पंतप्रधान मोदी हुकूमशहा : अण्णा हजारे

January 21, 2018, 4:24 pm

≫ Next: बिलाच्या भीतीने आई बाळाला ठेऊन पळाली

≪ Previous: 'तावडेच पानसरे हत्येचा मास्टरमाइंड'

$

0

0

म. टा. वृत्तसेवा, सांगली

ज्येष्ठ समाजसेवक अण्णा हजारे यांनी पंतप्रधान नरेंद्र मोदी यांच्यावर पुन्हा एकदा निशाणा साधला. 'मन की बात करणाऱ्या पंतप्रधान मोदी यांचे मन अस्वच्छ आहे. मोदी सरकार इंग्रजांप्रमाणे हुकूमशाही आहे. या सरकारने लोकपाल विधेयक कमजोर करण्याचे काम केले,' असा आरोप हजारे यांनी शनिवारी सांगली जिल्ह्यातील आटपाडी येथील सभेत केला.

लोकपाल विधेयकासह इतर सहा प्रमुख मागण्यांसाठी दिल्लीत २३ मार्चपासून हजारे आंदोलन करणार आहेत. या आंदोलनाच्या जनजागृतीसाठी आटपाडी येथे सभेचे आयोजन केले होते. सांगली, सोलापूर आणि सातारा जिल्ह्यातून अनेकांनी या सभेला गर्दी केली होती. लोकायुक्त आणि लोकपाल यांची नियुक्ती, स्वामिनाथन आयोगाची अंमलबजावणी,कृषी मालाला योग्य हमीभाव, शेतकऱ्यांना पाच हजार रुपये निवृत्तीवेतन आणि निवडणूक पद्धतीत सुधारणा या मागण्यांसाठी दिल्लीत आंदोलन करण्यात येत असल्याचे या वेळी सांगण्यात आले.

हजारे म्हणाले, 'भ्रष्टाचाराला पायबंद घालण्याचा कायदा करण्यासाठी गेल्या पाच वर्षांपासून लढा सुरू आहे. परंतु सरकारकडून या बाबत काहीच हालचाली दिसून येत नाही. उलट, लोकपाल कमजोर करणारा कायदा केंद्र सरकारने कोणतीही चर्चा न करता एका दिवसात मंजूर केला. सरकारचे हे वर्तन इंग्रजांच्या हुकूमशाहीप्रमाणे आहे. पंतप्रधान मोदी यांना आतापर्यंत ३० पत्रे पाठवली आहेत. पण, एकाही पत्राचे उत्तर अद्याप त्यांनी दिलेले नाही. कदाचित त्यांना पंतप्रधान पदाचा अहंकार जडला असावा.'

मोबाइल अॅप डाउनलोड करा आणि राहा अपडेट

---

बिलाच्या भीतीने आई बाळाला ठेऊन पळाली

January 21, 2018, 4:43 pm

≫ Next: अंबाबाईप्रश्नी पालकमंत्र्यांकडून आश्वासनच

≪ Previous: पंतप्रधान मोदी हुकूमशहा : अण्णा हजारे

$

0

0

म. टा. प्रतिनिधी, कोल्हापूर

दहा हजार रुपये बिल कसे भरायचे, या भीतीने सीपीआर रुग्णालयातून सोनाबाई रोहिदास राठोड (२५, रा. राजापूर, जि. रत्नागिरी) यांनी आपल्या नवजात मुलाला ठेऊन पलायन केले. दुपारी दोनच्या सुमारास ही घटना घडली. सीपीआर पोलिस चौकीत याप्रकरणाची नोंद करण्यात आली आहे.

सोनाबाई राठोड यांची तीन जानेवारीला सीपीआर रुग्णालयात प्रसुती झाली. बाळाचे वजन एक किलो १६० किलो ग्रॅम असल्याने त्याच्यावर बालरोग विभागात उपचार करण्यात येत होते. या उपचारांचा खर्च सुमारे दहा हजार रुपये होणार असल्याने एवढे बिल कसे भरायचे या भीतीने राठोड यांनी बाळाला ठेऊन रुग्णालयातून पळ काढला.

या संदर्भात बालरोग विभागप्रमुख डॉ. एस. एस. सरवदे म्हणाले, ‘सीपीआरमध्ये प्रसुती मोफत केली जाते. त्यामुळे डिसचार्जच्यावेळी उपचारांचा खर्च रद्द करण्यात येणार होता. राठोड यांना चुकीची माहिती मिळाल्याने त्या बाळाला ठेऊन गेल्या असाव्यात.’ सोनाबाई राठोड यांचा कसून शोध घेत आहोत, अशी माहिती पोलिसांनी दिली.

मोबाइल अॅप डाउनलोड करा आणि राहा अपडेट

अंबाबाईप्रश्नी पालकमंत्र्यांकडून आश्वासनच

January 22, 2018, 4:39 am

≫ Next: किरणोत्सवातील अडथळे दूर करावेत

≪ Previous: बिलाच्या भीतीने आई बाळाला ठेऊन पळाली

$

0

0

म. टा. प्रतिनिधी, कोल्हापूर

अंबाबाई मंदिरातील पुजारी हटवण्यासंबंधीचा कायदा करण्याचे आश्वासन पालकमंत्री चंद्रकांत पाटील यांनी जाहीरपणे दिले होते. कायदा करणे सहज शक्य आहे. मात्र ते ज्या पक्षाचे आहेत, त्या भाजप पक्षाचे मूळ आरएसएस आहे. त्यांचे कामकाज धार्मिकतेला पोषक आहे. त्यामुळे कायदा करण्यास ते टाळाटाळ करीत आहेत. मराठा समाज, शेतकरी, कष्टकरी यांच्याबद्दलही त्यांनी दिलेली आश्वसने पाळलेली नाहीत. आश्वानाची खैरात करीत साम, दाम, दंड भेदचा वापर करीत आंदोलन, चळवळ मोडण्याचे कौशल्य त्यांनी विकसित केल्याचा आरोप ज्येष्ठ पत्रकार सुभाष देसाई यांनी रविवारी केला.

पंढरपूरच्या धर्तीवर 'महाराष्ट्र आद्य गणमाता कुलस्वामिनी मंदिरे' कायदा होण्याच्या मागणीसाठी येथील शेतकरी कामगार पक्षाच्या कार्यालयात आद्य गणमाता अंबाबाई मुक्ती आंदोलन संघर्ष समितीची बैठक झाली. बैठकीत ते बोलत होते.

देसाई म्हणाले, अंबाबाई मंदिरातील पुजारी हटाओच्या मागणीसाठी अनेक दिवसांपासून आंदोलन सुरू आहे. त्याची दखल घेत पालकमंत्री पाटील यांनी पुढाकार घेत त्वरित आध्यादेश काढणे गरजेचे होते. पोलिसांनी हद्दपारीची नोटीस दिलेल्यांकडून यापूर्वीच्या आंदोलनात असलेल्यांविरोधात प्रसिद्धी पत्रके काढली जात आहेत.'

डॉ. पाटणकर म्हणाले, 'अंबाबाई आद्य गणमाता असल्याने भक्तांच्या मनात तिच्याविषयी आईचे स्थान आहे. आईला आणि भक्तरुपी मुलांमध्ये कोणताही अडथळा असू नये. पूर्वी थेट गाभाऱ्यात प्रवेश मिळत होता. माझ्यासह अनेकजणांनी अंबाबाईच्या पायावर डोके टेकवून दर्शन घेतले आहे. आता मात्र विरोध केला जात आहे. काही दिवसांपुर्वी मी आई अंबाबाईच्या दर्शनासाठी गाभाऱ्यात जाण्याचा प्रयत्न केला. त्यावेळी तेथील काही जणांना सोवळे नेसले नाही म्हणून रोखले. माझा शर्ट आणि पॅन्टच सोवळे असतानाही मला अडवले. तेथे आम्ही अतिशय शांततेने भूमिका मांडली. कोणतीही घोषणाबाजी केली नाही. तरीही प्रथा, परंपरेचे कारणे सांगत गाभाऱ्यातील प्रवेश नाकारला. भक्तांच्या दर्शनात अडथळा करणाऱ्यांना हटवणे महत्त्वाचे आहे. त्यासाठी पंढरपूरच्या धर्तीवर अंबाबाईसह 'महाराष्ट्र आद्य गणमाता कुलस्वामिनी मंदिरे' कायद्यासाठी राज्यस्तरीय आंदोलन उभारले जाईल.

संभाजी बिग्रेडचे सौरभ खेडेकर म्हणाले, 'राजर्षी शाहू महाराज, महात्मा जोतिबा फुले यांच्या मांडणीतही देव आणि माणूस यांच्यात दलाल असू नये, असेच आहे. त्यामुळे अंबाबाई मंदिरातील दलाल हटवून मंदिरे कायदा झाला पाहिजे. त्यासाठी डॉ. पाटणकर यांच्या नेतृत्वाखाली होणाऱ्या आंदोलनात संभाजी ब्रिगेडचा पाठिंबा असेल. सर्वच मंदिरे पुरोहिताच्या ताब्यात आहेत. ते हिंदत्वाचा सोयीनुसार अर्थ लावत आहेत. त्यांच्या हिंदुत्वाचा बुरखा फाडण्याची गरज आहे. हिंदुत्वाची नवी मांडणी झाली पाहिजे.'

जिजाऊ बिग्रेडच्या जयश्री चव्हाण, छाया पोवार, प्रा. नवनाथ शिंदे, प्रा. टी. एस. पाटील यांची भाषणे झाली. संपत देसाई यांनी प्रास्ताविकात आंदोलनासंबंधी माहिती दिली. बैठकीस अॅड. सिद्धार्थ काकडे, अॅड. राजीव चव्हाण, अॅड. कृष्णा पाटील, चारुशिला पाटील आदी उपस्थित होते.

नोटिशीचा समाचार

बजरंग दलाने परवानगी देऊ नये, अशी मागणी केल्यामुळे बैठकीस मोठा पोलिस बंदोबस्त होता. डॉ. पाटणकरांसह सर्वच वक्त्यांची भाषणे गोपनीय विभागाचे पोलिस नोंद करून घेत होते. कायदा व सुव्यवस्था निर्माण होईल असे बोलू नये, अशा आशयाचे पोलिसांनी दिलेल्या नोटिशीचा डॉ. पाटणकर यांनी समाचार घेतला.

मोबाइल अॅप डाउनलोड करा आणि राहा अपडेट

किरणोत्सवातील अडथळे दूर करावेत

January 22, 2018, 11:21 am

≫ Next: प्राचार्यांसह प्राध्यापकांच्या वेतनाचे ४५ कोटी लटकले

≪ Previous: अंबाबाईप्रश्नी पालकमंत्र्यांकडून आश्वासनच

$

0

0

म. टा. प्रतिनिधी, कोल्हापूर

अंबाबाई मंदिरात ३१ जानेवारी ते २ फेब्रुवारी या कालावधीत होणाऱ्या उत्तरायण किरणोत्सव सोहळ्यातील मार्गात येणारे अडथळे दूर करण्यासाठी देवस्थान समितीने महापालिकेला विनंती अर्ज दिला आहे. नोव्हेंबरमधील किरणोत्सव सोहळा पूर्ण क्षमतेने झाला. त्यामुळे येणारा सोहळाही अडथळामुक्त करण्यासाठी प्रयत्न सुरू असल्याची माहिती पश्चिम महाराष्ट्र देवस्थान समितीचे अध्यक्ष महेश जाधव यांनी पत्रकार परिषदेत दिली. यांदरम्यान, मंदिरातील आर्द्रता वाढू नये यासाठी भाविकांना पेटी चौकात प्रवेश बंदीचाही निर्णय घेण्यात आला असल्याचे जाधव यांनी सांगितले. मंदिरातील गरूड मंडपात सोमवारी पत्रकार परिषद झाली.

जाधव म्हणाले, गेल्या दहा वर्षांपासून किरणोत्सव मार्गात येणाऱ्या हवामानाच्या अडथळ्यांसोबत मानवी अडथळेही येत आहेत. ताराबाई रोडवरील इमारती, वाढीव बांधकाम, पत्र्याचे शेड तसेच विद्युततारांचा अडथळा महत्त्वाचा आहे. या मार्गात आगळगावकर, देशिंगे, वैद्य आणि मिणचेकर यांच्या घराचे बांधकाम, वाढीव बांधकाम आड येत असल्याचे यापूर्वी स्पष्ट झाले आहे. महापालिकेने अडथळे काढण्यासाठी गांभीर्याने विचार करणे गरजेचे आहे. १९४८ साली केलेल्या पाहणीत अडथळे उघड झाले आहे. किरणोत्सव अभ्यास समितीने अंबाबाई मंदिर ते फुलेवाडी रिंगरोड हा मार्ग नो डेव्हलपमेंट झोन करावा अशी मागणी केली आहे. मात्र या परिसरात मोठ्या प्रमाणावर उंच इमारती आहेत. त्यांचा अडथळा होत आहे.

दरम्यान यंदा किरणोत्सवासाठी समितीतर्फे २ मोठ्या स्क्रीन, किरणांचे परार्वतन रोखण्यासाठी कापड तसेच अन्य सुविधा दिल्या जातील. गाभाऱ्यातील आर्द्रता वाढू नये यासाठी भाविकांना किरणोत्सवावेळी पेटीचौकात प्रवेश बंदी असेल.

बैठकीला किरणोत्सव अभ्यास समिती, देवस्थान समिती, श्रीपूजक मंडळाचे पदाधिकारी उपस्थित होते. पत्रकार परिषदेला शिवाजी विद्यापीठातील पर्यावरण विभाग प्रमुख डॉ. पी. डी. राऊत, पर्यावरण अभ्यासक उदय गायकवाड, अॅड. प्रसन्न मालेकर, उमाकांत राणिंगा, मिलींद कारंजकर, प्रा. किशोर हिरासकर, केदार मुनीश्वर, देवस्थान समितीचे सदस्य शिवाजी जाधव, संगीता खाडे, बी. एन. पाटील, सचिव विजय पोवार, अभियंता सुदेश देशपांडे, व्यवस्थापक धनाजी जाधव उपस्थित होते.

मोबाइल अॅप डाउनलोड करा आणि राहा अपडेट

प्राचार्यांसह प्राध्यापकांच्या वेतनाचे ४५ कोटी लटकले

January 22, 2018, 11:35 am

≫ Next: तवंदी घाटात तवेरा उलटली, ९ जखमी

≪ Previous: किरणोत्सवातील अडथळे दूर करावेत

$

0

0

म. टा. प्रतिनिधी, कोल्हापूर

कोल्हापूर सांगली सातारा या तीन जिल्ह्यातील वरिष्ठ अनुदानित महाविद्यालयांमधील प्राचार्य, प्राध्यापक व शिक्षकेत्तर कर्मचाऱ्यांसाठी नवे वर्ष पगाराच्या दीर्घ प्रतीक्षेने सुरू झाले आहे. अनुदान जमा न झाल्याने डिसेंबर २०१७ या महिन्याचा पगार अद्याप खात्यावर जमा झालेला नाही. कोल्हापूर विभागातील अडीच हजार प्राध्यापक, १३२ प्राचार्य आणि दोन हजार शिक्षकेतर कर्मचाऱ्यांचा एकत्रित एक महिन्याच्या पगारापोटी दिले जाणारे ४५ कोटी रुपये लालफितीत अडकले आहेत.

राज्य सरकारतर्फे अनुदानित वरिष्ठ महाविद्यालयातील प्राचार्य, प्राध्यापक आणि शिक्षकेत्तर कर्मचारी यांचे वेतन दर महिन्याच्या पाच तारखेला खात्यावर जमा होते. कोल्हापूर सांगली व सातारा या विभागातील वरिष्ठ महाविद्यालयातील प्राचार्य, प्राध्यापक व शिक्षकेतर कर्मचारी यांना मात्र नव्या वर्षातील पहिले वेतन अद्यापही मिळालेले नाही. राज्य सरकारच्या शिक्षण विभागाकडून पगारासाठी देण्यात येणारी अनुदानाची रक्कम शिक्षण सहसंचालक कार्यालयाकडे वर्ग न झाल्यामुळे पगार जमा झाला नसल्याचे कारण प्रशासनातर्फे देण्यात आले आहे.

कोल्हापूर सांगली व सातारा येथील महाविद्यालयांमध्ये कार्यरत असलेल्या अडीच हजार प्राध्यापक, १३२ महाविद्यालयातील प्राचार्य आणि दोन हजार शिक्षकेतर कर्मचारी जानेवारीच्या पाच तारखेपासून वेतन जमा होण्याची प्रतीक्षा करत आहेत. याबाबत प्राध्यापक संघटना व प्राचार्य संघटनेकडून शिक्षण सहसंचालक कार्यालयाकडे वेतनाबाबत विचारणा करण्यात आली आहे. अनुदानाची रक्कम जमा झाल्यानंतर वेतन जमा केले जाईल, असे प्रशासनाकडून सांगण्यात आले आहे.

आर्थिक वर्षाच्या अखेरीला काहीवेळा वेतनाचे अनुदान जमा न होण्याचा प्रकार यापूर्वी झाला आहे. मात्र डिसेंबरच्या वेतनाची रक्कम जमा न होण्याची ही प्रथमच वेळ आहे. यासंदर्भात शिक्षण विभागाकडे पाठपुरावा करण्यात आला आहे. डिसेंबर महिन्याचे वेतन जमा होण्यासाठी झालेला विलंब हा काही तांत्रिक कारणाने झाला आहे.

अजय साळी, शिक्षण सहसंचालक

अनुदान न आल्यामुळे वेतन थकले आहे. जानेवारी महिन्याच्या दुसऱ्या आठवड्यापासून प्राध्यापकांच्या वेतनासाठी शिक्षण सहसंचालक कार्यालयाशी संपर्क साधण्यात आला आहे. वेतन जमा करण्याची कार्यवाही लवकरात लवकर करावी, अशी मागणी करण्यात आली आहे.

आर. जी. कोरबू, सहकार्यवाह, शिवाजी विद्यापीठ शिक्षक संघटना (सुटा)

मोबाइल अॅप डाउनलोड करा आणि राहा अपडेट

तवंदी घाटात तवेरा उलटली, ९ जखमी

January 22, 2018, 11:50 am

≫ Next: एफडीआय विरोधात आंदोलनाचा इशारा

≪ Previous: प्राचार्यांसह प्राध्यापकांच्या वेतनाचे ४५ कोटी लटकले

$

0

0

म. टा. प्रतिनिधी, कोल्हापूर

भरधाव तवेरावरील चालकाचे नियंत्रण सुटल्याने तवेरा उलटून नऊजण जखमी झाले. सर्व जखमी सोलापूर व मुंबईचे आहेत. जखमींमध्ये दोन लहान मुलांचा समावेश आहे. कर्नाटकातील देवदर्शन आटोपून परत येताना सोमवारी (ता. २२) संध्याकाळी पाचच्या सुमारास हा अपघात झाला. जखमींना उपचारासाठी सीपीआरमध्ये दाखल केले आहे. देवीदास विठ्ठल लोखंडे (५५), शोभा देवीदास लोखंडे (४५ रा. दोघे कांदिवली, मुंबई), तेजल अनंत रामपुरे (२६), अनंत श्रीकांत रामपुरे (३२), श्रीकांत बेलोबाराय रामपुरे (५५), सविता श्रीकांत रामपुरे (५२), अशिष रामपुरे (२८), अवनिश अनंत रामपुरे (३), उद्वेन अनंत रामपुरे (१० महिने, सर्व रा. सोलापूर) अशी जखमींची नावे आहेत.

सीपीआरमधून मिळालेल्या माहितीनुसार सोलापूर येथील रामपुरे कुटुंबीय आणि मुंबईतील लोखंडे दाम्पत्य असे नऊजण शनिवारी रात्री कर्नाटकात देवदर्शनासाठी गेले होते. देवदर्शनानंतर सोमवारी सकाळी ते सोलापूरला जाण्यासाठी निघाले होते. सायंकाळी पाचच्या सुमारास तवंदी घाटात आल्यानंतर चालकाचे तवेरावरील नियंत्रण सुटल्याने भरधाव तवेरा उलटली. यात चालकासह नऊजण किरकोळ जखमी झाले. काही वाहनधारकांनी जखमींना १०८ रुग्णवाहिकेतून तातडीने सीपीआर रुग्णालयात दाखल केले. जखमींवर रात्री उशिरापर्यत उपचार सुरू होते. सुदैवाने यात कोणीही गंभीर जखमी झाले नाही. या अपघाताची नोंद सीपीआर पोलिस चौकीत झाली आहे.

मोबाइल अॅप डाउनलोड करा आणि राहा अपडेट

एफडीआय विरोधात आंदोलनाचा इशारा

January 22, 2018, 11:59 am

≫ Next: मार्केट यार्ड परिसरातून बॅग लंपास

≪ Previous: तवंदी घाटात तवेरा उलटली, ९ जखमी

$

0

0

म. टा. प्रतिनिधी, कोल्हापूर

कॅमिट, कैट व महाराष्ट्र चेंबर ऑफ कॉमर्स या तीनही संघटनांनी एफडीआयलाविरोध करण्याचा निर्णय घेतला आहे. या विषयावर अभ्यास समिती नेमावी. सरकारला प्रस्ताव द्यावा. सरकारने मान्य केले नाही तर सर्व संघटनांनी मिळून आंदोलन करण्याचाही निर्णय घेण्यात आला. यासाठी चार फेब्रुवारी रोजी अखिल भारतीय पातळीवर बैठक घेण्यात येणार आहे. मार्केट सेस रद्द करण्याबाबतही सर्वांचे एकमत झाले.

औरंगाबाद जिल्हा व्यापारी महासंघाने महाराष्ट्र व्यापारी प्रतिनिधी संमेलन आयोजित केले होते. त्यामध्ये या तीन संघटना एकत्र आल्या. यावेळी एफडीआयबरोबरच बँक चार्सेस, टे वे बिल, जीएसटी व कृषी उत्पन्न बाजार समिती या विषयावर चर्चा झाली. यावेळी एफडीआयमध्ये सुधारित प्रस्ताव घ्यावा व तो सरकारने मान्य न केल्यास या तीनही संघटनांची एकत्र बैठक घेऊन एलबीटीप्रमाणे व्यापाऱ्यांना पाठिंबा देणाऱ्या पक्षांना पाठिंबा देता येईल का तसेच अन्य कोणते मार्ग आहेत याची चर्चा करण्यासाठी एक महिन्यानंतर बैठक घेण्यात येणार आहे. त्यासाठी राज्यातील व्यापार वाचवण्यासाठी व एफडीआयला रोखण्यासाठी राजकीयदृष्ट्या आखणी करण्याचे ठरले. बँक चार्जेस बाबत तीन संघटनांनी मिळून एक प्रस्ताव तयार करावा, तो सरकारला सादर करण्याचे ठरवण्यात आले. तर टू वे बिलबाबत वाहतूक व्यावसायिकांना सोबत घेऊन केंद्र सरकारला सुधारणा करण्याचा प्रस्ताव देण्याची जबाबदारी कैटने उचलली आहे.

जीएसटीबाबत व्यापारी महासंघाने अन्नधान्यावरील टॅक्स रद्द करावा, त्याच्या खर्चावरील कर रद्द करावा, १० कोटीपर्यंत तिमाही रिटर्न बसवावेत, मिसमॅचबाबत सुधारणा करण्याची परवानगी असावी, अशा सूचना मांडण्यात आल्या. या बैठकीस कैटचे चेअरमन महेंद्रभाई शहा, मोन गुरनानी, दिपेन अग्रवाल, महाराष्ट्र चेंबर ऑफ कॉमर्सचे संतोष मंडलेचा, मानसिंह पवार, ऑल इंडिया ट्रान्स्पोर्टचे प्रकाश गवळी, औरगांबाद महासंघाचे अजय शहा, कोल्हापूर व्यापारी महासंघाचे सदानंद कोरगावकर, सांगलीचे विराज कोकणे उपस्थित होते.

मोबाइल अॅप डाउनलोड करा आणि राहा अपडेट

मार्केट यार्ड परिसरातून बॅग लंपास

January 22, 2018, 12:12 pm

≫ Next: चंद्रकांत पाटलांच्या घरावर सीमावासीयांचा मोर्चा

≪ Previous: एफडीआय विरोधात आंदोलनाचा इशारा

$

0

0

म. टा. प्रतिनिधी, कोल्हापूर

छत्रपती शाहू मार्केट यार्ड परिसरात स्टेट बँक ऑफ इंडियाच्या शाखेसमोर अज्ञात चोरट्याने वृद्धाची बॅग लंबवली. बॅगेत सोन्याच्या बांगड्या आणि लक्ष्मीहार होता. ६ नोव्हेंबरला हा प्रकार घडला असून, याबाबत रविवारी (ता. २२) रात्री नऊच्या सुमारास शाहूपुरी पोलिस ठाण्यात फिर्याद दाखल करण्यात आली. वसंत तात्याबा जाधव (वय ६३, रा. गणेश कॉलनी, मणेर मळा, उचगाव) यांनी फिर्याद दिली. शाहूपुरी पोलिसांनी दिलेल्या माहितीनुसार वसंत जाधव हे सहा नोव्हेंबरला मार्केट यार्ड परिसरातील स्टेट बँक ऑफ इंडियाच्या शाखेसमोर थांबले होते. त्यांच्याजवळ असलेल्या बॅगेत सोन्याच्या तीन तोळ्यांच्या बांगड्या आणि दीड तोळे वजनाचा लक्ष्मीहार होता. यावेळी अज्ञात चोरट्याने जाधव यांच्याकडील बॅग लंपास केली. हा प्रकार जाधव यांना लक्षात आला नाही. दागिने नसल्याचे लक्षात येताच त्यांनी रविवारी शाहूपुरी पोलिस ठाण्यात चोरीची फिर्याद दाखल केली. शाहूपुरी पोलिस अधिक तपास करीत आहेत.

मोबाइल अॅप डाउनलोड करा आणि राहा अपडेट

---

चंद्रकांत पाटलांच्या घरावर सीमावासीयांचा मोर्चा

January 23, 2018, 2:36 am

≫ Next: पत्नीला वाचविताना पती गंभीर जखमी

≪ Previous: मार्केट यार्ड परिसरातून बॅग लंपास

$

0

0

कोल्हापूर :

कर्नाटकचा गौरव करणारे पालक मंत्री चंद्रकांत पाटील यांच्या निषेधार्थ सीमावासीयांनी आज कोल्हापुरात जोरदार मोर्चा काढला. महाराष्ट्र एकीकरण समितीच्या युवा आघाडीचे कार्यकर्ते पाटील यांच्या घराबाहेर निदर्शने करण्यासाठी जात असताना त्यांना पोलिसांनी अडवले. त्यामुळे पोलीस आणि आंदोलकांमध्ये प्रचंड झटापट झाली. आंदोलकांना पांगविण्यासाठी पोलिसांनी बळाचा वापर केल्याने अखेर आंदोलकांनी रस्त्यावरच ठिय्या आंदोलन केलं. त्यामुळे या परिसरात तणाव निर्माण झाला होता.

बेळगाव जिल्ह्यातील गोकाक येथील कार्यक्रमात कन्नड गीत गायल्यामुळे चंद्रकांत पाटील यांच्याविरोधात संतापाची लाट उसळली आहे. त्यामुळे बेळगावहून आलेल्या एकीकरण समितीच्या कार्यकर्त्यांनी कोल्हापूरमध्ये आज आंदोलन करत पाटील यांच्या वक्तव्याचा निषेध नोंदविला आहे. समितीच्या युवा आघाडीच्या कार्यकर्त्यांनी आज पाटील यांच्या जुनी मोरे कॉलनी येथील निवासस्थानासमोर धरणे आंदोलन करण्यासाठी संभाजीनगर बस स्थानक ते संभाजीनगर पेट्रोल पंपसमोरील चौकालगतच्या हॉटेल समाधानपर्यंत मोर्चा काढला. पण पोलिसांनी पाटील यांच्या निवासस्थानाकडे जाणाऱ्या मार्गावर बॅरेकटस टाकून आंदोलकांचा मोर्चा वाटेतच अडवला. त्यामुळे संतप्त आंदोलकांनी घोषणाबाजी करत रस्त्यावरच ठिय्या आंदोलन केल्याने या परिसरात वाहतुकीची मोठी कोंडी झाली होती. जिल्हा पोलस अधीक्षक संजय मोहिते हे स्वत: बंदोबस्तावर नियंत्रण ठेवून होते.



'बेळगाव आमच्या हक्काचे, नाही कुणाच्या बापाचे' आणि 'बेळगाव बिदर, भालकीसह संयुक्त महाराष्ट्र झालाच पाहिजे', अशा घोषणा देत आंदोलकांनी परिसर दणाणून सोडला. पाटील यांचे हे खासगी निवासस्थान असल्याचं कारण पुढं करत पोलिसांनी आंदोलकांना आंदोलन करण्यास मनाई केली. मात्र 'आम्ही बेळगावहून आलो आहोत, कुठलाही अनुचित प्रकार घडणार नाही. तोंडावर काळ्या पट्टा बांधून पालकमंत्र्याच्या निवासस्थान परिसरातून मूक मोर्चा काढतो,' अशी भूमिका आंदोलकांनी मांडली. मात्र पोलीसांनी त्याला परवानगी दिली नाही. यामुळे कार्यकर्ते संतप्त झाले. त्यांनी सीमा लढ्याचा दाखला देत घोषणेबाजी केली. या मोर्च्यात एकीकरण समितीचे पदाधिकारी मदन बामणे, सूरज कणबरकर, पियुष हावळ, सुनील बाळेकुंदी, माजी महापौर सरिता पाटील, माजी उपमहापौर रेणू किल्लेकार आदींसह ४० कार्यकर्त्यांनी भाग घेतला होता.

मोबाइल अॅप डाउनलोड करा आणि राहा अपडेट

पत्नीला वाचविताना पती गंभीर जखमी

January 23, 2018, 5:39 pm

≫ Next: गुरुवारी वकिलांचे कामबंद आंदोलन

≪ Previous: चंद्रकांत पाटलांच्या घरावर सीमावासीयांचा मोर्चा

$

0

0

म. टा. प्रतिनिधी, कोल्हापूर

कौटुंबिक वादातून पत्नीने चिडून अंगावर रॉकेल ओतून पेटवून घेतले. यावेळी तिला वाचवण्यासाठी गेलेला पतीही भाजून गंभीर जखमी झाला आहे. सोमवारी (ता. २२) मध्यरात्री रमणमळा परिसरात ही घटना घडली. रोहिणी प्रणव आपटे (वय ३०) आणि प्रणव आपटे (३२, दोघेही रा. रमणमळा, कसबा बावडा) अशी जखमींची नावे आहेत. जखमींवर सीपीआर रुग्णालयात उपचार सुरू आहेत.

याबाबत अधिक माहिती अशी की, आपटे दाम्पत्य रमणमळा परिसरातील शासकीय धान्य गोडाऊन परिसरात राहते. सोमवारी रात्री या दोघांमध्ये वाद झाला होता. रात्री उशिरापर्यंत हा वाद सुरू होता. चिडलेली पत्नी रोहिणी हिने मध्यरात्रीच्या सुमारास अंगावर रॉकेल ओतून घेऊन पेटवून घेतले. हा प्रकार लक्षात येताच पत्नीला वाचवण्यासाठी गेलेला पती प्रणव हादेखील गंभीररित्या भाजून जखमी झाला. परिसरातील नागरिकांनी दोघांनाही उपचारासाठी सीपीआरमध्ये दाखल केले. जखमींवर सीपीआरच्या बर्न विभागात उपचार सुरू आहेत. रोहिणी ही ७० टक्के भाजली आहे, तर प्रणव ४० टक्के भाजला आहे. रोहिणीची प्रकृती चिंताजनक असल्याचे डॉक्टरांनी सांगितले. या घटनेची माहिती मिळताच शाहूपुरी पोलिसांनी सीपीआरमध्ये जाऊन दोन्ही जखमींचा जबाब घेतला, मात्र आपटे दाम्पत्याने एकमेकांविरोधात तक्रार दिलेली नाही. रागाच्या भरात चुकून कृत्य घडल्याचे रोहिणी हिने पोलिसांना सांगितले. या घनटेची नोंद सीपीआर पोलिस चौकीत झाली आहे.

मोबाइल अॅप डाउनलोड करा आणि राहा अपडेट

गुरुवारी वकिलांचे कामबंद आंदोलन

January 23, 2018, 5:50 pm

≫ Next: सरकारला लाज वाटायला पाहिजे: राजू शेट्टी

≪ Previous: पत्नीला वाचविताना पती गंभीर जखमी

$

0

0

म. टा. प्रतिनिधी, कोल्हापूर

कोर्टाच्या फीमध्ये राज्य सरकारने सरासरी तीन ते पाच पट वाढ केली आहे. ही दरवाढ करून सरकारने सर्वसामान्य नागरिकांसाठी न्याय महाग केला असल्याची भावना जिल्हा बार असोसिएशनने व्यक्त केली आहे. याच्या निषेधार्थ गुरुवारी (ता. २५) एक दिवस कामबंद आंदोलन करण्याचा निर्णय असोसिएशनने घेतला आहे. यामुळे जिल्ह्यातील सर्वच कोर्टांचे कामकाज ठप्प राहणार आहे. असोसिएशनच्या वतीने मोर्चाने जिल्हाधिकाऱ्यांना निवेदन देण्यात येणार आहे.

राज्य सरकारने कोर्टाच्या फीमध्ये सरासरी तीन ते पाच टक्के वाढ केली आहे. या निर्णयामुळे सर्वसामान्य नागरिकांना मोठा आर्थिक फटका बसणार आहे. एकीकडे जिल्हा विधी सेवा प्राधिकरणच्या माध्यमातून न्याय गरजूंच्या दारी घेऊन जाण्याचे काम केले जाते, तर दुसरीकडे न्याय महाग करून गरजूंची कुचंबना केली जाते. या विसंगतीवर जिल्हा बार असोसिएशनने बोट ठेवले आहे. या निर्णयाच्या विरोधात गुरुवारी एक दिवस कोर्ट कामकाजापासून अलिप्त राहण्याचा निर्णय जिल्हा बार असेसिएशनने घेतला आहे. मंगळवारी घेतलेल्या बैठकीत हा निर्णय घेण्यात आला. गुरुवारी सकाळी न्यायसंकुलासमोर फीवाढीच्या परिपत्रकाची होळी करून जिल्हाधिकारी कार्यालयावर मोर्चा काढला जाणार आहे. यानंतर फीवाढ मागे घेण्याचे निवेदन जिल्हाधिकाऱ्यांना देण्यात येणार आहे, अशी माहिती जिल्हा बार असोसिएशनचे अध्यक्ष अॅड. प्रशांत शिंदे यांनी दिली.

मोबाइल अॅप डाउनलोड करा आणि राहा अपडेट

सरकारला लाज वाटायला पाहिजे: राजू शेट्टी

January 23, 2018, 5:58 pm

≫ Next: लाचेची मागणी करणाऱ्या दोघांना शिक्षा

≪ Previous: गुरुवारी वकिलांचे कामबंद आंदोलन

$

0

0

म. टा. प्रतिनिधी,कोल्हापूर

'एप्रिल महिन्यापासून शालेय पोषण आहाराचे पैसे रोखल्याने बचत गटांनी पदरमोड करून पोषण आहार दिला आहे. मुलांच्या तोंडचा घास हिरावणाऱ्या राज्य सरकारला लाज वाटली पाहिजे,'अशी टीका खासदार राजू शेट्टी यांनी केली. जिल्हा विकास सनियंत्रण सभा, केंद्र सरकार पुरस्कृत विविध योजनांच्या आढावा बैठकीनंतर ते पत्रकारांशी बोलत होते.

खासदार शेट्टी यांच्या अध्यक्षतेखाली झालेल्या बैठकीच्यावेळी खासदार धनंजय महाडिक, जिल्हाधिकारी अविनाश सुभेदार, जिल्हा परिषद मुख्य कार्यकारी अधिकारी डॉ. कुणाल खेमणार, महानगर पालिकेचे आयुक्त डॉ. अभिजीत चौधरी, प्रकल्प संचालक ग्रामीण विकास यंत्रणा हरिष जगताप, सचिन पाणारे यांची प्रमुख उपस्थिती होती.

बैठकीत शालेय पोषण आहाराचे बिलाबाबत खासदार शेट्टी यांनी विचारणा केली असता ते म्हणाले, 'या योजनेसाठी २४ कोटींपैकी फक्त नऊ कोटी रुपयांचा निधी जिल्ह्याला प्राप्त झाला आहे. अद्याप १४ कोटी निधी या योजनेसाठी आलेले नाही. नऊ कोटी निधीपैकी गतवर्षीची बिले भागवण्यासाठी खर्च झाला आहे, अशी माहिती बैठकीत देण्यात आली. एप्रिल २०१७ पासून जिल्हाला निधी नसतानाही महिला बचत गट व पुरवठादार पदरमोड करून शालेय पोषण आहार पुरवत आहेत. पहिली ते आठवीच्या विद्यार्थ्यांना शालेय पोषण आहार पुरवला जातो. या योजनेसाठी वेळेवर निधी उपलब्ध नाही. शाळेतील मुलांचा तोंडचा घास हिरावून घेणाऱ्या राज्य सरकारला लाज वाटली पाहिजे,' अशी टीका खासदार शेट्टी यांनी केली. हा निधी लवकर उपलब्ध व्हावा, यासाठी मुख्यमंत्री देवेंद्र फडणवीस, महिला बाल विकास मंत्री पंकजा मुंडे यांची भेट घेणार असल्याचे शेट्टी यांनी सांगितले.

प्रधानमंत्री सडक योजनेसाठी अडीच कोटी रुपयांचा निधी जिल्ह्याला प्राप्त झाला आहे. लोकप्रतिनिधींना विश्वासात घेऊन कोणत्या रस्त्यांना प्राधान्याने करावेत याचा आराखडा तयार करण्याचे आदेश शेट्टी यांनी सार्वजिनक बांधकाम विभागाला दिले. खनिज उत्खननाच्या रॉयल्टीमधून साडेसतरा कोटी रुपयांचा निधी प्राप्त झाला आहे. ज्या ठिकाणी खाणी आहेत तेथील २० किलोमीटर अंतरावरील गावांमध्ये रस्ते, आरोग्य, शाळा यांच्यावर ६० निधी खर्च करायचा असून ४० टक्के निधी खर्च अन्य ठिकाणी करायचा आहे. त्याचे अंदाजपत्रक तयार करण्याचे आदेश खासदार शेट्टी यांनी दिले.

प्रक्रियेविना सांडपाणी सोडू नका

सांडपाणी व्यवस्थापनासाठी महानगरपालिकेला निधी उपलब्ध झालेला आहे. त्यामुळे पंचगंगा नदीत प्रक्रीया न केलेले सांडपाणी सोडणे महापालिकेने बंद करावे,असे आदेश खासदार शेट्टी यांनी दिले. पावसाळ्यात कावीळ, गॅस्ट्रो यासारख्या आजारांचा प्रादुर्भाव पंचगंगा काठावरील गावांमध्ये मोठ्या प्रमाणात होत असतो. नागरिकांच्या आरोग्याच्यादृष्टीने महानगरपालिकेने पंचगंगा नदीमध्ये प्रक्रिया न केलेले सांडपाणी सोडणे बंद करावे. त्यांनी दुधाळी व जयंती नाला येथील सांडपाणी प्रक्रिया प्रकल्पांची माहिती घेतली. तसेच एसटीपी प्रकल्पांना सरप्राईज व्हिजीट देणार असल्याचेही त्यांनी यावेळी स्पष्ट केले.

बँकांविरोधात तक्रार

या बैठकीत जिल्ह्यातील दीडशे शाळा इमारती पाडण्यासंदर्भात प्रस्ताव आले होते. त्यापैकी १४५ प्रस्तावांना मान्यता देण्यात आली आहे. १८३ शाळा खोल्यांची नव्याने मागणी करण्यात आल्याचे सांगण्यात आले. स्टेट बँक ऑफ इंडिया व देना बँक या राष्ट्रीयीकृत बँका लाभार्थीचे खाते झिरो बॅलन्सवर उघडण्यास नकार देत असल्याच्या तक्रारी काही सदस्यांनी केल्या. बँका प्रतिसाद देत नसल्यास त्यांची तक्रार रिझर्व बँक ऑफ इंडियाकडे करण्यात येईल असे खासदार शेट्टी यांनी स्पष्ट केले.

अहवाल सादर करा

कागल नगरपालिकेमध्ये पंतप्रधान आवास योजना (शहरी) यामध्ये झालेल्या कामांचे ऑडिट करुन एक महिन्यात अहवाल सादर करावा. या योजनेतील उर्वरित ४०० घरे पूर्ण करण्याचे काम येत्या तीन ते चार वर्षात करण्याचे नियोजन करावे अशी सूचना त्यांनी केली. खासदार धनंजय महाडिक यांनी कुत्रे चावून रेबीज होण्याच्या घटना वाढत आहेत. भटक्या कुत्र्यांना आवार घालण्याबाबत कोल्हापूर महानगरपालिका कोणत्या उपाययोजना करीत आहेत याबाबत विचारणा केली. तसेच सीपीआरकडे रेबीज प्रतिबंधक लसींचा किती साठा उपलब्ध आहे याची माहिती घेतली. यावर जिल्ह्यात तीन हजार ७४२ रेबीज प्रतिबंधक लसींचा साठा उपलब्ध असल्याची माहिती डॉ. देशमुख यांनी दिली.

जिल्ह्यात ७२ ब्लॅक स्पॉटवर सुधारणा करणार

जिल्ह्यात अपघात होणारे ७२ ब्लॅक स्पॉट निश्चित करण्यात आले आहेत. या स्पॉटवर अपघात घडू नये यासाठी तात्पुरते व कायमस्वरुपी उपायोजना करण्यात येणार आहेत. तात्पुरत्या उपायोजनेसाठी दोन कोटी ६० लाख रुपये तर कायमस्वरुपी उपायोजनेसाठी तीन कोटी ७० लाख रुपये मंजुरीसाठी अंदाजपत्रक तयार करण्याचे आदेश शेट्टी यांनी दिले.

मोबाइल अॅप डाउनलोड करा आणि राहा अपडेट

लाचेची मागणी करणाऱ्या दोघांना शिक्षा

January 23, 2018, 6:03 pm

≫ Next: कोल्हापूर : रेल्वे प्रवासी सुविधा ट्रॅकबाहेरच

≪ Previous: सरकारला लाज वाटायला पाहिजे: राजू शेट्टी

$

0

0

म. टा. प्रतिनिधी, कोल्हापूर

लाच मागणाऱ्या सरकारी कर्मचाऱ्यास जिल्हा व सत्र न्यायालयाने एक वर्ष सक्तमजुरीसह आर्थिक दंडाची शिक्षा सुनावली आहे. पन्हाळा पंचायत समितीचा स्थापत्य अभियंता मारुती नामदेव चौगुले (रा. साखरी, ता. गगनबावडा) असे लाचखोर कर्मचाऱ्याचे नाव आहे. इंदिरा गांधी घरकुल आवास योजनेचा हप्ता देण्यासाठी त्याने लाभार्थ्याकडून ३ हजार रुपयांची लाच मागितली होती. सातवे जिल्हा व सत्र न्यायाधीश पी. एम. नागलकर यांनी मंगळवारी (ता. २३) शिक्षा सुनावली.

वाळवेकरवाडी येथील बजरंग तुकाराम कुंभार यांच्या आईच्या नावे २०१४ मध्ये इंदिरा आवास योजनेतून घरकुल मंजूर झाले होते. घरकुल बांधकामाचा २५ हजार रुपयाचा तिसरा हप्ता आला होता. धनादेशाच्या मंजुरीसाठी पन्हाळा पंचायत समितीमधील स्थापत्य अभियंता मारुती चौगुले याने वाळवेकरवाडी येथील ग्रामसेविका आसमा मुल्लाणी यांच्याकडून बांधकामाची माहिती देणारा ऑनलाइन अर्ज आणावा, असे लाभार्थ्यास सांगितले होते. बजरंग कुंभार यांनी लाचलुचपत प्रतिबंधक विभागात तक्रार दाखल केली होती. पोलिस निरीक्षक यू. एस. पाटील यांनी केलेल्या तपासात चौगुले यांनी लाचेची मागणी केल्याचे स्पष्ट झाले. यानुसार १४ फेब्रुवारी २०१५ मध्ये पन्हाळा पोलिस ठाण्यात गुन्हा दाखल झाला होता.

लाचलुचपत प्रतिबंधक विभाग आणि पोलिसांनी कोर्टात आरोपपत्र दाखल केले होते. सरकार पक्षामार्फत अॅड. विवेक शुक्ल यांनी तीन साक्षीदार तपासले. फिर्यादी पंच आणि तपास अधिकाऱ्यांच्या साक्षी महत्त्वाच्या ठरल्या. अॅड. शुक्ल यांचा युक्तीवाद, साक्षी आणि उपलब्ध पुरावे याच्या आधारे न्यायाधीश पी. एम. नागलकर यांनी अभियंता चौगुले यास एक वर्ष सक्तमजुरी आणि पाच हजार रुपये दंडाची शिक्षा सुनावली. ग्रामसेविका आसमा मुल्लाणी यांचा गुन्ह्यातील सहभाग सिद्ध झाला नाही. केवळ लाचेची मागणी केल्याने शिक्षा होण्याची ही जिल्ह्यातील पहिलीच घटना आहे, अशी माहिती सरकारी वकील विवेक शुक्ल यांनी दिली.

मोबाइल अॅप डाउनलोड करा आणि राहा अपडेट

कोल्हापूर : रेल्वे प्रवासी सुविधा ट्रॅकबाहेरच

January 23, 2018, 6:08 pm

≫ Next: स्वातंत्र्याच्या नावावर काहीही खपवू नका

≪ Previous: लाचेची मागणी करणाऱ्या दोघांना शिक्षा

$

0

0

कोल्हापूर टाइम्स टीम

मध्य रेल्वेचे सरव्यवस्थापक डी. के. शर्मा बुधवारी कोल्हापूर रेल्वेस्थानकाची तपासणी करण्यासाठी येत आहे. मध्य रेल्वेच्या पुणे विभागातील राजर्षी शाहू महाराज टर्मिनन्सवर मॉडेल रेल्वेस्थानकाची घोषणा ट्रॅकबाहेरच आहे. रेल्वेस्थानक मॉडेल करण्यासाठी लाखो रुपये खर्च केले आहेत. मात्र प्रवाशांच्या सुरक्षिततेसाठी स्थानकावर धातू शोधक यंत्रणा नाही. टर्मिनल बिल्डींग, प्लॅटफॉम विस्तारीकरण, जादा रेल्वे डबे, पीटलाइन, धार्मिक स्थळ जोडणीअंतर्गत रेल्वे कनेक्टिव्हिटीला रेड सिग्नल मिळाला आहे. आजअखेर आलेल्या काही रेल्वे अधिकाऱ्यांचा दौरा केवळ कोल्हापूर भेट आणि अंबाबाई दर्शनापुरताच मर्यांदित राहिला आहे. त्याची पुनरावृत्ती टाळून सरव्यवस्थापकांनी प्रवाशांच्या सुविधांचा ट्रॅकसाठी ठोस निर्णय अपेक्षित आहे. खासदार धनंजय महाडिक आणि खासदार संभाजीराजे छत्रपती यांनी यापूर्वी केलेल्या मागण्या पूर्ण होण्याची प्रवाशांना प्रतीक्षा आहे.

राजर्षी शाहू महाराज टर्मिनन्सवरील तीन प्लॅटफॉर्म पैकी दोन क्रमांक प्लॅटफॉर्मची लांबी वाढविली आहे. प्लॅटफॉर्म क्रमांक एक आणि तीनचा विस्तार अद्याप झालेला नाही. यापूर्वी कोयना एक्स्प्रेसचे २६ डबे होते. सध्या प्लॅप्टफॉर्मचे विस्तारीकरण नसल्याने या रेल्वेचे २४ डबे झाले आहेत. त्याचा फटाका प्रवाशांना बसत आहे. कोल्हापूर-नागपूर एक्सप्रेस ही रेल्वे दुरस्तीनंतर ३२ तास मिरज स्टेशनच्या रॅकमध्ये उभी राहते. थांबून राहिलेल्या रेल्वेचा उपयोग करुन घेण्यासाठी धार्मिक पर्यटनाला ही रेल्वेसेवा देण्यात आली. धार्मिक स्थळ जोडणीअंतर्गत कोल्हापूर शिर्डी (साईनगर) ही विशेष रेल्वे सुरु करण्यात आली. मात्र रेल्वेच्या ढिसाळ नियोजनामुळे ही सेवा बंद करण्यात आली. प्रवाशांची वाढती संख्या पाहता जनरल रेल्वेला अजूनही चार जादा डबे गरजेचे आहेत. रेल्वेस्थानकाची मूळची हेरिटेज इमारतीत कोणताही बदल न करता गोकुळ हॉटेलजवळील रेल्वेच्या जागेत टर्मिनल बिल्डिंग उभारण्याचे प्रयत्न करण्यात आले. मात्र या प्रयत्नांना रेल्वे मंत्रालयाकडून फारसा प्रतिसाद मिळालेला नाही. रेल्वेचा स्वनिधी, पीपीएफ तत्त्वावर रेल्वेस्थानकातील विविध सुविधांचा विकास करण्यासाठी झालेल्या चर्चाची केवळ शिट्टीच वाजविली जात आहे. रेल्वेस्थानकावर प्रवाशांच्या साहित्याची आणि प्रवाशांची तपासणी करण्यासाठी कोणतीही सुरक्षा यंत्रणा नाही. भविष्यात रेल्वे गाड्यांची संख्या वाढल्यास कोल्हापूर रेल्वेस्थानकासारखेच जुळे स्टेशन किंवा नवा ट्रॅक उभारण्यासाठी नियोजित आराखडा नाही. कोल्हापूर रेल्वेस्थानक मध्य रेल्वेला कोट्यवधी रुपयांचे उत्पन्न देते, मात्र त्या प्रमाणात सुविधा दिल्या जात नाहीत.

रेल्वे फाटक क्रमांक एक तात्पुरते बंद केले आहे. या ठिकाणी पीटलाइन टाकण्याचे नियोजन आहे. मिरज जंक्शनमध्ये थांबणाऱ्या रेल्वे कोल्हापूर रेल्वेस्थानकात थांबू शकतात. त्याचा फायदा कोल्हापूर जिल्ह्यातील प्रवाशांना होऊ शकतो. कोल्हापूर सोलापूर रेल्वेची वेळ रात्री पावणेबारा वाजता आहे. वारकऱ्यांनी ही वेळ बदलून सकाळी रेल्वे सोडण्याची मागणी केली. मात्र त्याबाबत अद्याप निर्णय झालेला नाही. तिकिट कन्फर्म करण्याची सुविधा स्थानकात नाही. अनेक रेल्वे तिकिट आरएसी असल्याने प्रवाशांचा जीव टांगणीला लागलेला असतो. तिकिट आरक्षण काउंटरची संख्याही वाढविणे गरजेचे आहे. दरम्यान खासदार धनंजय महाडिक यांनी टर्मिनल बिल्डिंगचा प्लॅन दिला होता. त्या संदर्भात अद्याप ठोस धोरणात्मक निर्णय झालेला नाही. खासदार संभाजीराजे छत्रपती यांनी कोल्हापूर रेल्वेस्थानकाच्या विकासासाठी पाठपुरावा केला होता. त्याबाबतही रेल्वे मंत्रालयाकडून कोल्हापूरसाठी विकासासाठी ठोस काहीही मिळालेले नाही. रेल्वे सल्लागार समितीने सुचविलेल्या काही मागण्यांनाही रेल्वे मंत्रालयाने केराची टोपली दाखविली आहे.

लांब पल्ल्याच्या गाड्यांची प्रतीक्षाच

सांगली -कोल्हापूर शटल सेवा, कोल्हापूर ते पुणे इंटरसिटी, हॉलिडे, समर स्पेशल रेल्वे सेवा नाही. कोल्हापूर ते दिल्ली, कोल्हापूर अहमदाबाद या रेल्वे आठवड्यातून एकदा सेवा दिली जाते. दर मंगळवारी दिल्ली आणि दर शनिवारी अहमदाबाद ही रेल्वे सेवा आठवड्यातून दोन वेळा देण्याची गरज आहे. लांब पल्ल्याच्या गाड्यांसाठी पुणे आणि मुंबईकडे धावपळ करावी लागते. मुंबई, पंढरपूर आणि हुबळीवरुन मिरजपर्यंत असणाऱ्या सेवा कोल्हापूरपर्यंत वाढविण्याची गरज आहे. कोल्हापूरहून लांब पल्ल्याची जम्मू तावी गाडी सुरू करण्याची गरज आहे. इटारसी, मनमाड, भुसावळ, भोपाळ, झाशी, आग्रा, मथुरा, दिल्ली, अंबाला कॅन्टॉनमेन्ट, जालंधर, पठाणकोट, जम्मू तावी आणि कटारा या मार्गावर रेल्वे सेवेचे जाळे अधिक विस्तारण्याची गरज आहे. कोल्हापुरातून वैष्णोदेवीला जाणाऱ्या भाविकांची संख्याही लक्षणीय आहे. कोल्हापूर ते हावडा (कोलकाता) मार्गावर रेल्वे सेवा नाही. कोल्हापूर ते पंढरपूर पॅसेंजरसह लोणंद-फलटण आणि बारामतीमार्गे रेल्वे सेवा दिल्यास अधिक सेवेचे जाळे विणता येणे शक्य आहे.

महसुलाच्या तुलनेत सुविधा नाहीत

कोल्हापूर रेल्वेस्थानकाचे उद्घाटन राजर्षी छत्रपती शाहू महाराज यांच्या हस्ते ३ मे १८८८ रोजी झाले. कोल्हापूर ते मिरज या मार्गावर पहिली रेल्वे धावली आणि रेल्वे व कोल्हापूरचे नाते अतूट बनले. अन्य प्रवासी वाहतूक सेवेच्या तुलनेत रेल्वेतून हजारो प्रवाशांचा अल्प दरात प्रवास सुरु असून दळणवळणात महत्वाची भूमिका बजावत आहे. कोल्हापुरातून गूळ, साखर आणि अन्य धान्याची निर्यात सुरु असते. प्रवासी वाहतुकीसह रेल्वे गुड्स मार्केट यार्डच्या माध्यमातून मध्य रेल्वेला कोट्यवधींचा महसूल दिला जातो. मात्र त्या तुलनेत प्रवाशांना सुविधा दिली जात नाही.

या सेवांची प्रतीक्षा

कोल्हापूर ते हैदराबाद व्हाया सोलापूर

कोल्हापूर ते सोलापूर रेल्वे वेळेत बदल

कोल्हापूर ते कोकण रेल्वे प्रतीक्षा

कोल्हापूर ते पुणे मार्ग दुहेरीकरण, विद्युतीकरण तातडीने

बंदरांना जोडणारा रेल्वेमार्गाचा सर्व्हे

कोल्हापूर ते तिरुपती व्हाया सोलापूर

जादा बुकिंग काउंटर

तिकिट ब्लॅकमेल रोखायला हवे

पर्यायी नवा ट्रॅक हवा

सध्या मिळणाऱ्या सेवा (एक्स्प्रेस)

कोल्हापूर ते हैदराबाद

कोल्हापूर ते मुंबई (कोयना)

कोल्हापूर ते दिल्ली (निजामुद्दीन)- दर मंगळवारी

कोल्हापूर ते नागपूर - सोमवार ते शुक्रवार

कोल्हापूर ते बेंगळुरु (राणी चन्नम्मा)- दररोज

कोल्हापूर ते गोंदिया (महाराष्ट्र एक्स्प्रेस)- दररोज

कोल्हापूर ते अहमदाबाद - दर शनिवारी

कोल्हापूर ते मुंबई (महालक्ष्मी, सह्याद्री)

कोल्हापूर ते धनबाद- दर गुरुवारी

कोल्हापूर ते सोलापूर -दररोज रात्री

वरिष्ठ अधिकारी येणार म्हणून केवळ एका दिवसाचा 'शो' नको, तर कायमस्वरुपी सुविधा आणि सेवा दिल्या पाहिजेत. प्रवाशांच्या मागणीनुसार रेल्वे आणि जादा डबे जोडण्याची गरज आहे. जनरल रेल्वेला महिलांसाठी जादा डबे जोडण्याची मागण्यांची पूर्तता झालेली नाही. रेल्वे अधिकाऱ्यांचा हा केवळ कौतुक सोहळा न राहता धोरणात्मक निर्णय, निधी आणि अंमलबजावणी गरजेची आहे. त्यासाठी खासदारांनी प्रयत्न करणे गरजेचे आहे.

अशोक रणदिवे, प्रवासी

मोबाइल अॅप डाउनलोड करा आणि राहा अपडेट

स्वातंत्र्याच्या नावावर काहीही खपवू नका

January 24, 2018, 6:09 pm

≫ Next: साखर दर १५० रुपयांनी घसरले

≪ Previous: कोल्हापूर : रेल्वे प्रवासी सुविधा ट्रॅकबाहेरच

$

0

0

म. टा. प्रतिनिधी, कोल्हापूर

कलाकार म्हणून मला जे वाटतं ते मांडण्याचे अभिव्यक्ती स्वातंत्र्य असायला हवंच, पण ऐतिहासिक कथा सिनेमातून मांडताना त्या स्वातंत्र्याच्या नावावर काहीही खपवणे म्हणजे अभिव्यक्ती स्वातंत्र्य नाही. माझ्या सिनेमामुळे कुणीही दुखावणार नाही, हा सेन्सॉरबोर्ड आधी स्वत:चा असला पाहिजे, अशा परखड शब्दांत अभिनेते नाना पाटेकर यांनी सध्याच्या वादग्रस्त 'पद्मावत' सिनेमाबाबत बोलताना टोला लगावला.

'पद्मावत' या सिनेमाच्या प्रदर्शनावरून सध्या वादंग सुरू आहे. याबाबत कलाकार म्हणून आपले काय मत आहे, या प्रश्नाच्या अनुषंगाने महाराष्ट्र टाइम्सतर्फे आयोजित संवाद या कार्यक्रमात ही चर्चा झाली.

याविषयी बोलताना नाना म्हणाले, मी आजपर्यंत संवेदनशील विषयाचा गाभा असलेले किमान ५० सिनेमे केले. मात्र ते कधीच कोणत्या वादात अडकले नाहीत. इतरही अनेक सिनेमे पडद्यावर आले की, जे महापुरूष, ऐतिहासिक व्यक्तीरेखा यांच्याशी निगडीत होते, पण असे विषय निवडताना आणि मांडताना जे भान असायला हवे, ते जपलेच पाहिजे. सेन्सॉर या शब्दाचा अर्थ मर्यादा असा आहे. माझ्या कलाकृतीमुळे कुणाच्याही भावना दुखावणार नाहीत, यासाठी त्यात मी काय आणि कसे मांडायचे याचे दुसरे टोक हातात असणारा धागा म्हणून सेन्सॉर या नियमाकडे पाहिले पाहिजे. सिनेमा हे माध्यम केवळ मनोरंजन म्हणून नव्हे तर ते परिवर्तनाचे, प्रबोधनाचे, एखाद्या गोष्टीकडे अंतर्मुख होऊन पाहण्याची सजग दृष्टी देणारे माध्यम आहे. त्याची हाताळणीही तितक्याच प्रगल्भपणे झाली पाहिजे. जेव्हा ऐतिहासिक वास्तववादी कथा सिनेमासाठी निवडल्या जातात तेव्हा ती कथा पुराणात ज्या प्रदेशात घडली आहे, त्यातील रूढी-परंपरा ज्या समाजात आजही पाळल्या जातात ते लोक अशा कथांशी थेट जोडले जात असतात. अशावेळी सिनेमॅटिक लिबर्टीच्या नावावर जर आपण काहीही दाखवणार असू किंवा घडलेल्या प्रसंगाची मोडतोड करणार असू तर ते त्या समाजाच्या भावना दुखावणारं ठरू शकतं, हा विचार प्राधान्याने व्हायला हवा. शिवाय सेन्सार बोर्ड म्हणून सिनेमाला संमती देणारी माणसं अभ्यासू आणि त्या विषयातील सखोल परिणामांचा विचार करणारीही असणेही आवश्यक आहे.

यावेळी 'आपला माणूस,' सिनेमाचे दिग्दर्शक सतीश राजवाडे, अभिनेत्री इरावती हर्षे, निखिल साने आदी उपस्थित होते.

मोबाइल अॅप डाउनलोड करा आणि राहा अपडेट

---

साखर दर १५० रुपयांनी घसरले

January 24, 2018, 6:13 pm

≫ Next: लिंगायत मोर्चास ७७ समाजाचा पाठिंबा

≪ Previous: स्वातंत्र्याच्या नावावर काहीही खपवू नका

$

0

0

आठड्यात क्विंटलमागे ३०० रुपयांची घसरण

म. टा. प्रतिनिधी, कोल्हापूर

सुरू असलेल्या गळीत हंगामात विपुल प्रमाणात उत्पादीत झालेली साखर आणि आंतरराष्ट्रीय बाजारपेठेत मागणी कमी असल्याने साखरेच्या दरात सातत्याने घसरण होऊ लागली आहे. बुधवारी साखरेचे दर क्विंटलमागे १५० रुपयांनी कमी झाल्याने सध्या दर २,९५० ते ३,०५० रुपये क्विंटल झाला. आठवड्यात क्विंटलमागे तब्बल ३०० रुपयांची घसरण झाल्याने साखर उद्योग संकटात येण्याची शक्यता आहे. नोव्हेंबर महिन्यापासून साखरेच्या दरात सातत्याने घट होत असली, तरी किरकोळ बाजारात मात्र पारसे परिणाम दिसून येत नसल्याने ग्राहकांकडून आश्चर्य व्यक्त केले जात आहे.

गळीत हंगामाच्या सुरुवातीस साखरेचा प्रतिक्विंटल दर ३,८०० ते ४,१०० रुपये होता. बाजारातील साखर दराचा विचार करुन ऊस उत्पादकांनी जादा एफआरपीची (किमान वाजवी किमंत) मागणी केली होती. केंद्र सरकारनेही एफआरपीमध्ये वाढ केल्याने उत्पादकांमध्ये समाधानाचे वातावरण होते. कारखानदारांनीही तोडग्यानुसार दर देण्यास मान्यता दिली. कारखानदारांतील स्पर्धेमुळे एफआरपीची जाहीर करण्याची स्पर्धा लागली. मात्र त्यानंतर साखर दर सातत्याने कमी होऊ लागल्याने आता हीच स्पर्धा कारखानदारांना चांगलीच अंगलट येऊ लागली आहे.

जुलै ते नोव्हेंबर महिन्यापर्यंत ३,८०० ते ४,१०० रुपये प्रतिक्विंटल दर होता. पण गळीत हंगाम सुरू झाल्यानंतर साखर दरात सातत्याने घसरण होऊ लागली. डिसेंबरच्या पहिल्या व शेवटच्या आठवड्यात साखरेचे प्रत्येकी ३०० रुपयांनी किमी झाले. साखर दरात घसरण झाल्यानंतर राज्य सहकारी बँकेने साखरेचे मुल्यांकन कमी केले. त्यामुळे जाहीर केलेली एफआरपी कशी द्यायची असा प्रश्न असताना या आठड्यात साखर दर सलग दोनवेळा १५० रुपये प्रमाणे ३०० रुपयांनी कमी झाले. बुधवारी एस-वन साखरेचा दर ३,१०० वरुन २,९५० तर एम-वन साखरेचा दर ३,२०० रुपयावरुन ३,०५० झाला आहे. घाऊक बाजारात साखरेच्या दरात सातत्याने घसरण होत असली, तरी किरकोळ बाजारात मात्र साखरेच्या दरात कोणतीही घसरण झालेली नाही.

एफआरपीच्या प्रतीक्षेत उत्पादक

कोल्हापूर जिल्ह्यातील गळीत हंगामाला नोव्हेंबरपासून सुरुवात झाली. हंगाम सुरू होऊन दोन महिन्यांचा कालावधी झालेला असला, तरी बहुतांशी कारखान्यांनी एफआरपीची रक्कम उत्पादकांच्या बँक खात्यावर जमा केलेली नाही. साखर कारखानदारांची अशी अवस्था असताना साखरेच्या दरात सातत्याने घसरण होऊ लागली आहे. त्यातच आंतरराष्ट्रीय मार्केटमध्ये मंदीसदृश स्थिती असल्याने साखर विक्रीचे संकट निर्माण झाले असताना उत्पादकांना मात्र पहिले बिल कधी जमा होणार, याची प्रतीक्षा लागली आहे.

मोबाइल अॅप डाउनलोड करा आणि राहा अपडेट

लिंगायत मोर्चास ७७ समाजाचा पाठिंबा

January 24, 2018, 8:30 pm

≫ Next: संजीवकुमार पाटील यांना राष्ट्रपती पोलिस पदक

≪ Previous: साखर दर १५० रुपयांनी घसरले

$

0

0

म. टा. प्रतिनिधी, कोल्हापूर

अखिल भारतीय लिंगायत समन्वय समितीतर्फे २८ जानेवारीला निघणाऱ्या लिंगायत धर्म राज्यव्यापी महामोर्चास मराठासह ७७ समाजांनी बुधवारी मुस्लिम बोर्डिंगमध्ये झालेल्या बैठकीत पाठिंबा जाहीर केला. यावेळी उपस्थित समाजाच्या पदाधिकाऱ्यांनी लिंगायत समाजाला स्वतंत्र धर्माची मान्यता आणि अल्पसंख्याकांचा दर्जा मिळावा या मागणीचे समर्थन केले. केवळ पाठिंबा नाही तर आपला मोर्चा आहे, असे समजून मोठ्या संख्येने सहभागी होणार असल्याचेही सांगितले.

सरला पाटील यांनी मोर्चाचा उद्देश स्पष्ट केला. त्या म्हणाल्या, 'लिंगायत धर्म स्वतंत्र आहे, त्याचे अनेक ऐतिहासिक पुरावे आहेत. त्यामुळे त्यास स्वतंत्र धर्माची मान्यता मिळालीच पाहिजे. मागणीकडे सरकारचे लक्ष वेधण्यासाठी २८ रोजी मोर्चा काढण्यात येणार आहे. मोर्चास सर्वच स्तरातून चांगला पाठिंबा मिळत असून, प्रमुख समाजाच्या प्रतिनिधींनी पाठिंबा जाहीर केल्यामुळे मोर्चा यशस्वी होई.'

मराठा समाजाचे नेते वसंतराव मुळीक म्हणाले, 'राजर्षी शाहूंची नगरी आहे. या नगरीत विविध समाज सलोख्याने राहतात. लिंगायत समाजाच्या मोर्चा नियोजनात मराठा समाज आघाडीवर असेल. शहरातील लहान, मोठ्या एकूण ७७ समाजांनी जाहीर पाठिंबा दिला आहे. सर्वच समाजबांधव आपला मोर्चा आहे, असे समजून सहभागी होतील. शाहूंच्या नगरीत मराठा समाजाप्रमाणे लिंगायत महामोर्चाही विक्रमी संख्येने निघेल.'

जैन समाजाचे ललित गांधी म्हणाले, 'संघर्ष करून जैन समाजाने स्वतंत्र धर्माची मागणी मान्य करून घेतली. लिंगायत समाजालाही स्वतंत्र धर्माची मागणी करण्याचा अधिकार आहे. त्यांच्या मागण्यांसाठी निघणाऱ्या मोर्चास जैन समाज पाठिंबा आहे. लिंगायत समाजाची मागणी न्याय असल्याने सरकारला मान्य करावी लागेल.'

ज्येष्ठ साहित्यिक प्रा. राजा शिरगुप्पे म्हणाले, 'महात्मा बसवेश्वरांनी मानवमुक्ती, शोषणविरहित समाजाची मांडणी केली. त्यांनी स्थापन केलेला लिंगायत धर्म स्वतंत्र आहे. त्याची नोंद सरकारने घ्यावी. लिंगायत मोर्चास सर्वच समाजाचा पाठिंबा मिळाल्याने पाठबळ मिळाला आहे.'

मुस्लिम समाजाचे नेते गणी आजरेकर म्हणाले, 'लिंगायत मोर्चास मुस्लिम समाजाचा पाठिंबा आहे. मोर्चाच्या नियोजनातही मुस्लिम समाज सक्रिय असेल. लिंगायत समाजाला स्वतंत्र धर्माची मान्यता मिळावी आणि अल्प संख्याकाचा दर्जा मिळावा या दोन्ही मागण्या सरकारने पूर्ण केल्या पाहिजे.'

प्रा. शरद गायकवाड म्हणाले, 'मोर्चास मातंग समाजाचा पाठिंबा असेल. सामाजिक समतेसाठी महात्मा बसवेश्वर यांनी स्थापन केलेल्या लिंगायत धर्मास स्वतंत्र धर्माची मान्यता मिळायलाच हवे.' ब्लॅक पँथरचे सुभाष देसाई म्हणाले, 'लिंगायत धर्म अहिंसावादी आहे. त्या धर्माला स्वतंत्र धर्माची मान्यता मिळालीच पाहिजे. त्यांच्या मोर्चास पाठिंबा आहे.' बाबासाहेब वडगावकर यांनी महात्मा बसवेश्वर यांनी जातीयता मोडण्यासाठी प्रभावीपणे काम केल्याचे सांगितले. माजी नगरसेवक श्रीकांत बनछोडे, मल्हार सेनेचे बबन रानगे, बाबासाहेब वडगावकर, कादर मलबारी, धोंडिबा ओतारी, उमेश पोर्लेकर यांची भाषणे झाली. खिश्चन समाजाचे अनंत म्हाळुंगेकर, कुंभार समाजाचे महेश मछले आदी उपस्थित होते.

मोबाइल अॅप डाउनलोड करा आणि राहा अपडेट

संजीवकुमार पाटील यांना राष्ट्रपती पोलिस पदक

January 24, 2018, 8:30 pm

≫ Next: पानसरे हत्येतील संशयितांसाठी स्वतंत्र पथके

≪ Previous: लिंगायत मोर्चास ७७ समाजाचा पाठिंबा

$

0

0

म. टा. प्रतिनिधी, कोल्हापूर

पोलिस सेवेत उल्लेखनिय कामगिरी केल्याबद्दल कोल्हापूर, सांगली व सातारा या तीन जिल्ह्यासाठी गुप्तवार्ता विभागात अप्पर उपायुक्त संजीवकुमार विश्वास पाटील यांना राष्ट्रपदी पोलिस पदक जाहीर झाले. राज्यात ३ पोलिसांनी राष्ट्रपदी पदक, ७ जणांना पोलिस पदक, तर ३९ अधिकाऱ्यांना पोलिस पदक जाहीर झाले. त्यामध्ये पाटील यांचा सामावेश आहे. दरवर्षी १५ ऑगस्ट व २६ जानेवारी रोजी राष्ट्रपती पोलिस पदक, शौर्य पदक व पोलिस पदक बहाल केले जाते. यंदा २६ जानेवारी प्रजासत्ताक दिनाचे औचित्य साधून केंद्रीय गृह मंत्रालयाच्यावतीने दरवर्षी देशातील पोलिसांना शौर्यपदक जाहीर केली जातात. पाटील १९८५ मध्ये पोलीस दलात उपनिरीक्षक म्हणून रुजू झाले. मुंबईत त्यांनी ६ वर्षे काम केले. त्यानंतर गेली २९ वर्षे विशेष शाखेकडे ते काम करीत आहेत. २००३ पासून कोल्हापूर, सांगली व सातारा या जिल्ह्यांसाठी अप्पर उपायुक्त म्हणून सेवा बजावत आहेत.

मोबाइल अॅप डाउनलोड करा आणि राहा अपडेट

पानसरे हत्येतील संशयितांसाठी स्वतंत्र पथके

January 24, 2018, 8:30 pm

≫ Next: पद्मावतला बंदोबस्त द्या

≪ Previous: संजीवकुमार पाटील यांना राष्ट्रपती पोलिस पदक

$

0

0

म. टा. प्रतिनिधी, कोल्हापूर

'कॉम्रेड गोविंद पानसरे यांच्या हत्येतील संशयित आरोपी विनय पवार आणि सारंग आकोलकर यांना कोर्टाने फरार घोषित केले आहे. या संशयितांना अटक होणे गरजेचे आहे. त्यांच्या अटकेसाठी स्वतंत्र पथक तयार करून राज्यात सर्वत्र शोध घ्या. त्यांची माहिती पत्रके सार्वजनिक ठिकाणी प्रसिद्ध करा. प्रसार माध्यमातून माहिती द्या,' अशा सूचना विशेष पोलिस महानिरीक्षक विश्वास नांगरे-पाटील यांनी तपास अधिकाऱ्यांना दिल्या. बुधवारी (ता. २४) झालेल्या आढावा बैठकीत त्यांनी तपासाचा आढावा घेतला. कॉम्रेड पानसरे तपासासंबंधी आढावा बैठक बुधवारी सकाळी विशेष पोलिस महानिरीक्षक कार्यालयात पार पडली.

बैठकीत तपास अधिकारी व अपर पोलिस अधीक्षक डॉ. दिनेश बारी, पोलिस निरीक्षक उदय डुबल, सहायक पोलिस निरीक्षक युवराज आठरे अशा आठ पथकांच्या प्रमुखांनी आजवरच्या तपासाची माहिती नांगरे-पाटील यांना दिली. पानसरे हत्येतील संशयित आरोपी पवार आणि अकोलकर हे दोघे फरार आहेत. त्यांच्या अटकेसाठी विशेष प्रयत्न करण गरजेचे आहे. कर्नाटकातील ज्येष्ठ पुरोगामी विचारवंत डॉ. एम. एम. कलबुर्गी यांच्या खूनप्रकरणी सर्वोच्च न्यायालयाने केंद्र सरकारसह, महाराष्ट्र, कर्नाटक, गोवा, सीबीआय आणि राष्ट्रीय तपास यंत्रणेला (एनआयए) नोटीस बजावली आहे. या पार्श्वभूमीवर तपासाचे गांभीर्य वाढले आहे. फरार दोन्ही संशयितांच्या अटकेसाठी स्वतंत्र पथके तयार करून राज्यभर शोध घ्या, अशा सूचना आयजी नांगरे-पाटील यांनी बैठकीत दिल्या आहेत.

मोबाइल अॅप डाउनलोड करा आणि राहा अपडेट

पद्मावतला बंदोबस्त द्या

January 24, 2018, 8:30 pm

≫ Next: हद्दवाढ: राज्य सरकारविरोधील याचिका रद्द

≪ Previous: पानसरे हत्येतील संशयितांसाठी स्वतंत्र पथके

$

0

0

म. टा. प्रतिनिधी, कोल्हापूर

'पद्मावत चित्रपट प्रदर्शनाच्या पार्श्वभूमीवर कोणताही अनुचित प्रकार घडू नये यासाठी पुरेसा बंदोबस्त पुरवा' अशी सूचना कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील यांनी बुधवारी दुपारी केली. नांगरे-पाटील यांनी पाच जिल्ह्यांतील वरिष्ठ अधिकाऱ्यांची बैठक घेतली. बैठकीत नांगरे-पाटील म्हणाले, 'पद्मावत चित्रपट प्रदर्शनाच्या पार्श्वभूमीवर कोणताही अनुचित प्रकार घडू नये यासाठी पुरेसा बंदोबस्त पुरविण्यात यावा. चित्रपट गृहांबाहेर आवश्यक पोलिस बंदोबस्त द्या. परिक्षेत्रात खासगी सावकारीचे प्रमाण वाढत आहे. त्याचबरोबर अमंली पदार्थ विक्रीचे प्रमाणही वाढले आहे. याचे मुळापासून उच्चाटन करा. अंमली पदार्थ विक्री रोखण्यासाठी प्रयत्न करा. त्यासाठी आवश्यक त्या उपाययोजना करा. संघटित गुन्हेगारी रोखलीच पाहिजे.'

कोरेगाव भीमा येथील घटनेनंतर झालेल्या दंगलीमुळे दोन समाजात पडलेली दरी कमी करण्यासाठी जिल्हा पातळीवर आवश्यक ते प्रयत्न करावेत. शिवप्रतिष्ठानचे संभाजी भिडे यांच्या गडकोट मोहिमेची सुरुवात होणार आहे. मोहिमेसाठी आवश्यक पोलिस बंदोबस्त द्या. गंभीर गुन्ह्यांची तातडीने उकल करा असे त्यांनी वरिष्ठ अधिकाऱ्यांना सांगितले. सातारचे पोलिस अधीक्षक संदीप पाटील, सांगलीचे सुहेल शर्मा, पुणे ग्रामीणचे सोहल हक, सोलापूर ग्रामीणचे वीरेन प्रभू, कोल्हापूचे पोलिस अधीक्षक संजय मोहिते उपस्थित होते.

मोबाइल अॅप डाउनलोड करा आणि राहा अपडेट