कोल्हापूर खंडपीठावर शिक्कामोर्तब

February 14, 2018, 5:54 pm

≫ Next: सातारकरांचा आज महापालिकेवर मोर्चा

≪ Previous: सून आणि नातवांवर कोयत्याने हल्ला

$

0

0

तातडीने अंमलबजावणीसाठी खंडपीठ कृती समिती आशावादी

म. टा. प्रतिनिधी, कोल्हापूर

मुंबई हायकोर्टाचे खंडपीठ (सर्किट बेंच) कोल्हापुरातच होणार हे मुख्यमंत्री देवेंद्र फडणवीस यांनी बुधवारी मुंबईत झालेल्या बैठकीत स्पष्ट केले. याच बैठकीत त्यांनी हायकोर्टाच्या मुख्य न्यायमूर्तींना पत्र पाठविण्याचे आदेश विधी व न्याय विभागाच्या सचिवांना दिले, त्याचबरोबर खंडपीठासाठी १०० कोटी रुपयांची ठोक तरतूद करण्याचे आश्वासनही दिले. मुख्यमंत्र्यांच्या या सकारात्मक भूमिकेमुळे कोल्हापुरातील खंडपीठ दृष्टिक्षेपात आले आहे, अशी भावना खंडपीठ कृती समितीच्या पदाधिकाऱ्यांनी व्यक्त केली आहे.

कोल्हापूरसह आसपासच्या सहा जिल्ह्यांसाठी मुंबई हायकोर्टाचे खंडपीठ कोल्हापुरात सुरू व्हावे अशी मागणी गेल्या ३० वर्षांपासून सुरू आहे. यापूर्वी राज्य सरकारने घोषणा करूनही हायकोर्टाकडे निर्दोष पत्र न पाठविल्याने हा प्रश्न प्रलंबित राहिला आहे. याबाबत बुधवारी ज्येष्ठ नेते डॉ. एन. डी. पाटील यांच्या नेतृत्वाखाली खंडपीठ कृती समितीच्या शिष्टमंडळाने मुंबईत मुख्यमंत्र्यांसोबत चर्चा केली. या बैठकीत बोलताना मुख्यमंत्र्यांनी कोल्हापुरातील खंडपीठाची मागणी रास्त असल्याची कबुली दिली. यापूर्वी राज्य सरकारने केलेल्या ठरावात पुण्याचेही नाव घुसडले होते, त्यामुळे हायकोर्टाच्या मुख्य न्यायमूर्तींनी केवळ कोल्हापूरमध्येच खंडपीठ होऊ शकते, अशा पत्राची मागणी केली. केवळ कोल्हापुरात खंडपीठ सुरू करावे, असे नवीन पत्र राज्य सरकारने मुख्य न्यायमूर्तींना पाठवावे, असा आग्रह खंडपीठ कृती समितीने धरला होता, मात्र राज्य सरकारने आश्वासन देऊनही याला १० महिने उलटले. बुधवारी झालेल्या बैठकीत मात्र मुख्यमंत्र्यांनी स्वत:च कोल्हापुरातील मागणी रास्त असल्याची कबुली दिली. याबाबत राज्य सरकार सर्वतोपरी प्रयत्न करणार असल्याचेही त्यांनी स्पष्ट केले.

मुख्यमंत्र्यांनी बैठकीतूनच विधी व न्याय विभागाच्या सचिवांना फोन करून हायकोर्टाच्या मुख्य न्यायमूर्तींना पत्र पाठविण्याचे आदेश दिले. १०० कोटी रुपयांच्या तरतुदीसह जागेच्या आरक्षणासाठीही त्यांनी जिल्हाधिकाऱ्यांना पत्र पाठविण्याचे निर्देश दिले. कोल्हापुरातील खंडपीठ मागणीनंतर पुणे जिल्हा बार असोसिएशननेही खंडपीठाची मागणी केली होती. फडणवीस सरकारने राजकीय सोय लक्षात घेऊन ठरावात पुण्याचाही उल्लेख केला. मात्र, याच तांत्रिक अडचणीमुळे कोल्हापुरातील खंडपीठाच्या निर्णयाला खो बसला होता. अखेर मुख्यमंत्र्यांनीच कोल्हापुरातील मागणी सर्व निकषांवर रास्त असल्याचे स्पष्ट केल्याने खंडपीठ कृती समितीच्या शिष्टमंडळांनेही समाधान व्यक्त केले. मुख्यमंत्र्यांच्या सकारात्मक भूमिकेमुळे कोल्हापुरातील खंडपीठावर शिक्कामोर्तब झाल्याच्या प्रतिक्रिया व्यक्त केल्या जात आहेत. राज्य सरकारने याची तातडीने अंमलबजावणी करावी, यासाठी पालकमंत्री चंद्रकांत पाटील यांच्याकडे पाठपुरावा केला जाणार आहे, अशी माहिती खंडपीठ कृती समितीने दिली आहे.

कोल्हापुरातील खंडपीठासाठी सर्वतोपरी प्रयत्न करण्याची ग्वाही मुख्यमंत्र्यांनी बैठकीत दिली आहे. याशिवाय त्यांनी मुख्य न्यायमूर्तींना पत्र पाठविण्याची प्रक्रियाही सुरू केली. बैठकीत झालेल्या चर्चेबद्दल खंडपीठ कृती समिती समाधानी आहे. लवकरच आश्वासनांची पूर्तता होईल अशी अपेक्षा आहे.
- अॅड. प्रशांत शिंदे - खंडपीठ कृती समिती निमंत्रक

मोबाइल अॅप डाउनलोड करा आणि राहा अपडेट

---

सातारकरांचा आज महापालिकेवर मोर्चा

February 14, 2018, 7:13 pm

≫ Next: खरेदीच्या बहाण्याने किमती लॅपटॉप लंपास

≪ Previous: कोल्हापूर खंडपीठावर शिक्कामोर्तब

$

0

0

म. टा. प्रतिनिधी,सातारा

सातारा देवळाईतील नागरिकांकडून दारोदारी जाऊन कर वसुली केली जात आहे. पण, नागरिकांना सुविधा दिल्या जात नाहीत. त्यामुळे नागदरी सुविधांच्या मागणीसाठी सातारा व देवळाईमधील नागरिकांनी गुरुवारी सकाळी ११ वाजता महापालिकेवर मोर्चाचे आयोजन केले आहे. हा निर्णय संघर्ष समितीच्या रविवारी झालेल्या बैठकीत घेण्यात आला.

रेणुकामाता मंदिर ते अहल्यादेवी होळकर चौक रस्ता करावा, सातारा गावातील नागरिकांना नियमित पाणीपुरवठा करावा, पेशवेनगरमध्ये ड्रेनेजचे आउटलेट काढून द्यावे, पृथ्वीनगरमधे सांडपाणी निचरा होण्याची व्यवस्था करावी, रेणुकामाता मंदिर प्रवेशव्दाराजवळचा परिसर अपघातमुक्त करावा आदी मागण्यांसाठी हा मोर्चा काढण्यात येणार आहे. या बैठकीला संघर्ष समितीचे सोमिनाथ शिराणे, रमेश बहुले, दिनेश चव्हाण, आबासाहेब देशमुख, राहुल शिरसाट, छोटू पटेल, रमेश पेंढारे, हनुमंत कदम, संजय कुलकर्णी, विनोद शितोळे, क्षीतिज रोठे आदींची उपस्थिती होती. दरम्यान, मी नगरसेवक असले तरी सातारा गावची नागरिकही आहे. मुलभूत नागरी समस्यांचा सामाना इतर नागरिकांप्रमाणेच मलाही करावा लागत आहे. नागरिकांचे प्रश्न मांडणे हे माझे नगरसेवक म्हणून कर्तव्य आहे. त्यामुळे संघर्ष समितीने बोलावल्यास मोर्चात सामील होईल, असे नगरसेविका सायली जमादार यांनी सांगितले.

मोबाइल अॅप डाउनलोड करा आणि राहा अपडेट

खरेदीच्या बहाण्याने किमती लॅपटॉप लंपास

February 14, 2018, 8:30 pm

≫ Next: क्षुल्लक कारणावरून गेला जीव

≪ Previous: सातारकरांचा आज महापालिकेवर मोर्चा

$

0

0

म. टा. प्रतिनिधी, कोल्हापूर

खरेदीच्या बहाण्याने लॅपटॉप लंपास करण्याचा प्रकार मंगळवारी (ता. १३) शहरातील टेंबलाईनाका उड्डाणपुलाजवळ ओपल हॉटेलमध्ये घडला. याबाबत आप्पाज कॉम्प्लेक्समधील शॉपीचे मॅनेजर संदीप सुरेश पाटील (वय ३२, रा. मिरजे गल्ली, कळंबा) यांनी शाहूपुरी पोलिस ठाण्यात फिर्याद दाखल केली आहे. आशिष देशमुख या संशयितावर पोलिसांनी गुन्हा दाखल केला असून, त्याचा शोध घेण्याचे काम सुरू आहे. खरेदीच्या बहाण्याने मोठ्या हॉटेलमध्ये बोलवून किमती वस्तू लंपास करण्याच्या हा गेल्या सहा महिन्यात दुसरा प्रकार घडला आहे.

शाहूपुरी पोलिसांनी दिलेल्या माहितीनुसार, साइक्स एक्स्टेंशन परिसरातील अप्पाज कॉम्प्लेक्समध्ये लॅपटॉप विक्रीची शॉपी आहे. या शॉपीमध्ये संदीप पाटील हे सेल्स मॅनेजर पदावर काम करतात. मंगळवारी दुपारी शॉपी मालकाच्या मोबाइलवर कॉल आला. टेंबलाईनाका उड्डाणपुलाजवळच्या ओपल हॉटेलमध्ये थांबलेल्या आशिष देशमुख या व्यक्तीला तातडीने किमती लॅपटॉप पाहिजे. खरेदीनंतर रोख स्वरुपात लॅपटॉपची रक्कम दिली जाईल, असे सांगण्यात आले. यानुसार सेल्स मॅनेजर संदीप पाटील हे दुपारी साडेतीनच्या सुमारास एच. पी. कंपनीचा लॅपटॉप घेऊन हॉटेलमध्ये गेले. यावेळी बारमध्ये बसलेल्या देशमुख या व्यक्तीशी त्यांची भेट झाली. 'हॉटेलमध्ये कंपनीच्या अधिकाऱ्यांची मिटिंग सुरू आहे. मिटिंगमध्ये लॅपटॉप दाखवतो आणि तुमचे पैसे पोहोचवण्याची व्यवस्था करतो,'असे सांगून ती व्यक्ती वेटिंग रुमध्ये निघून गेली. पंधरा ते वीस मिनिटांनंतरही लॅपटॉप घेऊन गेलेली व्यक्ती बाहेर न आल्याने पाटील यांनी शोधाशोध सुरू केली. यानंतर त्यांनी शॉपी मालकाला फोन करून घटनेची माहिती दिली.

सेल्स मॅनेजर संदीप पाटील यांनी हॉटेलमध्ये मिटिंग सुरू आहे काय? याची काऊंटरवर चौकशी केली. मात्र, हॉटेलमध्ये कोणत्याच कंपनीच्या अधिकाऱ्यांची मिटिंग नसल्याची माहिती त्यांना मिळाली. याशिवाय आशिष देशमुख या नावाने हॉटेलमध्ये रुमही बुक केली नसल्याचे हॉटेल व्यवस्थापनाने सांगितले. खरेदीच्या बहाण्याने फसवणूक झाल्याचे लक्षात येताच पाटील यांनी शाहूपुरी पोलिस ठाण्यात जाऊन फिर्याद दाखल केली. पोलिसांनी आशिष देशमुख या संशयितावर कलम ४२० नुसार फसवणुकीचा गुन्हा दाखल केला आहे.

सीसीटीव्ही फुटेज पोलिसांच्या हाती

पोलिसांनी तपासासाठी हॉटेलमधील सीसीटीव्ही फुटेज मिळवले आहे. संशयित व्यक्ती साधारण ५० ते ५५ वयोगटातील आहे. त्याने स्वत:चे नाव आशिष देशमुख असे सांगितले, मात्र त्याने चुकीचे नाव सांगून दिशाभूल केली असल्याचा पोलिसांना संशय आहे. अंगात सूट, बूट, कोट, गोरा वर्ण, डोक्याचे केस काळे आणि दाढीचे केस काळे-पांढरे असे त्याचे वर्णन सेल्स मॅनेजर पाटील यांनी सांगितले. सीसीटीव्ही फुटेजवरून संशयिताचा शोध सुरू आहे.

सहा महिन्यातील दुसरा प्रकार

२ सप्टेंबरला शहरातील एका मोठ्या हॉटेलमध्ये दोन संशयितांनी खरेदीच्या बहाण्याने १५ लाख रुपये किमतीची घड्याळे लंपास केली होती. त्या चोरीचा सूत्रधार अनिल तुळशीराम जोशी (वय ३८, रा. वडोदरा, गुजरात, मूळ रा. मालाड वेस्ट, मुंबई) याला स्थानिक गुन्हे अन्वेषण शाखेने दोन महिन्यांनी अटक केली होती. साडेपाच महिन्यांनी पुन्हा त्याच पद्धतीने चोरीचा प्रकार शहरात घडला आहे.

मोबाइल अॅप डाउनलोड करा आणि राहा अपडेट

क्षुल्लक कारणावरून गेला जीव

February 14, 2018, 8:30 pm

≫ Next: युवा सेनाध्यक्षावर खंडणीचा गुन्हा

≪ Previous: खरेदीच्या बहाण्याने किमती लॅपटॉप लंपास

$

0

0

म. टा. प्रतिनिधी, कोल्हापूर

सकाळी लवकर आंघोळीसाठी गरम पाणी न दिल्याच्या रागातून मल्हारपेठ (ता. पन्हाळा) येथे सासऱ्याने सुनेवर कोयत्याने हल्ला केला. आईला वाचवण्यासाठी आलेल्या चिरमुरड्या नातवंडांवरही आजोबाने कोयत्याने वार केले. उपचारादरम्यान शुभांगी रमेश सातपुते यांचा मृत्यू झाला, तर रमेश सातपुते यांनी वडील पांडुरंग दशरथ सातपुते आणि आई शांताबाई या दोघांवर पोलिस ठाण्यात गुन्हा दाखल केला. या घटनेने दोन चिमुरडी मुले पोरकी झाली. हल्लेखोर सासऱ्यास अटक झाली, तर शुभांगी यांचा हकनाक जीव गेला. किरकोळ वादाने संपूर्ण कुटुंबच उद्धवस्त झाल्याने बुधवारी दिवसभर याबाबत हळहळ व्यक्त केली जात होती.

पांडुरंग सातपुते यांचे मुंबईत चप्पल विक्रीचे दुकान होते. इतर नातेवाईकांसोबत त्यांनीही दुकान सुरू केले, मात्र व्यसनांमुळे दुकानात आर्थिक नुकसान झाले. दहा वर्षांपूर्वी मुंबईतील दुकान विकून ते गावाकडे मल्हारपेठला परत आले. त्यांची दोन्ही मुले विवाहित आहेत. ते पत्नीसह रमेश या मुलाकडे राहतात. रमेश हे होलसेल चप्पल खरेदी करून कोल्हापुरातील विक्रेत्यांना पुरवठा करतात. व्यवसायाच्या जोरावरच त्यांनी तीन वर्षांपूर्वी गावात तीनमजली घर बांधले. पत्नी शुभांगी, मुलगा मयुरेश, मुलगी कनिष्का आणि आई-वडील असे त्यांचे कुटुंब एकत्र राहत होते. जगराहटीनुसार त्यांच्याही घरात अधूनमधून सासू-सुनेचे वाद होत असे, मात्र या वदाने कधीच गंभीर रुप धारण केले नाही. गेल्या काही वर्षांपासून वडील पांडुरंग सातपुते यांचे दारुचे व्यसन वाढले. यातच मटक्याचा नाद लागला. व्यसनामुळे ते विक्षिप्तपणे वागत होते.

बुधवारी सकाळी नेहमीप्रमाणे घरात आवरण्याची लगबग सुरू होती. रमेश सातपुते हे कामानिमित्त शाहूवाडीला जाण्यासाठी घरातून बाहेर पडले. मुलांची शाळेत जाण्याची गडबड असल्याने आधी त्यांची आंघोळ उरकण्यासाठी शुभांगी या गरम पाणी काढून देत होत्या. याचवेळी सासरे पांडुरंग यांनीही आंघोळीसाठी गरम पाणी मागितले. यावेळी सून शुभांगी यांनी दुर्लक्ष केल्याचा राग आल्याने सासरा पांडुरंग यांनी शिवीगाळ सुरू केली. रागाच्या भरात त्याने घरातील धारदार कोयत्याने घराच्या दुसऱ्या मजल्यावरील सूनेवर हल्ला चढवला. आरडाओरडा ऐकूण मुलंही दुसऱ्या मजल्यावर पळत गेली. अंगात सैतान संचारलेल्या आजोबाने चिमुरड्या नातवंडांवरही कोयत्याने वार केले. शेजारचे लोक जमा झाल्यावर तो घरातून बाहेर पडला. त्याने सूनेचे दोन्ही हात तोडले. अंगावर २७ वार झाल्याने सून शुभांगी गंभीर जखमी झाल्या होत्या. गावातील सरपंच सीताराम सातपुते यांनी १०८ रुग्णवाहिकेतून जखमींना सीपीआरमध्ये दाखल केले. प्राथमिक उपचार केल्यानंतर गंभीर जखमी शुभांगी यांना राजारामपुरीतील खासगी रुग्णालयात दाखल केले. उपचारादरम्यान दुपारी त्यांचा मृत्यू झाल्याचे डॉक्टरांनी स्ष्ट केले. यानंतर रमेश सातपुते यांनी वडील पांडुरंग आणि आई शांताबाई यांच्याविरोधात कळे पोलिस ठाण्यात फिर्याद दाखल केली.

पोलिसांनी हल्लेखोर सासरा पांडुरंग सातपुते याला अटक केली. या घटनेने संपूर्ण सातपुते कुटुंब उद्ध्वस्त झाले. क्षुल्लक वादातून शुभांगी यांचा जीव गेल्याने दोन्ही मुलं पोरकी बनली. सासऱ्यास अटक झाली, तर सासूवरही गुन्हा दाखल झाला. पूर्ण कुटुंबच उद्धवस्त झाल्याने रमेश सातपुते यांना प्रचंड धक्का बसला. त्यांनी रुग्णालयातच हंबरडा फोडला.

आई-वडिलांवरच गुन्हा दाखल करण्याची वेळ

रमेश सातपुते हे गावातील इतरांचे कौटुंबिक वाद सोडवण्यात नेहमीच पुढे असतात. बुधवारी स्वत:च्याच वडिलांनी सुनेवर कोयत्याने हल्ला केला. या घटनेत मुलंही जखमी झाली. घरातील किरकोळ वादाने पत्नीचा जीव गेला. दुर्दैव म्हणजे पत्नीच्या मृत्यूला कारणीभूत असलेल्या स्वत:च्या आई-वडिलांवरच गुन्हा दाखल करण्याची वेळ रमेश यांच्यावर आली. रमेश यांच्यावर ओढवलेली परिस्थिती पाहून मल्हारपेठेसह परिसरात हळहळ व्यक्त केली जात होती.

मोबाइल अॅप डाउनलोड करा आणि राहा अपडेट

युवा सेनाध्यक्षावर खंडणीचा गुन्हा

February 14, 2018, 8:30 pm

≫ Next: अकृषिक रुपांतरीत करा

≪ Previous: क्षुल्लक कारणावरून गेला जीव

$

0

0

म. टा. वृत्तसेवा, गडहिंग्लज

येथील शिवसेना युवा सेनेचा अध्यक्ष अवधूत आनंदराव पाटील (रा.संकेश्वर रोड, गडहिंग्लज) याच्याविरुद्ध गडहिंग्लज पोलिसात खंडणीचा गुन्हा दाखल झाला. जीवे मारण्याची धमकी देत ओम वीरेंद्र पटेल (वय १६) याच्याकडे दोन लाखांची मागणी केल्याची तक्रार वीरेंद्र हिरालाल पटेल यांनी पोलिसांत दिली आहे.

पोलिसांतून मिळालेल्या माहितीनुसार, पटेल यांचे दुकान असून ते दुकानात नसताना पाटील हा जुलै २०१६ ते ५ फेब्रुवारी २०१८ या काळात वेळोवेळी पटेल यांच्या दुकानातून जबरदस्तीने दुकानातील साहित्य घेऊन जात होता. यामध्ये दोन आयफोन, होम थिएटर, १७ एमएमचे लांबीरुंदीचे १७ पीस व १५ बुकलाइट सीट व रोख वीस हजार रुपये असे एकूण मुद्देमालासह सुमारे १ लाख ७३ हजार रुपयांचा माल जबरदस्तीने घेऊन गेला आहे. त्यानंतर ओमला शाळेतून बोलावून रस्त्यावर अडवून खंडणी स्वरूपात दोन लाख रुपयांची मागणी करीत होता. रक्कम न दिल्यास जीवे मारण्याची धमकी दिल्याची तक्रार वीरेंद्र पटेल यांनी पोलिसांत दिली आहे. पोलीस निरीक्षक विपिन हसबनीस अधिक तपास करीत आहेत.

मोबाइल अॅप डाउनलोड करा आणि राहा अपडेट

अकृषिक रुपांतरीत करा

February 14, 2018, 8:30 pm

≫ Next: एमबीए प्रवेश परीक्षा अडकली गैरसोयीच्या वेळेत

≪ Previous: युवा सेनाध्यक्षावर खंडणीचा गुन्हा

$

0

0

म. टा. प्रतिनिधी, कोल्हापूर

'महसूल विभागाने शहरातील ४७ हजार मिळकतदारांना अकृषिक कराच्या पाचपट इतका रुपांतरीत कर व दंड अकारण्याच्या २० पट दंड वसुलीसाठी अन्यायकारक नोटिसा पाठवल्या आहेत. कर वसुलीच्या अन्यायी पद्धतीच्याविरोधात शिवसेना आंदोलन करणार आहे', अशी माहिती शहर प्रमुख दुर्गेस लिंग्रस यांनी पत्रकार परिषदेत दिली.

शहरातील नागरिक, व्यापारी, व्यावसायिक, कारखानदारांना रुपांतरीत कर भरण्याच्या नोटीसा पाठवल्या आहेत. महाराष्ट्र जमीन महसूल अधिनियम १९६६ कलम ४७ अ नुसार अकृषक कर हा राज्यात वसूल करण्याचा असताना महसूल विभाग युनिफॉर्म कोडचा भंग करुन हा कर फक्त कोल्हापूरवासियांना नोटिसा पाठवल्या आहेत. शहरातील अंदाजे ४७ हजार मिळकतरदारांना महसुली वसुलीच्या उद्देशाने रुपांतरीत कर भरण्याच्या चुकीच्या पद्धतीने नोटिसा पाठवल्या आहेत.

शहरप्रमुख लिंग्रस म्हणाले, 'नोटिसा काढताना प्रशासनाने चुका केल्या आहेत. शहरातील कोणत्याही मिळकतधारकांच्या प्रापर्टींचे खात्यामार्फत आजपर्यंत असेसमेंट प्रत्यक्षपणे करण्यात आले नाहीत. अकृषक कराचे दर वॉर्ड, निवासी, वाणिज्य, औद्योगिक व इतर वर्गीकरणांनुसार दराची अंमलबजावणी होण्याची गरज होती. पण तसे न करता सरसकट सहा रुपये आठ पैसे या दरानुसार दर लावून चूक केली आहे. शैक्षणिक, धर्मादाय, संस्थाना करातून सूट असताना नोटिसा पाठवल्या आहेत. शाहूपुरी, लक्ष्मीपुरी, राजारामपुरी, उद्यमनगर या ठिकाणी असलेल्या मिळकतदारांना राजाराम महाराजांनी सनद दिली आहे. या परिसराची व्यापारी व औद्योगीक वसाहत म्हणून ओळख असताना रुपांतरीत कराच्या नोटिसा देणे हे चुकीचे आहे. अकृषक दराच्या पाच पट रुपांतर कर त्यावर आकारला २० पट दंडाच्या नोटीसा चुकीच्या पद्धतीने काढलेल्या आहेत', असा आरोप शहर प्रमुख लिंग्रस यांनी केला.

चुकीच्या नोटिशींविरोधात शिवसेना आंदोलन करणार आहे. रुपांतरीत कराच्या नोटिशींची प्रत शिवसेनेच्या राजामपुरीतील शहर कार्यालयात जमा कराव्यात. या नोटिसी एकत्रित करुन जिल्हाधिकारी कार्यालयावर मोर्चा काढला जाईल, असे लिंग्रस म्हणाले.

पत्रकार परिषदेला शिवाजी जाधव, रवी चौगुले, राजू यादव, राजेंद्र पाटील, अवधूत साळोखे, माजी नगरसेवक दत्ता टिपुगडे, योगेश शिंदे आदि उपस्थित होते.

मोबाइल अॅप डाउनलोड करा आणि राहा अपडेट

एमबीए प्रवेश परीक्षा अडकली गैरसोयीच्या वेळेत

February 14, 2018, 8:30 pm

≫ Next: पेठांना गोवण्याचा गद्दारांचा प्रयत्न

≪ Previous: अकृषिक रुपांतरीत करा

$

0

0

म. टा. प्रतिनिधी, कोल्हापूर

पदवीचा अभ्यास करायचा की एमबीएच्या प्रवेशपरीक्षेचा अर्ज भरण्याची अंतिम मुदत साधायची असा प्रश्न सध्या पदवी किंवा पदव्युत्तर परीक्षेनंतर एमबीए या व्यावसायिक अभ्यासक्रमाची पदवी घेण्याकडे कल असलेल्या विद्यार्थ्यांना पडला आहे. एमबीए या अभ्यासक्रमासाठी सन २०१८ या शैक्षणिक वर्षात प्रवेश घेण्यासाठी ऑनलाइन अर्ज भरण्याची अंतिम मुदत १४ फेब्रुवारीपर्यंत आहे. यंदा एकच प्रवेश परीक्षा असल्याने या परीक्षेस मुकणाऱ्या विद्यार्थ्यांना एमबीएसाठी पुढील वर्षापर्यंत प्रतीक्षा करावी लागेल. दरम्यान एमबीए प्रवेश परीक्षा १० व ११ मार्च रोजी प्रवेश परीक्षा होणार आहे. मात्र, सध्या पदवी व पदव्युत्तर शिक्षण घेणारे विद्यार्थी सध्या परीक्षेत व्यस्त असल्यामुळे ही प्रवेशपरीक्षेची प्रक्रिया गैरसोयीच्या वेळेत अडकली आहे.

एमबीए प्रवेशपरीक्षा मे महिन्यात घ्याव्यात, अशी मागणी सरकारच्या शिक्षण मंत्रालयाकडे शिवाजी विद्यापीठ मॅनेजमेंट असोसिएशन संघटनेच्यावतीने गेल्या दहा वर्षापासून सुरू आहे. मात्र याची दखल सरकारतर्फे घेतली जात नसल्याचे संघटनेच्या पदाधिकाऱ्यांची तक्रार आहे. सध्या अनेक कॉलेजमधील एमबीएच्या जागा रिक्त राहण्यात मार्चमध्ये घेण्यात येणारी प्रवेश परीक्षा कारण ठरत असल्याचेही स्पष्ट होत आहे.

कोल्हापूरसह सांगली व सातारा येथे शिवाजी विद्यापीठाच्या अखत्यारीत एमबीएसाठी एक हजार जागा आहेत. तर राज्यात ही क्षमता ६० हजार इतकी आहे. एमबीए पदवी असलेल्या विद्यार्थ्यांना विविध क्षेत्रांत मोठी संधी आहे. यासाठी घेण्यात येणारी प्रवेशपरीक्षा मार्चमध्ये घेतली जाते. त्यासाठी ऑनलाइन प्रवेश अर्ज फेब्रुवारीमध्येच भरण्याची प्रक्रिया सुरू होते. ही माहिती ग्रामीण भागासह शहरात पदवी व पदव्युत्तर शिक्षण घेणाऱ्या अनेक विद्यार्थ्यांपर्यंत वेळेत न पोहोचल्याने अनेक मुले ही परीक्षा देऊ शकत नाहीत. तसेच सरकारतर्फे ही परीक्षा राबवण्यात येणार असून त्यासाठीच्या शिष्यवृत्तीसाठी व अनुदान योजनांसाठीही ही परीक्षा देणारे विद्यार्थीच पात्र ठरवले जाणार आहेत. परंतु या परीक्षेची वेळ विद्यार्थ्यांसाठी असुविधेची असून त्यासाठी मुदतवाढ द्यावी अशी मागणी गेल्या अनेक वर्षापासून करण्यात आली आहे.

सध्या कॉलेजमध्ये वािर्षक परीक्षेच्या अभ्यासात विद्यार्थी व्यस्त आहेत. अशावेळी एमबीएसाठी ऑनलाइन अर्ज करण्यास विलंब झाल्यास त्यांचे शैक्षणिक नुकसान होण्याची शक्यता आहे. इतर अभ्यासक्रम व कोर्समध्ये सरकारने तुलनेने एमबीए प्रवेश परीक्षेसाठी २५ दिवसांचा कालावधी दिला आहे. जिल्ह्यातील मॅनेजमेंट शिक्षण संस्थांमध्ये प्रवेश अर्ज भरण्याची सुविधा मोफत देण्यात आली आहे. मात्र एकीकडे पदवीचा अभ्यास तर दुसरीकडे प्रवेशपरीक्षेचा अर्ज भरण्यासाठी ऑनलाइन प्रक्रीयेची धावपळ अशा कात्रीत सध्या पदवीचे विद्यार्थी सापडले आहेत.

मोबाइल अॅप डाउनलोड करा आणि राहा अपडेट

पेठांना गोवण्याचा गद्दारांचा प्रयत्न

February 14, 2018, 8:30 pm

≫ Next: लाच घेताना महिला पोलिस जाळ्यात

≪ Previous: एमबीए प्रवेश परीक्षा अडकली गैरसोयीच्या वेळेत

$

0

0

म. टा. प्रतिनिधी, कोल्हापूर

कोल्हापूरच्या राजकारणाला काळीमा फासण्याचे काम करणाऱ्या अफजल पिरजादे व अजिंक्य चव्हाण यांच्या दुष्ट प्रवृत्तींविरोधात आंदोलन केले जात आहे. राजकारणाचा दुरुपयोग करुन या गद्दार नगरसेवकांनी आपापल्या पेठांना या प्रकरणात नाहक गोवण्याचा प्रयत्न केला आहे. या नगरसेवकांच्या भावनिक आवाहनाला पेठवासीयांनी बळी पडू नये, असे आवाहन करतानाच गद्दारांचा नगरसेवकपदाचा राजीनामा घेऊनच ही लढाई थांबेल, असा इशारा राष्ट्रवादी काँग्रेसच्यावतीने पत्रकाद्वारे दिला आहे. तर आपल्या पक्षाशी, संघटनांशी, विचारांशी प्रामाणिक राहण्याची शिवाजी पेठेची परंपरा आहे. त्यामुळे त्यांनी वैयक्तिक राजकारण आणू नये व राजीनामा देऊन नगरसेवकपदाचा राजीनामा द्यावा, असे आव्हान शिवाजी पेठेतील माजी नगरसेवकांनी दिले आहे.

आमदार हसन मुश्रीफ यांनी या दोन्ही नगरसेवकांना निवडून आणले, फंड दिला. पण त्याचा दोघांनाही विसर पडला असल्याने त्यांच्याविरोधात आंदोलन करत असल्याचे पत्रक राष्ट्रवादीने प्रसिद्धीस दिले आहे. शहरातील पेठांबाबत अभिमान असून या पेठांमधून अनेक दिग्गज विचारवंत, कार्यकर्ते निर्माण झाले आहेत. त्यामध्ये पी. बी. साळोखे, माजी आमदार त्र्यं. सी. कारखानीस, माजी मंत्री श्रीपतराव बोंद्रे, सुरेश साळोखे, माजी महापौर भिकशेठ पाटील, सखारामबापू खराडे, दिनकरराव पाटील,प्रल्हाद चव्हाण, विष्णूपंत इंगवले, रामभाऊ चव्हाण, माजी खासदार उदयसिंगराव गायकवाड, माजी आमदार संजय गायकवाड, माजी महापौर शामराव शिंदे, अॅड. महादेवराव आडगुळे यांचा समावेश आहे. या स्वाभिमानी व्यक्तींनी राजकारणात घोडेबाजाराला कधीच स्थान दिले नाही. पक्ष, संघटनांशी प्रतारणा केली नाही. आमचे आंदोलन केवळ गद्दार प्रवृत्तींविरोधातील असून पेठवासियांनी अशा नगरसेवकांच्या भावनिक आवाहनाला बळी पडू नये. या नगरसेवकांच्या राजीनाम्याशिवाय ही लढाई थांबणार नाही,' असे पत्रक आर. के. पोवार, राष्ट्रवादीचे शहर अध्यक्ष राजू लाटकर, उपमहापौर सुनील पाटील, आदिल फरास, अनिल कदम, उत्तम कोराणे, अमोल माने यांच्यावतीने प्रसिद्धीस दिले आहे.

अजिंक्य चव्हाण यांनी केलेली कृती पक्षविरोधी आहे. शिवाजी पेठेच्या परंपरेला अशोभनीय असल्याची खंत माजी महापौर सुनीता राऊत, माजी नगरसेवक अजित राऊत, उत्तम कोराणे, परिवहन सदस्य चंद्रकांत सूर्यवंशी, सम्राट कोराणे यांनी पत्रकाद्वारे व्यक्त केली आहे. चव्हाण यांना मानाचे पद देण्याकरिता आमदार मुश्रीफ यांच्याकडून लेखी शब्द घेतला होता. तो पुर्ण करण्यात येणार होता. चंद्रकांत सूर्यवंशी यांना परिवहन समितीवर घेण्याचा शब्दही नेत्यांनी पाळला होता. चव्हाण यांनी दोन वर्षे स्थायी सदस्य, शिक्षण मंडळ सभापती राहिले. पण त्यांचे कृत्य आम्हाला अपमानास्पद आहे. रविकिरण इंगवले यांनी पैशासाठी मत विकणाऱ्या प्रवृत्तींचा निषेध करण्याची गरज होती. पेठेत विविध विचारांच्या सामाजिक संघटनांचे कार्यकर्ते, नेते आहेत. वैचारिक मतभेद असले तरी नातेवाईक, मित्र असूनही पक्षाच्या, संघटनेच्या विचारांशी प्रामाणिक राहिला आहे. त्यामुळे चव्हाण यांनी वैयक्तिक राजकारण न आणता नगरसेवकपदाचा राजीनामा देऊन त्या पदाचा सन्मान वाढवावा,' असे पत्रकातून आवाहन केले आहे.

आयुक्तांकडे पत्र

स्थायीच्या निवडणुकीतील वृत्तांताची कागदपत्रे, सीडी, छायाचित्रे मिळवण्यासाठी राष्ट्रवादीचे गटनेते सुनील पाटील यांनी आयुक्तांना पत्र दिले आहे. दोन दिवसात त्याबाबतची सर्व कागदपत्रे ताब्यात येतील, त्यानुसार विभागीय आयुक्तांकडे या दोन नगरसेवकांचे पद रद्द करण्याबाबतचा प्रस्ताव पाठवण्यात येणार असल्याचे आर. के. पोवार यांनी सांगितले. आमदार हसन मुश्रीफ यांच्यावर केलेल्या टिकेमुळे या दोन्ही नगरसेवकांचे पद रद्द करण्यासाठी पक्षाच्यावतीने जोरदार प्रयत्न करण्यात येणार असल्याचेही सांगितले.

मोबाइल अॅप डाउनलोड करा आणि राहा अपडेट

---

लाच घेताना महिला पोलिस जाळ्यात

February 14, 2018, 8:30 pm

≫ Next: अभ्यास दौऱ्यावरून नगरसेवक कात्रीत

≪ Previous: पेठांना गोवण्याचा गद्दारांचा प्रयत्न

$

0

0

म. टा. वृत्तसेवा, चंदगड

पासपोर्टच्या पोलिस व्हेरीफिकेशनसाठी तीनशे रुपयांची लाच स्वीकारताना चंदगड पोलिस ठाण्यातील महिला पोलिस शिपाई दीपाली खडके (बकल नंबर ९६९) हिला लाचलुचपत प्रतिबंधक विभागाच्या पथकाने रंगेहाथ पकडले. बुधवारी दुपारी दोन वाजता ही घटना घडली.

याबाबत अधिक माहिती अशी, तक्रारदाराने परदेशात पर्यटनास जाण्यासाठी ऑनलाईन पासपोर्टसाठी अर्ज केला होता. चारित्र्य पडताळणीसाठी लागणारी कागदपत्रे पूर्तता करुन ती चंदगड पोलिस ठाण्यातील संबधित दप्तरचे काम करणाऱ्या महिला पोलिस शिपाई दीपाली खडके यांना दिली होती. खडके यांनी तक्रारदाशी मोबाइलवर संपर्क करुन त्याला पोलिस ठाण्यात बोलावून घेतले. या कामासाठी तिने ३०० रुपये लाचेची मागणी केली. त्यांनतर तक्रारदाराने कोल्हापूर लाचलुचपत प्रतिबंधक पथक विभागाकडे तक्रार नोंदवली. त्यानुसार या पथकाने बुधवारी दुपारी दोन वाजता सरकारी पंच साक्षीदारांच्या समवेत दप्तर रुममध्ये पडताळणी केली. यावेळी महिला पोलिस शिपाई दिपाली खडके हिने तक्रारदाराकडे ३०० रुपयांची लाच मागत असल्याचे निष्पन झाले.आपल्यावर लाचलुचपत प्रतिबंधक विभागाची कारवाई झाल्याचे समजताच खडके हिने ३०० रुपयांच्या नोटा तोंडात टाकून गिळण्याचा प्रयत्न केला. पथकाच्या कारवाईदरम्यान पंचांसमक्ष तोंडातील नोटा अर्धवट चावून थुंकून टाकत असता त्या हस्तगत करुन तिच्यावर गुन्हा नोंद करण्यात आला.

मोबाइल अॅप डाउनलोड करा आणि राहा अपडेट

अभ्यास दौऱ्यावरून नगरसेवक कात्रीत

February 14, 2018, 8:30 pm

≫ Next: इचलकरंजीत काँग्रेसतर्फे भागवत यांचा निषेध

≪ Previous: लाच घेताना महिला पोलिस जाळ्यात

$

0

0

Appasaheb.mali@timesgroup.com

Tweet@Appasaheb_MT

कोल्हापूर : महापालिकेत सत्ताधारी काँग्रेस-राष्ट्रवादी काँग्रेस आणि विरोधी भारतीय जनता पक्ष-ताराराणी आघाडीतील टोकाचे मतभेद आधीपासूनच आहेत. दोन दिवसांपूर्वीच्या स्थायी समिती सभापतिपदाच्या निवडणुकीत या आघाड्यांतील संघर्ष विकोपाला पोहचला. एकीकडे वर्चस्वाद आणि कुरघोडीचे राजकारण वेगावले असताना दुसरीकडे या नगरसेवकांना मार्च महिन्यात दिल्ली दर्शन सहलीचा प्रस्ताव खासदार धनंजय महाडिक यांनी ठेवला आहे. राष्ट्रवादी काँग्रेसचे खासदार महाडिक यांनी १० ते २० मार्च या कालावधीत नगरसेवकांसाठी चार दिवसांचा अभ्यास दौऱ्याचा प्रस्ताव दिला आहे. सध्याच्या महापालिकेतील राजकीय घडामोडी आणि नेत्यांमधील वैरत्वामुळे अभ्यास दौऱ्यावरुन निम्मेहून अधिक नगरसेवक राजकीय कात्रीत सापडले आहेत. मुश्रीफ आणि खासदारांमधील मतभेदामुळे राष्ट्रवादीचे सदस्य दौऱ्यात सामील होण्यावरुन दोलायमान स्थितीत आहेत. काँग्रेसच्या नगरसेवकांनी तर नेत्यांना दुखावयाला नको म्हणून तोंडावर बोट ठेवले आहे. दुसरीकडे भाजप, ताराराणी आघाडीकडून अभ्यास दौऱ्यासाठी नावनोंदणी सुरू आहे.

खासदार महाडिक यांनी गेल्या आठवड्यात आयुक्त अभिजित चौधरी यांच्याशी याबाबत फोनवरुन चर्चा केली. महापालिकेच्या नगरसेवकांसाठी हा अभ्यास दौरा असून त्यासाठी इच्छुकांची नावे संपर्क कार्यालयाला कळविण्याबाबत पत्र दिले आहे. महापालिकेत काँग्रेस-राष्ट्रवादी काँग्रेस, भाजप-ताराराणी आघाडी आणि शिवसेनेचे निवडून आलेले ८१ आणि स्वीकृत नगरसेवक पाच मिळून एकूण ८६ नगरसेवक आहेत. दोन्ही काँग्रेस आणि शिवसेना एकत्र आहे. भाजप-ताराराणी आघाडी विरोधी बाकावर आहे. स्थायी सभापतिपदाच्या निवडणुकीत 'भाजप-ताराराणी' आघाडीने 'चमत्कार' केला. आणि सत्ता हस्तगत केली.

महापालिकेत दोन्ही काँग्रेसचे नेतृत्व आमदार हसन मुश्रीफ व सतेज पाटील करतात. तर जिल्ह्याच्या राजकारणात मुश्रीफ, पाटील विरुध्द खासदार धनंजय महाडिक असे चित्र आहे. राष्ट्रवादी पक्षाध्यक्ष शरद पवार यांच्या कोल्हापूर दौऱ्यात मुश्रीफ - महाडिक यांच्यातील मतभेदाचे दर्शन घडले. पवार यांच्या खासदार महाडिक यांच्या निवास्थानी दिलेल्या सदिच्छा भेटीवेळी खासदारांसोबत राष्ट्रवादी काँग्रेस पक्षाचे नव्हे तर भाजप-ताराराणी आघाडीचे नगरसेवक उपस्थित होते.

या साऱ्या पार्श्वभूमीवर खासदार महाडिक यांनी दिल्ली अभ्यास दौरा आयोजित केल्याने त्याची चर्चा नगरसेवकांत रंगली आहे. येत्या काही दिवसांत सर्वच पक्षांच्या नगरसेवकांना प्रशासनाकडून खासदारांच्या अभ्यास दौऱ्यासंदर्भात पत्रे पोहचणार आहेत. चार दिवसांच्या अभ्यास दौऱ्यात संसदेचे कामकाज, संसद भवन, राष्ट्रपती भवनाला भेट असे कार्यक्रम प्रस्तावित आहेत. महापालिकेशी संबंधित कामासंदर्भात केंद्रीय मंत्री, अधिकाऱ्यांसोबत संवादाचेही नियोजन आहे.

नेत्यांच्या भांडणात नगरसेवकांची फरफट

खासदार महाडिक यांनी यापूर्वी डिसेंबर २०१४ मध्ये नगरसेवकांना दिल्ली दौऱ्यावर नेले होते. त्या दौऱ्यात राष्ट्रवादीचे बहुसंख्य नगरसेवक सहभागी झाले होते. शिवाय काँग्रेसमधील महाडिक गटाला मानणाऱ्या नगरसेवकांनी दौऱ्यात सहभाग घेतला होता. चार वर्षानंतर महाडिकांनी पुन्हा एकदा महापालिका नगरसेवकांना दिल्ली दर्शन घडविणार आहेत. पुढील महिन्यातील दौरा केवळ नगरसेवक, नगरसेविकांसाठी आहे. मुंबई ते दिल्ली असा विमान प्रवास यात असेल. सद्यस्थितीत भाजप-ताराराणी आघाडीचे नगरसेवक सहभागी होणार आहेत. तर राष्ट्रवादीच्या नगरसेवकांची तयारी सुरू असल्याचे कळते. काँग्रेसमधील नगरसेवक मात्र उघडपणे बोलायला तयार नाहीत. नेत्यांच्या भांडणात नगरसेवकांचे नुकसान होत असल्याची भावना दोन्ही काँग्रेसच्या काही नगरसेवकांनी नाव न छापण्याच्या अटीवर व्यक्त केली. लोकसभा निवडणुकीला अजून एक वर्ष उरले असताना अशा दौऱ्यातून आतापासूनच त्याची मोर्चेबांधणी सुरू झाल्याचीही चर्चा आहे.

मोबाइल अॅप डाउनलोड करा आणि राहा अपडेट

इचलकरंजीत काँग्रेसतर्फे भागवत यांचा निषेध

February 15, 2018, 8:30 pm

≫ Next: प्रभागातील विकासकामे जाणीवपूर्वक अडवल्याची तक्रार

≪ Previous: अभ्यास दौऱ्यावरून नगरसेवक कात्रीत

$

0

0

म. टा. वृत्तसेवा, इचलकरंजी

भारतीय सैनिकांबद्दल अवमानकारक वक्तव्य केल्याबद्दल इचलकरंजी शहर काँग्रेस कमिटीच्यावतीने राष्ट्रीय स्वयंसेवक संघाचे मोहन भागवत यांचा निषेध नोंदवत कॉ. मलाबादे चौकात जोरदार निदर्शने करण्यात आली. त्याचबरोबर भागवत यांनी देशाची व सैनिकांची माफी मागावी अशी मागणी करत संघ, भाजप यांची चालबाजी आणि नेत्यांच्या बेतालपणाबद्दल जोरदार हल्लाबोल केला.

मुझफ्फरनगर येथे संघाच्या शिबिरामध्ये भागवत यांनी देश संकटात सापडला तर जेथे लष्कराला सैन्य तयार ठेवण्यासाठी सात-आठ महिने लागतात, तेथे आरएसएसचे स्वयंसेवक तीन दिवसांत प्रशिक्षण घेऊन देशसेवेसाठी सीमेवर लढू शकतील, असे वादग्रस्त वक्तव्य केले होते. या वक्तव्याच्या निषेधार्थ शहर काँग्रेस कमिटीचे उपाध्यक्ष विलास गाताडे यांच्या नेतृत्त्वाखालील सर्व पदाधिकारी व कार्यकर्ते कॉ. मलाबादे चौकात एकत्र आले. याठिकाणी भागवत यांच्यावर टीकेची झोड उठवत निषेध केला.

जिल्हा काँग्रेस प्रतिनिधी अहमद मुजावर, नगरसेवक शशांक बावचकर, कामगार नेते शामराव कुलकर्णी यांनी भागवत यांचा वादग्रस्त वक्त्यव्याबद्दल खरपूस समाचार घेतला. त्यांनी, जर भागवत यांना त्यांच्या लढाऊ स्वयंसेवकांवर इतका विश्वास आहे तर त्यांच्या सुरक्षेसाठी विशेष कमांडोंवर सरकारचा पैसा कशासाठी खर्च केला जात आहे. ज्या वेळेला लष्कराला विविध प्रकारच्या आव्हानांना सामोरे जावे लागत आहे, त्याचवेळी भागवत यांनी केलेले हे वक्तव्य सुरक्षा दलांचे मनोधैर्य खच्ची करणारे आहे. देशाच्या सीमेवर प्राणपणाने लढणा-या सैनिकांच्या कार्यक्षमतेवर टीका करून त्यांनी भारतीयांचा अवमान केला आहे. त्यासाठी त्यांनी सैनिक व देशवासीयांची जाहीर माफी मागावी, अशी मागणी करतानाच भारतीय सुरक्षा दलाबद्दल असे वक्तव्य करणा-या भागवत यांना मानसिक उपचारांची गरज असल्याचा टोला लगावला.

आंदोलनात पै. अमृत भोसले, रामदास कोळी, राजू बोंद्रे, तौफिक मुजावर, महावीर कुरुंदवाडे, सुभाष जाधव, राजाराम बोंगार्डे, किरण कटके, बंडोपंत लाड, अरुण निंबाळकर, आनंदा कोरे, नरसिंह पारीक, दत्तात्रय कनोजे, सुरेश कोल्हापुरे, बाळासाहेब जाधव, आदींसह कार्यकारिणी पदाधिकारी, विविध संस्थांचे पदाधिकारी व कार्यकर्ते उपस्थित होते.

मोबाइल अॅप डाउनलोड करा आणि राहा अपडेट

प्रभागातील विकासकामे जाणीवपूर्वक अडवल्याची तक्रार

February 15, 2018, 8:30 pm

≫ Next: धमक असेल तर राजीनामा द्या

≪ Previous: इचलकरंजीत काँग्रेसतर्फे भागवत यांचा निषेध

$

0

0

म. टा. प्रतिनिधी, कोल्हापूर

दोन वर्षापासून अत्यावश्यक काम असूनही कसबा बावड्यातील पाटील गल्लीसह अन्य चार गल्ल्यांमधील कामे होत नाही. या ठिकाणी कामे होत नसेल तर अन्य भागातही अॅडव्हान्स कामे करू नयेत. तसेच शहर अभियंता नेत्रदीप सरनोबत यांच्या कामकाजाची चौकशी करावी, अशी मागणी काँग्रेसचे ज्येष्ठ नगरसेवक अशोक जाधव यांनी बुधवारी आयुक्त अभिजित चौधरी यांच्याकडे केली आहे.

शाहू जन्मभूमीसंबंधित असलेल्या लक्ष्मीविलास पॅलेस या प्रभागात पाण्याच्या टाकीसह इतर गल्लीत रस्ते, गटारीची कामे मुद्दाम केली जात नसल्याची तक्रार जाधव यांनी आयुक्तांकडे केली आहे. शाहूंच्या जन्मभूमीतील विकासकामे करण्याकडे मुद्दाम दुर्लक्ष केले जात असल्याचा आरोपही त्यांनी केला आहे. प्रलंबित कामांबाबत आयुक्तांची या प्रभागात पाहणीही झाली आहे. पण, त्यानंतर काही फरक पडलेला नाही. या प्रभागात जर अॅडव्हान्स काम केले जात नसेल तर इतर भागातही या पद्धतीने काम केले असल्यास त्याचे बिल अदा करण्यात येऊ नये. सर्व प्रभागांना समान नियम व समान कायदा असावा. शहर अभियंता सरनोबत यांच्या कामाबाबत हरकतही नोंदवली आहे. चुकीच्या पद्धतीने काम केले असल्यास कठोर कारवाई करण्यात यावी, अशी मागणीही जाधव यांनी केली आहे.

मोबाइल अॅप डाउनलोड करा आणि राहा अपडेट

धमक असेल तर राजीनामा द्या

February 15, 2018, 8:30 pm

≫ Next: मित्राचा खून करणाऱ्यास जन्मठेप

≪ Previous: प्रभागातील विकासकामे जाणीवपूर्वक अडवल्याची तक्रार

$

0

0

म. टा. प्रतिनिधी, कोल्हापूर

स्थायी समिती सभापतिपदाच्या निवडणुकीत फुटलेल्या अजिंक्य चव्हाणांचा धिक्कार करत 'मुर्दाबाद', 'चले जाव'च्या घोषणा देत राष्ट्रवादी काँग्रेसच्या कार्यकर्त्यांनी गुरुवारी शिवाजी पेठ दणाणून सोडली. चव्हाणांच्या नावाने शंखध्वनीही करण्यात आला. यावेळी 'दीड कोटी आयुष्यभर पुरणार असतील तर अजिंक्य चव्हाण यांनी शिवाजी पेठेत राहूच नये. अशा गद्दाराने राजीनामा द्यावा व निवडणूक लढवून शंभर मते घेऊन दाखवावीत.' असे आव्हान कार्यकर्त्यांनी दिले. तर 'शंभर मते मिळाली तर राऊत व कोराणे कुटुंब शिवाजी पेठ सोडून निघून जातील,' अशा कडवट शब्दात माजी नगरसेवक अजित राऊत व उत्तम कोराणे यांनी टीका केली. दरम्यान, अजिंक्य चव्हाण यांच्याबाजूने जमलेले महापालिकेतील भाजपचे पदाधिकारी व नगरसेवक शिवाजी पेठेत आल्याने काही काळ तणाव निर्माण झाला.

फुटीर नगरसेवक अफजल पिरजादे यांच्या घरावर मोर्चा काढल्यानंतर गुरुवारी राष्ट्रवादी काँग्रेसच्यावतीने शिवाजी पेठेत अजिंक्य चव्हाण यांच्या घरावर मोर्चा काढण्याचे ठरवले होते. त्यानुसार उभा मारुती चौकात सकाळी दहापासून कार्यकर्ते जमले होते. राष्ट्रवादीचे झेंडे व मफलरमुळे चौकात वातावरण तयार झाले होते. पोलिसांनी कडेकोट बंदोबस्त ठेवला होता. आर. के. पोवार, उपमहापौर सुनील पाटील, शहर अध्यक्ष राजू लाटकर, माजी नगरसेवक अजित राऊत, उत्तम कोराणे, आदिल फरास यांच्या नेतृत्वाखाली मोर्चाला सुरुवात झाली. यामध्ये शिवाजी पेठेतील महिलाही मोठ्या संख्येने सहभागी झाल्या होत्या. 'गली गली मे शोर है, अजिंक्य चव्हाण चोर है', 'पैशासाठी मत विकणाऱ्या अजिंक्य चव्हाण यांचा धिक्कार असो', 'अजिंक्य चव्हाण मुर्दाबाद', 'चले जाव, चले जाव अजिंक्य चव्हाण चले जाव','नही चलेगी, नही चलेगी दादागिरी नही चलेगी', 'दम असेल तर राजीनामा द्या', 'पक्षाची फसवणूक करणाऱ्या चव्हाणांचा धिक्कार असो' अशा घोषणा देत मोर्चा चव्हाण यांच्या घराकडे जात होता. त्यावेळी बुवा चौकात पोलिसांनी मोर्चा अडवला. त्यामुळे कार्यकर्त्यांनी तिथेच ठिय्या मारला.

माजी नगरसेवक अजित राऊत यांनी भाषणात जोरदार टीका केली. ते म्हणाले, 'अजिंक्य चव्हाण यांनी शिवाजी पेठेला बदनाम केले आहे. पैसे खाऊन मत बदलणाऱ्या या नगरसेवकाचा तीव्र निषेध करतो. नगरसेवक करुन त्याला दिशा देण्याचा प्रयत्न केला. मोठ्यांच्या मतांचा आदर करणारे आम्ही आहोत. त्यामुळे त्याला ८०० मताधिक्याने निवडून आणले. पण त्याने आमची लायकी रस्त्यावर काढली. दीड कोटी रुपये जर त्याला आयुष्यभर पुरणार असतील तर त्याने शिवाजी पेठ सोडून अन्यत्र रहायला जावे. आमची धमक निवडणुकीत दाखवून देऊ. त्याने पुन्हा निवडून येऊन दाखवावे, राऊत व कोराणे कुटुंब शिवाजी पेठेतील घर सोडून निघून जातो.' माजी नगरसेवक उत्तम कोराणे यांनीही अजिंक्य चव्हाण यांना गद्दार म्हणत कडवी टीका केली. ते म्हणाले,'रामभाऊ चव्हाण असते तर हे घडलेच नसते. त्यांनी अजिंक्य चव्हाण याच्यासाठी अश्रू काढले. याची तरी त्याला किमान लाज वाटायला हवी. शिवाजी पेठेत त्याला कोण ओळखते. अशा गद्दाराने प्रथम राजीनामा द्यावा व निवडणूक लढवून शंभर मते मिळवून दाखवावीत.'

आर. के. पोवार म्हणाले, 'हा मोर्चा शिवाजी पेठेच्या विरोधात नसून अजिंक्य चव्हाण या प्रवृत्तीविरोधात आहे. पेठेमध्ये मोठी माणसे होऊन गेली आहेत. त्यांचा मान राखण्यासाठी चव्हाण याने राजीनामा द्यावा. त्याने जातीवाचक विधाने केली आहेत. स्वाभिमान असेल तर त्याने राजीनामा देऊन निवडून येऊन दाखवावे.'

यावेळी अर्चना कोराणे यांनीही जोरदार टीका व घोषणाबाजी केली. मोर्चामध्ये माजी नगरसेवक अनिल कदम, रमेश पोवार, परिक्षित पन्हाळकर, प्रकाश गवंडी, महिला शहराध्यक्ष जहीदा मुजावर, अमोल माने, सुहास साळोखे, संजय कुराडे, संजय पडवळ, महादेव पाटील, निरंजन कदम, जयकुमार शिंदे, किसन कल्याणकर, युवराज साळोखे, फिरोज सरगुर, सलीम मुल्ला आदी सहभागी होते.

नगरसेवकांची संख्या कमी

उभा मारुती चौकातील मोर्चामध्ये राष्ट्रवादीच्या नगरसेवकांची संख्या कमी होती. उपमहापौर सुनील पाटील सोडल्यास प्रत्यक्ष नगरसेवक कुणीच नव्हते. नगरसेवकांच्या अनुपस्थितीची चर्चा शिवाजी पेठेत होती. जुना बुधवार पेठेतील मोर्चापेक्षाही या मोर्चात नगरसेवक कमी होते.

चव्हाणांसोबत भाजप, ताराराणीचे नगरसेवक

अजिंक्य चव्हाण यांच्या घराजवळ भाजपचे गटनेते विजय सूर्यवंशी, ताराराणी आघाडीचे गटनेते सत्यजित कदम, विरोधी पक्षनेते किरण शिराळे, स्थायी सभापती आशिष ढवळे, नगरसेवक किरण नकाते, कमलाकर भोपळे, संतोष गायकवाड, राजसिंह शेळके आदी उपस्थित होते. तर बुवा चौकात मोर्चा अडवल्यानंतर तिथे असलेल्या घोषणाबाजीनंतर देवस्थान समितीचे अध्यक्ष महेश जाधव, माजी नगरसेवक रविकिरण इंगवले यांच्यासह जमाव सरदार तालमीकडून बुवा चौकाकडे जात होता. त्यांना तिथेच पोलिसांनी अडवले. दोन्हीबाजूला जमाव असल्याने वातावरण काही काळ तणावपूर्ण बनले.

मोबाइल अॅप डाउनलोड करा आणि राहा अपडेट

मित्राचा खून करणाऱ्यास जन्मठेप

February 15, 2018, 8:30 pm

≫ Next: गावखेड्यानं जपली वाङमय चळवळ

≪ Previous: धमक असेल तर राजीनामा द्या

$

0

0

म. टा. प्रतिनिधी, कोल्हापूर

दारुच्या नशेत मस्करी करतो याच्या रागातून लक्ष्मीपुरीतील वैभव बारमध्ये मित्राचा खून केल्याप्रकरणी एकाला जन्मठेपेची शिक्षा सुनावली. अब्दुलअजीज मोहिद्दीन मलबारी (वय ६१, रा. सिरत मोहल्ला, लक्ष्मीपुरी) असे त्याचे नाव आहे. त्याने आसिफ सलीम मोमीन (३३. रा. रविवार पेठ, लक्ष्मीपुरी) याचा चाकूने भोसकून खून केला होता. मलबारी यला जन्मठेप आणि १० हजार रुपये दंड, तसेच दंड न भरल्यास दोन वर्षांची साधी कैद अशी शिक्षा पाचवे जिल्हा न्यायाधीश ए. एम. शेटे यांनी गुरुवारी (ता. १५) हा निर्णय दिला.

याबाबत अधिक माहिती अशी की, आरोपी अब्दुलअजीज मलबारी आणि आसिफ मोमीन हे दोघे मित्र होते. ते दोघे अधूनमधून एकत्र दारू पिण्यासाठी जात होते. १३ नोव्हेंबर २०१४ मध्ये दोघे लक्ष्मीपुरीतील वैभव बारमध्ये दारू पिण्यासाठी बसले असता दोघांत चेष्टामस्करी सुरू होती. रात्री दहाच्या सुमारास मोमीन हा उठून बाहेर निघाला. यावेळी मलबारी आणि मोमीन या दोघांमध्ये शाब्दिक वाद झाला. मोमीन बारच्या मुख्य दरवाजापर्यंत पोहोचताच मलबारी याने पाठीमागून जाऊन मोमीन याला अडवले. मोठा आवाज झाल्याने बारमधील वेटरने जाऊन पाहिले असता, मोमीन दरवाजात खाली पडला होता. त्याच्या छातीतून रक्त येत होते, तर हल्लेखोर मलबारी याच्या हातात चाकू होता. हॉटेलमधील कर्मचारी येताच हल्लेखोर मलबारी निघून गेला. यानंतर कर्मचाऱ्यांनी जखमी मोमीन याला उपचारासाठी सीपीआरमध्ये दाखल केले, मात्र उपचारापूर्वीच त्याचा मृत्यू झाल्याचे डॉक्टरांनी स्पष्ट केले. आसिफ मोमीन याचे वडील सलीम यांनी दाखल केलेल्या फिर्यादीनुसार लक्ष्मीपुरी पोलिसांनी अब्दुलअजीज मलबारी याच्यावर गुन्हा नोंदवला होता. तत्कालीन पोलिस निरीक्षक धन्यकुमार गोडसे यांनी तपास करून आरोपपत्र कोर्टात दाखल केले होते.

या खटल्यात सरकारी वकील मंजुषा पाटील यांनी १४ साक्षीदार तपासले. यातील प्रत्यक्षदर्शी साक्षीदार संदीप राजाराम माळी, सोहेल शब्बीर शेख, वैद्यकीय अधिकारी डॉ. संदीप हरिदास यांच्या साक्षी महत्त्वाच्या ठरल्या. खटल्यातील काही पंच व साक्षीदार फितूर झाले होते, मात्र घटनास्थळावरील पंचांची साक्ष, उपलब्ध पुरावे आणि सरकारी वकील पाटील यांचा युक्तीवाद ग्राह्य धरून न्यायाधीश ए. एम. शेटे यांनी आरोपी अब्दुलअजीज मलबारी याला जन्मठेप आणि १० हजार रुपयांची शिक्षा सुनावली. दंड न भरल्यास दोन वर्षांची साधी कैद भोगावी लागणार आहे.

मोबाइल अॅप डाउनलोड करा आणि राहा अपडेट

गावखेड्यानं जपली वाङमय चळवळ

February 15, 2018, 8:30 pm

≫ Next: साहित्य संमेलनावरचा कोल्हापुरी ठसा

≪ Previous: मित्राचा खून करणाऱ्यास जन्मठेप

$

0

0

Appasaheb.mali@timesgroup.com

Tweet:@Appasaheb_MT

कोल्हापूर : ना सरकारी अनुदान, ना आर्थिक पाठबळ देणाऱ्या मोठ्या संस्थांची सोबत. मात्र, त्या गोष्टींची तमा न बाळगता कोल्हापूर, सांगली जिल्ह्यासह सीमाभागातील अनेक साहित्य संस्था गेली अनेक वर्षे लोकबळावर तालुका आणि ग्रामीण पातळीवर साहित्य संमेलने आयोजित करतात. मराठी साहित्याचा प्रसार व्हावा, वाचन चळवळीला बळ मिळावं, नवलेखक घडावेत असा व्यापक उद्देश ठेवून साहित्य शारदेची सेवा केली जाते. कधी पदरमोड करत तर कधी लोकांच्या सहकार्याने वाचन संस्कृती रुजविण्याचा वसा त्यांनी टिकवला आहे. परिसंवाद, कवी संमेलन, कथाकथन या माध्यमांतून साहित्याचा जागर मांडला आहे. छोट्या स्वरुपातील संमेलनांनी विशिष्ट विषय, नवलेखकांना व्यासपीठ आणि काही ठिकाणी संमेलनाध्यक्षपदी महिलांना संधी देऊन अनोखा पायंडा पाडला आहे.

सीमाभागातील साहित्य संमेलनातील उत्साह ओसांडून वाहणारा असतो. माय मराठीचा जागर करताना अक्षरश: उत्सवी स्वरुप लाभलेले असते. येळळूर, कुद्रेमनी, कारदगा, माचीगड, जांबोटी येथील मराठी साहित्य संमेलने मराठी भाषिकांच्या जिव्हाळ्याची बनली आहेत. कोल्हापुरात करवीर नगर वाचन मंदिराने १९३२ मध्ये विभागीय साहित्य संमेलन आयोजित केले होते. तेव्हापासूनचा साहित्याचा हा प्रवास खेडोपाडी पोहोचून आज विविध ठिकाणी दरवर्षी नित्यनेमाने साहित्य संमेलने भरविण्यापर्यंत गेला आहे. दक्षिण महाराष्ट्र साहित्य सभा ही कोल्हापूर, सांगलीसह दक्षिण महाराष्ट्राचा साहित्य क्षेत्राचा चेहरा बनली आहे. ग्रामीण लेखक चंद्रकुमार नलगे यांनी पुढाकार घेत १९६१ मध्ये भेडसगाव येथे ग्रामीण साहित्य संमेलन भरले. ग्रामीण भागातील नवलेखकांना व्यासपीठ मिळावे म्हणून प्रा. नलगे, कृ. गो. सूर्यवंशी, शाम कुरळे, अनंत तिबिले, चंद्रकांत शेटे आदींनी एकत्र येऊन दक्षिण महाराष्ट्र साहित्य सभेची स्थापना केली. 'दमसा'तर्फे १९८२ मध्ये कोल्हापुरात पहिले संमेलन झाले. तत्कालीन उपपंतप्रधान यशवंतराव चव्हाण उद्घाटक होते. 'दमसा'तर्फे आतापर्यंत २९ साहित्य संमेलने झाली. बालकुमार मराठी सभेने बाल साहित्य संमेलनाची वेगळी परंपरा निर्माण केली आहे. बालकुमार साहित्य सभेतर्फे गेल्या २६ वर्षापासून बाल साहित्य संमेलन भरवून मुलांमध्ये वाचनाची आवड निर्माण केली जाते.

ग्रामीण भागात साहित्य रुजले

कोल्हापूर जिल्ह्यात गेल्या पाच दशकांत साहित्याची पाळेमुळे चांगलीच रुजली. नवीन पिढी लिहिती बनली. गेल्या काही वर्षात तर ठिकठिकाणी साहित्य संमेलनांनी वाचक घडवले. राधानगरी येथील 'मायबोली', 'राधानगरी साहित्य संस्कृती मंच', 'गावशिवार साहित्य परिवार', निमशिरगाव येथील 'स्मृती साहित्य संघ', गडहिंग्लज येथील 'साने गुरुजी वाचनालय', भुदरगड येथील 'वेदसागर साहित्य मंच', 'वेदगंगा साहित्य संवर्धिनी मंडळ', 'कलासागर' गारगोटी यांच्यासह अब्दुललाट, शिरोळ, कारदगा, चिंचवाड, जयसिंगपूर आणि उत्तूर ग्रामीण साहित्य संघ अशा विविध संस्थतर्फे स्वत:च्या हिंमतीवर साहित्य संमेलन भरवत ग्रामीण भागात वाचनप्रसार केला. बहुजन समाजातील नव लेखकांना प्रोत्साहित केले. भुदरगडमध्ये आप्पा पंडीत यांनी साहित्यविषयक कार्यक्रमांना चालना देत वाचन चळवळीचा प्रसार केला.

औदुंबर, विटा, देशिंग संमेलनाची वेगळी ओळख

औंदुबर येथे १९३९ पासून ग्रामीण साहित्य संमेलन आयोजित केले जाते. कवी सुंधाशू व म. बा. भोसले यांनी सदानंद साहित्य मंडळाच्या माध्यमातून याला प्रारंभ केला. मंडळातर्फे होणाऱ्या या संमेलनाला ७५ वर्षांची परंपरा लाभली आहे. हे एकदिवसीय संमेलन दरवर्षी मकर संक्राती दिनी होते. औदुंबर साहित्य संमेलनापाठोपाठ सांगली जिल्ह्यात विविध संस्था तालुका आणि ग्रामीण पातळीवर छोट्या, मोठ्या स्वरुपात संमेलने भरवितात. विटा येथे रघुराज मेटकरी यांनी पुढाकार घेत भारतमाता ज्ञानपीठ व 'मुक्तांगण' वाचनालयतर्फे गेली ३६ वर्षे साहित्य संमेलन होत आहे. कविता वाचन, कथाकथन, परिसंवादाची रेलचेल असते. देशिंग येथे गेल्या पंधरा वर्षापासून अग्रणी प्रतिष्ठान व ग्रामस्थांमार्फत 'अग्रणी' साहित्य संमेलन सुरू आहे. या संमेलनाच्या संयोजनात दयासागर बन्ने यांचा पुढाकार राहिला. संमेलन भरवितानाच समाजभूषण पुरस्कार, शिष्यवृत्ती परीक्षेत यश प्राप्त मुलांचा गौरव, ग्रंथ प्रदर्शन असे स्वरुप दिले आहे. शिराळा तालुक्यातील पणुंद्रे बुद्रक या पुनर्वसित गावात कवी वसंत दादू पाटील यांच्या प्रयत्नाने साहित्य संमेलन होत आहे.

दुष्काळी भागात संमेलन, रामापूरला महिला संमेलनाध्यक्ष

जत तालुका हा दुष्काळी भाग. या भागातील शेगाव येथे गेल्या १५ वर्षांपासून ग्रामीण मराठी साहित्य संमेलनाच्या माध्यमातून मराठी साहित्याचा जागर सुरू आहे. शेगाव संमेलनासाठी लवकुमार मुळे, श्रीकांत कोकरे आणि मच्छिंद्र ऐनापुरे प्रयत्नशील असतात. विट्याजवळील रामापूर येथे गेली दहा वर्षे डॉ. स्वाती शिंदे-पवार या 'अक्षरयात्री' साहित्य संमेलन भरवितात. या संमेलनाचे संमेलनाध्यक्षपद महिला साहित्यिक भूषवितात. इस्लामपूर येथे कोजागिरी साहित्य संमेलन व महाराष्ट्र साहित्य परिषदेमार्फत दोन संमेलने होतात. पलूसमध्ये वासंती मेरू यांच्या पुढाकाराने मराठी ग्रामीण साहित्य संमेलन तर किरण शिंदे यांच्या प्रयत्नाने 'परिवर्तन' साहित्य संमेलन भरते. मिरजेत प्रा. भीमराव धुळूबुळू व नामदेव भोसले यांनी 'शब्दांगण' साहित्य संमेलनाच्या माध्यमातून साहित्यिक अभिरुची उंचावण्यासाठी प्रयत्नशील आहेत. बलवडी येथे शांतीनाथ मांगले तर आरगमध्ये चंद्रकांत बाबर हे एकदिवसीय संमेलन आयोजित करतात. रेणावी येथे धर्मेंद्र पवार यांनी तर तासगाव येथे तानाजी जाधव यांनी गेल्यावर्षी साहित्य संमेलन सुरू केले. कवठेमहाकांळ, हिंगणगाव येथे शिक्षक अनिल पाटील, मुजावर यांच्या पुढाकारातून संमेलने होत आहेत.

मोठ्या संमेलनात स्थानिक लेखकांना प्रतिनिधीत्व मिळत नाही. ग्रामीण संमेलनांमधून नवोदित लेखकांना कथाकथन, कविता वाचन, परिसंवाद अशा व्यासपीठांवर स्थान मिळाले. छोट्या संमेलनातून ग्रंथ खरेदीला चालना मिळते. त्या माध्यमातून एकाअर्थी वाचन चळवळीचा प्रसार होतोय. प्रतिथयश लेखकांशी संवाद, लेखनासंबंधी मार्गदर्शन अशा उपक्रमांतून ही संमेलने मोलाची ठरत आहेत.

- रफीक सूरज, कवी

साहित्याची केंद्रे आता गावाकडे वळली आहेत. ग्रामीण संमेलनांमुळे साहित्य क्षेत्राचा परिघ विस्तारलाय. छोट्या-छोट्या साहित्य संमेलनातून साहित्य रसिकांना साहित्य विषयक बऱ्याच गोष्टी माहित होतात. महत्वाचे म्हणजे, नवीन लिहू पाहणाऱ्यांसाठी ही संमेलने हक्काची व्यासपीठं झाली आहेत. त्यांच्यातील साहित्यिक जडणघडणीला पाठबळ आणि वाचन संस्कृतीचा प्रसार हा उद्देश सफल होत आहे.

- गोविंद पाटील, कवी

मोबाइल अॅप डाउनलोड करा आणि राहा अपडेट

---

साहित्य संमेलनावरचा कोल्हापुरी ठसा

February 15, 2018, 8:30 pm

≫ Next: सराईत गुंडाची महापालिकेच्या विभागीय कार्यालयात दहशत

≪ Previous: गावखेड्यानं जपली वाङमय चळवळ

$

0

0

Sachin.patil1@timesgroup.com

अखिल भारतीय मराठी साहित्य संमेलनाला शुक्रवारपासून बडोदा (गुजरात) येथे सुरूवात होत आहे. या संमेलनाच्या निमित्ताने कोल्हापूरच्या साहित्यविश्वाचा धांडोळा घेतला तर साहित्य संमेलनाच्या अध्यक्षपदापासून ते ग्रामीण साहित्य चळवळीच्या वाटचालीपर्यंतच्या प्रत्येक टप्प्यावर कोल्हापूरचे योगदान नजरेत भरते. ग्रामीण भागात साहित्य संमेलनांचे आयोजन, वाचक घडविण्याच्या प्रक्रियेत आणि लेखकांच्या जडणघडणीतही कोल्हापूरचा वाटा मोठा आहे. बडोदा येथील संमेलनानिमित्ताने कोल्हापूरच्या पैलूंवर टाकलेला दृष्टिक्षेप.

मराठी साहित्य क्षेत्रात, लेखकांपासून ते वाचक घडविण्यापर्यंतच्या टप्प्यांवर कोल्हापूर परिसराचे मोठे योगदान आहे. ग्रामीण साहित्य चळवळीची मांडणी आणि बांधणी इथूनच झाली आहे. ज्ञानपीठ पुरस्कार विजेते लेखक वि. स. खांडेकर, प्रख्यात लेखक ना. सी. फडके, 'रातवा'कार चंद्रकुमार नलगे, 'मृत्युंजय'कार शिवाजी सावंत, विनोदी लेखक शंकर पाटील, प्रा. रमेश मंत्री, आनंद यादव, शंकरराव खरात, सखा कलाल, 'पानिपत'कार विश्वास पाटील, राजन गवस अशा दिग्गजांनी मराठी साहित्याला समृद्ध करण्यात मोलाचा वाटा उचलला. कोल्हापुरात ज्यांचे साहित्यविश्व फुलले, अशा आठ लेखकांनी अखिल भारतीय मराठी साहित्य संमेलनाध्यक्षपद भूषविले आहे. यंदा बडोदा येथे होत असलेल्या अखिल भारतीय मराठी साहित्य संमेलनाचे अध्यक्षपद येथील माजी जिल्हाधिकारी लक्ष्मीकांत देशमुख भूषवित आहेत. त्यांच्या साहित्यिक कारकिर्दीतही कोल्हापूरचा वाटा आहे.

ज्ञानपीठाची थोरवी

१९४१ मध्ये सोलापूर येथे झालेल्या अखिल भारतीय साहित्य संमेलनाचे वि. स. खांडेकर अध्यक्ष होते. कल्पनाशक्तीचा अफाट वापर आणि अंत:करणात समाजाप्रती असलेली तळमळ त्यांच्या लेखनात जाणवते. कादंबरीसह कथा, कविता, लघुनिबंध, समीक्षा, चित्रपट-कथा, नाटक, व्यक्तिचित्रे, अनुवाद अशा विविध साहित्यप्रकारांत अगदी विपुल असे लेखन त्यांनी केले. वृत्तपत्रीय लेखन व ग्रंथ-संपादन या क्षेत्रांतही त्यांनी ठसा उमटवला. इथल्या साहित्य चळवळीला त्यांच्यामुळे वाटचाल करण्याचा आत्मविश्वास मिळाला. त्यांची 'ययाती' ही कादंबरी साहित्यक्षेत्रात मैलाचा दगड ठरली. मध्यमवर्गीय माणसांच्या आशा-आकांक्षा, सर्वसामान्यांची सुख दु:खे, त्यांचा आदर्शवाद त्यांनी मुख्यत्वे आपल्या कथाकादंबरीतून मांडला. त्यांचा नायक हा सामाजिकतेचे भान असलेला, आदर्शाची ओढ असलेला असे.

प्रेम, सौंदर्यवादाचे रूप

डौलदार भाषा, रेखीवपणाचा मिलाफ साधण्यात हातोटी असणारे ना. सी. फडके हे १९४० साली रत्नागिरी येथे भरलेल्या अखिल भारतीय साहित्य संमेलनाचे अध्यक्ष होते. फडके हे राजाराम महाविद्यालयात प्राध्यापक म्हणून कार्यरत होते. मराठी साहित्यात प्रेम आणि सौंदर्यवाद त्यांनी रुजविला. त्यांच्या साहित्यातील वाटचालीमुळे कोल्हापूर परिसरात नव्या लेखकांना लिहायला बळ मिळाले. 'अखेरचे बंड', 'अटकेपार', 'किती जवळ किती दूर', 'कलंक शोभा', 'जादुगार', 'झंझावात भोवरा' अशा ६९ कादंबऱ्यांचे लेखन त्यांनी केले. १९६२ साली त्यांना 'पद्मभूषण' हा किताब देऊन भारत सरकारने त्यांचा गौरव केला. दरवर्षी त्यांच्या नावाने उत्तम साहित्यकृतीला पुरस्कार देण्यात येतो.

ग्रामीण बाज जपला

ग्रामीण पार्श्वभूमी असलेल्या हातकणंगले तालुक्यातील पट्टणकोडोली येथील शंकर पाटील यांनी विनोदी लेखणीतून ग्रामीण साहित्यिकांना मोठे बळ दिले. १९८५ ला नांदेड येथे भरलेल्या अखिल भारतीय साहित्य संमेलनाचे ते अध्यक्ष होते. त्यांच्या 'टारफुला' या कादंबरीने मराठी साहित्यात विनोदाचे महत्व पटवून दिले. त्यांच्या लेखनाने ग्रामीण साहित्यिकांना नवे आयाम मिळवून दिले.

लेखनाला विवेकाची जोड

डॉ. बाबासाहेब आंबेडकर यांच्या विचारांवर चालताना वंचितांच्या व्यथा मांडणारे लेखक म्हणून शंकरराव खरात यांची ओळख महाराष्ट्राला आहे. १९८४ ला जळगावला झालेल्या अखिल भारतीय मराठी साहित्य संमेलनाच्या अध्यक्षपदी ते होते. खरात यांच्या कथा-कादंबऱ्यांच्या पात्रांतून पुढे येणारा विचार वास्तवाची जाणीव करून देतो. पण संयमातून तो जे सांगतो, बोलतो, वागतो, त्यातून एका स्वतंत्र संस्कारशैलीची जाणीव वाचकाला होत राहते. दलित साहित्य चळवळ रुजविण्यात त्यांच्या लेखनाचा मोठा वाटा आहे.

विनोदाचा बादशहा

कोल्हापुरी चिवडा, हसण्याचा तास पहिला, दुसरा, तिसरा, हास्यधारा, सुखाचे दिवस, अती झाले अन हसू आले या पुस्तकांचे लेखक प्रा. रमेश मंत्री हे १९९२ साली कोल्हापुरात झालेल्या अखिल भारतीय मराठी साहित्य संमेलनाचे अध्यक्ष होते. कोल्हापुरात झालेले हे एकमेव संमेलन. नव्या पिढीचे नेतृत्व करणारा लेखक म्हणून त्यांची ख्याती होती. १९७९ साली एका वर्षात त्यांची ३४ पुस्तके प्रकाशित झाली. इतक्या संख्येने पुस्तके प्रकाशित होण्याचा विक्रम त्यांच्या नावावर आहे. विनोदी ढंगाने लेखन आणि अनुभवविश्व बहरून टाकणारे प्रवास वर्णन त्यांच्या लेखनात पाहायला मिळते.

ग्रामीण साहित्याचा जनक

आजूबाजूचे विषयच त्यांच्या कथा-कादंबऱ्यांचे विषय झाले. ग्रामीण जीवनाशी त्यांची जुळलेली नाळ कायम राहिली ते लेखक आनंद यादव यांनी २००९ साली महाबळेश्वर येथे अखिल भारतीय मराठी साहित्य संमेलनाच्या अध्यक्षपदी निवड झाली होती. त्यांच्या 'झोंबी'या आत्मचरित्रात्मक कादंबरीत त्यांनी आपला जीवनपट मांडला. त्यामुळे उपेक्षित समाजातील मुलांच्या शिक्षणाचे दाहक आणि भेदक वास्तव समोर आले. त्यांच्या या साहित्यकृतीला साहित्य अकादमीचा पुरस्कार मिळाला. त्यांच्यामुळे समीक्षेच्या क्षेत्राला नवी ओळख मिळाली.

अनुभवसमृद्ध कृतिशील लेखक

प्रशासकीय अधिकारी म्हणून व्याप सांभाळताना लक्ष्मीकांत देशमुख यांनी समाजशील लेखक म्हणून लौकिक मिळविला. यंदाच्या अखिल भारतीय साहित्य संमेलनाचे ते अध्यक्ष आहेत. कोल्हापूरचे जिल्हाधिकारी म्हणून काम करत असताना त्यांनी सामाजिक प्रश्नांना वाचा फोडली. कोल्हापुरात त्यांनी स्त्री भृणहत्येला प्रतिबंध करणारे 'सेव्ह बेबी गर्ल' कॅम्पेन त्यांनी यशस्वीरीत्या राबविले. त्यांची 'हरवलेले बालपण' ही कादंबरी आणि स्त्रीभ्रूणहत्या विषयावरील 'सावित्रीच्या गर्भात मारलेल्या लेकी'हा कथासंग्रह त्यांच्यातील संवेदनशील लेखकाचे दर्शन घडवतो.

मोबाइल अॅप डाउनलोड करा आणि राहा अपडेट

सराईत गुंडाची महापालिकेच्या विभागीय कार्यालयात दहशत

February 15, 2018, 8:30 pm

≫ Next: ९० हजारांच्या कर्जापोटी अडीच लाखांची मागणी

≪ Previous: साहित्य संमेलनावरचा कोल्हापुरी ठसा

$

0

0

म. टा. प्रतिनिधी, कोल्हापूर

पोलिसांच्या रेकॉर्डवरील सराईत गुंड सुरेश बाबासो रोहिदास (रा. निगवे खालसा, ता. करवीर) याने बुधवारी (ता. १४) दुपारी कावळा नाका परिसरातील महापालिकेच्या विभागीय कार्यालयात जाऊन कर्मचाऱ्याला मारहाण केली. याबाबत गौतम शिवाजी भोसले (वय ३४, रा. जयसिंगपूर, ता. शिरोळ) या लिपिकाने शाहूपुरी पोलिस ठाण्यात फिर्याद दाखल केली आहे. पूर्ववैमनस्य आणि आर्थिक वादातून हा प्रकार घडल्याचे पोलिसांनी सांगितले. शाहूपुरी पोलिसांनी दिलेल्या माहितीनुसार गौतम भोसले आणि सुरेश रोहिदास या दोघांमध्ये आर्थिक कारणातून वाद आहे.

बुधवारी दुपारी अडीचच्या सुमारास रोहिदास हा त्याच्या तीन मित्रांसह कावळा नाका परिसरातील महापालिकेच्या विभागीय कार्यालयात गेला. भोसले याच्या टेबलवर आणि खुर्चीवर लाथा मारून त्याला धमकावले. 'मी भरत त्यागीचा खून करणारा गुंड आहे. तू कसले पैसे मागतोस?' असे म्हणून मारहाण केली. भोसले यांच्या खिशातील मोबाइल आणि एक हजार रुपये असा सुमारे सहा हजार रुपयांचा मोबाइल घेऊन निघून गेले. या प्रकाराने कार्यालयात दहशतीचे वातावरण निर्माण झाले होते. भोसले यांनी शाहूपुरी पोलिस ठाण्यात धाव घेऊन गुंड सुरेश रोहिदास याच्यासह तिघांच्या विरोधात फिर्याद दिली आहे. रोहिदास हा पोलिसांच्या रेकॉर्डवरील सराईत गुंड आहे. त्याच्यावर करवीर पोलिस ठाण्यात मारामारी, दमदाटीचे गुन्हे दाखल आहेत. पोलिसांकडून त्याचा शोध सुरू आहे.

मोबाइल अॅप डाउनलोड करा आणि राहा अपडेट

९० हजारांच्या कर्जापोटी अडीच लाखांची मागणी

February 15, 2018, 8:30 pm

≫ Next: चार वर्षानंतरही भुयारी गटर योजना अर्धवटच

≪ Previous: सराईत गुंडाची महापालिकेच्या विभागीय कार्यालयात दहशत

$

0

0

म. टा. प्रतिनिधी, कोल्हापूर

शेतीच्या कामासाठी पैशांची गरज असल्याने व्याजाने घेतलेल्या ९० हजार रुपयांची परतफेड केल्यानंतरही अडीच लाख रुपयांची मागणी करणाऱ्या खासगी सावकाराविरोधात शिरोली एमआयडीसी पोलिस ठाण्यात गुन्हा दाखल झाला आहे. प्रकाश दत्तात्रय जाधव (रा. रेल्वे उड्डाणपुलाजवळ, टाकाळा, कोल्हापूर) असे गुन्हा दाखल झालेल्या सावकाराचे नाव आहे. दिनकर बाबासो पाटील (वय ५४, रा. शिरोली पुलाची, ता. हातकणंगले) यांनी फिर्याद दाखल केली आहे.

शिरोली एमआयडीसी पोलिसांनी दिलेल्या माहितीनुसार, प्रकाश जाधव आणि फिर्यादी दिनकर पाटील हे एकमेकांच्या ओळखीचे आहेत. पाटील यांनी शेतीच्या कामासाठी ऑक्टोबर २०१५ मध्ये जाधव याच्याकडून ९० हजार रुपये व्याजाने घेतले होते. दरमहा १० टक्क्याने व्याज देण्याचे ठरले होते. यानुसार मार्च २०१६ पर्यंत मुद्दल आणि व्याज अशी १ लाख ८५ हजार रुपयांची रक्कम परत केल्याचे पाटील यांनी सांगितले. याशिवाय आणखी अडीच लाख रुपये द्यावे लागतात असे सांगून पैशांच्या वसुलीसाठी तगादा लावला आहे. खासगी सावकारी करण्याचा परवाना नसतानाही जाधव हा सावकारी करीत असल्याचा उल्लेख पाटील यांनी फिर्यादीत केला आहे. शिरोली एमआयडीसी पोलिस अधिक तपास करीत आहेत.

मोबाइल अॅप डाउनलोड करा आणि राहा अपडेट

चार वर्षानंतरही भुयारी गटर योजना अर्धवटच

February 15, 2018, 8:30 pm

≫ Next: कणेरी मठावर कारागीर विद्यापीठ

≪ Previous: ९० हजारांच्या कर्जापोटी अडीच लाखांची मागणी

$

0

0

म. टा. वृत्तसेवा, इचलकरंजी

प्रारंभापासून बहुचर्चित अन् वादातीत ठरलेली भुयारी गटर योजना तब्बल चार वर्षांनंतरही अर्धवट अवस्थेत आहे. त्याला काही प्रमाणात नगरपरिषद प्रशासनही जबाबदार असून, या गंभीर बाबीचा गांभीर्याने विचार करुन नगरपरिषदेने मक्तेदाराला बिले अदा करू नयेत. आणि जर मक्तेदार काम करण्यास असमर्थ असेल तर त्याला काळ्या यादीत टाकावे, अशी मागणी काँग्रेसचे नगरसेवक शशांक बावचकर यांनी मुख्याधिकारी डॉ. प्रशांत रसाळ यांना दिलेल्या निवेदनात केली आहे.

आपले काम अर्धवट असताना नगरपरिषदेने अन्य ठिकाणच्या कामासाठी मक्तेदाराला चांगल्या कामाचा दाखला देणे हे हास्यास्पदच असल्याचा टोला बावचकर यांनी लगावला आहे. शहरातील वाढीव कबनूर व शहापूर भागासाठी केंद्र सरकारच्या यूआयडीएसएसएमटी योजनेअंतर्गत भुयारी गटर योजना मंजूर झाली आहे. २८ ऑगस्ट २०१४ रोजी पुण्याच्या केआयपीएल व्हिस्टाकोअर इन्फ्रा प्रा. लि. या कंपनीला या कामाचा मक्ता दिला. वर्कऑर्डरपासून दोन वर्षांत म्हणजे २८ ऑगस्ट २०१६ पर्यंत हे काम पूर्ण करणे आवश्यक होते. वेळेत काम पूर्ण न झाल्याने मक्तेदाराच्या मागणीनुसार २७ फेब्रुवारी २०१८ पर्यंत मुदतवाढ दिली गेली. ती वाढीव मुदतसुद्धा संपण्यास अवघे दहा दिवस उरले आहेत. अतिशय संथगतीने काम होऊन आजमितीला अवघे ५५ टक्के काम पूर्ण झाले असून, जून २०१७ पासून हे काम ठप्प आहे. या योजनेवर नगरपरिषदेचे कसलेही नियंत्रण नसले तरी बिले मात्र वेळच्यावेळी अदा केली जात आहेत. शिवाय नगरपरिषदेने दिलेला मोबीलायझेशन अॅडव्हान्स साडेसात कोटी रुपये व व्याज येणेबाकी असून, कंपनीच्या रनिंग बिलात तो जमा करणे आवश्यक आहे. नगरपरिषदेच्या सांडपाणी प्रक्रिया प्रकल्प (एसटीपी) मधून मैलामिश्रित पाणी थेट पंचगंगेत मिसळत आहे. त्यासाठी भुयारी गटर योजनेतील १८ एमएलडीचा प्रकल्प तातडीने उभारुन कार्यान्वित करण्याची गरज आहे. या योजेनतील केंद्र सरकारचा दुसरा व अंतिम हप्ता नगरपरिषदेकडे जमा असतानासुध्दा मक्तेदाराला काम सुरू करण्यास नगरपरिषद भाग पाडू शकत नाही ही बाब चिंताजनक आहे. म्हणूनच मक्तेदाराला काम करण्यास भाग पाडून काम सुरू झाल्यानंतरच बिले अदा करावीत, ज्याठिकाणी काम झाले आहे त्याठिकाणच्या रस्त्यांचे डांबरीकरण पूर्ण करुन घ्यावे, मक्तेदार काम करण्यास असमर्थ असेल तर उर्वरित कामासाठी निविदा मागवून व्हिस्टाकोअर कंपनीला काळ्या यादीत टाकावे आदी मागण्या बावचकर यांनी निवेदनात नमूद केल्या आहेत.

मोबाइल अॅप डाउनलोड करा आणि राहा अपडेट

कणेरी मठावर कारागीर विद्यापीठ

February 15, 2018, 8:30 pm

≫ Next: डॉ. अरुण पाटील यांच्यासह चौघांना न्यायालयीन कोठडी

≪ Previous: चार वर्षानंतरही भुयारी गटर योजना अर्धवटच

$

0

0

म. टा. वृत्तसेवा, कागल

श्रमशक्तीला वंदन करून आणि हजारो वर्षांचा इतिहास जतन करून देशाची संस्कृती टिकवण्याचे काम कणेरीच्या सिद्धगिरी मठाकडून केले जात आहे. त्यामुळे राज्यात मंजूर झालेल्या सहा कारागीर विद्यापीठांपैकी एक सरकारी कारागीर विद्यापीठ कणेरी मठावर स्थापन होईल. यासाठी सर्व काही करण्याची जबाबदारी केवळ आपलीच असेल, अशी ग्वाही आमदार सुरेश हाळवणकर यांनी दिली.

कणेरी (ता. करवीर) येथे सिद्धगिरी महाकुंभ सोहळ्याच्या सांगता समारंभात ते बोलत होते. यावेळी देशभरातून आलेल्या कारागिरांचा सत्कार मान्यवरांच्या हस्ते करण्यात आला.

आमदार हाळवणकर म्हणाले, अठरा अलुतेदार आणि बारा बलुतेदार असणा-या आपल्या समृद्ध देशात मल्टिनॅशनल कंपन्यांच्या ब्रॅन्डेड वस्तूंच्या नादाला लागल्यामुळे आणि मेकॉलेंच्या शिक्षण पद्धतीमुळे बेरोजगारीचे कारखाने उभे राहिल्याने कारागिरी संपुष्टात येऊन देश पारतंत्र्यात जाईल अशी परिस्थिती निर्माण झाली. अशा परिस्थितीत कणेरी मठासारखे उपक्रम सर्वत्र राबविल्यास भारत देश पुढे जाण्यापासून कुणीही रोखू शकत नाही. मी मुख्यमंत्र्यांना मठावरील 'लखपती शेती ' आत्महत्याग्रस्त शेतक-यांना कशी फायद्याची आहे हे पटवून दिले आहे. अशा पद्धतीच्या शेतीमुळे शेतक-यांचा आत्मविश्वास निश्चितच वाढेल.

अदृश्य काडसिद्धेश्वर स्वामी म्हणाले, महाकुंभ सोहळ्याला देशभरातील १२० कलाकार बोलावून ५०० प्रकारच्या कला देशभरातील आठ लाखांहून अधिक लोकांनी ही कला पाच दिवसांत पाहिली. कारागीर महाकुंभात सुमारे तीन कोटींची उलाढाल झाली. महाकुंभात दोनशेहून अधिक गायी आणि १०० हून अधिक साधुसंत आले. त्यामुळे कारागिरांना योग्य शिक्षण मिळाले पाहिजे आणि त्यांनी उत्पादित केलेल्या उत्पादनाला बाजारपेठ मिळणे गरजेचे आहे. कणेरी मठापासून सुरुवात झालेली ही कला पुन्हा एकदा गावागावांत पोहोचेल आणि संपूर्ण गावे स्वयंपूर्ण होतील कारागीर महाकुंभाला मिळालेला प्रतिसाद पाहता येत्या काळात कारागिरांशी चर्चा करून दरवर्षी अशा पद्धतीने कारागीर महाकुंभ भरविण्याबाबत विचार सुरू आहे.

यावेळी बसवराज पाटील, अण्णासाहेब डांगे, नाना पटारे, सुरेश पाटील, बसंतकुमार सिंह, जिल्हा माहिती अधिकारी सतीश लळीत, आदी प्रमुख उपस्थित होते. उदय सावंत यांनी सूत्रसंचालन केले.

मठामार्फत पॉलिहाउस योजना

सरकारी नियमानुसार पॉलिहाउससाठी गुंठ्याला एक लाख रुपये खर्च येतो, असे स्पष्ट करून अदृश्य काडसिद्धेश्वर स्वामी म्हणाले, आम्ही पाच गुंठ्यांचा खर्च पाच लाख रुपयांवरून पावणेदोन लाखांपर्यंत आणला आहे. त्याच्या माध्यमातून १४ शेतक-यांना ही पॉलिहाउस देणार आहोत. त्यातून केवळ सेंद्रिय पद्धतीने पिकवलेला भाजीपाला मठामार्फत विकला जाणार असून, पावणेदोन लाखांतील निम्मेच पैसे शेतक-याने फेडायचे आहेत. त्या येणा-या पैशातून पुन्हा शेतकरी वाढवले जातील. योजनेचा प्रारंभ करताना त्यांनी मनीषा पाटील या शेतकरी महिलेला पॉलिहाउसची चावी प्रदान केली.

मोबाइल अॅप डाउनलोड करा आणि राहा अपडेट