण संस्था, भारत हौसिंग सोसायटी येथे जवळपास नऊ वाजेपर्यंत अगदी कमी संख्येने मतदार येत होते. याउलट कमला कॉलेज, दौलतनगरमधील भाऊसो जगदाळे विद्यालय, गोखले विद्यालय, प्रोग्रेस स्कूल, जिव्हेश्वर हॉल, तवनाप्पा पाटणे हायस्कूल या केंद्रांमध्ये मात्र मोठ्या रांगा लागल्या होत्या.

राजारामपुरीत काँग्रेसचे नगरसेवक, शिवसेनेचे कार्यकर्ते मतदारांना सामोरे जाऊन धनुष्यबाणाला मतदान करण्याचे आवाहन करत होते. सागरमाळ, शीलादेवी शिक्षण संस्था, तवनाप्पा पाटणे हायस्कूल परिसरात 'आमचं ठरलयं' या टोप्या घातलेले कार्यकर्ते मतदारांना नाव शोधून देण्यासाठी सहकार्य करत होते. तर जगदाळे विद्यालय, प्रोग्रेस स्कूल या परिसरात 'आमचं ठरलयं' चे स्टीकर लावलेली वाहने होती. प्रा. संजय मंडलिक यांच्यासाठी शिवसेनेचे माजी शहरप्रमुख दुर्गेश लिंग्रस व महेश उत्तुरे राजारामपुरीतील सर्व केंद्रांवर लक्ष ठेवून होते. काँग्रेसचे नगरसेवक संजय मोहिते हे कमला कॉलेज आवारात, प्रा. सुरेश ढोणुक्षे हे प्रतिभानगर, सागरमाळ, दौलतनगर, शीलादेवी शिक्षण संस्था, प्रोग्रेस स्कूल, कोरगावकर हॉल या केंद्राच्या आवारात ठाण मांडून होते. राजू पसारेही दौलतनगर व शीलादेवी संस्थेच्या परिसरात फिरत होते.

माजी महापौर दीपक जाधव व राष्ट्रवादीचे नगरसेवक मुरलीधर जाधव, संदीप कवाळे, महापालिकेतील विरोधी पक्षनेते विलास वास्कर, हेमंत पाटील हे राष्ट्रवादीचे उमेदवार धनंजय महाडिक यांच्यासाठी दौलतनगर, तवनाप्पा पाटणे, कोरगावकर हॉल येथे मतदारांना आवाहन करत होते. तवनाप्पा पाटणे केंद्राच्या शंभर मीटरच्या परिसरात सतत येत असल्याच्या कारणावरुन पोलिसांनी माजी महापौर दीपक जाधव यांना इशारा दिल्याच्या कारणावरुन वादावादी झाली.

दोन मशीन बिघडल्या

राजारामपुरीतील तवनाप्पा पाटणे हायस्कूल व भारत हौसिंग सोसायटीच्या हॉलमधील केंद्राची ईव्हीएममध्ये बिघाड झाल्याने ती बदलण्यात आली. राजारामपुरीतील भारत हौसिंग सोसायटी ही उच्चभ्रू वस्ती म्हणून ओळखण्यात येते. तिथे दोन केंद्र असून सकाळी सात वाजता मतदान सुरू होण्यापूर्वी तेथील अधिकाऱ्यांनी मशीन जोडले. त्यावेळी एका केंद्रातील मशीन सुरूच झाले नाही. त्यासाठी प्रयत्न केल्यानंतरही जैसे थे परिस्थिती राहिली. त्यामुळे निवडणूक यंत्रणेला फोन करुन नवीन मशीन मागवण्यात आले. त्यामुळे सव्वासात वाजता मतदानाला सुरुवात झाली.

तवनाप्पा पाटणे हायस्कूलमधील दोन नंबर खोलीतील केंद्रात सकाळी अकरापासून ईव्हीएम दोनवेळा बंद पडल्याचे मतदार परशराम सावंत यांनी संगितले. त्यावेळी काही वेळात पुन्हा सुरू झाले. पण बाराच्या सुमारास ते बंद पडल्यानंतर सुरू झाले नाही. त्यामुळे नवीन मशीन मागवण्यात आले. जवळपास तासभर मशीन बंद पडल्याने या केंद्रात मतदानासाठी थांबलेल्या मतदारांची रांग इमारतीबाहेरील रस्त्यावर पोहचली. ३८ अंश सेल्सिअस तापमानात मतदार उन्हात रांगेत असल्याने अनेकांनी नंतर येतो असे सांगत घरचा रस्ता पकडला. काही ज्येष्ठ नागरिकांना शेजारील झाडाखाली, दुकानाच्या सावलीत बसवण्यात आले होते.

शंभर वर्षाच्या सरलाबाई लिंग्रसांचे मतदान

राजारामपुरीतील शंभर वर्षे वयाच्या सरलाबाई लिंग्रस यांनी कोरगावकर हॉल येथे मतदानाचा हक्क बजावला. उन्हाचा तडाखा असूनही लोकशाही बळकटीसाठी मतदान केल्याचे त्यांनी सांगितले. त्यांनी सर्व लोकसभा, विधानसभा व इतर निवडणुकांसाठी मतदान केले असून वृक्षांची लागवड व जोपासनेसाठीही मोठे योगदान दिले आहे.

म. टा. प्रतिनिधी, कोल्हापूर

मतदानाबाबतची गुप्तता राखण्यासाठी जिल्हा निवडणूक अधिकारी तथा जिल्हाधिकारी दौलत देसाई यांनी मतदान केंद्रात मोबाइल बंदी जाहीर केली. मात्र ही बंदी झुगारुन मंगळवारी मतदारांनी थेट मतदानकेंद्रात प्रवेश केला. तर काही ठिकाणी मतदानाचे चित्रीकरण केल्याच्या घटनाही समोर आल्या आहेत. परिणामी निवडणूक अधिकाऱ्यांनी घेतलेल्या निर्णयाचा पूर्णत: फज्जा उडाल्याचे स्पष्ट झाले.

जिल्ह्यातील दोन्ही मतदारसंघात राजकीय इर्षेमधून कोणताही अनुचित प्रकार घडू नये, यासाठी मतदान केंद्रात मोबाइल बंदीचा निर्णय जाहीर केला होता. पण निर्णय जाहीर करताना मतदारांनी सोबत आणलेला मोबाइल कोठे ठेवायचा, याबाबतचे स्पष्टीकरण देण्यात आलेले नव्हते. त्यामुळे मतदारांमध्ये संभ्रमावस्था निर्माण झाली होती. यातूनच मंगळवारी झालेल्या मतदानावेळी मतदारांनी मोबाइल घेवूनच मतदानाचा हक्क बजावला. काही ठिकाणी मोबाइल बंदीच्या निर्णयाची पोलिसांनी कडक अंमलबजावणी केली. पण यावेळी मतदारांची पोलिस व केंद्रप्रमुखांशी वादावादी झाली. वाद अधिक वाढू नये म्हणून मोबाइल सायलेंट अथवा स्वीच ऑफ करण्याच्या सूचना करण्यात आल्या. त्याचा काही मतदारांनी स्वीकार केला. पण बहुतांशी मतदारांचे मोबाइल सुरूच होते. त्याचबरोबर निवडणूक अधिकाऱ्यांच्या सूचना असूनही काही मतदारांनी व्हीडिओ चित्रीकरणासह सेल्फी घेतल्याचे प्रकार उघड झाले आहेत.

......

चौकट

व्हीडिओ चित्रीकरणाचा शोध सुरू

हातकणंगले लोकसभा मतदारसंघातील इस्लामपूर व हातकणंगले विधानसभा मतदारसंघात मतदान करताना व्हीडिओ चित्रीकरण केले आहे. केवळ चित्रीकरण न करता हा व्हीडिओ सार्वत्रिकपणे व्हायरल करण्यात आला. याची गंभीर दखल जिल्हाधिकारी तथा जिल्हा निवडणूक अधिकारी दौलत देसाई यांनी घेतली आहे. त्यांनी व्हीडिओ चित्रीकरण करणाऱ्या संबंधित मतदारांची चौकशी करुन गुन्हे दाखल करण्याचे आदेश दिले आहेत.

म. टा. प्रतिनिधी, कोल्हापूर

देशातील सत्ता काबीज करण्यासाठी भारतीय जनता पक्ष आणि काँग्रेसच्या नेते मंडळीत टोकाचा संघर्ष वाढला असताना कोल्हापुरात मात्र स्थानिक पदाधिकाऱ्यांनी 'मिले सूर मेरा तुम्हारा'चा राग आळवला. राष्ट्रवादीचे उमेदवार व खासदार धनंजय महाडिक यांच्या विरोधात काँग्रेसचे आमदार सतेज पाटील व समर्थक, शिवसेना व भाजप मित्रपक्षाची आघाडी प्रत्यक्ष मतदानावेळी पाहावयास मिळाली. भाजपमधील महाडिक समर्थक सदस्य व पदाधिकाऱ्यांनी 'चोरी चोरी छुपके छुपके' राष्ट्रवादीच्या घड्याळ चिन्हाचा प्रचार करत युतीधर्म फाट्यावर बसविला. लोकसभा निवडणुकीच्या निमित्ताने स्थानिक राजकारणातील नव्या आघाड्यांचे राजकीय खेळी पाहताना मतदारही अचंबित झाले.

कोल्हापूर महापालिकेत काँग्रेस, राष्ट्रवादी काँग्रेस आणि शिवसेना अशी आघाडी आहे. तर भाजप आणि ताराराणी आघाडी विरोधी बाकावर आहे. लोकसभा निवडणुकीत कोल्हापुरात मात्र नवी समीकरणे आकाराला आली आहेत. राज्य आणि राष्ट्रीय पातळीवर काँग्रेस, राष्ट्रवादी काँग्रेस, स्वाभिमानी शेतकरी संघटना, शेकाप, रिपाई गवई गट, कवाडे गट अशी आघाडी आकाराला आली. दरम्यान काँग्रेसचे आमदार पाटील यांनी खासदार महाडिकांच्या विरोधात प्रचाराची आघाडी उघडली. 'आमचं ठरलयं' म्हणत त्यांना मानणाऱ्या महापालिका, जिल्हा परिषद, पंचायत समितीमधील सदस्यांनी शिवसेनेचे उमेदवार प्रा. संजय मंडलिक यांचा धनुष्यबाण हाती घेतला. दुसरीकडे भाजप, सेनेची युती झाली असताना भाजपातील महाडिक समर्थकांनी राष्ट्रवादीच्या घड्याळाचा प्रचार केला. महापालिका निवडणुकीत एकमेकांच्या विरोधात निवडणूक लढविलेले अनेक उमेदवार याप्रसंगी नेत्यांचा आदेश म्हणून स्थानिक मतभेद विसरून एकत्र काम करत होते. 'आमचं ठरलयं'ला 'ध्यानात ठेवलंय'ने उत्तर देण्याचा प्रयत्नही झाला.

प्रचाराच्या कालावधीत काही जण पडद्याआड राहून विरोधी उमेदवारासाठी सूत्रे हलवित होते. दरम्यान मंगळवारी प्रत्यक्ष मतदानावेळी पडद्यामागील कारभारी सामोरे आले. महापालिकेतील काँग्रेसचे बहुतांशी नगरसेवक शिवसेनेच्या उमेदवारासाठी सक्रिय होते. तर भाजपमधील काही नगरसेवकांची कोंडी झाली. युतीधर्माचे पालन की महाडिकांना साथ या कात्रीत सापडलेल्या भाजपचे काही नगरसेवक मंगळवारी फारसे सक्रीय दिसले नाहीत. याउलट महापालिकेच्या राजकारणात प्रतिस्पर्धी असलेले राष्ट्रवादी काँग्रेस व ताराराणी आघाडीचे कारभारी व अन्य नगरसेवक हे खासदार महाडिक यांना जास्तीत जास्त मतदान होईल यासाठी सक्रिय होते. राष्ट्रवादीतील काही सदस्यांची अलिप्तता शेवटपर्यंत कायम राहिली.

काँग्रेसचे 'जय महाराष्ट्र'

महाडिकांचे 'जय राष्ट्रवादी'

शहरातील विविध मतदान केंद्रावर काँग्रेसचे नगरसेवक, त्यांचे नातेवाईक मतदारांना 'जय महाराष्ट्र'या शब्दांत मतदान कुणाला करायचे याविषयी संकेत देत होते. तर भाजप व मित्रपक्षातील महाडिकांना मानणारे सदस्य 'जय राष्ट्रवादी'म्हणत मतदारांना अभिवादन करत होते. कोल्हापूर उत्तर आणि दक्षिण विधानसभा मतदारसंघातील बहुतांश मतदान केंद्रावर हे अनोखे चित्र पाहावायास मिळत होते.

म. टा. प्रतिनिधी, कोल्हापूर

कोल्हापूर लोकसभा मतदारसंघासाठी मंगळवारी झालेल्या मतदानामध्ये उपनगरांत मतदारांनी उत्स्फूर्त प्रतिसाद दिला. ज्येष्ठ मतदारांसोबत नवमतदारांनी आपल्या पवित्र मताचा हक्क बजावला. कळंबा, सुर्वेनगर, सानेगुरुजी वसाहत, फुलेवाडी, लक्षतीर्थ वसाहत येथे सकाळपासून मतदारांनी रांगा लावल्या होत्या. पण अनेक मतदारांना व्होटर स्लीप मिळाली नसल्याने मतदारयादीतील नाव शोधताना त्यांना चांगलाच अटापिटा करावा लागत होता.

कळंबा येथील जिल्हा परिषदेच्या विद्या मंदिर व कळंबा गर्ल्स हायस्कूल येथे मतदानाची व्यवस्था केली होती. दोन्ही ठिकाणी सकाळपासून मतदानासाठी गर्दी केली होती. दोन्ही मतदारसंघाबाहेर प्रा. संजय मंडलिक यांच्यावतीने मतदारांना आवाहन करण्यासाठी भाजपचे ज्येष्ठ नेते व गोकुळचे संचालक बाबा देसाई, बाजीराव नरके, दिलीप पाटील, रणजीत कोंडेकर उपस्थति होते.तर काँग्रेसकडून करवीर पंचायत समिती माजी सभापती दिलीप टिपुगडे, सरपंच सागर भोगम, सदस्य सागर चौगुले, माजी सरपंच विश्वास गुरव यांच्यासह बहुतांशी सदस्य 'आमचं ठरलंय'चा नारा देत धनुष्य बाणाला मतदान करण्याचे आवाहन करत होते. तर विद्यमान खासदार धनंजय महाडिक यांच्यावतीने भाजपच्या जिल्हा परिषद सदस्या मनिषा टोणपे, प्रकाश टोणपे, माजी ग्रामपंचायत सदस्य दीपक तिवले, तानाजी भवन, संजय मिरजे, सागर कदम आदी कार्यकर्ते आवाहन करत होते.

सुर्वेनगर, महाराष्ट्र नगर, दत्तोबा शिंदे नगर, दादू चौगुले नगर, नवनाथ नगर येथील मतदारांसाठी महावीर इंग्लिश मीडियम स्कूल येथे मतदानाची व्यवस्था करण्यात आली होती. सुर्वेनगर प्रभागातील अनेक मतदारांना व्होटर स्लीप मिळाल्या नसल्याने मतदारांना मतदारयादीतील नाव शोधताना चांगलीच कसरत करावी लागत होती. केंदाबाहेर एक बीएलओ व दोन मदतनीस होते. पण व्होटर स्लीप नसलेल्या मतदारांची संख्या जास्त असल्याने सरकारी अधिकाऱ्यांच्या भोवती मतदारांनी गर्दी करत होते.

साळोखेनगर, मोरे-माने नगर, मोहिते कॉलनी व परिसरातील मतदारांसाठी श्री शिवशक्ती विद्यालय येथे मतदान केंद्र होते. केंद्रात पाच ठिकाणी मतदानाची व्यवस्था करुनही मतदारांनी मोठ्या रांगा लावल्या होत्या. सेनेकडून काँग्रेसच्या नगरसेविका प्रतीक्षा पाटील यांचे पती धीरज पाटील, उदय जाधव, रवींद्र राऊत तर राष्ट्रवादीकडून अमर चव्हाण, अभय तेंडुलकर आदी सक्रीय होते. सानेगुरुजी, फुलेवाडी व लक्षतीर्थ वसाहत परिसरात स्थायी समितीचे सभापती शारंगधर देशमुख, नगरसेक राहुल चव्हाण यांच्यासह भाजपचे अशोक देसाई, प्रकाश घाटगे, सचिन सुतार, संजय सावंत सक्रीय होते. तर राष्ट्रवादीकडून विजय देसाई, मानसिंग पाटील, राजू मोरे कार्यरत होते. तर लक्षतीर्थ वसाहत येथे संजय पाटील, उदय चव्हाण यांनी राष्ट्रवादीकडून आवाहन करत होते. तर शिवसेनेकडून रमेश खाडे, गणेश खाडे कार्यरत होते. सानेगुरुजी वसाहतमध्ये तीन, बोंद्रे नगर, रिंगरोड परिसरात नऊ तर लक्षतीर्थ वसाहत येथे दोन मतदान केंद्रे होती.

उपनगरांमध्ये सकाळपासून दुपारपर्यंत मतदारांचा रांगा होत्या. दुपारी तीन वाजेपर्यंत मतदानाची गती काहीशी मंदावली, पण त्यानंतर पुन्हा मतदानाने वेग घेतला. सायंकाळी सहापर्यंत सर्वच मतदान केंद्रांवर मतदारांची गर्दी दिसत होती.

......................

चौकट

खासगी वाहनांचा सर्रास वापर

विस्तीर्ण उपनगरांत लांब अंतरावर मतदान केंद्र असल्याने नागरीकांना मतदान केंद्रापर्यंत येण्यासाठी चांगलीच पायपीट करावी लागत होती. निवासस्थानापासून दूर असलेल्या केंद्रांचा फायदा दोन्ही उमेदवारांच्या कार्यकर्त्यांनी घेतला. केंद्रापासून लांब असलेल्या मतदारांना केंद्रापर्यंत आणण्यासाठी खासगी वाहने ठेवण्यात आली होती. विशेषत: रिक्षा आणि टाटा सुमोसारख्या वाहनांचा वापर करत मतदारांना केंद्रापर्यंत आणले जात होते.

म. टा. प्रतिनिधी, कोल्हापूर

राजेंद्रनगर झोपडपट्टी परिसरातील मतदान केंद्र हे संवेदनशील केंद्र म्हणून ओळखले जाते. या केंद्र परिसरात पोलिसांनी चोख बंदोबस्त लावला होता. सकाळच्या कालावधीत मतदान केंद्रावर फारशी गर्दी जाणवत नव्हती. रांगा लागल्या असल्या तरी पाच ते दहा मिनिटात नागरिक मतदान करुन बाहेर पडत होते. दुपारी बारानंतर मतदानावर परिणाम झाला. मतदान केंद्रावर शुकशुकाट जाणवत होता. सायंकाळनंतर मतदान केंद्रावर लांबलचक रांगा लागल्या. महिला, वृद्ध मोठ्या संख्येने बाहेर पडल्यामुळे मतदान केंद्र परिसर गजबजले होते.

दरम्यान, डॉ. सर्वपल्ली राधाकृष्णन विद्यामंदिर मतदान केंद्रातील एका मशिनमध्ये सकाळी साडेनऊ वाजण्याच्या सुमारास बिघाड झाला. यामुळे एके ठिकाणी काहीवेळ मतदारांना थांबावे लागले. कोल्हापूर पब्लिक स्कूलमध्ये अरुणोदय हौसिंग सोसायटी व परिसरातील मतदारांसाठी मतदानाची सोय केली होती. तर झोपडपट्टी व आसपासच्या परिसरातील मतदारांसाठी डॉ. सर्वपल्ली राधाकृष्णन विद्यामंदिर येथे मतदान केंद्राची व्यवस्था केली होती. राष्ट्रवादी काँग्रेसचे उमेदवार खासदार महाडिक यांना अधिकाधिक मतदान मिळावे यासाठी नगरसेवक प्रा. जयंत पाटील, माजी नगरसेवक महेश वासुदेव, संग्राम निकम व कार्यकर्त्यांची यंत्रणा सक्रिय होती. काँग्रेस, शिवसेना व भाजपचे कार्यकर्ते युतीचे उमेदवार प्रा. मंडलिक यांच्यासाठी कार्यरत होते.

राजेंद्रनगर झोपडपट्टीचा परिसर हा दाटीवाटीचा असून मतदारसंख्याही मोठी आहे. या भागात कुठलाही अनुचित प्रकार घडू नये म्हणून पोलिसांचा मोठा फौजफाटा बंदोबस्तासाठी होता. स्थानिक गुन्हा अन्वेषण शाखेचे पोलिस निरीक्षक तानाजी सावंत, राजारामपुरी पोलिस ठाण्याचे पोलिस निरीक्षक सुनील पाटील यांनी सकाळी साडे अकराच्या सुमारास भेट दिली. मतदान केंद्र परिसरातील शंभर मीटरच्या अंतरात वाहनधारकांना थांबण्यास मनाई केली. सुभाषनगर येथील संत रोहिदास विद्यामंदिर येथे मतदारांच्या रांगा लागल्या होत्या. काँग्रेसचे उपमहापौर भूपाल शेटे हे युतीच्या उमेदवारासाठी जुळवाजुळव करत होते.

......

जवाहनगर, नेहरुनगरात चुरशीने मतदान

जवाहरनगर, नेहरुनगर मतदान केंद्रावर सकाळपासून रांगा लागल्या होत्या. महाआघाडी आणि महायुतीच्या समर्थक कार्यकर्त्यांची धांदल सुरू होती. आजी, माजी नगरसेवक आपआपल्या आघाडीच्या उमेदवाराला जास्तीत जास्त मतदान मिळवून देण्यासाठी धावपळ करत होते. नेहरुनगर विद्यामंदिर येथील मतदान केंद्रावर मतदारांच्या रांगा तर मतदान केंद्राबाहेरील चौकात कार्यकर्त्यांची गर्दी कायम होती.

चिले कॉलनी, विश्वकर्मा कॉलनी, लक्ष्मी वसाहत, चव्हाण कॉलनी, पाटील कॉलनी, यल्लम्मा मंदिर परिसर, खणबाग येथील मतदार याठिकाणी मतदानासाठी दाखल होत होते. युतीचे उमेदवार मंडलिक यांच्यासाठी काँग्रेस, भाजप, सेनेचे कार्यकर्ते प्रयत्नशील होते. माजी नगरसेवक दिलीप भुर्के, जगमोहन भुर्के, भाजपच्या नगरसेविका अश्विनी बारामते यांचे पती अरुण, भाजपचे कार्यकर्ते सयाजी आळवेकर, संजय सुर्यवंशी, प्रसन्न वैद्य, आनंदा गोरे सक्रिय होते. वीर कक्कया विद्यामंदिर येथे यादव कॉलनी, सरनाईक वसाहत, जमादार कॉलनी, सोनार सोसायटी परिसरातील मतदारांनी रांगा लावल्या होत्या. मतदान केंद्राच्या शंभर मीटर बाहेर, विद्यामंदिरच्या मागील रस्त्यावर राष्ट्रवादी व काँग्रेस आघाडीचा बूथ होता. राष्ट्रवादीचे कार्यकर्ते निरंजन कदम, डी.बी.व्हटकर, विजय सोनवणे, रमेश कदम, रमेश सोनवणे, सौरभ कदम आदी कार्यकर्ते बूथवर थांबून होते.

कोल्हापूर टाइम्स टीम

दुपारी साडेबारा वाजण्याची वेळ. पालकमंत्री चंद्रकांत पाटील हे जरगनगर विद्यामंदिर येथील मतदान केंद्र परिसरात दाखल झाले. कार्यकर्त्यांशी चर्चा करत असताना नाना जरग त्याठिकाणी आले. त्यांना पाहून पालकमंत्री, 'नाना, व्यवस्थित आहे का?' अशी विचारणा केली. त्यावर जरग यांनी, 'तुमची ताकद सोबत आहे त्यामुळे सगळे काही व्यवस्थित आहे' असे सांगितले. या दोघातील विधानाने हशा पिकला. निवडणुकीच्या रणधुमाळीत वातावरण हलके-फुलके बनले.

दक्षिण मतदारसंघात काँग्रेस, भाजप, शिवसेनेचे कार्यकर्ते एकत्रितपणे महायुतीचे उमेदवार प्रा. संजय मंडलिक यांच्यासाठी कार्यरत होते. यामध्ये संजय पाटील, संदीप कदम, संतोष जरग, राहुल चिकोडे, आप्पा लाड यांच्यासह नाना व प्रशांत जरग हे सकाळपासूनच कार्यरत होते. जरग यांच्या निवासस्थानासमोर युतीच्या कार्यकर्त्यांनी बूथ उभारला होता. दुपारी साडेबारा वाजण्याच्या सुमारास पालकमंत्री पाटील या परिसरात दाखल झाले. त्यांनी कार्यकर्त्यांकडून आढावा घेतला. कार्यकर्त्यांना सूचना करुन पालकमंत्री राधानगरी, भुदरगड तालुक्याकडे रवाना झाले.

दरम्यान कोल्हापूर दक्षिण विधानसभा मतदारसंघात जरगनगर विद्यामंदिर येथे अकरा केंद्रांचा समावेश आहे. या सगळ्या केंद्रात मिळून जवळपास १५ हजार मतदान आहे. जरगनगर, रामानंदनगर, रायगड कॉलनी, मंडलिक वसाहत, स्वामी समर्थनगरसह ३५ कॉलन्यांचा समावेश आहे. मतदारांच्या सोयीसाठी महाआघाडी व युतीकडून वाहनांची सोय केली होती.

नगरसेवक, समर्थक महाडिकांच्या यंत्रणेत

राष्ट्रवादीचे नगरसेवक सुनील पाटील, प्रशांत पवार, सुहास देशपांडे, अमित गुरव, सत्यजित सावंत, प्रभाकर घोडके, महादेव साळोखे, अमित घोरपडे, अंजूम काझी हे सगळे राष्ट्रवादी, काँग्रेस आघाडीचे उमेदवार धनंजय महाडिक यांच्यासाठी कार्यरत होते. माजी आमदार महादेवराव महाडिक यांच्या पत्नी मंगला यांनी दुपारी साडेबारा वाजण्याच्या सुमारास राष्ट्रवादीच्या बूथला भेट दिली. कार्यकर्त्यांसोबत काही वेळ चर्चा करुन त्या पुढे रवाना झाल्या.

माढाच काय, बारामती आणि मावळातही राष्ट्रवादीचा पराभव होणार

विजयसिंह मोहिते-पाटलांनी मौन सोडले

सोलापूर :

राष्ट्रवादी काँग्रेसचे सर्वेसर्वा आणि खासदार शरद पवार यांच्या टीकेला माजी उपमुख्यमंत्री विजयसिंह मोहिते पाटील यांनी सडेतोड प्रत्युत्तर दिले आहे. पवारांच्या टीकेला मतदारच चोख उत्तर देतील. केवळ माढ्यातच नव्हे तर मावळ आणि बारामतीमध्ये देखील राष्ट्रवादीला पराभव स्वीकारावा लागेल, असा दावा मोहिते-पाटील यांनी व्यक्त केला. अकलूज येथे मतदान केल्यानंतर बोलताना मोहिते-पाटील यांनी पवारांना लक्ष्य केले.

रिटेवाडी ग्रामस्थांचा

मतदानावर बहिष्कार

सोलापूर :

मुलभूत सोयी-सुविधांपासून वंचित असलेल्या रिटेवाडी (ता़ करमाळा) येथील मतदारांनी मतदानावर बहिष्कार टाकला. दुपारी एक वाजेपर्यंत एक ही मत मशिनमध्ये नोंदले गेले नसल्याची माहिती ग्रामस्थांनी दिली. दरम्यान, करमाळा तालुक्यातील रिटेवाडी गावचा १९७६ साली पुनर्वसन झाले आहे. त्या सालापासून रिटेवाडी ग्रामस्थांना एसटीची सोय नाही, कोणत्याही शाळेची सोय नाही, आरोग्याची व्यवस्था नाही, लाईट नाही, गाव विकासासाठी लागणाऱ्या सोयी-सुविधा नाहीत. सरकारच्या योजनांचा ही गावाला फारसा फायदा झालेला नाही़ जोपर्यंत गावात सोयी-सुविधा व सरकारच्या योजनांमधून विकास होत नाही, तोपर्यंत मतदानावर बहिष्कार टाकण्याचा निर्णय ग्रामस्थांनी घेतला आहे.

माढ्यात सख्ख्या भावांचे

लग्नकर्तव्याआधी राष्ट्रकर्तव्य

सोलापूर :

माढा शहरातील अक्षय विलास चवरे व अभय विलास चवरे या दोघा सख्ख्या भावांचा विवाह मंगळवारी, २३ रोजी शहरातील तुळजाभवानी मंगल कार्यालयात झाला. या दोन्ही नवरदेवांनी लग्ना अगोदर राष्ट्रकर्तव्य पार पाडले. घोड्यावरून येऊन त्यांनी मतदानाचा अधिकार जिल्हा परिषद प्राथमिक शाळेतील बुथ क्रमांक ७९ या ठिकाणी बजावला. मतदान करून बाहेर आल्यानंतर उपनगराध्यक्ष प्रभाकर जाधव, माजी जिल्हा परिषद सदस्य झुंजारनाना भांगे व शहाजी नाना चवरे यांनी त्यांचा सत्कार केला.

निमगावात फेरनिवडणूक घेण्याची मागणी

संजय शिंदेंच्या निमगावात भाजपच्या मतदान प्रतिनिधींला हाकलून दिले; पोलिसांत तक्रार दाखल

सोलापूर :

माढा लोकसभा मतदारसंघात राष्ट्रवादी आघाडीचे उमेदवार संजय शिंदे यांच्या निमगाव या गावात दमदाटी करून भाजप उमेदवारांच्या मतदान प्रतिनिधींना हाकलून दिल्याची घटना घडली. ही घटनेची गांभीर्याने दखल घेऊन निमगाव येथील मतदान प्रक्रिया रद्द करून फेरनिवडणूक घेण्याची मागणी निवडणूक आयोगाकडे करणार असल्याची माहिती महायुतीचे उमेदवार रणजितसिंह नाईक-निंबाळकर यांनी टेंभुर्णी येथे दिली.

माढा लोकसभा मतदारसंघातील राष्ट्रवादीचे उमेदवार संजय शिंदे यांच्या निमगाव या गावात मतदान चालू असताना भाजपाचे उमेदवार नाईक-निंबाळकर यांच्या मतदान प्रतिनिधीला मतदान केंद्र अधिकाऱ्यांनी दोन वेळा हाकलून दिले, मतदान कक्षात थांबू दिले नाही. संजय शिंदे यांचे समर्थक येथे दादागिरी करून मतदान करून घेत आहेत. हा सर्व प्रकार तेथे उपस्थित असलेल्या सरकारी कर्मचाऱ्यांच्या साक्षीने होत असून, ही गंभीर बाब असल्याने आम्ही या ठिकाणची निवडणूक रद्द करून फेरमतदान घेण्याची मागणी आमचे प्रतिनिधी धैर्यशील मोहिते-पाटील यांच्यामार्फत करणार असल्याचे नाईक -निंबाळकर म्हणाले.

निंबाळकर यांचे प्रतिनिधी धैर्यशील मोहिते पाटील म्हणाले, 'आम्ही सकाळी निमगाव येथे गेलो असता त्या ठिकाणी आमचे मतदान प्रतिनिधी आढळून आले नाहीत़ अधिक माहिती घेतल्यानंतर समजले की, आमच्या प्रतिनिधींना संजय शिंदे यांच्या कार्यकर्त्यांनी दमदाटी करून तेथून हाकलून दिले आहे़ प्रतिनिधींना तुम्हाला येथे बसता येणार नाही, असे सांगितले. या बाबत मी तहसीलदार व वरिष्ठ अधिकाऱ्यांकडे चौकशी केली असता त्यांना थांबण्यास काही हरकत नसल्याचे सांगितले. निमगाव येथे उपस्थित अधिकाऱ्यांच्या साक्षीने आमच्या प्रतिनिधीस दमदाटी केली जात असताना त्यांनी कुठलाही हस्तक्षेप केला नाही़ या बाबात टेंभुर्णी पोलिस स्टेशनमध्ये लेखी तक्रार केली आहे. अतुल खुपसे भाजपचे उमेदवार नाईक-निंबाळकर यांचे मतदान प्रतिनिधी म्हणून गेले असता त्यांनाही तुझे येथे काय काम आहे, असे म्हणून हाकलून देऊन पोलिसांच्या ताब्यात दिले. या वेळी अतुल खुपसे यांनी धैर्यशील मोहिते-पाटील यांच्याशी संपर्क साधून त्यांना घडल्या प्रकारांची माहिती दिली. माहिती मिळताच मोहिते-पाटील निमगाव येथे दाखल झाले. या वेळी तेथे मतदान प्रतिनिधी आढळून आले नाहीत. कैलास गोरख आलदार (रा. बादलेवाडी) या मतदान प्रतिनिधीने टेंभुर्णी पोलिस स्टेशनमध्ये येऊन मतदान केंद्राधिकारी व संजय शिंदे यांचे मतदान प्रतिनिधी यांच्याविरुद्ध तक्रार दिली आहे.

खासदार उदयनराजे भोसले, पत्नी दमयंतीराजे भोसले आणि राजमाता कल्पनाराजे भोसले.

.........

युतीचे उमेदवार नरेंद्र पाटील यांनी पत्नी प्राची पाटील यांच्या समावेत पाटण तालुक्यातील मंद्रुळकोळे येथे मतदान केले.

.........

आमदार श्रीमंत शिवेंद्रराजे भोसले यांनी पत्नी वेदांतिकाराजे भासले यांच्यासह मतदान केले.

............

साताऱ्याच्या जिल्हाधिकारी तथा निवडणूक अधिकारी श्वेता सिंघल यांनी पती कोल्हापूर परिक्षेत्राचे प्राप्तिकर सहसंचालक पूर्णेश गुरुरानी यांच्यासह मतदान केले.

.....

झेडपीचे सीईओ कैलास शिंदे यांनीही सपत्नीक मतदान केले.

......

शहरातील विविध भागातील झोपडपट्टीत आज संमिश्र चित्र पाहावयास मिळाले. काही ठिकाणी सकाळपासून गर्दी होती. तर काही ठिकाणी मतदान बाहेर काढण्यासाठी सकाळपासून स्वतंत्र यंत्रणा कार्यरत होती. ज्या त्या भागातील कारभाऱ्यांवर वेगळी जबाबदारी सोपविण्यात आली होती. विविध भागातील आजी, माजी लोकप्रतिनिधींचा पुढाकार होता. दुपारनंतर मतदार यादीवर नजर टाकून शिल्लक मतदान बाहेर काढण्यासाठी वेगवान हालचाली झाल्या. अर्थपूर्ण घडामोडी आणि घर टू घर पोहचणारी यंत्रणा यामुळे सायंकाळी पाचनंतर झोपडपट्टीतील मतदानाला गती मिळाली. राजेंद्रनगर, कनाननगर, लक्षतीर्थ वसाहत, सदरबाजार, विचारेमाळ, सुधाकर जोशीनगर, सुभाषनगर या भागात सायंकाळ सहा वाजण्याच्या सुमारास गर्दी वाढली. झोपडपट्टीतील मतदार मोठ्या संख्येने बाहेर पडल्यामुळे सायंकाळी सात वाजेपर्यंत मतदान प्रक्रिया सुरू राहिली.