एसटी संपामुळे पंढरपूरात शुकशुकाट

October 18, 2017, 3:01 am

≫ Next: शेतीतील गुंतवणूक वाढविणार- मंत्री रवींद्र चव्हाण यांची माहिती

≪ Previous: काँग्रेस, राष्ट्रवादीचा वरचष्मा

$

0

0

मटा ऑनलाइन वृत्त । पंढरपूर

राज्य परिवहन महामंडळाच्या कर्मचाऱ्यांनी पुकारलेला संप दुसऱ्या दिवशी सुरू आहे. एसटी कर्मचाऱ्यांच्या संपाचा फटका पंढरपूरच्या विठूरायाला बसला असून मंदिर परिसरात भाविकांअभावी मंदिर परिसरात शुकशुकाट दिसत आहे. दिवाळीत विठ्ठलाचे दर्शन घेण्यासाठी मोठ्या प्रमाणावर भाविकांची मोठी गर्दी होत असते. मात्र, संपामुळे यावर्षी भाविकांची गर्दी ओसरली आहे.

दरवर्षी देवाची दिवाळी साजरी करण्यासाठी हजारो वारकरी पंढरपूरमध्ये येत असतात. या काळात मंदिराला आकर्षक विद्युत रोषणाई करून विठुरायाला रोज ठेवणीतले दागिन्यांनी मढविण्यात येते. मात्र मंगळवारपासून सुरु झालेल्या एसटीच्या संपामुळे सर्व वाहतूक ठप्प झाली आहे. त्यामुळे भाविकांना पंढरपूरला येण्यासाठी अधिक पैसे मोजून खाजगी वाहनांचा पर्याय स्वीकारावा लागत आहे. एसटी संपामुळे राज्यातून येणाऱ्या एसटी बस ठप्प झाल्या आहेत. यामुळे आज दिवाळीच्या पहिल्या आंघोळीला देखील मंदिरात शुकशुकाट दिसला. मंदिर परिसरात गर्दी नसल्यामुळे स्थानिकांनाही नुकसान सहन करावे लागत आहे.

मोबाइल अॅप डाउनलोड करा आणि राहा अपडेट

---

शेतीतील गुंतवणूक वाढविणार- मंत्री रवींद्र चव्हाण यांची माहिती

October 18, 2017, 10:03 am

≫ Next: एसटी संपाचा फटका;विठ्ठल मंदिरात शुकशुकाट

≪ Previous: एसटी संपामुळे पंढरपूरात शुकशुकाट

$

0

0

म. टा. वृत्तसेवा, सांगली
कर्जमाफीबरोबरच शेतीमध्ये गुंतवणूक वाढून शेतकरी समृद्ध झाला पाहिजे आणि आगामी काळात त्याच्यावर कर्ज काढण्याची वेळ येऊ नये, यासाठी राज्य सरकार कटिबद्ध आहे. कर्जमाफीच्या माध्यमातून राज्य सरकारने बळीराजाला बळ दिले असल्याचे अन्न, नागरी पुरवठा आणि ग्राहक संरक्षण खात्याचे राज्यमंत्री रवींद्र चव्हाण यांनी बुधवारी सांगितले. त्यांच्या हस्ते कर्जमाफीस पात्र ठरलेल्या २६ शेतकऱ्यांना कर्जमाफ केल्याची प्रमाणपत्रे देण्यात आली.
सांगलीत जिल्हाधिकारी कार्यालयातील सभागृहात झालेल्या या कार्यक्रमास खासदार संजय पाटील, आमदार सुरेश खाडे, आमदार सुधीर गाडगीळ, प्रभारी जिल्हाधिकारी मिनाज मुल्ला, निवासी उपजिल्हाधिकारी त्रिगुण कुलकर्णी, जिल्हा उपनिबंधक प्रकाश अष्टेकर यांच्यासह अन्य अधिकारी व शेतकरी उपस्थित होते. या वेळी प्रातिनिधीक स्वरूपात जिल्ह्यातील २६ शेतकऱ्यांना सपत्नीक पोषाख व कर्जमाफीचे प्रमाणपत्र सन्मानपूर्वक देण्यात आले. जिल्हा उपनिबंधक म्हणाले, ‘जिल्ह्यात कर्जमाफीच्या रकमा शेतकऱ्यांच्या खात्यावर परस्पर जमा होणार आहेत. या योजनेंतर्गत सांगली जिल्ह्यात ३ लाख ४७ हजार ऑनलाइन अर्जांची नोंदणी झाली. त्यातील १ लाख ८६ अर्ज प्राप्त झाले. यातील काही शेतकरी बांधवांना प्रातिनिधीक स्वरूपात कर्जमाफी प्रमाणपत्र वितरित करण्यात आले.’ या वेळी माहिती व जनसंपर्क महासंचालनालयाने प्रकाशित केलेली मी मुख्यमंत्री बोलतोय- महा कर्जमाफी पुस्तिकेचे वितरण शेतकऱ्यांना करण्यात आले.
शिवसेनेच्या दबावामुळेच
शेतकऱ्यांना कर्जमाफी
णी कितीही जाहिरातबाजी करून श्रेय घेण्यासाठी धडपडत असले तरी केवळ शिवसेनेच्या दबावामुळेच शेतकऱ्यांना कर्जमाफी देण्याची घोषणा सरकारला करावी लागली आहे. परंतु, या कर्जमाफीवर सेना समाधानी नाही, सात-बारा कोरा करा, या मागणीवर शिवसेना ठाम असल्याचे शिवसेने संपर्क प्रमुख नितीन बानुगडे-पाटील यांनी बुधवारी सांगलीत पत्रकारांशी बोलताना स्पष्ट केले.
सांगली महापालिकेतील भ्रष्ट कारभारी शहराचा विकास करण्यास अपयशी ठरले असल्याने आगामी महापालिका निवडणूकीत शिवसेना स्वबळावर पूर्ण ताकदीने मैदानात उतरणार असल्याची घोषणाही त्यांनी यावेळी केली. सांगली महापालिकेतील उपमहापौर गटाचे नेते नगरसेवक शेखर माने यांनी नुकताच शिवसेनेत प्रवेश केला आहे. या पार्श्वभूमीवर बानुगडे-पाटील यांनी बुधवारी सांगलीत पत्रकारांशी संवाद साधला. पाटील म्हणाले, माजी आमदार संभाजी पवार, जिल्हा संघटक दिगंबर जाधव, पृथ्वीराज पवार, नुकतेच प्रवेश केलेले नगरसेवक माने यांच्या नेतृत्वाखाली आगामी सांगली महापालिकेच्या निवडणुकीत सेना मैदानात उतरणार आहे. निवडणुकीपूर्वी पक्षप्रमुख उद्धव ठाकरे यांचा दौराही होणार आहे. माने यांनी महापालिकेत भ्रष्ट कारभाराविरुद्ध संघर्षाची घेतलेली भूमिका शिवसेनेच्या ध्येयधोरणांप्रमाणेच आहे. त्यामुळे त्यांना सेना हाच योग्य पक्ष वाटल्याने त्यांनी पक्षप्रवेश केला आहे. यासाठी गेल्या सहा महिन्यांपासून चर्चा सुरू होती. कोणत्याही गटबाजीला थारा न देता सेना एकसंघपणे ८० टक्के समाजकारण आणि २० टक्के राजकारण, असे उदिष्ट ठेवून काम करणार आहे. पाणी योजना, ड्रेनेज यासह आरोग्याचे तीन तेरा वाजले आहेत. एकही रस्ता धड नाही, खड्ड्यांचे साम्राज्य आहे. स्थापनेला २० वर्षे होऊनही मुलभूत सुविधांचा अभाव आहे. ऐतिहासिक सांगली शहरात विकासाचे चिन्ह दिसत नाही. सत्ताधाऱ्यांना प्रश्नच सोडवायचे नाहीत असे दिसते, असा आरोपही पाटील यांनी केला.

मोबाइल अॅप डाउनलोड करा आणि राहा अपडेट

एसटी संपाचा फटका;विठ्ठल मंदिरात शुकशुकाट

October 18, 2017, 10:16 am

≫ Next: सात गुन्हेगारमुद्देमालासह अटकेत

≪ Previous: शेतीतील गुंतवणूक वाढविणार- मंत्री रवींद्र चव्हाण यांची माहिती

$

0

0

पंढरपूर
राज्य परिवहन महामंडळाच्या संपाचा थेट फटका चक्क विठूरायाला बसला आहे. ऐन दिवाळीत विठ्ठल मंदिरात शुकशुकाट दिसत आहे. वास्तविक दिवाळीच्या पहिल्या दिवसापासून हजारो भाविक विठूरायाच्या दर्शनासाठी येत असतात.
दिवाळी या सर्वात मोठ्या सणाला विठूरायाचे दर्शन घेण्याची वारकरी संप्रदायात प्रथा असून, यामुळेच दर वर्षी दिवाळी दरम्यान हजारो भाविक देवाची दिवाळी साजरी करण्यासाठी पंढरपूरमध्ये येत असतात. या काळात मंदिराला आकर्षक विद्युत रोषणाई करून विठूरायाला रोज ठेवणीतील दागिन्यांनी मढविण्यात येत असते. मात्र, एसटीच्या संपामुळे सर्व वाहतूक ठप्प झाल्याने भाविकांना पंढरपूरला येण्यासाठी खासगी वाहनांचा पर्याय स्वीकारावा लागत आहे. यामुळे दिवाळीच्या पहिल्या आंघोळीला देखील मंदिरात शुकशुकाट आहे.
एसटी कर्मचाऱ्यांची
दिवाळी आगारात
राज्य परिवहन महामंडळाच्या संपाच्या दुसऱ्या दिवशी देखील राज्यातील बसेसची सर्व वाहतूक ठप्प आहे. ऐन दिवाळीत महामंडळाचे कर्मचारी ही ठिकठिकाणच्या आगारात अडकल्याने अनेक प्रवाशांप्रमाणेच त्यांचीही दिवाळी एसटी आगारात झाली आहे. एसटी संघटनांनी संप पुकारल्यानंतर सोमवारी रात्रीपासून सर्व बसेस जिथे असतील, त्या आगारात थांबवण्यात आल्या. या बस सोबत असलेले चालक आणि वाहक देखील विविध बसस्थानकात अडकून पडले आहेत. आज दिवाळीची पहिली आंघोळ या कर्मचाऱ्यांना घरापासून लांब असलेल्या आगारातच करावी लागली आहे. आपल्या मागण्यासाठी हा त्रास कर्मचारी आनंदाने सोसत असून, स्थानिक आगाराच्या कर्मचाऱ्यांनी बाहेरगावच्या कर्मचाऱ्यांना आगारातच उटणे लावून अभ्यंगस्नान घातले. आपल्या घरातून दिवाळीचा फराळ आणून या कर्मचाऱ्यांना नाष्टा दिला. जेवणासाठी आगारातच आचारी आणून जेवणाची तयारी सुरू केली आहे. घरापासून लांब दिवाळीला अडकल्याने खूपच वाईट वाटत असले तरी तुटपुंज्या पगारात कुटुंब कसे चालवायचे, हा प्रश्न डोळ्यासमोर येताच हे दुःख जाणवत नसल्याचे परभणीच्या कृष्ण राडकर यांनी सांगितले.
आपल्या घरी वृद्ध आई आणि पत्नी असते, आईला सारखी मदतीची गरज असते. पण, या संपामुळे आपण पंढरपूरमध्ये अडकल्याचे शेगावच्या दत्तात्रय तोरखड यांनी ‘मटा’शी बोलताना सांगितले. आपल्याला केवळ दहा हजार पगार मिळतो, त्यात घरभाडे तीन हजार जाते, मुलांचे शिक्षण व इतर खर्च कसा भागवायचा, असा सवाल यवतमाळच्या सुनीता भगत यांनी केला. संप कशाला करता, असे विचारणाऱ्या दिवाकर रावते यांनी आमच्या सोबत फक्त एक दिवस राहून दाखवावे, असे आवाहन या वेळी सुनीता भगत यांनी केले. राज्य परिवहन महामंडळात काम करणाऱ्या कर्मचाऱ्यांना खूप तुटपुंजे पगार असून ८ ते १० हजारांत घर कसे भागवायचे, असा संतप्त सवाल या कर्मचाऱ्यांकडून केला जात आहे.

मोबाइल अॅप डाउनलोड करा आणि राहा अपडेट

सात गुन्हेगारमुद्देमालासह अटकेत

October 18, 2017, 10:28 am

≫ Next: नोटाबंदी, जीएसटीमुळेविकासदर घसरला

≪ Previous: एसटी संपाचा फटका;विठ्ठल मंदिरात शुकशुकाट

$

0

0

म. टा. वृत्तसेवा, बेळगाव
जिल्ह्यात विविध ठिकाणी घरफोड्या, अपहरण करणाऱ्या आंतरराज्य टोळीच्या सात गुन्हेगारांच्या मुसक्या पोलिसांनी आवळल्या असून, त्यांच्याकडून एकूण चाळीस लाखांचा ऐवज हस्तगत केला आहे.
खानापूर तालुक्यातील चोरी प्रकरणी पोलिसांनी तुंगराज आचार्य (३३), गणेश खोडे (२४) आणि मंजुनाथ रायकर (३६) यांना अटक करून त्यांच्याकडून वीस लाखाचे सातशे ग्रॅम सोन्याचे दागिने, ऐशी हजारच्या दोन किलो चांदीच्या वस्तू, दोन कार आणि एक मोटारसायकल जप्त केल्या आहेत.
दरम्यान, गोकाक येथे एका बालगुन्हेगाराला अटक करण्यात आली असून, रात्रीच्या वेळी अनेक चोऱ्या केल्याची धक्कादायक कबुली त्याने दिली आहे. बालगुन्हेगाराकडून साडेदहा लाखांच्या सोन्या चांदीचे दागिने पोलिसांनी जप्त केले आहेत.
सांगलीचे तीन सराईत अटकेत
अपहरण, राईस पुलिंग, व्याजी धंदा आणि दरोडेप्रकरणी मकसूद सज्जद भोकरे (३८ रा. सुंदरनगर मिरज), अकबर हारून मिरजकर (२५ रा. मिरज) आणि इस्माईल अब्दुल मोकाशी (३० रा. सांगलीवाडी, सांगली) यांना निपाणी ग्रामीण पोलिसांनी अटक करून त्यांनी अपहरण केलेल्या गोव्याच्या वासुदेव धारगळकर यांची सुरक्षितरित्या सुटका केली. त्यांना अटक करून पोलिसांनी त्यांच्याकडून गावठी पिस्तूल आणि साडेसहा लाखांचा ऐवज हस्तगत केला. अटक करण्यात आलेल्या तिघांनी महाराष्ट्र, कर्नाटक आणि गोव्यात गुन्हेगारी कारवाया केल्या आहेत.
जिल्हा पोलिस प्रमुख डॉ. बी. आर. रविकांतेगौडा, अतिरिक्त जिल्हा पोलिस प्रमुख रवींद्र गडादी यांच्या मार्गदर्शनाखाली खानापूर, गोकाक आणि निपाणी पोलिसांनी कारवाई केली आहे.

मोबाइल अॅप डाउनलोड करा आणि राहा अपडेट

नोटाबंदी, जीएसटीमुळेविकासदर घसरला

October 18, 2017, 1:36 pm

≫ Next: खासगी वाहनांनी प्रवाशांना लुटले

≪ Previous: सात गुन्हेगारमुद्देमालासह अटकेत

$

0

0

म. टा. वृत्तसेवा, कराड

फसलेली नोटाबंदी, कर्जबाजारी शेतकरी, जीएसटीच्या जाचक अटीमुळे अडचणीत आलेले लघुउद्योग, बेरोजगारीचे वाढते प्रमाण आणि ढासळती अर्थव्यवस्था यामुळे देशाचा ७.२ टक्क्यांचा विकासदर पाच टक्केपर्यंत झपाट्याने खाली आला आहे. भाजप सरकारने अर्थव्यवस्थेचा अक्षरश: पोरखेळ मांडला आहे. याचे गंभीर दुष्परिणाम उद्योगधंद्यापासून सामान्य जनतेपर्यंत सर्व घटकांना भोगावे लागत आहेत. त्यामुळे देशभरात भाजप विरोधी लाट निर्माण झाली आहे. ‘एक ही भूल कमल का फूल’ असे बॅनर॒ घेऊन लोक रस्त्यावर उतरत आहेत, असे मत माजी मुख्यमंत्री आमदार पृथ्वीराज चव्हाण यांनी व्यक्त केले.

दिवाळीनिमित्त चव्हाण कराड मुक्कामी आहेत. पत्रकारांशी बोलताना चव्हाण म्हणाले, भाजप सरकारने जनतेची घोर फसवणूक केली आहे. त्यामुळे जनतेमध्ये प्रचंड आक्रोश आहे. लोक उघडपणे बोलू लागले आहेत. भाजपविरोधी उद्रेकाचा परिणाम म्हणून पंजाब लोकसभेची पोटनिवडणूक, नांदेड महापालिकेचा निकाल आणि आता ग्रामपंचायत निवडणुकीचे निकाल पाहता जनता काँग्रेस पक्षाच्या पाठिशी उभी रहात असल्याचे देशभर चित्र आहे. नोटाबंदी हा केवळ परदेशी कंपन्यांचे भले करण्यासाठी आणि अमेरीकी कंपन्यांच्या दबावापोटी मोदी सरकारने घेतलेला निर्णय आहे. यामध्ये ना काळा पैसा बाहेर आला ना काळा पैसा बाळगणारे तुरूंगात गेले. नोटाबंदीचा कार्यक्रम पूर्ण फसला आहे. जागतिक नाणेनिधी, रिझर्व बँक यांच्यासह अर्थतज्ज्ञांनी ही वस्तुस्थिती मांडली आहे. भाजपाचे ज्येष्ठ नेते व माजी केंद्रीय अर्थमंत्री यशवंत सिन्हा यांनीही नोटा बंदीचा निर्णय अविचाराने घेतल्याचे जाहीर केले आहे, पण नोटाबंदीचे अपयश स्वीकारण्याची मानसिकता मोदी सरकारची नाही. नोटाबंदीची पूर्व कल्पना भाजपमधील काही नेत्यांना होती, त्यामुळे त्यांनी त्यांचा काळा पैसा परदेशी कंपन्यांसह सोने व प्रॉपर्टी खरेदीत गुंतवला. डिजिटल व कॅशलेश व्यवहारांमुळे कमिशनपोटी कोट्यवधी रुपये अमेरीकेतील कंपन्यांना मिळाले. सर्वसामान्यांना मात्र क्रेडीट कार्डद्वारे व्यवहार करताना हजार रूपयांमागे शंभर, दोनशे रूपयांचा फटका बसत आहे.
जीएसटीचीही यापेक्षा परिस्थिती नाही. अनेक त्रुटी राहिल्याने जीएसटीचे परिणाम उद्योजक, व्यापारी, शेतकरी यांना भोगावे लागत आहेत. बाजारपेठेत प्रचंड मंदी आहे. हजारो उद्योग बंद पडले, लाखो कामगारांवर बेकारीची कुऱ्हाड कोसळली आहे, याला सर्वस्वी मोदी सरकार जबाबदार आहे. विकासदर पाच टक्क्यांपर्यंत खाली आला आहे. हा आकडाही फुगवून सांगण्यात येत असल्याचे अर्थतज्ज्ञांचे मत असून, खरा विकासदर तीन ते साडेतीन टक्केपर्यंत खाली आला आहे. देशाच्या अर्थव्यवस्थेचे कधी नव्हे येवढे नुकसान झाले आहे.

मूठभरांसाठी बुलेट ट्रेन
देशातील रेल्वे सेवा सुधारण्याऐवजी मुठभर लोकांसाठी बुलेट ट्रेनचा घाट घातला जात आहे. बुलेट ट्रेनला माजी रेल्वे मंत्री सुरेश प्रभू यांनी विरोध केल्याने त्यांच्याकडून रेल्वे मंत्रालय काढून घेण्यात आले. जपानी कंपनीला एक लाख कोटी रूपयांचे बुलेट ट्रेनचे टेंडर निविदा न काढताच देण्यात आले आहे. यामध्ये मोठा भ्रष्टाचार झाल्याचा संशय आहे. याची संसदीय अथवा विधीमंडळ स्तरावर चौकशी व्हावी, अशी मागणी काँग्रेसची असूनस ती मान्य झाली नाही तर यासाठी तीव्र आंदोनल करण्यात येणार असल्याचा इशारा दिला.
जय शहाचे व्यवहार संशयास्पद
भाजपाचे अध्यक्ष अमित शहा यांचा मुलगा जय शहा यांच्या कंपनीची आर्थिक उलाढाल वर्षभरात ५० हजारांवरून ८० कोटीवर गेली. ती कंपनी नंतर बंद करण्यात आली. नोटा बंदीच्या काळात या कंपनीच्या माध्यमातून काळा पैसा मोठ्या प्रमाणात पांढरा करण्यात आला आहे. ५१ कोटी रुपये परदेशातून कंपनीच्या खात्यावर आले आहेत. पंतप्रधान मोदी यांनी दोन लाख बोगस कंपन्या असल्याचे जाहीर केले आहे. मग या कंपनीवर काय कारवाई करणार हे जाहीर करावे. तसेच शेतकरी कर्जमाफीत अनेक जाचक अटी ठेवून शेतकऱ्यांना कर्जमाफीपासून वंचित ठेवले जाणार आहे. दीड लाखापर्यंतची अट रद्द करावी आणि सरसकट कर्जमाफी द्यावी, अशी आमची मागणी आहे, असेही चव्हाण म्हणाले.

मोबाइल अॅप डाउनलोड करा आणि राहा अपडेट

खासगी वाहनांनी प्रवाशांना लुटले

October 18, 2017, 2:30 pm

≫ Next: इचलकरंजीत जुगार क्लबवर छापा

≪ Previous: नोटाबंदी, जीएसटीमुळेविकासदर घसरला

$

0

0

म. टा. प्रतिनिधी, कोल्हापूर

एसटी कर्मचाऱ्यांच्या संपाच्या दुसऱ्या दिवशी प्रवाशांचे अतोनात हाल झाले. खासगी वाहतुकदारांनी प्रवाशांची प्रचंड आर्थिक लूट केली. ६० ते ७० रुपये तिकिट असलेल्या ठिकाणी ३५० ते ४०० रुपये आकरणी सुरू केल्याने अनेक ठिकाणी वादावादीचे प्रसंग उभारले.

सोमवारी मध्यरात्रीपासून सुरू झालेल्या संपाची तीव्रता बुधवारी वाढली. मान्यताप्राप्त महाराष्ट्र एसटी कामगार संघटना, एस. टी. वर्कर्स काँग्रेस (इंटक) चे सुमारे साडेपाच हजारांहून अधिक कर्मचारी संपात सहभागी झाले. मध्यवर्ती बसस्थानक, संभाजीनगर आगार आणि रंकाळा स्टॅण्डवरुन दिवसभरात एकही एसटी धावली नाही. कर्नाटक राज्य मार्ग परिवहन महामंडळाच्या एकाही एसटीला आगारात प्रवेश करू दिला नाही. खासगी वाहनांनी स्थानकात प्रवेश करू नये, यासाठी पोलिस, आरटीओ आणि एसटीचे कर्मचारी स्थानकातील इन आणि आउट गेटवर उभे राहिले. बससेवा कोलमडल्याने प्रवाशांचे अतोनात हाल झाले. मध्यवर्ती बसस्थानकाच्या समोरच पहाटे पाच वाजल्यापासून खासगी ट्रॅव्हल्सची रांग लागली. त्यासह दाभोळकर कॉर्नर ते एसटीचे विभागीय कार्यालयासमोर टेम्पो ट्रॅव्हलर्सची रांग लागली. निपाणीसाठी १५०, बेळगावसाठी ५०० रुपये, गडहिंग्लज ३००, आजरा ३५० ते ४०० रुपये अशी दर आकारणी सुरू होती. कोल्हापूर ते पुण्यासाठी एक हजार आणि मुंबईसाठी दोन हजार रुपये दर आकारण्यात आले. रत्नागिरी, सिंधुदूर्ग, गोव्याकडे जाणाऱ्या प्रवाशांना पाच हजार रुपये मोजावे लागले. आठ ते दहा प्रवासी मिळाल्यास दोन हजार रुपयांची सूट देण्याची ऑफरही ट्रॅव्हल्सच्या चालकांनी दिली.

आरटीओ अधिकाऱ्यांसमोरच लूट

प्रादेशिक परिवहन कार्यालयाचे अधिकारी, वाहतूक पोलिसांसमोरच हा प्रकार सुरू राहिला. ट्रॅव्हल्स चालकांना दर आकारणीची अप्रत्यक्षपणे सवलतच मिळाल्याने मनमानी पद्धतीने विविध मार्गावरील दर आकारण्यात आले. पर्यटनासाठी कोल्हापूरहून कोकण, कर्नाटककडे जाणाऱ्या प्रवाशांचे हाल झाले. अनेकांनी पर्यटनाचा बेत रद्द करुन रेल्वे स्टेशनचा मार्ग धरला. पुणे आणि मुंबईसाठी रात्री रेल्वे असल्याने काहींनी रेल्वे स्थानकावर दिवस घालविला. मध्यवर्ती बसस्थानकाच्या आवारात एसटीच्या इन गेटजवळ आरटीओचे एक पथक थांबले. या पथकाने एसटी स्थानकात येणाऱ्या खासगी वाहनांना बंदी केली. आरटीओच्या मोटार वाहन निरीक्षकांनी प्रवाशांना स्थानकासमोर लावलेल्या खासगी वाहनातून प्रवास करण्याचा सल्ला दिला. इन गेटजवळील दुचाकी वाहनांच्या पार्किंगजवळ शहर वाहतूक नियंत्रण शाखेचे अधिकारी आणि कर्मचारी तैनात होते. त्यांनी ट्रॅव्हल्सच्या एजंटाना स्थानकाबाहेर हटकले. दरम्यान मंगळवारी आणि बुधवारी रात्री बसस्थानकात थांबलेल्या प्रवाशांना एसटी कर्मचारी संघटनेने भोजनाची व्यवस्था केली. एसटी स्थानकातील कर्मचारी, कार्यशाळा, यंत्रशाळेतील कर्मचाऱ्यांसह प्रवाशांना भोजन दिले. एसटी कर्मचाऱ्यांच्या माणुसकीच्या भावनेने प्रवासी भारावून गेले.



प्रशासनाचे आवाहन

राज्य सरकारने एसटी कर्मचाऱ्यांचा सुरू असलेला संप नोटीस न देता सुरु केल्याने बेकायदेशीर ठरविला आहे. प्रधान सचिव गृह (वाहतूक) विभागाने राज्यातील सर्व प्रकारच्या खाजगी वाहनांमधून (खाजगी गाड्या, स्कूल बस, प्रायव्हेट बस, जीप, वाहतुकीच्या गाड्या) प्रवाशांना एसटी बस आगारासह अन्य कोणत्याही ठिकाणाहून प्रवाशी वाहतूक करण्यास परवानगी दिली आहे. जिल्ह्यातील सर्व प्रकारच्या खासगी, सार्वजनिक वाहतुकीच्या वाहनांमधून अधिकाधिक प्रवाशांची सोय करावी. एसटी महामंडळाचे विभागीय कार्यालय, उपप्रादेशिक परिवहन अधिकारी यांनी समन्वय ठेऊन प्रवाशांची गैरसोय टाळावी. गरज भासल्यास जिल्हा आपत्ती व्यवस्थापन प्राधिकरणामार्फत जिल्हा आपत्ती व्यवस्थापन कायद्यातंर्गत कार्यवाही करण्यात येणार आहे. प्रवासी सुविधांसाठी सर्वांनी सहकार्य करण्याचे आवाहन जिल्हाधिकारी अविनाश सुभेदार यांनी केले आहे.


राज्य सरकार सर्वसामान्य एसटी कामगारांच्या जीवाशी खेळण्याचा प्रकार करीत आहे. प्राध्यापकांना दोन लाख आणि एसटी कर्मचाऱ्यांना दहा हजार पगार असे विदारक चित्र आहे. सरकार एसटीचे खासगीकरण करीत आहे. त्याला एसटी कर्मचाऱ्यांना पूर्णपणे विरोध आहे. जोपर्यंत मागण्या पूर्ण होत नाहीत, तोपर्यंत लढा सुरुच राहणार आहे.

वसंत पाटील, सचिव, कामगार संघटना

कोणत्याही राजकीय पक्षाचे हे आंदोलन नाही. एसटी स्थानकात प्रवेश केल्यानंतर सर्वच कर्मचारी एसटीचे आहेत. या संपात काहींनी सेवा सुरू करण्याचा प्रयत्न केला. हा लाजीरवाणा प्रकार आहे. हा संप वैयक्तिक मागण्यासाठी नाही. त्यामुळे कोणतीही आडमुठी भूमिका न घेता उत्स्फूर्तपणे सहभागी होण्याची गरज आहे. सरकारकडून समाधानकारक तोडगा अपेक्षित आहे.

आप्पासाहेब साळोखे, महाराष्ट्र एसटी वर्कर्स काँग्रेस (इंटक)



सरकारला सर्वांधिक उत्पन्न मिळवून देणारे एसटी महामंडळ आहे. त्यामध्ये चालक आणि वाहकांचा मोठा वाटा आहे. खासगी वाहतुकीला तोंड देण्यासाठी सार्वजनिक वाहतुकीचे हात बळकट करण्याची गरज आहे. मात्र सरकार खासगीकरणाचा छुपा डाव खेळत आहे. एसटी कर्मचाऱ्यांच्यावर सुरू असलेली पेशवाही कधीही खपवून घेतली जाणार नाही.

किरण कांबळे, महाराष्ट्र मोटार कामगार फेडरेशन,



जिल्हा परिषदेच्या सांगशी येथील शाळेत कार्यरत आहे. मूळ गाव नंदुरबारला जाण्यासाठी बसस्थानकावर सकाळपासून कुटुंबासह थांबलो आहे. मात्र एसटीसह पर्यायी व्यवस्था उपलब्ध नाही. सुरक्षित आणि विश्वासाचा प्रवास म्हणून आयुष्यभर एसटीने प्रवास केला आहे. जोपर्यंत एसटी सुरू होत नाही. तोपर्यंत खासगी वाहनांने प्रवास करणार नाही. किमान कर्नाटक आगाराच्या वाहनांना वाहतुकीची परवानगी द्यावी.

गुलाबसिंग पटेल, प्रवासी, मूळ गाव नंदूरबार



मी शाहुपुरी परिसरात कामाला आहे. बुधवारी सकाळी सात वाजल्यापासून मध्यवर्ती बसस्थानकात एसटीची प्रतीक्षा केली. मात्र अद्याप एसटी सेवा सुरू झालेली नाही. मध्यवर्ती बसस्थानकासमोर सुरू असलेली खासगी पर्यायी व्यवस्था सर्वसामान्य प्रवाशांना परवडणारी नाही. सरकारने प्रवाशांच्या मानसिकतेचा अंत पाहू नये.

रणजित शिंत्रे, प्रवासी, मूळ गाव, सेनापती कापशी

मोबाइल अॅप डाउनलोड करा आणि राहा अपडेट

इचलकरंजीत जुगार क्लबवर छापा

October 18, 2017, 2:30 pm

≫ Next: कोण मागतो म्हणून दर मिळत नाही

≪ Previous: खासगी वाहनांनी प्रवाशांना लुटले

$

0

0

इचलकरंजी -

येथील जवाहरनगर परिसरातील सुर्या जीमच्या हॉलमध्ये सुरु असलेल्या जुगार क्लबवर मंगळवारी मध्यरात्री पोलिसांनी छापा टाकला. यामध्ये दोन लाखांच्या रोकडसह जुगाराचे साहित्य व १७ मोटारसायकली मिळून सव्वासात लाखाचा मुद्देमाल हस्तगत करण्यात आला. तर ३४ जणांना अटक करण्यात आली आहे. या छाप्याने शहरात मोठ्या प्रमाणात जुगार क्लब सुरु असल्याचे उघड झाले आहे. या प्रकरणी शिवाजीनगर पोलिस ठाण्यात नोंद झाली आहे. दरम्यान, याठिकाणी अनेक बडी धेंडे खेळण्यासाठी जमली होती. पण त्यांना यातून अलगदपणे बाजूला काढण्यात आल्याची चर्चा आहे.

पोलिस उपअधिक्षक विनायक नरळे हे पथकासह मंगळवारी रात्रीच सुमारास गस्तीवर असताना जवाहरनगर परिसरात जुगार क्लब सुरु असल्याची माहिती खबऱ्याकडून मिळाली. याबाबत शिवाजीनगर पोलिस ठाण्यात माहिती देऊन घटनास्थळी बोलविले. जवाहरनगर परिसरातील सुर्या जीमच्या तळमजल्यावर असलेल्या हॉलमध्ये तीनपानी जुगार खेळला जात असल्याने त्याठिकाणी छापा मारला. यावेळी या हॉलमध्ये सात ठिकाणी प्रत्येकी सहा जण आणि एका ठिकाणी चारजण असे ४६ जण जुगार खेळत असल्याचे निदर्शनास आले. याठिकाणी खेळणाऱ्यासाठी मद्यासह जेवणाची व्यवस्था करण्यात आल्याचेही दिसून आले.

याठिकाणी इचलकरंजीसह कबनूर परिसरातील व नजीकच्या सीमाभागातील अनेकजण जुगार खेळण्यासाठी आले होते. यामध्ये रोहन चौगुले, राजगोंडा मसरगुप्पे, अजित सुतार, संदीप मेटकुल्ले, सुरेश शेटके, प्रमोद सणगर, दगडू बेनके, संजय डिंगणे, प्रशांत डोंगरे, प्रकाश बदी, प्रशांत डोंगरे, अशोक सणगर, शुभम मगदूम, अर्जुन कोणकोरी, सखाराम तिराळे, सतिश सावंत, प्रदीप दळवी, विद्याधर बुगडीकट्टी, प्रकाश नलवाडे, जालंदर सुतार, संदीप साळोखे, सतिश फडतरे, युनूस पाथरवट, राजू रेवडे, संतोष मोळेकर, सत्याप्पा वडर, अमर भिंगार्डे, प्रकाश महिद, भिमराव कोरवी, राजेंद्र तळकर, नजरुद्दीन दस्तगीर महालिंगपुरे, सागर कांबळे, संतोष कोरवी, अजय पाटील यांचा समावेश आहे.

छापा पडल्याचे समजात जुगार खेळणाऱ्यांमध्ये चांगलीच खळबळ माजली. अनेकांनी तेथून पलायन केले तर ३४ जण पोलिसांच्या हाती लागले. या छाप्यात एक लाख ९४ हजार ८०० रुपयांची रोख रक्कम,१७ मोटारसायकली व जुगाराचे साहित्य असा तब्बल सात लाख २९ हजार ८०० रुपयांचा मुद्देमाल हस्तगत करण्यात आला.

मोबाइल अॅप डाउनलोड करा आणि राहा अपडेट

कोण मागतो म्हणून दर मिळत नाही

October 18, 2017, 2:30 pm

≫ Next: विनाअट वेतनश्रेणी द्या

≪ Previous: इचलकरंजीत जुगार क्लबवर छापा

$

0

0

म. टा. प्रतिनिधी, कोल्हापूर

‘कोणी मागेल तेवढा उसाला दर द्यायचा म्हटले, तर कारखान्यांचे काय होईल? हे सर्वांनाच माहीत आहे. ऊसदर कोणी मागतो, म्हणून नव्हे, तर साखरेचा बाजारातील भावावर मिळतो,’ अशी टीका स्वाभिमानी शेतकरी संघटनेचे नेते खासदार राजू शेट्टी यांच्यावर केली. देशाला आवश्यक असलेले साखर उत्पादन होणार असल्याने एफआरपी वाढवली असून उसदराबाबत चर्चा करण्यासाठी कारखानदार, शेतकरी संघटना प्रतिनिधींची बैठक घेण्याची मागणी सहकारमंत्री सुभाष देशमुख यांच्याकडे ‘रयत’ ने केली असून दिवाळीला कर्जमाफी देवून सरकारने शब्द पाळला असल्याचे माहिती कृषी व पणन राज्यमंत्री सदाभाऊ खोत यांनी पत्रकार परिषदेत दिली.

कर्जमाफी प्रमाणपत्र वितरण समारंभात ते कोल्हापुरात आल्यानंतर त्यांनी पत्रकारांशी संवाद साधला. जयसिंगपूर येथे होणाऱ्या ऊस परिषदेचा संदर्भ घेत मंत्री खोत म्हणाले, ‘चांगले पाऊसमान आणि उसाचे पीक चांगले असल्याने देशाला आवश्यक आहे, तेवढे साखरेचे उत्पादन होणार आहे. त्यामुळे सुरू होणाऱ्या गळीत हंगामातील १२ टक्के उताऱ्यासाठी प्रतिटन ३२२० रुपये दर निश्चित केला आहे. त्यामुळे कोण मागतो म्हणून नव्हे, तर साखरेचा बाजारातील भावावर दर मिळणार आहे. गेल्या काही दिवसांपासून साखरेला चांगला भाव असल्याने हा दर किफायतशीर आहे. राज्यातील गळीत हंगामाला एक नोव्हेंबरपासून सुरुवात होणार आहे. त्यापुर्वी ऊसदरांबाबत तोडगा काढण्यासाठी सहकारमंत्री देशमुख यांच्याकडे बैठक घेण्याची मागणी केली आहे. ऊसदरांबाबत तोडग न निघाल्यास रयत संघटना रस्त्यावर संघर्ष करण्यास तयार असल्याचेही त्यांनी सांगितले.

‘ज्या कारखान्यांनी अंतिम बिल दिलेले नाहीत, त्यांना गाळप परवाना देणार नसल्याचा इशारा देत मंत्री खोत म्हणाले, ‘राज्य सरकारने दिवाळीपर्यंत कर्जमाफीची रक्कम बँक खात्यावर वर्ग करण्याचा शब्द पाळला आहे. सरसकट दीड लाखांपर्यंतचे कर्ज माफ होत असताना सुकाणू समिती मात्र विरोध करत आहे. कर्जमाफीवर टीका करणाऱ्या सुकाणू समितीतील काही सदस्यांची इतर राज्यात सत्ता आहे, त्यांनी तीथे कर्जमाफी द्यावी मगच येथे शहाणपण शिकवावे, असा इशारा देत सुकाणू समिती म्हणजे सुकलेली समिती असल्याचा घणाघात मंत्री खोत यांनी केला.

‘शेतकरी कर्जबाजारी होऊ नये यासाठी प्रयत्नशील’

शेतकरी पुन्हा कर्जबाजारी होऊ नये यासाठी सरकार प्रयत्नशील आहे. गतवेळच्या कर्जमाफीत राहिलेल्या त्रुटी लक्षात घेवून छत्रपती शिवाजी महाराज शेतकरी सन्मान योजनेत कोणत्याही त्रुटी राहू नयेत यासाठी दक्षता घेतली. सरसकट दीड लाखापर्यंतचे कर्जमाफ करून शेतकऱ्याला सन्मानित करण्याचा सरकारचा निर्णय ऐतिहासिक आहे. शेतकरी पुन्हा कर्जबाजारी होवू नये यासाठी, शासन विविध योजना राबवत असून जलयुक्त शिवार अभियान, थेट भाजीपाला विक्री, सोयाबीन, कापूस खरेदी केंद्रांच्या माध्यमातून शेतकऱ्यांना सक्षम बनवले जात आहे. ऑनलाईन अर्ज व त्यांची छाननी, याद्या तयार करुन नियमित कर्जदारांच्या खात्यावरही लवकरच प्रोत्साहन रक्कम जमा करण्यात येईल, असे खोत कर्जमाफी प्रमाणपत्र वितरणानंतर बोलत होते.

मोबाइल अॅप डाउनलोड करा आणि राहा अपडेट

---

विनाअट वेतनश्रेणी द्या

October 18, 2017, 2:30 pm

≫ Next: २३ ऑक्टोबरला ‘अभंगरंग’ मैफल

≪ Previous: कोण मागतो म्हणून दर मिळत नाही

$

0

0

म. टा. प्रतिनिधी, कोल्हापूर

सेवेची २४ वर्षे पूर्ण करणाऱ्या शिक्षकांना विनाअट वेतनश्रेणी देण्यासोबत अन्य मागण्यांबाबत राज्य सरकारने कनिष्ठ महाविद्यालयीन शिक्षक महासंघाबरोबर चर्चेद्वारे घेतलेल्या निर्णयाची अंमलबजावणी येत्या ३१ ऑक्टोबरअखेर न केल्यास आंदोलन तीव्र करण्याचा इशारा आंदोलनाद्वारे देण्यात आला आहे. ऐन दिवाळीदिवशी कोल्हापूर विभागीय संघातर्फे शिक्षण उपसंचालक कार्यालयासमोर बुधवारी धरणे आंदोलन करण्यात आले. मागण्यांबाबत अंमलबजावणीसाठी ऑक्टोबरची डेडलाइन देत असून कार्यवाही न झाल्यास आंदोलनाची तीव्रता वाढवण्यात येईल असे विभागीय अध्यक्ष प्रा. पी. एन. औताडे व सचिव प्रा. अविनाश तळेकर यांनी जाहीर केले.

सेवानिवृत्ती व अन्य कारणाने मे २०१२ पासून रिक्त झालेल्या पायाभूत पदावर विद्यार्थी हितासाठी भरती केलेल्या शिक्षकांच्या मान्यता लांबवण्यासाठी राज्य सरकार प्रयत्न करत आहे. रिक्त पदावरील भरती करण्यासाठी जाहीरात देण्यास शिक्षण उपसंचालक कार्यालय परवानगी देत नसल्याचा संघाचा आरोप आहे. यामुळे शिक्षकांच्या भरतीप्रक्रियेत अडथळा येत आहे. सरकारमान्य वाढीव पदावरील शिक्षकांच्या दुसऱ्या टप्प्यात मान्यता होऊन एक वर्ष उलटले तरीही वेतनाची तरतूद अद्याप करण्यात आलेली नाही. जे शिक्षक अर्धवेळ पदाचे वेतन घेत होते त्यांचेही वेतन सध्या बंद आहे. कायम विनाअनुदानित कनिष्ठ महाविद्यालयीन शिक्षकांना मान्यता देऊन त्यांचे वेतन एप्रिल २०१४ पासून देण्याचे आदेश सरकारने जाहीर करूनही अद्याप वेतन मिळालेले नाही. मूल्यांकन झालेल्या शाळांची यादी शिक्षकांच्या नामावलीसह जाहीर करण्यासाठी विलंब लावला जात आहे. हे शिक्षक गेली १५ वर्षे विनावेतन काम करत आहेत. शिक्षकांना जुन्या कायद्यानुसार पेन्शन सुरू करावी याबाबत आजतागायत केवळ चर्चा सुरू आहे. या सर्व मागण्यांबाबत महासंघाच्या शिष्टमंडळाशी झालेल्या चर्चेनुसार घेण्यात आलेल्या निर्णयाची अंमलबजावणी होणे आवश्यक आहे. त्यासाठी ऑक्टोबरअखेर निर्णय न झाल्यास आंदोलन तीव्र केले जाईल, असे या धरणे आंदोलनात सहभागी झालेल्या शिक्षकांनी जाहीर केले.

या आंदोलनात एन. बी. चव्हाण, बी. बी. पाटील, ए. बी. उरुणकर, एस. आर. पाटील, आर. पी. टोपले, अमरसिंह ​शेळके, विजय मेटकरी, एस. आय. मोरे यांच्यासह संघाचे सदस्य उपस्थित होते.

मोबाइल अॅप डाउनलोड करा आणि राहा अपडेट

२३ ऑक्टोबरला ‘अभंगरंग’ मैफल

October 18, 2017, 2:30 pm

≫ Next: दिवाळीने कुटुंबाला आधार

≪ Previous: विनाअट वेतनश्रेणी द्या

$

0

0

कोल्हापूर टाइम्स टीम

दिवाळीनंतरही मंगलमय वातावरणाची अनुभूती ‘महाराष्ट्र टाइम्स’ च्या मटा कल्चर क्लबच्यावतीने आयोजित केलेल्या ‘अभंगरंग’ या कार्यक्रमाच्या माध्यमातून कलारसिकांना मिळणार आहे. सोमवारी (ता. २३) आयोजित केलेल्या या भक्तीरसाच्या मैफलीची मेजवानीच मिळणार आहे. केशवराव भोसले नाट्यगृहात सायंकाळी सात वाजता मैफलीला सुरुवात होणार आहे. या कार्यक्रमासाठी ‘श्री ट्रॅव्हल्स’ हे प्रायोजक आहेत.

कोल्हापूरवासियांसाठी ‘महाराष्ट्र टाइम्स’ ने सातत्याने विविध सांस्कृतिक कार्यक्रमांची मेजवानी सादर केली आहे. कल्चर क्लबच्यावतीने या कार्यक्रमांबरोबर विविध वयोगटांसाठी सातत्याने विविध उपक्रमही आयोजित केले जातात. आठवडा दिवाळीच्या वातावरणाने भारुन टाकणारा असल्याने त्याचा मनमुराद आनंद लुटल्यानंतर ‘अभंगरंग’ सारख्या मैफलीचे आयोजन केले आहे.

राजा परांजपे प्रॉडक्शनच्या ‘अभंगरंग’ या कार्यक्रमातून अभंग, भक्तीगीतांची मेजवाणीच कोल्हापुरातील दर्दी ​रसिकांना मिळणार आहे. संजीव मेहंदळे, ऋषिकेश बडवे, संपदा थिटे यांच्या सुरांमधून आनंदाची अनुभूती मिळणार असून प्रशांत पांडव, दीप्ती कुलकर्णी,प्रसाद भांडवलकर, नंदकुमार भांडवलकर यांचा वाद्यवृंद तल्लीन करून टाकणार आहे. या साऱ्या कार्यक्रमाचे सूत्रसंचलन श्रेयस बडवे यांच्याकडे असून त्यांच्या निवेदनातून दिल्या जाणाऱ्या पूरक माहितीच्या आधारे ही मैफल उत्तरोत्तर रंगण्याची मजा मिळणार आहे.

या मैफलीसाठी ‘मटा कल्चर क्लब’ सदस्यांनी महाराष्ट्र टाइम्स, गुलमोहर रेसिडन्सी, नागाळा पार्क येथून तिकीट घेऊन जायचे आहेत. खास दिवाळीनिमित्त कोल्हापूरकरांसाठी ‘महाराष्ट्र टाइम्स’ ‘कल्चर क्लब’चे सभासदत्व अवघ्या १९९ रुपयांमध्ये मिळणार आहे. याच सोबत ‘अभंगरंग’ या कार्यक्रमाची दोन तिकिटे मोफत मिळणार आहेत. अधिक माहितीसाठी ९७६७८९०६२६ या क्रमांकावर संपर्क साधावा.

कल्चर क्लबचे सभासद होण्यासाठी बीसीसीएलच्या नावाने केवळ १९९ रुपयांच्या चेक घेऊन यावा लागणार आहे. नागाळा पार्कमधील ‘महाराष्ट्र टाइम्स’ च्या कार्यालयात नोंदणी करावी लागणार आहे.

मोबाइल अॅप डाउनलोड करा आणि राहा अपडेट

दिवाळीने कुटुंबाला आधार

October 18, 2017, 2:30 pm

≫ Next: ट्रकच्या धडकेत दोघेजण ठार

≪ Previous: २३ ऑक्टोबरला ‘अभंगरंग’ मैफल

$

0

0

कोल्हापूर टाइम्स टीम

दिवाळीच्या सणात अंगणात पणत्यांची रांग लागते तेव्हा अंगण उजळून जाते. अंधारावर प्रकाशाने मात करणाऱ्या दिवाळीत प्रत्येकाच्या घरात तेजाची आराधना केली जाते. एक तरी पणती लावली जाते. कितीही अंधार असला तरी एका पणतीच्या उजेडात प्रकाशाचा किरण पाहण्याची ऊर्मी देणारी दिवाळीही अनेकांनी आपल्या कष्टाने तेजोमय केली आहे. गरिबी, जेमतेम परिस्थितीसारख्या अंधारावर कष्टाने मात करत तरूणाई दिवाळीत स्वकमाईचे समाधान मिळवत आहे.

कुणी पारंपरिक व्यवसाय सांभाळत दिवाळीची सुटी सत्कारणी लावत आहे तर कुणी दिवाळीची सुटी साधत छोटे व्यवसाय करून आर्थिक हातभार लावत आहे.

महाद्वार रोड म्हटलं की खुला मॉल वाटावा ​इतक्या हरतऱ्हेच्या वस्तू विक्रीसाठी येथे मांडल्या जातात. पणत्यांपासून रांगोळ्यांपर्यंत आणि आकाशदिव्यांपासून सजावटीच्या साहित्यांपर्यंत. या विक्रेत्यांच्या गर्दीत काही तरूण मुलं, मुली लक्ष वेधून घेतात. कॉलेजचे शिक्षण घेत असलेली ही मुलं दिवाळीच्या बाजारपेठेत आठ दिवस विक्रेते बनतात आणि त्यातून आर्थिक कमाईही करतात. कुणी आपल्या पुढच्या शैक्षणिक सत्राच्या खर्चाची सोय करतात, तर कुणी या कमाईतून दिवाळीची खरेदी कुटुंबीयांसाठी करतात.

दीपक सोनवणे गेल्या पाच वर्षापासून घरी कागदी आकाशकंदील बनवून विकतो. साकोली कॉर्नर येथे राहणारा आणि शाहू कॉलेजमध्ये शिक्षण घेत असलेल्या दीपकला आकाशकंदील बनवण्याची आवड शालेय वयातच लागली. गणपती विसर्जनाच्या दुसऱ्या दिवसापासूनच दीपक आकाशदिवे बनवण्याची तयारी करतो. छोट्या आकारातील कागदाचे आकाशकंदील पॅकिंग करून तो बिनखांबी गणेश मंदिर ते पापाची तिकटी या परिसरात फिरून विक्री करतो. दिवाळीच्या पंधरवड्यात या व्यवसायातून त्याला दहा हजार रूपयांची कमाई होते. या कमाईतूनच तो काही पैसे शिक्षणासाठी ठेवतो तर उर्वरित पैशातून आई आणि बहिणीला साडी घेतो. अशाप्रकारे अनेक ठिकाणी तरुणाई उत्सवातून स्वत:च्या उज्ज्वल भवितव्यासाठी प्रयत्न करताना दिसून येत आहे.


कौटुंबिक खर्चासाठी तरतूद

सूरज वैदू हा मूळचा बेळगावचा. पण आता बऱ्याच वर्षापासून कोल्हापुरात स्थायिक आहे. बीएसडब्ल्यूचे शिक्षण घेणाऱ्या सूरजला समाजकार्याचीही आवड आहे. महाद्वार चौकात रंगीत रांगोळ्यांच्या राशी मांडणारा २२ वर्षाचा सूरज गेल्या तीन वर्षापासून दिवाळीत रांगोळी विक्री करून कुटुंबाला हातभार लावतो. गणेशोत्सवाची चाहूल लागली की सूरज होलसेल रांगोळी विकत घेतो. त्यापासून रंगीत रांगोळी तयार करतो. ती चांगली वाळवली जाते. दिवाळीसाठी रांगोळ्यांची पॅकेट बनवण्याचे कामही तो करतो. रांगोळी विक्रीतून दिवाळीच्या आठ दिवसात त्याला बारा ते पंधरा हजार रूपये मिळतात. त्यातून तो कॉलेजचा खर्च आणि कौटुंबिक खर्च भागवतो.

फळविक्रीतून शिक्षणाचा खर्च

दिवाळीच्या निमित्ताने लक्ष्मीपूजन, पाडवा यादिवशी फळांना मोठी मागणी असते. हीच संधी ओळखून ​अजित कांबळे या तरूणाने फळविक्रीचा व्यवसाय सुरू केला. नवरात्र काळापासूनच अजित फळविक्रीला दरवर्षी सुरूवात करतो. त्यासाठी फळबाजारातून होलसेल फळ खरेदी करून ती किरकोळ विकली जातात. ताराबाई रोड, जोतिबा रोड या परिसरात अजित फळविक्री करून दिवाळीच्या काळात आठ ते दहा हजार रूपयांची कमाई करतो. दिवाळीची खरेदी असो किंवा स्वत:च्या शिक्षणाचा खर्च, याच फळविक्रीच्या कमाईतून करताना त्याला खूप आनंद होतो.

मोबाइल अॅप डाउनलोड करा आणि राहा अपडेट

ट्रकच्या धडकेत दोघेजण ठार

October 18, 2017, 2:30 pm

≫ Next: ज्येष्ठ चित्रकार जे. बी. सुतार यांचे निधन

≪ Previous: दिवाळीने कुटुंबाला आधार

$

0

0

कागल

कागल मुरगूड राज्यमार्गावर गॅसच्या टाक्या वाहून नेणारा ट्रक व मोटारसायकल यांच्यात समोरासमोर झालेल्या धडकेत बामणी (ता. कागल) येथील दोघेजण ठार झाले. तर दोघेजण गंभीर जखमी झाले. दाजीबा सदाशिव पाटील (वय ४१) व पांडूरंग दत्तू पाटील (वय ३०, दोघेही रा. बामणी) अशी मृतांची नावे आहेत. अनंत रोटोजवळ नवरत्न धाब्यासमोर सकाळी सव्वासातच्या सुमारास हा अपघात झाला. या घटनेची नोंद कागल पोलिसांत झाली आहे. एसटी महामंडळाच्या कर्मचाऱ्यांचा संप आणि रस्त्यावरील खड्ड्यांमुळे ऐन दिवाळीत दोघाजणांच्या मृत्यूने दोन कुटुंबे उघड्यावर पडली.

याबाबत घटनास्थळावरून समजलेली माहिती अशी, ट्रक क्रमांक एमएच ०९ के ४०२७ हा गॅस टाक्या वाहून नेणारा ट्रक कागलकडून मुरगूडकडे जात होता. तर दाजीबा पाटील व पांडूरंग पाटील हे गोकुळ शिरगाव एमआयडीसीत कामाला जात होते. या दोघांचेही एसटीचे पास होते, परंतु एसटी कर्मचाऱ्यांच्या संपामुळे बुधवारी त्यांनी दुचाकीवरून जाण्याचा निर्णय घेतला. त्यानुसार ते दुचाकीवरून कामाला निघाले. त्यांची दुचाकी अनंत रोटोजवळ आली असता समोरून येणाऱ्या ट्रकने रस्त्यातील मोठा खड्डा चुकविण्यासाठी ट्रक उजवीकडे वळविला मात्र अचानक समोर आलेली दुचाकी पाहून ट्रकचालक बाळासो काळे याने जोरात ब्रेक लावला. दरम्यान, दाट धुक्यामुळे दुचाकीस्वारांनासुद्धा काय घडत आहे हे कळायच्या आत त्यांची दुचाकी ट्रकवर जावून आदळली .अचानक ब्रेक लावल्याने ट्रक जाग्यावरच पलटी झाला .ट्रकमधील गॅस भरलेल्या टाक्या रस्त्यावर विखरून पडल्या. याचवेळी पहिल्या धडकलेल्या गाडीच्या पाठीमागे असलेली दुसरी दुचाकी पलटी झालेल्या ट्रकखाली सापडली . दुचाकीस्वार विष्णू आनंदा घराळ (रा सिद्धनेर्ली) हे बाजूला फेकले गेले. मात्र त्यांचा पाय ट्रकमध्ये अडकल्यामुळे गंभीर दुखापत झाली .तर ट्रकमध्ये बसलेल्या प्रवाशांपैकी संगीता पाटील या देखील जखमी झाल्या. मृत दाजीबा पाटील यांच्या पश्चात आई, वडील,पत्नी,दोन मुले आणि भाऊ तर पांडूरंग पाटील यांच्या पश्चात आई, भाऊ, पत्नी आणि दोन मुले असा परिवार आहे.

मोबाइल अॅप डाउनलोड करा आणि राहा अपडेट

ज्येष्ठ चित्रकार जे. बी. सुतार यांचे निधन

October 18, 2017, 2:30 pm

≫ Next: फटाके विक्रीला ‘फटका’

≪ Previous: ट्रकच्या धडकेत दोघेजण ठार

$

0

0

म. टा. प्रतिनिधी, कोल्हापूर

कोल्हापूरच्या अभिजात चित्रशैलीतील नामवंत आणि व्यक्तीचित्रावर प्रभुत्व असलेले ज्येष्ठ चित्रकार जनार्दन तथा जे. बी. सुतार (वय ६६) यांचे अल्पशा आजाराने मंगळवारी (ता. १७) निधन झाले. त्यांच्या पश्चात युवाचित्रकार धीरज सुतार, पत्नी, सून आणि नातवंडे असा परिवार आहे. रक्षाविसर्जन रविवारी(ता. २२) पंचगंगा स्मशानभूमी येथे सकाळी नऊ वाजता आहे.
गेल्या एक महिन्यापासून त्यांना पोटविकाराचा त्रास सुरू होता. मात्र मंगळवारी रात्री साडेअकरा वाजता उपचार सुरू असतानाच त्यांची प्राणज्योत मालवली. रात्री एक वाजता पंचगंगा स्मशानभूमी येथे त्यांच्यावर अंत्यसंस्कार करण्यात आले. यावेळी चित्रकला क्षेत्रातील विविध मान्यवर, विद्यार्थी यांनी त्यांना श्रद्धांजली वाहिली. दरम्यान वयाच्या बाराव्या वर्षापासून जे. बी. सुतार यांनी हातात कुंचला धरला. वास्तववादी चित्रशैलीपासून त्यांची कलाकारी सुरू झाली. चित्रकलेमध्ये त्यांचा व्यक्तीचित्र रेखाटनावर विशेष हातखंडा होता. आजवर त्यांनी राजकीय, सामा​जिक, शैक्षणिक, साहित्यिक क्षेत्रातील मान्यवरांसह प्रसिद्ध कलाकारांची व्यक्तीचित्रे रेखाटली आहेत. यामध्ये बाळासाहेब ठाकरे, मोहन वाघ, डॉ. डी. वाय. पाटील, भीमराव महाडिक यांचा समावेश आहे. व्यावसायिक चित्रकारीता हा सुतार यांचा प्रांत होता. सुतार यांनी रेखाटलेले छत्रपती शिवाजी महाराजांचे चित्र विशेष लोकप्रिय आहे. कोल्हापूरच्या अभिजात​ चित्रकला परंपरेतील एक ज्येष्ठ कलावंत हरपला अशा शब्दात त्यांना आदरांजली वाहण्यात आली.

मोबाइल अॅप डाउनलोड करा आणि राहा अपडेट

फटाके विक्रीला ‘फटका’

October 18, 2017, 2:30 pm

≫ Next: नेत्यांच्या लढाईत मतदारच भारी

≪ Previous: ज्येष्ठ चित्रकार जे. बी. सुतार यांचे निधन

$

0

0

म. टा. प्रतिनिधी, कोल्हापूर

फटाक्यांमुळे वाढणाऱ्या प्रदूषणाबाबत नागरिकांमध्ये होत असलेली जागृती, फटाक्यांचे वाढलेले दर तसेच रहिवास क्षेत्रात फटाके विक्रीला घालण्यात आलेली बंदी या साऱ्यांमुळे दिवाळीत फटाके खरेदी करण्याचा कल थोडा कमी झाल्याचे जाणवत आहे. त्यामुळे दिवाळीच्या पहिल्या दिवशी फटाक्यांचा आवाज ऐकण्यास कमी मिळाला.

घराघरांसमोर वाजवण्यात येणाऱ्या फटाक्यांच्या माळांपासून विविध प्रकारच्या फटाक्यांचा धूर मोठ्या प्रमाणात होतो. त्याचा त्रास नागरिक सहन करत होते. त्याबाबत सातत्याने विविध माध्यमातून केल्या गेलेल्या जनजागृतीमुळे नागरिकांमध्ये सध्या फटाक्यांपासून होणारे प्रदूषण रोखता येते याची जाणीव निर्माण झाली. फटाके वाजवून होणारे प्रदूषण रोखण्यासाठी विद्यार्थ्यांना फटाके वाजविण्यापेक्षा इतर प्रकारांनी दिवाळी साजरी करता येत असल्याचे शाळांमधून पटवून दिले जात होत.

यामुळे बहुतांश विद्यार्थ्यांची फटाके वाजविण्याची मानसिकताही ​कमी झाल्याचे जाणवत आहे. तशातच गेल्यावर्षीपेक्षा यंदा फटाक्यांच्या दरात वाढ झाल्याने सर्व प्रकारातील प्रत्येकी एक छोटे बॉक्स ​खरेदी केले, तर त्याची किंमत हजार रुपयांच्यावर जाते. अशा दरवाढीमुळे अनेक सामान्य घरांमधून फटाक्यांवर पैसे खर्च करण्याचे प्रमाणही कमी झाले आहे.

विविध स्टॉलवर खरेदीसाठी येणाऱ्या नागरिकांकडून केल्या जाणाऱ्या खरेदीवरून विक्रेत्यांनी हा अंदाज लावला आहे. एका बाजूला प्रदूषण, दरवाढ असताना दुसरीकडे रहिवाशी विभागात फटाके विक्री करण्यास बंदी घातल्याने ठिकठिकाणी उभे केले जाणारे स्टॉल दिसत नाहीत. परिणामी सहजासहजी फटाके मिळत नसल्यानेही खरेदीचे प्रमाण कमी झाल्याचे जाणवत आहे.

दिवाळीच्या पहिल्या​ दिवशी नवीन कपडे परिधान करून पहाटेपासून मोठ्या प्रमाणावर फटाके वाजवले जात होते. यंदा या साऱ्या प्रकारांमुळे दिवाळीचा पहिला दिवस असूनही फटाक्यांचे आवाज कमी ऐकण्यास मिळाले. पहाटेपासून तसेच सायंकाळीही अधूनमधून फटाके वाजत होते; पण त्याचे प्रमाण खूप कमी जाणवत होते. गुरुवारी लक्ष्मीपूजनानंतर तर पाडव्याला वहीपूजनानंतर फटाके वाजवले जाण्याची शक्यता आहे;

पण हे प्रमाण पूर्वीपेक्षा कमी असेल, असेच वाटते.

मोबाइल अॅप डाउनलोड करा आणि राहा अपडेट

नेत्यांच्या लढाईत मतदारच भारी

October 18, 2017, 2:30 pm

≫ Next: दुसऱ्या दिवशीही प्रवाशांचे प्रचंड हाल

≪ Previous: फटाके विक्रीला ‘फटका’

$

0

0

Gurubal.mali@timesgroup.com

tweet@:gurubalmaliMT

कोल्हापूर : जिल्ह्यात गेल्या नऊ वर्षांपासून सुरू असलेल्या माजी आमदार महादेवराव महाडिक व आमदार सतेज पाटील यांच्या राजकीय कुस्तीत मतदार एकाच्या गळ्यात विजयाची माळ घालताना दुसऱ्याला चितपट करत आहेत. दोघांनाही यशाच्या शिखरावर पोहचवातानाच काही वेळा त्यांना जमिनीवर आणण्याचे काम आजवरच्या निवडणुकीत झाले आहे. जिंकल्याचा आनंद साजरा करत असतानाच काही महिन्यातच दुसऱ्या निवडणुकीत मतदारांनी दिलेल्या धक्क्याने नेत्यांना विचार करायला भाग पाडला आहे.

एकेकाळी महापालिकाच नव्हे तर जिल्ह्यातील अनेक संस्थावर महाडिक व पाटील यांची सत्ता होती. पण महापालिका निवडणुकीच्या राजकारणात दोघांत वितुष्ट आल्यानंतर प्रथम पाटील यांनी आमदार हसन मुश्रीफ यांना सोबत घेत महाडिकांना महापालिकेच्या राजकारणातून बाहेर काढले. कधी मुश्रीफ, कधी मंडलिक, कधी आवाडे तर कधी कोरे यांची मदत घेत पाटील यांनी महाडिक यांना अनेक ठिकाणी शह दिला. यामुळे महाडिक यांनी देखील पी. एन. पाटील, पालकमंत्री चंद्रकांत पाटील यांना सोबत घेत आमदार पाटील अनेक​ ठिकाणी रोखले. विधानसपरिषद निवडणुकीत हे दोघे थेट एकमेकांना भिडले. या अतिशय प्रतिष्ठेच्या लढाईत पाटील यांनी मैदान मारले. नऊ वर्षांत झालेल्या आठ ते दहा निवडणुकीत मतदारांनी सतत कौल बदलत ठेवला. यामुळे सत्तेचा सारीपाट सतत बदलत गेला. कार्यकर्त्यांना कधी ‘अजिंक्यतारा’ वर तर कधी महाडिकांना शिरोलीत गुलाल उधळण्याची संधी दिली. जिल्हा परिषदेत अध्यक्षपदाची माळ पडल्यानंतर सहा महिन्यांतच शिरोली आणि दक्षिणेत विरोधी कौल देत महाडिकांना मतदारांनी जमिनीवर आणले.

महाडिक आणि पाटील यांच्यातील वैरत्वानंतर पहिली लढाई झाली ती दक्षिण विधानसभेची. सतेज आ​णि धनंजय महाडिक यांच्यातील या कुस्तीत सतेज विजयी झाले. त्यानंतर महापालिकेत सागर चव्हाण यांना महापौर करून महाडिकांना शह दिला. या दोन विजयानंतर गोकुळ आणि राजाराम कारखान्याच्या निवडणुकीत सतेज यांची घौडदौड महाडिकांनी थांबवली. नगरसेवक जयंत पाटील यांच्या खांद्यावर बंदूक ठेवून ​लढलेली विधानपरिषद निवडणूक देखील पाटील यांना रोखणारीच ठरली. पण काही महिन्यातच राज्याच्या मंत्र‌िमंडळात समावेश होण्यासाठी या दोघांत चुरस निर्माण झाली. तेथे पाटील यांनी बाजी मारली आणि वैरत्व जोरात सुरू झाले. त्यानंतर या दोघातील वैरत्व कमी करण्याचा प्रयत्न आमदार हसन मुश्रीफ यांनी लोकसभा निवडणुकीत केला. त्यासाठी पाटील यांनी मदतीचा हात पुढे केला. पण सहा महिन्यातच दक्षिणेत पुन्हा नव्याने रणांगण तयार झाले. या रणांगणात महाडिक यांनी बाजी मारली.

विधानसभेच्या विजयाचा आनंद महाडिक यांना फार काळ साजरा करता आला नाही. सतेज यांनी जिद्दीने महाडिकांना आस्मान दाखवले. या पराभवाने महाडिक यांनी जोरात तयारी करत पुढे गोकुळ आणि राजाराम कारखान्यावरील सत्ता कायम ठेवली. तरीही गोकुळमध्ये पाटील यांनी मारलेली मजल त्यांना विचार करायला लावणारी होती. भाजपला ताकद देत महापालिका व जिल्हा परिषद ताब्यात घेण्याचा प्रयत्न केला. पण महापालिकेत यश आले नाही. जिल्हा परिषदेत सत्तेचे गणित जमवत सून शौमिका यांना अध्यक्षपदी विराजमान करून अमल यांना अध्यक्ष होऊ न दिल्याचा वचपा काढला. कोल्हापूरच्या या संघर्षाचे पडसाद सोलापूर जिल्ह्यातील भीमा कारखान्यात देखील उमटले. सतेज यांनी तेथे जावून प्रचाराचा नारळ फोडला.

अगदी अलिकडेच म्हणजे जिल्हा परिषद निवडणुकीत दक्षिणमध्ये भाजपला कौल देणाऱ्या मतदारांनी ग्रामपंचायत निवडणुकीत मात्र महाडिक गटाला नाकारले. प्रतिष्ठेच्या पाचगाव, उचगाव आणि शिरोलीत सतेज यांचा रथ सुसाट धावला. आगामी विधानसभा निवडणुकीची दिशा स्पष्ट करणारा निकाल म्हणून याची चर्चा होऊ लागली आहे. आता या दोन गटात वर्षभर कोणती निवडणूक नाही. लोकसभेपर्यंत या गटातील संघर्ष शांत राहण्याची शक्यता आहे. मात्र त्यानंतर पुन्हा एकदा महाडिक पाटील यांच्यातील संघर्ष पेटण्याची चिन्हे आहेत.

महाडिक यांच्या बाजूने कौल

गोकुळ व राजाराम कारखाना (दोन वेळा विजय )

दक्षिण मतदारसंघातून अमल महाडिक झाले आमदार (२०१४)

जिल्हा परिषदेचे अध्यक्षपद शौमिका महाडिक यांच्याकडे

दक्षिण मतदार संघातील जिल्हा परिषद भाजपकडे

विधानपरिषद निवडणुकीत महादेवराव महाडिक विजयी (२०१०)



आमदार सतेज पाटील यांना दिला येथे कौल

विधानसभा निवडणुकीत सतेज पाटील विजयी (२००९)

विधानपरिषद निवडणुकीत सतेज पाटील यांची सरशी (२०१६)

महापालिकेवर दोन वेळा सतेज पाटील गटाचा झेंडा

सतेज पाटील गटाचे अनेक महापौर

महाडिक यांच्याऐवजी सतेज पाटील यांच्या गळ्यात मंत्र‌िपद

मोबाइल अॅप डाउनलोड करा आणि राहा अपडेट

---

दुसऱ्या दिवशीही प्रवाशांचे प्रचंड हाल

October 18, 2017, 2:30 pm

≫ Next: सात-बारा कोरा होण्यास सुरुवात

≪ Previous: नेत्यांच्या लढाईत मतदारच भारी

$

0

0

म. टा. प्रतिनिधी, कोल्हापूर

एसटी कर्मचारी संपाच्या दुसऱ्या दिवशीही प्रवाशांचे प्रचंड हाल झाले. मध्यवर्ती बसस्थानकात कर्मचाऱ्यांनी बैठक घेऊन सरकारविरोधात घोषणा दिल्या. जिल्ह्यातील बारा आगारांतून एकही एसटी धावली नाही. संभाजीनगर आगारात बस सुरू करण्याचा प्रयत्न कर्मचाऱ्यांनी हाणून पाडला. मध्यवर्ती बसस्थानक, रंकाळा आणि संभाजीनगर बसस्थानकात पोलिस आणि आरटीओच्या विशेष पथकाने कडक पहारा ठेवला. सीबीएससमोर खासगी वाहनांची रांग लागली होती. तर कर्नाटकच्या बसही कोल्हापूर आगाराकडे फिरकल्या नाहीत. कोकणासह अन्य ठिकाणी जाण्यासाठी कोणतीही पर्यायी व्यवस्था नसल्याने प्रवासी बसस्थानक परिसरात खासगी वाहनंच्या शोधात फिरत असल्याचे दिसू येत होते. दरम्यान, सरकारने संपातील कर्मचाऱ्यांविरोधात काढलेल्या परिपत्रकाची गुरुवारी (ता. १९) सकाळी अकरा वाजता होळी करण्यात येणार आहे.

बुधवारी दिवसभर कर्मचाऱ्यांनी आगारात बैठक घेऊन निषेधाच्या घोषणा दिल्या. बाहेरगावाहून आलेल्या प्रवाशांची गर्दी पहाटे पाच वाजल्यापासूनच मध्यवर्ती बसस्थानकाबाहेर झाली. येथे खासगी ट्रॅव्हल्सची रांग लागली. बसस्थानकातून बाहेर पडणाऱ्या प्रवाशांकडे ट्रॅव्हल्स एजंटांनी चौकशी केली. एजंटाना बसस्थानकाच्या आवारात येण्यास पोलिस, आरटीओच्या पथकाने मनाई केली. मंगळवारी रात्री, पहाटे आलेले प्रवासी स्थानकातच थांबून राहिले. अनेकदा प्रवासी आणि पोलिसांतही बसस्थानकात वाद झाला. बसस्थानक प्रमुखांचे कार्यालयाही बंद होते. एसटी कर्मचाऱ्यांनी बसस्थानकातील कँटीन बंद केल्याने प्रवाशांची अडचण झाली. एसटी बंद असल्याचा फायदा रेल्वेला झाला. कोल्हापुरात दररोज रेल्वेला साडेतीन लाखांचा फायदा होतो. मंगळवारी कोल्हापुरात ७ लाख ६० हजार आणि मिरजमध्ये १० लाख ४२ हजार २७३ रुपयांचा फायदा रेल्वे प्रशासनाला झाला. कोल्हापूरहन दिवस-रात्र धावणाऱ्या आठही रेल्वे हाउसफुल झाल्या. केएमटीलाही दोन दिवसांत पाच लाखांहून अधिक नफा झाला. रिक्षाही दिवसभर हाउसफुल धावल्या.

००

मिठाचा खडा टाकू नये... आमदार पाटील

आमदार सतेज पाटील यांनी दुपारी दोन वाजता मध्यवर्ती बसस्थानकात आंदोलनकर्त्यांची भेट घेतली. या वेळी राज्य सरकार एसटीचे खासगीकरणाचा डाव रचला आहे. शिवशाही हा खासगीकरणाचा एक भाग आहे, असा आरोप संघटनेच्या कार्यकर्त्यांनी केला. मुख्यमंत्री देवेंद्र फडणवीस आणि परिवहन मंत्री दिवाकर रावते यांच्या विरोधात घोषणा दिल्या. या आमदार सतेज पाटील म्हणाले, प्रवासी आणि एसटी कर्मचाऱ्यांचे वर्षानुवर्षे जिव्हाळ्याचे सबंध आहे. या चांगल्या संबधांत प्रवासी एसटी कर्मचाऱ्यांना मारतील, असे बोलून कोणीही मीठाचा खडा टाकू नये. एसटीचे आंदोलन काँग्रेसचे नसून सर्वसामान्य एसटी कर्मचाऱ्यांनी हक्कासाठी पुकारलेले आहे.

मोबाइल अॅप डाउनलोड करा आणि राहा अपडेट

सात-बारा कोरा होण्यास सुरुवात

October 18, 2017, 2:30 pm

≫ Next: तलवार हल्यात नागावचे सहा जखमी

≪ Previous: दुसऱ्या दिवशीही प्रवाशांचे प्रचंड हाल

$

0

0

म. टा. प्रतिनिधी, कोल्हापूर

राज्य सरकारने जाहीर केलेल्या छत्रपती शिवाजी महाराज कृषी कर्जमाफी सन्मान योजनेंतर्गत बुधवारी (ता. १८) दिवाळीच्या मुहूर्तावर कर्जमाफी प्रमाणपत्राचे वितरण करण्यात आले. जिल्हाधिकारी कार्यालयातील ताराराणी सभागृहात जिल्ह्यातील २५ प्रातिनिधीक शेतकऱ्यांना कृषी व पणन राज्यमंत्री सदाभाऊ खोत यांच्या हस्ते कर्जमाफी प्रमाणपत्रांचे वितरण करण्यात आले. जिल्हाधिकारी अविनाश सुभेदार यांच्या उपस्थितीत कार्यक्रम झाला.

राज्यातील शेतकऱ्यांच्या संपानंतर सरकारने २८ जून रोजी कर्जमाफीची घोषणा केली. मात्र, त्यानंतर सरकारने लावलेल्या विविध निकषांमुळे कर्जमाफी वादाच्या भोवऱ्यात सापडली होती. दिवाळीपूर्वी शेतकऱ्यांच्या बँक खात्यावर कर्जमाफीची रक्कम जमा होईल, असे मुख्यमंत्र्यांनी जाहीर केले होते. पण बँकाकडून कर्जदारांच्या प्राप्त झालेल्या याद्या, त्यांचे लेखापरीक्षण आणि याद्या अपलोड करणे यासाठी बराच कालावधी गेल्याने दिवाळीपूर्वी कर्जमाफीची शक्यता धूसर बनली होती.

यामधून मार्ग काढण्यासाठी राज्य सरकारने प्रातिनिधीक स्वरुपात दीड लाखांपर्यंत थकबाकीदार असलेल्या शेतकऱ्यांना दिवाळी दिवशी प्रमाणपत्र देण्याचे जाहीर केले होते. त्यानुसार जिल्ह्यातील प्रत्येक तालुक्यातील दोन याप्रमाणे २५ शेतकऱ्यांची नावे निश्चित करण्यात आली. या सर्व शेतकऱ्यांना दोन दिवसांपूर्वीच प्रमाणपत्र वितरण समारंभास उपस्थित राहण्याचे पत्र पाठवण्यात आले होते. दुपारी बारा वाजता मंत्रालयातील कर्जमाफी प्रमाणपत्र वितरण कार्यक्रमाचे थेट प्रक्षेपण झाल्यानंतर जिल्ह्यातील शेतकऱ्यांना कृषी राज्यमंत्री सदाभाऊ खोत यांच्याहस्ते कर्जमाफीचे प्रमाणपत्र व साडी-चोळी आणि पेहराव देवून सन्मानित केले. गडहिंग्लज येथील शामराव शिवाप्पा घेज्जी यांना सपत्नीक प्रमाणपत्र सुपूर्द करण्यात आले. बुधवारी प्रातिनिधीक स्वरुपात प्रमाणपत्र वितरणानंतर उर्वरीत अर्जदारांची छाननी करून टप्प्याटप्याने कर्जमाफी प्रमाणपत्र देण्यात येणार आहे. १५ नोव्हेंबरपर्यंत कर्जमाफी प्रमाणपत्रांचे वाटप करण्यात येणार आहे.

कर्जमाफीचा उल्लेखच नाही

दरम्यान, चंदगड येथील संतान डुमिंग फर्नांडिस यांच्या कर्जमाफी प्रमाणपत्रावर किती रक्कमेची कर्जमाफी झाली याचा उल्लेख नसल्याने एकच गोंधळ उडाळा. सहकार विभाग आणि बँकेच्या अधिकाऱ्यांना हा प्रकार लक्षात आणून दिल्यानंतर त्यामध्ये तत्काळ दुरुस्ती करून फर्नांडिस यांना नवे प्रमाणपत्र देण्यात आले.



दृष्टिक्षेपात कर्जमाफी

ऑनलाइन अर्ज - २,७०,५९०

जिल्हा बँकेतील थकबाकीदार - ५३,२६२

थकबाकीची रक्कम - २२३ कोटी १७ लाख

राष्ट्रीयीकृत व ग्रामीण बँका - ५४, ७२९

थकबाकी रक्कम - ६५ कोटी १३ लाख

जिल्ह्यातील सेवा संस्था - १८४७

याद्या अपलोड - २,५२,९७०

मोबाइल अॅप डाउनलोड करा आणि राहा अपडेट

तलवार हल्यात नागावचे सहा जखमी

October 18, 2017, 2:30 pm

≫ Next: नेत्यांनी गड राखले पण...

≪ Previous: सात-बारा कोरा होण्यास सुरुवात

$

0

0

म. टा. प्रतिनिधी, कोल्हापूर

ग्रामपंचायत निवडणुकीत पराभव झाल्याच्या रागातून नागाव येथे झालेल्या तलवार, काठ्यांच्या हल्यात सहाजण जखमी झाले. याप्रकरणी आठ जणांविरुद्ध गुन्हा दाखल झाला. महेश भीमराव सावंत, भिकाजी शामराव सावंत, शुभम केरबा सावंत, ऋतिक अनिल सावंत, ऋतुराज दगडू सावंत, निखिल भाऊसाहेब नागावकर, सूदर्शन रंगराव सावंत, भीमराव शंकर सावंत (रा. सर्व : नागाव, ता. हातकणंगले) अशी गुन्हा दाखल झालेल्याची नावे आहेत. तलवार, काठ्यांनी मारहाण केल्याचा यांच्यावर आरोप आहे.

दरम्यान, हल्यात अमोल पोवार, शुभम पोवार, संभाजी पोवार, संगीता पोवार, सश्मिता पोवार, प्रियांका पोवार (रा. माळवाडी, नागाव, ता. हातकणंगले) अशी जखमींची नावे आहेत. बुधवारी सकाळी ११ च्या सुमारास ही घटना घडली. पोलिसांनी सांगितले, की ग्रामपंचायत निवडणुकीत शुभम पोवार पाटील पॅनेलचे कार्यकर्ते आहेत. त्यांनी पाटील पॅनेलचा प्रचार करून प्रभाग क्रमांक उमदेवारास निवडून आणले.

विरोधातील नागाव विकास आघाडीच्या उमेदवारास पराभूत झाले. त्याचा राग मनात धरुन आठ जणांनी हातात तलवारी, काठ्या घेऊन शुभमच्या घरी गेले. दारासमोर थांबून ‘तुला आता संपवतोच’ अशी धमकी दिली. शुभमवर चाकूने, चुलत भाऊ अमोलवर तलवारीने हल्ला केला. त्यांच्या मदतीला आलेल्यांनाही लाथा, बुक्यांनी मारहाणी केली. त्यामध्ये सहाजण जखमी झाले. शुभम पोवार यांच्या ‌फिर्यादीवरून शिरोली एमआयडीसी पोलिस ठाण्यात आठ जणांव‌िरूद्ध गुन्हा दाखल केला.

मोबाइल अॅप डाउनलोड करा आणि राहा अपडेट

नेत्यांनी गड राखले पण...

October 18, 2017, 2:30 pm

≫ Next: दीपोत्सव पर्वाचे तेज उजळले

≪ Previous: तलवार हल्यात नागावचे सहा जखमी

$

0

0

कोल्हापूर

जिल्ह्यातील ग्रामपंचायत निवडणुकीत माजी आमदार महादेवराव महाडिक, जिल्हा मध्यवर्ती सहकारी बॅकेचे उपाध्यक्ष अप्पी पाटील वगळता इतर प्रमुख नेत्यांनी आपापल्या गावातील सत्ता मिळवण्यात यश मिळविले. मात्र भाजप, शिवसेनेच्या प्रवेशामुळे नेत्यांच्या बालेकिल्यात राजकीय पडझड झाल्याचेही स्पष्ट झाले. पहिल्यांदाच थेट जनतेतून सरपंच निवड झाल्याने प्रचंड चुरस निर्माण झाली होती. त्यामुळे सर्वच पक्ष, नेत्यांनी राजकीय ताकद पणाला लावली. परंतु, ग्रामीण मतदारांनी चाणाक्षपणे उमेदवारांची निवड केली. अनेक ठिकाणी घराणेशाही, दलबदलूंना घरचा रस्ता दाखविला गेला.

जिल्हा पातळीवरील विविध संस्थांत काम करताना आपल्या गावातील ग्रामपंचायत ताब्यात असणे महत्वाचे मानले जाते. सर्वच आमदार, खासदार, जिल्हा परिषद, पंचायत समितीचे पदाधिकारी होमपीचवरील सत्ता ताब्यात ठेवण्यासाठी धडपडत असतात. आमदार सत्यजित पाटील, माजी आमदार के. पी. पाटील, राष्ट्रवादीचे जिल्हा अध्यक्ष ए. वाय. पाटील, गोकुळचे संचालक अरूण डोंगळे, गडहिंग्लज साखर कारखान्याचे माजी अध्यक्ष डॉ. प्रकाश शहापूरकर, माजी खासदार निव‌ेदिता माने यांनी आपल्या गावातील सत्ता राखली. माने गटाने रूकडी ग्रामपंचायतींमध्ये वर्चस्व ठेवले. के.पी. पाटील यांनी मुदाळ ग्रामपंचायतीत १२ पैकी ११ जागांवर यश मिळवले. डॉ. शहापूरकर यांनी कौलगे ग्रामपंचायतीची सत्ता पुन्हा ताब्यात घेतली.

माजी आमदार संजय घाटगे यांच्या गटाने आपल्या व्हन्याळी ग्रामपंचायतीमध्ये ९ पैकी ८ जागा जिंकल्या. आमदार सत्यजित पाटील यांनी सरूड ग्रामपंचायतीमध्ये एकतर्फी सत्ता काबीज करीत विरोधकांना चांगलीच धूळ चारली. ए.वाय. पाटील यांनी सोळांकूर ग्रामपंचायतमध्ये ९ पैकी ८ जागा मिळवल्या. आमदार संध्यादेवी कुपेकर यांनी शेतकरी कामगार पक्षाचा बालेकिल्ला समजल्या जाणाऱ्या नेसरी ग्रामपंचायतमध्ये भाजपच्या मदतीने यश मिळवले. जिल्हा प‌रिषदेचे माजी अध्यक्ष उमेश आपटे यांनी अतिशय कौशल्याने प्रचार यंत्रणा राबवून ‘गोकुळ’चे संचालक रविंद्र आपटे गटाचा धुव्वा उडवला. त्यांनी सरपंचपदासह ग्रामपंचायतीची सत्ता मिळवली. करवीरचे आमदार चंद्रदीप नरके यांनी कसबा बोरगावात तर गोकुळचे संचालक अरूण डोंगळे यांनी घोटवडे, जिल्हा परिषदेचे माजी उपाध्यक्ष हिंदूराव चौगुले यांनी ठिपकुर्ली ग्रामपंचायतीची सत्ता अबाधित ठेवली.

अनेक वर्षांपासून पुलाची शिरोली ग्रामपंचायतीवर महाडिक गटाची सत्ता होती. घरातच माजी आमदार, विद्यमान आमदार, जिल्हा परिषद अध्यक्षपद असल्याने यावेळी गावची सत्ता मिळवणे सोपे होते. मात्र शशिकांत खवरे यांच्या आघाडीला महाडिक विरोधकांनी साथ दिली. आमदार सतेज पाटील यांनी नियोजनबध्द फिल्डिंग लावली. त्यामुळे महाडिक यांना स्वतःच्या गावातच राजकीय दणका सहन करावा लागला. अप्पी पाटील यांच्या महागावातही त्यांना सत्ता मिळवण्यात अपयश आले. त्यांच्या आघाडीचा पराभव झाला. गोकुळचे संचालक बाळासाहेब खाडे यांच्या सांगरूळ ग्रामपंचातीमध्ये सरपंचपदाचे उमदेवार पराभूत झाले. शिवाय विरोधकांनी १७ पैकी १३ जागा जिंकून संचालक खाडे यांना पराभवाची धूळ चारली.

चौकट

उमेश आपटेंचा दे धक्का

उत्तूर जिल्हा परिषद मतदारसंघात जिल्हा परिषद निवडणुकीपासून उमेश आपटे आणि ‘गोकुळ’चे ज्येष्ठ संचालक रवींद्र आपटे यांच्यात राजकीय स्पर्धा सुरू आहे. जिल्हा परिषदेला काहीही करून उमेश आपटे यांना चितपट करण्यासाठी सर्व विरोधकांना एकत्र केलेले रवींद्र आपटे यांना सलग तिसऱ्यांदा अपयश आले. कारखाना निवडणूक आणि त्यानंतर ग्रामपंचायत निवडणुकीत विजय मिळवत उमेश आपटे यांनी रवींद्र आपटे यांना धूळ चारली. ग्रामपंचायत निवडणुकीत सर्व विरोधकांना एकत्र आणून आघाडी केली खरी मात्र, जनता उमेश आपटे यांच्यासोबत असल्याचे दाखवून‌ दिले.

मोबाइल अॅप डाउनलोड करा आणि राहा अपडेट

दीपोत्सव पर्वाचे तेज उजळले

October 18, 2017, 2:33 pm

≫ Next: सांगलीत पोलीस निरीक्षकाची आत्महत्या

≪ Previous: नेत्यांनी गड राखले पण...

$

0

0

म. टा. प्रतिनिधी, कोल्हापूर

अंधाराला भेदून प्रकाशाचा उत्सव साजरा करणारे दीपोत्सव पर्व बुधवारी पहाटे खुले झाले आणि त्यानंतर अवघे शहर तेजोमय बनले. तेजाची आराधना, मांगल्याची उधळण आ​णि वि​विध धार्मिक व सांस्कृतिक विधी करत घराघरांत साजऱ्या झालेल्या दिवाळीने सदिच्छांचे दीप उजळले. अभ्यंगस्नानाचे पावित्र्य, स्नेहाचा ओलावा, रांगोळीची पायघडी, पणत्यांच्या ओळी, आकाशदिव्यांची आरास, फराळाचा खमंग सुवास आ​णि नव्या कपड्यांची नवलाई अशा वातावरणात नरकचतुर्दशीचा दिवस आपुलकीच्या रंगात रंगून गेला.

वसुबारसपासून सुरू झालेल्या दिवाळी सणाची रंगत वाढली ती बुधवारच्या मुख्य दिवसाने. नवीन कपडे घालून दिवाळीचा आनंद लुटण्यात लहान मुलांचा उत्साह ओसंडून वाहत होता. सायंकाळी सहानंतर पुन्हा नेत्रदीपक रोषणाईने आसमंत उजळला. करवीर निवासिनी अंबाबाईच्या दर्शनासाठी भाविकांनी गर्दी केली. बुधवारची पहाट उगवली ती पणत्यांच्या केशरी प्रकाशात. घराघराच्या गच्चीतील, अंगणातील आकाशदिवे उजळले. सडामार्जन करून दारांत रांगोळीत रंग भरत महिलांनी दिवाळीचे पारंपरिक स्वागत केले. तेल उटण्याने अभ्यंगस्नानाचा दरवळ पसरला. लहान मुलांपासून ते मोठ्यांपर्यंत दिवाळीच्या उत्साहालाही तेज आले. औक्षण झाल्यानंतर घराघरांत एकत्र बसून फराळाचा आस्वाद घेण्यात आला.

पाडवा तयारीलाही वेग

पाडव्यादिवशी होणाऱ्या वहीपूजनासाठी वही खरेदीसाठी दुकानांत गर्दी झाली होती. वर्षभरातील व्यापाराचा लेखाजोखा पूर्ण करून नवीन हिशेबवह्या आणून त्यांचे पूजन करण्याचा प्रघात आहे. त्यातच शहरातील अनेक बाजारपेठांमध्ये वर्षाची हिशेब वही याच दिवशी पूर्ण केली जाते. गोदामाचे मालक, कारखानदार, अडत दुकानदार, होलसेल व रिटेल व्यापारी यांच्यासह शहरातील सर्वच छोट्या-मोठ्या व्यावसायिकांनी पूजनासाठी हिशेब वह्या तसेच चोपड्या खरेदी केल्या. त्यामुळे शहरातील वह्या खरेदीसाठी स्टेशनरी दुकानांमध्ये गर्दी झाली होती. व्यापारीवर्ग दिवाळीनंतर सुरू होणाऱ्या आपल्या आर्थिक वर्षासाठी नव्या हिशेबांच्या वह्यांची पूजा करतात. दुकान, घरांमध्ये पाडव्यानिमित्त वहीपूजनावेळी आरती, मंत्रोच्चार केला जातो. पाडव्या‌निमित्त वहीपूजनासाठी बाजारात पूजेच्या साहित्य खरेदी करण्यासाठी गर्दी झाली होती. पाडव्याच्या मुहूर्तावर व्यापारीवर्गाने वहीपूजन करण्यासाठी मोठी लगबग सुरू होती.

बेंडबत्ताशांमध्येही उलाढाल

लक्ष्मीपूजनासाठी महत्त्व असलेले बेंडबत्तासे खरेदी करण्यासाठीही बुधवारी गर्दी झाली. ​चुरमुरे आणि बेंडबत्तासे यासह पूजेच्या साहित्याचा पुडा, फळे यांना मागणी असल्यामुळे उलाढाल वाढली आहे. लक्ष्मी व कुबेर यंत्राच्या प्रतिमा, फोटोफ्रेम खरेदीसाठी पापाची तिकटीसह प्रमुख बाजारपेठांत गर्दी वाढली होती.


झेंडूबाजार बहरला

लक्ष्मीपूजनासाठी बाजारपेठेत मोठ्या प्रमाणात झेंडूच्या फुलांची आवक झाली आहे. यामध्ये केशरी व पिवळा झेंडू असून, फुलांच्या दर्जानुसार दर निश्चित केले आहेत. ३० रुपयांपासून ६० रुपयांपर्यंत झेंडू फुलांचा भाव आहे. खास लक्ष्मीपूजनासाठी झेंडूच्या तयार माळा व तोरणेही विक्रीसाठी असल्यामुळे ग्राहकांच्या गरजेनुसार फूलमार्केट बहरले आहे. खास दिवाळीसाठी जयसिंगपूरसह शिरोळ भागातील गावांमधून झेंडू फुले बाजारात दाखल झाली आहेत.

मोबाइल अॅप डाउनलोड करा आणि राहा अपडेट