भिडेंच्या विरोधातबोलण्याची कुणाची लायकी नाही ः उदयनराजेंनी फटकारले

January 5, 2018, 9:44 am

≫ Next: अटक सत्र सुरू, ८० हुल्लडबाजांना अटक

≪ Previous: संभाजी भिडे समर्थकांचा मोर्चा

$

0

0

म. टा. वृत्तसेवा, सातारा
‘शिवप्रतिष्ठानचे संस्थापक संभाजीराव भिडे वडीलधारे व्यक्तिमत्त्व आहे, त्यांचे काम खूप मोठे आहे आणि त्यांच्या विरोधात बोलण्याची कुणाची लायकी नाही,’ अशा शब्दात राष्ट्रवादी काँग्रेसचे खासदार छत्रपती उदयनराजे भोसले यांनी भिडे यांच्या अटकेची मागणी करणाऱ्यांना फटकारले आहे. संभाजी भिडे आणि उदयनराजे भोसले यांचे संबंध लक्षात घेता उदयनराजे या प्रश्नी काय बोलतात याकडे सगळ्यांचे लक्ष होते.
दिल्लीत एका खासगी वाहिनीला दिलेल्या मुलाखतीत उदयनराजे म्हमाले, ‘संभाजी भिडे यांच्यावरील सर्व आरोप खोटे आहेत. त्यांच्याबद्दल असा विचार करणेही चूक आहे. त्यांच्यावर आरोप करणाऱ्यांची लायकी नाही, तसेच मिलिंद एकबोटेही माझा मित्र आहे, तो असे काही करेल, अशी शक्यता नाही.’
कोरेगाव भीमा येथे झालेल्या प्रकाराबद्दल संभाजी भिडे आणि मिलिंद एकबोटे यांच्या अटकेची मागणी सातत्याने होत आहे त्याबद्दल त्यांना प्रश्न विचारला असता ते त्यांनी आपली भूमिका स्पष्ट केली. राष्ट्रवादी काँग्रेसचे आमदार जितेंद्र आव्हाड यांनाही राजेंनी फटकारले. उदयनराजे म्हणाले, ‘जितेंद्र माझा मित्र आहे, तो आमदार आहे, कुठे काय बोलावे, का बोलावे आणि कसे बोलाव याचा त्याने विचार करावा.’
दोन हजार कोटींचे नुकसान
‘हिंसाचारामुळे दोन हजार कोटींचे नुकसान झाले. चिथावणी देणारी करणारी वक्तव्ये करू नयेत. वैयक्तिक स्वार्थासाठी असे प्रकार करणे चुकीचे आहे. जातीच्या आधारावर देशाचे तुकडे होण्याआधी माझे डोळे मिटलेले बरे,’ असेही उदयनराजे म्हणाले.

मोबाइल अॅप डाउनलोड करा आणि राहा अपडेट

---

अटक सत्र सुरू, ८० हुल्लडबाजांना अटक

January 5, 2018, 1:30 pm

≫ Next: दहा मिनिटांत पासपोर्टची प्रक्रिया

≪ Previous: भिडेंच्या विरोधातबोलण्याची कुणाची लायकी नाही ः उदयनराजेंनी फटकारले

$

0

0

म. टा. प्रतिनिधी, कोल्हापूर

आंबेडकरवादी संघटनांनी पुकारलेल्या बंददरम्यान वाहने आणि इमारतींवर दगडफेक करून नुकसान करणाऱ्या ८० हुल्लडबाजांना पोलिसांनी शुक्रवारी (ता. ५) अटक केली. यात शहरातील १० संशयितांचा समावेश आहे. हुल्लडबाजांची धरपकड सुरूच आहे. सीसीटीव्ही फुटेजची तपासणी करून आणखी गुन्हे दाखल होणार आहेत. बंददरम्यान झालेल्या घडामोडींच्या निषेधार्थ किंवा समर्थनार्थ सोशल मीडियात चुकीचे मेसेज व्हायरल केल्यास कडक कारवाई होणार आहे, अशी माहिती पोलिस अधीक्षक संजय मोहिते यांनी दिली आहे.

कोरेगाव भीमा येथे सोमवारी (ता. १) आंबेडकरवादी संघटनांच्या मिरवणुकीवर झालेल्या दगडफेकीच्या निषेधार्थ बुधवारी शहरासह जिल्ह्यात बंदचे आवाहन केले होते. बंददरम्यान काही हुल्लडबाजांनी वाहनांची तोडफोड केली. इमारतींवर दगडफेक करून नुकसान केले. शिवाय काही ठिकाणी विनापरवानगी रास्ता रोको करून वाहतूक रोखली.

पोलिसांवरही दगडफेक करून जिल्हाधिकाऱ्यांनी काढलेल्या जमावबंदी आदेशाचे उल्लंघन केले. याबद्दल पोलिसांनी हुल्लडबाजांवर गुन्हे दाखल करण्याचे काम सुरू केले आहे. गेल्या दोन दिवसांत दोन हजारांहून अधिक हुल्लडबाजांवर गुन्हे दाखल झाले आहेत. सीसीटीव्ही फुटेजची तपासणी करून गुन्हे दाखल करण्याचे काम अद्यापही सुरू आहे, त्यामुळे हुल्लडबाजांची संख्या वाढणार आहे.

शुक्रवारी पोलिसांनी जिल्ह्यातील ७० हुल्लडबाजांना अटक केली, तर शहरातील १० हुल्लडबाजांना अटक केली आहे. अनिल सुभाष म्हमाणे (वय ३८, रा. उमा टॉकीज परिसर), मुकुंद उर्फ शेखर विश्वासराव सनदे (२१, रा. सदर बाजार), शैलेश सुरेश जिरगे (१९, रा. सांगवडे, ता. करवीर), किरण राजेंद्र गायकवाड (१९, रा. सदर बाजार), लखन वसंत माने (२२, रा. सांगवडे, ता. करवीर), सोनल राजू वाघमारे (२७, रा. सदर बाजार), संदीप भीमराव कांबळे (३२, रा. जाधववाडी), मनीष अरविंद काळे (२१, विचारे माळ), उमेश विजय कांबळे (३७, रा. सदर बाजार) आणि बबन मुरलीधर सोनीकर (४२, रा. सदर बाजार) या दहा जणांना शाहूपुरी पोलिसांनी अटक केली असून, शुक्रवारी त्यांना कोर्टात हजर केले. कोर्टाने त्यांना १५ दिवसांची न्यायालयीन कोठडी सुनावली आहे.

पोलिसांनी गेले दोन दिवस शहरातील २६ ठिकाणांचे सीसीटीव्ही फुटेज तपासले. यातून ९५ हुल्लडबाजांची नावे निष्पन्न झाली आहेत. आणखी काही नावे निष्पन्न होणार आहेत. लवकरच सर्व हुल्लडबाजांवर अटकेची कारवाई होणार आहे. त्यांच्यावर वाहनांची तोडफोड, दुकानांची लूट, जमावबंदी आदेशाचा भंग केल्याचे गुन्हे दाखल झाले आहेत.

मोबाइल अॅप डाउनलोड करा आणि राहा अपडेट

दहा मिनिटांत पासपोर्टची प्रक्रिया

January 5, 2018, 1:30 pm

≫ Next: ‘आविष्कार’मधून सहा विद्यार्थ्यांची निवड

≪ Previous: अटक सत्र सुरू, ८० हुल्लडबाजांना अटक

$

0

0

Sachin.Yadav@timesgroup.com
Tweet:@sachinyadavMT

कोल्हापूर : पासपोर्ट सेवा केंद्रांमधून होणाऱ्या पासपोर्ट वितरणात राज्यात कोल्हापूरचे सेवा केंद्र पहिल्या क्रमांकाचे ठरले. रमणमळा येथील जिल्हा डाकघर कार्यालयातील पासपोर्टची प्रक्रिया अवघ्या दहा मिनिटांत पूर्ण केली जाते. टोकन दिल्यानंतर कागदपत्रांची छाननी, फोटोची प्रक्रिया गतीने केली जाते. पत्त्याच्या पुराव्यासाठी आणि जन्मतारखेच्या दाखल्यासंदर्भातील दोन महत्वाच्या कागदपत्रांची तपासणी काटेकोरपणे केली जाते.

केंद्र सरकारने पासपोर्ट वितरणासाठी पहिल्या टप्प्यात सुरू केलेल्या ५९ केंद्रांमध्ये महाराष्ट्रातील तीन शहरांत कोल्हापूर पहिल्या क्रमाकांवर आले आहे. देशातील पासपोर्ट वितरणाचा हा उच्चांक आहे. आजअखेर कोल्हापूरच्या पासपोर्ट सेवा केंद्रातून २७ हजार ५०० पासपोर्टचे वितरण झाले आहे. शिक्षण, नोकरी, नातेवाईकांना भेटीगाठी, उपचार, सहली, कॉर्पोरेट कंपन्यांच्या गाठीभेटी यांसाठी कोल्हापूर जिल्ह्यातून पासपोर्टची काढणाऱ्यांच्या संख्येत वाढ झाली आहे.

कोल्हापूरच्या पासपोर्ट कार्यालयात सोपी आणि सुटसुटीत प्रक्रिया राबविली जात असल्याचे दिसून येते. उमेदवाराने ऑनलाइन अर्ज भरल्यानंतर अर्जदाराला अपॉईंटमेंट दिली जाते. अर्जदाराला तेथे येताना जन्मदाखला, निवासाच्या पत्त्याचा पुरावा व दहावी आणि त्यानंतरच्या शैक्षणिक अर्हतेचा दाखला आवश्यक आहे. सर्वप्रथम www.passportindia.gov.in ही वेबसाइट ओपन केल्यानंतर फ्रेश, रिन्यू, मायनर हे ऑप्शन येतात. नवीन अर्ज भरण्याऱ्यांनी फ्रेश या कॉलममध्ये ऑनलाइन फॉर्म भरावा लागतो. पासपोर्ट काढणाऱ्या प्रत्येक व्यक्तीचा ई मेल असावा, अशा सूचना कार्यालयाकडून दिल्या जात आहेत. दररोज पासपोर्ट कार्यालयात २०० जणांना नोंदणीसाठी क्रमांक दिला जातो. यापैकी १८० जणांची पासपोर्टची प्रक्रिया पूर्ण केली जाते.

सकाळी साडेनऊ वाजता कार्यालयाचे काम सुरू झाले. प्रत्येक तासाला सरासरी २५ उमेदवारांकडून कागदपत्रांची छाननी पूर्ण करण्यात आली. सकाळी साडेनऊ वाजता टोकन दिल्यानंतर एकाच वेळी २५ जणांची बैठक व्यवस्था कार्यालयात आहे. प्रत्येकाला टोकन क्रमांक दिल्यानंतर कार्यालयातील चार काउंटरवर जमा केलेल्या कागदपत्रांची तपासणी करण्यात आली. अर्जदाराचे छायाचित्र आणि हाताचे ठसे घेतले गेले. त्यानंतर कागदपत्रांच्या अंतिम तपासणीसाठी पडताळणी अधिकाऱ्यांकडून पुन्हा मूळ कागदपत्रांची तपासणी करण्यात आली. यावेळी काही अर्जदारांनी मूळ कागदपत्रे आणली नसल्याने त्यांना पुन्हा नोंदणीसाठी तारीख घेण्याची सूचना करण्यात आली. पासपोर्टसाठी पत्याचा पुरावा आणि जन्मतारखेचा पुरावा ही दोन महत्वाची कागदपत्रे आहेत. पत्याच्या पुरावा आणण्यासाठी १२ आणि जन्मदाखल्याच्या पुराव्यासाठी ९ कागदपत्रांची यादी दिली आहे. यापैकी कोणतेही दोन पुरावे आवश्यक मानले गेले.

या सर्व कागदपत्रांच्या प्रती स्वतः साक्षांकित करण्याच्या सूचनाही करण्यात आल्या. पासपोर्ट कार्यालयातील प्रक्रिया पूर्ण झाल्यानंतर कागदपत्रांच्या छाननीसाठी अर्ज पासपोर्ट पडताळणीसाठी पोलिस अधीक्षक कार्यालयातील पासपोर्ट विभागाकडे वर्ग करण्याच्या सूचना कर्मचाऱ्यांना करण्यात आल्या. येथील कामकाजाचा आढावा दररोज जिल्हा पोलिस अधीक्षक संजय मोहिते यांच्याकडून घेतला जातो. या विभागात पोलिस निरीक्षक शौकत जमादार यांच्या मार्गदर्शनाखाली कर्मचारी कार्यरत आहेत. अर्जदारांना २१ दिवसांतच पासपोर्ट हाती मिळतो.

पासपोर्टचा आकडा वाढतोय

२०१४ - १६ हजार ७६१
२०१५ - २० हजार ११८
२०१६ - १८ हजार ७२४
२०१७ - २७ हजार ५००


‘मटा’चा पाठपुरावा

गेल्या काही वर्षांत पासपोर्ट काढणाऱ्या कोल्हापूरकरांची संख्या वाढली होती. पण, कार्यालय येथे नसल्याने नागरिकांची प्रचंड गैरसोय होत होती. पासपोर्ट काढण्यासाठी पुण्लाया हेलपाटे मारावे लागत होते. त्यामुळे ते तातडीने कोल्हापुरात सुरू व्हावे यासाठी ‘महाराष्ट्र टाइम्स’ने सातत्याने पाठपुरावा केला. सातत्याने केलेल्या पाठपुराव्याला अखेर यश आले.

पुणे येथील पासपोर्ट कार्यालयाच्या अखत्यारित कोल्हापूरचे हे पासपोर्ट सुविधा केंद्र आहे. प्रादेशिक पासपोर्ट अधिकारी जयंत वैशंपायन यांच्या मार्गदर्शनाखाली कामकाज सुरू आहे. कार्यालयात येणाऱ्या उमेदवारांची काटोकोरपणे तपासणी केली जात आहे. कार्यालयात आय. टी. इंजिनीअरसह तीन कर्मचारी कार्यरत आहेत. दररोज सरासरी १८० अर्जदारांची प्रक्रिया पूर्ण केली जात आहे.
जितेंद्र मीना, पडताळणी अधिकारी


पासपोर्टची प्रकिया होण्यासाठी पूर्ण दिवस लागेल, अशी शक्यता होती. मात्र, टोकन मिळाल्यानंतर अवघ्या दहा मिनिटांत प्रक्रिया पूर्ण झाली. कार्यालयात कामकाज गतीने होत असल्याने थांबावे लागले नाही. कागदपत्रांची छाननी काटेकोरपणे करण्यात आली.
अतुल दळवी, अर्जदार



पासपोर्टसाठी ऑनलाइन अर्ज भरल्यानंतर चेकलिस्ट नुसार कागदपत्रे जमा केली. दोनच कागदपत्रे महत्वाची ठरली. आधारकार्ड आणि पॅनकार्ड महत्वाचे आहे. चेकलिस्टमध्ये माहिती जाहीर केल्याने कागदपत्रे आणणे अधिक सोपे झाले.
पंकज घारे, अर्जदार



येथे यंग सीनिअर्संना दिली जाणारी वागणूक चांगली आहे. कार्यालयात प्रवेश केल्यापासून ते प्रक्रिया पूर्ण होईपर्यंत चांगला अनुभव आला. कागदपत्रांची तपासणी दोन मिनिटांत पूर्ण झाली. पडताळणी अधिकाऱ्यांकडून चांगली माहिती देण्यात आली.
सुनंदा गुरव, अर्जदार



पासपोर्ट काढण्यासाठी येणाऱ्यांच्या हाती माहितीसाठी चेकलिस्ट दिली जाते. त्यांनी जोडलेल्या कागदपत्रांची छाननी केली जाते. अर्जासोबत जोडलेल्या सर्व कागदपत्रांची तपासणी केली जात आहे. अर्जदारांची बैठक व्यवस्थाही क्रमांकानुसार केली जात आहे.
नंदकुमार पवले, पासपोर्ट कर्मचारी

मोबाइल अॅप डाउनलोड करा आणि राहा अपडेट

‘आविष्कार’मधून सहा विद्यार्थ्यांची निवड

January 5, 2018, 1:30 pm

≫ Next: जयंती नाला काम चार दिवसांत पूर्ण करा

≪ Previous: दहा मिनिटांत पासपोर्टची प्रक्रिया

$

0

0

म. टा. प्रतिनिधी, कोल्हापूर

‘आविष्कार संशोधन महोत्सव नवनिर्मितीची प्रयोगशाळा असून विद्यार्थ्यांच्या सृजनशीलतेला व्यासपीठ देण्याचे काम या माध्यमातून होते’, असे प्रतिपादन प्र-कुलगुरु डॉ. डी. टी. शिर्के यांनी केले. शिवाजी विद्यापीठात विद्यापीठस्तरीय आविष्कार संशोधन महोत्सव झाला. त्याचे पुरस्कार वितरण करण्यात आले. विद्यापीठाच्या राजर्षी शाहू सभागृहात हा कार्यक्रम झाला.

प्र-कुलगुरु डॉ. शिर्के म्हणाले, ‘विज्ञानासह सर्वच विषयांत उत्तम संशोधन करता येते, याची प्रचिती आविष्कार संशोधन महोत्सवामधून आली. विद्यार्थ्यांनी आता राहुरी येथील राज्यस्तरीय संशोधन स्पर्धेपुरता विचार न करता गुजरात येथे होणाऱ्या राष्ट्रीय संशोधन महोत्सवासाठीही प्रयत्नांची पराकाष्ठा करावी.’

तत्पूर्वी, आज सकाळी विद्यापीठाच्या लोककला केंद्रामध्ये आविष्कार महोत्सवाचे उद्धाटन प्र-कुलगुरु डॉ. डी. टी. शिर्के यांच्या हस्ते झाले. कुलसचिव डॉ. विलास नांदवडेकर, परीक्षा व मूल्यमापन मंडळाचे संचालक महेश काकडे, वित्त व लेखाधिकारी अजित चौगुले, अधिष्ठाता डॉ. भारती पाटील, महोत्सवाचे समन्वयक डॉ. ए. एम. गुरव, स्कूल ऑफ नॅनो सायन्स अँड टेक्नॉलॉजीचे समन्वयक डॉ. पी. एस. पाटील, डॉ. डी. टी. डोंगळे आदी उपस्थित होते.

महोत्सवात कोल्हापूर, सांगली व सातारा जिल्हानिहाय तसेच विद्यापीठांतर्गत झालेल्या आविष्कार

महोत्सवातील प्रत्येक गटामधून निवडलेल्या तीन विजेत्यांना त्यांचे संशोधन प्रदर्शित करण्याची संधी देण्यात आली. महोत्सवात विद्यार्थ्यांनी पोस्टर प्रदर्शन तसेच विविध प्रकल्पांच्या प्रतिकृती सादर केल्या. यामध्ये ग्रामीण महिला व उद्योजकतेचा अभ्यास, काळे खजूर वापरुन शुगर फ्री चॉकलेट, कलिंगडच्या बियांपासून केक, ऊसाच्या चिपाडापासून होणारे फायदे, जास्वंदाच्या फुलांपासून आयुर्वेदिक औषध निर्मिती, डाळींबाच्या सालीपासून वस्त्रोद्योगासाठी लागणारा रंग इत्यादी विषयांवरील पोस्टर प्रदर्शन सादर झाले. मिरजेच्या कन्या महाविद्यालयातील विद्यार्थिनीने वेश्या व्यवसाय करणाऱ्या महिलांवर संशोधन करुन एका महत्त्वाच्या सामाजिक विषयावर प्रकाशझोत टाकला. अशा विविध गटांमधून निवडलेल्या विद्यार्थ्यांना ९ ते ११ जानेवारी या कालावधीत विद्यापीठामध्ये मार्गदर्शन करण्यात येणार आहे. प्रत्येक गटातील एका विजेत्याला राज्यस्तरीय आविष्कार महोत्सवामध्ये सहभागी होता येणार आहे. राहुरी येथील महात्मा फुले कृषी विद्यापीठात १५ ते १७ जानेवारीला राज्यस्तरीय महोत्सव होणार आहे.

स्पर्धेचा निकाल गटनिहाय असा

मानव्यशास्त्र, भाषा, ललित कला, शिक्षण शास्त्र - दामिनी मधुकर साळुंखे (कन्या महाविद्यालय, मिरज), वाणिज्य, व्यवस्थापन, विधी- प्रियांका मदनलाल पुरोहित (विवेकानंद कॉलेज, कोल्हापूर).

पदार्थ विज्ञान - शौफिक बाळू मुलाणी (न्यू कॉलेज, कोल्हापूर), शेती आणि पशुसंवर्धन - सोहनकुमार कलागिरी (राजाराम बापू इन्स्टिट्यूट ऑफ टेक्नॉलॉजी, इस्लामपूर).

अभियांत्रिकी आणि तंत्रज्ञान- यश विजय आंबले (न्यू कॉलेज, कोल्हापूर).

वैद्यकीय आणि फार्मसी- संभाजी राघाप्पा मासाल (भारती विद्यापीठ कॉलेज ऑफ फार्मसी, कोल्हापूर).

मोबाइल अॅप डाउनलोड करा आणि राहा अपडेट

जयंती नाला काम चार दिवसांत पूर्ण करा

January 5, 2018, 1:30 pm

≫ Next: तक्रारी नोंदवण्यासाठी स्वच्छता अॅप

≪ Previous: ‘आविष्कार’मधून सहा विद्यार्थ्यांची निवड

$

0

0

म. टा. प्रतिनिधी, कोल्हापूर

पंचगंगा प्रदूषणाला कारणीभूत ठरणाऱ्या जयंती नाल्यावर फुटलेली सांडपाण्याची पाइप (वाहिनी) १० जानेवारीपूर्वी दुरूस्त करा, त्यासाठी स्वतः गांभीर्याने लक्ष द्यावे, असा आदेश महापालिका आयुक्त अभिजित चौधरी यांना विभागीय आयुक्त चंद्रकांत दळवी यांनी शुक्रवारी दिला.

आयुक्तांनी शुक्रवारी विविध विकासकामां आढावा घेतला. यावेळी पंचगंगा प्रदूषणप्रश्नी विविध संघटना, संस्थांच्या प्रतिनिधींनी त्यांना निवेदन दिले. जयंती नाल्यावर सांडपाणी प्र‌क्रिया प्रकल्पाला जोडणारी पाइप तीन महिन्यांपूर्वी फुटली आहे. तिच्या दुरूस्तीचे काम रेंगाळले आहे. परिणामी नाल्यातून सांडपाणी थेट पंचगंगा नदीत मिसळत आहे. यामुळे प्रदूषण वाढते आहे, याकडे लक्ष वेधल्यानंतर दळवी म्हणाले की, पाइप दुरूस्ती कामाचा आढावा महापालिका आयुक्त चौधरी यांच्याकडून घेतला आहे. त्यांना स्वतः लक्ष घालून लवकरात लवकर काम पूर्ण करावे, सांडपाणी प्रकल्पही पूर्ण क्षमतेने चालवण्यात यावा, अशी सूचना केली आहे.

दरम्यान, शिवसेनेतर्फे दिलेल्या निवेदनात म्हटले आहे, पंचगंगा प्रदूषणास जबाबदार कोल्हापूर महापालिका, इचलकरंजी नगरपालिका काहीही करीत नाही. अधिकारी, प्रशासन बेजबाबदार आहे. प्रदूषण रोखण्यासंबंधी अनेकदा बैठका झाल्या. मात्र ठोस कार्यवाही होत नाही. केवळ बैठकांवर सरकारचा पैसा खर्च होत आहे. क्रीडा संकुल, रंकाळा प्रदूषणाचा प्रश्नही जैसे थै आहे. हे प्रलंबित प्रश्न तातडीने मार्गी लावा, अन्यथा शिवसेना स्टाइलने आंदोलन केले जाईल.

शिष्टमंडळात जिल्हा प्रमुख संजय पवार, दुर्गेश लिंग्रज, शिवाजी जाधव, सुजीत चव्हाण, सतीश कुरणे, बाजीराव पाटील आदींचा समोवश होता.

महापालिका, इचलकरंजी पालिका, औद्योगिक वसाहतमधील सांडपाण्यामुळे पंचगंगा पूदषण वाढत आहे. नदीतील जलचर मृत्यूमुखी पडत आहेत. नदीकाठावरील लोकांचे आरोग्य धोक्यात आले आहे. २८ डिसेंबर रोजी प्रदूषणप्रश्नी प्रदूषण नियंत्रणचे अधिकारी, शिरोळ तहस‌ीलदारांना घेराओ घातला होता. प्रदूषण रोखण्यासाठी तातडीने उपाय योजना करावेत, अन्यथा कोणत्याही क्षणी तीव्र आंदोलन केले जाईल, असा इशारा स्वाभिमानी शेतकरी संघटनेच्या निवेदनात दिला आहे. जिल्हाध्यक्ष भगवानराव काटे, सागर संभूशेटे, शैलेश चौगुले, रावसाहेब भगारे, सागर मादनाईक आदी उपस्थित होते.

................

खटले दाखल करा

हायकोर्टाने आदेश देऊनही पंचगंगा प्रदूषण रोखण्यासाठी प्रशासन ठोस काहीही केले नाही. आजही शहरातील १२ नाल्यातील सांडपाणी थेट नदीत जात आहे. दिवसेंदिवस प्रदूषण वाढत आहे. प्रदूषण कमी करण्याकडे दुर्लक्ष केल्याप्रकरणी महापालिका आयुक्त आणि ‌इचलकरंजी पालिकेवर खटले दाखल करावेत, अन्यथा २६ जानेवारीला आत्मक्लेष आंदोलन केले जाईल, असा इशारा याचिकाकर्ते दिलीप देसाई, बुराण नायकवाडी यांनी दिला आहे.

मोबाइल अॅप डाउनलोड करा आणि राहा अपडेट

तक्रारी नोंदवण्यासाठी स्वच्छता अॅप

January 5, 2018, 1:30 pm

≫ Next: दोषी असल्यास मला देहान्ताची शिक्षा द्यावी: संभाजी भिडे

≪ Previous: जयंती नाला काम चार दिवसांत पूर्ण करा

$

0

0

म. टा. प्रतिनिधी, कोल्हापूर

केंद्र सरकारच्या स्वच्छ भारत अभियानांतर्गत देशामध्ये राबवण्यात येणाऱ्या स्वच्छ सर्व्हेक्षणाला शहरात लवकरच प्रारंभ होणार आहे. त्यासाठी आपल्या प्रभागातील स्वच्छता व कचऱ्याबाबतच्या तक्रारी नोंदवण्यासाठी स्वच्छता अॅप तयार करण्यात आले असून या अॅपच्या माध्यमातून नागरिकांनी तक्रार केल्यास ४८ तासात त्याची निराकरण करण्याची जबाबदारी महापालिकेवर आहे. या माध्यमातून सर्व्हेक्षणात सहभागी होण्याबरोबरच तक्रार निराकरणानंतरचे मत यंत्रणेला कळवता येणार असल्याचे आयुक्त डॉ. अभिजित चौधरी यांनी सांगितले.

‘गेल्यावेळच्या सर्व्हेक्षणामध्ये महापालिकेसोबत नागरिकांचा सहभाग नसल्याने क्रमवारीत कोल्हापूर पाठीमागे होते. १७७ क्रमांकावर असलेल्या कोल्हापुरातील नागरिकांना स्वच्छ सर्व्हेक्षणाबाबत सजग करण्यासाठी महापालिकेची यंत्रणा कार्यरत झाली आहे. १५ जानेवारीनंतर सर्व्हेक्षणाला सुरुवात होण्याची शक्यता आहे. त्याबाबत आयुक्त डॉ. चौधरी म्हणाले, ‘यामध्ये शहरवासियांचा सहभाग अपेक्षित आहे. त्यासाठी स्वच्छता अॅप तयार करण्यात आले आहे. हे अॅप डाउनलोड करुन त्यावरुन भागातील तक्रार नोंदवल्यास त्याचे निराकरण ४८ तासात करण्यासाठी यंत्रणा काम करणार आहे. यासाठी पूर्वीचा त्या भागातील फोटो व काम झाल्यानंतरचा फोटो अॅपवर देण्यात येणार आहे. यासाठी दोन टिम कार्यरत ठेवण्यात येणार आहेत. या सर्व्हेक्षणा दरम्यान पडताळणीसाठी नागरिकांना थेट फोनही करण्यात येणार आहेत. त्यातून भागात सर्व्हेक्षण सुरु आहे का हे तपासले जाणार आहे. तक्रार निवारणानंतर नागरिकांकडून त्याबाबतचा प्रतिसादही अॅपवर देता येणार आहे. या माध्यमातून नागरिकांना भागातील स्वच्छता व विविध प्रश्नांबाबत महापालिकेबरोबर जोडले जाणार आहे. आतापर्यंत बारा हजार अॅप डाउनलोड करण्यात आली असून त्यातून रस्त्याची स्वच्छता, कचरा उठावची गाडी नाही, मृत जनावरे पडलेली, घंटागाडी येत नाही अशा तक्रारी करण्यात आल्या होत्या. त्याचे निराकरण करण्यात आले आहे.’

डॉ. चौधरी म्हणाले, ‘याबरोबरच राज्य सरकारच्यावतीने ड वर्ग महापालिकेतील वॉर्डसाठी स्वच्छ वॉर्ड स्पर्धा आयोजित केली आहे. राज्यभरातील वॉर्डमधून तीन क्रमांक काढण्यात येणार असून त्यांना अनुक्रमे ३०, २० व १५ लाख रुपयांचे बक्षीस देण्यात येणार आहे. यासाठी त्रयस्थ यंत्रणेमार्फत तपासणी करण्यात येणार आहे. या स्पर्धेसाठी कचरा विलगीकरण करुन संकलन, प्रभागात कचरा प्रक्रिया, कचऱ्याच्या परिसरात सुशोभीकरण, वैयक्तिक शौचालय, प्लास्टिक बंदी याची तपासणी होणार आहे.’

यावेळी प्रभारी मुख्य आरोग्य निरीक्षक विजय पाटील उपस्थित होते.

मोबाइल अॅप डाउनलोड करा आणि राहा अपडेट

दोषी असल्यास मला देहान्ताची शिक्षा द्यावी: संभाजी भिडे

January 5, 2018, 3:41 pm

≫ Next: ब्रेन मॅपिंग, नार्को चाचणीची मागणीसीआयडीचा सांगली कोर्टात अर्ज

≪ Previous: तक्रारी नोंदवण्यासाठी स्वच्छता अॅप

$

0

0

म. टा. वृत्तसेवा, सांगली

‘कोरेगाव भीमा येथील हिंसाचारामागे सर्व पक्षातील सत्तेचे भुकेले आहेत. सीबीआयच काय, यम अध्यक्ष असलेल्या समितीसमोर चौकशी करावी. दोषी असल्यास मला देहान्ताची शिक्षा द्यावी,’ अशी प्रतिक्रिया शिवप्रतिष्ठानचे संस्थापक संभाजी भिडे यांनी येथे केली.

कोरेगाव भीमा येथील हिंसाचारामागे भिडे आणि मिलिंद एकबोटे असल्याचा आरोप केला जात आहे. या पार्श्वभूमीवर शुक्रवारी भिडे यांनी येथे भूमिका मांडली. भिडे म्हणाले, ‘साडेतीन वर्षांत मी कोरेगाव भीमाला गेलो नाही. तेथे भाषण केले नाही. असे असताना मला हिंसाचारासाठी दोषी ठरविणे म्हणजे न जन्मलेल्या बाळाच्या बारशाची तयारी करण्यासारखे आहे. या संपूर्ण प्रकरणाचा सखोल तपास होण्याची गरज आहे. वढू बुद्रुक येथे संभाजी भिडे यांचे भाषण होणार, अशी एक पोस्ट सोशल मीडियावर शेअर झाली होती. ती कोणी शेअर केली, याचा तपास झाला पाहिजे. प्रकाश आंबेडकरांचा बोलविता धनी कोण आहे. त्यांना भिडे, एकबोटे ही नावे कोणी सांगितली, याची चौकशी झाली पाहिजे. कोणी खगोलशास्त्रज्ञ अमावस्येच्या मध्यरात्री बारा वाजता मी पूर्वेला सूर्य पाहिला, असे सांगत असेल आणि ते सत्य असेल तर तितकेच सत्य माझ्यावरील आरोपात असेल.’

‘तीन वर्षांत वढू परिसरात मी फिरकलो नसतानाही फिर्यादी साबळे वहिनी भिडे गुरुजींना दगड मारताना पाहिले असल्याचे सांगत असतील तर तेथील सीसीटीव्ही तपासावेत. अ‍ॅट्रॉसिटीचा गैरवापर सुरू आहे. एका विशिष्ट गटाला अ‍ॅट्रॉसिटीचा अधिकार देऊन लोकशाही आणि घटनेचा अवमान केला आहे,’ अशी टीकाही भिडे यांनी केली.

राष्ट्रवादीचे खासदार उदयनराजे यांनी केलेल्या पाठराखणीबाबत भिडे म्हणाले, ‘उदयनराजेंच्या धमन्यांत वाहणारे रक्त शिवाजी, संभाजी महाराजांचे आहे, याचा पुन्हा पुरावा म्हणजे माझी केलेली पाठराखण.’

मोबाइल अॅप डाउनलोड करा आणि राहा अपडेट

ब्रेन मॅपिंग, नार्को चाचणीची मागणीसीआयडीचा सांगली कोर्टात अर्ज

January 6, 2018, 9:58 am

≫ Next: सांगली बंद;दोघांना अटक

≪ Previous: दोषी असल्यास मला देहान्ताची शिक्षा द्यावी: संभाजी भिडे

$

0

0

म. टा. वृत्तसेवा, सांगली
अनिकेत कोथळे प्रकरणातील मुख्य संशयित बडतर्फ पोलिस उपनिरीक्षक युवराज कामटे याची ब्रेन मॅपिंग आणि नार्को चाचणी करण्याची परवानगी मिळावी म्हणून सीआयडीने सांगलीच्या कोर्टात अर्ज केला आहे.
पोलिस कोठडीच्या चौदा दिवसांच्या कालावधित तपासात सहकार्य न करता कामटेने मौन पाळल्याने त्याच्या ब्रेन मॅपिंग आणि नार्को चाचणीची आवश्यकता असल्याचे सीआयडीचे पोलिस अधीक्षक श्रीकांत पाठक यांनी पत्रकारांशी बोलताना स्पष्ट केले. जानेवारीच्या अखेरीपर्यंत संशयितांवर दोषारोप पत्र दाखल करण्यात येणार असल्याचेही पाठक म्हणाले.
सांगली शहरच्या पोलिस कोठडीत अमानुष थर्ड डिग्रीचा वापर केल्याने संशयित अनिकेत कोथळे याचा सहा नोव्हेंबरच्या रात्री मृत्यू झाला होता. या घटनेला दोन महिन्यांचा कालावधी पूर्ण झाला आहे. या प्रकरणी खूनाचा, पुरावा नष्ट करण्याचा प्रयत्न आणि अधिकाराचा गैरवापर केल्याच्या कलमाखाली कामटेसह सहा जणांच्या विरोधात गुन्हा दाखल करण्यात आला आहे. सध्या हे सहाही संशयित न्यायालयीन कोठडीत कळंबा कारागृहात आहेत. अटकेच्या कारवाईनंतर कोर्टाने त्या सहाही जणांना चौदा दिवसांची पोलिस कोठडी सुनावली होती. या कालावधित तपास अधिकारी पोलिस उपअधीक्षक मुकुंद कुलकर्णी, अप्पर पोलिस अधीक्षक नरेंद्र गायकवाड यांच्यासह पाच जिल्ह्यातील सीआयडीच्या अधिकाऱ्यांनी संशयितांकडे तपास केला. ऑन कॅमेरा जबाब नोंदवितांना, गुन्ह्याच्या अनुषंगाने माहिती घेताना कामटे कॅमेऱ्यासमोर शांत बसायचा. इतर गोष्टींवर भाष्य करताना नेमक्या गुन्ह्याच्या बाबतीत तो काहीही बोलला नाही. त्यामुळे तपास अधिकारी कुलकर्णी यांनी कामटेच्या ब्रेन मॅपिंग आणि नार्को चाचणीची परवानगी मिळावी म्हणून कोर्टात धाव घेतली आहे. शुक्रवारी या बाबतच अर्ज कोर्टात दाखल करण्यात आला आहे.
पाठक म्हणाले, ‘कोर्टात या अर्जावर सुनावणी होईल, संशयित कामटेलाही म्हणणे मांडण्याची संधी दिली जाईल. त्यानंतर कोर्टाचा निर्णय होईल. या प्रकरणाच्या तपासात हाती लागलेले पुरावे, साक्षीदारांचे जबाब, काही कालावधीनंतर अटक करण्यात आलेल्या कांबळेचा जबाब घेण्यात आलेला आहे. घटनेच्या वेळी पोलिस ठाण्यात हजर असलेले आणि या प्रकरणी कर्तव्यात हलगर्जी केल्याने निलंबित असलेल्या आठ पोलिस कर्मचाऱ्यांचेही जबाब नोंदविण्यात आलेले आहेत. या आधारे गुन्ह्याचा एकूण घटनाक्रम समोर आलेला आहे. आजवरच्या तपासात राहिलेल्या उर्वरित बाबींची पुर्तता करण्यास गती देण्यात आली आहे. जानेवारीच्या अखेरीपर्यंत संबधित संशयितांवर दोषारोप पत्र दाखल करण्यात येईल.’

मोबाइल अॅप डाउनलोड करा आणि राहा अपडेट

---

सांगली बंद;दोघांना अटक

January 6, 2018, 10:00 am

≫ Next: अकलूजची शेवटचीलावणी स्पर्धा सुरू

≪ Previous: ब्रेन मॅपिंग, नार्को चाचणीची मागणीसीआयडीचा सांगली कोर्टात अर्ज

$

0

0

सांगली : कोरेगाव भीमा येथील घटनेच्या पार्श्वभूमीवर पुकारण्यात आलेल्या सांगली बंदच्या काळात हुल्लडबाजी, तोडफोड आणि खासगी, सार्वजनिक मालमत्तांचे नुकसान करणाऱ्यांची धरपकड सांगली पोलिसांनी सुरू केली आहे. विविध पोलिस ठाण्यात १८ गुन्हे दाखल करण्यात आले असून, शनिवारी शहर पोलिसांनी गावभागातील सिद्धार्थ परिसरातून दोघांना अटक केली आहे. शिवाय विश्रामबाग पोलिसांनी एकाला बंदच्या दिवशीच अटक केली आहे.
महाराष्ट्र बंदच्या पार्श्वभूमीवर सांगलीत कडकडीत बंद असतानाही जमावाकडून दुकांनावर, उभ्या असलेल्या खासगी आणि सरकारी वाहनांवर तुफानी दगडफेक करण्यात आली होती. यामध्ये खासगी आणि सरकारी मालमत्तेचे सुमारे १५ लाख रुपयांचे नुकसान झाल्याचे समोर आले आहे. सांगलीत ३० ते ४० जणांच्या गुन्हे दाखल केले आहेत. व्हिडीओ चित्रणाच्या आणि साक्षीदारांच्या आधारे संशयितांची पोलिसांनी धरपकड सुरू केली आहे. शनिवारी शहर पोलिसांनी पंचशील भूपाल जयकर (वय २१) आणि युगंधर यशोदत्त कुरणे (वय २३, सिद्धार्थ परिसर, गावभाग) या दोघांना अटक केली.
राज्यघटनेवर हल्लाः आरपीआय
अ‍ॅट्रॉसिटी कायद्याबाबत संभाजी भिडे यांनी केले वक्तव्य म्हणजे डॉ. बाबासाहेब आंबेडकरांनी लिहिलेल्या राज्यघटनेवरील हल्ला आहे, असा आरोप रिपब्लिकन पक्षाचे प्रदेश कार्याध्यक्ष माजी महापौर विवेक कांबळे यांनी शनिवारी सांगलीत पत्रकारांशी बोलताना व्यक्त केले.
कांबळे म्हणाले, न्याय हक्कासाठी लढा दिल्यानंतर ५९ जातींना अ‍ॅट्रासिटी कायदा लागू झाला. यात आमचा ३७वा क्रमांक लागतो. त्यामुळे भिडेंचे वक्तव्य शोभणारे नाही. याचा अर्थ त्यांच्या आणि त्यांच्या अनुयायाच्या मनातील रोष अद्याप गेलेला नाही. त्यामुळेच अ‍ॅट्रॉसिटी, मराठा समाजाचे आरक्षण, लिंगायत धर्माच्या मागणीबाबत भिडे बिनधास्तपणे वक्तव्य करीत आहेत. जातीच्या नावाखाली तेढ निर्माण कराल, तर खपवून घेतला जाणार नाही, असा इशाराही कांबळे यांनी दिला आहे.
भिडेंना नमस्कार करण्यात गैर कायः जिल्हाधिकारी
‘संभाजीराव भिडे यांना भारतीय संस्कृतीप्रमाणे हात जोडला होता. यामध्ये काहीही गैर झाले नाही. समाजात राहतो म्हणून संस्कृतीचा आदर करावाच लागतो. भिडेंवर दाखल गुन्ह्यांबाबत कायदा आहेच,’ असा खुलासा जिल्हाधिकारी विजयकुमार काळम-पाटील यांनी केला.
पत्रकार दिनानिमित्त सांगली शहर पत्रकार संघाच्या वतीने आयोजित कार्यक्रमात जिल्हाधिकारी बोलत होते.
जिल्हाधिकारी म्हणाले, ‘भिडे यांच्यावर काही गुन्हे आहेत, या बाबत कायदा बघून घेईल. उद्या कोणी कार्यालयात आला आणि त्याने हात जोडले आणि आम्ही नाही जोडले तर वेगळा संदेश समाजात जाऊ शकतो. समाजात आपण राहतो. त्यामुळे संस्कृती जोपासणे हे आपले कर्तव्य आहे. या गोष्टी पाळल्या पाहिजेत. जात-पात न मानता संस्कृती महत्वाची आहे.’

मोबाइल अॅप डाउनलोड करा आणि राहा अपडेट

अकलूजची शेवटचीलावणी स्पर्धा सुरू

January 6, 2018, 10:03 am

≫ Next: मजुरीवाढीचा निर्णय बुधवारनंतर

≪ Previous: सांगली बंद;दोघांना अटक

$

0

0

म. टा. वृत्तसेवा, पंढरपूर
लावणीला जिवंत ठेवणाऱ्या अकलूज येथील शेवटच्या लावणी स्पर्धेला शनिवारी सायंकाळी प्रारंभ झाला. सिक्किमचे राज्यपाल श्रीनिवास पाटील यांच्या हस्ते आणि खासदार विजयसिंह मोहिते पाटील यांच्या उपस्थितीत लावणी स्पर्धेला सुरुवात झाली.
प्रसिद्ध लावणी कलावंत राजश्री नगरकर यांच्या कालिका कला केंद्राने आपली बहारदार कला सादर करून लावणी रसिकांची मने जिंकली. कोणत्याही परिस्थितीत ही लावणी स्पर्धा बंद होऊ नये, अशी अपेक्षा राज्यपाल श्रीनिवास पाटील आणि लावणी कलावंत राजश्री नगरकर यानी व्यक्त केली. तर यंदा या स्पर्धेचे शेवटचे वर्, आहे. सरकारने स्पर्धा पुढे सुरू ठेवावी, अशी अपेक्षा या स्पर्धेचे आयोजक जयसिंह मोहिते पाटील यानी व्यक्त केली.
खेडोपाडी जत्रेच्या आणि तमाशाच्या फडावर बदनाम झालेल्या लावणीला अकलूजच्या स्पर्धेचा परिसस्पर्श लाभला आणि तिला मान सन्मान, पैसे, प्रसिद्धी मिळाली. लावणीचे माहेरघर म्हणून ओळखले जाणाऱ्या अकलूजमध्ये या लावणी स्पर्धेचे घुंगरू यंदा शेवटच्या वर्षी थिरकणार आहेत. गेली २५ वर्षे हजारो लावणी कलावंतांच्या जीवनाला स्थैर्य देणारी ही लावणी स्पर्धा पुढील वर्षीपासून बंद होणार आहे. या शेवटच्या वर्षी आपली कला दाखवण्यासाठी राज्यभरातील लावणी कलावंत अकलूज लावणी स्पर्धेसाठी दाखल झाले आहेत.
पंचवीस वर्षांपूर्वी ही स्पर्धा सुरू करताना खुद्द आयोजक देखील घाबरत होते. मात्र, समाजाचा विरोध पत्करून अकलूजकरांनी हे दिव्य उचलले आणि आजवर लीलया पेलले देखील. मात्र, गेली २५ वर्षे ज्या शिस्तीमध्ये या स्पर्धा होत गेल्या, तशा पुढे चालवणे आयोजकांसाठी देखील आता जिकिरीचे बनू लागले आहे. अशातच प्रसिद्धीच्या शिखरावर असतानाच त्या बंद करणे चांगले, अशी भूमिका आयोजक जयसिंह मोहिते पाटील यांनी घेतली आहे.
या स्पर्धेसाठी उतरताना कलावंतांना खूप मेहनत घ्यावी लागते. खर्चही वाढत चालला आहे. कलावंतांना आणि त्यांच्या साथीदारांना योग्य मानधन देणे शक्य होत नसल्याचेही मोहिते म्हणाले. पुढची पिढी याच पद्धतीने आणि याच शिस्तीने ही स्पर्धा पुढे चालवेल, याची आपणास खात्री नसल्याने मी सुरू केलेली स्पर्धा मीच बंद करण्याचा निर्णय घेतला असल्याची भूमिका जयसिंह मोहिते यांनी मांडली आहे.
जयसिंह मोहिते म्हणाले, अकलूज येथे लावणी सादर करताना एका पथकाला गायिका, वादक, नृत्यांगना, असा जवळपास २० लोकांचा लवाजमा सांभाळावा लागतो. यासाठी किमान लाखभर रुपये खर्च होतात. मात्र, आयोजकांना एवढा खर्च पेलणे दिवसेंदिवस कठीण जाऊ लागल्याने स्पर्धा बंद करण्याचा निर्णय घेण्यात आला आहे.
लावणी कलावंत राजश्री नगरकर म्हणाल्या, अकलूजची लावणी स्पर्धा बंद झाल्यास लावणी पुन्हा पोरकी होईल. याचा विचार मोहिते-पाटील यांनी करावा. ही स्पर्धा बंद करू नये.

मोबाइल अॅप डाउनलोड करा आणि राहा अपडेट

मजुरीवाढीचा निर्णय बुधवारनंतर

January 6, 2018, 1:30 pm

≫ Next: रुकडीत संचारबंदीत शिथिल

≪ Previous: अकलूजची शेवटचीलावणी स्पर्धा सुरू

$

0

0

म. टा. वृत्तसेवा, इचलकरंजी

यंत्रमाग कामगारांच्या मजुरीवाढप्रश्नी बुधवारी (ता. १०) यंत्रमागधारक संघटना प्रतिनिधींची बैठक आयोजित केली आहे. त्यामध्ये चर्चा झाल्यानंतर सहाय्यक कामगार आयुक्त मजुरीवाढीचा निर्णय जाहीर करतील. या दरम्यान कामगार संघटनांनी शहरातील कायदा व सुव्यवस्था अबाधित ठेवावी, असे आवाहन प्रांताधिकारी समीर शिंगटे यांनी केले.

यंत्रमाग कामगारांना गत वर्षाची मजुरीवाढ, वेतनाचा फरक व चालू वर्षाची मजुरीवाढ मिळावी या मागणीसाठी सर्व कामगार संघटनांच्यावतीने एक जानेवारीपासून कामबंद आंदोलन छेडले आहे. या पार्श्वभूमीवर सहाय्यक कामगार आयु्नत अनिल गुरव यांनी शनिवारी कामगार संघटना प्रतिनिधींची प्रांताधिकारी कार्यालयात बैठक आयोजित केली होती.

बैठकीच्या प्रारंभी प्रांताधिकारी शिंगटे यांनी, बैठकीचा उद्देश सांगितले. बैठकीस सहाय्यक कामगार आयुक्त गुरव, पोलिस उपअधीक्षक विनायक नरळे, पोलिस निरीक्षक सतीश पवार, मनोहर रानमाळे, कामगार नेते दत्ता माने, मिश्रीलाल जाजू, राजेंद्र निकम, धोंडीबा कुंभार, मदन मुरगुडे, परशुराम आगम आदी उपस्थित होते.

कामगार प्रतिनिधींनी आपली बाजू मांडताना गतवर्षीची वेतनवाढ जाहीर केली नसल्याचा मुद्दा उपस्थित केला. त्याला उत्तर देताना सहाय्यक कामगार आयु्नत गुरव यांनी, नोटाबंदी, जीएसटी यामुळे वस्त्रोद्योग संकटात सापडल्याने यंत्रमागधारक संघटनांनी मजुरीवाढीला विरोध दर्शविला. त्या संदर्भात कामगार संघटनांकडे खुलासा मागितला असता कोणत्याच संघटनेने उत्तरच दिले नसल्याचे सांगितले. मात्र सन २०१३ च्या कराराप्रमाणे मजुरीवाढ जाहीर करणे आवश्यक होते, असे सांगितले. त्यावर शिंगटे यांनी, गुरव यांचा मजुरीवाढीला विरोध नसून प्रशासन कामगारांच्या बाजूने आहे. पण हा मुद्दा यंत्रमागधारकांशी चर्चेननंतरच संपुष्टात येईल, असे सांगितले.

मजुरीवाढीचा प्रश्न चर्चेने सुटणार असल्याने कामबंद आंदोलन मागे घ्यावे, असे आवाहन विनंती प्रांताधिकाऱ्यांनी केली. त्यावर कामबंद आंदोलन सुरूच राहील. मात्र आंदोलनाची तीव्रता कमी करण्याची ग्वाही कामगार संघटनांनी दिली. मात्र प्रशासनाने यंत्रमागधारकांशी चर्चा करुन घेतलेला निर्णय कामगार संघटनांनी सामंजस्याने मान्य करावा, असेही प्रांताधिकाऱ्यांनी सांगितले. दरम्यान, शनिवारी दुपारी शाहूनगर, विक्रमनगर परिसरात सुरू असलेले यंत्रमाग कारखाने बंद करण्यासाठी काहीजण गटाने फिरत होते. त्याचवेळी शाहूनगर परिसरात कारखानदारही मोठ्या संख्येने जमल्याने तणाव निर्माण झाला होता.

मोबाइल अॅप डाउनलोड करा आणि राहा अपडेट

रुकडीत संचारबंदीत शिथिल

January 6, 2018, 1:30 pm

≫ Next: आरपीआयचा आज सांगलीत मोर्चा

≪ Previous: मजुरीवाढीचा निर्णय बुधवारनंतर

$

0

0

म. टा. वृत्तसेवा, इचलकरंजी

दगडफेक, जाळपोळ व तोडफोडीनंतर रुकडी येथे लागू करण्यात आलेली संचारबंदी शनिवारी दोन टप्प्यात चार तासांसाठी शिथिल करण्यात आली. या कालावधीत गावाला अक्षरश: जत्रेचे स्वरुप आले होते. भाजीपाला, औषधे आणि किराणा दुकानात गर्दी लोटली होती. या कालावधीत कोणताही अनुचित प्रकार घडला नसल्याने पोलिसांनी सुटकेचा नि:श्वास सोडला. रविवारीसुद्धा संचारबंदी शिथिल केली जाईल. दंगलीतील संशयितांची धरपकड शनिवारीही सुरू होती.

कोरेगाव भीमा येथील ऐतिहासिक विजयस्तंभाला मानवंदना देण्यासाठी गर्दी जमली असताना दगडफेक व जाळपोळीचा प्रकार घडला. या घटनेचे पडसाद त्यानंतर संपूर्ण राज्यभर उमटले. हातकणंगले तालुक्यातील रुकडी येथे दोन गटात उडालेल्या धुमश्चक्रीत पोलिसांवर मोठ्या प्रमाणात दगडफेक करत जाळपोळ व तोडफोड करण्यात आल्याने पोलिस प्रशासनाने गुरुवारी दुपारनंतर ७२ तासांची संचारबंदी लागू केली होती.

आज शनिवार तिसऱ्या दिवशी प्रांताधिकारी समीर शिंगटे व अप्पर पोलिस अधिक्षक डॉ. दिनेश बारी, जयसिंगपूरचे पोलिस उपअधीक्षक कृष्णात पिंगळे यांनी रुकडी गावातील परिस्थितीचा आढावा घेतला. त्यानंतर दुपारी साडेबारा ते अडीच या दोन तासांसाठी संचारबंदी शिथिल केली. शिथीलता मिळताच नागरिकांची आवश्यक वस्तू खरेदीसाठी बाजारात गर्दी केली. किराणा दुकाने, औषधे तसेच भाजीपाला व अन्य वस्तू खरेदीसाठी गर्दी केली होती. गावातील छत्रपती शिवाजी चौकात भाजीपाला खरेदीला आठवडी बाजाराचे स्वरूप आले होते. दोन तासांची शिथिलता मिळाल्यानंतर अनेकांनी शेतीची काही कामेही उरकून घेतली.

शिथिलता कालावधीत पोलिसांची भागाभागात गस्त सुरूच होती. या काळात कोणताही अनुचित प्रकार घडला नसल्याने सायंकाळी अधिकाऱ्यांनी बैठक घेत सव्वापाच ते सव्वासात या दोन तासांची पुन्हा शिथिलता दिली. चार तासांची शिथिलता मिळताच गावकऱ्यांसह पोलिसांनी सुटकेचा नि:श्वास टाकला. रविवारीसुद्धा दोन टप्प्यात संचारबंदीत शिथिलता देण्याचा प्रशासनाचा विचार आहे. या कालावधीत कायदा व सुव्यवस्था अबाधित राहिल्यास सोमवारी संचारबंदी उठण्याची शक्यता आहे.

संचारबंदीत सकाळच्या सत्रात शिथिलता मिळताच जीवनावश्यक वस्तूंच्या खरेदीसाठी नागरिकांची धावपळ सुरू होती. या संधीचा लाभ उठवत विक्रेत्यांनी भाजीपाला व अन्य साहित्याचे दर कमालीचे वाढविले होते. वांगी, फ्लॉवर, कांदा, बटाटा आदी वस्तूंचे दर ८० रुपये प्रतिकिलोपर्यंत गेले होते.

नोकरदार नातेवाईकांकडे

रुकडीत दंगलीमुळे संचारबंदी लागू केल्याने जनजीवन विस्कळीत झाले होते. गावातील अनेकजण नोकरी तसेच कामानिमित्ताने परगांवी गेले होते. संचारबंदी लागू करण्यात आल्यानंतर अनेकांना नातेवाईकांनी गावात न येण्याबद्दल सूचना केल्या. तर आज संचारबंदीत शिथितला मिळाल्यानंतर अनेकांनी परिस्थिती पूर्वपदावर येईपर्यंत नोकरदारांनी नजीकच्या नातेवाईकांकडे जाऊन राहणे पसंत करत गावातून निघून गेले. संचारबंदीत शिथिलता मिळत असली तरी नागरिकांमध्ये अद्यापही भीतीचे वातावरण असल्याचे दिसून येत आहे.

मोबाइल अॅप डाउनलोड करा आणि राहा अपडेट

आरपीआयचा आज सांगलीत मोर्चा

January 7, 2018, 9:32 am

≫ Next: बँकांना ८० हजार कोटी दिल्याबद्दल गप्प का?: पवार

≪ Previous: रुकडीत संचारबंदीत शिथिल

$

0

0

म. टा. वृत्तसेवा, सांगली
कोरेगाव भीमा येथील घटनेतील दोषींवर तत्काळ कारवाई करा, या मागणीसाठी रिपब्लिकन पार्टी ऑफ इंडियाच्या आठवले गटाच्या वतीने आज, सोमवारी जिल्हाधिकारी कार्यालयावर मोर्चा काढण्यात येणार आहे. आम्ही मोर्चा शांततेच्या मार्गाने काढून प्रशासनास निवेदन देणार आहे. पोलिसांनी संचलन करून तसेच अन्य मार्गाने मोर्चा होऊ नये यासाठी दबाव टाकण्यात आला आहे. मात्र, प्रचंड संख्येने हा मोर्चा होणारच, असा ठाम निर्धार आरपीआयचे नेते नगरसेवक जगन्नाथ ठोकळे व्यक्त केला. दरम्यान, पोलिसांनी या मोर्चास परवानगी नाकारली असून, कायदा व सुव्यवस्थेचा प्रश्न निर्माण झाला तर कडक कारवाई करू, असा इशारा दिला आहे.
महाराष्ट्र बंद वेळी सांगलीत घडलेल्या तोडफोडीच्या घटनांमुळे सामान्यांमध्ये भीतीचे वातावरण आहे. त्यावेळी सर्व सामान्यांचे मोठे नुकसान करण्यात आले. ज्यांचा काही संबध नाही, अशा लोकांची वाहने फोडण्यात आली. त्या विरोधात काही संघटना रस्त्यावर आल्या मात्र, पोलिसांनी वेळीच दक्षता घेतल्याने मोठा अनर्थ टळला. आज, सोमवारी पुन्हा मोर्चाचे आयोजन करण्यात आले आहे. कायदा व सुव्यवस्थेचा प्रश्न निर्माण होऊ शकतो. त्यामुळे पोलिसांनी मोर्चास परवानगी नाकारली आहे. जिल्हाधिकारी, जिल्हा पोलिस अधीक्षक यांनी संबधितांना मोर्चा काढू नये, आपल्या भावना तत्काळ सरकारला कळवल्या आहेत. सरकारी पातळीवरूनही तातडीने कार्यवाही सुरू आहे. मोर्चामुळे पुन्हा तणाव निर्माण होऊ नये, असे आवाहन केले आहे. तरीही माजी महापौर विवेक कांबळे, नगरसेवक जगन्नाथ ठोकळे यांना मोर्चा काढण्याचा निर्णय कायम ठेवला आहे. मोर्चामध्ये जिल्ह्यातील समाज बांधव मोठ्या सं‘येने उपस्थित राहील, असे सांगण्यात आले. कांबळे, ठोकळे यांच्यासह नानासो वाघमारे, संजय कांबळे (जत), विशाल घोलप (शिराळा), अशोक कांबळे (मिरज), आशिष गाडे (सांगली), बापूसाहेब सोनवणे, अपर्णा वाघमारे आदी प्रमुख मंडळीच्या नेतृत्वाखाली हा मोर्चा काढण्यात येणार आहे. मोर्चा विश्रामबाग चौकापासून जिल्हाधिकारी कार्यालयापर्यंत जाईल. कोणताही गोंधळ न करता मोर्चा पूर्ण शांततेत होईल, अशी माहिती ठोकळे यांनी दिली आहे.
२२ समाज संघटनांचा भिडेंना पाठीबा
‘संभाजीराव भिडे गुरुजींवर करण्यात आलेले आरोप चुकीचे आहेत. कोणत्याही आधाराविना दाखल करण्यात आलेले गुन्हे हा कट कारस्थानाचा भाग आहे. भिडे गुरूजी कधीही जातीवाद करीत नाहीत, सर्व जातींमधील लोकांशी समानच वागतात,’ अशी भूमिका विविध २२ समाजाच्या संघटनांनी एकत्र येऊन पत्रकार परिषदेत मांडली. दरम्यान, सिद्धनाथ महार यांचे पंधरावे वंशज अभिजित इनामदार यांनी ‘भिडे गुरुजी, असे बोलूच शकत नाहीत मतांच्या राजकारणासाठी काही लोक हा उद्योग करीत आहेत,’ असा आरोप केला.
अभिजित इनामदार म्हणाले, ‘भिडे गुरुजींनी शिवप्रतिष्ठानच्या पाच हजार धारकऱ्यांनी कळंबी येथे येऊन सिद्धनाथ यांना मानवंदना दिली, ते भिडे गुरुजी कोणतेही समाजविघातक कृत्य करणार नाहीत. करू शकत नाहीत. ३१ डिसेंबरच्या कार्यक्रमाशी भिडे गुरुजींचा काहीही संबध नाही. मतांच्या राजकारणासाठी काही लोकांनी हा उद्योग सुरू केला आहे. मात्र, आंबेडकरी जनता हा डाव हाणून पाडल्याशिवाय राहणार नाही.’

मातंग समाजाचे अभिमन्यू भोसले म्हणाले, ‘गुरुजी कधीही जात पात पाहत नाहीत. लहानपणापासून मी गुरुजींच्या सानिध्यात आहे. मात्र, गुरुजींनी कधीही जात विचारलीही नाही.’ बुरूड समाजाचे शशिकांत नागे म्हणाले, ‘गुरुजींच्या तोंडातून जाती-पातीचा शब्दही येत नाही. आई-वडिलांपेक्षाही श्रेष्ठ स्थानी आहेत. गणपतीच्या मंदिरावर दगडफेक सांगलीतील कोणी करू शकत नाही, या शक्ती बाहेरच्याच आहेत.’
वाल्मिकी समाजाचे महेंद्र चंडाळे म्हणाले, ‘वाल्मिकी समाजाच्या घरात येऊन आमच्या सोबत बसून गुरुजींना आम्हाला आमची माहिती, ज्ञान देणारे गुरुजी जातीवाद कधीच करीत नाहीत.’ परिट समाजाचे नेते मनोहर साळुंखे म्हणाले, ‘गुरुजींची माणूस ही एकच जात आहे. गुरुजींना समाज अनेक वर्षांपासून जवळून ओळखतो. खोट्या आरोपांनी बदनामी सुरू आहे. हे तत्काळ थांबवावे, प्रकरणाची सखोल चौकशी करावी, परिट समाज एकदिलाने गुरुजींच्या पाठीशी आहे.’
विरशैव माळी समाजाचे दत्तात्रय माळी म्हणाले, ‘गुरुजींवर आरोप म्हणजे सूर्यावर थुंकण्यासारखे आहे. मात्र, हा डाव संबधितांवरच उलटेल.’ मराठा स्वराज्य संघाचे प्रदीप बर्गे, भोई समाजाचे संतोष लोखंडे, गोसावी समाजाचे पदाधिकारी, चर्मकार समाजाचे गणेश कोडते, धनगर समाजाचे विनायक एडके, सिंधी समाजाचे विजय काबरा, नामदेव शिंपी समाजाचे मोहन पतंगे, कंजारभट समाजाचे गोविंद नगरकर, सचिन पवार, धनंजय सूर्यवंशी, अमित करमुसे आदींनी गुरुजी जातीवाद करूच शकत नाहीत, असे ठामपणे सांगितले. या शिवाय कोळी समाजाचे रमेश पाटील, कुमार पाटील यांनीही पाठिंब्याचे पत्र दिले आहे.

मोबाइल अॅप डाउनलोड करा आणि राहा अपडेट

बँकांना ८० हजार कोटी दिल्याबद्दल गप्प का?: पवार

January 7, 2018, 9:36 am

≫ Next: सोलापुरात पाणीबाणी

≪ Previous: आरपीआयचा आज सांगलीत मोर्चा

$

0

0

म. टा. वृत्तसेवा, पंढरपूर

‘महाराष्ट्रातील अडचणीत आलेल्या शेतकऱ्याला कर्जमाफी दिल्यावर काही मंडळींच्या पोटात दुखतंय, पण गेल्या १५ दिवसांत राष्ट्रीयकृत बँकेचा तोटा भरून काढण्यासाठी केंद्र सरकारने तिजोरीतून ८० हजार कोटी पैसे कसे दिले,’ असा सवाल राष्ट्रवादी कॉँग्रेसचे अध्यक्ष शरद पवार यांनी केला आहे.

अकलूज येथे महिला वसतिगृहाच्या उद्घाटनासाठी आलेले पवार पत्रकारांशी बोलत होते. या वेळी माजी केंद्रीय मंत्री सुशीलकुमार शिंदे, विधान परिषदेचे सभापती रामराजे निंबाळकर, खासदार विजयसिंह मोहिते पाटील आदी उपस्थित होते.

पवार म्हणाले, ‘शेतकऱ्यांना कर्जमाफी देण्यासाठी सरकारकडे पैसे नाहीत, असे म्हणणाऱ्या सरकारकडे बँकांची तूट भरून काढायला पैसे कोठून आले. कोणाच्या कितीही पोटात दुखले तरी शेतकऱ्यांची संपूर्ण कर्जमाफी झालीच पाहिजे, त्याच्या डोक्यावरचे ओझे उतरवून त्याला सन्मानाने जगण्याची संधी मिळाली पाहिजे.’
देशाच्या कृषी आणि आर्थिक धोरणावर टीका करताना पवार म्हणाले, देशाचा विकास दर घसरला असून, कृषी आणि औद्योगिक उत्पादनावर याचा विपरीत परिणाम झाला आहे. नवीन करप्रणाली, नोटा बंदीचे परिणाम आता दिसू लागले आहेत. देशाची आर्थिक परिस्थिती चिंताजनक बनली आहे, असेही पवार म्हणाले.
दंगलीचे आरोपी शोधून काढावेत.

कोरेगाव भीमाची घटना पूर्वनियोजित होती. या प्रकरणातील दोन्ही बाजूच्या लोकांची भेट झाली आहे. या दंगलीत बाहेरचे लोक असल्याचे त्यांनी सांगितले आहे. आता या मागचे आरोपी सरकारने शोधून काढावेत, अशी मागणीही पवारांनी केली. नागपूर अधिवेशनानंतर दोन्ही काँग्रेस एकत्रित आले असून, आता या सरकारच्या विरोधात एकत्रित काम करण्याची भावना दोन्ही पक्षांच्या नेत्यांची असल्याचे पवार म्हणाले.

मोबाइल अॅप डाउनलोड करा आणि राहा अपडेट

सोलापुरात पाणीबाणी

January 7, 2018, 9:39 am

≫ Next: आम्ही हिंदू लिंगायतचदुही माजवण्याचा डाव; लिंगायत समाजाचे निवेदन

≪ Previous: बँकांना ८० हजार कोटी दिल्याबद्दल गप्प का?: पवार

$

0

0

सोलापूर
मिळकतकराची थकबाकी वसूल करण्यासाठी मोहीम राबवून नळ तोडण्याची कारवाई करणाऱ्या मनपासमोर पाटबंधारे खात्याच्या पत्राने नवा पेच निर्माण केला आहे. पाणीपट्टीची ५३ कोटींची थकबाकी भरा; अन्यथा उजनीतून पाणी सोडणार नाही, असे पाटबंधारे खात्याने कळविले आहे.
औज बंधाऱ्यातील पाणीसाठा शुन्यावर आहे. चिंचपूर बंधाऱ्यातील पाणीपातळी खालावली आहे. हे पाणी ८ जानेवारीपर्यंत पुरेल, असे मनपाने पाटबंधारे खात्याला कळविले होते. पण, पाटबंधारेच्या अधिकऱ्यांनी आणखी आठ दिवस पाणी पुरेल, असे म्हटले आहे. सिद्धेश्वराच्या यात्रा काळात पाणीटंचाई होऊ नये, यासाठी खबरदारी घेण्यात येत असल्याचे आयुक्त डॉ. अविनाश ढाकणे यांनी म्हटले होते. असे असताना आता ऐनवेळी पाटबंधारे खात्याने ५३ कोटींची थकबाकी भरण्याबाबत पत्र दिले आहे. पाटबंधारे खात्याने लावलेले बिल चुकीचे असल्याचे आयुक्त डॉ. ढाकणे यांनी म्हटले आहे.

मोबाइल अॅप डाउनलोड करा आणि राहा अपडेट

---

आम्ही हिंदू लिंगायतचदुही माजवण्याचा डाव; लिंगायत समाजाचे निवेदन

January 7, 2018, 9:40 am

≫ Next: प्रेम जिव्हाळा भरपूर ते आमचं कोल्हापूर

≪ Previous: सोलापुरात पाणीबाणी

$

0

0

म. टा. वृत्तसेवा, मिरज
‘काही दिवसांपूर्वी निघालेल्या लिंगायत महामोर्चात स्वतंत्र लिंगायत धर्माची केलेली मागणी चुकीची आहे. हिंदू लिंगायत समाजात एक प्रकारे फूट पाडण्याचे काही विघातक शक्ती प्रयत्न करीत आहेत. मात्र, हा कुटील डाव आम्ही कदापि यशस्वी होऊ देणार नाही. कर्नाटकचे आमदार एम. बी. पाटील, नांदेडचे अविनाश भोसेकर यांचा हा कुटील डाव आहे,’ असा आरोपही हिंदू लिंगायत समाजातील सर्वपक्षीय युवा नेत्यांनी पत्रकार बैठकीत व्यक्त केले.
या वेळी महेश गवाणे, अभिजित हारगे, चंद्रकांत मैगुरे, राजू कोरे, मनोहर कुरणे, जयगोंड कोरे आदी मान्यवर उपस्थित होते.
सण, संस्कृती, उत्सव व देव सर्व एक असताना वेगळा धर्म कसा काय होऊ शकतो? बसवेश्वर महाराजानीही कधी स्वतंत्र धर्माची मागणी केली नाही, उलट हिंदू धर्मात असणाऱ्या काही अनिष्ठ रुढी, परंपरा, वर्णभेद, व जातीभेद नष्ट करण्याचा प्रयत्न केला. स्त्री-पुरुष समानतेची शिकवण देऊन धर्माला संघटीत ठेवण्याचा प्रयत्न केला. हिंदू धर्मामध्ये लिंगायत समाजाची कधीही उपेक्षा केली नाही. उलट लिंगायत समाजास मानाचे स्थान दिले आहे. मात्र, लिंगायत समाजाची काही मंडळी दिशाभूल करून फूट पाडण्याचा प्रयत्न करीत आहेत. या संदर्भात संभाजी भिडे गुरुजी यानी एका पत्रकार बैठकीत स्वतंत्र लिंगायत धर्म मागणीच्या मागे धर्म विरोधी शक्तिचा पाठिंबा असल्याचे सांगितले असून, त्यांच्या या मताशी लिंगायत समाज पूर्णपणे सहमत असल्याचे महेश गवाणे, अभिजित हारगे, मनोहर कुरणे, चंद्रकांत मैगुरे यांनी सांगितले.
लिंगायत महामोर्चावेळी समाजाची दिशाभूल करून चुकीची माहिती दिली. लिंगायत समाजास ओबीसी आरक्षण, बसवेश्वर विकास आर्थिक महामंडळ या सारख्या मागण्या प्राधान्याने होत्या मात्र, काहींनी स्वतंत्र लिंगायत धर्माची मागणी केली. याचा परिणाम म्हणून लिंगायत समाजाने या मोर्चात अनुपस्थिती दाखवली असल्याचेही महेश गवाणे यांनी सांगितले. या संदर्भात समाजात जागृती करून काही दिवसांत मोठा मोर्चा काढून हे कारस्थान हाणून पाडण्यात येईल, असेही त्यांनी सांगितले.

मोबाइल अॅप डाउनलोड करा आणि राहा अपडेट

प्रेम जिव्हाळा भरपूर ते आमचं कोल्हापूर

January 7, 2018, 12:30 pm

≫ Next: अतिरिक्त पोलिस अधिक्षकपद सव्वा महिने रिक्त

≪ Previous: आम्ही हिंदू लिंगायतचदुही माजवण्याचा डाव; लिंगायत समाजाचे निवेदन

$

0

0

कोल्हापूर टाइम्स टीम

बोचरी थंडी आणि धुक्याच्या दुलईमुळे रविवारी सकाळी शहरातील जनजीवन हळूहळू सुरू होत असताना हॉकी स्टेडियमसमोरील रस्त्यावर मात्र जल्लोष होता. पारंपरिक खेळांनी फुललेला रस्ता, विविध कलाप्रकारांची मांडणी, डीजेच्या तालावर थिरकरणारी पावले आणि विविध डान्स प्रकार अशा प्रकारांचा माहोल तेथे होता. ‘महाराष्ट्र टाइम्स’च्या हॅपी स्ट्रीट उपक्रमात सहभागी होण्यासाठी पहाटेपासून गर्दी सुरु झाली. बच्चेकंपनी, युवक, युवती, महिला आणि यंग सीनिअर्संचा भरभरुन प्रतिसाद उपक्रमासाठी राहिला. रविवारी सकाळ ही करवीरवासियांनी ध्यानचंद हॉकी स्टेडियम रोडवरील हॅपी स्ट्रीटमध्ये द्विगुणित केली. हॅपी स्ट्रीटमधून अनेकजण प्रेम, जिव्हाळा आणि आपुलकी घेऊन गेले. अनेकांची सकाळ रिफ्रेश झाली.

गेले काही दिवस शहरवासीयांत कमालीची उत्सुकता या कार्यक्रमाची होती. त्याची सुरुवात ७ जानेवारीपासून सुरु झाल्याने अनेक कुटूंबांनी मौजमजेची लयलूट स्ट्रीटवर केली. हॅपी स्ट्रीटच्या नियोजित कार्यक्रमाच्या आधी एक तासभर व्यासपीठासमोर गर्दी होऊ लागली. बोचऱ्या थंडीतही अनेकजण सहकुटूंब, काहीजण मुलांना घेऊन हॉकी स्टेडियम रस्त्यावर आले. सकाळी सात वाजेपर्यंत हॅपी स्ट्रीट गर्दीने फुलून गेला. व्यासपीठासमोरच हॅपी स्ट्रीटमध्ये २१ हून अधिक संस्था, ग्रुप आणि संघटना सहभागी झाल्या. काहींनी वैयक्तिक सहभाग घेऊन कला सादर केली. जमलेली गर्दी विविध खेळांचा आनंद घेत होती. मुलांसोबत रमताना अनेकांना बालपणीचा काळ आठवला.

रस्सीखेच, टायरमध्ये चेंडू टाकणे, वॉल क्लायबिंग, लकी ड्रॉ, किटल बेल, बोझू बॉल, हॉर्स रायडिंग, सांताक्लॉज, गिटार, सिंगर, फुटबॉल,खो-खो, शिवकालीन मर्दानी खेळात लाठी काठी आणि पाश शस्त्र फिरवणे, स्वसंरक्षणाचे धडे, मेंहदी, टॅटू काढण्यासाठी मोठी गर्दी झाली. रस्सीखेचमध्ये येणारी धमाल सर्वांनीच अनुभवली. कार्यक्रमाला प्रमुख पाहुणे म्हणून उपस्थित असलेल्या महापौर स्वाती यवलुजे यांच्यासह काही नगरसेवक, नागरिकांनीही याची मौज लुटली. लहान मुलेही उत्साहाने सहभागी झाली. सकाळी सात वाजल्यापासून सुरु झालेल्या कार्यक्रमात सहभागी नागरिकांचा उत्साह कार्यक्रम संपेपर्यंत कायम राहिला. प्रत्येक क्षणाचा आनंद घेऊन उत्साह दुणावत राहिला. अनेकांनी बालपणातील पारंपरिक खेळाचा आनंद वीस-पंचवीस वर्षानंतर घेतल्याने आनंद द्विगुणित झाला. हॉकी स्टेडियमच्या रस्त्यावर सुरु झालेला हा जल्लोष दहा वाजेपर्यंत कायम राहिला.

या आनंदाची आठवण कायम रहावी म्हणून अनेकांनी हॅपी स्ट्रीटवर मोबाइलमध्ये सेल्फी घेतली. काहींनी तर आवडलेल्या ठिकाणाचे स्पॉट निश्चित केले. जिम, सांताक्लॉज, रस्सीखेच, हॉर्स रायडिंग आणि योगा करताना सेल्फी घेतल्या. रोडवर अनेक ठिकाणी सेल्फी पॉईंट बनल्याचे चित्र होते. प्रत्येकाच्या कॅमेऱ्यात हॅपी स्ट्रीटचे बंदिस्त झाले. त्यासह हौशी फोटोग्राफरांनी खेळांचे फोटोसह जल्लोषाचे क्षण कॅमेराबध्द केले. पारंपरिक खेळांचा मनमुराद आनंद लुटण्यासाठी आणि सुप्त कलागुणांच्या प्रकटीकरणाचे हे खुले व्यासपीठ नागरिकांना मिळाले.


गिटार वादन, सिंगर

हॅपी स्ट्रीटवर विकी वाघमारे, सौरभ बेलेकर, मोहित कुलकर्णी आदी कलाकारांनी जुनी आणि नवीन अवीट गाणी सादर केली. हॅपी स्ट्रीटमध्ये आलेल्या कलाकारांनी युवकांसह यंग सीनिअर्संच्या मागणीला तितकाच प्रतिसाद देत गिटार आणि सिंगरवर गाणी गायिली. अनेकांनी कलाकारांना जुन्या काळातील गाणी गुणगायला लावली.


हॉर्स रायडिंग

वरदा रायडिंग क्लबतर्फे उपस्थितांना मोफत हॉर्स रायडिंगची सुविधा देण्यात आली. बच्चेकंपनीने आणि तरुणाईने हॉर्स रायडिंगला पसंती दिली. हॉर्स रायडर्सनी विविध प्रात्याक्षिके सादर केली. घोड्यावर बसण्याची कला, त्याला सांभाळण्याचे कौशल्य याचे प्रशिक्षण देण्यात आले. विविध शाळा आणि कॉलेजच्या विद्यार्थ्यांनी हॉर्स रायडिंगचा आनंद घेतला. प्रशिक्षक प्रशांत सुर्वे, ज्योतिरादित्य सुर्वे, गोरख सूर्यंवंशी यांनी मार्गदर्शन केले.

मर्दानी खेळाची प्रात्याक्षिके

शिवसंस्कार प्रतिष्ठानचे संस्थापक अध्यक्ष राजेश पाटील, प्रियंका पाटील यांनी नागरिकांना मर्दानी खेळांची माहिती दिली. दहा रणरागिणींनी लाठीकाठीची चित्तथरारक प्रात्यक्षिक दाखवले. लाठी, दांडपट्टा, विटा फेक, पोटावर केळ कापणे, गळ्यावर खाऊचे पान कापने, लिंबू कापणे, डोक्यावर नारळ फोडणे अशी प्रात्यक्षिके राजेश पाटील यांनी दाखवली. शत्रूपासून संरक्षण करण्यासाठी हवेत फिरणारे पाश हे शस्त्र हाताळण्याचे प्रशिक्षण उपस्थितांना देण्यात आले.


बेसिफ लाइफ सपोर्ट

अखिल भारतीय भूलतज्ज्ञ संघटनेच्या कोल्हापूर शाखेतर्फे भूलशास्त्राची, उपचारांची माहिती देण्यात आली. एखाद्या प्रसंगात रुग्णाला श्वास घेता येत नसेल, तो बेशुद्ध पडला असेल किंवा त्याचे हृदय बंद पडले असेल तर तातडीचे काय उपचार करायला हवेत, याचे मार्गदर्शन केले. गव्हर्नमेंट कॉलेजचे विभागप्रमुख डॉ. उल्हास मिसाळ, भूलतज्ज्ञ संघटनेचे अध्यक्ष दिलीप देसाई, सेक्रेटरी डॉ. मारुती पवार, डॉ. किरण भिगार्डे आदींनी बेसिफ लाइफ सपोर्टचे प्रशिक्षण दिले.

स्केटिंगचा थरार

प्रतिभानगरातील एस. के. रोलर स्केटिंग अॅकॅडमीतर्फे स्केटिंगची प्रात्यक्षिक दाखविण्यात आले. त्यामध्ये ३० हून अधिक स्केटर्स सहभागी झाले होते. स्केटिंग करत वेगाने फिरणारी मुले, गर्दीतुनही अचूक वाट काढणारी मुले यांचा थरार दिसत होता. प्रशिक्षक सुहास कारेकर, विनायक पाटील आणि सचिन टीम टॉपरचे सचिन इंगवले यांनी स्केटिंगची माहिती देऊन महत्व सांगितले.


मिळाले योगाचे धडे

शाहूपुरी चौथी गल्ली येथील क्लब वन संस्थेतर्फे उपस्थितांना निरोगी आयुष्य जगण्याचा कानमंत्र देण्यात आला. धावपळीच्या युगात मन स्थिर ठेवण्यासाठी योगा अत्यावश्यक आहे याची माहिती योग प्रशिक्षक दत्ता पाटील यांनी दिली. क्लब वनचे कार्यकारी संचालक सतीश पाटील, मुख्य कार्यकारी अधिकारी भरत पाटील, समूह सरव्यवस्थापक सचिन कदम यांचे मार्गदर्शनाखाली क्लबचे सदस्य सहभागी झाले.


गेम, लकी ड्रॉ

स्कायलार्क ग्लोबल बीपीओने ठेवलेले विविध प्रकारचे गेम खेळण्यासाठी उपस्थितांची गर्दी झाली. बुद्धीला चालना देणारे गेम खेळण्याची मजा अनेकांनी लुटली. उपस्थितांमध्ये लकी ड्रॉ काढण्यात आला. स्कायलार्कचे कैलास मेढे, सायली घोरपडे यांच्या मार्गदर्शनाखाली हा उपक्रम राबविण्यात आला.

मोबाइल अॅप डाउनलोड करा आणि राहा अपडेट

अतिरिक्त पोलिस अधिक्षकपद सव्वा महिने रिक्त

January 7, 2018, 1:30 pm

≫ Next: ५५ हुल्लडबाजांना अटक

≪ Previous: प्रेम जिव्हाळा भरपूर ते आमचं कोल्हापूर

$

0

0

satish.ghatage@timesgroup.com
Twitt:@satishgMT

कोल्हापूर : पानसरे हत्या प्रकरणाचा तपास, फरारी आरोपींचा शोध आणि कोरेगाव भीमा येथील घटनेनंतर ​शहर-जिल्ह्यात उद्भवलेल्या गंभीर परिस्थिती पाहता जिल्हा पोलिस दलातील महत्त्वाच्या रिक्त पदांवर तातडीने नियुक्ती होण्याची गरज आहे. सद्यस्थितीत सव्वा महिना उलटला तरी जिल्ह्यात अतिरिक्त पोलिस अधीक्षक पद रिक्तच आहे. या नियुक्तीकडे गृहखात्याने दुर्लक्ष केले आहे.

सांगली येथील अनिकेत कोथळे याच्या पोलिस कोठडीत झालेल्या हत्येच्या प्रकरणात सांगली पोलिसांच्या सहभागाने गृहखात्याची प्रतिमा मलिन झाली. त्यानंतर तत्कालिन पोलिस अधीक्षक दत्तात्रय शिंदे यांची नागपूरला तडकाफडकी बदली करण्यात आली. दोन डिसेंबर रोजी सांगली पोलिस अधीक्षकपदी कोल्हापूरचे अतिरिक्त पोलिस अधीक्षक सुहेल शर्मा यांची नियुक्ती करण्यात आली. त्यानंतर कोल्हापूरचे अतिरिक्त पोलिस अधीक्षकपद रिक्त आहे. त्यांचा पदभार गडहिंग्लज-इचलकरंजीचे अतिरिक्त पोलिस अधीक्षक दिनेश बारी यांच्याकडे दिला आहे. सव्वा महिने उलटूनही गृहखात्याने अतिरिक्त पोलिस अधीक्षक पदावर कोणाचीही नियुक्ती केलेली नाही.

दरम्यान, अतिरिक्त पोलिस अधीक्षक पदावरील व्यक्तीकडे ज्येष्ठ नेते, गोविंदराव पानसरे हत्या प्रकरणाच्या तपासाची जबाबदारी आहे. यापूर्वी पानसरे हत्या प्रकरणाचे तपास अधिकारी म्हणून अंकित गोयल, एस. चैत्यन्य आणि सुहेल शर्मा यांनी अतिरिक्त अधीक्षक पदावरून काम पाहिले. डिसेंबर महिन्यात हिवाळी अधिवेशन सुरू असताना पानसरे हत्या प्रकरणातील तपास अधिकारीपद तत्काळ भरावे अशी मागणी ज्येष्ठ नेते, प्रा. एन. पाटील यांच्या नेतृत्वाखालील शिष्टमंडळाने जिल्हाधिकारी अविनाश सुभेदार यांच्याकरवी मुख्यमंत्र्यांकडे केली होती. मात्र हिवाळी अधिवेशन संपल्यानंतरही सरकारला या पदावरील नियुक्तीसाठी मुहूर्त मिळालेला नाही.

कोरेगाव भीमा येथील घटनेनंतर कोल्हापूर शहर आणि परिसरात दंगलसदृश्य परिस्थिती उद्भवली होती. कोरेगाव भीमा हा भाग पुणे ग्रामिणच्या हद्दीत येत असल्याने विशेष पोलिस महानिरीक्षक विश्वास नांगरे- पाटील तेथे तळ ठेऊन होते. त्यामुळे कोल्हापूरची जबाबदारी पोलिस अधीक्षक संजय मोहिते यांच्यावर होती. याकाळात अतिरिक्त पोलिस अधीक्षक पद रिक्त असल्याने पोलिसांची धांदल उडाली. सुहेल शर्मा यांच्या बदलीनंतर गृहखात्याने तातडीने या पदावर अधिकारी नियुक्त केला असता अशा संवेदनशील काळात शहर आणि जिल्ह्यातील उद्भवलेली परिस्थिती हाताळण्यास आणखी एका सक्षम अधिकाऱ्याची मदत झाली असती. कोरेगाव भीमा येथील घटनेनंतर मुख्यमंत्री तथा गृहमंत्री देवेंद्र फडणवीस आणि महसूलमंत्री चंद्रकांत पाटील यांनी कोरगाव भीमा येथील घटनेची पाळेमुळे खणून काढू अशी घोषणा केली आहे. अशा संवेदनशील काळात अतिरिक्त पोलिस अधीक्षक पदावर नियुक्तीस सरकारकडून विलंब होत असल्याने आश्चर्य व्यक्त केले आहे.


पानसरे हत्या प्रकरणाच्या तपास प्रकरण कोल्हापूर अतिरिक्त पोलिस अधीक्षकांकडे आहे. त्यामुळे तातडीने अधिकारी नियुक्ती करावा असा पत्रव्यवहार आम्ही एक महिन्यापूर्वीच गृहखात्याकडे केला आहे. लवकरच अतिरिक्त पोलिस अधीक्षक पदावर नियुक्ती होईल.

विश्वास नांगरे-पाटील, विशेष पोलिस महानिरीक्षक

मोबाइल अॅप डाउनलोड करा आणि राहा अपडेट

५५ हुल्लडबाजांना अटक

January 7, 2018, 1:30 pm

≫ Next: केएमटीचे जिल्हाधिकाऱ्यांना साकडे

≪ Previous: अतिरिक्त पोलिस अधिक्षकपद सव्वा महिने रिक्त

$

0

0

म. टा. प्रतिनिधी, कोल्हापूर

कोरेगाव भीमा येथील घटनेनंतर पुकारलेल्या बंददरम्यान शहरात दगडफेक आणि जाळपोळ करणाऱ्या आणखी ५५ संशयितांना रविवारी पोलिसांनी अटक केली. अटक केलेल्यांमध्ये आंबेडकवादी कार्यकर्ते आणि हिंदूत्ववादी गटातील कार्यकर्त्यांचा समावेश आहे. आजअखेर जिल्ह्यातील १७० संशयितांना अटक झाली आहे. तसेच सेफ सिटी योजनेतून शहररभर लावलेल्या सीसीटीव्ही कॅमेऱ्यांतील फुटेजवरुन हुल्लडबाजांना अटक करण्यासाठी शहरातील सर्वच पोलिस ठाण्यांनी धडक मोहीम सुरू केली आहे.

बुधवारी आणि गुरुवारी बंददरम्यान कोल्हापूर शहरासह रुकडी आणि अन्य परिसरात अनेक ठिकाणी रास्ता रोको, दगडफेक आणि वाहनांची जाळपोळ अशा घटना घडल्या. शहरात हुल्लडबाजांनी केलेल्या दगडफेकीत अनेक वाहनांचे, घरांचे, दुकानांचे नुकसान झाले. हुल्लडबाजांना पकडण्यासाठी पोलिसांनी सीसीटीव्हीतील चित्रीकरणाची मदत घेण्यास सुरुवात केली आहे. शहरातील सर्व पोलिस ठाण्यांनी नियंत्रण कक्षाकडे सेफ सिटीअंतर्गत उभारण्यात आलेल्या सीसीटीव्हीच्या फुटेजची लेखी मागणी केली आहे. गुजरी, शाहूपुरी, बिंदू चौक आणि सिद्धार्थनगर येथील दुकाने, विविध संस्था, संघटनांकडून सीसीटीव्ही फुटेज जमविण्यास पोलिसांनी सुरुवात केली आहे. ज्यांच्या वाहनांचे नुकसान झाले, अशा १० नागरिकांनी पोलिसांना सीसीटीव्ही फुटेज उपलब्ध करून दिले आहे. या फुटेजचा उपयोग कोर्टातही उपयोगी ठरणार आहे.

गेल्या तीन दिवसांत पोलिसांनी कोल्हापूर जिल्ह्यात १७० हुल्लडबाजांना अटक केली आहे. त्यामध्ये आंबेडकरवादी कार्यकर्ते व हिंदुत्वावादी संघटनेच्या पदाधिकारी, कार्यकर्त्यांचाही समावेश आहे. पण, ज्यांनी हुल्लडबाजी केली, त्यांच्यापैकी बहूतांश जण अद्याप मोकाट असल्याने पोलिसांनी अशा हुल्लडबाजांना शोधून अटक करावी, अशी मागणी नागरिकांकडून होत आहे. तर दुसरीकडे कारवाईची तीव्रता कमी व्हावी असे प्रयत्न काही संघटनांकडून सुरू आहेत. मात्र पोलिस कारवाईवर ठाम आहेत. कारवाईच्या भीतीने अनेक हुल्लडबाजांनी शहर सोडले आहे. अशा हुल्लडबाजांवर पुढील काही दिवसांत बडगा उगारण्याचे संकेत दिले आहे.

अटक केलेल्या १८० संशयितांवर दंगल माजवणे, दगडफेक करणे, जिवितास धोका निर्माण करणे अशी कलमे लावली गेली असल्याने अशा संशयितांना जरी पोलिस कोठडी मिळाली नसली, तरी त्यांना न्यायालयीन कोठडीत ठेवण्याचे आदेश दिले आहेत. त्यामुळे अटक केलेल्या संशयितांची बिंदू चौक सब जेलमध्ये रवानागी करण्यात आली आहे. अटक केलेल्या कार्यकर्त्यांची संख्या वाढल्यास न्यायालयीन कोठडीतील संशयितांना कळंबा कारागृहात हलवण्याचा विचार प्रशासन करत आहे.

पोलिस ठाणेनिहाय अटकेतील संशयित

१५

शाहूपुरी पोलिस ठाणे

१९

राजारामपुरी पोलिस ठाणे

१२

जुना राजवाडा पोलिस ठाणे

९

लक्ष्मीपुरी पोलिस ठाणे

मोबाइल अॅप डाउनलोड करा आणि राहा अपडेट

केएमटीचे जिल्हाधिकाऱ्यांना साकडे

January 7, 2018, 1:30 pm

≫ Next: नकारात्मकतेने कामे खोळंबली

≪ Previous: ५५ हुल्लडबाजांना अटक

$

0

0

म. टा. प्रतिनिधी, कोल्हापूर

कोल्हापूरच्या पर्यटन वाढीला हातभार लावण्यासाठी जोतिबा व पन्हाळा या ठिकाणी केएमटीच्या ‘करवीर दर्शन’ बस सेवेला परवानगी मिळवण्यासाठी केएमटीने आता जिल्हाधिकाऱ्यांकडे प्रयत्न सुरू केले आहेत. ही दोन ठिकाणे एसटीच्या कार्यक्षेत्रामध्ये येत असल्याने यापूर्वी केएमटीने मागणी करूनही प्रादेशिक परिवहन कार्यालयाने (आरटीओ) परवानगी दिलेली नाही. गेल्याच महिन्यात ‘करवीर दर्शन’ बससेवा सुरू करण्यात आली असली तरी त्यामध्ये पन्हाळा व जोतिबा या दोन ठिकाणांचा समावेश नसल्याने या सेवेला अपेक्षित प्रतिसाद मिळालेला नाही.

कोल्हापूरला पर्यटनासाठी येणाऱ्या पर्यटकांसमोर सध्या तरी अंबाबाई, जोतिबा, पन्हाळा हीच तीन ठिकाणे असतात. त्याव्यतिरिक्त जिल्ह्यातील अन्य ठिकाणी पर्यटक सोयीप्रमाणे जात असतात. शहरातच अनेक ऐतिहासिक ठिकाणे असल्याने त्याची पर्यटकांना माहिती व्हावी, यासाठी ‘करवीर दर्शन’ बससेवा सुरू केली. या सेवेमध्ये शहरातील ठिकाणे आहेत, पण अनेक पर्यटक जोतिबा व पन्हाळा या ठिकाणांचा समावेश आहे का? अशी विचारणा करतात. यापुर्वीही केएमटीने या दोन ठिकाणी ही बससेवा सुरू करण्यासाठी आरटीओकडे परवानगी ​मागितली आहे. नोव्हेंबर महिन्यात त्याबाबतचे पत्र दिले आहे. पण एसटीच्या कार्यक्षेत्रात ही सेवा सुरू करायची असल्याने त्यांची ना हरकत पत्र आवश्यक असते. एसटीच्या मुख्य कार्यालयाकडून पत्र दिले जाते. त्यामुळे त्याला बराच कालावधी लागतो.

त्यानंतर स्थानिक पातळीवर असलेल्या प्रादेशिक परिवहन प्राधिकरणच्या (आरटीए) माध्यमातून परवानगी दिली जाते. जिल्हाधिकारी हे आरटीएचे अध्यक्ष आहेत. त्यांच्या पातळीवर खास बाब म्हणून अशा सेवेला परवानगी देता येऊ शकते. त्यासाठी केएमटीने शुक्रवारी जिल्हाधिकाऱ्यांना पत्र दिले आहे. जिल्हाधिकारी कार्यालयाने पर्यटनवाढीसाठी पर्यटन आराखडा तयार केला आहे. विविध उपक्रम हाती घेण्यात येणार आहेत. या पार्श्वभूमीवर केएमटीने जिल्हाधिऱ्यांकडे या बससेवेची परवानगी मागितली आहे. अनेक पर्यटकांची पन्हाळा व जोतिबा या ठिकाणी जाण्यासाठी विचारणा होत आहे. त्यामुळे या ठिकाणी केएमटीची करवीर दर्शन सेवा सुरू करण्यासाठी परवानगी देण्यात यावी, अशी मागणी केली आहे. आरटीएची बैठक बोलवून जिल्हाधिकारी खास बाब म्हणून आरटीओंना याबाबतचे आदेश देऊ शकतात. याबरोबर परिवहन मंत्री दिवाकर रावते यांच्याकडेही परिवहन सभापतींनी परवानगी देण्याबाबत पत्र पाठवले आहे.


पर्यटनासाठी आवश्यक सेवा

केएमटीने शहरातील विविध पर्यटन ठिकाणी जाण्यासाठी ही सेवा सुरू केली आहे. नवीन ताफ्यातील बस असल्याने दोन्ही दरवाजे बंद करण्याची व्यवस्था आहे. त्यामुळे घाटांमध्ये सुरक्षित सेवा असावी हा नियमही पाळला जातो. परिणामी केवळ एसटीच्या क्षेत्रात आहे म्हणून अडथळा येण्याची गरज नाही. शहराच्या क्षेत्रातून एसटीची सेवा सुरू आहे. नागरिकांच्या, पर्यटकांच्या सोईसाठी जिल्हाधिकाऱ्यांना ही बाब पटवून देण्याची आवश्यकता आहे.


एसटी स्टँड, रेल्वे स्टेशन परिसरातून सुरुवात हवी

जे पर्यटक खासगी वाहनाने येतात, ते या करवीर दर्शन सेवेतून येणार नाहीत. पण त्याव्यतिरिक्त तिरुपतीहून तसेच अन्य ठिकाणाहून रेल्वेतून, एसटीतून येणाऱ्या पर्यटकांना पन्हाळा, जोतिबा फिरायला जायचे असल्यास त्यांना एसटी वा भाड्याने वाहन ठरवून जावे लागते. यासाठी ही करवीर दर्शन सेवा फार उपयोगाची आहे. स्टँड व रेल्वे स्टेशनच्या परिसरात या सेवेची माहिती दिल्यास तसेच तिथून पर्यटकांना घेऊन जाण्याची सोय केली जाण्याची आवश्यकता आहे. त्यामुळे समोर बस दिसल्यानंतर आपोआपच चौकशी होते व त्याला प्रतिसाद मिळू शकतो.

मोबाइल अॅप डाउनलोड करा आणि राहा अपडेट