म. टा. प्रतिनिधी, कोल्हापूर
बुधवारी महाराष्ट्र बंदच्या निमित्ताने कोल्हापुरात रस्त्यावर उतरलेल्या हुल्लडबाजांनी प्रचंड प्रमाणात तोडफोड करून दहशत निर्माण केली. या हुल्लडबाजांना अद्दल घडवण्यासाठी पोलिसांनी सीसीटीव्ही फुटेजची तपासणी करून संशयितांवर गुन्हे दाखल केले आहेत. यात आंबेडकरवादी संघटनांचे प्रा. शहाजी कांबळे, उत्तम कांबळे यांच्यासह हिंदुत्ववादी कार्यकर्त्यांचाही समावेश आहे. दरम्यान, दगडफेकीत जखमी आंदोलक आणि पोलिसांच्या प्रकृतीत सुधारणा झाली आहे. १५ जखमींवर सीपीआरसह खासगी रुग्णालयांत उपचार सरू आहेत. पालकमंत्री चंद्रकांत पाटील यांनी सीपीआरमध्ये जखमींची विचारपूस केली.
बंददरम्यान जमावबंदीचा आदेश झुगारून दुकानांसह वाहनांवर दगडफेक करणाऱ्या हुल्लडबाजांची धरपकड सुरू झाली आहे. पोलिसांनी गुरुवारी रात्रीपर्यंत शहर-जिल्ह्यातील ५० संशयितांना अटक केली. यात आंबेडकरवादी सघटनांसह हिंदुत्ववादी संघटनांच्या कार्यकर्त्यांचाही समावेश आहे.
दरम्यान, गुरुवारी रुकडी आणि हेर्ले येथे पुन्हा आंदोलनाला हिंसक वळण लावले. यात जखमी झालेल्या दोघांना उपचारासाठी सीपीआरमध्ये दाखल केले आहे. सुभाष नामदेव कुरणे (वय ५०) आणि विशाल रघुनाथ जंगले (२४, दोघेही रा. रुकडी) अशी जखमींची नावे आहेत. बुधवारी रात्री झालेल्या दगडफेकीत अविनाश सखाराम कांबळे (२८), अभिजित सुरेश कांबळे (२३), रंगराव आण्णा कांबळे (६०), लक्ष्मण शंकर जाधव (३४, सर्व रा. रुकडी), वैभव हरी पाटील (२२, रा. खोतवाडी), प्रकाश तुकाराम कांबळे (२४, रा. कोतोली, ता. पन्हाळा) या जखमींना समावेश आहे. बुधवारी दाखल केलेल्या जखमींची प्रकृती सुधारली असून, गुरुवारी दुपारी पालकमंत्री चंद्रकांत पाटील यांनी जखमींची भेट घेऊन विचारपूस केली.
गुन्हे दाखल झालेल्यांची नावे
सीसीटीव्ही फुटेज, प्रत्यक्षदर्शी साक्षीदार आणि पोलिसांनी केलेले व्हिडिओ रेकॉर्डिंगच्या पुराव्यांनुसार रिपब्लिकन पक्षाचे पश्चिम विभागीय अध्यक्ष प्रा. शहाजी कांबळे (रा. कोल्हापूर), जिल्हाध्यक्ष उत्तम कांबळे (रा. कागल), अनिल म्हमाणे (रा. उमा टॉकीज), दत्ता मिसाळ (रा. वाशी), बाजीराव नाईक (शिवाजी पेठ), शेखर सनदी (सदर बझार), सुभाष देसाई, विश्वासराव देशमुख (दोघे रा. कोल्हापूर), अविनाश शिंदे (रा. गडमुडशिंगी), सोमनाथ घोडेरा, गुणवंत नागटिळे, सुखदेव बुध्दीहाळकर (तिघे रा. राजेंद्रनगर), सखाराम कामत (रा. शिये, ता. करवीर), दगडू भास्कर (रा. कुडित्रे, ता. करवीर), सुशील कोल्हटकर, सुरक्षा सोहणी, वसंत लिंगनुरकर, अमित शिर्के (तिघे रा. सिध्दार्थनगर), बाळासाहेब भोसले (रा. राजारामपुरी), नीलेश बनसोडे, मोहन सनदे (दोघे, रा. विचारेमाळ), वर्षा संजय कांबळे (रा. कसबा बावडा), विकी कांबळे (सुभाषरोड), बबन सावंत (कनाननगर), जितू कांबळे (गडमुडशिंगी), श्रीमंत कांबळे, सागर कांबळे, सद्दाम रज्जाक महाराज, लखन कांबळे (सर्व. रा. गांधीनगर), सतीश माळगे (रा. उचगाव), अंकुश वराळे (रा. वळीवडे), नितीन पोवार, अक्षय चव्हाण, विनायक कुंभार, शुभम माजगावकर, सतीश माजगावकर, प्रतीक वाडेकर, युवराज गवई, सुमित ब्रम्हपुरे, आकाश माजगावकर, सागर ब्रम्हपुरे, सुरक्षा सोहनी यांच्यासह १५०० कार्यकर्त्यांवर दरोडा (तलम ३९५), बेकायदा जमाव (१४३), घातक हत्यार घेऊन फिरणे (१४७-१४८), विनापरवानगी रस्ता अडवणे (३४१), तोडफोड (४२७), जमाबबंदी आदेशाचा भंग करणे (१३५), सार्वजनिक मालमत्तेचे नुकसान करणे (१८४) आदी गंभीर कलमांनुसार गुन्हे दाखल केले आहेत.
हिंदुत्ववादी कार्यकर्त्यांवरही गुन्हे दाखल
बिंदू चौकात दुचाकींची तोडफोड करणे आणि सिध्दार्थनगर कमानीजवळ एकत्र येऊन गोंधळ घालत दगडफेक केल्याप्रकरणी हिंदुत्ववादी संघटनांच्या कार्यकर्त्यांवरही गुन्हे दाखल केले आहेत. तानाजी पाटील, अमर झाड, विजय करजगार, शिवानंद स्वामी, गणेश देसाई, सुमित चौगुले, केदार भुर्के, सागर साळोखे, शरद माळी यांच्यासह पन्नासहून अधिक कार्यकर्त्यांवर सरकारी कामात अडथळा, सार्वजनिक मालमत्तेचे नुकसान, जमावबंदी आदेशाचे उल्लंघन आदी गंभीर कलमांखाली गुन्हे दाखल केले आहेत.
पोलिस ठाणेनिहाय
दाखल गुन्हे
४
शाहूपुरी
२
लक्ष्मीपुरी
२
जुना राजवाडा
१
राजारामपुरी
मोबाइल अॅप डाउनलोड करा आणि राहा अपडेट
