म. टा. वृत्तसेवा, पंढरपूर

राज्यभर मराठा आंदोलन चिघळत चालले असताना समाजाचा लोकप्रतिनिधींवरील दबाव आता वाढू लागला असून, गुरुवारी पंढरपूर-मंगळवेढा विधानसभा मतदारसंघातील काँग्रेसचे आमदार भारत भालके यांनी आपला आमदारकीचा राजीनामा विधानसभा अध्यक्षांकडे पाठवून दिला आहे. सर्व समाजाच्या कार्यकर्त्यांना बोलावून भालके यांनी त्यांच्याशी चर्चा केली. कार्यकर्त्यांच्या आग्रहानंतर एक पत्र मराठा, धनगर, मुस्लिम आणि कोळी समाजाच्या हातात देऊन दुसरे पत्र विधानसभा अध्यक्षांना ई-मेलने पाठविण्यात आले आहे.

मराठा समाजाला आरक्षण मिळण्यासाठी राजीनामा देणारे भालके हे चौथे आमदार ठरले आहेत. यापूर्वी शिवसेना, राष्ट्रवादी आणि भाजपच्या एका एका आमदाराने राजीनामे दिले आहेत. 'गेली अनेक वर्षे आपण मराठा, धनगर, मुस्लिम आणि महादेव कोळी समाजाच्या आरक्षण प्रश्नावर आक्रमक होतो. मात्र, हे सरकार फक्त आश्वासनशिवाय काही देत नाही. वास्तविक सरकारवर दबाव आणण्यासाठी सत्ताधारी आमदारांनी राजीनामे देणे गरजेचे असले, तरी आपण आरक्षण आंदोलनाला पाठिंबा देण्यासाठी आमदारकीचा राजीनामा दिला आहे,' असे भालके यांनी सांगितले. 'समाजासाठी आपण हे पाऊल उचलले आहे. आता काँग्रेस पक्षाने सांगितले तरी आपण राजीनामा मागे घेणार नसून विधानसभा अध्यक्षांच्या समोर राजीनाम्याची पुढची सर्व प्रक्रिया पूर्ण करणार आहे. एकाबाजूला निवडून देणारा समाजच मरत असताना मी आमदारकी घेऊन काय करू?,' असा उद्विग्न सवाल भालके यांनी केला.

म. टा. वृत्तसेवा, सोलापूर

मराठा समाजाला आरक्षण मिळावे, या मागणीवरून सुरू झालेल्या आंदोलनाचा सर्वाधिक फटका सार्वजनिक मालमत्ता असलेल्या राज्य परिवहन महामंडळाच्या लालपरीला बसू लागला आहे. गुरुवारीही जिल्ह्यातील विविध भागांत गाड्यांवर दगडफेक करून नुकसान झाल्याची माहिती एस. टी. प्रशासनाकडून देण्यात आली. १९ ते २५ जुलै या सात दिवसांत सोलापूर जिल्ह्यात विविध विभागाच्या ११३ बस फोडण्यात आल्या.

मराठा समाजास आरक्षण मिळावे या मागणीसाठी शासनाचे लक्ष वेधण्यासाठी चक्का जाम, रास्ता रोकोच्या माध्यमातून सोलापूरसह महाराष्टÑभर आंदोलने सुरू आहेत. या आंदोलनाची धग दिवसेंदिवस वाढत असताना याचा झळ प्रवाशांच्या सेवेसाठी कार्यरत असलेल्या राज्य परिवहन महामंडळाच्या बसला बसत आहे. प्रवाशांना घेऊन जाताना रोडवर बसच्या काचा फोडण्याचे सत्र सुरू आहे. बुधवारी दिवसभरात विविध ठिकाणी अशा चार घटना घडल्या. वाडीकुरोली येथे दुपारी कुर्डूवाडी आगाराची बस जुन्नर ते कुर्डूवाडीकडे जात असताना अज्ञात इसमांनी दगडफेक करून बसची काच फोडली. यामध्ये १८ हजारांचे नुकसान झाले. दुपारी दोनच्या सुमारास सांगोला आगाराची सोलापूर-सांगोला बसवर दगड मारल्याने पाठीमागील काच फुटून ५ हजार रुपयांचे नुकसान झाले. वाडेगाव फाट्याजवळ ही घटना घडली. सांगोला तालुक्यातील देवडी फाट्याजवळही शिवाजीनगर-तुळजापूर बसला लक्ष्य कण्यात आले. दुपारी ४.३० च्या दरम्यान हा प्रकार घडला. यात बसचे ३ हजार रुपयांचे नुकसान झाले. पंढरपूरजवळ विसावा थांबा येथे मंगळवेढा आगाराची बस फोडली. बुधवारी दुपारी साडेचारच्या सुमाराला ही घटना घडली. यात महामंडळाचे ८ हजार रुपयांचे नुकसान झाले.

दगडफेकीची झळ सामान्य जनतेलाच

सकल मराठा समाजाच्या वतीने वारकऱ्यांची गैरसोय होऊ नये म्हणून मंगळवारी सोलापूर आगारास बस सुरू ठेवण्याचे निवेदन देण्यात आले. त्यानंतरही या घटना घडत आहेत. आंदोलन कोणतेही असो त्याला हिंसक वळण मिळू नये, सामान्य जनतेचीच सेवा करणाऱ्या बसवर दगडफेकीच्या घटना घडू नयेत. त्याची झळ जनतेला बसू शकते. संयम बाळगावा, अशी भावना जनतेतून व्यक्त होत आहे.

म. टा. वृत्तसेवा, सातारा

साताऱ्यातील मराठा क्रांती ठोक मोर्चा व ठिय्या आंदोलनानंतर महामार्ग रोखून जाळपोळ, तोडफोड केल्याप्रकरणी सातारा शहर पोलिस ठाण्यात अडीच हजार जणांविरुद्ध गुन्हा दाखल करण्यात आला आहे. दंगल घडवणे, खुनाचा प्रयत्न, सार्वजनिक मालमत्तेचे नुकसान आदी कलमे लावून हा गुन्हा दाखल करण्यात आला आहे. यामध्ये आतापर्यंत दहा जणांना अटक करण्यात आली आहे.

निखिलेश मस्के, सूरज निगडे, उदयजित कांबळे, सचिन माने, संभाजी गंभीर, किरण जाधव (सर्व रा. सातारा शहर परिसर) अशी अटक केलेल्यांची नावे असून, त्यांच्यासह अल्पवयीन युवकांचाही समावेश आहे. दरम्यान, बुधवारी रात्रीपासून दंगलीत समावेश असणाऱ्यांची नावे समोर येत असून, त्यामध्ये मंगेश जगताप, संजय पवार, मंगेश ढाणे, मल्लेश मुलगे, सचिन कोळपे, सचिन खोपडे, महेश माने, जीवन राउते, निकेत पाटणकर, संदीप नवघणे, सचिन कदम, समीर शेख, लक्ष्मण खरडे (सर्व रा. सातारा शहर परिसर व तालुका) यांचा समावेश आहे. गुन्ह्यात निष्पन्न झालेल्यांची नावे आणखी वाढणार असून, त्यांचा शोध सुरु आहे. याप्रकरणी फौजदार नानासाहेब कदम यांनी पोलिस ठाण्यात तक्रार दिली आहे.

बुधवारी सकल मराठा समाजाचा हजारो बांधवांच्या उपस्थितीत मराठा क्रांती ठोक मोर्चा व ठिय्या आंदोलन शांततेत पार पडले. दुपारी बारानंतर मात्र अचानक महामार्ग रोखण्यावरून हिंसक आंदोलनाला सुरुवात झाली. आंदोलनाचे हे लोण एवढे आक्रमक बनले की अचानक विसावा नाका, बॉम्बे रेस्टॉरंट परिसरातील सर्व भाग, नटराज मंदिर परिसरात आंदोलकांनी तुफान दगडफेक केली. या दगडफेकीत सातारा जिल्हा पोलिस दलातील अधिकाऱ्यांसह तब्बल ३२ कर्मचारी जखमी झाले आहेत. दुपारी तीननंतर अखेर पोलिसांनी दगडफेक करणाऱ्या जमावाला रोखत धरपकड मोहीम राबविली.

रात्री उशिरापर्यंत पोलिसांनी सुमारे ७० जणांना ताब्यात घेतले होते. संबंधितांची चौकशी केली असता, गुरुवारी सकाळपर्यंत दहा जणांचा दंगलीत प्रत्यक्ष सहभाग आढळला. याशिवाय पोलिसांनी केलेले, शूटींग फोटो याची खातरजमा केली असता, त्यातून आणखी अनेकांची नावे समोर आली असून यामध्ये सुमारे अडीच हजार जणांचा समावेश असल्याचे पोलिसांचे तक्रारीत म्हणणे आहे.

जावलीत दांडू मोर्चा

मराठा आरक्षणाबाबाबत शासनाकडून होत असलेल्‍या चालढकलीचा निषेध व्यक्त करत ऐतिहासिक जावली तालुक्यात सकल मराठा क्रांती मोर्चाने दांडू मोर्चा काढला आहे. मागण्या मान्य केल्या नाहीत, तर यापेक्षाही तीव्र आंदोलन करण्यात येणार असल्याचा इशारा या वेळी देण्यात आला.

या मोर्चात कुडाळ, करहर, हुमगाव, बामणोली सरताळे, सायगाव, आनेवाडी, भागातून शेकडो मराठा बांधव उत्स्फूर्तपणे सहभागी झाले होते. मराठा समाजाच्या आरक्षणाच्या मागणीसाठी सुरू असलेल्या आंदोलनादरम्यान औरंगाबादमध्ये आंदोलक काकासाहेब शिंदे या तरुणाने जलसमाधी घेतली होती. या घटनेचे पडसाद सर्वत्र पाहावयास मिळत आहेत. याच पार्श्वभूमीवर जावलीत मराठा बांधवानी कुडाळ येथे बैठक घेत जावलीत दांडू मोर्चा व बंदचे नियोजन केले होते. याबाबतचे निवेदन देखील पोलिस प्रशासन व तहसीलदारांना देण्यात आले होते. त्यानुसार जावली तालुक्यातील नागरिकांनी या बंदला उत्स्फूर्त प्रतिसाद दिला.

सकाळपासूनच कुडाळ, मेढा, केरघळ, सायगाव, आनेवाडीसह ग्रामीण भागात बाजारपेठेत शुकशुकाट जाणवत होता. कुडाळमध्ये स्वयंस्फूर्तीने हा बंद पाळण्यात आला. मेढा आणि मुख्य बाजारपेठेसह, काल करहर बाजार बंद ठेऊन निषेध व्यक्त करण्यात आला. जावलीतील मोठ्या गावांचा या बंदमध्ये सक्रिय सहभाग होता. मोर्चामध्ये शेकडो मराठा बांधवांसह, पदाधिकारी उपस्थित होते. मोर्चासाठी पोलिस प्रशासनाने देखील बंदोबस्त ठेवला होता.

फलटणमध्ये ठिय्या आंदोलन

वर्षभराच्या कालावधीत मराठा समाजाने शांततेत मोर्चे काढले. मात्र, याची दखल सरकारने घेतली नाही. त्यानंतर औरंगाबाद येथे युवकाने जलसमाधी घेतल्यानंतर मराठा समाज आक्रमक झाला आहे. त्यामुळे बंदनंतर आता ठिय्या आंदोलन करण्यात आले. आरक्षण मिळेपर्यंत आंदोलन सुरू ठेवण्याचा निर्धार व्यक्त करण्यात आला आहे. फलटण तालुका सकल मराठा समाजाच्या वतीने गुरुवारपासून तहसील कार्यालयासमोर हजारो बांधवांनी ठिय्या आंदोलन सुरू केल्‍याची माहिती आंदोलकांनी दिली. आंदोलनादरम्यान बैलजोडीचे पूजन केले, यानंतर छत्रपती शिवाजी महाराज यांना अभिवादन करून काकासाहेब शिंदे यांना श्रद्धांजली वाहण्यात आली.

म. टा. वृत्तसेवा, सातारा

साताऱ्यातील मराठा क्रांती ठोक मोर्चा व ठिय्या आंदोलनानंतर महामार्ग रोखून जाळपोळ, तोडफोड केल्याप्रकरणी सातारा शहर पोलिस ठाण्यात अडीच हजार जणांविरुद्ध गुन्हा दाखल करण्यात आला आहे. दंगल घडवणे, खुनाचा प्रयत्न, सार्वजनिक मालमत्तेचे नुकसान आदी कलमे लावून हा गुन्हा दाखल करण्यात आला आहे. यामध्ये आतापर्यंत दहा जणांना अटक करण्यात आली आहे.

निखिलेश मस्के, सूरज निगडे, उदयजित कांबळे, सचिन माने, संभाजी गंभीर, किरण जाधव (सर्व रा. सातारा शहर परिसर) अशी अटक केलेल्यांची नावे असून, त्यांच्यासह अल्पवयीन युवकांचाही समावेश आहे. दरम्यान, बुधवारी रात्रीपासून दंगलीत समावेश असणाऱ्यांची नावे समोर येत असून, त्यामध्ये मंगेश जगताप, संजय पवार, मंगेश ढाणे, मल्लेश मुलगे, सचिन कोळपे, सचिन खोपडे, महेश माने, जीवन राउते, निकेत पाटणकर, संदीप नवघणे, सचिन कदम, समीर शेख, लक्ष्मण खरडे (सर्व रा. सातारा शहर परिसर व तालुका) यांचा समावेश आहे. गुन्ह्यात निष्पन्न झालेल्यांची नावे आणखी वाढणार असून, त्यांचा शोध सुरु आहे. याप्रकरणी फौजदार नानासाहेब कदम यांनी पोलिस ठाण्यात तक्रार दिली आहे.

बुधवारी सकल मराठा समाजाचा हजारो बांधवांच्या उपस्थितीत मराठा क्रांती ठोक मोर्चा व ठिय्या आंदोलन शांततेत पार पडले. दुपारी बारानंतर मात्र अचानक महामार्ग रोखण्यावरून हिंसक आंदोलनाला सुरुवात झाली. आंदोलनाचे हे लोण एवढे आक्रमक बनले की अचानक विसावा नाका, बॉम्बे रेस्टॉरंट परिसरातील सर्व भाग, नटराज मंदिर परिसरात आंदोलकांनी तुफान दगडफेक केली. या दगडफेकीत सातारा जिल्हा पोलिस दलातील अधिकाऱ्यांसह तब्बल ३२ कर्मचारी जखमी झाले आहेत. दुपारी तीननंतर अखेर पोलिसांनी दगडफेक करणाऱ्या जमावाला रोखत धरपकड मोहीम राबविली.

रात्री उशिरापर्यंत पोलिसांनी सुमारे ७० जणांना ताब्यात घेतले होते. संबंधितांची चौकशी केली असता, गुरुवारी सकाळपर्यंत दहा जणांचा दंगलीत प्रत्यक्ष सहभाग आढळला. याशिवाय पोलिसांनी केलेले, शूटींग फोटो याची खातरजमा केली असता, त्यातून आणखी अनेकांची नावे समोर आली असून यामध्ये सुमारे अडीच हजार जणांचा समावेश असल्याचे पोलिसांचे तक्रारीत म्हणणे आहे.

जावलीत दांडू मोर्चा

मराठा आरक्षणाबाबाबत शासनाकडून होत असलेल्‍या चालढकलीचा निषेध व्यक्त करत ऐतिहासिक जावली तालुक्यात सकल मराठा क्रांती मोर्चाने दांडू मोर्चा काढला आहे. मागण्या मान्य केल्या नाहीत, तर यापेक्षाही तीव्र आंदोलन करण्यात येणार असल्याचा इशारा या वेळी देण्यात आला.

या मोर्चात कुडाळ, करहर, हुमगाव, बामणोली सरताळे, सायगाव, आनेवाडी, भागातून शेकडो मराठा बांधव उत्स्फूर्तपणे सहभागी झाले होते. मराठा समाजाच्या आरक्षणाच्या मागणीसाठी सुरू असलेल्या आंदोलनादरम्यान औरंगाबादमध्ये आंदोलक काकासाहेब शिंदे या तरुणाने जलसमाधी घेतली होती. या घटनेचे पडसाद सर्वत्र पाहावयास मिळत आहेत. याच पार्श्वभूमीवर जावलीत मराठा बांधवानी कुडाळ येथे बैठक घेत जावलीत दांडू मोर्चा व बंदचे नियोजन केले होते. याबाबतचे निवेदन देखील पोलिस प्रशासन व तहसीलदारांना देण्यात आले होते. त्यानुसार जावली तालुक्यातील नागरिकांनी या बंदला उत्स्फूर्त प्रतिसाद दिला.

सकाळपासूनच कुडाळ, मेढा, केरघळ, सायगाव, आनेवाडीसह ग्रामीण भागात बाजारपेठेत शुकशुकाट जाणवत होता. कुडाळमध्ये स्वयंस्फूर्तीने हा बंद पाळण्यात आला. मेढा आणि मुख्य बाजारपेठेसह, काल करहर बाजार बंद ठेऊन निषेध व्यक्त करण्यात आला. जावलीतील मोठ्या गावांचा या बंदमध्ये सक्रिय सहभाग होता. मोर्चामध्ये शेकडो मराठा बांधवांसह, पदाधिकारी उपस्थित होते. मोर्चासाठी पोलिस प्रशासनाने देखील बंदोबस्त ठेवला होता.

फलटणमध्ये ठिय्या आंदोलन

वर्षभराच्या कालावधीत मराठा समाजाने शांततेत मोर्चे काढले. मात्र, याची दखल सरकारने घेतली नाही. त्यानंतर औरंगाबाद येथे युवकाने जलसमाधी घेतल्यानंतर मराठा समाज आक्रमक झाला आहे. त्यामुळे बंदनंतर आता ठिय्या आंदोलन करण्यात आले. आरक्षण मिळेपर्यंत आंदोलन सुरू ठेवण्याचा निर्धार व्यक्त करण्यात आला आहे. फलटण तालुका सकल मराठा समाजाच्या वतीने गुरुवारपासून तहसील कार्यालयासमोर हजारो बांधवांनी ठिय्या आंदोलन सुरू केल्‍याची माहिती आंदोलकांनी दिली. आंदोलनादरम्यान बैलजोडीचे पूजन केले, यानंतर छत्रपती शिवाजी महाराज यांना अभिवादन करून काकासाहेब शिंदे यांना श्रद्धांजली वाहण्यात आली.

म. टा. वृत्तसेवा, सोलापूर

माजी केंद्रीय गृहमंत्री आणि काँग्रेसचे ज्येष्ठ नेते सुशीलकुमार शिंदे हे देखील आता मराठा आंदोलनात सहभागी होणार आहेत. मराठा समाजाला आरक्षण मिळाले पाहिजे, यासाठी आता तेही रस्त्यावर उतरणार असून, २९ जुलैला सोलापुरात होणाऱ्या जागरण गोंधळ आंदोलनालाही ते भेट देणार आहेत.

मराठा समाजाला आरक्षण मिळण्यासाठी सुरू असलेल्या आंदोलनाचा एक भाग म्हणून येत्या २९ जुलैला सोलापुरात जागरण गोंधळ आंदोलन करण्यात येणार आहे. त्यासंदर्भात गुरुवारी मराठा क्रांती मोर्चाचे कार्यकर्ते सुशीलकुमार शिंदे यांना भेटण्यासाठी त्यांच्या निवासस्थानी गेले होते. त्यावेळी शिंदे यांनी मराठा आंदोलनाला पाठिंबा आहेच, त्यासाठी स्वतः आंदोलनात सहभागी होईन, असे कार्यकर्त्यांना सांगितले. या वेळी त्यांच्यासमवेत मराठा क्रांती मोर्चाचे समन्वयक दिलीप कोल्हे, प्रताप चव्हाण, दास शेळके, विजय पुकाळे, बाळासाहेब गायकवाड, महेश धाराशिवकर, किरण पवार, श्रीकांत घाडगे उपस्थित होते.

उद्या आसूड ओढणार

सकल मराठा समाजाच्यावतीने शुक्रवारी सकाळी ११ वाजता पालकमंत्री विजयकुमार देशमुख आणि सहकारमंत्री सुभाष देशमुख यांच्या निवासस्थानाबाहेर आसूड ओढा आंदोलन करण्यात येणार असल्याची माहिती समन्वयक माऊली पवार यांनी दिली.

म. टा. वृत्तसेवा, इस्लामपूर

'मराठा समाजाला आरक्षण दिल्याशिवाय मुख्यमंत्र्यांना वाळवा तालुक्यात पाऊल ठेवू देणार नाही. त्यांच्यासह कोणताही मंत्री व लोकप्रतिनिधींना वाळवा तालुका बंदी करण्यात येईल,' असा निर्णय सकल मराठा समाजाच्या बैठकीत घेण्यात आला आहे. या निर्णयाच्या पार्श्वभूमीवर शुक्रवारी (२७ जुलै) आष्टा येथे मुख्यमंत्र्यांच्या उपस्थितीत होणारा कार्यक्रम रद्द करण्यात आला आहे. मुख्यमंत्र्यांनी सांगली जिल्हा दौऱ्यावर येण्याचे रद्द केल्याने मराठा समाजातर्फे आष्टा येथे शुक्रवारी होणारे धरणे आंदोलनही रद्द करण्यात आल्याचे समजते.

मुख्यमंत्री देवेंद्र फडणवीस यांच्या उपस्थितीत आष्टा येथील अप्पर तहसील कार्यालयाचे उद्घाटन शुक्रवारी होणार होते. मात्र, राज्यभर सुरू असलेल्या मराठा समाजाच्या आंदोलनामुळे मुख्यमंत्र्यांनी दौरा रद्द केला आहे. इस्लामपूर येथे झालेल्या मराठा समाजाच्या बैठकीत मुख्यमंत्र्यांसह कोणत्याही मंत्र्याला अथवा लोकप्रतिनिधींना वाळवा तालुका बंदीचा निर्णय घेण्यात आला आहे. याबरोबरच शनिवारी इस्लामपूर येथील छत्रपती शिवाजी महाराजांच्या पुतळ्याजवळ सकाळी अकरा वाजता धरणे आंदोलन करण्यात येणार आहे. रविवारी सकाळी दहा वाजता बसस्थानक परिसरात पेठ-सांगली रोडवर रस्ता रोको करण्याचा निर्णयही झाला आहे. मुख्यमंत्र्यांनी मराठा समाजाला आरक्षण घोषित केल्याशिवाय त्यांच्यासह मंत्री आणि लोक प्रतिनिधींना वाळवा तालुक्यात पाऊल ठेवू द्यायचे नाही, असा निर्णय बैठकीत घेण्यात आला आहे.

दरम्यान, इस्लामपूर बोरगाव रस्त्यावरील खुंदलापूर वसाहतीजवळ अज्ञात मोटारसायकलस्वारांनी एसटी बसवर दगडफेक करून चार बसच्या काचा फोडून अंदाजे ४१ हजार ५०० रुपयांचे नुकसान केले आहे. याबाबत चालक हारून मुलाणी यांनी इस्लामपूर पोलिस ठाण्यात फिर्याद दिली. आज सकाळी पाऊणे बारा ते साडेबाराच्या दरम्यान दोन दुचाकीवरून आलेल्या चौघांनी बसवर दगडफेक करून बसच्या मागील काचा फोडल्या आहेत. याच रस्त्यावर चार बसवर दगडफेक करून बसचे नुकसान केले आहे. या दगडफेकीत बसमधील प्रवाशी रामचंद्र लोंढे (वय ४२, रा. बोरगाव) हे जखमी झाले आहेत. पोलिसांनी चार अज्ञात इसमांच्या विरुद्ध गुन्हा नोंद केला आहे.

विद्यापीठाचा लोगो वापरावा....

.......

विद्यापीठाकडून चौकशी अधिकारी नियुक्त, गैरप्रकाराचा पोलखोल होणार ?

Appasaheb.mali@timesgroup.com

Tweet@Appasaheb_MT

आवश्यक शैक्षणिक पात्रतेचा अभाव, विद्यापीठीय नियमावलींना फाटा देत २०१० ते २०१५ या कालावधीत झालेल्या नोकरभरती प्रकरणी शिवाजी विद्यापीठात खातेनिहाय चौकशी सुरु झाली आहे. निवृत्त न्यायाधीशमार्फत चौकशी करण्यात येत असून या संदर्भात प्रशासनाने कमालीची गुप्तता पाळली आहे. नोकर भरतीतील अनियमितता आणि चुकीच्या पध्दतीने पदोन्नती प्रकरणी कुलपती कार्यालयाकडे तक्रारी झाल्या होत्या. शिवाय विधानसभेतही हा प्रश्न गाजला होता. विभागीय चौकशी सुरु झाल्यामुळे संबंधितांनी कारवाईची धास्ती घेतली आहे.

विविध विभागातील ११ प्राध्यापक आणि २२ शिक्षकेतर कर्मचाऱ्यांची भरती चुकीच्या पध्दतीने झाल्याचा आक्षेप आहे. रसायनशास्त्र, जीवरसायनशास्त्र, प्राणीशास्त्र विभागातील काही प्राध्यापक आणि विद्यापीठाच्या मुख्य इमारतीत विविध पदांवर कार्यरत अधिकारी व कर्मचाऱ्यांची नियुक्ती चुकीच्या पध्दतीने झाल्याच्या तक्रारी होत्या. अखिल भारतीय विद्यार्थी परिषद, शिवाजी विद्यापीठ सेवक संघ, कास्ट्राईब संघटना, सुप्टा, आंतरमहाविद्यालयीन शिक्षकेत्तर कर्मचारी संघटनांनी एकत्रितपणे नोकर भरतीतील घोळाप्रकरणी तक्रार केली होती. यासंदर्भात ५२ प्रतिज्ञापत्रे सादर झाली आहेत. कुलपती कार्यालयाकडून विद्यापीठ प्रशासनाला या प्रकरणी चौकशीचे आदेश दिले होते. त्यानुसार विद्यापीठ प्रशासनाने निवृत्त न्यायाधीश शानभाग यांची कमिटी चौकशीसाठी नेमली होती.

तसेच आमदारांनी विधानसभेत भरतीतील घोळाचा प्रश्न उपस्थित केल्यानंतर राज्य सरकारने, सोलापूर विभागाचे तत्कालिन शिक्षण सहसंचालक सतीश देशपांडे यांची चौकशी अधिकारी म्हणून नेमणूक केली होती. शानभाग आणि देशपांडे या दोन्ही स्वतंत्र कमिटीने या संपूर्ण प्रकाराची चौकशी करुन गेल्यावर्षी अहवाल सादर केला होता. काहीजणांनी खोटी माहिती सादर केली होती, तर काहीजणांकडे आवश्यक शैक्षणिक पात्रता नसताना नियुक्त्या झाल्याचे अहवालात म्हटले आहे. हा अहवाल प्राप्त होवून सात ते आठ महिन्यांचा कालावधी उलटूनही प्रशासनाकडूनही कसलीही कार्यवाही होत नव्हती. विधानसभेत हा प्रश्न गाजल्यानंतर शिक्षण राज्यमंत्री रविंद्र वायकर यांनी दोन्ही अहवाल एकत्र करुन पुन्हा चौकशीचे आदेश दिले होते. त्यानुसार विद्यापीठ प्रशासनाने नव्याने संबंधित प्रकाराची खातेनिहाय चौकशी सुरू केली आहे. यासाठी स्वतंत्र चौकशी अधिकारी नेमला आहे. भरती प्रकरणी तत्कालिन कुलसचिवांच्या कामकाजाविषयी मोठे आक्षेप नोंदविले आहेत. दरम्यान, पहिल्या दोन्ही अहवालात अनेकजण दोषी आढळल्याने संबंधितांनी विभागीय चौकशीची धास्ती घेतली आहे.

................

एका प्राध्यापकाने विद्यापीठ बदलले

प्राध्यापक पदासाठी ४०० गुणांचा अॅकेडमिक परफॉर्मन्स एपीआय आवश्यक असतो. विज्ञान शाखेशी निगडीत एका प्राध्यापकाचा अॅकेडमिक परफॉर्मन्स ३९० गुणांचा होता. मात्र विद्यापीठातील एका वरिष्ठ अधिकाऱ्याने तात्पुरती पात्रता या नावांनी २० गुण संबंधित प्राध्यापकाला बहाल केले. आवश्यक गुणांची जुळणी करुन प्राध्यापकपदी नियुक्ती केली. मात्र चौकशीत सत्य सामोरे आल्यानंतर संबंधित प्राध्यापकाने पुढील ससेमिरा चुकविण्यासाठी विद्यापीठातील नोकरीचा राजीनामा दिला आणि दुसऱ्या ठिकाणी ते रुजू झाले. मात्र तीन महिने अगोदर राजीनामा देण्याविषयी प्रशासनाला पूर्वकल्पना द्यावी लागते. संबंधित प्राध्यापकाने अचानक राजीनामा दिल्यामुळे त्यांची वेतन कपात झाली होती. अन्य एका प्राध्यापकाने पीएचडी विद्यार्थी कमी असताना जादा दाखविले होते.

............................................

कोट

'२०१० ते २०१५ या कालावधीतील नोकर भरतीतील अनियमिततेप्रकरणी विद्यापीठाकडून खातेनिहाय चौकशी सुरु केली आहे. स्वतंत्र चौकशी अधिकाऱ्याची संबंधित चौकशी अधिकाऱ्यांना मुदतीत चौकशी पूर्ण करण्याविषयी कळविले आहे. चौकशी अहवाल प्राप्त झाल्यानंतर पुढील कार्यवाही होईल.

डॉ. देवानंद शिंदे, कुलगुरू

.......................

निवड समितीतील सदस्य प्रशासनात

प्राध्यापक व शिक्षकेतर कर्मचारी भरतीसाठी प्रशासनाने मुलाखत व निवड पॅनेल स्थापले होते. त्यामध्ये विषयतज्ज्ञ म्हणून काहीजणांना आमंत्रित केले होते. तर व्यवस्थापन परिषदेतील काही सदस्य निवड पॅनेलवर होती. त्या पॅनेलमधील अनेकजण आज विद्यापीठ प्रशासनात विविध पदांवर कार्यरत आहेत.

पोलिस डायरी

................

रिक्षा उलटून

महिला जखमी

कोल्हापूर

ताराराणी चौक येथे दुचाकी आणि ऑटो रिक्षाच्या अपघातात सुमन आप्पासाहेब बनगे (वय, ४२ रा. रुकडी, ता.हातकणंगले) ही महिला जखमी झाली. या अपघातात दुचाकीस्वारही जखमी झाला आहे. गुरुवारी सकाळी अकरा वाजण्याच्या सुमारास हा अपघात झाला.

.................

विष प्यालेल्या

शेतकऱ्याचा मृत्यू

कोल्हापूर

चार दिवसांपूर्वी विष प्राशन केलेल्या दीपक दत्तात्रय आडेकर (वय ३५ रा. नंद्याळ, ता. कागल) यांचा गुरुवारी मृत्यू झाला. त्यांनी २३ जुलै रोजी शेतात विष प्राशन केले होते. त्यांच्यावर सीपीआरमध्ये उपचार सुरु होते.

...................

दुचाकीवरून पडून जखमी

कोल्हापूर

कोल्हापूर ते पोहाळे मार्गावरून जात असताना रस्त्यात कुत्रे आडवे आल्याने झालेल्या अपघातात गणेश संभाजी पाटील (वय २२. रा. पोहाळे, ता. पन्हाळा) हा तरुण जखमी झाला.

............

.

भाजी मंडईत

तरुणाला मारहाण

कोल्हापूर

किरकोळ कारणावरुन महालक्ष्मी मार्केटमध्ये दोघा तरुणांनी सौरव पवन खटावकर (वय ३२) याला मारहाण केली. गुरुवारी सकाळी अकरा वाजण्याच्या सुमारात हा प्रकार घडला. खटावकर आणि दोन तरुणांच्यात किरकोळ कारणावरुन दोन दिवसांपूर्वी वाद झाला होता. त्याचे पर्यवसान गुरुवारी वादात झाले.

.................

तरुणाची आत्महत्या

कोल्हापूर

वाशीनाका परिसरात महादेव भानुदास दिंडे (वय ३५, मूळ रा. दवळगांव ता. सोलापूर) या तरुणाने गळफास घेऊन आत्महत्या केली. आत्महत्येचे नेमके कारण समजू शकले नाही. दिंडे हा मोलमजुरी करीत होता. वाशीनाका येथे भाड्याच्या घरात गुरुवारी दुपारी दोन वाजता त्याने अचानक घराचे दार बंद करुन घेतले. दोन तासांनतरही दार उघडत नसल्याने वडील भानुदास यांनी परिसरातील नागरिकांना बोलाविले. त्या वेळी आत्महत्येचा प्रकार उघडकीस आला.

म. टा. प्रतिनिधी, कोल्हापूर

मार्केटयार्ड, जाधववाडी येथील प्रियदर्शनी कॉलनीत चोरट्याने बुधवारी सायंकाळी सात वाजता घरफोडी करुन सुमारे सव्वा लाख रुपयांचा माल लंपास केला. चोरट्यांनी माने यांच्या किचन रुममधील कपाटात ठेवलेली बेडरुमची चावी घेऊन सोन्याचे टॉप्स, झुमके जोड, सोन्याचे कानवेल असा एकूण सुमारे ६३ हजार ८५० रुपयांचा मुद्देमाल आणि रोख रक्कम ४२ हजार ८५० रुपये लंपास केली. या प्रकरणी रोहित सदाशिव माने (वय २९) यांनी शाहूपुरी पोलिसांत फिर्याद दिली.

म. टा. प्रतिनिधी, कोल्हापूर

'गोकुळ'च्या बैठकीत सरकारनियुक्त संचालक अनिल यादव यांच्या नियुक्तीला मान्यता देण्यात आली. अध्यक्ष विश्वास पाटील यांच्या अध्यक्षतेखाली झालेल्या बैठकीत निर्णय घेण्यात आला. सहकार खात्यातील सुधारित कायद्यानुसार सहकारी संस्थेवर दोन संचालकांची सरकारकडून नियुक्ती केली जाते. यापूर्वी भाजपचे ज्येष्ठ नेते बाबा देसाई यांची संचालकपदी नियुक्ती केली होती. एक सरकार नियुक्तपद संचालकपद रिक्त होते. यादव यांच्यासाठी पालकमंत्री चंद्रकांत पाटील व आमदार सुरेश हाळवणकर आग्रही होते. त्यानुसार राज्य सरकारने एक महिन्यापूर्वी यादव यांच्या नियुक्तीचे आदेश काढले. गुरुवारच्या सभेत यादव यांच्या नियुक्तीला मान्यता झाल्याने यादव यांचा मार्ग सुकर झाला आहे.

कोल्हापूर : शुक्रवारी (ता. २७) रात्री होत असलेले चंद्रग्रहण शतकातील सर्वांत मोठे चंद्रग्रहण असून खगोलप्रेमींनी आनंदाची पर्वणी आहे. चंद्रग्रहण ऑस्ट्रेलिया, आशिया, युरोप, दक्षिण अमेरिकेत दिसणार आहे. चंद्रग्रहणाचा काळ या शतकातील सर्वात मोठा १०३ मिनिटांचा आहे. कोल्हापुरात या ग्रहणाची सुरुवात रात्री १० वाजून ४६ मिनिटे ३६ सेकंदाने होणार असल्याची माहिती विवेकानंद कॉलेजचे खगोलशास्त्र विभागप्रमुख प्रा. डॉ. मिलिंद कारंजकर यांनी पत्रकातून दिली आहे.

बावडा येथे

युवकाची आत्महत्या

कसबा बावडा

कसबा बावडा येथील दत्तमंदिर रोडवरील भारत उर्फ नंदू नरसिंगे (वय ४४) या युवकाने गळफास लावून घेऊन गुरूवारी सायंकाळी आत्महत्या केली. तो मासेमारीचा व्यवसाय करीत होता. त्याच्या पश्चात आई, पत्नी, दोन मुली व मुलगा असा परिवार आहे. एक मुलगी दहावीत आणि दुसरी मुलगी आठवीत शिकत आहे. त्याने आजारपणाला कंटाळून आत्महत्या केल्याची चर्चा परिसरात होती.

...................

दारुसाठी मित्रावर वार

कोल्हापूर

मित्राने दारु दिली नसल्याने जिवलग मित्रानेच कोयत्याने केलेल्या वारात भगवान वसंत मोहिते (वय ४५, रा. वैभवनगर, कोडोली, ता. पन्हाळा) हा जखमी झाला. कोडोली येथे दुपारी बारा वाजता ही घटना घडली. त्याला उपचारासाठी सीपीआरमध्ये गुरुवारी दाखल करण्यात आले.

...........

मराठा आरक्षणासाठी कसबा बावडा लाईन बाजार येथील शुक्रवारी सर्व व्यवहार दिवसभर बंद ठेवून आंदोलनाला सक्रिय पाठिंबा देण्यात येणार आहे. सकाळी नऊ वाजता भगवा चौक येथून फेरी काढण्यात येणार असून ही फेरी लाईन बाजार तसेच कसबा बावडा येथील मुख्य मार्गावरून जाणार आहे.

म. टा. प्रतिनिधी, कोल्हापूर

जिल्हा परिषदेचे अतिरिक्त मुख्य कार्यकारी अधिकारी इंद्रजित देशमुख यांचा स्वेच्छानिवृत्तीचा प्रस्ताव राज्य सरकारने मंजूर केला आहे. त्यामुळे रिक्त झालेल्या या पदाचा कार्यभार चंद्रपूर जिल्हा परिषदेतील जिल्हा ग्रामीण विकास यंत्रणेचे प्रकल्प संचालक आर. पी. शिवदास यांची नियुक्ती केली आहे. शिवदास यांनी यापूर्वी कोल्हापूर जिल्ह्यात विविध ठिकाणी गटविकास अधिकारी म्हणून काम केले आहे. तसेच जिल्हा परिषदेत सामान्य प्रशासन विभागाचे उपमुख्य कार्यकारी अधिकारीपदी ते कार्यरत होते.

शिवदास हे एक ऑगस्ट रोजी पदभार स्वीकारण्याची शक्यता आहे. कोल्हापूर जिल्ह्यात त्यांनी पंधरा वर्षांपासून अधिक काळ नोकरी केली आहे. आठ वर्षांनंतर ते पुन्हा जिल्हा परिषदेत रुजू होत आहेत. अतिरिक्त मुख्य कार्यकारी अधिकारी देशमुखांनी एक मे २०१८ रोजी राज्यसरकारकडे स्वेच्छानिवृत्तीबाबत प्रस्ताव सादर केला होता. त्यांच्या स्वेच्छानिवृत्तीमुळे रिक्त झालेल्या अतिरिक्त मुख्य कार्यकारीपदी आर. पी. शिवदास यांची नियुक्ती केली आहे. दरम्यान, शिवदास यांनी पुढील आठवड्यात पदाचा कार्यभार स्वीकारल्यानंतर सेवाज्येष्ठतेनुसार त्यांच्याकडे सीईओपदाचा अतिरिक्त कार्यभार सोपविला जाण्याची शक्यता आहे.

कागल : मराठा आरक्षणासाठी सर्वपक्षीय आवाहन झाल्याने आज कापशीतील सर्व व्यवहार बंद ठेवण्यात आले. सकाळी संताजीनगर चौकात दुचाकी आडव्या लावून रस्ता बंद केला. तेथे छत्रपती शिवाजी महाराजांच्या घोषणा देत परिसर दणाणून सोडला. चौकात टायर पेटवून रस्ता बंद केला. काही तरुणांनी रस्त्यात बैठक मारली. त्यात सर सेनापती संताजी घोरपडे साखर कारखान्याचे अध्यक्ष नविद मुश्रीफ यांनीही बैठक मारून मराठा मोर्च्याला पाठिंबा दर्शविला. त्या पाठोपाठ तमनाकवाडा, मांगनूर येथील भाजप, राष्ट्रवादी, शिवसेनेचे कार्यकर्ते सहभागी झाले.

चार दिवसांची पोलिस कोठडी

म. टा. प्रतिनिधी, कोल्हापूर

महाविद्यालयातील एका विद्यार्थींनीवर लैंगिक अत्याचार करणारा संशयित प्रा. पंढरीनाथ कृष्णात पाटील (वय ३५, रा. कळंबा, ता. करवीर) याला न्यायालयाने चार दिवसांची पोलिस कोठडी सुनावली. तो काम करीत असलेल्या संबधित शैक्षणिक संस्थेने गुरुवारी सकाळी तातडीची बैठक घेऊन या प्रकाराची गंभीर दखल घेत त्याला निलंबित केले. दरम्यान, विषप्राशन केलेल्या पिडीत तरुणीची प्रकृती अद्याप गंभीर आहे.

प्रा. पाटीलने संबधित तरुणीला प्रेमाच्या जाळ्यात ओढून तिच्यावर लैंगिक अत्याचार केला. गेले सात महिने दोघांच्यात सोशल मीडियावर संभाषण सुरु होते. साकोली कॉर्नर येथील एका कार्यालयात संबधित तरुणीला बोलावून त्याने लैंगिक अत्याचार केला तसेच सातत्याने त्रास दिला. काही दिवसांपासून प्रा. पाटील संबधित तरुणीला टाळत होता. बुधवारी सकाळी दोघेही कळंबा तलाव परिसरात भेटले. त्यावेळी या दोघांत वाद निर्माण झाला. प्रा. पाटील या ठिकाणाहून निघून गेल्यानंतर त्या तरुणीने विष पिऊन आत्महत्येचा प्रयत्न केला. तिला परिसरातील नागरिकांनी उपचारासाठी खासगी रुग्णालयात दाखल केले. दरम्यान, आत्महत्येला प्रवृत्त केल्याप्रकरणी बुधवारी करवीर पोलिसांनी संशयित प्रा. पंढरीनाथ पाटील याच्यावर गुन्हा दाखल केला होता. त्याला गुरुवारी न्यायालयासमोर हजर केले असता ३० जुलैपर्यंत पोलिस कोठडी सुनावली. संबंधित युवतीवर राजारामपुरी येथील खासगी रुग्णालयात उपचार सुरू आहेत. तिची प्रकृती अद्याप गंभीर असल्याने पोलिसांनी जबाब घेतलेला नाही. या प्रकरणाचा तपास पोलिस उपनिरीक्षक स्नेहा पाटील करीत आहेत.

दरम्यान, हा गंभीर प्रकार घडल्याप्रकरणी संबधित संस्थेच्या कार्यकारिणीची गुरुवारी सकाळी तत्काळ बैठक घेण्यात आली. बैठकीत या प्रकाराचा निषेध व्यक्त करुन प्रा. पाटीलला निलंबित करण्याची एकमुखी मागणी सदस्यांनी केली. त्याला निलंबित करण्यात यावे, असे पत्र संस्थेने जिल्हा परिषदेचे माध्यमिक शिक्षणाधिकारी किरण लोहार यांना दिले. प्रा. पाटील हा गेल्या सात वर्षांपासून महाविद्यालयात कनिष्ठ विभागात सेवा बजावत होता. शिक्षण सेवकाचा कालावधी पूर्ण झाल्यानंतर पूर्णवेळ म्हणून त्याला नियुक्ती केले होते.

म. टा. वृतसेवा, हातकणंगले

हुपरी (ता. हातकणंगले) शहरासाठी गेल्या दहा वर्षांपूर्वी मंजूर झालेल्या भारत निर्माण पाणीपुरवठा योजनेला गती मिळावी व हॉटेल अपेक्षा नजीक असलेल्या धरणग्रस्त वसाहतीतील जलकुंभाचे बांधकाम तत्काळ सुरू करण्याच्या मागणीसाठी गुरुवारी हुपरी शहर शिवसेनेच्या वतीने शहरप्रमुख अमोल देशपांडे यांच्या नेतृत्वाखाली 'शोले स्टाइल' आंदोलन करण्यात आले. यावेळी शिवसैनिकांनी हुपरी नगरपरिषद प्रशासनाविरोधात घोषणाबाजी करून परिसर दणाणून सोडला होता.

दरम्यान, शिवसेनेचे पदाधिकारी व उपनगराध्यक्ष जयकुमार माळगे यांच्यासह नगरसेवकांत चर्चा सुरू असताना शाब्दिक वादावादीने मोठ्या प्रमाणात गोंधळ उडाल्याने काही काळ तणावपूर्ण वातावरण निर्माण झाले होते तसेच आंदोलकांनी लेखी आश्वासनासाठी अचानकपणे हुपरी बंदची हाक दिल्यामुळे क्षणार्धात शहरातील व्यवसाय बंद झाले, परंतु अर्धा तासात प्रशासनाने लेखी आश्वासन दिल्याने आंदोलन मागे घेण्यात आले.

गेल्या महिन्यात शिवसेनेच्या वतीने भारत निर्माण पाणीपुरवठा योजनेच्या कामासाठी आंदोलन छेडले होते. यावेळी पाणीपुरवठा योजनेतील प्रलंबित जलकुंभाचे काम सुरू करणार असल्याचे आश्वासन दिले होते. या आंदोलनाला महिना उलटून गेला तरी नगरपरिषद प्रशासनाने कोणतीही कार्यवाही केली नसल्याने शिवसैनिकांत संतापाचे वातावरण निर्माण झाले होते. याच्या निषेधार्थ शिवसैनिकांनी हुपरी नगरपरिषदेला दिलेल्या इशाऱ्यानुसार गुरुवारी सकाळी दहा वाजता नगरपालिकेसमोर असलेल्या अण्णा भाऊ साठे चौकातील जलकुंभावर शहरप्रमुख अमोल देशपांडे, युवासेना तालुकाध्यक्ष गणेश कोळी, महिला शहराध्यक्षा मीना जाधव, तालुकाध्यक्ष उषा चौगुले, भरत मेथे, आदी शिवसैनिकांनी जलकुंभावर चढून 'शोले स्टाइल' आंदोलनाला केले.

कसबा बावडा : मराठा आरक्षण आंदोलनाचे लोण सर्वत्र पसरत आहे. कसबा बावडा लाइन बाजार येथे शुक्रवारी सर्व व्यवहार दिवसभर बंद ठेवून आंदोलनाला सक्रिय पाठिंबा देण्यात येणार आहे. सकाळी नऊ वाजता भगवा चौकातून फेरी काढण्यात येणार असून, ही फेरी लाइन बाजार तसेच कसबा बावडा येथील मुख्य मार्गावरून काढण्यात येणार आहे.

म. टा. वृत्तसेवा, जयसिंगपूर

श्री क्षेत्र नृसिंहवाडी येथील दत्त मंदिरात गुरुवारी दुपारी साडेतीन वाजता या वर्षातील पहिला उतरता दक्षिणद्वार सोहळा झाला. गुरुवारची पर्वणी साधत हजारो भाविकांनी 'श्री गुरुदेव दत्त'च्या गजरात स्नानाचा लाभ घेतला. १३ जुलैला दत्त मंदिरात पाणी शिरले होते. तब्बल चौदा दिवस मंदिर कृष्णा नदीच्या पाण्याखाली होते. कोल्हापूर, सांगली, सातारा जिल्ह्यांत पावसाचा जोर ओसरल्याने कृष्णेची पाणीपातळी कमी होत आहे. यामुळे दुपारी साडेतीन वाजता दत्त मंदिरात या वर्षातील पहिला उतरता दक्षिणद्वार सोहळा झाला. यामुळे अनेक ठिकाणांहून भाविक दर्शनासाठी दाखल झाले. त्यांनी दक्षिणव्दार सोहळ्यात स्नानाचा लाभ घेतला. दरम्यान, शुक्रवारी गुरुपौर्णिमा असून पहाटेपर्यंत मंदिरातील पाणी कमी होण्याची शक्यता आहे. त्यामुळे भाविकांना दत्त चरणांचे दर्शन होईल.

निपाणी ः वर्षभरापूर्वी मराठा आरक्षणासाठी शांततेने ५८ मोर्चे काढले, पण अद्यापही महाराष्ट्राने मराठा समाजाला आरक्षण दिलेले नाही. त्यामुळे मूकमोर्चानंतर आता ठोकमोर्चा सुरू झाला आहे. त्याचे सर्वत्र पडसाद उमटत आहेत. महाराष्ट्राने कर्नाटक सीमाभागातील ८६५ गावांवर आपला दावा केला आहे. त्यामध्ये निपाणी सीमाभागातील मराठा समाजालाही समाविष्ठ करून घ्यावे, या मागणीसाठी निपाणी भाग सकल मराठा समाजातर्फे शुक्रवारी (ता. २७) निपाणी बंदची हाक दिली आहे. शिवाय सकाळी अकरा वाजता मोर्चा काढून कर्नाटक-महाराष्ट्रातील तहसीलदारांना निवेदन देण्याचा निर्णयही गुरुवारी झालेल्या बैठकीत घेण्यात आला.

शुक्रवारी सकाळी अकरा वाजता धर्मवीर संभाजी चौकातून मोर्चाला सुरुवात होणार आहे. साखरवाडी, नरवीर तानाजी चौक, शिवाजी पुतळा, बेळगाव नाका, शिवाजीनगरमार्गे तहसीलदार कार्यालयात जाऊन निवेदन देण्यात येणर आहे. तसेच कागल येथील तहसीलदारांनाही निवेदन दिले जाणार आहे. बैठकीस सुधीर माळवे, मुकुंद रावण, निकू पाटील, नगरसेवक दत्ता जोत्रे, बाळासाहेब जासूद, नवनाथ चव्हाण, संग्राम चव्हाण, आदींसह कार्यकर्ते उपस्थित होते.

राधानगरी : राधानगरी तालुका काँग्रेस आय कमिटीच्या वतीने राधानगरी येथील राधानगरी पतसंस्थेच्या इमारतीत शुक्रवारी (ता.२७) दुपारी एक वाजता बैठकीचे आयोजन केले आहे. राहुल गांधी यांनी सुरू केलेल्या शक्ती पोर्टलचे उद्घाटन व पदाधिकाऱ्यांचा सत्कार करण्यात येणार आहे. तालुका समन्वयक, बूथ कमिटीचे अध्यक्ष, पंचायत समितीचे सदस्य, जि.प. सदस्य, भोगावती व बिद्री साखर कारखान्याचे आजी-माजी संचालक, युवा काँग्रेसच्या सर्व पदाधिकाऱ्यांनी बैठकीला येताना मतदान ओळखपत्र, असे आवाहन अध्यक्ष हिंदुराव चौगले यांनी केले आहे.

०००