कराडमध्ये कडकडीत बंद; मूक मोर्चा काढून शहिदांना श्रद्धांजली

कराड :

पुलवामातील भ्याड हल्ल्याच्या निषेधार्थ शनिवारी कराड बंदची हाक देण्यात आली होती. त्याला सर्वपक्षीय, सर्वधर्मीय नागरिकांनी उत्स्फूर्त प्रतिसाद देत कडकडीत बंद पाळला. दरम्यान, या हल्ल्याच्या निषेधार्थ दत्त चौक-कृष्णा नाक्यापर्यंत काढण्यात आलेल्या मुक मोर्चात हजारो नागरिक सहभागी झाले होते. कृष्णा नाक्यावर मोर्चाचा समारोप राष्ट्रगीताने आणि शहीद जवानांना श्रद्धांजली अर्पण करून करण्यात आली.

जवानांना श्रद्धांजली अर्पण करण्यासाठी येथील दत्त चौकात असलेल्या छत्रपती शिवाजी महाराजांच्या पुतळ्यासमोर शनिवारी सकाळी अकरा वाजता मोठ्या प्रमाणात नागरिक उपस्थित होते. मूक मोर्चात शाळा, महाविद्यालयीन मुले-मुली, महिला, प्रौढ-ज्येष्ठ नागरिक उत्स्फूर्तपणे सहभागी झाले होते. डॉ. सुभाषराव एरम यांनी उपस्थितांना संबोधित करताना आपल्या भावना व्यक्त केल्या. या वेळी आमदार आनंदराव पाटील, विठ्ठल रुक्मिणी मंदिरे समितीचे अध्यक्ष डॉ. अतुल भोसले, राज्य सहकार परिषदेचे अध्यक्ष शेखर चरेगावकर, नगराध्यक्षा रोहिणी शिंदे, नगरसेवक विनायक पावसकर आदी उपस्थित होते.

'मी तिकिटाची

काळजी करीत नाही'

सातारा :

'बसचे तिकीट आहे, पिक्चरचं पण आहे, राहिले तर शेवटी पोस्टाचंही तिकीट आहेच की. त्यामुळे मी कोणत्याही तिकिटाची काळजी करीत नाही,' अशी गुगली टाकून खासदार उदयनराजे भोसले यांनी राजकीय वर्तुळाचे लक्ष पुन्हा एकदा वेधून घेतले आहे.

मुंबईत गुरुवारी राष्ट्रवादी काँग्रेसच्या प्रमुख नेत्यांची बैठक झाली होती. या बैठकीत राज्यातील विविध लोकसभा मतदारसंघांचा आढावा घेण्यात आला. त्या वेळी सातारा मतदारसंघाचाही विषय चर्चेत आला. या चर्चे दरम्यान, सातारा जिल्ह्यातील पक्ष आमदारांचा विरोध उदयनराजेंच्या उमेदवारीला असल्याचा मुद्दा समोर आला. त्या नंतर प्रमुख नेत्यांनी साताऱ्यातील पक्ष आमदारांना विचारात घेऊनच उदयनराजेंना उमेदवारी देण्यात यावी, असे ठरविले. त्या पार्श्वभूमीवर राजे बोलत होते.

आत्मविश्वास हरवल्यानचे

शरद पवारांची उमेदवारी

चंद्रकांत पाटील यांचा आरोप

म. टा. वृत्तसेवा, कराड

शरद पवार यांना या वयात जाहीर निवडणुकीची पळापळ जमणार नसल्याने त्यांनी निवडणूक लढवू नये, असा सल्ला मी दिला होता. मात्र, त्यांचा कार्यकर्त्यांवर विश्वास राहिला नसल्याने जागा जिंकण्यासाठी त्यांना घरातील सदस्यांना उमेदवारी द्यावी लागली. या वरून त्यांचा आत्मविश्वास हरवल्याचेच दिसून येते. विजय पदरात पाडण्यासाठीच त्यांना माढ्यातून स्वतःच निवडणूक रिंगणात उतरावे लागले आहे,' अशी टीका महसूलमंत्री चंद्रकांत पाटील यांनी केली आहे.

टिळक हायस्कूलमध्ये शनिवारी सातारा, सांगली, कोल्हापूर व हातकणंगले या लोकसभा मतदार संघांतील भाजपच्या क्लस्टर टीमची बैठक आयोजित करण्यात आली होती. त्या नंतर आयोजित पत्रकार परिषदेत ते बोलत होते. या वेळी भाजपचे प्रदेश चिटणीस मकरंद देशपांडे, राज्य सरकार परिषदेचे अध्यक्ष शेखर चारेगावकर, श्री विठ्ठल रुक्मिणी मंदिरे समितीचे अध्यक्ष डॉ. अतुल भोसले, आण्णासाहेब पाटील आर्थिक विकास महामंडळाचे अध्यक्ष नरेंद्र पाटील आदी उपस्थित होते.

पाटील म्हणाले, 'भाजप-शिवसेना युतीची चर्चा अंतिम टप्प्यात आहे. जोपर्यंत जागांचा फॉर्म्युला निश्चित होत नाही, तोपर्यंत लोकसभेच्या कोणत्याही जागेवरील उमेदवारी जाहीर करण्यात येणार नाही. परंतु, नरेंद्र मोदी यांना पुन्हा पंतप्रधान बनवायचे आहे. हा राष्ट्रीय संदेश देशसभरातील कार्यकर्त्यांना देण्यात आला असून, त्या दृष्टीने सर्वजण काम करतील.'

क्लस्टर टीमच्या बैठकीची माहिती देताना आमदार सुरेश हाळवणकर म्हणाले, 'राज्यात १७ क्लस्टर असून, त्या पैकी सातारा, सांगली, सोलापूर, कोल्हापूर या चार जिल्ह्यांच्या क्लस्टर टीम व शक्ती केंद्र प्रमुखांची बैठक घेण्यात आली. त्यामध्ये एका लोकसभा मतदारसंघातून सुमारे ८००-९०० कार्यकर्ते उपस्थित होते. त्यामध्ये क्लस्टर टीम, शक्ती केंद्र, बुथ प्रमुख, कार्यकर्त्यांना लोकसभा निवडणुकीच्या दृष्टीने संघटनात्मक बांधणीचे संदेश देण्यात आले आहेत. त्यामुळे सर्व पक्षांपेक्षा संघटनात्मक बांधणीत भाजप अग्रक्रमांकावर असून,९० हजार बुथपैकी ८५ हजार बुथची बांधणी पूर्ण झाली आहे.'

क्लस्टर टीमच्या बैठकीला केंद्रीय संघटनमंत्री व्ही. सतीश, पक्ष प्रवक्ते माधव भंडारी, सातारा जिल्ह्याचे सहपालकमंत्री सदाभाऊ खोत, प्रदेश चिटणीस महेश देशपांडे,आमदार अमल महाडिक, पश्चिम महाराष्ट्र देवस्थान समितीचे अध्यक्ष महेश जाधव, खासदार संजय पाटील, समर्जित घाडगे, महिला प्रवक्त्या नीता केळकर, रवी अनासपुरे आदी उपस्थित होते.

मेरा परिवार, भाजप परिवार

भाजपच्या प्रत्येक पदाधिकारी, कार्यकर्त्यांसह देश व राज्यातील ज्या नागरिकांना सरकारच्या विविध योजनांचा लाभ मिळाला आहे. त्यांच्या प्रत्येकांच्या घरावर भाजपचा झेंडा फडकवून मेरा परिवार, भाजप परिवार ही जनसंपर्क अभियान राबविण्याची मोहीम हाती घेण्यात आली आहे. त्या नुसार देशासह राज्यातील भाजपच्या कोट्यवधी घरावर झेंडे लावण्यात येणार आहेत, अशी माहिती या वेळी देण्यात आली.

..........

तीन मार्च रोजी देशभरात दुचाकी रॅली

पंतप्रधान नरेंद्र मोदी २६ फेब्रुवारी रोजी देशातील सर्व मंडल स्तरावरील कार्यकर्त्यांशी संवाद साधणार आहेत. त्याच्या माध्यमातून देशातील घराघरात भाजप, विविध योजना, विकास या बाबत जनजागृती करण्यात येणार आहे. तीन मार्च रोजी देशात व राज्यात तब्बल २००० मोटारसायकलची रॅली काढण्यात येणार असून, ही रॅली ग्रामीण भागांत १५० कि.मी. तर शहरी भागात ६० कि.मी. प्रतिदिन काढण्यात येणार आहे.

स्वप्नील सुतार खूनप्रकरणी

आरोपीस सात दिवसांची कोठडी

म. टा. वृत्तसेवा, कराड

पुणे-बेंगळुरू राष्ट्रीय महामार्गावरील मालखेड (ता. कराड) गावच्या हद्दीत पेठवडगाव (ता. हातकणंगले) येथील स्वप्नील सुतार याचा सोमवारी, ११ रोजी खून झाल्याची घटना समोर आली होती. त्या संदर्भात पोलिसांच्या तपसास यश आले आहे. स्वप्नील ज्या ट्रकने पुण्यावरून कोल्हापूरच्या दिशेने प्रवास करीत होता, त्या ट्रक चालकानेच त्याच्या जवळील रोख रक्कम व इतर चीजवस्तू मिळवण्यासाठी त्याचा गळा आवळून खून केल्याची कबुली दिली आहे. या प्रकरणी ट्रक चालकला ताब्यात घेण्यात आले असून, त्याला न्यायालयात हजर केले असता न्यायालयाने त्याला सात दिवसांची पोलिस कोठडी सुनावली आहे.

स्वप्नील गणेश सुतार महामार्गावरून रविवारी, १० फेब्रुवारी रोजी पुणे येथील नवले ब्रिज येथून कोल्हापूरच्या दिशेने जाणाऱ्या आयसर ट्रकमध्ये बसला होता. मित्र आणि नातेवाईकांच्या माहितीवरून पोलिसांनी खेड शिवापूर ते किनी टोल नाक्यावरील सीसीटीव्ही फुटेज व संशयास्पद वाहनांची तपासणी केली असता कर्नाटक राज्यातील आयसर ट्रक (के. ए. १६- डी ०८६३) संशयास्पद आढळला. त्या नुसार सदर वाहन व त्या वरील चालकाची माहिती घेऊन ट्रक चालकाकडे चौकशी केली असता ट्रक चालक संदीप बिडगी (वय ३०, रा. बेल्लारी, कर्नाटक) याने स्वप्नीलला पैसे व त्याच्याजवळील चीजवस्तू मिळवण्याच्या लालसेपोटी त्याचा गळा आवळून त्याला मालखेड येथील सेवा रस्त्यालगत उसाच्या शेतात टाकल्याची कबुली दिली. या प्रकरणी स्थानिक गुन्हे अन्वेषण शाखेने संदीप बिडगी याला ताब्यात घेत न्यायालयात हजर केले असता न्यायालयाने त्याला सात दिवसांची पोलिस कोठडी सुनावली आहे.

म. टा. प्रतिनिधी, कोल्हापूर

भाजी मंडयांत गवारीची आवक कमी झाल्याने दरात प्रतिकिलो १० ते २० रुपयांनी वाढ झाली आहे. आज गवारीचा दर प्रतिकिलो १२० ते १६० रुपये किलो होता. तर भेंडीचा दर प्रतिकिलो ६० रुपयांवर स्थिर राहिला. काकडीच्या दरातही दहा रुपयांनी वाढ झाली. पालेभाज्यांची आवक झाल्याने त्यात स्वस्ताई आली आहे. पोळ्याच्या पोर्णिमेमुळे बटाट्याची विक्रीही चांगली झाली.

वांगी, वरणा, वाटाणा, फ्लॉवर, कोबी, गाजराची बाजारात मोठी आवक झाली. वांग्याचा दर प्रतिकिलो १५ ते २० रुपये राहिला. कोबीचा दर प्रतिगड्डा १० ते २० रुपये होता. फ्लॉवर गड्ड्याची विक्री १५ ते ४० रुपयांनी झाली. वरणा, वाटाण्याचा दर प्रतिकिलो वीस ते तीस रुपयांवर स्थिर होता. काकडीचेही बाजारात आगमन झाले असून यात प्रतिकिलो १० रुपयांनी वाढ झाली. प्रतिकिलो ६० ते ८० रुपयांनी काकडीची विक्री झाली. टोमॅटोचा दर ३० ते ४० रुपये तर दोडका ४० ते ५० रुपयांनी विकला गेला. पालेभाज्यांची मोठी आवक झाल्याने मेथी, चाकवत, कांदा पात, पोकळा, करडा पेंढीचा दर पाच रुपये होता. कोथिंबीरही स्वस्त झाली असून प्रतिपेंढी पाच रुपये दराने त्याची विक्री झाली.

मंगळवारी (ता. १९) कुलधर्म पोर्णिमा म्हणजे पोळ्याची पोर्णिमा असून त्यासाठी बटाट्याची चांगली विक्री झाली. प्रतिकिलो २० ते ३० रुपये असा बटाट्याचा दर होता. इंदूर बटाट्याला मोठी मागणी होती. त्याचबरोबर कडीपत्ता, मिरची, टोमॅटो खरेदीकडेही ग्राहकांचा ओढा दिसत होता.

फळभाज्यांचे दर (प्रतिकिलो रुपयांत)

वांगी : १५ ते २०

टोमॅटो : ३० ते ४०

भेंडी : ६० ते ८०

ढबू : ४०

गवार : १२० ते १६०

दोडका : ४० ते ६०

कारली : ६० ते ८०

वरणा : ३०

हिरवी मिरची : ४० ते ५०

फ्लॉवर : १५ ते ४०

कोबी : १०

बटाटा : २० ते ३०

लसूण : ४०

कांदा : १५ ते २५

पालेभाजी दर (पेंढी रुपयांत)

मेथी : ५

कांदा पात : ५

कोथिंबीर : ५

पालक : ५

शेपू :१०

चाकवत : ५

करडा : ५

फळांचे दर (प्रतिकिलो रुपयांत)

सफरंचद : ६० ते १४०

डाळिंब : ४० ते ६०

मोसंबी : ३० ते ८०

चिकू : ४०

द्राक्षे : ४० ते ६०

केळी : २० ते ६० (डझन)

जवारी केळी : ३० ते ७० (डझन)

कोल्हापूर टाइम्स टीम

छत्रपती शिवाजी महाराजांच्या जयंतीनिमित्त करवीरनगरी सज्ज झाली असून भगव्या पताका आणि ध्वजांनी चौक सजले आहेत. गडकोटांच्या प्रतिकृती आणि आणि शिवजन्मावर आधारित उभारण्यात आलेले देखावे पाहण्यााठी गर्दी होऊ लागली आहे. शिवज्योतीचे आगमन आणि जल्लोषी मिरवणुकीची तयारी मंडळांकडून सुरू झाली आहे.

शिवाजी पेठेतील शिवाजी तरुण मंडळाने भरगच्च कार्यक्रमाचे आयोजन केले आहे. मंडळाने उभारलेली गडकोटाची प्रतिकृती पाहण्यासाठी नागरिकांची गर्दी होऊ लागली आहे. गुरुवारपासून (ता. १५)सांस्कृतिक कार्यक्रम सुरू झाले असून पोवाडे, शिवचरित्र नाटिकेने वातावरण शिवमय झाले आहे. आज रविवारी सकाळी विद्यार्थ्यासाठी चित्रकला स्पर्धा तर सायंकाळी वक्तृत्व स्पर्धा झाली. शिवजयंतीदिवशी मंगळवारी (ता. १९) भव्य मिरवणूक काढण्यात येणार आहेत. त्यामध्ये घोडे, उंट, प्रबोधनात्मक फलक, धनगरी ढोल, हलगी, झांज पथक, ढोल पथकांचा समावेश आहे. तसेच शिव जीवनावर आधारित शोभायात्रा काढण्यात येणार आहे.

मंगळवार पेठ मिरजकर तिकटी येथे मावळा कोल्हापूरच्यावतीने संभाजी महाराजांच्या जीवनावर आधारित देखावा रविवारी रात्री सादर केला. हा देखावा पाहण्यासाठी शिवभक्तांनी गर्दी केली होती. सोमवारी पोवाडा व देखावा सादर केला आहे. मंगळवारी सायंकाळी मिरवणूक काढण्यात येणार असून मर्दानी खेळ, लेझीम पथक, १०० जणांचे ढोल पथक हे मुख्य आकर्षण राहणार आहे.

दरम्यान पापाची तिकटी, शाहूपुरी कुंभार गल्ली, बापट कॅम्प कुंभार वसाहत, मार्केट यार्ड, रुईकर कॉलनी परिसरातील शिवाजी महाराजांचे विविध आकारातील पुतळे विक्रीसाठी ठेवण्यात आले आहेत. पुतळे खरेदीसाठी लहान मुलांसह पालकांची गर्दी होऊ लागली आहे.

व्याख्यानमालेचे ५१ वर्षे

शिवजयंती उत्सवात शिवाजी तरुण मंडळाच्यावतीने सलग ५१ व्या वर्षी व्याख्यानमालेचे आयोजन केले आहे. यावेळी गडकोट अभ्यासक भगवान चिले, प्रा. राजेंद्र कुंभार, डॉ. विनोद बाबर, प्रा. मधुकर पाटील यांची व्याख्याने होणार आहेत. यापूर्वी झालेल्या व्याख्यानमालेत माजी मुख्यमंत्री पृथ्वीराज चव्हाण, शिवाजीराव भोसले, ज्येष्ठ विचारवंत प्राचार्य पी. बी. पाटील, डॉ. आ. ह. साळुंखे, पार्थ पोळके, शिवाजी पेठेतील पहिले आमदार पी. बी. साळुंखे यांची व्याख्याने झाली आहेत.

म. टा. प्रतिनिधी, कोल्हापूर

'भारतीय जनता पक्षाच्या सरकारला पाच वर्षात राज्याचे शैक्षणिक धोरण निश्चित करणे जमले नाही. उलट शिक्षकांचे त्रयस्थ यंत्रणेकडून मूल्यांकन करण्याचे धोरण आखले. अशा जाचक अटींमुळे शिक्षकांची गळचेपी होणार आहे. पुरोगामी विचाराचे काँग्रेस आघाडीचे सरकार सत्तेत आल्यावर शिक्षकांना शाळाबाह्य व अशैक्षणिक कामे देण्याचे धोरण बंद करू' अशी ग्वाही आमदार सतेज पाटील यांनी दिली. महाराष्ट्र राज्य शिक्षक भारती संघटनेच्या जिल्हा शाखेतर्फे मुंबई शिक्षक मतदारसंघातून तिसऱ्यांदा निवडून आल्याबद्दल आमदार व लोकतांत्रिक जनता दलाचे प्रदेशाध्यक्ष कपिल पाटील यांचा सत्कार झाला. यावेळी ते बोलत होते.

दसरा चौकातील मैदानावर कार्यक्रम झाला. आमदार सतेज पाटील यांच्या हस्ते आणि महापौर सरिता मोरे यांच्या उपस्थितीत आमदार पाटील यांचा राजर्षी शाहू महाराजांचा पुतळा, संविधानाची प्रत देऊन त्यांचा सत्कार करण्यात आला. शिक्षक भारतीच्या कोल्हापूर शाखेने शहीद जवानांच्या कुटुंबीयांसाठी ५१ हजार रुपयांची मदत जाहीर केली. सीआरपीएफच्या जवानांना निवृत्ती वेतन सुरू करण्याची मागणी केली.

आमदार सतेज पाटील यांनी कपिल पाटील यांच्या कार्याचे कौतुक करुन म्हणाले, 'पाटील यांच्यासारखा चळवळीतील कार्यकर्ता विधान परिषदेत असणे हे राज्याच्या हिताचे आहे. काँग्रेस आघाडीची सत्ता आल्यावर त्यांना मंत्रिमंडळात सोबत घेऊ.'

दरम्यान, भाजपला हटविण्यासाठी काँग्रेससोबत असल्याचे कपिल पाटील म्हणाले. 'भाजपने ज्या-ज्या वेळी राज्यात व केंद्रात सत्ता काबीज केली, तेव्हा त्यांनी शिक्षणावर पहिला हल्ला चढविला. कामगार व लोककल्याणकारी कायदे बरखास्त केले. सध्या शिक्षणाचे कंपनीकरण करण्याचा खटाटोप सुरू आहे. सरकारच्या चुकीच्या धोरणाविरोधात लढाई करताना भाजपला सत्तेवरुन हटविण्यासाठी काँग्रेस आघाडीसोबत राहू' अशी घोषणा आमदार कपिल पाटील यांनी केली. राजर्षी शाहू महाराज हे समतावादी चळवळीतील लोकांचे प्रेरणास्थान तर कोल्हापूर हे पुरोगामी चळवळीचे तीर्थक्षेत्र आहे. हा सत्कार स्वीकारताना आनंद होत असल्याचे पाटील यांनी नमूद केले.

गडहिंग्लजच्या नगराध्यक्षा स्वाती कोरी, प्राथमिक शिक्षक भारतीचे राज्याध्यक्ष नवनाथ गेंड, शिक्षक प्रताप पाटील, मंगेश धनवडे यांची भाषणे झाली. जिल्हाध्यक्ष गजानन कांबळे यांनी प्रास्ताविक केले. किरण पाटील, पंढरीनाथ पाटील यांनी सूत्रसंचालन केले. अमर खोत यांनी आभार मानले. याप्रसंगी अशोक बेलसरे, सुभाष मोरे, जालिंदर सरोदे, प्रकाश शेळके, एम.टी.पाटील, काकासाहेब भोकरे उपस्थित होते.

'मुख्यमंत्री नको अर्थमंत्री व्हा'

लेखक कृष्णात खोत यांनी भाषणात आमदार सतेज पाटील यांचा राज्याचे भावी गृहमंत्री व कपिल पाटील यांचा शिक्षणमंत्री असा उल्लेख केला. त्याअनुषंगाने कपिल पाटील यांनी 'माझा काही भविष्यावर विश्वास नाही. पण ते मुख्यमंत्री झाले तर मला शिक्षणमंत्री करतील. पण, मी असे काही करणार नाही. शिवाय त्यांना मुख्यमंत्री व्हा असे काही म्हणणार नाही. कारण काँग्रेसची संस्कृती वेगळी आहे. त्यांचे विनाकारण शत्रू वाढतील. त्यांनी मुख्यमंत्र्याऐवजी अर्थमंत्री बनावे. कारण शिक्षकांच्या मागण्यांसाठी हक्काने ते निधीची तरतूद करतील. मुख्यमंत्री कुणीही असो, तिजोरीच्या किल्ल्या या अर्थमंत्र्याकडे असतात' अशी टिप्पणी करताच उपस्थितामध्ये एकच हशा पिकला.

म. टा. प्रतिनिधी, कोल्हापूर

शिवाजी विद्यापीठाच्या मार्च २०१८ मध्ये झालेल्या दीक्षान्त समारंभातील पदवी प्रमाणपत्रावरील स्वाक्षरीचा घोळ आणि दुबार प्रमाणपत्र छपाईचा चौकशी अहवाल सोमवारी ता.१८ प्रशासनाला सादर होणार आहे. या प्रकरणाच्या चौकशीसाठी नेमलेल्या त्रिसदस्यीय समितीने चौकशीचे काम पूर्ण केले आहे. चौकशी अहवालास विलंब होत असल्यामुळे प्रशासनाने गेल्या आठवड्यात समितीला अहवाल सादर करण्याविषयी लेखी कळविले होते. चौकशी अहवालात प्रमाणपत्रावरील दोषप्रकरणी कुणावर ठपका ठेवला जातो याकडे लक्ष लागून आहे.

विद्यापीठ कायद्यानुसार प्रमाणपत्रावर कुलगुरू आणि कुलसचिवांच्या स्वाक्षरी अत्यावश्यक असतात. मात्र गेल्यावर्षी केवळ कुलगुरूंच्या स्वाक्षरीसहीत सुमारे २५ हजार प्रमाणपत्रांची छपाई झाली. कुलसचिवांच्या स्वाक्षरीशिवाय प्रमाणपत्रांची छपाई नियमबाह्य असल्याची चूक प्रशासनाच्या लक्षात आली. त्यानंतर प्रशासनाने घाईगडबडीने नव्याने प्रमाणपत्रे छापले. मात्र रंगीतऐवजी कृष्णधवल स्वरुपात नवी प्रमाणपत्रे छापली. त्यामध्ये असंख्य चुका आढळल्या. शिवाय अधिकाऱ्यांच्या अट्टाहासामुळे विद्यापीठाला लाखो रुपयांचा फटका बसला.

पदवी प्रमाणपत्रातील घोळप्रश्नी प्रशासनावर टीका झाल्यावर चौकशीसाठी त्रिसदस्यीय समिती नेमली. व्यवस्थापन परिषद सदस्य डॉ. भारती पाटील, अमित कुलकर्णी आणि प्राचार्य धनाजी कणसे यांचा समितीत समावेश आहे. या समितीने प्रमाणपत्र छपाई व स्वाक्षरीचा घोळप्रश्नी कागदपत्रे जमा केली आहेत. याप्रश्नी कुलगुरू डॉ. देवानंद शिंदे, प्रकुलगुरू डॉ. डी. टी. शिर्के, कुलसचिव विलास नांदवडेकर, परीक्षा व मूल्यमापन नियंत्रण मंडळाचे संचालक महेश काकडे यांचे म्हणणे ऐकून घेतले आहे. दरम्यान अखिल भारतीय विद्यार्थी परिषदेने १७ जुलै २०१८ रोजी प्रमाणपत्रातील चुकावरुन व्यवस्थापन परिषदेत घुसून प्रशासनाकडे जाब विचारला होता. सुटा संघटनेनेही सिनेटमध्ये प्रश्न विचारला होता.

कोल्हापूर : उत्तर प्रदेशचे उप मुख्यमंत्री केशव प्रसाद मौय यांचा कोल्हापूर दौरा काही कारणाने रद्द झाला आहे. भाजपने याबाबतचे पत्रक प्रसिद्धिस दिले आहे. सोमवारी (ता. १८) ते कोल्हापुरात येणार होते. हॉटेल सयाजीमध्ये 'भारत मन की बात' या कार्यक्रमात ते साखर कारखानदार, ऊस उत्पादक शेतकऱ्यांशी चर्चा करणार होते. मात्र, हा दौरा रद्द झाल्याचे जाहीर करण्यात आले आहे.

कोल्हापूर टाइम्स टीम

येत्या लोकसभा निवडणुकीसाठी जिल्ह्यासाठी चार हजार ८३४ व्हीव्हीपॅट मतदान यंत्र रविवारी दाखल झाले. हैद्रराबादमधील भारत इलेक्ट्रॉनिक्स निगम येथून पोलिस बंदोबस्तात यंत्रे आणून राजाराम तलावाशेजारील सरकारी गोडाऊनमध्ये ठेवण्यात आले. या यंत्राची तांत्रिक तपासणी बुधवारनंतर करण्यात येणार आहे. त्यासाठी कंपनीच्या अभियंत्यांचे पथक दाखल होणार आहे.

बेल कंपनीचे व्हीव्हीपॅट, इव्हीएम यंत्र यापूर्वीच आले होते. त्यांची तपासणी होऊन प्रात्यक्षिकही दाखवण्यात आले होते. मात्र अचानक निवडणूक आयोगाने ही यंत्रे मागवून विदर्भातील जिल्ह्यांना वितरित केली. त्याबदल्यात नवीन यंत्रे आली आहेत. यांची तपासणी झाल्यानंतर निवडणूक प्रशासनातर्फे मतदान केंद्रावर प्रात्यक्षिक दाखवण्याची मोहीम राबवणार आहे. टप्याटप्याने इव्हीएम यंत्रही येत आहेत, अशी माहिती निवडणूक विभागाचे उपजिल्हाधिकारी सतीश धुमाळ यांनी दिली.

कोल्हापूर टाइम्स टीम

शिवजयंतीनिमित्त आयोजित प्रबोधनात्मक व सांस्कृतिक कार्यक्रम, कॉम्रेड गोविंद पानसरे यांच्या स्मृतिदिनानिमित्त 'स्मृती जागर सभा' अशा विविध कार्यक्रमांची रेलचेल या आठवड्यात आहे. गीता मंदिर येथे'महाभारतकथा'विषयावर निरुपण सुरू आहे.

बुधवारी 'स्मृती जागर सभा'

कॉम्रेड गोविंद पानसरे यांच्या स्मृतिदिनानिमित्त बुधवारी ता.२० दुपारी तीन ते चार या वेळेत शाहू स्मारक भवन येथे सांस्कृतिक कार्यक्रमाचे आयोजन केले आहे. यामध्ये क्रांतिगीते, कविता वाचन व पोवाडा सादरीकरणाचा कार्यक्रम होईल. कॉम्रेड गोविंद पानसरे संघर्ष समितीतर्फे कार्यक्रम होणार आहे. समितीतर्फे दुपारी चार वाजता 'स्मृती जागर सभा'होणार आहे. माजी खासदार व गीतकार जावेद अख्तर प्रमुख पाहुणे तर ज्येष्ठ विचारवंत डॉ. आ. ह. साळुंखे अध्यक्षस्थान भूषविणार आहेत.

व्याख्यान, सांस्कृतिक कार्यक्रम

शिवाजी पेठेतील शिवाजी तरुण मंडळातर्फे शिवजयंतीचे औचित्य साधून १४ फ्रेब्रुवारीपासून विविध कार्यक्रम सुरू आहेत. दुर्ग अभ्यासक भगवान चिले यांचे सोमवारी (ता. १८) सायंकाळी व्याख्यान आयोजित केले आहे. मंगळवारी (ता.१९) सकाळी १०.१० वाजता जन्मकाळ सोहळा साजरा करण्यात येणार आहे. सायंकाळी चार वाजता मिरवणूक निघणार आहे. बुधवारी (ता.२०) रात्री नऊ वाजता 'शब्दसुरांच्या झुल्यावर' हा सांस्कृतिक कार्यक्रम आहे. प्रा. राजेंद्र कुंभार यांचे गुरुवारी (ता. २१) व्याख्यान आहे. डॉ. विनोद बाबर यांचे शुक्रवारी (ता. २२) तर प्रा. मधुकर पाटील यांचे शनिवारी (ता.२३) व्याख्यान होणार आहे. रोज सायंकाळी ६.३० वाजता व्याख्यानाला सुरुवात होते.

उत्सव, निरुपण

श्री संत रोहिदास महाराज जयंती व श्री सद्गुरू नारायणदास महाराज यांचा पुण्यतिथी उत्सव मंगळवारी (ता. १९) साजरा करण्यात येणार आहे. सुभाषनगर येथे कार्यक्रम आयोजित केला आहे. शिवाय श्री गीता मंदिरातर्फे दीपक भागवत यांचे 'महाभारतकथा' या विषयावर निरुपण सुरू आहे. ताराराणी चौक येथील गीता मंदिर येथे रोज सायंकाळी सहा ते आठ अशी वेळ आहे. २१ फेब्रुवारीपर्यंत निरुपणाचा कार्यक्रम होणार आहे.

म. टा. प्रतिनिधी, कोल्हापूर

कम्प्युटर विषयातील पदव्युत्तर पदवीसाठी एमसीए हा महत्वाचा अभ्यासक्रम आहे. एमसीएची प्रवेश प्रक्रिया २३ मार्च रोजी होणार आहे. कोणत्याही विषयातून पदवी परीक्षा उत्तीर्ण किंवा पदवी परीक्षेच्या अंतिम वर्षास बसलेले विद्यार्थी या परीक्षेसाठी पात्र आहेत. परंतु बारावी किंवा पदवी अभ्यासक्रमात गणित विषयाची आवश्यकता आहे. या प्रवेश परीक्षेच्या पूर्व तयारीसाठी केआयटीच्या 'आयएमईआर'मध्ये १७ मार्च रोजी सकाळी दहा वाजता कार्यशाळेचे आयोजन केले आहे अशी माहिती 'आयएमईआर'चे संचालक डॉ. सुजय खाडिलकर व एमसीए विभागप्रमुख प्रा. सुनील पाटील यांनी दिली आहे. संबंधित विद्यार्थ्यांनी कार्यशाळेचा लाभ घ्यावा असे आवाहन त्यांनी केले आहे.

Bhimgonda.Desai@timesgroup.com

Tweet : @bhimgondaMT

कोल्हापूर : येत्या लोकसभा निवडणुकीसाठी प्रसिद्ध केलेल्या अंतिम मतदार यादीत सर्वाधिक नवमतदार राधानगरी विधानसभा मतदारसंघात असल्याचे स्पष्ट झाले. याउलट सर्वात कमी नवमतदार इचलकरंजीमध्ये आहेत. नवमतदार पहिल्यांदाच मतदानाचा हक्क बजावणार असल्याने त्यांचा कौल महत्वाचा ठरणार आहे. त्यांच्यापर्यंत पोहोचण्यासाठी इच्छुक उमेदवारांनी मोर्चेबांधणी सुरू केली आहे. सोशल मीडियाचा वापर करून पोहोचण्याची धडपड आहे.

जानेवारी २०१९ पर्यंत १८ वर्षे पूर्ण झालेल्या सर्वांची नाव मतदारयादीत असावे यासाठी निवडणूक आयोगाच्या सूचनेनुसार जिल्हा निवडणूक यंत्रणेने दोन महिने विशेष मोहीम राबवली. अर्ज भरून घेणे, मतदार शोधण्यासाठी सर्वच राजकीय पक्षांच्या कार्यकर्त्यांची मदत घेण्यात आली. अनेक विद्यमान आमदारांनी खासगी कंपन्यांची मदत घेऊन अधिकाधिक नविन मतदारांचे अर्ज भरून घेत त्यांना निवडणूक यंत्रणेपर्यंत पोहोचवले. निवडणूक प्रशासनाने कॉलेजांत, महाविद्यालयांत जाऊन अर्ज भरून घेतले. व्यापक जागृती केली.

त्यामुळे मोठ्या संख्येने ऑनलाइन, ऑफलाइन अर्ज दाखल झाले. दाखल अर्जांची छाननी करून पात्र ५६ हजार ३०५ जणांचा सामावेश यादीत करण्यात आला. जिल्ह्यात अर्ध्या लाखांवर हे मतदार असल्याने लोकसभेसाठी इच्छुक उमेदवारांनी त्यांच्यावर लक्ष केंद्रीत केले. याशिवाय नव्याने विधानसभा निवडणूक लढवू इच्छिणारे आणि पुन्हा रिंगणात येणाऱ्या विद्यमान आमदारांनीही संपर्क वाढवला आहे. ते युवकांसाठी कार्यक्रम घेत आहेत. निवडणूक प्रशासन या सर्व नवमतदारांना ओळखपत्र वितरित करीत आहे. गावपातळीवरील सरकारी कर्मचाऱ्यांकडून संबंधीत मतदारांपर्यंत ओळखपत्र पोहचवले जात आहे.

एकच तृतीयपंथी नविन मतदार

मतदार यादीत तृतीयपंथीय मतदारांची स्वतंत्र नोंद घेण्यात आली आहे. त्यात कोल्हापूर दक्षिणमधून एकच तृतीयपंथीय नवमतदाराची नोंद झाली. इतर कोणत्याही विधानसभा मतदारसंघातून एकही तृतीयपंथीय मतदाराची नोंद झाली नाही.

विधानसभा मतदारसंघनिहाय नवमतदारांची आणि त्यातील युवतींची संख्या

कोल्हापूर दक्षिण : ५७९८ (२२८६)

उत्तर : ४१४९ (१७४७)

चंदगड : ६८२३ (३००३)

राधानगरी : ७३२८ (२९००)

कागल : ६९५२ (२७०६)

करवीर : ५५७१ (२११६)

शाहूवाडी : ५६६३ (२०७९)

हातकणगंले : ४८४२ (१७९८)

इचलकरंजी : ३९७१ (१५३२)

शिरोळ : ५२०८ (२०१८)

युवती मतदार कमी

१८ ते १९ वयोगटातील ५६ हजार ३०५ जणांचे नाव मतदारयादीत नव्याने सामाविष्ट झाले आहे. त्यातील २२ हजार १८५ मुली आहेत. उर्वरित मुले आहेत. तुलनेने मुलींची संख्या कमी आहे. यावरून मतदार यादीत नाव येण्यासाठी आणि निवडणूक प्रक्रियेत सहभागी होण्यासाठी युवतींमध्ये अजूनही उदासीनता असल्याचे पुढे आले. शहरांत जागृकता जास्त असूनही चंदगड विधानसभा मतदारसंघात नविन मतदारांत मुलींनी आघाडी घेतली. मुलींची संख्या ३००३ तर मुलांची संख्या ३८२० अशी आहे.

००००

(मूळ कॉपी)

Bhimgonda.Desai@timesgroup.com

Tweet : @bhimgondaMT

कोल्हापूर : येत्या लोकसभा निवडणुकीसाठी प्रसिद्ध केलेल्या अंतिम मतदार यादीत सर्वाधिक राधानगरी विधानसभा मतदारसंघात नवमतदार असल्याचे स्पष्ट झाले. याउलट सर्वात कमी इचलकरंजीमध्ये झाली आहे. हे मतदार पहिल्यांदाच मतदानाचा हक्क बजावणार असल्याने त्यांचा कौल महत्वाचा ठरणार आहे. त्यांच्यापर्यंत पोहचण्यासाठी इच्छुक उमेदवारांनी मोर्चेबांधणी सुरू केली आहे. सोशल मिडियाचा वापर करून पोहचण्याची धडपड केली जात आहे.

जानेवारी २०१९ पर्यंत १८ वर्षे पूर्ण झालेल्या सर्वांची नाव मतदार यादीत असावीत, यासाठी निवडणूक आयोगाच्या सूचनेनुसार जिल्हा निवडणूक यंत्रणेने दोन महिने विशेष मोहिम राबवली. अर्ज भरून घेणे, मतदार शोधण्यासाठी सर्वच राजकीय पक्षांच्या कार्यकर्त्यांची मदत घेण्यात आली. अनेक विद्यमान आमदारांनी खासगी कंपनीची मदत घेऊन अधिकाधिक नविन मतदारांचे अर्ज भरून घेत निवडणूक यंत्रणेपर्यंत पाहचवले. निवडणूक प्रशासनाने कॉलेज, महाविद्यालयात जाऊन अर्ज भरून घेतले.

व्यापक जागृती केली. यामुळे ऑनलाईन, ऑफलाईन अर्ज मोठ्या संख्येने दाखल झाले. आलेल्या अर्जांची छाननी करून पात्र ५६ हजार ३०५ जणांचा सामावेश यादीत करण्यात आला. जिल्ह्यात अर्ध्या लाखांवर हे मतदार असल्याने लोकसभेसाठी इच्छुक उमेदवारांनी त्यांच्यावर लक्ष केंद्रीत केले. याशिवाय नव्याने विधानसभा निवडणूक लढवू इच्छिणारे आणि पुन्हा रिंगणात येणारे विद्यमान आमदारांनीही संपर्क वाढवला आहे. युवकांसाठी कार्यक्रम घेत आहेत. निवडणूक प्रशासन या सर्व नवमतदारांना ओळखपत्र वितरित करीत आहे. गावपातळीवरील सरकारी कर्मचाऱ्यांकडून संबंधीत मतदारापर्यंत ओळखपत्र पोहचवले जात आहे.

----------

एकच तृतीयपंथी नविन मतदार

विधानसभा मतदारसंघनिहाय नवमतदारांची एकूण आणि त्यातील युवतींची संख्या अशी : कोल्हापूर दक्षिण : ५७९८ (२२८६), उत्तर : ४१४९ (१७४७), चंदगड : ६८२३ (३००३), राधानगरी : ७३२८ (२९००), कागल : ६९५२ (२७०६), करवीर : ५५७१ (२११६), शाहूवाडी : ५६६३ (२०७९), हातकणगंले : ४८४२ (१७९८), इचलकरंजी : ३९७१ (१५३२), शिरोळ : ५२०८ (२०१८). दरम्यान, मतदार यादीत तृतीयपंथीय मतदाराची स्वतंत्र नोंद घेण्यात आली आहे. त्यात कोल्हापूर दक्षिणमधून एकच तृतीयपंथीय नवमतदाराचा नोंद झाली. इतर कोणत्याही विधानसभा मतदारसंघातून एकही नोंद झाली नाही.

-------------

चौकट

युवती मतदार कमी

१८ ते १९ वयोगटातील ५६ हजार ३०५ जणांचे नाव मतदार यादीत नव्याने सामाविष्ट झाले आहे. त्यातील २२ हजार १८५ मुली आहेत. उर्वरित मुले आहेत. मुले मतदारांच्या तुलनेत मुलींची संख्या कमी आहे. यावरून मतदार यादीत नाव येण्यासाठी आणि निवडणूक प्रक्रियेत सहभागी होण्यासाठी युवतींमध्ये अजूनही उदासीनता असल्याचे पुढे आले. शहरात जागृतता जास्त असूनही तुलनेत चंदगड विधानसभा मतदारसंघात नविन मतदारांत मुलींनी आघाडी घेतली. मुलींचे ३००३ असे तर मुलांची संख्या ३८२० अशी आहे.

---------

कुंडलवाडीच्या नगराध्यक्षा अरुणा कुडमुलवार यांच्या अपात्रतेबाबत कारवाई

म. टा. प्रतिनिधी, औरंगाबाद

विहित मुदतीत जात वैधता प्रमाणपत्र सादर न केल्यामुळे, कुंडलवाडी नगर परिषदेच्या नगराध्यक्षा अरुणा कुडमुलवार यांच्या विरुद्ध अपात्रतेबाबत कारवाई करण्याचे आदेश उच्च न्यायालयाने दिले होते. या आदेशाचे पालन केले नसल्यामुळे दाखल अवमानना याचिकेच्या अनुषंगाने नांदेडचे जिल्हाधिकारी अरुण डोंगरे यांना नोटीस बजावण्याचा आदेश न्या. पी. बी. वराळे आणि न्या. एस. एम. गव्हाणे यांनी दिला.

कुंडलवाडी नगर परिषदेच्या २०१६ च्या सार्वत्रिक निवडणूकीत अरुणा विठ्ठलराव कुडमुलवार या भाजपच्या तिकिटावर इतर मागास प्रवर्गासाठी राखीव पदावर थेट नगराध्यक्षा म्हणून १९ डिसेंबर २०१६ रोजी निवडून आल्या होत्या. महाराष्ट्रÑ नगर परिषद कायदा १९६५ च्या कलम ९-अ नुसार कुडमुलवार यांना सहा महिन्यात जात वैधता प्रमाणपत्र सादर करणे बंधनकारक होते. मात्र, सहा महिन्याची मुदत बंधनकारक आहे किंवा नाही याबाबत उच्च न्यायालयाच्या विविध निर्णयांमध्ये तफावती होत्या. तथापी २३ ऑगस्ट २०१८ रोजी सर्वोच्च न्यायालयाने शंकर रघुनाथ देवरे पाटील प्रकरणात सहा महिन्यात वैधता प्रमाणपत्र सादर करणे बंधनकारक असल्याचा निर्वाळा दिला.

कुडमुलवार यांनी त्यांचे जात वैधता प्रमाणपत्र सादर केले नसल्यामुळे अर्चना भीमराव पोतणकर यांनी ३१ ऑगस्ट २०१८ रोजी नांदेडचे जिल्हाधिकारी अरुण डोंगरे यांना निवेदन देऊन महाराष्टÑ नगर परिषद कायद्याच्या कलम ९-अ आणि सर्वोच्च न्यायालयाच्या आदेशानुसार कुडमुलवार यांच्या पद रिक्ततेची कारवाई करावी, अशी विनंती केली. परंतु कारवाई न झाल्यामुळे पोतणकर यांनी खंडपीठात याचिका सादर केली. खंडपीठाने २२ ऑक्टोबर २०१८ च्या आदेशान्वये कुडमुलवार यांच्या पदरिक्ततेसंबंधी एक महिन्यात निर्णय घेण्याचे आदेश जिल्हाधिकाऱ्यांना दिले होते.

दरम्यान, राज्य सरकारनेÑ २७ सप्टेंबर २०१८ रोजी अध्यादेश काढून सदरील सहा महिन्याची मुदत वाढवून १२ महिने केली. तसेच अध्यादेशाच्या तारखेपर्यंत वैधता प्रमाणपत्र दाखल करण्याची मुभा दिली. तथापी, त्याही मुदतीत कुडमुलवार यांनी जात वैधता प्रमाणपत्र सादर केले नाही, असे असुनही जिल्हाधिकारी डोंगरे उच्च न्यायालयाच्या आदेशानुसार कुडमुलवार यांच्या पद रिक्ततेची कारवाई करीत नाहीत, ही बाब उच्च न्यायालयाच्या आदेशाचा अवमान करणारी असल्याने पोतणकर यांनी अ‍ॅड. सुनील विभुते यांच्यामार्फत जिल्हधिकारी डोंगरे यांच्याविरुद्ध खंडपीठात अवमानना याचिका सादर केली. १४ फेब्रुवारी झालेल्या सुनावणीवेळी अ‍ॅड. सुनिल विभुते यांचा युक्तिवाद ऐकून खंडपीठाने जिल्हाधिकारी डोंगरे यांना नोटीस बजावण्याचा आदेश दिला. या याचिकेची पुढील सुनावणी २८ मार्च १९ रोजी होणार आहे.

लातूर जिल्हा माहेश्वरी अधिवेशनास मोठा प्रतिसाद

म. टा. प्रतिनिधी, लातूर

कोणत्याही समाजाचे संघटन स्वरक्षणासाठी मजबूत असायला हवे. माहेश्वरी समाज अशा अधिवेशनातून एकत्र येतोय ही खूप मोठी उपलब्धी आहे, असे मत अखिल भारतीय माहेश्वरी सभेचे अध्यक्ष शामसुंदर सोनी यांनी रविवारी बोलताना व्यक्त केले.

श्री केशव बालाजी देवस्थानच्या धर्म व संस्कार नगरीत रविवारी झालेल्या माहेश्वरी समाजाच्या एक दिवशीय अधिवेशनात मार्गदर्शन करताना सोनी बोलत होते. महेश पूजन आणि दीप प्रज्वलनाने या अधिवेशनाची सुरूवात करण्यात आली. याप्रसंगी मंचावर संयोजक हुकूमचंद कलंत्री, महिला अध्यक्षा विभा गिल्डा, माहेश्वरीचे जिल्हाध्यक्ष राजकुमार पल्लोड, प्रदेशाध्यक्ष मधुसूदन गांधी, माहेश्वरीचे अखिल भारतीय प्रवक्ते रमेश परताणी, सभेचे जिल्हा सचिव सत्यनारायण हेड्डा, कोषाध्यक्ष फुलचंद काबरा, संघटनमंत्री ओमप्रकाश सारडा, युवा अध्यक्ष विशाल काबरा, प्रकाश कासट आदींची प्रमुख उपस्थिती होती.

मारवाडी समाज संपूर्ण जगात आहे. मात्र, त्यांची लोकसंख्या अगदी नगण्य आहे, असे नमुद करून सोनी म्हणाले, 'समाजाची राष्ट्रीय, राज्यस्तरीय व जिल्हास्तरीय संघटन आहे. हे संघटन मजबूतही आहे. राष्ट्रीय स्तरावरची संस्था शंभर वर्षांपूर्वी स्थापन झाली आहे. सुसंस्कारीत समाज निर्माण व्हावा व समाजाचे प्रश्न सुटावेत यासाठी या संस्था कार्यरत आहेत.'

समाजामध्ये एक वर्ग प्रचंड श्रीमंत आहे तर दुसरा वर्ग दयनीय अवस्थेतत आहे. त्यांना बळ देऊन आपल्या सोबत आणण्याची गरज आहे. घुंघट हटविण्यासाठी अडीच दशके संघर्ष करावा लागला. हे परिवर्तन उत्तम आहे. समाजातील १२ युवकांनी विधवा मुलींशी विवाह करून सर्व समाजासमोर एक आदर्श निर्माण केला असल्याचे सोनी यांनी सांगितले.

समाजात पूर्वी एकत्रीत कुटुंब पद्धत होती. दुर्दैवाने अलिकडच्या काळात या पद्धतीचे विघटन झाले. त्यामुळे अनेक समस्या निर्माण होत आहेत, असे नमुद करून रमेश परताणी यांनी एकत्रीत कुटुंब पद्धतीमुळे मुलांवर आजी-आजोबांकडून उत्तम संस्कार होत होते. त्यामुळे अजूनही समाजात एकत्रीत कुटुंब पद्धती आवश्यक असल्याचे त्यांनी सांगितले. मधुसूदन गांधी यांनी मुलींचे २८ व्या वर्षी तर मुलाचे ३५ व्या वर्षी विवाह होत असल्यामुळे त्याचा विपरीत परिणाम समाजाच्या लोकसंख्येवर होत आहे. संपूर्ण जगात समाजाची लोकसंख्या जेमतेम दहा लाख असल्याचे त्यांनी सांगितले.

जिल्हा माहेश्वरी सभेचे अध्यक्ष राजकुमार पल्लोड यांनी जिल्ह्यातील सर्व माहेश्वरी बंधू-भगिनींचे परिचयपत्राचे (बायोडेटा) संकलन करणे, गृहउद्योगाला चालना देऊन महिला भगिनींना स्वत:च्या पायावर उभे करणे, त्यांनी निर्माण केलेल्या मालांना बाजारपेठ उपलब्ध करून देणे. या उद्देशाने हे अधिवेशन घेण्यात आल्याचे सांगितले. यावेळी संयोजक हुकूमचंद कलंत्री यांनीही मनोगत व्यक्त केले. या अधिवेशनास जिल्ह्यातील १९०० कुटूंबातून चार हजार सदस्य उपस्थित होते. कार्यक्रमाचे सूत्रसंचालन प्रा. गोपाल बाहेती, अनिता मालू व महेश तोष्णीवाल यांनी केले.