शेतकरी अपमान योजनाकर्जमाफीवर खासदार राजू शेट्टींची टीका

October 23, 2017, 9:55 am

≫ Next: रब्बीच्या कर्जवाटपाला मुहूर्त सापडेनासोलापुरात एकही शेतकऱ्याला हंगामासाठी कर्जांचे वाटप नाही

≪ Previous: महापालिका प्रशासनाचे वाभाडेनोकरभरती, खड्डे, अनुशेष भरतीवरून नगरसेवक आक्रमक

$

0

0

म. टा. वृत्तसेवा, कराड
‘छत्रपती शिवाजी महाराज शेतकरी सन्मान योजनेत समाविष्ठ झालेल्या शेतकऱ्यांच्या कर्जमाफीसाठी देवेंद्र फडणवीस सरकारने अनेक जाचक निकष व अटी लादल्या. त्यामुळे ही योजना म्हणजे सन्मान नव्हे तर शेतकरी अपमान योजना आहे. केंद्र सरकारच्या चुकीच्या धोरणांमुळेच शेतकरी कर्ज बाजारी झाला आहे,’ अशी टीका स्वाभिमानी शेतकरी संघटनेचे अध्यक्ष खासदार राजू शेट्टी आहे.
युती सरकार करीत शेतकऱ्यांच्या व्यथा जाणून घेण्यासाठी देशभरातील १८० शेतकरी संघटनांना बरोबर घेऊन अखिल भारतीय शेतकरी समन्वय समिती स्थापन करण्यात आली आहे. दहा लाख शेतकऱ्यांची नवी दिल्ली येथे किसान संसद भरविणार आहे. तसेच या संसदेतील ठराव घेऊन राष्ट्रपतींना भेटणार असल्याची माहितीही शेट्टी यांनी येथे दिली.
२८ ऑक्टोंबर कोल्हापूर जिल्ह्यातील जयसिंगपूर येथे होणाऱ्या ऊस परिषदेच्या पार्श्वभूमीवर सोमवारी सायंकाळी कराडात झालेल्या स्वाभिमानीच्या एल्गार मेळाव्यात शेट्टी बोलत होते.
शेट्टी म्हणाले, कर्जमाफी देताना सरकारच्या तिजोरीवर बोजा येणार नाही, याची पुरेपूर खबरदारी घेण्यात आली आहे. त्यासाठी अनेक जाचक निकष लावले आहेत. कुटुंबातील एकालाच या योजनेचा लाभ घेता येणार असल्याचे सरकारने सांगितले आहे. तसेच ऑनलाइन फॉर्मही बंधनकारक केला. चाळण लाऊनच शेतकऱ्यांना कर्जमाफी देण्याचे सरकारचे हे धोरण अन्यायकारक आहे. त्यातच १८ ऑक्टोंबरला त्यांनी शेतकऱ्यांना कर्जमुक्त केल्याची घोषणा केली. ही घोषणा करताना एवढी घाई केली की, शेतकऱ्यांना वाटण्यात आलेल्या प्रमाणपत्रावर रक्कमेचा उल्लेख आहे की नाही, हे सुद्धा पाहिले गेले नाही. परिणामी, सरकारचे हे धोरण शेतकऱ्यांच्या हिताविरोधात आहे. सरकारच्या या धोरणामुळेच शेतमालाचे भाव पडले आहेत. चार वर्षांपूर्वी राज्यातील शेतकऱ्यांवर नऊ लाख कोटी एवढे कर्ज होते. मात्र, आता हा आकडा १४ लाख कोटींवर गेला आहे. त्यातुनच सरकारचे शेतकऱ्यांविषयी असलेले चुकीचे धोरण समोर येते. कर्जमाफी देणे, शेतकऱ्यांचा सातबारा कोरा करणे शक्य नव्हते तर मोदींनी निवडणुकीच्या आधी तशी आश्वासने का दिली? शेतकऱ्यांच्या भावनांशी खेळ का केला? असे प्रश्नही शेट्टींनी उपस्थित केले.
राष्ट्रीय स्तरावर लढा देणार
शेतकऱ्यांच्या आजच्या या अवस्थेला केंद्र सरकारही तितकेच जबाबदार असल्याने शेतकऱ्यांचे हे आंदोलन आम्ही आता केंद्रीय स्तरावर नेले आहे. राज्य सरकारला शेतकऱ्यांच्या व्यथा समजूनही काही करता येत नाही आणि केंद्र सरकार या व्यथांकडे ढुंकूनही पाहत नाही. त्यामुळे केंद्रीय स्तरावर जाऊनच लढा देण्याचा निर्धार आम्ही केला आहे. त्यासाठी २० नोव्हेंबरला नवी दिल्लीत संसद मार्गावर दहा लाख शेतकऱ्यांच्या उपस्थितीत किसान संसद घेणार आहोत. या संसदेमध्ये वेगवेगळ्या राज्यांतील १८० शेतकरी संघटना सहभागी होणार आहेत. आत्महत्या केलेल्या ५४३ शेतकऱ्याच्या विधवांचे किसान संसदमध्ये एक चर्चासत्र घेणार असून, संसदेमध्ये झालेले सर्व ठराव घेऊन आम्ही राष्ट्रपतींना भेटणार आहोत.
कराडातून फुंकले आंदोलनाचे रणशिंग
सन २०१३-१४च्या ऊस गळीत हंगामाच्या प्रारंभी येथील पाचवडेश्वर मंदिराच्या ठिकाणाहून ऊसदरासाठी स्वाभिमानी शेतकरी संघटनेचे नेते राजू शेट्टी यांनी आंदोलन सुरू केली होती. त्याच ठिकाणाहून आज शेट्टींनी यांनी शेतकऱ्यांचा आढावा मेळावा घेत युती सरकारच्या शेतकरी धोरणाविरोधात रणशिंग फुंकले. २८ ऑक्टोंबरला जयसिंगपूर येथे होणाऱ्या ऊस परिषदेच्या पार्श्वभूमीवर कराडात झालेला स्वाभिमानीचा एल्गार मेळावा लक्षवेधी ठरला आहे.
शेट्टी उवाच
किटकनाशकांमुळे ३२ शेतकऱ्यांचा बळी दुर्दैवी
ऊसदरासाठीचा लढा अखेरपर्यंत सुरू राहणार
कारखान्यातील वजन काटे ऑनलाइन करा

मोबाइल अॅप डाउनलोड करा आणि राहा अपडेट

---

रब्बीच्या कर्जवाटपाला मुहूर्त सापडेनासोलापुरात एकही शेतकऱ्याला हंगामासाठी कर्जांचे वाटप नाही

October 23, 2017, 9:58 am

≫ Next: सेना-भाजपमध्ये पुन्हा ठिणगी

≪ Previous: शेतकरी अपमान योजनाकर्जमाफीवर खासदार राजू शेट्टींची टीका

$

0

0

म. टा. वृत्तसेवा, सोलापूर
सोलापूर जिल्ह्यात यंदा समाधानकारक पाऊस झाला आहे. रब्बी पेरणीसाठी शेतकऱ्यांची धांदल सुरु झाली आहे. बँकांना रब्बी हंगामासाठी सुमारे २ हजार ३८९ कोटींचे उद्दिष्ट देण्यात आले आहे. तरीही जिल्ह्यातील बँकांना कर्जवाटपाला मुहूर्त सापडलेला नाही. जिल्ह्यातील एकाही बँकेने कर्जवाटपाला सुरुवात न केल्याने शेतकरी वाट पाहत आहे.
खरीप हंगामात सुमारे १ लाख १९ हजार २०० शेतकऱ्यांना १५९० कोटी ४३ लाख रुपयांचे कर्ज वाटप करणे अपेक्षित असताना केवळ विविध बँकांकडून केवळ ५५ हजार ४०६ शेतकऱ्यांना ८३८ कोटी ६५ लाखांचेच कर्ज वितरित करण्यात आले आहे. रब्बी हंगामासाठी जिल्हा मध्यवर्ती ४८० कोटी, व्यापारी व राष्ट्रीयकृत बँकांना सुमारे १ हजार ८१५ कोटी १६ लाखांचे आणि विदर्भ कोकण ग्रामीण बँकेला ९४ कोटी ३२ लाख रुपयांच्या कर्जवाटपाचे उद्धिष्ट देण्यात आले आहे.
सोलापूर जिल्ह्यातील सुमारे दीड लाख शेतकऱ्यांना हे कर्ज वाटप करणे अपेक्षित असताना रब्बीचा हंगाम सुरू होऊन १५ दिवस उलटले तरीही एकाही शेतकऱ्याला रब्बी कर्ज वाटप करण्यात आले नाही. बँकांनी त्याना दिलेले कर्जवाटपाचे उद्धिष्ट पूर्ण करावे असे आवाहन जिल्हा उपनिबंधक अविनाश देशमुख यांनी केले आहे.

मोबाइल अॅप डाउनलोड करा आणि राहा अपडेट

सेना-भाजपमध्ये पुन्हा ठिणगी

October 23, 2017, 2:30 pm

≫ Next: ‘भाजपला पाठिंबा दिला ही मोठी चूकच’: शेट्टी

≪ Previous: रब्बीच्या कर्जवाटपाला मुहूर्त सापडेनासोलापुरात एकही शेतकऱ्याला हंगामासाठी कर्जांचे वाटप नाही

$

0

0

म. टा. प्रतिनिधी, कोल्हापूर

गणेशोत्सवात सार्वजनिक मंडळांना पैसे वाटण्याच्या मुद्द्यावरून आमदार राजेश क्षीरसागर यांनी पालकमंत्री चंद्रकांत पाटील यांना पुन्हा टार्गेट केल्याने नव्या वादाची ठिणगी पडली आहे. पालकमंत्री पाटील यांच्याबरोबर त्यांच्याकडे असलेल्या खात्यांचीही ईडीकडून चौकशी करण्याची मागणी करत भाजपला अस्वस्थ करण्याची खेळी केली आहे. आगामी विधानसभा निवडणूक डोळ्यासमोर ठेवून विविध मतदार संघात आतापासूनच हालचाली सुरू झाल्या असून त्यामुळेच शिवसेनेच्या गोटातून अशा प्रकारची मागणी होणे स्वाभाविकच आहे.

पालकमंत्री चंद्रकांत पाटील यांनी गणेशोत्सवामध्ये डॉल्बीविरोधात भूमिका घेतली. त्याचवेळी मंडळांना सोबत घेण्यासाठी मदत देण्यास सुरुवात केली. या प्रकारामुळे ​ मतदार संघात भाजपचा प्रभाव वाढण्याची चिन्हे दिसू लागल्याने शिवसेनेचे आमदार राजेश क्षीरसागर यांनी पाटील यांच्याविरोधात भूमिका घेतली. डॉल्बी लावण्यासाठी पाठिंबा देऊन पालकमंत्र्यांविरोधी वातावरण तयार करण्यास ते काही अंशी यशस्वी झाले. पालकमंत्र्यांकडून मंडळांना केलेल्या मदतीमुळे क्षीरसागर यांनी भविष्यात असा प्रकार होऊ नये, यासाठी रविवारी झालेल्या कार्यक्रमात थेट पालकमंत्र्यांची चौकशी लावण्याची मागणी केली.

भाजपने २०१९ ची विधानसभा निवडणूक डोळ्यासमोर ठेवून नियोजनबद्ध वाटचाल सुरू केली आहे. उत्तर विधानसभा मतदार संघातही पालकमंत्र्यांनी लक्ष घातल्याने त्यांचा धोका होऊ नये, याची खबरदारी आमदार क्षीरसागर यांच्याकडून घेतली जात आहे. राज्य पातळीवर शिवसेना व भाजपमध्ये दरी निर्माण झाली असल्याने वरिष्ठ नेत्यांकडूनही त्याच पद्धतीच्या राजकारणाचे संकेत दिले आहेत. शिवसेनेची ताकद सहा आमदारांवरुन दहा आमदारापर्यंत वाढवण्याचे ध्येय असल्याचे स्पष्ट केले आहे. अशा परिस्थितीत शिवसेनेच्या विद्यमान आमदारांच्या मतदार संघात काही अडचणी निर्माण होऊ नयेत, याची दक्षता आतापासूनच घेतली गेली आहे. राज्यामध्ये दुसऱ्या क्रमांकाचे मंत्री असलेल्या पालकमंत्री पाटील यांच्याविरोधात आमदार क्षीरसागर यांनी केलेल्या मागणी पाठीमागे राज्य पातळीवरीलही काही राजकीय कंगोरे असण्याची शक्यता नाकारता येत नाही.

मंत्र‌‌‌िमंडळ विस्ताराची पार्श्वभूमी

गणेशोत्सवाला महिना उलटून गेल्यानंतर आता चौकशीची मागणी केली जात आहे. मंत्र‌िमंडळ विस्ताराबाबत निर्णय घेतला जाण्याची शक्यता असताना अशा प्रकारची मागणी करून पालकमंत्र्यांना अस्वस्थ करण्याची खेळी असण्याचीही शक्यता आहे. जिल्ह्यातील राजकारणात पालकमंत्र्यांमुळे भाजपची वाटचाल जोरात सुरू असून त्यामुळे शिवसेनेला फटका बसू नये, यासाठी भाजपच्या वाटचालीला अंकुश लावण्याचे काम आमदार क्षीरसागर यांनी या मागणीतून केल्याचे दिसत आहे.

मोबाइल अॅप डाउनलोड करा आणि राहा अपडेट

‘भाजपला पाठिंबा दिला ही मोठी चूकच’: शेट्टी

October 23, 2017, 2:30 pm

≫ Next: अधिसभेसाठी ३१ पर्यंत अर्ज

≪ Previous: सेना-भाजपमध्ये पुन्हा ठिणगी

$

0

0

राधानगरी

‘केंद्रातील भारतीय जनता पक्षाच्या सरकारला पाठिंबा देणे ही माझ्या राजकीय जीवनातील प्रचंड मोठी चूक होती आणि म्हणूनच त्याचा पश्चाताप करण्याची वेळ माझ्यावर आली. त्या पश्चातापातूनच पुणे-मुंबई आत्मक्लेश यात्रा केली,’ असे प्रतिपादन खासदार राजू शेट्टी यांनी केले.

स्वाभिमानी शेतकरी संघटनेच्या होणाऱ्या ऊस परिषदेच्या पार्श्वभूमीवर परिते (ता.करवीर) येथे आयोजित सभेत ते बोलत होते. अध्यक्षस्थानी आर.के पाटील होते.

खासदार शेट्टी म्हणाले, ‘गेल्या लोकसभा निवडणुकीत स्वाभिमानी संघटनेच्या पाठबळावर भाजपचे सरकार विराजमान झाले आहे. संपूर्ण देशातील शेतकऱ्यांनी ज्या भावनेने या सरकारला मतदान केले, त्याबाबत अपेक्षाभंग झाला आहे. शेतकऱ्याचा सात-बारा कोरा करावा या मागणीसाठी आजही आम्ही प्रयत्नशील आहोत आणि त्यासाठी रस्त्यावर उतरणार आहोत. चालू गळीत हंगामात ऊस उत्पादन अत्यंत कमी आहे, त्यामुळे उसाला चांगला दर देणे कारखानदारांना भाग पडणार आहे. यामुळे शेतकऱ्यांनी धीर धरावा.’

स्वागत आणि प्रास्ताविक स्वाभिमानाचे युवक अध्यक्ष जनार्दन पाटील यांनी केले. यावेळी संघटनेचे जिल्हाध्यक्ष प्रा.जालंदर पाटील,आर.के.पाटील यांचीही भाषणे झाली. यावेळी अजित पवार, सुनील कारंडे,सुभाष पाटील, सातापा पाटील,अरुण पाटील,दशरथ पाटीलआदींसह ऊस उत्पादक शेतकरी मोठ्या संख्येने उपस्थित होते. यावेळी परिते ग्रामपंचायतीमध्ये विजयी झालेल्या नूतन पदाधिकाऱ्यांचा सत्कार खासदार शेट्टी यांच्या हस्ते करण्यात आला. आभार मानाजी पाटील यांनी मानले.

मोबाइल अॅप डाउनलोड करा आणि राहा अपडेट

अधिसभेसाठी ३१ पर्यंत अर्ज

October 23, 2017, 2:30 pm

≫ Next: झिरो बजेट नैसर्गिक शेतीच शाश्वत

≪ Previous: ‘भाजपला पाठिंबा दिला ही मोठी चूकच’: शेट्टी

$

0

0

म. टा. प्रतिनिधी, कोल्हापूर

शिवाजी विद्यापीठाच्या विविध अधिकार मंडळाच्या सदस्यत्वासाठी १७ नोव्हेंबर रोजी होणाऱ्या निवडणुकीची सूचना जाहीर करण्यात आली. यामध्ये अधिसभा, विद्यापरिषद आणि अभ्यासमंडळांचा समावेश आहे. महाराष्ट्र सार्वजनिक विद्यापीठ अधिनियम २०१६ मधील तरतुदीनुसार अधिसभेसाठी दहा प्राचार्य, सहा व्यवस्थापन संस्था प्रतिनिधी, दहा महाविद्यालयीन शिक्षक प्रतिनिधी, तीन विद्यापीठ शिक्षक प्रतिनिधी, आणि दहा नोंदणीकृत पदवीधरांचे प्रतिनिधी निडणुकीद्वारे निवडण्यात येणार आहेत. यामधील राखीव जागांच्या आरक्षणाबाबतचा तपशील निवडणूक सूचनेमध्ये देण्यात आला आहे. उमेदवारी अर्ज भरण्याची अंतिम मुदत ३१ ऑक्टोबर असून ४ नोव्हेंबरपर्यंत अर्ज माघारीची मुदत आहे.

विद्यापरिषदेवर प्रत्येक विद्याशाखेतून दोन शिक्षक निवडून द्यावयाचे आहेत. त्यापैकी प्रत्येकी एक शिक्षक राखीव प्रवर्गातून निवडून देणे आवश्यक आहे. आठ शिक्षकांमध्ये एक महिला शिक्षकाचा समावेश असेल. विद्यापीठातील एकूण चार विद्याशाखांतर्गत ४५ अभ्यास मंडळे आहेत. यातील प्रत्येक अभ्यास मंडळासाठी महाविद्यालयीन विभागप्रमुखांमधून तीन विभागप्रमुखांची निवड केली जाणार आहे.

सवता सुभा लक्ष वेधणार

शिवाजी विद्यापीठ विकास आघाडी, विवेकानंद शिक्षण संस्था, रयत शिक्षण संस्था, शिवाजी विद्यापीठ शिक्षक संघ (सुटा) आणि अखिल भारतीय विद्यार्थी परिषद हे शिवाजी विद्यापीठ अधिसभेच्या निवडणुकीतील महत्त्वाचे घटक मानले जातात. गेल्या निवडणुकीत विकास आघाडी आणि अभाविप एकत्र होते, तर विवेकानंद-रयत आणि सुटा अशी आघाडी होती. विद्यापीठ विकास आघाडी, विवेकानंद आणि रयत या मोठ्या शिक्षण संस्था एकत्र आल्या आहेत. या संघटनांनी ‘सुटा’ला अलिप्त ठेवल्याचा मुद्दा चर्चेत आला आहे. संस्थागटातील दहा जागांसाठी ‘सुटा’च्या मोर्चेबांधणीकडेही शिवाजी विद्यापीठ वर्तुळात उत्सुकता आहे.

महिलांना संधी

नव्या विद्यापीठ कायद्यानुसार विद्यापीठाच्या अधिकार मंडळांवर विद्यापीठ विद्यार्थी मंडळाच्या सदस्यांना संधी मिळेल. विद्यापीठ विद्यार्थी मंडळाचा अध्यक्ष हा सिनेट आणि व्यवस्थापन परिषदेवर प्रतिनिध‌ित्व करेल. अन्य सदस्यांची इतर मंडळांवर वर्णी लावावी लागणार आहे. दुसरीकडे संस्थाचालक, प्राचार्य, प्राध्यापक, नोंदणीकृत पदवीधर अशा गटातून किमान प्रत्येकी एका महिलेला संधी देण्याची तरतूद आहे. त्यामुळे विद्यापीठाच्या अधिकार मंडळावर महिलांना काम करण्याची संधी मिळेल. हे बदल विचारात घेऊन निवडणुकीला सामोरे जाणाऱ्या आघाड्यांनी तयारी आता अंतिम टप्प्यात आली आहे.

प्राचार्य, प्राध्यापकांना पीएचडीची अट

प्राचार्य व प्राध्यापक गटातून पूर्वी अनुक्रमे १८ आणि २० जागा होत्या. आता या दोन्ही गटातील सदस्यसंख्या प्रत्येकी दहा अशी झाली आहे. प्राचार्य गटातून निवडणूक लढविणारा उमेदवार हा पीएचडी असायला पाहिजे किंवा त्यांचा प्राचार्य म्हणून सुमारे १७ वर्षांचा कामकाजाचा अनुभव आवश्यक आहे. प्राध्यापकासाठी पीएचडी अट बंधनकारक आहे. या निकषानुसार प्राध्यापक व प्राचार्य गटाचा किल्ला कोण लढवणार याची रंगतही वाढणार आहे.

गटनिहाय तयारीला वेग

सिनेटमध्ये पदवीधर, कॉलेज प्राध्यापक, पदव्युत्तर प्राध्यापक, संस्थाचालक अशा गटातून उमेदवार निवडले जाणार आहेत. राज्यातील सत्ताबदल, स्थानिक राजकारणाचे संदर्भ आणि उच्च शैक्षणिक क्षेत्रात काँग्रेस, राष्ट्रवादी काँग्रेसच्या नेते मंडळींनी विणलेले शैक्षणिक जाळे या साऱ्या घटकांचा प्रभाव निवडणुकीवर असणार आहे. नोंदणीकृत पदवीधरच्या दहा जागांसाठी तयारीला वेग आला आहे. कोल्हापूर, सांगली आणि सातारा जिल्हा हे शिवाजी विद्यापीठाचे कार्यक्षेत्र आहे. सिनेट आणि व्यवस्थापन परिषद, विद्या परिषद, अभ्यास मंडळ या अधिकार मंडळासाठी दर पाच वर्षांनी निवडणूक होते.

मोबाइल अॅप डाउनलोड करा आणि राहा अपडेट

झिरो बजेट नैसर्गिक शेतीच शाश्वत

October 23, 2017, 2:30 pm

≫ Next: नागाळा पार्कात दुचाकीस्वारांनी आयफोन लांबवला

≪ Previous: अधिसभेसाठी ३१ पर्यंत अर्ज

$

0

0

म. टा. प्रतिनिधी, कोल्हापूर

‘रासायनिक शेतीमुळे शेतकरी आर्थिक संकटात आहे. पर्यायाने तो कर्जाच्या ओझ्याखाली दबला आहे. त्यावर झिरो बजेट नैसर्गिक शेती हाच एकमेव शाश्वत पर्याय आहे. कर्जमुक्तीबरोबरच चिंतामुक्तीसाठी शेतकऱ्यांनी या नैसर्गिक शेतीकडे वळावे,’ असे आवाहन नैसर्गिक कृषीतज्ज्ञ सुभाष पाळेकर यांनी केले. राजर्षी शाहू स्मारक भवन येथे त्यांचे व्याख्यान शेतकऱ्यांना मार्गदर्शन केले. व्याख्यानाला शेतकऱ्यांनी मोठी गर्दी केली होती.

शाश्वत शेतीसाठी तणनाशक टाळलीच पाहिजेत, असे मत व्यक्त करून पाळेकर म्हणाले, ‘शेतकऱ्यांनी रासायनिक खते, तणनाशक आणि कीटकनाशके टाली पाहिजे. त्याला पर्याय म्हणून देशी गाईचे शेण आणि मूत्राचा वापर करावा. जीवामृत, बीजामृत, आच्छादन, वापसा या चार तंत्राचा वापर करा. या तंत्राचा वापर केल्यास शेती उत्पादनात वीस टक्के वाढ होते. किडीचा प्रादुर्भाव टाळण्यासाठी कीटकनाशकाऐवजी दशपर्णी अर्काचा वापर करावा.’

महाराष्ट्रात नैसर्गिक शेतीचे प्लॉट तयार केले असून शेतकरी या तंत्राची माहिती घेत असल्याचे त्यांनी सांगितले. कोल्हापूर जिल्ह्यात वसगडे, कागल येथे शेतकरी नैसर्गिक शेती करत आहेत. आंध्र प्रदेश सरकारने संपूर्ण राज्यात झिरो बजेट नैसर्गिक शेती सुरु करण्याची घोषणा केली आहे. या तंत्राचा वापर करण्यासाठी नवीन विद्यापीठाची स्थापना केली असल्याचे त्यांनी सांगितले. या शेतीचा प्रसार करण्यासाठी १०० कोटी रुपये निधीची घोषणा करण्यात आल्याची माहितीही पाळेकर यांनी यावेळी दिली.

नैसर्गिक शेतीतून विषमुक्त अन्न मिळते. या शेतीतील अन्नपदार्थामुळे मधुमेह, कॅन्सर या रोगापासून दूर राहू शकतो. यापुढे विषमुक्त अन्नाची चळवळ सुरु करण्यासाठी नैसर्गिक शेतीचा प्रसार करण्यावर भर असल्याचे त्यांनी सांगितले. त्यांनी जिल्ह्यातील शेतकऱ्यांना नैसर्गिक शेतीव्दारे उस लागण, कांदा, मिरचीचे अंतरपीक यासंबधीची सविस्तर माहिती दिली.

यावेळी उपजिल्हाधिकारी अशोक पाटील, एम. आर. चौगुले उपस्थित होते. विनायक पाटील यांनी स्वागत केले. सुधाकर पाटील यांनी प्रास्ताविक केले. कार्यक्रमाचे नियोजन महेश पाटील, रोहन नायर, विवेक रोडे यांच्यासह कार्यकर्त्यांनी केले.

मोबाइल अॅप डाउनलोड करा आणि राहा अपडेट

नागाळा पार्कात दुचाकीस्वारांनी आयफोन लांबवला

October 23, 2017, 2:30 pm

≫ Next: चांदी व्यावसायिकाच्याअपहरणप्रकरणी दोघांना अटक

≪ Previous: झिरो बजेट नैसर्गिक शेतीच शाश्वत

$

0

0

म. टा. प्रतिनिधी, कोल्हापूर

महिलांच्या अंगावरील दागिने हिसकावण्याचे प्रकार सुरू असतानाच आता मोबाइल हिसकावण्याचेही प्रकार सुरू झाले आहेत. नागाळा पार्कातील पितळी गणपती मंदिराजवळ दुचाकीवरून आलेल्या दोन तरुणांनी ४५ हजार रुपयांचा आयफोन हिसकावून पोबारा केला. रविवारी (ता. २२) रात्री नऊच्या सुमारास हा प्रकार घडला. ऋष‌िकेश जयराज घोरपडे (वय ३०, रा. ताराबाई पार्क) यांनी शाहूपुरी पोलिस ठाण्यात फिर्याद दिली असून, पोलिस चोरट्यांचा शोध घेत आहेत.

याबाबत अधिक माहिती अशी की, ऋषीकेश घोरपडे हे बँक ऑफ महाराष्ट्रच्या प्रतिभानगर शाखेत ब्रँच मॅनेजर पदावर कार्यरत आहेत. रविवारी रात्री ते साडेआठच्या सुमारास फिरण्यासाठी ताराबाई पार्कातील घरातून बाहेर पडले. रात्री नऊच्या सुमारास पितळी गणपती ते आरटीओ ऑफिस या मार्गावर चालत असताना त्यांना मोबाइलवर मित्राचा फोन आला. यानंतर ते फोनवर बोलत चालत होते. यावेळी पाठीमागून दुचाकीवरून आलेल्या दोन तरुणांनी घोरपडे यांचा कानाजवळ पकडलेला मोबाइल हिसकावला. मोबाइल घेऊन चोरटे दुचाकीवरून आदित्य कॉर्नरच्या दिशेने पळाले. घोरपडे यांनी आरडाओरडा केला, मात्र तोपर्यंत चोरट्यांनी पळ काढला. परिसरातील काही तरुणांनी चोरट्यांचा पाठलाग करण्याचा प्रयत्न केला, पण ते हाती लागले नाहीत. घोरपडे यांनी २५ दिवसांपूर्वीच ४५ हजार रुपयांचा आयफोन खरेदी केला होता.

ऋष‌िकेश घोरपडे यांनी सोमवारी शाहूपुरी पोलिस ठाण्यात अज्ञात चोरट्यांच्या विरोधात फिर्याद दाखल केली. परिसरातील सीसीटीव्ही फुटेजच्या आधारे पोलिस चोरट्यांचा शोध घेत आहेत. दरम्यान मोबाइल स्नॅचिंगच्या घटनेने नागरिकांमध्ये चोरट्यांची भीती निर्माण झाली आहे. धूम स्टाइलने महिलांच्या गळ्यातील दागिने हिसकावण्याच्या घटना घडतातच. आता रस्त्याने मोबाइलवर बोलत जाणेही धोक्याचे बनले आहे. मोबाइल स्नॅचिंगच्या घटना सुरू झाल्याने सकाळी आणि रात्री फिरण्यासाठी बाहेर पडणाऱ्या नागरिकांमध्ये भीती निर्माण झाली आहे.

मोबाइल अॅप डाउनलोड करा आणि राहा अपडेट

चांदी व्यावसायिकाच्याअपहरणप्रकरणी दोघांना अटक

October 23, 2017, 2:30 pm

≫ Next: रिंगरोडसाठी ४० कोटींची तरतूद

≪ Previous: नागाळा पार्कात दुचाकीस्वारांनी आयफोन लांबवला

$

0

0

हातकणंगले

रेंदाळ (ता.हातकणंगले) येथील चांदी आटणी व्यावसायिक अमोल नेताजी शिंदे यांचे पैसे देवघेवीच्या व्यवहारातून अपहरण करण्यात आले. याप्रकरणी सांगली जिल्ह्यातील पाचजणांवर हुपरी पोलिस ठाण्यात गुन्हा दाखल करण्यात आला. पोपट शामराव जाधव(वय ३७),आबासाहेब शामराव जाधव (वय ४५),सिध्दनाथ निवृती माने (वय ३२) व अन्य एकजण (सर्व रा. जत, जि.सांगली) अशी अपहरणकत्यांची नावे असून यापैकी दोघांना अटक करण्यात आली आहे. याबाबत राजश्री अमोल शिंदे यांनी फिर्याद दिली आहे.

याबाबत पोलिसांतून मिळालेली माहिती अशी, रेंदाळ येथील गुलमोहर कॉलनीमध्ये अमोल शिंदे हे आपल्या कुटुंबियांसह राहतात. त्यांचा चांदीची आटणी काढण्याचा व बाजारपेठेत चांदीचे दागिने घालण्याचा व्यवसाय आहे. या व्यवसायासाठी शिंदे हे सांगली जिल्ह्यातील आबासाहेब जाधव यांच्याकडून गेल्या चार वर्षांपासून माल घेत असत. या व्यवहारातून त्यांचे सुमारे अठरा लाख रुपये देणे बाकी होते. यातून अमोल शिंदे व आबासाहेब जाधव यांच्यात वारंवार वादावादी होत होती. रविवारी (ता.२२) दुपारी एक वाजण्याच्या सुमारास आबासाहेब जाधव यांच्यासह अन्य पाचजणांनी रेंदाळ गावात येऊन शिंदे यांना घरातून बाहेर बोलावून चांदी दे नाहीतर पैसे आताच्या आता दे असे म्हणत जबरदस्तीने चारचाकी गाडीतून नेऊन कुंभारी-कोसारी (ता.जत) येथील शेतात कोंडून ठेवण्यात आले. सोमवारी सकाळी शिंदे यांच्या पत्नी राजश्री यांनी आपल्या पतीचे अपहरण केल्याची फिर्याद हुपरी ठाण्यात दिली. दुपारी चार वाजण्याच्या सुमारास संबधित चांदी व्यापारी आबासाहेब जाधव हे अमोल शिंदे यांना घेऊन पोलिस ठाण्यात हजर झाले. त्यांनी अमोलला बाजारपेठेतील उधारी दाखवण्यासाठी घेऊन गेल्याचा खुलासा करण्याचा प्रयत्न केला. मात्र अपहरण करण्याचा प्रयत्न केल्याप्रकरणी आबासाहेब जाधव व पोपट जाधव यांना अटक करण्यात आली. तर सिद्धनाथ माने, महादेव माने हे अद्याप फरारी आहे. या घटनेचा तपास सहाय्यक पोलीस निरीक्षक नामदेव शिंदे करत आहेत.

मोबाइल अॅप डाउनलोड करा आणि राहा अपडेट

---

रिंगरोडसाठी ४० कोटींची तरतूद

October 23, 2017, 2:30 pm

≫ Next: इचलकरंजीत पाइप आडवे टाकून रास्तारोको

≪ Previous: चांदी व्यावसायिकाच्याअपहरणप्रकरणी दोघांना अटक

$

0

0

म. टा. प्रतिनिधी, कोल्हापूर

शहरातील अरुंद रस्त्यांवर पडणारा वाहतुकीचा ताण कमी करण्यासाठी सरकारने मान्यता दिलेल्या रिंगरोडच्या कामाला गती येण्याची आवश्यकता आहे. सरकारने २३ गावांमधून २८ रस्त्यांच्या माध्यमातून होणाऱ्या रस्त्यासाठी पहिल्या वर्षी ४० कोटी रुपयांची तरतूद केली आहे.

शहरातील वाहतूक व्यवस्था सुरळीत होण्यासाठी अत्यावश्यक असलेल्या प्रस्तावित ८८ किलोमीटर लांबीच्या सव्वाचारशे कोटी रुपये खर्चाचा रिंगरोडचा प्रस्ताव तयार करण्यात आला होता. ​शहरालगतच्या २३ गावांतून जाणाऱ्या या रिंगरोडमध्ये २८ रस्ते आहेत. ८८​ किलोमीटरपैकी निव्वळ लांबी ६९ किलोमीटरचा राज्यमार्ग क्रमांक १९४ अ म्हणून रस्ते विकास योजना २००१-२०२१ मध्ये समावेश करण्यात आला आहे. या नियोजित रिंगरोडमुळे पुणे, मुंबई, बेळगाव, सांगलीकडून येणारी व रत्नागिरी, गगनबावडा, गारगोटी, राधानगरीकडे मार्गस्थ होणारी वाहतूक व रत्नागिरी, गगनबावडा, गारगोटी, राधानगरीकडून येणारी व पुणे,मुंबई, बेळगाव, सांगलीकडे मार्गस्थ होणारी वाहतूक शहरातून न जाता ती या नियोजित रिंगरोडवरुन जाईल. त्यामुळे शहरातील वाहतुकीची कोंडी दूर होऊन वाहतूक सुरळीत आणि सुरक्षित होण्यास मदत होणार आहे.

शहराभोवतीच्या २३ गावातील २८ रस्त्यांचा अंतर्भाव आहे. त्यामध्ये राष्ट्रीय महामार्ग क्रमांक ४ जाजल पेट्रोल पंपापासून कणेरी, गिरगाव, नंदवाळ, वाशी, महे, कोगे, कुड‌ित्रे फॅक्टरी, वाकरे फाटा, खुपीरे, यवलूज, वरणगे, केर्ली, निगवे, टोप, नागाव, मौजे वडगांव, हेर्ले, रुकडी फाटा, रुकडी बंधारा, चिंचवाड, वसगडे, सांगवडे, हलसवडे, विकासवाडी ते राष्ट्रीय महामार्ग क्र. ४ जाजल पेट्रोल पंपाजवळ मिळणाऱ्या रस्त्यापर्यंत २८ रस्त्यांचा समावेश करण्यात आला आहे.

पुलांची कामे

जिल्ह्यात गेल्या तीन वर्षात ३९ पुलांची कामे हाती घेण्यात आली. त्यापैकी १५ कामे पूर्ण झाली असून २४ कामे प्रगतीपथावर आहेत. यामध्ये प्रामुख्याने पंचगंगा नदीवर राजाराम बंधारा येथे मोठा पूल बांधणे ( १८ कोटी ) आदमापूर गावाजवळ उड्डाणपूल (१८ कोटी ), रुकडी गावाजवळ पंचगंगा नदीवर मोठा पूल ( १२ कोटी ) अशा ८ पुलांचा समावेश आहे.

मोबाइल अॅप डाउनलोड करा आणि राहा अपडेट

इचलकरंजीत पाइप आडवे टाकून रास्तारोको

October 23, 2017, 2:30 pm

≫ Next: वाढीव दरासाठी ‘स्वाभिमानी’ आक्रमक

≪ Previous: रिंगरोडसाठी ४० कोटींची तरतूद

$

0

0

इचलकरंजी

सांगली रस्त्याच्या दूरवस्थेबाबत वारंवार आंदालने छेडूनही प्रशासनाकडून तोंडाला पाने पुसण्याचा प्रकार होत असल्याने नगरसेवक मदन कारंडे, राहुल खंजिरे, इकबाल कलावंत व संजय केंगार यांच्या नेतृत्वाखाली भागातील नागरिकांनी रस्त्यावर आडवे पाइप टाकून रास्तारोको करत प्रशासनाचा निषेध नोंदविला. अडीच तास सुरु असलेल्या या आंदोलनाने इचलकरंजी-सांगली मार्गावरील वाहतूक ठप्प झाली होती. यावेळी नगराध्यक्षा, मुख्याधिकारी व नगरअभियंता यांना नागरिकांनी धारेवर धरले. अखेर दोन दिवसात या रस्त्याची खडी व मुरुमीकरण करुन दुरुस्ती करण्याचे आश्वासन नगराध्यक्षा अलका स्वामी यांनी दिल्याने आंदोलन मागे घेण्यात आले.

भुयारी गटर योजनेच्या निकृष्ट कामामुळे इचलकरंजी-सांगली या रस्त्याची दयनीय अवस्था झाली असून जुना सांगली नाका ते जय सांगली नाका हा मार्ग तर मृत्यूचा सापळाच बनला आहे. योजनेच्या कामानंतर या रस्त्याची नीटपणे दुरुस्ती न झाल्याने पावसाळ्यात पाटील, चव्हाण पॉलिटेक्निक या परिसरात दलदल निर्माण झाली होती. त्यामुळे याठिकाणी अनेक अपघातही घडले. या रस्त्याची दुरुस्ती करावी यासाठी भागातील लोकप्रतिनिधींसह नागरिकांनी तीनवेळा रास्तारोको करण्यासह नगराध्यक्षांना घेरावही घातला. तर व्हिजन इचलकरंजी या सामाजिक संघटनेने या रस्त्यावर डर्ट ट्रॅक स्पर्धा भरवून अनोख्या पध्दतीने आंदोलन छेडत प्रशासनचा निषेध नोंदविला.

पण ढिम्म प्रशासनाकडून रस्ता दुरुस्तीबाबत काहीच कार्यवाही केली गेली नाही. प्रत्येकवेळी आश्वासनाचे गाजर दाखविले जात असल्याने सोमवारी सकाळी नगरसेवक मदन कारंडे, राहुल खंजिरे, इकबाल कलावंत, संजय केंगार आदींनी मुख्याधिकारी प्रशांत रसाळ यांची भेट घेऊन त्या संदर्भात जाब विचारला. या रस्ता कामाची फाईल पाहण्यास मागितली असता फाईलच गहाळ झाल्याचा धक्कादायक प्रकार समोर आला. दोन तासांच्या शोध मोहितेअंती ही फाईल बांधकाम विभागात सापडली. मात्र या कामाबाबत प्रशासनाकडून पावसाळा असल्याने नकारात्मक अहवाल दिल्याचे दिसून आले. त्यावरुन सर्वच नगरसेवकांनी मुख्याधिकाऱ्यांवर प्रश्नांची सरबत्ती करत धारेवर धरले. तरीही मुख्याधिकाऱ्यांकडून कोणतेही ठोस आश्वासन न मिळाल्याने संतप्त लोकप्रतिनिधींनी दुपारी नागरिकांसह पाटील मळा परिसरात मुख्य रस्त्यावर पाइप आडवे टाकून रस्ता अडविला.

नगरसेवक कारंडे, खंजिरे, कलावंत, केंगार यांमयासह कॉ. दत्ता माने, राजू आलासे, विजय भोसले व परिसरातील नागरिकांनी रस्त्यावरच ठिय्या मारत प्रशासनाच्या विरोधात घोषणाबाजी सुरु केली. या आंदोलनामुळे सांगलीकडून येणारी वाहतूक ठप्प झाली होती. नगरअभियंता बापूसाहेब चौधरी यांनी आंदोलनकर्त्यांशी चर्चा करण्याचा प्रयत्न केला. आंदोलक व त्यांच्यात शाब्दिक वाद होऊन तणाव निर्माण झाला. तसेच आंदोलकांनी नगराध्यक्षा व मुख्याधिकारी येईपर्यंत मागे न हटण्याची भूमिका घेतल्याने पोलिसांनी नगराध्यक्षा अलका स्वामी, मुख्याधिकारी प्रशांत रसाळ यांच्याशी संपर्क साधला. त्यानंतर नगराध्यक्षा व मुख्याधिकारी आंदोलनस्थळी आले. त्यांनी कारंडे, खंजिरे आदींशी चर्चा करत दोन दिवसात खडी-मुरुम टाकून रस्त्यामया डागडुजीचे काम सुरु करण्याचे आश्वासन दिले. तसेच चार महिन्यात या रस्त्याचे सार्वजनिक बांधकाम विभागाकडून डांबरीकरण करण्यात येणार असल्याचे सांगितले. त्यानंतर आंदोलक शांत झाले. पण रस्त्याचे काम सुरु न झाल्यास पुन्हा आंदोलन छेडण्याचा इशाराही दिला.

मोबाइल अॅप डाउनलोड करा आणि राहा अपडेट

वाढीव दरासाठी ‘स्वाभिमानी’ आक्रमक

October 23, 2017, 2:30 pm

≫ Next: विनाहेल्मेट १९ पोलिसांना नोटिसा

≪ Previous: इचलकरंजीत पाइप आडवे टाकून रास्तारोको

$

0

0

अजय जाधव,जयसिंगपूर

ऊसदरासाठी नेहमीच खासदार राजू शेट्टी यांच्या स्वाभिमानी शेतकरी संघटनेने रस्त्यावर उतरून खळ्ळखट्याक आंदोलन केले. गेल्या तीन वर्षात सरकारने संघटनेला अपेक्षित असणारे शेतकरीहिताचे निर्णय न घेतल्याने आता ‘स्वाभिमानी’ आक्रमक झाली आहे. साखरेचे दर वाढल्याने मागील वर्षीच्या हिशोबातील फरकाची रक्कम तसेच चालू गळीत हंगामात एफआरपीपेक्षा अधिक ऊस दर मिळविण्यासाठी संघटनेने रणनिती आखली आहे. संघटनेने यासाठी लढाईची तयारी ठेवल्याने ऊसदरासाठी पुन्हा संघर्ष पेटण्याची चिन्हे आहेत. त्यामुळे शनिवारी (ता. २८) होणाऱ्या ऊस परिषदेकडे सर्वांचे लक्ष लागले आहे.

तीन वर्षांपूर्वी केंद्रात व राज्यात भाजपचे सरकार सत्तेत आल्यानंतर खासदार राजू शेट्टी यांच्या स्वाभिमानी पक्षाने पाठिंबा दिला होता. मात्र लोकसभा व विधानसभेच्या निवडणुकीनंतर सत्तेत असूनही वर्षभरात स्वाभिमानी पक्षाची ससेहोलपट झाली. तशीच ऊस उत्पादक शेतकऱ्यांचीही झाली. उसाचे निर्धारीत मूल्य (एफआरपी) ही केंद्र सरकारच्या ऊस नियंत्रण अध्यादेश १९६६ नुसार ऊस तोडणीनंतर १४ दिवसाच्या आत शेतकऱ्यांना देणे बंधनकारक आहे. अनेक वर्षांच्या संघर्षानंतर ऊस उत्पादकांना एफआरपीची ही कवचकुंडले मिळाली आहेत. मात्र शेतकऱ्यांचा हाच अधिकार धोक्यात आला. सन २०१४-१५ च्या गळीत हंगामात दोन टप्प्यात एफआरपीची रक्कम घ्यावी लागली, तसेच यानंतरही एफआरपीचे तुकडे सुरूच असल्याने आता एकरकमी एफआरपीबरोबरच जास्तीतजास्त ऊस दर मिळविण्यासाठी स्वाभिमानीचा प्रयत्न राहणार आहेत.

एफआरपी न देणाऱ्या कारखानदारांवर गुन्हे दाखल करून त्यांना तुरूंगात टाकावे, अशी दोन वर्षांपूर्वी स्वाभिमानीची मागणी होती. सरकारने शेतकऱ्यांचा विश्वासघात केला तर राज्यात एकाही मंत्र्याला फिरू देणार नाही, असा इशाराही दिला होता. मात्र यानंतर स्वाभिमानी संघटनेचे सदाभाऊ खोत यांचीच कृषीराज्यमंत्रीपदी वर्णी लागली. यानंतर शेतकऱ्यांच्या प्रश्नांबाबत सरकार सकारात्मक असल्याचे मंत्री खोत यांनी स्पष्ट केले होते. मात्र गेल्या तीन वर्षात सरकारकडून स्वाभिमानी शेतकरी संघटनेच्या अपेक्षा पूर्ण झाल्या नाहीत.

देशातील एकूण साखरेपैकी २४ टक्के साखर खाण्यासाठी तर ७६ टक्के साखर व्यावसायिक कारणासाठी वापरली जाते. यामुळे सरकारने साखरेच्या दराचे नियंत्रण करणे बंद करावे व गॅस सबसिडीच्या धर्तीवर थेट सबसिडी खात्यावर वर्ग करावी. देशातील शेतकऱ्यांचा सातबारा कोरा करून त्यांना संपूर्ण कर्जमुक्त करावे. शेतीसाठी स्वतंत्र अर्थसंकल्प मंजूर करावा यासह अन्य मागण्या तशाच राहिल्या.

खासदार राजू शेट्टी यांच्याशी मतभेद झाल्याने कृषी राज्यमंत्री सदाभाऊ खोत यांची संघटनेतून हकालपट्टी करण्यात आली. वस्त्रोद्योग मंडळाचे अध्यक्ष रविकांत तुपकर यांनी आपल्या पदाचा राजीनामा दिला व स्वाभिमानी संघटना सरकारमधून बाहेर पडली. तर कृषी राज्यमंत्री खोत यांनी रयत क्रांती संघटनेची स्थापना केली. आता मंत्री खोत यांच्या रयत क्रांती संघटनेने एफआरपीपेक्षा ३०० रूपयांपेक्षा अधिक दराची मागणी केली आहे. याचबरोबर ऊसदरप्रश्नी तोडगाही आम्हीच काढणार असे स्पष्ट केले आहे. गेल्या दोन वर्षात उदयास आलेल्या विविध संघटनांकडूनही वेगवेगळी ऊस दराची मागणी होत आहे. या पार्श्वभूमीवर स्वाभिमानी शेतकरी संघटनेचे आंदोलन वेगळ्या वळणावर येऊन ठेपले आहे.

मागील दोन वर्षांच्या तुलनेत यंदा साखरेचे दर वाढले आहेत. देशात गेल्या वर्षीची साखर शिल्लक नाही, चालू गळीत हंगामात गरजेइतकेच साखरेचे उत्पादन होणार असल्याने स्वाभिमानी शेतकरी संघटनेच्या आशा पल्लवीत झाल्या आहेत. कष्टाने पिकविलेल्या उसाला सोन्याचा भाव मिळाला पाहिजे यासाठी ‘स्वाभिमानी’आग्रही आहे. भागविकास निधीच्या नावाखाली सुरू असणारी लूट चालू देणार नाही असेही संघटनेने स्पष्ट केले आहे. आजवर संघटनेने रस्त्यावरची लढाई करीत प्रसंगी कारखाने बंद पाडून तसेच साखरेचे ट्रक रोखून शेतकऱ्यांना अधिकाधिक ऊस दर मिळवून दिला आहे. आता गेल्या हंगामात गाळप झालेल्या उसास एफआरपीनंतरचा अधिकाधिक हिस्सा मिळविण्याबरोबरच चालू गळीत हंगामात एफआरपीबरोबरच अधिकाधिक ऊस दर मिळविण्यासाठी संघटनेचा प्रयत्न राहणार आहे. यामुळे यंदाच्या ऊस परिषदेत गतहंगामातील अंतिम दराचा हिशोब मागितला जाईल. शिल्लक साखरेचे मूल्यांकन हवे तसे होत नसल्याचाही संघटेचा आरोप आहे. साखर कारखान्यातील काटामारीमुळे शेतकऱ्यांचे मोठे नुकसान होत असल्याने सर्व साखर कारखान्यांतील वजनकाटे ऑनलाईन व्हावेत अशी संघटनेची अपेक्षा आहे.

.................

चौकट

ऊस परिषदेची जय्यत तयारी

जयसिंगपुरात नगरपालिकेसमोरील विक्रमसिंह पटांगणावर २८ ऑक्टोबर रोजी दुपारी दोन वाजता १६ वी ऊस परिषद होणार आहे. या परिषदेची जय्यत तयारी सुरू असून या परिषदेच्या पार्श्वभूमीवर खासदार राजू शेट्टी, राज्य वस्त्रोद्योग मंडळाचे माजी अध्यक्ष रविकांत तुपकर, माजी जिल्हा परिषद सदस्य सावकर मादनाईक, सागर संभूशेटे, जालंदर पाटील, शैलेश चौगुले यासह संघटनेतील दुसऱ्या फळीतील नेत्यांनी महाराष्ट्र व कर्नाटक राज्याचा सीमाभाग पिंजून काढला आहे. यामुळे आता या परिषदेत यंदाचा किती ऊस दर ठरणार याकडे सर्वांचे लक्ष लागले आहे.

मोबाइल अॅप डाउनलोड करा आणि राहा अपडेट

विनाहेल्मेट १९ पोलिसांना नोटिसा

October 23, 2017, 2:30 pm

≫ Next: टेक्नोसॅव्हीमध्ये शिवाजी विद्यापीठाचे नवे पाऊल

≪ Previous: वाढीव दरासाठी ‘स्वाभिमानी’ आक्रमक

$

0

0

Uddhav.Godase@timesgroup.com

Tweet @Uddhavg_MT

कोल्हापूर: दुचाकीस्वारांना हेल्मेट वापरणे सक्तीचे आहे, मात्र हेल्मेट वापरण्यास नागरिकांनी विरोध केल्यानंतर पोलिसांना नरमाईची भूमिका घ्यावी लागली होती. यानंतर पोलिस कर्मचारी आणि अधिकाऱ्यांना शहरात दुचाकीवरून प्रवास करताना हेल्मेट वापरणे सक्तीचे केले आहे. वरिष्ठ अधिकाऱ्यांच्या आदेशाचे उल्लंघन करणाऱ्या १९ पोलिसांना दंडाच्या नोटिसा पाठवल्या आहेत. विनाहेल्मेट प्रवास करणाऱ्या पोलिसांवर शिस्तभंगाची कारवाईदेखील होणार आहे.

जुलै महिन्यापासून जिल्ह्यासह शहरातही दुचाकीस्वारांना हेल्मेट वापरण्याची सक्ती पोलिस प्रशासनाने केली होती. अपघाती बळी जाऊ नयेत, यासाठी हेल्मेट वापराच्या कायद्याचे काटेकोर पालन करण्याचे नियोजन पोलिसांनी केले होते. या निर्णयाला शहरातील काही संघटनांनी जोरदार विरोध केल्याने केवळ महामार्गांवरच हेल्मेट सक्तीचा निर्णय घेतला, तर शहरातील दुचाकीस्वारांसाठी नियमात शिथिलता देण्यात आली. पोलिसांना मात्र या सवलतीतून वगळले होते. पोलिसांनी शहरातही हेल्मेट वापरावे असे आदेश विशेष पोलिस महानिरीक्षक विश्वास नांगरे-पाटील यांनी दिले होते. पोलिसांनी या आदेशाकडे दुर्लक्ष केले आहे. विनाहेल्मेट प्रवास करणारे पोलिसच रस्त्यांवर दिसत असल्याने इतर दुचाकीस्वारांवर कारवाई करण्यास मर्यादा येत आहेत. पोलिसच नियमांना हरताळ फासतात असा आरोप नागरिकांकडून होत आहे, त्यामुळे विनाहेल्मेट प्रवास करणाऱ्या पोलिसांवर वरिष्ठ अधिकाऱ्यांनी कारवाईचा बडगा उगारला आहे.

सेफ सिटी अंतर्गत शहरात लावलेल्या कॅमेऱ्यांध्ये विनाहेल्मेट प्रवास करणारे पोलिस कैद होत आहेत. पोलिस अधीक्षक कार्यालयातील नियंत्रण कक्षातून विनाहेल्मेट पोलिसांच्या दुचाकींचे नंबर टिपले जातात. अशा पोलिसांच्या घरी दंडाची नोटीस पाठवली जाते. गेल्या महिन्याभरात विनाहेल्मेट प्रवास करणाऱ्या १९ पोलिसांना वाहतूक नियंत्रण विभागाकडून नोटिसा पाठवल्या आहेत. यातील सहा पोलिसांनी दंडाची प्रत्येकी ५०० रुपयांची रक्कम भरली आहे, तर १२ पोलिसांनी दंडाच्या नोटिसीकडे दुर्लक्ष केले आहे. ही कारवाई गतिमान केली जाणार असून, विनाहेल्मेट प्रवास करणाऱ्या पोलिसांवर शिस्तभंगाची कारवाई होणार आहे, अशी माहिती पोलिस अधीक्षक संजय मोहिते यांनी दिली आहे. दंडाची रक्कम भरण्यास टाळाटाळ केल्यास त्यांना कोर्टामार्फतही नोटीस पाठवली जाणार आहे. या कारवाईमुळे विनाहेल्मेट प्रवास करणाऱ्या पोलिसांचे धाबे दणाणले आहेत. काही पोलिस मात्र अद्यापही वरिष्ठांच्या आदेशाकडे दुर्लक्ष करीत आहेत. पोलिसांनी हेल्मेटचा वापर केल्यास नागरिकांना बोट दाखवण्यास संधी मिळणार नाही, त्यामुळे पोलिसांनी हेल्मेटचा वापर करावाच, अन्यथा कारवाईला सामोरे जावे असा इशारा अधीक्षक मोहिते यांनी दिला आहे.

झेब्रा क्रॉसिंगवर पोलिस

ट्रॅफिक सिग्नलला झेब्रा क्रॉसिंगवर थांबू नये या नियमाचे काही पोलिसांकडून उल्लंघन होते. गेल्या आठवड्यात हॉकी स्टेडियम चौकातील सिग्नलला एका पोलिस कर्मचाऱ्याने झेब्रा क्रॉसिंगवर दुचाकी थांबवली होती. पोलिसांनीच नियम मोडल्याने इतर वाहनधारकांनीही वाहने झेब्रा क्रॉसिंगवर दामटली. हे प्रकार टाळण्यासाठी वरिष्ठ अधिकाऱ्यांनी लक्ष घालण्याची गरज आहे.

१९ पोलिसांना नोटिसा

सहा पोलिसांनी भरला दंड

५०० रुपये प्रत्येकी दंडाची रक्कम

दुचाकीवरून प्रवास करणाऱ्या पोलिसांनी हेल्मेट वापरणे बंधनकारक आहे. आदेशाचे उल्लंघन करणाऱ्या पोलिसांवर कारवाई सुरू केली आहे. दंडात्मक कारवाईसह शिस्तभंगाबद्दलही कारवाई करणार आहे. कारवाईची वेळ येऊ नये, यासाठी पोलिसांनी हेल्मेटचा वापर करावा.

संजय मोहिते, पोलिस अधीक्षक

मोबाइल अॅप डाउनलोड करा आणि राहा अपडेट

टेक्नोसॅव्हीमध्ये शिवाजी विद्यापीठाचे नवे पाऊल

October 23, 2017, 2:30 pm

≫ Next: रस्त्यावरील खड्डयात खुर्ची ठेवून निषेध

≪ Previous: विनाहेल्मेट १९ पोलिसांना नोटिसा

$

0

0

Anuradha.kadam@timesgroup.com

Tweet:@anuradhakadamMT

कोल्हापूर ः विद्यापीठ अनुदान आयोगाच्या आवाहनानुसार आकडेवारीसह सविस्तर माहिती ऑनलाइन देणाऱ्या देशभरातील विद्यापीठांत पहिल्या पाच विद्यापीठांत शिवाजी विद्यापीठाने यापूर्वीच स्थान मिळवले आहे. प्रशासकीय कामकाजाच्या गतीसाठी डिजिटल यंत्रणा कार्यान्वित केली आहे. याच टेक्नोसॅव्ही कामकाजाच्या पंक्तीत आता विद्यापीठ ऑनलाइन परीक्षा पद्धतीचा समावेश करत नव्या वर्षात डिजिटल पाऊल टाकणार आहे. कुलगुरू डॉ. देवानंद शिंदे यांनी ‘महाराष्ट्र टाइम्स’शी विशेष संवाद साधताना ही माहिती दिली. तसेच भविष्यात ऑनलाइन यंत्रणा अधिक सक्षम करून विद्यापीठ प्रशासन आणि विद्यार्थी यांच्यातील संवाद अधिक प्रभावी करण्यावर भर देण्यात येणार असल्याचेही त्यांनी स्पष्ट केले.

विद्यापीठांच्या परीक्षांचे नियोजन आणि ​योग्य कालावधीत निकाल जाहीर करण्याचे आव्हान विद्यापीठाने गेल्या काही वर्षांत सातत्याने पेलले आहे. परीक्षेनंतर चाळीस दिवसांच्या कालावधीत निकाल जाहीर करण्यासाठी विद्यापीठाची परीक्षा विभाग यंत्रणा काम करते. दरम्यान, शालेय व महाविद्यालयीन स्तरावरील अभ्यासक्रमांचे बदलते स्वरूप आणि उत्तीर्ण होण्याचा वाढता टक्का लक्षात घेता पदव्युत्तर शिक्षणाकडेही विद्यार्थ्यांचा ओढा वाढत आहे. तसेच संशोधनामध्ये स्वारस्य असलेल्या विद्यार्थ्यांना विद्यापीठातील विविध आंतरराष्ट्रीय संस्था व विद्यापीठांसोबत झालेल्या सामंजस्य करारांचाही फायदा होत आहे. या पार्श्वभूमीवर विद्यापीठाने राज्यातील विद्यापीठांच्या यादीत विश्वासार्ह स्थान मिळवले आहे.

भविष्यातील वाढती ऑनलाइन मानसिकता आणि नव्या पिढीतील विद्यार्थ्यांना उपलब्ध होत असलेल्या संधी यामुळे परीक्षा पद्धतीलाही ऑनलाइन टच देण्याचा विद्यापीठ प्रशासनाचा विचार असल्याचे कुलगुरू डॉ. शिंदे यांनी अधोरेखित केले. सध्या विद्यापीठात ऑनलाइन मूल्यांकन पद्धती कार्यान्वित आहे. उत्तरपत्रिकांचे मूल्यांकन करणाऱ्या प्राध्यापकांनी ऑनलाइन रजिस्ट्रेशन केल्यानंतर त्यांना मिळणारा ओटीपी क्रमांक आणि त्यानंतर ऑनस्क्रिन मार्किंग सिस्टिमचे हक्क अशी ही प्रणाली आहे. सध्या विद्यापीठात काही विद्याशाखांच्या प्रवेश परीक्षा ऑनलाइन घेण्यात येतात. मात्र सर्व शाखांची ऑनलाइन परीक्षा घ्यायची झाल्यास त्याची सॉफ्टवेअर यंत्रणा, सक्षम सर्व्हर ​यासंदर्भातील त्रुटी दूर करण्यासाठीचे नियोजन लवकरच सुरू करण्यात येणार आहे.

=====

प्रश्नपत्रिका नमुना ऑनलाइन

विद्यापीठ कार्यक्षेत्रातील महाविद्यालयांना पाठवण्यात येणाऱ्या प्रश्नपत्रिकांच्या वाहतुकीवर होणारा खर्च आणि वेळेचा अपव्यय टाळण्यासाठीही ऑनलाइन प्रक्रिया राबवण्यात येणार आहे. प्रश्नपत्रिका संच महाविद्यालयांकडे पाठवण्यापेक्षा प्रश्नपत्रिकेचा नमुना ऑनलाइन पाठवून महाविद्यालयातच प्रश्नपत्रिकांच्या प्रती छापून त्या वितरीत करण्याबाबत विचार सुरू आहे. त्यासाठी विद्यापीठाच्या निधीतून महाविद्यालयांना प्रिंटर खरेदी करून देण्यात येणार आहेत.

काय करू नये याचा वस्तुपाठ

मुंबई विद्यापीठाची हंगामी जबाबदारी स्वीकारल्यानंतर प्रलंबित निकाल जाहीर करण्याचे आव्हान होते. कालबाह्य सॉफ्टवेअर यंत्रणा वापरणाऱ्या मुंबई विद्यापीठासाठी ही जबाबदारी पार पाडताना परीक्षा प्रक्रिया आणि निकाल यंत्रणा यांचा मेळ साधताना काय करू नये, याचा वस्तुपाठ मिळाला. शिवाजी विद्यापीठातील आगामी ऑनलाइन परीक्षा यंत्रणेबाबत नियोजन करताना मुंबई विद्यापीठात आढळलेल्या त्रुटींचाही विचार करता येईल, असे डॉ. शिंदे यांनी आवर्जून सांगितले.

मोबाइल अॅप डाउनलोड करा आणि राहा अपडेट

रस्त्यावरील खड्डयात खुर्ची ठेवून निषेध

October 23, 2017, 2:30 pm

≫ Next: ‘गोकुळ’वर फौजदारी करणार

≪ Previous: टेक्नोसॅव्हीमध्ये शिवाजी विद्यापीठाचे नवे पाऊल

$

0

0

इचलकरंजी

येथील स्टेशन रोडवरील रस्त्याच्या दुरवस्थेबाबत प्रशासनाकडून होत असलेल्या दिरंगाईमुळे भागातील नागरिकांनी खड्ड्यातच खुर्ची ठेवून अनोख्या पध्दतीने आंदोलन केले. या आंदोलनात वाहनधारकांबरोबरच नागरीकांनी सहभाग घेतला. दरम्यान, आठ दिवसात या रस्त्याची दुरुस्ती करण्याचे आश्वासन नगराध्यक्षा अलका स्वामी यांनी दिले.

इचलकरंजी-हातकणंगले या रस्त्याच्या दुतर्फा बाजूची दयनीय अवस्था झाली आहे. माजी मंत्री जयवंतराव आवळे यांच्या निवासस्थानासमोरच रस्त्यावर भले मोठे खड्डे असल्याने अपघताचे प्रमाणही वाढले ओहे. प्रशासनाकडे तक्रार केल्यानंतर प्रशासनाकडून खड्डे मुजविण्यासाठी मुरुमाचा वापर करुन तात्पुरती डागडुजी केली गेली. पण याठिकाणी सतत पाण्यामया गळतीमुळे या रस्त्याची दयनीय अवस्था झाली आहे. तर जोरदार पावसाने रस्त्याला तळ्याचे स्वरुप आले होते. याबाबत नगरपालिकेला वारंवार कळवूनही काहीच हालचाल होत नसल्याने सोमवारी सामाजिक कार्यकर्ते पंढरीनाथ ठाणेकर यांच्या नेतृत्त्वाखाली रस्त्यावरील खड्ड्यात खुर्ची टाकून रास्तारोको आंदोलन सुरु केले. या अनोख्या आंदोलनाला भागातील नागरीकांसह वाहनधारकांनी साथ दिली.

आंदोलनाची यावेळी घटनास्थळी शिवाजीनगरचे पोलिस निरीक्षक सतीश पवार, वाहतूक शाखेचे पोलिस निरीक्षक अरुण पवार यांनी धाव घेतली. त्यांनी पालिकेचे अभियंता मुल्ला यांच्याशी संपर्क साधत बोलावून घेतले. ते आले असताना यावेळी आंदोलकांनी प्रश्नांची सरबत्ती करत धारेवर धरले. त्यानंतर पोलिसांनी सर्व आंदोलकांची समजूत काढूत सर्वांना नगरपालिकेत आणून नगराध्यक्षा अलका स्वामी यांच्याशी चर्चा घडवून दिली. यावेळी नगरसेवक अशोकराव जांभळे, मुख्याधिकारी डॉ. प्रशांत रसाळ, अभियंता बापूसाहेब चौधरी, भाऊसो आवळे, संतोष शेळके उपस्थित होते. चर्चेअंती रस्त्यावरील खड्डे मुजविण्यासाठी मंगळवारपासून खडी-मुरुम टाकुन रस्त्याची डागडुजी करण्याची ग्वाही नगराध्यक्षा स्वामी यांनी दिली.

आंदोलनात पी. आर. पिळणकर, ओंकार कांबळे, विकास सातपुते, नवनाथ घाटगे, विनायक अलदर, तानाजी धुमाळ, अंकुश दुर्गाडे, अमोल जुवे, अनिल कुंभार, किसन बागडी, नारायण बागडी, स्वप्निल करव, रंगराव पुजारी, प्रदीप बागडे, नवनाथ लांडगे, अनिकेत वाघुकर आदी सहभागी झाले होते.

मोबाइल अॅप डाउनलोड करा आणि राहा अपडेट

‘गोकुळ’वर फौजदारी करणार

October 23, 2017, 2:30 pm

≫ Next: ‘गोकुळ’प्रश्नी पालकमंत्री गप्प का ?

≪ Previous: रस्त्यावरील खड्डयात खुर्ची ठेवून निषेध

$

0

0

म. टा. प्रतिनिधी, कोल्हापूर

‘कोल्हापूर जिल्हा सहकारी दूध उत्पादक संघाच्या (गोकुळ) नुकत्याच झालेल्या वार्षिक सभेत महादेवराव महाडिक यांनी स्वतः उभे राहून सर्व विषय मंजूर केले. ही वस्तूस्थिती आहे. मात्र सहायक निबंधक (दुग्ध) अरूण चौगुले यांनी गोकुळचे अध्यक्ष विश्वास पाटील यांनी विषय मंजूर केल्याचा खोटा अहवाल दिला आहे. सभेच्या इतिवृत्ताची प्रत मागितली आहे. ती मिळाल्यानंतर अध्यक्ष पाटील, व्यवस्थापकीय संचालक आणि संचालकांवर फौजदारी दाखल करणार आहे. सहकार खाते ‌‌‌किंवा प्रसंगी हायकोर्टातही याचिका दाखल करणार आहे,’ अशी माहिती आमदार सतेज पाटील यांनी सोमवारी पत्रकार परिषदेत दिली.

आमदार पाटील म्हणाले, ‘गोकुळच्या सभेतील सर्व विषय महाडिक यांनी स्वतः वाचले व मंजूर केले, हे वास्तव आहे. यासंबंधीचे वृत्त सर्व माध्यमांत आले आहे. आमच्याकडे व्हिडिओ शूटिंगही आहे. यामुळेच सभा बेकायदेशीर असल्याची तक्रार सहायक निबंधकांकडे केली होती. निबंधकांनी अहवाल मात्र वस्तूस्थितीदर्शक दिलेला नाही. त्यांनी अध्यक्ष पाटील यांनी विषय मंजूर केल्याचा अहवाल दिला. ही दुर्दैवी बाब आहे.’


पालकमंत्री गप्प का?

पालकमंत्री चंद्रकांत पाटील यांनी सहकार शुद्धीकरणाच्या नावाखाली अनेक जिल्हा बँकांवर कारवाई केली. मग देशभर ख्याती असलेल्या गोकुळ संघाची सभा बेकायदेशीर झालेली असताना पालकमंत्री गप्प का? भाजपचे संचालक गोकुळमध्ये असल्याने ते गप्प आहेत का? असा सवालही आमदार पाटील यांनी केला.


उत्तरे दिशाभूल करणारी

‘गोकुळ’मधील गैरकारभार व भ्रष्टाचारासंबंधी सभेपूर्वी १६ लेखी प्रश्न विचारले होते. त्याची उत्तरे संचालक मंडळांनी दिली आहेत. मात्र ती दिशाभूल करणारी आहेत. लेखापरीक्षणात त्रुटी काढलेल्या असतानाही चुकीची उत्तरे दिली आहेत, असे आमदार पाटील म्हणाले.

मोबाइल अॅप डाउनलोड करा आणि राहा अपडेट

---

‘गोकुळ’प्रश्नी पालकमंत्री गप्प का ?

October 23, 2017, 2:30 pm

≫ Next: रस्ते गेले खड्ड्यात

≪ Previous: ‘गोकुळ’वर फौजदारी करणार

$

0

0

म. टा. प्रतिनिधी, कोल्हापूर

सहकार शुद्धीकरण करण्याच्या नावाखाली पालकमंत्री चंद्रकांत पाटील यांनी राज्यातील काही जिल्हा बँकांवर कारवाई केली. मात्र देशात,राज्यात ख्याती असलेल्या ‘गोकुळ’ची सभा बेकायदेशीर असूनही त्याबाबत पालकमंत्री पाटील अजून गप्प का ? ‘गोकुळ’मध्ये भाजपचे संचालक आहेत, म्हणून ते गप्प आहेत का? असा सवाल आमदार सतेज पाटील यांनी सोमवारी पत्रकार उपस्थित केला. याप्रश्नी पालकमंत्री पाटील यांची भेट घेऊन चर्चा करणार आहे, असेही ते म्हणाले.

आमदार पाटील म्हणाले, ‘गोकुळची ५५ वी सर्वसाधारण सभा नुकतीच झाली. यात संचालक नसतानाही महादेवराव महाडिक यांनी सभेत अहवाल वाचून विषय मंजूर करून घेत सभा गुंडाळली. यामुळेच सभा रद्द करून संचालक मंडळावर कारवाई करण्याची मागणी सहाय्यक निबंधक (दुग्ध) अरुण चौगुले यांच्याकडे केली. त्या अनुषंगाने निबंधकाने गोकुळ दूध संघास भेट देऊन कागदपत्रांची पाहणी केली. सभेचे इतिवृत्त, इतर कागदपत्रे, त्यांनी दिलेली लेखी म्हणणे तपासल्याचे चौगुले यांनी अहवालात म्हटले आहे. दरम्यान, संघाकडून खुलासा कसाही आला असला तरी निबंधकांनी नि:पक्षपातीपणे महाडिक यांनीच विषय मंजूर केल्याची वस्तुस्थिती अहवालात देणे आवश्यक होते. मात्र अहवालात सभाध्यक्ष तथा चेअरमन विश्वास पाटील यांनी आपल्या प्रास्ताविकात वर्षाचा अहवाल, आर्थिक पत्रके सादर करीत अहवाल मिळाला काय? असे सभासदांना विचाले. सर्वांनी ‘होय’ असे सांगितले. त्यानंतर ‘१ ते ११ विषय मंजूर काय’ असे विचारले. त्यावर सभासदांनी स्वतंत्र विषय वाचावे किंवा त्यापैकी एका विषयावर चर्चा करायची आहे, अशी मागणी केली नाही. त्यामुळे सर्व विषयांना एकमताने मंजुरी दिली, असे इतिवृत्तावरून दिसून येते. सभेसाठीची प्रवेश व्यवस्था दडपशाही किंवा लोकशाहीला धरून नव्हती, असे म्हणता येणार नाही, सभेच्या हजेरी यादीवरून २६५० संस्था प्रतिनिधी उपस्थित असल्याचे दिसून येते. १९ संचालक उपस्थित होते, असे अहवालात नमूद केले आहे. ‘गोकुळ’ची एक चूक लपवण्यासाठी निबंधकांनी खोटा अहवाल देऊन दुसरी चूक केली आहे. परिणामी,निबंधक,संचालकांनी आपल्याच पायावर दगड मारून घेतला आहे.

‘गोकुळ’च्या कार्यालयाजवळच सहाय्यक निंबधकाचे कार्यालयत आहे. ‘गोकुळ’च्या दबावामुळेच निंबधक चौगुले यांनी खोटा, चुकीचा अहवाल दिल्याचा संशय आहे. इतिवृत्ताची प्रत अद्याप मिळालेली नाही. मिळाल्यानंतर त्यावर सही असणाऱ्यांविरोधात फौजदारी गुन्हा दाखल करणार आहे. खोटा अहवाल देणारे सहाय्यक निबंधक अरुण चौगुले यांच्यासह अध्यक्ष, संचालकाविरोधात न्यायालयात दावा दाखल करणार आहे. दावा सहकार की उच्च न्यायालयात दाखल करायचे त्यासंबंधीचे मार्गदर्शन कायदेतज्ज्ञांकडून घेत आहे. सभाच बेकायदेशीर असल्यासंबंधीचे सर्व पुरावे आमच्याकडे आहेत. म्हणूनच याप्रकरणी संचालक मंडळ बरखास्त झाले पाहिजे.

उत्तरे दिशाभूल करणारी

नवी मुंबई व पुणे येथे दूध वाहतुकीसाठी संघासाठी टँकर्स घेताना नियमानुसार वृत्तपत्रातून जाहीर निविदा प्रक्रिया राबवण्यासाठी जाहिरात दिली होती का? असा प्रश्न मी विचारले होते. याशिवाय इतर सभासदांनी विचारलेल्या १५ प्रश्नांची उत्तरे संचालकांनी दिली आहेत. जाहिरात देऊनच चार संस्थांना दूध वाहतुकीचा ठेका दिला आहे, असे संघाने म्हटले आहे. याउलट लेखा परीक्षणात टँकर वाहतुकीचा ठेका जाहीर निविदा प्रसिद्ध करून द्यावे, असे म्हटले आहे. यावरून मी विचारलेल्या प्रश्नाचे उत्तर संघाने चुकीचे दिले असल्याचे स्पष्ट होते. सर्वच प्रश्नांची उत्तरे संचालकांनी दिशाभूल करणारी दिली आहेत.

मोबाइल अॅप डाउनलोड करा आणि राहा अपडेट

रस्ते गेले खड्ड्यात

October 23, 2017, 2:30 pm

≫ Next: आयुक्तांवर अविश्‍वास ठराव आणूमहापौर हारुण शिकलगार यांचा इशारा

≪ Previous: ‘गोकुळ’प्रश्नी पालकमंत्री गप्प का ?

$

0

0

कोल्हापूर टाइम्स टीम

दर्जाहिन कामे, त्यातच यंदा झालेला मान्सून आणि परतीच्या पावसाचा दणका यामुळे शहरातील प्रमुख रहदारीच्या रस्त्यांसह शहराला जोडणाऱ्या रस्त्यांची प्रचंड दुरवस्था झाली आहे. भले मोठे खड्डे व छोट्या मोठ्या खड्ड्यांच्या मालिकांनी वाहनचालक अक्षरशः मेटाकुटीस आला आहे. रस्त्यांवर खड्डे कि खड्ड्यात रस्ते असे विचारण्याची वेळ आली असून, रस्ते विकास प्रकल्पांतर्गत झालेले रस्ते वगळता बहुतांशी रस्ते खड्ड्यात गेल्यासारखी स्थिती आहे. त्यामुळे वाहनधारकांना दणक्यावर दणके सहन करावे लागत आहेत. सध्या पर्यटनाचा हंगाम आहे. या काळात मोठ्या संख्येने पर्यटक भेट देत आहेत. डिसेंबरच्या शेवटच्या आठवड्यात तर कोल्हापूर महोत्सव आयोजित केला आहे. त्याला देशभरातील पर्यटक भेट देणार आहेत. या पार्श्वभूमीवर प्रमुख रस्ते व चौकांतील खड्डे भरून रस्ते चकाचक केले पाहिजेत, अन्यथा कोल्हापूरची बदनामी देशभर होणार आहे. सार्वजनिक बांधकाम विभाग, महापालिकेने खड्डे बुजवण्यासाठी युद्धपातळीवर मोहीम राबवण्याची गरज आहे.

जिल्हाधिकारी कार्यालय

जिल्ह्याचा कारभार ज्या इमारतीतून चालवला जातो त्या जिल्हाधिकारी कार्यालयाच्या पश्चिम दरवाजासमोर भलेमोठे खड्डे आहेत. या खड्ड्यातूनच पालकमंत्री, लोकप्रतिनिधी आणि अधिकाऱ्यांची वाहने जिल्हाधिकारी कार्यालयातील बैठकीला नियमित असतात. हा रस्ता महापालिकेच्या हद्दीत असल्याने जिल्हाधिकारी कार्यालय व सार्वजनिक बांधकाम विभाग लक्ष देत नाही. तर बजेट नसल्याचे कारण सांगून महापालिका हात झटकत आहे. जिल्हा प्रशासनाचे नाक समजल्या जाणाऱ्या या कार्यालयासमोरचे खड्डे महिनो न महिने तसेच असतील तर शहरातील गल्लीबोळांतील रस्त्यांची अवस्था काय असेल, ते सहज लक्षात येईल. जिल्हाधिकारी कार्यालय ते महावीर कॉलेज या रस्त्यांवर पाटील वाड्याजवळील रस्त्याचीही अशीच स्थिती आहे. जिल्हाधिकारी कार्यालयासमोरील रस्ता तयार करण्यासाठी जिल्हा नियोजन मंडळातून निधी उपलब्ध करुन दिला तर हा रस्ता चांगला होऊ शकतो.

गंगावेश ते शुक्रवार पेठ पोलिस चौकी

गंगावेश ते शुक्रवार पेठ पोलिस चौकी हा रस्ता अत्यंत वर्दळीचा असतो. केएमटी, एसटी, ऊस वाहतूक, जोतिबा,पन्हाळा आणि कोकणात पर्यटनासाठी जाणाऱ्या वाहनांचा राबता या रस्त्यांवरुन असतो. दोन्ही बाजूला वडापचे स्टॉप, दूध कट्टा यामुळे येथे वाहतूक कोंडी नेहमीचीच. हा भाग त्रिकोणी असल्याने आणि दोन्ही बाजूच्या गटर रिकामी नसल्याने पाण्याचा निचरा होत नाही. त्यामुळे परिसरातील रस्त्यांवर खड्डे पडले आहेत. रेगे तिकटी, शुक्रवार पेठ चौकात पिण्याचे पाणी आणि ड्रेनेज लाइनची कामे दर तीन महिन्याला निघतात. त्यासाठी रस्ता सातत्याने उकरावा लागतो. या रस्त्यांवर भल्या मोठ्या खड्ड्यातून वाहने चालवताना वाहनचालकांची हाडे खिळखिळी होतात.

श्री शहाजी छत्रपती लॉ कॉलेज, मेन रोड

राजारामपुरीत शहाजी लॉ कॉलेज चौकापासून आप्पाज कॉम्प्लेक्सच्या दारातून जाणाऱ्या मुख्य रस्त्याची अवस्था तर अत्यंत वाईट आहे. पावसाचे पाणी सातत्याने साठून राहण्याचा तसेच त्या पाण्यामुळे रस्ता उखडला तरी दुरुस्ती केली नसल्याने या रस्त्यावरुन अनेक वाहनचालक नाइलाजानेच ये जा करतात. परिख पुलाकडून राजारामपुरीकडे जाणारे व राजारामपुरी परिसरातून परिख पूल, एसटी स्टँडकडे जाणाऱ्यांना याच रस्त्याचा वापर करावा लागतो. त्यामुळे मोठी गर्दी असते. खराब रस्त्यामुळे वाहने हळू चालवावी लागतात. राजारामपुरीतील बाजारपेठ, शैक्षणिक संस्थांबरोबर व्यापारी संकुलांची संख्या वाढलेली असल्याने या रस्त्यावरुन दिवसभर मोठी वर्दळ असते. त्यामध्ये विद्यार्थ्यांची संख्या जास्त असते. अशा परिस्थितीत खराब रस्त्यावरुन जाताना अपघाताची शक्यता वाढलेली आहे.

सदर बाजार चौक

सदर बाजारातील चौकातून मध्यवर्ती बसस्थानकाकडे जाणाऱ्या रस्त्यावर खड्ड्यांचे साम्राज्य आहे. ताराबाई पार्क परिसरातून स्टँडकडे जाण्यासाठी हा रस्ता सोईचा असल्याने अनेकजण या रस्त्याचा वापर करतात. तसेच या रस्त्यावर मोठी हॉटेल्सही असल्याने पर्यटकांची संख्याही जास्त असते. न्यू शाहूपुरीतून स्टँडकडे जाण्यासाठीही बहुतांश वाहनधारक हाच रस्ता वापरतात. इतकी वर्दळ असताना भूविकास बँकेसमोर मात्र या रस्त्याची चाळण झाली आहे. तसेच सदर बाजारकडील बाजूकडेही खड्डे असल्याने वाहनधारकांची कसरत होते. पादचाऱ्यांनाही जीव मुठीत धरुनच ये जा करावी लागते. मध्यंतरी काही भागाचे डांबरीकरण करण्यात आले. मात्र पूर्ण रस्ता व्यवस्थित केलेला नाही. या रस्त्यावर पाणी साठण्याचे प्रमाण आहे. त्याचा निचरा होण्याची व्यवस्था केलेली नाही.

आरटीओ कार्यालय ते पितळी गणपती

आरटीओ कार्यालय ते पितळी गणपती चौक दरम्यानच्या रस्त्यावर कायमच खड्डे असतात. एसटीचे वर्कशॉप, आरटीओ कार्यालय, पाटबंधारे कार्यालय तसेच शिक्षण संस्थांचा हा परिसर असल्याने सुटी सोडल्यास या ठिकाणी मोठी वर्दळ असते. छोट्या छोट्या खड्ड्यांमुळे दुचाकीस्वार खड्डे चुकवण्याच्या प्रयत्न करत असतात. अशावेळी समोरुन येणाऱ्या वाहनांशी धडक होऊन अपघात होण्याची शक्यता आहे. या रस्त्यावर स्ट्रीट लाइटही पुरेशी नसल्याने अंधारात अनेक ठिकाणचे खड्डे दिसत नाहीत. त्यामुळेही रात्री अपघात होऊ शकतात.

वाय.पी. पोवार नगर ते उद्यमनगर

तुकाराम माळी तालमीपासून गोखले कॉलेज चौकातील सिग्नल ओलांडून वाय. पी. पोवारनगरकडे जाणाऱ्या रस्त्यात प्रचंड खड्डे पडले आहेत. शिवाजी पेठ, मंगळवार पेठ, संभाजीनगरमार्गे राजारामपुरीकडे जाण्यासाठी या मार्गाचा वापर दुचाकीसह चारचाकी वाहनधारक करतात. वाहनचालकांसाठी हा रस्ता सोयीचा आहे. मात्र गेल्या तीन ते चार महिन्यांपासून या रस्त्याकडे दुर्लक्ष आहे. त्यामुळे प्रवास धोक्याचा ठरत आहे. साठमारीपासूनच या रस्त्याची अवस्था दयनीय आहे. मुक्तांबिका मंदिरापासून सिग्नल चौकापर्यंत दोन उपरस्ते या रस्त्याला येऊन मिळतात. या ठिकाणी किरकोळ अपघात होण्याच्या घटना घडल्या आहेत. हुतात्मा गार्डनसमोरून जाणारा आणि पुढे उद्यमनगरला जोडणाऱ्या रस्त्यावरही प्रचंड खड्डे आहेत. या भागात रात्री विजेचाही लपंडाव सुरू असतो. त्यामुळे वाहनचालकांना जीव मुठीत धरूनच प्रवास करावा लागतो. गोखले कॉलेजमुळे परिसरात युवकांचीही वर्दळ असते. वाहन वेगात चालवणाऱ्या तरूणांना अनेकदा या खराब रस्त्याचा फटका बसला आहे.

देखभालीअभावी बावडा-शिये मार्गाची दुरवस्था

कोल्हापूर ः पुणे, मुंबईकडे जाणाऱ्या प्रवाशांसाठी सोयीचा मार्ग म्हणून कसबा बावडा ते शिये या मार्गाला वाहनधारकांकडून पसंती दिली जाते. गेल्या काही महिन्यात या रस्त्याच्या देखभालीकडे महापालिकेचे पूर्ण दुर्लक्ष झाले आहे. त्यामुळे रस्त्यावरील खड्ड्यांचे प्रमाण वाढले आहे. दोन्ही बाजूच्या फुटपाथवर गवत आणि झुडपांचे साम्राज्य आहे.

कसबा बावडामार्गे पुणे-बेंगळुरू महामार्गाकडे जाणारा रस्ता प्रशस्त आहे. पंचगंगा नदीपर्यंत दोन्ही बाजूंनी फुटपाथ आहेत. मात्र प्रचंड गवत वाढले आहे. पावसामुळे झुडपांचे साम्राज्य निर्माण झाले आहे. त्यामुळे फुटपाथ असूनही त्याचा उपयोग करता येत नाही. टोलनाक्याच्या पुढे जुन्या नाक्याजवळ रस्त्यावर मोठे खड्डे पडले आहेत. सुमारे १०० फूट अंतरात छोट्या-मोठ्या खड्ड्यांनी रस्त्याची चाळण झाली आहे. याशिवाय सिमेंटच्या रस्त्याला लागून असलेला डांबरी रस्ता खचल्याने दुचाकीधारकांना अत्यंत सावधपणे वाहन चालवावे लागते. अनेक ठिकाणी सिमेंट आणि डांबरी रस्त्यात भेगा पडल्या आहेत. राजाराम कारखान्याकडे जाणाऱ्या चौकात नेहमीच मोठे खड्डे असतात. तात्पुरती डागडुजी केली जाते. मात्र पुन्हा पुन्हा खड्डे वाढतात. शिवाय या मार्गावरील स्पीडब्रेकरवर पांढरे पट्टेही मारलेले नाहीत. त्यामुळे या मार्गावरील वाहतूक अपघातांना निमंत्रण देत आहे.

जिल्हा परिषद

जिल्हा परिषदेच्या मुख्य प्रवेशव्दारासमोरील रस्ता खड्डेमय झाला आहे. जिल्हयातील गावे, वाड्या, वस्त्यांमधील रस्ते करण्याची जबाबदारी असलेल्या जि.प. मुख्यालयासमोरच खड्डे पडले आहेत. वाहनधारकांना खड्डे चुकवताना तारेवरची कसरत करावी लागत आहे. जिल्हाधिकारी कार्यालयासमोरील मुख्य रस्त्यावरून नागाळा पार्क, ताराबाई पार्क, आरटीओ कार्यालय, कसबा बावड्याकडे जाण्यासाठी जि.प. समोरील रस्त्यावरून जावे लागते. सरकारी सुट्टीशिवाय इतर दिवशी या रस्त्यावर वाहनांची वर्दळ अधिक असते. केएमटी बसच्या फेऱ्याही असतात. मात्र हा रस्ता खड्डेमुक्त करण्यात महापालिकेला यश आलेले नाही. जिल्हा परिषद बांधकाम विभागच्या प्रशासनाने रस्त्यावरील खड्डे भरावी, यासाठी महापालिका प्रशासनाकडे पाठपुरावा केला. मात्र गेल्या अनेक महिन्यांपासून खड्डे जैसे थे आहेत.

मोबाइल अॅप डाउनलोड करा आणि राहा अपडेट

आयुक्तांवर अविश्‍वास ठराव आणूमहापौर हारुण शिकलगार यांचा इशारा

October 24, 2017, 10:34 am

≫ Next: दोन मराठीतरुणांना कोठडीकाळ्या दिनाविषयी जागृता निर्माण केल्याबद्दल एका वर्षांनी कारवाई

≪ Previous: रस्ते गेले खड्ड्यात

$

0

0

म. टा. वृत्तसेवा, सांगली
महापालिकेत काँग्रेसची सत्ता असल्यानेच शहराची वाट लावण्यासाठी निष्क्रिय आयुक्त रवींद्र खेबूडकर यांची भाजपच्या आमदारांनी नियुक्ती केली. शहराची विकास कामे रखडली असून, खड्ड्यांमुळे नागरीक त्रस्त असताना आयुक्त कधी बंगल्यावर तर कधी कोल्हापुरात अधिकाऱ्यांना बोलावून नुसती चर्चा करतात. या बाबत आपण जिल्हाधिकाऱ्यांकडे तक्रार करणार आहोत. सरकार, जिल्हा प्रशासन यांच्याकडून कार्यवाही न झाल्यास, विकास कामे सुरू न झाल्यास प्रसंगी आयुक्तांवर अविश्‍वास ठराव आणू, असा इशारा महापौर हारुण शिकलगार यांनी पत्रकार बैठकीत दिला.
येत्या दहा दिवसांत कामे सुरु न झाल्यास आयुक्तांसह एकाही अधिकार्‍यांना कार्यालयात बसू देणार नाही असा इशाराही महापौरांनी दिला.
शहराच्या विकासाच्या दृष्टीने आवश्यक असणाऱ्या ड्रेनेज योजना, पाणी पुरवठा योजना, आयुक्तांनी जाणीवपूर्वक रखडवल्या आहेत. काम कुठलेही सांगा करतो एवढेच म्हणतात, कुठलेच काम करीत नाहीत. ९ जून २०१६ रोजी आयुक्त म्हणून खेबूडकर हजर झाले. पावसाळा सुरू झाल्यानंतर सदस्यांनी आयुक्तांना गुंठेवारी भागात पावसाळी मुरुम टाकण्याची मागणी केली. आयुक्तांनी स्वतः उपनगरात जावून पहाणी केली. त्यांना मुरुम न टाकता सरळ पक्के रस्ते करतो, असे आश्‍वासन दिले. या आश्‍वासनाला दीड वर्षे होत आली. शहरातील मुख्य रस्ते सोडाच, साधा उपनगरातला एकही रस्ता झाला नाही आणि आयुक्त सांगतात १८-१८ तास काम करतात. मात्र, काम करण्याऐवजी बा अधिकाऱ्यांना घेऊन गप्पा मारतात. आम्ही दंगा केला म्हणून आयुक्तांनी २४ कोटींच्या रस्त्याच्या फाईलीवर सह्या केल्या. अजूनही ही कामे सुरू नाहीत. प्रत्येक सदस्यांच्या २५-२५ लाखांच्या विकास कामाच्या फाईली तयार करुन सर्व सदस्यांनी पाठपुरावा केला. प्रत्येक फाईलीवर चर्चा, पाहाणी करा, असे शेरे मारुन वेळ घालवायचा धंदा आयुक्तांनी सुरू केला आहे. यातीलही काही कामाच्या फाईलीवर सह्या केल्या, सरकारच्या जीएसटी धोरणामुळे ठेकेदार काम करायला तयार नाहीत. सरकारचा अंतिम निर्णय नसल्याने तोपर्यत काम करण्यास सांगितले होते. असा ठराव करायचा होता, पण आयुक्तांनी अशा सर्वच कामाच्या फेरनिविदा काढून जाणीपूर्वक विलंब लावला. केंद्रात आणि राज्यात भाजपचे सरकार आहे. महापालिकेत काँग्रेसची सत्ता असल्याने या शहराची वाट लावण्याचा उद्योग या आयुक्तांच्या नियुक्तीने केला आहे. शहरातला एकही रस्ता सरळ नाही, खड्ड्याननी भरलेल्या या दोन्ही शहरात बाहेरुन यायला लाज वाटते आहे. शहराची वाट लावून या दोन्ही आमदारांनी काय साधले? हे एक प्रकारचे कारस्थान आहे.
येत्या आठवड्यात उपायुक्त, मुलेप, शहर अभियंता यांनी एकत्रित बसून, ही सर्व पेंडिग कामे मार्गी लावा, असे आदेश दिले आहेत. दहा दिवसांत ही रखडलेली सर्व कामे सुरू न झाल्यास आयुक्तांसह एकाही अधिकाऱ्याला कार्यालयात बसू देणार नाही. अधिकाऱ्यांनाही आयुक्तांच्या बंगल्यावर बैठकीसाठी जाऊ नये, असे आदेश दिले आहेत. आयुक्तांची नकारात्मक भूमिका ही शहराच्या विकासाला मारक आहे. या बाबत आपण जिल्हाधिकारी यांच्याकडे तक्रार करणार आहोत. प्रसंगी अविश्‍वास ठराव आणू.

मोबाइल अॅप डाउनलोड करा आणि राहा अपडेट

दोन मराठीतरुणांना कोठडीकाळ्या दिनाविषयी जागृता निर्माण केल्याबद्दल एका वर्षांनी कारवाई

October 24, 2017, 10:37 am

≫ Next: सोलापूरला चार दिवसांआड पाणी

≪ Previous: आयुक्तांवर अविश्‍वास ठराव आणूमहापौर हारुण शिकलगार यांचा इशारा

$

0

0

बेळगाव
मागील वर्षी काळ्यादिनाविषयी सोशल मीडियावर जागरूकता निर्माण केल्याबद्दल तब्बल एक वर्षानी खडेबाजार पोलिसांनी दोन मराठी भाषिक युवकांना अटक केली आहे. एक नोव्हेंबरला काळा दिन असून, त्या पार्श्वभूमीवर मराठी भाषिकात दहशत निर्माण करण्यासाठी पोलिसांनी ही कारवाई केल्याची चर्चा मराठी भाषिकात सुरू आहे.
एक नोव्हेंबरला सीमाभागात कडकडीत हरताळ पाळा. मी तर चाललोय तुम्ही येताय ना, असा मेसेज व्हाट्स अॅपवर पाठविण्यात आला होता. मारुती पुंडलिक पाटील (बेनकहळी) आणि केदार रामा करडी (मच्छे) अशी खडेबाजार पोलिसांनी अटक केलेल्या तरुणांची नावे आहेत. २४ ऑक्टोबर २०१६ रोजी खडेबाजार पोलिस निरीक्षक सातेन्हळी यांनी स्वतः दोन तरुणांविरुद्ध तक्रार नोंदवली होती. पण, वर्षभर गप्प बसून काळ्या दिनाच्या तोंडावर पोलिसांनी कारवाई केली आहे. त्यांना अटक करून कोर्टात हजर केले असता त्यांना न्यायालयीन कोठडी सुनावण्यात आली आहे. तरुणांना जामीन मिळावा म्हणून वकील महेश बिर्जे यांनी न्यायालयात अर्ज दाखल केला असून, त्यावर आज, बुधवारी सरकारी वकील युक्तिवाद करणार आहेत.

मोबाइल अॅप डाउनलोड करा आणि राहा अपडेट

सोलापूरला चार दिवसांआड पाणी

October 24, 2017, 10:39 am

≫ Next: ऊसदरप्रश्नी तोडग्यासाठी कारखानदारांशी चर्चेला तयार

≪ Previous: दोन मराठीतरुणांना कोठडीकाळ्या दिनाविषयी जागृता निर्माण केल्याबद्दल एका वर्षांनी कारवाई

$

0

0

सोलापूर
अमृत योजनेतून उजनी जलवाहिनीवरील व्हॉल्व्ह बदलण्यासाठी बुधवारी ४८ तासांचा शटडाऊन घेण्यात येणार असल्याने आठवडाभर शहर व हद्दवाढ भागात चार दिवसांआड पाणीपुरवठा करण्यात येणार आहे.
दीर्घकालीन पाणीपुरवठा सुधारणा करण्यासाठी अमृत योजनेतून जलशुद्धीकरण केंद्रातील फिल्टर बेड बदलणे, केगाव-जुना पुणे नाका जलवाहिनी बदलणे आणि उजनी जलवाहिनीवरील सर्व व्हॉल्व्ह बदलण्याचे काम मंजूर झाले आहे. जलवाहिनीवरील व्हॉल्व्ह बदलण्याचे काम आज, बुधवारी सुरू करण्यात येणार आहे. यामुळे या दिवशी उजनी जलवाहिनीवर ४८ तासांचा शटडाऊन घेण्यात येणार आहे. त्यामुळे पहाटे पाच वाजता उजनीवरील पंप बंद करण्यात येतील. त्यानंतर जलवाहिनी रिकामी करून जागोजागी गळती असलेले सर्व व्हॉल्व्ह बदलण्याचे काम हाती घेण्यात येणार आहे. दोन दिवसांत हे काम पूर्ण करून पंप सुरू करण्यात येणार आहेत.
या कामामुळे उजनी जलवाहिनी दोन दिवस बंद राहणार असल्याने शहरातील पाणी पुरवठ्यावर परिणाम होणार आहे. बुधवारी उजनी जलवाहिनीवर अवलंबून असलेल्या भागांत पाणीपुरवठा होणार नाही. व्हॉल्व्ह जोडणीचे काम पूर्ण झाल्यावर गुरुवारी रात्री उशिरा पंप सुरू झाल्यावर टप्प्याटप्प्याने या भागाला पाणीपुरवठा करण्यात येईल. जलवाहिनी दोन दिवस बंद राहिल्याने पाणीपुरवठा विस्कळीत होणार आहे. त्यामुळे शहर व हद्दवाढ भागात बुधवारपासून आठवडाभर चार दिवसांआड पाणीपुरवठा होईल, याची नागरिकांनी नोंद घ्यावी. त्यामुळे पाण्याचा काटकसरीने वापर करावा, असे आवाहन पाणीपुरवठा विभागाने केले आहे.
२५ एअर व्हॉल्व्ह बदलणार

या मोहिमेत जलवाहिनीवरील २५ एअर व्हॉल्व्ह, पंप हाउसजवळील ओपन एक्सपाईन्सेन्स जॉर्इंट बदल्यात येणार आहेत. गुरुवार सकाळपर्यंत हे काम पूर्ण करण्याचे प्रयत्न असून, ठेकेदाराची पाच पथके कामासाठी तयार असल्याची माहिती मनपाच्या सार्वजनिक आरोग्य विभागाचे अभियंता गंगाधर दुलंगे यांनी दिली.

मोबाइल अॅप डाउनलोड करा आणि राहा अपडेट