म. टा. प्रतिनिधी, कोल्हापूर
महाराष्ट्र राज्य परीक्षा परिषदेमार्फत घेतलेल्या पूर्व उच्च प्राथमिक (इयत्ता पाचवी) शिष्यवृत्ती परीक्षेत शहरी विभागातून तेजस मुक्त विद्यालयाचा विद्यार्थी सार्थक बाबूराव खोत (९४.६३ टक्के) राज्यात प्रथम, तर यशवंतराव घाटगे हायस्कूलचा विद्यार्थी अश्लेषा अजित पोवारने (९३.९५ टक्के) याने दुसरा क्रमांक पटकावला. पाचवीच्या शिष्यवृत्ती परीक्षेत राज्याच्या पहिल्या दहाजणांच्या यादीत नऊ विद्यार्थी कोल्हापूरचे आहेत.
यामध्ये श्रीराम विद्यालयाचा विद्यार्थी अनीश अरुण होनगेकर याने ९२.६१ टक्के गुण मिळवत चौथे स्थान पटकाविले. शिवराज विद्यालय मुरगूडचा विद्यार्थी वेदांत संतोष पाटील, जरगनगर विद्यालयाचा विद्यार्थी साईराज आनंदा पाटील व श्री दत्त विद्या मंदिर कागल येथील मयुरा मिलिंद कालेकरने प्रत्येकी ९१.२७ टक्के मिळवत सातव्या स्थानावर राहिले. सरस्वती हायस्कूलची विद्यार्थिनी संजना यशवंत होडगे, जरगनगर विद्यामंदिरातील ओंकार आबासाहेब बिक्कड व इचलकरंजीचा अथर्व शिरीष हावळ प्रत्येकी ८९.९३ टक्के गुण मिळवत दहाव्या स्थानी राहिले. याशिवाय प्रायव्हेट हायस्कूलचा विद्यार्थिनी राधा कोठावळे ८९.२६, भाऊसाहेब जगदाळे विद्यालयाचा विद्यार्थी ओम गणेश देसाई ८९.२६, विजयमाला मंडलिक गर्ल्स हायस्कूलची विद्यार्थिनी रुचा हरीश शिंदेने ८८.५९, श्रेया साळुंखे ८७.२४, श्रीधर सावंत विद्यामंदिरमधील वसुंधरा दिलीप इंगवले आणि शिवराज विद्यालय अँड ज्युनिअर कॉलेजचा विद्यार्थी साकिब अत्तार ८७.९१, यशवंतराव दत्तात्रय देसाई ८७.२४ यांचा गुणवत्ता यादीत समावेश आहे. विद्यामंदिर बेलेवाडी खुर्दचा विद्यार्थी श्रीवर्धन सुनील पाटील ८७.९१, श्री वसंतराव चौगुले इंग्लिश मीडियम स्कूलचा विद्यार्थी ओजस मंदार जोग ८७.७५, मुरगूड विद्यालयमधील विश्वजित बाबूराव पाटील ८७.२४, इचलकरंजी येथील अथर्व वैभव नलवडे ८७.२४ व साधना हायस्कूल गडहिंग्लज येथील सृष्टी चंद्रकांत पतंगेचा समावेश आहे.
००००
गुणवत्तेने झळाळला
'जरगनगर पॅटर्न'
इयत्ता पाचवीच्या शिष्यवृत्ती परीक्षेत शहरी विभागातून गुणवत्ता यादीत येथील लक्ष्मीबाई जरग विद्यामंदिरातील २१ विद्यार्थ्यांनी स्थान पटकावले. विद्यालयातील साईराज आनंदा पाटीलने २७२ गुण मिळवत राज्यात सातव्या क्रमांकांनी उत्तीर्ण झाला. त्याच्यासह ओंकार आबासाहेब बिक्कड २६८, राजवर्धन भगवान फडतारे २६४ गुण मिळवत राज्य गुणवत्ता यादीत झळकले. जिल्हा गुणवत्ता यादीत उत्कर्षा विनायक कांबळे २५४, वेदांती अमोल कळंत्रे २५२, श्रीराज युवराज भोसले २५२, प्रथमेश सचिन भोसले २५०, सानिध्य पाटील २४८, सलोनी पाटील २४८, प्राची पांडुरंग गवळी २४६, सार्थक रवींद्र घाडगे २४४, वरद सतीश कांबळे २४२, प्रियानी नामदेव पाटील २३८, समृद्धी राहुल जाधव २३८, जयराज गणपती माळी २३४, समीक्षा विनायक फाळके २३२, निहाल जाधव २३०, मानसी नितीन वाळके २३०, स्वरा कोराणे २२८, ज्योतिरादित्य पाटील २२८, महमदआबिद फारुख शेख २२६ हे विद्यार्थी गुणवत्ता यादीत झळकले. त्यांना मुख्याध्यापक उत्तम गुरव, सहायक शिक्षक संदीप सुतार, अमित पाटुकले, शैलजा पाटील, विनोद गायकवाड आणि सेजल शिवाजी पाटील यांचे मार्गदर्शन लाभले. नेहरूनगर विद्यामंदिरमधील प्रज्ञेश मिठारी तर टेंबलाईवाडी विद्यामंदिरातील गौतमी गायकवाड, मुकुंदराज धुमाळ, शर्वरी रोकडे, सृष्टी चव्हाण, ऋतूजा वळकुंजे यांचा गुणवत्ता यादीत समावेश आहे. यशवंतराव चव्हाण विद्यामंदिराचा विद्यार्थी गंधर्व पाटील, अहिल्याबाई सेंट्रल स्कूलचा विद्यार्थी अर्जुन पाटील यांचा गुणवत्ता यादीत समावेश आहे.
००००
तेजस मुक्त विद्यालय आघाडीवर
तेजस मुक्त विद्यालयातील १३ विद्यार्थी पाचवीच्या शिष्यवृत्ती परीक्षेत गुणवत्ताधारक ठरले. यामध्ये सार्थक खोत राज्यात प्रथम, तर साईनंद अजित तिवले १५ वा आला. रोहन सुधीर सांगावकर, सोहम युवराज पाटील, श्रेयश संभाजी पाटील, अनुष्का मिलिंद चौगले, गौरी प्रशांत कुंभार, स्नेहा दीपक हजारे, गुरुप्रसाद अशोक पाटील, आदिराज सुनिल लव्हटे, श्रावणी अभिजित गर्दे, मधुरिमा शार्दूल मुटकेकर हे शिष्यवृत्तीसाठी पात्र ठरले आहेत. विद्यार्थ्यांना मुख्याध्यापिका संगीता प्रकाश साळोखे, वर्गशिक्षक विजय सदाशिव नाईक यांचे मार्गदर्शन लाभले.
००००
आठवी शिष्यवृत्तीतही कोल्हापूरची चमक
पूर्व माध्यमिक शिष्यवृत्ती (इयत्ता आठवी) परीक्षेत शहरी विभागात सरस्वती हायस्कूलची विद्यार्थिनी धनश्री रघुनाथ शिवदासने ९७.२९ टक्के घेऊन राज्य गुणवत्ता यादीत दुसऱ्या, तर इचलकरंजी हायस्कूलमधील ईशान भूषण म्हेत्रेने ९६.६२ टक्के गुण मिळवत तिसरा क्रमांक पटकाविला. एस. पी. हायस्कूलमधील सलोनी सुनील शिंदेने ९५.२७ टक्के गुण घेत चौथ्या स्थानी, तर श्री वसंतराव जयवंतराव देशमुख हायस्कूलचा विद्यार्थिनी वसुंधरा विनायक चिले ९४.५९ टक्के गुण मिळवत पाचव्या स्थानी आहे. इचलकरंजी येथील योगेश अशोक नेजे आठव्या व सरस्वती हायस्कूलची विद्यार्थिनी दिव्या गोपालकृष्ण घुमठानावर नवव्या क्रमांकावर आहे.
०००००
