विहिरीत बुडून विवाहितेचा मृत्यू कोल्हापूर महे (ता. करवीर) येथील विद्या एकनाथ इंगवले (वय ४०) यांचा विहिरीत बुडून मृत्यू झाला. १ ऑगस्टपासून त्या बेपत्ता होत्या. नातेवाईकांनी त्यांचा शोध घेतला, मात्र त्या सापडल्या नाहीत. गुरुवारी सकाळी शिंदे मळा नावाच्या शेतातील विहिरीत त्यांचा मृतदेह सापडला. या घटनेची नोंद करवीर पोलिसांत झाली आहे. ................ . बाथरूमध्ये पडून जखमी कोल्हापूर बाथरूममध्ये पाय घसरून पडल्याने पद्माकर पुंडलिक मोरे (वय ४५, रा. कोळंबे, ता. रत्नागिरी) हे जखमी झाले. १ जुलै रोजी सकाळी आठ वाजता हा प्रकार घडला. त्याच्या डोक्याला गंभीर दुखापत झाल्याने त्यांच्यावर रत्नागिरी येथे प्राथमिक उपचार करण्यात आले. मात्र उपचाराला प्रतिसाद देत नसल्याने त्यांना सीपीआरमध्ये दाखल करण्यात आले. ................... अपघातात महिला जखमी कोल्हापूर घरी जात असताना दुचाकीने दिलेल्या धडकेत गीता अशोक सावंत (वय ४८, रा. ताराबाई पार्क) या जखमी झाल्या. बुधवारी रात्री साडेअकरा वाजता हा अपघात झाला. त्यांच्यावर सीपीआरमध्ये उपचार सुरु आहेत. ............... दुचाकी घसरून तरुण जखमी कोल्हापूर दाभोळकर कॉर्नर येथे दुचाकी घसरून झालेल्या अपघातात गणेश दत्तात्रय खाडे (वय ३९, रा. शिवाजी पेठ) हा तरुण जखमी झाला. गुरुवारी सकाळी हा अपघात झाला. तो किरकोळ जखमी झाला असून त्याच्यावर सीपीआरमध्ये उपचार सुरु आहेत. .................. शाळकरी मुलाचा सर्पदंशाने मृत्यू कोल्हापूर सर्पदंश झालेल्या सुमित पांडुरंग जाधव (वय १५, रा. जोंधळेवाडी ता. शाहूवाडी) या शाळकरी मुलाचा उपचारादरम्यान मृत्यू झाला. गेले काही दिवस त्याच्यावर उपचार सुरु होते. जोंधळेवाडी परिसरात २९ जुलै रोजी तो म्हशी चरण्यासाठी घेऊन गेला असता त्याला सर्पदंश झाला होता. त्याला उपचारासाठी खासगी रुग्णालयात दाखल केले होते. गुरुवारी सकाळी त्याची प्रकृती अधिकच खालावली. तो दत्त सेवा माध्यमिक विद्यालय तुरुकवाडी (ता. शाहूवाडी) शाळेचा दहावीचा विद्यार्थी होता.
मोबाइल अॅप डाउनलोड करा आणि राहा अपडेट