म. टा. प्रतिनिधी, कोल्हापूर रब्बी हंगामातील नवीन कृषी उत्पादनांचे बाजारात आगमन होऊ लागले आहे. मात्र नवीन तूरडाळीची आवक झाल्यानंतर दर उतरण्याऐवजी वाढले आहेत. तुरडाळीच्या दरात प्रतिकिलो दोन ते चार रुपयांची वाढ झाली आहे. गव्हाची आवक होऊ लागल्याने त्याच्या दरात प्रतिकिलो दोन रुपयांची घसरण झाली आहे. तर ज्वारीचे दर स्थिर आहेत. मराठवाड्यात दुष्काळाची छाया असल्याने तुरीचे उत्पादन कमी झाले आहे. नवीन तूरडाळीचे आगमन झाले असले तरी चांगल्या प्रतिच्या तुरडाळीत प्रतिकिलो दोन ते चार रुपये वाढ झाली आहे. प्रेसिडेंट कंपनीच्या तूरडाळीचा दर ८८ ते ९० रुपये झाला आहे. गव्हाच्या दरात प्रतिकिलो दोन रुपयांनी घसरण झाली आहे. पंजाब, उत्तर प्रदेश, हरियाणातून नवीन गहू बाजारात दाखल झाल्याने दर उतरले असल्याचे व्यापाऱ्यांनी सांगितले. सरकी खाद्यतेलाच्या दरात प्रतिकिलो दोन ते चार रुपयांनी घट झाली आहे. किराणामालाचे दर (प्रतिकलो रुपयांत) पोहे : ४४ साखर : ३६ शेंगदाणा : ८० ते ९५ मैदा : ३२ आटा : ३४ ते ३६ रवा : ३२ गूळ : ४० ते ४५ साबुदाणा : ६० वरी : ७५ ते ८० डाळींचे दर (प्रतिकिलो रु.) तूरडाळ : ८० ते ९० मूगडाळ : ८० ते ८४ उडीद डाळ : ७२ ते ८० हरभरा डाळ : ६४ ते ६८ मसूर डाळ : ६० ते ६४ मसूर : ६० ते १२० चवळी : ७२ हिरवा वाटाणा : ८८ ते १०० काळा वाटाणा : ६० ते ६४ मूग ७६ ते ८० मटकी : ७५ ते ९५ छोले : ८० ते ९५ धान्याचे दर (प्रतिकिलो रु.) बार्शी शाळू : ३४ ते ४८ गहू : २८ ते ३६ हायब्रीड ज्वारी : २४ ते २८ बाजरी : २६ ते २८ नाचणी : ३६ ते ४० तेलाचे दर (प्रतिकलो रु.) शेंगतेल : १२५ सरकी तेल : ८६ खोबरेल : २४० सूर्यफूल : ९० ते १०५ मसाले दर (प्रतिकलो रु.) तीळ : १८० जिरे : २८० खसखस : ७०० खोबरे : १९० ते २०० वेलदोडे : २२००
मोबाइल अॅप डाउनलोड करा आणि राहा अपडेट
