टोमॅटो, कोबी, फ्लॉवरची बाजारात मोठी आवक म. टा. प्रतिनिधी, कोल्हापूर मंडईत मोठ्या प्रमाणात भाज्यांची आवक झाल्याने दर गडगडले आहेत. भाजी स्वस्त झाल्याने ग्राहकांकडून चांगली खरेदी होत आहे. कच्च्या कैऱ्यांचे आगमन झाले असून १० ते २० रुपयाला एक कैरी अशी विक्री होत आहे. कांदा, टोमॅटो, कोबी, फ्लॉवरची बाजारात मोठी आवक झाली आहे. कांद्याचा दर प्रतिकलो दहा ते वीस रुपये इतका होता. टोमॅटोचा दर प्रतिकिलो आठ ते दहा इतका होता. काही विक्रेत्यांनी टोमॅटोची दहा रुपयाला दीड किलो अशी विक्री केली. भेंडीचा दर ५० रुपये किलो असून दोडका, कारली, वरणा यांचा दर प्रतिकिलो ४० रुपयांवर स्थिर आहे. वांग्यांची मोठी आवक झाल्याने दर कमी झाले आहेत. प्रतिकिलो तीस ते चाळीस रुपये दराने ग्राहकांकडून खरेदी होत आहे. मटारचा दर प्रतिकिलो ५० ते ६० रुपये आहे. मेथी, पोकळा, चाकवत, कांदा पात, शेपू, करडई, पालक या पालेभाज्यांची चांगली आवक झाली आहे. दहा रुपयाला पेंडी अशी पालेभाज्यांची विक्री झाली. काही ठिकाणी मेथीची १५ रुपयाला दोन पेंड्या अशी विक्री झाली. ..................... फळभाज्यांचे दर (प्रतिकिलो रुपये) वांगी ४० ते ५० टोमॅटो ८ ते १० भेंडी ५० ढबू ३० ते ४० गवार ६० ते ८० दोडका ४० कारली ४० वरणा ४० ते ५० ओली मिरची ३० ते ४० बटाटा २५ ते ३० लसूण ३० कांदा १० ते २० फ्लॉवर १० ते २५ रुपये नग कोबी ५ ते १० रुपये नग ............... पालेभाजी दर (पेंढी रुपयांत) मेथी ८ ते १० कांदा पात १० कोथिंबीर ५ ते १० पोकळा १० पालक १० शेपू १० ............. फळांचे दर (प्रतिकिलो रुपये) सफरंचद ६० ते १८० डाळिंब ४० ते ६० संत्री ३० ते ८० मोसंबी ३० ते ८० बोर २० ते ४० केळी २० ते ६० (डझन) जवारी केळी ३० ते ७० (डझन)
मोबाइल अॅप डाउनलोड करा आणि राहा अपडेट