जुनेच प्रकल्प मार्गी लावण्यावर भर

March 7, 2018, 8:30 pm

≫ Next: बिद्रे खून खटला फास्ट ट्रॅक कोर्टात चालवा

≪ Previous: बलात्कार प्रकरणी आरोपी दोषी

$

0

0

म. टा. प्रतिनिधी, कोल्हापूर

उत्पन्नाचे मर्यादित स्त्रोत, वाढत असलेला खर्च, विकास कामांसाठी अपुरा पडणारा निधी, त्यामुळे नागरिकांना भेडसावणाऱ्या समस्या अशा कोंडीत सापडलेल्या महापालिकेने यंदाच्या बजेटमध्ये नवीन प्रकल्पांची यादी वाढवण्यापेक्षा जुने प्रकल्प, प्रश्न मार्गी लावण्यावर भर दिला आहे. त्यामुळे बजेट नवीन वर्षाचे असले तरी बहुतांश प्रकल्प जुनेच आहेत. नव्या, जुन्या प्रकल्पांचा समावेश असलेल्या महसुली, भांडवली व विशेष प्रकल्प, वित्त आयोग असे तीन विभाग असलेले प्रशासनाने बुधवारी सादर केले.

बजेटमध्ये ५७७ कोटी २४ लाख २८ हजार महसुली व भांडवली जमा अपेक्षित आहे. तर ५७३ कोटी नऊ लाख ४९ हजार रुपयांचा खर्च अपेक्षित आहे. विशेष प्रकल्पांतर्गत सुरु असलेल्या कामांसाठी ५४६ कोटी ८४ लाख ६२ हजार अपेक्षित जमा असून त्यातून ५३८ कोटी ८९ लाख खर्च अपेक्षित आहे. महिला व बालकल्याण निधी व केंद्रीय वित्त आयोगाकडून ३५ कोटी २५ हजार रुपये जमा अपेक्षित असून ३३ कोटी २२ लाख खर्च अपेक्षित आहे. यंदा स्वनिधीमधून काही भांडवली स्वरुपाची नव्याने कामे प्रस्तावित केली आहेत.

आयुक्त डॉ. अभिजित चौधरी यांनी नवीन वर्षातील कर वसुली व खर्चाचा अंदाज असणारे बजेट स्थायी सभापती आशीष ढवळे यांच्याकडे सादर केले. त्यानंतर पत्रकार परिषदेत बोलताना डॉ. चौधरी म्हणाले, 'गेल्यावर्षी सभेने ३९७ कोटींचे बजेट मांडले होते. मात्र डी क्लास नियमावलीमुळे नगररचना विभागाचा महसूल घटला. इस्टेट विभागाने रेडीरेकनरचा बेस धरुन भाडेआकारणी सुरु केल्याने त्यातून अनेकजण कोर्टात गेले. त्यामुळे हा महसूलही कमी झाला. यंदाच्या बजेटमध्ये ४४६ कोटींचा महसूल जमा होईल, असा अंदाज आहे. हा स्वनिधी आणि सरकारच्या अनुदानातून महापालिकेला विविध प्रकल्प तसेच विकासकामे करावी लागणार आहेत. केंद्र व राज्य सरकारकडील प्रकल्प व नव्या प्रकल्पांसाठी महापालिकेला स्वनिधीतून हिश्श्याची रक्कम उपलब्ध करुन द्यावी लागेल. यंदा बजेटमध्ये मंदिर परिसर विकास प्रकल्प, ई गव्हर्ननन्स, स्वच्छ भारत अभियानांतर्गत घनकचरा व्यवस्थापन आराखडा असे नवीन प्रकल्प आहेत. वायफाय सिटी, अमृत योजनेतील ड्रेनेज व पाइपलाइनची कामे, दहा मॉडेल स्कूल, चार नवीन उद्याने करण्यात येणार आहेत.'

डॉ. चौधरी म्हणाले, कोंबडी बाजारातील संकुल उभे करण्यासाठी यंदा एक कोटीची तरतूद स्वनिधीतून केली आहे. तसेच प्रशासकीय इमारतीसाठी तीन कोटीची तरतूद केली आहे. ई गर्व्हनन्सचे काम महत्त्वाचे आहे. त्यासाठी चार कोटीची तरतूद केली आहे. हरित क्षेत्र विकास आराखड्यातून उद्याने विकसीत करण्यात येत आहेत. शिवाय स्वनिधीतून आणखी चार उद्याने विकसीत करणार आहे. त्यासाठी प्रत्येकी दहा लाखांची तरतूद केली आहे. भटक्या कुत्र्यांचा प्रश्न महत्त्वाचा आहे. त्यांची संख्या आटोक्यात आणण्यासाठी आयसोलेशन हॉस्पिटलमध्ये निर्बिजीकरण सेंटर सुरु करण्यात येणार आहे. त्यासाठी २५ लाखांचा निधी राखीव ठेवला आहे. यंदा कचरा प्रकल्पावरील कचऱ्याचा प्रश्न कोणत्याही परिस्थितीत निकाली काढण्यात येणार आहे. त्यासाठी 'स्वच्छ भारत'मध्ये आराखडा सादर केला आहे. रस्ते दुरुस्तीसाठी साडेसात कोटी, दवाखान्यांमधील औषधांसाठी एक कोटी, मशिनरीसाठी ३० ते ४० लाखाची तरतूद केली आहे. थेट पाइपलाइनसाठी १९५ कोटींचा खर्च झाला आहे. आता हेडवर्कचे काम सुरु करण्यात येणार असले तरी अडचणी पाहता हे काम आणखी वर्षभर पुढे जाईल. सध्या केवळ 'नगरोत्थान'साठी कर्ज उचलले आहे. अमृत व थेट पाइपलाइनसाठी द्याव्या लागणाऱ्या हिश्श्यासाठी १२० कोटींचे कर्ज मंजूर आहे, पण अद्याप ते उचललेले नाही.

यंदाचे अग्रक्रम

तीर्थक्षेत्र आराखड्याचे काम

नवीन ई गर्व्हनन्स यंत्रणा

वायफाय सिटी

अमृत योजनेमधील ड्रेनेज व पिण्याच्या पाण्याच्या पाइपची कामे

स्वच्छ महाराष्ट्र योजनेसाठी १६ कोटींचा हिस्सा

दहा मॉडेल शाळा बनवणे

चार उद्यानांसाठी प्रत्येकी दहा लाखाची तरतूद

भटक्या कुत्र्यांच्या निर्बिजीकरणासाठी २५ लाख

पाणी बिल भरण्यासाठी स्पॉट बिलिंग सेवा

मोबाइल अॅप डाउनलोड करा आणि राहा अपडेट

---

बिद्रे खून खटला फास्ट ट्रॅक कोर्टात चालवा

March 7, 2018, 8:30 pm

≫ Next: व्यापाऱ्यांना अकृषक कराची नोटीस

≪ Previous: जुनेच प्रकल्प मार्गी लावण्यावर भर

$

0

0

म. टा. प्रतिनिधी, कोल्हापूर

सहायक पोलिस निरीक्षक अश्विनी बिद्रे यांचे अपहरण करून निर्घृण खून करणाऱ्यांना तातडीने शिक्षा व्हावी यासाठी हा खून खटला फास्ट ट्रॅक कोर्टात चालवावा, अशी मागणी आमदार डॉ. सुजित मिणचेकर यांनी पत्राद्वारे मुख्यमंत्री देवेंद्र फडणवीस यांच्याकडे केली. बुधवारी या मागणीचे पत्र मुख्यमंत्र्यांना देण्यात आले.

अश्विनी बिद्रे मूळच्या हातकणंगले तालुक्यातील आळते येथील होत्या. पोलिस निरीक्षक अभय कुरुंदकर यानेच अश्विनीचे अपहरण करून शरीराचे तुकडे केले. यातील काही तुकडे मुंबईच्या खाडीत टाकल्याची कबुली अटकेतील आरोपींना दिली आहे. पोलिस खात्यातील अधिकाऱ्यांनीच सहकारी महिला अधिकाऱ्याचा खून केल्याची गंभीर घटना घडली आहे. बिद्रे या हातकणंगले विधानसभा मतदारसंघातील असल्याने या मतदारसंघाचे आमदार डॉ. सुजित मिणचेकर यांनी बुधवारी मुंबईत मुख्यमंत्र्यांची भेट घेतली. बिद्रे यांचा खून करणाऱ्या आरोपींना तातडीने शिक्षा व्हावी यासाठी फास्ट ट्रॅक कोर्टात खटला चालवावा, अशी मागणी मिणचेकर यांनी पत्राद्वारे केली आहे. या पत्राची प्रत गृहराज्यमंत्री दीपक केसरकर यांनाही देण्यात आली आहे. आमदार मिणचेकर, हातकणंगलेचे माजी सरपंच सुभाष गोरे, संदीप कारंडे यांच्यासह सागर पुजारी आदींनी मुख्यमंत्र्यांची भेट घेतली.

मोबाइल अॅप डाउनलोड करा आणि राहा अपडेट

व्यापाऱ्यांना अकृषक कराची नोटीस

March 7, 2018, 8:30 pm

≫ Next: पाणीपुरीच्या व्यवसायाने दिली प्रगतीची जिद्द

≪ Previous: बिद्रे खून खटला फास्ट ट्रॅक कोर्टात चालवा

$

0

0

म. टा. प्रतिनिधी, कोल्हापूर

कोल्हापुरातील व्यापारी उद्योजक व व्यावसायिकांना अकृषक कर व रुपांतरित कर भरण्यासाठी तहसीलदार कार्यालयामार्फत नोटिसा पाठविण्यात आल्या आहेत. या नोटिसांमध्ये अनेक पटीने भरमसाठी कर लागू केला आहे. हा कर अन्यायी व वाजवी असल्यामुळे त्या विरोधात कोल्हापूर चेंबर ऑफ कॉमर्स अँड इंडस्ट्रीजतर्फे पालकमंत्री चंद्रकांत पाटील यांची भेट घेण्यात येणार आहे. शिवाय शुक्रवारी ता.१६ मार्च रोजी जिल्हाधिकारी कार्यालयावर मोर्चा काढण्याचा निर्णय चेंबर ऑफ कॉमर्सने घेतला आहे.

अकृषक व रुपांतरित कर भरण्यासाठी व्यापारी, व्यावसायिक, लहान सहान विक्रेते यांच्यावर सक्ती करण्यात येत आहे. या नोटिसांमध्ये जवळपास वीस पट दंडाची आकारणी केली आहे. शहर आणि परिसरातील २५ हजार जणांना गेल्या पंधरा दिवसात नोटिसा लागू झाल्या असून हा प्रकार अन्यायी असल्याच्या प्रतिक्रिया चेंबर ऑफ कॉमर्सच्या बैठकीत उमटल्या. चेंबर ऑफ कॉमर्सचे अध्यक्ष ललित गांधी यांच्या अध्यक्षतेखाली बैठक झाली. शाहूपुरी, लक्ष्मीपुरी, उद्यमनगर, वायपीपोवारनगर, पांजरपोळ हा सारा परिसर व्यापार आणि औद्योगिक क्षेत्र म्हणून ओळखला जातो.

व्यापाऱ्यांना लागू केलेल्या अकृषक व रुपांतरित कराची आकारणी करणे अन्यायी असल्याचे अध्यक्ष गांधी यांनी म्हटले आहे. पालकमंत्री पाटील यांची भेट घेऊन अन्यायी कराची आकारणी करू नये अशी मागणी करण्यात येणार आहे. बैठकीत उपाध्यक्ष संजय शेटे, प्रदीप कापडिया, आनंद माने, शिवाजीराव पोवार, वैभव सावर्डेकर आदींनी मनोगते व्यक्त केली. जिल्हाधिकारी अविनाश सुभेदार यांची भेट घेण्याचे ठरले. बैठकीला हरी पटेल, धनंजय दुग्गे, नयन प्रसादे, राहूल नष्टे, महेश धर्माधिकारी, रमेश कारवेकर, महेश सामंत, अजित होनोले आदी उपस्थित होते.

मोबाइल अॅप डाउनलोड करा आणि राहा अपडेट

पाणीपुरीच्या व्यवसायाने दिली प्रगतीची जिद्द

March 7, 2018, 8:30 pm

≫ Next: बचत गटांनी दिला स्वावलंबनाचा धडा

≪ Previous: व्यापाऱ्यांना अकृषक कराची नोटीस

$

0

0

कोल्हापूर टाइम्स टीम

वडिलांचे झालेले अकाली निधन. त्यातच महापालिकेने केलेल्या कारवाईत व्यवसाय बंद पडला. चारही बहिणीच असल्याने व्यवसाय पुन्हा उभारण्याचे आव्हान. अशा संकटाच्या परिस्थितीला धैर्याने तोंड देत छाया काणकेकर यांनी वडिलोपार्जित महाराष्ट्रीयीन पद्धतीच्या पाणीपुरीचा व्यवसाय नव्या दमाने सुरू केलाच. शिवाय पदव्युत्तरपर्यंतच्या शिक्षणातून मिळालेल्या ज्ञानाचा उपयोग व्यवसायात करत बचतीमधून यात्री निवाससारखी संकल्पना घरी सुरू केली. अडचणींचा बाऊ करत बसण्यापेक्षा त्यांच्यावर मात करण्याची मानसिकता जोपासल्याने यशस्वी वाटचाल करता हे काणकेकर यांनी दाखवून दिले आहे.

आई, वडिलांनी भवानी मंडपामध्ये १९६४ पासून 'कोल्हापूर पाणीपुरी' या नावाने व्यवसाय सुरु केला. हाताने तयार केलेल्या वैशिष्ट्यपुर्ण पुऱ्या, पाण्यासाठीचा वेगळा मसाला हे त्या दोघांनी सुरू केलेल्या व्यवसायाच्या यशाचे गमक होते. २००३ साली वडिलांचे अचानक निधन झाले. आई, चार बहिणी अशा कुटुंबातील कर्त्या पुरुषाच्या निधनाने कुटुंबाला धक्का बसला. यावेळी स्टॉलवर कामासाठी कर्मचारी नेमलेले असल्याने उदरनिर्वाह करण्याचे साधन म्हणून कुटुंब या व्यवसायाकडे पहात होते. पण त्यापाठोपाठ महापालिकेच्या माध्यमातून दुसरे मोठे संकट कोसळले. भवानी मंडपामध्ये केलेल्या कारवाईत या कुटुंबाचा स्टॉल हटवण्यात आला.

वडिलांचे निधन, त्यापाठोपाठ बंद पडलेला व्यवसाय अशा मोठ्या संकटात काणकेकर कुटुंब सापडले. त्यावेळी छाया काणकेकर यांनी पुढाकार घेत दुकानासाठी महापालिकेकडून पर्यायी जागा मिळवण्यासाठी प्रयत्न सुरु केले. हे प्रयत्न करत असताना घर चालवण्यासाठी त्यांनी दोन वर्षे योगा शिक्षक म्हणून काम केले. हे काम करत आईचे उपचार, स्वत:चे शिक्षण पुर्ण केले.

एम. कॉम., कम्प्युटर डिप्लोमा असे शिक्षण झालेल्या छाया यांनी नोकरीकडे न वळता महापालिकेकडून राजारामपुरी येथे मिळालेल्या जागेवर पुन्हा कोल्हापुरी पाणीपुरीचा व्यवसाय सुरू करण्याचा निर्णय घेतला. त्यासाठी त्यांना शिक्षणाचा फायदा झाला. स्वत: काम करण्याबरोबरच त्या कामाला गती देण्यासाठी सोबतीला काही महिलांना घेतले. त्यांच्याकडून पुऱ्यांसाठी पीठ मळून घेण्यापासून ते लाटण्यापर्यंतची कामे करुन घेण्यास सुरुवात केली.

त्या स्वत: पुऱ्या तळण्याचे काम करतात. तसेच पाण्यासाठी चिंचेचा कोळ, मसाला बनवण्यासही त्यांची मदत घेतली. यासाठी सकाळी सातपासून कामाला सुरुवात केली जाते. त्यासाठी सात ते नऊ व नऊ ते अकरा अशा दोन शिफ्ट केल्या आहेत. यामध्ये आठ महिला काम करतात. दुपारी एक वाजेपर्यंत ही सारी तयारी केली जाते व सायंकाळी सहा वाजता स्टॉल सुरु केला जातो. तिथेही दोन पुरुष व एक महिला कर्मचारी आहेत. त्यांच्यावर देखरेखीचे काम छाया करतात.

व्यवसायाच्या यशाबाबत छाया म्हणाल्या, 'महाराष्ट्रीयीन पद्धतीच्या पाणीपुऱ्या देण्याचे ठरवूनच व्यवसायाला सुरुवात केली. त्यासाठी आई, वडिलांनी वापरलेल्या पद्धतीचाच अवलंब केला जात आहे. सध्या दररोज जवळपास २०० ते ३०० पाणीपुरीच्या तर अडीचशेच्या आसपास शेवपुरीच्या प्लेट विकल्या जातात. शनिवारी व रविवारी त्यामध्ये वाढ होते. या व्यवसायातून मिळणाऱ्या उत्पन्नातून खर्च जाऊन शिल्लक राहणाऱ्या पैशांची बचत करण्यास सुरुवात केली. यातून घर व्यवस्थित केले. तिथेही अंबाबाई दर्शनासाठी येणाऱ्या यात्रेकरुंसाठी यात्री निवास सुरू केला. अशिक्षित असलेल्या वडिलांनी शिक्षण घेण्यास सांगितले. पण ते शिक्षण केवळ नोकरी करायची आहे म्हणून घेऊ नकोस, असा सल्ला दिला होता. त्यानुसार वाटचाल करत आता व्यवसायात शिक्षणाचा उपयोग करत आहे.'

शिक्षण म्हणजे केवळ नोकरी मिळवण्यासाठी ही समाजातील मानसिकता बदलण्याची गरज आहे. शिक्षणातून मिळणाऱ्या ज्ञानातून स्वत:चे व्यवसाय सक्षमपणे चालवता येतात हे महिलांना समजण्याची गरज आहे.

- छाया काणकेकर

मोबाइल अॅप डाउनलोड करा आणि राहा अपडेट

बचत गटांनी दिला स्वावलंबनाचा धडा

March 7, 2018, 8:30 pm

≫ Next: कोल्हापूर-सांगली लेडीज स्पेशल एसटी बस

≪ Previous: पाणीपुरीच्या व्यवसायाने दिली प्रगतीची जिद्द

$

0

0

कोल्हापूर टाइम्स टीम

शिक्षित आणि अल्पशिक्षित महिलांना लघू व गृहउद्योगाच्या माध्यमातून आत्मनिर्भर बनवून त्यांचा आर्थिक स्तर उंचावण्यासाठी बचत गट चळवळ सुरू झाली. बचतगटांच्या माध्यमातून महिलांचा आर्थिक स्तर उंचावण्याबरोबरच रोजगार निर्मिती करून इतर महिलांचे सक्षमीकरण करण्यास जिल्ह्यातील बचत गट पूरक ठरले आहेत. यामध्ये कोल्हापूर जिल्हा मध्यवर्ती सहकारी बँकेचे योगदान महत्त्वाचे आहे. सरकारी यंत्रणांची भूमिका मदतीची ठरली आहे. जिल्ह्यातील सहकार चळवळीसोबत आता बचत गटाच्या चळवळीचा उल्लेख आवर्जून केला जात आहे. बचतगटांच्या माध्यमातून सुलभ असा अर्थपुरवठा केला जात असल्याने महिलांचे आर्थिक सक्षमीकरण घडून येत आहे.

महिला बचत गट ही केवळ योजना नसून महिला सबलीकरण, सक्षमीकरण आणि सशक्तीकरणाची एक सुप्त क्रांतिकारी चळवळ बनली आहे. बचत गटांमुळे महिलांमध्ये संघटनशक्ती, स्वविकास व सामाजिक विकासाची जाणीव निर्माण झाली. स्वयंसहायता बचत गटातून महिलांना स्वावलंबी करण्याचा उद्देश ठेवून राज्य सरकारने १९९४ मध्ये महिला सबलीकरण व सक्षमीकरण धोरण जाहीर केले. या धोरणातूनच महिलांच्या बचत गटांना सुरुवात झाली. यासाठी राज्य सरकारच्या जिल्हा ग्रामीण विकास यंत्रणा, महिला आर्थिक विकास महामंडळ (माविम), पंचायत समिती या सरकारी यंत्रणाबरोबर सामाजिक संस्था आणि जिल्हा बँकेचा महत्वाचा पुढाकार राहिला आहे.

बचतगटाच्या माध्यामातून एकत्रित आलेल्या महिलांना गांडूळ खत, शेती व शेतीपूरक उद्योग, कुटीर उद्योग, सामूहिक शेती, कुक्कुटपालन, शेळी व म्हैस पालन, मळणीयंत्र, शेती यांत्रिकीकरण उपकरणे, गारमेंट्स, पार्लर, नर्सरी, कॉम्प्युटर लॅब, घरगुती पदार्थ आदी अनेक प्रकारच्या व्यवसायांसाठी अर्थपुरवठा करुन त्यांना स्वयंपूर्ण बनवण्यात आले आहे. असा बचत गटाच्या माध्यमातून लघू उद्योगाबरोबर अनेक महिलांना घरबसल्या रोजगार निर्माण झाला आहे. प्रत्येक बचत गटामध्ये दहापासून ५० महिलांचा समावेश असल्याने सद्य:स्थितीला लाखो महिला बचत गटाच्या माध्यमातून आर्थिक सक्षम झाल्या आहेत.

जिल्हा बँकेच्यावतीने २००० मध्ये प्रथम १४ बचत गटांना अर्थसाह्य देण्यात आले. एक लाखांपासून साडेचार लाख रुपयांचे विविध मुदतीत मिळत असलेल्या कर्जपुरवठ्यामुळे सध्या सुमारे ३६ हजार बचत विविध स्वरुपाची उत्पादने घेत आहेत. यामध्ये ग्रामीण आणि शहरी महिलांचा समावेश असून अनेक महिला बचत गटांची उत्पादने राष्ट्रीय स्तरावर पोहोचली आहेत. तालुका स्तरापासून राज्यस्तरापर्यंत भरवण्यात येणाऱ्या बचत गट वस्तूंच्या प्रदर्शनामुळे महिलांना आर्थिक सुबत्ता प्राप्त होऊन आत्मनिर्भर बनल्या आहेत.

लोणची, पापड अन् बरच काही

दहा-पंधरा वर्षांपूर्वी बचत गटांचे काम म्हणजे लोणची, पापड आणि गृहोपयोगी वस्तूंच्या निर्मितीसाठीच पाहिले जात होते. पण अलीकडच्या काळात बचत गटांचे स्वरुपच बदलले आहे. प्राथमिक दूध संस्था, शेतीला लागणारी औजारे, गांडूळ खत पुरवठा, पार्लर, नर्सरी आणि गारमेंट्स असे व्यवसायाचे स्वरुप बदलले आहे. बदललेल्या व्यवसायांमुळे महिलांची आर्थिक स्तर उंचावण्यास निश्चित फायदा झाला आहे.

मोबाइल अॅप डाउनलोड करा आणि राहा अपडेट

कोल्हापूर-सांगली लेडीज स्पेशल एसटी बस

March 7, 2018, 8:30 pm

≫ Next: शहराचे पाणी तोडले

≪ Previous: बचत गटांनी दिला स्वावलंबनाचा धडा

$

0

0

कोल्हापूर टाइम्स टीम

राज्य मार्ग परिवहन महामंडळाच्यावतीने ८ मार्चपासून फक्त महिला प्रवाशांसाठी विशेष बससेवा सुरू करणार आहे. आता कोल्हापूर ते सांगली मार्गावर खास महिलांसाठी एसटी सुरू होत आहे. महानगरपालिका परिवहन विभागानेही (केएमटी) महिलांसाठी लेडिज स्पेशल केएमटी सुरू करण्याची घोषणा केली होती. मात्र सार्वजनिक वाहतूक व्यवस्थेतील एसटीने बाजी मारली आहे. कोल्हापूर आणि सांगली आगारातर्फे ही सेवा देण्यात येणार आहे.

एसटीने कल्याण ते ठाणे मार्गावर खास महिलांसाठी हा प्रयोग केला होता. त्याच्या यशस्वीतेनंतर कोल्हापूर ते सांगली मार्गावरील महिला प्रवाशांची संख्या लक्षात घेऊन या मार्गावर खास महिलांसाठी एसटी सुविधा देण्याचा निर्णय घेण्यात आला आहे. बसस्थानकात सातत्याने असलेली प्रवाशांची गर्दी, या गर्दीतून एसटीत बसण्यासाठी जागा मिळविण्यासाठी सुरू होणारी धावपळ आता थांबणार आहे. दररोज अनेक महिला नोकरी, व्यवसायासाठी बाहेर पडतात. मात्र एसटीतून प्रवास करताना अनेक महिलांना बसण्यासाठी जागा मिळत नाही. लांब पल्ल्याच्या प्रवासात अनेक महिलांना उभे राहून प्रवास करावा लागतो. सरकारी, निमसरकारी कार्यालये, कार्पोरेट कार्यालयात अनेक महिला नोकरी करतात. त्याचा कोल्हापूर बसस्थानकातून सकाळी नऊ वाजल्यापासून प्रवास सुरू होतो. सायंकाळी पाच ते साडेपाच या वेळेत कार्यालयाची वेळ संपल्यानंतर घरी येण्याची त्यांची धावपळ सुरू असते. या महिलांचा प्रवास सुखकर होण्यासाठी एसटीच्या कोल्हापूर आणि सांगली विभागाने खास महिलांसाठी कोल्हापूर ते सांगली मार्गावर एसटी सेवा देण्यात येत आहे.

या एसटीच्या वाहकही महिला असतील. एसटी महिलांसाठी राबवित असलेले विविध उपक्रमांची यात माहिती सांगितली जाणार आहे. कोल्हापूर बसस्थानकातून सकाळी ९ वाजून १५ मिनिटांनी आणि सायंकाळी ५ वाजून ४५ मिनिटांनी बस सुटणार आहे. सांगली बसस्थानकातून कोल्हापूरकडे सकाळी ९ वाजून १५ मिनिटांनी आणि सायंकाळी ४ वाजून ४५ मिनिटांनी ही बस धावेल.

महिलांसाठी केएमटी नाहीच

महापालिकेच्या परिवहन विभागाच्या ताफ्यात ७५ बसेस दाखल झाल्या. या पैकी एक केएमटी बस खास महिलांसाठी देण्याची घोषणा करण्यात आली. मात्र त्याची अंमलबजावणी झालेली नाही. शहरात महिलांसाठी लेडिज स्पेशल केएमटीची सुविधा अपेक्षित होती. त्याकडे दुर्लक्ष झाले आहे.

प्रस्ताव मंजूरीच्या प्रतीक्षेत

केएमटी प्रशासनाने खास महिलांसाठी केएमटी बसेस देण्याचा प्रस्ताव राज्य सरकारकडे पाठविला आहे. महिलांसाठी विशेष बस दिल्यास केएमटीच्या उत्पन्नात वाढ होऊ शकेल. महिलांना सुरक्षितपणे प्रवास करता येणार आहे. सार्वजनिक वाहतुक व्यवस्थेत महिलांसाठी खास सवलत द्यावी. नवीन केएमटी बसेस देण्याचा प्रस्ताव दिला आहे. या प्रस्तावाची अद्याप दखल घेतलेली नाही.

पश्चिम महाराष्ट्रातील हा पहिलाच उपक्रम आहे. प्रवासात महिला प्रवाशांची नेहमीच कुचंबणा होते. ही टाळण्यासाठी महिलांसाठी एसटी बसफेरी सुरू करण्याचा निर्णय घेण्यात आला. परिवहन मंत्री दिवाकर रावते यांनी महिलांसाठी महिला दिनानिमित्त विशेष भेट देण्याचा निर्णय घेतला. त्यानुसार कोल्हापुर विभागात ही सेवा सुरू होत आहे.

- शैलेंद्र चव्हाण, विभाग नियंत्रक

मोबाइल अॅप डाउनलोड करा आणि राहा अपडेट

शहराचे पाणी तोडले

March 7, 2018, 8:30 pm

≫ Next: एसटीपी, पाणीपुरवठ्याला चालना

≪ Previous: कोल्हापूर-सांगली लेडीज स्पेशल एसटी बस

$

0

0

म. टा. प्रतिनिधी, कोल्हापूर

पिण्याच्या पाण्याची २१ कोटी ९४ लाखाची थकबाकी भरली नसल्याबद्दल जलसंपदा विभागाने बुधवारी सकाळी महापालिकेचा पाणीपुरवठा तोडला. तसेच महापालिकेचे शिंगणापूर व बालिंगा उपसा केंद्र सीलही केले. त्यामुळे शहराचा पाणी उपसा, वितरण पूर्णपणे बंद राहिले. शहराचा पाणी पुरवठा तोडला जाण्याची नामुष्की महापालिकेच्या इतिहासात पहिल्यांदाच ओढवली. यामुळे आयुक्तांनी तातडीने थकबाकीच्या रकमेचे हप्ते पाडून टप्प्याटप्प्याने भरण्याचे पत्र जलसंपदा विभागाच्या अधीक्षक अभियंत्यांना दिल्यानंतर सायंकाळी सहा वाजता उपसा केंद्राचे सील काढून पाणी उपसा सुरु करण्यात आला. जवळपास सात तास पाणी उपसा बंद राहिल्याने गुरुवारी शहराचा पाणीपुरवठा विस्कळीत होणार आहे.

पिण्याच्या पाण्यासाठी महापालिका भोगावती आणि पंचगंगा नदीतून पाणी उपसा करत असते. या पाण्याचे बिल जलसंपदा विभागाकडे भरावे लागते. मात्र बिलाच्या आकारणीवरुन निर्माण झालेल्या वादामुळे महापालिकेची २१ कोटी ९४ लाखांची थकबाकी दिसत आहे. यासाठी महापालिकेने दीड कोटींचा धनादेश पूर्वीही दिला होता. पण उर्वरित थकबाकी ५ मार्चपर्यंत न भरल्यास पाणीपुरवठा खंडित करण्याची अंतिम नोटीस जलसंपदा विभागाने महापालिकेला दिली होती. सातत्याने जलसंपदा विभागाकडून थकबाकीसाठी महापालिकेला नोटीस दिल्या जातात. त्यावेळी महापालिकेकडून काही रक्कम भरली जाते व पुढील वर्षापर्यंत त्या वसुलीवर काही कारवाई होत नाही. त्याप्रमाणे यावर्षीही नोटीस दिल्या असल्याची चर्चा होती. पाच मार्चपर्यंतची मुदत ओलांडल्यानंतर एक दिवसाचा अवधी घेत बुधवारी सकाळी साडेदहा वाजता जलसंपदा विभागाच्या कर्मचाऱ्यांनी कारवाई केली.

शहराच्या पाणीपुरवठ्यासाठी शिंगणापूर व बालिंगा ही दोन उपसा केंद्रे महत्त्वाची आहेत. तेथील यंत्रणा बंद करुन सील करण्यात आली. त्यामुळे उपसा बंद झाल्यानंतर चंबुखडी व पुईखडी जलशुद्धीकरण केंद्राकडे जाणारा पाणीपुरवठा बंद झाला. परिणामी शहराला पाणी वितरण होऊ शकले नाही. ही कारवाई केली जात असताना प्रशासनाकडून स्थायी समितीला बजेट सादर करण्यात येत असल्याने दुपारी दोनपर्यंत आयुक्त डॉ. अभिजित चौधरी या प्रक्रियेत होते.

बजेट संपल्यानंतर आयुक्त चौधरी यांनी जलसंपदा विभागाच्या वरिष्ठ अधिकाऱ्यांशी फोनवरुन चर्चा केली. थकबाकीसाठी बिल आकारणीतील वादाचे मुद्दे आहेत. त्याबाबत सरकारच्या पातळीवर प्रस्ताव सादर करण्यात येणार आहे. सरकारशी चर्चा केल्यानंतर निश्चित झालेल्या थकबाकीच्या देय रकमेचे हप्ते पाडून घेऊन टप्प्याटप्प्याने ते भरण्याचे नियोजन करण्यात येईल. त्यामुळे उपसा केंद्र पूर्ववत सुरु करावीत, असे पत्र येथील अधीक्षक अभियंत्यांना देण्यात आले. आयुक्तांबरोबर महापौर स्वाती यवलुजे व जलअभियंता सुरेश कुलकर्णी यांनीही पाणीपुरवठा पूर्ववत सुरु करण्याचे पत्र दिले. त्यानुसार सायंकाळी सहाच्या सुमारास जलसंपदा विभागाने उपसा केंद्राची सील काढली व पाणी उपसा पूर्ववत सुरु झाला.

सात तास उपसा बंद

जलसंपदा विभागाने सकाळी साडेदहाला शिंगणापूर आणि बालिंग उपसा केंद्राचा पुरवठा तोडला. त्यानंतर दुपारी अडीच-तीनच्या सुमारासतस महापालिकेचे पत्र जलसंपदाला पाठवण्यात आले. या काळात जवळपास सात तास पाणी उपसा बंद राहिला. त्याचा परिणाम म्हणून गुरुवारी शहरातील पाणीपुरवठा विस्कळीत होणार आहे. उपसा बंद राहिल्याने पाण्याच्या टाक्या भरता आल्या नाहीत. रात्री टाकी भरल्या जाणार असल्या तरी त्यावेळी पाणीपुरवठा करण्याची वेळ असल्याने अनेक भागात अपुरा, कमी दाबाने पाणीपुरवठा होण्याची शक्यता आहे.

शहराला वेठीस धरणे चुकीचे

जलसंपदा विभागाची थकबाकी दिसत असली तरी अनेक वर्षापासून बिल आकारणीबाबतचे मुद्दे वादग्रस्त ठरले आहेत. उपसा केल्या जाणाऱ्या पाण्यापेक्षा शहरासाठी आरक्षित केल्या जाणाऱ्या पाण्यावर बिल आकारणी केली जात आहे. धरणातील पाण्याचा व बंधाऱ्यातील पाण्याचा दर वेगळा लावला जाण्याची आवश्यकता आहे. तसेच सांडपाणी प्रक्रिया केंद्र बंद असताना लावल्या जाणाऱ्या दंडाच्या मुद्द्यावरही चर्चा आवश्यक आहे. केंद्र सुरु झाल्यानंतर त्याबाबतचे पत्र प्रदूषण नियंत्रण मंडळाकडून जलसंपदाला द्यायचे होते. थकबाकीबाबत सरकारच्या पातळीवर चर्चा करण्याची आवश्यकता आहे. तेथील चर्चेनंतर थकबाकीचे हप्ते पाडून त्याप्रमाणे पैसे भरायला तयार आहोत. अनावश्यक खर्च महापालिकेवर येऊ नये, याची काळजी घेतली जात आहे. पण केवळ वसुलीचे टार्गेट पूर्ण करण्यासाठी शहराचा पाणीपुरवठा तोडून शहरवासीयांना वेठीस धरले जात असेल तर ते चुकीचे आहे. सरकारी यंत्रणा नागरिकांना सेवा देण्यासाठी आहेत. महापालिकेचे पाणी वापरणारी अनेक सरकारी कार्यालये थकबाकीदार आहेत. म्हणून त्यांचे पाणी कनेक्शन तोडून शहरवासीयांना वेठीस धरण्याची महापालिकेची भूमिका नाही.

डॉ. अभिजित चौधरी, आयुक्त, महापालिका

मोबाइल अॅप डाउनलोड करा आणि राहा अपडेट

एसटीपी, पाणीपुरवठ्याला चालना

March 7, 2018, 8:30 pm

≫ Next: करुया कर्तृत्वाला सलाम

≪ Previous: शहराचे पाणी तोडले

$

0

0

म. टा. प्रतिनिधी, कोल्हापूर

'शहराच्या विकासात महत्त्वाची भूमिका बजावणाऱ्या प्रकल्पांची कामे सुरू करण्याबरोबरच जुने प्रकल्प पूर्ण करण्यात येणार आहे. तीर्थक्षेत्र आराखडा, कोंबडी बाजारमधील संकुल, प्रशासकीय इमारतीचे काम, वाढत्या भटक्या कुत्र्यांची संख्या आटोक्यात आणण्यासाठी निर्बिजीकरण, वायफाय सिटी, ई-गव्हर्नन्स यंत्रणा, स्वच्छ भारत अभियानांतर्गत घनकचरा व्यवस्थापन, दहा शाळा मॉडेल स्कूल, चार उद्याने ही यंदाच्या बजेटमधील अग्रकमावरील कामे असतील,' असे आयुक्त डॉ. अभिजित चौधरी यांनी सांगितले. महापालिकेच्या प्रशासकीय इमारतीसाठी यंदा निधीची मोठी तरतूद करण्यात आली आहे.

बुधवारी सकाळी झालेल्या स्थायी समिती सभेत आयुक्त डॉ. अभिजीत चौधरी यांनी महापालिकेचे २०१७-१८ चे सुधारित व सन २०१८-१९ चे नवीन बजेट सभापती आशिष ढवळे यांच्याकडे सादर केले. यावेळी प्रभाग समिती सभापती प्रतीक्षा पाटील, गटनेता सत्यजित कदम, नगरसेवक डॉ. संदीप नेजदार, संजय मोहिते, दीपा मगदूम, सविता घोरपडे, अतिरिक्त आयुक्त श्रीधर पाटणकर, शहर अभियंता नेत्रदिप सरनोबत, मुख्य लेखापाल संजय सरनाईक, मुख्य लेखापरीक्षक धनंजय आंदळे, नगरसचिव दिवाकर कारंडे, उपशहर अभियंता एस.के.माने उपस्थित होते. त्याचबरोबर परिवहन समिती, प्राथमिक शिक्षण मंडळाचेही बजेट स्थायी समितीसमोर सादर करण्यात आले.

मलनि:स्सारण प्रकल्प

अमृत अभियानेंतर्गत ७२ कोटींच्या कामांमधील दुधाळी नाला झोनमध्ये ड्रेनेज लाइन टाकणे, कसबा बावडा येथे चार द.ल.लि. क्षमतेचे मलशुध्दिकरण प्रक्रिया केंद्र, दुधाळी नाला येथे सहा द.ल.लि. क्षमतेचे मलशुध्दिकरण प्रक्रिया केंद्र, कसबा बावडा नाला अडवणे व वळवणे ही कामे प्रगतिपथावर आहेत. तर जुना बुधवार,सी पी आर,राजहंस,रमणमळा,ड्रीमवर्ल्ड, लक्षतीर्थ, विट भटटी व रंकाळा तलावातील सरनाईक व देशमुख नाले अडवणे व वळवण्यासाठी फेरनिविदा प्रक्रिया सुरू आहे.

पाणीपुरवठा प्रकल्प

केंद्रपुरस्कृत अमृत अभियानांतर्गत शहरासाठी अमृत अभियान अंतर्गत ११४ कोटी ८१ लाख रुपयांची पाणीपुरवठा योजना मंजूर करण्यात आली आहे. या योजनेची निविदा प्रक्रिया पूर्ण होऊन निविदा मंजुरीसाठी प्रस्तावित केली आहे. या वर्षात त्यातील बहुतांश कामे पूर्ण करण्यात येणार आहेत.

उद्यान विकास प्रकल्प

शहरात मोकळ्या जागा, हरित क्षेत्र विकसीत करुन प्रदूषण कमी करण्यासाठी केंद्र सरकारने अमृत अभियान अंतर्गत नागरी वनीकरण अभियान सुरू केले आहे. या अंतर्गत २०१५-१६ आराखड्यात एक कोटीतून २८०० वृक्षांची लागवड तसेच महावीर उद्यान व हुतात्मा पार्क उद्यानामध्ये सँडपीट व मल्टी प्ले सिस्टीम बसवण्यात येणार आहे. २०१६-१७ आराखड्यात दीड कोटीतून त्रिमूर्ती उद्यान, टेंबलाई उद्यान व मंगेशकरनगर उद्यान यांचा विकास करण्यात येत आहे. २०१७-१८ आराखडयामध्ये दोन कोटींच्या कामांतून रंकाळा तलाव परिसर उद्यान विकसित करणे, सह्याद्रीनगर येथील उद्यान विकसित करणे, टाकाळा येथील उद्यान विकसित करणे व फुलेवाडी उद्यान विकसित करण्यात येणार आहे.

मंदिर परिसर विकास प्रकल्प

अंबाबाई मंदिर परिसर विकासाचा ८० कोटींचा आराखडा सरकारने मंजूर केला असून, त्याचा अध्यादेश निघण्याची प्रतीक्षा आहे. यामध्ये दर्शन मंडप, भक्तनिवास, पादचारी मार्ग, परिसर सौदर्यीकरण, सार्वजनिक सुविधा, दिशादर्शक फलक, आपत्ती व्यवस्थापन, आरोग्य विषयक सुविधा,सुरक्षा व्यवस्था, पार्किंग सुविधा, आदी कामे करण्यात येणार आहेत.

दुधाळी सांडपाणी प्रक्रिया प्रकल्प

महाराष्ट्र सुवर्ण जयंती नगरोत्थान योजनेमधून दुधाळी येथील १७ एमएलडी क्षमतेचा सांडपाणी प्रक्रिया प्रकल्प या वर्षामध्ये संपूर्ण होऊन तो कार्यान्वीत करण्यरात येणार आहे.

सेफ सिटी टप्पा २, वायफाय प्रकल्प

शहर सुरक्षित प्रकल्प टप्पा दोनमध्ये व्हिडीओ सर्व्हिलन्स सिस्टीम, इमर्जन्सी व्हेईकल ट्रॅकिंग सिस्टीम, पोलिस एम-बीट सिस्टीम, ट्रॅफिक एम-चलन सिस्टीम, व्हिझीटर इन्फॉरमेशन मॅनेजमेंट सिस्टीम, डायल- १०० प्रकल्प राबवणे, सीटी ऑपरेशन्स डॅश बोर्ड, आदींचा समावेश आहे. यासाठी १२ कोटी खर्च अपेक्षित असून, सरकारकडे निधी मागणीची कार्यवाही प्रस्तावित आहे. जलद इंटरनेट सुविधा देण्यासाठी महापालिकेने वाय-फाय सिटी प्रकल्प प्रस्तावित केला आहे. पीपीपीवर हा प्रकल्प असून मोफत इंटरनेट सुविधा उपलब्ध करुन देण्यात येणार आहे. तसेच महानगरपालिकेच्या विविध प्रशासकीय कार्यालयांना मोफत इंटरनेट सुविधा उपलब्ध करुन दिली जाणार आहे. विकसकाकडून महानगरपालिकेला त्याच्या महसुलातील ठराविक हिस्सा प्राप्त होणार आहे.

केशवराव नाट्यगृह परिसर विकास टप्पा दोन

दहा कोटींच्या निधीतून केशवराव भोसले नाट्यगृह व शाहू खासबाग मैदान या प्रकल्पांचे जतन व संवर्धन टप्पा एकमधील कामे पुर्णत्वास आली आहेत. आता टप्पा दोनअंतर्गत हेरिटेज कंपाउंड वॉल, दगडी कमान, ब्लॅक बॉक्सची नवीन इमारत, खाऊ गल्ली, लँडस्केप तसेच पहिल्या टप्प्यातील उर्वरित कामांचा समावेश केला आहे. ९ कोटी ९३ लाख रुपयांचा सुधारित आराखडा मंजुरीसाठी सादर केला आहे.

प्रधानमंत्री आवास योजना

प्रधानमंत्री आवास योजनेअंतर्गत शहरातील सर्व झोपडपट्ट्यांचे सर्वेक्षण पूर्ण करुन सर्वांसाठी घरे कृती आराखडा व वार्षिक अंमलबजावणी आराखडा मान्यतेसाठी सादर केला आहे. या योजनेमध्ये झोपडपट्ट्यांचा आहे तेथेच पुनर्विकास करणे व खासगी भागीदारीद्वारे परवडणाऱ्या घरांची निर्मिती करण्यात येणार आहे. या अंतर्गत कदमवाडी, बोंद्रेनगर, सुभाषनगर, संभाजीनगर कामगार चाळ येथे प्रकल्प प्रस्तावित केले आहेत.

घनकचरा व्यवस्थापनासाठी ३२ कोटींचा प्रकल्प

स्वच्छ भारत अभियान (नागरी) अंतर्गत घनकचरा व्यवस्थापनचा विकास आराखडा (डीपीआर) तयार करून घेतला आहे. डीपीआरची पडताळणी होऊन सरकारकडे अंतिम मंजुरीसाठी पाठविला आहे. अंतिम मान्यता प्राप्त होताच त्याची अंमलबजावणी करण्यात येणार आहे. कचऱ्यावर प्रक्रिया करण्यासाठी प्रकल्पाची उभारणी करण्यात येणार आहे. घराघरातुन दैनंदिन निर्माण होणारा ओल्या कचऱ्यावर प्रक्रिया करण्यासाठी ३० टन क्षमतेचा बायो मिथेनेशन प्लॅन्ट एप्रिल २०१८ अखेर कार्यान्वित्त होणार आहे. तसेच घनकचऱ्या पासून आर.डी.एफ निर्मितीचा प्रकल्पही सुरू होणार आहे.

कचरा प्रक्रिया प्रकल्पासह ३२ कोटींच्या निधीतून घनकचरा व्यवस्थापनचे नियोजन केले. डीपीआरनुसार कसबा बावडा येथील इर्नट मटेरियलची विल्हेवाट शास्त्रोक्त पद्धतीने विकसित केलेल्या लॅण्डफिल साइटमध्ये लावण्यात येणार आहे. झूम प्रकल्प परिसरात व कचऱ्यापासून प्रकल्पाच्या सभोवताली ग्रीन कव्हर करण्यासाठी वृक्षारोपण करण्यात येणार आहे.

ई गव्हर्नन्स

ई-ऑफिस यंत्रणा, जीआयएसबेस प्रॉपर्टी सर्व्हे, फेस रेकग्निशन सिस्टीम, कॅशलेस पेमेंटसाठी ऑनलाइन पेमेंट सुविधा, ऑनलाइन कम्प्लेंट सिस्टीम, आदी सुविधा ई-गव्हर्नन्स माध्यमातून उपलब्ध करुन दिल्या आहेत. एचसीएल ई-गव्हर्नन्स प्रकल्पाची मुदत संपत असल्याने नव्याने अत्याधुनिक तंत्रज्ञानावर आधारित ई-गव्हर्नन्स प्रकल्प कार्यान्वित करण्यात येणार आहे.

महिला बालकल्याण कार्यक्रम व मागास निधी तरतूद

महाराष्ट्र महापालिका अधिनियमातील तरतुदी व शासन निर्णयानुसार महापालिका निव्वळ महसुली उत्पन्नाच्या पाच टक्के निधी महिला व बालकल्याण कार्यक्रमासाठी, अपंग कल्याण कार्यक्रम तीन टक्के व मागास निधी पाच टक्के निधी आरक्षित केला आहे.

मोबाइल अॅप डाउनलोड करा आणि राहा अपडेट

---

करुया कर्तृत्वाला सलाम

March 7, 2018, 8:30 pm

≫ Next: औषध घोटाळा चौकशीवरच प्रश्नचिन्ह

≪ Previous: एसटीपी, पाणीपुरवठ्याला चालना

$

0

0

म. टा. प्रतिनिधी, कोल्हापूर

मुलांना शाळेत सोडण्यापासून ते घरातील साहित्य आणण्यापर्यंत तिच्यासोबत असते ती तिची बाइक. बँकेची कामे करण्यापासून ते महिन्याची बिले भरण्यापर्यंत प्रत्येक जबाबदारी ती पेलते बाइकच्या साथीनेच. गृहिणी असो किंवा नोकरदार महिला, कॉलेज युवती असोत किंवा ज्येष्ठ महिला. अनेकजणींच्या स्वावलंबी प्रवासात बाइकचे योगदान मोठे आहे. बाइक चालवणे हे आता केवळ एक वाहन चालवणे इतके सीमीत राहिले नसून तिच्यात आत्मविश्वास निर्माण करणारा तो प्रवास बनला आहे. महिलांच्या याच आत्मनिर्भर प्रवासाला सलाम करण्यासाठी महाराष्ट्र टाइम्सतर्फे यंदाही जागतिक महिलादिनानिमित्त वुमेन पॉवर रॅलीचे आयोजन केले आहे. या रॅलीत सहभागी होण्यासाठी महिलांचा प्रतिसाद वाढत आहे. रविवारी ११ मार्च रोजी विवेकानंद कॉलेजच्या मैदानावरून सकाळी साडेसात वाजता रॅलीला सुरुवात होणार आहे.

दरवर्षी मटा बाइक रॅली म्हणजे महिलांचा उत्साह हे समीकरण यंदाही तितक्याच उत्साहाने जुळेल याची खात्री महिलांच्या प्रतिसादातून मिळत आहे. या रॅलीत सहभागी होणाऱ्या महिलांना बक्षीसांची लयलूट करण्याचीही संधी मिळणार आहे. यामध्ये बाइक सजवा, सामाजिक संदेशासोबत बाइक, पारंपरिक व ट्रेंडी वेशभूषा, फॅशन फ्यूजन अशा स्पर्धाही घेण्यात येणार आहेत. महिलांच्या ग्रुपतर्फे खास ड्रेसकोड करण्याची पर्वणी मिळणार आहे. राजाराम कॉलेजच्या मैदानावर रॅलीचा समारोप होणार असून याठिकाणी महिलांसाठी खास डान्सफ्लोअर ठेवण्यात आला आहे. तसेच स्पॉटगेम्सचेही आयोजन करण्या आले आहे.

महिलांच्या तयारीला वेग

मटा बाइक पॉवर रॅलीत सहभागी होण्यासाठी महिलांची जोरदार तयारी सुरू झाली आहे. रॅलीच्या निमित्ताने महिलांच्या यशोगाथा सांगणारे फलक घेऊन काही महिला रॅलीत सहभागी होणार आहेत. लेक वाचवा, महिला सुरक्षा, मुलींना शिकू द्या असे सामाजिक आशय या रॅलीत संदेश स्वरूपात देण्यात येणार आहेत. महिलांच्या ग्रुप्ससह सामाजिक संस्था, विविध क्षेत्रातील महिला, युवती यांनी खास वेगळा ड्रेसकोड करण्याचेही नियोजन केले आहे.

असा असेल रॅलीचा मार्ग

रविवारी सकाळी साडेसात वाजता विवेकानंद कॉलेजच्या मैदानावरून रॅलीला सुरुवात होणार आहे. आरटीओ कार्यालय, अजिंक्यतारा चौक, धैर्यप्रसाद मंगल कार्यालय चौक, पितळी गणपती चौक, पोलिस ग्राउंड, पोलिस मुख्यालय, मेरीवेदर मैदान रोड, महावीर कॉलेज, खानविलकर पेट्रोल पंप, दसरा चौक, बिंदू चौक, आझा द चौक, उमा टॉकिज, पार्वती टॉकिज, बागल चौक, कमला कॉलेज, आईचा पुतळा, सायबर चौक मार्गे राजाराम कॉलेज येथे रॅलीचा समारोप होणार आहे.

मोबाइल अॅप डाउनलोड करा आणि राहा अपडेट

औषध घोटाळा चौकशीवरच प्रश्नचिन्ह

March 7, 2018, 8:30 pm

≫ Next: इरिगेशनचा २७ मार्च रोजी मंत्रालयाला घेराव

≪ Previous: करुया कर्तृत्वाला सलाम

$

0

0

म. टा. प्रतिनिधी, कोल्हापूर

जिल्हा परिषद आरोग्य विभागाने केलेल्या औषध खरेदीत घोटाळा झाल्याचे उघड झाले. दडवून, दाबून ठेवलेले हे प्रकरण महाराष्ट्र टाइम्सने चव्हाट्यावर आणल्यानंतर बुधवारी झालेल्या सत्ताधारी सदस्यांच्या बैठकीत त्याचे पडसाद उमटले. सीईओंनी परस्पर चौकशी समिती नियुक्त केली, आताच्या चौकशी समितीत पूर्वीच्या औषध घोटाळ्यातील कर्मचारी होते, त्यामुळे घोटाळ्याची फेरचौकशी करावी, अशी जोरदार मागणी अनेक सदस्यांनी केली. त्यामुळे बैठक संपल्यानंतर फेरचौकशी समिती नियुक्तीसंबंधी अध्यक्षा शौमिका महाडिक यांनी अतिरिक्त मुख्य कार्यकारी अधिकारी इंद्रजित देशमुख यांची भेट घेतली. आरोग्य संचालकांचे मार्गदर्शन आणि सर्वसाधारण सभेतील निर्णयानुसार पुढील कार्यवाही करण्यासंबंधी चर्चा केली.

आमदारांनी घोटाळ्याची माहिती घेतली, याउलट पदाधिकाऱ्यांनी बेदखल केली, असा आरोप होऊ लागला. यामुळे या प्रकरणात आता अध्यक्षा महाडिक, उपाध्यक्ष सर्जेराव पाटील यांच्यासह सत्ताधारी सदस्य आक्रमक झाले आहेत. चौकशी पारदर्शक झालेली नाही, क्लीन चिट देणारा चौकशी अहवाल तयार केला आहे, असाही आरोप झाला. चौकशी समितीचे प्रमुख प्रभारी आरोग्य अधिकारी यू. जी. कुंभार यांच्या विरोधातही सदस्य प्रसाद खोबरे यांनी तक्रार केली.

यामुळे महाडिक यांनी देशमुख यांची भेट घेतली. घोटाळ्याच्या फेरचौकशीसाठी तुमच्या अध्यक्षतेखालील समिती नियुक्त व्हावी, असे त्यांनी देशमुख यांना सांगितले. देशमुख यांनी चौकशीची तयारी दर्शवली. मात्र, आरोग्य उपसंचालकांचे मार्गदर्शन घ्यावे लागेल, असे सुचवले. त्यानुसार आरोग्य संचालकांचे मार्गदर्शन घेऊन दोन सदस्यांसह देशमुख यांच्या नेतृत्वाखालील चौकशी समिती नेमण्याचा निर्णय झाला.

काँग्रेसतर्फे आज निदर्शने

औषध घोटाळ्यातील सर्व अधिकाऱ्यांना तातडीने निलंबित करावे, या मागणीसाठी काँग्रेस पक्षार्फे गुरुवारी (ता.८) सकाळी साडेअकरा वाजता जिल्हा परिषदेच्या दारात निदर्शने करण्यात येणार आहे. त्यानंतर मुख्य कार्यकारी अधिकारी डॉ. कुणाल खेमनार, अतिरिक्त मुख्य कार्यकारी अधिकारी इंद्रजित देशमुख यांना निवेदन देण्यात येणार आहे, अशी माहिती संजय पाटील यांनी प्रसिद्धीपत्रकातून दिली.

मोबाइल अॅप डाउनलोड करा आणि राहा अपडेट

इरिगेशनचा २७ मार्च रोजी मंत्रालयाला घेराव

March 7, 2018, 8:30 pm

≫ Next: अश्विनी बिद्रे हत्येत दोन आमदारांचा सहभाग?

≪ Previous: औषध घोटाळा चौकशीवरच प्रश्नचिन्ह

$

0

0

म. टा. प्रतिनिधी, कोल्हापूर

सहकारी पाणीपुरवठा संस्थांच्या वीज दरवाढ व सरकारी पाणीपट्टीमध्ये केलेल्या दरवाढीविरोधात महाराष्ट्र राज्य इरिगेशन फेडरेशनच्या वतीने २७ मार्चला मुंबई येथे मंत्रालयाला मानवी साखळी करुन घेराव घालण्यात येणार आहे. आंदोलनामध्ये कोल्हापूरसह पुणे, सांगली, सातारा आणि सोलापूर जिल्ह्यातील सहकारी पाणीपुरवठा संस्थांचे पदाधिकारी आणि शेतकरी सहभागी होणार आहेत. आंदोलनाची जनजागृती करण्यासाठी चार जिल्ह्यांत मेळावे घेण्यात येणार असून ठोस आश्वासन मिळाल्याशिवाय मागे हटणार नसल्याचा इशारा ज्येष्ठ नेते डॉ. एन. डी. पाटील यांनी पत्रकार बैठकीत दिला.

डॉ. पाटील म्हणाले, 'महावितरणने सहकारी पाणीपुरवठा संस्थांच्या वीजपंपांना प्रतियुनिट दर एक रुपये १६ पैशांवरुन एक रुपये ९७ पैसे केला आहे. वाढीव वीज बिलांबाबत असंतोष असल्याने मोर्चाचे आयोजन केले होते. पालकमंत्री चंद्रकांत पाटील यांनी वाढीव दर कमी करुन पूर्वीप्रमाणे दरांची अंमलबजावणी करण्याचे आवश्वास देऊन मोर्चा न काढण्याची विनंती केली होती. तसेच मुख्यमंत्री देवेंद्र फडणवीस व ऊर्जामंत्री चंद्रशेखर बावनकुळे यांच्याशी चर्चा घडवून आणण्याचे आवश्यासन दिले होते. त्यानुसार २७ जानेवारीला मुख्यमंत्री, ऊर्जामंत्री व फेडरेशनच्या पदाधिकाऱ्यांशी चर्चा होणार होती. पण याबाबतचा राज्य सरकारकडून कोणतेही निमंत्रण आले नाही. त्यानंतर २७ फेब्रुवारी रोजी बैठक होईल असे सांगितले, पण मार्च महिना सुरू झाला, तरी अद्याप बैठकीचे आयोजन केलेले नाही. आंदोलना दरम्यान सकारात्मक तोडगा न निघाल्यास तीव्र आंदोलन करू '

पत्रकार बैठकीस अरुण लाड, बाबासाहेब पाटील-भुयेकर, फेडरेशनचे जिल्हाध्यक्ष विक्रांत पाटील, जे. पी. लाड, चंद्रकांत पाटील, एस. ए. कुलकर्णी, रणजीत जाधव, आर. के. पाटील, सखाराम पाटील, मारुती पाटील, महादेव सुतार यांच्यासह सांगली व सातारा जिल्ह्याचे फेडरेशनचे कार्यकर्ते उपस्थित होते.

मोबाइल अॅप डाउनलोड करा आणि राहा अपडेट

अश्विनी बिद्रे हत्येत दोन आमदारांचा सहभाग?

March 7, 2018, 11:26 pm

≫ Next: शिक्षिकेला खंडणीसाठी धमकावले; भैय्याला अटक

≪ Previous: इरिगेशनचा २७ मार्च रोजी मंत्रालयाला घेराव

$

0

0

कोल्हापूर

पोलीस अधिकारी अश्विनी बिद्रे यांच्या हत्या प्रकरणात नवी मुंबईचे पोलीस आयुक्त हेमंत नगराळे यांची भूमिका संशयास्पद असून त्यांनी जाणीवपूर्वक तपासात दिरंगाई केली आहे, असा आरोप करीत त्यांना सहआरोपी करा अशी मागणी अश्विनी बिद्रे यांच्या कुटुंबियानी आज एका पत्रकार परिषदेत केली. या हत्येत दोन आमदारांचा सहभाग होता, असा आम्हाला संशय आहे, असा धक्कादायक खुलासाही बिद्रे कुटुंबियानी पत्रकार परिषदेत केला.

अभय कुरुंदकरचा बालपणीचा मित्र महेश फळशीकर याने अश्विनी यांच्या हत्येची कबुली दिली दिल्यानंतर आज अश्विनी बिद्रे यांच्या कुटुंबियांनी पत्रकार परिषद घेतली. नवी मुंबईचे पोलीस आयुक्त हेमंत नगराळे यांची भूमिका संशयास्पद असून त्यांना सहआरोपी करावे. संगीता अल्फान्सो यांची तपासासाठी पूर्णवेळ नियुक्ती करावी, अशी मागणी त्यांनी या पत्रकार परिषदेत केली. अभय कुरुंदकरचा भाऊ पोलीस निरीक्षक संजय कुरुंदकर याच्याकडून साक्षीदारांवर दबाव टाकला जात आहे. त्यामुळे त्याचा हस्तक्षेप थांबवून त्याची गडचिरोलीत बदली करावी, असे बिद्रे कुटुंबियांनी म्हटले आहे.

अश्विनी बिद्रे हत्याप्रकरणातील सहभागी असलेल्या सर्व आरोपींची नार्को टेस्ट करावी. आम्ही ५ जानेवारी रोजी पोलिसांना पत्र पाठवले होते परंतु अद्याप आम्हाला त्याचं उत्तर मिळालं नाही. आम्हाला वेळीच उत्तर मिळालं नाही तर आम्ही हायकोर्टात जाऊन दाद मागू असेही बिद्रे कुटुंबियांनी या पत्रकार परिषदेत स्पष्ट केले.

मोबाइल अॅप डाउनलोड करा आणि राहा अपडेट

शिक्षिकेला खंडणीसाठी धमकावले; भैय्याला अटक

March 8, 2018, 2:48 am

≫ Next: औषध घोटाळाप्रकरणी काँग्रेसतर्फे निदर्शने

≪ Previous: अश्विनी बिद्रे हत्येत दोन आमदारांचा सहभाग?

$

0

0

पंढरपूर

जिल्हा परिषद शाळेच्या शिक्षिकेला ७२ लाखांच्या खंडणीसाठी धमकावल्याप्रकरणी जनहीत शेतकरी संघटनेचा अध्यक्ष प्रभाकर उर्फ भैय्या देशमुखला आज सकाळी पंढरपूर शहर पोलिसांनी अटक केल्याने खळबळ उडाली आहे.

जिल्हा परिषदेच्या शिक्षिका विजया कोळी यांच्या घरी २५ फेब्रुवारी रोजी भैय्या देशमुख व त्याच्या सहकाऱ्यांनी जाऊन गुन्हे मिटविण्यासाठी ७२ लाखाच्या खंडणीची मागणी केली होती. या संदर्भात पुरावा म्हणून विजया कोळी यांनी एक ऑडिओ क्लिप पोलिसांना सादर केली. भैय्या देशमुख यांच्यावर खंडणी प्रकरणी धमकावल्याचा गुन्हा दाखल केल्यावर देशमुखला पोलिसांनी अटक केली आहे. विजया कोळी यांचे पती तुकाराम कोळी हे सध्या एका फसवणुकीच्या गुन्ह्यात अटकेत असून त्यांनी पैसे डबल करून देतो म्हणून देशमुख यांच्या दोन सहकाऱ्यांना फसविल्याची तक्रार २०१२-१३ साली दाखल केली होती. या प्रकरणात कोणतेही तथ्य न आढळल्याने हे प्रकरण बंद करण्यात आले होते.

तुकाराम कोळी यांनी तुळजापूर तालुक्यात जमीन देतो असे सांगून जनार्दन रोकडे याची फसवणूक केल्याप्रकरणी तुकाराम यास अटक करण्यात अली होती. या सर्व प्रकरणातून कोळी यांना बाहेर काढण्यासाठी देशमुख यांनी ७२ लाखाची खंडणी मागत धमकावल्याचा आरोप विजया कोळी यांनी केला आहे. विशेष म्हणजे या प्रकरणातील फिर्यादी विजया कोळी यांच्यावर आज सकाळीच खंडणी प्रकरणातील एका आरोपीने तालुका पोलीस ठाण्यात गुन्हा दाखल केला आहे. यातील फसवणूक प्रकरणातील आरोपी तुकाराम कोळी हे जिल्हा परिषद शिक्षक असून त्यांची पत्नी विजया कोळी या देखील शिक्षिका आहे. तुकाराम कोळी याने २०१२ ते १४ दरम्यान देशमुख यांच्या दोन सहकाऱ्यांना पैसे दुप्पट करून देतो म्हणून २४ लाखाला फसविल्याची तक्रार देशमुखचे सहकारी सचिन कारंडे याने आज पहाटेच दाखल केली असून यात विजया कोळी यांनाही आरोपी केले आहे. हे सर्व प्रकरण फसवणूक आणि ब्लॅक मेलिंग या प्रकारातील असल्याने पोलीस या दोन्ही गुन्ह्यांचा तपास करीत आहेत.

मोबाइल अॅप डाउनलोड करा आणि राहा अपडेट

औषध घोटाळाप्रकरणी काँग्रेसतर्फे निदर्शने

March 8, 2018, 8:30 pm

≫ Next: महसूल मंत्र्यांच्या जिल्ह्यातच एजंटराज

≪ Previous: शिक्षिकेला खंडणीसाठी धमकावले; भैय्याला अटक

$

0

0

म. टा. प्रतिनिधी, कोल्हापूर

जिल्हा परिषद आरोग्य विभागातर्फे खरेदी केलेल्या औषध घोटाळ्यातील दोषी अधिकाऱ्यांना निलंबित करावे, चौकशी पारदर्शक करावी, अन्यथा सोमवारी (ता.१२) आरोग्य विभागास टाळे लावण्याचा इशारा देत काँग्रेस पक्षातर्फे गुरुवारी जिल्हा परिषदेसमोर जोरदार निदर्शने करण्यात आली. घोटाळेबाज अधिकारी, कर्मचाऱ्यांविरोधात घोषणाबाजी करून लक्ष वेधण्यात आले. मागण्यांचे निवेदन अतिरिक्त मुख्य कार्यकारी अधिकारी इंदजित देशमुख यांना देण्यात आले.

औषध घोटाळ्याचे प्रकरण महाराष्ट्र टाइम्सने चव्हाट्यावर आणले. त्यानंतर विविध क्षेत्रांतून पडसाद उमटत आहेत. या प्रकरणातील दोषींवर कारवाई करावी, यासाठी कॉँग्रेसचे पदाधिकारीही प्रयत्न करीत आहेत. यासंबंधी दिलेल्या निवेदनात म्हटले आहे की, औषध घोटाळ्यात आरोग्य अधिकारी, प्रशासन अधिकारी, औषध निर्माण अधिकारी, कनिष्ठ लेखाधिकारी, सहा लेखाधिकारी, दोषी आहेत. यांच्या भ्रष्ट साखळीमुळेच औषध घोटाळा झाला आहे. यातील दोषींना त्वरित निलंबित करून त्यांच्याकडून नुकसानीची रक्कम वसूल करावी. पूर्वीच्या औषध घोटाळ्यातील दोषींकडून आताची चौकशी करून घेतली आहे. यामुळे चोरच तपास अधिकारी झाल्याचा प्रकार घडला आहे. त्यामुळे आताच्या औषध घोटाळ्याची त्रयस्त यंत्रणेकडून चौकशी होणे गरजेचे आहे. कमिशन दिलेल्या कंपन्यांची जादा दराने आणि सरकारच्या यादीबाहेरची ५० लाखांची खरेदी केली आहे. या सर्वास नियमानुसार जिल्हा आरोग्य अधिकारी डॉ. प्रकाश पाटील दोषी आहेत. त्यांना तातडीने निलंबित करावे, त्यांच्याकडून घोटाळ्याची रक्कम वसूल करावी.

निदर्शनात संजय पाटील, योगेश हत्तरगे, प्रथमेश तेली, युवराज शिंदे, प्रदीप पाटील, राहुल मांडरे, रोहन रेडेकर, दीपक कांबळे, सुजल पवार, दत्ता माजगावकर आदी कार्यकर्ते सहभागी झाले होते.

'तो' अधिकारी मुक्त

पूर्वीच्या औषध घोटाळ्यात औषध निर्माण अधिकारी नामदेव सोनवणे यांच्यावर आरेाप होते. त्याच वादग्रस्त अधिकाऱ्यांकडे पुन्हा औषध निर्माण अधिकारीपदाचा कार्यभार होता. त्याबद्दल टीका झाल्याने त्यांच्याकडून कार्यभार काढून घेण्यात आला.

सभेत गाजणार

शुक्रवारी जि.प. सर्वसाधारण सभा होत आहे. त्या सभेत औषध घोटाळ्याचे प्रकरण चांगलेच गाजणार आहे. सत्ताधारी आणि विरोधातील सदस्यांनी या प्रकणाची माहिती घेतली आहे. सभेत या प्रकरणाची तीव्रता कमी करण्यासाठी 'अर्थ'पूर्ण वाटाघाटी झाल्याच्याही चर्चा आहेत. त्या पार्श्वभूमीवर सभेतील घोटाळ्याच्या विषयाकडे लक्ष लागून राहिले आहे.

मोबाइल अॅप डाउनलोड करा आणि राहा अपडेट

महसूल मंत्र्यांच्या जिल्ह्यातच एजंटराज

March 8, 2018, 8:30 pm

≫ Next: तीन आमदारांची घटनास्थळी उपस्थिती

≪ Previous: औषध घोटाळाप्रकरणी काँग्रेसतर्फे निदर्शने

$

0

0

म. टा. प्रतिनिधी, कोल्हापूर

महसूलमंत्र्यांच्या कोल्हापूर जिल्ह्यातील महसूल व इतर सरकारी कार्यालयांत एजंटराज, खाबुगिरी फोफावली आहे. सरकारी कार्यालयांत अधिकारी, कर्मचारी भेटत नाहीत. कर्मचारी जागेवर नसतात. असले तरी सर्व्हर डाउनचे कारण सांगितले जाते. हे त्वरित थांबावे, दप्तर दिरंगाई करणारे कर्मचारी, अधिकाऱ्यांवर कारवाई करावी, अन्यथा लोकशाही मार्गाने आंदोलन केले जाईल, अशा इशाऱ्याचे निवेदन कोल्हापूर जिल्हा नागरी कृती समितीतर्फे जिल्हाधिकारी अविनाश सुभेदार यांना गुरुवारी देण्यात आले.

निवेदनात म्हटले आहे की, जिल्ह्यातील तलाठी, सर्कल, तहसीलदार, प्रांत, महापालिका, नगरपालिका, ग्रामपंचायतींमध्ये दप्तर दिरंगाईमुळे सामाान्य लोकांना हेलपाटे मारावे लागत आहे. माहिती अधिकार, सरकारी नोकरांचे संपत्ती विवरणपत्र भरण्याकडे अधिकारी दुर्लक्ष करीत आहेत. कामानिमित्त सामान्य लोक कार्यालयात गेल्यानंतर कर्मचारी बाहेर गेलेत, अधिकारी कोर्टाच्या कामासाठी गेलेत, रजेवर आहेत, अशी उत्तरे मिळतात. अनेक कर्मचारी, अधिकाऱ्यांनी एजंटांची टोळी तयार केली आहे. काही कार्यालयांतील अधिकारी, कर्मचाऱ्यांकडून उद्धट वागणूक मिळत आहे.

निवेदन देताना रमेश मोरे, सुभाष देसाई, संभाजीराव जगदाळे, किशोर घाटगे, शंकरराव शेळके, लाला गायकवाड, पंडितराव सडोलीकर, बी. एल. बर्गे, प्रसाद जाधव, गौरव लांडगे, सुनील मोरे, सदाशिव पाटील, वसंतराव मुळीक, प्रकाश पाटील, अवधूत पाटील आदी उपस्थित होते.

इशारा देताच

कृती समितीतर्फे निवेदन देण्यासाठी जिल्हाधिकाऱ्यांची वेळ घेण्यात आली होती. त्यानुसार कृती समितीचे पदाधिकारी, कार्यकर्त्यांसह ३० ते ३५ जणांचे शिष्टमंडळ निवेदन देण्यासाठी गेले. त्यावेळी कक्षात जिल्हाधिकारी सुभेदार, निवासी उपजिल्हाधिकारी संजय शिंदे उपस्थित होते. दरम्यान, जिल्हाधिकाऱ्यांचे स्वीय सहायक आधी निवेदन माझ्याकडे द्या, असे म्हणत टाळाटाळ सुरू असल्याचे निदर्शनास आल्यानंतर कार्यकर्ते आक्रमक झाले. आम्ही वेळ घेऊन आलो आहे, जिल्हाधिकारी कक्षात आहेत, ते निवेदन स्वीकारणार नसतील तर आम्ही घोषणाबाजी करतो, असा इशारा दिला. त्यानंतर जिल्हाधिकाऱ्यांनी निवेदन स्वीकारले, असे अशोक पोवार यांनी सांगितले.

मोबाइल अॅप डाउनलोड करा आणि राहा अपडेट

---

तीन आमदारांची घटनास्थळी उपस्थिती

March 8, 2018, 8:30 pm

≫ Next: सीपी नगराळेंना सहआरोपी करा

≪ Previous: महसूल मंत्र्यांच्या जिल्ह्यातच एजंटराज

$

0

0

म. टा. प्रतिनिधी, कोल्हापूर

महिला पोलिस अधिकारी अश्विनी बिद्रे यांचे अपहरण करून निरीक्षक अभय कुरंदकरने निर्घृण खून केल्याची माहिती सत्ताधारी पक्षाच्या तीन आमदारांना होती. कुरुंदकर याच्या सांगण्यावरून त्या तीन आमदारांनी ११ एप्रिलच्या रात्री नवी मुंबईत कुरुंदकरची भेट घेतली. पोलिसांनी याची सखोल चौकशी करून संबंधित आमदारांची नावे जाहीर करावीत. त्याचबरोबर तपासात दिरंगाई करून संशयितांना मदत करणारे नवी मुंबईचे पोलिस आयुक्त हेमंत नगराळे यांना सहआरोपी करावे, अशी मागणी बिद्रे-गोरे कुटुंबीयांनी गुरुवारी (ता. ८) पत्रकार परिषदेत केली.

पत्रकार परिषदेत माहिती देताना अश्विनीचे पती राजू गोरे म्हणाले, '११ एप्रिल १०१६ मध्ये अश्विनी बेपत्ता झाल्यानंतर संशयित अभय कुरुंदकर, राजेश पाटील, महेश पळणीकर, कुंदन भंडारीसह सत्ताधारी पक्षातील तीन आमदारांचे लोकेशन एकच असल्याची माहिती मिळाली आहे. पोलिस तपासात ही बाब समोर आली. मात्र पोलिसांनी ती रेकॉर्डवर घेतली नाही. याबाबत अधिक चौकशी करून संबंधित आमदारांचा गुन्ह्यात किंवा कटात सहभाग आहे काय? याचा शोध घ्यावा. नवी मुंबईचे सीपी हेमंत नगराळे यांनी संशयितांना शिक्षेपर्यंत पोहोचवण्याऐवजी त्यांना वाचवण्याचा प्रयत्न केला आहे. जाणीवपूर्वक तपासात दिरंगाई केली. तपास अधिकारी संगीता अल्फान्सो या गुन्हेगारांपर्यंत पोहोचल्या होत्या. मात्र नगराळे यांनी अटकेसाठी परवानगी दिली नाही. कुरुंदकरच्या अटकेनंतर पोलिस कोठडीत त्याची योग्य पद्धतीने चौकशी केली नाही. अल्फान्सोंची बदली करून तपास दडपण्याचा प्रयत्न केला. त्यामुळे नगराळे यांना गुन्ह्यात सहाआरोपी करावे.'

अश्विनी यांचे भाऊ आनंद बिद्रे म्हणाले, 'तपासावर सरकारचा प्रचंड दबाव आहे. कोर्टात भक्कम खटला उभा राहू नये, यासाठी वरिष्ठ अधिकाऱ्यांकडून तांत्रिक त्रुटी ठेवल्या जातात. तपासाची जबाबदारी एसीपी नीलेश राऊत यांच्याकडे आहे. राऊत दोन महिन्यात निवृत्त होत आहेत. त्यामुळे तपास पूर्ण होऊन आरोपपत्र दाखल होईपर्यंत अल्फान्सो यांच्याकडे तपास सोपवावा. संशयितांच्या नार्को टेस्टसाठी पोलिसांनी हायकोर्टात मागणी केलेली नाही. त्यात पोलिसांनी टाळाटाळ केल्यास हायकोर्ट आणि सुप्रीम कोर्टात धाव घेऊ. मृतदेह शोधण्यासाठी अत्याधुनिक साधनांचा वापर करावा, अशा मागण्या केल्या आहेत.'

यावेळी अश्विनीचे वडील जयकुमार बिद्रे यांना अश्रू अनावर झाले. हा खटला फास्ट ट्रॅक कोर्टात चालावावा, अशी अपेक्षा त्यांनी व्यक्त केली.

ते तीन आमदार कोण?

अश्विनी बिद्रे यांचा खून झाल्यानंतर सत्ताधारी पक्षाचे तीन आमदार घटनास्थळी जाऊन आल्याचा आरोप बिद्रे-गोरे कुटुंबीयांकडून करण्यात आल्याने ते तीन आमदार कोण आहेत? या चर्चेला उधाण आले आहे. भाजपचे ज्येष्ठ नेते एकनाथ खडसे यांचा भाचा राजेश पाटील याच्यासोबत ते आमदार होते असेही बिद्रे-गोरे कुटुंबीयांनी सांगितले. राजेश पाटील याच्या जबाबात मात्र आमदारांचा उल्लेख आलेला नाही. त्यामुळे याबाबत नेमके सत्य शोधून ते जाहीर करण्याची जबाबदारी पोलिसांवर आली आहे.

मोबाइल अॅप डाउनलोड करा आणि राहा अपडेट

सीपी नगराळेंना सहआरोपी करा

March 8, 2018, 8:30 pm

≫ Next: बायोमायनिंगऐवजी अन्य पर्याय सुचवा

≪ Previous: तीन आमदारांची घटनास्थळी उपस्थिती

$

0

0

म. टा. प्रतिनिधी, कोल्हापूर

'महिला पोलिस अधिकारी अश्विनी बिद्रे यांच्या अपहरणाची फिर्याद दाखल झाल्यानंतर नवी मुंबईचे पोलिस आयुक्त हेमंत नगराळे यांच्याकडून तपासात दिरंगाई झाली झाली आहे. यामुळे पुरावे मिळण्यास अडचणी निर्माण झाल्या आहेत. या गुन्ह्याच्या तपासाबाबत नगराळे यांची भूमिका संशयास्पद असल्याने त्यांनाही सहआरोपी करावे,' अशी मागणी बिद्रे-गोरे कुटुंबीयांनी मुख्यमंत्र्यांकडे केली आहे. सहआरोपी न केल्यास हायकोर्ट आणि सुप्रीम कोर्टात धाव घेण्याचा इशाराही बिद्रे-गोरे कुटुंबीयांनी गुरुवारी पत्रकार परिषदेत दिला.

एप्रिल २०१६ मध्ये सहायक महिला पोलिस निरीक्षक अश्विनी-बिद्रे नवी मुंबईतून बेपत्ता झाल्या. यानंतर बिद्रे-गोरे कुटुंबीयांनी कळंबोली पोलिस ठाण्यात अश्विनी बेपत्ता असल्याची फिर्याद दाखल केली. तिच्या फ्लॅटमध्ये मिळालेल्या चित्रफितींमधून बिद्रे-गोरे कुटुंबीयांना संशयित अभय कुरुंदकर याच्याविरोधातील ठोस पुरावे मिळाले होते. या पुराव्यांच्या आधारे कुरुंदकरला अटक करण्याची मागणी त्यांनी नवी मुंबईचे सीपी हेमंत नगराळे यांच्याकडे केली, मात्र नगराळे यांनी बिद्रे-गोरे कुटुंबीयांची दिशाभूल करून तपासात चालढकल केली. हायकोर्टाच्या आदेशानंतरही नगराळे यांनी तपासात विशेष लक्ष घातले नाही, याउलट तपास करणाऱ्या अधिकारी संगीता अल्फान्सो यांना आरोपींच्या अटकेसाठी परवानगी दिली नाही.

कुरुंदकरच्या अटकेनंतरही नगराळे यांनी संशयिताला बोलते करण्याऐवजी त्याच्या सोयीचा तपास केला. कोर्टात ठोस पुरावे पोहोचू नयेत, याची दक्षता घेतली. गुन्ह्याचा तपास संगीता अल्फान्सो करीत आहेत, मात्र तांत्रिकदृष्ट्या तपास अधिकारी एसीपी नीलेश राऊत हेच आहेत. मागणी करूनही नगराळे यांनी तपास अधिकारीपदी अल्फान्सो यांची नियुक्ती केलेली नाही. पदाचा गैरवापर करून संशयित आरोपीला मदत करणारे नगराळे यांना सहआरोपी करावे, असा आग्रह बिद्रे-गोरे कुटुंबीयांनी धरला आहे. सहआरोपी न केल्यास हायकोर्ट आणि सुप्रीम कोर्टात धाव घेण्याचा इशाराही त्यांनी दिला आहे. या आरोपांमुळे सीपी नगराळे यांचा तपास संशयाच्या भोवऱ्यात सापडला आहे. याबाबत मुख्यमंत्री काय निर्णय घेणार हे पहावे लागणार आहे.

चौकशी कागदोपत्रीच

नवी मुंबईचे सीपी नगराळे यांनी तपासात दिरंगाई केल्याने संशयितांना गुन्ह्याचे पुरावे नष्ट करण्यासाठी वेळ मिळाला. पोलिस कोठडीतही त्यांनी संशयितांची कसून चौकशी केली नही. चौकशी केल्याचे कागदोपत्रीच दाखवले. तपास करणाऱ्या महिला अधिकारी संगीता अल्फान्सो यांची बदली करून त्यांना तपासापासून दूर ठेवले. नगराळे यांच्यामुळेच आरोपीला अटक करण्यास दीड वर्षांचा कालावधी लागला, त्यामुळेच नगराळे यांना सहआरोपी करण्याचा आग्रह बिद्रे-गोरे कुटुंबीयांनी धरला आहे. अन्यथा हायकोर्टात आणि सुप्रीम कोर्टात दाद मागण्याचा इशाराही त्यांनी दिला आहे.

संजय कुरुंदकरकडून दबाव

संशयित आरोपी अभय कुरुंदकर याचा भाऊ संजय कुरुंदकर पोलिस निरीक्षक आहे. संशयिताला अटक झाल्यापासून संजय कुरुंदकर यांनी साक्षीदार आणि पंचांवर दबाव आणला आहे. दबावामुळे साक्षीदार कोर्टात साक्ष देणार नाहीत. गुन्ह्याचे पुरावे नष्ट होण्याचा धोका असल्याने संजय कुरुंदकर यांची गडचिरोली येथे बदली करावी, अशी मागणी बिद्रे-गोरे कुटुंबीयांनी केली आहे.

१४ वेळा केला पत्रव्यवहार

तपास अधिकारी : ३१ ऑगस्ट २०१६, ५ जानेवारी २०१८

पोलिस महासंचालक सतीश माथुर : ३ ऑगस्ट २०१६, ८ ऑगस्ट २०१६, ३१ ऑगस्ट २०१६ आणि २० सप्टेबर २०१६

गृहसचिव : २० सप्टेबर २०१६, ९ जानेवारी २०१८

मुख्य सचिव: २० सप्टेबर २०१६

मुख्यमंत्री : २० सप्टेबर २०१६, ९ जानेवारी २०१८

हायकोर्टाचे मुख्यन्यायमूर्ती : १६ जानेवारी २०१८

सुप्रीम कोर्टाचे सरन्यायाधीश : १६ जानेवारी २०१८

राष्ट्रपती : १६ जानेवारी २०१८

मोबाइल अॅप डाउनलोड करा आणि राहा अपडेट

बायोमायनिंगऐवजी अन्य पर्याय सुचवा

March 8, 2018, 8:30 pm

≫ Next: ‘पुजारी हटाओ आंदोलन सक्रिय करणार’

≪ Previous: सीपी नगराळेंना सहआरोपी करा

$

0

0

म. टा. प्रतिनिधी, कोल्हापूर

महापालिकेने सादर केलेल्या घनकचरा व्यवस्थापनाच्या विकास आराखड्यात सर्व प्रभागातून कचरा उठावसाठी जवळपास १५० छोटी वाहने घेण्याची सुधारणा करण्याबरोबरच बायोमायनिंगऐवजी अन्य पर्याय सुचवण्याची सूचना बुधवारी मुंबईत झालेल्या राज्यस्तरीय तांत्रिक समितीच्या बैठकीत करण्यात आली. त्यामुळे ४३ कोटी रुपयांच्या आराखड्याचे इस्टिमेट बदलणार असल्याने या सुधारणांचा समावेश करून मुख्य सचिवांच्या अध्यक्षतेखालील उच्चस्तरीय समितीकडे अंतिम मंजुरीसाठी पाठवण्याचा निर्णय या बैठकीत घेतला.

स्वच्छ भारत अभियानांतर्गत महापालिकेने टाटा कन्सल्टिंग इंजिनीअर्स यांच्याकडून ३२ कोटी रुपयांचा घनकचरा व्यवस्थापनाचा विकास आराखडा तयार करून घेतला होता. त्याची 'नीरी' संस्थेकडून तांत्रिक पडताळणी करण्यात आली होती. त्यामध्ये सुधारणा करत ४३ कोटी रुपयांच्या खर्चाच्या आराखड्याला सरकारची तांत्रिक मंजुरी घेण्यासाठी बुधवारी नगरविकास विभागाच्या सचिव मनीषा म्हैसकर यांच्या अध्यक्षतेखालील राज्यस्तरीय तांत्रिक समितीकडे हा आराखडा पाठवण्यात आला होता. या समितीमध्ये जीवन प्राधिकरणचे अधिकारी, तज्ज्ञ, सचिव स्तरावरील अधिकाऱ्यांचा समावेश होता. या बैठकीत आराखड्यावर चर्चा केली. महापालिकेच्यावतीने आयुक्त डॉ. अभिजित चौधरी यांनी काही बदल सुचवले. सध्या ४१ प्रभागातील कचरा उठाव करण्यासाठी छोटी वाहने घेण्याचे प्रस्तावात होते. पण महापालिकेला सर्व प्रभागातून कचरा उठाव करण्यासाठी किमान १५० वाहनांची आवश्यकता आहे. ही वाहने दोन टप्प्यात घेतली जाणार असली तरी त्यासाठी स्वतंत्र मंजुरी घेण्यापेक्षा या आराखड्यातच त्याचा समावेश करता येणे शक्य आहे का याची विचारणा आयुक्त डॉ. चौधरी यांनी केली. त्याला सचिव म्हैसकर यांनी सहमती दर्शवली. त्यानुसार आराखड्यात बदल करण्यास सांगितले.

याबरोबरच कचऱ्यावर प्रक्रिया करण्यासाठी बायोमायनिंगची तरतूद केली आहे. यासाठी १६ कोटी रुपयांचा खर्च अपेक्षित आहे. इतक्या मोठ्या खर्चापेक्षा अन्य काही पर्यायांचा विचार करता येणे शक्य आहे, असेही आयुक्त डॉ. चौधरी यांनी मांडले. कसबा बावडा येथील कचरा प्रकल्पाच्या ठिकाणीच प्रक्रिया करायची किंवा त्यातील केवळ इनर्ट मटेरियल हलवता येईल याची चर्चा करण्यात आली. याबाबतही म्हैसकर यांनी पर्याय सुचवण्यास सांगितले. या दोन बदलांमुळे आराखड्याचे इस्टिमेट बदलणार आहे. त्यामुळे सुधारित इस्टिमेट पुढील आठवड्यात सादर करण्याबाबतच्या सूचना देण्यात आल्या आहेत. या सुधारित इस्टिमेटनुसार तांत्रिक समितीच्या अध्यक्ष म्हैसकर या निर्णय घेणार आहेत. त्यानंतर मार्च अखेरीला होणाऱ्या उच्चस्तरीय कमिटीसमोर अंतिम मंजुरीसाठी पाठवण्यात येणार आहे. तांत्रिक समितीच्या बैठकीस महापालिकेचे मुख्य आरोग्य निरीक्षक डॉ. विजय पाटील उपस्थित होते.

आराखड्यामध्ये काय आहे

घनकचरा प्रक्रिया प्रकल्प उभारणी

३० टन क्षमतेचा बायो मिथेनेशन प्लँट

घनकचऱ्यापासून आरडीएफ निर्मितीचा प्रकल्प

इनर्ट मटेरियलची शास्त्रोक्त पद्धतीने विल्हेवाट

कचरा प्रकल्प परिसरात वृक्षारोपण

ओला व सुका विभाग असलेली छोटी वाहने

कचऱ्यापासून बायोगॅस तयार करण्याचा प्रकल्प

मोबाइल अॅप डाउनलोड करा आणि राहा अपडेट

‘पुजारी हटाओ आंदोलन सक्रिय करणार’

March 8, 2018, 8:30 pm

≫ Next: लुटारुंकडून हातोहात गंडा

≪ Previous: बायोमायनिंगऐवजी अन्य पर्याय सुचवा

$

0

0

म. टा. प्रतिनिधी, कोल्हापूर

श्री अंबाबाई मंदिरातील पुजाऱ्यांविरोधात आंदोलन सुरू असले तरी अजूनही पुजाऱ्यांकडून गाभाऱ्यात बेकायदेशीर कृत्ये सुरू आहेत. नियम डावलून मूर्तीला स्नान घालणे, अपारंपरिक दागिने घालण्याचे प्रकार सुरूच असून त्यांच्यावर कठोर कारवाई व्हावी, यासाठी श्री अंबाबाई मंदिर पुजारी हटाओ संघर्ष समिती पाठपुरावा करणार असल्याची माहिती समितीचे सदस्य दिलीप पाटील, इंद्रजित सावंत यांनी दिली.

यावेळी पाटील म्हणाले, 'मूर्तीची झीज रोखण्यासाठी पूजेबाबत काही नियम आहेत. मात्र, मूर्तीवर दागिना चढवला की तो आपल्याला मिळतो, याच भावनेतून कोणतेही दागिने मूर्तीला घालण्याचे प्रकार सुरू आहेत. २२ फेब्रुवारी आणि दोन मार्चला शरद मुनीश्वर यांनी मूर्तीला स्नान घालत असल्याची व्हिडिओ क्लिप उपलब्ध असून देवस्थान समितीकडे पाठपुरावा केला आहे. देवस्थान समितीने कोणतीही कारवाई केली नाही तर संघर्ष समिती पुजाऱ्यांविरोधात गुन्हा दाखल करणार आहे.

पालकमंत्री चंद्रकांत पाटील यांनी पगारी पुजारी कायदा येत्या अधिवेशनात केला जाईल, असे आश्वासन दिले आहे. अधिवेशनात हा कायदा झाला नाही तर आंदोलन अधिक तीव्र केले जाईल, असेही सावंत यांनी सांगितले. देवीच्या मूर्तीला घागरा चोळी परिधान केल्याबद्दल पुजारी अजित ठाणेकर यांच्यावर गुन्हा दाखल आहे. ठाणेकर यांनी याबाबत उच्च न्यायालयात धाव घेतली असून पुढील न्यायालयीन प्रक्रिया सुरू असल्याचेही त्यांनी सांगितले.

यावेळी आनंद माने, अॅड. चारूलता चव्हाण, शरद तांबट आदी उपस्थित होते.

तमिळनाडूत पुजारी हटवला

तमिळनाडू येथील मयुरानाथ स्वामी मंदिरात देवीला सलवार कमीज पेहराव परिधान केल्याप्रकरणी तेथील पुजाऱ्याला तत्काळ हटवण्यात आले. तमिळनाडूत गेल्याच महिन्यात ही घटना घडली आहे. मग, कोल्हापुरात कायदा नाही का, असा संतप्त सवालही यावेळी उपस्थित करण्यात आला. पगारी पुजारी कायदा, अजित ठाणेकर यांना अटक, राज्य संरक्षित स्मारक याबाबत शासन व पालकमंत्र्यांकडून फसवणूक झाल्यास भाविकांतून संतप्त प्रतिक्रिया उमटतील आणि त्यातून होणाऱ्या उद्रेकाला शासन जबाबदार असेल, असा इशाराही इंद्रजित सावंत यांनी दिला आहे.

मोबाइल अॅप डाउनलोड करा आणि राहा अपडेट

लुटारुंकडून हातोहात गंडा

March 8, 2018, 8:30 pm

≫ Next: महानगरपालिका करणार कुत्र्यांचे निर्बिजीकरण

≪ Previous: ‘पुजारी हटाओ आंदोलन सक्रिय करणार’

$

0

0

म. टा. प्रतिनिधी, कोल्हापूर

पोलिस असल्याची बतावणी करून नागरिकांकडील किमती ऐवज लंपास करण्याच्या घटना वाढल्या आहेत. गेल्या पाच महिन्यांत जिल्ह्यात आठ ठिकाणी तोतया पोलिसांनी नागरिकांना गंडा घातला आहे. रविवारी (ता. ४) एकाच दिवशी शहरात दोन ठिकाणी तोतया पोलिसांनी सुमारे चार लाखांचा ऐवज लांबवला. पोलिस असल्याची बतावणी करून नागरिकांची लूट करण्याच्या घटना वारंवार घडत आहेत, मात्र भामट्यांना पकडण्यात पोलिसांना यश येत नसल्याने नागरिकांमध्ये धास्ती निर्माण झाली आहे.

भामट्यांनी शहरासह जिल्ह्यात लुटीचा नवा फंडा सुरू केला आहे. वयस्कर व्यक्तींना वाटेत अडवून पोलिस असल्याची बतावणी केली जाते. 'आसपास मारामारी झाली आहे. नाकाबंदी सुरू आहे. तुमच्याकडील दागिने सुरक्षित ठेवा. दागिने अंगावर घालून उघड्यावर फिरू नका,' असे सांगून काढलेले दागिने घेऊन पोबारा करायचा. हा प्रकार शहरासह उपनगरांमध्येही सुरू आहे. गेल्या पाच महिन्यात आठ ठिकाणी लुटीच्या घटना घडल्या आहेत. नोव्हेंबरच्या पहिल्याच आठवड्यात सागर माळ येथे रेड्याच्या टकरीजवळ दोन भामट्यांनी विनीता अशोक गुणे (वय ६८) या वृद्धेल अडवले. मंदिरातून घराकडे निघालेल्या गुणे यांना आपण पोलिस असल्याचे सांगून त्यांच्या गळ्यातील साठ ग्रॅम वजनाची सोन्याची माळ काढून घेतली. दुसऱ्याच दिवशी आपटेनगर येथे संध्या चौगुले या महिलेचे साडेसहा तोळे दागिने तोतया पोलिसांनी लांबवले. समोर तपासणी सुरू आहे. गळ्यातील दागिने काढून रुमालात ठेवा, असे सांगून दोघांनी चौगुले यांना गंडा घातला.

रुईकर कॉलनीतील महडिक वसाहत येथे २० नोव्हेंबरला तोतया पोलिसांनी दोन महिलांच्या दागिन्यांची लूट केली. विमल वळिवडे आणि राजेश्वरी वळीवडे या दोघी फेरफटका मारण्यासाठी घराबाहेर पडल्या होत्या. त्यांना पोलिस असल्याची भीती घालून लुबाडण्यात आले. २३ फेब्रुवारीला राजोपाध्येनगरातील वसंत परशुराम चव्हाण यांच्याकडील एक लाख रुपयांचा ऐवज चोरट्यांनी लांबवला. चार मार्चला एकाच दिवशी शहरात रुईकर कॉलनी आणि आपटेनगर येथे तोतया पोलिसांनी दोन वृद्धांना लुबाडले. यात सुमारे चार लाखांचा ऐवज तोतया पोलिसांनी पळवला. गेल्या पाच महिन्यातील आठ घटनांमध्ये सुमारे नऊ लाखांचा ऐवज तोतया पोलिसांनी लंपास केला आहे. या घटनांमुळे नागरिकांची सुरक्षा धोक्यात आल्याचे स्पष्ट झाले आहे. मॉर्निंग वॉकला जाणारे वृद्ध किंवा संध्याकाळी फेरफटका मारण्यासाठी घराबाहेर पडलेल्या वृद्ध नागरिकांना हेरून तोतया पोलिस लुबाडणूक करीत आहेत. असे प्रकार सुरूच असल्याने खऱ्या पोलिसांच्या कार्यक्षमतेवर प्रश्नचिन्ह उपस्थित झाले आहे.

केवळ एक भामटा अटकेत

डिसेंबर महिन्यात पन्हाळा येथे कॉलेजच्या मुलांना अडवून त्यांच्याकडील रोख रक्कम आणि किमती घड्याळे काढून घेतलेल्या एका संशयितास अटक करण्यात आली आहे. संतोष बाळू पाटील (वय २८, मेहरे, ता. पन्हाळा) हा पन्हाळ्यातील एका महिला अधिकाऱ्याच्या कारचा चालक म्हणून काम करीत होता. तो पोलिस असल्याची बतावणी करून पर्यटकांसह तरुणांना लुबाडत होता. दमदाटी करून लुबाडलेले घड्याळ परत करण्यासाठी त्याने तरुणाला बोलवले आणि पोलिसांच्या जाळ्यात सापडला. अन्य घटनांमधील भामटे मात्र अद्याप पोलिसांच्या हाती लागलेले नाहीत.

काय घ्यावी दक्षता

वृद्धांनी अंगावर किमती दागिने घालून उघड्यावर फिरू नये

एकट्याने फिरण्याऐवजी तिघा-चौघांनी एकत्रित फिरावे

अनोळखी व्यक्तीवर विश्वास ठेवू नये

ओळखपत्राची विचारणा करावी

साध्या वेशातील संशयिताची उलट तपासणी घ्यावी

दागिने इतरांकडे देऊ नयेत

फसवणूक झाल्यास तातडीने जवळच्या पोलिस ठाण्यात संपर्क साधावा

पोलिस असल्याची बतावणी करून नागरिकांची फसवणूक करणाऱ्यांचा शोध सुरू आहे. चार महिन्यांपूर्वी राजारामपुरी पोलिस ठाण्याच्या हद्दीत अशा प्रकारचे गुन्हे करणाऱ्या संशयितास अटक केली होती. याशिवाय पन्हाळ्यातही एकावर कारवाई केली आहे. नागरिकांनी चटकण विश्वास ठेवून कोणाकडेही दागिने अथवा किमती वस्तू देऊ नयेत.

संजय मोहिते, पोलिस अधीक्षक

मोबाइल अॅप डाउनलोड करा आणि राहा अपडेट