म. टा. प्रतिनिधी, कोल्हापूर

पंचगंगा व भोगावती नदीच्या पाणीपातळीत वाढ झाल्याने महापालिकेच्या शिंगणापूर, बालिंगा व नागदेववाडी उपसा केंद्रातील सर्व पंप शुक्रवारी पुर्ण क्षमतेने सुरू झाले. ई वॉर्डमधील कावळा नाका टाकीवर अवलंबून असलेला भाग वगळता शहरात इतर ठिकाणी पाणीपुरवठा सुरू झाला. सकाळच्या टप्प्यात तीव्र पाणीटंचाई जाणवली. अनेक भागात कमी दाबाने पाणीपुरवठा झाल्याने नागरिकांना टँकरचा आधार घ्यावा लागला. दिवसभरात महापालिकेच्या सहा टँकरद्वारे विविध भागात ५१ फेऱ्यांद्वारे पाणीपुरवठा करण्यात आला.

भोगावती नदीवरील बालिंगा व नागदेववाडी आणि पंचगंगा नदीवरील शिंगणापूर उपसा केंद्राच्या ठिकाणी पाणीपातळी कमी झाली होती. तीनही केंद्रातील प्रत्येकी एक पंप सुरू होता. त्यामुळे दोन दिवस पुर्ण क्षमतेने पाणी उपसा करता आला नव्हता. परिणामी गुरुवारी संपुर्ण शहराला पाणी टंचाई जाणवली. ई वॉर्डमधील कावळा नाका, राजारामपुरी विभागात तर पाण्याचा ठणठणाट होता. धरणामधून सोडलेले पाणी उपसा केंद्रांजवळ गुरुवारी मध्यरात्रीनंतर पोहचण्यास सुरुवात झाल्याने पाण्याची पातळी वाढली. त्यानंतर टप्प्याटप्प्याने पंप सुरू करण्यात आले. शुक्रवारी सकाळी साडेसात वाजता सर्व पंप सुरू झाले. त्यानंतर ई वॉर्डमधील राजारामपुरी, ए, बी वॉर्डमध्ये पाणी देण्यात आले. कावळा नाका टाकीकडे पाणी देण्यात आले नव्हते. शुक्रवारी रात्रीनंतर त्या परिसराला पाणी सोडण्यात येणार आहे. शहरातील अन्य भागात दिवसभरात कमी दाबाने पाणीपुरवठा झाला. त्यामुळे नागरिकांना टँकरचा आधार घ्यावा लागला. दिवसभरात कळंबा फिल्टर हाऊसवरुन २४ ठिकाणी तर बावडा फिल्टर हाऊसवरुन २७ ठिकाणी टँकरद्वारा पाणीपुरवठा करण्यात आला. शनिवारपासून मात्र सर्वत्र पाणीपुरवठा सुरळीत होईल, असे जलअभियंता सुरेश कुलकर्णी यांनी सांगितले.

कोल्हापूर: प्लास्टिक व थर्माकोल बंदीसाठी सुरू केलेल्या मोहिमेत शुक्रवारी महापालिकेने प्लास्टिक, थर्माकोलचे एक डंपर व एक ट्रॅक्टर इतके साहित्य जप्त केले. मोहीम राबवलेल्या अनेक ठिकाणी पुन्हा प्लास्टिकच्या वस्तू विक्री केल्या जात असल्याचे निदर्शनास येत आहे. महापालिका अशा विक्रेत्यांवर गुन्हे दाखल करणार आहे. महापालिकेने सलग तिसऱ्या दिवशी मोहीम राबवली असून शहराच्या बाजाराच्या ठिकाणांवर लक्ष्य केंद्रीत केले आहे. या ठिकाणाहून शहरात इतर ठिकाणी मोठ्या प्रमाणावर प्लास्टिकच्या पिशव्या तसेच अन्य साहित्य पाठवले जाते. त्यामुळे अशा मोठ्या विक्रेत्यांकडीलच साहित्य जप्त करण्यात येत आहे. शुक्रवारी दिवसभरात चार पथकांनी एक डंपर व एक ट्रॉली इतके प्लास्टिक, थर्माकोलचे साहित्य जप्त केले.

आत्महत्येचा प्रयत्न

केलेल्याची प्रकृती स्थिर

म. टा. वृत्तसेवा, गडहिंग्लज

आत्महत्येचा प्रयत्न केलेल्या मंजुनाथ शिंदे (रा. निलजी, ता. गडहिंग्लज) याची प्रकृती स्थिर असल्याची माहिती त्याच्या नातेवाइकांनी दिली.

गुरुवारी रात्री आठच्या सुमारास मंजुनाथ रागाच्या भरात पालिकेच्या पाण्याच्या टाकीवर चढला. तिसऱ्या मजल्यावरून उडी मारण्याच्या बेतात असताना मनसे जिल्हाध्यक्ष नागेश चौगुले यांनी त्याला समजावण्याचा प्रयत्न केला. त्यामुळे तो तिसऱ्या मजल्यावरून दुसऱ्या मजल्यावर आला. तरीही तो आत्महत्या करण्यावर ठाम होता. तशातच अडचणीच्या जागेतच असल्याने त्याचा तोल गेल्याने तो पडला. मात्र, चिकूच्या झाडावर पडल्याने त्याचा जीव वाचला. उपजिल्हा रुग्णालयात उपचार करून त्याला पुढील उपचारासाठी खासगी दवाखान्यात दाखल केले. सुरुवातीला त्याला अतिदक्षता विभागात दाखल केले. उपचारानंतर त्याची तबेत स्थिर आहे. पण अद्याप आत्महत्येचे कारण समजू शकले नाही.

दूध दरांचा अहवाल बासनात

दोन महिन्यांपूर्वी समितीने अहवाल देऊनही सरकारचे दुर्लक्ष, दूध दरांचा प्रश्न प्रलंबितच

Maruti.Patil@timesgroup.com

tweet: @MarutipatilMT

कोल्हापूर : राज्यातील सहकारी दूध संघांना दूर दरांबाबत येणाऱ्या अडचणींबाबत स्थापन केलेल्या अभ्यास समितीने राज्य सरकारला दोन महिन्यांपूर्वी अहवाल सादर केला. पण दोन महिन्यानंतरही अहवालावर कोणतीच चर्चा न झाल्याने समितीने सादर केलेला अहवाल सरकारने बासनात गुंडाळून ठेवला आहे. नुकत्याच झालेल्या किसान लाँग मार्चदरम्यान मुख्यमंत्री देवेंद्र फडणवीस यांनी दूध दरांचे आश्वासन दिले होते, पण समितीने पाठविलेल्या अहवालाबाबत कोणतीच वाच्यता केली नाही. त्यामुळे समितीने पाठविलेला अहवाल गुलदस्त्यात का ठेवला? असा प्रश्न उपस्थित होत आहे.

जूनमध्ये झालेल्या शेतकरी संपादरम्यान राज्य सरकारने दूध दरांत वाढ करण्याचा निर्णय जाहीर केला. या निर्णयानुसार म्हैस व गायीच्या खरेदीदरात लिटरमागे तीन व दोन रुपये वाढ केली. त्यामुळे म्हैशीचा दुधाचा दर ३६ रुपये, तर गायीच्या दुधाचा प्रतिलिटर २७ रुपये झाला. राज्य सरकारने घेतलेल्या निर्णयाची जमेतेम पंधरा ते वीस दिवस सहकारी दूध संघांनी अंमलबजावणी केल्यानंतर गायीच्या दूध खरेदीदरात कपात केली. दर कपात करताना सहकारी दूध संघांसमोरील अडचणींचा अभ्यास न करता आणि आंतरराष्ट्रीय बाजारात दूध पावडरीला मागणी व दरही नसल्याचे कारण देण्यात आले.

राज्यात शेतकरी आत्महत्या आणि कृषिमालाला योग्य भाव मिळत नसल्याने शेतकऱ्यांमध्ये असंतोष असताना दूध संघांनी दर कमी करून अधिक भर टाकली. सहकारी दूध संघांनी वाढविलेला दर कमी केला असताना खासगी संघांनी तर यापेक्षाही जादा दर कमी केला. दूध संघांच्या या मनमानीविरोधात दूध उत्पादकांनी जोरदार विरोध करत तक्रारी दाखल केल्या. राज्य सरकारने जाहीर केलेली दरवाढ देण्यासाठी दुग्ध विभागाने संघांना नोटिसा काढत प्रशासकीय कारवाई करण्याचा इशाराही दिला.

पण त्यानंतर या नोटिसा मागे घेण्यात आल्या व दूध दराचा अभ्यास करण्यासाठी दुग्ध व पशुसंवर्धन विकास मंत्री महादेव जानकर यांनी त्रिसदस्यी समितीची स्थापना केली. २७ नोव्हेंबरला स्थापन केलेल्या समितीमध्ये पशू, दुग्ध व मत्स विभागाचे सचिव विकास देशमुख, दुग्धविकास ‌विभागाचे आयुक्त राजीव जाधव व महानंदचे व्यवस्थापकीय संचालक दिलीप शिंदे यांचा समावेश होता. समितीने दराचा अभ्यास करून जानेवारी २०१८ मध्ये सरकारला अहवाल सादर केला. पण हा अहवाल अद्याप चर्चेला आला नसून त्यातील शिफारशीही गुलदस्त्यातच ठेवल्या आहेत. मुंबई येथे झालेल्या किसान लाँग मार्च दरम्यान मुख्यमंत्री फडणवीस यांनी दूध दर वाढविण्याचे सूतोवाच केले, पण त्यानंतरही अहवालाबाबत गुप्तता का? राखली जात असा प्रश्न उपस्थित होत आहे.

००००

जिल्हा संघांचा समितीवर आक्षेप

दूध दराचा अभ्यास करण्यासाठी राज्य सरकारने त्रिसदस्यीय समितीची स्थापना केली. पण समितीमध्ये सहकारी संघ किंवा खासगी संघांच्या कोणत्याही व्यक्तीला प्रतिनिधित्व देण्यात आले नाही. समितीमधील सर्वच प्रतिनिधी आयएएस दर्जाचे अधिकारी असल्याने यावर आक्षेप नोंदविला होता. त्यामुळे अहवाल सादर होऊनही जाणीवपूर्वक पुढे आणला जात नसल्याची चर्चा सहकार क्षेत्रात सुरू आहे.

००००

सहकारी दूध संस्थांच्या दूध दरांबाबत अभ्यास करण्यासाठी नेमलेल्या समितीने दोन महिन्यांपूर्वी राज्य सरकारकडे अहवाल दिला आहे. याबाबतचा निर्णय सरकार घेईल. अहवालातील तपशील आपण सांगू शकत नाही.

दिलीप शिंदे, समिती सदस्य

कळंबा कारागृहास

देवस्थान धनादेश

कोल्हापूर: मध्यवर्ती कारागृहातील (कळंबा) बंदिजनाकडून अंबाबाई लाडू प्रसाद मिक्सर व अत्याधुनिक यंत्रसामुग्रीद्वारे बनवण्यासाठी पश्चिम महाराष्ट्र देवस्थान समितीकडून एक लाख ६० हजारांचा धनादेश देण्यात आला. समितीचे अध्यक्ष महेश जाधव यांनी कारागृह अधीक्षक शरद शेळके यांच्याकडे यंत्रसामुग्री खरेदी करण्यासाठी धनादेश सुपूर्द केला. गेल्या काही महिन्यांपासून करवीर निवासिनी अंबाबाई मंदिरातील भाविकांना देण्यात येणारा प्रसादाचा लाडू कळंबा कारागृहातील बंदिजनाकडून तयार केला जात आहे.भाविकांची व पर्यटकांची मागणी लक्षात घेवून अधिकाधिक लाडू बनवण्यासाठी अत्याधुनिक यंत्रसामुग्रीची आवश्यकता आहे. अशी यंत्रसामुग्री खरेदी करण्यासाठी देवस्थान समितीच्यावतीने कारागृहाला एक लाख ६० हजारांचा धनादेश देण्यात आला. समितीचे अध्यक्ष जाधव यांनी निधीचा धनादेश अधीक्षक शेळके यांच्याकडे सुपूर्द केला. यावेळी समितीचे सदस्य शिवाजीराव जाधव, संगीता खाडे, सचिव विजय पवार, सहसचिव विजय साळवी, सुयश पाटील, सुरेश देशपांडे आदी उपस्थित होते.

(फोटो आहेत)

राजेंद्रनगरात चाकूहल्ला; चौघे जखमी

म. टा. प्रतिनिधी, कोल्हापूर

राजेंद्रनगर येथे तरुणांच्या पूर्ववैमनस्यातून चाकूहल्ला झाला. यात दोन तरुण जखमी झाले आहेत. हल्ल्यानंतर झालेल्या दगडफेकीत एका महिलेसह दोघे जखमी झाले आहेत. चौघांवर सीपीआरमध्ये उपचार करण्यात आले असून, रात्री उशिरापर्यंत राजारामपुरी पोलिस ठाण्यात फिर्याद दाखल करण्याचे काम सुरू होते.

सीपीआरमधून मिळालेल्या माहितीनुसार, रोहित बापू पाटोळे (वय १७, रा. राजेंद्रनगर) याचा शुक्रवारी सकाळी त्र्यंबक गवळी (रा. राजेंद्रनगर) या तरुणासोबत वाद झाला होता. यानंतर गवळी कामानिमित्त साळोखे पार्क येथे गेला होता. वादाचा जाब विचारण्यासाठी दुपारी रोहित आणि त्याचा भाऊ मारुती पाटोळे (वय २२) हे दोघे साळोखे पार्क येथे गेले. त्या दोघांनी गवळी याला मारहाण केली. यानंतर संध्याकाळी सातच्या सुमारास त्र्यंबक गवळी आणि त्याचा मित्र कुमार गायकवाड या दोघांनी पाटोळे याच्या राजेंद्रनगरातील घरावर जोरदार दगडफेक केली. यावेळी त्र्यंबकने केलेल्या चाकू हल्ल्यात मारुती आणि रोहित हे दोघे जखमी झाले आहेत, तर घरावर केलेल्या दगडफेकीत रोहितची आई लता बापू पाटोळे (वय ४५) ही जखमी झाली आहे. रोहित आणि मारुती यांनी केलेल्या मारहाणीत त्र्यंबक गवळी जखमी झाला आहे. या घटनेने राजेंद्रनगर परिसरात काही काळ तणाव निर्माण झाला होता. या चौघांवरही सीपीआरमध्ये उपचार करण्यात आले. रात्री उशिरापर्यंत राजारामपुरी पोलिस ठाण्यात फिर्याद दाखल करण्याचे काम सुरू होते.

खुनातील संशयितांना घटनास्थळी फिरवले

म. टा. प्रतिनिधी, कोल्हापूर

तामगाव आणि मोरेवाडी येथील दुहेरी खुनातील आरोपींना पोलिसांनी शुक्रवारी (ता. ३०) मोरेवाडी आणि तामगाव येथे घटनास्थळी फिरवून प्रत्यक्षिक करवून घेतले. अजीज वजीर याच्या खूनप्रकरणी सध्या पाच संशयित अटकेत आहेत. या गुन्ह्याच्या तपासानंतर दस्तगीर तद्देवाडी याच्या खूनप्रकरणी संशयितांना अटक केली जाणार आहे. दोन्ही गुन्ह्यांचा स्वतंत्र तपास करून अटकेची कारवाई केली जाणार आहे, अशी माहिती पोलिसांनी दिली.

मोरेवाडी आणि तामगाव येथील खूनप्रकरणी अटकेतील संशयित भैरू ऊर्फ सुनील दगडू मोरे (३९, रा. मोरेवाडी), रशीद सैफुद्दीन वजीर (४३, रा. गोकुळ शिरगाव एमआयडीसी), जावेद अमरबाबू शेख (४९, रा. तामगाव), सुनील पांडुरंग शिंदे (२३, रा. नेर्ली), रोहित एकनाथ कांबळे (२६, रा. गिरगाव) यांना कोर्टाने पाच दिवसांची पोलिस कोठडी सुनावली आहे. या सर्वांना गोकुळ शिरगाव पोलिसांनी शुक्रवारी तामगाव खण परिसरात फिरविले. टोळीने दोन्ही खुनांची कबुली दिली असली तरीही, सुरुवातीला गोकुळ शिरगाव येथील गुन्ह्याचा तपास केला जात आहे. संशयितांना घटनास्थळी घेऊन गेल्यानंतर त्यांनी अजीज वजीर याचा खून कसा केला, त्याचे प्रात्यक्षिक करून दाखवले. सर्व संशयितांची वैयक्तिक चौकशी सुरू आहे. गुन्ह्यात दोन चारचाकी वापरल्या आहेत. त्यापैकी एक पोलिसांच्या ताब्यात आहे. दुसऱ्या कारचा शोध अद्याप सुरू आहे. दस्तगीर तद्देवाडी याला सचिन पाटील (रा. कोगील, ता. करवीर) याच्या घरी डांबून ठेवले होते. याप्रकरणी पाटील यालाही पोलिसांनी चौकशीसाठी हजर राहण्याची नोटीस पाठवली आहे. सचिन हा सध्या पुण्यात असल्याने दोन दिवसात त्याची चौकशी होईल, अशी माहिती पोलिसांनी दिली.

शुक्रवारी दिवसभर तपास करून संशयितांना रात्री करवीर पोलिस ठाण्याच्या कोठडीत पाठवले आहे. गोकुळ शिरगाव पोलिस ठाण्याचे सहायक पोलिस निरीक्षक युवराज खाडे तामगाव येथील खुनाचा तपास करीत आहेत. हा तपास पूर्ण झाल्यानंतर करवीर पोलिस दस्तगीर तद्देवाडी यांच्या खूनप्रकरणी संशयितांना ताब्यात घेणार आहेत. अजीज वजीर याच्या मृतदेहाचे काही अवशेष तपासणीसाठी पुणे येथील फॉरेन्सिक लॅबकडे पाठवले आहेत. फॉरेन्सिक लॅबचा अहवाल अद्याप पोलिसांना प्राप्त झालेला नाही.

कोल्हापूर:कोल्हापूर ते मुंबई सुपरफास्ट रेल्वे लवकरच सुरू करण्यास प्राधान्य दिले जाईल, कोल्हापूर-अहमदाबाद रेल्वे फेऱ्या वाढविण्यासाठी निर्णय घेतला जाईल, असे आश्वासन रेल्वेमंत्री पियुष गोयल यांनी वेस्टर्न महाराष्ट्र चेंबर ऑफ कॉमर्स (वेसमॅक) आणि महाराष्ट्र चेंबर ऑफ कॉमर्सच्या शिष्टमंडळाला दिले. रेल्वे मंत्री यांच्या सोबत पश्चिम-दक्षिण महाराष्ट्रातील रेल्वे सेवा संदर्भात चर्चा केली. कोल्हापुर ते पुणे मार्गाचे दुहेरीकरणाचे काम रखडले आहे. दुहेरीकरण आणि विद्युतीकरण तातडीने करावे. कोल्हापूर ते मुंबई मार्गावर सुपरफास्ट सेवा सुरू करावी. पुणे येथे पुढे मार्गस्थ होणाऱ्या रेल्वे कोल्हापूर रेल्वेस्थानकातून सोडाव्यात. मिरज, कराड, सातारा स्टेशनवरील सुविधांत वाढ करावी, अशी मागणी निवेदनात केली आहे. 'वेसमॅक' चे अध्यक्ष ललित गांधी यांच्या नेतृत्वाखाली शिष्टमंडळाने त्यांची दिल्ली येथे भेट घेतली. शिष्टमंडळात महाराष्ट्र चेंबरचे अध्यक्ष संतोष मंडलेचा, अनिल लोढा, समीर दुधगांवकर, कैलास खंडेलवाल आदींचा समावेश होता.

जि.प.त मार्चअखेरची लगीनघाई

सुटीदिवशी अनेक विभाग सुरू; निधी खर्च करण्याची धांदल

म. टा. प्रतिनिधी, कोल्हापूर

जिल्हा परिषद आणि जिल्ह्यातील सर्वच पंचायत समित्यांमध्ये ३१ मार्च अखेरची लगीनघाई सुरू आहे. गुरुवार, शुक्रवारी सुटीचा दिवस असतानाही अनेक विभागांतील कर्मचारी कामावर येऊन प्रलंबित फायलींचा निपटारा करत आहेत. सरकारकडून उशिरा आलेला निधी १५ एप्रिलपर्यंत खर्च होणार आहे. तसा पत्रव्यवहार संबंधित विभागप्रमुख वरिष्ठ कार्यालयास करीत आहेत. यामुळे प्रत्यक्षात ३१ मार्चअखेर निधी खर्च करण्याची मुदत असली तरी आणखी दोन आठवडे धांदल कायम राहणार आहे.

केंद्र, राज्य सरकारच्या विविध योजनांची अंमलबजावणी जि. प. तर्फे होते. म्हणून ग्रामीण भागाचा विकास करणारी मिनी विधानसभा अशी त्याची ओळख आहे. ३१ मार्चअखेर विकास कामांचा निधी खर्च न पडल्यास सरकारकडे परत पाठवण्याची नामुष्की येते. जि. प. मधील बांधकाम, ग्रामपंचायत, ग्रामीण पाणीपुरवठा, ग्रामीण विकास यंत्रणा, कृषी, समाज कल्याण, महिला व बालकल्याण, प्राथमिक शिक्षण अशा महत्त्वाच्या विभागातील प्रशासन महिनाभरापासून धावपळीत आहे. वर्षभरात झालेल्या खर्चाचा ताळमेळ घालत आवश्यक पावत्या जोडत ऑडिट रिपोर्टमध्ये आक्षेप नोंदवू नये, त्याची खबरदारी घेतली जात आहे. आतापर्यंत झालेला खर्च आणि शिल्लक निधींचा अंदाज घेत कामांचे नियोजन केले जात आहे.

मार्च अखेरच्या कामांची धावपळ सुरू असताना सलग सुट्या आहेत. त्यामुळे शनिवार एक दिवस रजा टाकल्यानंतर चार दिवस सलग सुटीचा आनंद अधिकारी, कर्मचाऱ्यांना घेता येणार आहे. मार्च अखेरची कामे सुरू असल्याने अनेकजन सुट्यांच्या आनंदावर विरजण टाकावे लागत आहे. निर्धारित वेळेत काम होत नसल्याने सुटीच्या दिवशीही बसून काम करताना अनेक अधिकारी, कर्मचारी दिसले. असेच चित्र पंचायत समित्यांमध्येही जाणवले. यामुळे जि. प., पं. स. प्रशासनात लगीनघाई सुरू आहे. वरिष्ठांना खर्चाचा तपशील ऑनलाइन द्यायचा आहे, ती कामे प्राधान्याने केली जात आहेत. ऑफलाइन अहवालाची कामे पुढे दोन आठवड्यापर्यंत करण्यात येणार आहे. शेवटच्या टप्यात कामे सुरू करण्याचा आदेश दिल्याने जिल्ह्यात सर्वत्र रस्त्यांचे फेरडांबरीकरण करणे, खड्डे भरण्याच्या कामाला गती आली आहे.

९० टक्के निधी खर्च

जिल्हा नियोजन समितीकडून जि. प.ला गत आर्थिक वर्षात विकास कामांसाठी २४९ कोटी रुपये मिळाले होते. त्यापैकी २२४ कोटी खर्च झाले आहे. आतापर्यंत ९० टक्के खर्च झाला आहे. उर्वरित दहा टक्के निधी खर्च करण्याची कार्यवाही सुरू आहे. सरकारची आर्थिक तिजोरी नाजूक झाल्याने महिन्यापूर्वी ३० टक्के विकास निधी परत गेला होता. त्यातील काही रक्कम मिळत असल्याने प्रशासनाचे काम वाढले आहे. खड्डे भरण्यासाठी दहा कोटी रुपये मिळाले आहेत. त्यांचे प्रस्ताव तयार करून तांत्रिक मान्यतेसाठी जिल्हा प्रशासनाकडे पाठवले आहे. त्यातील मंजूर कामे तातडीने केली जात आहेत.

जिल्हा परिषद प्रशासनाची ३१ मार्चअखेरची कामे सुरू आहेत. सर्व विभाग प्रमुखांना वेळेत निधी खर्च करण्याच्या सूचना दिल्या आहेत. त्यानुसार कार्यवाही सुरू आहे. अध्यक्षांनीही स्वतंत्र बैठक घेऊन प्रशासनास सूचना दिल्या आहेत.

डॉ. कुणाल खेमनार, मुख्य कार्यकारी अधिकारी

कालव्यात पडून

गव्याचा मृत्यू

म. टा. वृत्तसेवा, आजरा

तहानेने कासावीस झाल्याने पाण्याच्या शोधात असलेल्या गव्याचा वेळवट्टी (ता. आजरा) परिसरातील कालव्यात पडून मृत्यू झाला. ही घटना पाच-सहा दिवसांपूर्वी घडल्याचे वनविभागाचे मत आहे.

वेळवट्टी गावाला पाणीपुरवठा करणारी योजना परिसरातील महागावकर यांच्या मालकीच्या जमितील झऱ्यावर राबविली आहे. तेथून सायफन पद्धतीने हे पाणी गावाला मिळते. पण गेले काही दिवस गावाला अनियमित व गढूळ पाणीपुरवठा सुरू आहे. यामुळे शंका आली, पण हत्तीच्या भीतीने या परिसरात कोणी फिरकत नाही. शुक्रवारी ग्रामपंचायत कर्मचारी येथील कालव्याकडे आल्यानंतर त्यात गवा मरून पडल्याचे आढळले. हा गवा पूर्ण वाढ झालेला व मोठा होता. याबाबत वनविभागाला कळविले. पाण्याच्या हव्यासाने गवा इथे येऊन पडला असावा. पण कालव्याचे बांधकाम काँक्रिटचे असल्याने त्याला बाहेर

येता आले नाही. त्यातच त्याचा मृत्यू झाला असावा, असा प्राथमिक अंदाज आहे. जेसीबी मशिनच्या सहाय्याने त्याला कॅनॉलमधून काढून दफन केले.

म. टा. प्रतिनिधी, कोल्हापूर

'छत्रपती शिवाजी महाराज आणि राजर्षी शाहू विचारांवर श्रद्धा असलेल्या कार्यकर्त्यांच्या उपस्थितीने गेले काही वर्षे शिवाजी महाराज आणि महाराणी ताराराणी रथोत्सव लोकोत्सव झाला आहे. रथोत्सव जल्लोषात साजरा केला असला तरी रथोत्सवातून सामाजिक एकतेचा संदेश देण्याची गरज आहे,' असे मत शस्त्र संग्राहक गिरीष जाधव यांनी व्यक्त केले. भवानी मंडप जुना राजवाडा येथे रथोत्सवाच्या नियोजनाच्या बैठकीत ते बोलत होते. बैठकीला मोठ्या संख्येने कार्यकर्ते उपस्थित होते.

शस्त्रसंग्राहक जाधव म्हणाले, 'रथोत्सवाला नागरिक मोठ्या संख्येने सहभागी होत असल्याने त्याचे शिस्तबद्ध नियोजन करावे. सहभागी, लहान मुले, महिला व ज्येष्ठ नागरिकांना मदत मिळावी, यासाठी स्वयंसेवकांची नियुक्ती करावी.'

यावेळी कार्यकर्त्यांनीही सूचना केल्या. त्यामध्ये रांगोळ्या काढताना राष्ट्रपुरुषांची नावे व प्रतिमा टाळाव्यात, रथोत्सवात पारंपरिक वाद्याचा गजर व्हावा, मिरवणुकीत सहभागी होणाऱ्या ढोल पथकांना विशिष्ट चौक व ढोल वाजवण्यासाठी वेळ द्यावी. चौकाचौकात ढोल पथकांनी प्रदर्शन करताना रथोत्सवाचा वेग खंडीत होऊ नये, याची काळची घ्यावी, मिरवणुकीत सहभागी कार्यकर्त्यांनी भगवे फेटे परिधान करून रथोत्सवात सहभागी व्हावे. गुजरी परिसरात व्यापारी व दुकानदारांनी दुकाने सुरू ठेवावीत, मिरवणूक मार्गावर रांगोळ्या काढण्यासाठी शहर वाहतूक नियंत्रण शाखेने वाहतुकीचे नियोजन करावे, अशा सूचना करण्यात आल्या.

बैठकीला जिल्हा परिषद सदस्या विजया पाटील, माजी नगरसेवक विनायक फाळके, माजी उपमहापौर विक्रम जरग, शिव शाहू मंचचे फत्तेसिंह सावंत, शाहीर आझाद नायकवडी, हेमंत साळोखे, संजय पवार, फिरोजखान पठाण, उमेश पोर्लेकर, विश्वास कांबळे, भाऊ घोडके, विश्वास कांबळे, संभाजीराव मांगोरे पाटील, विकास पाटील आदी उपस्थित होते. प्रास्ताविक अॅड राजेंद्र चव्हाण यांनी केले. शाहीर शहाजी माळी यांनी रथोत्सवाची माहिती दिली. अमर पाटील यांनी आभार मानले.

उपस्थित राहण्याचे आवाहन

महानगरपालिकेत सर्वपक्षीय ८२ नगरसेवक आहेत. शिवराज्यभिषेक सोहळ्याची उंची वाढवण्यासाठी लोकप्रतिनिधी, महानगरपालिका पदाधिकारी, नगरसेवकांनी उपस्थित राहून शोभा वाढवावी, अशा सूचना बहुसंख्य कार्यकर्त्यांनी यावेळी केली.

मूळ कॉपी

०००००००००

शिव, ताराराणी रथोत्सवातून सामाजीक संदेश द्यावा

म. टा. प्रतिनिधी, कोल्हापूर

छत्रपती शिवाजी महाराज आणि राजर्षी शाहू विचारांच्यावर श्रद्धा असलेल्या कार्यकर्त्यांच्या उपस्थितीने गेले काही वर्षे शिवाजी महाराज आणी महाराणी ताराराणी रथोत्सव लोकोत्सव झाला आहे. रथोत्सव जल्लोषात साजरा केला असला तरी रथोत्सवातून सामाजीक एकतेचा संदेश देण्याची गरज आहे, असे मत शस्त्र संग्राहक गिरीष जाधव यांनी व्यक्त केले. भवानी मंडप जुना राजवाडा येथे रथोत्सवाच्या नियोजनाच्या बैठकीत ते बोलत होते. बैठकीला मोठ्या संख्येने कार्यकर्ते उपस्थित होते.

शस्त्र संग्राहक जाधव म्हणाले, रथोत्सवाला नागरिक मोठ्या संख्येने सहभागी होत असल्याने त्याचे शिस्तबद्ध नियोजन करावे. सहभागी, लहान मुले, महिला व ज्येष्ठ नागरिकांना मदत मिळावी यासाठी स्वयंसेवकांची नियुक्ती करावी अशी सूचना त्यांनी केली. यावेळी कार्यकर्त्यांनी मते व सूचना व्यक्त केल्या. त्यामध्ये रांगोळ्या काढताना राष्ट्रपुरुषांची नावे व प्रतिमा टाळाव्यात, रथोत्सवात पारंपरिक वाद्याचा गजर व्हावा, मिरवणुकीत सहभागी होणाऱ्या ढोल पथकांना विशिष्ट चौक व ढोल वाजवण्यासाठी वेळ द्यावी. चौकाचौकात ढोल पथकांनी प्रदर्शन करताना रथोत्सवाचा वेग खंडीत होऊ नये याची काळची घ्यावी, मिरवणुकीत सहभागी कार्यकर्त्यांनी भगवे फेटे परिधान करुन रथोत्सवाची उंची वाढवावी, गुजरी परिसरात व्यापारी व दुकानदारांनी दुकाने सुरु ठेवावीत, मिरवणूक मार्गावर रांगोळ्या काढण्यासाठी शहर वाहतूक नियंत्रण शाखेने वाहतुकीचे नियोजन करावे, अशा सूचना करण्यात आल्या.

बैठकीला जिल्हा परिषद सदसया विजया पाटील, माजी नगरसेवक विनायक फाळके, माजी उप महापौर विक्रम जरग, शिव शाहू मंचचे फत्तेसिंह सावंत, शाहीर आझाद नायकवडी, हेमंत साळोखे, संजय पवार, फिरोजखान पठाण, उमेश पोर्लेकर, विश्वास कांबळे, भाऊ घोडके, विश्वास कांबळे, संभाजीराव मांगोरे पाटील, विकास पाटील आदि उपस्थित होते. प्रास्ताविक अॅड राजेंद्र चव्हाण यांनी केले. शाहीर शहाजी माळी यांनी रथोत्सवाची माहिती दिली. अमर पाटील यांनी आभार मानले.

नगरसेवकांना उपस्थित राहण्याचे आवाहन

महानगरपालिकेत सर्वपक्षीय ८२ नगरसेवक आहेत. शिवराज्यभिषेक सोहळ्याची उंची वाढवण्यासाठी लोकप्रतिनिधी, महानगरपालिका पदाधिकारी, नगरसेवकांनी उपस्थित राहून शोभा वाढवावी, अशा सूचना बहुसंख्य कार्यकर्त्यांनी यावेळी केली.

शेळेवाडीजवळ अपघातात

एकजण ठार

कोल्हापूर : पत्नीला कसबा बावडा येथे माहेरी सोडून गावाकडे परत जात असताना मोटारसायकला झालेल्या अपघातात साताप्पा दिनकर राठोड (वय ४३ रा. टिक्केवाडी, ता. भुदरगड) यांचा मृत्यू झाला. शुक्रवारी रात्री साडेनऊ वाजता शेळेवाडी (ता. राधानगरी) जवळ ही घटना घडली. गंभीर जखमी अवस्थेत त्यांना सीपीआरमध्ये उपचारासाठी आणले होते, पण त्यांचा उपचारापूर्वीच मृत्यू झाला. राठोड कुर येथील पतसंस्थेत कर्मचारी होते. त्याची सासुरवाडी कसबा बावडा आहे. ते यात्रेनिमित्त कसबा बावडा येथे पत्नीला सोडून सायंकाळी सात वाजता गावी निघाले. मात्र शेळेवाडी नजीक त्यांच्या दुचाकीला अपघात झाला. ते रस्त्याच्या कडेला जखमी अवस्थेत सापडले. त्यांच्या डोक्याला गंभीर मार लागल्याचे पोलिसांनी सांगितले.

'आश्वासन न पाळल्यास तीव्र आंदोलन'

म. टा. प्रतिनिधी, कोल्हापूर

'आशा व गटप्रवर्तकांच्या निश्चित मानधनाच्या निर्णयाबाबत एप्रिलच्या पहिल्या आठवड्यात बैठक होणार आहे. माजी आमदार नरसय्या आडम यांच्या नेतृत्वाखाली मानधनवाढीसाठी सुरू असलेल्या आंदोलनाची दखल घेऊन सरकारला निर्णय घ्यावाच लागेल. मोर्चादरम्यान दिलेल्या आश्वासनाला बगल दिल्यास केंद्र व राज्य सरकारला आशा व गटप्रवर्तकांच्या आंदोलनाला सामोरे जावे लागेल,' असा इशारा कोल्हापूर जिल्हा आशा वर्कर्स युनियनने प्रसिद्धीपत्रकांद्वारे दिला आहे.

पत्रकात म्हटले आहे की, 'केंद्रात भाजप सरकार सत्तेवर आल्यानंतर सार्वजनिक उपक्रमावरील अनुदानाला मोठ्या प्रमाणात कात्री लावली आहे. भविष्यात हे उपक्रम सुरू राहतील का? असा प्रश्न उपस्थित होत आहे. त्यामुळे 'सिटू'च्या नेतृत्वाखाली आशा व गटप्रवर्तकांच्या मानधनाबाबत आंदोलन सुरू आहे. आंदोलनाचा भाग म्हणून ७ मार्चला अर्थसंकल्पीय अधिवेशनादरम्यान मोर्चा काढला. माजी आमदार आडम यांच्या नेतृत्वाखालील शिष्टमंडळाने अर्थमंत्री सुधीर मुनगुंटीवार यांच्यासोबत चर्चा झाली. यावेळी अर्थमंत्री मुनगुंटीवार यांनी २० मार्चला बैठक घेण्याचे आश्वासन दिले, पण ही बैठक होऊ शकली नाही. आता ही बैठक एप्रिलच्या पहिल्या आठवड्यात होण्याची शक्यता आहे. बैठकीत जर निर्णय झाला नाही आणि मोर्चावेळी दिलेल्या आश्वासनाला बगल दिल्यास केंद्र व राज्य सरकारविरोधात तीव्र आंदोलन छेडण्यात येणार असून आशा व गटप्रवर्तकांनी संघर्षास तयार राहावे, असे आवाहन सुभाष निकम यांनी केले आहे.

फोटो आहेत

घाटगे, गोंजारे

भाजपचे पदाधिकारी

म. टा. प्रतिनिधी, कोल्हापूर

काँग्रेसला रामराम करुन भाजपमध्ये प्रवेश केलेल्या माजी नगरसेवक चंद्रकांत घाटगे यांची भाजपच्या महानगर उपाध्यक्षपती तर मोहन गोंजारे यांची चिटणीसपदी नियुक्ती केली. भाजपमध्ये प्रवेश केल्यानंतर एक वर्षातच पक्षाचे पदाधिकारी बनवले. पक्षाच्या कार्यक्रमांमधील सक्रिय सहभाग लक्षात घेऊन त्यांची निवड करण्यात आल्याचे सांगण्यात आले.

घाटगे हे महापालिकेतील काँग्रेसचे माजी सभागृह नेते होते. त्यांची जिल्हा महानगरच्या उपाध्यक्षपदी तर माजी उपमहापौर असलेले मोहन गोंजारे यांची चिटणीसपदी नियुक्ती केली आहे. पालकमंत्री चंद्रकांत पाटील यांच्या उपस्थितीत झालेल्या कार्यक्रमामध्येच या दोघांची निवड करण्यात आली. पश्चिम महाराष्ट्र देवस्थान समितीचे अध्यक्ष महेश जाधव, भाजपचे जिल्हाध्यक्ष संदीप देसाई यांच्या हस्ते नियुक्तीची पत्रे देण्यात आली. यावेळी पदाधिकारी व कार्यकर्ते उपस्थित होते.

पालिकेला ४२ लाखांचा

निधी मंजूर

म. टा. प्रतिनिधी, कोल्हापूर

युआयडीएसएसएमटी व नगरोत्थान योजना, मुलभूत सुविधांसाठी राज्य सरकारने शुक्रवारी महापालिकेला ४२ कोटी रुपयांचा निधी मंजूर केला. या निधीमधून लवकरच शहरातील विकास कामांना सुरुवात करण्यात येणार आहे.

महापालिकेला यापूर्वी महाराष्ट्र सुवर्ण जयंती नगरोत्थान महाअभियानांतर्गत १०८ कोटी रुपयांचा निधी मंजूर झाला आहे. त्यातील ५० टक्केप्रमाणे ५४ कोटी रुपयांचा निधी राज्य सरकारकडून देण्यात आला होता. राज्याने हा वाटा ५० वरुन ७० टक्के केला. त्यानुसार २० कोटी रुपयांचा जादा निधी महापालिकेला मिळणार आहे. या निधीतून रस्त्यांची कामे करण्यात येणार आहेत. यानुसार युआयडीएसएसएमटी योजनेंतर्गत थेट पाइपलाइन योजनेसाठीही १२ कोटी, ४३ लाख रुपयांचा निधी मिळाला आहे.

याशिवाय महानगरपालिका मुलभूत सोईसुविधांचा विकास योजनेंतर्गत निधी देण्याचे नियोजन राज्य सरकारने केले होते. त्यानुसार कोल्हापूर महापालिकेला १० कोटी रुपयांचा निधी मंजूर झाला. लवकरच तो महापालिकेकडे वर्ग करण्यात येणार आहे. या निधीसाठी मुख्यमंत्री देवेंद्र फडणवीस, पालकमंत्री चंद्रकांत पाटील, आमदार अमल महाडिक, खासदार धनंजय महाडिक यांचे सहकार्य लाभल्याचे पत्रक भाजप, ताराराणी आघाडीच्या पदाधिकाऱ्यांनी प्रसिद्धीस दिले आहे.

'दौलत'कडील बिलाच्या

तोडग्यासाठी आज बैठक

म. टा. वृत्तसेवा, चंदगड

हलकर्णी (ता. चंदगड) येथील दौलत संचलित न्यूट्रीयन्स साखर कारखान्याकडील शेतकरी व कामगारांच्या थकीत बिलापोटी गुरुवारी विक्रीसाठी नेत असलेली साखर कामगार व शेतकऱ्यांनी अडवली. अगोदर शेतकरी व कामगाराचे थकीत पैसे द्या, अशी मागणी केली. याबाबत निर्णय घेण्यासाठी शनिवारी (ता. ३१) चंदगड येथील तहसील कार्यालयात प्रांताधिकारी संगीता चौगुले-राजापूरकर यांच्या अध्यक्षतेखाली बैठक आयोजित केल्याची माहिती तहसीलदार शिवाजी शिंदे यानी दिली.

दौलत संचलित न्यूट्रीयन्स कंपनीकडील साखर कोल्हापूर जिल्हा बँकेने साखर लिलाव करून विक्रीस काढली. गुरुवारी कोल्हापूर जिल्हा बँकेने दौलतची साखर मेघहंस शुगर्स सप्लायर्स (घोडनदी, ता. शिरूर, जि. पुणे) कंपनीला गेल्या २६ मार्चला लिलावानुसार ४० हजार क्विंटल साखर २४०० रुपये प्रतिक्विंटल दराने विकली आहे. साखरेची मूळ रक्कम सरकारकडे भरून त्याची जीएसटीची रक्कम बँकेकडे भरावी, असे खी पत्र घेऊन कंपनीचे लोक ट्रकसह कारखाना गोदामातील साखर भरण्यासाठी आले होते. लिलावात घेतलेली साखर मेघहसंराज सेल्सने गोडाऊनमधून साखर बाहेर काढून ट्रकमध्ये भरण्यास सुरुवात केली. ही बातमी तालुक्यातील जनआंदोलन कृती समितीला समजताच त्यांनी दौलतच्या गेटबाहेर थांबून साखर रोखली. यावेळी अगोदर शेतकरी व कामगाराचे थकीत पैसे द्या, अन्यथा साखर बाहेर सोडणार नसल्याची भूमिका घेतली होती. त्यामुळे हा प्रश्न प्रलंबित आहे.

या पार्श्वभूमीवर शुक्रवारी दिवसभर मोठा पोलिस बंदोबस्त होता. यावेळी तहसीलदार शिवाजीराव शिदे, गडहिंग्लजचे पोलिस निरीक्षक बिपीन हबनीस, उपनिरीक्षक प्रमोद वाघ, जिल्हा बँकेचे मुख्य अधिकारी रणवीर चव्हाण यांच्यात दौलतच्या विविध प्रश्नांवर चर्चा झाली. यावेळी माजी राज्यमंत्री भरमू पाटील यांनी गोरगरिबांची दौलत ज्यांनी मी साभांळतो म्हणून घेतली त्यांच्या कार्यकाळातील देणी त्यांनी दिलीच पाहीजे, असे सांगितले. यावेळी जनआंदोलन कृती समितीचे विष्णू गावडे, शेतकरी सघंटनेचे प्रा. दीपक पाटील, शिवसेनेचे संग्राम कुपेकर, प्रभाकर खांडेकर, प्रा. सुनील शिंत्रे, अॅड. संतोष मळवीकर, आदींसह शेतकरी, कामगार उपस्थित होते.

००००००००००००००

फोटो ओळी..

हलकर्णी (ता. चंदगड) येथे दौलत साखर कारखाना कार्यस्थळावर साखर व्यापारी पीकेश अग्रवाल, समोर तहसीलदार शिवाजीराव शिंदे, बिपीन हसबनीस, माजी मंत्री भरमू पाटील, उपनिरीक्षक वाघ, बँकेचे व्यवस्थापक चव्हाण आदी.

प्रादेशिक सेनेतील

जवानांना निवृत्ती वेतन द्या

म. टा. प्रतिनिधी, कोल्हापूर

प्रादेशिक सेनेमध्ये सेवा बजावलेल्या आणि १९८९ सालापूर्वी निवृत्त झालेल्या जवानांना निवृत्त वेतन मिळावे, यासाठी खासदार धनंजय महाडिक यांनी नवी दिल्ली येथे केंद्रीय संरक्षण राज्यमंत्री सुभाष भांबरे यांची भेट घेतली. सेनेच्या निवृत्त जवानांना निवृत्त वेतन आणि अन्य सुविधा मिळाव्यात, अन्यथा १५ एप्रिल, २०१८ नंतर व्यापक आंदोलन छेडले जाईल, असा इशारा यावेळी निवृत्त प्रादेशिक सेनेच्या जवानांच्या शिष्टमंडळाने एका निवेदनाद्वारे दिला आहे.

१९६२ चे भारत-चीन युद्ध, १९६५ चे भारत-पाकिस्तान युद्ध, दीव दमण इथल्या गोवा मुक्ती संग्राममध्ये प्रादेशिक सेनेच्या जवानांनी सहभाग घेतला होता. तर १९७१ च्या भारत-पाकिस्तान युद्धात सुमारे एक लाख पाकिस्तानी युद्धकैद्यांवर पहारा ठेवण्याचे कामही प्रादेशिक सेनेच्या जवानांनी केले होते. युद्धकाळातील शौर्यदायी कामगिरीबद्दल राष्ट्रपतींकडून अनेकांना गौरवचिन्ह, सन्मानपत्र मिळाली आहेत. कारगील युद्धावेळी अंतर्गत सुरक्षेचे काम या जवानांनी पार पाडले. सध्या निवृत्तीवेतन नसल्याने प्रादेशिक सेनेतील निवृत्त जवानांचे जगणे मुश्कील झाले आहे. त्यांच्याकडे माजी सैनिक म्हणून ओळखपत्र नाही, कॅन्टीन सुविधा नाही, पेन्शन नाही, याकडे खासदार महाडिक यांनी केंद्रीय सरंक्षण राज्यमंत्री भांबरे यांचे लक्ष वेधले.

नियमानुसार १५ वर्ष सेवा बजावल्यानंतर निवृत्ती वेतन मिळू शकते. मात्र प्रादेशिक सेनेतील या जवानांची सलग १५ वर्ष सेवा झालेली नाही. तथापि त्यांच्या सेवेचा संपूर्ण कार्यकाल १५ वर्षापेक्षा अधिक असल्याने, या जवानांना निवृत्ती वेतन लागू होते. केवळ तांत्रिक नियमाच्या आधारे या जवानांना निवृत्ती वेतनापासून वंचित ठेवले आहे. त्यामुळे या जवानांना निवृत्ती वेतन मिळावे, कॅन्टीन सुविधा मिळावी, मोफत वैद्यकीय उपचार मिळावेत, ६० वर्षांवरील जवानांना एसटी व रेल्वे प्रवास मोफत असावा, या मागण्यांचे निवेदन संरक्षण राज्यमंत्र्यांना देण्यात आले. नामदार भांबरे यांनी, सकारात्मक विचार करण्याचे आश्‍वासन दिले. खासदार महाडिक यांच्यासोबत आय. एच. इनामदार, नारायण पोवार, ज्ञानदेव शेळके, शेखर मुसळे, विष्णू कुंभार, शिवाजी कदम आदी उपस्थित होते.

(भैरुचा फोटो वापरणे)

अवैध धंद्यांतून वाढवली टोळी

बीएम ग्रुपला राजकीय वरदहस्त

म. टा. प्रतिनिधी, कोल्हापूर

करवीर तालुक्यातील मोरेवाडी आणि तामगाव येथील दोन्ही खून करणाऱ्या टोळीचा म्होरक्या भैरू उर्फ सुनील मोरे याचे अनेक कारनामे पोलिसांच्या चौकशीत समोर येत आहेत. रिकामटेकड्या तरुणांची टोळी तयार करून मोरेवाडीसह तामगाव, गोकुळ शिरगाव परिसरात त्याने स्वत:ची दहशत निर्माण केली आहे. खून आणि चाकूहल्ल्याचाही गुन्हा त्याच्यावर नोंद आहे. पोलिसांच्या रेकॉर्डवरील या गुंडाने राजकीय वरदहस्ताने मोरेवाडी परिसरात अवैध धंद्यांचे साम्राज्य उभे केले आहे.

मोरेवाडीतील एक कुख्यात गुंड खुनाच्या गुन्ह्यात कारागृहात होता, तेव्हा या परिसरातील अवैध धंदे सांभाळण्याचे काम भैरू मोरे हाच करीत होता. यातून मिळणाऱ्या पैशांच्या जोरावर त्याने खासगी सावकारी सुरू केली. गरजूंची आर्थिक निकड भागवायची, मात्र मनमानी व्याजाची आकारणी करून कर्जदारांचे घर, प्लॉटची मालकी स्टॅम्प पेपरवर लिहून घेणे, किमती दागिने तारण म्हणून ठेवण्याचे प्रकार तो करीत होता. एक लाखापोटी चारपाच लाखांचे घर, प्लॉट, जमीन हडप करण्याच्या पद्धतीमुळे त्याने मोरेवाडीसह गोकुळ शिरगाव आणि कोगीलमध्ये संपत्ती वाढवली आहे. गरजू कर्जदारांना भैरूपर्यंत पोहोचवणारी टोळीही परिसरात कार्यरत आहे. खासगी सावकारीच्या वादातूनच त्याने चार वर्षांपूर्वी आरकेनगर येथील एका तरुणाचा सुपारी घेऊन खून केला होता. या गुन्ह्यात त्याला अटक झाली, मात्र यानंतर तो जामिनावर कोठडीतून बाहेर आला.

भैरू मोरे याने पैशांच्या वादातून गोकुळ शिरगाव येथील तरुणाला चाकूने भोसकले होते. याप्रकरणी त्याला तीन महिन्यांची शिक्षाही झाली आहे. शिक्षा भोगून आल्यानंतर त्याची दहशत आणखी वाढली. या दहशतीचा वापर त्याने राजकीय फायदा उचलण्यासाठी सुरू केला होता. दोन वर्षांपूर्वीच त्याने मोरेवाडीत बीएम बॉइज ग्रुप सुरू केला. तरुणांना आकर्षित करण्यासाठी सुसज्ज जिम सुरू केली. जिमच्या माध्यमातून टोळीचे नेटवर्क वाढवण्याचे काम त्याच्याकडून सुरू होते. यासाठी त्याला मोरेवाडीतील एका नामचिन गुंडाचा वरदहस्त लाभला. त्या गुंडांचे अवैध धंदे सांभळण्याचे कामही भैरूने केले आहे. गोकुळ शिरगाव परिसरातील मटका आणि जुगार अड्ड्यांमध्ये त्याची भागीदारीही होती. दहशतीच्या जोरावर अवैध धंद्यांचे साम्राज्य वाढवण्यासाठीच गोकुळ शिरगाव येथील अजीज वजीर आणि मोरेवाडीतील दस्तगीर तद्देवाडी यांचा खून केला. चार वर्षांत तीन खून करणाऱ्या भैरू मोरेची दहशत पोलिसांनी मोडून काढावी, अशी अपेक्षा मोरेवाडी परिसरातील नागरिकांकडून व्यक्त केली जात आहे.

तक्रारी देण्याचे आवाहन

गुंड भैरू मोरे याने परिसरात अनेकांना गंडा घातल्याची चर्चा सुरू आहे. मात्र, त्याच्या दहशतीमुळे लोक तक्रार देण्यासाठी पोलिसांपर्यंत पोहोचत नाहीत. यापूर्वीच्या दोन गुन्ह्यात अटक होऊन बाहेर आल्यानंतर त्याची गुंडगिरी आणखी वाढली. नेहमी किमती कार आणि ब्रँडेड कपडे घालून तो मिरवत होता. सोबत आठ दहा तरुणांचे टोळके असल्याने नागरिकांमध्ये त्याची दहशत होती. मोरेवाडी आणि तामगाव येथील खुनांचा मास्टरमाईंड तोच असल्याचे स्पष्ट झाल्याने पुन्हा एकदा तो पोलिसांच्या जाळ्यात अडकला आहे. नागरिकांनी त्याच्याविरोधातील तक्रारी द्याव्यात,असे आवाहन पोलिसांनी केले आहे.

म. टा. प्रतिनिधी, कोल्हापूर

आयुक्त बंगल्याच्या हाकेच्या अंतरावरील सासने मैदानातील माजी आमदार दिलीप देसाई बॅडमिंटन कोर्टात खेळाडूंना सरावात अडथळे येत आहेत. हुआ कोर्टवरील मॅटिंगमधील चढउतार, बंद पडलेले लाइटस, पुसटशा झालेल्या सीमारेषांची दुरुस्ती करण्यात महापालिकेचा इस्टेट विभाग दुर्लक्ष करत आहेत. प्रत्येक महिन्याला आगाऊ शुल्क आकारुनही खेळाडूंना सुविधा देण्यात महापालिका अपयशी ठरत आहे.

महापालिकेच्या भोंगळ कारभारामुळे शहरातील मैदाने, व्यायामशाळा, जलतरण तलावाबरोबर बॅडमिंटन कोर्टाकडे दुर्लक्ष होत आहे. शहरात कपिलतीर्थ मार्केट, गांधी मैदान, दुधाळी मैदान, नागाळा पार्क, टाकाळा, राजोपाध्येनगर येथे बॅडमिंटन कोर्ट आहे. उत्कृष्ट दर्जाचे हुआ बॅडमिंटन कोर्ट सासने मैदानात असून दिलीप देसाई बॅडमिंटन कोर्ट हे खेळाडू आणि सराव करणाऱ्यांचे सर्वांत पसंतीचे कोर्ट आहे. पण या कोर्टमधील खेळाशी संबंधित सोयी-सुविधाकडे दुर्लक्ष होत आहे.

दिलीप देसाई हॉलमध्ये दोन कोर्ट आहेत. या कोर्टमध्ये नुकतेच मॅटिंग केले आहे. हे मॅटिंग बसवताना समतोलपणा न साधल्याने चढउतार जाणवत आहे. त्यामुळे दोघे जखमी झाले आहेत. कोर्ट नंबर एकवर सहापैकी तीन लाइटस् बंद आहेत. दुसऱ्या कोर्टवर दोन लाइटस् बंद आहेत. अंधूक प्रकाशामुळे खेळाडूंना शटल दिसत नाहीत. कोर्टाच्या सीमारेषा पुसल्या गेल्याने चिकट टेपचा वापर प्रशासनाकडून केला गेला. पण या चिकटटेपही पुसून जात आहेत. सीमारेषा पुसल्या गेल्याने पॉइंटस मोजताना अडचणी येत आहेत. खेळाशी संबंधित सुविधा उपलब्ध नसल्याने खेळाडूंना सराव करताना अडचणी येत आहेत.

खेळाडूंकडून १२०० रुपयानुसार २००० हजार रुपये शुल्क आकारले जाते. सकाळी व संध्याकाळच्या प्राइम टाइमच्या बॅचेसला जादा शुल्क आकारले जाते. अन्य कोर्टपेक्षा जादा शुल्क असतानाही महापालिकेकडून खेळासंबधी असलेल्या सुविधा मिळत नसल्याच्या तक्रारी सराव करणारी मंडळी करत आहेत. कर्मचाऱ्यांकडे तक्रार केल्यानंतरही उडवाउडवीची उत्तरे दिली जात आहे.

०००

बॅडमिंटन कोर्टवर नव्याने बसवण्यात आलेल्या मॅटिंगमुळे खेळाडूंना सराव करताना अडचणी येत आहेत. पुरेशी प्रकाश योजना नाही. तक्रार करुन बॅडमिंटन कोर्टचे व्यवस्थापन लक्ष देत नाही. महापालिकेने बॅडमिंटन हॉलमध्ये खेळाशी संबंधित सोयी-सुविधा पुरवण्यासाठी तातडीने पावले उचलावीत.

पृथ्वीराज राजेभोसले, हिम्मतबहाद्दूर परिसर

००००००

बुकिंग रद्द करा...

बॅडमिंटन हॉल सकाळी पाच ते सकाळी दहा तर दुपारी दोन ते रात्री नऊ वाजेपर्यंत उपलब्ध आहेत. बॅचनुसार शुल्क आकारले जाते. काही वेळा विशिष्ट लोकांसाठी विशिष्ट वेळेसाठी कोर्ट बुक करण्यात आले आहेत. त्यात एक रॉयल फॅमिलीमधील व्यक्ती, बॅडमिंटन प्रशिक्षक आणि माजी नगरसेवकाच्या नावावर कोर्ट बुक आहे. पण यावेळी कुणीच खेळायला येत नाही. महापालिकेने जी मंडळी खेळायला येत नाहीत त्यांचे बुकिंग रद्द करुन ते खेळाडूंना उपलब्ध करुन द्यावे, अशी मागणी खेळाडूकडून होत आहे.

फोटो...

काळभैरव मंदिरातील चोरीचा छडा

इचलकरंजी स्थानिक गुन्हे शाखेची कामगिरी

म. टा. वृत्तसेवा, इचलकरंजी

निपाणी पोलिसांकडून ताब्यात घेतलेल्या दोघा चोरट्यांकडून गडहिंग्लज येथील काळभैरव मंदिरातील चोरी येथील स्थानिक गुन्हे शाखेने उघडकीस आणली आहे. सूरज तानाजी काळे (वय २६, रा. दौंड) आणि सिद्धनाथ सुदाम गायकवाड (वय ३५, रा. गोरेवाडी, जि. सांगली, मूळ रा. कुसनाळ, ता. अथणी) या दोघांकडून पाच किलो चांदी आणि साडेसहा ग्रॅम सोने असा २ लाख १९ हजार रुपयांचा मुद्देमाल जप्त केला.

२२ फेब्रुवारीला मध्यरात्री गडहिंग्लज येथील काळभैरव मंदिरात चोरी झाली होती. चोरट्यांनी मंदिरातील मूर्तीवरील व तिजोरीतील २ लाख ६८ हजार रुपये किमतीचे सोन्या-चांदीचे दागिने चोरून नेले होते. या गुन्ह्याची नोंद गडहिंग्लज पोलिस ठाण्यात झाली आहे. चोरीचा तपास स्थानिक गुन्हे शाखा इचलकरंजीकडे सोपविला होता. दरम्यान, ९ फेब्रुवारीला निपाणी येथे नागरिकांनी गायकवाड व काळे यांना चोरी करताना रंगेहाथ पकडून पोलिसांच्या हवाली केले होते. विविध ठिकाणच्या मंदिर चोरी प्रकरणातील संशयावरून स्थानिक गुन्हे शाखेने या दोघांना निपाणी पोलिसांकडून ताब्यात घेतले होते. त्यांच्याकडे चौकशी करता काळभैरव मंदिरातील चोरीची कबुली दिली असून, त्यांच्याकडून २ लाख १९ हजार रुपयांचा मुद्देमालही हस्तगत केला आहे. त्यांच्यावर महाराष्ट्र व कर्नाटकात विविध पोलिस ठाण्यांत विविध गुन्हे दाखल आहेत.

०००००००

फोटो -

सराईत मोटारसायकल चोरट्यास अटक

म. टा. वृत्तसेवा, इचलकरंजी

शहर परिसरासह सांगलीत मोटारसायकली चोरणा-या सराईत चोरट्यास स्थानिक गुन्हे शाखेच्या पथकाने अटक करून ५० हजार रुपये किमतीच्या तीन मोटारसायकली हस्तगत केल्या आहेत. अभिजित तात्यासाहेब चौगुले (वय ३०, रा. केटकाळे मळा) असे चोरट्याचे नाव आहे.

शहर आणि परिसरात मोटारसायकली चोरीचे प्रमाण वाढल्याने स्थानिक पोलिसांसह स्थानिक गुन्हे शाखेच्या पथकाकडून गस्त वाढविली आहे. याच दरम्यान केटकाळे मळा येथे एक व्यक्ती चोरीतील मोटारसायकलसह थांबल्याची माहिती स्थानिक गुन्हे शाखेच्या पथकाला मिळाली. त्यानुसार पथकाने केटकाळे मळा परिसरात सापळा रचत अभिजित चौगुलेला ताब्यात घेतले. त्याच्याकडे अधिक चौकशी करता त्याने शहर परिसरासह सांगलीतून मोटारसायकल चोरल्याची कबुली दिली. त्याच्याकडून तीन हिरो होंडा कंपनीच्या मोटारसायकली जप्त केल्या. इचलकरंजी व सांगली शहर पोलिस ठाण्यात तीन गुन्हे दाखल आहेत. चौगुलेला पुढील तपासकामासाठी शिवाजीनगर पोलिसांच्या हवाली केले आहे.

००००००

फोटो -

इचलकरंजीत पाच

तोळे दागिने लंपास

म. टा. वृत्तसेवा, इचलकरंजी

मॉर्निंग वॉकसाठी जाताना घराचा दरवाजा उघडा राहिल्याचा फायदा घेत चोरट्याने १२ हजारांच्या रोकडसह ५ तोळे सोन्याचे दागिने लंपास केले. याप्रकरणी दिलीप बाबासाहेब पाटील (वय ४० रा. गंगानगर, कबनूर) यांनी शहापूर पोलिस ठाण्यात फिर्याद दाखल केली आहे.

दिलीप पाटील गंगानगर येथे कुटुंबासह राहतात. शुक्रवारी सकाळी सहाच्या सुमारास पाटील पत्नीसह मॉर्निंग वॉकसाठी बाहेर पडले. मात्र, जाताना ते घराचा दरवाजा बंद करण्यास विसरले. घरात कोणीच नसल्याचे पाहून चोरट्याने घरात प्रवेश केला. किचनमध्ये स्टीलच्या डब्यात ठेवलेली तिजोरीची चावी घेऊन तिजोरीतील सोन्या-चांदीचे दागिने व रोख रकमेवर डल्ला मारला. त्यामध्ये २५ हजार रुपये किमतीचे २० ग्रॅम वजनाचे सोन्याचे गंठण, १२ हजार ५०० रुपये किमतीचे नेकलेस, ५ ग्रॅमचे सोन्याचे टॉप्स, ४ हजार रुपये किमतीचे चांदीचे पैंजण व १२ हजारांची रोकड असा ६६ हजार रुपयांचा मुद्देमाल चोरून नेला. दरम्यान, घटनास्थळी ठसेतज्ज्ञ व श्वानपथकाला पाचारण केले होते.